TSEPNAYA REAKTSIYA MAFIA ROMANCE CHAPTER 10
TREY.....
Callie hmél ngui zet tûr leh a kehchhe lai chu ka hmu thei hauh lo ang, ka breakfast siam pawh ei ta lo in car chahbi ka la a ka inkhalh chhuak ta daih a, chuti lo zawng abula ka awm tam chuan ka ném leh zo vek mai ang. Trey Bayle ka nih ang bawkin ka thutiamah ka dingnghet bawk tûr a ni.
Ka phone chu ka kut lehlam chuan ka la chhuak a, ka bengah chuan ka ngâithla vang vang a, "Clegg keimah!"
"Khawiah nge i awm?"
"Ok, kei pawh ka rawn thleng ve nghâl vat ang." Phone ka cut a, tháwk ka la hawk a.
EMPIRE CASINO EVENTS VALETS
560 Central park Ave,
yonkers
Casino lam chu ka pan ta nghâl a, ka va luh chuan kilkhat ah hian an lo awm deuh ṭhap a, va fin ve in,"Boys zaninah hna kan nei a nia."
"Vawiin te chu kan off day emaw ka lo ti a sin." Clegg chuan ka lam hawi pah chuan a ti a.
"Thil eng emaw tih tur a rawn thleng leh thut a, zan in ngei hian kan tih angai ang." Tiin ka chhâng leh a.
Clegg chyan a bula hmeichhe ding chu melh zauhin, "Ka unau nu Ayushi hi ila hria ti raw? Zanin chu hetah a awm ang, a birthday a nia, chutia ka awm theih dawn loh chuan ka âiah amah lo ngaihven tur hi min tirh sak thei ang em Trey?" Beisei nei tak chuan min rawn melh a.
"Hi, Trey kan inhmuhlohna pawh a rei tawh hle mai ti raw?" Ayushi chuan min nuih deuh sak a.
"Ayushi kan inhmu leh chu ka lawm khawp mai, chuan happy birthday." Tiin ka siai khum suk a.
"Anih chuan Clegg, Hunter nen kan lova ti mai ang."
"Boss ka lawm e."
Tûn ang dinhmunah chuan Callie bulah awmlo ila, ka tih tur chu ka ti thei tho ang.
"Hunter kal ang le." Ka inher ta nghâl a.
****************
"Clegg i boss hi heti khawp hian a hot ani tih hi ka lo theihnghilh hman tawh a lawm le." Ayushi chuan Clegg melhzauh pah hian a ti a, a nui var var bawk a.
"Khatiang khαn ngaihtuah hauh suh, Trey hian hmeichhia tumah relationship a neihpui ngâi lo, sex bâk hmeichhia ah amamawh lo, chuvâng chuan i rilru hliama a awm tur hi ka hmu duh hauh lo a nia, buaipui lo law law rawh Trey chu!" tiin a nau chu a hrilh nghut a.
Ayushi erawh chuan engahmah angaihloh hmél kher mai, "Damn, a bawp te kha sexy ka ti ngawih ngawih hmeichhe ho duh zâwng tak a ni." A ti leh sap a.
"Ayushi ngawi hmak mai rawh, Trey hian hmeichhe rilru engzah fakau nge atih natsak tawh alo hliam sak tawh tih i hre lo anih hi, kei hian ka hria a nia, chutiang zínga mi tur a tân chuan ka phal ve lo che."
"Chill, unaupa inbengdâi rawh, ka fiam ve mai mai che anih kha." Anui pah hak hak a.
Clegg anglo takin Ayushi hi chu a sam a dum hlap a, a mitmu a pâwl râm bawk a, a vun hi a ngo paw phak bawk a, hmeichhe duhawm zet chu a ni ve réng réng a ni.
A FEW DAYS LATER....
CALLIE....
Kha mi ni aṭang khân Trey chu pângngâi taka ka biak leh pawh ka hre tawh lo, ka roomah rawn kalin ka hliam chu min rawn tih sak ziah tho a chu, a tih zawh veleh ngawi rengin achhuak leh mai ṭhin. Zanlamah a rawn haw ṭhin pawh ka ring lo.
Heti ang khawpa a mah vei turin min siam te te hnu ah engvânga hetia awm leh hrep hi nge anih pawh ka hrethiam nek tawh lo ve. Ka rilru chu a hlim tawh hlawl lo, Trey lakah hian ka châu zo tawh.
Vawiin chu warehouse ah kalin eng nge thilawmzia tih hi va hriat chu ṭha in ka hria, ka hnathawh thawmhnaw dum vek chu ka inbel sawk sawk a, ka sam chu ka thlah tawp bawk a, ka inpeih chu ani mai e, mahse motor khalh ka thiam silo, taxi ko ila a ni mai.
Penthouse aṭang chuan chhuakin taxi chu ka la ta a, Warehouse ka thleng ka lût theilo a, Hunter chu kawngka min hawnsak tûrin ka call a, min rawn hawnsak ve mai bawk a, "Min luh tir avângin ka lawm e." Lawmthu ka hrilh sap a.
"A pawi réng réng lo, mahse engin nge hetilai hmun te rawn thlen tír ta mai che a?"
"Trey ka rawn zawng deuh a, hetah te hian a awm mial em ka rawn ti deuh a lawm." Ka ti deuh niah niah a.
"Ka la hmu hauh lo mai, mahse a car erawh he in hnung lampangah hian a in hûng a a awm chu ka ring." Tiin min chhâng a.
