IT'S JUST AN ILLUSION CHAPTER 19

IT'S JUST AN ILLUSION CHAPTER 19

SANGTEI KHAWLH HRING

NINE HOURS LATER....

Jonas leh Sierra chu darkar kua zet mai flight a an chuan hnu chuan an kal tumna hmun Sicily chu an thleng ve ta hram a, Jonas pawh a chau hmel kher mai, Sierra erawh a mu deuh char char ti i la kan sawi sual awm lo e, Jonas thil pek khan a hneh viau a, eng tin nge a awm chiah tih pawh a inhre lo, a mu chawrh chawrh ni mai hian a hria.

Sicily an thlen chuan Luca Villa lam an pan ding nghal a, Sierra chu a mu hnem viau e tilo in a la ham deuh bai bai reng a, Jonas zawk chuan a mah ngaihtuah hmel zet hian, "I ṭha maw?" Ti in a la zawt ta tho a.

"Sawisak hrep ang mai ni in ka inhria."

"Ka thil pek che kha over dose a i tih vang a nih chiah kha."

"Ka hre lo a lawm."

"Pakhat chiah ti turin ka hrilh che kha."

"Mahse kha, zinkawng hun chhung zawng chu ka muhil thung a lawm."

"Yeah, chutiang deuh chu a ni e."

"Nilo thil diklo tih ka nei tihna mi?" Aphu deuh zawk bawk a, Jonas han sawi dan velah chuan a ti ni awm tak a ni.

A lo mengkual khum rulh a, "Neilo e, kan zin kawng chhung zawng khan i mu char char, awm hahdam la a ṭha ang, lokal rawh i room tur ka kawh hmuh ang che."

Jonas chuan inchung lam room pakhat ah hian Sierra chu a luh pui a, "Hei tu room nge?"

"Keimah."

"Mahse mipa room a tan chuan a rawng a va nu ve, rawng pink vek an hnawih a."

"Tah hian ka mu ṭhin a, eng rawng nge anhnawih tih lam ka ngaihven ngai lo."

"Nih leh khawiah nge ka mut ve ang?"

"Zanin chauh chu tah hian i mu veleh rih mai ang a, naktuk lamah erawh chuan tih dan dang kan ngaihtuah dawn nia, a chhan chu ka in a ni silo a,  khawii room hi nge ruak a hman theih ka hre tlat lo."
Jonas chuan a ti a.

"Mahse he villa ah hian room sawm chuang ruak a awm hmel, chutiang tak chuan a zau a nia." Sierra chuan room hran neih chak zet hian a la ti ta fan a.

"Ka hria a lawm, mahse heta ka kal chang hian an chhungleh khat te hozawng zawngin mahni in room hran an nei vek a, chu vang chuan tu room room nge ni tih ka hre lo a ni, naktuk ah Luca a rawn let ve tawh ang a, tah chuan khawi room hi nge i hman theih tur a la hrilh zawk dawn che nia."

Thawk lak hak pah hian, "Ok." A ti ve ta a.

"Hna thawh tur ka ngah a, tlai tak hnu ah lo chuan kan in hmu hman tawh kher lo ang,  inhnunglamah hian pool a awm a, private beach a awm bawk a, i in ang chiah a ngaiin nuam takin hun i lo hmang dawn nia."

"Shower ka hmang ang a, kei pawh mut hahchawlh rih ka duh!"

"Min mamawhna i nei a nih chuan office room chhungah min rawn hmu mai dawn nia." Kal mai tum hian a in her a.

"Jonas?"

A rawn in her leh a, "yeah.?"

."Engtikah nge kan inneih ang?"

"Naktuk hian city hall ah kan ti dawn nia, minute sawm bak hun kan hman ka ring lo, chuan LA lamah kan kir leh anga, inṭhenna tur kan buaipui leh nghal dawn nia."

"A ṭhat viau chu." A lo ti ve sap a.

"Ni e, i tan pawh a natna awm theilo tur ber leh a rang thei ang bera thil tih ka tum ang, ti chuan nang pawhin a hma a i life kha i nei let leh thei tawh ang." A siai khum leh suk hnu chuan Jonas chu a kal chhuak ta nghal a.

Jonas chuan Sierra chu lawm viau turah a dah a ni maithei, mahse Sierra chu a lawm hauh lo, engti kawng zawng tak emaw a lungngaih rukna a nei tel tlat, a chhan a hre mai lo a, Jonas  chuan an thil tih dan tur chu a sawi lawk chiang viau tawh a, a lan danah chuan tun kar chhung bak hi chu an awm dun thei tawh lo maithei a ni.

