TSEPNAYA REAKTSIYA MAFIA ROMANCE CHAPTER 16

TSEPNAYA REAKTSIYA   MAFIA ROMANCE CHAPTER 16

TREY'S NEW HOUSE
6:30 am

Ka mumang chu mak ka tih èm avângin ka muhil leh thei tawh lo, bathroom ah lûtin shower ka hmanga ka chhuah leh hnu chuan thawmhnaw inbelin ka office lam ka pan ta a, ka ngaihtuahna ah Callie chu a thi thei dér lo, khatianga ka hmuh chhan kha ka hre thiamlo tawp mai.


Ka office kawngkâ chu an rawn kik dat dat a.

"Lo lût rawh."


Hunter leh Detroit chu an rawn inzui lût a, ka hmél ngui bûr mai mut kham lo hmél phak hluk chu mak ti zet a en pahin Detroit chuan, "F*ck me boss, i hmél landân zet chu leh!"


"Ka mu ṭha vak lo a." Ngui zet chuan ka ti chhuak ruih a.

"Boss ni rei vak lo chhûng chu chawlh la la aṭha lo maw, chumi chhûng chu helam pawh kan lo ngaihven thei mai ang." Hunter chuan a lo ti ve vat a.


"Ka la tih ngéi chu a ngai ang." Tiin ka chháng ve sup a.


"Kar leh hian Russia ah Dimitri nén meeting kan neih dáwn kha." Detroit bawk chuan a ti leh a.


"He meeting ah hian kan kal ngéi chu a ngai ang, Russia ah power kan nei duh te a nih chuan."


Hunter Dimitri hi Trey patea ani a, engkim aṭha vek ang tih hi ka chiang a ni." Tiin Detroit chuan Hunter chu a chhâng a.

"Detroit thil hi an chiang vak ngai lo, ni reilo te chhûng chu chawlh ka la dawn a, min mamawhna in neih chuan ka cell phone ah khán min rawn be ṭhin mai dawn nia."

"Tehréng mai boss."

Chuan tûnkar hian kan shipment pahnih alo thlen dáwn kha, hria ula, Russia kan kal hma ngeiin tihfel ngéi ka duh bawk ang."


"A pawi lo, kan lo ti dawn nia." Hunter chuan a ti leh sup a.


 "Thil pakhat, kan memo kha Bronze Dragons members ho zawng zawng hnénah thawnchhuah ka duh bawk a, min phatsan tu ho chungah eng thil nge thleng ṭhin tih hi hriat nawn tir leh vek ang che u, Elizabeth chunga thil thleng ang kha tihnawn leh ka duh tawh lo ang." Thinrim zet hian ka ti chhuak leh hrawih a.


"Chuan hei hi hriat nawntir leh bawk ang che u, tunge an boss tih hi! Heihi ti chiang nghâl bawk ula, dâwt a min bumtu leh min phatsantu chungah chuan zahngaihna ka lantir ngâi hauh lo ani tih hi tu pawh hrilh hre nawn leh vek bawk rawh u."


"Aw le, kan lo ti ang." Ti a min chhân hnu chuan min chhuahsan leh ta a.


"Hmm, a ninawm leh dâwn mang e."


Living room lamah chuan ka chhukthla a, couch ah chuan ka tluzâl ta a.


Muttilh chu ka mamawh tak zet.


A FEW MONTS LATER ...
BACK IN LA..
THEO TREATS BAKERY...


Theo kumhnih piancham chu ka theih ang tâwk leh ka neih chhun ang angin ka lawm sak ve a, a hlim viau mai, nuam pawh a ti bawk, tichuan kumhnih a ni ve ta dér mai chu a nia, ka ring theilo hial zâwk mai.

Khua pawh alo tlâilam leh ta reng mai,in lama hâwn pawh a hun ta e, ka châu tak zet.


In ka thlen hnu chuan Theo room lam chu ka pan nghál a, tui zet hian alo muhíl tawh, a chalah chuan zu fawh sak zauhin ka chhuak leh ta a, ka room lam chu pan ding nghâlin khum lamah chuan ka tlu hnawk a, tui èm èm hian ka muhîl chhunzawm ta a.


Zîngah ka tho a, vawiin chu chawlh ani bawk a, Theo harh hnu chuan breakfast ka eipui sawk sawk a, Julie pawh zîng takah rawn kalin Theo chu play ground ah a hruai a, chutia a hruai chhûng chuan keiin Joging ka ti ve thung ṭhin a ni, chutiang chu zîng a kan chawlh hman dân tlângpui a ni.  Joging ti tura ka chhuak, thui pawh ka la kal hma chuan Robbie nén kan intâwk ve teh mial a, Robbie hi vun sen uk kharh mai nei a ni a, a sam chu a dum hlap a, mitmu rawng uk ruih mai nei hi a ni a, mipa duhawm tak pawh a ni, ani pawh hian kawng engkimah min pui ṭhin a, Theo hi a ngaina ém ém a, Theo pawhin a nél ve viau, Robbie hian vawi tam tak min duhna mitmei chu ka lakah alantir tawh ṭhin a, mahse kei erawh chuan ṭhian ang bâkin ka en ngâi lo, mahse beidawng hauh lo in ala chhunzawm zél tho, apeih chen chen chu ti rawh se, kei erawh chuan Theo bák hi hmangaih leh ngaihven tur ka nei lo tih hi ka chiang tâwk èm ém thung!

"I kal chhuak dâwn em ni?"


"Nilo e, Theo play grounda a awm lâiin Jonging ka lo ti ve mai mai a nih hi!" Tiin ka chhâng ve mai a.

Kal leh mai ka tumlai tak chuan, "Ngawi lawk teh Callie!" ka bânah chuan aman hman a, "Thil pakhat pawimawh zet mai zawh lawk che ka duh a?"


"Oh, eng nge ni ta?"


"Date tûr ka mamawh!" A ti chhuak ta hlawl a.


"Date tûr maw ni a?" Mak ka ti lutuk chu ka hau chung hian ka melh a.



"Zanin hian programe lian tak pakhatah tel ka ngâi a, mahse ka date chuan nichin deuh lawk khân a rawn cancel leh si a." Hmél ngui zet hian a ti chhuak a.


"Nang mahin i kal thei mai lo em ni?"


"Tute pawh mai, chu hmuna kal tûr ho chuan kawp pui an nei vek dawn a, keimah chauh chuan ka kal thei bík lo a lawm !"


"Khawngaihin Callie zanin chauh chu minpui hrâm mai rawh, thawmhnaw nalh tak leh zahawm deuh a inchei in min kalpui hrâm rawh, thawhnaw ṭha kan tih deuh khér nachhan chu mi hausa leh lâr zet zet an tel dawn a,  chuan Theo treat tihlâr leh zual nân pawh i hman ngéi ka beisei." Ngĕn ngawl zet hian a ti chhuak leh sup a.



"Mihausa leh lâr maw eh?"

"Khawngaih takin Callie nuam i ti viau ang tih hi ka hre reng a lawm." A mit chu min siai khum deuh zauh a.


"Ok, kal teh, Julie hnénah zankhua a Theo min lo enkawl sak theih dàwn leh dâwn loha a innghat ang chu!"


"Ka lawm e, Callie, zanin dar rukah ka rawn lam dâwn che nia."


"Nilo Robbie, Julie hman leh hman loh ah........" oh a lo kalsawn hman leh daih tawh.


 He jog hi ka tih zawh vat a ṭha ang, inlam pan chuan ka tlân ta a.

Ka thlen aṭanga rei vak lo hnuah Julie te pawh chu nui ar ar chung hian Theo nén an rawn in zui lût ve a, Julie hnènah Robbie min sâwmna chung cháng chu ka lo hrilh a, hlimzet a mi en pah hian,"Besty kal ngei ngei rawh, hlim takin va awm ang che, hlim hi i phû a nia, Theo darling, aunt Julie nèn hian i awm duh tiraw? Ice cream te kan ei leh ang a?"


Theo chu anui var var a, "Yes, Aunt Jull a fel." Ka fapa samah chuan ka tuai sak zauh a.


Kan pathum chuan Lunch ka siam tui zet chu kan kîl tláng a, mahse Theo hian chaw a eiṭha vak ṭhin lo a, tur luih angâi ziah, hemi kawngah hi chuan Julie nèn hian han tih vak ngaihna pawh kan hre lo, Theo hi a chawrche reuh ém a, a rualpui te âi pawhin a tè deuh bawk a, mahse ka fapa neih chhun anih avângin ka hmangaih ĕm ém tho.


Tlâi lam pang alo ni leh ta ruih mai, Robbie khân dar rukah ka rawn lam ang che tikhân a sawi tak, ka insiam vat angαi tawh ang.

Julie te chu Theo room lamah an awm a, va tihbuai chu ka duh hran lo, bathroom ah lûtin tui vawt tak chuan ka inphuh tir sang sang a, chu chuan min ti harh vâk mai, eng thawmhnaw man to nge ka'n hâk ang kei teh lul hian, ka thawmhnaw dahna a thawmhnaw inkhâi tlar ṭhat lam chu ka en a, hemi avâng hian Robbie chuan ka chungah ngaihdán diklo tak aneih loh hrám ka beisei, ka chhuahpui chauh dâwn ani si a, thildang engmah a awmtûr ani lo.


Oh, eng ngaihdân nge maw ka neih ták mai chu le? A ni te chu mipa ṭha tak leh rilru zâu tak a ni a, chutiang rilru chu a pu hauh lo ang, tih chu ka inhrilh hnuhnawh leh mawlh mawlh a, he ngaihdân ka neih na chhan pawh hi Theo pian hnu aṭang hian mipa han date leh tih vel hi ka la inpeih loh váng a ni ber.


Robbie hian Theo hi angaihven ém ém a, a hna akal loh châng te hian Theo chu picnic pui leh eng eng emaw a tih pui nasa ṭhin! Hetiang tluk a mipa fel ka fapa min duat sak tu hi ka tawng leh khér ang em? Amah erawh chu Trey in ka lungphu a tih phút rang sauh ang kha chuan Robbie hian a ti ve thei lo. Oh, Trey hi ka ngaihtuahna hi ka tâwp vat angai ang, kum hnih hma lam pang daih ami kha a ni tawh a lawm, thâwk ka la pah hak a.


Mahse ka tânchuan Trey han theinghilh mai chu khawvèl a thil theiloh leh awlsam lo tak chu a ni ngei alawm, achhan chu Theo hian a chhûn mah mah tlat, Theo hian a pa tih dán engkim leh apa mizia chu a rawn chhûn chho tlat a ni.


Tlâi khaw hnuah he a tih dân hi Trey tihdân ṭhin ani tih chu ka hrechhuak thar leh bawk a, thil eng emaw a ngaihtuah chhuah theihloh châng a, a lû sir lama ahan thle bak ṭhin te leh a mitko anhan ti nûr náng nâng ṭhin mai te chu Trey tihdán chiah chiah vek a ni mai.


"Oh, Callie i ngaihtuahna aṭang hian vawikhat tal chu Trey hi dahṭha la, amah i ngaihtuahna zawng zawng te nén hian." Ti in beidawng tak hian ka phunchhuak sap a.


Tûnah chuan ka date neihna lamah ka rilru chu pék aṭhat leh tawh ka ring, achhan chu hetia mipa kawp lova ka awm reng zawngin Trey hian ka rilru aluah reng tawh mai ang, zanin ngeiah pawh hian hlimtak a va khawsak chu phu ka inti tawh ngawih ngawih, tichuan Trey pawh ka theinghilh phah thei ang.


Robbie pawh a lo thleng dâwn hnai tawh in ka ring, kawrfual hnalh mai ka kelér thleng ngháwng záu ṭha tak hringno nghalh chu ka thlang chhuak a, ka sam chu ka chhîp ah ka ṭawn kawh lauh bawk a, ka kawr rem tûr tak pheikhawk sàng ka bun a, lipstick senno ka in tât zeuh bawk a, ka purse chu ka hûm a, ka inpeih ta, living room lamah chuan pheiin Robbie rawn kal hun chu ka lo nghâk ta rân a.


Rei pawh ka awm hman lovang door bell chu a rawn ri a, ka hawng chu suit nalh zet mai ha hian Robbie chu a lo ding rân tawh a, min hmuh veleh chuan ka kawr âwm chu melh ngur chungin, "i duhawm tak zet!" A ti chhuak sup a, ka taksa lang lái chu mit lasawn hauh lo a a enreng avâng chuan nuamlo ka ti tak zet.


Julie te chu âu in, kan kalchhuah tûr thu chu ka hrilh hnu chuan Robbie car lam chu kan pan dûn ta a. Car tih nun pah hian Robbie chuan min rawn melh leh zauh a, "Ka ti tak tak ania Callie i duhawm tak zet." A ti chhuak leh sup a.


"Ka lâwn e Robbie nang pawh kha i chhelo tak zet." Tiin ka nuih lèt pah sèih a.


Kan ngawih dûn deuh rán rán hnu chuan kan tlân rei tawh bawk nén, "Eng tia rei nge kan tlàn dawn?" Ka ti leh zauh a.


"Darkar hnih vel chu ani thuak mai thei."

"Oh, aṭha e." A rei dawn khér mai.

A tâwp atâwpah chuan kan kalna hmun tûr chu kan thleng ve ta hrâm e, in ropui zet mai kawtah hian kan ding ta a, achhûng kan lût chu pâwnlam áimahin hall chhûng chu alo pui leh zual a, mihring pawh an ṭhahnem khawp mai, "Mi an tam khér mai." Zâm zet hian ka ti chhuak sap a.


"Hahdam tum rawh, kan intûr ka va ngaihtuah ang e."


"Ka lawm e, Robbie!"
A kalsawn zui ta nghâl a, mipui awm ho chu ka melhkual dan dan a, hmeichhe ho chu an inchei hlawm kher mai, tlereuh man tam hmél fe fe leh kawr manto hmél zet zet an inbel a, hei vâng anih hi Robbie khân thawmhnaw zahawm ve tak inbel túr a min lo tihna chhan, ka kawr chu azahpuiawm bík vak lo ve.


Chûng mi ho chu news leh magazine a lang pha chin vek an nih hi ka ring a, milár tak tak vek an ni ngei ang, chuan hei hi ka chiang hle bawk, ṭhenkhat te phei chu criminal lian pui pui an zîngah chuan an in zep tel ve ngei bawk ang.

"Kha le, i intur beautiful !" Robbie chu melh zauhin ka intur a rawn pék chu ka lo ban zauh a, "ka lawm e, Robbie!" Ka nuih lét ve sak a.

Ka melh lâi chuan Robbie chuan amit hi min lo siai khum zauh a, ka lak aṭang chuan amit chu vawikhat te pawh ala sawn eih lo. Robbie chuan engkimah min flirt pah reng mai leh nghâl a.


Kan bulah hian mipa pakhat vun ngo tak Robbie ang mai a sam dum hlap kâwi lam lek lek mitmu rawng uk khak mai nei ve tho hi a rawn ding ve a,"Robbie kan inhmuh lohna arei ta hlé mai." A ti pah bawk a.

A lama inher ve pah chuan, "James i dam maw?" A ti chhuak sup a.

Chutia an pahnih a an ti ti lâi chuan ka thil in chu ka tlák pap a, kawngka pui lam chu ka thlîr pah veng veng a. Chutih lâi tak chuan ka lungphu zawng zawng ti tâwp vek thei tu chu ka hmu ta phut mai a, ka thâwk chu a tâwp chawih a, tunge rawn lût ta saw?

Ka âwm te chu arawn tâwt chho mup mup mai hian ka hre hial mai, Trey chuan hmeichhe pakhat sam dum hlap mai leh hmél ṭha zet hi rawn luh puiin Trey kut chuan chu nu hnungah chuan a dawm pah rûn bawk a, chu hmeichhe kawr hâk chu analhin a man pawh a to khawp ang, an pahnih chuan bar lam chu an pan dûn a, min rawn hmu ve miah lo anih hmèl, an pahnih chuan an inpawh tak zet tih hi an hmél en rîk ngawt pawh chuan a hriat a, chu hmeichhia chu analhin Trey ang mai a mihausa tak anih pawh alandαnah chuan a hriat theih vek a ni.


Thîkna avângin ka rilru ana nghál zawr hian ka hria, sawtiang mi ngei saw Trey nén a inhmeh túr tak chu an ni ti a ka ngaihtuah lâi reng pawhin ka rilru chu ana vawng vawng mai.


Ka lam chu vawikhat tè mah a rawn hawi chhin eih lo, achhan pawh a bula hmélhriat loh nula awm chu a chhelo  khér ém bawk a, Trey chuan khawdang a hawisan phal lullo ang.


Chutah chu nu chuan Trey chu ngaih pawimawh hmél zet hian a mitah tak a en chho kar mai bawk si.


"Eng pawh chu ni se i zαn hun duhawm zet hi hlim takin hman tum ang che Robbie!" James chuan a ti a.

"Nang pawh le James!" Ti a achhân lét hnu chuan James chu a kalsawn ta a.


Robbie chu ka lam hawiin a rawn inher a, "Hey, beautiful nuam i ti em?" Ka thil ngaihtuah chu ka hméla alanchhuah hlâu zet chung hian, "Tehréng mai Robbie, ka lawm e." Ka nuih lét ve sak a.


TREY...

Kira chu melh chhuk zauh pahin, "Intur i duh ang em?" Ka ti deuh khauh a.

"Oh, honey khawngaihin!" A lo ti no hnâp a.

Intur chu Kira chuan a lo la a, kan piah a mi ho ka melhkual lâi tak chuan hmeichhe pakhat hian min lo en reng tih chu ka va hmu a, saw saw Callie em ni?


He hmun a Callie a awm ve a ni tih ka han hre zet chu ka thinphû a rang phah sauh hian ka hria, a dinpui mipa hnâisâi lo zet chuan a flirt kual reng tih pawh ka va hmû a.


A kut te chu vawn sakin ala fawh sak zui hrep leh ta nghál, chu pa hrawk hrui chu va reh sak a, a thâwk tih tâwp sak chu ka châk hlé mai, oh, Callie chu mipa dang laka awmtûr chuan a duhawm mah mah tlat, mahse engthawmhnaw nge a inbel tâk saw? Sawtiang thawmhnaw ha tûr sawn eng ang rilru nge a put hrep chu le! A kawr hâk chung lampang chu a taksa alang tam deuh lua a ni e.

Inbengdâi rawh Trey, a ni saw i buaina a ni ber lo.

Ka inher a, ka bula ding hmeichhia Kira chu ngaihven ka tum ta zâwk a, a thil inlai chu ka nuih deuh suk a, kan pahnih hian iron ho pâwl tih chimih chu kan rélthlu a, he uipui nu hian zanin ngei hian chhunhan lâi takah chuan kan pâwlhnih inremna chu a sign dawn a ni.


Chu aia thlan nahawm zâwk mah chu  'tap' theihna túr hun ka hmu ngéi ngèi bawk ang. Trey hian hmeichhia thlèmthlûk theih loh anei tlat lo.


Callie chu eng ang chiahin nge a awm a kalpui pa saw a boyfriend Theo chu a ni takzet em? Tih hriat châkna chuan ka khat a, Kira chu nakinah hun ala tam lutuk, Kira chu kâiin Callie te lo dinna bul, anṭawng kan hriat theihna tûr vél áwmah chuan ka kâi sawn a.


Mahse Callie chuan min lo hmu rân mai, a kalpui pa bulah chuan,"Wash room ka kal lawk dawn nia." A ti ta daih a.

Ka kalpui nu hnénah chuan chhuanlam siamin ka zui ve vat a. Callie chuan washroom lam chu apan ngéi mai ka zui ve zél a.


"Haw ahun tawh tak zetin ka hria, kan rawn kalna a hla tham ropui mai leh nghâl." Tiin a lo phunchhuak sep sep a.


A hnunglam atang chuan, "Callie!" Ka ti zauh a.


"Trey!" Tih chhuah ve sap pahin a rawn inher a, zám hmél zet chuan min melh pah zauh a.


"Túnlâi eng nge i an zel."

"Ka ṭha e, nang eng nge i an?"


"Kei pawh chutiang chu ka ni reng ṭhin!" Ka ti hmuk a. He nu hi ka ngαi tak zet, mahse engvânga alak a lem chang tlat ṭhin nge ka nih erawh ka inhrethiam tlat lo, hmeichhe lakah hian tlâwm ka duh loh vâng niberin ka hre tawh.


"Elizabeth chung chângah khân eng emaw hmuhchhuah i nei tawh em?" A ti leh sep a.



"Mi phatsantu anih ang ngeiin a chungah pawh ka ti ta a nih kha."

Ka thusawi avâng chuan a phu deuh zawk a." Eng maw?" A ti deuh hâ a.


Chutah zawhna zawh nawn ka duhlo ani tih chu hrechhuak leh niâwm tak hian, "Jeez, a pawi ka ti lutuk." A ti zui leh sap a.


"Amah ah khân pawi tihna chhan tûr pakhat mah i nei hlei ném Callie." Ka melh chhuk ngur a. A ni chu zâm avângin a ban chu a tuai deuh neuh neuh a, kuah thlawp a ka ngaihzia thu hrilh mawlh mawlh lo túrin ka insûm nasa kher mai.


"Bronze Dragons a chhuahsan ta tih na a mi? "

"A thi tawh!"


"I that tih na maw?" A mengbial kawl kawl a, ka milehsa te chungah chutiang dân chu ka lek kawh tak tak pawh aring lo ani mai thei, mahse ka ti ngei .


"Damn, Callie pângngâi takin ka that e." Ka ti chhuak hruih a.

"Chuan Vinny leh Jhonny pawh ka that bawk."


"Ka kal a hun tawh in ka hria!"


"I boyfreind khân alo nghah rei lutuk tawh che i ring deuh em ni?" Ka mit chu ka siai khum deuh zauh a.


"Um...yes, chutiang lam zâwng pawh chu a niang chu!"

"Good bye Trey!" Záwimuang hian a inher a, min kalsan zui ta a.


Callie khân min hlâu hlé niin ka hria, ni e, ka khawvélah a awm tawh tlat lo a ni chu! Khatia min kalsan kha a tidik záwk mai thei, kei chuan a beisei ang thlamuanna leh hmangaihna ka pe ve thei tlat lo.

Bathroom aṭang chuan chhuakin hall lam chu ka pan phei leh a, Kira chu ka va fin leh ta a,"Heta hi le, khawiah nge maw i awm bo daih chu ka lo ti hman tawh a sin." A nui pah sak a.


Chutia ka va kîr leh hnu chuan Callie chu ka hmu tawh lo, a boyfriend nén chuan an haw tawh a ni ngei ang.



THE NEXT MORNING....

CALLIE ....


Trey hian Theo chung châng hi a hre tûr a ni lo, oh my God, he town chhûngah hian ka hmuh leh tawh pawh ka lo inring lo a sin, a hmèl kha chu a ṭhat dân ala ngâi reng, mahse tûnlai chu a buai ve deuh hlek anih ka ring, a mit hnuailam kha a val ve ruih mai, mutmu a hmu ṭha vak lo a ni ngei ang.


Hetiang a LA a Trey a rawn kal a rawn kal hi ka lo ring pha miah lo a , kha hmun aṭang khân kan awmna lah darkar hnih kal chauh a ni si, a duh hun hun ah a rawn kal thei reng bawk, tiang anih chuan ka in awmna pawh ala hrechhuak vat mai ang, ka inah rawn kal duh ta tlat ang se eng nge chhuanlam tûr ka neih tawh, chhuanlam âwiawm loh lutuk ka siam anih vaih zawngin min ringhlel tulh tulh mai dâwn leh nghâl, ṭha bera lang ta chu ni reilo te chhûng Theo hruai a he hmun hi chhuahsan rih mai chu ṭha in ka hre ta a, chuan Trey New York lamah a kír leh ani tih ka hriat chian veleh kei pawh ka hâw veleh mai ang, chawlhhman te pawh a ni pah nghâl bawk ang a.


Chu ka thil ngaihtuah chhuah chu a tih chî viau hian ka hre ta a. Ka bakery pawh ka hawng rih lo mai a niang chu, amah erawh chu Theo hian kal kawnga eitúr a duh ngéi ang, ka thawmhnaw leh a  thawmhnaw mamawh chu ka khung vat vat a, ka bakery lam pan chuan kan inkhalh chhuak dún ta a.


Kan va thleng ka car ka ti ding ka chhuak chiah tih chuan Trey chu ka hmu ta phut a, ka Bakery hmaah chuan min lo nghâk vâng tawh mai, khawiah nge a car ni ang? A car chu hmu ni ila chuan ding lovin ka tlân tlang ngei áwm si a.

Engkim mai chu a pawi zo vek dawn a hriatna avâng chuan ka khûr nghâl hlawk hlawk, ka âw achhuah zawh pawh ka ring lo."Trey!" Ka ti chhuak théi hrâm, ala thâm châl zui.


Lalpa nilo, nilo, nilo, engtin nge ka tih tâk ang? Oh Theo chu lo bengchheng lo hrâm teh se, ka thin lah chu namén loh hian a phu zawih zawih mai leh nghâl a.


"Eng nge thil diklo a awm em ni? Thlarau hmu ta tepawh i ang hial zâwk a lawm." A rawn tih chuan ka harhchhuak chiah, ka mengphar nasa khawp ang chu, he thil hi a thlen ka beisei lo ém bawk a ni.


Car chhûng aṭang chuan ka hlauh ang ngèi ngéiin Theo chuan ,"Mummy, mummy!" A rawn ti ta chúl a.


Oh shit!


TREY POV.....

Mummy â ni?

Naupang aw ina Callie Mummy ti a arawn koh tâk avâng chuan ka inher a car chhúng chu ka zu bih a, mipa naupang hi car hnunglamah chuan a lo ṭhu rân mai.


Chu mipa naupang ka hmu phut chu ka lungphû chu atâwp ta emaw ka ti hial a. Chu naupang chu ka mit ngei chuan ka hmu chu a nia le. Eng thil nge thleng? Ka ngaihtuahna ah chuan thil tam tak a lo lût zut zut a, chu ka thil hmuh chuan min shock kher mai, angaihna hre lo zet leh bangbo zet hian zâwimuangin Callie lam chu ka hawi leh a.


"Min fiam chu a ni ém lo maw Callie? Hrep takzet che chuan."


Ka thinrim hmèl leh thinrimna a khat ka mitmeng a hmu chu hlauhtháwn na hlîr hian a khat a, a dâng sâwp sâwp bawk a, boruak kham loh hmél zet a thâwk lâk deuh kâwk pahin leh ama hriat tham chang chang tûr hian, "I fa a ni lo." A ti chhuak hraih a.


"Engtin nge a nih hrep loh ang a? Fiamthu thawh nuihzatthlâk loh ber te zîng a mi a ni hial ang chu!" Ka ti ta hmuk a.

 To be cont.....

TSEPNAYA REAKTSIYA MAFIA ROMANCE CHAPTER 15

   TSEPNAYA REAKTSIYA   MAFIA ROMANCE CHAPTER 15

Ka room aṭang chuan Trey car manto hmél zet mai zâwi tak ka dawr bula inhûng ri dat thâwm chu ka hre ta a, chutih rual rual chuan car kawngkhαr khâr ri khap hian a zui nghál a, ka mutna room aṭang chuan chhuakin Trey lo luhna tûr in kawngka ka lo hawng a, a hmél pawh chu ka hmu thuai réng bawk, ka mutna room lam chu ka kawh hmuh zauh a, kawngka chu khâr ṭha lehin chulam pan chuan kan in zui lût ta a. Light éngṭha tâwk taka Trey hmèl ka enchiang chu tûnhma ang tho khán ahmél pawh ala ṭha tak zet, Alex an athihsan hnu aṭang kha chuan a mit mengah  engtik lâi pawhin tawrhna hmuhtûr a awm reng tawh ṭhin, a coat suit dum hák chu a in hmeh viau, chu suit chuan a ti lang pâ leh zual.


Chu room tereuh te a kan pahnih a kan han awm chu awmthiam har ka ti khér mai, Trey awm loh lâi kha chuan he ka room té hi a thâwl ve viau khán ka hre si a, Trey rawn lan hnu ah leh ahan awm ve zet  chu a hriat tak zet,  ka room chhûng te chu zîm ta riau a hriatna ka nei a, Trey chuan aluahkhat hneh chiang ngèi mai, a palian in a sâng ṭha èm bawk a ni.


Chu room chhûng chu Trey chuan a melhkual zung zung a, ani tán chuan engmah a ni lo ang, reilo te hnuah chuan ka lam chu rawn hawiin, "Hetah hian i riak ṭhin tihna em ni?" A ti chhuak ta nghut a.

"A châng cháng chauhin, hna ka thawhtlâi cháng leh in ka haw hman loh chângin a ni ber."


"Chuan Callie a landânin thil pakhat eng emaw min hrilh lova hriatna ka nei a,!"a ngâwi deuh rûn rûn a, chutihlai tak chu chuh vatin, "Eng chung châng maw!" .


"Engvângin nge min chhuahsan tih thu ah khán a nia ka tih."
Ka thaw huai mai, ka fa neih chungchâng a hre chhuak ta emaw tih avângin ka hlauhthâwn hman tehreng nen.

"Trey eng thil mah hi rintlâk a awm lo." Tiin ka chháng a.


"Âwiawm loh lutuk Callie! New York ah ka rualin ka hruai haw leh che ang a, i sawi chhuah hma chu ka khung bet reng ang che." A ti chhuak hrawih a,  a thusawi aváng chuan min ti phu zawk . "Nilo Trey New York ah ka kîr leh thei tawh lo."


"Ka thei tawh lo, khawngaihin New York ah chuan min hruai kîr lul tawh suh!" Thin phu dep dep hian ka ti pah chûl a.


"A nih chuan ka thil hriat duh chu min hrilh vat mai rawh."


Thâwk ka la halh a, "Ni e Trey thil pakhat hrilh tûr che chu ka nei a lawm, chu chu ka hrilh che ang a, nang pawhin min hruai kîr tawh lovang tih min tiam rawh."


"Callie, mi intiamna ka neihpui ngâi lo, eng thil nge tih chu sawi ringawt mai rawh!" A ti chhuak leh hrâwk a, min ti phu leh zawk tawh, engvânga nélawm loh viau reng mai nge a nih chu le?


"Elizabeth chung cháng a nia." Ka tichhuak ta sap a.

"Elizabeth chuan eng thil nge tih a neih?"


"Min thah i tum tiin a sawi a."


 "Tiang chuan a sawi a maw?" Trey hmél chu a rum khér mai, a mitmu hring nghalh mai chu a tak sawt hian ka hria a, ka ngaihbel te pawh a ni mai thei bawk.


"I sa chah ah min hmang a, kha zán a kah fuh ka nih chhan kha hmanrua a min hman avángin tiin min hrilh!"

"Chuan chu chu i lo âwih ta a, a ni em?" A mitmeng vawt ruih chuan chiang ém èm hian min melh chhuk rûn a.



Zám zet hian, "Eng thil nge rin a rin loh tur tih pawh ka hre thiam lo, ka hláu ém a ni." Tiin ka chháng leh hrâm a.


"Kha an kahfuhna chhan che kha keimah vángah i ngai a maw Callie?" A kut chu a hûm ruh khér mai, a aw chhuak chu a hriam tak zet bawk.

"Oh, Elizabeth khân i tih niin a sawi alawm, chuan i ti nawn leh bawk ang tih pawh a sawi bawk a, i ho te zînga mi a ni bawk nén engváng chuan nge ka âwih mai loh ang a?" Ka ti ve ta hraih a.



"I la hria em Trey, kan mut dun hnu aṭang khán ka lakah hian i nélawm tawh loh zia te kha, chuvâng chuan ka ngaihtuahna ah Elizabeth khán thudik a sawiah ka ngâi ta a ni."


Ka thusawi chu ngawireng hian a ngáithla rûn a, ka sawi zawh hnu chuan aw ngaihno beilo zet hian, "Elizabeth chuan thudik pakhat mah sawi a nei lo, a thusawi zâwng zawng kha dáwt vek a ni tih hi hre ta che, nang lah, chu thil âwih tûr chuan i lo á viau mai leh nghàl." A ti chhuak leh hrawih a.


Hreawm ti zet hian ka inhnît ta hlap hlap a.


Trey chuan a phone chu phawrhin a beng bulah chuan a dah a, "Detroit keimah, Alberto kha bia la, zanin hian New York lamah kan thlâwk kîr leh tawh ang tih lo hrilh ang che."


"Tu nge min phatsan tu tih pawh ka hrechhuak tawhin ka hria."


Ka mittui chu hru hulin," Trey!" Ka ti chhuak sap a.


A hmél rum zet chuan ka lam chu hawi lehin, "I lakah engmah sawi tûr ka nei lo." A ti hmuk a.

"Anih min thah chu i tum lo em ni?"

"Good bye Callie!"

A in her vut a, engmah pawh sawi leh tawh lo in a kal chhuak zui ta daih a.


Thank God a kal bo ta.... mahse ka va hlim si lo ém, Trey chu ka ngâi lâwk khér mai, tikhân ka hmu leh tawh dâwn lo tawp chu a ni si a, engtik ah mah thudik tak chu a hre chhuak ngâi dawn ta lo, a hre chhuak vaih anih chuan min that ngéi bawk ang.


In lama haw tûr chuan ka in khalh haw ve ta a, car ka khalh lái chuan motor ka khalh thiam dân chu ka chhûi lét leh neuh neuh a, Julie bawk in ani min zir tir, kum khat chu a lo ni veleh ta reng mai kha mi ni min zirtir zet kha chu kan hlim dûn teh e.


Ka beidawng hial anih kha mahse ani chuan min fuih sauh sauh zâwk a, midangin an thiam theih chuan engvánga keiin a thiam thei lo nge ka nih tiin, ni e, kha min fuihna khân tumruhna min pe a, kan in zirtir tláuh tlâuh hnu ah ka thiam ve ta hrâm anih kha, ka tân tak hian a ṭangkâi ka ti lo thei lo.


A táwp a táwp ah chuan in chu ka thleng ve ta hrám e, "Home sweet home!" Ti a phun chhuahsap pah hian inchhûng chu ka lût a.

Ka fapa room lam chu ka pan phei a, a lo muhil bâm tawh a, sitting room lamah chuan Julie chuan Television hi a lo la thlír a, min hmuh veleh chuan,"Coffee i duh ve ang em? Hei hi ka in zo ang a kei pawh ka haw ve nghál mai ang." A nui zui sak a.


"Oh Julie nang chu awm lo la engtin nge ka awm theih tehlul ang tih pawh hi ka hre lo." Tih sap pahin a bulah chuan ka ṭhu thla ve nghál a.


Min rawn kuah zauh a, chu chu ka mamawh tak zet, "Hush, khatin ngaihtuah rèng rèng suh, Theo hi i hria ang chu angainat awm ém alawm, a pa pawh hi hmeichhe híp thei zet leh mipa ṭha ve tâwk tak anih ka ring nghet tlat, achhan chu Theo hian a chhûn vak miah lo che." Tiin a nui chhuak hak a.


Trey chung châng chutiang a asawi chhuah chuan ka thin phu a tirang dawt dawt kher mai, hun rei lo te kalta khân ni e, Trey chu ka hmu ngéi alawm, ahmélṭhat dán pawh ala pângâi reng chutiang bawkin mi pawh ala hîp thei tak zet, mahse ani nén chuan kan awm dûn thei lo, chhûngkaw din a duh ve lo tlat.


"Coffee chu ka duh tawh lo mai ang e, Ka châu deuh tlat!" tiin ka chhang liam puat a. A thil inlai a zawh hnu chuan a bân a abun sana a chain rangkachak tuiluan chu melh zauhin," kei pawh ka haw tawh mai ang, dar sawmpakhat a ri mai dawn."



"Julie hetah i riak ve thei reng a lawm." Melh zauh pah chuan ka dingchhuak ve nghâl a.

A mengkual ralh a,"Nilo e, besty ka nu in min lo ngaihtuah lutuk pal ang, chuvâng chuan ka hâw phawt ang." A kawr chung dah chu la in a ha mawlh mawlh a, Theo room lam pangah chuan kan inzui phei a, Theo chu a fáwp zauh a, kan in mangṭha hnu chuan a chhuak ve ta a.


Kei pawh ka room lamah chuan mu turin ka kal a, ka châu bawk a, ka lu in lukham a deh rual rual chuan ka muhil a ni nghâl der mai.


Zîng ka harh chu ka mit ka nuai deuh chat chat a, khum a la mut chu ka duh tak zet, mahse Theo chu a tho tawh mai dawn si a, chumi hma a breakfast lo siam peih sak chu ka duh ani.


