IT'S JUST AM ILLUSION CHAPTER 43

IT'S JUST AM ILLUSION CHAPTER 43

Sierra mutthilh hnu chuan Jonas chuan a room lamah pawm pheiin a khum lamah chuan a mut a, Jasmine pawh a bawmah tui zetin a lo muhil leh tawh a, Jonas pawh chu mutthilh leh tumin a chhing leh ta nghal a, rei vaklo hnu ah chuan muhil leh maiin engtia rei chiah nfe a mutthilh hamn ang a hre lo,  Sierra thawm chuan a ti harh leh nghal a, a meng chhuak Sierra chu Jasmine khum bulah dingin a va hmu a, "Rawn mu leh rawh babe."

"Mut leh nan chuan a la hma deuh mah mah." Ti in a lo chhang thung a.

"Thawmhnaw kan inbel anga, Maddie hmu turin ka va kal ang."

"Zan inah chuan nilo ve."

"Tiang khan vawiin chhung zawngin i sawi tawh, i phalna lak ka mamawh hleinem Jonas, hmu turin ka kal dawn."

"Sierra i tan a him rih lo, naktuk a nih hun nghak phawt la a ṭhat ka ring."

"Hotel chhung ka chhuahsan dawn hleinem Jonas, hna a rawn thawk dawn a lawm."

"Vawiin chu a thawk lo ang."

"Engtin nge i hriat a?"

"Boss ka ni a lawm." Ti ina lo chhang leh mai a,a ni pawh chu a tho chhuak ve ta nghal a.

Sierra chuan chiang zeta lo en pah hian,  "Mahse i hnathawk te ah i inrawlh ngai silo a." Zawhna zawh hmel zet hian a melh a.

"For f***sake babe, ka sawi ang chuan ti mai teh!"

"Maddie chungah engthil nge thleng?" Ngaihṭhatloh hmel zet hian Jonas chu a melh a.

Jonas chuan thawk a lo la hawk, "Maddie chu a ṭha a ni ti in min hrilh hram rawh."

"Sierra ka ti theilo."

"Eng maw i tih theihloh chu!"

Jonas chuan hnuailam a melh ve ruih a, chu chuan Sierra ngaih a ti ṭha lo tulh tulh,


"Jonas min ti hlauthawng a nia."

"Pawi ka ti lutuk Sierra."

Thawk a la hrawih a, "Midang nen ka lo awm a."

"Eng maw? Eng thu nge i sawi tak?"

"Sierra min lo ngaithla phawt la."

"Sierra?"

Sierra chu mittui tla zawih zawih chungin room chu a tlan chhuahsan a, Jonas chuan a zui chhuak ve nghal, a nu a va hmu a,"Mom, Sierra i lo hmu em?"

A nu chuan anelh thip kher mai, "Jonas eng thil nge maw thleng hrep le?"

"I lo hmu nge hmu lo?"

"Balcony lamah a awm,chuan hreawm a tih hmel lutuk bawk, engtin nge i tih leh tak a?"

"Chinfel ka tum dawn nia, ka room lamah lova kalin Jasmine lo va ngaihven rawh."

"Jonas i thil tih hi a dik miah lo aw, hospital a ṭangin a rawn chhuak ve chiah tih te hi hriatthiam.tum.ve ta che."

"Mom, ka lo chingfel mai ang ka tih chu!"

"Ti ngei ang che, hetiang thil i tihna tur hian eng thil nge ka tihsual pawh hi ka hre lo ve Jonas. " Ti a vin khum ve hraih pahin a kal sawn ta nghal a.

Jonas pawh chuan ngawi rengin balcony lam chu a pan phei a, chuta lungchhe em em a Sierra lo in hnit hlap hlap ri chu a hre chhunzawm nghal bawk a, va pan hnaiin,"Sierra min sawifiah tir rawh." A ti nghal sup a.

