IT'S JUST AN ILLUSION CHAPTER 15

IT'S JUST AN ILLUSION CHAPTER 15

SANGTEI KHAWLHRING




A SEI ṬHA NGAT NGAT BAWK A, FAKNA MILEM AWM KHA MIN HMEH SAK LEH VEK RAWH U AW HMELṬHA HO.




Sierra leh Maddie chuan bar lam panin intur an dawm dun a, "I zia awm phah deuh tawh em tikhan ?"



"Yep, ka ngaihsak lo ve, a ni ve kha." Ti a sawi pah chuan a intur dawm lai chu tem pah hlak a.


"Maddie zanin chu i bulah ka rawn riak thei ang em? A chhan chu khatiang a ka tih tawh hnu ah kha chuan a penthouse a kir leh pawh ka chak rih lo."


"Tehreng mai, i ngaizawng palh hlauh ang ti raw?"


"Lo ngaizawng palh ta ang pawh ni ila,a mah nen berkher chuan kan mu dun hauh lo ang, i hriat kha, inneih hun ka nghak reng ṭhin tih te pawh."


"Mahse kar hnih hnu lawkah pasal chu i neimai dawn a lawm."



"Inneihna tak maw le ka sawi Maddie, chu pawh ka mipa hmangaih tak nen a ni ngei bawk ang."





"Kawngkhat chuan Jonas pawh hian dikna a nei ve chuan ka hria, a sawi angin ice queen i ni chiang a lawm."




"Shut up, ka ni hauh lo."


"Come on, lâm phawt teh ang." An music tum chu a ṭang ṭha et awt hle a, lam nuam tak tur pawh a ni reng a, lam tual lamah chuan an in zui phei dun ta a.


Reilo te hnuah Sierra pawh chuan lam pui tur mipa chhelo zet hi a hmu nghal thuai a, sambuang uk kharh mai leh vun hang lam nisa em ṭhan tih hriat zet a nei a, a mitmu chu a hring nghalh bawk a, a hmuh dan chuan mipa fel pangngai tak ni in a hre bawk, chu pa chu music ri beng chheng tak karah chuan a ṭawng ring hle a, "hey, Jay ka nia." Ti in a hming a hrilh nghal a.



"Sierra ka nia." A ti ve nghal bawk a.


"Hmeichhe hot tak i nih hi!"


"Ka hrethiam chiah lo a chu mahse ka lawm tho e."


"Kan pahnih a slowdance nei turin ka sawm thei che ang em?"


"Tiang club ah te slow dance tih i duh a maw?" Sierra chu mak ti in a âng deuh pam a.



"Tehreng mai, ka bula hmeichhe melṭha zet hi ka lampui chak a lawm." Jonas anglo takin a ka a ṭang chuan aduhawm zia faknaa ri ngun malh malh hle bawk,hetiang tur hi a ni, mipa chuan hmeichhia te hi andah sang ve tur a ni,Jonas ang mipa nilo in.


"Ok,ti i la." A ti ve ta sap a.


An pahnih chuan lam dunin an taksa chu a inhnaih chilh dun kher mai, Jay chu a rawn kun hniam a, Sierra hmui chu a kut a tuai sak zauh pah hian, "Ka fawp thei che ang em?" A ti pah sup a.


Reilo te chhungin a ngaihtuah zuai, engvangin nge a fawh theih loh bik ang,a ni te chuan hmeichhia a mut pui hial a nih kha,infawh te chu engtihna mah a ni lo,ti a ngaihtuahin, "Tehreng mai,min fawp thei e." A ti ve ta a, an piah lawkah Jonas leh Elijah an awm vereng a,an mahni an rawn thlir dun reng a ni tihreng Sierra chuan a hre lo.



"Eng infiamna nge maw a khelh le?" Elijah chuan ati deuh hmuk a.


"Hmm, athil tih lai saw maw, min rulh letna a aruahman siam a ni ngei ang le."


Sierra leh alam pui pa infawp Jonas an ahmu zet chu Elijah lam ahawi a, "Press ho hi an awm em?"


"Aih, mahse hetah i kal tih hmuh i nihchauhin a ni ang, an rawn thleng ve vat tawh pawh ka ring." A lo ti a.



Chutia asawi hnu chuan Jonas chu a che chhuak nghal ta vut a, Sirrra te awmna lam chu a thleng phei nghal thuai a, "Nuam i ti hle mai maw?" Sierra te a va tih chuan arawn dak chhuak nghal a.


