IT'S JUST AN ILLUSION CHAPTER 17

IT'S JUST AN ILLUSION CHAPTER 17
SANGTEI KHAWLHRING

"Ka rawn tihbuai loh hram che u ka beisei." Rawn ti tu a vang chuan an phu dun chiang kher mai, Luca chu kawngka bulah a lo dingreng tawh a , nuihza hmel apu tel hial bawk, Sierra chu a sen chhuak nghal awp awp a, puanin a in khuh nghal vat bawk.







"A landanah hi chuan a nihduh hmel khawp mai." Jonas chuan ti ve hmukin zawi muangin a tho kang nghal a.






"Eng nge ni ta?"






"E, tuna ṭanga darkar chanve hnuah chuan inneihna kha ṭan a nih dawn tawh thu hrilh tur che in ka lo kal maw le."






"Hmmm."






"A ṭha e, tikhan inhre dun tawh bawk a, in duh leh in thil tih lai kha eng pawh nita ang se inchhunzawm leh thei tawh ang." Luca chu a faifuk raih a, a kal sawn leh ta daih a.






"Jonas nangpawh bathroom ah chuan kal in va intifai ve tawh rawh."






"For God sake." Ti a phun chhuakin Jonas pawh chu a tho chhuak ve ta nghal a.






A in tifai zo bathroom a ṭanga a chhuah hnu chuan suit chumi ni a hak tur a an tih chuan a inthuam nghal a, Sierra pawh nghak tawh lem lo chuan inhnuai lamah a chhuk thla ve ta a, rei pawh a la awm hman lo, Riccardo nen an lo inbiak lai mek chuan kawr pawdal fual hnalh mai ha hian zam hmel takin kai lawn a ṭang chuan a rawn chhuk thla ta hnak hnak a, Jonasa'n a lo hmuh veleh chuan khaw dang pawh a hawisawn thei lo, chutiang em em chuan chu kawr chu a inhmeh ang tih rin ngaihna lah a hre hek lo.






An bul chu a rawn pan phei a, "Hey." A rawn ti sap a.





Riccardo chu hmeichhe men a meng tih takah a lo inrawlh nghal vat bawk,
"Bro hei tunge?"






"Sierra a nih hi, Chuan hei hi ka cousin Luca nau Riccardo a nih hi!"





 "Jonas tiang hmeichhe duhawm lutuk i kawl tih thu te chu min hrilh ve tur a lawm."






"Nupui tur mawle, chuvang chuan lo inrawlh buai duh suh!"







Sierra zam lutuk chuan hnuai lam a melh nghal ngawt a, rawn hawi chhuah leh pah hian, a zahzel niawm takin, "Jonas leh Luca hi unau pianghmun ang maiah kalo ngai a, mahse inpahnih hian phir in ni hial zawk ang, in inang lutuk."






"Chuti a nih te chuan upa ai chuan naupang zawk hi an sexy zawk daih a kha chu i duh thlanna a ni e, i thu thu a ni mai."







Jonas chuan Riccardo chu a melhrum kher mai, "Rick naupang chhia mai i la nih kha."






"Teuh nang kum 19 chu ka pum hlum ve tawh."






Giovanni chu rawn kalin, "Ṭhutna lam kan pan tawh dawn em ni ang, hunserh hman hun a thleng tawh a nia." A tih chuan midang ho pawh chuan ṭhutna lam chu an pan ta sang sang a.







An ṭhu fel deuh awrh ang tih chuan music a rawn ri a, Alexandra chu mothuam famkim nen nalh takin a pa  tak Trey chuan a rawn kaihkuah chhuak ta a, stage lamah Luca chuan a nupui ni tawh mai tur chu a lo thlir ve reng a,an pahnih hmelah chuan hlimna hlir hi a khat a ni ber.






 Trey chuan stage an thlen chuan Alexandra chu a kuah vang vang a, lungai hmel hi a pu tel bawk,engvang a chutiang rilru chu pu nge a nih a in hre bik lo, mahse a pu tlat si, a duh dan tak chuan a princess chu tower sang takah tuma hmuh theih loh turin kalh hnan daih hi a duh a, chuan Luca pawh hi silai a kah thluk zawt tluk chak a nei lo.

Mahse chutiang a a tih chuan Callie a thinrim dawn tih a hre reng a, a ti ngam chiah lo.


A tan chuan eng tik lai pawhin leh hmun dangah awmin chhungkaw thar dinin, a tar kun thleng pawhin a princess a ni reng ṭhin ang.








