TISEPNAYA REAKTSIYA MAFIA ROMANCE 1 to 4

TSEPNAYA REAKTSIYA   MAFIA ROMANCE

  MANHATTAN
CENTRAL PARK
 EAST SIDE ..7: 25 pm


Callie Faye ka ni a, Kum sawmhnih pahnih mi niin túna ka chénna hmun New york khawpui a seilian hi ka ni. Darkar sawmhnih pali chhúng leka chatuan atân a ka nun zawng zawng ahan in thlâk danglam thei mai hi thil âwih theih pawh anih ka ring lo, mahse ani miau bawk si, ni e, darkar sawmhnih pali chhúng lekin ka hna neih ve chhun ka ei inna hnâr ber mai leh ka inluahman min tum sak tu chu tih táwp ani a, chumi awmzia chu ka hnathawhna aṭanga bân ka nitihna anih chu! Inluah man ka pék theih tâk loh avângin ka inluah aṭanga hnawh chhuah ka ni leh bawk a, chu chu nimin leh vawiin chhúng leka thil thleng a ni, he khawpuiah hian han fin mai tur leh belhtur tumah ka nei tawh lo, eitur ka nei lo a, chénna tûr ka nei hek lo, inluahtur zawngin ka vâk kual nasa ém ém a, mahse advance pék tûr ka neih miau loh avângin tumah réngin an inruak neih te chu min luahtir duh lo, kan han inbia a, a remthlup a pawisa ka neih lâwk loh thu ka sawi veleh a ka chan tâwk chu an kawngkhâr mi an khârkhumna chiah chu ani. Khua lah chu a tlâi lam zél mai leh nghâl a, eitur ka neihloh avângin ka ril a ṭâm ém ém a, darkar sawmpariat chhúng ngawt chaw kawpuar ka ei tawh lo ani, ka pum lam lah chu ngaihthlâk hreawm khawp in ari ruk ruk mai bawk nén, ka nu in a ka rilṭam châng apiang a apple pie min siam sak ṭhin kha ka mitthla ah ka hmu rauh rauh mai, ka nu leh pa te chu ka ngâi thar thut a, ka naupan laia ka nu in thawnthu mutdawna min chhiarsak laia ka pa lo lûtin a ka chal a rawn fawh zauh lâi te kha, ka chal chu ka dawm zauh a, kum tâwp lam kan hnaih tawh avângin boruak lah chu a vawt ém ém mai a, ka leather jacket hlui lam pang tawh ka hâk leh jean kekawr tight lampang ka hâk chuan min tilum hranpa lo khawp mai, tûna ka mamawh ber chu chénna tur inlum nuam tak leh eitur a ni.


Ka nu leh ka pa te néna kan chén ho lâi kha ka mitthla ah a lo lang iarh iarh a, mahse khâng hun te kha chu kum nga hmalam pang daih tawh kha ani a, kum sawm pasarih ka nih lâiin ka nu leh ka pa te chuan min boral san a, khami ní a ka rilru beidawn zia leh nat zia te kha, ka mittui chu ka biangah aluangthla ngiai ngiai a, ka kut vûr khang ang maia vawt vek tawh chuan ka mittui chu ka hrufâi sawk sawk a, ka nu leh pa hian car accident ah a rualin min boral san a , chuta ṭang chuan ka zirna pawh chhunzawm theilo in keimahin ka hrawk châwmna tûr ka ngaihtuah chawp angαi kha ani a, hna hnuaihnung tak aṭanga ṭan chho in tûnah chuan bakery ah ka thawk leh a, mahse chu pawh nimin lawk khân bân ka ni leh ta si a, tûnah chuan engmah neih ka nei tawhlo mai pawh nilo in, ka rilṭamna han in hnangfâkna tur tak ngial pawh ka nei tawh lo.


Khawvawt chuan namèn lohin leh zahngaihna pawh nei map lo hian ka taksa chu a hmet ngawt ngawt a, chûng khawvawt te chu pawisak loh ka tum sateh a chu a theih hlawl loh, ka suangtuahna ram aṭang pawh a min ti harh tu ani miau va.


