IL CAROLE DENTRO CHAPTER 18 TO 20

IL CAROLE DENTRO CHAPTER 18

KATE.......


In ka thlen chuan Max chu alo la haw lo hlauh a, ka thaw huai mai, shower ka hmang zuaih a doctor in indím deuh tûra min tih avângin, khumah chuan ka mu hahchawl vang vang a, ka dul chu ka chûl vang vang a, Ashton fa anih kha ka ring a, mahse a engpawh chu lo ni ta ang se túnah chuan Max nen kan innei tawh a, chúng thu chu ka lo ngaihtuah buai ve vak vak tawh tûl ka ti lo, Max hi ka pasal anih tawh angin naute rawn piang tur pawh hi a fa ani.


Ka tho chhuak a, ka eitur chu awlsam thei ang ber turin ka insiam mawlh mawlh a, Max rawn haw chu ka lo nghâk ta vang vang a.


Zíngah chuan ka tho chhuak a, Max breakfast tûr chu ka siam sak mawlh mawlh a, ani chu bathroom aṭanga rawn chhuakin, min rawn fâwp zauh a, "Vawiin chu marketah ka kal dawn nia, mamawh kan ngah tawh lutuk." A bula ṭhut ve pah chuan ka ti a, toast a butter tah mawlh mawlh pah chuan, "I thei ang maw? Chhuakvâk vak lo ka ka duh asin!"


"Max chuti ringawt chuan i ti thei lovang, tûnah chuan ka zia awm tawh lutuk, chuan hetin inah min khung chawrh chawrh tur pawh i ni lo." Ka tihkhum ve nghat a, diktak chuan nimina ka kalna te kha hre ngat se zawng, átthlâk takin ache duh mai in ka ring, flight ah chuang lo mah ila train ala awm tho a lawm. Ka nuih deuh sak a.


"Engvânga nui nge i nih a? Enteh Kate kan naute hi ṭha takin piang se ka duh ani ."


"Max ka hrethiam a lawm, mahse Market chu ka kal ngéi angâi ang, ka lo indîm viau ang." Ka thil eina plate chu silturah ka dah nghâl a, Max pawh chu thochhuak ve nghâlin, "Vawiin chu ka rawn haw tlâi leh pek ang, min lo nghâk duh suh, lo muhil mai ang che, chahbi ka kawl ve tho kha." duhthawh zet a ka hmûia fawh pah chuan a ti a, min thlah hnu chuan a chhuak ta a.


Market ka va thleng chu inchhûng mamawh ho thlâi rah leh thil dang dang chawhmeh chu ka lei a, mamawh kan ngah tawh bawk nén ka thil khâi chu arit tawh phian mai, kilkhatah chuan ka thil khâi chu ka dah a, Holly chu ka call a, "Hol niminah khán kan inhluiah ka va kal a, ka nu chu alo insawn chhuak tawh a, chutiang bawk in inpawh a hralh tawh."


"Oh Kate ava lungchhiat thlâk ém, i nu chuan chuti ang thil ém ém chu a tih duh ka ring lo asin, mahse tuarthiam hrâm hrâm rawh."


"Chuan tunu aneih dawn pawh hi ahrelo ang chu ti raw?"


"Aw hrelo, amahlo chu laina hnâi tumah ka nei bawk silo." Ka ti leh sap a.


"Chuan.... anih engtia tih nge i tum deuh?" Thâwk ala ri ve hak thâwm chu ka hria a, ani pawh chu ati buai ve takzet chuan ka hria.


"Tûnah hi chuan ka hre mai rih lo!" Tiin ka chhâng a.


"Chuan Hol thil pakhat, Switzerland aṭangin Ashton kha a rawn kír leh tawh a, athu rawn sawi avângin nikhaw hrelo in ka tlûk phah nghe nghe bawk a, hospitalah ka awm deuh rén râwn a, mahse tûnah chuan ka ṭha...."


"Kate engvαngin nge min rawn hrilh ve loh, i ṭhianṭha ka nih hi hre reng ta che, Chuan Ashton chuan chutiang chuan a rawn ti ngam che a maw? Max in ahria em? Ashton chuan engthu nge a rawn sawi réng réng a?" A thinrim hmél khér mai.


"Ny a arawn kîr leh thu leh kan pahniha awmdun a duh thu min rawn hrilh maw le!"

"A ti fiam te ani ém lo maw? Mai mai chuan a, khati ang mi kha chu ka ngaithei dér lo ania, a rawn tihder che anih kha, athusawi ho kha engah mah ngaisak duh suh Kate, engti ang chiahin nge akalsan che a a thlauhthlâk che tih kha ngaihtuah ve ang che, Max bulah khân i hlim ber ang tih kha ring ringawt mai rawh." A ti hlak hlak a.


"Ni e, kha chu ka thlentir thei lo ang."

"Kha pa kha i hringnun a i thiltihsual lian tak ani tih kha pawm hmak bawk ang che."


"Holly mahse ka fanu pa hi lo ni ta ang se?"


"Oh chu pawh nirawh se, i thinlung ti kehsawm tu ani tih kha hre ve ta hrep che, ka hmu anih chuan vawikhat chu a ringruh kha ka ṭhuaitliah sak duh mai ang." Thinrim zet hian a rawn ti leh a.


"Hol mahse Ashton hian Max hi hlâuthâwngin a siam ang tih hi ka hlâu ani." Ka ti leh sep a.


RYAN.....

Kate nén kan inhmuh aṭanga nihnih hnu lawk chuan hna lampang avângin, New york kalna hun remchâng ka nei ta hlauh mai a, mahse Kate chu engtin nge ka zawn chhuah ang? Â ka in ti tak zet, engvαnga a phone number chu lo díl theinghilh nge maw ka nih chu le? Tûnah chuan ka tân han hmuh leh ngaihna a awm tawh lo.


Thei hi ka ei nasa a, ka thlen ni la la chuan marketah kalin thei eitur chu lei ka tum a, ahmun ka va thlen chuan ka thei eitur tam vak lo khâi chung a ka chhuak leh tur chiah chu vânneihthlâk zet hian Kate in phone a lo be mawlh mawlh lâi chu ka  hmu fuh ta tlat, hlim zet hian ka pan phei nghâl a, abul lawkah chuan bag lian tâwk tak mai khat ṭan a inbeng puar luah chu ka hmu bawk a, amah pui tûr a zawng mék ang a, chuvânga phone hmang chu anih hi ka ring ber.


A bul ka va thlen chuan min la hmu hauh lo, a phone biak lâi chauh chu angaihtuah a,"Hi Kate!" Ka lam chu a rawn hawi a, "Hol nakinah ka rawn beleh dawn che nia." Ti a phone chu cut in hmél hlim sârh hian min rawn en ve a.

"Hi Ryan!" Ani pawh chuan ka hming chu alo la theihnghilh bík hauh lo.

"Kan inhmu leh mai hi amak ngawt mai ti raw?" Anui var var a, a biang chu a tâi ték zui nén aduhawm tak zet.


"Hringnun hi thil âwihawm loh zet zetin a khat anih ber mai hi ti raw?" Ka nuih lét ve suk a.


"Ni ngawt mai!" tih pah chuan a bag chu khâi tum hian a kûn a,"Oh my God, engvâng a khatiang bag rittak te nangmah a buaipui nge maw i nih chu le?" Mak ka tih zia pawh ka mitmengah chuan a hmu ngéi ang.


A rawn hawi chho hâ a, "Ka pasal hi ahna ah a buai thei lutuk a," a nui leh sen sen a.


"Khawi min lo pe rawh!" A bag khâi rit zet chu ka la nghâl vat a.

Inthiam lo deuh tak chung hian, "I tih khér angâi lo a sin!" A ti sap a.


"Oh, come on, i laka ka tih ve theih chhun tlèm te a nih hi." Ka nuih ruh ruh a.


KATE ......

Ryan nen a kan han inhmu leh phut mai chu mak ka ti ve ngéi mai, ka bag khâi tum chu mi rawn lâk sakin a khâi ta nawlh a, ahmélah chuan rit ti âwm pawhin alang lo.


Mahse chuti ang a puih ngâi a ka han awn chu hrehawm ka ti kher mai, ahnungah chuan zâwi miang hian ka zui ve dat dat a, thildangin ka rilru a luahkhah ém avâng chuan kan kalma pawh chu ka lo ngaihtuah tawg lo, Ryan in a bag khâi nghat a, "Lo ṭhu ve phawt teh!" A tih chuan ka harhchhuak hlawl mai.


"He hmunah hian engvânga min hruai nge i nih?" Ti a ka zawh chuan, a nui chhuak hawk a, "He hmun hi a reh nuam a nia." Ti chauhin min chhâng a.


Thâwk lâk rîk hawk pah chuan, "Jahana thih hnua New york ka kal châng a piang hian he hmun hi ka tlawh ziah ṭhin! "Chuvâng chuan nang pawh he hmun hian a puih ve ngéi che ka ring!" A ti leh sup a.


A thusawi chu rawn chhunzawm lehin, "Kha tia kan pahnih a kan ti ti zawh hnu khân ti hian ka ngaihtuah a, i pa thihna hi i la pawm thei lo ani ti in...."

A chhan chu ala dam tlat avângin a lawm, tiin ka rilru chuan chhαnna ka lo pe a.

Lungchhe zet hian ka ṭap chhuak ta a.

"Oh Kate!" tiin min rawn kuah a.

Mahse ka nam kiang vat, "Pawi ka ti lutuk, khatia awm tûr kha ka nilo asin, min hrethiam rawh, "tiin ka bag chu ka la a, Ryan chu ka kalsan ta daih a, min rawn âu zui leh a chu engtin mah ka chhâng lo, ka hawi lét leh tawh lo bawk.


Ka car awmna lam chu ka bag khâi nén chuan ka pan hlawk hlawk a, a rih lam pawh ka ngaihven thei tawh lo.

Kan flat ka va thleng chu Max a lo awm reng tawh, "Khawiah nge i kal?" Min ngaihtuah hmél zet chuan a lo ti a.

"Oh Max ka hrilh lâwk tawh che kha, market kal kan ngâi tiin!" Ka chhawhmeh lei ho chu ka phawrh chhuak a, ka dahfel nghâl mawlh mawlh a.


"Vawi sawm chuang ka rawn call tawh che a, i chhâng thei silo a, ka ngaihtuah hman lutuk che a sin." Tiin thâwk chu ala hrawih a.


"Tihpalh, bag ka khâi bawk si a." Inthiamlo tak chuan ka ti ve sap a.

"Chuan i rawn haw tlâi dawn hna i ngah i ti si a?"

"A dik !" A hmél chu a ngui khér mai .

"Max eng thil nge ni a?"

"I doctor in min rawn call a...."


"Chuan....?" Hetiang hi ka nghâk thei ṭhin lo.


"Katie kan fa ah hian thil diklo a awm ati anih chu!"

Ka phuzawk , "Oh my God!" Ka hmûi chu ka kut chuan ka hup a, ka mengbial kawl kawl a.

"Chu chu engthil nge?" Hlâuthâwng zet hian ka ti hlap hlap a.

"Nikhawhrelo a i tlû kha a ṭha lo tak zet zet."  Max chu ka khawngaih khér mai, engtin nge ni ta a ang?


"Chuan!" Ka hre ngam ang em?

"He kan fa hi a damchhuaklo mai thei!" A ti ta a.


Ka mittui chu a far zawih zawih a, kha leh chen kha ka lo pái ve tawh a, engtin nge hei hi a nih theih? Amah avângin hreawm nasa tak tuarin ka lo pumpelh tawh a, ka nu min huatna zawng zawng te, Ashton min thlauhthlâk na te nén lamin, chuan kan fa hi mihring a kan inchan loh chuan Engtin nge ni ang, Max pawh a rilru tûr chu ka dâwn thiam pui vek, kan nupa a kan hlim zia túr kan lo suangtuah lâwk te kha tûnah chuan boruaka thâmral mai thei dinhmunah a ding ta chu ania, kei ngéi pawh hi engtin nge ka awm ang, tawrh har ka va ti tak ém.


 Zawhna tam tak leh ngaihtuahna chi hrang hrang chu alo lût zut zut a, beidawng zet hian ka ṭap chhuak ta a. "Max i fiamthu ti raw? Kan fanu hi kan chân thei lovang, a theih loh, doctor chuan a hresual hlauh aniang, tluangtakin fa kan nei dawn ti raw? Mawh min han hrilh teh! Ṭha takin he kan fanu hi alo piang dawn tiin,"ka ṭap zawih zawih a, Max chu a mengsen rûm a, ngâwireng hian min rawn kuah a, "Kitten theih chu ni se he kan fanu lo piang tur hi chhan nân ka theihna zawng zawng âia sâng pawhin ka bei tur ania."


"Nilo, Max he thil hi a thleng lovang tiin min hrilh hrâm rawh!" Ka rilru chu a na vawng vawng a, ka lungngaihna leh beidawnna chu thinrimna ah inthlákin mawh puh tûr ka zawng a, ka thaw a ipik tak zet.


"He kan fa hi a thi theilo ang, ṭha takin alo piang chhuak ngéi ang," ti a ṭap chung a âu tuarh tuarh pah chuan room lam ka pan a, beidawng zetin khumah chuan ka ṭhu thla hnawk a chhuak ém ém hian ka ṭap leh ta hlawp hlawp a, chutiang chuan engtia rei nge ka awm tawh pawh ka hre lo, ka inṭap chau zo vek tawh.


Max pawh arilru ana ve viau aniang areh hmak, min rawn tibuai hauh lo.

Ka doctor thu rawn sawi chuan min déngna khér mai.

Room kawngkhâr chu zawte hisn arawn inhawng a, Holly hmél chu a rawn lang a, "Max in min rawn call a, chuan ka lo kal vat anih hi!" A rawn ti lût dai a.


"Kate engthil nge thleng a?"


A lam chu hawiin, ṭap chung hian,"Nikhaw hrelo a ka tlûkna kha a pawi tak zet zet, khami vâng khân kan naute chuan a thih phah thei tiin doctorin a sawi a." Ka insút chunzawm leh hlap hlap a. Ka ṭah nasat luat avâng chuan ka aw te pawh a thâm châl tawh mai.


"Oh, no, mahse damdawi ṭhenkhat te pawh a awm ang chu!"

"Khati ang lam chi kha a awm lo." Ka ṭap leh zawih zawih a, "Engtin nge kan naute hi kan chhanhim ang tih pawh ka hrelo takzet Hol." Ka ti hlap hlap a.


"Pawi ka ti tak zet....mahse lungngái suh, kei ka awm alawm, engkim aṭha vek tûrah ngâi phawt ang, doctor te beidawn hnuah pawh hian miracal te pawh a awm ve ṭhin a nia." A ti ve sap sap a.


THREE DAYS LATER.....

Zâna ka mutui lâi chu Kate min kohna chuan min ti harh zawk a, hlâuthâwng réng réng a awm kan nih tawh avâng chuan ka harvâng thei khawp mai, "Max ka damlo hialin ka hria,",harsa ti zet chuan a ti chhuak a.


"Max min pui......

Ka tho chhuak vat a, Kate tlu tûr chu ka va dawm hman a, "Kitten nilo!" hmanhmawh zetin hospital lam chu phone lehin, rangzetin Katie nikhawhrelo a tlu leh chu hospital kan panpui ta chûk chûk a.


Katie chu ka be mawlh mawlh a, "Kitten!" Mahse engmah ahre lo, ka mittui chu ka duhvâng nimiah lo hian a far ve zung zung a, ka inti pachang thei tawh ngang lo, vânduai ka inti tak zet zet, Katie an nawr luh hnu chuan mangang zet hian waiting room ah chuan ka vei tawn sek a, ka mittui chu a tling ve kalh a, ka mittui tla leh tûr ka dan nalamah ka mit te chu a na vek tawhin ka hria, ka thâwk chu asak viau a, boruak khamkhawp loh hmél zet hian ka thaw chhuak hrâwk a, ka thin a tâwt mup mup bawk a, ka awmdân pawh chu ka hrethiam lo.

Ka thinhnûnah tak hian mi tu emaw in chemte zum tak hian vit ta ang se chutiang chiah chu a ni nâ ka ti tak zet.


Nu pakhat hian a fanu niâwm tak mai chu wheelchair hian a rawn nawr phei a, chu chuan zíng ani der tawh tih min hriat tîr a, mahse ka pawisa lo, chunû chu vânnei ti zet hian ka melh ngawih ngawih tawh mai ani, ani chuan afanu chu nungdamin ala hmu thei zâwk a, a lakah ahmangaihna te ala lantîr thei bawk ang a, keini chuan kan fanu lo piang tûr hi kan hmangaihna pawh kan lantir thei ve dawn nge dawn lo tih pawh kan hre si lo.

Tûnah tak hi chuan ka thinlung chu a rûm a ni ber mai, a tâwp atâwpah chuan doctor chu alo chhuak ve ta hrαm e, beisei na sângtak nei chung chuan ka pan phei vat a. "Doctor engthil nge thleng ta?" Tiin ka zâwt vat a, ka nupui duh tak leh ka fa lo piang mai túr chan chin chu ka hrechâk tak zet a, chan chin chhelam hre tûr erawh chuan ka inpeih hauh lo thung!


Khaw ngaihin min han hrilhfiah teh!" Ka ti leh hrawih a.

Dotor chuan thâwk ala ve hawk a, "I nupui hian nâu a vei ṭan mék a.......

"Anih chuan naute chu a hring thei dâwn tihna em ni?" Hriat châk zet hian ka ti leh vat a.


"Chulam chu nilo in, Mr.Max tûnah hian thutlúkna harsa zet mai i neih angâi dawn anih hmél.....


Tu nunna zâwk hi nge kan chhan ang, i fa nunna nge ni ang a, i nupui nunna?" Hrehawm ti zet hian a ti chhuak ta sup a, "hun i ngah lo ania."


Chu ka thil hriat zet chu khawvél a thutlúkna hnâisâi lo ber pâwl ani pha hial ang, ka ngaihtuahna chu a rûm vawng vawng hial ani.


A HMA THLA LAMA THIL THLEN DÁN.


"Min lo vei ve vak a law Max!" Tiin Ryan chuan Max chu rum zet hian a melh khur a.


"Chuti ang lam pang pawh ani chiah lo, tih vat chu ka tum remg a lawm." Max chuan a ti ve a.


"A nih chuan che vat la ti nia!"

"Ka tum réng a lawm." Max pawh chu athin arim ve khér mai.

"Ṭha deuhin ti ang che." Ryan chuan a ti leh khér a.


"Henry hi ala dam tih i hria em?"

"Tak tak em ni? Thil âwiawm tak pawh va nisuh!"


"A la dam reng a lawm."


"Anih anupui ka enthla tih leh héng athil ka zawng ani tih hi a hria em?"


"Aw, a hre vek, mahse che sawn thei hek lo, anatna khán chesawn theilo tûrin a siam a lawm, kha a thil khawih pawi khân a taksa pakhat mah a chét sawn tîr thei tawh lo ti in ka hria a, mahse ka âwih chuang lo."


"Chuan fîmkhur taka i chét hi angâi tih hria ang che, keini chauh hi heti ang a thil siamchhuah buaipui a zawng hi kan ni lo ania tih kha hre reng ang che. Keini in a kan hriat hnu hi chuan a tlâi tawh mah mah zél tih hi hre bawk ang che."


"Anih leh Henry hi khawiah nge a awm tih i hria em?"


Chu chu kei pawhin hriat chhuah ka tum réng a lawm. Chuan i tân thil pakhat tih tir tûr che ka nei, a fanu ṭhi hi rûk sak ang che."


"Eng atân nge ni a chu chu?"

"Uhh, Max i hriat vek hi angâi lo a nia."

"Aw le."

"Natûkah national zoo ah khân kan inhmu dawn nia, jacket sen ka lo hâ ang."  Chutia a sawi hnu chuan Ryan chu a chhuak veleh ta a.


TÚN HUN.....

"Doctor engvângin nge pakhat chauh kan chhan anga? achhan min hrilh rawh!" Hreawm ti zet chuan ka ti chhuak hrawih a.


"Mr.Max khawngaihin ngaihtuah thuai la, i thutlûkna kan nghâk reng ania, hun i nei tam lo."


Nurse pakhat hi hmanhmawh zet hian a rawn chhuak a, "Ngawi lawk teh u doctor."


"Mister i nupui leh i fa chhan thei tu tûr hi ka hria a nia...

"Oh my God tak tak maw?" Hlim zet hian, " Anih chuan ko vat ula, eng pawh tih ngâi dawn se ka inhuam." Tiin ka chhâng thuai a.


"Mahse thil pakhat harsatna a awm, i nupui hian a nghâk thei tawh dawn silo a, ani lah Switzerlandah a awm daih bawk si, chu vâng chuan túnah hian i thutlúkna kha kan mamawh ber ani." A ti leh sup.a.


"Ni ém ém vek lo e." Ti a rawn  sawi tu lam chu kan hawi phei vek a, Ashton ka va hmu zet chu ka thin arim kher mai, rum zeta melhin, "I ina haw tûrin leh Kate lak aṭang a hla taka awm tûr khân ka hrilh tawh che a ni lawm ni?" Ka tih khum hrâwk a.


"Max min lo ngâithla teh, tûna doctor an sawi kha keimah hi ka ni a, i nupui leh fa chu ka chhan ve ve thei ani." A rawn ti ta a.


Ka hmél chu hmuhtheih khawpa a én chhuah ka ring, "He thil hi ka sawichhuah ka inring ngâi lo, mahse Ashton ka ngén a che, khawngaihin ka nupui leh ka fa hi min chhan sak hrâm rawh!" Mangang zet chuan ka ti chhuak hrawih a.

