TSEPNAYA REAKTSIYA MAFIA ROMANCE CHAPTER 8

TSEPNAYA REAKTSIYA   MAFIA ROMANCE CHAPTER 8

DOWNTOWN
WARE HOUSE
10:30 PM

TREY.....


Thaw huam huam chung hian Clegg chu a rawn lút a, ka lo melh rum ngang mai, ka kut chu ka hûm ruh a, ka hlauh ang ngei ngeiin thil a thleng ani ngei ang.


"Eng thil nge thleng hrep Clegg?" Ka ti nghâl hrâwk a.

"Inchhung ka va luh rual rual khân Dirty Dans mi pakhatin silai nen alo bei alo nia ." A hmél chu angui tak zet.


"Khawiah nge Callie?" Ka ti leh hrawih a, ngaihṭhat lohna hian ka khat nghâl a.

"Silai a kah fuh a ni." Inthiamlo hmél zet hian a ti chhuak sup a.


"Khawiah nge a awm ka tia lawm?" Ka ti leh tuarh a , ka aw chhuak chu a vín khér mai, mahse ka pawisa lo.

"Hospitalah ka kalpui nghâl vat a, mahse a dinhmun aṭha lo khawp mai, ahnungah vawihnih kah fuh a ni."


"A dinhmun a derthâwng ti si in amah a hospitala awm turin i rawn hnutchhiah tho a maw? Clegg hreptak che chuan." Thâwk ka la hrawih a, ka insum hmanlo teuh kher mai, ka silai chu phâwichhuak mai lo turin ka insûm hrâm hrâm a ni e.


"Boss police tam tham zet mai kha hmunah khân an rawn fuankhâwm a, ka awm reithei lo a lawm."

"Tûnah chuan amah chauhin ani tawh a, awmpui ngei tur i nia sin."


"Trey ka awm thei lo ani, amah kâp tu Rodge kha ka kâphlum alawm." Inthiamlo zet hian a ti leh a.


Ka thinrimna chu thunun tum hrâm hrâm in ka mit chu ka chhîng deuh sawk a, "Ok, Ublyudok(bastard) han sawi teh le, ka lo ngâithla ang e." Hachang ṭhial rawp rawp chung chuan ka ti ta a.

"Police ho in min zawng a ni. Chuvânga hmanhmawh taka Callie pawh ngaihven hman lova rawn tlânchhe ta ka nia."


"Anih leh Vinny chu le?"

"Callie chu Rodge kah tura theh pheiin a hun remchâng chuhin a tlân bo hman."

"Etot ublyudok, (Chu sâwn chhia hrep chu) Hospitalah chuan ka va kal ang a, Callie pasal angin ka va inchhâl mai ang." Ka ti chhuak ta hrawih a, chu bâk kawngdang awmin ka hre lo.


"Nilo, boss a risky lutuk i thil tih tum hi!" Clegg chuan ati thuai a.

"Kei pawhin Clegg thusawi kha ka pawmpui e, hospitala va kal chu a âtthlâk viau ang, thil tih chi niin ka hre lo." Hunter kan bula ngawirenga lo ding chuan a lo ti ve bawk a.

Hunter lam chu hawiin," Police ho in ka hmél hi an hre hlei ném, ka hming chu an nei ani mai thei, mahse ka hmél ber an hriat loh chuan engtin nge ni ang?"


"Boss mahse ala hlauhthâwnawm tho tho, kha hmuna hmeichhe pakhat ve msi hruai tura va kal chu a tih chi dawn em ni? I hrethiam ang chu!"


"Id lem kha min siam sak vat la a ni mai, passport leh birth certificate leh driving license, chutiang bawk chuan Callie tâ tur pawh siam bawk ang che, chu thil chu arang thei ang berin ka duh ang." Ka ti ta nghut a.


Ka inher leh vut a, Hunter lam chu hawi lét lehin, "I peihfel vek hnuah, ka penthouse ah min rawn lam ang che." Warehouse chu ka chhuahsan ta a.

Ka penthouse ka thlen hnu pawh chuan ka vei kual seka, hun lah chu a kal zung zung hian ka hre mai a, Hunter lo thlen hma chuan ka thawmhnaw chu ka thlâk nghâl sawk sawk a, thawmhnaw pângngâi tak hi ka ha nghâl a, achhan pawh túna ka thawmhnaw inbel lai nén a ka kal chu tih cho ah ka ngâi lo. Callie chu eng nge a dinhmun ni chiah ang? a damchhuaklo anih chuan ka damchhûng zawngin ka inthiam leh tawh ngâi lovang, kei hian hmeichhe pángâi tak chu dinhmun hlauhawm zetah mahni hma ka sial luat avângin ka hnûk lût ani si a. Ka rilru chu abuai kher mai, a tâwp atâwpah zawng Hunter chu a rawn lang ve ta hrâm e.