Bathroom lam chu ka pan nghâl a, tuilum a ka taksa chu phuh tir sar sar pahin nimin lama thilthleng vel chu ka ngaihtuah lét leh neuh neuh a, Oh God, nimin a mi kha athleng tak tak em le? Tiin ka inzâwt nawn leh hial mai, Trey khân min zawn hmuh tawh pawh ringlo in pâng ngâi takin nun bul ka lo ṭan ve tawh a sin.


Mahse khatia akal leh ta mai kha lawm hle tur chu ka ni alawm, tikhân engkim kan inbiakna chu chhut chah vek a ni tawh ang a, tichuan kan inhmu leh tawh ngailo vin kan nufa in thlamuang zetin kan awm leh thei tawh ang.


Mahse engvânga ngâiru tlat nge maw ka nih le? Ni e, ka lo hmangaih tawh ṭhin ngei a lawm, a ni in min hmangaih ve ni kher lo in, tûnah chuan engkim a danglam tawh tûr a ni. Ugh, breakfast siam ka ngâi, bathroom aṭang chuan ka chhuak ta vat a, ka thawmhnaw ngainat tak pyjama leh top puan ném tak chu ka inbel zawk zawk a, choka lam chu ka pan ta a.


Bacon leh artui fry tur chu ka la chhuak a, frying pan ka chhuanga, artui leh bacon chu fry in, bread ka toast pah bawk a, coffee chu ka chhuang a, bawnghnute Theo ta tur ka chhuansak pah bawk a, Theo hian bawnghnute lum lâi lo chu a duh ngai lo.

Vawiin chu châwlh lâk mai te pawh ka duh rum rum mai.
Ka siam peih hnu ah pawh chuan Theo chu arawn tho chhuak hauh lo, "Breakfast ka siam peih e." A rawn tlân vat lo tlat mai, khawiah chuan nge a awm ang aw? A room lam chu ka pan ta a, khumah hian min hnungchhawn zâwngin alo ṭhu ngui bâr a, a samah chuan zâwite a zu chúl sak zauh pah hian a khum chungah chuan ka thu thla ve nghâl a. "Morning Sweety breakfast ka siam peih tawh e." Ka tichhuak sap a.


Mahse engtin mah min chhâng lo, "Eng nge ni ta Sweety?"


"Damlo." Theo hi a ṭawng réng réng hi a fiah kâk a, mahse thil erawh a la sawi thui thiam vak lo thung!


"I damlo maw? Lokal teh sweety!"  A rawn awm hnâi a apang chu ka lo dehsak zauh a. "I pang chu a sa ve hlé mai, damdawi i ei ang a, i muleh mai dawn nia." Tiin Theo chu ka pawm a.


Damdawi ka pék hnu chuan puan sin ṭhat tir lehin ka mut ṭhat tir ta a. A room ka chhuahsan hnu chuan ka in ngaihtuah vang vang a, hetiang a damlo chunga Theo kalsan chu ka thil duh loh ber te zíng ami a ni, mahse darkâr reilo te chu bank a thil tihtur ka neih vângin ka kalsan a ngâi bawk si.


Julie call leh lawk mai ang, tih ngaihtuahin ka phone chu ka la chhuak a, ka call ta a.


"Hi Julie, Callie ka nia, ka inlamah Theo ngaihven tûrin darkar khat emaw darkar hnih emaw vél i lo awm leh lawk thei ang em?"


"A chhan chu a dam sam vak lo a, keilah bakery lamah banking titûrin ka kal angai bawk si a." Ka ti chhuak sap a.


"Ok, Julie ka lawm e, kan in hmu thuai dawn nia." Ka phone chu ka cut ta a.


Ka hnathawhna uniform chuan ka inthuam sawk sawk a, ka kal hma chuan Theo chu eng nge a an deuh tih va en leh lawk turin aroom lam chu ka pan leh a, a pang chu ka deh sak leh zauh a, a pangsa pawh tlém chuan a lo zia awm deuh tawh a.


A bula ṭhu chung chuan ka fapa duhawm zet chu ka melh deuh vang vang a, kum hnih chu ani ve mai dâwn tawh a, mahse a té ém ém thung, a rawn pian khân thlahnih ngawtin a piang hma a, Neonatal (nau thla kimlo a piang)a nih avângin Neonatal care unit a dah a ni a, chu vâng chuan ka fapa hi duh ang pawhin ka khawih thei lo, kha mi ni înlam a ka hruai haw ni kha ka la hre reng ṭhin. A hmélah chuan Trey fapa ngei ani tih hairual ani lo a, Trey angin a sam chu a buang thâng a, Alex angin a kâwi ve lek lek bawk a, Trey nuih zâwng a biangsum aneih ang kha Theo pawh hian  a nei ve bawk a ni.

Mahse Trey nuihmél kha chu ka hmu tam lém lo , ka fapa ah erawh chuan ka hmu fo thung! Ka fapa chu ka nuih sak a, Trey lak aṭang hian ka vénghim tlat ang tiin ka intiam ṭhin!

Door bell chu a rawn ri ta ral a, Julie a ni tawh ngei ang ti rilru in kawngka hawng tur chuan ka phei ta a.


Kawngka ka va hawng chu Julie hi pâwn lamah chuan alo ding reng tawh a, nuih chhuah sak pah hian a lo luhna tûr kawng chu ka kian a, "Julie hetiang thil min tih sak ṭhin avâng hian i chungah ka lâwm tak zet." Ka ti nghâl hlut a.


"Oh a pawi réng réng lo, i hriat reng kha he naute hi engtiang chiah in nge ka hmangaih tih chu!" A nui chhuak ve var var a.

Julie hi sam dum hlap mai tan tawi tak a ni a, engtik lai pawhin a hmûiah chuan lipstick rawng lár tak tak hi hmuhtúr a awm reng ṭhin, chuan contact lens ah violet hi a hmang ziah bawk a, ahmél hi hmuh anuamin engtik lai mai pawh hian a damthlap reng mai a, athinrim hmél hi ka hmuh pawh ka la hre ngâi lo, a hmél hi a hlim sârh reng a, chuvâng tak chuan Theo pawh hian a ngaina hlé bawk.


"A ni pawhin angaina réng che a lawm, ka theih anga rang in tih vat vat ka rawn tum dawn nia," tiin ka bag khâi chu ka la a, hmanhmawh zetin ka car awmna lam pang ka pan san ta a.


Ka car chu tinungin ka inkhalh chhuak ta nghâl a, bakery lamah kalin pawisa chu ka lachhuak vat ang a, bank ah ka dah leh vat bawk ang a, tichuan inlam pang ka pan leh mai ani ang chu.


New York lamah Trey chuan Elizabeth chungah chuan engtin tak ti ang maw, tih chu ka ngaihtuah pah rauh rauh a.


Ka kut lehlam a ka chal chu dawm zauhin, "Ka ngaihtuahna aṭang hian Trey hi ka paihchhuah ngéi angâi ang, achhan chu ka hmuh leh tawh dawn loh avângin." Ti a phun chhuak sapin kal kawng lam chu ka ngaihtuah lui ta tlat a.

       
MEANWILE BACK IN NEW YORK

THE BRONZE DRAGONS WAREHOUSE.....

TREY....

Insawisak na room warehouse hnuaiah chuan Detroit nén kan awm a, Vinny leh Jhonny chu nasa taka nghâisa in ka that zo chiah bawk, anthih hma chuan Elizabeth in a ṭanpui zia pawh an inpuang tawh a ni, chumi hnuah chuan hèng mi hnawksak tak mai pahnih te hi ka tán kawl reng tûl ka ti tawh lova ka that ta lâw lâw a nih kha, Detroit chu a che vat a, chumi te pahnih ruang chhuata tlu reng chu puan hian a rawn khuh ṭha nghâl a, ka thawmhnaw ah leh ka kutah te leh ka taksa khawilâi mai langthei chin ah hrim hrim chuan thisen a kái vek, ka nau that tû te an nih avángin an chungah zahngaihna chhetè mah ka lan tîr lo, nâ tuar rei thei tûr ang berin an nunna chu ka lák sak a, chu chuan ka lung an ti âwi viau bawk.


Thih vat kha an phû hlawl lo, hetianga ka han chét tawh tak tak hi chuan khua ka hmu tawh ṭhin lova ,thisen in ka tuihál ni berin ka hre ṭhin! Detroit chuan tissue min rawn pe leh vat a chu chu lo la in ka hmâi velah leh ka kut a thisen kâi phengphung ho chu ka hrufâi thuak thuak a, chutiang a han chét leh biaih biaih chu ka la duh belh, ka la kham hlawl lo.

"Elizabeth chu a inpeih tawh em?" Tiin Hunter ka bula rawn ding ve chiah chu ka lo bia a.

"Aw inpeih tawh ang boss."

"A nih chuan rawn hruai nghál mai rawh u."


Hunter chu a chhuak leh nghál a, chu kan dinna hmun a awm rei vak chu ka peih lèm lo, inchung lama chhoh vat vat chu ka duh ber tawh.


Hunter leh Detroit chuan Elizabeth duh lo chung a tál deuh fat fat chu an rawn hruai lui a, Elizabeth in min hmu chiah chu anvawn na tâ tálpîtin ka lam arawn pan phei nghal a.


"Khawngaih takin Trey, keimah ka ni miah lo a nia, ka thusawi hi ring hrám rawh." A ti hlap hlap a.


Rum zeta melh chhuk ngur pah hian, "Oh, aṭha e, nang hi i ni ngéi a lawm,  han en ve teh! Ka bul mai a ruang pahnih awm hi i crime partner te an ni ani lâwm ni? Vinny pawhin nangmah ngéi i ni tih a tâwp a tâwpah chuan a pawm ve tâk kha, chumi hnu ah chuan engtin nge ka tih i hre duh em? A mitmu pahnih âiah ka silai mu pahnih pawh ka hmansak ták kha." Ka tih khum khur khur a.


"Nilo boss, Callie a lawm, Callie thil tih vek tih hi ka chiang a ni." Hlâu a khûr hlawk hlawk chung chuan a ti.
 leh a.


A mah a ni tih ka chian viau hnuah pawh Callie ala mawhpuh cheu na chuan ka thin ati rim zual sauh, rum zet hian Elizabeth lam chu ka melh a, a hlâu lutuk chu a lo tawlh hnung ve hrat hrat bawk a, mahse Clegg chuan ka lamah a rawn nam phei deuh lawp a, "Elizabeth ngâithla ringawt rawh, he thilah hian Callie in engmah tih anei lo, i thil tih kual vek ani tih hi ka hre tawh bawk e." Ka aw vawt tak chuan ka ti chhuak leh hrawih a, ka kut chu tualthah châkin a za leh tawh khèr mai, thinrim avângin ka hûm ruh ṭûng bawk a.


"Kha i kâ aṭanga chhuak poison kha a bengah i far luhtir a, min hlauh luattuk avângin a tlânbo phah bawk a, a dik em?"



"Nilo, nilo, kha chu hlimna eng emaw ka insiam ve mai mai anih kha, Callie nuihzat búr na tur chauh a kha thil kha ti ka ni."


"Anih leh ka penthouse a Vinny leh Jhonny luhtir a ka unaupa an thah khân hlimna chu i insiam tak zet em?"


"Alex kha thah tûra ruahman ani ngai lo, Callie zâwk kha thah tûra tih zâwk chu a nia, mahse Alex khán an lût lâi kha alo hmu ta si a, kahfuh pawh an tum a ni lo, an hlauhthâwn luat avângin silai kha an hmet puak palh ta a, Alex an that a ni tih pawh an tlânchhuah lái khán an hre lo rĕng réng." A ti ta a.



"Min phatsan a, phatsantu tenawm zet i ni bawk, phatsantu ho chungah engthil nge thleng ṭhin tih chu i hria ti raw Elizabeth?"


"Boss...khawngaihtakin tilo hrâm rawh!" Ahmél chu a mang angin a inchhîr hlè tih pawh a hriat a, mahse ahma khân he thil hi a lo ngaihtuah lâwk tûr a ni, tûnah chuan a tlái mah mah tawh.


"Hei hi Alex leh Callie tân." Tih ṭhawt pahin ka silai chu ka pháwichhuak zawk a, Elizabeth chal darah tak chuan ka verh sak ta siah a, kâ pawh chháwn hman lo in chhuat lamah chuan a tlu zawi ta hnak a, silai kah chhuah zen rim chu a nam ram ram nghâl a. Tûnah chuan phuba chu ka la fel ta e, ka mipa te ho lam chu melhin, "Héng ruang te hi ti boral vek ang che u." Ti a ka sawi hnu chuan ka kalsan ta hlawm a, inchung ka chhoh hnu chuan shower hmang tûrin ka lût a, ka chhuah leh hnu ah ka office a inthlâkna ka dah chu ka inbela, thlánmual lam pan in ka carin ka inlhalh chhuak leh ta a, a hmun ka va thlen chuan ka car aṭanga chhukin Alex thlân awmna chu ka pan ding nghâl a, a thlân bulah chuan ka ding ta vang vang a, "Alex tûnah chuan ka man chhuak ta e."

"Ka hrilh tawh che kha, he i thihna a mawhphur tu zawng zawng chungah chuan phuba ka la ngei ang ti a ka sawi kha. Bro ka ngâi tak zet che." Tiin ka phunchhuak sup sup a, rei tâwk fang ka din leh vang vang hnu chuan ka inher vut a, rilru engthâwl zetin inlam panin ka inkhalh haw leh ta a.

In ka thlen chuan ka coat leh shirt hák chu ka phelh a, ka room lamah lûtin cháu takin khumah chuan ka mu hnawk a, tuizetin ka muhîl ve ta a.


Callie hian hmél ngui zet hian min lo en reng a, "Trey ka hmangaih che."


"Callie kei pawhin ka ngâi tak zet che."


"Trey khawngaih takin min that suh!"

"Callie nang that túr che hian ka chungah engmah thil tihsual i nei hlei ném, ka that hauh lovang che, ka ngâi takzet zâwk che a sin, he feelings hi nangmah ah chauh ka nei."


"Khawngaihin Trey min kalsan suh aw!" A hmélah chuan lungngaihna hlîr bák hmuhtûr a awm lo.


Callie dinna hmun zawng zawng chu mei alh nasa tak hian a lo bawh khat vek tawh a, "Trey khawngaihin min kalsan suh!" Ti hian min lo âu lawm lawm a, mahse abul chu ka thleng thei dér si lo, chu meialh zîng aṭang chuan ka theihtâwp tak meuh meuhin chhanchhuah dán ka lo ngaihtuah a.


"Trey khawngaihin min ṭanpui lul rawh!" Mang ang zet hian min lo âu lawm lawm a.


"Trey khawngaihin!" Ngen tak té in ṭap chung hian min ngén a, chûng meialh hluah hluah mai chu a hlâu tak zet, "Trey min pui lul rawh, "Trey ka hmangaih che." Trey ka hmangaih che."


Ka harhchhuak chiang khér mai, thlan hian min bual huh zûih bawk, "Engthil hrep chu nge?" Ka ti chhuak hrawih a.


"Mumang rápthlák zet chu a nih hrep kha le." Ti chungin ka ṭhuchhuak a.

TSEPNAYA REAKTSIYA MAFIA ROMANCE CHAPTER 14

TSEPNAYA REAKTSIYA   MAFIA ROMANCE CHAPTER 14

BACK IN NEW YORK

ONE YEAR LATER...

TREY PENHOUSE...

"Boss min ko em ni?" Tih pahin Detroit chu ka office chhungah chuan arawn lut a.


"Chanchinthar te a awm leh tawh e.?"

"Vinny leh Jhonny chuan kan zíngah tunge min phatsantu tih chu túnthlengin an la sawi chhuak lo a, boss chu âi chuan thih pawh an thlan zâwk thu min hrilh."


"A ṭhat chu, anih chuan ka inpeih veleh keimah ngeiin he ka kut ngei hian ka la that ngei ang."


"Chuan Callie chung cháng engmah hriat ala nilo bawk, boss hei chu han ngaihtuah ve teh, thla sawm pali lai mai aliam tawh a, ani hi chu theihnghilh tawh mai hun in i hre ve lo maw?"


" Chutiang túr chuan min duh a maw? A teuh lo mai," Detroit chu rum zet hian ka melh rún a, "A mah ka zawnna ah hian ka beidawng ngâi hauh lovang tih hi i hre dawn nia, a tih ang hian tumahin mi an la ti ngai lo, heti hian min buma, a tlânbo leh zui bawk a, ka ngáidam hauh lovang." Ka tihkhum leh hrâwk a.


"Ok, boss, i tih dân dân le, zanin hian kan shipment alo thleng dawn tih kha i hria ti raw? Ka hrilhnawn leh mai mai che a nih chu." A hâm deuh bûi bûi a, nizan lam club ah hun a hmang rei deuh a ni ngei ang.


"Nang leh Hunter in lo buaipui mai rawh u, ka buai." Ka ti leh hmuk hnu chuan ngawirengin min chhuahsan leh ta a.


THREE MONTHS LATER


LOS ANGELES
Clifton Falls

THEO'S TREAT BAKERY

CALLIE...

Trey penthouse ka chhuahsan hnu khân France ah ka kal ngei a, tah chuan awmhmun ben bel pawh ka tum ve, mahse buaina pakhat ka nei a, chu chu an ṭawng ka thiam tlat lo, chu chuan mal riau a inhriatna hi min neih tir a,  Trey chuan min zawn lamah chuan a beidawng duh hauh lovang , achhan chu an bula ka awm chhûngzawng khân a mizia ka hrechiang lutuk tawh tlat, he a chunga ka thil tihsual hi a ngawihbo pui mai mai hauh lovang tih hi ka hrechiang. France ah chuan rei pawh ka awm ta lo a, nithum hnu lawk ah chu hmun chu chhuahsan in America ka thleng leh a, Los Angeles khawpui pâwn daifém lamah chuan awmhmun in bengbel ve in Trey hnèn aṭang a pawisa ka lâk chhuah khân keima Bakery ngei chu ka hawng ve ta a, chu hmunah chuan ka awm ta reng a ni. Trey leh a ho te chungchâng pawh engmah hriat zui ka nei tawh lo a, ṭhianṭha tak mai kawng engkima min puibâwm tu ka chhar thar a, pángai takin hun ka hmang, ei zawnna ngialnghet ka nei tawh bawk avâng in ka lungngâi hran èm ém lo, mahse chu hmunah chuan theih táwp erawh ka chhuah thung a, niléng in hah takin ka thawk a, zan lam thleng thleng a beih châng ka nei bawk, a châng chuan ka beidawng ve lek lek ṭhin, Trey lo chu hmangaih dang ka neih leh theih pawh ka inring tawh lo a, mipa tumah ka kawp leh theih pawh ka in ring tawh lo bawk.

Ni e, Trey chu ka ngâi thei tak zet, vawikhat tal hmuh leh ka chák ém ém a, mahse chu chu thil theih loh tlukah ka ruat hmiah thung, zan tam tak hreawm tihna avângin ka ṭah rúk châng a awm fo a, vawiin hi Trey in ka chhuahsan ni aṭanga kum khat leh thla sarih anih na chiah a ni, chumi chhúng chuan ka hringnun ah hun harsa tam tak leh natna chitin réng ka paltlang a ni.


Trey penthouse ka chhuahsan aṭanga thlahnih hnu lawk chuan nawmsamloh na neuh neuh ka neih reng avángin ka in entira ka ruak lo a ni tih ka hrechhuak zui leh ta nghâl a, beidawn na hlîrin ka khat. Ka nunram chu a châu ngawih ngawih, zankhua deuh thaw a ka ṭah châng lah a tam, Trey chu pa ani dawn tih thu hrilh ve ka duh viau a, mahse ka hrilh anih chuan ka awmna a hrechhuak nghâl ang a, naute a duh nge duh lo tih lah chu ka hre dér bawk silo nen, kei leh ka pum chhúnga nunna pakhat awm hian kan tuarphah mai lovang maw? Trey chuan inneihna pawh a duh lo kha tih ngaihtuahna avângin hrilhloh chu ṭha ka ti leh ta zâwk a, harsatna leh hreawmna tinréng tuarin naute chu ka pâi chhunzawm zél a, ka theih ang ang in hna ka thawk reng bawk a, nau ka neih alo hun chuan ka ṭhian ṭha tak mai he hmun ka awm tirh a ka chhar thar Julie chuan min buaipui vek a, chutiang karah chuan ṭha takin naute duhawm zet mai Theo chu ka hring chhuak ta a ni, Theo chu ka khawvela ni a ka rohlu neih chhun leh min tihlim tu ber a ni bawk, amah ka pái lái aṭang tawh a ahming hi sa ka ni a, chu chu ka dawr hmingah ka put tir nghâl bawk a, ka fapa hian kawng engkimah a pa achhún hle a, a unaupa Alex kha chhûn zâwk se ka ti khér mai, chík zeta ka fapa khum a mu bám mai ka en ngawih ngawih cháng hi chuan a pa ang nilo in Alex ang a ngilnei tak kha ni se ka ti ṭhin! mitmu hring nghalh neiin Trey anga mitmeng vawt tak nei nélawm lohna akhat a ni ve lo. Trey  thinrim chânga a mithmul an han tih nûr nâng ang chiah chiah khân ka fapa pawh hian ati ve ṭhin a, mahse ka fapa nui duh tak mai chu ka hmu fo, chu a nui hmél chuan a pa nui hmél a an èm avângin a pa laka ka hmuh zen zen loh nui hmél duhawm tak min hmuh tir reng tu a ni. He ka fapa hi Trey ka ngaihna lak aṭangin min hnémtu ṭha tak a rawn nichho a ni. Kan nufa chuan kan hlim thei ém ém a, tudang kan ngâi bík lo, mahse ka hna ka châwl thei silo, Theo chu nausén anih lâi aṭang tawhin ka kalsan reng ṭhin a, ka ṭhianṭha tak chuan in pe zo takin hna ka thawh chhúng zawng chu min lo awm sak mai ṭhin, chutiang chuan hun kan hmang chho ve nâwlh nâwlh a, ka fapa chuan ṭawng a rawn zir chho a, ka hlim ṭhin tak zet zet, mahse abula ka hun tam zâwk ka hmang thei lo erawh inthiamlohna hlírin ka khat.

Ka fapa pa hi tunge anih tih leh khawi a mi nge tih hi ka sawichhuak ngâi miah lo a, midang bula ka sawi ṭhin dán chuan," Mipa khat nén barah kan intawng a zankhat kan mu dún vânduai thlák takin ka rai ta hlauh a ni." tiin ka sawi mai ṭhin! Mahse Theo birth certificate ah erawh chuan a pa hming dik tak chu ka dah a, a hmingpumah pawh Theo Alexander ti in ka phuah.


Ka dawr chhúng chu lungâwi zet hian ka melh kual a, he hmun ka tâ bil ahan ni mai hi ka la âwih thei lo fo ṭhin, ka buai ṭhin ém avângin min pui bâwm túrin hnathawk pahnih part time in ka ruai a, chûng bâk chu keimah vekin ka ti ṭhin! Chhang chi hrang hrang siam ka thiam a, ka kut ngeiin ka siam vek ṭhin, dawrtu pawh kan Bakery zím te phulohin kan nei ṭhin a, kan nufa chuan harsa lo takin kan khawsakna chu a daih ve zèl mai.


Khua a rawn tlâilam a, kei pawh chu ka fapa duhawm zet hnéna haw túr chuan phúr zetin ka in ti fel ve ta a.


BACK IN NEW YORK

4 MONTHS LATER
TREY NEW HOUSE ....

"Boss Callie chungchâng chu kan hmuchhuak ta e." Tiin Hunter chuan ka bedroom ah rawnkalin ka mutui lái min rawn kâi harh a, ka haw kher mai, Callie awm loh aṭang khân zan lamah hian ka muhîl thei tawh ngâi lo va, rei tak tak mengin zînglamah pawh hma takah ka tho thei tawh ngái lo.


"Hunter a chung châng thil te chu kan hmuchhuak kûr ngei nguai alawm, ani lawm ni? A pi thih thu chen in kan hre tawh a, mahse api bulah pawh a awm chuang hlei ném." Ka lo ti hlûr a.


"Ka tih awmzia chu amah kan hmuchhuak tawh ka tia nia."


"Amah ani ngei a maw?" Ka âwih zo zâi tawh lo ve, kei ngèi pawh ka beidawng ve lek lek tawh, Callie kha kum hnih chhûng ngawt châwl hauh lo in ka lo zawng tawh a, hmuh tih ni réng a awm lo.


"A mah ngei ani in ka hria, James in a photo hi LA aṭangin min rawn thawn a han en ve mah teh! " lehkha ip aṭang hian thlalâk pathum vél lâi hi a rawn phawrh a.


"Hei en ta che, amah chiah chiah kha a ni." A nui pah vur vur a.


Thlalâk min rawn pék chu ka en vang vanga, Callie ngei ani e, pakhatah phei chuan Bakery niâwm zet mai dawr THEO'S TREAT tih bulah hian a ding nghe nghe a ahnathawhna hmun ani ngei in a rin awm.


"Khawiah nge a awm?" Ka ti chhuak hrawih a.



"Los Angeles khawpui hmâwr daifém a Clifton Falls véng pakhat ah a awm ni in thu kan dawng, Bakery ah hna a thawk mék ni in kan hre bawk." Hunter chuan a ti sup sup a. A aw ah chuan phûrna riau hi tel tlat hian ka hre leh nghâl a.


Chu thu a sawi zet chu ka sa phat mai, thinrim zet hian, "Hei leh chen hi kan hnâr hnuai lawk ah alo awm reng a ni maw, Alberto kha kan jet lo buatsaih tûrin hrilh vat rawh, tûkin zîng ngei hian LA ah chuan kan thlâwk nghâl ang." Ka ti chhuak ṭhawt a.


"Ka lo ti dawn nia boss." Hunter chu a chhuak ta nghâl a.


"Túnah chuan Callie ka nei ta che a lawm, i ni hman te chu number angin chhiar kauh kauh tawh mai rawh le." Ti chhuak supin bathroom lam chu ka pan ta nghâl.a.


Ka thawmhnaw hmanhmawh zetin ka thlâk a,Hunter nén chuan Jet awmna lam chu kan pan ta a.


Jet kan chuan hnu chuan ṭawng pawh ka ṭawng chhuak lo, Callie chu thil tisual tu nilo a hriatna te ka nei leh thut thut ṭhin a, mahse ka lo sawi tawh ang deuh khân hmeichhe tam tak hian lemchan anthiam èm èm a, thil diklo tak pawh diktak anga lantir chu an thiam tak zet a, chuan thil pakhat hmeichhia an nih chuan an ṭap pâr a, he magic hi hman ṭangkâi dán an thiam èm ém bawk.Mahse Callie anih vàng erawh chuan a thusawi chu ngaihthlák ka ti tlu ta a.


"Boss kan thleng chu ani mai tawh a, eng nge ruahmanna deuh te kan nei em?" Tiin Detroit chuan min melh pah zauh a.


"Ka coffee duh tak pawh ka inhman lova," ka khabe chu dawm deuh rûn rûn pahin, Ka ngaihdân in Theo treat ah pawh a ni mai thei." Ka nui pah suk a.


Detroit chu  zá zet hian a nui khi sûng a. A awmna hmun kan va thlen chuan páwn a an sign board in târ chu ka melh vung vung a, Theo treat hming hnâisâi lo zet tak chu leh.


  Dawr chhungah chuan lûtin ṭhutna âwl awm lam chu Detroit nén chuan kan pan dûn ta a, kan ṭhut hnu aṭanga rei vak lo ah chuan kan hnunglam aṭang hian Callie aw ngei mai chuan,"Good morning Gentlemen eng nge in duh ve ang le?" A rawn ti ta a. Chu hmeichhe aw chu hun rei tak chhûng hre tawh lo pawh ninah ila Callie aw ngei ani tih chu ka hai hauh lo.


Zâwimuang hian alamah chuan ka in her a, ka hmél ahmu chiah chu thlarau hmu ta ang mai hian a hmèl chu a dâng sâwp sâwp a, a mengphâwk hlé bawk, chutiang anga a awm chu ka lo rinsa vek tawh avângin hmuhnuam ka ti khér mai, zâwite ama hriat tham tâwk vel lek tûr hian ka hming lamin a phun chhuak sap a, a mitmengah chuan a hlauhtháwn zia pawh ka hmu tlang sak vek.


"Chatuan a kalak aṭanga i bihrûk theih hi i inring rèng rĕng em ni Callie ?"Ka ti vawt ruih a.


"Ka....."


"Customer ho order pèk ka ngai." Ti a kalsawn mai hi atum a, ka ding chhuak ve vata, a bânrékah chuan man sak chawt pah hian, "Min kalsan tûrin pén khat pawh pén sawn leh tawh suh." Ka ti pah nghut a.


A rawn in her a, "Trey hnathawh ka ngai alawm." A ti chhuak ve sep a.


Callie ka melhna aṭanga ka mit la sawn chuang hlek lo chuan, "Detroit customer ho hi kalchhuah tir vek la, kawngka kha kalh nghál bawk ang che."


"Nilo, nilo, in ti thei lo ang." Hláuthâwng zet hian a ti chhuak.chûl a.


"Ka duh chu ka ti ngei ang, ka ti zèl bawk ang." A hláu hmĕl chu hmuh a nuam phian.


"Tûnah ka bulah i ṭhu ve dawn nge ti khân ding chungin min melh reng mai dawn? Rawn ṭhu ve vat mai rawh." Rum zet a tih chhuah leh hruih pah chuan ka lo ṭhutna lam chu ka pan phei leh ta a.


Ka bulah chuan a rawn ṭhuthla ve ta vat a, la melh rûn chung hian, "Ti khân engvâng a hmuhtheihloh a bibo vang vang nge i nih tih hi min hrilh thei tawh ang chu ti raw?" Ka mitko chu ka sân khum deuh âwk a.



A ngawi reng a, zâm hmél zet chuan dawhkan lam chu a melh raih bawk a, ka thin chuan a tuar leh ta hauh lo." Callie min chhâng vat rawh."


"Ka ....um..."


"Ka ....."

"Sawichhuak vat mai teh!" Ka tih khum tuar a.


"Bronze Dragons members nih kha ka duh tawh lo a ni ber mai." A hmûi chu a hup châih a.


"I chhuanlam siam kha ahmantlák  loh tak zet tih i hria ang chu ti raw?" Ka melh rum khér mai.


Lungchhe zetin a ṭap chhuak ta hlap hlap a, mahse chutia aṭah leh mai aváng chuan ném phah ka tum hauh lo. "Callie i ṭap ka tâwp vat mai rawh, i chhánna ka duh!"



"Chhânna tûr che engmah ka neilo Trey."


"A nih chuan ka thah che i duh tihna a ni maw, a ni em?" Ka aw chhuak réng réng chuan nèlawmna pakhat mah a pái hauh lo.

 Ka thusawi chhuah aváng chuan a phu zawk a, "Eng maw i sawi? Khawngaihin min that lo hrâm rawh Trey." A aw chu a khûr deuh hlak hlak a.



"Wow, chu, khawngaih dilna ṭawngkam a ni thei mai ang em? Min hneh lutuk tlat." Elhsèn zet hian ka tih khum a.


"Duh tâwk rawh Trey!" Chhuak ém ém hian a ṭah chhunzawm leh ta hliam hliam a.


Eng vâng teh chai chuan nge he nu ṭap hian hrehawm min tih tír tlat ṭhin mai chu le? Kum kha leh chen kha ka lo zawng tawh a, mahse hei ka hmu ta achenga, engvâng a ka hmuh tawh loh vang vang hnu pawh a ka rilru chu la hneh tlat mai nge maw anih  le?


He uipui nu hian min bum hrep ani lawm ni! Amah that tûrin he hmunah hian i kal a, mahse i lainat leh si a maw? Ka rilru chu a buai khér mai.


"Min phatsan ti raw Callie?" Ka ti chhuak leh hrawih a.


Mittui kâr a ṭang chuan a rawn dâkchhuak a, "Eng nge i thusawi awm zia chu?"


"Nang hi ani lawm ni min bum a min phatsan tu chu, nge kan zînga spy kan zawn mék sazu hi i lo ni zâwk? Kan koh dân che hi chu i duh zâwk zâwk i thlang thei ang, Vinny leh Jhonny te nén hian in thawk ho em?"


"Kha zân Alex thah anih zân khân ka penthouse a an mahni hruai lût tu chu nang hi i ni ti raw?" Ka ti leh ṭhawt a.


"Eng â? Nilo, a teuh lo mai, i thutak viau em ni Trey? Chûng thil chu engvánga ka tih a ring nge maw i nih le? Kha mi zân a Vinny thlémthlu tura min thawn kha i theinghilh ta em ni? Kha zân khân Vinny vângin kah ka nih kha,  i mi puhna ang a Vinny leh Jhonny tâna thawk chu ni ila chuan an pahnih khán min vèng dawn lo em ni? Anih loh pawhin kha inbeihna a thlen hma khân min hruaichhuak daih tawh ang." A kut zung chala ka hmâi zâwna mi rawn kawh deuh siah siah pah chuan a ti a.


Hei chu thudik ani nameuh mai, hetiang zâwng hian ka lo ngaihtuah ngái hauh lo tih chu ka hrechhuak a.

A thusawi chu chhunzawm leh pah hian, "Chuan kumhnih liam tawh hnu ah pawh min mawhpuh tura hetilai hmuna i la rawn awm hi ka hrethiam che, a chhan chu ka rindânin tunge i pâwl te zîngah chuan enthla tu tih hi ila hrechhuak lo ani ngéi ang." A ti leh hmarh hmarh a.


"Chu chuan a kaihhnawih tel ve na áwm réng che ka hre lo."


"Trey kan hrilh ang che, min kaihhnawih tel ve lo chu ni se he hmunah hian min mawhpuh tûrin ilo kal hauh lovang."


"Anih chuan min han hrilh ta che, eng vánga tlân bo nge i nih tih leh engváng a kha hmun kha chhuahsan nge i nih tih hi?"


"Hetiang zawng zawng thil anih tawh hnuah hian eng nge chu chu apawimawh viau na?"


"Yes, a pawi mawh lutuk, a pawimawh zèl bawk ang, min bum a,ka hnén aṭangin thil i ru chhuak bawk a, chuan kha thil avâng khân ka mipa te lakah mipa nép takah min chhuah tih hi hre ta che." Ka ti chhuak ta hrâwk a.


Chhuatlam chu a melh raih a, "Pawi ka ti tak zet, kha i pawisa ka lo lâk avâng khán, mahse ka nun khawchhuah nán ka mamawh miau bawk si a lawm." A ti leh sep sep a.


"Callie kha pawisa i lâk vâng hrep khân ka tilo, ka hriat duh tak záwk chu engvánga kha hmun chhuahsan nge i nih tih hi tûnah ka hre duh zâwk, Pathian hian min pui lul teh se Callie, tûnah hian i sawi vat chu a ṭhat ka ring." Ka sam chu ka tuai puat a.



"Ka ....ka..."

"Kha hmun ka chhuahsan na chhan dik tak chu min that dáwna ka hriat vâng ania." A ti chhuak ta sap a.


"Chu chu engváng a ring hrep nge maw i nih chu le?"


"I la hria ang chu, khami ni a Hunter hnéna i thusawi i penthouse hralh i tum tih leh inthar i lei tûr thu i sawi kha."


"Chu chuan engvâng a ka that dâwn che tih rintir ringawt che nge a nih?"



"A chhan chu min sawi tel ve lo tih kha i sawi a, Hunter khân ka chung cháng thu a zawh che khân, eng tin nge min tih dâwn ila hriat rih lo thu i sawi bawk si a."


"Khami hnu a ka thusawi kha i ngâithla tawh lo ani maw? A chhan chu Hunter bulah khân i inthar tûr leisak che pawh a hun tawh thu ka sawi a sin."


"Eng a, a ni maw? Ka ngâithla tello a nih chu! Well chu thil chu ka ngâithla tello ani ngei ang, khatia i sawi avâng khân rei pawh nghâk tawh lo in, kha hmun kha ka tlânsan ta thuai a." A ti chhuak raih a.


"Chuan engtin nge min tih chu i tum tâk?" A ti leh sep a.


"Ka la ngaihtuah fel lo, eng tik hunah nge i hna aṭang hian i bán ṭhin?"


"Dar sarih a, ngati nge?"

"Achhan chu he kan thusawi lai hi chhunzawm leh turin ka rawn kîr leh dawn a vângin."


