TSEPNAYA REAKTSIYA MAFIA ROMANCE CHAPTER 6
Ka harh chu ka mit ka nuai chat chat a, ka mengchhuak ka awmna chu ka hre ta hauh lo, khawiah nge ka awm? Ka ngaihtuah vang vang a,mahse nizân lama thilthleng chu ka hrechhuak leh thuai a, "Oh no, ka lo muhîl daih ani maw!"
"A lo kîr leh ang em le?" Ka nguai nghâl rawih rawih. Chu hmun aṭang chuan ka chhuahvat a ṭûlin ka hre bawk a.
Ka kal chhuak ta vat a, ka room lam chu ka pan nal nal.
Bathroom ah chuan lûtin ka inti fâi a, kawr leh kekawr háknuam tak tûr chu thlangchhuakin, ka inbel mawlh mawlh a, inhnuailamah chuan ka chhukthla leh ta a.
Living room ah chuan Alex chu alo awm ve teh mial a, "Hey, Alex Trey hi i hmu mial em?" Tiin ka zâwt a.
"Aw, a kal chhuak a nih kha, chuan hei hi lo hrilh tur che in min ti a, kitchenah i breakfast tûr bulah i phone a awm ang."
"Ok, Alex ka lawm e."
Khawiah nge akal ang tih chu ka hre mai, choka lamah chuan ka phei a, table ah hian ka breakfast tûr chu alo inchhînṭha a, ala lum vang vang mai, a bulah chuan ka phone chu alo let bal bawk a, la in ka en nghâl vat a, a screen ka ti éng chu ka phu zawk, mak ti zet hian ka meng kawl kawl a, 36 missed call Dillon hnén aṭang leh nghâlin.
Chuan message pakhat nèn. Chu pawh Dillon hnén aṭang bawk in a ni, ka open nghâl a, I phone call i chhân vat ang ngâi ang, khawiah nge i awm tih hi ka hria a nia, pawi ila ti viau ang.
Chuthil ka chhiar zo zet chu ka khûr zawih zawih a, ka thin chu aphu dawt dawt bawk a, hlauhthâwnna hlîr hian ka khat niber in ka hria. Message chu ka en ngawt ngawt ringawt.
Ka hnungah mi rawn kalthâwm ka hriat thut avâng chuan ka phu dâwrh a,ka in her zawk nghâl a. "Hey Callie darkar reilo te chhûng ka kal chhuak dawn nia," Alex chuan a ti a, thâwk ka la huai a, Alex nilek in.
"Alex min ti hlâu alawm." ka ti chhuak sap a.
" I ṭha maw?"
"Aw, ka ṭha e, Trey arawn kîr leh tawh em ni?"
"Âih, warehouse ah a awm, kei pawh tah chuan ka kal dawn a, eng emaw thu min chah tûr te i nei em?"
"Ka lo kal ve thei ang em?" Tiin ka zâwt ta zâwk a, khati ang message ka dawn hnu ah leh lek phei kha chuan mahni in ka awm ngam tawh lo.
"Mahni a awm hi ka duh zâwng ani vak lova." Ka tih zawm leh a.
"Yeah, tehréng mai."
"Ka lawm e, minute hnih min lo nghâk lawk rawh, ka thawmhnaw ka han thlâk lawk ang." Ka ti ta vat a.
"Aw le, inhnuai lamah ka lo zu chhuk ang a, carah ka lo nghâk dawn che nia." A chhuak ta nghâl a.
Kei pawh chuan hmanhmawh zetin ka room lam chu ka pan a, kan hnathawh thawmhnaw kawr dum vek chu ka inbel thuai thuai a, Alex min lo nghahna car lam chu ka pan thla ve ta vat a.
Ka zu thlen chuan ka ṭhu lût nghâl a, a car khalh lâi chu melh zauh in, "Alex engtikah nge car khalh hi i zir?"
"Kum 16 ka nih lâiin Trey in min min zirtir a lawm, ka khalhthiamlo tih sawinân engmah chhuanlam a awmtûr a nilo, tih hi angaihdân ani tawp mai a ni."
"Anih chuan tûnah kum 22 ka ni tawh a, motor ka la khalhthiamlo ani tih hi ka hrilh loh aṭha zâwk dawn tihna a nih chu!" Ka nui ri hak a.
