ITS JUST AN ILLUSION CHAPTER 45

ITS JUST AN ILLUSION CHAPTER 45

Ka edit hman ta ngang lo, chhiar pahin edit mai ang aw, chuan a thei chuan fakna kha khawih leh hram bawk ang aw.



Jonas chuan Sierra chu a rawn chhukthla ve nghal mai lo a ni tih a hriat a vang chuan a han hawi chho a, Sierra hmelput hmang a han hmuh chuan mak a ti kher mai, tun hma zawngin chuti ang khawp a a hmela hlauhna awm chu a la hmu ngai lo, rapthlak ti zetin Harry lam chu mit khap lek lo hian a lo melh tlawk tlawk mai a, Sierra awmdan chuan a ngaih a ti ṭha lo kher mai, eng thil diklo nge thleng ta tih chu a rilru ah a awmlo thei lo, Harry an a rawn hmu theilo hlauh chu a vanneih thlak mah zawk awm e, "Sierra?" Ti a han pan chhoh a tum lai tak chuan a ni chu a tlan chho let leh ta daih a.




Eng thil.....thil eng emaw tak diklo a awm ngei ngei ang a ti rilru ran, um chhoh ve a tum lai tak chuan a nu chu a rawn ṭawng chhuak a, "Dinner eitur chuan engtikah maw min rawn lam ang?" Ti in a pasal chu a bia a.



"Ka rawn reilo ang, darkar khat vel bak ka thang ka ring lo."



Jonas chu a inher let leh a, khati em em a Sierra in hlau hmel a han pu ta thut leh Harry a ṭawngchhuah a vanga rapthlak ti zeta a han en nghal ta mai kha a mah kidnap tu hi Harry a lo ni reng mai thei a ni tih rilru chu a pu ta a, oh Harry hi maw lo ni lek dawn a, kha leh chen kha kan zawng tawh a, amah hi maw lo ni hrep a? Jonas chuan thil a hriat chian hma chu Harry hi khawihmunah mah kal sawn tir a tum ta lo bur a.




"Ok, i kal chhungin kan lo inpeih dawn nia." A nu in a tih lai chuan Jonas chu a rawn ṭawng chhuak ve a, "Nilo ve, hetah awm ve rawh."



"Eng maw?" Jane chuan a fapa chu mak ti zet hian a va melh a, a chhan pawh hetaing ṭawngkam hi Harry lakah a la hmang ngai hauh lo, hetia Harry a nei ta hi Jonas chu a thinrim em em a, vawikhat te mah a pa ti pawhin a ko ngai hek lo, Harry nen hian fanu an nei dun a, chu erawh Jonas chuan unaunu ang chiah in a hmangaih viau lawi si, Devon chu hmangaih tak te in a hma ngaih a, a pa Harry erawh engtik lai mahin Jonas hian a ngeih ngai chuang lo, chu chu Harry pawh hian hrethiam in Jonas chu a nawr lui ngai hek lo.






Jonas chuan Harry hi miphakar tak leh fing kherek zet mai a ni tih a hre reng a, pawisa lamah phei chuan a ni leh zual tih ahre bawk, a nu in pasal a tana a han nei mai pawh hi a lawm hauh lo, a chhan pawh Harry hian a nu sum chauh a duh tih a hre reng, a nu sum chenin a duh duh dana leng mai loh chu, mahse tunah chuan a pahrawn a lo ni ta a, mahse a lakah nelawmna pakhat mah a chhuah ngai lo a, chu mai pawh nilo in, he a penthouse ngei pawh hi a nu leh a farnu tan a phal em em laiin Harry tan ve thung erawh a dang daih thung, chutiang a nih a vang chuan tuna a thusawi chhuah pawh hi a nu tan chuan mak tihna a tham a tling ngei ang, Jonas hian Sierra kidnap tu hi Harry a ni chiah em tih hre chiang duh lo se chuan Harry lakah kha ṭawngkam pawh kha a phuh chhuak hauh lo ang.



"Ka ngaihdanin kan fanu lo piang lawmnan hian chhungkua a hlim taka awm khawmna hun ni in ka hria, chu bakah ah Devon leh Jasmine tan liau liau chauhin chu chu tih kan tum a niang chu!" A tih zawm leh nghal a.



Jane chuan a fapa chu chiang ngam chiah lo a melh chhoh pah hian, "I chiang chiah maw Jonas?" A la ti hram a.



"Ka sawi awmzia chu, hetah chhungkua in zanriah kan kil ho ang." Jonas chuan nui hmel pu lui zet hian a ti leh a.


"Chuan kan eitur pawh ka lo order ang."