A phu deuh zawk a, "Eng vângin, ti nge tûnah hian kan sawi zawh theih mai loh chhan?"

.
"A chhan chu ngaihtuah nawn leh phawt ka ngaih aváng in." Ka ti leh hmuk a.


A chhan chu he hmun aṭang a he nu hi rang taka ka chhuahsan vat anih loh chuan, ka 'tap'  leh duh mai emaw, ka that duh mai ang tih ka hlâu a ni. Chuan eng nge diklo zâwk tih hi ka hre mai lo bawk.


" ka thei lovang, hna ka thawh zawh hian in haw nghâl ka ngái."



"Khawiah nge i inluah chu a awm?"


"Kha chu a pawimawh ber lo."

CALLIE....

Engváng a inlama haw ka ngai ti a sawi khér khér nge maw ka nih chu le? Theo ka ngaihtuah tawh váng vek, Trey hi ka inah chuan a rawn kal thei lullo mai, a lo kal na anih chuan thil engkim mai abuai chuar vél vek ani mai, "Ka hna ka thawh zawh veleh he hmunah tho hian kan inhmu leh dáwn nia." Ka ti ta thuai a.



Trey chu a dingchhuak nghál a, a mitmu hring vawtruih a mi la rawn melh chhuk rûn pah hian," Callie tlánbo leh tihlam kha chu ngaihtuah tawh miah suh! A chhan chu nangmah enthla reng tu tûr mi ka dah tawh a nia. A ti leh nghut a.


"Aw le, ka ti tawh lo ang." Tûn ṭum zet chu duh pawh ni ila ka tlânchhiat leh theih tawh khér ka ring lo. A chhan chu keimah chiah ka nih tawh loh miau avàngin ka inchhûng lam chu dâi tir ka duh lo tawp mai chauh pawh nilo, ka thurûk engkim mai chu a hria ang tih ka hlâu ta ngawih ngawih a, chu âi chuan a thil duh chu tih puitlin sak a he hmun aṭang a kir leh tawh lo tawp tura siam chu ṭha berin ka hria a ni, a tello pawhin ka fapa nĕn hian kan him tâwk èm èm in ka hria, a ni humhimna leh a thlazâr hnuai a awm hi a tûl ber lo, kei a nu ka awm chhûng chu ka fapa Theo hian mamawh dang aneilo tih hi ka hre ém ém tawh tlat.



TREY....

pâwn ka chhuah hnu chuan Detroit min lo nghahna hmun lam chu ka pan phei a, "Well, eng thil nge thleng leh ta? Silai kah ri ka hre lo tlat!" Hi a lo ti a.


"Chuvâng a tûnah pawh Callie chu la nung chu a nia lawm." Ka ti ve nghut a .


"Anih eng thil nge thleng chiah chu ni a?"

"A ni chu min phatsan a min bum tu hi anih ka ring lo tlat, mahse eng emaw kan hriat veloh thil a hriat si, min hrilh lo a zép a nei ahriatna ka nei tlat, chu chu eng thil chiah nge anih tih hi hriatchhuah ngéi erawh ka tum thung!"



"Tûnah chuan he hmun aṭang a kalsawn rih phawt ka ngáiin ka hria, nakinah ka la ti ti pui leh zâwk theih nán." Châu zet hian ka ti chhuak leh ruih a.



"Chutiang hmun tur chu ka hria a sin." Detroit chuan alo ti thuai a.

"A nih te chuan i che chhuak vat teh ang Detroit." Kan kal sawn dûn ta a.


CALLIE....

Kum hnih ngawt a liam tawh, chuti chung pawh chuan Trey ka ngaihdân chu ala dang thei tak tak lo, ka taksa a hna athawh dán leh mi a hîp dán chu a la páng ngái reng, "Ka hmuh tâwp ber na ni turin ka lak aṭanga hla taka a awm theih tawhna tûr chhánna ka pèk ngéi angái ang." Ka mittui chu ka biangah a luang thla ngiai ngaia a, eng vânga ka mittui chu dang thei lo leh ta nge maw ka nih chu le? Theo leh ka tân ka intih pâukhauh a ngái tak zet, ka tlânbosan a váng khán min that hauh lovang, thudik a hriat chhuah avángin min that duh hial zâwk ang, chu váng chuan alakah thudik chu ka zĕp tlat tûr a ni.


Ka phone chu ka la chhuak a, ka bengah chuan ka ngâithla vang vang a, "Hey Julie, Callie ka nia, zanin chu ka rawn haw tlâi dawn tih hi ka rawn hriattir duh mai che a nia."


Ok, buaina a awm ang em? Recipes thar han beih lawk ka duh deuh a chu váng chu a nia."


"Ok, ka tlâi dawn anih chuan Bakery ah ka riah hmèl khawp mai, Ok, ka lawm lutuk a nia." Phone chu ka cut ta a.


Trey chu engtiklai pawh arawn lût reng thei dinhmunah a ding tawh, ka thil hriat ang zawng zawng hi ka hrilh ngei pawh angâi ang, ka fapa nén a kan himna tûr anih phawt chuan, a kal vat theihna tûr in eng emaw tak ka tih angai ngei ang, he hmuna rawn kír leh ngâi tawh lo tûr a ka siam theihna tûr chu!

Deep Attraction Vol - 2

CHLOE....

Nex morning....

Zîng ka tho chu hmanhmawh zet a insiamin, ka che thuai thuai a, a chhan chu thawh ka hai tlat a ni.

Andy chuan car in min thlah lo phei se chuan, engtiang chiahin nge ka tlâi ang tih pawh ka hre lo.

Car a ṭang a ka chhuk hnu thleng chuan ka tlân pah hlawk hlawk a, thlantla phûl kâiin Cake dawr chu ka thleng a, mahse a hun takah ka thleng ta tho mai, ka lâwm tak zet.

Mary hmél kan hmu thei leh phei chu ka lung a chhe tak zet. Mary chuan min  nuih var var a, ka kal loh chhûngzawng a min ngaihtuah zia thu te chu a sawi pah mawlh mawlh a.

Kei chuan thudiktak chu hrilh ngamlo in, ka dam loh a vâng a kal theilo ka nih thu in ka chhâng ve sap a.

Two days later....

Chutiang chuan Zane tân a thawk pah bawkin, chu cake dawrah chuan ka kal ta ṭhin a.

Tlâi lam a nih chuan ka haw chu a lo hun leh ta der mai, dawr te kan khâr fel hnu chuan, kei pawh chu haw turin ka in siam ve ta a, Zane inah ngei chuan ka haw dawn chu a nia, Chumi ri ringawt pawh chuan min ti hlim veng veng hian ka hria, pâwn ka chhuah chuan, tumah ka hmu lo, Andy khân he lai hmunah hian ka lo nghâk ang che kha a ti si a, ti a ka hawihâi viau lai chuan ka piah lawk a ṭang chuan a rawn chhuak ve ta a.

Min rawn nuihsuk pah chuan, "Kal ang le i inpeih tawh chuan." a rawn ti a, car chuan Zane inlam chu kan pan leh ta a.

Inchhûng min luh pui thlap hnu chuan a kal chhuak leh ta a.

Kei chu ka roomah ka chho nghâl a. Chu pâwl Red scorpion ho chungchâng ka ngaihtuahna chuan ka â zo tak ngial dawn hian ka hria. Zane nen pawh hian kha mi ni kan inbiak bâk kha chu kan la inhmu leh ta lo reng reng.

Zane ngei pawh hian keimah min pehhél na turin chu thil chu chhuanlam ah chuan a hmang ve bawk a.

Ka biangah ka mittui chu a rawn luang ngiai ngiai a, Engvângin nge ka ṭah rîkngawt chhan hi?

Zane hian min ngaihsak loh a vâng in maw ka ṭah? Ka boyfriend em pawh a ni em ni?

Mahse hetiang a rilru phîr min put tir reng mai leh awmdân tur pawh hrethiam theilo a min dah hi ka tuar thei tawh lo a ni.

Tumah min ngaihsak tu pawh ka nei ve tak tak lo a ni hi. Chu chu thudik awm sa a ni.

Ka insût ri hlap hlap a.

Kawngka chu an rawn kik karh karh a, "lo lut rawh!" tih pah chuan ka mittui chu ka hru hul sawk sawk a.

Clarisse chu ka roomah chuan rawn lûtin chîk zet a min rawn en hnu chuan, "Eng thil nge ni ta, eng a tinge i ṭah mai ?"mak ti zet hian a rawn ti a.

Ka lung chu a chhezual sauh a, ka mittui chu a rawn far leh zawihzawih a, chutiang a Clarisse in min hmuh chu ka duh hauh lo, a mah leh he in a midang zawng pawh tiam in.

"Ka ṭha e, Clarisse , mahni chauh a awm ka duh rih." Tihpah chuan ka insût deuh hlap hlap a.

"He thil hi Zane vâng a ni tiraw ?"

Mak tizet hian ka mittui kâra ṭang chuan lo melh pahin, " Chu chu engtin nge i hriat a?"

"Hmeichhia tu te pawhin in pahnih in endân a ṭang hian an hrethiam vek ang chu !"

"Well Clarisse ka rindan chuan, Zane nen hian kan ngaihdan hi a in ang lo ni in ka hria."

"Oh dear i ngaidan chu a diklo a nih chu, Zane hi naupang té a nihlai a ṭang tawh a ka hriat a ni a, he tiang a nangmah a en ang tluk zet che hian, midang tumah a la en ngailo tih pawh ka hre thei!"

"Amah erawh chu i dawh theih deuh erawh chu a ngai thung ang." A ti dam diai a.

Chutah a thusawi lai chu rawn chhunzawm leh sap pah chuan,"Zane hi a nu leh pa ten kum nga liam ta khân an lo boral san tawh a, chu mi hnu a ṭang chuan, ngaihtuahna tam tak nei in, tihtur zawng zawng chu a kutah a in nghat ta vek a, chuan kha tihlai khân la puitling chiah lo mahse , mi puitling ni tur a tihluih na nen heng thil hi a enkawl vek a rawn ngai ta a, ti chuan hei tûna i hmuh tâk ang hian leader ber nihna chu a rawn chelh chho thei ta a ni."

"Chu thil ka rawn sawichhuah duhna chhan pakhat chu, hei i hmuhdanah chuan mipa châk zet mai leh mahni inring tâwk tak ang in i hmu maithei, amarawh chu a chûngril nun erawh chu a keh chhe vek thung a ni."

"Naupang a nihlai chuan,ka la hriat ngailoh khawp a mipa naupang duhawm zet mai a ni a sin, chiang leh zual a i belhchian chuan, kha mipa naupang duhawm zet a nih na kha a chhûngrilah hian, a la nungreng a ni tih hi i hmu ve thei ang."

"Mahse hei hi i hriatthiam a ngai ang, Zane hi he room kawngka pâwnah hian a awm a ngai a ni tih hi."

"Chuan heipawh hi vawngreng bawk la, Zane hian eng vângin nge he hmunah hian a dah chhan che tih hi,a ngaihtuah ém vâng che a ni tih hi hre reng bawk rawh."

"A nu leh pa te chungah chuan eng thil nge thleng?" Tiin ka zâwt ve sep a.

"Sorry dear chu thil chu ka lo sawi ve tur a ni lo tlat." Mahse lungngaih phah nan chuan hmang duh lém chuang suh."

"Chu ai zawng chuan, nang hi a ngaihzâwn tûk theihna tur che hian siam zâwk rawh." Tih pah chuan a mit chu min rawn siai khum deuh zauh a.

Ka nui ve ta sak a, " Aw ti kha chuan a ṭha leh ta e. "A rawnti leh sap a.

" Clarisse ka lâwm e, he thil hi ka mamawh tak zet a ni. Tiin ka chhâng ve ta sap a.

"Eng tiklai pawhin, my dear!" tih pah chuan Clarisse chu a kal chhuak leh ta a.

He nu hi ka chungah a ṭha takzet, nu ten an fa te an ti ti pui ang mai in ka rilru nawm na turin min ti ti pui ṭhin si a, tiin a kal tawh hnu chuan ka  ngaihtuah a.

Kawng engkimah min pui nasa em em a, min ngaihven em em bawk. Hetiang hmeichia hi ka nu kha lo ni ve se zâwng, tûnah pawh hian ka nu bulah chuan ka la awm thei mai thei a ni.

Clarisse khân a sawi dikchiah, Zane hi ka theinghilh theilo a nih chuan, a mamawh ang tak chuan a lakah ka dawhtheih chu a ngâi ngei ang.

He mipa hi ka hriat zâwng mi pawh a nilo a, engvâng a a mah ngaihtuah mai a vâng a lungngâi viau nge maw ka nih chu le?

Hei chiah...

Min khawihna vél kha ka thlâk hlelh leh vâng a ni thei ang em?

Oh hreptak chuan, hetiang a hrehawm lampang hlîr mai ngaihtuah chu ka thei bîk lo.

Shower hmang tur chuan ka lût a, ka chhuah leh hnu chuan mu turin ka inpuah chah ve ta a, mahse thil tam tak ka ngaituahna ah chuan a luh tlat a vângin, ka muhil theilo chu khumah chuan ka let ka let mai a, a tâwp a tâwpah chuan ka thochhuak leh ta hlawl a, tui nokhat in i la muthilh tum na lamah pawh min puih theih ngei ka ring ti chung chuan choka lamah chuan ka chhûk thla a.

Glass chu la in bottle a tui chu ka thli chhuak a, pâwn lamah lah chuan ruah sur tur inṭham vel chu kâwl a phe éng zuaih zuaih mai leh nghâl a, tui chu in vat a ka room lamah chuan chhoh leh mai chu ka tumdan a ni teh meuh mai, mahse tui ka inlai tak chuan kâwl chu a rawn phé éng leh zuaih zuaih a, chutah tak chuan tukverh zâwn pâwnlam a mipa pakhat hlim thla lo lang ka lam hawi a lo dingreng chu ka hmu ta phut a.

Ka hlâu lutuk chu ka ṭe tuarh tuarh mai a, ka taksa chu a khûr zawih zawih bawk a, ka dinna a ṭang chuan ka chesawn thei hauh lo. Ka khawng vek hian ka hre mai.

Zane chu a pistol hûm chung chuan ka bul chu a rawn thleng thla ve vat a, fîmkhur zet mai hian a mitmu dera mai chuan ka bul vél chu a  en nghâl zung zung a, a silai ken kaw hmâwr chuan a hawina lampang chu a hawi ve nghâl zél bawk a. Keilah chu che sawn thei bîk hek suh. Tumah hmuh a neih tâk loah chuan, a rawn thaw chhuak hawk a.

Pângai tak a ka ngaihtuahna a rawn kîr leh hnu chuan ka  ṭap chhuak ta hlap hlap a, Zane lah chuan thinrim aw zet hian, " Maimawm i hmu a ni tih chu min hrilh hauh suh." A ti hmuk.a.

Mahse engtin mah chuan chhâng lo in, ka la ṭap hliam hliam a, chutah eng thil nge ka tih tih pawh ka in hriat hma chuan, Zane dar ruak kâng ah chuan ka  bei nghâl thuai a, chu thil chuan tûn dinhmun angah chuan min thlamuan ber ang.

Chuti anga a âwm a thlamuang tak a  bei chu engtik lai pawhin ka duh ber a ni fo bawk.

A ni chu a lo insang ruh ṭeuh dânah chuan , chutia ka tih chu a  beisei lo takzet a ni tih chiang takin ka hre thei.

Chutah ka  inhnît chunzawm leh hlap hlap a, chu tah chuan a kut a min rawn kuah ve pahin, a aia a taksa hnaih tur chuan min hnaih deuh hrut a, chutah a kut chuan ka sam chu min chûl sak pah hauh hauh bawk a.

Chu chuan hahdam na min pe in thlamuang ta riau a in hriat na hi min neih belh tir zual sauh a, a taksa a a pang ti lum thar thar mai chuan, ka taksa  vawt thler tawh mai chu lumna rawn pe hian ka hria a, chu chuan ka him a ni tih chu hrilhhriat pawh ngailo in ka taksa awmdanah chuan ka hre thei.

KA beng bulah chuan phun sup pahin, "Chloe eng thil nge thleng min han hrilh teh?" Aw zâidam zet hian a rawn ti a.

A âwm a ka beina a ṭang chuan  dâk chhuakin, "Choka ah hian tui in turin ka chhuk a, chutia tui ka in lai tak chuan, tukver pâwnlam ah sawn, mi pakhat hian min thlîr reng a ni tih ka hmu ta a, "tiin insût deuh hlap hlap chung hian ka hrilh a.

Tu emaw in pâwnlam a ṭangin an thlir che a maw?" A ti fiak ṭhak a, a aw ah chuan a thinrim hlé tih pawh ka hre thei .

"Aw!"  tih leh dai pah chuan," Ka hmuchiang vak theilo a chu, mipa a nih ngei pawh ka ring . " Tiin ka hrilh ta vek a.

Tléma mi namkian deuh pah in, a kekawr ipté a mi a phone ah chu phawrhchhuakin, phone chu a hmang ta nghâl a.

"Andy, khawiah hrep chuan nge i awm a ti hrawih nghâl a.

************

ZANE POV......

Andy chu ka phone nghal a, "Andy khawiah nge i awm?

"Boss hetah pâwnah Mike leh kan ho te nen kan awm."

"Thil awm anglo tak a nih chu, kha ta awmsi kan compound chhûngah tunge lo lût pawh in hre thei na nge?"

"Boss thil awihawm loh tak a nih zâwk chu, kan mipa te ho in, in hi an véng tawp a lawm."

"Chloe in tukverh pâwn lamah amah lo thlîr reng tu a hmu a lawm."

"Tûnah warehouse ha kal la, he in security tapes kha lo la ang che." Chuan i peih fel veleh min rawn hrilh dawn nia," tiin phone chu ka cut a.

"Chloe inbengdâi tawh rawh, ka bulah hian lo kal teh! " tihpah chuan, a taksa vawt thler mai chu  pawt hnai in, " He ta hi ka awm tawh e."Tiin ka ṭawng thlamuan a.

Chutia ka âwm a ka beitir lai pawh chuan a la hlauh zia chu ka la hre thei, a ṭap pawh chu a la tâwp lo a, a la inhnît hlap hlap mai a.

Mahse hlauhna chauh pawh nilo, thildang pawh rawn thleng a awm ni hian ka hria.

Tûnhma a nun lo hman tawh danah eng emaw hriat reng a neih váng pawh a ni mai thei bawk, a nihloh pawhin, a hriatreng na a mi thil ṭhalo tak a ngaihtuah vâng te pawh a nih duh hmél.

"Lokal rawh."  tih leh pah chuan,,a room lamah chuan kan in kuah chho ta a.

A room kan luh hnu thleng

pawh chuan a la ṭap hlap hlap a, chutia a ṭap chu hmuh hrehawm ka ti tak zet. "Hlâu thâwng duh suh, pâwnlamah kan mipa te ho an awm vek a, tunge he ta rawn kal ngam reng reng tih chu an hre chhuak daih tawh ang, a nih loh pawhin, chu pa chu a tlânbo leh daih tawh ang."

Mahse ka thu lo sawi ve chu a hre lo nge, ka ṭawngkam chhuak chuan a thlamuan zo lo. Midang hetiang teh hrep a ka ṭawng thlamuan pawh an awm kala hre ngâi lo.

"Khawngaihin Chloe i ṭap kha bâng la, hahdam tum zâwk teh!"

Chu ka thil sawi chuan a hném tawh ang em?

Hlauhhmél zet a rawn phun chhuak sapin, "Keimah a awm ka duh lo." A tâwp a tâwpah chuan a rawn ṭawng chhûak ve ta a lawm le. Tiin ka  thaw huai a.

Mahse engtin chuan nge maw ka tih hrep tâk ang ni?

He ti ang hi tûnhma in ka la tawng ngâi hauh lo bawk.

Hrehawm tih hmél zet a rawn ṭawngchhuah leh pah chuan, "Hetah hian min awmpui thei ang em?"

Ka lo phuzawk mai,"Eng maw??' Hetah hian !??"chuan i khumah hian maw??"

"Ni lo e, Chloe chu chu ka ti thei lo ang." Tiin ka rûm pah hawk a.

**********

CHLOE POV......

Ka thusawi chu kei pawhin mak ka ti ve tho, chutiang sawichhuah nan chuan huaisenna ka nei ang tih pawh ka hre lo. Mahse ka hlâu tak zet a ni, Zane thu rawn sawi mai mai khân min thlamuan zo hauh lo. Min kalsan ang a, a ngái te bawk a ni leh mai ang, chu âi mah chuan a taksa zâwk chu a ni ka thlamuan pui zâwk chu.

Ruah chu a rawn súr ṭan ta a, khawpui a ri a, ṭék a rawn tla dur mai bawk a, rang zet hianZane chu ka lo kuah vat a, ka lo khûr dar dar mai bawk a, zah pawh dâwn zo tawh lo chuan.

"Khawngaihin Zane, keimah chuan ka awm thei lo ang....."

"Ka.....

"Duhleh chhuatah hian ka mu mai ang, mahni a awm ka duh lo." Khawngaihtakin Zane." Ka lo ṭap leh hliam hliam a.

"Khaw.....ngaihin...."

ZANE POV....

Hreptak chuan a, hetiang chuan ka kalsan thei hauh lo ang, ka theilo hul hual!

Zane minute reilo té chhûng tur chauh a lawm, chu mi hnuah chuan a muhil ang a, chuan i kalsan tawh mai ang.

Mahse reilo té chhûng pawh chu ni se, a taksa si reng a ka awm chuan second khat chhûng pawh ka lo insûm thei dawn em ni? Tih ngaihtuah rilrûk pah chuan thâwk ka la hawk a.

"A nih Chloe tirawh le, ka lo mutpui ang che." Tihpah chuan thâwk ka lo la leh hawk a, tûna ka thil tihtur hi thih hreh tak meuh meuhin a ni ka hreh ni. He hmeichhia hian duh duh hun ah ka châkna te chu a ti thothei si a, chu chu a ni ka buaina ber chu, engtin chuan awm ang i maw. Vénhim a arilru hliamsak tu nihloh hrâm kha ka thil tum a ni si.

A mah hnungchhawn zâwng chuan ka mu ve ta a, ka lam chu rawn hawiin ka âwm chu a rawn ngheng a, keiin a sam karah chuan ka kut ṭang chu rawlh lûtin ka chûl sak heuh heuh a, chu váng chuan pângngâi tak in a awm theih phah chauh a ni.

Diktak a sawi chuan, hetiang hian midang bulah ka awm thei ang em? Sex tello a mutdun leh lek phei chu, hetiang hian hmeichhe bulah tûnhma in ka la awm ngâi lo.

Ka ngaihtuahna chu a chianglo telh telh a, chu ka ngaihtuahna chuan mumang ram lamah min hruai lûtin, ka  muhîl ve ta daih a.

Chuan , ka hringnun a ka lo tawn tawhah chuan,zân ṭha ber a ni tih hi ka sawi thei ang. Ka muttui zia chu zan tamtak mutmu hmu tawh lo ang tluk ka ni.

Zîng a rawn nih chuan, ka harh vâk mai, mut kham lo ti a sawi pawh awm lo in, ka mengchhuak nghâl a.

Shit, hetah ka  muhil ve a maw?

Khumah chuan ka kiu a inbeng kân pahin, Chloe hmél chu ka xu melh chhuk a, Oh hmeichhe nalh leh mawi zet mai chu a va ni em, tûna ka awm ang a zîng tin harhchhuah ziah hi ka châk tak zet!

Eng thil nge maw i ngaihtuah tâk mai le Zane? He tiang thil chu a thlen pawh ring duh suh ! A ni chu i tâ tur a siam a ni lo. Thim leh éng an inpawlh theilo i tih kha, chu ai chuan he tilai hi chhuahsan rang mai rawh!

A chhan chu a lak a i insûm theih lâi ngei hian, Chloe engtin chuan nge min tih tâk hi le? Tih ngaihtuah chung a thâwk lâk hawk pahin, chu room chu ka chhuahsan ta a.

to be cont.....

CHLOE .....

Ka meng chhuak ve ta hrâm a, ka mutna bul chu ka melh nghâl vat a,, khawiah nge Zane hi ni ang?

Nizân khân min mutpui a, a tâksa lum nawm zia kha, a pangtilum khân thlamuang ngawih ngawih a inhriatna min neih tir hial a ni. Chu thil ngaihtuah pah chuan ka nui var var a.

Mahse nizan a ka thil tawn kha chu a râpthlâk tak zet.

Ka ngaihtuah na ah chuan, kha pa tukverh pâwnlam a lo ding pa kha ka hriat hnu ni tlat a hriatna ka nei.

Zane te khân man chhuak hram se ka ti ngawt mai.

Tûnah chuan shower hman ka ngai tih rilrûk leh pah chuan, bathroom lam chu ka pan ta a.

Tui lum nuam zet a ka inphuh tir sang sang hnu chuan, towel a intuam chungin, bathroom chu ka chhuahsan a.

Ka thuamhnaw chu ka enkual a, hâk tur pawh ka nei teh vak lo.

Thuamhnaw lei chu ka ngai takzet, tihpah chuan, kawr chhîng gold colour bân bul chu ka ha a, a hnuailam ah kekawr tlawn tight lampang rawng uk chu ha lehin,,inhnuai lamah chuan ka chhuk thla ta a, inhnuai ka zu thlen chuan, Jane hi living roomah chuan lo ṭhu in a phone chu a lo khawih malh malh a.

A bula va kal ve pah chuan,"Oh hi Jane!"

A ni pawh chu rawn dâk chhuak ve nghalin, "Hello girl!"tiin min lo nuih sak a.

"Hetah Eng nge i rawn tih a, Zane hmu turin i rawn kal em ni?"

"Uhm, nangmah hmutur in ka rawn kal mah zawk, vawiin hian kan kalchhuah dun tur thu Zane in min hrilh a, a hrilh theinghilh che a nih ka ring."

"Ni zân thil thlen dan kha a hahthlâk lam deuh em a vângin min lo hrilh theinghilh pawh a ni mai thei a ni." Tiin ka nuihlét sak a. "Mahse hei i awm tawh a, ka hlim leh tawh e."ka tih zawm leh nghâl zat a.

"Ka hre ve tawh a lawm, kei pawhin mak ka ti khawp mai, khatiang a an vén tawh hnu ah leh security system hial pawh a han paltlang duh kha."

"Eng a pawh chu lo ni se, chuti ang thu chu sawi tawh lo in, i kal chhuak.dûn tawh zâwk teh ang."

Ka lu chu ka lo bûk khum ve nghat hnu chuan, in a ṭang chuan kan kal chhûak dûn ta a.

Mall awmna kan va thlen chuan, Jane chu a ding deuh dat a, "Khawiah nge kan kal dawn?" Tiin keilah pek chuan ka zâwt leh hmanhmawh tawh.

A mit chu min lo menkual khum ralh pahin, "A hmasa ber ah chuan, i thuamhnaw thar tur kan lei phawt ang." Chumi zawh ah chuan, khawi emaw ah kalin, kan ṭhu dûn ang a, tichuan kan inkâwm leh zet ang, chutah hun kan la nei a nih chuan, i apartment ah kalin i mamawh te kan la leh bawk ang a."

A thusawi chu ka pawmpui a ni tih hriatnan chuan ka bu leh zeuh a.

"Chuan i thuamhnaw hâk tur a tân chuan, formal dress, casual dress leh i hnalam a i hâk tur thuamhnaw dum lampang chu kan en ṭan mai dawn em ni ang?" Chuan under waer sexy tak Zane han show khum vel tur te pawh i mamawh tel ka ring bawk a," tiin a mit chu min rawn siai khum zeuh bawk a.

A thu rawn sawi tâwp lam a vang chuan ka phu zawk." Eng maw??" Phâwk hra hian ka ti chûl a. Chu thu chu a sawi pawh ka ring lém lo.

"Hey girl min tihder chu tum lo mai teh! " mi thurûk te hriat chhuahsak hi ka hna a ni tih kha i theinghilh ta em ni ?" Tiin min lo nuih var var a.

Thâwk halh pah chuan, " Engtin nge i hriat theih zâwk a?" ka ti ve ta zâwk a.

"Oh in pahnih in en danah hian ka hre mai maw le, chuan a in ah a chéntir leh zel bawk che a."

"Uhh Jane engvângin nge chutiang chuan i rin theih ngawt? A chhan chu hmeichhe nuaih tam fe chu a in ah khân an chuangkai tawh ang chu."

"Mahse maw, ka han hrilh ang che, pakhat te mah a inah khân an chéng ve ngai hlei nem." Zân eih pawh an riak ngai lo."

"Zane hi kha tiang mizia nei chi kha a ni hrim hrim a, tumah a chénpui ngai lo a, an hna an tih zawh chuan a kal tir nghâl zel ṭhin, eng ang a tlâiah pawh ni rawh se." Ti chuan i hre thiam tawh mai em ?"tiin min siai khum leh sak a.

"Uhm!" Tih chiah bâk ka kâ a ṭang chuan rîkchhuah tir tur ka hre lo.

"Oh girl, eng pawh chu nise , lokal rawh mall chhûngah chuan lût phawt ila, ti chuan kan sawi zawm leh dawn nia," tiin luh chu a rual ta nghâl a, chumi pah chuan a thusawi chu a rawn chhunzawm leh a, kei ve thung chuan ngawireng hian ka ngâithla a.

"Ka lo sawi tawh ang khân relationship neih hi a duh loh a vângin, tumah amah ah hian luhtir a phal ngai lo a, inzawmna neih hi a duh lo a nih deuh ber chu, mahse nang ve thung hi chu, chutiang a ti tur chuan a phal tlat si che." Chuan hmeichhia tumah hi nangmah ang a zuiin, a ngaihven pawh ka la hre lo."

Ka lam hawi a min rawn melh leh zauh pahin, "Chuan hei pawh hi chiang takin ka sawi thei, kan pâwl i rawn join hma daih tawh a ṭang khân vawihnih lai nangmah ngaihven che a vângin i bulah pawh a rawn kal tawh tih hi." Tihpah chuan thuamhnaw dawrah chuan min pawt lût ta nghâl a.

Ka thuamhnaw hâk tur min rawn teh mawlh mawlh lai chuan, "A nih leh a in a ka chéng ve ringawt hi âtthlâk i ti viau tih na em ni?" A chhan chu nuam lo ka ti a, a mah hi ka hriat ngai mi em em leh ka hmélhriat ṭha tak pawh a ni lo bawk nen,mahse hetia a bula ka awm hi thil dik ka ti ni ang a hriatna ka nei bawk si, ka apartment a ka awm khân khawhar ngawih ngawihna ka nei ṭhin a.... tiin ṭidai chung hian ka zâwt lét ve a.

Min nuih zui leh sak pah chuan, "I hlâuthâwng tih ka hrethiam mai, amah erawh chu i rilru a thu awm ang khân kal la a dik ber ang."

"Chuan thil pakhat, khawi hmun pawh hi, hmun ralmuang erawh a awm lo tih hi hria la ka duh a, i nunna a tâna hlauhawm thil i tawng a nih chuan, khawihmun ah pawh hian himna hmun i hmu kher lo ang ."

Ka hmél ngui zet chu rawn en lehin, "Enteh thil engmah tih sual i nei hauh lo, a chhan chu puitling in ni ve ve tawh a, nangpawh in eng nge tih a tih loh tur tih pawh i hriat ka ring."

"Chuan a ni lah chuan, kha hmuna i awm kha pawi a ti hauh lo bawk nen." tih pah chuan a mit chu min rawn siai khum leh zauh a.

A rawn thaw ve halh a,chu tah! "Lungngai duh suh, nuam ti tak in awm tum mai rawh!" tiin thuamhnaw lam bawk chu a buaipui leh ta a.

Zak deuh tak chung a lo thâwk ve halh pah chuan," Jane ka lawm e." Tiin ka lo chhâng ve sap a.

Ka thuamhnaw tur a thlan mawlh mawlh pah chuan,"Hmangaihna hi chu thil mak tak chu a lo ni e, a chhan chu thil ṭul lo pui pui te pawh min tih tir ṭhin si a ti raw?"

"Hmangaihna maw??"chuti ang sawi tur chuan a la hma mah mah lo maw?" Tih pah chuan, ka melh kâwk a.

"Tehreng mai lokal rawh le." Tih pahin ka chhânna pawh beisei lém chuang lo hian trail room lamah chuan, a thuamhnaw thlansa te nen min nawr lût ta a.

Ka va chhuah leh hnu chuan, Jane chuan min lo nuih var var pahin, "I ha tâwk vek ang ti raw?"

"Aw ka tâwk vek e."

"A ṭha e, a nih chuan, a man pe in kan kal thei tihna a nih chu!"

Kan thuamhnaw te nen chuan bill counter lam chu panin, kan pack fel tir ta nghâl a.

Thuamhnaw dawr a ṭang a kan chhuah hnu chuan, Jane chu chauh hmél zet hian a rawn ṭawng chhuak a, "Oh Jesus , girl hmeichhe thuamhnaw leitur a shopping hi ka mission zîngah chuan a har ber pâwl a ni ang." a rawn ti zawi raih a .

Lo nuihsak pah chuan, "Sorry !" Ka ti ve zauh thung"!

"Lokal rawh le, chawlh hahdam na hmuntur zawngin i han inkâwm mai mai tawh teh ang." tiin kan piah lawk a, Cafe hmunah chuan min nawr lût leh ta a.

Table ruak lo awm ho zînga pakhat ah chuan ṭhuthmun kan rem nghâl a.

Kan thil lei vel chu a bula hûnṭhat pah chuan, "Eng nge i duh ang?" tiin Jane chu a ding chhuak a.

"Donut leh ice tea with whipped cream ka lo duh ang chu."

"Ka lo kîr leh vat ang." tiin kan thilduh lam tur chuan a kalsawn ta a.

Jane chu reilo te hnu ah chuan rawn kîr leh in," kha le !'a rawn ti a, a ni chuan a tâ turin, capucino leh cup cake hi a rawn la a, kei ve thung chuan ka thawhna vâng nge pawh ka hre lo, cake tih hrim hrim hi ka hne hlur thung!!

A thil min rawn pék chu lo ban pahin, " ka lawm e," tiin ka chhâng ve sap a.

A ṭhutna ngai a a rawn ṭhut veleh hnu chuan, "Aw le, eng lampang nge hriat i duh deuh?"

"Eng kim ka hre duh!"

"Uhh girl, boss ber ang zet a lan dân i thiam hle mai maw?" Zane pawh hian hei vâng hian a nih hi a duh chhan che ni." Tiin a nui pah hak hak a.

"Chuvâng chu a nilo ti ka chiang a ni." Tiin hnuailam melh raih pah chuan ka chhâng ve sep a.

"Chu min tihder i tih na maw?"

"Ka hria a harsa tih chu, thil eng emaw tak chu a feel ve ṭhin ang, mahse min hnar zel bawk si !" Ka ti chuairaih a.

"Ka rindan chuan vénhim a tum zawkah che ka ngai sin." Chuvâng chuan ngaihṭhat lohna tur eng mah a awm lo."

"Chuan maw Chloe ,kan hringnun hmandan hi a awlsam lo teh a sin, a chhan chu kan tân a mi special tak kan dah chuan, kha kan dah a nun kha derthâwng zetin kan siam sak ve tih na a ni a, chuvâng mai mai chu a nih ka ring, thil hi hriatthiam tum hram rawh, chutiang mi chu i tawngah inngai hmak bawk la," a ti leh khauh a.

"Uhh ka hre...thiam...e ..mahse.."

"Hun te pawh pe ve la maw le, hetiang thil zawng zawng chingfel tur hian,tûnah rih hi chuan ngaihtuah tur a pui leh buaipui tur a ngah em vâng a nih hi ! " tiin a thusawi chu a tlip leh a.

"Ka hria e..." tiin ka mengkhup lap a.

"Kha tiang tur kha a ni reng a ni, tûnah chuan kei pawh ka kîr leh a hun tawhin ka hria." tiin a thochhuak a, kan thil lei khâi chung chuan dawhkanah chuan kan thil eina bill chu hnutchhiahin, kan chhuak dûn leh ta a.

Ka lam lo hawi pah chuan, hetiang hun hi kan neih leh ngei ka beisei." ti a min rawn nuih sak pah chuan, Car kan park na lam chu panin car chhûngah chuan kan thil lei ho chu kan dah lût a, ka lam chu rawn hawi leh pah chuan, "Chloe ka hmeichhe ngainat zâwng tak i ni...."

Kan hnunglam chu a melh ta reng a. A ngaihna hrelo zet chung hian, "Engvângin nge i tâwp deuh chawih a?"