"Ni e, hrilh miah suh!" Ti ve in a nui ve var var a.
"Anih Trey hi kum engzah chiah nge anih tawh Alex?"
"Kum sawmhnih paruk ."
Kum sawmhnih paruk eh.
"Anih leh in unau hi nang leh Trey chiah hi em ni in nih, in chhang ava khât ve? Unau dang mipa emaw hmeichhia emaw pianpui dang innei miah tawh lo maw? " Tiin ka zâwt leh a.
"Unau nu hmeichhia kan nei a, mahse ani chu ka pian chuan a thi daih tawh, ani kha la dam chu ni se tûnah hian kum 21 ani ve tawh túr." tiin min chhâng a.
"Oh, a va pawi ve, achungah engthil nge thleng a?" Ka ti leh sap a, an chhûngkaw chungchâng chu ka theih anga tam Alex hnén aṭang chuan hriat ka duh.
"Kum thum anih lâi khân tuiah atla hlum a ni. Ahming chu Sadie a nia."
"A pawi hlé mai, Anih i nu leh pa te hi engtia boral nge an nih?"
"Ka hre chiah lo, Mafia pâwl dangin min thahsak anih ka ring, achhan chu ka nu leh ka pa thihni hian Trey nén inah ka awm dûn tlat lova, an thihdân tak leh tunge that tih hi tûnthlengin ka la hre bík lo." Tiin min chhâng leh a.
"Alex pawi ka tihpui khawp mai che, i chánna chu ka hrethiam lutuk, kei pawh ka nu leh pa hian kum 17 ka nih lâiin car accident ah min boral san ve tawh a, mahse nang chuan pianpui unau i nei tal a, kei chuan UK a ka pi tih loh chu neih ka nei tawh lo." Ka ti ve sep sep a.
"Kei pawhin pawi ka tih pui khawp mai che i chânna ah chuan," a ti ve ruih a. A unaupa Trey ang lo takin ani chuan tawrhna te pawh a hrethiam tlat, mahse an unau chu an in ang ém ém bawk si.
"Kan thleng ta e." Tiin acar chu a hûng ṭha a, ahma zâna kan lo kal tawhna hmun warehouse antih lam chu kan pan dûn ta a.
Inhmalam chu a tla bal tawh hlé a, inram te pawh a ang lek lek zâwk, mahse a chhûng erawh chu chutiang ang ani hauh thung silo, mak ka ti kher mai, hetiang khawp a pawisa ngah chuan a chei hnûm thei reng tih pawh ka hre reng bawk, mak tihna chu thup theilo in, corridor kan kal lai chuan Alex chu ka zâwt leh ta nge nge a, "Engvangin nge building hmalam pang kha thawmṭhat lum lo nge in nih? Tukverh darthlalang te kha a keh néih nuaih si a." Ka ti leh a.
"Trey ngaihdân chuan building hmalam pang kha khatia awm khân hmelma ho chuan tumah awmlo angin leh inram tuma chén ngâilohna angin anngaih arin thu a sawi a lawm."
"Ahh, a ring dik khawp mai." Ka ti ve sap a, diktak chuan kei ngéi pawhin chu chu ka rindan leh ka hmuhdân anih avâng in.
"He hmuna hian luhrûk tum ta ang la, i luh hma hauhin jail ah i lût nghál a ni mai." A ti leh a.
"Tak tak maw, mahse alandánah hian security system awm ang pawhin alang silo a."
"Ni e, alandân ang mai hi chuan en hauh suh! Trey hian he hmunah hian, alarm leh security camera hmun tinah adah vek alawm." A ti leh a, chu thu a sawi lái phei chuan a chhuang tak zet tih hi a hriat reng mai.
"He hmunah hian code tello phei chuan i lût thei hauh hlei ném, kei ni in chu code a kan hawng te anih loh chuan." A ti leh a.
"Anih chuan tu pawhin chu code chu an neih vek ngéi angâi ang maw?" Tiin ka zâwt leh a.
"Nilo, kei leh Trey leh Hunter, Clegg leh Detroit bâkin kan nei ngâi lo, chuan Trey hian kan code hi kartin a thlák ṭhin bawk." Tiin min chhâng a.
Detroit hming a sawi maw, tu tak ni ang maw, tih chu ka ngaihtuah neuh neuh a.