"I thusawi tur engmah ngaihthlak ka duh lo."

"Siera khawngaihin."  Chal dawm ruih oah hian thawk a la hrawih a.

"Khawngaihin tih chu enge Jonas?" A rawn inher pah chuan rum tawk hian a melh chho bawk a.

"Min sawifiah tir rawh!"

Sawifiah maw, engtin ?  I tana engtihna mah ka nih loh zia i lan tir na mai mai tur chu ka ngaihthlak duh i ring em ni?"

"Kha chu a dik hauh lo."

"A dik lo maw? I â tawh em ni Jonas, vawikhat chu i hringnun hi min han tih chhiat tir ve la maw le, i nupui turin tihluihna nen min sawm a, tichuan tih luihna nen ka nei ta che a, chuan tihluihna in jail chhungah min tan tir tih te hi i inhria em? Chu chu thuhran ni ta sela, Star, Angie, Melody lakah min rinawmloh san bawk a..... chuan chu chauh pawh nilo in mi engzah chiah nge la ni ang tih chu Pathian chiahina hriat ka ring."

"Sierra engtik lai mahin mi pangaia  inkawp nghet an tih ang chi hi kan ni ngai reng hleinem."

"Ka thusawi lai chuan lo ngawi hmak rawh, ka virginity min lak sak bawk a."

"Oh hrep tak che chuan, ngaihtuah kir leh lawk rawh, nangmahin a nih kha ti tura ti zawk tu chu!"

"Chuan chhan awmlo in, ka ṭhian Pete min thah sak bawk a ."

"Oh,min kah hrep vang anih kha." Jonas pawh chu thinrimna hlir hian akhat ve tawh a, chu nu chu kut a thlak lohna turin a kut chu nghet zet hian a hum ruh bawk.

"Oh, ka kah chhan che kha maw, i phu ve reng vang chauh a nih kha, chu pawh tunah hi chuan i tan a la tawk mai lo." Sierra pawh chuan duai duh bik hauh lo hian a ti let ve kha kha a.

"Ka la sawi zawm zel ang, nangmah a vangin kidnap ka tawh phah a, chutah ka fa pianghlim chu ka kut a ṭanga laksawn sak ka ni bawk a, nanglahin chutih chhung zawng chuan midang lakah nawm ilo chen thung a, a dik em Jonas."

"Sierra kha chu a dik.hauh lo." Jonas chuan a sam chu a tuai chho puata .

"Shower kan hman lai a midang nen hun inlo hmang em tia ka zawh che khan engvangin nge aih ti in min chhan? Jonas dawt min hrilh a ni." A ṭap chhuak leh ta hlap hlap a, Jonas chuan pan hnaiin a awma bei tir mai hi a va tum a,mahse Sierra chuan a lo namsawn nghal.

"Min rawn khawih hlek suh!"

"Inbengdai rawh Sierra."

"Nilo,mahni chauhin min awmtir thei lul lo em ni?"

"Sierra, i thil tih hi engmah a ni lo, chhan a nei hek lo."

"Nilo Jonas, keiin ka hringnun tana ka beih laiin, nang chuan midang mutpui mai mai bak tih i lo bei si lo."

"For f***sake babe, tumah ka mutpui lo, kan in fawp mai chauh a ni e, chu bak engmah thleng a awm lo."

"A nih infawhna chiah a nih chuan engvanga min hrilh kher nge i nih? Chu nu bulah chuan i awm duh tihna mi?"

"Nilo,a bula ka awm duh vang chu a ni hauh lo mai."

"A nih leh engvanga min hrilh nge i nih, khawnge Melody hi a awm?a chhan chu i hmangaih oh, i hmangaih mah mah ni khan ka hre si a."

"Hei chu naktuk lamah kan sawi chhjnzawm thei tawh ang em?"