A cara ka ṭhutluh lai chuan, "He thil i tiduh tih hi i chiang takzet maw?" Tiin min zâwt nawn leh a.


"Aw, chiang e, chu âi chuan eng hming nge ka hman dawn?"

"Darren Jones i ni anga, chutiang bawkin, Callie pawh Sarah Jones a ni ang."

"A lo ṭha a nih hlauh chuan ka rawn hruai chhuak ang a, chumi atân chuan car kha tlânchhuah peihsa rengin i lo dah tur a ni ang." Ka ti a.

Hospital bul kan thlen chuan kan ding a, gate chhûnglamah chuan ka lút ta a.

MANHATTAN HOSPITAL
170 William st
12:30 am

 Manhattan Hospital tih lo intar kulhna lamah chuan ka lút ta a, police ho an awm nge awm lo tih ngaihtuah avângin ka mit chu ka lénkual pah reng a, mahse police hmél réng réng hmuh ka nei lo.

Ka bulah chuan nurse pakhat hi a rawn kal a,"Hi, puihtheihna che ka nei em?" Tiin min rawn záwt a, min hmu eng emaw deuh riau hian ka hria a, chu tak chu remchángah la in, ka hmél chu ka ti ngui deuh ruih a, ka nupui he damdawiin ah hian an rawn dah lût niin ka hria a, a rei veleh tawh, darkar thum vél lai chu a ral tawh ang, silai a kah hliam a ni a." Ka ti bawk a.

"Sir i hming le?"

"Darren Jones a ni a, ka nupui chu Sarah Jones ani " tiin kan id chu ka hmuh nghâl a.


Id a thlalâk chu envang vangin, "Yes, he hmeichhia hi an rawn dah lût alawm, inzaina room aṭangin an rawn dahchhuahna ala rei vak lova, engmah id kawl anei bawk silo a, hantih vak ngaihna kan hre rih lo a, i rawn hre hma hlauh chu a tih zia e." A ti nghâl sarh sarh a.


"A mah a ṭha réng réng em?" Ka ti leh ruih a.


"A ṭha veleh mai ang, achhan chu silaimu te khân a ataksa chhûngril a péng pawimawh ho an fuh lo hlauh mai a, a vânnei tak zet ani."

"Thank God!" tih chhuah hruih pahin, "Ka hmu thei ang em?" Ka ti leh a.


"Police ho in arawn harh chhuah veleh thil thlendân sawi pui an duh dawn a, tûnah chuan thil dangah anbuai leh lawk anih ka ring, nang pawh biak che an duh ngei ang, chuan i nupui bulah lo ṭhu a ilo nghah theihlohna chhan túr âwm réng ka hre lo, min rawn zui rawh." A ti ta hlauh a.


Room pakhat chu nurse chuan a hawng a, khumah hian Callie chu engmah hrelo hian alo mu bém a," Nurse aṭha chhuak leh ang tih i chiang tak zet maw?" Ka ti leh khér a.


"A ṭha leh mai ang, a rawn harhchhuah har pawh ka ring tawh lo, a hnimhlumna hman vâng mai mai anih tawh saw, a harhchhuah hunah chuan engkim a ṭha leh vek mai ang, a hliam pawh a dam chak ang, he hmunah hian nirei vak lo chhûng erawh a awm ve angâi ang a, achhan chu a hliam te hi tihfai ve reng angaih dawn a vângin, chumi hnuah chuan i nupui chu inlamah i hruai hâwng thei tawh ang."A ti leh a.


"Police ho pawh an rawn lang leh ṭép tawh ang, rawn be tur che u in."

"Nurse ka lawm e." Ka tih leh sup hnu chuan, nurse chu a chhuak ve ta a.

Callie hmél chu ka melh deuh vang vang a, alan danah chuan a ṭha vaklo niin ka hria, thisen ahlauh nasa hlé ani ang, ahmâi chu a dâng var pap a, tisen réng ka hmu lo.

Mahse chutiang thil ngaihtuah kual duah hman ka nilo, hun rem châng ka neih hi hmang ṭangkâiin kan chhuahna tur chu ka ngaihtuah vat angai ang, police ho hriatchhuah ka duh loh chuan, tûnah anih loh chuan engtikah mah ani leh tawh ngâilo ang, ground floor ah kan awm a, atihzia kher mai.