A nausen lai kha a ngaihtuah chhuak a, a kuta a pawm lai kha, khatih lai khan naute te reuh te a ni a, Trey chuan a mah enreng chungin khawvel a rawn hmuh tirh a ta a puitlin ni thlengin a hum him in a veng reng ṭhin ang ti in a intiam hial a nih kha, a ni pawh chuan apa thusawi chu hria ni awm zetin a mitmu lian kel kawl hring nghalh khan a rawn melh chho ve kiau a,  a pa in a pawmna kut ṭang pakhat chu kut te reuh te chuanl a hum sak ve ran bawk a nih kha.






A rawn ṭhang lian chho deuh hlek a, kal a rawn zir ṭan a, a tluk mai loh na tuin a kuta chelhin kal a zir tir a, school luh a rawn hun a, baupang dangin anvel ṭap a, kha naupang a mah lo vel ṭap tu kha ben nek a chak zia te kha, a insum hram hram chauh a ni.






A rawn tlei rawl chhuak a, mipa in a thinlung an tih keh sak awlsam hun lai  tak a rawn pal tlang chho a,mahse chumi tur lakah Trey chuan venhim a duh a, mahse a mah Alexandra ngei chuan a pa thinlung chu atih keh sak ta zawk a, mahse rei anilo,a pa thinlung kehsawm chu a remkhawm pum sak leh vek thei a nih kha.







Chuti khawp a hmeichhe luhlul leh rilru sak ni mah se mi rilru hneh sak thei tak a nih na chuan mi mak tih ahlawh tho tho,  a fanu chuan kumkhua a kal bo san tur a angah eng vangin nge a ngaih le, pasal neiin an in hmu reng reng thei tho dawn a, Luca chu atan pasal ṭha tak tur a ni tih pawh a ring a, a fanu chu uluk  takin a enkawl sak thei em em ang tih pawh a chiang, mahse Luca chuan adin hmun a rawn luah chho tur chu athik niber hian a in hria.








A fanu a kuahna lak ata chu akut la hrangin "Princess i mawi lutuk a nia." Mittui parawl deuh kuang chuan a ti chhuak sup a, Alexandra pawh chuan a pa awm dan hre thiam zet in, "Ka lawm e dad." Ti in a lo chhang let ve sap bawk a.








Dawhsan lam Luca lo nghahna lam chu a pan chho chhui ta nghal a, Trey pawh chu tui lo zet hian aṭhutna lam Callie lo ṭhutna bul lamah chuan a kal veta nghal bawk a, chutah Priest a rawn ding chhuak a, "Le vawiin hian helai hmunah eng ti turin nge kan rawn kal khawm tih chu kan hre ṭheuh ang a, kan hriat tawh angin helaiah hian Pathian hma a in kut suih tur nupa dik taka insiam tur te hriat pui turin a ni."







"Pathian in a zawm tawh chu mihringin ṭhen suh se tih a ni a, chuvang chuan tuna Pathian hma a rawn in kut suih tur Alexandra leh Luca te ngei pawh hi Pathian hma a nupa an lo nih tawh dawna vangin hei hian andamchhung a daih tawh tur a ni. Chutiang nilo a Pathian dan anbawhpelh a nih chuan Pathian laka an thutiamah anrinawm lo tihna a ni." A ti hmasa dap dap phawt a, mipui lam anngawi ṭhuap bawk.






Priest vek chuan a sawi chhunzawm leh a, "Luca he i nupui tur hma ah hian sawi duh te i nei em?"







Luca chuan a hmeichhe hmangaih tak a hma a mothuam famkim nena ding Alexandra chu hmangaihna mitmeng nen a melh chhuk vung vung a, "Em ka nunna i rawn luh tirh ber khan ka ṭhian ṭha taknihna i rawn chelh phawt a, chumi hnu ah khawvel a ka hmangaihber nihna i rawnhauh leh a, ti chuan mahni inhma ngaih ber ṭhin khan mahni chauh pawh nilo midang hmangaih dan min rawn zir tir leh a, a chhan chu kei aiin nang hi ka hmangaih zawk tawh a vangin, ka tan hian i hlu em em a, nang hian nun hlutna leh hlimna tluan tling min pe a, tun a ṭanga nakin hun zel ah pawh ka hmangaih mai chauh nilo a ka ṭhianṭha tak leh kawng engkim a ka kawp pui ṭha tak ni zel turin ka sawm che a ni."