Khawlaiah chuan ka vâk kual ka vâk kual a, khawthim chhulh chhulh tawh chu ka hlâu tak zet zet, he ka awmna khawpui New york phei hi chu zan lamah chuan hmun râlmuang lo bera an sawi ani hial ang, khua a rawn thim tawh meuh hi chuan misual rual leh tualthah hmang ho te an rawn inlâr ṭan tawh ṭhin a, chu mai pawh ala nilo, hmeichhe pâwngsual chíng te, mi rawk chíng sualna chi hrang hrang tam tak hian zanlam hun chu a ti râlmuang ngai lo, chu thil chu dâwt nilo in a hrechiang ber te zíng ami pawh ka ni ngéi bawk ang, khua lah chu avawt nasa zual sauh emaw tih mai tûr hi ani tawh a, ka khawng lo chauh tawh, ka mang ang tihngaihna hre lo chu a kaw tâwp ah meuh meuh ka ṭang niin ka in hre hial mai, ka beidawng lutuk chuan zahna pawh min hriattir tawh lo. Dillon chu call mai ka rilrûk ta a, ani hi ka exboyfriend ani a, thla hnih kalta deuh lawk khân intihthiamlohna eng emaw kan neih avânga inṭhenta kha kan ni, Dillon hi mi vau hmang tak leh neih nei ém ém chuang silo a invaivung chi, mi kutthlâk ching tak a ni a, a thil neih chu ta neih tlat mi ani bawk, a châng chuan a che râpthlâk thei hlé bawk, ani chu ṭih ru viau mah ila amah lo midang han hriat mai ka nei bawk si lo.


Ka call dawn chuan chutiang a mizia bawraw zet zet te chu ka hrechhuak thar leh a ka hlâu thar leh tak zet zet, mahse duhthlan tûr dang ka nei si lo, a number chu hreh zet chungin ka dial ta a, "Hi Dillon, keimah ka nia....."


"Eng nge i duh? Ka buai viau ania!" A ti bung nghut a, ni e, a buai khawp ang, chu pawh a khuma hmeichhia an mut avâng chauh ani leh pek ang chu, mahse chutiang thil chu tûnah ngaituah hman ka ni lo, ka chan hi a châu hlé si a, "Ka lo ngaihtuah a, zanhnih zan thum vél lek chu ka rawn fin zuai thei che ang em?" Ka ti ta sap a.


"A teuh lo mai, i ti âwm ang lo lutuk!" A rawn ti leh hluk a, ninhmél zet chuan thâwk a la hrawih thâwm chu ka hre bawk a.

Mahse zah pawh ka dawn zo tawh lo." Dillon?"

"Dillon?"

"Oh, a cut hmak mai." Thâwk ka la ri hak a, ka lo va inti mualpho kual duh kha ka inchhîr leh hnuhnawh khawp mai, eng vαnga ka thusawi chu lo pawm mai tura ruat nge maw ka nih chai chu le? A ni ang mi lé lo zet hnénah berkhér leh nghâl, mahse Callie aní lo tumah hmélhriat i nei silo, tiin ka inhném leh rih a.


Tûnah chuan khawiah emaw hmun him riahna tur ka zawn mai a ngâi dawn anih hi! Tih ngaihtuahin thâwk ka la leh halh a. Châu zet leh rilṭâm tawh tak chung chuan ka kal leh ta hnak hnak a, ka lung te chu a chhe lek lek zâwk, ṭah chhuah vak mai chu ka chák ber, heti ang èm ém a dinhmun hnuaihnung ah hian ka din pawh ka inring lo a sin le, rethei viau in eichhia pawh nimah ila tûnang dinhmun hnuaihnung lutukah hi chuan ka la ding ngâi lo hrim hrim.


Ka piah lawkah chuan park ka hmu ta a, chhún lama ké a ka kal nasat lutuk avângin ka ké te chu a na ut ut tawh mai a, niminah kha chuan khum lum nuam takah ka la mú kha a ni a, mahse zanin zet chu engtin tak awm ang i maw?

Park chhúngah chuan ka lût a, park a bench( thing ṭhuthleng sei) awmah chuan mut ka tum mai ani ang chu, a vawt viau a chu, mahse reilo te tal ka muthilh theih tâk mialin.


Mahse ka piah lawkah chuan thâwm a awm tlat mai, mi insawisa thâwm tih pawh ka hai hauh lo, hlâu thâwng zet chuan thâwm lo chhuahna lam chu pén thum vélin ka va hnaih phei hrat a, ka awmna aṭang chuan a hlat loh ém avαngin leh parka light an chhit éng dul ruih chuan a va chhun chiang kher ém bawk a, an hmél te thleng chuan chiang zetin ka hmu pha reng a ni.