"Eng nge i duh?" Lungawiloh hmel zet hian a lo ner khum pah sak .



"Ka nupuihual hian club ah mipa dang nen eng nge atih ka rawn ngaihven mai mai a nia."


Jay chu a phu deuh zawk a, "I nupuihual.maw a nih a?"



"Sorry man, ka hriatloh vang a ni." Ti in thupha achawi nghal sawk sawk bawk a.



Sierra lam chu rum zeta melh chung hian, "I buaina neihah hian inrawlhtir min tum hlek suh!" Ti in a kalsan zui ta nghal a.


Sierra chuan nuih var var chung hian Jonas hmel vawt zet chu apan hnai a, "Mi in i nupui hual i lakah a rinawmlo.a tihna rilru an put na hi eng angin nge i ngaih ve le?"



"Game khel thiam tak i ni tih ka chiang e." A lo ti ve hmuk a.


"Hmm, game ka khel ngailo Jonas."


"Nilo e, i tihdan vel kha i thiam ka ti mai a lawm."


"Ka chungah thinrim theihna dan pakhat te mah i nei hauh lo tih hria ang che, a chhan chu ka tih ang chiah kha i. tih ve tho a vangin."


"Ka thinrim hleinem Sierra."


"Well, mahse i hmel put dan erawh kha chuan i thinrim.ti a min hrilh tlat si?"



"Jonas, press at three o'clock." Elijah chuan ring deuhtak hian arawn au ṭhawt a.


Jonas chuan Sierra chu a hnaihchilh nghal hmak bawk,"Eng ..... engthil nge tih i tum?" Sierra chu Jonas huhang na zet a vang chuan a zam chhe leh zo vek tawh, a huaisenna zawng zawng te chuan an kalsan leh ta ni hial hian a hre bawk.


"Press ho hetah an awm tawh." Tih chauh hian Jonas chuan a chhang
 a.


"Eng tin nge kan tih tak ang?"


"Min hmuh ang hian, eng tiang chiah ahnial rual loh a min thlahlel nge i nih tih i lantir dawn maw le." Zawi deuh tak hian arawn ti leh a.



"Hetiang lamah hian ka thiam miahlo  nia, actress lah ka ni hek lo."


"Lem chan angaih ka ring chiah lo babe."


"Nangmah leh nangmah chiah i inhmangaih hlura, ni em?"


"Ngawi hmak la,min fawp thuai mai rawh." A aw ah chuan thupe aw leh  a thuneih zia a ti lang chiang hle in a hre bawk.


Sierra chuan tim deuh tak hian Jonas an a rawn fawh rem.tur tak chuan a hmui chu a lo dawh a,Jonas hmui lum thar thar wine rim.nam ram ram chuan arawn tawh chilh nghal bawk, afawh dan chu a dam viau a chu a uar hle a,lemchanna mai pawh nimah se Sierra taksa chu chawp leh chilhin ati khur dar dar nghal a.


Aduh thawh tulh tulh a, a hnu ah phei chuan Sierra ka chhung chu a lei chuan ahawl kual sak ta nawk nawk a, chu chuan boruak aleng ta delh delh a lo inngaihna hi a neih tir a, a tum lohzetin Jonas nghawngah chuan kuah ve in a sam chu achul sak pah heuh heuh bawk, chutianga ahan siam chu mak a in ti letling zawk.


A mit a chhing pah chial a,  tun dinhmunah tak hi chuan Jonas lakah ui a nei hauh lo awm e, Jonas aw nuih zat na akhat in, "Heta ṭang hian chhuak ang le." A rawn tih takah chuan ameng chhuak nghal a. Asen chhuak ṭan ṭan bawk.


A harh chhuak ve chiah, "Nilo, Maddie ka kalsan theilo ang."


"Elijah in a lo thlah hawng mai dawn nia." Ti asawi chungin Sierra chalah chuan duat hmel zet hian afawh sak leh zauh a.


Lem channa mai pawh nimahse Sierra chuan nuam.ati ru phian,hetiang hi ni tak tak se chuan pasal atan pawh Jonas chu a thlangve maithei,mahse a ni dawn lo tih lah a chiang hle bawk .



Engtin mah a athu hnial ta lo chuan an i zui chhuak ta nghal a .