"Son chutianga nih chuan hmun danga mi i order a ngai reng reng lo, helam hi chu Harry nen kan tuina lam a ni a, keimahnin kan eitur chu kan siam dawn nia, a ni lo'm ni Harry?" A pasal lam chu a hawi a.



"Um.....yeah ok." Chiang vak chiah biklo hian a lo ti ve chuar chuar a, a ngaihtuhna ah chuan eng tak awm ve ang maw tih chu Jonas hriat chak zawng tak a ni.




"Harry kalna tur i nei em ni?"



"Kha chuan a nghak thei e." A ti ṭha ve mai bawk a.




"Uh, a va hlimawm dawn em." A nu chuan hlim zeta rawn ti in, "Lokal rawh Harry, zanriah tur chu va buatsaih nghal ang." Ti in kitchen lamah chuan a pasal chu a kai phei ta nghal a.






An kalhnu chuan Jonas hmel put danchu a inthlak nghal, b*stard he penthouse hi damin i chhuahsan hauh lo ang le, ti rilru chungin inchung lamah a chho ta a.





An room lama a lut chu Devon in naute a lawm thawm a hre nghal a, "Enteh Jonas Sierra in naute hi ka pawm thei ti in min hrilh a." Lawm avanga mimeng de sar sar hian a unaupa chu a lo hrilh ve a.





"Dev, khawiah nge Sierra?"



"Hetah hi ka awm."  Thim chin a ṭang hian a hmela hlauhna hlir khat chung chuan a rawn pen chhuak a, a hmelah chuan a thlaphang tak zet zet tih hai rual a ni lo.




Jonas chuan a va pan hnai a, Devon lam chu hawi lehin, "Devon, Sierra hi a falin ka biak lawk a ngai a, Jasmine hi lo awm pui rih ang che, mahse he room hi lo chhuahsan hauh suh!" A ti leh a.





Devon chuan naute hlir a ngaihtuah a vang chuan a unaupa thusawi pawh chu hre awm pawh hian alang lo a, "Devon ka thusawi chu i hria em?" Hriam deuh hlek hian Jonas chuan ati leh hrawk.





Devon chu a rawn dak chhuak a, "Yep, he room hi ka chhuahsan lo ang i ti a ni lo em ni?"




Jonas chu a bu nghut a, a che chhuak zui nghal bawk, "Sierra bathroom lamah inbe lawk ang." Bathroom lam chu a pan nghal a.





Rei vaklo hnuah Sierra pawh chu bathroom chhungah chuana rawn lut ve a, "Harry kha a ni ti raw?" Jonas chuan alo ti nghal tawng.






"Aw." Hre awm ti zet hian Sierra chuan a lo ti ve sap a, a dang chu ro zo ta veka hriatna a beih avang chuan a chil chu a lem khalh a, chil han lem tur pawh chu a neilo hial ni a hre bawk.





"A ṭawngkam ka hriat a ṭang khan a mah ngei ani tih ka hria a ni."  A ti nawn leh sap a.





Chumi hnu ah buai chhe ṭanin a chi ai nghal der bawk, "En teh Jonas he hmun hi ka chhuahsan vat a ngai ang, chu chu ka tih ngei a ṭul."




"Tuman he hmun hi an chhuahsan dawnlo Sierra."



"Jonas min thah a tum tih te hi hrethiam ve ta che, chuan Jasmine ngei pawh, chu chu ngaihtuah ve rawh."





"Sierra tu nge ka nih chiah tih hi i hre chiang tak zet maw?" Jonas chuan a ti leh nghut a, a chhan pawh a bulah a awm chhung zawng hi chu thlamuang takin awm se a duh.






"Oh my god Jonas hetiang hi ka tih theih ka ring lo."




"Inbengdai rawh Sierra." A va pan hnai a, a awmah chuan kuah betin an thinphu chu ngaithla tur chuan a bei tir a.



Rei vaklo chhung chu chelo chang a dingin, Jonas tih ang chuan a awm ve mai a, mahse atal ta laih laih a, "Jonas min thlah rawh, he hmun hi chhuahsan ka duh."



"Ka phuar hlawm hma che hian inbengdai hmasa phawt mai teh." Vin deuh tak hian a ti chhuak hrawih.



Siera chuan thawk a halh a, "Jonas ka hlau em a ni."  A ti ta a.



"Jasmine nen in chungah engthil mah ka thlen tir dawn lo tih ka tiam e." Jonas chuan a lo ti sup a, Sierra chu dam zeta kuahin a awmah a bei tir ta hle hle a, a lakah chuan Sierra chuan thlamuan na hmu se a duh ngawih ngawih bawk.



"Jonas, Luca i biak a ngaiin ka hria."