An han inṭhen hnu ah leh lek phei chuan a account ah pawisa a lut tawh ang a, kha $1000'00 kha, chumi hunah chuan Jonnas hmel hi TV velah te bak a hmu leh tawh dawn lo, chumi hunah chuan hmeichhe nalh tak tak a kuah lawr leh ang a, a ni Sierra hi chu hriat pawh a rawn hre chang tawh lo ang, thawk a la halh a, shower hmang turin bath room lam chu a pan ta a.

Sierra phurrit lian zet chu a mah tih a in hre reng a, chuvang chuan a laka a ṭang pawh a kal hlat thuai pawh a duh, he thil hi atih fel zawh hma leh Sierra chu a zalen hma a ni mai, a mah neih a duh lih zia te kha a ngaihtuah chhuak a, loh thrihlohna a vang chauhin a ni si a, hetianga mi nun tih chhiat sak a an hlimna laksak ngawt hi a duh dan a ni bik chuang lo, Sierra chu a vanduai a vangin a nunah a rawn lut a, tunah hian fel tak a achhuah leh dan tur a ngaihtuah sak mek bawk a ni.

*******      *******      *********

Jonas chuan a file ken a thil tih tur a tih mawlh mawlh lai chuan a phone a rawn ri ta ral ral a, a hawi chhuak chu khua pawh a lo thim fel der tawh, dinner pawh Sierra nen chuan an ei dun lo a, a chhan pawh hnathawh tur a ngah chhuanlamin office chhungah chuan a ei mai a, tunah te hi chuan Sierra chu a mu leh daih tawh ang .

A phone chu a pick nghal a, "Aw Luc?"

"Aw, hetah kan awm tawh e."

"Nak tukkha maw, inneihna a ni dawn lo ti khan ka hrilh tawh hrep che a ni lo em ni?"

"I DO tih kan sawi ang a, chuan paper ah kan sign bawk ang a, chu bak engmah a awm lo ang."

"Aw, naktuk tlai dar thum ah city hall ah a ni ang."

"A hun takah inrawn thlen hman ngei ka beisei."

"Ok, kan inhmu thuai dawn nia, city hall hman chung chang pawh kha i kutah a awm a nia."

Phone a be zo time a en chuan thawka la pah hawk a, a lo tlai tawh kher mai, mut hma pawh a mamawh ni in a inhre ve a, a hma zawngin mut hmu ṭha lo,  nen a tuk mai a a thil hmachhawn tur nen harh vek vawk taka awm a mamawh tel tlat, a file vel chu dah ṭha lehin mut ve mai a rilruk ta a.

A room lam a pan chhoh chuan a lo thim khap tawh, Sierra chu a mu tawh a ni ngei ang, a thawmhnaw te chu phelh ṭhen in khum lam chu a pan ve ta nghal a, thil dang dang pawh ngaihtuah buai peih tawhlo in mutthilh vat tum chuan a maimit chhing nghal a, chutia a tih chuan mut chhuak pawhin reilo te ah a rawn zem nghal mai bawk, a muhil ṭep mumang ram lamah a cheng dawn ṭan chiah, a bula mu Sierra chu a rawn au chhuak ta a, mang ang awka zet hian a phun chhuak mawlh mawlh bawk, "Nilo, nilo, khawngaihin a ni kha tina lo hram rawh!"

"Oh my God, nilo."

"Khawngaihtakin i thil tih lai kha tawp rawh!"

Jonas chu a harh chiang kher mai, a ṭhu chhuak a, Sierra chu sawi nak nak pah hian, "Sierra harh rawh, harh teh!"

"Nilo, min khawih suh!" A ṭe ṭhat a.

"Sierra."

"Min kalsan rawh!" Jonas kut chu a lo vai kian sak a .

Jonas chuan a la harhchiang hauh lo tih pawh a hria, tih harh chian ngei ṭha in a hre bawk.

A kun hnai a, "Sierra Jonas a lawm ka  nih harh teh!"

A rawn hnek ta ṭhuai a, "F*ck." A au chhuak ṭhawt a lo inring hman silo a thim bawk si, chulo ah khatianga a rawn chet kha a ring pha lo hrim hrim bawk.

"I â chu a ni em lo maw?" A na tuar chu a rum chhuak kawk a, thil dangah  chuan khawih se a na pawh a zia awm deuh ang, a mit bul takah arawn hnek fuh khang lang chuan a nat zual phah, thawh lawka tiahpui hnek let ve ṭhuai mai chu a chak kher mai.