        To be cont.....

Naktúk ka rawn dah thei dawn lo a, hei chumi âi chu ka rawn dah e.



IL CAROLE DENTRO CHAPTER 19

ASHTON......

Chutiang a Max in a ka chunga a sawi chu tawrh har ka ti kher mai, ni e, ka fa pawh ani ve bawk a, ti rilru in thâwk ka la pah hawk a, ahma daih tawh aṭang khán Kate hi ka ngâi châng ru reng ṭhin a, a bulhnaihah inlan thei tawh lo mah ila ka fa hi ka theihna leh ka thiamna hmangin ṭha takin piantir ka tum tlat ani, tûnah pawh hian Max hian min ngen vâng nilo in, Kate ka hmangaih avâng leh ka fa ni a ka hriat vâng liau liau a ti tûr chauh ka ni a, naute hi rawn piang chhuak sela, tunge a pa zâwk tih hi ka hriat chian ngéi pawh aṭûl ka ti tak zet bawk.

ONE WEEK LATER....


KATE...

Kan fanu chu ṭha takin ka hring chhuak thei a, Max chuan Ashton pawh lâwmthu a hrilh ve hial, kei pawh ka dam ṭha tawh lutuk, kar khat tling dawn kan fanu chu damdawiin a kan awmpui hnu chuan kan chhûngkua in kan flat lamah kan haw ve ta a.


Tûk khat chu kan fanu a khuma mubâm mai hlim zet hian ka en ngawih ngawih a, oh a té reuh lutuk, mahse a duhawm tak zet ti rilru chung chuan kan fanu muhîl hmél chu ka en ngawih ngawih a, lâwmna hlîrin ka khat bawk.


Max chu rawn lût ve in ka bulah chuan a rawn ding a, "I hria em Kitten a chhûn tak zet che kan fanu hian," Max lam chu ka hawi a ahmél hmuh anuam tak zet zet.


"Ni e, a duhawm tak zet, kan Jennifer té anih hi!" Tiin Max chu ka nuih var var a.


ANOTHER ONE WEEK LATER....


Jennifer chu a khumah chuan ka muttir chiah tih chuan Max chuan ka kâwngah hian a rawn kuah thut a, ka âu chhuak teuh khér mai, thâwm dîm deuh tak hian, Max min ti hlâu dâwn a lawm." Tiin ka melh lét râwm râwm a.


"Kitten ngâithla teh! Ka rawn haw hma chhan chu zanin hian dinner ei chhuak dún ila ka ti deuh a, eng nge i ngaih dân?"

"Oh, pâwnlamah sawi ang, Jennifer kan ti harh pal ang." Tiin ka chhuak nghâl a, a ni pawh chuan ngawi rengin min zui chhuak ve bawk a.


Room pâwn kan thlen hnu chuan hmél nguilap pu chung hian," Max ka châu tak zet a sin!" Tiin ka chhâng hraih a.


"Oh Kitten kan rei dawn hlei ném!"

"Anih tunge Jennifer lo enkawl ta ang?"


"Nanny ka hire mai ang chu ka ti deuh a....."


"Oh, takzet?" Ka chal chu ka dawm ngâih a, ngaihtuah rawh, thlakhat pawh ala tlin loh hi Max!"


"A ṭha e, i bula hahdam taka awm hi ka thlahlel e tih chauh a nia, i hria ang chu ka thawkrim ṭhin ém a, ia nupui hi ka ngâi khawp mai." Thâwk la hawkin ati ta a.


Max thusawi chuan min khei zawk mai, ni e, a châu in ngaihtuahna pawh a séng nasa khawp ang, keimah avângin rilru hahna tam tak a hma kar kalta chhûng zawng khân a nei ani si a, chu chauh lo pawh hna a kawp tel ala ngâi zui, mahni hmasial avângin ka chauh thu ka hrilh em ni ka nih? Tih chu ka ngaihtuah ta hial a, Max hian min hmangaih ém ém a, kei chuan hun thâwl ka siamsak ve ngâi hauh lo ani tih te thleng chuan ka hriatchhuah phah a.


Max hian min ngaih tuah ém ém si a, "I hria em Max, i sâwmna chu pawm ila aṭha ang." Ka ti ve ta sap a.


Max hmèl chu rawn éng chhuakin, Aṭhat hlauh chu!" Phûr zet hian a ti chhuak ve hlut a. Ka lo nui var var thung!


"Dawhkan ka lo hauh ang e." Tiin min kalsan ta a.


Ka nu chu phone a biak pawh ka tum reng ṭhin a, tunu a nei tawh tih tal hi hre ve se ka duh a nia, ka nu number chu ka dial leh a, mahse chhânna ka hmu ngâi hauh lo. Hreawm ti zet chung hian kan room lamah insiam turin ka kal ta a.


Ka insiam zo room aṭang a ka chhuak chu Holly ka hmu ta phut a, hmél hlim zet hian, "Hol i lokal a maw?"

"Max an min rawn call a lawm."

"Engtin nge i chungah hisn lawmthu ka sawi dawn pawh ka hre lo Hol."

"Oh, come on," a menkual ralh a, "I bestfriend ka nih hi!"


"Chuan naute hi ka lawm lutuk bawk." a nui chhuah var var a. I thawmhnaw hâk chu i inhmeh takzet, apple lawh hlim ang var mai alawm le i nih !" A nui leh hak hak a.



"Well, ka râi lâi a chocolate ka eiduh loh vâng kha ani ngéi ang." Tih lét ve zauh pahin ka nuih lét a.


"Uhh, chuan Jennifer nén khân ṭha takin aw." Ti leh zauhin ka kal san ta a.


Max awmna living room ka va thlen chuan hmél nguairaih hian, "God kan kal vat ṭúl in ka hria." Ka va ti a.


"Katie tu emaw in an hmu duh che." A thaw pah hawk a.


Ka va hawi phei chu ka nu a lo ding reng mai, "Kate kan inbiak a ngâi !"a ti pah sap a, a hmélah chuan inthiamlohna hlîr hi ka hmu a.


Ka phu zawk, "Mom nangmah tak tak i ni em, nge ka mumang zâwk?" Ka nu kan inchhûngah ngei mai ka hmu thut chu ka âwih thei lo hial zâwk.


Holly chu rawn chhuak phei ve in, ka nu a rawn hmu chu anu pawh a phu ve zawk, "Kate i nu maw?" Sawi túr dang a hre tawh lo a ngâwi tawp.


Ka nu chuan mi rawn panhnâiin, "Ka rawn kal chhan chu pawi ka tih zia thu rawn hrilh tur che a lo kal ka nia, Max nén a fa in nei dawn ani tih ka han hre thut kha min ṭhâwng ém ém mai a, i chungah khân ka thinrim ém ém bawk a, hringnun hi thil âwm ang lo tak takin a khat zo ta anuh hi." Tiin thâwk a la pah hak a.


"I chung a ka thil tih ah khân min ngaidam thei lovang tih chu ka hria mahse .......


Ka nu chu ka kuah thuai a, "Mom i chungah khân ka thinrim ve réng réng hleiném, chuan tunu pawh i nei tawh a sin." Hmél hlim zet hi ka hmuh a.


"Oh, ani maw? Ka hmu thei ang em?"


"Tûnah chuan amuhil rih a."


"Anih eng nge ahming ni réng réng?"


"Jennifer!"


Ka nu chu aṭap chhuak ta a, "I pa hian he i fanu duhawm zet hi han hmu hman ve se chuan a hlim dawn a sin."


Ka nu chu ka thu hriat hrilh hun tak ni in ka hre ta a,"Mom i  hriat ve hi angai tawh tak zet ....


Door bell a rawn ri a, hawng tur chuan ka va kal a, ka haqng chiah tih chuan ka phu chiabg hlé mai, "Ashton hetah eng nge rawn tih i tum?"


"Hetiang reng hian ka awn thei tawh lo ang." A rawn ti nghâl pang a.


Inchhûnga rawn luh ve pah chuan, "Kate ka fanu ka hmu duh!" A ti leh a.


Engmah réng sawi tur ka hre lo, ka mangang tak zet zet.



"Eng maw i sawi a, Jennifer hi ka fa diktak anih hi!" Max chu a thinrim hlé mai, ameng vawt ruih bawk.


"Tûnah chuan an ṭan leh ta tak tak dawn e." Holly chuan a lo ti ve raih a.


"Engthil nge thleng hi?" Ka nu pawh chu a bangbo hmél kher mai.


Ṭap chung hian, "Ashton khawngaihin tâwp tawh teh!" Ka ti hlap hlap a.


"Nilo e, Kate, ka sawi tlang law law dawn, ka fanu bulah hian ka awm ve duh tawh."


"Hey dude, ka fanu lak aṭang hian inthiarfihlîm vat mai rawh!" Max chuan a ti leh khur khur a.


"Max nangpawh khawngaihin lo inbeng dâi hrâm rawh!" Ṭah aw ṭiau chuan ka ti leh a.


"Kate ka hmangaih che a, chuti ang bawkin kan fanu pawh ka hmangaih bawk, Savanah ka lo nei palh kha ka damchhûng zawng a ka thil tihsual lian takah min ngaih sak la, nang leh kan fanu hi hlim taka siam che u ka duh ani." Ashton chuan a ti leh sup a.


Ka mittui chu hru hulin, "Ashton......


"Tunge naute pa zâwk tih hriat a ṭha ber lo ang maw?" Ka nu bawk chuan a rawn ti ve leh a.


"A ṭha e." Ashton chuan a ti nghâl a.

"Kei pawhin ka pawm e." Max chuan a ti ve bawk a.


Thinrim zet hian, "Chuan kei pawh anu amah hringtu nu ngei ka ni tih hi theihnghilh bawk suh u, chuan he inthil tih tur hi Jennifer tân a ṭha dawn em ni, harsa tak a ka hrinchhuah dân te kha ngaihtuah ve ta che u." Ka ti chuak ve hlar a.


Ka nu chu a rawn ṭe chhuak vak a, kan phu zawk hlawm."Ka nu?"


"In zavai mai hian naupang té ang maia in awm hlawm a, zân ani tawh leh nghâl, naktûk zingah kan sawi ṭha leh ang, chuan Ashton leh Holly pawh hetah an awm thei ang, a tlâi tawh lutuk." A rawn ti ta a.


Tute pawh mai chu makti hmél pu lo rèng réng ka hmu lo, Max ngat phei chuan ati leh zual, Ashton a ina awmtir chu rem ati vak lo ani ngéi ang, ka nu ina khatiang a rawn sawi kha a ring lo lutuk, a lo phu zawk thei hial.


"Katie a fâla biak duhna che ka nei, apawimawh lutuk." Ka nu chuan a ti leh a, living room aṭang chuan kan in zui chhuak ta a.



Room pakhat ruakah chuan kan ding dûn rén râwn phawt a, ka nu chu ṭawngchhuak hmasa in, "Katie engvânga i hringnun hi buai a hnawk nuaih nge maw anih chu le?" Thâw ipik hmél zet hian a thaw chhuak halh a.


"Mom engtin chuan nge ka tih chuan ang a?" Kei ngei pawh hian ka ti ve tho, mahse chuta ṭanga han tâlchhuah mai dân tur chu ka hre bîk silo.


"Well, Max hi i pasal ani tawh a, chuan Ashton hi Jennifer pa ni ah i ngai bawk a , chu chu ani em i buaina luan ber chu?"


"Aw, " ka ti sap a.


"Tu bula awm nge i duh zâwk?"

"Mom chu tak chu sawi a har khawp mai, mahse Max hi ka hmangaih a, chuan ka fanu pa ngei hi ni se ka ti bawk." Tiin ka chhâng ve a.


"I pa thihna chung châng thil hi kan la sawi tam lo viau in ka hria......" a thusawi chu a châwl dat a.


"Mom he thil hi hria la ka duh...."

"Kei pawhin i pa chung châng thil tam tak hrilh hriat loh che ka nei a chu chu tûnah hian hria....."

Living room lam a ṭang chuan tháwm arawn chhuak a, a bengchheng hlé bawk, ka nu nén chuan kan tlân phei vat a, kan va chhuak phei chu Max leh Ashton chu an lo in tubuai hi alo ni a, Holly chu an inkârah hisn lo tla zepin thinrim zet awka hian , "Tâwp teh u, Pathian hmingin." A lo tih khum khar khar a.


"Inpahnih khân tawlh hnung rawh u." Max leh Ashton chu an inmelh rum dûn khawp mai.


"Hetah hian engthil nge thleng leh ta hi?" Ka ti chhuak chûl a, chutiang a an awmreng mai leh an in haw tlat mai ka hmih chuan min ti lâwm teh chiam lo.

"Puitling ve ve inni tawh a, he inbuaina hi chétzia in inchingfel thei chuang lovang." Ka nu chuan a ti leh  a.

Chutih lâi tak chuan naute chu a rawn ṭap chhuak a, "A ṭha e, tûnah chuan Jennifer pawh inti harh tawh." Tûm hmak chung chuan Jennifer mutna lam chu ka pan nghâl thuai a.


Ka fanu uar zeta lo ṭap ngák ngâk mai chu a mutna khum aṭang chuan ka pawm tho a,"Oh ka naute, engtin nge ka tih tâk ang?"


"I pa emaw Ashton emaw anrilru tihnat sak chu ka duh silo, aw le mu leh phawt mai teh, i nu hian tihdán tûr ṭha tak ka ngaihtuah a ngâi ani." Tiin Jennifer chu ka âwi pah dârh dârh a, chutia ka âwm a beitur chunga ka awih avâng chuan a ni pawh a muhîl veleh ta mai a, a mutna khumah chyan zâwite a mut leh riai riai riai in ka chhuahsan leh ta a.


Zîng ka tho breakfast siam ka tum choka lam ka pan chu Max leh Ashton hi choka lamah chuan an lo che dûn a, chutiang a mipa pahnih choka lam a ka va hmu chu min ti phuzawk thei."Kitten lo ṭhu rawh i tân breakfast ka lo siam sak che a." Max chuan min nuih pah sâng a.


"Oh, ava phûr awm dâwn ve." Chair ka pawt chhuak nghâl a, Max chuan a breakfast siam tuihmél zet zet chu a rawn chhawp a, chutiang bawkin, Ashton chuan a thilsiam chu rawn chhawp ve in,"Kate hei i breakfast tur ka lo siam a," Max chuan rum zeta melh khur chung hian, "Kitten hian i breakfast siam a manawh lo, a pasal duat tur ka awn alawm." A ti nghut a.


"Max min han sawi tir ve phawt la maw le." Ka chal chu ka dawm ngâih a, "Ashton breakfast min siamsak avângin ka lawm e, chuan Max nangpawh i chungah ka lawm tak zet, pasal ṭhatak i ni tuh hi ka hre reng a nia." He mi te pahnih hi engtin chuan ka ti dawn chu ni maw.


"Kan pathuma hriat tur hian thil pakhat ka sawi duh!"  Max chuan a rawn ti ta khauh a.


"Oh, sawi ta che Max."


"Kan fanu hi tu zâwk nge apa diktak tih hi kan hriat chian vat aṭulin ka hria, chuan kan hriat chian tawh hnuah chuan kei ka ni emaw Ashton ani emaw, apa nilo zâwk zâwk chuan Katie hi kan kalsan ang, chu chu i ngam ve em Ashton?"


"A ṭha vuai ang chu, chutah chuan kan inrem theih pawh ka ring." A ti ve nghut a.


"Ka hrilh tawh che u ani lawm ni, Jennifer hian eng test mah a paltlang lovang ti khân." Thinrim zet hian ka ti chhuak a.

"Kei chuan Max thusawi hi ka pawm pui khawp mai, naute pawh tûnah chuan dinhmun hlauhawmah a ding pawh ani tawh lo a, a din pawh ka phal lo bawk." Ashton chuan a ti a.


"Ashton, he inrawtna hi a chi pawn ka hre lo, kan fanu hi ....." ka sawizawm duh ta lo a, Max lam chu hawi phei ve in, "Max nangpawh i fanu hiqn a tawrh nasat zia kha i hre tawh lo em ni?" Thinrim zet chuan ka ti a.


"Mahse kan fa ve ve ni angin kan hre si a lawm Kitten."


"Ni e, ka fa lo ni ta ang se la?" Ashton chuan a ti leh khauh a.


"Ngawi hmak rawh u, kei ka awm chhûng chuan chu chu ka thlentir hauh lo ang."


"Anih chuan Kate kei emaw Max emaw hi chân i hlâu tihna em ni, kan pahnih hian heti'n kan awm reng theilo ang, min chân ve ve dâwn ta ang ni ta la eng nge i tih tâk ang?" Ashton chuan a ti chhuak hruih a.


"Ashton thusawi chu adik, thudik tak hriatchhuah hi kei pawhin ka duh." A rawn ti veleh bawk a, ka buai ta khér mai.


"Anih leh kei hian thudik chu lo hre duh ta lo tlat ila, engtin nge ni ang? Inhrethiam lo anih hi ka tâna aharsat zia hi," ka ti ve hraih a.


"Kitten tûn hun tluk a hunṭha hi a awm leh tawh lo ang, chuti anih loh chuan min chân ve ve ang tih pawh hi ka hlauh pui che." Max chu rum zet hian ka melh a.


"Max anih chuan min han hrilh teh! Engvânga ka nu kha nupuia nei nge i nih?"

"Eng maw i sawi a?"


"I hria em, engvângin nge ka nu kha hmangaih miah lo a nupuia i neih chhan?

"Eng thil nge maw in sawi chhuah tâk le?"

"Ashton nakinah ka la hrilhfiah dawn che nia."

"Chuan Max kha zâna i biak pa kha tunge anih tih hi min hrilh theih tawh em? Chuan ka pa chung chânga pawisa ho kha pe lét leh vek bawk ang che." Max hmél chu adâng ve sâwp sâwp a, mahse ka haider hmiah, ka thusawilai chu chhunzawm zèlin, "Chuan kha ka ṭhi chung châng pawh kha ka hre ngâi dawn lo tihna em ni? A chhan chu ka ṭhi locket kha chahbi diktak niin thil pakhat a hawng tih chauh i sawi a, kha kha min hrilhfiah ka phût ve tlat, thudik kan hâichhuak law law dâwn anih chuan, " ka ti ve ta hmak a.


Ashton chuan Max lam chu hawiin, "Thil eng emaw chu sawifiah tûr inei in ka hria." A ti bauh a.


Max chu hriam zeta ṭawngchhuakin, "Engthil mah sawifiah tûr ka nei lo ve." A ti deuh hrâwk a.


"Max ka hrilh ang che he thil hi kan ti chhuak dawn anih law law chuan engmah zéprûk a awn tawh tur ani lo." Té tuarghri kan hre ta thut a, chu thâwm chu Jennifer room aṭanga lo chhuak ni in, Holly aw ngei ani bawk.


Hmanhmawh zetin Jennifer room lam chu kan pan ta hlawm a, kan va luh chuan Holly chu alo ding khûr zawih zawih a, "Hol engthil nge thleng?" Ka ti nghâl chawt a.


Holly chu a rawn inherin, Jennnifer mutna khum ruak chu a kâwk a, ka bîng mup mup hian ka hria, "khawiah nge ka fanu? Chuan ka nu pawh hi khawiah nge a awm?" Ka âu chhuak tuarh a.


"Eng thil hrep nge thleng hi?" Max chuan a ti chhuak tuarh a.


"Kate Max nen zîngah kan tho hma dûn hle a, chu pawh i breakfast siam sak tûr che khân i nu chu kan hmu hauh lo." Ashton chuan a ti ve bawk a, ka mangang tak zet zet.


Max chu atlân chhuak nghâl vat a, chutih lâi chuan mangang zet hian, Holly leh Ashton chu melh tawnin, "In rin dânah ka nu in alâk inring tihna em ni?" Mangang zet chuan ka ti hlap hlap a, an ngâwi dûn reng, "Min chhâng ta che u, khawiah chuan nge ka fanu chu a awm ang?" Ka âu tuarh tuarh ani ber tawh.


Max chu hmanhmawh zetin a rawn lût leh a, a thaw hlawp hlawp bawk a, "Kitten...."


"Khawngaihin i hmu tawh tih thu min hrilh hrám rawh." Ka ti nguai raih a.


"I nu in i car a khalh chhuak."


"I carah chuan GPS i nei em?" Ashtin chuan a ti a.


Max chuan a phone chu a phawrhchhuak vat a, "Ka track thei e." Ati chhuak ta sup a."tûnah hian new york airport lam a pan mèk a thleng ṭep tawh."


"Eng maw?" Ka hlâuthâwng kher mai, ka nu chuan kala aṭangin ka fanu chu min lâk bo sak a tum chiang lutuk tlat.


"Airport a thlen hmain kan nangching vat a ngâi ang, kan fanu hi a thlawh bo pui thei lo." Max chuan ti lehin a che ta vat a, keini pawh chuan hmanhmawh zet hian Max car lam pan chu kan zui ve ta hlawk hlawk a.


Airport kan va thleng chu a chhûngah chuan a tlân tak meuh meuh hian kan tlân lût a, ka ṭap pûr tawh mai leh nghâl a, ka nu chu kan va hmu ta hlauh a, ticket counter ah hisn a lo la awm hlauh mai, tah chuan a passport te a lo ti fel mék ani.

"Mom!"

A rawn leh hawi a, mak tih hmél zet hian, "Katie?!" A rawn ti deuh hâ a.