Pângai zet a rawn awm leh pah chuan,"Honey thil pakhat ka hrilh che ang a, chuan pângai tak a min biak ang khân min be chhunzawm zel ang che aw, chuan nui pah leh bawk la."

Mak tizet a melh pah chuan, "Eng nge i thusawi awmzia chu?" Min ti hlâu dâwn a lawm," ka ti ve dai a.

"Khawngaihin Chloe min ring la, pângai tak a awm tum hram teh!"

Harsa ti zet chung chuan ka nuilui hram hram a, "Aw tikhân a ṭha e, ka rindan in darkar tam fe chhûng zet kha, mipa pakhatin min zui ru tlat tawh a hriatna ka nei a, a hmél erawh kan hmuh theihloh tur leh kan hriat theihloh tur zelin, thildang a phén zél mai leh nghâl."

"Oh shit , chuan tûnah engtin nge nidawn?" Tiin ka zâwt ve a. Diktak a sawi chuan ka thin chu a phu dup dup tawh mai.

"Kha tia i awm kha i ti ṭha takzet, a inrin loh hlân sâwn ka va ûm ang a, saw pa zâwnga saw ka va man ang maw le." Nang chuan tah hian min lo nghâk la, engmah lo ti lo ang che." Ka sawi chu i hrethiam em Chloe?"

"Ka hrethiam e." Tiin ka bu ve nghat a.

Jane chu rang zetin a che ta vat nghâl a.

Chutia Jane chu pa ûmzui a a tlân lai chiah chuan, chu pa pawh chuan lo hmu ve nghâlin, a in her vat a, tlân chu a rual ve nghâl a, Jane chuan a va ûm pha ṭhelh tawh hian ka hria, hmeichhia ka hmuh tawh ah chuan, a tlân chak ber mai thei a ni.

Mahse ka rilru chuan Jane chu ka ngaihtuah lutuk, a chhan chu ,chu pa chu a mah chiahin a ûmzui bawk nen, a chungah eng emaw tak a thleng palh ang tih ngawt mai chu ka hlauhpui a,

Zane hi ka call mai dâwn em ni ang, oh nilo nilo, Zane hrep hian ka phone min la pe kîr hauh hlei nem, hreptak chuan.

Thinrim zet hian ka insawh ka insawh mai a. Jane chungah thil engpawh lo thleng ta ni se Zane hi mawhphur tu tur chu a ni. Tih te ka ngaihtuah a , Jane ngaihtuahna nen thin phu dep dep chung hian ka dinna hmunah chuan ka ding ngar mai a.

A tâwp a tâwpah chuan him pialin, Jane pawhin ka bul a rawn thleng leh ta e.

Hah tih hriat zet hian a rawn thaw hiam hiam a, a thil va tawn chu hre châk hle mah ila ka lo nghâk hram hram thung, mihring hi hah tak tak lai chuan kan thin a chhiat duh ṭhin em a vângin, zawhna lo zawh rih chu thil tih chi ah ka ruat lém lo.

Thinrim zet a Jane chu rawn ṭawngchhuah pah chuan," Kha sazu a kha a tlânbo hman daih." tiin a kut chu a rawn hûm ruh ṭha leh a, ka hrethiam khawp mai, a chanah ka indah ve a, a thinrim thlâk duh khawp ang.

"A nih eng ang hmél nge a put i hre thei ta em?"

A chal chu dawm ngâih pahin, " Aih ,"kal tawh ang, he thil chung chang hi Zane ka sawipui a ngâiin ka hria." Tiin car kawngkhαr chu hawngin, driver seat ah chuan a ṭhu lût a, keipawh chu che ve vatin a bulah chuan ka ṭhu ve nghal bawk a, motor chu startin in lam pan chuan kan in khalh haw ta a.

In kan then hnu chuan, kan thil lei vel chu min khâi luhpui zet phawt a, chutah a in her a kal mai hi a tum a, chutih lai tak chuan thlaphâng zet hian," Dinhmun hlauhawm ah kan ding em?" Ka ti sap a.

Rawn hâwi lét leh pah chuan, "ka chiang chiah rih lo, mahse Red scorpion ruahmanna siam pakhat bawk a nih ka ring deuh,chu pawh a nilo mai thei bawk a." Tih chauh chuan min chhâng a.

Clarisse chu rawn lang ve nghâlin, "Hello ladies in rawn kîr leh ta a lawm, a va lawm awm ve ."tih pah chuan Jane thilkhâi a dah ho chu a la mawlh mawlh a.

Jane chu hlimhmél pu sâng a ṭawng chhuakin, Clarisse Zane hi khawiah nge a awm?" A ti a.

"Dear ka hre chiah lo a chu, mahse tûkin zîng hma takah khân kalchhuakin, nizân lam a security tapes ho kha enfel a tumin ka hria."

"A nih chuan Ware house lamah ka va enchhin ang e. "

"Chloe lo thlaphâng duh reng reng suh engkim a ṭha leh vek mai ang. "

"Min ngaihtuah duh reng reng suh." Ka ti ve sep a.

" Kan in hmu leh vat dawn nia ."tiin Jane chu a chhûak ve ta nghâl a.

Kei leh Clarisse ve thung chu inchungah chhoin, ka roomah ka thuamhnaw lei ho chu kan thiar chho thung a.

Chutah Clarisse chuan " Mamawhna dang min neih chuan min rawn ko leh mai dawn nia." tiin min chhuahsan leh ta a.

.

Vawiin a kan thil tawn kha ka ngaihtuah lét a, ka ngaih chu a ṭha thei mawlh lo.

Eng thil chiah nge thleng tih lah chu ka hre ve thiam der bawk si lo.

Zane chu a ṭhat beisei phawt mai i la. Mahse ka ngaihtuah tak zet.

He tiang a lo nghah reng zawng ka thei ngang lo, pâwnlamah chhuakin boruak thiang tak dawng ila ti chuan ka ngaituahna te pawh a fîm leh thei zâwk mial ang. Ti a ngaihtuah pah chuan ka kalchhuak ve ta a.

Khaw én lai te chuan ka tân hlauhawm a awm kher dawn chuang em ni?

Ka rin ang ngei ngei chuan pâwn ka va chhuak chu ka harh nghâl kâwk hian ka hria, ka kal a, ka kal zel a, Zane nen kan intawn tirh ni te ka ngaihtuah chhûak a.

Kan pahnih chung châng te leh kan han inhnial ṭhin rap rap châng te, chuan kan pahnih a hun duhawm zet kan hman ni te thlengin ka ngaihtuah zél a, chutah a nu leh pa te leh ka nu leh pa te ka ngaihtuah thleng zél a, ti chuan keimah ah hian, eng ang chiah a ka mi hriat chian nge a nih? Tih chu hriatchhuah ka tum a ni.

Ka kalna pawh ngaihven lem lo chuan ka lo kal char char mau hi a lo ni a, a chhan pawh ka ngaihtuahna chuan khaw dang hawi thei pawhin min siam lo a ni.

Ka han hawichhuak chu khua pawh a lo tlâilam ruih tawh mai a, a thim ṭan dâwn tlat, Zane a lo haw ang a, min hmuh loh chuan min zawng palh ang tih ngaihtuah na nen inlam pan tur chuan ka inher leh ta a.

Chutia ka inher lâi tak chuan, ka hnunglam a ṭang hian, aw ka hriat ṭhan tawh zet maiin min rawn kohna a vâng chuan ka khawng nghâl zawt a, ka taksa chu che tur reng reng a awm tawh lo.

"Hey Chloe kan inhmuh loh na pawh a rei ta hle mai maw?" Rawn ti tu chu tu nge a nih tih chu hrilh hran pa ngâi hauh lo in ka hre chiang lutuk tlat, chu aw a vang chuan ka taksa te chu a vawt sung sung nghâl a, ka lung phu te chu a in thûm rawn tluk tluk mai bawk a, ka taksa chu chét tir ka tum a, ka hlawhchham chiang khawp mai.

Hlauhna leh thlabâr na hian min rawn tuam nghâl mup mup mai bawk a.

Chu pa chuan a lam hawi zâwng chuan min pawt her a, hlâu zet chung hian "

Da....vid !" Ka ti thei ṭâwk a.

to be cont

CHLOE....

"Babe min lo ngâi tawh viau em?" Tiin ngei awm zet hian min lo nuih khum sâwng a.

"He tah eng nge ...i rawn tih, eng...tin nge min rawn zawn chhuah ...theih zâwk a?" Tiin hlâuthâwng zet hian ka lo zâwt a.

"Kawiah nge i awm tih te chu ka hre sa vek."

"Chuan i bulah ka awm reng ṭhin bawk." Tiin za zet hian min lo nuihsawh Khum a.

"Ka lak a ṭang hian kalbo rawh!" tiin ring zet hian ka lo ṭe khum a, mahse ka biang lehlam chu a rawn ri ṭhuai nghâl .

"Tunge i biak tih hi theinghilh ngai suh ang che." Ti a min lo vintuarh pah hian , rum zetin min rawn melh chhuk rûn bawk a.

Ka biang a min rawn benna lai chu a thîp nuaih nuaih mai a, ka kut chuan ka lo dawm vang vang phawt a, ni e, a sawi dik chiah, tunge a nih tih ka lo theinghilh hmin der tawh a lawm, ka lakah eng ti ang chiah a nunrawng nge a nih ṭhin tih thleng pawhin.

"Eng nge ka lakah hian i duh David?"

"Uhh kha chu a ṭha lam a nih ka beisei, khatiang zawhna kha min lo zawh daih tawh âwm a nia ṭe chiam chiam lo khân ." Tiin a khabe chu a lo dawm rauh rauh a.

Chu tih kar chuan.....

ZANE ....

Ivar chu ka bulah chuan rawn kalin, "Tapes ah chuan hmuh i nei em?" A rawn ti ve sup a.

"Dâwn lawmni, nizân khân lo lût chu an awm chiang e, guards ho leh security thlengin a rawn paltlang a, ti chuan ka compound chhûngah a rawnlût bawk a."

"Chuan chu zâwnga hrep chuan a hmâi a tuam tlat a vângin, tunge a nih erawh ka hre chhuak thei lo." Tiin Ivar chu thinrim zet hian ka lo chhâng a.

"A nih Red scorpion mi leh sa a nih i ring em?"

"A ni mai thei!"mahse Chloe chung chang thil vel hian min tibuai takzet bawk."

"A nih leh chu pa chu Chloe chuan a hriat i ring tihna a mi?"

"Ka chiang chiah bîk lo, kei pawhin."

"A nih tûnah engtin nge tih i tum deuh, ruahmana te i nei em?"

"He thil ti tur hian kan intuam ṭhat leh zual a ngâiin ka hria, a chhan chu he ti ang thil hi tûnhma a kan la tawn ngailoh thil a nih a vangin."

"Andy leh mike leh Carter chu he tapes chung châng a thil hriat belh turin ka tir a, eng emaw tak an rawn hriat belh ngei pawh ka ring bawk."

"He pa sazu ang mai a thâwm neilo a rawn ngampa em em tunge a nih chiah tih hi kan hriat chhuah ngei ngei a ngai, " thinrim zet hian Ivar bulah chuan ka lo ti leh hrawih a.

Jane chu kan bulah rawn kalin, inthlahrun hmél zet hian, "Boss!" A rawn ti sap a.

Lo menkual khum rulh chung chuan, "Eng nge ni hrep Jane?" Khawiah nge Chloe a awm tûnah?"

"In lamah ka dah tawh a, chuan thil rawn hrilh tur che ka neih a vângin, he tilamah hian ka lo kal leh a ni e." A lo ti leh sap a.

Rum zet a lo melh rûn pah chuan, " A nih sawi ta che... ka lo tih khum leh hrawih a.

"Vawiin Chloe nen kan chhuah dun lai khan, mi pakhatin min zui ru reng a ni tih ka hrechhuak a, a hnungah chuan ûmzui nghalin man ka tum a, mahse a tlânchhe hman ta a ni....."

"Tunge a nih a, eng ang hmél pu nge a nih tih chu ka hmu thei lo a chu, mipa sâng ṭha zet leh sam light brown lam a ni tih chu ka hria...."

"Kha tihlai khân engvâng a min rawn hrilh lo nge i nih?" Tihpah chuan ka lo vîn khum tuarh a.

"Sorry boss ka lo ngaihdan chuan, ..ka..ka man theih mai ka inring deuh a...."

"F*ck Jane, chupa chu ka in a nizân a rawn lût ru kha a ni maithei a sin, chuan nang chuan i lo chhuah mai bawk a." Ka lo ti leh hrawih a, ka thinrim lutuk chuan khua pawh ka hmu tawh lo tak zet.

Ivar chuan thâwk lo lâk hawk pah chuan, "In bengdai hram teh Zane , Jane dikloh na pawh a nih loh chu." Tiin Jane chu ka khawih duh hial te pawh a lo hlâu a ni teh chék a ni ang chu.

"A nih Chloe le?" A ni chu a ṭha tak zet maw?"

"Aw ṭha e, a chungah engmah ka thlen tir lo."

"I ti ṭha e,khawngaihin i kal thei!" Jane pawh chu rang zet hian a kal sawn ta nghâl a.

"Tûnah chuan mipa sâng ṭha zet leh sam rawng light brown nei kan zawng tawh ang." Ivar bulah chuan ka lo ti leh sup a.

"Thil mak tak zawng a ni dawn khawp e." Engvâng chuan nge Red scorpion ho chuan an ni chu zui tur a an mi leh sa an rawn tirh ngawt ang tih lai tak hi ka hre thiam lo ." A lo ti ve khauh a.

"Ivar kei pawhin ka hrethiam bîk hauh lo, ka rindan chuan an mahni mi leh sa te zîng a mi pakhatin Chloe hi in hria a ni mai thei."

"Chuan engtin nge khatiang khawp a rang khân a chénna hmun pawh an rawn zawnchhuah nghâl theih tih pawh hi ngaihtuah fe chu a ngâi in ka hria." a lo ti ve bawk a.

Thil kal dan chu a fuhlo chho tial tial hian a lang ta tlat mai.

Ivar chu rawn ṭawngchhuak lehin, " Ka lo ngaihdan mai maiah chuan, Chloe hi an mi duh ber chu a nilo tlat a hriatna ka nei ta, chuan a mah hre tu deuh pakhat a tûn hma nunah a awm ang a,chumi hnena ṭang chuan information eng kim an hre ṭhin a nih ka ring."

"Thu dik chu Chloe chung châng hriat kan nei tlém lutuk ber hi ni in ka hria."

"A ni mai thei bawk." Mahse thil pakhat, Andy khân kha mi zân a , Chloe apartment a min rawn beitu kha chu Red scorpion pâwl a mi tih a sawi chiang fak thei bawk si?"

"Zanin ah Chloe chu ka lo sawi pui chhin ang e, a chhan chu a mah a ṭang a thil hriatchhuah theih kan neih hloh tâkin."

CHLOE....

"Eng nge ka lakah hian i duh?" Ti a ka lo zawh chuan, ngeiawm zet a a hmûi chu min lo ti pawrh khum nâwng a, chutah rawn ṭawngchhuak lehin, "Ka tân thil pakhat min tihsak tur che in ka duh che a."

"Kha mini min chhuahsan hnu a ṭang khân, Red scorpion ho pâwlah hian telve turin ka bei nasa em em a."

Red scorpion maw? Oh nilo ,nilo, nilo.

"Amah erawh chu min lo pawm duh hauh lo mai a, chuvâng chuan an tân mi ṭangkai tak ka ni tih hi lantir ka tum ta a."

"Nikhat chu bar a i thawhna ah khân ka rawn kal ve a."

"E...engtin nge kha hmunah khân ka thawk tih i hriat theih?" Tiin thlabâr zet hian ka lo zâwt a.

Zâ zet a lo nuih hawk hawk hnu ah chuan, "Chloe i chung châng engkim hriat loh ka nei hlei nem, engtik lai pawhin ka hmu ṭhin che a, eng nge i tih a, khawi hmunah nge i chén tih thlengin ka hre vek.."

"Ti chuan nikhat chu kha bar a ka kal leh lai khân , in boss thusawi pakhat ka hre fuh ta a, " Hmeichhe pakhat chu a lo beisei phák hauh loh khawp a tam, pawisa a tlangval pakhat hnena a hralh tâk thu chu." Chu ta ṭang chuan nang pawh chu barah chuan i rawn lang leh ngai ta lo bawk a.

"Ti chuan ka chhui ṭan ta che a, i apartment ah ka rawn kal a, i awm ngai tawh lo a ni tih pawh ka hrechhuak leh ta zel a."

"Nikhat chu cake dawr a i thawhna ṭhin ah chuan ka rawn kal leh a, tah chuan hmu ta che in, ka zui ru zel che a, chutah chuan a lawm ka thil duhna hmunah tak chuan min hruai luh tâk chu nang hian."

"Ti chuan nang hi khawvel a ramsa hlauhawm zet mai hmei ah i lo ṭang reng a ni tih te chu ka hriat belh ta zél a."

"Chutah Red scorpion ho hnen a ṭang chuan he thu hi ka hre leh ta a, nang hi thah che a, Zane chu tih thinrim an tum tih hi!"

"Mahse kei chuan chu ai a offer ṭha zawk chu ka pe ta a, Santini hi tih chhiat an tumna a rei tawh a vângin, kei pawhin chutah chuan ka pui dawn a ni."

"Chu thilah chuan nang pawh hian min pui bawk ang, i nunna ka chhan sak che a vângin." A chhan pawh kha zâwngchhia Zane an tih khân engkim a hrilh dawn tlat che a vângin, ka tân spy hna i thawk dawn ta tihna a nih chu, engkim an information ang chi zawng zawng chu ka hnenah i rawn thlen ṭhin tawh ang."

"Chu'ng ti ang hna zawng zawng an tih zawh vek hnu ah chuan,kei pawh Red scorpion ho gang ah chuan ka tel ve thei tawh dawn tihna a nih chu!"

"Ka fing i ti viau lo maw?" Chutah i nunna ka la hum sak zui bawk che a." Tiin zâ zet hian a nui leh hawk hawk a, ka lo ten kher mai.

"I â zo tawh a nih hi! Rilru lam pang doctor i râwn a ṭul hial lo maw?" Chuan kei hian ka pui ngâilo ang che."

"Thil ti tur a ka hrilh che chu i ti ngei tur a ni tih hi hre rawh, ka tâ i la nih hi i hria em?" Tiin thinrim zet leh mi kut thlâk pawh hreh loh hmél zet hian, min rawn en chhuk leh khur tawh a.

I tâ ka ni tawh hauh lo tih hi hria la ka duh?" Ka lo tih khum ve hlar bawk a.

"He thil hi min tih sak lo a nih chuan, ka tâ ni turin ka siam leh khawp ang che."

"Chuan he thil hi ti lo a, midang bulah i sawi a nih bawk chuan, nang a nunna lo lâk mai mai chu ka hreh hauh lo bawk."

"I hmu em hei kha bar a i thawh lai a, i video pawimawh ho zawng zawng kha ka nei ania, chuan kha bar a rawn dawr tu ho che mi pawimawh tak tak ho khân internet ah he videos hi an hmuh chuan.... chûng mi ho chu, business men te leh judge ho te an nih a vângin, chumi te chuan i nun chu an tihchhiat sak che ang a, tichuan khawi hmunah pawh i kal na ah mi te nuihzat leh deu sawh i hlawh tawh mai dawn a ni."

"Chu chauh pawh nilo, Kei hi tunge Zane tih hrechiang ber tu ka ni in, Santini chhûngkua ho hming dik tak hrechiang tu ber ka ni a, chu thu ka sawichhuah rik ngawt pawh chuan, an ni ho chuan an véng thei tawh chuang lo ang che." A chhan chu khawvel hian an ni pâwl ho hi man chhuah an tum a ni si a."

"David he tiang hi ka chung a ti ngam tur pawh i nilo a sin." Tiin rilru na zet hian ka tih khum sap a.

"Kha ai a chhe zet pawh ka ti ṭhin a ni tih kha i hre tawh lo zâwk em ni mi hur nu?" Tiin a lo nui leh uarh uarh a.

"Kha zân a Zane in a lo kal pawh kha nangmah hi i ni ti raw?"

"Ka nih loh reng i ring em ni ?" Za zet a lo nuih leh hukhuk pah chuan a ti a.

"Chuan kar khatah vawi khat tal chu thuthar dawn ṭhin ka lo in beisei ang.'

"Sawi nawn kher ngailo in hna chu thawh tum ringawt bawk rawh." Ti a min rawn vîn khum leh hrâwk pah chuan min kalsan ta nghâl a.

Ka mittui chu ka biangah a rawn luang nghâl ngiai ngiai a, ka khaw hmuh te chu a phe vek bawk a, ṭah ka duh lo mahse ka vânduaina hian min kiansan theih ngailoh a vângin, chu chuan ka chhûngrilah natna min pe zâwk ṭhin a ni.

Eng tin chuan nge ka tih tâk ang?" Ti a ngaihtuah chung chuan ka insût hlap hlap a.

Muangchâng a kal chhat chhat pah chuan, Zane inlam chu ka pan leh ta a.

Inchhûng ka luh dawn chuan ka mittui tla te chu hru hul sawk sawkin, ka room lam chu ka pan chho ta a.

Ka roomah ka inkhâr khum hnu chuan, ka mittui chu a rawn far leh zung zung a.

Ka hringnun hi a va han hnawk teh nuaih ve le. Eng tak chu nge ka tih tâk ang?

Kha zâwngsen a kha ka nun mi tihchhiat sak tur bâk hian, ka bul hnâiah a rawn kal ngâi lo.

Ka awih theilo zâwk hial mai, a ni kha ka ṭhianṭha ah ngaiin kum hnih lai mai ka lo chén pui thei chu a nia.

Zane leh a chhûng te ho hi he ti mai chuan ka bum thei lo ang.

Tûnah chuan ka chhûngte an ni ve tawh bawk nen, chutah ka lakah engmah thil ṭhalo an thlentir ngai si lo, chu mai nilo in, ka tân a ṭha tur thil hlir min tihsak zâwk ṭhin a ni si a.

Zane hian he thil hi a hriat chhuah chuan...min that duh hial ta ve ang!

A ti duh ngei ang, ka taksa chu hlauhthâwnna a vâng chuan a vawt sung sung a, a khûr hlawk hlawk bawk a, tûn a ka awm danah hian ka

beidawng tak zet!

Ni e, Zane chuan min that duh ngei ang, a chhan ...chu mi hlauhawm zet mai a ni a, a tân kei chu engtihna mah ka nilo zui leh nghâl, min khawngaih mai a vâng a he tilai hmun a mi awm tir mai mai a la ni zui bawk nen. Engtin chiah chuan nge ka awm tâk ang.

He thil a ṭang a ka chhuah hma ngei hian Zane chuan a hrechhûak ngei bawk ang a, chutah David in a kawl ka video chu tlângzarh tir ka ngam mang bawk silo. Ka thaw a i pik tak zet zet a ni. Thâwk chu ka la hak a, chu ti chung pawh chuan, ka thaw chu a veng tak tak thei chuang lo.

Tûnah chuan ka hringnun chu a tâwp ta ni ber in ka hria, mi zawng zawmg chuan min thah tumin min veh chu a ni ta mai si.

Tûnah chuan hmalam hun han chhuan leh vak tur pawh ka nei tawh lo a, hlimna em em tur pawh ka tân hian a awm tawh lém lo bawk.

Tu pawh maiin Zane santini hi tunge a nih tih an hriatchhuah chuan, an tân pawh a hlauhawm tawh ngawt ang tih hi hrilhhriat kher ngailo in ka hre ve reng bawk.

Zane hi ka thlah thei lo ang, Zane hi ka nun a kalsan turin a chhan pawh ka ni duh lo takzet bawk, tiin rilru buai zet chung chuan ka ngaihtuah kual a.

Chutihlai tak chuan ka room kawngkhâr chu an rawn kik dat dat a.

"Yes lo lut rawh tiin lehlam hawi zawk pah chuan, khuma towel ka dah chu la in, bathroom lam chu ka pan nghâl a, tui chu herh hawin ka hmâi chu ka va ti huh a, Clarisse a nih ring zet chung a ka chhuah leh hnu chuan, "Clarisse ka...."

Ka hmai ka hrûkna chu khum a dah thlâk leh pah chuan, mak ti zet hian Zane chu ka lo melh reng a.

"Chloe i ṭha maw ?" Rawn tiin chîk zet hian ka hmél chu a rawn melh chhuk a. Ka lo zâm che kher mai. Clarisse a nih ka lo rin nâk a laiin.

"Aw engvângin nge chu chu min zawh a?" Tiin hlâuthâwng zet hian ka lo zâwt lét ve sep a.

"A chhan chu Jane in vawiin a in thil tawn chung châng kha min hrilh vâng in."

"Vawiin a thilthleng maw?"

"Aw, mipa pakhatin a zuiru che u tih chung chang kha maw le."

Chu thil thleng pawh chu ka lo hre tawh lo reng reng, Zane an a han sawichhuah leh tâk ah chuan ka hrechhuak leh ta chauh a.

" I ṭha takzet maw, i landanah khân i chian loh hmél riau mai?"

"Aw ka ṭha e, chutia ka lo lang chu pawi ka ti takzet, kha zân kha a âtthlâk .......

"Chiang a lawm ti raw !" Ti a min lo sawizawm sak pah chuan , nalhzet hian min lo nuih khum suk a.

"Chloe han insiam la, zanin chu dinner ei turin ka hruaichhauk ang che."

"Dinner maw?" Tiin mak tizet hian ka lo zâwt nawn sap a.

"Aw ni e, vawikhat tal chu pângngai tak in hun inhmang dûn teh ang ka lo ti deuh a."

"Oh ruahmanna ṭha tak a ni in ka hria Zane."

"Dar riatah lo inpeih ang che."min rawn nuih khum leh suk pah chuan, "Tûnṭum chu min nghah tir reng tawh lo ang chu!" Tih leh nghut pah chuan a kal chhuak leh ta nghâl a.

Tûnṭum zet chu kawngka a rawn kik ve thlap nia , eng chu nge maw a hriat le? Zane bulah chuan kal chhuakin dinner chu va ei chhuak ta i la, ka ngaihtuahna buai nuaih nuaih mai te pawh hi a zia deuh mah na.

Inpeih thuai chu a ngai tawh ang, dar kar chanve pawh insiamna hun min pe lo, shower hman phawt ka duh bawk si ti rilru chung chuan, hmanhmawh zet hian shower hmangtur chuan ka lût ta nghâl a, ka chhuah leh hnu chuan, ka sam chu hair dryer hmangin ka chhém ro tir thuak thuak a, chutah vawiin ni lam a ka thuamhnaw lei zîng a mi tihtlâk ve deuh ber tur chu ka thlang chhuak a, a chhan pawh party a hâk tur ang pui pui thuamhnaw kan lei dun hauh lo.

Oh chutiang teh ual a nalh kher pawh a ngaih ka ring lo, dinner satliah chauh a lawm maw ni a, ti a ngaihtuah chung chuan, kawrfual sen duk arh deuh laih mai, ka mal te thleng vel tur coat ang deuh a ṭhui zan lam a hâk a tân pawh a, ngaihtuah awm loh zet tur lum ṭha ve tak hi thlang chhuakin , boot rawng sâng dum ka châwnpuar thleng vel tur heel sang em em lem lo chu ka thlang chhuak a, ka sam chu ka dar vaw siau tur chuan ka thlah hnâp a, powder pawh tlem a zawng ka hmaiah chuan ka hnawih ve nel nual bawk a, ka hmuiah chuan lipstick sen tak zet mai ka kawr hâk rem tur tak chu ka hnawih bawk a, ka inpeih chu a ni ta.

Dar riat rîk nan minute thum chiah a la awm, chumi pah chuan darthlalang ah chuan ka in en leh zuaih a. Ka âwm chu ka dawm deuh vang vang phawt a, ka thin chu a phu nasa tak zet. Pângngâi tak pawhin ka awm thei lo.

Kawngka chu a rawn kik leh karh karh a, sana chu ka lo melh zauh a, dar riat chiah chiah a ri , Zane chuan hun a vawngdik hle mai tih rilruk pah chuan, "Lo lût rawh!" Tiin ka lo chhâng a.

Zane chuan suit pawl thim lampang man to hmél zet mai leh ṭhui nalh zet hian a rawn induang zuih tawh a, chu a suit hâk rawng chuan a khabe ruh chu a ti lang hriam zual sauh hian ka hria, a mit meng paw ruih mai chu a lang tak sauh mai bawk a, amah a sâng ṭha in, a taksa inphut mawi zet mai leh piannalh tak nen chuan a in chawih kher mai, chu suit pawh chu a hâk tur awm reng a ṭhui ni awm tak a ni.

Ka lo inthuamna chu ka ke ler a ṭang a ka chhîp thleng a a rawn melhkual dun dun hnu chuan, " I inpeih tawh em?" Tiin min rawn zâwt leh sup a.

Hamhaih zet a lo melh chhoh pah chuan aw tiin ka lo chhâng ve sep a.

ZANE POV.....

Wow he nu zet hi chu a nalh chiang a lawm , ka mitah hian a ni tluk a nalh leh engkim inhmeh thei zel mai pawh hi ka hre lo. Chu a heh sen vâm ham mai chu duh thawh zet a lo fawh bawrh bawrh mai chu ka châk hial mai.

Eng pawh inbel mah se a mawi pui in a inhmeh em em zel mai chu a nia, tûna a thuamhnaw inbel pawh hi thuamhnaw man tam zet chu a ni hauh lo, mahse a ha tu chuan a zir em a ni.

Ka ṭawng chhuak thei lawk lo a, thâwk lo lâk hawk pah chuan, "I lan dan kha ahm..... "ka lo ngawi deuh vung vung a, han chhunzawm dân tur mai pawh ka hre lo, hmeichhia fakna hi ka kâ a ṭang a a rîkchhuah ngai loh a váng in!

Lo nuih deuh rah rah pah chuan, " Hot a ni em?" a lo ti ve sap a.

Ka zâm ve deuh châng hian ka nghâwng hi ka lo tuai ve nauh nauh ṭhin a, he nu lakah lek phei hi chuan, ka ti ngun ṭhin khawp mai, he nu te reuh hian min tih zâm ṭhin tlat a vâng in.

"Yeah chu tiang deuh chu!" Ka lo ti leh sup a.

Sawitur dang hre tawh lém chuang lo chuan, " Kal tawh ang le." Tiin ka in her nghâl ta nghut a.

A,chhan pawh he tia a bul a sawitur haihchham zet a ka din reng chuan, Kei Zane santini hi ka mualpho thui mai mai dawn a hriatna ka nei a ni.

Ka hnung lamah chuan min rawn zui dat dat a, pâwn a car ka dah chu a kawngkhar lo hawn sakin, rawn ṭhutluh pah chuan lâwmthu sawi in, a lo phun sap a, chumi hnu ah kei chu kaqngkhâr lehlam a ṭang chuan lûtin ka ṭhu lût ve ta nghâl a, Driver hnenah chuan Del posto tiin ka lo hrilh nghâl bawk a.

***********

CHLOE POV....

Zane in a sawina hmun kan va thlen chuan, car chu a ding ta dat a, car a ṭang a kan chhuak restaurant chhûng kan han lût chu, ka zâm tâk zet, chu restaurant chu a changkâng mah mah. Chutiang ah chuan vawikhat mah ka la lût ngai lo.

Ka hawikual deuh ruai a, a chhûng a mi lo ṭhu ho hrim hrim chuan thuamhnaw man to zet zet an ha a, keimah ang lo zetin tlereuh to tak tak mai an inbel fur mai tih pawh ka hmu nghal a, chuta awm ve tur chu ka nilo tih chu keimah ah a rawn lang nghâl mai, chu hmun changkâng lutuk chuan ka awm a tinuam lo kher mai.

"Zane he restaurant hi a to mah mah." Ngam leh ngam lo hian ka lo ti sep a.

"Ngaihtuah duh vak suh, i duh ho kha order tawp mai rawh!" a lo ti liam mai a.

Waiter chu wine bottol keng chung hian a rawn kal a, kan glass chu min rawn chhun khah sak a, ka rindan chuan, he hmuna kal tur hian, Zane hian he dawhkan hi a lo hauh lâwk daih tawh a nih chu ka ring .

Chutia waiter in kan glass a wine a rawn thlit khah chu lo la thuaiin, ka lo inzo nghal vek a, a chhan pawh he hmun ka kal a vâng a ka zâm na zawng zawng te chu, wine chuan a tih reh deuh ka beisei vâng a ni.

ZANE POV....

He nu hi hmeichhe dang ang a nilo tih kha i hre tawh emaw ka ti a, stupid boy, i â takzet a ni, he hmeichhia hian restaurant man to hi a duh reng reng lo. Hreptak chuan eng vâng a lo hre lâwk lo nge ka nih hrep chu le?

"I hria em? lokal rawh heta ṭang hian kalchhuak ang." Tiin ka lo phun sup a.

"Maw ?" Eng vângin?" Tihpah chuan phâwk tak leh mak ti zet hian min lo en hau a.

"Wine kha keng la min rawn zui rawh." tiin thawh chu ka lo rual nghâl a.

Pâwnah chuan kaihchhuah dat dat pahin, ke in thui lo te hi ka kal.pui hnu ah, dawr pângai tak pizza dawrah chuan ka luhpui ta a.

Hmélhlim zet a min lo melh sârh pah chuan, " pizza ! " a lo ti sap a.

Dawhkan awlah chuan ṭhutna rem pah hian, a ngaihna hriatloh hmél zetin, " Engvângin nge helai hmun ah hian min hruai?" Hetiang hi i ei ngai awm si lo."A rawn ti a.

"A ni lo reng....mahse ka lo rindanin nangchuan i ei thung a ni lawm ni?" I tân hrehawm te chu tuar ka huam thung a lawm."

Min lo nuih lét var var a, chu a nui hmél hmu reng tur chuan kar khat chuang pawh chaw nghei mai ka lo in huam hial ta ve ang chu!

"Engvângin nge i nuih a?"

"A nuih zatthlâk i ti ve viau lo maw, italian mi i ni a, pizza dawrah i ṭhu khur bawk a." Tiin za zet hian a lo nui leh ar ar a.

"Oh pizza chu duh lo pawh ka ni hauh bîk lo. Itally ah chuan an pizza siam te hi a ṭha zâwk a sin, amah erawh chu , he lai hmunah hi chuan, an pizza te hi plastic fastfood mai chauh a ni."

"A mawi viau ang chu ti raw?

"A eng a chu maw?"

"Uhh Itally chu maw le!"

"A mawi tak zet...nikhat chu ka la hruai ve ang che."

"Tak zet?" Ka chák zâwng tak!"

"Yeah , tehreng mai, ka la hruai dawn che nia."

CHLOE POV....

oh he pa hian ka tân chu thil chu a ti thei takzet ang maw? Tiin mahni leh mahni chu ka lo in zâwt mawlh mawlh a.

"Chuan eng nge i ei duh ang?" Tiin a mit ko chu min rawn sân khum âwk a.

"Douple cheese pizza !" Ka lo ti ve sap a.

"Ka lo kir leh vat ang ."tiin a tho chhuak ta nghâl a.

Chumi hnu lawk chuan," kha le!" Tiin a thil rawn lâk chu dawhkân ah chuan rawn dahin, a ṭhutna ngaiah chuan a rawn ṭhu leh nghâl a, pizza siam thar la khu vang vang mai chu lo ban nghâlin, tui ti zet hian ka lo ei mawlh mawlh a.

Zane chuan slice khat chauh a ei tih ka hre reng wine chu a in hnem daih zâwk.

Kei erawh chuan wine chu ka in teh vak lo thung , a chhan pawh wine man to zet mai leh takzet a ni tih ka hria, nokhat ka lo tlâk leh pizza nen a no khat ka hmeh bâk ka inbelh tawh lo, chu ringawt ah pawh chuan, ka lo kâi deuh chiai chiai thei !"

Chutah Zane chu rawn ṭawngchhuakin, "Chloe thil pakhat zawh che ka duh ?"a rawn ti ta a.

A ngawi deuh vung vung a , chutah rawn chhunzawm lehin, "Mi pakhat nangmah zuitu che kha, tunge a nih tih hi hriatchhuah kan duh a....."

"Mahse thil eng emaw pakhat inrem lo zet mai a awm ta a."

"Thil eng emaw tak min hrilh duh te i nei mial em?"

Ka pizza ei lai chu ka châwl chiang ngei mai, hlauhthâwnna hian min rawn luahkhat nghâl a, Oh shit, a hre ta , a hrechiang khawp mai tiin ka lo ngaihtuah a.