Sierra chu a lo nui chhuak hak a, "He hmunah hian ka awmi ka ring tihna em ni? Ka awm zawm zel chu ring duh tawh suh, ka chhuak dawn Jonas, chuan ka chhuah rualin ka bulah Jasmine pawh ka hruai tel ve bawk ang."

"Eng vangin nge i tih hrep anga?"

"Ka fanu a nih vang hrepin."

"Hriat pawh a hriat tawh loh che hi!" Jonas chuan insum hmanlo chuan a ti chhuak tuar a.

"You b*stard."

Jonas chuan thawk ala hruih a, "Enreh Sierra kha thil kha tum.vang renga sawi chhuak pawh ka ni lo, khawngaihtakin tuna tan chuan duh tawk tawh ang."

"Maddie bulah ka awm dawn." Inher kal mai hi a tum a.

"Maddie a lawm ni a." Hreh zet chuana ti chhuak ta a.

"Enge Maddie chu?" A rawn inher let leh a.

"Ka hmeichhe lo fawh chu Maddie a lawm."

"Maddie maw?"

"Ka bestfriend Maddie hi maw?"

"Engtin nge ka chungah chutuang thil chu i tih theih zawk?"

Jonas biang chu a thip nghal ṭhuai a,"Jonas ka hua che, ka haw ngawih ngawih che." A mittui chu hmuh theih turin a rawn luangthla ngiai ngiai a.

"Sierra infawh chauh a lawm ni a."

"A tawk, sawi tawh suh, chuan min ti buai tawh bawk hek suh!" Inchhung lamah chuana tlan lut a, ama room lamah chuan a i kalh khum ta nghala .

Jonas chuan thawk la hawkin, Sierra kalna lam chu a pan ve nghal a, kawngka kik pahin, "Sierra kawngka hi irawng yawng dawn nge daw lo?"

Mahse chhanna reng adawng lo. "SIERRA."  A au khum tuar a .

"He kawngkhar hnaisai lo zet rawn hawn nan hian second hnih chiah i nei....nge ka rawn kar chhe zawk dawn?" Ti in a nek ta bur bur a.

"Jonas a tawk lutuk tawh." Jane chu arawn inrawlh ve ta a, a fapa chu rawn panhnaih pahin, "Khang i au vak vakna khan Jasmine a ti harh thei tih i hre ve em, a harh a nih chuan mut khamlo ina tho anga , a ṭap leh vak anga,tunge thlem bang thei dawn, thil hi ngaihtuah chiang ve deuh rawh, naute kawl i nih tawh hi, rik bur bur na chi pawh a ni tawh lo." A rawn ti hlaih hlaih a .

"Sierra chungah chuan eng thil nge i tih leh tak?" A tih zawm leh nghal a.

"Ka nuna inchhirna tur thil ka ti maw le, enta che tunah ka tawrh nek hi!" A lo tih khum a.

"Mu turin ka kal dawn."

"Ka room lamah Jasmine awmpui turin min duh em?"

"Ngailo ang, Jasmine chu ka bulah riak rawh se." Ti in a room lam chu a oan ta nghal a.

THE NEXT MORNING....

Jonas chu office kal tura a insiam fel hnu in Jasmine chu a pawm leh a, "Good morning trouble."

Chutihlai tak chuan Sierra pawh Jonas roomah chuan arawn lut ve a, "Ka fanu bulah hun ka hmang ve duh!" A rawn ti lut nghal a.

"I pasal chibai i rawn buk dan chu a mawi hle mai." Jonas chuan a lo tih khum sup.a.

"Office lam reilo va tlawh ka duh dawn a chumi chhung chuan...."

"Hna i la thawk reng tih ka hrethiam mai."

"Si, kha chu a chiang reng a lawm, naute nen hian mi tan tir reng i tum tih pawh ka hria."

"Chuti khawp a Jasmine hi i tan hnawksak i ti a nih chuan, min lak tir la, chuan kan chhuahsan dun mai ang che."