"Anih chuan hemi chhûngah hian ka him tihna a ni chu."
"Túnah chuan pâwnlam ala ni hi a buaithlâkna lâi ber chu a ni, lokal rawh lût tawh ang." A ti ka hawi chhuak chu, kawngkhâr bul kan lo thleng reng tawh a, thildang chu zawhbelh châk viau mah ila, kan kalna hmun tûr tak kan thleng tawh bawk si, hun remchâng awm veleh a zawh leh chu ka tum ta rân a.
Inchhûng kan lût ka hawi phei chu Trey leh hmeichhe sambuang chhelo zet mai hi an lo ti ti mawlh mawlh a, Trey chuan chu nu chu a biak tui hmél khawp mai, kan lam pawh chu arawn hawi eih lo, tu tak nileh ang maw?
Trey bula ding saw tunge?" Alex bulah chuan ka ti ta nge nge a.
"Saw saw maw, Francesca anih saw, khami zân khân alo kal ve lo a, achhan chu Detroit nén hnalamah anchhuah zân a nia, chuvângin ila hmulo anih kha." Tiin min chhâng a.
"Detroit pawh chu tunge?" Ka ti leh hâ a.
"Saw, thuk meichhém bula ṭhu saw," tiim min kawh hmuh a, ka va hawi phei a, Trey kum rualpui vél âwm mipa pakhat chu thuk mei chhémna bul wooden chair ah hian a lo ṭhu khur a, a bawp sei dân aṭang chuan a khan pawh a sang viau in ka ring, Trey nén chuan an inchen vél maithei ani, chu pa vun chu asen uk kharh a, a mengthim hlé bawk a, amitmu rawng chu a uk raih bawk a, a sam chu a dum ṭha hlep hlawp khawp mai, Trey ang tho in pial zet hian a tukhum lamah a khuih pial ve a, ani pawh chu a rorum hmél tak zet zet.
Trey te lo dinna lampang bawk chu ka hawi phei leh a, Trey chuan phone alo be mawlh mawlh tawh a, mahse abula ding hmeichhe sam buang thâng mai chuan Trey chu duh hmél zet hian a en ngawih ngawih thung, angâisâng tak zet pawh kan ti thei ang chu!
"Trey leh Francesca te pahnih ah sawn thil awm a awm em ni? Achhan chu an pahnih landânah sawn an inpawh hmél riau a." Tiin Alex ka bula ding phone khawih pah mawlh mawlh chu ka zâwt leh zauh a.
"Trey lo chuan tunge hria ang ni, mahse dán pakhat an siama, members ho hrim hrim hian relationship an nei thiang lo, chu chu he pâwl hian dânah siamin khauh takin an vawng chu a nia lawm." A phone khawih mual mual pah chuan a ti leh a.
"Oh." Chu bâk chu sawi tur ka hre lo.
"He dân ansiam chhan pawh hi ka hre lo ve." Tiin a kalsawn zui ta nghâl a.
Kha chu ka bengkhawn zâwng tak, ka thil ngaihtuah avâng chuan ka biang chu a sa hat hat hian ka hria. Chuan heihi ka hre ta, Elizabeth a mutpui ṭhin ang bawkin Frencesca pawh a mutpui ngéi chu ka ring bawk.
Chutia mahni a din reng chu ka nuam tih zâwng ani hauh lo, Detroit lam chu ka pan phei ve ta a, "Hi, kan inhmuh ka la ring lo, Callie ka nia." Ka va ti a.
A ṭhutna aṭang chuan rawn ding chhuakin a ha vâr rual ṭhah lang a rawn nuih chhuah pah hian, "Detroit ka ni e, kan inhmu chu ka lawm hlé mai." Tiin a kut chu a rawn pharchhuak nghâl a.
Kan inhmu chu kei pawh ka lawm e." Ti ve in ka kut chu ka pe ve nghâl a. A hmél phuloh in a awka chhuak chu a dam phian roh a.
Chutia kan inbiak hnu lawk chuan Trey chu kan bul lam pan chuan a rawn phei a, mahse minbe hauh lo a kal tlang ta daih a, Trey chuan min ngaihsak miah lo nia, min pehhélna a zawng chiang mai.
TREY.....