"Anih Hunter nang i nunah mi special tak tawn te i nei ve tawh em?" Ka ti leh zauh a.
"Nupui ka nei tawh a lawm." A nui ve suk a.
"Wow, nang chu pârtinlawr an tih ang type hi i ni velo tihna a ni maw chu?"
"Nupui ka neihna hi kum nga zet ani tawh ang, tûnah chuan fa pahnih ngawt ka nei ve tawh." Thutak zet hian a ti a, Hunter chu ka awt ru khér mai, ani chuan a hmeichhe hmangaih tak nupuiah a nei ngéi bawk ang a.
A thu rawn sawi chhuah leh chuan kalo ngaihdán chu a ti danglam leh daih, "Kan vâi hian hmeichhe kawp lâwr chîng zet chu kan ni vek a lawm, chu vânga Trey pawh hi pawm pui kan nia."
"Anih Trey hian nupui te neih a naute neih ve te hi a duhzâwng ani velo tihna em ni?"
Ka thusawi a vâng chuan za zet hian a nui chhuak huah huah a, "Tûnah Trey hian nupui te neiin fa te han nei ngat se chuan a nuihzatthlâk ngawt ang." A ti a.
"Nikhat chu he angaihdân hi a la thlâk ve mai thei a sin."
"Chutiang tur chuan ruat duh ting tang suh, Trey hian inneihna tih vél hi chu a ngaih pawimawh loh zâwng tak a nia, ani hi chuan hetia a awm dân anga léntar ṭhak pawh hi a duh ngéi ang. A chhan chu single hi nuam a ti a, hmeichhe ho laka zuan lâwr hi a duh dân ber a ni bawk, chuan hmeichhia hi zawhte a tehkhin a, chumi awmzia chu amahah chuan hmeichhia hi angkhat vek an ni tihna anih chu! " A ti leh a.
NEW YORK
DOWN TOWN
THE BRONZE DRAGON WARE HOUSE
TREY......
Ware house ka thlen aṭangin ka office ah chuan ka la awm ta reng a, ka camera fit a midang lût leh chhuak chu thlîr pahin Callie thlalâk ho chu ka en kual a, engvânga hetiang saruak thlalâk chu kawl nge anih ang? Sumdawn nân hman an tum nge ni ang a, an pahnih a hriat tûr chauhin an kawl zâwk, angaihna réng réng ka hre lo mai, tûna Callie hmél landân âi chuan tlémin thlalâkah chuan a lang naupang hret hian ka hria a, ka enchîk zél a, Callie photo shoot pângâi ang ka ti hlawl lo, Callie chuan a hre miah lo a ang tlat, camera lam a enna pakhat té mah ka hmu lo, chuti chu nita ang se, engtin nge a lâk sak theih ngaihtuahna a ti thui duh khawp mai, chupa Dillon James lakah chuan ka thinur viau bawk, Callie hi zâwt fiah ta ang ila thudik chu min hrilh duh ang em, nge a ṭap leh ringawt mai lovang maw? Heti hian ka dahṭha zèl mai dâwn nge ka tih riral sak dawn tih ah chuan ka buai kher mai.
Ka hma a,camera footage chu ka en leh zawk a, Warehouse chhûngah chuan Callie chu ka hmu ta phut a, hrep takzet chuan, Callie chuan eng nge a hriat a hetah te a rawn kal hrep le?
Eng pawh ni se, he thlalâk Hunter an Dillon hnén aṭanga a hmuh ho hi ka dahṭhat leh hmasak phawt angαi ang, la tichhe mai ila aṭhat záwk ka ring, he ka office ah hian keilo midang tumah an lût nfai chuang lo.
Hetah hian dah mai rih ila aṭhat ka ring, tumah an lût thei chuang lo, ka desk pawhdawh chu hawngin ka dah lût ta a.
Ka office aṭang chuan chhuakin Callie chu engvánga rawn kal nge anih tih hre tur chuan Hunter nen an lo dinna lamah chuan ka chhuak phei ve ta a.
"Hetah te eng nge i rawn tih a?" Anbul ka va thlen chuan vawt ruih hian ka ti chhuak a.
Hunter chu hnungchhawnin ka lam chu zâwimuang hian a rawn hawi a, "Engvângin nge ka awm loh bîk anga, member ve tho ka ni a ni lâwm ni, nge ka nilo?" Mi cho hmèl zet chuan min rawn enchho a.
"Kal sawn ka lo tum chiah a." Hunter chuan alo ti ve bawk a, hepa hi nupui nei tawh anih mai avâng nge ni, midang buaina chu a hre hma thei riau leh nghâl, hmeichhia leh mipa inkar buaina phei chu aman zung zung zèl.
Hunter kal kian hnu chuan, Callie chuan min beleh a, "Trey he hmuna awm tur hian min duh lo nge thildang vâng zâwk?" A ti chhuak leh hlar a, a thinrim hmél ve khér mai.
"Chu ngaihtuahna chu khawi aṭanga i neih nge ni a?"
"Well, min mutpui hnu aṭang khân maw le, hetiang hian ka chungah i ti reng thei bîk lo tih hi inhre ringawt mai rawh." Thinrim zet hian a ti chhuak a.
"I aw râwl kha ka lakah sân ve khanglâng lo mai rawh Callie."
"Uhh, engvângin, i khum a i lung tiawi tu pakhat dang ve mai chauh ka ni tih hi midang in an hriat i duh loh vâng em ni?"