"Chutin ka tan a hnawksak tih thu ka sawi ngai miah lo ang, ka hmangaih a, chu thil tilo tur chuan khawvel kal dan phung hi kan thlak danglam thei bawk hek lo, chu lo ah i thil lo tih tawh te pawh kha kan thlak thei hek lo."

"Eng thil nge ka tih a Jonas? Nang zawk hian ka bestfriend lakah min rinawmlohsan zawk a nilo maw?"

"Min kap a nih kha."

"Nia, angmah a vangin kidnap ka tawk bawk a ti raw?"

"Sierra vawiin hian nangmah nen a inhnialna neih pawh ka tum lo,kha chu la thu tak vak lo la a ṭha ang."

"Jonas hremhmun lamah kal rawh, chuan i rualin Maddie pawh hruai telve nghal bawk la."

"Sierra pawi ka tih thu ka hrilh tawh che kha, mahse chumi pawh ngai pawimawh lo a min beih ila tum zel a nih chuan engtikah mah i chak ngailo ang tih hria ang che." Ti in Jonas chu a kal chhuak ta nghal a.

Lift a chhuak chiah lift man ina, "Good morning MrBlack." a lo ti rongawt te chuan a thin a ti rim ṭun mai a, chutah Maddie hmel ahan hmu leh lek phei chu a puakkeh lo chauh, rum zeta melh run chung hian, "Khawiah nge maw kal i tum hrep le." A ti nghal khawl a.

"Kan in be lawk thei ang em?" Ti dak chung hian a phun sap a.

"Hna lam a ni em." Jonas chuan a lo tih khum leh hmuk.

"Nilo."

"A nihloh chuan theilo, kal la i hnava thawk rawh."

"Sierra in min rawn call a, penthouse lamah kal turin leh min biak a duh thu a rawn sawi a."

"I kal a nih chuan a kut ngeiin kha i mit kha a kawm chhuahsak duh tawh hial maithei che a ni ."

"What?"  Maddie pawh chu a phu ve chiang kher mai.

"A chhan chu a hriat tawh a vangin." Jonas bawk chuan alo ti leh hmuk a.

"Engvangin nge i hrilh kher na chhan? Infawh chauh a nihkha."

"He hna a ṭanga ban i nih hna hian ka lakah khatiang khan i aw rawl kha ti ring tawh ngailo ang che i hria em, Miss Jacobs."

"Nilo,ka Sierra chu ka hmu duh, kha thil kha tum vang renga thleng anih loh zia thu hi hrilh fiah ka duh Jonas."

"Kha chu engtikah mah a thleng lovang."

"Oh, ka bestfriend a nih hi hre ta che."

Jonas chu a nui chhuak hawk a, "yeah, i bestfriend chu a ni nameuh mai, nih leh i tih ang kha bestfriend te hian an ti vek ṭhin ang chu ti raw?"

Liftman lam chu a hawi leh a, "Ka pahlan la lo chuan he ka penthouse kawngkhar hi tumahin an hawng tur a nilo vang."

"Yes sir."  Alo ti nghal a.

Maddie lam chu hawi lehin, "Nangma tan hna dang i zawng dawn nge i hna ṭan turin i let leh dawn?"

"Jonas hremhmun lamah kal rawh."

"Oh Miss Jacobs, chutiang chu min tih chhin tir i duh tihna mi?"

Engtin mah a chhang leh tawhlo in leh thinrim ru zet chuan Maddie chu a kal sawn ta nghal a.

Jonas pawh in khalh chhuakinreilo te hnu ah a office room chhung chu aghleng zui nghal a, a kawr chung chu a chair ṭhutna nghenchhanah chuan bangin, phone ah Luca chu a be ta nghal a, "Elijah chung chang chu engmah hmuh chhuah a la ni ve lo tihna mi?"

"Aw la ni rih lo."