Ka phone chu ka phawrh chhuak vat a, "Hunter keimah ka ni e, ngun takin ngâithla rawh, hospital ground floor ah kan awm a, ka awmna zâwn vel chu ka rawn hrilh leh ang che, la harhchhuak lo. Callie hi rawn pawm chhuakin tukverhah ka rawn chhuahpui dawn a, chuta dah vat theih tur chuan car kha tukverh bul maiah lo hûng ang che, keiin chhûnglam aṭangin ka rawn dahchhuak anga, dîmzetin ilo la chhâwng ang a, car chhûngah i dah lût nghâl dawn nia, che vat rawh." Ka ti ta a.


THE NEXT MORNING...
TREY PENTHOUSE
7:30 am

Zîngah chuan mut khamlo zetin ka tho chhuak a, Hunter chu a rawn lût ve chiah bawk a, "Callie chu tûnah eng nge a an tawh?" Tiin min zâwt nghâl a.

"Ka chiang chiah bîklo, ala mu a."

"Police ho rawn kîr leh hma a i la chhuak hrim hrim kha kan tân chuan avânneih thlák takzet in ka hria, achhan chu thil engkim mai kha buaichuar rup thei reng a ni mai si a ." A ti ve a.


"Rodge chung châng eng nge hriat i neih?"


"A thi, Clegg khân a tukhumah a kâp fuh ani âwm e, tûkin news a alan dân in."

"A ṭha e, chutiang tho a ka ti tur chu min hum phah anih chu, Vinny hi adawt lehah chuan ani ang, mahse keima chanbîkah in dah dawn nia."


"Damdawi chu eng lampang nge i mamawh ang?"

"Hliam silfaina tur ang chi leh apûn loh nâna hnawih tur ang chi te, leh nachhawkna ang te tûnah chuan kan mamawh ka ring."

"Ok, ka rawn kîr leh vat ang." Tiin achhuak leh ta nghâl a.

CALLIE....

Ka harhchhuak chu ka awmna chu ka hai deuh hlek a, mahse ka hre chhuak leh vat a, harsa ti zet in khum aṭang chuan ka tho chhuak a,"Uhg, bus su bur angvel ka ni hial âwm e."

Ka dingngíl thei mai lo, khum chu ka zu bawh leh vang vang a, kawngka chu rawn inhawngin, Trey chu a rawn lût a, min hmu chu a phuzawkin ka hria,"Callie thawhkân tum duh suh!" A rawn ti nghâl tuarh a.


"Ka ṭha alawm," ti a ka chhânna chu haiderin,
Ka lam chu a rawn pan vat a, min rawn dawm nghâl a, "Eng nge i an deuh tawh?" Chu zawhna chu engvânga min zâwt nge anih réng ka hrethiam lo, ka taksa te chu nalo lái rèng réng hi a awm lo.


"Ná min tur ngut ngut tu awm in ka hria." Ka ti chhuak sap a.


"Eng nge i la hriat theih ?"

"A tam lém lo, Vinny chungchâng thil kha ka hria a ani mai." Tiin ka chhâng veleh mai a.

Mahse ngáwi lawk teh, ka hrechhuak leh ta, "Silaia kah ka ni." Ka ti chhuak ṭhat a.


"Inthlah dul rawh." A ti chhuak sup a, mahse engtin nge ka inthlah dul theih teh lul ang, ama min tirh ani a, tichuan kha hmunah khân silai in min kâp fuh bawk a, tlém atlém ka vânnneih avângin ka thi lo chauh a nih kha .

"Engthil nge thleng hrep hi?" Ka tih khum ve ta khar khar a, ka melh thîp kher mai.


"Yeah, kah chu i ni alawm."
A aw chu adam ve thlup a, mahse kei erawh zawng ka inbengdái ve thei kher lo, "eng a, engvâng in nge?" Ka tih khum leh hrâk a.


"Vinny kha miin thah an tum a, chumi  silaia inkahtawnna hmunah chuan i lo awm ve avángin kah fuh ve i nih tâk chu."

Ni e, amahvânga kah ka ni, ani mipa thinchhe zet leh thinrim awl zet hi keimah avângin kah fuh han ni ve ngat se chuan eng ang chiahin nge a ngaih ang, min that duh hial mai lovang maw? Chuti khawp chuan a nia ka chungah a thinrim dawn, kei pawh ka thinrimna hi a dik a ni, tiin ka inseh ruh sauh sauh ve a, "Hei hi nangma thiamloh vek a ni, kha hmuna min thawntu kha nangmah hi i ni a." ka ti chhuak ta hraih a, ka thinrim lutuk chu ka heh te chu a khúr deuh dat dat a.