Jonas car awmna an thlen chuan, "Ṭhu lut rawh." A ti nghut a.




Sierra pawh eng mah sawi loin aṭhu lut ve nghal mai bawk a, Jonas chuan acar a chahbi rawlh lutin ati nung tan nghal a, "Sierra thlakhat chhung chauh tuar rawh, thlakhat chauh a ni ang, chumi hnuah chuan i pawisa chan ai la in duh duh nahmun ah i kal thei tawh ang, chumi chhung chauh tal chu insum rihin awm thei la, ti chuan pawisa nen hausa takin hun i hmang tawh dawn nia."


"Yeah, mahse eng nge chumi man ve thung chu le Jonas? Tunah hian he country chhung a mi zawng  zawng hian gold digger angin min ngai vek tawh asin, he thil hi tawp pawh ni se ka chan chin chu a chhe zawngin athang tawh tho tho dawn." A ti ve a.


"Ok, pawi ka ti lutuk, ka thiamloh a ni e,  tun aṭang chuan he thil kan tih zawh hma leh kan inṭhen hma chu hmeichhe dang kawpin ka mutpui leh tawh ngai lo ang."


"Uhh, hmeichhia ah i bei dawng zo ta tihna mi? Chutiang han hmuh chu ka  chak khawp mai." Za vaklo hian a nui chhuak hak a.




"Thlakhat vel chhung chauh a lawm, arei berah pawh kar ruk chhung bak a nilo ang, chumi chhung chauh chu ka dam khaw chhuak thei em em tih ka chiang."


"Chuti lo chu hetia thawh dunna ṭha kan neih ṭan phawt chuan engkim.hi a awlsam dawn tih ka hria a ni."



"Ok, kei pawhin i theih chuan ka ti thei em.em ang, ka pawm e." Sierra pawh chuan a ti ve ta a.


A FEW WEEKS LATER...


An in tiam hnu a ṭangin kar khat a ral leh tawh a, Jonas leh Sierra pawh pangai takin hun an hmang dunin an chung chang thu engmah a chhelam zawngin news lamah hmuh tur a awm tawh ngai lo a, Jonas pawh a intiamna angin zan lamah a riak chhuak ngai tawh lo a, hmeichhe dang a kawp thu thang hriat tur lah a awm tawh hek lo.


An ni tin nun hman chu a pangai a, ni e nitin nunhman dan routine ti in Sierra chuan avuah thei ngei ang, a chhan chu Jonas chung chang ah a lo inrawlh tawh ngailoh ang bawkin Jonas pawh Sierra chung chang thu ah a inrawlh leh tawh ngai hek lo.


Chutiang a nih hnu ah chuan an inbe khatin Jonas chu mipa ṭawng tlem takah a chang chho a, an ṭawng tam lo dun ṭhin khawp mai, chutiang mi a nih chu Sierra chuan a ring pha ngai lo, a chhan pawh a hma te kha chuan mipa inhnialpeih tak a nih ve a vangin.




Jonas chu hnathawh zawh in inlamah a rawn haw ziah tawh ṭhin a, inlamah a awm tam hle a, office lam a ṭanga a rawn hawn a hna a thawk pah mai ṭhin, ei lehin te pawh kil dunin mahse an inbe tam ngai lo, mahse chutia inbe tamlo taka an awmna chu a mak hranpa lem lo,ngaiah an neih vat pawh Sierra chuana ring, a chhan tak chu an ṭawng tam dun chuan inhnialna a nih ziah a vangin,  hetia an awm hian rilru a ti thlamuang zawk fe ni in a hria a,a chhan pawh an pahnih a thinrim a inhnial a in ân khum reng ai kha chuan Sierra chuan a la thlang tho tho, a chhan tak chu a ni pawhin a duh lo a, Jonas lahin a duh bawk hek lo, an induhloh tawn ve ve ni in a hria a, inhnial reng mai ai chuan chutia ngawi chawi taka awm chu ṭha a ti zawk fe a ni.