Chuti anga a rawn ṭawngchhuak deuh hlaih hlaih chu ka ngaih ati ṭha lo mah zâwk, he hmunah hian mi ânkhum turin maw a rawn kal a." Intur i rawn lem hmasa em ni?" Ka ti leh khauh a, ka enchík kher mai.
"Trey chu chu ilo hriat ve pawh a tûl kher lo."
"Callie inbeng dâi teh! Ka hrilh lâwk a che." Thinrim zet chuan ka ti ve nghut a.
Thinrim zeta sehchilh deuh nak chung hian, "Ugh, nang hmusit awmpa hremhmun lamah kal rawh." Thinrim zet in min kalsan ta a.
Engtinmah ka chhâng lét tawh lo, "Hmeichhe ho tak hi chu!" Ka hriat tâwk vel a zâwi hian ka ti chuak sup a.
Callie in min kalsan hnu chuan, ka bulah Elizabeth chu a rawn kal a, "Hey, boss!" Tihsap pah hian nozet in min melh pah a.
"Elizabeth mamawh i nei deuh em ni?
"Nangmah chiah hi ka mamawh che." Min nuih pah sâng zui, a zakhlawl lo.
"Elizabeth tunge i biak tih hi ila hre ve hrep maw? Chuan i inchhîr leh hma ngeiin min zahna lantir ṭhin tawh ang che. " Ka thinrim kher mai, hetianga min be ngam tur hi a ni miah lo.
"Boss ka tihpalh"
"Hei hi hre reng ang che, kei mah min kalh zâwngin awm leh tawh ngâi bawk suh! Chutilo chu midang ho chunga athlen dân ang kha ka lantir ve palh hlauh ang e, an thil tih avâng a an hmuh ṭhin ang kha." Elizabeth mitah chuan hlauhna hi ka hmu a, chutiang chu hmuh ka duh rèng a ni.
"Phe vat vat mai teh Elizabeth, silaimu tam tak thunluh chik hrup te i duh anih loh chuan." Hunter chuan kan bul rawn din pah chuan a ti chhuak ve hrawih a.
Elizabeth pawh chu rang zet hian a kalsawn ta vat a.
"I ṭha em boss?" Hunter chuan min ngaihtuah hmél zet hian a ti a.
Thinrim zet a ha chang ṭhial rawp rawp pah hian, "Tu te chungah pawh hian anbula ka awmlai in tu nge an boss tih hi ka lantir angai in ka hria." Tih chhuah hrawih pahin Hunter chu ka kalsan a pâwn lamah chuan chhuakin ka car chhûngah chuan ka ṭhu lût a, car chu ka tinung pah bawk a, Kei mahah hian eng thil zet chu nge thleng ta hi?
Hetiang hian tûnhma in hmeichhia in ka lakah an la ti ngam ngâi lo, engvânga Callie hi hetiang a min tih hi phalsak nge ka nih hrep chu le? Members dangin ka nèm ṭan viau ah an rin phah zui bawk a.
Ka members te ka kaihhruai dân chu, mipa ah emaw hmeichhia ah pawh kei hi an zah ber tur ka nih zia hriat tir hi a ni. Clegg, Detroit leh Hunter te pathum hi ka unaupa te ang tluk chiah an ni a, mahse anni ah pawh keimah min zahna an lantir loh chuan an chunga hremna ka lantir tur chu midang te ang in a nèp pah chuang lo.
Elizabeth hian min nawr luiin a ti deuh mah mah tawh in ka hria, tûnah chuan ka tán eng nge a nih tih leh adinhmun diktak chu lantir angái tawh takzet a nih hi!
Callie nena kan inpawhna thûk tak pawh hi tih táwp ahun hlé bawk, ka lak aṭanga hla taka ka dah chuan buaina engkim a fel leh vek mai ang.
Amahah hian ka lo in vén vena zawng zawng te chu tih chhiatin a awm a, chu chu tih tâwp vat aṭul bawk, ka penthouse aṭang a ka kal chhuahtir hi a hun tawh tak zet, chu thil chu loh theih lohna avángin a ngai, mahse engvângin nge chu thil ka ngaihtuah avâng ringawt pawh chuan ka thâwk te a sak nghâl up up mai chu le? Hmu tawh dawn lo tur ang vang vang a ka indah phei chuan hreawm tihna hian min luahkhat nghál der, he thil hi ka ti thei ngût ang emaw chu, mahse ka tih ngei erawh a ngâi chuan ka hria, thâwk ka la deuh hrawih a, chutiang thil chu ngaihtuah thui pawh ka duh tawh lo, he hmeichhia ah hian engthil emaw tak awm awm hian ka hre tlat, mahde rng tak nge anih erawh ka hre lo.
TREY'S PENTHOUSE
11:40 pm
CALLIE....
Trey rawn haw hun chu ka lo nghâk a, inchhûng arawn luh lâi chuan sitting room ah ka lo ṭhu a, biak pawh min be lo in a room lam min pansan daih, eng nge asawi tih pawh hriat loh hian a phun nuah nuah ringawt, a room kawngkhâr chu a khâr ri khap, a beidawn thlâk khér mai,Bronze Dragons aṭang hian chhuak turin min duh tihna em ni ang?