Tûnah chuan man chhuah ka ni ngei dawn ta, tih ngaihtuahna a vâng chuan ka thinphu te chu a lo su dup dup hian ka hria.

"Eng nge i thusawi awmzia chu?" Ka lo tichhuak thei hrâm a, ka aw te chu a richhuak chang chang choh a ni e.

"Kan intawn hma a i tûnhma hun hman vâng te a ni thei ang em?" Tih hi ka ngaihtuah ta a....a nih loh leh mi tu emaw in keimah min phiar rûk a duh vâng te pawh a ni thei tho bawk a."

"He thil lo thlen chhan hi kan hriatthiam a ngaiin ka hria."

"Chuan tunge nangmah zui tu che hi ni ang, tih hi rindan te i nei em?"

"Zane ka hre lo tak zet. " tunge hetiang a min zui rûk duh tu hi ni ang, tih rin ngaihna pakhat mah ka nei lo."

"Tu emaw i ṭhian i chung a lungawi lohna nei emaw, ex-boyfriend ang chi te le?"

Ka lo phuzawk mai, David chung châng a sawina a ni thei mai ang em? A hma khân i chanchin hriat loh ka neilo a lo ti tawh bawk nen!

Lalpa min ṭanpui lul teh! Tiin ka rilru chuan pathian ka lo au mawlh mawlh a.

Engtin nge a chung châng chu i hriat theih?" Tiin zâm zet chung hian ka lo zâwt lét a.

"Uhh Italian a mafia hotu ber ka ni tih kha i theinghilh ta em ni?" Zâwi tak si fiah zet hian a rawn ti leh hrawih a.

"Oh tehreng mai, i ni a lawm ." Ahm...kum li lai mai kan inhmu tawh lo a, eng nge a chan chin pawh ka ....ka hre tawh lo tak zet."

"A chung châng chu min han hrilh teh le?" Tiin chîkzet hian min rawn melh khur a.

Lo kun lap pah chuan, "Sawitur tam chu ka neilo khawp mai." A hming chu David a ni a...."

"Ka chhûngten in a ṭang a min hnawhchhuah hnu leh ka pa ba rul tur a min tih lai khân, kalna tur dang ka neihloh a vângin ka fin ve ta rawih a."

"A hma chuan mipa fel tak leh pângngai zet mai kawng engkim a mi care thei zet mai hi a ni a, Ṭhianṭha tak leh inkâwm ngeih tak pawh kan ni ta réng a ni."

"Chutia kan chén dun tâk hnu chuan, kan pahnih ah inthianṭhat na aia thûk deuh hlek chu a rawn awm ta a, a fawh te pawh kan in fawp ve ta zauh zauh a, mahse ka tân chuan chûng thil chu engmah a nilo thung, ṭhian nihna bâk chu.....

" I hria ang chu, a ni chiah chu hmél hriat leh ṭhian ṭha ka nei a.

Mahse nikhat chu, chu aia thûk zâwk a kal chu a duh ta a, keiin ka mipa hmangaih loh hnena ka thianghlimna hlan chu ka lo duh awkawng bawk lo nen, kan in fight dûn ṭhin ta a, chu thil ka tihpui duhloh na a vâng chuan kut te hial min thlâk in, ṭawngkam mawi lo tak tak te in min ân khum ta fo a........" tiin ka mittui chu a lo far zawih zawih a, he tiang thil hi ka ti theilo a ni Zane, .....mipa ka hmangaih tak hnenah lo chuan hetiang hi ka ti theilo....."

"Ti chuan nikhat chu ka inngaihtuah harh ta a ..... chutiang thil chu tihluihna nen ka tih mai a la ngai ang, tih hlauhthâwn na lian tak nen chuan, ka chhuahsan ta a, chuta ṭang chuan ka la hmu leh ta lo réng réng a ni."

Mahse vawiin ni ah hi chuan a dang leh tawh. Tiin ka rilru chuan ka lo sawi chhunzawm a.

"Ok , Chloe chu thil chu sawi tawh lo teh ang." Hrehawm tih ve hmél zet chuan a lo ti ve ta nghut a, kei chuan thâwk ka lo la ve halh a.

Chutah Zane chu rawn ṭawngchhuak leh nghutin, "Amah erawh chu , chu pa chu i hmu leh emaw, a rawn be pawp leh che a nih erawh chuan, min hrilh nghâl ang che."

Chu chu ka duh dan pawh a ni a lawm mahse.....Zane ka thei rih lo ....ka rilru chhûngril hi hmu thei lang chuan.... min hriat thiampui ve ngei pawh ka ring.

Chumi hnu chuan thil dang dang te kan sawi dûn a, ahma zan a dinner ka eipui loh a vâng a min lo nghah char char thu leh thinrim zet a inlama a kîr leh thu te chu nui hawk hawk chungin a sawi chhuak a, kei pawh khatih lai a ka nuih a zat ve zia te kha, chu zân chu nuam zet in hun kan hmang dûn ta a, phone call a dawn hma zawng kha chuan.

A phone chu a rawn ri ral ral a, Zane chuan lo lâk vat pahin," Yes Andy !"

"Aw engkim tih fel vek a ni tawh e." Order chu naktuk zân dar 11:00 pm ah a lo thleng ang."

"Naktukah Ivar bulah i va kal ang a, Ivar chuan group kal tur a lo thlangfel ang a, chûng mi ho te nen chuan docs ah kalin, order lo thleng tur chu ṭha deuh a va véngin fel takin in rawn thawn dawn nia."

"Ok naktûk ah kan inbe leh dawn nia." Tiin phone chu a cut ta a.

Oh he thil hi a lo hre tu nih chu ka thil duh loh ber a ni, mahse ka hre ta chu a nia.....

Zane chuan a mitpu paw ruih mai de sawr sawr a min rawn melh pah chuan, " Kal ang le." a rawn ti thâwp sat a.

"Maw.....?" Ka lo phuzawk mai.

Kan thil eitur pawh kan eizawh hma hma chuan, Zane chuan ka kutah chuan rawn vuanin min pawt tho a, chutah tlân deuh thaw hian min kalchhuah pui ta hlawk hlawk a, he pa hi a â zo tawh a ni chiang ang.

Chutah chu hmun a ṭang a hla vak lo hmunah chuan min kal puiin, khawpui éng pe un mai lan chian theih zet na hmunah chuan min din pui ta a, ka hawi kual ruai a, khawi hmun mai pawh chu a nalh em em vek hian ka hria, ka ngaihtuah na thleng chuan a veng hawk hawk a hriatna hi ka lo nei a.

"Zane an mawi hlawm tak zet." Ka ti chhuak ta hlut a.

"Come !" Rawn tih leh sup pah chuan, ka kut ah chuan rawn vuanin, a aia hmâwrah chuan min kal phei pui leh deuh a, lo hawi kual ruai pah chuan, " He hmun hi eng tin nge i hriat?" Tiin ka lo phun sep a.

"Rawlthar ka nih lai chuan he hmunah hian ka kal fo ṭhin a, hei tûnah hmuh leh ka duh ta a nih hi!"

"He hmun ka hmuh hnuhnung ber chu ka nu leh pa in min boral san ni kha a ni."

"Zane a mawi hle mai tiin a lam chu ka lo hawi a, a hmél chu a lo ngui ve ruih a, tûnah tak hi chuan, Zane mi rorum zet mai kha nilo in, Zane tihnat awlsam zet mai hmél hi pû a.

"I nu leh pa te chungah chuan eng nge thleng?" tiin ka lo zâwt sep a.

A hmél chu thinrimna chuan rawn thlâk thlengin, Red scorpion ho in min thah sak." A rawn ti hrawih a.

Chutah a thusawi chu rawn chhunzawm leh nghâlin, "ka nu leh pa te chu an thangkam ah an âwk a ni.' Ka nu leh pa te chu an thah theihna turin, ruahmanna an siam a, chutah kalkawng a an kal lai tak chuan lo ambush in, beih létna hun pawh neilo a siamin, an nunna chu an lâk sak a ni. "A lo ti leh hrawih a, chu thu a sawi zâwng te chuan a rilru nat zia chu ka lo hriatthiam pui lutuk.

Ka mittui chu a lo tling ve pam a, "Zane pawi ka tihpui tak zet che."

"Pawi ti duh suh, hringnun hi a harsa châwk reng fo a lawm."

"Ka hria a lawm, hei vâng hi em ni chak tur a i lo beih ṭang ṭang ṭhin?" Mahse chhûngrilah chuan i na tak zet tih ka hmu thei a ni."

"Ka lakah hian chak ang a i awm hi a ṭullo a sin Zane!" Tiin a lamah chu ka pan hnâi hrat a, a biang chu ka kut chuan ka lo tawh sak riai riai a, a mit chu lo chhîngin , thâwk a lo la hawk a, chu a natna chu thup tum zet hian a lo in thunun mék tih pawh chu ka hria.

Chutah a kut chu lo lâksak in ka lo pawt hnâi leh hrat a, a kut ka vawn chu lek chhuahsak in ka biang chu lo tawh tir ve pah hian, "Zane chhûngril a i lungngaihna hi ka hriatpui vek che a sin, chuvâng chuan ka lakah hetia i awm reng hi a ṭûl lo ang ." Tih chu ka lo sawi leh sep sep a.

He tiang a a awm hi kei pawhin hmuh hrehawm ka ti tak zet, a nat ang tluk chuan ka lo na ve tak zet, ka kut chuan a biang chu lainat zet hian ka dawm sak a, a khabe lamah chuan ka lo chûl thla riai riaia, kei pawh chu ka mittui chu a lo hnâi ve tak zet. Mahse tûn dinhmunah chuan Zane hi ka hnem a ṭul rih tlat, chhûngrilah a keh chhe takzet a ni.

Chutah Zane chu a rawn meng chhuak a, ka mitah tak chuan chu a mit meng de sawr mai mittui nen a in pawlh chuai mai chuan min rawn enchhuk a, chutah a chhûngril natna ṭawmpui tur chuan ka lo fâwp lo thei lo, a ni pawh chuan mi rawn fawh lét ve pahin, kan pahnih chuan chetzia in kan thinlung hliam lai te chu kan in hnem sak tawn ta zâwk a.

Ka nunah a vawikhatna a tân mi ka hnem theih ve vawikhatna a ni hial ang chu.

"Lokal rawh haw ang." tiin ka hmûi bulah chuan a rawn phun sup a.

In kan thlen hnu chuan ka room chhungah chuan min rawn zui lûta, engmah sawi lo chuan a ding reng a,thil eng emaw hi a ngaihtuah vung vung a, ka mangṭha chu a nghâk em ni ang ? Tih rilru chu lo put pahin, Zâm deuh tak hian, "Zanin kha a hlimawm tak zet, ka lawm...."

Zane chu rang zet a rawn chét chhuah pah hian, ka bânah chuan min rawn pawt hnâiin, ka kâwngah chuan a bân tha chak zet chuan min rawn kuah a.

Ka thin chu rang zet hian a lo phu dat dat nghâl mai.chu tah rawn kûn hniamin kan chal leh chal chu rawn sîk tirin, a rawn phun ta sup a," Hmeichhia ka nun hi i thlâk thleng a ni tih hi i hria em?" Tih hi a rawn sawi pah sup a.

Chutah rawn sawi zawm leh pahin, " Engtin nge min la tih zél dawn?"

Hun rei tak chhûng chu ka lo ṭawngchhuak thei mai lo a, chu a mit meng paw ruih mai leh mawi zet chu ka lo en ngawt ngawt ri ngawt, chutah duhthawh zet a min rawn fawhna chu ka lo ngâi châng pah reng bawk a....

ZANE POV....

A mah chu lo en chhukin uarzet a lo fawh bawrh bawrh mai chu ka châk ber.

Mitdel ang mai a ka kut chu lo chétin a biang bel chu ka lo chûl kyal ruai a, hetiang khawp a ka tâna hmeichhe duh awm leh mawi hi tunhma in ka la hmu ngai lo.

"Yeah i duhawm zet a ni." tih sawi pah chuan thâwk ka lo la pah hawk a.

Ka kut a a taksa lang thei lai lai chu zut kual ruai pah chuan, ka lo rûm leh hawk a, chutia ka khawihna vel a vânga a taksa lo khur dar dar mai ka hriat phei chuan, a laka ka lo insûm theih ve na zawng zawng te chu tuiin a len bo duak ang mai hian a bo ve duak nghal.

He thil hi tilo tur ka nih zia pawh ka inhria, mahse ka lo inthunun na ve zawng zawng te chu a keh chhe zo vek tawh, tûnah chuan he nu hi ka mamawh tak zet, kumkhua a ka tâ ni tawh tur a a taksa duhawm zet mai hi siam ka duh a ni.

A thuamhnaw in bel lai chu zâwi muang hian ka phelhsak a, chu tah a bra chuan a zui leh nghal a, chumi hnu ah a under wear in, ka thawmhnaw pawh chu rang zet chuan ka phelh ve nghâl a, tisa châkna a vâng chuan kei pawh ka che hleithei tawh bîk lo. Ka taksa a lo khurh ve nasat ém a vâng chuan ka thin a rim hial zâwk, hrep tak chuan!

Chumi hnu ah a heh sen nalh zet mai ah chuan ka hmui chu zuk ti si in, a heh nalh zet mai leh nel thep mai chu duhthawh zetin ka fâwp ta bawrh bawrh a, a hnu leh awm tawh lo tur zet chuan ni ka fawh duh chu.

Chutah khumah chuan mut tir riai riai in a taksa ruak kâng mai chu nalh ti zet hian ka en kual leh dan dan phawt a, chumi hnu chuan a taksa khawilai mai pawh chu ka fawhsak ṭan ta a.

A lu lamah chuan kal chho lehin, a heh nalh zet ah chuan ka zu fawh sak leh ta siah a, a ir lam ah te chuan fawh sak leh zelin, phûrna a vâng a kan thaw ri bâk leh a châng châng a, Chloe lo ngîk deuh feih feih tih loh chu thâwm hriat tur a awm lo, a mit takah chuan ka zu melh chhuk leh a, a ni pawh chu châkna a vângin a lo meng phi ve chiai tawh mai.

Chu chuan ka thil duh chu puitlin tir mai châkna hian min rawn nawr a, mahse ka hmanhmawh tur a nilo, hmangaihna chen dun hi engtiang chiah a nuam nge a ni tih hi hriattir zet phawt ka duh.

Ugh hmangaihna te ka han ngaihtuah ve tâk mai chu, he nu hian eng tiang chiah chuan nge ka nun hi a thlâk danglam zawh tâk tih pawh ka hrethiam lo.

CHLOE POV ....

Ka taksa chu a hmúi lum ham ham chuan a rawn fâwp lawr dun dun a, oh nawmna chitin reng hian ka lo khat zo vekin ka in hria, ka taksa te chu phûrna a vâng chuan a lo khûr ve dar dar a, zahna reng ka hre tawh lo, chu ai zawng chuan kan thil tih lai puitlin thuai thuai duhna rilru chu a létin ka pu hnem zâwk hial âwm e.

A tak ram thlen vat vat a , nawmna chitin reng mai lo tawn chu ka châk tawh ngawih ngawih, hetiang em em hian mipa in ka taksa min tih phûrsak thei a ni tih pawh ka lo hre ngai miah lo.

Mahse a dik ang a ni te chu player kha a ni tlat a, a thei khawp ang le. Kan thil tih lai chu tih tâwp duh a hnékin, Zane taksa khauh ruh ṭang mai thahrui ngah zet chu ka taksa nem tak chuan ka lo ngheng hnâi talh talh zâwk a, tisa châkna a vâng chuan ka so sâng tawh tak zet.

Zane chuan ka sosân na lai tur chu a hre tak zet, he tiang mipa ngei hi a ni ka virgin hawng tur a ka lo suangtuah mipa chu.

Ka taksa chhûngril a rawn fawh tâkah chuan nuam tihna a vâng hian ka lo ngîk deuh feih feih a, ka lo khûr der der mai bawk a.

Hei bâk a vânram tlafual hi a awm leh tawh chuang dawn em ni?

A lu chu ka bawp chuan ka lo kherh ngat ngat tih chu ka hre chhuak a, mahse a nuam tlat bawk si.

Hetiang infiamna angah hi chuan player ṭha tak a ni reng ang chu, min ti â zo vek tawh.

ZANE POV.....

Ka theih ang tâwk a phûrna in a tuam theihna tur chuan siam ka tum tlat, a chhan pawh a la virgin ngei tih ka hria, na tawrhtir hi ka duh lo takzet, na tuar reilo thei tur ang ber a siam hi ka duh a ni.

Ka kap lam chu a lo in tun thawh tawh luat a vâng chuan, a na ṭhum thei hial tawh a, tui fim pawh a chhuak zawih zawih thei tawh, Oh God he nu hrep hian eng tiang chiah in nge min han tih tâk mai chu le? amah ngaihven tel zel tur a min han siam theih hrep mai chu!

A hnuailam chu ka kut hmang chuan theihang tâwkin ka sâwng bâwl leh phawt a, a awm ngaihna hre tawh lo lutuk chu, lo ṭe deuh ṭhat ṭhat pah chuan a lu chu a lo thle tawn sek a, a khûr pah dar dar bawk a. Chutah chèt lâk a hun tak zet ta tih chu hria in, ka mipat na khawng leh hrawl zet mai châkna a vâng a tuifîm chhuak zawih zawih tawh nen chuan a chungah chuan ka lâwn kai ve ta a.

Theih ang tâwk a insûm tum zet hian, "He thil ti tur hian i chiang tak zet maw?" Rawn meng chhuak nghâlin ka mit ah tak chuan min rawn en chho ve in, "I fiamthu te a ni em lo maw?" A lo ti ve leh sep a. Ka thil duh chhânna chu ka hmu ta ah ka ngai hmiah.

Chutah ka taksa chu ka siam rem ṭan ta a, a hmuia zuh fawh leh zauh pah chuan ka mipat na khawng ṭha zet tawh mai chu a taksa chhûng a tih luh tum chuan ka bei ṭan ta a, duhai in a tight mah mah chu a ni e, ka ti lût thei lawk lo, ka taksa chu châk na a vângin a lo khûr ve nasa tawh bawk nen, ka ti thei lawk lo, ka thin chu a rim kher mai, mahse a hnulam nawmna chu ka suangtuah lo thei lo.

A tâwp a tâwp ah chuan ka thun lût ve thei ta hram e, dîm hle mah ila, na chu a tuar tho tho, engvâng chuan nge ka lo neih len viau tiin ânchhia chu ka in lawh ru sup nghe nghe a ni.

Hmeichhe dang te ka tih ang leh ka beih dan ang chi ramsa kauham zet ang mai khân ka khawih ve thei tlat lo, chutia a na tuar a rawn ṭe deuh ṭhat a vâng chuan ka lo châwl deuh vang vang phawt a, a mitah tak chuan lainat hmél zet hian ka lo melh a, chutah min rawn nuih sak pah chuan, "Chhunzawm tawh rawh le!" Rawn ti leh sapin a kut chuan min lo ban a, a taksa chu zu nghen hnaih ve pah chung chuan, ka che ṭan ta nghâl a, a tirah chuan muang châng hian ka che phawt a, chutah nuam a rawn ti leh ṭan a ni tih ka hre leh thuai.

A lo thaw halh halh a, a meng phi leh ta chiai a, ka hnungzâng chu a lo ṭham ve tawn tawn mai bawk a, chutah ka lo insûmna zawng zawng te chu thlah dulin, duhthawh zet mai chuan ka che ve ṭan ta a, ka beng bulah hian thei leh theilo hian he thu hi a rawn sawichhuak a, " Nasa zetin ka duh che." tih hi!

Chu thil chuan min lo ti phûr sawtin, keimah a ramsa awm chu rawn chhuakin ka theihtâwp a uar chuan ka chét pui ta zawt zawt a, mittui tla hauh si lo hian a lo ṭap faih faih mai a, chu thil tak chu a ni ka hmuh duh ṭhin chu, chutia ka chétpui chu nuam hi a lo ti mah zâwk hian ka hria, keipawh chuan nuam ka tih phah sawt bawk..

to be cont....

ZANE POV....

Zing a lo nih chuan ka harh hmasa zawk a, wow ni zan kha....

Kha tiang khawp a ka mamawh na leh ka châk na phuhrûk sak a ka awm kha a vawikhatna a ni hial ang, tûnhma zawngin khatiang thil kha ka la tawng ngai lo.

A ni chu ka zu melh chhuk a, tui zet hian a lo la thaw sâk sâk a, he tianga niléng a awm dun mai hi ka châk tak zet!

Ivar nen a inbiak kan ngaihna chuan khum a ṭang chuan, peihlo zet hian min thawh chhuah tir a, Chloe muhil lai chu ka zuk en nawn leh a, oh hmeichhe duhawm zet chu a ni e. Nizân lamah khân a phone kha pék lét ka tum kha a ni a, kan awmdan khân a zir em a vângin, ka lo theinghilh pek a ni tih chu ka hrechhuak a.

A khum bul side table ah chuan dah sakin, a muhil lai hmél duhawm zet chu ka zu en nawn leh hrâm a.

Duhawm te nakin ah kan in hmu leh dawn nia,a chalah chuan zu fawh sak chu ka châk takzet, mahse ka ti harh ang tih ka hlauh a vâng chuan, ngawi rengin ka room lam chu ka panin, ka chhuahsan ta a.

CHLOE POV....

Ka han ṭhangharh meuh chu, ka mutna tukverh a ṭang chuan nizung pawh a lo lût raih tawh mai, a hmazân a thil thleng chu ka ngaihtuah lét a, ka pian a hnu lamah kha tiang ang reng reng a hun hlimawm kha ka nunah ka la tawng ngai lo.

Ka hâm deuh bâi bâi a, ka mutna bul dawnkan té ah chuan Zane in ka phone chu a lo dah reng tawh mai, ka lawm zia chu.

David chu phone ka ngai a ni tih ka ngaihtuah chhuah veleh, ka lo hlim ve na te leh engthâwl zet a ka lo awm ve na zawng zawng te chu, lâkbo ang mai hian a bo dûak nghâl .

Mahse ka hnunglam a chhiatna in min rawn zui zel tura ka duh loh chuan, ka tih ngei chu a ngai ang.

David number chu ka phone ah chuan saved in dahlo mah i la ka thluak chuan a hre khawp mai.

Ka phone ah chuan a number chu ka chhu kâi ta a.

"David thil pakhat hrilh duh che ka nei."

"Good girl min ti thlâwn dawn lo tih hi ka hre reng a lawm ." A rawn nui pah huk huk a.

"Oh David ngawi hmak mai teh!" Ka lo tihkhum ve hlar a. Diktak chuan he pa hrep hi ka haw tak zet a ni, amah a vâng a tûn dinhmun hi thleng ka ni si a.

"Hey fîmkhur hlé rawh little girl."

"Ngaithla teh, zanin ah hian Santini ho chuan docs hmunah thil an lo la dawn a, chuan an thawnchhuak leh nghâl bawk dawn nih chu." ( hei hi a hma zan khân a ziak tunu khân zîng a ti palh a, keipawhin zîng ka lo ti a, mahse zân a ti leh si a, ka ngaihtuah a, zân a nih zawk ka ring ta a, smuggling thil a nih a vângin, chuan ka post sa pawh siamrem nghâlin zán ka ti ta zawk mai.)

"Dar engzah ah nge?"

"Dar 11 ah."

"Eng thil nge rawn thleng dawn a?"

"Oh chutiangin ka hre si se bîk lo."vîn zet chuan ka tih khum leh hlar a, mahse chutiang a ka lo vîn rikngawt na chuan kawngro a sut phah awm der si lo, tih rilru putna a vâng chuan inbengdaih hrâm tum zet hian, thâwk ka la pah raih raih a.

"A pawi lo e, thil lo tih chingpen ṭan na a tân chuan a ṭha tâwk viau e." Tiin phone a ṭang chuan a rawn nuiri leh hawk a, a nuiri telek phei chu a ten hian ka lo ten ngawih ngawih tawh.

"Eng thil nge tih i tum reng reng a David?" Hlâuthâwng aw zet hian ka ti a.

"I lo en dawn nia!"

"David ti suh." Mahse phone chu a cut daih tawh.

Zane laka hetiang thil lo ti tu nih hi, ka inhaw tak zet.

A hriatchhuah hunah zet chuan, min ngaidam duh hauh lo ang, min that duh ngei bawk ang. Ka mittui chu ka biangah chuan a rawn luangthla ngiai ngiai a, kei mah leh keimah pawh hi ka in haw tak zet tawh.

ZANE OFFICE....

"Chuan... Ivar group ho khat te nen chuan kan thil lo thleng tur chu in vén theih i inring a maw?"

"Andy leh ho ṭhenkhat in ware house a ṭang a transport tur hi lo ti fel ve bawk se la."

"Ruahman na fel tak a tih vek a nih a vângin, engkim felfai tak a tih kan tumdawn nia tih kha hre reng ang che u."

"Chuan in inpeih fel tawh chuan in group tur te nen kal tawh mai rawh u, in hna in zawh fel ve leh min rawn biak kha theinghilh lo bawk u la."

Andy chuan "Aw le boss ." Tiin a kal sawn ta nghâl a.

Ivar nen chauh chuan kan ding ta a.

"Zane nizan chuan Chloe chung châng thil chu i hriat chhuah belh ta em?"

"Tehreng mai, ka ngaihsak zâwng tak thil ka hmu." Ka nghawng chu ka lo tuai pah nauh nauh a. Chutah ka thusawi a vâng chuan chhuak lo zet hian ka lo khuh deuh khurh khurh bawk a.

Chu thil chu ka tum loh deuhin ka sawi chhuak ta chu a ni a , Chloe chung chang sawi a piang a lo phûr tâk hûrh zel mai chu(h) a mipa zia lo hle mai.

Ivar chu rawn nuih hawk hawk pah chuan, " Mipa tenawm zet chu i ni ve chiang a lawm." A lo ti ve a, kan tih ngaihna hre lo chu kan han nui dun leh ringawt a.

Chutah a aia thutak deuh zâwk chuan, " Ivar thu tak tawh i la?"

A hmél chu ka lo en a, nuihzâ insum zet hian min lo la enreng tih chu ka hre thei, ka lo kiai khum leh suk a. Chutah ka aw chu then deuh khurh pah chuan, " Chutiang a thil ṭangkai vak tur ka hriatchhuah pawh ka hre lém lo.... mahse Carter ka lo zâwt chhin ang a, he a bialpa emaw a ṭhianṭha emaw a eng a pawh chu ni se, chupa chu a chan chin chhuitir chhin hrim hrim i la ṭha ka ti."

"Eng vângin?' Nui hmél hi a lo la pu vûn mai leh nghâl.

"Chloe hian kha pa chanchin a sawi lai khân, a hmélah a hlâu takzet a ni tih ka hmu thei a, he pa hi buaina bul pui ber pawh a lo ni thut thei!" a nih loh pawhin, inrawlhna eng emaw tak pawh a lo nei mai thei a sin."

"Oh chuan ka theinghilh daih, Andy leh Mike kha lo hrilh la, an hna anthawh zawh veleh bar lama min rawn hmu turin i hrilh dawn nia, eng emaw châng a han chawlh hahdam te pawh hi a ṭha ve a nia."

"Ruahmanna ṭha tak a nih chu Zane ,ka lo hrilh dawn nia."

"Aw le, tûnah chuan kal tawh rawh , nakinah kan inhmu leh dawn nia." Ivar pawh chuan min lo bûk khum ve nghut pah chuan min kalsan ve ta a.

Ka phone chu la chhuakin, Jane number chu dialin ka bengbulah chuan phone chu ka dah nghâl a, phone ring ka nghaihthlâk deuh reng hnu chuan a rawn la ve ta hrâm e.

"Hello Jane zanin ah Chloe hruaia barah rawn kal turin ka duh che a , chuan kan bar kha lo fankual pui la, chu mi hnu ah ka rawn zawm ve dawn che u nia."

"Aw le, a lawm awm ngawt ang."

Phone chu ka cut ta a.

ARIANNA POV....

Zanin ah barah an kal dawn a maw? A ṭha e.

Zane chu ka va pan hnai a, rum zet a min lo melh khur pah chuan, " Arianna engvâng a heta lo kal hi nge i nih?"

"Kawngka rawn kik na châng te tal hre ta che."

Min lo vîn khum leh chiam chiam ta, a enga mah hma hian in, huiiz, lo menkual khum ralh pah chuan, "Babe ahma chuan i ngaih pawimawh ngai em em loh kha..."

"Aw, tûnah chuan ka ngai pawimawh tawh, he lai hmun a i lo kal hi dân i bawh chhe bawk tih hre rawh."

"Tiger hna i thawk rim lutuk a, i buai zo tawh a nih ber hi, tih hahdam dân tur che ka hre teh mai a nia," tih pah chuan a kawr awmah chuan ka lo zût sak pah neuh neuh a, mahse ka kut chu min lo phihthlâk sak lawp a.

Chutah thinrim zet hian, "Arianna chhuak rawh, ka insûmna min hlohtir tak tak hma hian!"

He thil zawng zawng a lo thlen na chhan chu , kha dâwithiamnu phiangsen vâng vek kha a ni.

CHLOE ....

"He ka thil tih hi ka huat zâwng tak a ni, a la tlâi tak tak hma hian , tih tâwp dan chu ka zawn ngei a ngai ang."

"Zanin ah hian Santini chhûngkaw chungah thilpawi tak a thleng a nih chuan, keima thiamloh na a ni ang."

"Oh nilo, a ni thei lul lo, héng thil hi Zane chu ka hrilh vek a ngai!"ti chung chuan, ka thuamhnaw hmuh remchân ber chu ka inthawlh nghâl a, rang zetin Zane office lam pan chuan ka kal ta hlawk hlawk a, he thil ah hian ngaihdan dang ka put leh hma ngei a Zane chu hrilhhriat ka duh a ni.

Mi tamtakin an tawrh phah ai chuan, keiin ka lo tawrh chu a ṭha fe zâwk ang, a nih loh pawhin, Zane chuan tihdan tur a hre ngei ngei ang.

ARIANNA....

He lai hmunah hian i duh mai a vâng a i rawn kal tawpna hi ti tâwp tawh ang che." Ti in min lo vîn leh khur khur a, a lo tûm khum hmawm thung, ka rilru ah chuan chu dawithiam nu chu ânchhia hi ka lo lawh mawlh mawlh pah bawk a.

Chutah Zane chuan nazet a mi rawn ṭawng khum leh pah chuan, "I awmna hmuntur hi theihnghilh tawh ngâi bawk suh!" a rawn ti leh hrûk a.

Ka rilru chu a lo na kher mai , phuba chu ka la la ve khawp ang maw le.

Zane office a ṭang chuan ngui zet a chhuahtum a ka inher lâi tak chuan, Zane office lam pan a pén thâwm ri chu ka hre ta a, ngawi lawk teh! Chloe dawithiam pitar a nih ka ring , a ni lo chu tûn ang hunah hian rawn kal an awm hauh lo ang , eng emaw tak chu ka tih a ngai ti a ngaihtuah pah chuan , Zane ka lo hnung chhawn hnu lam chu va hawi lehin, rang zet a chét pah chuan Zane chu ka va fâwp ta a, a lo rin loh lam thil tak a nih a vâng chuan, a mak ti lutuk chu chét lawk nachâng pawh hi a lo hre lo a.

Chutihlai tak chuan Chloe dawithiam nu i pawh chu ka lo lût ve chiah, "Zane thil sawi dun lawk a ngaiin ka......

Ha ha ka ruahmanna chu a fuh tak zet, tiin ka rilru chuan ka lo nui var var a.

Zane chuan min lo namsawn lawp a, "Chloe i rawn hmuh ang kha engmah.....

Chloe chu a chhuak daih.

"ARIANNA!" tiin Zane chuan min rawn au khum tuarh a, ka lo phu ve zawk mai, nuam ti tak a Chloe kalchhuak ta ka lo thlirna a ṭang chuan ka mit chu la sawnin, Zane hmél pa tak leh ṭha zet lam chu ka melh ve ta thung a.

Ma....hse Zane chuan min thah duh hmél pu zet mai hian min lo melh chhuk khur mai ka râp zâwk hial, a aw vawt ruih mai leh thihna rim nam zet mai hian, "Arianna he tiang thil tenawm zet hi i tinawn leh a nih chuan, hre rawh i mitmu pahnih ah khân ka silai mu pahnih hi ka thunlût tawh ang." Mi lo tih khum chhur chhur mai a, ka hlâu tak zet a ni e.

Chutah a thusawi chu rawn chhunzawm lehin, "Thil ṭha sa hi min tih chingpen sak miah suh! Ka tân hian engmah i ni lo tih hi inhre bawk ang che." Ti a rawn sawi leh pah chuan a hrawk a a thisen zâm te chu a lo pâwng ṭawlh ṭawlh mai a.

Ka hlâu tak zet. " Tûnah chuan chhûak vat mai rawh, ka mithmuh phâkloh hla takah awm ang che." A han ti leh zet chu, ka chhuak nghâl vang vang.

Thinrim zet chuan Zane in chu ka chhuahsan ta a, Kha zâwng chhe nu zet khân ka lak a ṭangin Zane chu min lâk bosak a tum a maw? Hreptak chuan a tilo ang a ti hauh lo ang.

"Vawiin ah hian engkim chu a tâwp vek tur a ni." thinrim a vâng a khurh hlawk hlawk pah chuan, ka phone chu ka la chhuak a, number pakhat chu dialin ka ngaihthlâk vang vang hnu chuan;

"Keimah ka nia, kan indawr na kha i la hre reng em?"

"A ṭha e."

"Zanin ah barah thil eng emaw thlentir turin ka duh a ni."

"Eng nge tihtur tih chu i hriat kha!"

Zâ zet a nuih vak vak pah chuan, " Chle hmeichhe zunna lo turah i rawn zung a ni e." Tiin ka nui leh nghek a. Rilru zângkhai zet chuan ka kal ta vah vah a.

CHLOE POV....

Chutia hmanhmawh zet a Zane office ka va hawng chu ,Zane chu a awm ngei a ka rin a vâng chuan, ka biak duh thu chu ka va sawi lût nghâl tawp a,mahse...hmuh ka lo inrin loh leh ka beisei loh zet thil.ka va hmu ta mai a, min va han ṭhawng tak, chu ka thil hmu chuan, Zane chuan min lo hmih veleh Arianna chu a nemsawn nghâl lawp a, mahse a tlâi zo tawh.

Thusawi chu a nei ngei mai; mah se a thusawi chu ka ngaihthlâk chhunzawm tawh lo hrim hrim!

Rilru na zet leh mahni insit ngawih ngawih chung leh mittui far zawih zawih chungin, chu hmun chu ka tlán chhuahsan a, ka roomah chuan lût lehin, ka ṭap zawih zawih a, emgtin nge a tân mi special tak ni a ka lo inrin theih hrim hrim le?

Hei hi a dik ber ang vawikhat nawmchenna leh chutiang reng a nuamchen ṭhin tu chu! Ka va han lo â takzet em ve maw le!

Ni zânah khân min hmang ṭangkai a,ni e min hmang ṭangkai chiang a lawm, ka nun a midang ho in min tihdan ṭhin ang bawk hian, kei lah pek chuan a ni chu ring em.em in, ka thianghlimna hial.ka lo pe ta si, ka thil tih ah chuan inchhîrna hlîr hian ka khat a, ka ṭap bawk a, ka mittui lo tla chu lo dan pawh ka tum narawh hek lo.

Chu ka mittui tla te chuan ka ât na hi an tléngfai thei dah lawng maw tih chu ka ngaihdan zâwk a ni hial.a ni.

Tûnah chuan hmeichhia ṭawp tak leh pawnchhe hnangkhâi ang mai chauh niin ka inhria, Shower hmang i la ka harh deuh sawt ngei ang tihna rilru chu pu pahin, bathroom ah chuan ka lût ta a.

ZANE....

"For God sake......

Ka mi leh sa ho te bulah hian tu nge boss tih hi lantir a hun leh tawh a ni.

He tiang chuan kan kaldan phung hi a dik dawn lo tawp mai.

Chloe room lam chu ka pan ta a, a kawngkhâr chu nidangangin a lo inkhâr phui hauh lo. A thil rawn hmuh khân a rilru a ti na pawh a ni mai thei e. Shit hmeichhia ho zet tak hi chu!