An pahnih tan chuan christmas rawn thleng pawh chu engtihna mah a nilo a, a chhan chu Jonas chuan christmas hi a lawm duh lo, a pa thih ni kar a nih a vangin a tan chuan christmas chu hun harsa tak paltlang hun a ni ngei ang le, chuvang chuan Maddie bulah Sierra chu kalin a then leh rual dang te nen christmas hun chu an hmang a, tunah chuan penthouse ah rawn kir leh tawhin NewYork lama kal turin a thawmhnaw a pack leh mek tawh a, a tuk mai hi Alexandra leh Luca inneih ni a nih tawh a vangin chumi ni a va tel hman tur an ni nghe nghe a, ni e, Alexandra pawh vawikhat chu a hmuh tawh nghe nghe kha, an inkawm ngeih viau bawk a, hmeichhe ṭha tak ni in a hre bawk.




Chu vang chuan a mah hmu tura han kal leh pawh chu a phur phah viau bawk,mahse flight a chuan hi ngaiah a nei thei ngai lo a, a hlau viau a, a ngaina ngai hek lo,thlawhna a han thlawh chhuah ṭan lai tak hi a buai na ber chu a a ni, thil hreawm tih ber ber zing a mi a ni bawk.




New York a innneihna hman mai nilo in Sicily lamah an pahnih inneihna buai pui turin flight bawkin an kal zawm leh nghal dawn a, chutiang zet a hun rei  chu flight ah hun hman a ngai dawn zui,  Engtin nge chutiang khawp a flight chuan a huphurh ṭhin a ni tih chu Jonas a mipa nel loh tak leh a laka vawt em em reng mai chu a hrilh hriat tak hrep ang?

THE BLACK CORPORATION....

Jonas chuan an kal hma in office lam atlawh leh zuai a, file ṭhen khat ho tih nghal ngai ang chi chu a en fel pah zung zung bawk a,an zin chhungin chung ho chu a Elijah in a lo thawh zawm theihnan a ti a ni, a ṭhen pawimawh zual te erawh kdng telin hna athawk pah bawk ang a, a rin dan in kar khat vel lai an thang hmel bawk si a.


Chutia hna athawh mawlh mawlh lai chuan a phone a rawn ri a, Luca a lo ni a, a pickup ta nghal a,



"Luca, tun a ṭanga darkar rei vaklo hnu ah kan rawn chhuak tawh ang, tunah hian office lamah ka kir leh lawk a, file tih fel theih ang ang te tifel lehin leh kha lama ka thawh theih tur ang ho lak nan hun ka hmang leh lawk a nih hi!"



"Chutiang a nih chuan a ṭha e Jonas, mahse inneih ni kha nak tuk mai hi a ni tawh tih kha ka rawn hrilh nawn duh mai chauh che a, chuan hemi kar chhung zawng hi hnathawhnan hun i hman lohhram bawk ka beisei."


"Nilo e, thil ka ti fel mai chauh a ni e, chulo ah Elijah kuta dah tur ang chi ka ti fel leh lawk a, chuan thlawhna in kan  rawn kal nghal mai dawn a lawm, nak tuk hma chuan kan rawn thleng hman hrim hrim, zanin ngeiah kan rawn thleng hman ang, ka pilot sawi dan phei chuan khaw awm dan hi a nuamlo ati viau  bawk, rawn thlawhna chi a ni ang em?"

"Ni tho e, kei ni pawh tukin khan  kan thleng ve tho lawm, mahse vur  erawh ala tla nasa khawp mai he lamah,  chuan, mahse manor inkawtah ah hian ṭum theihna a awm nghal.... aw le, helamah rawn kal tawp phawt mai teh u."




"A that hlauh chu airport a ṭum kual hmasak tih ang reng vel kha ka peih vak  zawng a nilo, ok, zanin chuan kan in hmu dawn nia."



Jonas an a phone a dah hnu chuan intercom a rawn ri leh nghal ,a pick nghal vat bawk, "Eng nge ni ta Miss Somers?"


"Miss Star in a hmu duh che a, heta hi a awm.


"Ka awm loh thu hrilh mai rawh."



"Sir i lut lai kha a hmuh thu che a sawi a lawm."



"Damn, a nih chuan rawn luh tir ta poh che."




Intercom chu a dah thla nghal a, kawngkhar a rawn inhawng a, Star hmel a rawn lang nghal, a ngai ang te in a la sexy reng a,a sam sen thar mai chuan a dar a vaw siau bawk, a ngai ang chiah in makeup a la inhmang nasa in a meng vam ham a, a hmui pawh a sen tak ṭha hler hlawr khawp mai, fawh chak awm tak a ni.




"Eng thil nge thleng chiah hi Jonas ?" A rawn ti lut nghal tawng a.