"I hliam chu ka lo en ang e." Ti a min rawn khawih mai hi atum a, ka tha neih theih tâwp chuan a kut chu ka lo phihthlâk sak lawp a, "Min khawih hauh suh." Ka tih khum tuarh a, heti ang mipa hi ka ngâisang ther te lo ve, mahni âia chaklo zâwk te hman ṭangkâi tum mipa ang ho hi!

Bathroom lamah chuan ka tlán lût a, lungchhe zetin ka in hnît ta hlap hlap a, ka nun beidawn thlâk zia leh beisei tûr awmloh zia chu ka ngaihtuah chhuak a, ka duh vâng pawh nilo in he hmunah hian hrén luih ka ni a, chuan thih duhloh avángin an pawl chu ka zawm ve a, mahse ka hnathawh chu thih leh dam inkár ani leh bawk si, an bulah hian awm lo ni ila, khawiah chuan nge ka awm chuang ang? Hna ka hmu lawk lo ang a, eitur leina pawisa ka nei lo bawk a, rilṭâma thih tho ka hmabâk, mahse hèng thil hi tih tih ái chuan thi daih ila ka tân chuan a nuam mah záwk ang, ka nu leh ka pa chu ka ngâi èm ém a, anbula awm leh tluk a thlák hlelh ka nei lo, ka mittui chu ka dang theilo, biangah chuan a luang thla zaih zaih a, ka hnunga thaw rihawk tháwm ka hriat avâng chuan ka ṭap lâi chu ka táwp a, he pa hian engvanga mahni a min awmtir mai mai chu tum lo nge anih? Oh, anun ráwng tak zet zet, a nu leh pa in an thihsan pawh kha eng ah mah a ngáih ve pawh ka ring lo.


"Callie i hliam kha ka tihfâi angâi ania."

Thinrim zeta inher zawk pah hian, "Ka bula rawn kal pawh chu iva la ngam záwk ve maw le." Tiin ka kut zungchal chuan ka kâwk ve ta siah a.


"Naute ang mai chuan awm tum lo teh!"

"Silai a kah ka ni a, chu pawh nangmah vâng hrep ani tih hi hre ta che, nge chu pawh i hre duhlo záwk." Ka ti ta hlaih hlaih a.

"A ṭha e, kah i ni a, chupawh keimah avângin, tûnah chuan tihtauh kha bânsan tawh la, i hliam kha ka lo ti fâi ang e."


"Oh, bawiha i ti hauh lo ang le!" Ka mengzîm khum ve san a.

"A ṭhat hlauh chu babe, i ngaih dân dân nirawh se, i top kha hlîp la tichuan i hliam te rawn tifai sak tûr che in Hunter ka rawn tîr chho...."


"Eng maw i sawi a?" Ka phu zawk, "Hunter bulah kawr phelhin ka awm ang a maw?" Mak ti zet hian ka melh kal a.


"Well, kei emaw Hunter emaw, i rilru kha siamfel hrep mai rawh." A ti chhuak leh hrawih a.

"Ka haw tak zet che Trey !"

"Uhh, min haw mahla ka damchhuah tho ka ring babe!"

"Enga ti nge he tia i awm kawihsawih reng mai le, mipa buaitak ka ni tih hi hre ta che." A ti leh hmuk a.


Ṭap vak mah ila he pa bulah hian a sâwt chuang hauh lo ang, atân chuan hnawksak nih mai bâk ka hlawh pawh ka inring hrep lo ve. Ka hnunglam chu hawi in, "Mawnga ti vat mai teh!" Ka tihkhum ta ngheng a.


A en nge a reh vang vang a, damdawi bûr vél a hawng thâwm chu ka hre leh a,"Silai mu luhna hnu hma chu a nasa ve reuh hlé mai." A ti chhuak leh sup a, antiseptic a ahru chu a hriat zar mai, anat zia chu hremhmun thluk zet hi a ni, mahse ka ngaihven lo.

Trey kut dam zet maiin a rawn khawih chhunzawm tâkah chuan ka taksa chuan damna a hmu tlat hian ka hria a, ka natna pawh chu ka hrechang hauh lo.

Ka hliam a tihfâi lâi zawng chuan kan pahnih a taksa  inzawmna chu ani pawhin a hre ve tho, mahse a tilang lo chauh zâwk a ni.


Chuti ang a nasa zet a ka mamawhna avâng chuan ka in huat phah hial.

"A zo ta e." Alamah chuan ka inher a, a mitmu hringnghalh mai leh vawt ruih chuan mi rawn melh chhuk zauhin, "Niléngin warehouse ah ka awm dawn a, mamawh eng emaw i nei anih chuan, Hunter ilo call dawn nia."