Alex chuan min rawn âu in, "Hey Trey !" Tiin kan bul chu arawn thlengphei nghâl a.
A lam chu hawiin, "Alex eng nge ni ta?" Ka lo ti nghut a.
"Engmah anilo, ka rualin Callie alo kal ve tih ka rawn hrilh duh mai chauh che a nia." A ti leh a.
"Engvângin nge Callie chu hetah a rawn kal ve chhân?" Alex chu ka melh pah rûn a.
"Ka hre bîk nâng, a sawi dân chuan mahni chauhin ina awm a duh lo tih thu min hrilh a."
"Eng nge thilthleng awm a awm em ni?"
"Ka hre lo."
Ka piah lam chu ka hawi phei a, Dretroit leh Callie hlim zeta ti tî mék ka va hmuh chuan ka melh thîp dûn hlé mai, tûnhma a ka neih ngâi miah loh thil chu ka nei bawk, Detroit hi unaupa ang chiah a ka en ṭhin, ka tleirawl lâi aṭang tawh a,ka kawm chawt, alaka ka thilneih pawh ka uingâi loh chu he hmeichhia Callie hrep vâng hian huphurh na rilru chu ka nei ta tlat, chutia Detroit bula a awm ringawt pawh chu ka thîk tlat hian ka hria, Callie chu midang tá niturin ka phal lo a ni ber ang chu.
Ka hnunglam aṭang chuan Francesca aw chuan, "Trey babe!" a ti leh sap a.
"Minlo be buai suh, Fancesca tûnah chuan ka buai, " tiin ka chhâng nghut a.
Ka kalsan ta nghâl a, Detroit te lo awmna ka thlen phei chuan Callie chuan min lo melh a, mahse ka kalsan ta daih a.
*****************
Francesca chuan Trey mizia han inthlâk thut chu a hai hauh lo, chu pawh anpiah lawka Detroit nén a ding hmeichhe rawn kalthar vâng chu tih pawh a hrethiam vek, khati ang mizia kha alakah tûnhma in Trey chuan ala pu ngâi hauh lo tih pawh a hre ru kar, chu hmeichhia chu tu nge maw anih hrep chu le? A ti rilru neuh neuh a, a thîk ru hle bawk.
Elizabeth chu abulah a rawn kal hnâia, "Eng nge i lo ngaihtuah a?" Tiin a rawn zâwt ve teh mial a.
"Trey kha ilo hmu em, kha hmeichhe thar rawn lan mai avâng khân min hnar anih chu," Francesca chuan thinrim zet hian a ti hlaih hlaih a.
"Kei pawh hmânzânah khati ang khân ka chungah a ti ve tho asin." Alo ti ve zauh bawk a. Elizabeth bawk chuan a thusawi chu chhunzawm leh nghâlin, "Kha nu kha Trey penthouse ah achéng ve tih thu hi i hre tawh em?" A ti leh a.
Francesca chu a ṭhâwng kher mai, aphu zawk nghe nghe a, "I ti tak tak lo ti raw?" A meng phar âwk a.
"Dawn lawmni, ka ti tak tak asin, chuvâng chuan, he nu hi kan nuaibo vat a ngai in ka hria, tiin Tanaeya bula athusawi ngâi bawk kha a sawi chhuak leh a.
"Ka pawm e, mahse engtin nge ni ang?" Tiin Elizabeth chu a melh khar a.
"Well, eng emaw kan ngaihtuah vat aṭûl ka ring, " a ti leh mai a.
TREY....
Callie chuan min rawn ûmzui ka ring a ati hauh lo, anbulah chuan vakal lehin, "Callie kan kal tawh dawn." Ka va ti a.
Ka lam rawn hawi pah hian,"Khawiah maw?" A ti ve sap a.
"In ah!"
"Detroit zanin ruahmanna kan neih kha i hria ti raw? Ti chingpen miah lo ang che u, Hunter in a rawn zui ang che." Tihnghut pahin Ka va melh pah zauh a.
"Tehréng mai boss !" Tiin min chháng a.
Callie chu abânrèkah chuan ka hmer saka ka kâi chhuak ta a.
"Engvâng a mahnia in a awm duh lo maw i nih a?" Ka bula kal Callie chu ka mitsir deuh rulh a.
"Eng maw?" Min enchho deuh há a.