"He kan pahnih in kungkaihna hi a lo ngheh zela kum khua a ka nupui duh tak leh kawng engkim a ka life a ka partner rinawm ber ni turin ka sawm bawk che a, a chang chuan i luhlul ve ṭhin in ka thu i awih loh chang a tama, mahse tunah chuan chung te nen lam chuan ka hmangaih vek tawh che."







Alexandra chuan a lo siai khum pah sak a.






"Alexandra i hun a in ṭan e." Priest chuan a ti chhuak leh sup a.







"Luca i sawi ang khan khawvel a ka ṭhiantha ber leh ka hmangaih ber chu nang hi i ni a, i mi sawmna ang khan fa te nei a kan kum a lo upat hnu thleng pawhin i ṭhian ṭha tak ni zawm zel thei turin ka in tiam e, chumi ti puitling thei tur chuan ka theih tawpin ka bei zel bawk ang, nang hian kawng engkimah min ti hlimin kahlim leh lawmna ber i nia  a, ka tana mi pawimawh ber i nih angin i tana mi pawimawh ber ni turin ka bei bawk ang, ka tan hian i hlu em em a, ka hun pum pui hi i tan aṭhianṭha tak ni satliah mai lo a i kawp pui rinawm tak ni thei turin ka bei ngei bawk ang."






Mipui lam a ṭang chuan kut an lo beng hluah hluah a, thawm a reh deuh hnu chuan Priest chu a ṭawng chhuak leh ta a, "Aw le tunah chuan he kan hma a nupa tuak thar tur te hi Pathian.hma ah nupa an ni tawh tih ka puang e, Pathianin a zawm tawh chu mihring in ṭhen suh se, Luca tunah chuan i nupui ngei a ni tih lan tir nan i fawp thei tawh e."






Luca chuan Alexandra chu pan hnaiin a hmui ah chuan uar zet hian a fawh sakta a, ti chuan inneihna hun serh lam chu zo in party in a chhun zawm nghal a, Sierra pawh champagne glass pakhat chawi chungin chulai hmun vel chu tei kual mai mai pah hian a thlir kual a.







Chu hmun chu a nalh em lah tak a, a hmun chei nan ringawt pawh pawisa tam tham fe an sen a ring hle, "Eng nge i tih a?" Rawn ti phut tu a vang chuan a phu deuh dawrh a, a glass chu table pakhatah chuan hung in a leh hawi nghal a, Jonas a hnung a lo ding reng tawh lam chu thip zet hian a melh khai khai nghal a, "Min thu phu nasa lutuk." A ti nghal hlar a.







"Inbeng dai rawh hetah te eng nge i lo tih ka zawt mai chauh che a lawm, chuan tiangthawmhnawte i hak reng reng a, vawt i tilo em ni?"









"Ka khawng lo chauh a nih hi, thil ka ngaihtuah mai mai."






"Inneihna vel hi a nih ka ring.





"I ti dik chiah."






"Naupan lai pawh a i len huna i inneihni pui tak tur suangtuah te zingah i tel ve ngei ka ring, ngaihtuah rawh, kan inneihna tur pawh hian thla khat vel bak a awh ka ring lo,chu mi hnu ah chuan i pawisa hmuh tur $1000'00 hian i pasal duh tak nena in inneihna ropui tak chu i tih theih ngei ka ring."






"Oh chutiang ngaihtuahna te chu khawi a ṭangin nge i neih ve tak a?"







Jonas chuan a zawhna pawh ngaihsak zui ta chuang lo chuan lokal rawh,midang lunch ei tur i va fin ve phawt teh ang, Luaa'n khawiah nge kan awm ti a mi a rawn zawn leh hma ngei hian, ti chuan naktuk hian kei ni pawh kan pahnihin Sicily lam panin kan inneih na tur kha kan buaipui ve tawh ang."







Sierra chu a meng zau chiang hle mai, "Naktuk hian maw, mahse tah hian kan thlengve chauh a ni si a."







Jonas chu a lo kalsawn leh hmandaih tawh a, a hnungah chuan a um zuive ta nghal a.







Monu leh mopa chhung khat hnai vai deuh te chuan dawhkan lin zet hi lunch ei turin an kil a,midang hla deuh hlek tawh leh ṭhianṭha ho te chuan dawhkan te chu a hranhranin an kil far bawk a, mi an awm kim ta maw tihah chuan Luca chu a ding chhuak a, a no chu a la kang nghal bawk a, "Vawiin ni hlimawm taka he ti zat min tel pui tura in rawn kal khawm a vang hian inchungah ka lawm em em a, chuan a bikin ka nupui duh tak Em hmingin, Em ti amerò per sempre." Ti in a champagne no chu a lek sang a.