"Chloe!" Ti a au pahin, a room chhûngah chuan ka lût a, tumah ka va hmu lo! Mahse bathroom lamah chuan shower hmangri ka hre tlat mai, he tilai hmunah hian ka lo nghâk mai a ni ang chu, kha nu nen a min rawn hmuhdan sawi fiah tur khân.

F*ck hetiang a nghâk tu záwk a ṭan hi!

Bathroom lamah chuan kal ve in, kawng khâr chu ka hawng a, Bloody hell, shower hmangin taksa chu lo phuh tir sang sang mai a, tui chu a taksa ah chuan a lo luang thla delh delh mai bawk a.

Shower lam chu lo hawichho in a maimit chhîng a, shower a ṭang a tui rawn phuhchhuak chuan, a lu a ṭang a ṭanin a nghâwng lam lo zawh thla zélin chutah a taksa velah chuan insem darh lehin, a ke ler thleng chuan a luang thla a, a lang sexy tak zet zet.

Ka lam chu a rawn hawi a, mahse a maimit chhin a vâng chuan min rawn hmu lo thung! Chu tur lo khawhchhuak chu lo dawngin a sam chu a lo nuai pah bawk a, a pian nalh zet mai leh a dul thép thla zaih mai te, a hnuté lian em em silo leh kawhlah mai, bial nalh tak mai te chu ka lo thlîr reng a, chumi hnu chuan a sam a kuta a nuaina chu la thlain tuiin a taksa a rawn phuhna vel chu ngaichâng niawm tak hian a lo ding ngawi reng a, ka mit a ka thil hmuhtawh zawng zawng zîngah chuan, ka mit ti tlai ber tu a la ni hial âwm e.

Sawisel bo tluk a ṭha an tih ang hi ka tân chuan a ni ringawt. Chutiang chuan ka thlîr reng thei bîk ta hauh lo mai.

Ka thuamhnaw inbel te chu hlîp ve in, a lam chu ka va pan phei ve ta a.

A hnuangah chuan ka va ding a, hnunglam a ṭang chuan lo kuahin, a taksa chu ka lo zût kualsak pah dun dun a, rang zet a rawn in her pah leh phâwk fe a min rawn en chung chuan, " Eng thil chu....."Ka kut chuan a hmûi chu ka lo hup sak nghâl a.

CHLOE....

Chutia rilru sâwr bing zet a thil ka lo ngaituah lai chuan, kut thahrui ngah zet mai hian min rawn kuahin, a lamah chuan min rawn pawt hnáia, chutah ka taksa chu a lo chûlkual.dan dan mai bawk a, ka phu nasa kher mai, heart attact ka neih phah dawn hialin ka hria, min rawn kuahtu lam chu hawiin ka in her zawk a, Zane chu ka hmu ta a.

Lo au chiam ka tumna chu rawn ti tâwpin a kut chuan ka hmui chu a rawn hup vat a, chumi hnu chuan kei pawh ka lo inthlah dul ve ta a.

Eng thil nge ti a a inhriat reng reng le? Khatiang a thil a thleng ka hmuh tawh hnu ah leh lek phei kha chuan, a âwmah chuan lo chum leh ṭaih ṭaih pahin chu hmun a ṭang a kalsawn tir chu ka lo tum a, mahse kalsawn eih pawh tumin a lang lo hrim hrim, a taksa chu chétsawn turin chét pawh a che eih lo. Nui hmél pu chung hian min lo en chhuk reng ringawt a.

Chutah ka lo ṭe leh chiam a, mahse a kut chuan ka hmûi chu rawn hup lehin, min lo tâwp tir a, kei pawh chu ka tâwp ve mai bawk a.

Chu a mitmeng vawt ruih mai chu ka lo enchho ve hâ a, chu a mitmeng nalh zet mai leh pa zet mai chuan min lo dâwi â zo leh vek tawh. Zâwimuang hian a mit meng ah chuan pil riai riai a inhriat na hi ka lo nei a, chu thil chuan engmah min tih tir leh thei ta lo.

A kut chu rawn chétin ka heh chu a rawn tuai niap niap a, chutah kal thlâk tir zelin, ka nghâwng lamah te leh ka âwm thla ah te chuan a zût thla ta zél a, chumi hnuah ka koki lamah chuan kal tir lehin, ka bânah chuan a zût thla leh a, chutia a kut ṭang a chét tirna chu a mit pawhin a zui thla ve nghâl zel bawk a.

Chutia a mi khawihna in min lo in bengdaih tir hnu chuan, a taksa ka bul lawk a mi chu ka lo en ve ta ngar a.

Chu a taksa thahrui ngah zet mai leh pa zet mai chu, tui rawn luang thla zaih zaih a vâng chuan a huh hlap mai a, tui chu a âwm velah chuan a luang thla ngiai ngiai bawk a, chu a pian pa zet mai leh nalh zet a ṭang chuan ka mit chu ka lo la sawn thei hauh bîk lo.

A darpharh hlâi hlap mai leh a dul thép deuh zaih mai te leh a kâwng fék rât te, a tâwk chauh a sek phiar nalh tak mai leh a six pack lang zaih mai te chuan, a taksa chu a sâwi zawi ṭhang hle a ni tih chu a hriat mai, ka heh hnuai lam chu ka lo pet sâwi zeuh a, chutah rawn kûn hniamin, a hmûi nel thup mai leh fawhnuam zet mai chuan, zei tak mai hian min rawn fâwp leh ta a.

Chutah min rawn fawhna a ta a hmûi chu a lo la hrang a, ka khabe ah a kut chuan rawn dâwm kângin, ka bek lamah chuan a thlesawn deuh hleka, chutah ka bengbulah hian min rawn phun khum sar sar pahin,

"I ngaihdan ang kha eng thil mah a thleng lo, nang chauh hi ka duh leh ka mamawh chu i ni." Thil lo sawi ve tum a ka lo ân ziau lai chuan a hmûi sexy zet leh fawhnuam zet mai chuan min rawn dang leh ta hmiah a, he pa lakah hian thinrim chu ka duh takzet, mahse ka thei si lo.

Ka theih ang tâwk a uar chuan ka lo chhâng lét ve ta ringawt a, chutah a taksa khauh leh ruh ṭang mai sexy zet mai chuan bangah chuan min rawn nék deuh salhin, bαng chu min nghen tir a, kan taksa chu tui chuan mi ti phûr dûn tâwk lek tur chuan a rawn phuh sang sang mai leh nghâl a. Kan thleng sang dûn leh tawh khawp mai, kan thawri te chu a pâng ngai leh tawh hauh lo.

Chutah kan taksa rilṭam na leh tui hâlna zawng zawng te chu infah tawnin , fan ngailoh vânram tla fual nuam zet mai chu kan fang dûn leh ta veng veng a, nawmna tuipui fâwn chuan min rawn tuam tan leh hlup hlupin, kan taksa in mamawh tawn na chu kan in phuhruk sak tawn leh ta a.

A tâwp a tâwpah chuan kei pawh chuan ka aw râwl chu ka chhuah leh lo thei lo, nuam tawrhna hrehawm zet mai chu tawrh har ti zet chung chuan, ka lo au chhuak râih a, a ni pawh chu a lo rum ve ṭuah ṭuah mai bawk a , ti chuan kan taksa nuam tawrhna a ṭang chuan harhchhuak lehin, pângngâi tak a kan inbual leh hnu chuan, bathroom chu kan chhuahsan dûn ta a.

Zane chuan bathroom a ṭang a kan chhuahhnu chuan a lam hawi turin min lo pawt hnâi a, ka mitah tak rawn melh chhuk lehin, " Chuan eng nge nichinah khân sawi i rawn tum chu?"

"Ngaihtuah vak duh suh! Eng mah a nilo....i hun hlimawm zet hmanlai ka rawn tih sukuk sak vang che erawh kha chuan ngaihdam ka dil e." Ka lo tih khum ve hmak a.

"A nih shower kha hman nawn leh i duh deuh tihna a ni maw?"

Ka mit chu ka lo chhîng sawk a. Ka rilru chuan aw hi a lo la ti tho tho, chu tia inti tâtu zet mai a thu min han zawhna te hlei hlei chuan amah chu min duh belh tir sauh mai bawk a.

Ka taksa te chu a lo vawt zo vek hian ka hre thei ! Ka hmazâwn a darthlalang ah pawh chuan ka hmél chu ka lo enngam lo, a chhan pawh ka hmâi chu tomato ang zet chuan a sen leh dawn chiang tih chu ka hre sa.

"En teh Chloe , Arianna nen khân kan inkawp ṭhinna chu ka ti tâwp daih tawh, chu chu thurûk pawh a nilo."

"Chuan i rawn kal lai a thil lo thleng kha, khatiang ang kha a ni hauh lo bawk, i lokal hnu khân ka chhuahtir nghâl bawk."

Zane ka lakah insawi fiahna i mamawh huah lo, i hringnun a ni a, chutiang a ka laka insawi fiah turin, relationship nei pawh kan ni hek lo." Tiin harsa tizet hian ka lo sawi chhuak a.

"Chu chu thudik tak a ni." A lo ti veleh sup a, mahse ka thusawi chhuah a vang chuan ka nâ a, a thu rawn sawi chhuah chuan, chhûngril ah min déng sawk bawk.

Ka chalah chuan min rawn fawhsak leh zauh pahin, "Hei vâng hian a lawm tumah ka nunah an luh ka phal loh a, ka chung châng thu lo ngaihven tur a ka siam loh chhan chu!"

Kei erawh chuan thâwk ka lo la halh a, a thusawi chu rawn chhunzawm lehin, "Ka dinhmun chu i hriatthiam ngei ka ring." A rawn ti leh supa, kei chu ka lo nghing lawih thung!

"Amah erawh chu chutiang thil a váng chuan kan thil tih ṭhin hi kan tâwp ang tihna kher a ni lo a nia." Tih pah chuan duhthawh zet hian ka hmûiah chuan a rawn fâwp nawn leh ngat a, kei chuan ka lo dawh tawp thung, chu a thu sawi a vâng chuan, ka phûrna zawng zawng te chu dah bo ang hmak a ni tawh.

Min fawhna chu rawn thlahin, "Tunah chuan ka kal a ngai rih tawh, nakinah kan inhmu leh dawn nia." tihpahin ka chala arawn fâwh leh zauh hnu chuan, a thuamhnaw te chu lain a chhuak ta a.

Chutia a kal hnu chuan kawngkhar ah chuan a rawn dâk leh zauh a, "Ka thil theinghilh pakhat, dinner ei zawh ah inpeih sa diamin lo awm ang che. "Jane in a rawn lam dawn che a, kan bar pakhat hmu vela ka lo ti deuh a .chuan kei pawhin chutah chuan ka rawn hmu ang che." Tiin a kal ta a.

Chutia a kal hnu chuan he thil hi ka ngaihtuah a, kan pahnih chuan kan inzawm thei lo a, mahse a bula awm turin min duh tho bawk si.

A duh hun a pianga a hman theih ang chi chu ka ni duh hauh lo, Arianna thar dinhmun ah pawh ka ding duh lo. Tih ngaihtuah na a vâng chuan, ka thin chu a rim ru ṭeuh mai leh nghâl a.

Inhnuai ah chhukin breakfast ka ei a, chumi hnu chuan ka hna lamah chuan insiam sawk sawkin ka hna lamah chuan ka chhuak leh ta a, hah zet a nileng ka hman ral leh hnu chuan châu rawihin inchhûng chu ka lût a, ka room lam chu panding nghâlin, ka chau tihreh nan chuan shower hmangin ka inbual phawt a, chutah dinner eitur chuan ka chhuk thla leh ta a, Clarissi chuan dinner a tân pasta hi a lo siam a, ka eizawh hnu chuan ka room lamah chuan chho lehin, bara kal tur chuan ka insiam ṭan ta a.

Barah chuan eng kawr nge ka hâk ang? tiin ka in ngaihtuah buai kher mai, chu tiang awm ang chi tur thuamhnaw han thlan mai pawh chu ka harsat tlat, ni e batah chuan ka kal fo ṭhin a mahse ka kalna hmun a mi ang a ka inthuam dan ang chuan ka inthuam thei tawh lo ang.

A tâwp a tâwpah chuan kawr senlar zet

mai ṭhui zuih ka malte thleng vel tur tight deuh ṭang chu la chhuakin ka inbel ta mawlh mawlh a, chu ka kawr rem tur tak chuan pheikhawk dumke artui sang lemlo tak chu thlang chhuak lehin ka inpeih ta der mai, ka hmâi chu ka chei ve nel nial bawk a, ka sam chu sei em em vak lo mahse, ka vial kâwi ve deuh bawk a. Bara kal tur chuan ka inpeih ta zân e.

Ka room kawngkhâr chu an rawn kik dat dat a, "Yes!" Tiin ka lo chhâng s..

Clarisse chu ka roomah chuan rawn lûtin,"Wow Chloe !" A rawn ti hlut a, ka lo lâi kher mai, ka biang chu a sen ṭân ṭân ka ring.

Chutah "Chloe i mawiin i nalh takzet a nia ,"Clarisse chuan a rawn ti leh chûl a.

"Ka lawm e," ti a zak deuh tak a lo chhânlét ve sap pahin, "Barah chuan eng kawr nge ka hâk tiin ka lo buai ru luutuk a." tiin ka lo nuihlét sak a.

"Dear kha ti khan i ṭha famkim tak zet." Tih pahin lungawi hmél zet hian min rawn thlék kual a.

Keilah pek chuan lo thâwk huai pahin, " Thank God !" Ka ti pah halh a.

Clarisse chu rawn ṭawng chhuak lehin, Jane in living roomah a nghâk tawh che a nia, i inpeih tawh chuan?"

"Ka rawn kal nghal e."tih ve pahin, ksn pahnih chuan kan inzui thla dûn ta a.

Living room ka va luh chuan, Jane chuan a phone bawk chu a lo khawih leh mial mial tawh a. A bul ka thleng tih pawh chu a hre lo a niang, a rawn dâk chhuak eih lo.

"Ka in peih e." Ka ti ta sap a.

"Oh!" ti a rawn din chhuah pah chuan, Chloe ka ngâi tawh khawp mai che." Zanin chu kan pahnih in bsrah hun kan hmang fûn leh dawn a nih hmél." Tiin phûr hmél zet hian min rawn nuih var var baek a.

Kei pawhin ka ngai lutuk tawh che, nangmah ang a ka kawmngeih hi an awm lo reng a ni." ti ve in ka nuih ve sak a.

A chal chu lo dawm ngaih pahin, " Ni e a dik a lawm." Tih pah chuan a lo meng kual deuh ralh a, kan han nuih dûn leh rih a.

Engthawl hmel zet a rawn ṭawng chhuak lehin, " A nih kal i la ." Tiin kan inzui chhuak dûn ta a.

Bar awmna kan va thleng achhûng kan han lût zet chu, a ropui in a mawi tak zet.

Ka hmélah chuan a lang thei a ni chiang ang, "A ropui tak zet a ni ti raw?" Jane chuan ka bengbula rawn phun sar sar pah hian a rawn ti a.

"Oh Jane a mawi tak zet." Hlim sâng hian ka ti ve chûl a.

"Lokal rawh le." Tiin Raven leh Mike lo dinna lamah chuan min kalpui ta a.

An bul kan va thlen chuan mak ti zet a an ni chu en he haw pah hian, "Eng vângin nge in hnathawhna thuamhnaw vek a in inthuam chhan?" Tiin mak ti zet hian ka zâwt hlawm a.

He hmunah hian thil eng emaw tak pawh lo thleng thei mai a nih a vângin, inring reng a kan awm hi a ṭul a lawm," tiin Jane chuan min lo chhâng satliah a.

"Eng nge i thusawi awmzia, thil eng emaw rawn thleng tur a awm tihna em ni?" Hlâuthawng ru zet hian tiin an ni ho chu ka lo melh tawn chhén hlawm a.

"Nilo e, lo hlâuthâwng vak duh suh! A awm tâk thutin tih chauh a lawm, chuan lo awm pawh ni se, keini ho hian kan véng hneh lutuk che." Jane chuan a lo ti leh mai a.

"Chutah no zeta min rawn melh pah chuan,Zane nen in chung châng thu ka hre vek duh!" A rawn ti deuh nghâl tawng a.

" Umh... engmah hrilh tur che u ka......

"OMG , i ti thei ta ti raw??

"Eng a?" Ka hrilh ngai hauh lo che si a," tiin mak tizet hian Jane chu ka lo en a.

"Oh Girl mi hrilh a ngai miah lo."

"Jane Boss in a hriat vaih chuan, buaina i tawk a ni mai," Raven chuan a rawnti ve a, Mike ve thung erawh chu a lo mengkual rulh thung.

"Hey Jane a fair lo khawp mai, mi awmdan i chhiar theihna hi ti tâwp ve rih la," tiin zah a vâng a sen ṭan ṭan chung chuan ka lo ti a.

"Sorry ka lo insûm theilo leh ṭhin a lawm."

Mike chu lo ṭawngchhuakin, "Hmeiche ho takzet hi chu! " Intur ka lam dawn tu nge duh ve?"

"Oh kan duh vek ang, " tih pah chuan Raven chuan,"Chloe kan future queen tur lawmnan a lo ti zauh pek a, chumi pah chuan a mitko chu min rawn sân khum pah âk a, an pathum chuan an lo nui dar dar hlawm a.

Kei lah pek chuan a ngaihna hriat loh hmél fe hian, " Eng thu awihawm loh zet nge mawni in sawi chiam chiam chu!"

"Hey Raven thil hi lo ti chingpen zo zel lo la."

"Jane nangmah a nih kha rawn sawi chhuak hmasa tu tiin Raven chu za zet hian a lo nui ar ar a.

Mike pawh chu kan bul rawn thlen veleh pah chuan kan intur chu min rawn pe diat diat a.

Ka zah zel chuan intur chu ka lo tem hlak a, ka hrawk chu a khak thla hneh khawp mai, ka pum lamah chuan a sa thla vang vang mai.

Mahse an ti tî duhdan zâwng ah hi chuan he thil hi ka mamawh ber chu a ni âwm e.

Raven chu a lo la phûr dawn chauh mai, ka lam a rawn din hnaih deuh sauh sauh pahin,"Chloe Zane taksa i tawh lai chuan eng ang chiah a nuam nge a nih?" Tiin a mit chu min rawn siai khum sak a.

Ka zak lutuk chu ka biang te chu a lo sa hat hat thei hial zâwk.

Chutah; "Ka hre châk tak zet!" Come on Chloe ka tibuai viau che em ni?" Raven chu ka duhai in fiamthu a ngamlam hret a ni, ka duhzâwng a ni hauh lo.

Chu tihlai mék chuan !

ZANE ....

Ka phone ka ah chu a rawn ri nghawr dar dar a, lo lâk nghâl pahin, "Ivar in va bei rei em em ve?" Ka lo tih khum.hrâwk a.

"Boss min beitu an awm."

"Beitu maw, tu te nge?"

"Red scorpion ho khan kan thlen hun min lo nghâk reng tawh a ni."

"He tiang thil ni theilo zet hi engtinnge a thlen theih hrep chu le?" Ka thin chu a rim tak zet, mahse phone ah chuan ka insûm ṭang ṭang thung, nimah se phone a min rawn be tu hi midang ni lovin, Ivar a ni miau a a hrethiam vek tho tho ang.

"Ka chiang chiah bîk lo, kan thusawi tu emaw ngaithla ru tu kan zîngah a awm a nih loh chuan, phone a kan inbiak na lo tract tu an awm a ni ang."Ivar chuan a lo ti keh sup a, hrehawm a tih hmél tak zet.

to be cont....

ZANE ....

Ka phone ka ah chu a rawn ri nghawr dar dar a, lo lâk nghâl pahin, "Ivar in va bei rei em em ve?" Ka lo tih khum hrâwk a.

"Boss min bei tu an awm."

"Bei tu maw, tu te nge?"

"Red scorpion ho khan kan thlen hun min lo nghâk reng tawh a ni."

"He ti ang thil ni theilo zet hi engtinnge a thlen theih hrep chu le?" Ka thin chu a rim tak zet, mahse phone ah chuan ka insûm ṭang ṭang thung, nimah se phone a min rawn be tu hi midang ni lovin, Ivar a ni miau a a hrethiam vek tho tho ang.

"Ka chiang chiah bîk lo, kan thusawi tu emaw ngaithla ru tu kan zîngah a awm a nih loh chuan, phone a kan inbiak na lo tract tu an awm a ni ang."

"A nih leh midang ho eng nge an an?" Ngaituah zet chung chuan ka ti a.

"Chu tiang lutukin an ngaihtuah awm loh,lo ngaihtuah buai duh suh!" Ivar in a rawn tih chuan ka thaw huai mai.

"Héng mi te hi kan do lét ang a, ti chuan kan thill thawn tur kan thawn theih veleh ware house kan rawn pan nghal ang."

"Ivar i ti ṭha e." Carter ka lo bia ang a, he thil hi tunge lo ti tu leh kan incall na hi tunge traitor ni reng reng tih ka lo chhuitir ve hrim hrim ang." Barah chuan min rawn hmu dawn nia i theih ve leh."

Phone chu ka cut a, " Chûng zâwngchhe ho hrep chu leh!" An thil tih hi an hre lo a nih hi," tiin ka au tuarh a.

"Nikhat chu ka kutah ngei hian an la awm dawn a lawm."

"Ti chuan he sazu vervék zet pawh hi tunge a nih tak tih pawh ka la zawng chhuak ngei bawk ang." Ka thinrim lutuk chu ka âu leh tuarh a.

CHHLOE....

Mike chuan ngaihṭhatloh hmél pu zet hian, " Raven thil ṭhalo eng emaw tak awm a hriatna ka nei." A ti sup a.

Jane pawh chuan, saw pa rawn lût chiah saw , rinhlelhna riau ka nei, a chhan chu a rawn luh a ṭangin, a hawi kuwl reng mai leh nghâl a."a ti ve bawk a.

Chutah Mike chu rawn ṭawngchhuak lehin, Chloe hi a him thei ang beriin lo awmpui u la, ka va ngaihven ang e." Tiin a kalsawn ta nghâl a.

Hlâuthâwng zet a Raven leh Jane chu lo melh pahin," Eng thil nge thleng hi?" Tiin ka zâwt sap a.

Engmah a ni lo ang, khawngaihin , ngaihngam tak khân lo awm phawt rih mai teh!" Thil diklo eng emaw i hmu a nih chuan, ka phénah hian rawn ding ang che." A ti a.

Jane leh Raven chu ka en a, mitmei in an lo in be rawn a ni tih chu ka hmu bawk nen, hlauhna hlir hian min rawn tuam a, ka taksa chu a vawt vek a hriatna hi ka nei.

Thil eng emaw tak chu he hmunah hian a thleng a hriatna chu ka nei a, Jane chuan min rawn nuihsak pahin, engmah thleng a awm loh tur thu chuan min thlamuan ve takna a chu, an awmdan ah chuan ka hrethiam tho tho.

Chutih lai tak chuan......

Jane chuan a silai pâi chu a rawn a phawrh chhuak zawk a, chutih pah chuan, "Chloe tûnah ka hnungah!" a ti deuh ṭhat a.

Bar light chu a rawn thim khup a, chu ta ka thil hriat awmchhun chu silai puak ri chu a ni.

Mipa aw hian, hmeichhia chu zawng rawh u." Tiin a rawn sawi a, a thim em a vângin, tu sawi nge tih pawh ka hre thei lo.

Raven chu rawn vîn ṭhat pah chuan, "Jane Chloe hi he hmun a ṭang hian hruai chhuak nghâl vat rawh!"

Chulai a awm mipui mangang âu thâwm chu ka beng ah hian a khat nuaih nuaih a, chu thil chuan min ti hlâu in, ka taksa chu a ti khawng zo vek thei, zanin hian heti ang mai chuan ka thi duh lul lo mai.

Ka taksa chu a khawng vek a,

Engmah ka hmu thei lo , ka che sawn thei bawk si lo, chu tihlai chuan,tu emaw hian ka bânah a rawn vuan a....chu bar a ṭang a min hruai chhuak tur chuan Jane a nih ka ring ve tawp.

Chutah thimzîng ah chuan thil ka hmu thei ve ṭan ta a, chuta ka thil hmuh ho chu, mi ṭhenkhat chu silai in a kah fuh hlauh a vâng a tlânchhia te leh Mike in mipakhat a lo bei lai te chu ka hmu thei ta a.

Jane chu a ding chawih a, eng nge a din na chhan hriat tum chuan kan hma lampang ka va hawi ve nâk chuan, kan hma ah chiah chuan mipa pakhat la naupan hmél zet mai chu silai nen hian a lo ding reng mai a, Jane bânah chuan nghet zet hian ka kuah a, mahse Jane chuan min namsawn in chu pa silai keng pa chu a lo bei lét ta mai a.

An inbei lai chu ka lo thlir reng a, Jane chuan inbeih chu a hnehsawh takzet, Hmeichhia high heel bun chung a chutiang khawp a a che thei mai chu mak hi ka ti tâwp thei lo.

Chutah bihrûk tumin hmundang pan tura ka kal sawn lai tak chuan, ka hnunglam ah silai kah ri ka hre ta a , ka taksa chu che thei tawh lo hian a khawng vek a.

Eng thil nge thleng tih pawh ka hre khawp mai.

Ka hnunglam chu ka leh hawi vat a, chutih lai tak chuan Jane pawh chhuatah a tlu ve chiah bawk. Khawiah tak nge chu pa chuan Jane chu a kah tih chu ka hmu thei lo.

Jane hming lama âu tuar tuar pahin a tlûkna hmunah chuan ka tlân lét leh a, a hun takah kan chhan chuan a la dam em em ang tih chu ka beisei a ni.

Mahse chutih lai tak chuan, Jane silai a kâp tu pa chuan Jane ka kuahna a ṭang a min kaihsawn pah chung chuan, " I lo kal ve a ngai!" A rawn ti a.

Chutah eng emaw ni thil ném tak, tissue paper ang mai hi ka kâ zawnah chuan a rawn dah a, chumi hnu ah chuan ka khaw hmuh te chu a phé vekin engmah ka hre zui ta lo.

**************

Reilo te hnuah chuan light chu a rawn éng ve leh ta mai a.

Raven chu Jane engmah hrelo a lo tlu reng a hmuh chuan, a lamah chuan va tlân vatin, "Jane !" Tiin a ko pah mawlh mawlh a, Jane chu thisen hian a lo chiahpiah nuaih mai a.

Mike lah chuan mak ti zet hian, " Helai hmunah hian eng thil hrep nge lo thleng hi?" A lo ti ve bawk a.

Raven chu Jane tlûkna hmunah chuan ṭhingṭhi hniamin, Jane chu kuahpah chuan, " Jane tuar hrâm hrâm rawh aw. La chelh rih hrâm rawh khawngaihin," a ti ve hliam hliam a.

Mike chuan a phone chu la chhuakvatin, " Rang takin barah lokal turin ka duh che, ti chuan doctor pawh rawn ko bawk la ."tiin thinrim zet hian phone chu a cut leh nghâl a.

Chutah thil hriatchhuah nei thut ang mai hian a rawn harh deuh kâwk a, a hmelah chuan hlauhthâwnna eng emaw tak a nei tih pawh chu a hriat theih nghal.

"Khawiah nge Chloe hi?" Mangang zet chuan a rawn sawi chhuak a.

Raven pawh chuan hlâuthâwng zet hian, khawiah mah a hmél ka hmu bîk lo."tiin a chhâng ve a.

Mike chuan hreh hmél zet a a phone chu phawrh leh pahin, "Boss barah i lo kal a ngai ang, i theih ang a rangin!"

"Eng vângin maw Mike?"

"Barah beih kan tâwk!" Jane kah a ni a, a dinhmun a ṭha lo khawp mai ......chuan....'

"Vawiin ni hian engthil hrep chu nge thleng zozai hi?" Jane chu tûnah rangtakin dotor hnénah hruai nghâl rawh u."

"Boss....

"Mike tûnah ka sawi ang chuan ti vat mai rawh."

"Kha chu ka ti tawh e." Mahse boss....kan .... Chloe kha a awmna kan hre lo."

"Mike i thusawi awmzia hrep chu eng nge ni ngâi?" Oh f*ck Mike, Chloe.....

"Boss min lo ngâithla......

"Mike ka rawn kal nghâl."

Mike chuan phone chu a dah ve ta a, chutah Raven chuan lo bia in,"Mike Jane hi Car a dah lût turin min lo pui rawh, rang tak a doctor hnén a kan hruai vat a ngai in ka hria!" A ti a.

Pâwn lamah chuan Jane chu an zâwnchhuak dûn ta a. Car seat hnunglam ah chuan Jane chu mut tirin,Mike chuan Raven hnenah chuan, "Kei in Jane hi doctor bulah ka theih ang a rangin ka lo va hruai ang a, nangin Zane lokal chu i lo nghâk dawn nia." tiin motor chu a start ta nghâl a.

Mike te an tlân liam hnu chuan, Raven chu Zane lo thlen hun nghâk tur chuan bar chhûnglamah chuan a lût leh ta a.

ZANE POV....

Mike thu min rawn hrilh chuan min ṭhawng tak zet, Chloe a awm lo a maw? Chutah Jane lah chu thi lek lekin a awm bawk nen, vawiin ni hi ka tân chuan vanneihna ni ti chuan ka ko thei hauh lo ang.

Rang zetin ka office a ṭang chuan ka tlân chhuak a, pâwn a ka car lo dingah chuan ṭhu lût nghâlin, bar awmna lam chu hmanhmawh zet hian ka pan ta a.

A hmun pawh chu ka hmanhmawh ém a vâng chuan ka thleng thuai réng. Bar chhûng ka lût chu a lo ruak huai a, kil khat a Raven rilru hah hmél zet a lo vei tawn sek lam chu hmanhmawh zet hian ka pan ding nghâl a.

"Raven engthil nge thleng, khawiah nge Jane leh Chloe chu an awm?" Ka va tih khum hrâwk a.

Ka mit ah tak pawh lo en ngam lo in, hnuailam melh raih pah chuan," Jane chu Mike in doctor hnénah a hruai a, chuan.....Chloe chan chin chu engmah hriat kan nei lo boss....."

"Eng nge i thusawi awmzia chu?" I thusawi chu han ṭan ta che!" Tiin ka lo vîn khum leh tuar a, ka thin chu a tâwt up up a, mawi leh mawi lo pawh ka thliar hrang thei tawh lo.

Raven chuan light a thim hnu a thil thlen dan eng kim chu min hrilh ta vek a, ngun zet hian ka lo ngâi thla a, ka thin chu a rim belh zual sauh !

Raven chuan a thusawi lâi chu rawn chhunzawm lehin, " Chuan Jane leh Chloe chu engvâng nge tih pawh ka hre lo." A chhan chu kha tihlai khân midang ka beih a vângin, an bulah ka awmlo a ni." Ka ngaihdan chuan he thil hi Jane rawn harhchhuah hunah zâwt la ṭha in ka hria."

"F*ck heng Red scorpion ho hi! Oh ka that fai vek ang maw le." Tiin thinrim zet hian ka aú tuar a.

"Boss thil thleng kha kei chuan gang attack ah ka ngai lo."

"Raven eng thil hrep chu nge maw i sawi chu le, eng vângin nge a nih loh theih rîk ngawt ang a?" Chu thil chu engin nge rin tir che?"

"Engmah thiam tak tak an nei hlei nem, eng ti angin nge in beih dan tur tih pawh an hre lo a, ti chuan an landan chuan an hlâu em em vekin ka hria."

"Chirhdiak ang mai a nèp an ni , Chloe rawn hruai tur a rawn kal chiah an nih ka ring, invén nan silai an nei vek bawk a, ti chuan thimzîng ah silai pawh an chelek bawk."

"An zîng a mi pakhat thu sawi ka hriat chu!" Hmeichhia chu zawng rawh u tih a ni."

"Chuvâng chuan mi beih tum a lokal nilo in, Chloe rawn man tum a lo kal chauh an nih ka ring, a chhan chu light a rawn awm leh khân heti lai hmunah hian Chloe chu a awm tawh lo reng reng ."

"Ka zawn ngei a ngai ang!" Tiin Raven bulah chuan ka sawi a, ka thinurna chu thunun ka tum teh reng nen a theih loh hul hual.

"Ka hria a lawm boss!" a ti sap a.Thâwk a la ve hak a.

Inbeng daih nana thâwk lo lâk ve hawk pah chuan,"Lo kal rawh le, warehouse ah chuan kal ang, Chloe kan zawn a ngai a, Jane pawh hmuh ka duh!" tih pahin kal chhuah chu ka rual ta a.

Ware house kan va thlen hnu chuan, Jane an dahna room chu ka hawng nghâl a, mahse doctor chuan lut rih lo tur a min lo tih a vâng chuan Mike chu ka hmu leh ta a, Mike hnen a ṭang pawh chuan ka thudawn chu a ngai tho mai, chûng sazu ho zet chu, tu nge an nih chiah tih ka hriatchhuah zet hunah chuan, an chák lo teh ang chu!

Darkar hnihlai kan nghah hnu chuan, doctor chu a rawn chhuak ve ta a, doctor chu lo pan hnaih nghâl pahin, "Doctor eng nge Jane chu a an?" ka ti a.

"Hmeichhe vânnei tak a ni e, a áwmah kah fuh a ni a chu, mahse silai mu hian thilpawi pakhat mah a khawihlo hlauh a, thisen a hloh hnem deuh e tih chauh a ni, ti hian mu rih sela, a rawn harh hunah chuan a ṭha chhunzawm veleh mai ang."

"A rawn ṭha chhuak leh dawn tihna a nih chu! Naktukah a mah endik turin ka rawn kal leh ang."

"Ka lawm e doctor!"

Doctor ka tâk hnu chuan, Jane lam chu zu hawi thlâk pahin, "Jane khawngaihin harh teh! Chloe in a mamawh che......kei pawhin ka mamawh bawk che, he ti ang mai mai chuan Chloe hi ka hloh thei lo ang." Ti a ka phun sup hnu chuan, ka chhuahsan ta a.

**********

ARIANNA.....

"A tâwp a tâwpah chuan i rawn thleng ve ta hrâm a lawm hei!" Tih pah chuan Tom chuan a hmél a mi nghahhlelh zet na nen hian min lo en a.

Chutah a thusawi chu rawn chhunzawm lehin, " Hna chu a zo tawh e, tûnah chuan a la muhil rih a, chuvâng chuan kan ka vo in kan la sawiṭhaih thei rih lo ." A ti leh a.

Chîk zet a Tom chu lo en reng pah chuan, " Ruahmanna kha thlâk leh a ni e," ka ti ta nghat a.

"Eng nge i sawi awmzia chu?"

"Kha ti ang a vo a sawi ṭhaih tur khan ka duh leh lo che, that turin ka duh leh zâwk si che."

"Arianna kha kha kan indawr tawn na a ni hauh lo."

"Tûnah chuan a ni tawh a ni mai a lawm."

"Hey kan inbiakna ah kha chuan, he hmeichhia hi,kidnap leh vau a tih hlauh chauh kha a ni si a." Chuan i mit hmuh phâka a awmloh na turin!"

"Nilo e, Arianna he tiang hmeichhe pâng ngâi ve mai hi ka that thei ringawt lo ang, chu pawh i thîk mai a vâng leh nghâlin! " i â takzet tawh a nih hi, i that duh a nih chuan i duh leh nang mahin ti ang che."

"He thil ah hian kei chu ka inthiar fihlim e. Tiin a kal ta daih a.

Oh a ṭha lutuk, keimah ngeiin ka ti ang, he thil ah hian tumah ka mamawh lo e, tiin zâ zet hian ka nui a.

He dawithiam nu hi a rawn harh hun chu ka nghah phawt a ngai ang. A chhan chu he thil hi tu tih nge tih leh eng thil nge thleng tih hi ka hriat tir hmasa duh phawt, tiin ka nui leh vak a.

ZANE WARE HOUSE....

Zane chu ngui zet hian midang bulah chuan a rawn kal a,Ivar chuan hmel ngui ruihin,"Jane chu eng nge a an?" tiin a lo zawt a. tumah pawh be lo in a kal tlang ta daih .

Mak an lo ti hlawm ngei mai. Mike chuan Ivar zawhna chu lo chhângin, a vânnei khawp mai, silai mu khân thil pawi engmah fuh a nei lo hlauh a." A ti a.

"Eng nge diklohna a awm em ni amah kha?" Tiin Zane tumah pawh be lo a a kal tlang daih chu mak tih hmél fe hian Ivar chu a zawt a.

"Mike eng nge ni vak se i tih?"a tih khum hrâwk a.