"Alex khân nichin khân a sawi a."
"Oh, anih chu, mahse chhan a awm hran lèm lo." A ti ve sep a.
A hmél chu ka enchhuk vang vang a, a thusawi chu ka âwih chiah lém lo, eng vânga thil zép rûk nei tlata hriatna nei chu nge maw ka nih le?
Car chhúngah chuan kan ṭhu lût a, ka bulah chuan a rawn ṭhu ve mai a chu, min rawn mit sir deuh zeuh zeuh tih mai loh chu kan in be leh tawh lo.
Ka penthouse kan luh chuan ka room lam chu ka pan ta daih a.
CALLIE.....
Trey chuan mi pawh beleh tawh lovin aroom lamah chuan min chhohsan ta daih a, chuti ang bawkin Alex pawh chu a room lamah a kal ve nghâl a, tih tur vak ka hriat loh avângin kei pawh chu shower hmang turin ka room lamah chuan ka chho ve ta nghâl a, tuilum chuan ka inphuh tir sang sang a, ka duhtâwk a tuilum ka hman hnu chuan ka chhuak a, thawmhnaw dang ha in khumah chuan ka muzâl ar ar a, a hma zân lam chung chângah khân Trey chu biak ṭha in ka hria a, mahse engtin nge bul ka ṭan ang tih erawh ka hre lo.
Ka phone ah chuan message arawn thleng a, ka open chuan Dillon bawk alo ni leh a ka hlâu kher mai.
I hmélchhe lutuk a, tumahin an duh chuang lovang che, min rawn call dawn nge rawn hruai tûr che in ka rawn kal zâwk dawn?
Dillon min rawn text dân chu Trey hrilh mai ṭha in ka hre ta a, anin tih dân tur a hre deuh anga min pui thei ngei ang ti a ngaihtuah in, Trey hmu tur chuan inhnuailamah chuan ka chhuk thla leh ta a.
A room chu ka kik deuh dat dat a, mahse chhângtu réng an awm lo, kawngkhâr chu ka hawng tawp a, mahse alo ruak hiai mai, khawiah chuan kal leh dawn chu ni maw?
Living room lam chu ka pan a, couch ah huan Trey chu mu in ka va hmu a, a muhil nge muhìl lo chian nân chuan ka va bihhnâi a, arawn mengthut ka phu chiang ngei mai, "Yes, Callie sawi rawh."
"Uhm, Trey minute reilo té ka be thei lawk che ang em?"
Callie tûnah chuan nirih love, games chung châng a in ṭan dawn chauh." Alo ti deuh hmuk a, a ṭhu chhuak nghâl a.
"Aw le, " tihraih pahin kal mai tumin ka inher a. "Callie fridge aṭang khân beer min rawn lâk lawk ta che."
"Tehreng mai." Tiin ka kalsawn ta nghál a.
Choka lamah chuan kalin fridge ami beer can chu la chhuakin Trey awmna lam chu ka pan leh ta a, "Kha le beer chu!"
Mi pawh en hleilo hian beer chu alo ban a, a hawnga, ain nghâl pawp a, a phone bawk chu a ngaihven leh a, nuamlo ti tak chung chuan ka room lam chu ka pan leh ta a.
Ka room chhûng ka thlen leh hnu chuan ka inngaihtuah a, nizân chung châng thu engmah asawi chhuak lo kha ka âwih thei lo zâwk hial mai, vawiin niléng khân min pumpelh dân a zawng char char mai leh nghâl a, Ok, condom la tûra tîrin a thang chhûnga lo mutthilh san daih mai chu tu mipa pawh ni se an lung nilo vek ang chu, mahse ka tihluih ani bìk hlei ném, thâwk ka la halh a.
Ok, amah nén chuan tih ngei chu kan tum a ni ang chu.
Sana chu ka en a, darkua leh achanve lâi a ri tawh a chu ka mut erawh achhuak thei hauh lo, inhnuailamah bawk chuan ka chhuk thla leh a, living roomah chuan ka lût a, tv pawh alo in off tawh a, khawi hmun mai pawh chu a reh ṭhiap tawh, tumah an meng tawh lo ani ngei ang, mu turin an room lamah an awm vek tawh ang chu.
A ṭha e, Trey meuh pawh amu tawh a ni ngei ang, ka thil ngaihtuah chu beisei chi pawh ani leh tawh lo.