Rilru hreawmna hlír a khat chungin ka room lam chu ka pan chho chhat chhat a, khami ni a thil thleng kha ka zeiloh luattukah apuh em ni zâwk? Kei lah chuan silai mu ka tawrh chhan chu amah vángah ka puh ve ngawt a, hmantlâk loh min ti viau anih ka ring, Elizabeth thusawi kha dik a ti tawh khawp ang chu, ni e , Dillon sawi dân ang khân mipa tumah min duh tak tak tu ka tawng ve ngailo ang, ka hmélchhiat ém avángin leh ka zeiloh ém a váng hian, chuan eng hna mah ka thawk thei ve lo, chu vâng a ka hnathawhna hmasa aṭang pawh khân bán ka ni réng bawk, mahni leh mahni chu kawng engkimah ka in mawh puh a, ka mittui tling pam avâng chuan ka khawhmuh chu a fiahlo riai tawh a, ṭap chhuak mailo turin ka heh ka pet fan fan a, ka mittui chu tih tlák loh hrâm hrâm ka tum, mahse ka dang thei ngang tawh lo, mahni inkhawngaihna in ka khat a, ka mittui chu dan zawh rual lohin ka biangah chuan a luang thla ta ngiai ngiai a.
Ka kut chuan ka mittui chu hru hul leh sawk sawk in bathroom lam ka pan a ka hmâi chu ka phih thuak a, ka khum lam panin ka mu ta hmak a.
TREY.....
Inchhûng ka lût sitting roomah Callie chu alo awm reng a, engvánga tûn ang thleng thleng la meng nge maw anih chu le, a pasal angin min treat deuh tawh em ni ang? Ka phun nuah nuah a, mi biak duh hmél zet hian a áng ziau bawk a, mahse ka haider luih tlat avángin a hmûi chu a chîp leh hmaka, a ngui hlé tih pawh a landânah chuan ka hai lo, ka room lam chu ka pansan hmak a, ka khumah chuan lûtin ka mu ta daih a.
Ka ngaihtuahna buainuaih nuaih mai te chuan ka nunram an ti chau a, eng èm èm va ti lèm lo mah ila ngaihtuahna ka sén hnem èm avângin ka taksa te thleng chuan a zawi zo vek, Callie hi min kalsan hlen tûrin ti ta ila kei hian ka tuar thei ang em? A tello hian ka awm thei ang em? A tello a awmthei lo anga ka inngaih tlatna hian min ti mualpho mai lo ang maw? Chûng zawhna pathum te chu ka tân an pawimawh Callie insawn chhuak tura ka hrilh hma hian.
Chutiang thil ngaihtuah chung zél chuan ka lo muhîl ani ngéi ang, silai kah rîk ṭhuai thâwm ka hriatna chuan min ti harh zawk a, vawikhat mai pawh ani lo, ka ṭhangharh hnu chuan vawihnih ngawt mai a ri nawn leh a, engthil nge ni hrep, tûn angah silai kah ri maw? Ka harh chiang ngei mai, ka meng chhuak kâwk a, "Khawiah nge ka silai kha?" Ka lukham hnuai chu ka dap a, ka silai vawtthlar mai ka dap fuh hnu chuan kawr pawh ha hmanlo in rang takin ka room aṭang chuan ka tlânchhuak ta nghâl a.
Alex chu ka rilru ah a awm hmasa ber, a room lam chu ka pan vat a, a room chu light pawh ala in off lo, a léng ala hâw lo nge silai kah rí ah khân a tho chhuak ve zâwk? "Alex!" Tiin ka âu tuarh a, a awm hauh lo, "Khawiah tak chuan awm ang maw?" Haw tlâi tawh lo tûr khân a intiam thlap si a, a tihdán a ni ngâi lo, ka ti tawh lo ang a tih chu a tilo nghâl ṭhin.
A room kawngka chu khâr lehin Callie ka rilru ah a rawn lang leh zawk a, oh hrep tak chuan Callie pawh a awm ve tak, hmanhmawh zetin aroom lam chu ka pan chho a, ka rilru hmanhmawh na lutuk lamah kâilâwn te chu ka pén kân chho pâwk pâwk a, corridor ka kal lâi takin Callie aroom aṭanga rawn chhuak nén kan intâwk ta hlawl a.
"Eng thil nge thleng?" Hlâuthâwng aw zet hian min hmuh veleh chuan a ti nghâl a.
"Beih kan tâwk ni in ka hria, Alex i hmu em?"
"Ka hmu miah lo." A hmélah chuan zawhna tam tak hi ka hmu a, mahse chûng chu chhâng tûrin hun ka nei bîk lo.
"Aw le, ka hnungah hian awm tlat ang che." Ka ti leh nghut a.
Ka phone chu phawrhin Hunter chu ka be nghâl a, "Hunter keimah, ka penthouse ah beih kan tâwk tlat mai."
"Callie chu ka bulah a awm, mahse Alex ka hmu zo lo."
"Ok, rawn hmanhmawh ang che u."
Callie thlaphâng zeta ding lam chu ka hawi leh a, "Callie ka roomah khân kal la, ka khumbula rug (chhuatphah ) kha kéu in chumi hnuaiah chuan secret door a awm ang, tah chuan chhuk la save room i hmu ang a, ka lo kal leh hma loh zawng lo awm char char ang che." Tiin ka hrilh a.
"Nilo, khawngaihin, keimah chauhin ka kal duh lo." Thlaphâng zet chung hian a ti a.
Ka dawhtheihna in a tlin leh ta lo, "Damn it Callie kal mai teh! Alex ka zawn ala ngâi." Ka tih tâk hrawih avâng chuan a kal ve ta vat a.