"Ok." Ka aw chu ka thian deuh hraih a.

Engmah pawh sawi leh tawh lo in, Trey chu a chhuak ta nghâl a, ka hliam a tihfâi lâi khán half naked in a awm tih kha ka hre ru rân a, mahse ka haider ve hmiah hmiah, amaherawh chu a taksa lum thar tharin a loh theihlohna avang a min rawn sík zauh châng kha chuan kei mahah danglamna nasa zet erawh min siam thung ani tih ka hai lo, electric current man ang mai a kan taksa hik chhuak chuaih mur ar ar na ang hi!


Thawmhnaw ka inbel a, khuma ṭhut pah chuan ka phone chu ka check pah mawlh mawlh a, Dillon chuan min rawn text leh tawh, text lét tawh ila aṭha ang ti rilru in message chu ka chhu ṭan ta a.


Sawi ta che Dillon?


Hei hi i last chance ani tih  hria ang che Callie, ila hre reng em, kháng i photo ka kawl sak ho che kha, internet lamah a kaltlang ngeiin ka ring, a hnu lehah engthil nge thleng ang tih erawh ka ngaihtuah peih chuang miah lo.

Dillon ngam pawh iva han ngam zâwk ve a, police hnénah ka kal dawn tih hi hre rawh aw.

Police hnéna ka kal ang tlukah ngâi ta che, hospitalah i awm a, chuan hospital aṭangin i pasal nén inbo leh hmak a, chu chu news ah achhuah ring duh suh, i thlalâk kha ka post anih vaih chuan maw kha i tawmna hmunah ngei khân i gang pui te ho nèna man fâi vek in ni ang tih hi hre rawh.

Oh engtin nge ka tih ták ang? Ka khûr nghâl zawih zawih mai, keimah avânga Trey te hian manchhuah an tawh hlauh chuan min that duh hial ang chu.

Dillon bulah chuan kalin ka hmuh ngéi chu angâi ngéi ang, ka hliam avâng hian kal chhuah ka peih lo a sin.


Call ila, khawiah nge kan inhmuh ang tih hi zâwt fel vat ila a ṭha ang.

Ka phone a anumber chu ka dial ta a,"Dillon keimah ka nia."

"I vânnei lutuk ahun takah min rawn call a." A nui pah huk huk a, ka haw kher mai.

"Khawiah nge inhmuh i duh sawi vat rawh."

"Oh, baby ka inah maw le, hmundang thlang turin ka ât viau i ring elaw?" Za zet hian a nui chhuak leh hawk hawk a.

"Dillon public hmun cafe emaw khawilâi park ah emaw ka tân chuan a ṭhat ka ring." Ka ti ve ta hmak a.

"Callie ka inah ka tih chuan ka inah ani mai, rawn kal nân darkar khat hun i nei."

"Hello, hello?"

"A dah leh daih tawh."


"Thlantur dang engmah ka nei lo, a inah chuan va kalin khâng photo te kha ka va lâk ngéi chu a ngαi ang." tiin ka rilru chu ka siam fel ta a.

Hmanhmawh thei ang bera insiamin penthouse chu ka chhuahsan ta a.

DOWNTOWN
WAREHOUSE 11:30 am
TREY....

Tûkin Callie zíng tho chhuak chu eng nge a an zél?" Hunter chuan a ti a, intur bottle ami chu a rawn inthlit ve nghâl a.


"Dân pângngâi a min tih hrehawmna leh min tihbuai  ang tho bawk maw le."

"Bro he hmeichhia hi i tân a ni tih hi pawm hmak mai rawh." A ti a, ka ngaihdân ani lo kher mai, ani nupui neih tawh mai avâng a, hre ber túr a ahan indah chu ka tei thei hauh lo.

Chhânlét ka tum laitak chuan
a phone arawn ri ta a, avânnei phian mai, "Khawiah?"

"Ok, address min rawn thawn ta che."

Phone chu adah leh ta a, Hunter chuan min rawn melh zauh pahin, "Clegg a nia." A ti a.


"Chuan?

Túna ka thu hrilh túr che hian nawmna nasa tak a thlen leh ngei che ka ring ani, achhan chu he hmeichhia hi i ngaihven tih tute pawh hian kan hai hauh lo a sin." A nuo pah ruh ruh a.

"Chutiang chuan min sawi khum a maw?" Ka thin chu arim kher mai, mahse thudik tak a niin ka hria.

"Nope, Clegg rawn sawi dânin, nangmah ti hrehawm tu leh tibuai tu ber che khân penthouse a chhuahsan a ti a nih chu!"


"A châk lo viau ang." Tiin ka thaw chhuak hrawih a.