Raven chu lo inrawlh ve in, "Mike i hria a lawm a nu leh pa in an thihsan a ṭang khân tumah hi hmangaih tak tak leh ngaihven tak tak a tan neih har tawh ang tih te chu, chuan chumi hnu ah Chloe a ngaihdan zawng zawng thlâk danglam sak thei tu a tawng leh a, a ni lah thi leh dam karah a léng leh a, nangpawh ni la he ti ang tho hian i awm ka ring."

"Kha mi ni pawh khân a bulah kan awm ve reng kha!" A ti leh sap a.

"Ok ka hrethiam e, Chloe pawh hi a ngaihven hle tihna a ni phawt ang a."

"A ni chuan a ngaihven a ni tih hi a pawm hauh lo thung! Mahse kei ni chuan kan hmu thei a ni." Tiin Raven chuan a lo chhunzawm ve leh a.

"Khati ang thil ho mai mai sawi kha duh tâwk tawh rawh u, tûnah chuan Zane hian ngaihven a mamawh rih in ka hria." Ivar chuan a rawn ti ve ta hrawih a, chu tia a rawn sawi tâkah chuan Raven leh Mike chu an ngâwi nghâl dak a.

Chutah Ivar chu rawn ṭawngchhuak lehin, "Chloe hi tûnah hian a la dam a nih pawhin, hun tam zawng a nei tawh huah lo ang."

"A nih chuan eng nge kan tih ták ang?" Tiin Mike chuan a ti a.

"Tûnah rih chuan engmah tih theih kan nei lo, Jane rawn harh chhuah hun hi kan nghah mai loh chuan, a nih loh pawhin Carter hian eng emaw tal a rawn hmuh han beisei phawt i la," Ivar chuan a rawn ti leh a.

ZANE....

Jane room a ṭang a ka chhuah hnu chuan tumah pawh be lém lo in, Carter hna lo thawhna roomah chuan ka lût tlang nghâl a, Carter leh Andy chu awm in hna an lo thawk dun mawlh mawlh a.

"Traffic Camera ah chuan thil hmuh chhuah in nei tawh em?" Tiin an pahnih chu ka zâwt a.

Carter chuan ka lam hawiin, "Boss hmuhchhuah chu kan la nei rih lo, a chhan chu bar chhûng a camera kha off tu an awm a vângin engmah kan hmu thei lo."

"Hmm bar chhûng a camera an off a maw? Tiin ka lo ngaihtuah a. Tûn ṭum a hetiang a thil ti tu hi ahma kan thil Red scrorpion ho hnen a lo thlen tu pawh kha a ni mai thei bawk a ni.

"Boss he thil ti tu hi eng ang hmél pu nge a nih tih rinngaihna kan hre thei lo, chuan eng carah nge Chloe kha an hruai tih thleng pawhin eng mah kan hre theilo a ni."

"Zawng rawh Carter , naktuk ah he hna hi ka tân a thawh i la duh a nih chuan." tiin ka vîn khum tuar a.

"Aw le boss, ka theihang tâwk a ṭha a tih ka lo tum dawn nia."

"Inbeng dai hrâm teh Boss , he tia i thinrim na hian Chloe hnénah min hruai thlen theih ka ring lo." Tiin a thaw pah hawk a.

"Andy eng tia inbeng daih tur nge tih hi min hrilh ka ngai hrep lo ve." Tûnah hian Chloe chung châng a nih hi kan sawi." Thinrim aw zet hian ka tih khum leh hrâwk a.

Chutah thinrim a vâng a an pahnih a melh khur pah chuan, "A nih a phone kha track intum tawh hrim hrim em???"

"Ahm, boss camera ho kha kan ngaihven na lamah a phone chu tihna hun kan la neilo a ni," tiin min chhâng leh sup a.

"Oh Andy hian inbengdâi turin min ti a em ni khâ?" Tiin thinrim zet a lo sawi el khum pah chuan, ka kut ṭang leh lam leh lam chu elhsen zet hian ka tih kawih khum zauh zauh a.

Chutah thinrim zet a an pahnih a vin khum leh tuar pahin, "Cazzo eng hetiang hrep a smart hian a ni maw hna in lo thawh ṭhin! An ni ho chuan mâwl an ti dûn ngawt ang che u !" Tûnah hian a phone chu ti vat nghâl rawh u."

"Eng emaw inhmu a nih chuan min rawn hrilh nghâl vat bawk ang che u." Tihpah chuan ka in her vut a, kal chhuah ka tum lai tak chuan, Andy chuan min rawn ko in, "Boss khawiah nge i kal dawn?" a rawn ti a.

"Ka hre lo Andy, eng emaw tih ka ngai a ni." ka tih khum hmuk a.

"Boss ka lo zui ve ang che."

"Nilo, Carter kha pui zâwk rawh!"

"Mahse bo....

"Andy order a nih chu!" tih khum hrawihin, rum zet hian ka melh a. Chumi hnu chuan Carter leh Andy chu ka chhuahsan ta a.

Room pâwnah ka va chhuah chuan, Ivar chuan mi lo panhnaih pah hian,"Zane he tia nghák reng lo hian eng emaw kan tih a ngai in ka hria .....

A sawi zawh hma hma chuan, "Engmah thil hriatchhuah kan la nei lo. " ka tih khum hmuk a.

Chutah ka thusawi chu chhunzawm lehin, "Mahni chauh a hun hman ka duh rih Ivar! "

"Eng emaw hriat innei a nih chuan, min rawn be mai dawn nia," chauh hmél zet a tih leh pah chuan ka kalsan ta hlawm a.

"Ivar chuan he thil hi a ṭha dawn lo khawp mai!" A ti ngui ruih a.

To be cont ....

ZANE POV.....

Warehouse ka chhuahsan a,pâwn a ka car hûn ah chuan ṭhu lûtin, khawi ber nge ka pan dawn tih pawh hre lem lo in, car chu ka khalh kual a, he ka chak lohna hi, ka mi te ho hian keimah ah hmu lo se ka duh a ni.

An leader ber ka ni a, ka kaihhruai an ngai, kei ka chakloh chuan an ni pawh an chak lo ve mai ang.

He thil hi a thleng thei lo hul hual!

Amaherawh chu he ka thil hriat rengna hian min ngaihtuah chhuah tir zel bawk si.

Mi tumah hi ka chân theilo tak zet, chu chu keimah a pawimawh ber a ni.

Ka kîr leh hma ngei hian ngai ka awh leh vat chu a ngai ang. A hma anga chakna nei leh tur khân ka beih ngei chu a ngai.

Kei hi Italian boss ka ni a, engvâng chuan nge hmeichhia mai mai a vâng a ka han chakloh rîk ngawt mai chu le? He ti ang thil a thlen hma zawng zawng kha chuan, engkim kha a dik thlup vek si a.

Ti hian an sawi ṭhin em kha, mi tu pawh mai hian chakloh rûk na kan nei vek ṭhin ti in.

He nu vâng hian ka chaklo ṭhin tihna em ni, nge ni, chu ngaihtuahna ka neih tlat a vâng chuan ka chakloh phah zâwk ?

Mahse engvâng nge?

Eng vângin nge a ni khér?

Tûnah hian engvâng nge?

Thâwk ka la hawk a. Ka rilru chu a buai nuaih ma!

Chloe hi hmu tawh dawn lo ta ang ni i la, eng chu nge ka tih tâk ang?

Mahse heihi chu ka chiang tak zet, ka lak a ṭang a min lâk sak tu hi ka hriatchhuah hunah zet chuan, a hnu leh awm tawh lék lo turin ka sawi sa ang.

A chhan chu he thil hi tu pawhin an ngaihtuah zél na turin leh ka duhdan lo zâwng a ka lak a che chuan, inchhîr ram ram na an neih lét theihna turin.

Khawpui chhûngah chuan darkar tam fe chu ka tlân kual tawh awm e. A chhan pawh khawiah emaw tak Chloe hmél chu hmuh ka in beisei tlat a ni, a nih loh pawhin, tunge Chloe chu lo hruai tih ka hmuh mai ka inring bawk, A nih loh leh, Chloe kalpui tu te hnungah chuan tlânve ta angmai a inhriatna te ka nei bαwk a.

Ka car chu ka tiding dawt a, chu hmun chu ka pan tih pawh ka inhre lo, mahse a zâwn takah chuan ka ding miau si, he hmunah hian ka tûnhma nun zawng zawng te chu thuhrûkin a awm a ni.

Ka la naupan deuh lai kha chuan, mahni chauh a awm ka duh chuan, he hmun hi ka pan ṭhin a, he hmunah hian ka ngaihtuahna buai nuaih ṭhin te chu ka lo ti thawveng tawh ṭhin a ,thil pakhat ka ngaihtuah ṭhin chu, heti laia ka awm a, ka din hian ka veng hawk a hriatna ka lo nei tawh bawk ṭhin a nih kha, tumah ka bulah awm lo se ti chuan ngaihtuahna fim pawh ka neih leh phah ṭhin a ni tih rinna a vângin, he hmun hi ka  pan ṭhin a ni.

He hmun ka tlawh tâwp ber kha chuan, Chloe pawh ka bulah a ding ve a nih kha.......

"He tilai hmunah hian i awm ka ring reng a ni." Ti a ka hnunglam a min rawn be tu lam chu zâwimuang a in herin ka lo en a, mahse ka inher lét leh vat a, ka hmalam chu ka thlîr leh ta a.

Ka bulah chuan Ivar chu rawn ding ve in, ka thil thlir chu a rawn en ve pah vung vung a, " Engmah hi a in thlâk danglam thei tak tak chuang lo .....

"Ivar hetah eng nge i rawn tih?"

"Khawiah nge midang ho?" Tiin ka  zâwt a.

"Warehouse lamah an awm vek....chuan helai ka rawn kal chhan chu nangmah a vângin leh ṭhian kan nih na angin." Tiin min chhâng ve a.

"Ka ṭha a lawm, ka thlûak a ngaihtuahna tam tak awm te hi paih thâwl lawk ka tum mai a nia."

"Chuan engthil in nge hetilai hmunah ka awm dawn tih rin tir che a?" Ka ti sup a.

"I la hre reng lawm ni, ka boss mai pawh nilo in, kawng lehlam ah chuan ka bestfriend i ni reng a ni tih hi?"

"I chung châng engkim hi ka hria a sin!" I nu leh i pa in i awmna hmun hre lo a an zawnbuai em em lai che pawh khân, keimah a nih kha hetilai hmuna lo kal a hruaikîr leh tu che kha." Tiin min lo nuih vur vur a.

"Ivar ka theihnghilh hauh lo ang." Tihpahin ka  nuih khum ve suk a.

"Zane min han hrilh teh! Nangmah ringawtin i pâi reng thei bîk lo ang."

Ka hmél ngûi tak chu lo hmuh pah hian, "Ivar ka hrethiam bîk tawh lo, ka ngaihtuahna zawng zawng hi Chloe hian a nei vek tawh a, amah hi ka ngaihven em em a, engvâng nge achhan ni ang tih pawh ka hre thiam tawh bîk lo."

"Well ka lo rindan chuan hei hi a chhan a nih ka ring, I hria em? He thil hi i pawm duh tlat loh vâng a nih chu!"

"Engmah diklohna a awm lo e." Tiin mitmeng lainatna a khat hian minmelh leh rulh a.

Ka aw chu   then hruih pahin leh lungnilo zet chung hian,"I hria em, he nu hian chaklo turin min siam tih te hi, a mah a vângin a nih hi ka chakloh tâk em em na chhan, i hmu ve lo em ni? Heti ang hi thlentir ka duh reng reng hlei nem."tiin thinrim zet hian,ka tih khum hrâwk a.

Chutah ka thusawi chu chhunzawm leh pahin, "Ka inthlâk danglam tawh, a chhan pawh he nu vâng vek hian!"

"Ka ring e, mahse i tân thil ṭha zâwk pawh a ni mai thei a sin,a nih loh pawhin, thil i tibuai zo vek pawh a ni thei bawk a, a chhan chu he thil hi beihlét i tumtlat a vângin." Tiin a khabe chu a dawm ve rûn a.

"Chloe hi ka hmu ngâi dawn tawh lo a nih chuan, engkim ka tih theihlohna chhantur a awm ka hre lo, tumahin he kawngah hi chuan min dâl thei lo ang."

"He thil hi ka thiamloh vek a ni, a nunna derthâwng zet a dah tu chu keimah ngei hi ka ni si a," rilru na zet chuan ka ti leh hrawih a.

"Zane chutin thil anngaihtuah ngai lo, kan zawng em em ang, chuan a chhe lam zâwng hlir hian thil ngaihtuah ṭhin teh suh!"

"Come on, a thi tawh a ni ti a ngaihtuah buai vak vak lo in, kha bar a ṭang khân tu chuan nge hruaichhuak ta ang tih hi ngaihtuah zâwk ta che."

"Chuan Jane kha silai a kah a ni a, kha hmunah khân,chu thil chu Chloe chungah pawh khân an ti ve thei reng, mahse khati ang thil kha engmah an ti lo."

"I ti dik e Ivar, he thil hi ngaihtuah fe chu a ngai a ni."

"Ka dik reng fo a lawm, tihpah chuan min lo nuih khum leh suk a, a thusawi chu rawn chhunzawm lehin, " Chuan ka dik a ni tih hriatna thil dang te i la hriat belh duh em?" Tihpah chuan a mit chu min rawn siaikhum suk a.

"Eng maw???"  ka  phu zawk .

Chutah a aia thutak zâwk fe hian, "He hmunah hian chhûng leh khat nangmah lo nghák reng tu te i nei a, i mamawhna a piang a pui tur che in, an ngaichâng reng che a ni tih hi i hriat ka duh bawk."

"Ka lawm e, Ivar nang hi chuan min hrechiang mah mah chu a nih hi.....

"Eng maw???

"Ka lawm e, tih chauh maw, inkuahna pawh tello in?" A nui pah hawk hawk a.

"Hey boy ti lui lo ang che."

Ivar hi min hre chiang ber tu awm chhun a ni âwm e, he ka nundan nilo ka mize dang hre tu ber pawh a ni bawk.

A ni hi lungngai zet a ka awm min hmuhsak tu awm chhun a ni a, ka nun a ṭanpui ka ngaihber lai leh engkim ka hloh lai pawhin, ka bula awm ṭhin a ni.

"Engkim a min support turin ka bulah a awm reng ṭhin bawk!

***************

ARIANNA POV......

He nu hi tunge maw ni a a in hriat hrep chu le, sleeping beauty ang tluk zet a han mut mai chu!

Darkar tam a ni tawh nikhawhrelo a a awm tawh na hi! Zing lam a ni der tawh leh nghâl, Zane in amah zawngtur a a rawn kal hma hian, engkim ka tihfel a ngai ang. A chhan chu a rawn zawng leh ngei dawn si a, hetia a rawn zawn hma ngei hian engkim ka lo tihfel vek a ngai ngei ang.

Oh khawiah nge a phone hrep hi a awm ang, tih chu ka ngaihtuah chhûak thut a, ka phuzawk hial, ka va lo ngaihtuah chiang lo em!

"Oh no.....

Rangzetin Chloe engmah hre lo an dahna room lam chu ka pan nghál hlawk hlawk a.

Khawiah nge a phone hrep pawh chu a awm? Tiin a taksa chu ka dap kual a, oh ka hmu ta.

"Uh Pathian ngilnei tak i ni e, a phone chu charge awmloh a vângin a lo in off hmak mai, ka va han vânnei teh lul em? Tiin zâ zet hian ka nui chhuak hak hak a.

Chu tia engmah hrelo a mû Chloe chu zu biak pahin, " Hmeichhe vânduai zet zawng i ni e ti raw?" Tih pahin ka nuih zui leh chiam a.

"Chu chu kei hian ka tihtâwp sak tawh dawn che a ni." Vânduai te ka lo kîr leh thuai ang." Tiin ka kal chhuahsan leh ta a.

*************

CHLOE....

Ka harhchhuak hlawl a, ka lu chu dawm vang vang pah chuan "Ka lu chu a na takzet, engthil nge thleng hi?"tiin ka phun chhuak sap a.

THil pakhat ka hrechhuak ta thut!

"Oh kidnaped ka ni tihna em ni?"

"Chuan Jane kha....a hma a ka thil lo tawn tawh chu, ka ngaihtuah chhuak leh zut zut a, ka tihngaihna hrelo lutuk chu chhuak zet hian ka ṭap ta ringawt a.

"Jane khân min hum him a tumna lamah silai a kah a ni a, tûnah chuan a thi der tawh pawh a ni mai thei." Ka inhnit chhunzawm leh hlap hlap a.

Oh Lalpa hetiang hian tuin nge ka chungah ti duh ta ni ang le?" Ka mittui chu a rawn far leh zawih zawih a, ka hrechhuak ta chiah, "David lo chuan heti ang hian a ti hauh lo ang, a ni kha ka chunga hetiang thil ti duh tu hi a ni chiang lutuk. Mahse engvâng nge? Zane a man duh vângin maw?"

A hma pawh khân tihluihna nen hetiang hian a che tawh bawk a, khawvela mi vânduai ber an sawi ang hi ka va ni teh lul em." Ka mangân na leh ka lungngaihna te hi tu hnénah nge ka thlen ve tâk ang?

Ka inngaihtuah chhuak zawk a, ṭap thei ka nilo, ka ni hauh lo, chhel taka awm tur ka ni zâwk. Ti rilru chung chuan ṭanpui tu tur ka aw neih zawng zawng chuan ka âu ta chiam a.

Chutah ka awmna room kawngkhar chu rawn inhawng in hmeichhe pakhat hi a rawn lût a, mak ti zet a lo en pah hian,"Arianna! " ka ti sap a.

ZANE.....

Ivar nen chulai a kan lo inbiak mawlh mawlh lai chuan ka phone chu a rawn ti a, lâk vat pah chuan, " Andy ?"ka ti hrawih a.

"Boss thil pakhat chu kan hmu chhuak ta in ka hria."

"A nih chuan sawi ta che."

"Chloe phone kha kan track sak a, signal a hmuhloh hma zawng kha chuan... chuan a location pawh kan hmu bawk a, mahse chu a location kan hmuhna chu a âwm ang lo ém a, mahse chuti lai chu a entir tlat bawk si, a awmna tak kan hmuh hma in a phone signal chu a kan hloh daih a, chuvâng chuan ṭha tak a han chhui turin hun tam tâwk kan nei hman lo a ni." Mahse chu a awmna hmun a rawn sawina area vel bawr chu kan zawng thei mai ang."

"Engvâng a a phone signal chu hloh nge in nih theih, eng nge thil awmzia?"

"Ka hre bîklo ka rindan chuan a phone charge a zo a nih loh chuan an off sak pawh a ni maithei a ni."

"Aw le, Andy a location chu min rawn thawn ve nghâl la, chuan group hnih rawn siamin, chûng ho nen chuan kan in hmu leh dawn nia," tiin phone chu ka cut ta a.

Ivar chu melh pahin, hmanhmawh zet hian,"A awmna bawr vel chu an hre tawh a, khawiah nge Chloe chu a awm ang, lokal rawh, Ivar min rawn zui rawh!" tiin ka car lam chu hmanhmawh zet hian ka pan ta nghâl a.

CHLOE......

"Chloe i khawngaihthlâk tak zet a ni." A rawn ti lút a.

A kutah chuan silai a rawn keng tih pawh ka hre thei nghâl.

Thil thleng eng emaw tak zawng a awm chiang mai tih chu ka rin dan a ni.

Arianna chuan chîkzet a min rawn en pah chuan, "Tunge David ti a i sawi kha?"

"Tumah a nilo."

"Uh a nih thurûk tenawm zet i nei zu nia....a nih leh Zane hian a hre ve hrim hrim em?" Tiin a mitmeng verther zet chuan min rawn melh leh a.

"Arianna i thusawi awmzia hi eng nge a nih ka hre hauh lo mai!"

Aw ka vîn zet a rawn ṭawng chhuah hlar pah chuan, "Tûnah ka hre duh," a rawn ti leh hlar a.

Ka thin chu a rim ve ta tak zet,"Hremhmun lamah thlâwk bo rawh Arianna , he laiah hian engthil nge thleng min hrilh vat mai rawh." ka tih khum ve tuar a.

Chutah,"Khawiah nge Zane a awm? Min chhanchhuak tur a lokal em ni i nih ?" Tiin ka lo zâwt veleh a.

Zâ zet hian min nuih khum chiam chiam a, a awmzia ka hrethiam lo takzet!

"Ka hrethiam hauh lo mai ," ka ti leh hâ a, a awmdân chuan min ti bangbo tak zet.

A chal chu  dawm ngâih pah hian, " Engkim ka sawifiah kher i phût tihna a mi?"

"Kei hi he laia kidnap tu che chu ka nih hi!" Chu chuan a hrilhfiah vek che ka ring."

Mak ti zet hian ka  melh kawl kawl a, ka hmél a mak ka tihzia chu lo hmu in za zet hian min  nuih khum uar uar a, diktak chuan Zane hian midang  nen a hmélhriatna min neihpui ṭum pawh khân huat hmél zet a min melh tu kha Arianna hi a ni a, heti ang thil pawh hi a ti duh ngei ang le.

A thusawi chu a chhunzawm leh a,"Chuan Zane pawh i hmu leh ngai tawh lo bawk ang." Ka tih awmzia tak chu, tumah i hmu leh dawn tawh lo tihna a nih zâwk mah chu!"

Chu a thusawi chuan ka thin chu a ti phu dap dap mai, min thah emaw hetilai hmuna min hnutchhiah tawp a, engmah eitur leh intur pawh hmulo a min kalsan a tum a ni tih chu ka ring thiam nghâl mai.

Záwi sap hian, "Eng nge i sawi awmzia chu?' ka  ti leh sep a.

"Oh â der vél khanglâng lo mai teh!" I chungah eng thil nge ka tih dawn tih ngaihdan te chu i nei thiam ve mai lo em ni?" Ka that dawn che tihna a nih chu," tiin a  thaw deuh hak a, ngeiawm zet hian min  nuih khum sâwng bawk a.

ZANE.....

"A phone in a min hrilh dan chuan helai bawr vel hi a ni a," tiin ka hawi kual ruai a, mahse ramhnuai mai a ni bawk si.

"Chuan Carter in map a rawn thawn vek che u pawh ka ring a, he hmun hi rang tak leh uluk tak a kan zawn a ṭul ta tihna a nih chu, mahse thâwm dîm thei ang berin chét la vek u la, a chhan chu Chloe man tu te hi tunge an nih hlawm chiah kan hre si lo."

"Eng emaw inhmu a nih chuan, lo nghâk phawt ula, che sawn lo in, minhrilh hmasa phawt kan ti dawn nia." Kal ang u le. "Tiin kan in swmdarh ta hlawm a.

CHLOE....

Arianna chuan a silai ken chuan mi rawn tin pahin, thinrim zet hian, min rawn melh khar a.

Hlâuthâwng zet hian," Arianna ka chung a heti ang thil i tihna chhan hi ka hrethiam miah lo." ka ti khûr hlak hlak a.

A silai a mi rawntin khar pah chuan, "Ka lak a ṭang hian Zane hi min lâk sawn sak i tum a , a dik em?"

"Chu chu thlentir ka tum reng reng hlei nem, Zane hi ka tâ a nih hi!"

"Arianna i â tawh takzet a nih hi," rumzet a lo melh pah chuan ka ti a.

Insûm thei tawh bîk lo chung chuan, "Min thah i tum a maw, chu pawh Min thîk a vâng mai in?"

"Zane tân chuan engpawh ka ti hreh lo." Ti a mi lo chhân pah chuan a silai chu a  load rap nghâl a.

Chloe ngaihtuah teh tûn hun hi i thih leh dam inkar a nih hi! Tiin ngaihtuahna chu hman ka lo tum hrâm hrâm a, mahse silâi in min tinreng a vâng chuan, ngaihtuahna hman chu a harsa ngei mai.

Chutah Arianna chu lo vîn khum leh tuar pahin, " Zane tân i ti hauh lo, nangma tân a nih hi i tih zâwk Arianna."

"Oh a enga pawh chu ni teh se,ka thiltum hi min ṭhulhtir chuang lo ang." tiin a thil tum chu a thlâk loh hmél khawp mai.

Arianna chu rawn ṭawng chhuak lehin, "Mahse he ka silai hmang a i nunna ka lâk hma ngei hian, i thurûk tenawm zet mai, David ti a i sawi pa chung châng chu ka hre duh a ni." Tiin a silai hûmna chu rawn thlah dul hretin, min rawn pan hnai a.

Thîp zet a lo melh ve reng pah chuan, "Yeah tehreng mai, hremhmun lamahchu thil rual chuan i thlâwkbo ve nghâl thei ang." Ka  tih khum ve hmak a.

"Sawi ṭan vat mai rawh!" Thinrim zet a rawn tih leh pah chuan, " A nihloh chuan Ka thah hma che hian i taksa khawiah ber emaw khân ka kâp phawt ang che, a na viau bawk ang."nge ni i ke lampang a ṭang hian kan han ṭan chho zâwk dâwn em ni? Nge i bânah zâwk hian?" Tiin chiangzet hian min  melh kar mai a.

Ka hlâu lutuk chu ka khûr ve dar dar mai, ka thin chu a phu dap dap bawk a, thlan fîm chuan min  bual halp hlap a, ngaituahna fîm put chu ka tân chuan thil harsa tak a ni.

RAVEN.......

Boss thusawi ang chuan kan insem darh ta sang sang a, mahni chanpual hmabâk lam ṭheuh chu fîmkhur zetin kan pan ta hlawm a.

Chutia ramhnuai pilril tak ah thâwmdîm zetin kan vah kual sung sung lai chuan, ka piah lawkah chuan building hlui zet tawh mai rauhsan tawh ni awm tak hi ka hmu ta thut a, chu inchhûng a ṭang a eng hian a rawn kâh chhuah raih a vângin, awm an awm ngei ang tih pawh rin a harsa vak lo, mahse chuti ang hmun a mi chén tehtlat chu thil âwm ang lo zet a ni.

Chloe awmna chu saw hmun ngei saw a ni thei mai ang em? Mahse security engmah hmuh ka nei si lo.

Midang ho hi call mai ila a ṭha ang, ti chuan kan va endik hlawm thei ang a, tih rilru pu chung chuan Boss number chu ka dial ta nghâl a,boss chuan a rawn pickup nghâl a, nghahrei a ngailo tak zet.

"Boss thil pakhat hmuh ka nei e." In pakhat hluizet mai rauhsan tawh a nih ka ring chu ti ang chu ka hmu a, mahse a chhûngah chuan mi an awm, " ka ti ta a.

"Pâwnlamah pawh mi tumah ding ka hmu lo a, a âwihawm loh mah mah chu ka ti, mahse rawn thleng khâwm phawt mai ula, tichuan kan endik dawn nia, mapah khân ka awmna hmun chu in rawn hmu thei mai ang." tiin phone chu ka cut leh ta a.

Chutia  din lan reng chu nithei hian ka hre ta lo a, khawi emaw hnim zîngah lo biru zâwk i la a him ang, a chhan chu mi an rawn chhuah thut tâkin, midang lo thlenhma in thil ka lo ti buai zo vek palh ang tih rinna a vâng chuan a piah deuh lawk a hnim zîngah chuan ka ṭhu ta a.

Hnimzînga ṭang chuan midang ho rawn kal hun chu ka lo nghâk ta a.

************

ZANE......

Raven in a awmna hmun min rawn hrilhna lam pang chu kan thlen khâwm kim hnu chuan kan ding khâwm deuh tal a.

Raven pawh chu a bihrûkna a ṭang chuan a rawn cbhuak ve nghâl a.

Zâwi deuh tak a  biak pah hian, "Mi tu emaw tal an rawn kal chhuak tawh em Raven?"

"Aih la kal chhuak lo boss , ka bihrûkna a ṭangin ka lo en ngat ngat a, ka thlen hnu a ṭang chuan tumah rawn chhuak an la awm miah lo." Tiin min chhâng sap a.

Chloe a chhûngah i awm ngei ka beisei, chuan a hun takah pawh kan rawn thlen ka beisei tih ngaihtuah pah chuan thâwk ka la pah hawk a.

Chutah midang ho lam chu hawi lehin, "Aw le guys he hmun hi a reh em em a, security tumah pawh an han awmlo mai hi thil awih har tak zawng a ni e."Amah erawh chu inthâwm dîm ula, fîmkhur hlé bawk ang che u."

Andy ,Mike nangni pahnih khân hma hruai ula, chuan midang zawngin hnung kan rawn dâwl ang."

"Chuan Carter nang tah hian lo awm la, nangin midang an lo kal nge kal lo tih lo ngaihven ang che."

"Aw le , kan kal ṭhan thei e, chuan engmah........

Silai kah rîk ṭhuai thâwm chu chu hmun a ṭang chuan a rawn ri chhuak a,Kan phu zawk hlawm mai. Carter chuan , "chu chu silai ri a ni thei ang em?" A  ti chhuak hru a.

Ka rilru a rawn lût hmasa ber chu Chloe a ni, "Chloe!" tih chhuah nghut pah chuan, engmah ngaihtuah chiang leh tawh lo in, rangzet a che chhuakin, chu inchhûng lam.pan chuan ka tlân ta nghâl a.

Ivar chuan mi rawn âu zuiin, "Nilo Zane an thangkam pawh a ni mai thei a sin."ka hnunglam a ṭang chuan a ti ve tuar a chu,chu'ng thil pawh chu ka pawisa tawh lo. Chloe chiah ka rilru ah a awm tawh.

Midang ho phâwk zet leh hamhaih zet a lo ding ho chu Ivar chuan vin tuarh pahin, "Hetah hian ding reng mah ta che u, a hnung kha va zui ve nghâl vat rawh u, kan boss ber a nih a vângin theih ang angin a ni kha kan vénghim tur a ni. A lo ti tuarh tuarh a.

Chutia Ivar a han âu tuarh hnu ah chuan, midang bangbo zet a ding ho pawh chu Zane tlân luhna lamah chuan hmanhmawh zet hian an che ve ta zung zung hlawm a.

to be cont...

CHLOE .....

"Ka lak a ṭang hian Zane hi mi lâksak i tum a maw?" A nih chuan thil chu a harsa zawng a kan tih a ngai ngei ang ." Tih pahin a silai ken chuan ka ke lam chu a tin phawt a, chumi zawh chuan, zâwimuang hian ka lu lamah a rawn tin chho leh ṭan a, "He thu sawi nan hian second thum chiah i nei a nia, kan hnenah hian engthil nge zép rûk i neih tih hi?"

"3....2.... ka ke bul chhuatah chuan silai chu a kap ta ṭhuai a, a rin ém a vâng chuan ka phuzawk !

Engthil nge ka tih tâk tih pawh inhre lo hian, alam chu va pan hnaiin, a silai ken chu ka theihtâwp a na,chuan ka lo ben per sak lawp a.

Ka hrethiam lo takzet, hetiang hian tu chungah mah ka la ti ngai lo, tûnhma zawngin! Silai chu bang killam ah chuan a per sawn a.

Chu ka hun hlu neih chu bawhpelh ka tum hauh lo. A chhan pawh ka tân a, a ṭhat ka rin vang mai a ni. Heta ṭang hian dam a ka chhuah duh chuan heti ang thil hi ka tih ngei chu a ngai ang.

Ngaihtuah pawh ngaihtuah chiang hman loin chu hmun chu rang zet hian ka tlân chhuahsan ta a.

Mahse khawi hmunah nge ka awm tih leh khawi corridor ber hian nge pâwnlam min hruaithleng ang? tih chu ka ngaihtuah buai khawp mai, a leh lamah Arianna pawh khân min rawn ûm zui reng thei bawk, chu chu thuhran room pâwn lamah chuan tu nge la awm ang? Arianna hi a mah chauhin a awm hauh lo ang.

"Lalpa min ṭanpui lul teh!" tiin ka phun pah mawlh mawlh a, ka dinglam pang a corridor chu ka rin kal ve ta ngawt a.

He tilai hmun a ṭang hian ka chhuah vat a ngai, Chloe tlân char char mai teh tiin ka in fuih ru char char  a.

Arianna in min rawn man leh hma ngei in pâwnlam chu ka chhuah ngei angai ang, mahse ka tha chu a zawi em em mai a, ka khaw hmuh te chu a la vâi rûai a, ka kal pai deuh chhat chhat a, mahse ka hmanhmawh ru viau thung, ka kal chak vak thei bawk si lo.

Chu tia hlâuthawng zet a ka kal lai chuan, ka lam pan a ke pén thâwm ri chu ka hre ta thut a, ka thin chu a phu zaih zaih mai.

Kil khatah chuan lo ding in ka theih tâwp a na chuan lo hnek tum hian ka kut chu ka lo hûm ruh ve a, ke pén chu a rawn hnâi tial tial a, ka bul vel a rawn thleng ta ang tih âwm vel ah chuan, ka theih ang tâwk a rang chuan ka kal chhuak a, chu pa hmel ka hmuh chian hma hma chuan a hmâiah ka  hnek ta pawp mai a, ka kut pawh a na tak zet.

Mahse ka tisual chhia va, Zane aw ngei mai chuan "Chloe !"a lo ti tuar a, mahse ka kut chu ka thlah tawh laklawh tlat, Zane hmâi takah chuan a ri fawk a, "Oh Zane Lalpa leh, A pawi ....ka ti ...."

Zane a ni tih ka hriat chian veleh chuan, a âwmah chuan ka va bei nghâl thlawp a, a ni pawh chuan a bân tha chak zet mai chuan nghet zet mai hian min  kuah lét ve a, min chân mai ang tih hlauhna nen ngei mai chuan.

A mit chu chhîng ve in, a lu chu ka chhîpah chuan a rawn nghat ve a, thawveng ta huai ang mai a rawn thâwk deuh huai pawh chu ka lo feel sak thei!

A âwma ka  bei vang vangna chuan him takin ka awm tawh tih chu min hriat tir a,thlamuang zet hian kei pawh chu ka chhîng ve ta vang vang a. Chuti ang chuan hun reilo té chhûng chu engmah pawh inzâwt lo leh inbe miah lo in kan awm dûn a ni.

Chu tia thlamuang zet leh rilru pâng ngâi tak ka put theih leh hnu chuan, ka mit chu ka meng chhuak ta a, chu ta ka thil hmuh chu, Zane mi leh sa te ho kan bul a ngawi reng a lo ding ṭhup mai leh min lo véng reng hlawm chu ka hmu ta a.

Raven pawh chuti ang a min hmuh leh a vâng chuan a mittui a tla ve ngei ang tih hi ka chiang.

Chuti ang thil rinna min neih tir thei tu chu, tûnah chuan héng pâwl ho hi ka chhûngkua te an ni a, ka ṭhian te pawh an ni bawk a, an zîng a mi ngei pawh ka ni ve bawk.

Hun rei tak chhûng an bula awm ve tawh lo ang leh, khawvel hran daih a chéng reng angah ka lo inchan a, chu chuan ka mittui chu ko chhuakin, mittui tling pam chungin an ni ho ka hmuh leh ka lâwmzia entir na'n ka  nuihseih pah hlawm a.

Chumi hnu ah Zane kut chuan ka darah dawmin tlém hian min lo nemsawn deuh a, a ni pawh chu ka laka ṭang chuan a ding hla ve deuh bawk a.

Ka mitah tak chuan chu a mitmu paw ruih mai a mi rawn melh chhuk pahin, " Chloe an ti na che em, an ni ho khân?" a rawn ti a, chu thu a sawi lai chuan a hmél chu a rum sauh bawk a.

Hlauhna chuan min rawn man thar leh thut a, khûrh deuh dar dar pah hian, "Aih ti na lo e, mahse khawngaihin he hmun a ṭang hian min hruai chhuak rawh! "Ka ti khûr dar dar a.

Mahse Zane chuan ka lakah chuan zawhna tam tak a la nei tlat rih, a hmél rum zet mai leh thinrim hmél zet chu min rawn hmuh lehin, " Heti ang a i chung a ti tu hi tunge a nih i hria em?" A aw hriam hrûk chuan a rawn ti leh a.

Ka  chhân leh hma chuan Arianna chu rawn tlânin, kan bul chu a rawn thleng ve nghâl a. Midang ho a rin loh tak a a rawn hmuh tâk a vâng chuan mak ti zet hmél hian a  en hlawm a.

Zane ngei pawh chuan mak a ti kher mai, " Arianna!" A ti chhuak ve sup bawk a.

Ti kha chuan a zawhna chhânna chu ka lak a ṭang nilo in a hmuh ngei ka ring.

ZANE POV.....