Games room ah khân chhukthla ila aṭha in ka ring, tah kha chuan bar a awm a, mahni in intûr chu inṭeuh a mutura kal leh mai rilrûk pahin escalator lam chu ka pan a, Games room lam chu ka pan ta a, bar awmna chu va hnaih phei in wine bottle pakhat chu ka la chhuak a, "Bingo a chak chi ngat leh nghâl." Tiin ka nui chhuak sak a, corck screw chu la chhuakin wine chhìn chu ka hawng a, glass ah chuan full pap hian ka thli chhuak a ka in ṭan ta a, chu wine chu a tak ṭha ngei mai, ka lem zâwng chuan ka pum lam chu asa thla ham ham a, mahse nuam ka ti phian.
Music ngaihthlâk pah chu ka châk deuh tlat, music chu ka play pah bawk a, yeah Beyonce ala zâi zui, ka wine chu in pah reng chung chuan ka su pah at at a, wine chu ka in zél a, ka duh belh zél bawk a, no nga lái ka in ta mai, ka phûr tawh khawp mai ka taksa pawh chu alum ham ham tawh a, lám pah mai pawh chu duh tâwk lovin ring zet zet hian ka zâwm ve ṭan ta a.
"To the left, to the left. Everything you own in the box to the left.
"Ugh, ka wine a zo, "ka núr deuh nâng nâng a, ka inthlit belh leh a, hlâ bawk chu ka sak zawm leh a, ka mawng chu ka shake pah ṭan bawk a, nuam ka ti kher mai.
"You must not know 'bout me.
"I could have another you in a minute.
Matter afact he'll be here in a minute.
"Eng thil hrep nge ti a i inhriat chu le?" Aw hriam hrâk a min rawn ti chhur chhur tu lam chu ka va hawi phei a.
"Ka tihpalh lutuk in mu vek tawh ni in ka lo ngâi a." Ka ti ta niah niah a.
A mitmeng hringnghalh mai chu a vawt ruih a, lainatna rèng hmuhtur a awm lo, chutiang bawkin a aw thleng chuan nélawmna hmuhtur a awm lo hrim hrim, thinrim zet hian, "Ni e, midang chu an mu vek tawh alawm, inchung i chhuahsan hnu a alarm bengchheng tâwk i tih rîk hma zawng kha chuan." A ti leh ta hrâwk a.
"Pawi ka ti tak zet zet, chulam pang chu ka lo ngaihtuah hauh lo a," ka ti leh vat a, nuam ka lo tih ve na zawng zawng te chu thâwklehkhatah lâkkian ang duak hian a bo nghâl vek, tûnah chuan ka hma ding Trey thinrim hmél tak chu hlâuthâwng zet hian ka melh kal tawh a.
Kan ngaihdân chuan beih thut kan tâwk ta em maw kan tih tawh a sin." A ti chhuak leh hrawih a.
A ni ngéi ang chuvâng a akutah silâi arawn hûm ni ngei pawhin ka hre ta a, "Ka lo ngaihtuah miah hlei ném!" Ka kut chuan ka hmûi chu ka hup châwih a.
"Mahse ilo chét dânah kha chuan boruak i siam kha maw le." Ka taksa chu a enkual pah dun dun a.
"Engtiang chiah a tam nge i lo hmuh hman ?" Hrehawm ti zet chuan ka zâwt a.
"Ka hmu tam tâwk khawp mai, i nitin hnâ kha bânsan lo la ani mai, " A nui chhuak pah hawk a.
"Uhh, i sawi dânah chuan zâi leh lâm ka thiam lo itihna ani maw?" Ka ti ve khauh a.
"Ka sawi zâwk tak chu i lâm dán kha a ṭha khawp in ka hria.... khati ang khân pole ah han lâm zet phei lang chuan ka tia nia." Mi nuihsawh hmél hi apu lek lek a, amitah erawh thung chuan min nuihzatna hlîr bâk hmuh ka nei lo.
A kut chuan ka taksa chu amah hnaih zet tûr hian alamah a pawt hnâi a, "Mahse a sexy mah mah chuan ka hria." Ati chhuak leh sup a.
"A sexy maw? Chu ṭawngkam chu ka laka an chhâkchhuah ka vawikhat hriatna." Ka ti ve sap a.