Jonas erawh chuan chhang chuanglo in a lo mengkual khum rulh ringawt, "kar khat chhung teh meuh ka hmu tawh lo che."


"Ka buai em a lawm, eng nge chumi ah buaina awm?"



"Hmuh che ka duh a lawm."



Jonas chu a meng rum nghal hle a, mahse Star erawh chuan Jonas chu a hre ching tawh hle, a va pan hnai a, a kawr hma a akuta chhuisak riak riak pah hian, "Eng thil diklo nge awm leh ta pek.a?" A tih zawm leh nghal a.



"Ka hrilh tawh che kha, tun kar chu inkhung ka ngai tiin, tunah pawh hian ka kal a ngai leh tawh, hun ṭha tak hmang ang che." Ti a a file chu lak mai a tum a.


"Khawiah maw kal i tum a, kha cleaner kha i bulah chuan hruai tel ve zel i tum tihna mi?"



"Eng nge tih theih awm chuang a, nge nang hi hruai i duh tihna maw ni a?"



"Ka zawt ve mai chauh che a lawm."


"Aw, aw, ka bulah ka hruai tel ve ang."


"Mahse i kal hma in kan pahnih hian thil tih dun phawt tur kan nei in ka hria, kan pahnih baka in ti lungawi tawn thei hi an awm dawn chuang em ni?"



A kawr chu phelhin Jonas hma ah chuan saruakin a ding ta nghal a, "Jonas ka ngai thei lutuk che a sin." Tih pah chuan a a kekawr zipper lam chu a zip thlak sak ve nghala, a chhungah chuan a kut a rawlh lut in a sum sak nghal mial mial a, Jonas chu a inngaihtuah buai nasa mai, a taksa peng pakhat chu a tho nghal ṭual ṭual tih lah a hai hauh lo,hmeichhe dang awmpui lo in kar khat lai a awm tawh a, a awm ve tawh tho e,mipa chak ṭha lai leh infit tak leh tha hrui ngah tak a ni a, a tan chuan insum chu har tak a ni.


"Hei tunah chuan hetah ka awm tawh a lawm."


"Tumahin an hre chhuak lovang." A ti tham chal a.

A dik lutuk, tumah in an hre hauh lo ang.


Sierra lakah khan a in tiam tawh a chu a tan chuan a hma lawk a thei lawh chakawm takin a anghah reng a vang chuan thildang reng a ngaihtuah thei lo.


Mipa a ni a, single dik tak a ni bawk, tumah a bum lova tuma lakah a rinawmloh phah hek lo, tih chu a ngaih dan nghet tak a ni, a duh duh a ti thiang bawk.


"Darling eng nge i ngaihdan?"



Star fawp tur chuan a kun hniam ṭan leh ta a, "Nih leh minute sawm panga hun chu kan nei thei ang." ti in chet a la ṭan ta nghal a.


A duh ang thal a chet a lak zawh hnu chuan Star pawhin lungawi zetin a office chu a chhuahsan a, Jonas pawhin a inthuamna te thlakin office chu a chhuahsan a, a thawmhnaw ken tur leh Sierra lam tur chuan a penthouse lam a pan in a inkhalh haw leh ta a.

*****      ******     **********


Airport kal nan erawh limosine ko in driver in a hruai thung! Airport an thlen hnu chuan Sierra chuan zamna nasa tak hi a neih belhchhah sauh a, engtin chiah nge Jonas chu engtin chiah nge a hrilh tak ang?



An driver in an bungrua te jet a a dah luh sak hnu a meuh phei chuan Sierra chu a khur titih a, Jonas erawh chuan a ngaihsak loh a vangin Sierra hmel put dan chu a hmuh hmaih thung, pawna pilot lo awm chu bia in, "Tuna kan kalna hmuntur inkawtah hian ṭum theihna tur hmun a awm nghal a, tah chuan kan ṭum thei ang em?"


"Aw sir, ka lo check fel tawh a, thlawhna ṭum nan azau ṭha tawk hle a ni."


"Nihleh vur tla nasa a vang hian buaina a thlen phah ang em?"


"A ṭhatlohna tur chu kan ṭum tur hun aiin kan thleng tlai phah ang, chu lo chu ka ti thei ang."



"A ṭhat chu nih leh kal ang."


"I tan body guard i hruai tel dawn lo tihna em ni sir?"