Fîmkhur zet chung hian sitting room lam chu ka pan phei a, ka silai kâwm chu ka hûm nghet kher mai, mi ka hmuh veleh a káp nghâl mai thei tûr chuan ka in ri g rwng bawk a, sitting room ah chuan tumah an awm lo, chutiang chuan inchung ho chu ka enchhuak dap a, Alex hmél rèng rèng hmuh tur a awm lo.
Inhnuai lam chu ka pan thla leh a, thâwm ka hre ta, thâwm awmna lampang chu ka pan hnâi ṭham ṭham a,"Che hlek suh u, in chét vaih chuan in chantur chu hremhmun lam a ni mai."
"Boss silai kha dah thla rawh keimahni kan ni e." Clegg aw chuan a rawn ti a, an rawn inlan nghál a.
Hunter leh Clegg lek chu ni in, "Tu emaw tal hmuh innei em?" Ka ti nghâl a.
"Neilo boss, atu apawh chu lo nita ang se, a kal chhuak hman tawh." Hunter chuan a ti a.
"Lungngái duh suh u, zaninah hian tu nge min rawn bei tih hi kan la hrechhuak èm èm ang."
"Boss." Hunter chuan a ti ruih a.
"Eng nge Hunter?"
Clegg pawh chuan ṭhu phawt teh boss!" Hmél ngui zet chuan a ti veleh a.
"Ka ṭhu duh hrep hlei ném, chuan nangni hian thu min pe ang a maw?" Ka thinrim kher mai.
"Boss!" Hunter bawk chuan ati leh a.
Mak ka ti khér mai,"Thil diklo a awm em ni Hunter?"
Hmanhmawh zetin an pahnih chu ka nem kiang rawp a, kan piah lawka couch ah chuan Alex chu an lo mut a, Detroit hi abulah chuan ngui zet hian alo ding bawk a, Alex chutiang a ka va hmu chiah chu ka pan phei nghâl ruak a, ka ṭhingṭhi hniam rawp a, "Alex, Alex." A hmél chu a dâng var pap a, ataksa chuan nunna anei tawh lo tih hi ahriat ngawih ngawih, ka zu kuah a, "Khawngaihin Alex la kal suh, ka la phal lo, nangchiah ka nei tawh che." Chhûngril aṭangin ka rûm chhuak a, ka kehchhe vek." Ka mittui a far hial. Ka âu chhuak tuar a.
Ka sâwi nawk nawk a," Alex khawngaihin harh teh.... Alex."
HUNTER POV.....
Kum tam tak chhûng Trey hi ka lo hre tawh ṭhin; chûng hun chhûng zawng chuan aṭah hi ka la hre ngâi miah lo, a mittui tlâ eih pawh ka hmu ngailo.
Mahse tûnah hian aṭap ve tlat, a rûm chhuak hrawih a, a arûm chhuak thâwm thangkhâwk chuan chu lâi hmun chu a luahkhat vek thei, a hmélah chuan hlawhchhamna leh beidawnna a lang a, chhûngrilah anâ tak zet tih pawh abula awm mita hmu tu tân chuan hairual a ni lo.
Hném chu ka duh viau a, mahse amah hlat thei ang bera awm chu aṭha tih ka hre reng, Pathian nangin zanina rawn beitu hi Trey in a zawn hunah amanchhuah theihna tûrin pui mawlh ang che. Trey hian nâ ati ém a sin, he anau bâk hi tumah chhûngleh khat a nei tawh bawk si lo.
Trey chuan phubâ chu ala ngéi ngéi ang tih chu thil chiang sa a ni, chu thilah chuan zahngaihna alan tir hauh lo bawk ang, he thil a inhnamhnawih zawng zawng chu thah chimih vek a duh bawk ang.
Kei, Clegg leh Detroit te chu abulah chuan kan lu kun lup chungin ngáwi rengin kan ding a, Trey chu ṭap chhuak hawm hawm lo mahse chhûngrilah a ṭap tih chu hai rual a ni lo, Alex hmél nunna nei tawh lo dâng var pap chu a melh ngawih ngawih a, chutiang khawp chuan engtia rei nge a awm ang tih chu Pathianchiahin a hriatpui ka ring, keini pawh engtia rei nge kan din ang, Trey in a mamawh chhûng zawng chu a ni mai. He thila phubâ alâkna tûrah berkhér hi chuan Pathian chauhin achungah rorél teh se.
TREY POV......
Chutiang a Alex ka hmu phut chu ka insûm zo lo chhûngril tak aṭang hian ka rûm chhuak a, khua pawh ka hmu tawh lo, ka nau duh tak leh ka hmangaih ém ém anat pawh ka phal ngâi loh amah chiah thisen zawmpui ka neih tawh chuan min kalsan ta si, tunge athisen mawh chu phur ang le? Ka rilru in ka nâu ruang chungah chuan chhia ka chham hial, he athihna a inhnamhnawih zawng zawng chi ka that fâi vek ang, anmahni chiah pawh nilo in, anchhûngkua vua leh vαng thlengin ka that chimit vek ngei ang, chu thil chu ka tih hmâ chuan kei Trey Bayle hi ka châwl hauh lovang.