"A tlai tawh mah mah, lo bia pawh ni ta ila a hun takah Luca chu a rawn thleng hman tawh kher lo ang, chu lo ah he thil hi chu Luca nilo in kei leh Harry inkar a ni a, kan pahnihin kan chingfel dun ang, chuan kan pahnih a tu emaw zawk zawk hi chuan damin he penthouse hi kan chhuahsan tawh lo bawk ang." Nghet churh hian a ti leh a, a thusawi ah chuan a chiang hle tih hi a hriat bawk.



Chu erawh Sierra ngaihtuah lam tak a ni, chu thil a sawi a vang chuan Jonas chan hlauhna hlirin a khat nghal a, "Jonas khawngaihtakin chu thil chu tilo hram rawh, i chungah engthil mah thleng turin ka duh lo, chu tiang thil thleng a tan chuan ka phal bawk hek lo che." Ti in Jonas chu a en chho a, a  hmela hlauhthawnna hlir hi a langin a ngen pah ti tih bawk.




"Ka chungah engthil mah a thleng dawn hleinem babe, chu ai chuan tuna ka thusawi tur hi ngun taka ngaithla turin ka duh che ."



"Yes."



"Inhnuai lamah Harry leh ka nu leh Devon dinner ka kil pui dawn a, chuan i damloh thu ka rawn sawi ang, nang erawh kan room ah hian Jasmine nen inlo awm tlat ang a, eng thil pawh inhnuai lamah a thleng a nih pawhin rawn chhukthla miah suh ang che."



"Ok, ka ti lo ang."





"Zanin hian kan zavai tana ṭhatna turin a vawikhatnan he tawpna hi a thleng law law ang."





Sierra chuan Jonas chu kuah nghet sauhin a, "Jonas fimkhur hle nag che, engthil mah tawk loh hram tum rawh aw."




"Ka tawk hauh lo ang Sierra." Jonas chuan a lo kuah nghet ve sauh a.




"Jonas ka hmangaih che."



Jonas an thawk a la hawk ri a hriat chuan, "Ka hria a lawm, hetiang hian awm tur ka nilo tih pawh, kha tih lai ka kah ṭum che pawh khan ka haw tak tak lo che a, ka hmangaihna che hi a zual tulh tulh zawk, ka kah che a vang khan ka inchhir em em a, kha hun kha koh let leh theih chu ni se, ka hmangaih zia che tihlan nan ka hmang zawk ngei ang."



Jonas chuan Sierra chu chik zet hian a melh chhuk vung vung a, a hmuiah chuan zu tawh chilhin duhthawh zet hian a fawp zuita nghal a, rei tawk fang a fawh hnu chuan thawk la turin a thlah a, a kut pahniha sierra biang chu khuap sakin, "Kha mi ni ka office chhunga i rawn pen luh ṭum khan he thil hi ka hre daih tawh, nang hian vawikhat tal chu min la tluk tir dawn a ni tih hi!"




"Mahse enge a chhan tak tih leh eng chung changah nge tih kha ka hrilh theilo che a, nangmah a chona mak zet awm hian min hnuk hniam a, keimah a tlawm ngawih ngawih a inhriatna min neih tir bawk ṭhin, chutiang chuan hmeichhe dang lakah ka awm ngai lo hrim hrim, nang hian ka inbengdaihna te chu min lak bo sak zo a,  ka nun chu hreawm takah min dah sak a , mahse chutih rual chuan ka thil la tawn ngailoh leh ka la neih ngailoh thil min pe thung a, ka nunah Jasmine min pe a, i tello chuan he khawvel ah hian engtihna mah ka nih loh zia min hriat chhuah tir bawk a, hetiang thil zawng zawng min tawn tir theihna na chhan chu maw baby kei pawhin ka lo hmangaih reng vang che a ni tih tunah chuan ka hre chhuak tawh." Jonas chuan a ti a.





Sierra chuan Jonas chu ringhlel zeta a melh chhoin, "Min hmangaih ve a maw?"




"Yeah, ka hmangaih che Sierra Black."



Jonas chuan a fawp nawn leh ta a, a fawh zawh hnu chuan ti hian Sierra chu a hrilh a, "He thil hi ka ti zawh hunah kanu chuan Harry hi a la haw zawk dawn a, rei vaklo chhung chu Devon leh ka nu hian an pa thih hi an tuar ang, chumi zawh ah chuan kan vaiin kan la cheng khawm anga, chhungkaw hlim tak kan la ni ngei ang tih ka ring."



Jonas chuan engkim ahrilh fel hnu  chuan Sierra chu a chhuah pui ta a.


Devon pawh a sawi ang ngeiin naute chu a lo la pawm a, inchung lamah chuan eng eng emaw te sawiin leh Devon school kalna lam pang te zawtin an pathum chuan an awm reng a, Jane a rawn au lang lang takah chuan Devon leh Jonas chu inhnuai lamah an chhuk thla dun ta a.