"Tu innge i sexy lo ti a?"
"Um... tuma'n." Ka ti leh sep a.
A taksa ruhṭang mai nghéng leh zual tur chuan akutin min pawt leh deuh lawp a, ka hriat zawng chu a hmûi lum ham ham mai in ka heh a rawn tawh lehna chu ani, ka taksa chu rihna palhatmah neilo ang mai hian pool table ah chuan a hlâng chho lawp a, chutih lâi pawh chuan min fawhna chu athlah lo hrim hrim, duhthawh zeta min fawh lâi reng chuan min thlah zauh a, ka bengbulah chuan thlepheiin, "I nalh lutuk !" Tih hi zâwi te hian a sawi chhuak pah sup a.
He tia min fawh apiang hian engvâng a i duhawm tih leh inalh lutuk ti ziah nge maw anih le? Ka ngaihdân chuan hetia min hrilh ziah chhan hi ka ngaihthlâk duh a rin váng chauh anih ka ring.
Dillon thu lélo pui pui hriat tawh hnu a chutiang thu han hriat te pawh chu ṭha ka ti ve hrim hrim. Ka thawmhnaw chu a phelh leh ṭan ta a, "Lungngâi duh suh, túnṭum chu ka pocketah condom ka dah reng tawh!" Tiin a nui ve suk a, kan thil tih chuan zir hlè lo phei se chuan za zetin ka nui chhuak ngéi ang, Trey chuan zan hmasa a thilthleng kha ka tih leh duhloh avânga chhuanlam siamah min ngâi ani ngéi ang.
Chutih lâi tak chuan Trey chuan rang zet hian min kuai tlu a, a inher zawk a, a hnunglamin min phén nghâl bawk a, chutah rang zetin asilai ah ṭhat chu a phawi chhuak zawk bawk a, a chét ran ém avâng chuan ka movies en ve ṭhin cowboy film a ansilai phawichhuah ang mai chu ka lo chan deuh roh nghe nghe.
Chutiang a inring tak leh a silai kâusa reng atin hnungah chuan ding mah ila a silái tinna lamah chuan engmah ka hmu lo thung , thâwm eih pawh ka hre lo, nge Trey chuan thâwm hriat theihna riau leh ka hmuhloh hmuh theihna riau ang chi ramsa ho neih ang mit leh beng a nei zâwk?
"Mi mawl ho!" Thinrim zet hian ati chhuak ta hrawih a.
Mipa pahnih kawrdum hlĭr a inthuam hi éngchinah chuan an rawn inlan ta a, an pahnih chuan kanlam hawiin silai hi an hûm ran bawk a, tûnah chuan Trey ina silai a phawrhchhuah chhan kha ka hrethiam ta chiah, Hunter leh Clegg hi an lo ni a.
"Boss engthil hrep nge thleng?"Clegg chuan arawn ti chhuak a.
"Inngaihtuahna te kha khawiah nge a awm zawh tâk, inhloh zo tawh ti chuan min hrilh hauh suh u." Trey bawk chuan a ti leh nghut a.
Hunter chu rawn ṭawngchhuak ve in, "Sorry boss Alexa'n min rawn call a, penthouse an rawn beih arin thu min rawn hrilh a, kan theih anga rang inkan rawn che ta nghâl ani." A lo ti a.
Hnungchhawn zâwngin inher hrep ula anih chu!" Trey chuan a tih khum leh tuarh a, nuih vur vur pahin an in her ve ta vat a.
Ka lam chu arawn hawi a, "I ṭha maw?" A rawn ti sup a.
"Ka ring!" Ka lo ti ve sap a.
A chal chu dawm zauhin alu chu thing nawk a, a kut a asam thur deuh chhap mai chu húi deuh thuakin, "I thawmhnaw inbella mu tûrin kal tawh rawh, naktûk zîngah kan inbe dawn nia.",a ti ta hruih a.
Ka thawmhnaw chu chhar khâwmin ka inbel mawlh mawlh a, ka la kal thui hman lo, Trey aw chuan rum zet hian, "Nangni mimawl pahnih ah hian, tu zâwk hi nge ka thah hmasak dâwn che u." A ti khur khur ri chu ka la hrephâk a.
No comments:
Post a Comment