 Ka piah lawk a mipahnih in mipakhat an hnek sawk sawk chu rápthlâk ti zet hian ka thlîr reng a, ka dinna hmun aṭang chuan ka che sawn thei tawh mai lo, chu an sawisak pa hmái vél chu thisen hian a bualkhat vek tawh a, eng ang hmèl chiah nge a put tih pawh a hriat theih loh, mahse a sawisa tute pahnih erawh chu chiangtakin ka hmû thei a, pakhat chu sambuang eng thar mai nei hi a ni a, a vun pawh a ngo hlé bawk, a sâng ṭha ém ém bawk a, pakhat pa ve erawh chu vun háng ani a,  asam a sei bawk a, sín te te hian a inphiar sung bawk, an beihpa hmél chu hmu lo mah ila, vun ngo ém ém zawng a ni chiah lo deuh, ani chu a sam pawh a kir lek lek a, thlahpawlh anih ngéi ka ring.


An pathum chuan an palian hlawm ém ém vek a, an mitmengah chuan pawisak an neihloh hmél khér mai, oh engthil hrep nge maw thleng chu le, ka ti rilru nauh nauh.

Chutia pakhat pa an sawisak lâi chuan a sawisa tu zíng a pakhat zâwk vunhânga  chuan silâi hi arawn phawrh chhuak zauh a, an mi sawi sak pa chu a silâi chuan hmun leh hmunah a kah chilh ta ṭhuai ṭhuai a, chu silâi chu a puak ring hlé mai, rithupna an hmang lo ani ngéi ang, ka bengah chuan a khâwk raih raih a, vawithum lâi mai a kâp leh nghâl,  thinrim zeta ṭawng chhuah pah hian, "Kha kha Trey tân anih kha." A ti nghut a, a kah pa pawh chu leilamah a ṭhingṭhi rawp a, a tlu ve ta nghâl a. A thichiang khawp ang le.


Ka thil hmuh chu rápthlâk ti zet hian ka melh rân a, a káp a maw? Hlauhna namén loh hian min tuam nghâl hlup hlup a, lum ti miah silo in ka chalah chuan ka thlan fîm a bawl ṭak ṭak a, ka mit khap tûr meuh pawhin thahrui ka nei tawh lo, ka melh ngâi chu ka melh ngawt ngawt ani ber mai, vunhânga bawk chu ṭawng chhuak lehin,"A tâwp a tâwpah chuan kan zawng hmu ta e." Tiin engthâwl hmél fahran hian a nui chhuak huk huk a.


Sambuanga chu rawn ṭawngchhuak ve in, "Boss chu a hlim viau ang, tûnah chuan kan dahṭha ta bawk a." A nui ve sun sun a. An pahnih chuan za zet hian an nui chhuak ta a, an thiltih ah chuan pawi tihna pakhat mah pawh an neilo ani chék aniang chu.


Chu thil chuan min ti hlâu leh zual a, tûn lawka ka thil hmuh kha ka râp ngawih ngawih, ka taksa pum chuan a khûr zawih zawih a, mi tualthat lâi leh mipakhat hnuk chat lâi chu ka mit ngéiin ka hmu ta chu a nia, ka ṭawngchhuak tih pawh ka in hre mumal lo, mahse ka kâ ngéi aṭang chuan he thu hi ka sawi chhuak si, "An that !" Tih hi. Ka sawi ring mah mah bawk, ka hmûi chu ka kutin ka hup chawih a, mahse a tlâi tawh lam hrat ani, chumi te pahnih chuan ka ṭawngchhuak ri chu an hre ta ngéi mai le, engtin nge ka tih tâk ang? Silai an kawl bawk si nén, min that ve duh ngéi ngéi ang.


An pahnih chuan an phu zawk a, vunhânga chuan,"A tu hrep nge maw ni le?" A rawn ti chhuak hrawih a.

 Chu veleh ka awmna aṭang chuan ka tha neih tâwp tak meuh meuhin ka tlân chhe ta a, "Damn, kha hmeichhia kha man nghâl ang." Pakhat zâwkin atih ri ka hriat avâng chuan ka tlân chak leh zual sauh a, ka chauhna lam pang kha chu ka hre chang tawh lo réng réng, ka hláu lutuk chu ka tlân chak khér mai.