"Hetah eng nge i rawn tih a?"

"Eng thil nge i tih zâwk hi i hre na nge?" Ka thin arom khér mai.

"Khatiang boruak rit lutuk kha Jennifer hi ka tawrhtîr phal.i ring réng réng em ni? Chuau chuan ka bulah thlamuang takin awm se a ṭha zâwk fe ang tih hi ka hria a ni."


"Ti chuan ka lak aṭang a ka fanu min lâk bo sak chu i ruahman ta a, adik em ka nu min chhâng vat rawh." Mi ho chuan min enduh ngang mai, mahse chû'ng thil te mai mai chu ka pawisa zo tawh lo.


"I sawi dik e, Katie, he ka tunu hi ibulah a awm thei lovang." Ka nu chuan a ti ve nghat a.


"Chu chu ruahmanna fing tak pawh ani bawk."


"Chutin ka tello in ka fanu chungah hian thutlûkna i siam ngawt thei hlei ném." Ka thinrim lutuk aváng chuan ka aw te chu a khûr dawt dawt thei.

"Oh, ka thei lutuk tlat Katie."


"Jennifer kha min pe kîr leh vat mai rawh."


"A teuh lo mai, ka pe kîr hauh lo ang che."

"Min pé kir rawh ka nu."

Max chuan kan bul chu rawn thlengphei ve in, "Eliza Jennifer kha anu hi pe kîr leh rawh, rangtakin." A rawn ti ve ta hrawih a.


"Katie min lo ngâithla teh! Kei hian i fanu tâna ṭha tur hi ka hria a ni." A ti leh a.


"Mahse kei hi Jennifer nu chu ka ni a sin." Ka mittui chu dan rual loh hian a far zung zung a.


"Khati'n sawilo mai teh! Tûnthleng hian tunge apa diktak tih pawh i hrelo a nih hi!"

"Oh a ṭha e ka nu, lokal rawh u paternity test chu kan nei khawp ang, Max he test kan neih zawh hnuah hian nang pawhin i thil min hrilh ve tur kha hre rawh." Tiin ka nu kuta tâ Jennifer chu ka la a, hospital lam chu kan pan ta hlawm a.


Hospital canteen ah chuan Max leh Ashton chu an in thunpuar a, keini hmeichhe ho zawng erawh chuan kan nghâk ṭhap hlawm a, Holly bulah chuan beidawng zet hian, "Engtia rei nge nghah angaih ang le?" Ka ti chhuak hraih a.

"Kate hahdam taka awm tum rawh." Tiin a thaw ve hak a.


Thâwk lâk halh pah hian, "I fiamthu ani hial lo maw, hetiang dinhmun a kan dinlâi hian hahdam tum in ka bei thei dawn em ni Hol?"


"Âtna eng emaw nei ang zetin lawm le i phi cheng le." A ti leh nghat a.

Ni e, Hol chuan a sawi dik, awm ngaihna ka hre hlawl lo, ka phî sek mai niberin ka hria, ka awm ngâiin ka awm mai mai thei lo a, ka chîai tak zet zet, achhan ber chu thudik rawn chhuak tûr chu ka hmachhawn ngamlo niber hian ka hria, he thudik hi ka hre hlâu tak zet zet, achhan chu thudik hian a cháng chuan min ti na ṭhin châwk a ni.


Doctor chu a rawn chhuak a, "Mrs Kate a awm em?"

Max leh Ashton pawh an rawn thleng chawpchilh a.

"Aw, heta hi ka awm e." Ka ti nghâl var a. Chu thil chu huaisenna nén a paltlang ka tum ruh tlat, ka dingchhuak a, hrehru tak chung chuan doctor awmna lam chu ka pan a.

"Test kha kan peih tawh e."


"Ka ti zo law law dawn." Ti a phun chhuahsap pahin,doctor chu ka zui lût ta a.


IL CAROLE DENTRO CHAPTER 20

"Chuan doctor, thâwk ka la hak a,"Tu nge ka naute pa chu ni ta?" Hriat châk deuh roh si mahse hlâuthâwng deuh tak chung chuan ka zâwt a.


"Mipa pakhat zâwk Max O'conor ti a koh fa kha ani e." A ti ta a.


"Chu athu rawn sawi chu ka rinloh lam tak ani, ka áwih thei ang em? Mahse ka thu hriat chu a dik miau bawk si, "Hei hi thudik ani thei lovang." Ka ti ve hial.



"Doctor i chiang maw?" Ringhlel zet chuan ka ti nawn leh sap a.


"Mrs. Kate a intawn fûk dân chu 98% tluk zet ani e." A ti miau bawk si.


Ashton chu a ti zâm khawp ang le hé thu a hriat zet hi chuan, afa ni ngeiin a ring si a, tih rilrûk nauh nauh pah chuan doctor chu ka chhuahsan ta a.

Ka va chhuak chu anvâi a chanchin hriat châk hian an lo ding khâwm ṭaih a, Holly chu rawn ṭawng chhuakin, "Chuan.... tunge naute pa dik tak chu ni ta?" Thâwk a la hak tih hriat zet hian a âwm chu a che dat a.


Ka mit chu ka chhîng sawk a, mengchhuak leh vatin, "Max ani e." Ka tichhuak ta a.


"Oh ka ring deuh réngah." A thaw leh halh a.


"Chu chuan ka ngaihdân kha a thlâk phah chuang miah lo a nia Kate, nang leh he naute hi ka hmangaih èm èm a ni." Ashton chuan a rawn ti vat a.

"Ni e Kate nangma duhthlanna ani e, héng mipa pahnih te hian i phu hauhlo in an hmangaih dûn ém èm che a, i thutlûkna chu an pawm ang." Holly bawk chuan a ti leh a.


Hreptak che chuan Ashton, naute pa kan hriat tawh hnuah chuan naute pa lo zâwk chuan a kalsan ang tiin intiamna kan nei emaw ka ti a?" Max chuan a ti chhuak hrawih a.


"Ahh, dude lo ngâwi mai mai teh, Kate duhthlanna hi a lal ber a nia, nang phei chuan alakah thil sawifiah tûr i ngah khawp kha."


"Ka chhîng vang vanga a tâwpah chuan, "Ka fanu hian apa diktak bula awm hi amamawh a, chuan Max hi ka hmangaih bawk." Ka ti chhuak ta sap a."

"A chhan chu he kan chanchin ziak tunu hian season two ala tichhuak duh mai thei a, chuvâng chuan Max nèna season two chan hi ka thlang zâwk!" ka ti ta a.


Jennifer chu hmeichhe duhawm takah arawn ṭhanglian chho a, apa Max nén chuan kan hmangaih tak zet zet.

Ka khawvel chu ka pasal duhtak Max leh ka fanu chu ani a, an pahnih hian ka engkim an ni.


Kan chhûngkua chuan kha kan in hlui lian zet kha kan nei lét leh a, tah chuan hlim zetin kan chéng ho a ni.


Chuan ka restaurant hawn pawh kha a lian chho in, a rawn lâr chho bawk a, tichuan ka zauh zèla, tûnah chuan LA ah leh Philadelfia, California, Las-vegas ah te restaurant chang kâng tak tak ka nei tawh ani.


Jennifer chuan min rawn kuah a, ni e vawiin ah hian school chu a lût ve ṭan ani a, ka fanu hi ka chhuang tak zet zet ani, ka lo kûn hniama, a chhîpsamah chuan ka fâwp pah zeuh a, a kut tereuhte chuan ka nghâwngah arawn kuah ve a fan a, "Vawiin schoola i ni hmasa ber chu eng nge a an?"


"A nuam lutuk mummy , chuan ṭhianṭha tak pahnih Ian leh Ali ka chhar thar bawk a sin." Ka fanu chuan hlimhmél pu zet hian min en a.


"Oh, honey thil ṭha tak anih chu!" Ka nuih lèt ve var var a.


"Tûn kar weekend ah hian i pi alo zin dawn tih kha i hre tawh em kha?"

"Tak tak maw?"


"Aw honey, hmuh che a châk lutuk tawh alawm."


Ka nu chuan ama pualin a thawmhnaw design chhuah te pholanna dawr pui zet asiam tawh a, ka nu pawh a lâr èm ém tawh a, milian leh hausa ho in a an pan ber ani tawh ani.


 "Ka pi chuan Paris aṭangin thil ṭhatak min lo hawn ang tiraw mummy ?"

"Oh tehreng mai, a rawn hawn ém ém ang che."


Holly leh Adam chu an inṭhen a, mahse fa an nei hman lo.


Ashton chan chin engmah hriat ka nei zui tawh lo a, mahse khawiah emaw tak chuan doctor ṭul takin a awm ka la ring.

Sumdawng lian tak ka rawn ni chho a, chutiang bawkin Max pawh a hnathawhna lamah hotu nihna a chelh ve tawh bawk a. Ka buai theih tâk ém avângin Jennifer pawh duhang a tam ka hmu thei ṭhinlo in abulah pawh ka awm tam lo ta khawp mai .

Chuvâng chuan hrehawm pawh ka ti tak zet, mahse ka fanu chuan hmalam hun éng zet erawh anei tih ka hmuhsak ani. An schoolah chuan alâr ber pâwl arawn ni chho zèl bawk a, kei ang lo takin, apa mizia mahni induhtâwkna leh chapona, mihîp theih zetna kha a phawk fu ém ém bawk a, kei ang lo zetin.


Chuan kum sawmpasarih a rawn tlin chhoh chuan api chénna Los angeles ah Golden hills school ah chuan kan kaltir ta a. Ka nu bulah a chéng pah nghâl a ni.


Kei leh Max pawh a kum télin kan inhmangaihna apung zual sauh sauh a, kan la inthlahlel dûn èm ém a ni. Mahse fa dang erawh kan nei tawh rih lo.


Ka pa chanchin thudik tak kha ka hrechhuak tawh bawk a, Max chuan ka hriat ve hun nia ahriat hnuah min hrilh ve a ni.

A ni chu goverment tâna sciencetist ṭangkâi tak mai alo ni a, ni e, kha mipa cute deuh mai ka râi laia ka hmuh Ryan khân engvânga kha ka ṭhi kha mamawh nge anih tih chuan, kha a locket chahbi khân ka pa office chhûnga bâwm pakhat alo hawng thei a, a chhûngah chuan flash card awm in,  chu chu secret code a lo ni a, kha ka pa thil siam chhuah kha thil ṭhalo tak alo nih avânga ka pa khân arûk theih táwpa thukru pawh alo ni rèng a ni.


Ka pa chu khami kum vèk khân a hmèl ka hmu a, chu pawh damlo nasa zet khumbetin a awm tawh a ni. Engvânga chutia thi than a thang nge anih tih chuan kha athil siam chhuah kha midamgin an lo hrefuh ve a, chu chu a darh lohna tûrin sotkarin ka pa thihhma chu an kawl alo ni a, a thi ti a an rawn sawi ni khân kan lo vûi ták chu a kuang chiah anih ka ring ta bawk.

Kan inhmuh hnu nithum ni chuan ka pa pawh aboral ve ta a, kha a thil dahṭhatna kha sorkar bulah chuan sawiin Max leh Ryan hmangin an ti boral ta ani. Engvángin nge khatiang a Max kga ka nu enthla tûra a rawn luh khér tih chuan, ka nu khán misual lam páwl a pui tiin report aluh avánga kha tia rawn che ta kha an ni bawk.


Engkim ka hriatchhuah hnuah chuan kei leh ka pasal chu philadelfia a kan in chu kalhin Max nén New york a kan inah hlim takin kan chéng dûn ta a ni.


            THE END

ILCAROLE DENTRO CHAPTER 11 TO 17

IL CAROLE DANTRO CHAPTER 11

Khawngaihin eng emaw tal han sawi teh!" Hlauhthâwn hmél zet hian Holly chuan a ti a, ngaihṭhatloh hmél zetin min melh hra bawk a.


Ka mittui chu lo hnâiin ka ṭah achhuak khér mai, ka heh chu ka pet fan fan a, ka mittui khap per sak sak pah chuan," Exam test ah ka pass lo ." Ka ti chhuak ta phawng a.

"Oh my God ,Kate! Pawi ka tih pui tak zet che."tih bâk chu engmah sawi tur a hre lo.


"I nu i hrilh tawh em?"


"Eng tin nge ka hrilh chuan ang a? Ka ti hrilhhai mai mai zâwk lo'ng maw?" Thâwk ka la halh a.

"Kha tin sawi hauh suh! Mahse he hmunah pawh hian i sumdâwnna chu i ṭan thei tho a nia, i nu tibuai lo pawhin, kei chuan ka phatsan hauh lo ang che."


"Ka suangtuah dân chuan doctor nih ka tum ve a nia....

Rilru na zetin leh mittui sûr zung zung chung chuan ka room lam pan chuan ka tlân a.


"Kate hei hi i hringnun tâwpna tûr a ni lo a nia." Ti a min auh zuina pawh chu ka ngaihtuah tawh lo.


Ka room chhûngah chuan lungchhe zet hian ka ṭap zawih zawih a, class kal pawh ka ṭhulh ngâi lo a, lehkha lah ka zir ṭha ém ém bawk, test kan neihna apiangah ka pass ziah si a, angaihna réng ka hre thiam lo, ka rilru chu a nâ ngawih ngawih ni ber hian ka hria, hetia ka thil tih tum ber ka tih theih tâk siloh ah chuan he hmuna awm hi ka tân sâwtna a awm tawh dawn chuang em ni? Kan ina haw leh mai loh chu tih tur dang ka nei leh ta lo, mahse chu chu thih hreh takin ka hreh tawh.

Zân rei tak thleng ka ṭap a, ka in ṭap châu chu ka muhîl zui nghâl a, zîng a lo nih pawh chuan a ngâi té bawkin ka ṭap leh a, engvânga failed ve ringawt nge ka nih tih hi ka hrethiam thei ngang lo.


Holly chuan ka room kawngkhâr chu a rawn chúm dat dat a,"Kate khati'n i awm kum tluan thei lo ang, i tân a pawimawh zia pawh ka hriat pui che, mahse hringnun hi a kal reng a, thil eng pawh kan nunah hian a thleng a, a thleng reng ṭhin bawk, chu chu hringnun a ni." A rawn ti lauh lauh a.


Ka la ngawih reng avâng chuan a thusawi chu a chhun zawm leh a, "He ka thusawi hi ngâi thla teh ! I nunah hei âia pawimawh tih tur i nei tihna pawh a ni zâwk mai thei a sin, chu chu ngun deuhin ngaihtuah ang che."


"Hei hi hmaih lo bawk la, doctor ni tur khân lo tling ta ang ni la, i pa zawnchhuahna hun i nei dawn lo tihna ani ang a, mahse tûnah erawh chuan i pa zawnchhuah theihna hun ṭha tak i nei ta a nih hi!"


Ka mittui tla chu hru hul sawk sawk in, Holly thusawi ho chu ka ngaihtuah vang vang a, dik rîau a hriatna hi ka nei ta a, ka room kalhna chu hawngin, Holly bulah chuan, "I sawi dikin ka hria." Ti chung chuan ka pén chhuak ta a.



"That's my girl !" A ti ve nghat a.

Ka phone a message rawn thleng chu ka en a, Ashton alo ni a, oh, nimin lama ka thil tawn avâng khân kan inhmuh tûr thu pawh ka lo theihnghilh hmin dér tawh mai.
"Mi pakhat hmuh tur ka nei a...."

"A nih chuan va insiam vat mai rawh, i tlâi ang e."


Kei pawh chu rang zetin ka insiam sawk sawk a, pâwnah ka va chhuak chu, Brandon chuan a carah min lo nghâk reng tawh hi a lo ni a, hman hmawh deuhin ka ṭhu lût ta nghâl a.


"Hi, Ashton!"


"Ka hmuh leh tawh che pawh ka lo ring tawh lo a sin!"


"Ashton biak che ka duh!"


"Eng lampang nge ni ta?"


Ka thaw halh a, "Columbia University ah chhuan ka lût ve thei dawn ta lo." Ka ti chhuak raih a.

"Tak tak maw?" Ashton phei chu a phu zawk! "Kate pawi ka tih pui khawp mai che." A ti ve hruih a.


"Mi pakhat chung châng hrilh tur che ka nei......

"Tu nén nge New york in rawn kal Kate?"


"Ka bestfriend Holly nén a nia," ka insûm zo tawh lo, ṭap zawih zawih chung hian, "Doctor nih hi ka duh tak zet Ashton!" Ka ti chhuak hlap hlap a.


"Eng tin nge ka nu chu ka hrilh tâk ang? Ka ti hrilhhai ngawt ang." Ka ti chhuak leh raih a.


"Well, anih te chuan hetah i sumdâwnna kha i ṭan thei a lawm, chuan i thusawi kha ka la hre reng a sin, restaurant hawn i duh tih kha!" A ti chhuak ve sup a.


"Yeah, a hming tur pawh ka ruat fel tawh e."


"Eng nge ni a, ka hre ve thei em?"


"Golden fountain tih ka tum deuh a."

"A phûr awm viau chu, i ti ve lâwm ni?" Min nuih pah suk a.

Ka nuih lét ve ta var var a, "Oh kha tûnah chuan i nui ve ta a lawm."


"Vawiin hian he khawpui hlauhawm zet leh lian takah hian nangmah hruaitu che ah ka ṭang dawn a ni." A mitmu dumpâwl ruih chu a de sawr sawr bawk a.


"A ṭha e, New york chu min han fan pui tak tak ta che." Ka ti ve ta nghat a.


Mihring chéng te réng réng chu an ṭha hnemtak zet, a tu a te pawh mai chu an in sûl pél zut zut mai a, han din mai na hmun tur pawh chu kan hmu lawk lo.


Ashton chuan a chhûng te ho nén a New york a times square an kal chung châng chu min hrilh a, a nui hmèl chu a lang duhawm tak zet zet, a nui chhuak hawk hawk bawk a.


Ti chuan he thil hi a sawi nawn reng bawk a, "Kate i duhthusâm te chu tih puitlin tum rawh,kan hringnun a kawng zawh hi a tâwi lutuk!" Tih hi!


Chumi hnu chuan cafe pakhatah hian kan inzui lût leh a, coffee leh chhang a order a, an tui hlawm tak zet zet, ka ei ṭeuh nghe nghe.


Chutia tui ti zet a ka thil ei lâi chu hmuhnawm ti tak a min lo en pah hian min nuih sâng a, a hmél chu a dam thlup a, a nélawm tak zet zet, doctor ni tur âwm réng pawh a ni hliah hliah hian ka hria.Chu tia min en reng avâng chuan, nuam lo ti zet chung hian,"Eng nge?" Tiin ka zâwt a.


"I hmél kha a éng phét mai!" Ti a sawi in, a kut chuan ka hmâi chu tawkin dam zet hian min rawn fâwp ta a.


A ni pawh hlim avângin a hmél chu a nung ve sârh tho mai.


Chu kan infawhna chu a dam viau a, mahse kan duhthawh tulh tulh thung si.....


A tâwp a tâwpah chuan in khamlo zet hian kan inthlah ve thei ta hrâm a, mi nuih suk pah hian, "Lo kal rawh le!" tiin cafe aṭang chuan min kâi chhuak leh a, tûnah chuan Brandon emaw Max emaw ka rilru ngaihtuahna ah chuan dah ka tum tawh lo, ka nuna pawimawh ber chu Ashton hi nihtir ka tum tlat a ni.


Ashton nèn chuan nikhat a tân hotel bookin, tah chuan kan lût dûn a, Ashton chuan kawngka chu kalh leh nghâlin duhthawh zet a infawh chu kan ṭan leh ta a, tûnah chuan puitling ka ni ve tawh a, mahni tân a ṭha leh tha lo tur pawh ka hre ve tawh bawk a lawm, tihna rilru pu chung chuan muang châng hian kan thawmhnaw te chu kan inphelh tawn sak ta a.


Taksa inthlahlel tawn tak chuan khum lam chu kan pan dûn a, Ashton chu tisa châkna avâng a men phi chuai pah hian, ka taksa ném thler chu a taksa khauhṭang chuan bawhthuahin a mipatna chu ka chhûngrilah chuan a rawn ti lût ṭan ta a, mi dím thiam tak chung leh ka vawikhat hmanna ni âwm zet hian min chei bâwl a, a chungah chuan ka lungâwi hliah hliah.


A tâwp a thleng dâwn hnâi tih ah chuan a che rang sauh a, a rùm chhuah hrawih hnu chuan ka chungah a bawk ta thlawp a.


Rei vak lo kan mut dun vang vang hnu chuan shower kan hmang dûn a, mahni thawmhnaw ve ve chu inbel lehin, kan appartment lamah chuan kan in khalh kîr leh ta a.


Ashton nén kan in mangṭha hnuah kei pawh inchhûng lamah chuan ka lût ve ta a, ka phone a time chu ka melh zauh a,, tlâilam dar sarih lâi a lo ri dér tawh, living room lam ka pan chu Holly chuan min lo hmu in, "well, well, well." Tih deuh hlut pah hian min lo nuih var var a.


A bul ka va thlen chuan, "Engkim min hrilh vek ka phût a nia." A ti leh nghat a, Holly hi a châng chuan a in la khérmei ve hlé ṭhin!



Engkim ka hrilh vek hnu chuan a lungâwi ve ta hrâm a, chumi hnu ah chauh chuan pizza order in dinner a tân kan hmang a, mahni room lam panin kan mu ve thei ta hrâm.