Jane zawhna hmasa ber pawh, "Khawnge Sierra?" Tih a ni a.





Jonas chuan a nawmsam mangloh thu in a lo chhang thuai a, Jane pawh chuan a hrethiam kher mai, Harry chu a melh ru zauh a, a ni pawh thawhuai hmel hi a pu bawk, "Hetia kan zavaia inpawhna hun ṭha tak kan nei thei hi ka lawm khawp mai." Jane chuan a rawn ti chhuak a.





"Mom, ka lawm e, dinner pawh a tui lutuk ringawt." Jonas chuan a lo ti ve sup.





"Mahse Sierra in hetiang hun ahan chan leh tiang hun hlimawm a rawn nang ve theilo erawh a pawi khawp mai, Jonas doctor hmuh te a ngailo ang tih i chiang chiah maw?"







"A ngaih ka ring lo, a thil ei eng emaw ber vang a nih ka ring, chu vang mai mai chauh chu a lawm mom, ngaihṭhatlohna tur a awm lo."





"A rai leh lo tih i chiang chiah maw?" Jane chuan a la rawn hram pek a.






"Jesus christ mom." Jonas chuan a fork hum lohna lam chuan a chal a dawm zauh a.






A bula ṭhu Devon lah chuan, "Sierra in naute dang a nei lwh dawn maw?" A lo ti ve ha zui a.







"Nilo Dev, a damlo mai chauh ani e." Jonas chuan a fork chu dah thla in thawk a la hawk a.






"Dev engvanginnge in chung lamah kalin Sierra Jasmine enkawl lamah i lo han puih mai loh ang ?"  Jonas an a tih chuan a mitmeng chu a de chhuak nghal sar sar a.






"Ka ti thei chiah ang maw?" Phur zet hian a ti chhuak ve a.




"Si, go on." Hlim lutukin Devon chu a tho chhuak nghal thuai a.







Jane chuan a fapa lam chu hawiin, "Son ka chhuang ngawt mai che, i nuna Jasmine a rawn tel ṭak a ṭang hian i inthlak danglam vek tawh tih hi ka hria a nia, chuan i pa khan heng te. Hi han hmu ve hman se zawng a chhuang ngawt ang che tih hi ka ring." A lo ti ve bawk a.






Jonas chuan a nu lam chu a melh deuh hrawih a, "Oh ni e, kha thu kha sawi chhuak tur ka nilo a sin."





Harry chuan an thusawi lai chu lo pawt chatin, "Khawiah nge zial ka zuk theih ang?" A lo ti a.







"Balcony lamah kal rawh." Jane chuan a lo ti vat a.





"He kan awmna room hnuai chiah ah hian games room ka nei a, tah chuan i zu thei ang."






"Jonas, naute a awm ve tih hi hre rawh, naute awmna hmun inchhungah meizuk a theihloh."





"Mom, inhnuai lam a ni a, chuan penhouse hnunglam a ni bawk, Jasmine awmna a thleng pha hauh lo ang, chulai vel bawr hnaiah chuan Jasmine hi hruai a ni ngai bawk lo ang tih ka chiang, tuna balcony kawngkhar kan hawng anih chuan alrm set kha a ri dawn bawk." Jonas chuan ati leh a, Harry kal falna tur hlir a mgaihtuah bawk.







Harry pawh chu a ding chhuak a, "Ok, Jonas sawina lam chu kan pan ang e, inhnuai lam i ti ti raw kha Jonas?"






"Aw, step tawi te awm kha zawh thla la, chuan room pakhat i hma zawnah a lo awm anga, tah chuan i lut dawn nia."







"Ok." Ti in Harry pawh chu a chhuak ve ta nghal a.







Jonas chuan a nu lam chu hawiin, "Mom engvangin nge i lo han hahchawlh rih mai loh ang ni, keiman kan eina ho hi chu ka lo tifai mai ang."






"I chiang chiah maw son, nia kei pawhin bubble bath nuam tak hmanga inchiah veng veng ka chak deuh khawp mai."






"Chiang e, kal rawh."





"Thanks son, a ruk tak chuan mipa fel tak hi chu i ni chiang a lawm." Ti in a tho chhuak a, a room.lam chu a pan ta nghal a.







Midang zawng chu a tir bo ta a, tunah chuan Harry nen an pahnih in thu tlem an sawi a hun ve ta. Jonas chu a tho chhuak a inhnuai lam chu a pan thla ve ta a.



Duh ang pawhin ka rawn dah tam thei ta lo, mahse nakinah sei tawk ka la rawh dah leh thei mai ang tih erawh ka tiam a che u.