Trey a lo inrawlh hman hmawh a,  nupui Callie lama thlek phei pah hian, "Eng nge a sawi awmzia kha." A ti a.





Callie lah pek chuan, "Ka hre bik lo, Italian a hmang a niang." A lo ti ve bawk a.






Jonas chuan Luca ṭawng chu a lo leh sak , "Ka dam chhung zawngin ka hmangaih reng ang che ati a nih kha."








Alexandra chuan a pasal chu chhang let ve nghalin a glass no chu chawi kangin, "ti amerò per sempre anche io e sono pragnante."






"Chu eng nge ka fanu chuan a sawi leh tawh?"







Jonas bawk chuan a lo leh sak leh a, "Kei pawhin kumkhua in ka hmangaih ang che, chuan nau a pai bawk." A tih chuan chulai hmuna awm ho hmel hlim lo hmuh tur reng an awm lo.







*******      *******     *********







Lunch an kil zawh hnu chuan hlim takin hun an hman chhunzawm zel a, Alexandra paqhin rawn kal ho zinga mi hrang hrang hnen a ṭangin lawmpui na ṭawngka leh thil pek hlu tak tak a dawng mawlh mawlh reng bawk a, midang a mah bawr tu an tlem deuh hnu chuan Theo pawh a rawn thleng phei ve taa.







"Sis i nalh lutuk ringawt." Ti in a unaunu chu a rawn kuah a.







"Thanks T." A lo kuah let ve nghal a.






"Romano ho rin aiin i ti ṭha mah mah ni in ka la hre fan mai."







"He ka mo kawr hak nen a i mawnga kick sak zawt i duh deuh tihna mi?"





Nuih chhuah hawk hawk pahhian, "Ka fiamthu mai mai a nuh kha." A ti a.







"I tan Luca kha ka dah ṭhat sak dawn che em ni ang?"









Alexndra chu a meng alh leh phat tawh a, "In pahnih hian pa taka thusawi mai mai hi duh tawk ve tawh teh u, inngeih te hi zir ve tawh bawk u la, tunah chuan unau in ni tawh tih te hi hre ve ta u."






 

"A ni kha hrilh la ti nia, a mah alawm ṭan zel ṭhin tu zawk chu!"







"Naupang pahnih awm dun ang lek in ni tih hi in in hria em?" Thawk lak halh pah chuan a chal adawm pah dat a.







"Ka fiam thu mai mai a nih kha sis, Luca nen chuan kan inngeih tawh a lawm." Theo chuan a ti ta a.






"Chutiang thu ka hria chu ka chhuang hle mai che."






Sofia a rawn kal ve nghal a, "Ka pasal hi ka lo lam pui thei eng em?"







A nui pah rah rah a, " Thei lutuk ringawt, va lam harh pui mawlh teh!" Alex chuan a lo tive thuai a.






"Lam lampang chu theihnghilhin Zara kha mom leh dad bulah dah rawh ka tih kha,  chuan chumi hun rem chang chu chuhin hotel bathroom a hot tub awmah khan hun kan hmang  thei ang." Theo chuan a lo ti thung a.






"Hey Theo ka hre tam mah mah."
Sofia chu a lo nui vak a, chutih lai tak chuan Alex phone a message tone a rawn ri a, chutih lai chuan Sofia chuan an pa chu a lo chhang ve a, "Hot tub chu ka hne tawh, khatiang thil a thleng hnu ah leh lek phei kha chuan."









"Sofia baby..... i tih tur zawng te chu inphelh ruah bak a ni lovang, thil dang chu kei man ka ti vek mai ang, chuan chawlh hahdam na nuam zet ka pe bawk ang che." A nupui chu a siai khum.pah zauh a.






"Hello little sister elert." Alex in atih chuan za zet hian Sofia chu a nui chhuak leh a.







Chumi hnu rei vaklo ah chuan Luca leh Alexandra pawh lam tual lamah chuan an inkai lut a, Sierra leh Riccardo pawh an lam dun bawk a, Jonas chuan chumi te pahnih lamrum zeta en pah chuan intur no a dawm lai chu a lem mawlh mawlh reng a,  chutiang bawkin Luca leh Alex lam chu Trey chuan a melh thip kher mai, Callie chuan a pasal enna lam a va hawi ve nak chuan a nui chhuak sak a, "Naute chung chang thu i hriat a vang khan i hlim vak na nge?"