Zîng ka harh chu bathroom ka pan a,,shower ka hman zawh hnuah inchei sa diam hian breakfast ei turin ka chhuak a, Holly pawh a lo tho chhuak ve tawh a, kan breakfast tur chu siam dûnin kan ti ti pah malh malh a, kan ti ti kâr lakah chuan, Holly chuan, "I nu chu i hrilh ve ngéi a ngâi ang."Thingpui no a coffee la khu hlat hlat chhûnchhuah pah chuan a ti a.


"Lo chiai phah viau ta ang se?" Bread a butter tah mawlh mawlh pah chuan ka melh ve zauh a.


A bacon fry chu plate a thur chhuakin dawhkânah chuan a rawn chhawp a,artui chu a kan chhunzawm leh a,a ngâwi deuh vang vang a chutah, "Zawhna ṭha zet a nih chu! Mahse i nu anih na a bo chuang hleiném, a hrethiam ém ém ang." A ti leh nghat a.


"A ṭan leh dâwn ta....a nih ti chhin poh ang aw!" Kan ṭhutna tur chair chu pawt chhuakin ka ṭhu a,,ka nu number chu ka dial ta nghâl a.
Phone an rawn pick veleh chuan, "Hello mom, hnathawkin i buai ang tih chu ka hria a, mahse rawn biak che hi ṭulin ka hre si a, pawi ka ti tak zet." Ka tih chhunzawm nghâl a.


"Kate em ni!"

Chu mipa aw ka hriat chuan ka phu zawk. Dad maw....?


IL CAROLE DENTRO 12

"Dad!" Ka tichhuak sap a, ka pa aw a ni chiang lutuk, ka mumang emaw ka ti hial, mahse ka pa aw chu ka hai ngâi hauh lo ang.


"I pa ani tak tak em?" Holly pawh chuan mak ati khér mai.


"Aw!"

"Mahse tûnah chuan amah a ṭawng leh tawh lo." Tiin phone chu ka beng zâwnah ka dah leh a.


"Hi Katie!" Max aw ril ruih mai leh vawt zet chuan a rawn ti a.


"Hi Max, ka nu kha biak ka duh a pawimawh tak zet!"



"Eng vângin nge, Columbia University ah khân i luh theih tâkloh vângin em ni?"



"Max engtin nge i hriat theih zâwk a?" Mak ka ti khèr mai a lo hria chu.


"A hre sa tawh amaw? A amak hlé mai, thil mak tak zawng a ni e." Holly chuan a ti veleh hlak a.


"Khawiah nge ka nu a awm? Chuan túna phone lo pick zauh tu kha tu nge?"

"Keimah bâkin phone ka rawn pick lo, i nu chuan inah a phone a theinghilh a." Lehlam aṭang chuan zâwi deuh tak hian a ti leh sup a.


"A nih chuan a lo hâwn hunah min call back turin min lo hrilh sak ta che." Beidawng zet hian ka ti chhuak hraih a.


"Tehréng mai Kitten!"


Phone chu ka cut hmak a, ka thinrim lutuk chu ka biang asa hat hat thei.

"Max leh bawk maw?" Holly chuan a chal adawm ngâih a, "Kate Columbia University pawh hi a rem ruat a ni mai lo maw?"


"Ka hre lo Hol, tûnah chuan engmah ka ngaihtuah thei rih lo." Nguairaih chuan ka ti a.


"Mahse engtin nge ka pa khân phone alo chhân theih zâwk?" Ka ngaihtuahna chu a buai map map khér mai.

"A enthlaru che te hi a ni thei mai ang em? Nge nang nilo in i nu zâwk te hi?"


"A tih chu kei pawhin ka ring, mahse eng chung chángah nge ni ta ang?" Ka ti ve sap a.


A tûkah chuan Ashton nén chuan hun kan hmang dûn leh a, ani pawh hian mi hîp theihna eng emaw tak a nei ve, chu chu a ṭawngkam thiam lutuk vâng ani. Ka tân thil surprise ṭha zet mai chu min pé a, kawng engkimah min ngaihvénna a phâk ang tâwkin a ti lang ṭhin! Chuan ka hlimloh hi a hlâu ngawih ngawih bawk a, abula ka awm tawh hi chuan ka hlim phian zél.


Ashton chuan restaurant chang kâng zet chhúngah hian min hruai lût a, chu hmuna dawhkân hauh chu mi namai tân zawng a tih chi hauh lo ang le, mahse Ashton chuan ka tân a ti tlat si, a romantic tak zet zet.

"Heti ang thil ka tâna i ti hi ka la âwih thei mai rih lo." Tiin no zet hian ka melh a.


"Well, ka mi hmangaih tân chuan eng pawh tih kan huam ang chu!" Tiin min nuih lét ve suk a.


Ashton hian ka hmangaih nge hmangaihlo hriat chhuah a tum chiang mai, ti a ngaihtuahin thâwk ka la halh a.


A aw chu thian deuh khurhin, "Kate ...ka hmangaih tak zet che tih pawh i hria a...


"Ashton kei pawhin ka hmangaih che a lawm." Ka ti ve mai a chu Max a rawn lang zawk.


A thusawi chuan ka ngaihtuahna kal thui lutuk tûr chu ti buaiin, "Chuan, hei hi ka lo ngaihtuah...


Ashton chu a ṭhutna chair a ṭang chuan tho thutin, chhuatah chuan a ṭhingṭhi hniam a, a kekawr pocket chu a zen rak rak a.


"Eng thil nge tih i tum a?" Ka hmûi chuan chu thu chu a sawi chhuak a, eng thil nge tih a tum erawh ka ringthiam pha hauh lo.


Ashton chuan velvet bawm sen tereuhté hi rawn phawrh chhuakin,"Kate min nei duh ang em?"


Chúmi hun reilo te chhûng chuan ka thin chu a phu nasa khér mai, chutih rual rual chuan, ka hlima, angaihna ka hre lo hlé bawk.


Max tih lohah chuan Ashton chu ka duh ber a, mahse Max chuan ka nu a nei mai dawn leh nghál, mahse heti rup rup lo deuh hi ni se ka duh, a hmanhmawh tut tut deuh lo maw?


Zungbun chu a tle nalh hlé mai a, rangkachak niin, alâiah chuan lunghlu hi a de sep sep bawk a, chu zungbun chu velvet bâwm sen chhúngah chuan a inthiat vâng a, bawm chungah chuan rose senduk hi a intar váng bawk a, chu thil ka enna ringawt pawh chuan min thâwk ṭhat tir theilo hial.


Chhânna ka pék har vâng nge ka hre lo, Ashton chu a khûr dar dar a,  aw a khûr chiang a lawm, achhan pawh ka chung châng thu angaihtuah avângin.


"Ashton ka hre lo.....


"Mahse Kate, min hmangaih ti khân i sawi si a." Hmél ngui lup chuan a ti chhuak sup a.


"Ka hmangaih lutuk che, mahse, ka nunah thil tih tur ka la ngah lutuk Ashton ka la inpeih lo."


"Anih chuan Kate keimah
nén a chén dun hi i la duh chiah lo tihna a ni em?"


"Nilo, ka duh lutuk, mahse he ti tut tut lo deuh hian kan ti thei em?"


"Kate Switzerland ah ka kal tawh dawn a lawm."


"Eng maw i sawi a?"


"Naktûk chawhnu lamah hian ka kal tawh dawn, chu vâng a hetia sawm ta mai che hi ka nia, kei pawhin hetia tih deuh tut tut hi ka duh zawng a ni lo a lawm, mahse ka kal tawh mai dawn si a, chumi chhûng chuan midang tâ i lo ni ang tih hi ka hlâu ber a ni." Ashton chuan hlimloh hmél zet hian a ti ta a.


"Chuan tûnah min hrilh chauh tihna maw?" Ka,hrethiam lo khér mai.


Columbia students ah zirlai zínga ṭha an thlang chhuak a,chumi ah chuan training nei turin kum hnih chhûng Switzerland ah neih tur tih a ni a..... chumi hnu ah chuan doctor tak tak ka ni ve thei tawh ang."


"Ngawi lawk teh! Kum hnih chhûng zet maw ni a?" Ka rilru chu a buai tak zet.


"Chumi hun chhûng chuan kan pahnih in kan chéng dûn thei a ni Kate!"


Ashton ka hmangaih tak zet che, mahse hei chu a harsa ang. Ka rilru chuan ka ti a, ka hlim lo khér mai.


"Kate?"


Chumi hnu chuan thâwm a reh duk a, muang chânga Ashton hmél ngui zet chu en in, ani pawh chuan min en lét ve ruih a, kan pahnih mit leh mit chu a intawng a, ka hrawkah chuan hnawhtu lian tak awm ang mai hian a phui tlat bawk a, eng thil mah ka sawi thei lo, ṭah vak vak chu ka duh a mahse ka thei mawlh silo.


Ashton chuan ka chhânna chu a hrethiam a ni ang, hrehawm ti zet hian a aw chu a thian deuh hrâwk a, "A nih chuan i laka ngaihdân ka lo siam hi a diklo tihna ani maw?" A ti chhuak hrawih a, a rilru chu ana hle ang tih pawh ka hre thiam.


A thusawi chu chhunzawm lehin, "Nang chauh pawh nilo, ka chung châng thu ah thleng hian.....


"Ashton ka hmangaih reng  ang che, mahse inneih erawh chu a la hma deuh mah mah lo maw?" Chu thil zawh rik ngawt pawh chu harsa ka ti tawh.


A ngawih rûn avâng chuan, "Ka ngaihdân chuan ka la inpeih chiah lo deuh in ka hria, " tiin ka chhâng ta a.


"Kate kei pawhin ka hmangaih reng ang che." Ashton chu a ding chhuak a, ka lam chu rawn hawi lét lehin,"Kate i rilru diktak min hrilh a ka lawm e." Tih pahin hawi pawh rawn hawi lét leh tawh lo chuan a chhuak ta nal nal a, mittui tlingpam chung hian kei pawh chuan ka thlîr zui ve vang vang a, mahse mahni chu ka inthiam thei lo, Ashton nén chuan hlim takin kan awm dûn thei, tûn lawk a a sâwmna ka lo pawm sak theih loh chhan chu Max  vâng hrep ani.


Hmél ngui lap chungin kan ṭhutna dawhkan chu ka thawhsan a, pâwnah chhuakin taxi ka phar a, inlamah ka haw ta a.


Kan apartment ka va luh chuan hmèl hlim sâng hian Holly chuan,"In date chu eng nge a an?" A lo ti a.


Lungchhe zet hian ka ṭap chhuak ta phawng a, ngaihtha lo zet hian,"Eng thil nge ni ta?" A zawhna pawh chu ka chhâng thei lo.

Ṭap chungin ka roomah chuan ka tlân lût a, "Kate kha tin tlân mai lo teh!" Ti a Holly min kohna pawh chu ka ngâithla zui tawh lo, ka roomah chuan ka inkalh hnana lungchhe zet hian ka inhnît ta hlawp hlawp a .


                ************
               
         ONE WEEK LATER...



Ka nu te inneih ni chu Holly nén kan va tel ve a, priest  thu sawi tâwp ber chauh chu ka hria, "Tûnah chuan  nupui leh pasal anni tih lantirnan pasal in nupui a fâwp thei e."


Ka nu in tûnah chuan hun rei tak alo nghah tawh pasal duhawm tak chu a nei ta.


Mahse hei vâng chauh hi a ni, ka nu chuan Max hian a hmangaih arin tlat vâng a la ni zui.

Thíkna hlîr hian ka khat a, ka tâwt up up bawk, intur ka mamawh tlatin ka hria, rangtakin intur awmna lam chu ka pan ta thuai a.


Intur chu no engzah chiah nge ka dawm tawh pawh ka hre lo, ka tlâk deuh pap pap nimai hian ka hria, ka taksa chu a lum halh halh ta mai, ka zâng hâih a, ka thawveng ru riau bawk.


Chutia hlim tak leh rilru zâng hâih, nuamti taka ka lo awm ham ham lâi chuan Holly hi ka bulah chuan rawn kalin, "I rui tih chu ka hria e, intur bottle zawng zawng hi inzawh vek i tum tihna em ni?" A rawn ti ngui lap a.


"Ka lo hre hauh hlei ném!" Ka meng phî chiai a, ka hlim hlé bawk.


"Ni e, i hre hauh lo ang. Ngâithla teh, ka ngaihven vâng chauh che a he hmuna lokal ve hi ka nia."


Holly thusawi ho chu ka ngaihven lo khér mai, ka su at at a, ka nui liam mai mai bawk a.


"Damn, i nu pasal neih nî ani tih hi hre ta che."

"Aw ka hria, Holly min han lâm pui hial teh! Hlim taka awm tum tûr!"


"Hetia i awmna chhan hi Ashton vâng nge, Max vâng zâwk?"


"Tu nge Ashton leh Max chu!"

"Huiiz, theinghilh daih rawh." A chal a dawm ngâih a.


"Ka bulah i lo kal ngéi angâi ang!"


"Surprise min pèk i tum ani maw?" Ka la ti ham ham a.


"Aw, a ni ber ang chu!" Ka kutah chuan min kâi a, min kal pui ṭan ta a.


Ka mit te chu ka chhîng vél, surprise atih mai vâng anih ka ring.


A tâwpah chuan min dinpui ve ta a,"Hol ka mit ka meng tawh dawn em?" Ka ding nghet vak lo, ka pai deuh khat khat reng a.


"Aw, meng suh tu nge ti?" A thinrim aw chuan ka nuih a ti za sauh thung, ka mit chu ka meng chhuak ta a.


Thîp zeta melh hian, "He hmunah hian maw surprise chu min pék a? Hei te chu bathroom anih hi!"

"Kate min han hrilh teh! Zu i in avâng mai hian Ashton leh Max chu i theinghilh phah lo ang."

"Ni e, hemi chung chângah hian sawi tur chu ka hre hauh lo, Max khân min hmangaih thu a sawi chhuak a, mahse Brandon ka duh thu in ka chhâng a, Brandon lah chuan midang min neihsan a, chuan Ashton ka kawp leh a, Ashton lah chuan nupui atân min sawm a, ka hnara, swizerland ah min kalsan leh ta bawk a, ka nun dân hi ka hrethiam tawh lo." Ka ti chuai raih a.


"Ashton hi i hmangaih tih chu ka hria a lawm, mahse hringnun chu a inher danglam zél ṭhin!" A ti leh sap a.



"Chuvâng chuan chhúngkaw dang nei tura ka ngaihtuah rík ngawt pawh hian ka damlo thei tak ngial dawn hian ka hria." Tiin ka chhâng ve a.


"Kar hmasa hmalam khân Ashton chuan inneihpuiah min sâwm a, chuan tûnah ka nu leh Max inneihna ani leh bawk a, ka pa awmna lah chu ka la hre thei bawk si lo."


"Kan haw mai aṭulin ka hria, hetilai hmunah hian tihtur kan nei tawh lo." Ka ti chhuak ta a.


Holly nen chuan chumi ní la la chuan kan thlâwk haw ta nghâl a, kan lo sawi tawh ang chuan restaurant te hawngin kan ṭhiandûn sumdawnna chu kan ṭan chho dún a, rinâi takin kan tluang phian mai, dawr tu tam tak kan nei a, thawktu dang kan rawih belh ta zèl a, ka nu emaw Max pawh ka be pawp vak ta lo, chu chu thuhran Ashton chanchin tak ngial pawh ka hre chhunzawm tawh lo a chu ka ngâi ve ṭhin lutuk.


THREE MONTH LATER....


Holly nén chuan kan sumdawnna chu kan chhunzawm chho zèl a, kan buai ṭhin ém avâng chuan tumah mipa dang pawh ka ngaihtuah zui thei tawh lo, Holly chuan kawng engkimah ṭhianṭha tak nih a tlin ém ém a, ka hrasatna ah min pui tûrin engtik lâi pawhin ka bulah a awm ṭhin, mi dang kawp leh turin thu min râwn fo a, mahse ka pawm lém chuang ngâi lo, a ni zâwk chu a class kalna a mipa fel zet mai Adam a tawng a, keimah ang mai mai a awm lo hrâm turin leh hlim turin Holly chu ka duh pui ngawih ngawih.


Túk khat zínga ka tho chu luak chhuak zet hian bathroom lam ka pan a, dik tak chuan a hma thla hnih chhúng te pawh khân nawmsam loh neuhna khawsik ser ser ang chi hi ka nei deuh reng a ni. Chhuak ém ém tur awm silo hian ka uak tuarh tuarh a, mahse a reh ve leh mai bawk a, ka pumruah lutuk vângah puhin,choka lam ka va kal Holly breakfast siam bacon a fry rim chuan ka luak a ti chhuak veleh ta a, bathroom lam bawk chu hmanhmawh zet hian ka pan leh a, ka phei leh hnu chuan, Holly mak ti zeta ka hau chu ka hma chhawn a.

"I damlo em ni Kate?" Chu zawhna chu ka dawn ka inring sa réng ani.


"Ka nuamsam vak lo a." Ti cgauhin ka chhâng a, tui chu ka in kgawlh khawlh a, "Doctor hmu la a ṭha ang." A thil eipah chuan min rawn melh zauh a.


"Holly ka lawm e, mahse ka ṭha leh tawh e, ka pum lampang hi a chiang chiah lo deuh tih mai chauh a nia."


"Ok, vawiin chu dawr lamah pawh rawn kal duh lo mai rawh ! Lo mu hahdam ang che." Hnial rual lo a tih hmak pah chuan amah in a kal ta daih a.


Kei pawh chuan a thusawi chu âwihin inlamah chuan ka awm ve ta mai mai a.


Chhûn lamah phei chuan ka zia awm leh tawh lutuk, tlâiah Holly chu a rawn hâwng a, "Eng nge i lo an?" Ka nuih pah séih a, "Ka ṭha lutuk tawh ringawt."


"Vawiin tlâi chu shushi ka rawn hâwn a sin!"


"Oh, ka chungah hi chuan i va han ṭha tak ém!" Holly chu ka kuah thuak a, ni e, shushi hi ka thil duh ber te zînga mi a ni. Hlim zetin shushi chu dinner a tân chuan kan hmang dûn a.


Zîng ka tho chu a ngâi ang bawk chuan ka uak leh tuarh tuarh a, ka hrethiam thei lo, ka pum lam chu a diklo viau anih ka ring, Holly sawi ang deuhin doctor chu ka la hmuh ve hrim hrim angâi ang, mahse túnah rih chuan nilo in.


Breakfast kan ei zawh hnu chuan, Holly nen dawr lam panin kan kal dûn ta a, dawrah chuan ka awm rei thei lo, thilsiam rim chitin réng mai chuan ka luak a ti chhuak vek, "Kate ka ngaih aṭha vak lo." Dawr hi kan khâr rih mai tur a lawm, anih lo chuan Penny tal hian lo enkawl rawh se, keimah ngeiin doctor chu ka hmuh pui ang che."


"Ni lo ve Hol, chutin kan ti mai thei lo ang."


"Takzet? Kan ti thei ngéi ang."


Doctor chu bia in apiontment nei turin a ti ta nghâl a.

A hmun kan va thlen chuan ka zâm tak zet zet, mahse Holly chuan nau ka pâi a ring miau tlat si a.

Ka hming an rawn lam veleh ka lût a, Holly rindân chu a diklo ani tih finfiah ngéi ka duh, mahse doctor room aṭang a ka chhuak leh chu ka ngui raih a, ka hlim lo tak zet zet, "Eng nge chan chin?" Holly chuan tiin min lo zâwt sap a.


"I ring dik e, nau thlathum leh a chanve mi ka pâi mék. Hol engtin nge ka tih tâk ang?" Ka ṭap chhuak lo chauh, chuti ang thil thleng chu ka rin loh lam pang tak a ni in, ka la inpeih rih lo, nu rilru pu tur in hun pawh ka la nei lo.


"Lokal rawh, car lamah kal ila inlamah i haw phawt teh ang, ngaihtuahna fím tak kan hman a ṭûl a nia." Holly chu ka thianṭha tak ani hi ka inchhuang tak zet zet.


Thaw huai chungin Holly chu ka zui ve ta chhat chhat a.


Apartment kan thlen hnu chuan living roomah ka ṭhu nghâl a , Holly chu sertui glass a rawn thlit chhuah nén hian ka bulah chuan a rawn ṭhu ve a, "In rawh i mamawh ang." Chu sertui vawt raih mai chu ka in nghâl khawlh khawlh a, "A tui kher mai!" Ka nui pah sak a.


"Tu nge anih i rin? Ashton a ni ang em?"


"Ashton bâk tumah an nih theih ka ring lo."


"Nauté hi pâi tlang i tum em Kate?"

"Nu nitur hian ka la inngaihtuah ngâi hauh lo, ka la inpeih lo bawk."


"Aw le , chuti anih chuan zanin hian lo inngaihtuah la, naktûk lamah thu tlûkna chu i siam dawn nia."


Chumi zân zankhua chuan ka inngaihtuah a, eng vâng a nâu ka pâiang tih pawh rinngaihna  hremiah lo nge ka nih chu le?


Ashton kha eng vâng a lo hnar nge ka nih? Ka rilru chu a insual buai khér mai, Ashton awnna Switzerland ah chuan kal a, ama fa ngéi ani tih hrilh chu ka tum nget ta a.


Zîngah ka tho ka phone chu ka hmang ta a, "Aw Switzerland flight chhuak hmasa ber tur  ticket book ka duh ang."


Holly chuan ka bul rawn thleng phei ve nghâlin, "Khawngaihin thutlûkna âtthlak tak i neihloh hrâm ka beisei."


A tlâi tawh mah mah, ticket ka book fel chiah." A chal a dawm ngâih a.