"A ngailo ang, ka tan chuan Luca tluka body guard ṭha an awm lo ang,chu loah Bailey inneihna ah kan kal dawn a, security pawh double strict a ni dawn a lawm."


Sierra chu melh pawh melh lem lo hian, "I inpeih tawh em?" A ti nghut a.


"Aw." Ti chauh hian a lo chhang ve sap a.

Jonas chuan Sierra pawh ngaihven chhunzawm tawh chuang lo in flight awmna lam chu a pan nghal vut a, a hnungah chuan zawimuang hian Sierra chuan a zui hnak hnak bawk.


Kan thi vek dawn a ni hi tih chu Sierra rilru a awm ber a ni in a pum lam a ṭang chuan a rawn pump chho a, a lu te hu a hai sa nghal ringawt, thlawhna chhung an luh hnu pawh chuan Sierra chu a ṭhu ngam lawk lo a atawi kual kawi ngar ngar, "Sierra ṭhu la, seat belt khan in hreng rawh."


Sierra chu a din ngai hian a la ding tlat a,ache sawn thei lo, "Sierra ka thusawi chu i hria em?"


Nilo,nilo Lalpa ka thaw thei lo, ti rilru in a thawk te chu a ipik mup mup ni hian a in hria a, he plane a ṭang hian ka chhuah a ngai, zawi muang hian Jonas lam chu a pan a, "Diklohna eng emaw i nei em ni?"




Sierra hlau lukuk chu ṭawng pawh a ṭawng chhuak theilo, "Eng thil nge ni hrep Sierra?"





Captain chuan announce arawn puang a, "Boss tunah hian kan thlawk chhuak nghal tawh mai dawn, chu veleh Sierra chu arawn auchhuak a, "He thlawhna hi ka chhuahsan a ṭul, Jonas khawngaihin min kal chhuah tir rawh."


"For f*ck sake Sierra." Ameng rum.leh tawh kher mai, chu pawh chu a pawisa zo tawh lo.


"Jonas khawngaih takin thlawhna chuan hi ka hlau."


"Tiang a thlawhna chuan problem i neih te chuan ahma daih tawh a sawi chhuah tur che a lawm."


"Hey, chutin problem ka neilo aw, NewWork kal ka duh lo mai chauh a lawm ." A ti ṭha leh a.

Thlawhna chu a che deuh lawih a tlan nghal ta pur pur a, chu thil a hre chiah a chi ai buai chhe zui nghal, "Eng thil...."


"Thlawhna hi thlawhchhuah tumin a tlan ṭan chiah a nih chu."


"Kan thlawk chhuak tawh dawn maw?' A thaw nghal hlap hlap a.


"Lalpa leiah kan awm tawh lo."


"Lokal la, ka bulah rawn ṭhu rawh Sierra."


Sierra chu a thawk a tawp ti tih a, a meng lian hle bawk, a hmel chu hlauhna hian a khat a, engmah pawh a sawi chhuak thei tawh lo, chu thil Jonas an a hmuh chuan a mengkual khum rulh a, "Ok i duh loh leh tikhan nangmahin awm la ti nia, mahse i buaichhia a nih vaih chuan i tla chhuak ngei ngei ang."


Sierra chuan Jonas lam chu a pan rang chiang kher mai.


Jonas chuan a malchungah a lo ṭhut tir a, "Jonas ka hlau a nia."


"Hmm ka hria a lawm, mahse engmah hlauh tur a awm lo, Steve hi pilot a thiam ber pawl te zinga mi a nih hi!"


"Mahse ka hlau a lawm."


"Hlauh tur engmah a awm lo Sierra, i chan chin min han hrilh teh."



"Eng chung chang?"


"I duh duh a ni mai, mi hrilh chi a i ngaih ho kha."

"Highschool ka zawh khan Veterinary college ah ka kal a."


"Ran i ngaina viau tihna a ni maw?"



"Aw, mahse kum khat chhung chauh ka kal thei ta a."



"Ngati maw?"


"Hringnun hreawmna hi a rawn lang thut ṭhin a."


"Nih leh khawi a ṭangin nge i ran ngainatna hi rawn kal hrim hrim?"



"Farm a ṭanga seilian chho ka ni a, ka pa hi farmer a nia."



"Min han hrilh zel teh!"