"Chulam a nilo Cal."






"Well, nih leh eng lam pang nge?"








Trey chuan thawk a la pah hawk a, "Eng lam pang mah."







Callie chu za zethian anui chhuak ta a, "Nuihzatthlak a awm em ni?" A mengkual pah rulh bawk a.









"Trey Bailey i hriat chiang theih nghal vek a lawm."








"Eng nge a awmzia?"








"He thil rawn inṭan na ber chu Alex hi hmeichhe puitling ni turin i la ring duh lo ."







"Chuti ang a ka ngaih pawh ka lo hre chiah hlei nem, chuan i thusawi awmzia hi ka hrethiam lo Callie." Tih pah chuan a kutin a chal a dawm pah ruih a.






"Alex rai chung changah khan buaina i nei hauh lo,mahse i thu lo a nau apai ngawt ah khan buaina i nei zawk, a chhan chu nangman a order i pek.a nih loh miau a vangin."






"Callie." Trey chuan a ti deuh hrawk a.






A ni erawh a lo nui mai thung a.






"Chutiang thil lam hlir chu ka thluak ah hian khung luh i tum tihna mi?" A ti ṭha leh a .






Trey chu pan hnai leh sauhin, "Trey min han fawp teh!"






"Ka thei lo."






"I nuih zatthlak hle mai."





"Tikhan tun thla chhung i thusawi a vangin ka kak a ṭang chuan  emgmah i hmu lo ang."







"Trey Bailey sex hman loh lamah cho na i siam tihna em ni?"







"Chu chiah chu ka sawi a ni alawm."






"Trey honey nimin khan i hmang miah lo a nia."



"Min han fawp phawt mai teh!"



"Aih ka tih tawh kha, hetia tih che hi i phu vereng."



"Oh khawngaih takin."






Trey chu a nupui Callie lakah chuan a insum reithei a ta lo va, a tawp ah zawng Callie in a tih heuh heuh a vang chuan a fawp leh ta nge nge a.







Jonas chuan Sierra leh Riccardo lam lai tawp dun tum lo tak chu athlir thei ta ngang lo a, Riccardo lah hmeichhe mi tak a ninen Sierra lah chuan tun a an inneihna tur hi a lem tih a hre chiang ropui leh nghal bawk si, Riccardo kut chu Sierra hnungah chuan a bei nghet deuh mah mah tawh hian a hre bawk.






A tawpah chuan ahmu thei ta ngang lo a, athik em tih zawhna inzawt pah chuan an lam na hmun lam chu a pan phei ta nge nge a.






"Ka rawn tibuai che u a pawi in ti em lo ang chu!"






"Ti e, ti ta ang ila i kalsawn leh mai dawn tihna mi?" Riccardo chuan a lo ti ve khauh a.






Jonas chu a mengrum.nghal hle a, "Bro ka fiamthu mai mai a nih kha, i thu thu a ni mai, i nupuihual a la ni reng e." A ti leh thuai a, a kal sawn zui ta nghal a.






Sierra chu zam hmel zet hian lam tual ah chuan Jonas hmachhawnin a ding zum reng a, Jonas chuan vawt deuh taka melh chhuk pah hian, "Ka unaupa i lo flirt tihna mi?" Tih sup pah chuan Sierra kut chu la in music rem chuan a lam pui ve ta nghal a.







Sierra chu a nui chhuak ta hak hak a,  "Tehreng mai market hmuna mipa ho toy a lawm ka nih le, a chhan chu ka pasalin min ṭhen hunah ka lungleng lutuk tur hnem naturin ka khum min luha lum pui tu tur mipa dang ka mamawh a lawm."






"Babe i tawngka chhuak hi chu a smart lam mah mah ṭhin lo maw?"


Sierra chu a nui chhuak hak hak a, eng dangsawi leh tawh lo in an lamdun ta reng a.



Power suply kan nei leh pek tawh lo ruah sur a vang khan, net chak laiin ka rawn dah vat e,  nakinah chuan kan in dah lehthei peklo ang tih kha ka hlau deuh a,  chuan hmelṭha ho a thei thei in fakna milem awm kha hmetin second sawmvel tal nghah leh hram hram tum ang aw, infel em kha,  current hi nak tuk tlai lama kan nei hman a nih chuan naktuk tuk leh zanah sei ṭha tawk tak rawn dah ka tum dawn nia.