Ashton chu naute pa anih i ring chiang tihna ani ang maw? Chuan nâu pawh pâi tlang i tum ni in a lang."



"Tûnah chuan hotel thlenna tur ka zawn leh phawt angâi ang."


"Khawi khua ah tak nge a awm pawh i hre âwm silo a. Nupui lo nei tawh ta ang ni ta se?"




"Uhh, Bern khawpuiah a awm tih hi ka hria a lawm. Chuan mahni heti ang hian ka in hrem reng duh tawh lo, amah chu hmuh ngéi ka duh, naute pa anih ang ngéiin" Ka ti leh sap a.


"A mah hmu tur chuan i inpeih talzet tih hi i chiang a maw? Chuan i restaurant te hi eng tin nge ni ta ang?" Holly chuan mangan hmél zet hian a ti chhuak chûl a.


"Aw, ka inpeih chuan ka hria," thâwk ka la pah halh a. "Chuan administratpr ṭha tak nang ka nei reng a lawm, ka nghâk thei tawh ngang lo." Ka ti chhuak leh hraih a.


"Anih engtia rei nge i châm ang?" Holly chuan min ngaihtuah tak zet.



"Chrismas chu ka rawn hman ka ring. Chuan tumah midang a la date loh hrâm pawh ka beisei!" Thâwk ka la raih raih a.

"Oh Kate!"


Darkar riat dawn flight chhûngah hun ka hman hnu chuan, Switzerland airport chu ka thleng ve ta hrâm a.


Switzerland Bern 18: 46

Tûnah chuan Switzerland ah ka thleng ve ta hrâm e. Taxi la in ka hotel awmna lam chu ka pan a, Ashton chu a tûk zìng lamah zawn mai chu ka rilrûk bawk ani, achhan chu ka tsksa a châu lutuk tawh, dinner ka ei zawh hnu chuan ka room lam chu ka pan leh a, Ashton chuan khawi hospital ah nge training aneih tih chu ka zawn hmuh hmasak phawt tur niin ka hria, a instagram ah chuan ka lût a, khawi center ah nge a awm tih post a neih leh neih lo chu ka en kual ta a.


Zán rei tak ni dawn hialin ka hria, Ashton traning neihna hospital chu ka zawng hmu thei ta.


Rilru hahdam zetin ka thlenna hotel khumah chuan tui zet hian ka muhîl ta a.


Zing ka tho hotelah breakfast ka ei a, ka ei zawh hnu chuan ka room lam pan lehin ka insiam ta a, thawmhnaw lum lam pang inbelin, Ashton training na hospital lam chu ka pan ta a.


Hospital chhúng ka va luh chuan receptionist chu ka zâwt a, a awnna room min hrilh hnu chuan ka va kal a, Ashton hmel nél awm zet chu ka hmu leh ta, "Ashton!" Ka pan hnâia ka fâwp mawlh mawlh a," Kate!"


"Ashton ka......


"Bern ah hian eng nge i rawn tih?" Min hmu chu a hlim in a lâwm viau turah ka lo ruat kha a ni a, mahse a ni hauh lo, ahmèl chu a ngui ruih mai.



"I tello chuan ka awm thei tawh lo ani." Tiin ka ṭap chhuak ta phawng a.


Ashton inrin hman hma chuan ka va fawp nghal a, mipakhat  thla thum liam ta a ka hmangaih kha...


A ni pawh chuan insûm hlei thei bîk lo hian ka fawhna chu a rawn chhâng lét ve bawk a, chu afawhna chuan ka chhûngrilah phûrna na mèn loh ni tam tak ka lo up beh tawh chu a rawn ti harh ni hian ka hria.


Chutiang a inthlahlel zet a kan han awm chu, ka lung a ti chhe deuh tlat a, ṭah chhuah vak mai te chu ka duh ngawih ngawih, chu a hmûi lum ham ham mai leh dam zet a mi fawhna chu ka tawn lohna a rei lutuk tawh ringawt.


"Engti ang chiahin nge ka ngaih tawh che tih pawh hi i hrethiam phâk lo ang." Ka ti chhuak sep a.


"Ka hming a i rawn koh khân ka phu zawk a, nangmah i nih ka ring lo lutuk a !"tiin min nuih ve suk a.


Ka kutah chuan rawn vuanin, "Ka mumang emaw ka ti hial a sin, lo kal rawh ka inluah lamah kal ang ." Tiin hospital aṭang chuan kan in zui chhuak ta a.


Hospital aṭang chuan a apartment pawh a hla lo khawp mai, inchhûng kan va lût chu a fel fâiin hmuh a nuam khér mai, a hmûi a va fawh leh pah chuan,"Ashton tûnah chuan nang nén a chén dun hi ka inpeih ta e." Ka ti ta sap a, mahse Ashton chu a hlim ta hauh lo.


"Min neih chu i inpeih tawh tihna maw?"


"Ka hmangaih che a lawm Ashton!"


"Kate....thil pakhat buaina a awm."


"Thla liamta mai khân nupui ka nei tawh a ni."

"Eng mawww?"
Lu haiin ka tlu ṭhelh, ka dinna bula bang chu ka dawm vat a, ka ngaihtuahna ah chuan thil chi hrang hrang a lût zut zut bawk a, ṭap chhuak chung hian, "Kan awm dun theih tawh ka lo beisei a sin, he hmunah hian lokal lo zâwk tur kha ka nia."Ka ti chhuak a.

Ashton chuan a kut chu a thlâkthla zân a, a hûm ruh ngawt ngawt bawk a. Chuti'ang chuan ka ṭah bân hun chu min lo nghâk reng a.


Tlèma ka zia awm deuh hnu chuan Ashton chuan a aw chu thian deuh khurhin, "Kate ka chhûngten Savanah chu min neih tir a ni." A ti leh khauh a.


Mittui kâr aṭanga melh chho in, "Eng vângin maw ?"


"Ka hmangaihlo tih hi an ngaihven vak lo, pawisa an mamawh belh vâng ni maiin ka hria, Savanah chu ka nu ṭhianṭha tak fanu a lo ni bawk nén." A ti leh sup.a.


"I awmna a ka rawn thlâwk thleng hi ka tihsual lian ber chu ni ta in ka hria, naktûkah USA lamah ka thlâwk kîr leh mai ang e. " Ka ti chhuak sep a.


"Kate min lo ngaithla teh! Savanah hi ka hmangaih lo a, mahse miami a kan intawn hma a ka girlfriend kha chu ani ṭhin a lawm, sex pawh vawithum vél chu ka hmanpui tawh, mahse kan la thutak dûn ém ém lo, a duhzâwng mipa ka nih loh ang bawkin, ka duh zawng chi hmeichhia a ni lo bawk. Miami ah khân nang kha ka tawng ta che a, ka rilru leh thinlung zawng zawng luahtu chu nang chauh hi i ni, kha zân, nupui tura ka sawmna i lo hnar khân rilru na zetin Switzerland chu ka pan ta a, training naah chuan thiamthei pâwl ka ni chho zela, kan training lai pawh nimah se, hospital dangah hna ka hmu ta nghâl a, ti chuan chu mi chawlh hmang tur chuan New york ka rawn haw leh a, tah chuan Savanah chu rai puar ṭeuh tawh a rawn kalin ka fa ngéi a pâi thu a rawn sawi ta a, inneihna chu kan buatsaih  chung chung ta a."


"Helaiah hian nikhat pawh ka awm duh tawh lo, tiin ka thawmhnaw leia tla ho chu ka chhar mawlh mawlh a, he a fa ka pâi pawh hi ka hrilh loh mai angâi ang, ka hrilh chuan buaina dang bawk ka hmachhawn leh ang tih ka hlâu a ni.


"A ngawi vung vung a, "Lunch i la ei bîk lo ang ti raw? Kan siam ang e, kan pahniha ei tur chu rang tak leh tui takin ka siam thuai mai ang." Choka lamah chuan pheiin a
che ta sawk sawk a.


Kei ve thung chuan ka phone chu ka phawrh a, ka ticket tûr chu ka buaipui ta nghâl a.


"Eng a? A vâiin maw?"

Noodles tuihmél zet chawiin Ashton chu a lo lût leh a, "Ticket chu i book thei ta em?" Table a eitur a rawn chawi chu nghahpah chuan a ti supa, min rawn melh pah zauh bawk a.


Hmèl ngui raih hian,"Vûr thli a tleh avângin flight ticket zawng zawng an cancel vek!"


"USA flight ticket awm leh hmasak ber hun tur chu christmas zawh ah chauh a ni ang."


"Oh my God! Engtin nge Savanah chuan a han sawi ang le?" A mang ang ta viau a, ka haw deuh hlek nânga chu a nupui hi thîkthu chhe zet a lo nih hlauh phei chuan a ngaihtuahna ang chu a âwm ang ve thei tho mai.


"Ngaihtuah duh suh! Hotelah ka awn dawn a lawm."


"Nilo ve, hetah hian i awm ve ngei tur a ni." A thaw chhuak hawk a.


"Honey ka lo haw!"


Hmeichhe rawn ṭawng lâng kâng ri ka hriat chuan ka lungphu chu a inthûm rawn tluk tluk a, "Ashton, Savanah chuan engtin nge min tih ang? Min that duh hial mai lo ang maw?" Hlâuthawng zet hian ka ti chhuak a.


"Lo chiâi vak duh suh!"

Living roomah chuan hmeichhe pakhat sam dum hlap mai, vun eng lam pang mitmu hring nghalh mai hi a rawn lang chawpchilh a, a dul chu a puar luah tawh mai leh nghâl a, nau a hring hnâi tawh khawp ang tih pawh a hriat theih!


"Oh hello?" Ka hmél chu hmuh a inring lo khér mai.


A pasal lam chu nozet a melh pahin, "Mikhual kan neih tur thu ka hre hauh lo a?" A pasal chu zawhna zawh hmél zet hian a melh a.



Oh, a râi lian tawh lutuk, a nei ṭep tawh ngéi ang.


"Hi!" Ka ti ve sep a.


Ashton chuan, "Hei hi Kate anih hi, ka.....


"Ka cousin a nia."

Oh LaLpa..... kan chung châng thu hrim hrim engmah a hrilh miah lo ani ngéi ang. Engtin nge he inah hian a cousin ang chuan ka chén ve theih tâk ang? Hreptak zet chuan a.

               

IL CAROLE DENTRO CHAPTER 13


"Hello Kate, Savanah ka nia."


"Savanah Kate hi zanin hian thlawh haw nghâl tum ani a, mahse vûr thli atleh nasat avângin Usa lama flight kal tûr zawng zawng an canceled ta si a...


Ashton thusawi tum chu sawi lo khalh vatin, "Ngaihtuah duh suh! Hotelah ka kal dawn, ka thleng sa reng tawh a lawm." Tiin ka chhâng ve vat a.


"Mahse christmas zawhah chauh i haw thei dawn si a." A ti chhuak leh ruih a.


"Oh, khawngaihin hetah hian i duh anih chuan i awm thei ang, room ruak kan ngah a sin!" Savanah chuan a rawn ti chhuak ve ta a. Mahse ka chuti ang ringawt chu a dik dawn em ni?


"I bula christmas hman chu a nuam viau ang." Savanah chuan min nuih sâng a.


"Tak tak maw?"

"Oh, tehréng mai, ka pasal cousin i ni ani lawm ni? I unau nu tho ka nih hi! Naute hmél hi hmu ve hman law law la ka ti a sin! Ngaihtuah duh suh, ka ti hrehawm lo ang che." A nui pah hak hak a, Savanah chu a ri nghâl barh barh mai.


"Ṭhianṭha kan nih theih ngéi pawh ka ring!" Min siai khum zeuh a, anui var var bawk a, anélawm nghâl kher mai.

Hrehawm ti zetin Ashton lam chu ka melh zauh a, Ashton hmél chu a ngui ruih thung!


A ngaihna ka hrethiam lo tak zet. "Okay ka awm dawn nia," ka ti chhuak ta sap a.


Hlim zet hian Savanah chuan ka room tur chu min kawhhmuh nghâl pah zung zung a, Ashton erawh chu ka awmna hotela mi ka bungrua vél la turin a inkhalh chhuak thung a.



Roomah chuan lûtin, Savanah in min chhuahsan hnu chuan, Holly number chu dialin kan inbia a.


"Hol engtin nge niang? Savanah hian tu nge ka nih a hriatchhuah palhhlauh tâk chuan le?"

"Ngâwi lawk teh, ka hrethiam hauh lo mai!"


"Savanah chuan i bula christmas hman a duh thu a sawi i ti em ni?"

"Aw, i mitthla thei mai em? Ala râi puar zui leh nghâl !"


"Kate khâ hmunah khân i awm thei lovang, hmeichhe râipuar ho hian thil âtthlâk zet zet an ti ṭhin si a, chu mai pawh nilo in, nang lahin a fa tho i pâi leh nghâl vei nén thil thlen dân tûr hi ka hmu lâwk tlat!"


"Mahse engtin nge ka tih chuan ang? Awm ve turin min ti si a, Ashton lah chuan a cousin angin min sawi tawh bawk nén, ka insawn chhuah ṭâlh chuan a lungni lo leh si lo'ng maw?"


"A nih chuan fímkhur hlé ang che." Thâwk a la pah hak a.



CHRISTMAS DAY....

Choka lam aṭang chuan ka âu deuh lâng lâng a, "Savanah engkim peihfel a ni tawh e."


Ni e, thil engkim chu a ṭha tûr a ni. A ṭha mah mah tlat.


Kei leh Savanah chu ṭhianṭha tak kan ni chho a, vawiin tlâi pawh hian kan pahnih in christmas dinner tûr a bîk takin kan siam dún ani.


 Savanah bulah chuan mak tak maiin Ashton chu ka mipa hmangaih tak kha ani tih ka theihnghilh a, ka cousin ni ang maiin ka ngaih phah hial mai.


Mikhual ho Savanah in dinner eitur a a sawm te chu an rawn thleng ṭan ta a.


Ashton chuan mikhual dang ho chu lo chháwnin,"Lo lût rawh u."
 Putar kum sawmnga bawr vel tur  leh a fanu ni awm tak a sam rawng ang mai a sam silver rawng nei ve tho chu an rawn in zui lût a, "Mipa fel tak angin i awm maw?" Ashton hnungah chuan a béng deuh thuk thuk a.


A hmeichhe rawn hruai Anna chuan," I dress kha santa diktak i ang lo ém mai." A lo ti  ve hlak bawk a .


Savanah nén chuan choka aṭang a chhuak phei ve in, amikhual te pahnih lam chu apan phei ve a, "Oh uncle George ka ngâi lutuk tawh che." tiiin pa upa ve lam tawh santa claus thawmhnaw inbel hnuk mai chu a va kuah a.

"I thawmhnaw rawn hâk chu i inhmeh lutuk ringawt!" A nui pah ar ar a.


Anna lam chu hawiin,"Anna nang eng nge i an ve?"


Chu nu chuan men kual ralh paha a chal dawm deuh ngâih chung hian, "Nang ka biak dawn che chuan alcohol ka mamawh hmasa phawt!" A ti nghat a. Anni pathum lam chu kal pélin ka lam pan chuan a rawn kal a, an awmdân leh an che zia chu ka dinna aṭang hian ka lo thlîr reng a mak ka ti ru kher mai.


George putara chu rawn ṭawng chhuak lehin," A pawi ka ti tak zet, mahse Anna chu hetiang hi ani châwk ṭhin ani tih i hriat kha." A ti ve zauh a.


Savanah chuan thinrim aw bakhlar hian, "Hawihhâwm lo leh mi invaivung tak a ni lâwm ni kha?" A ti ve hmak.


"Fred a ngaih vâng chauh a ni e." Lungngaih hmél zet hian a ti chhuak ta sup a, chumi te pafa chu Savanah patea leh a causin Anna ni ngéiah ka ring nghet hmiah.


"Eng pawh chu ni se Merry christmas!" Savanah chuan a ti ve ta a.


Chutah a aia hlim hmél pu  chung hian, "Christmas hian chhûngkaw hlimna keng tel ngéi bawk sela." A nui var var a.


"Kei pawh chu chu ka pawm zâwng tak." George putara chuan hlim zet hian a ti ve bawk a.


"Oh, kitchen hi a ruah ka lo ring a."

Ka bula Anna ding reng chu melhin, "Oh, hi Kate ka nia!" Hlimhmél ka pu sâng a.


"Tu nge i nih ve?"


"Uhm, Ashton cousin ka ni e." Savanah vâng liau liau in sawichhuah pawh ka harsat ta lo khawp mai.


"Tak tak maw?" A âwih loh hmél tak zet.


"Thil pakhat, Ashton nutei leh patea chu kum 14 liam ta khân an boral daih tawh si a."


"Ahm,, a cousin ka nih dân hi a hla tawh lutuk." Ka ti ta ringawt a.


Midang dinna lam chu thíp zeta melh pah hian, "Saw nu sawn lem achang mai mai anih saw!" A intur inthlit chu a tem pah hlak a.


"Tu chu maw?"

Mi rawn melh leh pah hian, "Savanah saw maw le, saw, hmeichhe fel ber leh nélawm zet ang a alan der leh vél tawh saw!" Savanah lam chu ten hmél zet hian a melh kha kha a.


"Mahse hei erawh ka hria ani, achhûngril saw chu tûr ang maia khâ anih saw."


"Chuti ang chu anih i ring a maw?" Chiang ngam chiah lo deuh si hian ka ti chhuak sap a.


"Ka hre chiang lutuk tlat, a cousin ngéi ka nih hi i hre na nge?"


"Tûn nithum chhûng lek khân ṭhianṭha tak kan lo ni hman a sin! Chuan ani pawhin min hre chiang lutuk tawh bawk in ka hria."


"Anih chuan i pasal hual emaw i boyfriend emaw a kawp rûk sak ve ngéi dawn che anih chu!" A ti ta hmiah a.


"Eng maw?" A thusawi avâng chuan ka phu ve zawk mai.


"Kei ngei pawh hi a cousin ka ni a chu, ka pasal hual min lo kawp rûk sak a sin, ka tihpalh alcohol ka mamawh leh tlat, he hmuna awm tur pawh hi ka ni ve lo." Tiin alcohol awmna lam chu a pan ta a.



Mipakhat sam dum hlap mai sei lek lek tawh, asam chuan a beng pawh a khuh pha hial awm e, tih theih tur vun nung sar mai tarmit bun hi a rawn lût veleh a, "Merry christmas Savanah!" Savanah ve thung chuan alo nuih ver ver a.


"He hmuna i awm ve hi ka ringthei lo zâwk hial mai." Lokal thar pa bulah chuan Savanah chuan hlim zetin a ti sârh sârh a.


"Christmas hi chuan ṭhian hlui te hmuhna hun ṭha tak kan nei tih hi hre ta che." A nui ve suk a.

Ka dinna ngâi a din rauh rauh pahin an che zia chu ngawi reng hian ka thlîr a, chuti ang a a tih theih pawh chu ka ring chiah lo deuh.

Mahse Anna thusawi kha a diklo chu kan ti thei bìk hauh lo ang, lo dik ta ang ni se....


Anna thusawi kha thudik tak lo ni ta ang se, Savanah hi hmeichhe âwmném tak zawng anilo tihna ani ang a.


Ka phone ka ipte a ka dah chu a ri ral ral a, lâk chhuah pah hian ka pick nghâl var a, "Oh, hey Hol!"


"Merry christmas !" Hlim zet hian ka ti chhuak a.


"Merry christmas girl!" Lehlam pang aṭang chuan a nui ri hak hak a, vawiin chu Adam nén khân kan léngchhuak a, i hria em? Adam hi mipa ṭha tak a ni."


" Kha lamah te khân  engtin ngr i hman ve dawn?"


"Savanah chung châng thu ka hriat hi i âwih lo ngawt zâwk ang." Hawi deuh zak zak chung leh ṭawngrin hlâu zet hian ka ti a.


"Ok, i lo haw veleh thil engkim a detailin ka hre vek duh a nia, anih ka dah phawt mai ang, Adam a lo thleng chiah."

"Nuam deuhin hun va hmang ang che u." Phone chu ka dah ta a.


Kan christmas hman dân chu a nuam viau mai, midang mizia tam tak ka hriat chian phah thei a, Kyle leh uncle Goerge chuan football chung châng chu an tui pui ber a, dinner kan ei chhûng zawng a an tî tî na pawh ani hial âwm e.


Anna chu a rûi hlé mai a, christmas hla chu dinner ei lâi lâi te chuan a sa liah liah a, Savanah in a pasal hual Fred a lo kawp rûk sak chung châng chu mei nei deuh deuh hian a sawi chhuak deuh reng bawk a.



Ashton erawh aṭawng chhuak ve hauh lo thung! Chuan Savanah in achhúngte ho leh aṭhianṭha te asawm lâiin, tumah sâwm anei ve lo bawk. Mak ka ti khér mai.


Ashton nen chuan inhma tawn chiah hian ka ṭhu dûn a, ka hawi chhuah apiang chuan a mitmu pâwl ruih chuan min lo en ngar ngar zélin kan mit leh mit chu a intawng ziah mai leh nghâl a, a hmél a min duhna a tihlan lutuk avâng chuan midangin an hrethiam palh ang tih chu ka hlâu ngawih ngawih.Chutia kan in en zauh zauh karah chuan, a mitmengah thil mi sawi pui duh nei thân hian ka hre bawk a, eng emaw vei rûk tak chu a nei tlat hian ka hria.