Arianna in kan bula rawn thlen veleh a Chloe hmél a hlâuhna lo lan a vâng a, chawp leh chilh a hmél dâng ta sâwp sâwp chu ka hmuhhmaih hauh lo.

Chutah Chloe chu che sawn vat in ka hnunglam a rawn pan nghâl a, ka taksa chu inphén nan a hmangin, ka bân chu nghet zet mai hian a  kuah pah bawk a.

Ka zawhna chhânna chu hmu ta in ka inhria, he thil hi Arianna tih ngei a ni tih pawh chu ka ring nget nghâl bur bawk!

Arianna,pawh chuan phâwk hra a min rawn en pah chuan,"Zane!" A rawn ti ve sap a.

Thinrim zet a Arianna chu  melh rûn in, "Eng thil zet chu nge ti a i in hriat hrep chu le Arianna?" tiin ka vîn khur khur a.

Arianna chu a  khûr chhe lo chauh, ṭawng bah niaih chung hian, "Zane ....ka ...ka"

"Arianna sawi vat mai rawh, ka zâidamna in a tlinloh hma ngei hian!"tiin  vîn leh tuarh a.

Arianna chuan thinrim zet a min rawn melh linghlar pah chuan," He nu hi tunge a nih tih pawh i hre lo a, Eng vâng a hum chu duh tlat nge i nih tih pawh ka hre hrep lo e." A ti ve hlak hlak a.

A thusawi lai chu chhunzawm lehin, "He dawithiamnu hrep hi engvâng a i in a chéng tura ring thei nge i nih zâwk chu le?" He nu hian thurûk i hriat ve loh a nei a sin!"

"F*ck sake Arianna tute pawhin thurûk te chu kan nei vek a lâwm. Ti chuan thurûk zép tlém té a neih a vâng chuan i kidnap ta a maw?" Mi â bâwraw tak zawng a ni e."

"Oh i hrethiam miah lo a nih hi Zane, thil ṭha lo tak pawh a lo ni thei a sin, chu ti nilo se chuan, he nu lu a silai nen ka tin lai khân a sawichhuak daih tawh ang, chuti ang a ka tih pawh chuan a sawi duh lo a nia."

Chutah Arianna chu rawn ṭah chhuah zawih zawih pah chuan, "Chu a thurûk tenawm tak chu ka ...ka puan tir thei ta lo a ni." Tih pah chuan a inhnît keh faih faih a.

Mittui kâra ṭang a min rawn melh leh pahin, "Zane he thil ka tihna chhan hi i hria em? Nang chân che hi ka duh loh vâng a ni." A in sût leh ta hlap hlap a, chu thil a sawi chhûng zawng chuan Chloe ve thung erawh chuan thiam thu pakhat té mah hi a rawn sawi chhuak ve hauh lo thung! Ka bân chu a lo kuah nghet sauh sauh ringawt a, Arianna chu a hlâu hle a ni .

Arianna chuan a thusawi chu rawn chhunzawm leh nghâl par par pahin, tûnṭum chu thinrim zet chung hian a rawn sawi chhuak ve ta a, " He hmeichhe tenawm zet mai hi ka kawngah chuan a rawn kal ve a , he nu in kan group a rawn join a ṭang chiah khân, nang pawh i danglam ve ta tial tial bawk a....."

"He thil i tih chhan ni a lang ta ber chu, i thîk a vang a ni tihna a ni maw chu?" Hreptak che chuan Arianna." Thinrim zet hian ka ti ve ta tuar a.

A lo meng phâwk nasa mai,

mahse ka pawisa ther té lo, ka thusawi lai chu ka sawi zawm hmiah hmiah, "Hei hi i hria em?" Kan pahnih ah khân engmah thutakna pakhat té mah a awm lo." Kha tia kan pahnih a kan awmdun a vânf mai khân relationship pawh kan nei a zeng pawh a ni lo, chuan kan pahnihah han in pawh teh chiamna pawh kan nei ngâi lo tih hi hria ang che."

Thil eng emaw ah kan rilru kan kuai péng dun mai chauh a ni." Ka ti ve ta phiar phiar a. Arianna hmél chu hmuhnawm khawpin mak tih zetna hian a khat thung!

"Zane ka tân chuan chu thil chauh lo deuh chu a awm a sin!"

"Ugh hrep tak che chuan, Arianna he indâwrna hi ka peih zâwng a ni ta hauh lo mai."

"He hmunah hian âwihawm loh khawp thil i ti ta mah mah a ni e, tûnṭum zet chu, i tawrh ve ngei pawh a ngai bawk ang."

"Takzet che chuan Zane, ka bula i awm duh loh chuan, he nu bulah pawh hian i awm thei bîk chuang lo ang." Kan thihhnu thleng in kan awm dûn ang." Tiin a mit chu min rawn siai khum sak zui a, ka ten hluah hluah.

Chutih lai tak chuan a rawn che ta thut a, ka rinloh lam tak a a chét a rawn lâk a vâng chuan , ka tân lo inrin ngaihna a awm lo reng reng. Arianna chuan ka kâwng a silai ka pâi chu rawn phâwi chhuak zawkin, min tin ta rân a.

"He hmun a ṭang hian damin ka chhuahtir hauh lo ang che, ka bulah i lo kal ve ngei ngei a ngai ang." Tiin a silai ken chéng chu a kau nghâl rap bawk a.

*********

CHLOE.....

Chu tia Arianna in kan lam hawi zâwnga a silai ken a rawn lek chhuak ta mai chu hlauhna hlîr hian ka lo khat a, ka taksa chu a khur hlawk hlawk bawk a, chét pawh ka chesawn ngam tawh lo reng reng , ka mangan luat a vâng chuan, engkim mai chu tâwp ta vek a ngaihna hian ka khat bawk a.

Mahse Zane ve thung erawh chu, a awmdan chu a pângngâi mah mah tlat, thil mak tak zawng a tling ang, chuan engthil nge thleng tih hriattir turin theih tâwp ka lo chhuah a.

Chutah thil pakhat chu ka hrethiam ve ta chiah, Zane chuan Arianna thinrimna chu pângngâi zet a a lo lâk zél na chhan pa khat chu, Raven chuan zâwi te te hian Arianna hnunglam chu a lo pan a, mahse Arianna chuan Zane hlîr chu a ngaihtuah thung a vângin, a hnung lamah chuan tunge rawn kal tih pawh a hre lo.

Raven lah chuan a thâwm chu a dîm thiam phian zui bawk nen, Raven chu rang zet a rawn che in, Arianna kut a silai chu awlsam zet hian a rawn lâk sak ta hmiah a, chutia a rawn chét dan chu movie a ka  en ve ṭhin ninja an sawi ang mai hi a ni. Thil awihawm loh tak zawng a ni hial âwm e.

Raven chuan Zane kutah chuan silai chu a hlân chhâwng nghâl a, Zane chuan Arianna chu râpthlâk zet hian a  nuih khum sâwng a, Zane hmélah chuan kha tiang khawp a hlauhawm hmél pu kha ka hmuh ngai pawh ka la hre lo.

Arianna pawh chuan a hlâu takzet tih chu ka hmu thei, kei ngei pawh hian tûn dinhmun ah ber kher hi chuan, Zane chu ka râp ngawih ngawih!

"Chuan, tûna i silai ken a min tih ang khân em ni Chloe pawh thah i lo tum?" Zane aw rawn chhuak chu a râpthlâk takzet, a vawt ruih a, thihna rim hi a nam tel tlat bawk.

Arianna lah chu ring fe mai hian a rawn ṭe tuarh tuarh a. Zane ve thung chuan a lo nuih suk ringawt a, a nui hmél pawh chu a râp awm tak zet! Tualthah châk na a khat, thisen a tuihâl in a duh tak a hmu a lawm zet a a nui ang hi ka chan ber, chuti ang bawk chuan a ṭawng kam chhuak pawh chu a ni tho.

Chuta Zane hmél chu, kha zân a mipa ,min khawih tum tu te a sawisak lai a, a hmél put ang chiah chiah kha a ni a put leh tawh ni. Arianna chu a that ngei ang......

Arianna nunna der thâwn zia pawh chu ka hrethiam vek, chu thil chu ka ngaihtuah lo thei lo.

Kei pawh hian ka tih der a, a mah tih chhiatna turin, David hnenah thil ka hlân chhawng a, hei hi tumah vâng a ni lo keimah in ka thu in ka ti tak zet a ni.

Nikhat chu heti ang dinhmunah hian ka la ding ve dawn khawp mai.

Nikhat chu he thil hi a hriatchhuah hunah chuan, min la that ve ngei bawk ang.

Ka hlauhthâwn ém a vâng chuan, "Zane khawngaihin he thil hi ti lo hrâm rawh!" ka ti sap a. Ka aw te chu ka hlauh lûatah a ri chhuak chang chang chauh a ni .

Ka lam chu rawn hawiin, ka piantirh a tâ ka la hmuh ngâi reng reng loh a mitmeng vawt ruih chuan min rawn melh chhuk rûn a, hlauh a vang chuan ka taksa pawh chu a khûr hial mai.

A chhûngril a ramsa râpthlâk zet awm chu a rawn harh chhuakin, chaw pék a ngai a ni tih pawh ka hai lo. A hmuh châk ber a ka lo rin chu rawng sen lâr zet a ni. Chutah Arianna lam.bawk chu hawi lehin, ka thusawi chu hre âwm pawhin a lang tlat lo.

Lo ṭawng chhuak supin," Arianna engkim i ti chhe vek a ni, ka lo rin ṭhin na zawng zawng che pawh kha min tihchhiat sak vek tawh ."

"Chuan thil pakhat, kan thurûk hlân chhâwng ṭhin tu kha nang hi i ni em?" Chu thil chu vawikhat chiah ka hre duh!" "Nang hi em ni khâng thil kan information kha hrilh tu, Red scorpion hnen ah khân, kan zîng a traitor hi nangmah i ni em?"

Oh Lalpa a hria, ti rilru chung chuan hrehawm ti zet hian ka lo awm a.

Arianna chuan "eng maw?" Ni teuh lo mai !"tiin a phu zawk a.

Rawn chhunzawm leh pah a meng hnuai raih chung chuan, " Kei hian chuti ang thil chu ka ti ngailo ang." a ti chuai raih bawk a.

"Oh Arianna i thi tho tho dawn a, thudik chu min hrilh mai rawh." Zane chuan rum zet a melh chung hian a ti leh hrawih a.

"Thu...thu dik a nih chu ka hrilh che, tu tih nge ka hre lo tak zet, khawngaihin min that lo hram rawh!" Arianna chuan khûr hlawk hlawk hian a ti a.

"Ahh he thil hi i cho chhuah a ni a lawm."

"Nilo , min thah tak tak chu i tum em ni?" Chu pawh he dawithiamnu vâng mai hian , Zane kawngaihin inngaihtuah rawh! Kei te chu kum tam tak min hre ṭhin tawh a, he nu chung châng hi eng nge hriat i neih ve?"

"Zane chiang tak a ka hriat chu, thil tam tak i hriat loh thil a awm tih hi! Chu chu ring tawp mai rawh!" Tih pahin a âu hi a ni mah tawh zâwk a.

Zane ve thung chuan a awki pawh sân chuang lém lo hian, "Amah a vâng hian thah che ka tum reng reng lo, thah ka tum zâwk na chhan che chu, he kan chhûngkua leh kei i tih chhiat a vâng zâwk in a ni e." Tiin a  chhâng a.

Chutah Zane chuan rawn sawi zawm leh in, "Heti ang hi traitor chungah a thleng ṭhin bawk." A ti leh hmuk a.

Arianna chu a  insût leh hlap hlap a, Zane thin chu a rim hmél tawh kher mai, a kâp tawh ngei dawn a ka rin a vâng chuan, ka dan theih mial tâkin tiin," Zane!" Tiin hlâuthâwng zet hian ka ko ve sep a.

Zane chu rang zet hian a che chhuak zawt a, silai a lek kâng lai pawh chu mit khap kâr lek chauh a ni, eng mah pawh ka sawi chhunzawm leh hma chuan, silai chu a puak ṭhuai a, Arianna chu leiah chuan kâ pawh chhâwn hman lo in a tlu zawi hnak bawk a.

Chutia silai ri ka lo hriat rîk ngawt pawh chuan, ka lo ṭap a, ṭap lo tur ka ni ,he nu hi ka haw em em si a, tih pawh ka rilru ah chuan a awm, mahse ka ṭap lo thei lo, ka thil tawn chu râpthlâk ka ti tak zet.

Ni e, a dik reng heti ang a nunna chân ringawt tur chuan ka beisei lo tak zet, a chhan chu hetia'ng vâng mai hian tu pawh mai chuan an nunna an chân thei lul lo.

He ka thil hmuh hi pawm mai harsa ka tih a vâng chuan, chhuak ém ém hian ka lo ṭap zawih zawih a, a chungah khân lainatna ka  lantir lo mah mah em ni ang? He thil hi ka hria, kei pawh nikhat chu...... heti ang tho hi ka chan ve tur a ni si a." Zane hian amah phatsan tu te chu a ngâidam ngai si lo.

Eng emaw tak chu ka tih ve angai a ni, ka ṭhian hlui laka ka thil tih hi Zane hian a pawm dawn hauh lo , chûng thil.zawng zawng ngaihtuahna a vâng chuan ka ṭaplai chu ka tâwp thei mai lo.

Zane taksa chuan min rawn dinhnaih pahin, nghet zet hian a âwmah min rawn bei tir a, "Ṭap tawh suh, engkim a táwp vek tawh e." A aw zaidam thlup a rawn ti in ka chhîpah chuan a fâwp pah zauh a.

Kei ve thung chu lungchhe zet hian Zane âwma bei chung chuan ka lo la insût hlap hlap tho.

"Pawi ka ti khawp mai, he thil hi han ngaihtuah ṭha leh teh! He hmuna ka hmu che i ka lâwm tak zet a ni." Tiin ka sam chhanah chuan a  ṭawng khum lum ham ham mai.

"Zane i ti ṭhin reng a lawm, khawi hmunah pawh min rawn zawng chhuak reng thei ang, hei hi hre reng ang che." Mittui tlingpam a melh chhoh ve pah chuan ka ti ve sep sep a.

A hmél ka  melh chhoh chuan min nuih pah suk a, eng nge a beisei tih chu ka hriat sak thei, kei ngei pawh  hian chu thil chu ka duh ve tak zet!

Mahse engvâng chuan nge a rawn tih loh tih hi ka hrethiam lo. Zane chu rawn ṭawng chhuakin, "Raven!" tiin a  ko sup a.

Raven chu Zane bulah chuan a rawn kal nghâlin, Zane chuan Raven hnenah chuan, Chloe hi inah hruai haw la, warehouse a Jane kha eng nge a an en bawk ang che ." A ti a.

Ka phu zawk, "Oh God!" ka ti chhuak chûl a. Hre châk si hre ngam chiah lo deuh hian, "Eng nge Jane chu a an, a la dam a maw? Ti chungin, ka zâwt nghâl sawk sawk a.

Raven pawh chuan min lo nuih sâng pah hian, " Aw !"tiin min chhâng a.

Zane chu rawn ṭawng chhuak velehin, "Aw a dam e, a ṭha veleh mai ang, naktukah amah hmu turin ka hruai dawn che nia."

"Zane ka lawm lutuk, "tiin hlimhmél pu zet hian ka ti a.

Zane chuan ka lâwmthu sawina chu engah mah ngaihloh hmél zet hian, "Chuan Raven i thawk ṭha lutuk a nia," a ti sup ringawt a.

"Ka lawm e, boss !"tihpah hian Raven chu a nui sâng thung!

"Tûnah chuan kal tawh rawh u le, héng thil hi ka mipa te ho nen kan lo tifel ang, chuan Arianna hi tu hnenah nge a thawh tih pawh chhui kan duh bawk a," tiin kan pahnih chuan min  melh pah zauh  a.

Lawmthu chu lo hrilh leh sep pahin, "ka nunna min chhan sak leh avangin ka lawm e Zane, engtik lai pawh hian ka hero hi i ni reng mai a nih hi," tihpahin ka  nuih sen sen  a.

Chutia ka thusawi avâng chuan nge ni, a zâm ve hmél tak zet, a nghawng chu lo tuai nauh nauh pah chuan, " I hero chu ka ni ém lo e Chloe, mahse engtik lai pawhin ka vénghim reng ṭhin ang che." Tiin zâm zet hian min kiai khum suk a.

Chumi hnu chuan Raven nen chuan inlam pan chuan chu hmun chu kan chhuahsan dûn ta a.

***********

ZANE.....

Chloe te pahnih an kal liam hnu chuan , thâwk ka la hawk a, Ivar chu ka ko ta nghâl a, ka bul a lo thlen chuan, " Arianna hi traitor chu a nih i ring em?" tiin ka zâwt a.

"Zane nang eng nge i ngaih dan?"

"Ka hre lo tak zet a ni e, he thil ah berkher hi chuan, inrawlhna a nei pawh ka ring lo." Thâwk lo lâk leh hawk pah chuan ka ti a.

"Amah erawh chu nghâk i la tu nge tih hi kan hriat theih mai ka ring!" Ram zet a tih leh pahin, Ivar chu rum zet hian ka en leh a.

CHLOE.....

Zane in kan thlen chuan, Raven chuan ka room thleng min rawn zui chho a, ka hmél ngui zet chu rawn en pah chuan, "I ṭha em?" A rawn ti sap a.

Ka  ṭapchhuak phawng a, chhuak em em a lo in hnît leh hlap hlap pah hian, "Ka .....ka ṭha leh mai ang, heti ang thil thleng ho zawng zawng hi ngaihtuah turin hun ka mamawh chauh mai a nia." Ka mittui ka biang a luangthla ngiai ngiai chu ka kut chuan ka hru pah mawlh mawlh a.

"Teh reng mai !"tiin Raven chu a bu ve nghat nghat a.

A thusawi chu chhuzawm lehin, " Kei pawhin khati ang thil zawng zawng tawng tur a i han bei thei kha, a ngaituah pawh ka lo ngaihtuah ngai lo ."

"Amah erawh chu hei hi hre reng ang che. Engkim a ṭha zâwngin a tâwp vek tawh kha, ti chuan hei kan awm khâwm leh thei tawh bawk a."

Ka ṭahna ka mittui chu lo hrû hulin, ka heh chu ka lo pet deuh fan fan a, chumi hnu chuan, "Ni e, i ngaihdan chuan hmei chhe chak lo zet leh derthâwng tak ka ni a lawm, chu vâng a kha tia min hmu pawh i nih reng kha."

"I chungah khati ang kha thleng ve ta ang se, ti ang khân i awm miah lo ang." Ka  meng hnuai pah raih a.

"Khati ang thu kha sawi suh Chloe, ka mit ka chhing pah sawk a, Hmeichhe chak zet i ni tih ka hria a sin, i huaisen em em bawk tih hi kei tluk a hre tu an awm lo ang." He kan khawvél ah hian mithar i nih vâng mai chauh a ni."

"Kei chu he hmunah hian ka awmna a rei tawh hle a, chutah Training na ṭha tak ka dawng bawk a, ka hringnun chu training na in ka hmang zo deuh vek a sin!"

"Chû'ng ka zawh a vâng chauh a heti ang a awm thei ka ni ." Min  nuih sak a.

Kha ti ang a hmeichhe der thâwng ang zet chuan i in ngai mai thei lo ang, a chhan chu khawvél dang a ṭang a rawn kal  i nih a vângin," a mit chu min siai khum leh sak a.

"I huaisen ka ti lo thei lo, hmeichhe pângngâi ve tak engmah training pawh la lo leh nghâlin, Arianna silai keng chu nangmah chauhin i lo bei thei a nia, a nui chhuak  hak hak a, Zane hmâiah i la hnek zui bawk nen."

"Girl tûn thleng hian Zane hi ka la hnek ngam lo a sin," ka lo sen ṭân ṭân mai. A hnena trainning ka lâk lai tak ngial pawhin." A kut chu a kuang kuah zân a, chîk zet hian min rawn melh a. A thusawi chuan min hneh in chaklo zet a ka in hriatna te pawh chu min paihbo sak hial.

Uhh hetiang a an lo train ṭhin vângin a ni maw , hetia an lo chak em em vek tih ngaihtuahna chu a lo lût a.

Khatiang i sawi ang em em chu ni lo e." Ka nuih lét ve ta sak a.

"A awmzia ber chu hmeichhe huaisen zet i ni tih hi sawi ka tum mai a nia."

Zâm deuh tak chuan, "Raven ka lawm e." Ka ti ta sap a.

"Oh a pawi reng reng lo." A mit chu mi rawn siai khum leh sak pah chuan a ti a.

"Raven thil pakhat ka zâwt thei che ang em?" Ka zâm chhe lo chauh.

"Tehreng mai!"thutak hmél zet hian min en pah rán a.

"I sawidan khân heti ang thil hi ti theitur in, training in la i ti a, ka ngaihdan chuan chûng chu zir ve ta i la, keimah ngei pawh hi ka in véng ve thei ang tih ka ngaihtuah deuh a."

"Uhh ruahmanna ṭha tak a nih chu!"

"Ṭha tak ah pawh i chhuak ngei ang tih hi ka ring tlat bawk, mahse he thil hi Zane i sawi pui a ngai thung ang."

A ni hi nang zirtir tur che hian a ṭha tâwk tih pawh ka hria ani."A ṭha ber bawk." Min rawn siai khum leh sak, ka zak kher mai. A thusawi chuan chhan a nei chiang lutuk tlat !

A rawn thaw halh a, "Ka kal a ngai takzet, i lo ṭha ang ti raw?"

"Tehreng mai, he hmin min hruai thlen a vâng hian ka lawm e."

"Eng tik lai pawhin, " ti a min rawn siai khum leh sak pah chuan a inher a, kawngka ah chuan a chhuak ta a.

A kal ta chu va auh leh vak pahin, "Jane kha a harh veleh min rawn hrilh ve dawn nia." ka lo ti leh hrâm a, kawngka ah chuan rawn dah leh zauh pah chuan, "Aw le," tiin a kal ta a, in hnuai chhuk tur a, step a a chhukthla ri chu ka hre nghâl a, a hla telh telh a ka hre thei ta lo.

Raven kal.tâk hnu chuan, "Vawiin zet chu!" ti a phun sap pahin, shower hmang tur chuan ka lût ta a.

Ka inbual zo ka chhuah leh hnu chuan kka harh phah vak pawh ka hre lo. Ka ngaihtuahna ah chuan thil chi hrang hrang hi a lût zut zut a.

Arianna dinhmunah khân ding ve ta i la, Zane hian silai khân min tin ve ta se.....Oh heti ang chuan ka ti thei tawh hrep lo.

Zane hian a hriat chhuah tak tak hma hian he ka thil zép hi ka hrilh ngei tur a ni . Ka mittui chu ka biangah a luangthla leh ngiai ngiai a, chu chu  hrûk hul pah chuan, amah ngei pawh hi chân thei reng dinhmunah chuan ka ding si a, a ni chuan min hum ṭhin a, kei erawh chuan a tlûk theihna tur ka buaipui zâwk si.

Mahse hei hi thil.dik a ni si, he thil a lo thlen hunah chuan, tuar mai pawh huam turin ka lo inrin lâwk ve a ngai ang. Ka thil tih dikloh chu huaitak a ka hmachhawn ve ngei pawh angai.

Chutia rilru buai zet leh thildang engmah pawh ngaihtuah lo a ka  din khawng reng lai chuan, taksa khauh ṭang mai leh lum ham ham hian, hnunglam a ṭang hian min rawn kuah a, min rawn nghéng hnaiin, ka lu ah chuan a rawn fâwp pah zauh bawk a.

Chutia min rawn ti tu chu ka fiah kher a ngai lo, Zane a ni tih chian nan chuan.

Chu a âwm khauh ṭha zet ah chuan ka lu chu kuai thle deuhin, a âwm chu min nghen tir a, ka thla a muang leh nghâl vek tawh, he pa âwm ka nghen tawh hi chuan ka him em em a ni tih inhriatna hian ka khat thuai ṭhin!

A aw sexy zet a ka bengbula rawn phun sup pahin, "Love i ṭha em?" A  ti sa sa a.

"Ka ṭha a lawm." ti a chhân pah chuan, boruak kham loh hmél zet hian thâwk ka  la pah halh a.

Chutah ka taksa chu alam.hawi a kuai herin, ka sam chu hûi kiangin ka bengah chuan min zeh sak a, chutah ka khabe chu a kuta dâwm chho.lehin, ka hmél chu chiang zet hian a  en ta a.

Ṭawng chhuah leh sup pahin, "A nih eng nga ti nge i ṭah si?" A mitmeng paw ruih chuan min melh chhuk reng a.

"Zane thil pakhat hrilh.....

Ka thusawi tur ka sawi zawh hma chuan, a hmui nel thup leh fawh nuam em em , lum ham ham chu ka tâ ah a rawn siam leh ta a.

Mahse keipawhin tûn dinhmunah chuan chu tiang a duh thawh zet a fawh chu ka mamawh ngawih ngawih a ni.

He thil hi kan in fawh tâwp ber pawh a ni tawh mai thei a sin, he thil ka sawichhuah tawh hnu ah chuan.....

Chuvâng chuan nge hmui sexy leh nalh zet mai leh fawh nuam em em pawh hi, ka fawh mai mai phâkah a awm tawh lo mai thei bawk, a nih loh pawhin, Arianna chan kha ka chan ve tur a ni mai thei bawk a...... chu thil ngaihtuana a vâng chuan Zane hmui chu duh thawh leh âm tak hian ka fâwp bawrh bawrh  a, tûna kan thil tih lâi hi tâwp tawh lo mai se ka ti rilru em em bawk.

Mahse he thil hi ka tih tâwp a ngai, ka tih zawh ngei chu a ngai ang.....

Zane hmui chu ka nem sawn a, kei chu ka thlesawn  bawk a.

Thâwk ka  la hraih bawk a, Zane chuan ngaihṭhat loh hmél.zet a min en chhuk in, "Eng nge thil diklo a awm em ni?" A  ti a.

"Zane min lo ngâithla teh! Thil.hrilh ngei ngei tur che ka nei a....."

Min lo men kual khum rulh pah chuan, "Chu chuan a nghâk thei lo em ni?" Tiin min rawn fawh leh mai hi a tum a, mahse lo nem sawn leh pah chuan, "Nghâk thei lo." Ka tih khum tuarh a. Mak a ti kher mai, a sam chu tuai puat pah chuan, "Aw le, " a ti ve ta sup a.

"Ka sawi tum chu.....ka thaw halh a, ka hlâutâwng takzet, mahse huaisenna ka neih a ngai a ni.' Ni reilo te liam ta ah khân......ka ......

Advertise leh in lim

to be cont

Chutia tîm zet a ka thil sawi tum ka lo sawi lai tak chuan, Clarisse chu ka roomah chuan thingpui leh a hmeh chawiluh pah hian a rawn lût a, "Chloe i ṭha a ni tih ka hriat hian ka lawm tak zet!" A rawn tilût nghâl bawrh bawrh a.

Hmél ngui zet a kan bula rawn din pah chuan, "Ravenin thilthleng chûng châng min hrilh a, enga pawh chu ni se thingpui intur ka rawn ken sak che u a, chu chuan hrehawm intih na te kha a lâk kian sak che u ka beisei."

Awi awi awi, ahun lo lutuk, ka thilsawi tur kha ka la sawi zo lo a sin!

"Ka lawm e, Clarisse, mahse khawngaihin Zane nen hian hun reilo té min pe lawk thei em?" Ka huaisenna zawng zawng sâwmkhâwm fe chung hian ka ti a.

Makti zet a min rawn melh âwk pahin, " Oh apawi ka ti takzet, rawn tihbuai che u ka tum vâng a ni miah lo a nia."

"Pawi ti duh suh, i fakawm ka ti lutuk i thil rawn tih ah hian, mahse Zane hi bîak lawk ka duh mai choh a nia."

Clarisse chuan min lo nuih var var pah chuan, a thingpui lum rawn chawi chhoh chu ka khumbul dawhkan té ah chuan a hûng a, thâwk lo lâk halh pah chuan, Aw le tûnah ngei hian, ka lo tih rilrûk lai tak chuan, Clarisse chuan Zane chu lo en lehin, "Oh chuan Zane, Mike in living room ah a nghâk che tih thu sawi turin min ti tak e, thil eng emaw hmanhmawh thlâk deuh a awm a ni ang." Tiin a kal chhuak ta nghâl a.

Clarisse chuah hnu chuan, Zane chuan hmél nghûi zet a min rawn en chhûk ruih chungin, " A pawi khawp mai Chloe hei chu nakinah kan sawi dûn leh mai dawn nia." A rawn tih chuan ka lo lungawi lo takzet, nakinah chuan tûnang hian sawichhuak leh turin huaisenna ka nei leh thei dawn em ni?

"Ni lo , Zane khawngaihin i nghâk thei hrâm lo em ni?"

"Damnit ,Chloe tâwp teh!" Hriam hrûk a rawn tih hrawih pah chuan, "Nakin ah kan inbe leh zâwk dawn nia, tûnah chuan chawlh hahdam lo tum phawt mai teh!"

"Zankhua in kan pahnihin in en na hun te chu kan nei thei a lawm, chuan vawiin kha nangpawh i taksa a chauh ve tho ka ring!" Tiin a inher vut a, inhnuai lamah chuan min chhuk thlâk san ta a.

Ka thin chu a rim ru kher mai, kha thil ka sawi dawn lai tak khân, eng vâng a min tibuai tu thil chu lo awm zel mai nge maw a nih chu le?

"Damnit chu thingpui vâng hrep chuan!" Tih pahin thinrim zet hian thingpui chu ka zu en chhuk a, in pawh inta lo chuan khum lamah ka lâwnsan ta daih a.

ZANE .....

Living room ka zu thlen thlâk chuan, Mike chu a lo vei nghâuh nghâuh tawh a, ka châu viau a sin maw le, zanin ber kher chu. Khua lah chu a vâr titih a ni thaw thâng mai leh nghâl, Chloe awmloh chhûngzawng khân rilru hah reng reng leh taksa lamah hahchawlhna pawh neilo in hun ka lo hmang tawh bawk.

"Tûnah eng nge ni leh ta?" Tiin Mike bul ka thlen chuan châu zet hian ka zâwt nghâl a.

Hmèl hlim surh a mi rawn en pah hian, " Jane kha a harh chhuak tawh a, chuan khawiah nge i awm tih a zâwt che a ni awm e."

"A tâwp a tâwpah chuan thu lawmawm kan hre ve ta a lawm le!" Ka lo nuih khum ve suk a. Mahse ka chauh em a vâng chuan, ka nui lui vel mai mai a ni.

"Kal ang ." Tiin kalchhuah chu ka rual a. Mike pawh chuan ka hnungah chuan rang zet hian min rawn zui ve ta bawk. a.

JANE.....

"Honey engkim a dik vek tawh e,

Naktuk hi nilengin chawlh hahdam nan hun lo hmang la, khum hi thawhsan hauh lo ang che." Chuan i ṭha chhawm zel tawh ang."

"Ka hrilh leh hma loh zawng che chu, i hna pawh i thawk rih lo tur a ni."

"Aw le doctor."

"Boss chu ka han koh sak tawh ang che."

"Ka lawm e, doctor!" Ka lo ti leh sep a, hetia ka han damchhuak leh ta mai hi ka vânnei tak zet, kha silai mu khân hmun leh hmunah min tawh chilh a ni si a, ka vânnei tak zet tih rilru pu chung chuan, doctor Astrid kal chhuah hnu chuan, khumah aṭang chuan zâwimuang hian ka ṭhu chhuak a.

Boss chu ka roomah chuan rawn lûtin, ka lo ṭhuchhuak a hmuh veleh, lâwmloh hmél zet hian min rawn melh khur a, " Jane eng thil chu nge maw ti a i inhriat reng reng le?" Chawlh hahdam i mamawh tih kha i theihnghilh ta em ni?"

"Ka hria lawm boss, mahse reilo te han thawhkân ve ka duh mai choh a nia, ka pang ka delhna te hi a kham tawh ém a ni." Tiin ka nuih deuh sak a.

"I rawn ṭha chhuak leh hi, ka lâwm takzet a ni, khati ang a i awmlai kha chuan, kan vai hian min ti hlâu thâwng vek a sin!"

"Boss a pawi ka ti tak zet!" Chuan Chloe chung châng pawh kha ka hre tawh a..... ka vénghim zo tâwk lo kha hre awm ka ti lutuk a nia aw."

"Jane i â ta em ni?" Amah chhanhim na a tan khân, i nun i hlân a ni tih hre ta che, khati ang bâk bâk khân thil ti turin ka ti lo che u."

"Keimah ber hi a ni kha zân zankhua a inring hmanlo awm chhun chu!" Hmél ngûi zet mai put pah hian a ti ve sup a.

Kan boss berin chuti ang thu amah inthiam lohna a han phuhchhuak ta mai chu mak ka ti kher mai, mahse ka hrethiam lutuk, hei hi Chloe vâng chu a ni.

"Tumahin khati ang thil a thleng dawn tih kha an sawi lâwk thei hlei nem!" Ka ti ve ta sap a.

Rawn thâwk deuh hawk pah chuan, "Tûnah eng nge i an deuh?"

"Tûnah chuan ka ṭha tawh tak zet, khati ang mai mai a thi thei kha ka ni hlei nem, lo thi ta ni ila, natuar vak a thih chu ka duhlo tak zet." tiin ka nuih hak hak a.

"I â tawh chu a ni em lo......

Ka lo hâm pah bâi bâi a. Chu chu a rawn hmuh chuan, "Châwl hahdam tih la ṭha in ka hria," a lo ti vat a.

A thusawi chu rawn chhunzawmin, "Naktûkah ka rawn kal leh ang, Chloe rawn hruai pahin, a ngaihtuahna che a vâng hian a â thei dawn hialin ka hria, tiin a nui ve pah hawk hawk a.

"Aw le, ka la hre reng a lawm, min ṭanpui tumin ka lam a rawn pan leh a, mahse kha pa khân a lo hruai ta daih a."

"Hmeichhe huaisen tak zawng a ni a lawm," a ti leh sup a.

"Boss i thusawi chu a dik khawp mai," ka tih hnu chuan, " Naktukah kan inhmu leh dawn nia, tiin a in her a, min chhuahsan ta a.

A chhuah tâk hnu chuan, " Zane kawng dik tak i thlang ni in ka hria ti a, ham leh bâi bâi chungin, ka mu ṭha leh ta a.

ZANE POV.....

In ka thlen leh hnu chuan, ka tlu lo choh a ni e, " F*ck ka châu tak zet a ni."

Chloe chu mutur a ka kal hmain ka han en leh lawk ang e, a room lamah chuan kalin, zawite hian kawngkhar chu hawngin, ka lût a, a lo mu fel dîm diam tawh mai. A muttui hmél em em mai leh nghâl a, a thâwk sâk sâk pah chuan a âwm zâwn chu a rawn sép che dat dat bawk a, oh hmeichhe duhawm zet chu a ni chiang a ni.

F*ck zanin chu a bulah awm ka duh tak zet, ka thuamhnaw chu hlîp ve in, a bulah chuan ka mu ve ta a, a taksa chu ka lam hnaihah rawn let thakin, ka âwm zâwnah chuan a lu chu a rawn dah a.

Chutia a mutthilh lai a a rawn thâwkchhuah boruak chuan magnet ang mai hian min hîp bet leh daih tawh!

Chu thil chu inpawhna thûk tak leh hriatna thazâm thûk tak tleng a in hîp tawnna leh thinlung chhûngril ber a ṭang a rawn chhuak inpawh tawnna ang chi hi a ni.

Chuti ang thil ngaihtuah pah chuan, a taksa chu kuahhnâi belh sauh pahin,a lu chuan ka âwm chu ka kham tir a, kei pawh chu châu zet hian tui takin ka muhîl ve ta a.

CHLOE....

Zîng a nih chuan ka ṭhangharh a, ka mit chu mengchhuakin, keimah chiahin ka mu lo a ni tih chu ka bula taksa lum ham ham mai leh khauhṭang mai leh tihrawl ngahzet in min rawn nghenna a vâng chuan ka hre chhuak nghâl a, a bân tha chak zet mai chu ka âwm zâwnah a rawn nghat bawk a,chu thil chuan nizân khân engthil nge thleng? tih chu min ngaihtuah kîr tir leh hial!

Chuti ang taksa nei tu chu Zane choh a ni tih pawh hrilhhriat kher ka ngâi âwm lo e.

Oh God ka roomah rawn kalin min rawn mutpui chu a ni si a...