"Nilo, hetah hian a awm, kha pa kha hetah ngei hian a awm." Hlau awka zet hian a rawn ti chhuak leh hlap hlap a, a tu mipa tak chu hlau hrep ang maw, thawk a la leh kawk a.

"God damnit Sierra, hetah tumah an awm lo." A awrawl chu a ring ṭha in a vin hle bawk.

"Jonas nangmah em ni?" A rawn ti ve thei ta ṭawka, a aw ka ah chuan a inthiamloh hmel hle bawk.

"Nilo, tooth fairy maw le." A lo ti hlur a.

Sierra chu a ṭap chhuak ta hlap hlap a, Jonas chu a chek ri hluk a, a na pawh ngaihsak hmanlo in, Sierra chu a va kuah a, "Hahdam rawh, hetah hian nang lrh kei tihchauh lo chu midang tumah an awm ve hleinem."

Reilo teah chuan Sierra chu a pangngai chho leh ta a, Jonas chuan a mumangah eng nge a hmuh ti a a zawh pawhin engmah a sawi chhuak duh lo, dnb chuan Jonas a ti lung nilo kher mai,  engtin mah a zawt zawm tawh chuang lemlo leh in be zawm tawh lo in an muhil leh ta a.

THE NEXT DAY....

Luca leh Alexandra pawhin Sicily a Luca villa chu an thleng ve chiah a, inchhung an luh chuan a nupui chu a chhip a fawh sak zauh pahin, "Welcome home wife." Luca chuan a ti a..

"Ka lawm e husband." Alex pawh chu a nui ve var var a.

"Ka room lamah lo han awm hahdam la, nakinah ka rawn hmu leh dawn che nia, 

Jonas kan hmu zuai ang e."

"Inneih hun khaengtikah nge ni ang?"

"Tlai dar thumah, city hall ah neih a ni ang Jonas chuan a tia lawm."

"City hall ah maw?" Alexandra chu a phu nasa kher mai.

"Si."

"Oh no, kha chu tihlo hram a ṭha."

"Em lo inrawlh duh suh, Jonas duh dana nih hi!"

"Nih leh Sierra duh dan ve hi le?"

"A ni duh dan leh duh loh dante chu tu nge care vak a, Em inneihna tak tak pawha nih loh hi!"

Alexandra chuan an pa chu a melh thip khai khai kher mai, "Eng nge diklo leh ta?" 

Luca chu a mengkual pah rulh a.

"A diklo."

"He thil a I Do tih a sawi nan ringawt $1000'00 a hmu dawn a lawm."

"A sawi danin kha thil a hmuh dawn mai a vang khan lalnu a ni tihna a ni kher lo, chuan city hall ai thlawt chuan private beach pawh a la tih tlak zawk fe."

Luca chuan thawk lak huai pah hian a chal a dawm a, "Em khatiang chuan min ti lo hram rawh!"

"Khawngaihin honey hei chiah hi min tih sak rawh, city hall nilo in private beach leh thawmhnaw tih tlak deuh inbel turin Jonas bulah chuan min sawi sak rawh!"

"Nilo, ka theilo ang, Jonas nunna mi sual tak anga mi a ziah hi ka duh lo."

Alexandra chuan a pasal chu a pan hnai a, a nghawngah chuan a kuta uai deuh ti tih hian, "Nilo,i be thei tih hi ka hria a lawm honey, he thil hi a lo thlawn in a kal hauh lo ang."

"Nia, i ti ngei tur a ni."

"Oh, ka lawm lutuk Luca."

"Ka lo be dawn nia ka ti chauh a lawm, mahse engmahka tiam thei lo." Luca chu a hmela huphurhna nen chuan Jonas awmna lam chu a pan ta hnu hnu a.

Alex ve thung chuan an nupa room tur lam chu pan ta lo in, Jonas room lam a pan nghal a, arin ang ngeiin Sierra pawh a hmu nghal, "Hey you."hlim zet hian a va ti lut a.

Sierra pawh chuan a lo nuih ve var var a,  "Sierra tunah chuan i fairy godmother a lo thleng ta e."

A nui leh sak a, "I sawi awmzia ka van hre thiam chiah lo?"

"Babe i pasal neihni a nih hi, chuan heta ka awm chhan chu maw, cinderella ball room a hruai turin a ni bawk ang chu!"

Sierra chu a nui hmel a reh nghal raih raih a, "Innneihna ni a nih ka ring lo."

"Ngati maw, engvangin nge i rinloh?"