Kan dinner eikham hnu thleng chuan Ashton chuan mi biak duhna nei ni âwm tak hian a awm a chu mahse ka awm ve tih erawh a haider tlat thung lawi a, chu loah midang chuan min ti buai zél hlawm nén, chûng te chu Savanah mikhual te ho leh tu nge ? Amah ngéi Savanah chu maw le.


Ka phone chu a rawn ri a, number ka en chuan ka room lamah ka lût vat a, Max aw thâwp sat mai leh cool ruih chuan, "Merry christmas Kitten!"


Ka nu chu a hlim viau ani ang maw, mahse tinge Max chuan min rawn call teh daih chhan, ka nu nilo in?



"Merry christmas Max!" Ka aw chu a khûr dar dar a, chu a aw pa zet mai chuan vawt ti miah silo hian ka taksa chu a ti mûr ar ar thei!


"Eng nge i duh!" In thunun tum zet hian ka ti hmak a, Max hi ka buai pui zui tawh tur ani lo, ka nu pasal anih avângin, ka ti rilru pah mawlh mawlh a.


"Oh come on!" A thaw ri hrawih a."Christmas anih hi, khawngaihthlâk zet te chuan awm lo mai teh!" A nui chhuak hawk hawk a, a nui ri pawh chu ka hriat lohna a rei ta hlé mai, ka bengah chuan a châm raih raih a .

"Max eng nge i an?"

"Kitten ngâithla teh! Ka sawi duh chu .... ka ngâi tak zet che." A ti leh sup a. Chu a aw sexy zet chu phone aṭang ringawt pawh chuan tawrh har ka ti tak zet zet.


"Kate ka ngâi tak zet che, i taksa kha tûnah hian ka mamawh!"


"Ka ...Max ka nu i neih kha!"


"Kate i nu ka mamawh lo, i nu hi sex ka hman pui ngâi lo, nangmah a lawm ka mamawh che." A aw chu a thâm ṭuak a.


"Max ka ...ka hre lo."


"Nupui i neih tawh kha...khawngaih takin ka nun hi min tih buai sak tawh lo hrâm rawh!" Ka in hnît ri hraih a.


"He hmun hi i tello chuan a ninawm lek lek, ka kham takzet tawh!"


"Ka hria e, kei in ka taksa chu ka pé che anga, ka nu in sum a dik em? Diktak chuan tunge car ṭha tak tak nei a, thawmhnaw ṭha tak tak anupui avâng a dawng kha le, kha thil kha i duh ber chu a ni lawm ni?"

"Kitten i ngaihdân dân in ngâi rawh, thil engmah ka hrilh thei rih lo che, mahse ka thil tih tur ka zawh hunah erawh chuan ka tâ chu i la ni tho tho ang."


"Max khawngaihin....


"Chuan, nihleh Ashton chu le?"


"I ngaihven viau em ni Max?" Ka ti ta hlar a.



"Oh, come on Kitten sawi ve mai la?"


"Engkim mai hi a ṭha lo vek, a cousin ang in min sawi a, kei leh Ashton nén a kan chung châng thu hi Savanah hian engmah hriat anei lo ni âwm tak a ni."


"Oh, lemchanna bawk maw? Ka duhzawng tak." A nui chhuak hawk a.


"Savanah chu a nupui em ni?"

"Yeah, Chuan nau a pâi bawk a, thla leh ah hian a neih ka ring!"

"Well, a hné awm duh ngawt ang chu!"

"Eng nge ka tih ang tih pawh hi ka hrethiam lo tak zet zet, mal riau bîk a inhriatna te ka nei." Ka ti chhuak leh hraih a.


"Kitten ngâithla teh! kei hi engtiklâi pawhin min nei reng ani tih kha theihnghilh miah lo ang che, chuan ka tâ i ni bawk tih kha theihnghil lo la."

"Tûnang ah te hi chuan han thu tak ve deuh la maw le!" Thinrim zet hian ka ti chhuak hraih a.


"Ashton chu ka duh a, mahse ani nén chuan kan awmdûn thei tawh lo ang." Ka mittui chu a parawl kiang a.


"Kitten Ashton chu i duh ringawt nge i hmangaih tel sawi rawh?" A aw chu a chang ṭha khel khawl khawp mai, a insehruh hlé tih pawh ka hre thei!


"Nilo, ka duh a ni mai, nang hi ka hmangaih avâng hrep che hian, chu chu i hre thiam lo  em ni Max?"

Phone chu a thi zui hmak, oh eng thil tlâk tlâi lo zet nge maw ka sawi chhuah tâk mai chu le?

"Barhroom ah chuan ka lût a, kha thil kha ka sawi chiah em tih pawh ka chiang lo, ka sawi chiah em le?"

Dinner kan neih zawh aṭang khân ka damlo ru ser ser in ka hria, ka ei hnem deuh vâng nge ni ang?


Love triangle an tih ang chi hi ka nei ang tih chu ka hlâu zek zek, achhan chu he ka fa ka pum chhûnga awm pa chu Ashton a ni a, mahse ka hmangaih tak zâwk erawh Max a ni thung!


Zînglam dar hnih ari tawh a, ka la muhîl ta lo cheu chu a nia, Ashton leh Max te pahnih chu ka la ngaihtuah char char, kumin christmas lo thleng hian ka nun chu atih buai loh hrâm ka beisei.

            ************


Christmas zawh tûk pawh chuan flight chu an la cancel fo mai, ka rilru buai lutuk chu Anna ang a intur a rilru tih hahdam ve chu ka duh ve rum rum. A chhan chu he chhûngkua hi an mak ka ti tlat.


Ashton lah chu thil eng emaw deuh a péhhél char char a, Savanah lah chu lem chan thiam ber ni ang hialin inchhúngah chuan a tei kual reng mai bawk nén, Anna rûi lutuk tawh chu apatea chuan a hruai hâwng ta ringawt a, dinner kan ei lâi a Anna thil min zawh kha ka la hre reng.


"Ka zawhna che chu i hria em aw?"


"Ni e, Kate nang eng i ngaihve dân ?" Kyle pawh chuan a rawn ti ve a, an thusawi ho chu ka lo ngâithla hauh lo, engmah hriat pawh ka nei lo.


"Tihpalh Anna ka lo ngâithla miah lo a."

"Eng nge i lo ngaihtuah réng réng?


"Anna hawihhâwm lo zâwng chuan khawsa lo hrám teh!" Ashton chuan a rawn ti chhuak hrawih a, mak kan ti hlawm lutuk ringawt, a chhan pawh ngawih a chuh tlat ṭhin avâng chuan.


"Ka hrethiam hauh lo Anna, Mahse eng nge min zawh duh? Min zâwt ṭha leh thei ang."ka ti a.


"Hmangaih i nei tawh ṭhin em ka ti mai a nia?"


Chu a zawhna ber kher chu, "Ka..... ka nei ve tawh ngéi a lawm, mahse a hnawk buai chuar nuaih a ni ber mai."


"A kim chang a i sawi hun ka nghâk reng a nia." A rûi tawh hlé ni hian ka hria a, ka ngawi vang vang a.


"Anna kha chu a hawihhâwm loh thlâk mah mah lo maw? Sawi chhuah a duh nge duh lo tih pawh i hria em ni?"


Anna chuan a bula Kyle ṭhu chu thîp zeta melhin, "Engvâng a mi lo  tibuai chhèn reng mai nge maw i nih chu le?" A tih khum ta nghek a.


"Anna inbengdâi rawh." Savanah chuan a ti ve hlak bawk a, chutia Savanah rawn tawng chhuak chiah chuan a thin chu a tirim leh zual ta sauh emaw tih tûr hian, "Nang hmâi kâwr invuah nu lo ngâwi chîp cham mai teh! Nang hian Fred kha sualna lamah i thlém thlu tih hi inhre rawh, zah pawh i la zak chai na nge?Fred kha ka hmangaih asin." Tiin lungchhe zet hian a ṭap chhuak ta hlap hlap a, intur lam pang a lo inhnem tawh bawk nén a rûi lungpuam chuan aṭah chu a ti kal khawp ang chu!


"Eng chung châng nge maw i sawi le?" Savanah chuan a ti hlak a, kei chu ka ṭhutna aṭang chuan ka tho daih, kan dinner ei khâwm dân zet chu!

Ka haw vat chu a ngai ang.


IL CAROLE DENTRO 14

Chuti ang an chhùngkaw drama lo thlîr kual sak mai mai tûrin hun ka nei lo a sin, mahni lo mah a rilru buai ve nâk a lâiin, ka damlo zo tak ngial dawn hian ka hre tlat.


Tháwk ka la halh a, ka room a ka lût tur chiah chu Ashton aw ka hre ta thut a, ngâwi rengin min lo zui ve reng chu lo ni in, "Amh ...Kate?"


"Min pehél char char ni in ka lo hria a." Ka ti chhuak sep a, a lam hawi chuan zâwimuang hian ka in her a.


"Kate pawi ka ti tak zet." A hmél chu a ngui ve ruih mai.


"Ka ngaihtuah ber chu nangmah bâk i ni lo tih i hriat reng kha, mahse Savanah hian ka fa a pâi mék si a, hlimtakin kan awm dún thei kha ani a, mahse kha hun ka kan chân dún ta si."


"Ashton....

"Ka sawi tawh ang khân Kate kan pahnih hian kan inhnaih tawh loh mai ṭha ka ti, kan pahnih a kan hlimlâi hun te kha kan ko kîr thei tawh dâwn chuang lo." Ashton chu a mengsen rûm a, a rûm chhuak hawk bawk a, a beidawng ve hlé a ni ang.


"Ashton ....

Ka ṭap chhuak ṭiau a, mahse ka thusawi tûr chu sawichhuah ṭha ve hrim hrim in ka hria, ka heh chu ka pet fan fan a, ka mittui luang ngiai ngiai chu ka kut hian ka hru hul a, Ashton chuan a kut chu a rawn lek kâng zuauh a, mahse a thlâk thla leh a, a kut ṭang chu a hûm ruh ngawt ngawt a.


"Ashton, in nupa inkar chu tih buai ka duh hauh lo che u, mahse he thu hi chu hre ve hrim hrim la ka ti a, chutiang túr chuan dikna pawh i nei bawk, kei chu naktûkah ka haw tawh mai dâwn a, vawiin a ni tawh mah zâwk ang chu!" Thâwk la in ka châwl dat a, mahse ka thusawi chu ka chhun zawm leh nghâl a, "Keimah a khawsak hi ka zuam lo a, tûna i nupui hi tha takin enkawlin chhûngkaw hlimtak nih tum ang che u, kei chu min rawn ngaihtuah tawh lo ang che, chuan ... kei pawhin i fa ka pâi ve tho a....


"Oh no!" Ashton chu a ṭháwng khér mai.


"Hre ve la ka ti mai chauh a ni, chutiang tur chuan apa i nih angin dikna pawh i nei bawk." Ka ti leh sep a.

"Nakûk/ vawiinah hian ka thlâwk haw tawh mai dâwn ka tih tawh kha."

"Kan hun kal tawh hnu te kha thlâk thei i la ṭha tur a nia." A hmèlah chuan lungngaihna nasa zet hi hmuhtur a awm a.


"Ni e, a ṭha tur a nia chutiang chuan ti thei ilang chuan." Chu thu chu ka sawi chhuak thei hrâm, mahse ka fa pâina pa hi ka hmangaih tak zet em? Nge afa ka pâi avâng mai hian hmangaih ka tum zâwk? Chu thil chu ka rilru ah a lian lo thei lo.


"Hei hi ka duh ber ang, he kan fa hi ka enkawl ang a, a nu leh pa kutah ngéi chuan ka sei len tîr ngéi ngéi ang tih hi, mahse hun kal tawh te chu kan ko kîr leh thei tawh silo." Inthlahrung zet chuan a ti chhuak a, he ngaihdán hi nei lo thei hrâm se ka duh, he ka fa ka pum chhûnga awm hi keimah ngéi in ka enkawl seilian ve thei reng a ni tih hi tu pawh ka hriat tir tûr ani. A pa ngei Ashton thleng hian, tumah tihbuai ka duh tawh lo a, mahni in nun zalén tak a awm chu ṭha ka ti, mahse he ka fa rawn piang túr hian pa ti a koh tur anei lo ang maw, nulehpa thlazâr hnuaiah a awm ve thei dawnlo tihna em ni ni ta? Chu thil erawh chu ka ngaihtuah ngun viau angâi ang.


Zíng anih chuan ka thawmhnaw ho chu ka pack malh malh a, Ashton chuan Aitport thleng min thlah a, kawngtluan chuan kan in be hauh lo, mahni rilru ve ve chu kan kâwm dûn veng veng a, a hmél ngui ruih chu hmuh hrehawm ka ti khér mai, kei ngéi pawh ka hlim bìk chuang lo.


THE NEXT DAY, NEW -YORK 18:54


New york ka thlen leh hnu chuan, tláilamah Holly nén chuan kan vâk chhuak dûn a, pâwn lama vûr tla in hmuntin mai a bawh vâr vo chu hmuhnawm ti zetin ka thlîr pah dauh dauh a, vûr tla te chu ka hmu fo achu hmuhnawm ka ti thar riau, ka tét lai ka hre chhuak a, ka pa nén a vur hlâwm a kan infiam ṭhin lâi te kha ka ngâi thar leh thut!


"I nu hian a hre ve tawh em?" Holly chuan min melh zauh pah hian a ti a.


"Hre lo, nang leh Ashton bâk in inla hre lo."


"Max hian eng ang in nge angaih ve ang ka hre lo, i hrilh ve lo hi!"


"Hol, Max fa anih chu i ring em ni? "


"Ka chiang chiah bîk lo a chu mahse nang ngéi pawhin i chian bîk chuan loh kha....


"Ashton  fa a ni ka tih mawlh mawlh kha!"


"Kate i â e mai, Ashton fa ani tih pawh hi i chian ka ring chuang lo,Max hian a duh che a, i duh ve tih pawh ka hai lo, eng vâng a afa a puh mai lo nge i nih? Hetiang dinhmun a din tir tu che hi tu nge tih hi i ngaihtuah ve chu a ngâiin ka hria mahse i fîmkhur erawh a ngâi viau ang."


Hol thu rawn sawi duh dân chu ka hrethiam lo tak zet, min ṭhawng lutuk bawk. "I sawi dik e Hol, mahse Max hi a fa ang a ka puh chuan engtin nge ka nu hi ni ta ang, chuan Max hian lo âwih duh ta lo bawk se la?"



"Kate!" Kan hnunglam aṭang chuan Max aw rilruih chu kan  hre thut a, kan ṭhian dûn chuan kan phu zawk thei. Chu aw rawn chhuahna lam chu kan hawi rual ṭhawt.


Kan bulah chuan rawn kalin, "New york ah i awm leh tawh tih hi ka hre hauh hlei ném!" A sam dumhlap chu a thur deuh chhap a, vûr tla chuan a ti hnâwng deuh chap bawk a, a sam chu a tuai chho zauh a.


"Well, hei ka awm tawh a nih hi, min hmu reng a lawm."


"Eng thil nge in lo sawi mawlh mawlh kha?"


"I lo ngâithla ve leh reng tawh ani maw, a dik em?" Ka chal chu ka dawm ngâih a, Holly chu ka melh zauh a, min lo mitmeih ve zauh a.


"A vâi a insawi kha chu ka hre chiah lo." A zâm ve hmél tak zet.


"Eng chen chiah nge i lo ngaihthlâk hman?"

"Hmm, a khabe chu a dawm deuh rûn rûn a, a meng nûr nâng bawk a, eng emaw mûk zeta ngaihtuah hmél hi a pû a.


"Eng nge?" Chuti ang a mi an awm réng réng hian ka nghâk thei ngâi lo, zawhna ka lo zâwt hmanhmawh ziah.


"I râi ani ti raw, a dik em?"


"Oh, engtin nge i hriat?" Chu thil ber khér chu maw a hriat a.


A mengkhup ve lup mai, "Katie ka fa a ni em?"

Chu zawhna ṭawngkam tâwité chu ka tân chuan chhân ava harsa si ém, engtin nge ka chhân tâk ang? Ka rilru chu abuai tak zet, Ashton chu alo kîr leh tawh dâwn lo tih ka hria, mahse Max hi dâwt hrilhin ka tân tîr thei ringawt lovang, mahni a naute enkawl chu ka zuam chiah em? Abortion lah chu ka ti duh hauh bawk si lo, eng pawh lo thleng dawn ni se he naute pawi sawi lo hian khawvel chu ahmu ve ngéi tûr ani, tih chu ka rilruah ka tuh nghet tlat.


Mahse mahni ringawt a chu naute enkawl chu ka zuam chiah em? Holly thusawi kha a dik ang em? Ka pa hi a la dam niin ka hria anih kha, Max hmél chu ka en zauh a, ka chhânna ala nghâk reng, ka chhân har lutuk avâng chuan a ngaihpawh a ṭha lo viau ang, ka nu hi engtin nge ni ta ang? Max hi naute pa ti a ka chhâl chuan, mahse ruahmanna ṭha tak ka nei ta a, Max hi keimah zâwk hian nei ta ila a dik zâwk mai thei a ni, tichuan ka pa awmna pawh ka hriat phah ang a, chuan Max hian kan nufa lakah hian engthil chiah nge atih tih hi ka hrechhuak thei mai thei a ni.



"Aw i fa a ni e." Ka ti ta sap a, ka nu chu ka ngaihtuah viau a chu chutia ka tih mai chu ṭha in ka hre rih a ni.

Max mitmeng hlim sârh mai chu ka hmuhhmaih hauh lo, mahse dâwt ani tih a hriat chhuah hunah erawh chuan ka inthiar fihlîm hman ngei ka beisei, chutilo chu eng ang chiahin nge min tih dawn ka hmu tlang sa vek.


"Mahse engtin nge ka nu chu kan hrilh ang?" A hlimhmél chu hmuh nuam viau mah se ka hlim ve hauh lo.


"Thu dik hrilh ta ang i la? Dâwt thu tam tak hian min hual vél a, ka kham tawh tak zet, héng aṭang a zalen hi ka duh tawh ani Kate, chuan kan naute hi kan chhandamna chu a ni bawk ang a." Max chuan phûr hmél zet hian a ti leh a, chuti ang taka ahlimpui mai chu ka khawngaih záwk hial.


"Mahse ka nu chuan min haw viau ang." Ka ti chhuak sap a.


"Eliza chu keimah ngéiin ka hrilh ang." Holly chu ka melh zauh a, a lo chhîng sawk kei ngéi pawh chuan ka thusawi chu ka inchhîr leh letling zawk.


Max chu a kal ta nghâl a, Holly chuan âuhlét pahin, "Max lo nghâk lawk teh!" Max erawh chuan a hre zui tawh pawhin a lang lo.


"Ashton fa anih tih hi i chiang chiah maw?" Ka lam chu a rawn hawi a.


"Hol chutiang chuan ka hrechiang bîk lo, tunge naute pa dik tak tih hi, mahse hei hi ka tân chhuahna kawng  awmchhun ni chuan ka hre ve ta ani." Ka ti leh sep sep a.


"A ṭha e, naute rawn pian hunah kan la hriat theih mai ka ring, Max chu va zui ve rawh."


Kei pawh chu Max kalna lamah chuan ka kal ve ta nghâl a.


Max nén chuan flight chhûngah chuan kan ṭhu dûn rân a ka chiâi tak zet.


Lungngâi duh suh, engkim a fel vek mai ang, Eliza pawh a thin arim viau ang, mahse afanu i ni a, a haw kumkhua bîk lo a ng che." A ti chhuak sup a, mahse chu a ṭawngkam chuan min hnèm zo tak tak chuang lo, ka nu chuan engang chiahin nge a lo ngaih anga? Chuan Holly sawi dânah khân Max fa tak tak zâwk chu lo ni ta ang se, Ashton fa ngei ani tih chian fakna ka nei bîk bawk si lo, achhan chu Max nén a kan mutdun thla leh Ashton néna kan mutdun thla kha a inang tlat a ni.


New-york aṭang chuan Philadelphia airport chu darkar thum hnuah kan thleng ta a, kan inhlui a kan lût leh chu ka pa ka ngaihna te pawh chu a thar leh rum rum mai, ka pa kha mithi ang in lo vûi tawh mah ila, a dam ka rinna chuan beisei na sâng tak min neih tir lo thei lo.


Ka nu chuan Max néna kan inzui lût leh Max ina ka kut a hûm chu mak ti zet hian a lo en kar a, Max chuan kan awmdân engkim chu zép nei hauhlo in a hrilh fâi ta vek a, kei chu ka ngâwi reng a, ka nu chu a mitah tak pawh ka en ngam lo, rilru nat hmél zet hian Max thusawi angaihthlâk chhûng zawng chu a melh ngâi hi a melh tlawk tlawk a, hrehawm ka ti tak zet.


"Ka ring thei lo hial zâwk." Ka nu chuan a ti chhuak tuarh a.


"Mom Max hi ka hmangaih ani." Ka ti chhuak ve sap a.Max chuan ka kut chu a hûm nghet zual sauh.


"Kei pawhin Kate hi ka hmangaih a ni." A ti chhuak ve hrawih a.


Ka nu chuan kan pahnih a râpthlâk ti zeta mi melh râwm ráwm chung hian, "Ka hmu duh tawh lo a che u." A ti leh nghek a.


Max chuan rum zeta ka nu chu melh khur chung hian, "A ṭha e, kei pawhin ka hmu duh tawh bîk lo che." A ti chhuak leh hrawih a.


Max chu room lamah chuan a kal ta a.


"Mom.....