Ka mittui chu a far ve hial mai, kum engzah aṭang khân nge ka ṭah tawh loh tih pawh ka hre tawh hrep lo ve, mahse zan in hi chuan ka ṭap ve a sin, achhan pawh ka nau duh tak leh khawvela ka hmangaih ber chu thah ani . Ka nu leh ka pa thah an nih nî khân ka rilru leh thinlung chu ana viau a, mahse ka ṭap chhuak hauh lo, he ka nau neih chhun Alex hi chu ka hmangaih a sin, he tiang tâwk tur hian ka nau khân tu pawi nge asawi? Pathian chu ka dem lo thei lo, kei hi ka nunna min lâk sak zâwk chu ni se chuan ka dem hauh lo tur a nia, mahse ka nâu mi pawi pawh sawi ngâi lo miṭha tak chu a nunna lâksakin a awm zâwk ta si.
Hetiang hian awm mahse a roomah awm a eng nge thilthleng ti a arawn sawi leh hi rinna ka la nei tlat tho, ka hawichhuaka ka ho te pathum unaupa ang maia ka en te ho bâk ka hmu lo, engvângin nge Alex chu a tel ve loh? oh heta hi kum khua a harhchhuak leh tawh lo turin a zâl reng tak alawm, chhúngrilah chuan ka rûm vawng vawng a, chu mai chu duh tâwk loin, rilru na zet leh mittui tla phung chung chuan ka âu chhuak tuarh a, ka thaw chu a ipik tak zet zet.
CALLIE ......
Callie lo chhuak chho rawh le, Hunter ka ni e." Ti a min âu thâwm ka hriat chuan ka che ta vat a, chulai hmuna mahni chauh a awm reng chu nuam ka ti hlawl lo. Hunter aw ka hriat chuan mak ka ti kher mai, Trey khân ka lo kal leh ang tiin min hrilh si a, eng nge achhan ni ang, silai te hian an inbeihna ah an kâp hliam ve em ni ang? Mahse ka tawmna aṭang khân silai ri pawh chu ka hre leh tawh bawk si lo, nge silai lam pang nilo, chemte te hian an lo hliam zâwk? Ka ngaihtuahna chu avâk kual na sa mai .
Ngaihtuahna buai niaih chung chuan ka chhuak chho va, "Hunter thank God nang i ni hlauh a." Ka thaw huai mai, kha hmunah khân kumkhua in ka awm tawh dawn emaw ka ti hman hial.
"Ka hlâu lutuk a, " Hunter hmél chu a ngui khér mai, ngaihthat lohna hian min luahkhat nghâl a, Trey ngaihtuahna nén, "Engkim aṭha maw?" Ka ti leh sep a.
Hunter erawh chuan engtin mah min chhâng lo, ka hlâuthâwng tulh tulh mai, ka kut pahnih chu ka âwmah chuan ka dah kawkalh châih a, ka thaw dép dèp nghâl a, ka thâwk te chu a tâwp dâwn hiala hriatna te hi ka nei zui.
Ka âwm chu hnawhtu awm ang mai hian a tâwt chho mup mup a hriatna ka nei bawk, "Trey a ni em?" Ka ti chhuak leh sap a, chu thu sawichhuah rîk ngawt pawh chu ka harsat tak zet, ka lungphu chu nasa zet hian a in thúmrawn tlut tlut a, ka beng hriatah thleng chuan ka lungphu chu a ri pha hial ang tih theih tûr khawp a ni.
"Ni lo." Hunter bawk chuan a ti chhuak leh sup a.
"Anih leh tu nge?" Bangbo zet a awm chu ka hreh viau a chu ka hre chák hranpa lo khèr mai .
"Alex!" A ti chhuak ta sup a.
Alex a thi a maw, ka âwih lo hial zâwk, khami te khán an that ta ngéi a ni ang, mahse Trey khân min hrilh dán khân an boss ber chu Alex thah an tum avângin Hunter leh Clegg in an that tawh ti khán a sawi si a, anih chuan eng tin?
Ka hluahthâwnna chuan min luahkhat leh nghâl vek tawh a, Alex khán mi pawi asawi pawh ka hre ngâi silo, tleirawl mipa fel zet mai leh kawm nuam zet mai, a ŭ Trey ang a lainatna neilo leh ngilneilo zet pawh ani si lo, tunge Alex ang mi ṭha chu lo that duh ta ang?
Thâwkchhuah pawh harsa ti khawp in ka awm a, ka âwm chu a tâwt lutuk, mi tu emaw in ka pum a min hnek ang mai hian ka awm a, Alex khawngaihin nilo, nang chu ni lul lo mai, lungchhe zet chuan ka ṭapchhuak ta phawng a.
Alex nen khân chutiang lutukin kan inhrawn rei hman lo achu mifel zet a ni a, mi hlimthei tak a ni bawk. Angaihtuahna ang ang sawi chhuak pawp pawp mi niin, mi khawngaihna leh ngilneihna a khat a ni tih erawh chu rei lo teah ka hrechhuak thuai a ni.
Nilo, little sweet Alex ka la hrechiang duh che asin, nangmah a ngilneihna leh mi hriatthiamna te kha hriatbelh ka la duh , ani teh thut lutuk, ka mittui chu a far zawih zawih a, thil thlen dân chu a rang teh thut ém a ni. Trey chu engtin nge a awm ang? A nau neih chhun takzet leh ahmangaih tak ani si a, ava tuarna dâwn ém.