"Tukin zing a ṭang khan ka la hmu leh lo hrim hrim, nizan khan buaina kan nei deuh a." Nuam lo tih hmel zet hian a ti chhuak sap a.

"Ooh ngaihthlak a va chak awm ve, eng buai nange ni reng reng a?" Alex chuan a rawn pan hnai nghal a.

"I rilru put dan pangai kha tlak hniam tirin thil tenawm lam in ti tihna mi?"

"Nia, chutiang zawnga rilru tlak hniam tir a insual lampang mianhmai a hnek sak hrep chung chang i sawi anih chuan.....aw chutiang chu a ni e."

"Eng a?" Alex pawh a phu ve zawk a.

"Nizan khan mumang ṭha lo zet ka mang pek a, chuan min kaih thawh a lo tuma ni awm e...... chuan kei lah pek chuan harh chiah manglo in a hmaiah ka lo hnek sak pek a."

"Oh chung te chu tunge care, kei pawhin Luca te chu ka hnek fo a lawm, chutia ka tih lai chuan kei phei chu harh chungin leh nghal, chuan Jonas te chuan a nei tawh dawn che a, tiang te chu a thleng vetur reng a lawm."

"Hawh, insiam fel ṭan tawh ang le."

"I sawi dikin ka ring." Sierra pawh chuan a ti ve ta a.

"Engtik lai pawh hian ka dik reng ṭhin a lawm babe, kan pa i zawt mai dawn nia." A nui chhuak ar ar a.

Sierra pawh chu Alex thusawi chuan a nuih a ti za kher mai.

Luca chuan Jonas awmna bul thlen phei pah chuan,"Hey bro bad news ka nei tlat mai." A va ti lut a.

"Eng lam pang a bad news nge ni a?" Ti in mit bula duk deuh ruih awm chu ice cube in a lo dep mek a.

"Ngati nge i mit chu?"

"Min zawt lo mai teh!" Jonas chuan a lo ti hlur a.

"Kha little woman khan tunge boss tih a hriattir che tihna mi?" Luca nuihza lutuk chu a ṭhen pah ṭhaw a.

"Chu aia nasa zawk chuan maw le, kha little woman chuan a mutthilh lai hi chuan naupangte ṭawngvai ang lek a lawm a nih zawk."

"Eng nge a chhan?"

"Ka hre bik hrep nang, enge bad bews chu sawi vat teh!"

"Press ho hian an rawn hnaih viau lo che maw? Ka sawi awmzia chu LA lam a ṭangin tu emaw in heta in ineih tur thu in plan hi an hrilh ni in ka hria."

"Damn." A lo ti ve ruih a.

"Enteh, chuti lutuk a buaina tur a awm chuang hleinem, vawiin ah chuan in i nei thei em em ang."

"Eng tin nge i tih dawn tak?"

"Bro, city hall lam kha chu kan theihnghilh mai a ngai ang, hetah register ti tu chu ka rawn ko mai anga, tichuan inneihna chu he hmunah ngei hian in ti mai dawn nia, khu lam ka private beach te chu nita sela?"

"Engvangin nge beach kher?"

"Well, LA lama inkir leh hunah innei a haw in duh a ni lo'm ni? Chu ti a nih chuan suit rawn ha la, ti chuan ka beach awmna lam chu i rawn pan dawn.nia."

"Suit kher maw?"

"Bro suit i hak ve loh te chuan American mipui ho leh paparazzi ho i bum lo ang, nakin zela i tana buaina tur chinfel sak che ka duh vang a ni e."

"Nilo Luc, khatiang kha chuan a personal deuh mah mah in ka hria, in kan thlen veleh inṭhenna kan buaipui nghal dawn a lawm, chuvang chuan midangin eng angin nge an ngaih ang tih lam ka ngaihven lo."

"Mahse bro i sumdawnna erawh chan i duh lo ang chu ti raw? He inneihna hi midang i awih tir lo a nih ngat chuan i clients ho zawng zawng i chan thei a sin."

Jonas chu a inngaih tuah vevung vung a, "I sawi dikin ka ring e." A ti ve ta nge nge a.

"Ka sawi dik chiah ṭhin tih te chu i hria a lawm." Luca pawh a nui ve suk a.

"Ok, a nih leh ti ṭan i la."

"A hmasa ber ah chuan he i mit duk lai hi tih reh dan kan zawn a ngai ang, tianga mopa ber inneihni a i lan chuan a dik thei lo ang, thla lakah a lang nalh lo dawn lutuk, min rawn zui rawh."

Jonas erawh atum zual sauh, Luca chuan a hmel chu haider sakin a mit a siai khum suk a.