Ka nu chu chhuak zet hian a inhnît hlawp hlawp a, ka tân chuan tawrh avahan har tak ém, "Kal bo rawh!"


"Mom... khawngaihin hriatthiam tum hrâm rawh, hetiang thil a thleng hi pawi...."


"Min kal san rawh Katie..."
Ka nu chu a ṭap zawih zawih a, "Hei vâng hrep hian ani maw Max hian kan inneih zân pawh a khum inṭawm a lo duh loh chhan!" Ka nu chuan a sawi dik reng, he thil hi keimah vâng vek a thleng a ni.


Thinrim zet hian ka lam chu rawn hawi lehin, "Tûn aṭang chuan ka hre tawh lo che." A ti leh tuarh a.


"Mom khawngaihin kha thu kha chu sawi lo hrâm rawh." Hrehawm ti zet hian ka ti hlap hlap a.


"He ka in a ṭang hian chhuak rawh, tûn aṭang chuan ka tân hmélhriatloh mai chauh i ni tawh." A rawnti leh a, a ṭap zawih zawih a, kei pawh ka mittui a tla ve zawih zawih, ka nu ṭawngkam dengkhâwng lutuk avâng chuan ka nâ tak zet zet.


Max chu a rawn chhuak leh a, a bungrua chu khâiin chu hmun aṭang chuan min hruai chhuak ta a.

              ************

FOUR MONTH LATER....


Ka dul pawh chu a lian sâwt tawh khér mai, Max nén chuan thla li lâi chu kan chéng dûn ve tawh a, ka nu in min hnawhchhuah hnu khân Hotelah kan riak dûn a, a tûkzíngah chuan Max chuan New- york min pan pui leh a, New- york ah chuan apartment a lei nghâl a, ka apartment lamah chuan awm ka rawt a a duh dér lo thung! Khawi aṭangin nge chutiang pawisa tam tham zet chu a neih tih pawh ka hre lo, he thil pawh hi ka chhui chhuah vat angâi ang.


Max chu tûn thleng hian eng hna tak nge a thawh pawh ka la hriat pui hauh lo, secret agent te hi a ni mai lo maw? Ahna lam chung châng ka zawh deuh apiangin engmah chhânna fum fé ka dawng ngâilo a, nitin office kal turin min chhuahsan ve ziah a, a awmloh hlân chuan a thil dahna vél chu ka theih ang ang in ka dap kual ṭhin a, mahse engmah hmuhchhuah ka nei ngâi lo, a fîmkhur viau ani phawt ang.


Chu Apartment kan luahluh aṭang a thlakhat hnuah pângngâi takin kan innnei a, mi pawh kan sâwm lém lo. Holly leh a pasal Adam bâkin min telpui lo.


Hun a kal ve zél a, kan appartment luah chuan ka duhthu asâm vak loh avângin leh fa kan neih hun atân chuan a zîm deuh avângin Max bulah chuan ka sawi sel reng ṭhin a, chu apartment chu tih rala flatah insawn chu ka rawt a, Max pawhin min pawmpui khawp mai, achhan chu ka nu in min hnawhchhuah avâng a hmanhmawh tak a he apartment hi ngaihtuah chawp chûk chûk kha kan ni a, duhthu asâm lém lo tlat a ni.

"Kate vawiin bâk chu Apartment dang enna hun kan nei tawh lo ania." Max chuan a ti chhuak hrawih a.


"Ka châu lutuk tak zet." Ka ti chhuak sep a.


"Cheese cake leh Vanilla cream cake i duh leh tih hi sawi lul tawh lo teh!😂😂😂(inhrethiam em?ka group a awm ho chuan inhriatthiam.ka ring.😂😂) Vawiin ah ngei hian kan flat tûr chu i thlang fel tawh ang, achhan chu naktûk zîngah tho in Los Angeles ah hna avângin ka kal angai tawh dawn si a."

"Kitten he kan fa lo pian hma ngei hian flat tharah insawn ka duh ang."


"Ka hria e, pawi ka ti tak zet," thâwk ka la raih raih a, "Hei hi aṭha mai lo em ni tiin chu kan flat en hnu hnûn ber chu ka melh kual ruai a.

"Yay!" Hlim zet hian Max chuan min rawn kuah a, "Ih maw Kitten ka hmangaih zia che hi i hria ti raw?" Ka hmûiah chuan duhthawh zet hian a rawn fâwp a, min thlah leh hnu chuan, "Sandy he flat hi kan duh ang, kar lehlamah chuan kan insuan lût duh nghâl bawk ang." Max chuan a ti ta a.


Max chu Los Angeles akal aṭang chuan nihnih lâi a ral leh ta reng mai, nitin min rawn be ṭhin a chu engtik thleng nge a châm dâwn tih erawh a sawi thei ngâi tlat lo.


Innuam takah min chén tira, engmah mamawh neilo in min siam a min hmangaih a min duat takzet a, min ngaihsak ém ém bawk, mahse ahnathawh erawh ka hriat a rem tlat lo.


Mahse kei ngéi pawh chu ka awm mai mai bîk awzâwng lo mai, ka pa chung châng ka hriat theih ang zawng zawng chu ka khawn khâwm ve char char a, Max awmloh lâi zawngin ka hna chu ka thawk ve ṭhin a, ina a awm veleh nupui ṭha tak angin ka awm leh ṭhin! Mahse chûng avâng erawh chuan ka hmangaihlo tihna ani lém chuang lo, ka hmangaih lutuk a, khawvél a mi vânnei ber nihialin ka inhre ṭhin!


Vawiin chu inah ka awm a, nimin lamah ka vah chauh deuh hlek avângin inchhûng tihfai nân leh mahni intihfai nân hun ka hmang a .


TV en paha ka ṭhut mai mai lâi chuan thâwm ka hre ta thut a, " Tu nge ? Tu nge lo kal? Oh my God."


     
  IL CAROLE DENTRP CHAPTER 15

Holly chu rawn langin, "Kawngka i kalh lo va?"


"Rûkru leh tualthat te rawn lût  thut tâ ang se?" Thíp zet hian min melh khâi a.



Ahma âi mahin tûna a thusawi hian min ti thlaphâng zâwk daih, "Sorry Hol, ka châu deuh hlek a," ka ti ve sap a.


"Max chu a kal ta em ni? Flat lei tur chu inhmu ta em?"

"Aw, kal tawh, chuan nimin khân flat luahtur pawh kan tifel tawh e, kei ka rit tawh ropui si a, kan insawn chhuah hunah chuan min rawn pui ve ang chu ti raw?"

Tehréng mai, matheilo in maw le."

Thutak deuh zâwk a mi rawn enoah hian, "Nangmah ah hian eng thil nge thleng hi? Max nun inthlák nasat zia hi i hria em? Chu pawh nang nén a awmdun aduh vâng chauh leh nghâlin."


"Hol ka hria a lawm."


"Chuti si, pa ani tih ain hriat avâng a ahlim zia te kha, Kate chu tal chu ngaihtuah lét ve rawh, Max hian a hmangaih tak zet che."


"Hol i hriat reng kha, ka rindânah chuan Ashton hi naute pa diktak ni in ka hria a lawm." Tháwk ka la hraih a.


"Chu thil chu alawm hrilh che ka tum réng ni, Ashton hi theihnghilh tûrin ka duh che, a kalsan tawh che kha hre reng ta che."

"I sawi dik in ka ring." Ka ti chhuak sap a.


"I nu nén in in beleh tawh rèng em?"


"Ka call pawh a pick duh ngâi lo." Ka tih tur hre lo chuan ka kut chu ka nuai deuh nawk nawk a


"Nakinah ngâi a la awh veleh mai ang." A tih chuan ka thaw deuh huai mai.


Holly haw hnu chuan Max hnén aṭangin phone call ka dawng thut a, zanina a rawn haw hman tur thu chu min rawn hrilh a, ka lawm tak zet.


Mahni in dimner chu ka ei leh a, ka eizawh hnu chuan living room lamah chuan tv ka en leh ta a, Max chu ka rin âi daihin a rawn thleng har, tún angah te chuan a rawn thlen a hun daih tawh si a, eng nge a chhan ni ta ang? Ani hi rokhawlhna anei leh pek em ni ? Time chu ka en zauh a, dar sawm lai a ri tawh leh nghâl.


Khawiah nge a awm tâk ang, ka phone chu la kângin Max number chu ka dial ta a, a inring a chu a pickup lo réng reng, Max khawngaihin pick hrâm teh!


A hnuah phei chuan ka thin arim ta a, engvânga ka phone chu pickup duh lo nge anih, kei hian ka lo care viau anga maw a teuh lo mai.


Okay okay, mahse ka ngaihtuah tak zet.


Heti ang ringawt chuan ka nghâk reng thei lo ang, ka ding chhuak a, chhuat dungah chuan ka vei tawn sek bawk a.


"Kitten ka lo haw e."

Max chu living room lamah chuan a rawn phei a, thîpzet a lo melh pah chuan, "Max eng thil hrep nge ni a?" Ka ti chhuak hlar a.


A coat hâk chu phelhin sofa ah chuan a theh thla a, min la chhâng hauh lo, "Ka ngaihtuah hman lutuk che a." Ka ti chhuak leh hraih a.


Ka lam chu rawn hawiin, "Pawi ka ti lutuk, kan boss in hna min pe hnem lutuk a." Ahmélah chuan a inthiamloh hmél ve tak zet.



"Min ngaihtuah ang tih chu ka hria alawm." Thâwk ala pah hawk a. "I phone call kha ka chhâng thei bawk silo."



"Oh, tak zet?" Ka ti chhuak tuarha, ka thin chu a saphat bawk.

"Thil eng emaw ṭha lo tak i tawng ta emaw ka lo ti hman tawh a sin." Ka mittui chu ka biangah chuan aluang thla ngiai ngiai a.


"Kate pawi ka ti tak zet, rawn call back tûr che hi ka nia, mahse hei ka hna ka zawh veleh hmanhmawh zetin ka rawn thlâwk haw vang vang anih hi." Min rawn panhnâi nghâl ruak a, a kut chuan dím zet hian ka mittui chu min hrúk hul sak a.


"Pawi ka ti lutuk Kitten, hetiang hian min lo nghâk reng tûr hi i nilo ." A hmélah chuan inchhìrna hi alangchhuak a.


A awmdân chu mak ka ti riau mai, heti ém ém chu ani ngâi silo, thil eng emaw tak zawng a awm chiang mai.



SWITZERLAND

ASHTON.....


Ka training na hun chu min tih tâwi sak a, tûnah chuan doctor ka ni ve ta tak tak e, ka thawhna hmun apiangah chuan mi te duh leh doctor thiam tih veka sawi ka ni a, sum lamah pawh harsatna ka nei ngâi lo.


In nuam takah ka nupui leh ka fanau te chu ka khaw sak pui a, ka fapa Jerry ngéi pawh tùnah chuan kumkhat a tling ve ta lek lek mai, mahse ka nun chu a hlim thei tak tak lo, chu ka fapa chu Kate néna kan fa ni zâwk se tih châng ka ngah mai, Kate kha ka ngâi tak zet .


Inlamah pawh ka fapa váng chauhin haw ka thlahlel ṭhin ka nupui Savanah vâng nilo in.


Tûkin chu hna kal turin ka chhuak hmâ hle a, Savanah bulah pawh chuan hna ka ngah túr thu leh ka haw tlâi túr thu chu hrilhin in aṭang chuan ka chhuak a, mahse ka hna chu rinâi takin ka zo leh hma ta si a, vawiin ni a mi zaitur ka tih ho chu aṭhen zai an ngaih leh loh vâng ani.


In ka thlen chuan alo reh ṭhiap a, an nufa chuan an mû anih ka rin avângin, thâwm dím zet hian ka lút a, ka fapa room chu ka en dâk dâk a, mahse Savanah chu a awm hauh lo mai, a inbual te anih ringin kan nupa room chu ka hawng a, chuta ka thil va hmuh chuan min shock ngéi mai, ka nupui alaka ka lo rinawm ve na ém ém ṭhin chuan ka ṭhianṭha zet mai Elton lakah chuan min lo rinawmloh san ṭhin chu lo ni in.


"Eng thil.......

Engmah ka sawi chhuak thei tawh lo, ka lum pup pup a, ka lungphu chu a puak keh dawn hial hian ka hria.

Ka thâwmah chuan an rawn hawi phâwk dún hra a.


"Engvânga rawn haw hma leh èm ém nge maw i nih le?" Savanah chuan zahna chhete pawh neilo hian ala ti ngam nia.


"Elton ka bestfriend i ni ani lâwm ni?" Ka thinrim lutuk chu ka so bawrh bawrh ni mai hian ka hria, tháwk chhuah har ka ti tak zet.


"Savanah hi ka hmangaih a sin!" Elton pawh chuan mak ka tih tur khawpin min chhâng ngam.


"Chuan Elton hi kei pawhin ka hmangaih a.......


"He thil hi engtiang a rei nge in lo kal pui tawh." Ka ti chhuak tuarh a.


"Kum fé chu ani tawh ang ṭhianpa." Min lo vahan bum rei tawh âwm ve aw.

Ka in her nghut a, thinrim zet chuan chu bedroom chu ka chhuahsan a, Ashton khawiah nge kal i tum?" Savanah chu chhân pawh ka chhâng peih lo, a hmél te chuan ka thin atirim zual sauh.


Savanah chuan min rawn zui nghâl a,"Ashton pawi ka ti lutuk." Inthiamlo aw zet hian a rawn ti a, mahse ka ngâidam thei lo, amah avângin ka hmangaih tak Kate pawh nei theilo in ka awm kha ania.


Savanah chu hmachhawn ve siahin, "Jerry hi ka hruai anga USA ah ka haw dawn." Ka tih khum khur khur a, chu nu chu ka mithmuh phâkah awmlo vat se ka duh, chuti lo zawng kut ka thlâk duh mai ang.


"He kan inneihna hi tihpalh liau liau ani e," ka ti leh hrawih a.


"Jerry chu i hruai hauh lo ang Ashton!"

"Engvαng hrep chuan maw? I bulah a awm thei lovang."



"Uhh, mi â pa, i mawl ka ti tak zet zet, mithusawi hi âwih mai mai zél suh, Jerry hi i fa ani rⅇng réng hlei ném."


Chu thu ka hre zet chu dendawp ang mai hi ni in ka inhria, "Eng maw i sawi a?"


"Jerry hi Elton fapa ania lawm." Savanah chuan a ti leh ta zél a.


"Chuti min lo bum char char ani maw?" Ka kut chu ka lek zuauh a, mahse hmeichhe âwmném zâwk kut hanthlâk ém chu ka ti leh a.


"Oh God, khâng kum chhûng zawng khân dáwt hlîr min lo hrilh chu a nia leh! I vahan khawngaihthlαk zâwk veleh," ka ti chhuak leh hrawih a.


"Savanah ngâithla teh! Elton i hmangaih anih chuan engvânga min nei nge i nih?" Ka ti ta a.


"Well, Doctor nimai tûr kha i ni a, chutih rualin Elton erawh waiter ani thung! Han ngaihtuah veteh, chutiang dinhmun chu anih lâia ka nu leh pa te chuan Elton chu neih min phalsak i ring em?"


"Ngawi teh la kal mai suh!" Tiin Savanah chuan min âu lét a, mahse ka chhâng lo, Elton chu living roomah hian a lo awm tawh a, ka thil pawimawh te leh ka thawmhnaw ṭhenkhat chu bag pakhatah chuan khung mawlh mawlhin, chu in chu hawi kír leh tawh lo turin ka chhuahsan ta a.


KATE....


Zíngah chuan peihlo zet hian ka tho chhuak a, nâu ka neih pawh ahun ve ṭep tawh, ka dul chu a puar luah tawh a, nau neithei reng dinhmunah ka ding reng tawh.


Max chu room lamah a awm a, keiin kan breakfast tûr ka buaipui thung a, kan door bell chu arawn ri ral ral a.


Lo lût rawh tih pah hian ka bacon fry chu thur chhuakin, dawhkânah chuan ka chhawp a, kawngka hawng tûr chuan ka phei ta a.


Kawngka ka hawng chu ka phu chiang khér mai," Kate!"


Ka beisei loh lutukin Ashton hmél chu ka hmu a.

IL CAROLE DENTRO CHAPTER 16


Ashton chuan hetah eng nge a rawn tih tâk? Mak ka ti khér mai. Ashton?" Ka ti chhuaksap a, zawhna zawh hmél zet chuan ka en hau bawk a.


"Kate ka hmuh leh theih tawh che pawh ka inring lo va." Hmél hlim zet hian min enchhuk a, chutah ka dul lam puar tawh tak mai chu a melh leh a.


"Tu nge lokal?"
Max chuan a awmna aṭang chuan rawn ti ve lûng lúng a.


"Kate tu nge a?"

"Ka pasal Max anih kha...

Max chu choka lamah chuan a rawn phei ve nghâl a." Hello! Kan apartment rawn entur emni i nih?"


"Eh, Apartment maw?" Ashton chu a bangbo hmél khér mai.


"Yeah, Mister he kan apartment hi luah theihin a ruak vat dawn a lawm." Max chuan ngaihtuah vak lém lo a chhân pah chuan, breakfast table a ka chhawp sa chu a ṭhutchilh a, coffee chu noah chhuan thli chhuakin a ei pah mawlh mawlh a.


ASHTON......

"Ka zawng hmu ve chiah a an insawn chhuak dawn chu a ni si a." Zâwite ka hriattham lek chuan ka ti sup a.


"Max kan guest tân hian cofee nilo in tea lo siamsak lawk ta che, keiin kan apartment chhûng hi ka lo fankual pui ang e, ka lo zâwt tawh a, coffee a in ngâi loh thu min hrilh a." Kate chuan min mitmei pah zauh a.

Max pawh chu nuih suk pahin a che chhuak ve ta nghâl a, Kate chuan a kuta mi hûi zauh pah hian min kalsawn pui ta a.


A pasal awm lohna hmun kan thlen hnu chuan, zâwi sap a rawn ṭawng chhuah pah hian, "Ashton hetah eng nge i rawn tih?" A ti ta a. A hmélah  chuan min hmuh a in beisei lo tih pawh a hriat theih.


"Savanah naute kha ka fa alo ni lo a." Hmél ngui zet chuan ka ti chhuak hrawih a.

"Whoa!" Mak a ti kher mai, a meng phâwk nasa mai, a ṭhâwng hlé tih pawh ka hria, kei pawh ka hriattirh kha chuan min ṭhawng ve hlé anih kha.


"Savanah chuan min lo bum char char hi a lo nia, kha ka best friend Elton lakah khân, kha tih lâi chhûng zawng pawh khân an pahnih fa ani tih kha an lo zép dûn char char a lo ni a."


"Ka âwih theilo zâwk hial mai!" Kate chuan a ti chhuak sap a. Ka hrethiam lutuk, chu thil chuan a ṭhâwng ve ngei ang.

"Kan pahnih a hlimtaka kan awm dun leh theih hi ka lo ring a..... chu chu ka beisei avânga New york lamah pawh rawn kal ta vat hi ka ni réng ani Kate."


"Ashton pasal ka nei tawh!"


"Anih leh ka fa ani tih hi i pasal khân a hre réng réng em?"


"Aih hre lo, angaihdân chuan a fa ni in angâi."


"Eng vâng a i pasal chu thudik hrilh lo nge i nih a Kate?" Ka thinrim khér mai.


"Ashton min kalsan anih kha hre reng rawh!" A ti ve hlaih hlaih a.


"Chuan hei hi hre bawk ang che, he ka fa hi tih faharah ka duh lo bawk."

Zâwité hian Kate chu va hrilhru in, "Mahse a pa dik tak chu kei hi ka ni !"


"Ashton engtin nge ka tih dawn pawh ka hre thiam lo tak zet....

"Ka phone call pawh i pickup duh tawh ngâilo a, chuvâng chuan i nun aṭanga min paihchhuah i duh anih ka lo ring tawh a."

"Eng chu nge ka tih ang ka hre lo tak zet zet." A ti leh sep sep a, hnuailam chu kun lap hian a melh chhuk raih a.


"I tihtûr chu kei hian ka hrilh ang che, Max hi thu dik tak chu hrilh ang che, nge keiman ka hrilh zâwk dawn?"


"Hey, nang hian tih tur chu min hrilh ka ngâi hauh lo. Max hi ka hmangaih tawh a, a rilru tihnat sak hi ka duh lo bawk."


"Uhh, ka lak aṭanga thu dik a hriat hunah zet chuan a nat belhchhah zual sauh dâwn anih chu!" Za lo zet hian ka nui chhuak hawk a.


Ka inrinloh lâi tak chuan Kate chu chuatah a tlu ta hnawk a, chutianga a awm chu ka rinloh ém avâng chuan ka dawm hman lo.

"Oh my God! Kate!"

Max chu thingpui tray a keng chung hian a rawn phei ve chiah a, Kate chhuata tlu reng ahmuh chuan, tray chu table a hûn rawk rawk pahin, "Kitten !" Tiin rang zet hian kan bul chu alo thleng phei ve a.


A phone chu phawrh chhuakin, "Ambulance rang takin hmeichhe râi lâi chu nikhawhrelo in a tlû a nia."

Ka hamhaih luattuk nalamah engmah ka ti lawk thei lo, chu thil chu a thlen ka beisei lo tak zet zet.


Khawngaihin rawn hmanhmawh hrâm rawh u." Max chuan mangang zet hian a ti chhuak leh hrawih a.