"I room lamah lo han chho phawt rawh." Hunter chuan a ti chhuak leh sup a. Ngâwirengin ka room lamah chuan ka chho ta hnak hnak a, zan lamah tam ka mut loh avângin ka inṭap châu nén reilo te ka chhîng sek a ka harh hnu chuan shower ka hmang a ka thawmhnaw te thlâkin inhnuai lamah chuan ka chhukthla ta a.
Trey room lam chu ka pana, kawngkhâr bulah chuan Clegg hmél ngui zeta ding chu ka hmu a, zâwi sap hian, "Ka hmu thei ang em?" Tiin ka zâwt a.
"Thei lo, sorry Callie, tumah ahmu duh lo." Tiin hmél ngui zet hian min chhâng ve ruih a.
"Mahse thil pakhat, vûina hun hmang tûrin lo inpeih ang che, car pawh alo thleng tép tawh ang." Ngawi rengin ka room lam chu ka pan a, phúr lo zet chung chuan ka insiam ve ta a, khatiang thil thlen hnu aṭang khân Trey chu a hmél ka la hmu leh lo réng réng, a room aṭang chuan vawikhat tè mah a rawn kal chhuak miah lo, chutih chhûng zawng chuan Clegg, Hunter leh Detroit in emaw a room kawngkhâr chu engtiklai pawhin an in vén chhâwk reng ṭhin. Niléng zankhua in.
Ka ngaihdân chuan Trey nunna atán chuan an hlauhthâwn pui ani ngéi ang, chutia lungngâi taka an boss Trey a awm lâi chuan that leh tûrin tu nge rawn kal ang tih an hre si lo.
A chhan chu tu nge an nih chiah Alex that tu te kga tih pawh sawi thâwm a awm rih di lo. Mahse Alex vûina hun hi a tâwp veleh hma an la zui nghâl ang tih erawh chu kei ngéi pawhin hrilh hriat hranpa ngâilo in ka hre ve a ni.
Tu chiah nge anih tih hi an hriat hma zawng chuan zawnhna an thawhna hi an tâwpsan hauh lovang le.
Kawrfual khûp chen vél tur dum thui pângngai simple tak chu ka thawmhnaw dahna aṭang chuan ka la chhuak a, ka inbel nghâl a, ka sam chu khuihin ka thlah tawp bawk a, tûnah chuan kal ahun ta e. Inhnuai lamah bawk chuan hmél ngui zet in ka chhuk thla ve leh ta hnak hnak a.
Inhnuai sitting roomah chuan ngâwi reng hian ka lo ding a, Trey room in hawngri khap thâwm ka hriat avâng chuan ka thin chu aphu leh zawih zawih, rei vaklo hnuah chuan Trey, Hunter , Detroit, Clegg, te chu hmél ngui zet hian thawmhnaw dum vek a inthuamin an rawn kal chhuak a, Trey mit chu a bui lûk a, a mengsen rûm bawk a, atuar nasa in a mittui a sèng ve nasa hlé in ka hria, a hmél lamdân a ṭang chuan, tumah pawh in be lo in liftah chuan kan chhukthla ta hlawm a, pâwn kan va chhuah chuan limo car dum hi alo ding reng tawh a, tumah inbe lém lo chuan kan ṭhu lût ta hlawm a, chutia car a kan chuan chhûng zawng pawh chuan tumah ṭawngchhuak kan awm lo. Trey chu hnem ka duh lutuk , ṭawngthlamuan pawh ka duh tak zet, mahse alakah kei hi eng nge ka nih ve? Tihna avâng chuan ka ti ngam lo, chu loah hetiang lampang hi a duhzâwng lo nilo ta ang se, mahse ahmél lamdân chu a dik hlawl si lo.
A khaberuh kual chu a pâwng ṭawlh ṭawlh reng ringawt, chu chuan engtik lâi pawhin a inseh ruh hlé ani tih chu a lantir a, leilam chu ka melh ngar a, tumah an mit a va en chu ka duh hranpa lo.
Alex kan vûina hmun tur biakin chu kan thleng ta a, priest chu kan thlenhnu deuh lawk chuan arawn dingchhuak a, Alex vúina hunserh chu a hmang ṭan ta a.
Ka hawi kual ru hrak hrak a, Bronze Dragons members leh an nupui fanau te ho tih bák chu tumah midang hmèl thar hmuh ka nei lo. Tu te mai pawh chu an hmél angui vek a, vawiin ni zet chu ni hrehawm ava han ti tak zet ém. Keimahni ho té chu kan awm a, Lex chuan ngaihzâwng leh ṭhianṭha te a nei ve ngéi ang a, chûng ho chu khawiah nge ni ang, athih thu hi an hre ve tawh hlawm ang em? An va tuar nasa dawn ém, an hriat hunah zet chuan....
TREY....
Alex coffin bulah chuan ka kal phei a, lei dâi a azâl mai hma in ahmel ka ngaih ngawih ngawih tûr chu vawikhat chiah hmuh leh ka duh, ka chhiat vekna tur pawh nimahse pawi ka ti lo, a bulah chuan ka va kal hnâi a, a hmûi chu a duk deuh raih tih loh chu natuar hmél pawh hi a pu in ka hre lo, a muhil nimai hian ka hre tlat zâwk, ka hriattham lek tur chuan ka phun chhuak sup sup a, " Alex heihi ka tiam a che, ka manchhuak èm ém ang, an vâiin pakhat mah ka zuah hauh lovang, an vâi achungah he i thihna phuba hi ka la ngei ngei ang, anvâiin ka ti boral vek ang tih hi i ruang chung ngeiah chhia ka chham e."