"Katih chhan tak pawh, kar hnih vel lai chhui a ni tawh si a ka ti deuh hlek a, chulo ah he thilahhian inhnamhnawih ta ang se chu tunah oawh an hre chhuak daih tawh turah ka ngai."

"Ka chiang chiah bik lo achu lo la nghak deuh rih la, ti chuan kar khat vel chhunghan chhui zuileh lawk sela ṭha in i hre ve lo maw Jo? Dex rawn sawi dan in mi pakhat an chhui lah khan khawi hmin mah a hruai thleng lo a ni awm e."

"Enge a awmzia?" Jonas chuan thawk a la ve hrawih a.

"Kha pa kha chuan engmah hriat a nei lo a ti a ni awm e."

"Nih leh Star chung chang ve thung kha le, enge ni ta?"

"Inhnuai lamah ka la khung reng, kidnapper kan hmuh hma chu khung rih mai ni se ka ti ta mai, achhan chu thil eng emaw takah chuan inhnamhnawihna a neih ve ka la ring talt tho."

"Ok, a nih Sierra enge a an zel?"

"Min la be duh lo zel."

"Eng vangin maw?"

"A bestfriend kha ka kissed a."

"Damn, Jonas evangin nge i nun hi a chanve ngawt chu harsa ah hian i dah reng ṭhin mai le? Kar hmasa lama hmeichhe pakhat Sierra hmuh min rawn diltu ka lo phal sak tak kha amah chu a ni em?"

"Yeah."

"Anyway, phir te enge an an, an ṭha maw?"

"Wow, bro, chhungkaw pa ang zeta tawngkam tei hman ve taka ?" Luca chu a nui chhuak pah hawk hawk bawk a.



"Chuan an ṭha din lutuk e, an hriselna pawh a ṭha e, Jasmine ve thung le?" Atih zawm leh nghala.

"Yeah, a ni chu a tha thei tak tak lo, eng pawh ni se, ka dah rih phawt ang, tunkar chhhngin ka rawn beleh dawnche nia, lo inenkawl ṭha rawh u."

"Ok, bro nangni pawh." Ti a arawnchhan hnu chuan Jonas chuan phone chu a cut ta a.

Jonas chuan tih tur ṭul ti nghal mawlh mawlhin, tlai tawh fe ah breakfast a ei ve chauh a, chumi hnu ah file enfel ngai leh a sign ngai ho chu a ti leh nghal char char a, a han hawi chhuah meuh chuan khua a lo tlai ruih tawh tih a hnu ve ta chauh a, office chu chhuahsanin a penthiuse lam panin a inkhalh chhuak ta nghal a.

A penthouse a thleng, a chhung alut chu a nu Jane chuan Jasmine chu a lo awi a, "Ngaitinge Jasmine kha  i kutah a awm chhan?"

"A nu lu a na a."

Jonas chuan va pan hnaiin, "A tha leh mai ang em?"

"Nilengin hlimlo hmel a pu, saw tianga a awm renga nih chuan a mah leh Jasmine tan a tha dawn lo a nia son."

"Mom ka hria a lawm." Jonas chuan thawk a la ve hawk a.

"Jonas tunah chuan pa i ni ve tawh a, puitling a hun tawh, chutaing bawkin Sierra ngei pawh, tun anga inpahniha intih tauh khum ang chi a in awm reng chuan engtikah mah chhungkaw hlim in ni thei ngai lo ang, chu xhu hriat reng tum ang che, dinner pawh minute sawmpanga hnu ah peih a ni ang."

"Ok, ka lawm e, enge a an ka va thlitlai ve hrim hrim ang e."

"Ok, a room.lamah a awm ang."

"Ka room lamah tihna mi?"

"Aw, chuan engthil pawh lo ti bi la, leh ati a nih pawhin in pahnih a inngaihdam.tawn na leh dawhtheihna in neih tawn hi a oawi mawh ber tih hria ang che."