Ambulance a rawn thlen hnu chuan hmanhmawh takin hospital lam chu Max nén chuan kan pan pui ta nghâl a, hospital kan va thlen hnu chuan room chhûngah Kate chu an nawr lût vata, doctor pawh hmanhmawh zetin a lût ve nghâl bawk a, ka rilru a hah tak zet zet.


Rei vaklo hnuah chuan doctor chu Kate an nawrluhna room aṭang chuan a rawn chhuak ta a, Max chuan a hmuh veleh a va pan nghâl thuai a, kei pawh chuan Kate chu ka ngaihtuah avâng chuan Max chu ka zui ve a.


"Doctor ka nupui chu eng nge a an, aṭha em?"


"Mrs O' cornor nikhawhrelo a a tlûk nachhan chu rilru hah luattuk vâng ani e." A ti ta a.


"Eng â, rilru hah luat vâng maw?" Max hmélah chuan mak atih zia chu a langchhuak a.


"Naute a ṭha maw?" Nguizet hian ka ti chhuak ve sup a.


Doctor chuan, "Sir pawi ka ti khawp mai, i zawhna chu ka chhâng theilo che, hei chu naute pa nén chauh a sawi dun a ngâi ang."


Mr.O'cornor ka office ah !" Tiin Max leh doctor chu an kal sawn dûn ta a.


MAX.....


Doctor office lamah kan inzui luh hnu chuan, "Doctor khawngaihin kan fa chu dinhmun hlauhawmah a ding tiin min hrilh lo hrâm rawh!" ka ti chhuak hrawih a, chutih rual rual chuan Kitten pawh ka ngaihtuah tak zet bawk.


"Mr, O'co.....

"Max !" Ka lo ti chhuak sup a.

"Oh, Max inbengdâi rawh!"

Thâwk ka la hawk a, tûn ang dinhmunah hian kan ding ang tih pawh ka ring pha ngâi lo.


"Mrs. O' cornor a tlûk khân a pum a sawh na ang reng viau mai a, chu vâng chuan naute pawh in chân mai ang tih hi ka hlauhpui viau mai che u, a nu ngéi pawh a dinhmun a ṭha lo tak zet zet."


Chu thu ka ngâithla zet chu ka tliak hnâwp hian ka hria, ka mittui chu ahnâm sawk a, ka khaw hmuh te chu a phé ruai a, ngaihtuahna fîm pawh ka pu thei lo, ka hrawkah hian hnawhtu lian tak awm ang mai in thâwk chhuah harsa ka ti a, hun chu a kal muang khér mai, ka âwm zâwn chu nâ ka ti ngawih ngawih.



"Oh my God !"ka ti chhuak thei ṭawk a. Ka Kitten chu vânduai ka ti tak zet, hun kha leh chen kha ka hna thawhna avângin hrehawm ka tawrh tir tawh a, a rilru natna te chu hném tur leh lâk bo sak tûrin ka thiltih nén khân ain millo bawk nén, ka fa apáia, nupuiah chuan ka nei ta ngéi a, mahse hlimna nilo in rilru hahna mai maw ka lo pék ṭhin a.



"Tûn ṭumah chuan invânnei mai thei a, mahse heti ang thil hi a thleng leh anih ngat chuan, vαnduaina nasa tak intawh ngei pawh ka ring, ka ring mai pawh nilo in in táwk ang tih ka sawi thei a ni." Doctor chuan a rawn tih zawm leh a.


"Chumi ah chuan in fa chauh pawh ni tawh lo in, a nu dinhmun ngéi pawh hi hlauhthâwn awmah a awm tih hi hria la, i nupui hi ṭha takin  enkawl tawh ang che."


"Hmeichhe nâu pâi lâi réng réngin rilru hah zetna an nei tur ani lo, a chhan chu rilru hahna hian an pahnih nunna ala thei tih hi hriat pui tlat ang che."


"Chuan i nupui hian eng nge rilru hahna pui tham tak aneih tih hi hriat chhuahsak tum la, chu a rilru hahna chu chhâwk zângkhâi dân zawng ngei ngei ang che, i hriatchhuah sak loh chuan chu thil chu pâi rengin chhûngrilah chu chuan a tân vânduaina a thlen thei a ni." A ti leh a.

"Okay!" Ka ti chhuak sup a, mahni chu ka indem ngawih ngawih.


"Tûnah chuan ka sawi tûr chu ka zo ta e, i nupui bulah chuan va awm la, a rawn harhchhuah hun thleng awmpui ang che, ngaihven hlé la, a hlimna tûr chauh ngaihtuah ang che." Ti a min hrilh hnu chuan rilru ngui tak leh hlim lo zetin doctor office chu ka chhuahsan a, Kate room lam chu ka pan ta a.


ILCAROLE DENTRO CHAPTER 17


MAX.....

Ka nupui mutna roomah chuan ka lût a, damdawiin khuma ka nupui duh tak lo mu bâm mai ka va hmuh chuan zâwi muang hian ka pan phei chhat chhat a, kan tûnhma hun chu ka ngaihtuah a, ka lo tih retheih thin zia te kha, kga tih lai pawh khân Kitten kha ka hmangaih reng asin, mahse ka hnathawh khân a zir mang bawk si lo, mahse tûnah hian chûng ka thil tih chuan eng nge hlâwkna a neih? Kitten rilru hrehawma ka dahna mai lo chu! Kha thil khân rah ṭha lo tak a chhuah tih pawh ka hre reng, tûn thleng hian ka nupui chuan ka lakah rinna a nei tawh ngâilo niin ka hria.


Kitten min ti hlâu thâwng tak zet zet, ka hloh tawh dâwn che emaw ka ti hman tawh asin." Tiin ka mittui chu aluang ve ta zawih zawih a, kei Max O'conor mipa induh tak leh rorum tak mai rilru chapo na a khat pawh hian ka hmangaih tak chân ka hlauh lûat avâng chuan ka mittui hial a tla ve ta chu ani si a.


A khum bulah chuan ka ṭhu hniam a, Kate mutna bulah chuan ka hmâi phûmin lungchhe zet chuan ka ṭap chhuak ta a, "Max nangmah em ni!" Kate aw chu a chauh hmél khér mai, ari chhuak chè ché chauh, ka dâk chhuak thuai a, "Oh thank God i lo harh chhuak tawh maw?" Ka mittui chu ka hru hul sawk sawk a.


Max khawiah nge Ashton kha?" Châu zet hian a rawn ti leh sep a.

Chu a zawhna chuan min ti hrilhhai khèr mai."Ashton?" Ka khabe dawm rân chung chuan ka ngaihtuah vung vung a, Ashton chu a sawi ve tawh ṭhin alawm, mahse a hmél ka hmuh âwm ka la hre hauh lo, Miami kan kal ṭum khân a hmèl ka hmu thei lo a, sambuang leh ngo lampang ani tih chiah chu ka hria a ni.

"Kitten ani chu Switzerland ah a awm." tiin ka chhâng a.


"Nilo, niminah khân New york ah hian a lo kír leh a lawm."


Ka hrechhuak ta thut mai, "Kha pa kha Aston blond maw ni a?"


"Aw ni e."

Ka that chiang viau ang, amah vâng vek Kitten pawh kha tia awm kha ani ngéi ang le, keimah vângah ka lo ngâi a, hreptakzet chuan a.

Khatia i thihdan lâi khân hospitalah chuan min rawn zui ve ngéi mai a, mahse a thlâwk kîr leh tawh." Tiin ṭawngkam dam thlup hian ka chhâng a.


"Nilo, Max a haw hauh lo ang, min ngaihtuah lutuk, chuan a ma......."
Kate chu a tâwp hmak a, engmah a sawi chhunzawm leh tawh lo.


Chu pa hrep chu anunah rawn inrawlh leh a tum ani ngéi ngei ang, ka insehruh khér mai, Kitten tûn ang dinhmuna a din lâi ngat phei chuan abul hnaihah a awm tûr ani lo réng réng.


Chhuanlam siamin ka nupui room chu ka chhuahsan a, Ashton chu waiting roomah hian a lo awm a, va panhnâih pah hian, "Dude min lo ngâithla teh! Kan inbiak angâi." Ka va ti nghâl tawng a.


A Phone khawihlâi chu dahin a rawn hawi chhuak a, ka hmél rum zet mai ahmuh chuan thâwk ala hawk a.


"Sawi rawh."


"Kate in ahmuh duh tawh loh thu che hrilhtur che in min ti ani." Ka ti leh nghut a, rum zet hian ka melh rún bawk a.


Chu thu a hria chu a phu zawk, mak a tih hmél khér mai, "Eng a?" A ti phâwk hru a.


Thâwk lâk hrawih pah hian, "Kate chuan a sawi hauh lo ang."


"Uhh, a thusawi ka hrilh chhâwng veleh mai chauh cge ani e Dude!"

"Chutia ka âwih theih mai chu i ring em ni? A ma thusawi ngèi ka ngâithla duh ang."


"Tûnah chuan amuhil rih a."

"Ashton kalbo ringawt mai rawh, Kate hian ahmu leh duh tawh lo che." Ka ti chhuak leh hrawih a.

"Max ka ring hauh lo che." A mengrum ve tawh khér mai.


"Ahh, minrin chu a ṭhat ka ring,." Ka mitko chu ka sán khum âwk a.


"Oh, chuan hei pawh hi a sawi tak, i Savanah hnènah khân kîr leh rawh atih bawk che kha." Ka nuih pah sâwng a.


"Mahse Kate chuan ka ṭhen tawh tih a hre reng a lawm."

Chu thil ber kher chu ka risk fu lo tak zet, "Ah ani maw.....


"Max eng nge i duh chiah hi?" A ti chhuak ve hrawih a.


"Min kalsan rawh, Kate leh kan naute chen hian min rawn tibuai tawh suh ang che." Ka ti vawt ruih a.


Ka aw chu thian hrawihin, "Kate hi i hmangaih takzet anih chuan, i kalsan ngèi angai ang, kei min neih tawh avângin."


Ka kalsan leh ta daih a.


ASHTON POV....


Hrep tak zet chuan a, tu nge maw bia a a han in ngaih teh chai chu le, Kate in min rawn pan lái khán hetiang thu hi lo hre tawh ni ila chu he pa Max in ti hian ka Kate hi achang hauh lo ang, chutiang a min rawn ṭawngkhum ringawt chh ka thin ati rim khér mai, ka Kate chuan kha ti ang thu kha a sawi lo chiang tih pawh ka hria, Savanah chung châng a hriatloh dânah khân, mahse Savanah kha a hre tlat mai a, chu vâng chuan ka chan chin hi Kate chuan tlém azâwng a hrilh ve ni ngéi tûr ani.


Kha Max in ti khân ala hre viau ang, he naute hi ka fa ngéi ani tih a hriat hunah zet chuan engtiang takin awm ang maw, ka ha chang chu ka ṭhial rap rap mai a, chu pa hrep pawh chu ka haw tak zet bawk, Kate hi engtikah mah ka thlahthlam leh tawh lo ang.


MAX POV....

Ashton ka kalsan hnu chuan Kate room lamah chuan ka lét leh a, Katie chuan min lo nghâk lo in alo muhîl leh daih tawh a, a taksa a châu viau ang tih pawh ka hria, thâwm dîm tak leh tih harh hlâu zet chuan a room chhûng a ṭhutleng ah chuan ka ṭhu a, Katie chu ka melh vang vang a, he hmrichhia hi engtik lâi pawhin ka hmangaih reng fo ṭhin ang, a rilru hahna ka duh lo a, tûnah chuan a hlim theihna anih dawn phawt chuan eng pawh tih ka huam, tûn hma te kha chuan hmeichhia ka lo kawp ve nasa ṭhin lutuk, mahse Katie ka tawn hnuah tawh hi chuan tumah kawp pawh ka tui zo tawh lo, Katie ah hian ka lungawi ni berin ka hria, engtik lâimahin ka kham thei ngái lo ang, mahse ani hi chuan min hmamgaih ve takzet em tih erawh ka chiang chiah lo, he ka hmangaihna hian keimah min hmangaih tura siam ka tum tlat thung!


Kha pa Ashton ang mai mai mipa kha ka nilo, ani chuan ahmangaihna pawh a nupui vângin ati lang ngamlo a, Kate hi he pa vânga arilru tih hah tîr leh hi ka duh tawh lo, he pa hian a hnaih leh tawh tur ani lo bawk.


Kate in he pa alo kawp chhan pawh hi keimah vâng vek tih pawh ka hria,  huan Kate khân nichin khân engthil chiah nge sawi aduh ka hrethiam hauh lo bawk.


Ka hrethiam lo tak zet zet....



ONE WEEK LATER.....


Damdawiin aṭang chuan ka chhuak ve ta a, Ashton chu ka mit hmuhah arawn inlan leh tawh ngâi lo, Max hi atir aṭang a ka mipa hmangaih kha anih miau avâng in leh ka nu bulah ngéi pawh huaisen taka min hmangaih thu sawi ngam kga ani miau a, ani bâk hi ngaihtuah leh tur chuang ka nei dawn em ni?


Ka nu chu biak pawh ka tum reng ṭhin a, chutiang bawkin pheladelphia lamah te pawh chuan train in ka kal ṭhin, mahse ka nu chuan min lo hmuh duhloh chu thuhran, kan chhûngkaw in ngeiah pawh min luh tir duh tawh ngai lo, mahse ka nu ani miau a, ka bei zèl tho ang.



Vawiin ah ngei pawh hian ka nu hmuturin trainin ka kal leh ngéi a, a ngâi ang tho, chu in véng tu chu lo kal lehin, "Miss he hmunah ka luh tir thei lo."


"Mahse he ina chéng hi ka nu a ni asin," ka ti keh raih a.


"Pawi ka tihpui khawp mai che, mahse he in hi midang hnénah i nu chuan a hralh tawh!" Chu pa hmél chu mak ti zet hian ka melh kaw kaw a, ka thu hriat chu a diklo a ni ngéi ang, ka nu chuan he kan mansion hi a hralh thei a maw? Eng tin nge theih pawh a theih hial  zâwk chu le?



Eng chu nge a hriat réng réng a, he hmunah a awm duh tawh loh chuan a kalh rih mai thei lo em ni, hralh khér ngai lo a sin, chu chu ngaihtuah ve lo em ni, he in hi ka pa hriatrengna hmun ani si a.


"Nilo, a ti hauh lo ang!" Ka ti chhuak sep a.


"Mahse thudik a ni si a lawm. He inluah tu túr thar pawh kâthum chhûngin arawn thleng ve nghâl ang."


Chu pa thusawi chu rin ka duh lutuk, thudik ngéi ani tih pawh pawm ka duh bawk, mahse ka pa hriatrengna chu he in chauh hi ani, ka nu chuan engtin nge a hralh theih zâwk chu ke? He hmuna ka lo kal chhan hi a awm ta lo.


"A pawi ka ti lutuk!" Ka ti ve ringawt a, thâwk lâk halh pah hian gate vengtu bulah chuan,"A nih khawi hmunah nge awm a tum deuh i hre réng réng em?"


"Miss ka hre hauh lo mai!"


"Min puih avángin ka lawm e." Beidawng zet chuan ka ti leh sep a, "Miss kei pawh le." Kalsan tuma ka in her lâi tak chuan kan hnunglam aṭang chuan aw pakhat hian, "Nath eng thil nge ni ta?" Tih thâwm ka hriat chuan ka ding chawih a.


Chu pa in ka bul arawn thleng tih chu aCologne inhnawih rimtui zet nam ram ram aṭang chuan ka hre thei a, zâwimuang hisn alam hawi chuan ka inher a, mipa kum sawmhnih pariat vél hmél pu sam dum hlap mai leh mitmu dum raih mai chuan min lo en remg a, "Ngaihtuah duh suh! Hei ka kal mai dawn lawm." Ka ti nghat a.


"Puih theihna che ka nei em?"


"He inluah tu hmasa chauh khân min pui thei ang." Hnailam chu ka melh ngar a.


A khabe chu dawm rauh rauh pahin, "Hmm....ka hre leh e, Mrs.Eliza kha maw?"


"Oh, i hria em ni?" Ka phùr sawt mai.


"He hmun hi arang thei ang bera chhuahsan a duh thu kha min hrilh a, indawrna pawh kan ti hmanhmawh khawp mai, chuvâng a la theihnghilh lo chu ka nia." A nui chhuak hawk a. "A sawi zél dân chuan pheladelphia hi arang thei angbera chhuahsan a duh ani âwm e, hetah hian a awm theih tawh loh túr thu min hrilh tel bawk a......


"Mrs. Eliza kha ka nu ania." Nguiraih hian ka ti sap a. Ka thusawi chu chhunzawm lehin, "Inhauhna eng emaw kan neih avângin tunu anei dawn tih pawh a hre hman ta lo ani." Ka mittui tlingpam chu ka khap per sak sak a, chuti lo chu a far palh mai ang.


Ka mitah tak chuan mi rawn en ve in, "Oh alungchhiat thlâk hle mai a." A ti ve sup a.


"A pawi ka ti kher mai, ka chelh rei lo ang che, New york lamah ka haw leh nghâl a ngâi dawn a." Ka nuih pah sak a.


"A thim tawh si a, train station thleng ka va thlah ang che, ngaihtuah duh suh, motor khalh thiam zet mai ka nia," min nuih leh suk a.


"Ka lawm e."

Heti lamah aw, a car hùnna lam chuan ka zui phei a, car kawngka chu mi hawnsakin ka ṭhulût a, airport lam pan chuan kan inkhalh chhuak ta a.

"Engvânga i nu chuan insawn duh mai nge anuh ang?"


"Well, a nundânah vânduaina deuh mai anei a, chu thil chu tlânchhiatsan atum pawh ani mah na." Ka chhíng sawk a, ka pa'n min boralsan hnu aṭang khân ka nu chu a inthlâk danglam vek tawh." Ka ti leh a.


Ka hrethiam e, i tân pawh a harsa ngawt ang, i hmangaih takin heti ang a ahan ti che hi, i tawrhnat dân tur pawh ka hriatthiam pui vek che ." Min nuih leh suk a.


"Uhh, chuti ang chu i tawng ve tawh em ni a?"

A hmél chu a ngui ve ruih hian ka hria a, car chhúng chu éng ṭha viau se chuan a ngui ve tih chu ka hrechiang khawp ang."Ka nupui hian kum thum ralta khân min lo boral san ve tawh a, chuan chutih lâi chuan a nau apαi bawk a."


A aw chu thian khurhin, "Car accident ah a boral a, naute a pum chhúng a mi nén chuan....."

A thaw chhuak hrawih a, boruak chu a híp lût kâwk kâwk a, sawi harsa a tiin kum thum ngawt liam tawh mah se, atαn chuan pawm ala harsa ve ngawt ang le, tûn thleng pawh hian atuar takzet tih chu a hriat mai.


"Pawi ka tihpui tak zet che." Ka ti ve sap a, ka rilru tak tak chu ka sawi chhuak a.


"Well, kei pawhin pawi ka tihpui lutuk che, i pa chungchαngah chuan,kan hmangaih te hian engvαng a min hlat zâwng hlîra awm tum nge an nih pawh ka hre lo tak zet." A ti leh hrawih a.


"Chuan i pa chu engvânga boral nge? Sawi aharsat chuan ka ti lui hauhlo che ania."


"Lungs cancer ania, i hrethiam ang chu ka pa kha abulah khân awm tam tâwklo hian ka inhria a, ka la thlahlel ngawih ngawih." Ka mittui rawn far fap fap chu ka hru hul nghαl thuai a, a motor khalhlohna lam chuan ka kut chu a rawn húm vang vang a, kei pawhin Johana kha ka ngâiin ka la thlahlel tak zet a sin."


"Chuvânga pheladelphia hmuna rawn insawn hi ka nia, ka mumanga ka hmuh châng hian, pheledelpia lamah insawn túrin min lo hrilh zuah ṭhin mai a..... mahse adamlâi erawh kha chuan pheladelphia hi a duh ngâi miah lo thung!" A thaw chhuak leh hrawih a. He hmun hi a haw lutuk ringawt."


"A châng chuan kan mumang te pawh hi atak anuh châng te pawh a awm ve ṭhin ania." Tiin ka lo chhâng a.


Nui hmél put pah chuan, "I hria em, hmélhriat ngâiloh min hrethiam tu chu nang chauh hi i la ni."


Train station chu kan thleng ta a, "Train station thleng min thlah avαngin ka lawm e, New york lamah i lo kal ve hunah kan in hmu ngéi ngéi dawn nia."

Kei pawh ka lawm e, chuan i hming min hrilh thei ang em?kei chu Ryan ka nia."

"Kate tiin min ko dawn nia, ka thlawh haw vat angâi ang, ka pasalin min lo ngaihtuah lutuk palh ang e."Ti a ka sawi hnu chuan kan ṭhen ta a.



RYAN POV.....

Crap, pasal anei lo tûrah ka lo ngâi a, a mizia té reuh kha ka duhzawng tak ani a sin, hmeichhe ti zawk zawk lo nunném tak mi hrethiam thei tak pawh anih ka ring, an in chu tikhân ka neihsak ta a, a chhûnga thil awm zawng zawng nén ti kha chuan keimahin ka duh ang thâlin ka che thei tawh ang.


Engvαng a Max kha che vat vat thei lo nge alo nih tih pawh túnah chuan ka hriatthiam sak ta khawp mai, kha hmeichhia khân amah ainhriat miah lohin mi híp theih riauna a nei pek anih kha.


Ka lû chu ka thing nawk a, ka car chhúngah chuan ṭhu lút lehin,mansion lamah chuan ka inkhalh haw veleh ta a, achhan pawh apa office kha check ka la duh avângin.