Alex vûi tûr chuan thlânmual lam chu kan pan ta hlawm a, ka ngâwi reng a, ka ṭawngchhuak hauh lo, hmeichhe ho chu an ṭap tliar tliar a, ka haw tak zet, chutianga nasa tak a ṭah a ka rilru hrehawmna te hi chhâwk tir ka châk ve a sin, Alex ka ngai dawn hlé mai che, priest in Alex vûina hun tâwite chu athlân túr bulah chuan a hmang leh a, "Vaivut chu vaivut vékah a kîr leh ang tih ziak ani ang in, blah blah blah, ka nau duh tak kha vaivut a changtur khán ala hun hrep lo ve, ka pawm thei ngái lovang, kawng engkim a ka vén leh a tawrh ka phal ngái loh anunna in a a tawrh ka hlauh luata ka khuah khirh chu ka penhouse ah ngei thah ani ta si a, kei hi eng nge ka tih hrep? Ka nâu pakhat lek pawh ka vénghim zo lo chu a nia, ka vahan nèp tak ém, mom, dad min ngâidam rawh u, nangni ka véng him thei lo che u a, tûnah lah Alex ka vénghim zo lo bawk a, infapa hi ka nép ém a ni, tûna ṭang chuan he ka nau phuba hi ka lâk leh hma zawng chuan Bayle hnam hming hi ka ṭâwm tawh lo nâng e, kha infapa hmangaih zet chu inbulah a rawn kal leh tâk kha, lo hmuak ang che u, kei chu a ú nitlâk pawh ka ni tawh lo e, ti hian hrehawm ti zetin awm ila ka inhmeh tâwk chauh.
Alex vûina hun kan hman zawh hnu chuan car lamah kan kîr leh ta a, Hunter chu a phun sar sar a, a kalsawn nghâl a, eng nge thil awmzia ti a zawh pawh ka peih lo, carah chuan ka ṭhu tawp, a hnu deuh ah chuan Hunter chu Callie kâi chung hian a rawn lét leh a, Callie bawk maw, eng chu nge alo tih teh hrep chu le?
CALLIE POV....
Midang awm loh vek hun chu ka nghâk a, an kal liam ta maw tih ah chuan Alex thlân bulah chuan ka ṭhingṭhi hniam a, zâwi te te a phun chhuak sap sapin, Alex thlahna hun chu ka hmang ta a.
"Alex ,Trey kha ilo hmu em? A khawngaihthlâk zia kha, ahmél kha mahni inthiamlohna leh natna hlírin a khat a sin, i kal ta hi a hrethiam mawlh lo, Alex kei pawh hian ka la thlahlel ngawih ngawih che, i kal ta hi a hun mawlh lo, i u saw i lainat ve lo em ni? Tumah in anhném thei lo, nang chauhin i hném thei a sin, mahse khuareiin ala hném ve mai tûrah ka ngái, thlamuang leh hahdam takin zâl ang che, mangṭha le Alex."
- Screenshot_2018-11-10-05-37-17-550_com.episodeinteractive.android.catalog.png (796.89 KiB) Viewed 2371 times
Ka ding chhuak ka inher chiah Hunter chu ngawi rengin alo ding ve reng a, engmah pawh sawi lovin car dinna lam chu kan pan dûn leh ta a, car awmna kanva thlen chuanTrey chu ka melh zauh a, min lo melh rum nfang mai, ka hlâu tak zet, ka tirilah min melhna aváng chuan.ka khûr dar dar thei.
1WEEK LATER....
WARE HOUSE
CALLIE...
Warehouse a kan lo awm lai chuan Hunter hi hmanhmaq zetin a rawnlut a, Boss Alex that tu kha tunge anih ka hre chhuak tawh!" a rawn ti a.
"Tu nge." Trey aw chu a chang ṭha khér mai, phubα lâk châkna hlirin a khat bawk.
"Green Skull ho an nih chu!"
Oh, Green Skull ho bawk maw ni a?
Vinny leh Johnny te pahnih chu kha zâna i penthouse rawn kal te kha an ni a, chuan an sawi dân chuan Alex káp hlum tu tak chu Vinny zâwk ani a, Boss mahse antlânbo dún ve ve, Alex kah anih hnu aṭang khân tún thlengin an hmél hmuh ala ni lo a, thil eng emaw plan fel tak nei sa a ti an ni âwm e." A ti a.
"Zawng nghâl rawh u." Thinrim zetin Trey chuan a ti chhuak tuarh a, "Chuan an chhûngkaw members list zawng zawng ka duh tel bawk ang, tichuan anchhung leh khat te pakhat té té a ka thah zél chuan an bihrúkna aṭang in an rawn chhuak ém ém ang ." Ti leh nghutin Hunter chu rum zet hian amelh khur a.
Chutiang thil chu Trey chuan a sawichhuah ka ring hauh lo, "Nilo Trey! Mi pâng ngâi i that ṭhin lo ti khân i sawi si a?" Ka lo ti ve zauh a.
A hmél chang zet chuan ka lam chu rawn hawi in amitmeng durkhuih mai chuan min en vung vung a, chutah a rawn ṭawng chhuak ta a, " Anih chuan mit âiah mit kan ti dâwn zâwk em ni ang?"
Ka lo sawi ve ta kha inchhirna tham ram ram khawpin min siam chiang hlé mai.
No comments:
Post a Comment