Hmun râlmuang chin ni âwma ka ngaihah chuan ka ding ve ta chauh a, ka hah tak zet ka thaw hlawp hlawp a, lungphuchâwla ka thih hial te pawh a hlauhawm mah zâwk, ka dang lah chu a ro ém èm mai leh nghâl a, tuisik intûr ka mamawh tak zet.


Thlaphâng zet hian ka hnunglam leh ka hma lam chu ka melhtawn zak zak a, tumah ka hmuh tâk lovah chuan ka thlâ amuang ve chauh, hahdam thei tûr ang berin ka thâw raih raih a, thank God túnah chuan min rawn ûmpha tawh ém lo ang chu, ka hnu pawh an rawn chhui thei  tawh in ka ring lo tih chu ka ngaihtuah a ka hlim ru viau bawk, mahse kha thil râpthlâk tak ka tawn erawh kha chu ka theihngilh tawh ngailo ang.

"Khatiang a tualthat lâi ka hmuh pawh kha ka in ring lo asin." Tiin zâwite hian ka phun chhuak sep a, chutihlâi tak chuan keimah chauhin ka awm lo ani tih chu ka hrechhuak leh nghâl thuai a, "Well, hei eng nge kan neih tâk hi le?" Ti a rawn sawi tu chu thinphu zawih zawih chung chuan ka melh nghâl zawk a.



"Tlânchhiat leh te chu ngaihtuah duh tawh suh!" Rum zet hian sambuanga chuan a ti leh ta khur khur mai, ka va tlânchhe reilo teh lul ém, min zawnhmuh tawhloh ka lo ring ve tawh hman a, an rim hriatna chu a ṭha viau ang a, ka rim aṭangin min rawn chhui ani ngéi ngèi ang.


"Khawngaihin min kal tîr hrâm rawh u." Mang ang zet hian ka ti chhuak a, an pahnih chuan ka en tawn dûn zak zak a.


"Khawngaih takin, kha ka thil hmuh kha khawiah mah ka sawi chhuak lovang."


"I lo kal ve ngèi angai ang." Sambuanga zâwk chuan a ti leh khur khur a, thîp zet hian min melh bawk a, light éng hnuaiah chuan an pahnih hmèl chu a nélawm loh khér mai, chu chuan min ti khûr dawt dawt thei, a chhan chu min thah duh ve mai ka ring lo thei lo.


"Hunter nangin kha ruang kha va dahṭha in va ti riral la, keiin he nu vén pah hian car chhúngah ka lo nghâk dawn che nia," sambuanga chuan a ti a, Hunter ti a akoh pa vunhâng zâwk chu lo bûk nghut pah hian a kalsawn ta nghâl a.


Sambuanga chuan thîp zeta mi rawn melh chhúkin ka chiâi hmèl chu pawisak loh hmél fé hian, "Che sawn ṭan nghâl vat rawh!" A ti fiak leh ṭhawt a, ka phu chiang ngéi mai, tûnah chuan duhthlantur dang ka nei leh ta lo, chu pa chu thuâwih zet a zui mai loh chu.


Car pakhat chhûngah hian min nam lút nghâl rawk rawk a, ka khûp ka la tauh zui leh ta nghâl khawvawt nén ana tak zet zet, ka ṭhen chak chak a, chu âi mah pawha na zâwk chu ka rilru chu a ni. Heti ang dinhmun chhe leh zual zâwkah hian ka din chu ka ring pha lo hrim hrim, tûnah zet chuan kei ngéi pawh hi thi leh damkârah chuan ka léng mék chu ania, achhan pawh hemi te pahnih hian engtikah nge min thah ang tih chu ka nghâk ta chu a ni si a.


Chutia kan lo ngawih rauh rauh lâi chuan Hunter pawh chu a rawn ṭhu lût ve ta a, "Ka ti fel vek tawh e, kan kal thei!" A rawn ti lût a, chu veleh chuan sambuanga chuan car chu chak zet hian a dawk chhuah tîr ta nghâl a, khawi hmunah nge kan kal dawn tih pawh zân khawthim hnuaiah chuan rinngaihna ka hre lo, an ni pahnih lah chu ka zâwt ngam dér lo mai leh nghâl.


NEW - YORK DOWN TOWN   THE BRONZE DRAGONS WEAR HOUSE  time 9:30 pm

A tâwp atâwpah chuan car chu ading ve ta hrâm a, kan vâi chuan kan chhuak a, inruak chhe ve tak tawh hluizet mai kawtah hian kan lo ding reng tawh a.