Sierra chuan a chanchin chu thudik deuh reuh leh dik chiah lo in a sawi chho a, thil pawi thui chin erawh a ka a ṭang chuan a chhuak eih lo bawk, a chhan pawh chutia a chan chin a ngaihthlak sak nachhan pawh a duh vang leh a ngaihghlak duh vang emaw a ngaihsak vang nilo in a rilru tihpen sak a duh vang mai mai tih lah a hre chiang hle a, chuvang chuan a nuna hlimawm lai hlir chauh chu a hrilh hria a,mahse chutiang a vang chuan a hrikh tih hretho mah sela a thlamuan phah hle thung tih erawh a inhre thung a ni.





Jonas an a malchunga a han ṭhut tir ringawt pawh chu a tan thil mak a tling hle bawk, mahse chumi a vang chuan Jonas lakah effect a neih vang nilo in, arilru tihpen a duh sak vang chauh tih hi a hre tur a ni ti in a in hrilh ru mawlh mawlh a.



A FEW HOURS LATER....

Jonas chuan engmah hna thawh tur a thawk zo thei pah dawn lo tih chu a inhre chiang hle a,a chhan chu Sierra chuan flight a chuan a hlauh thu a sawi mauh mai si a, chuvang chuan chulam chu ngaihven a ngai si, he a thil tih hi Sierra tan chuan hlau lo a a chuan theihna awlsam ber awm chhuntih lah a hai lo, he nu hian phat rual loh chuan a nun khaw ṭha taka kal lai a tihnuai zawh sak vek a ti lo thei awm lo e, a lamah chuan a zu kun hnai a, a ni lah chu tui tawk hian mu in a lo thaw sak sak leh nghal a, mahse damn a rim chu a tui hlawllo, he ti ang hian eng tia rei tak awm dawn ni maw, a ti pah rauh rauh.







A rei tawh dan lah a chhut thiam tawh hek lo, a mal te chu a mu chawrh chawrh tawh a, Veterinary college ah chuan a kal ngei a, eng vanga kal chhun zawm lo nge a nih tak ang?








Jonas i lo ngaihtuah tur a awm lo, chu ai chuan i buaina te hi ngaihtuah zawk rawh.






F*ck me, ka zun a chhuak lutuk tawh, Sicily kan thlen veleh innei turin ka inpuah chah tir nghal ang,a man a duh emaw duh lo emaw a ti ngei tur a ni.






A kawng leh a hnungzang kham lutuk chu a rawn pang chhuak leh a, chu mai pawh nilo in a ke lammu churh churh reng tepawh chu engtin nge a tih ang, a mal chunga hmeichhia a awmdan siam remtir thei miahlo tu hi a thawh phawt a ngai ang.






A tawp a tawpah zawng an captian chuan thu rawn puang ve ta hram a,  "Ṭum turin kan lo inpuah chah dawn nia."






A rawn tih takah chuan, a hun tawh reng bawk a ni. Ti rilru in thawk a la pah hawk, Sierra perfume hman ṭhin pawh a la thlak tir ngei tur a ni.





"Sierra."






"Sierra harh rawh, kan thleng tawh e."
Ti in thlawhna aṭum fel hnu ah chauh chuan a kai tho a.






A ni pawh a rawn harh chhuak ve nghal mak ti zeta Jonas en pah chuan "Kan thleng tawh amaw?" A ti deuh hiau a, Jonas chuan a ṭhen khum sawk.





"Aw ghleng tawh." A ti hmuk.





"Engtia rei nge kamutthilh chiah?"






"Darkar li chu a gling zak ang."






"Darkar li maw, pawi ka ti lutuk min kaihthawh ve tur che a nia."






"A pawi hleinem, chu lo chu engmah tihtheih ka neih loh kha."







Sierra chu zam a vangin a meng hnuai raih a, Jonas a mal chungah dar kar li lai a lo muhil chu a nia le, nuam a ti chiah lo.





"Ka tho chhuak thei tawh em?" A rawn tih chuan rang lutuk in a chhuk thla nghal vat a.






Jonas chu ding chhuakin a mah pawh nghak tawh lem lo chhuan bathroom lamah a kal nghal vut, Sierra chuan thlawhna tukverh a ṭang chuan pawn lam a lo thlir a, khawi hmun mai pawh vur in a khuh var vo leh cham put mai a hmuh chuan nalh a ti kher mai, "Oh wow." Ti in a phun chhuak sap nghe nghe a.