Chutiang a nih te chuan ka thawchhuak thei lo mai dawn a sin, Jonas chuan a lo ti rilru a.

*****      ******       *******

Sierra muhil chuan mumang ṭha lo zet mai a mang lwh nghal a,  kha a tanna hmun a ṭang khan la chhuak lo in jail chhungah khan a lo la awm a, bei dawng zetin a ṭap hlap hlap bawk, chutah a mah veng tupa chuan a lo vin khur khur mai bawk a, "Ṭap tawh suh ka tih chu!"

"Khawngaihtakin ka fanu kha ka bulah rawn hruai let leh hram rawh u."

"Nate ngawih tir teh!" Hmaikawr vuah pa chuan a lo ti bawk a.

Chuoa lam chu Sierra chuan a hawi a, "Khawngaih takin, ka nau te kha min pe let lwh hramawh." Ti ina ṭap ngawih ngawih a.

"Hei hi i last warning a ni angx ngawi chip cham rawh." Nate bawk chuan a rawnti leh a.

"Nilo khawngaihtakin."

"Sugar i tan a thil ṭha i duh chuan mi zahthiam viau a ngai ang." Hmaikawr vuaha bawk chuan a rawn ti leh a.

Sierra erawh nasa tak hian a ṭap a.

"Babe harh teh, harh rawh babe."

Sierra chu fiahlo riaia rawn meng chhuakin, "Jonas."

"Eng thil nge thleng?" Ti in rang lutuk hian a ṭhu chhuak nghal a.

"Mang ṭha lo tak i mang a nih ka ring." A lo ti chhuak.sup.a

"A mah kha a nia, kidnapper kha." Sierra chuana sawi zawh chuan ahmuu a hup pah chaih a.

"Min man leh turin a rawn kir leh dawn a ni ti raw?" A hlauthawng lutuk chu a thaw pah hlap hlap a.

"Sierra tu nge a nih chiah i hre chhuak tawh em?"

"Auh hre lo, a hmel ka hmu lo a lawm, a aw chiah ka hre tgei ṭhin." A mittui chu a biangah aluang thla ngiai ngiai a.

"Ok, a bulah a hruai tawh dawn lo maiche nilo in, a hnaihah pawh ak awmtir leh tawh ngailo ang che." Tih pahin Jonas chuan a kut chuan Sierra mittui tla chu a hruk sak a.

"Dinner i duh ang em, ka rawn lak sak dawn che em niang?"

"Nilo, nangmah hi ka duh che."

"Huh?" Makti zet hian Jonas chuan a en a.

Sierra chuan Jonas chu hnaih pheiin a va fawpnghal.hmiah a, Jonas chu a lo thlesawn nghal a, "Sierra hei hi i duh tak a nilo tih ka hria alawm."

"A ni a lawm, Jonas ka mamawh che."

"Stop babe."

"Tinge min duh lo em ni Jonas."

"Oh ka duh lutuk che, mahse....." Jonas chuan thawk a lahrawih a. "Hreawm i ti lutuk tih ka hria a,chuta hetianga nuamlo taka i awm laia remchanga lo lak chu ka duh lo mai zawk ani, hetiang thilah phei chuan tih dan bik pawh ka nei hran hek lo, mahse ka hma ah offer min pe a nih erawh chuan..... ka ti mai a niang chu."

Oh, jonas offer chu ka pe chiang che a lawm." Ti a sawi in Jonas taksa ruh ṭang chu a taksa nem zwt chuan ava ngheng hnai ṭalh ṭalh a.

"Naktuk a lo ni anga, khawvela mi tenawm ber pawlah min chhuah leh mai lo ang maw babe?"

"Ka ti hauh lo ang."

"Nih leh chutiang chuan i sawi tih hi ka ziak lawk thei ang em?"

"Oh, Jonas shutup and kiss me."

"I can do that."

Ti in Sierra chu a hnaih ta nghal a.