Chu hmunah chuan min hruai lút a, corridor sei zet mai hi inchhûng kan luh chuan min zawh pui a, chu in chu pâwnlam âimahin chhûnglam chu alo hnûm zâwk daih, kawngkhâr pakhat bul kan thlen chuan Hunter chuan, "Hetah hian lo awmpui la, boss chu keiman ka va bia ang e, he nu chungah hian engtia tih nge a duh ang tih ka rawn zâwt pah bawk ang." Ti a a sawi chu hlauh avâng hian ka lo khúr leh zawih zawih hman tawh, Hunter chuan kawngka chu hawngin a lût ta nghâl a.


Mangang zetin chu sambuanga chu ka melh a, "Khawngaihin min kaltir hrâm rawh." Ka ti leh hraih a.


"Huhh, khalam chu ngaihtuah duh tawh suh, khawiah mah ikal dawn chuang lo." Tiin rum zet hian min melh leh khur a.


Hunter pawh chu arawn chhuak leh tawh a, "Boss chuan a hmu ve duh a, luhtir turin min ti anih chu !" A rawn ti a.


Chu thu ka hriat leh lek phei chuan ka hlauh avângin ka mittui chu a far hial, "Che vat mai rawh." Sambuanga chuan awka vîn zet hian a ti leh ṭhawt a.


Hunter chuan kawngkhâr chu a hawng leh a, sambuanga chuan dímlo baksak zet hian min nawr lût rawk rawk nghâl a, chan chhe lamah chuan ṭang lo ilang chuan chu sambuanga kapah chuan ka do sak zawt tawh ngéi ang, inchhûng kan luh fel hnu ah  Hunter chuan,"Boss!" Tiin a âu a.


Chutih hlân chuan keiin chulai hmun chu ka lo melhkual ve zung zung thung, chu hmun chu eng emaw ti tak hian a ṭihawm deuh riaua hriatna hi ka nei pek a, thukah chuan mei an chhém alh hlap hlap a, chu chuan inchhûnglam chu a ti lum nuam khawp mai, mahse ka chauhna leh ka taksa na ut ut tûr chu ka thil hmuh chuan min hriat chan tir lo.


Mi awm ho chu an ṭha hnem viau a, Hunter in an boss a auh veleh khân keimah ah chuan an mit a fu ṭhup a, ka zâm ngéi mai ka khúr ru zawih zawih bawk.


Hmeichhe lo awm ho ngat phei chuan min melh thíp leh zual a, ni e, an huat ka hlawh khawp ang, an boss niawm tak chuan min rawn pan hnâi a, hláuthâwng zet hian, "Oh my God!" Ka ti chhuak sap.


Chu amitmeng vawt zet chuan ka taksa chu a chhuntlang ni mai hian ka hria a, chutiang ang a mit meng vawt ruih mai leh nélawmna réng réng neilo chu ka piana hnulamah ka vawikhat hmuhna ani hial áwm e, chutia kan mit leh mit a han intawng siah chu amit takah pawh enrei ngam ta lo chuan hnuailam chu ka melh chhuk ta daih a, ka thin chu a phu zawih zawih a theih chu ni se chuan he ka âwm aṭang hian a zuangchhuak duh ngéi ang.


A mit meng ang mai chuan a aw pawh a vawt ruih a, tuifinriat thúk zeta ṭanga rawn chhuak angmai rilruih hi ani nghe nghe chu ngéi mai chuan, "Tunge i nih?" A ti chhuak ta hruih a.

Ka ṭawngchhuak thei lawk lo, ka hrawkah chuan hnawhtu lianpui awm ang mai hian ka ngâwi reng a, hnuailam chu ka melh rân bawk a, ka hnunglam aṭang chuan tu emaw hian a kutin min rawn nam deuh salh a, sambuanga aw ngéi mai chuan vîn zet hian, "Boss chu chhâng ta che." A rawn ti leh ṭhawt a.


"Tu....tumah mi...mipawimawh ka ni lo." Ka ti chhuak thei ta hrâm a. Ka dang chu ahma ang bawkin a ro halh halh a, tuisik inchâkin ka khat a, ka nunna nén pawh ka thleng duh hial ka ring.



An boss pawh chu asam a buang thar a, mahse a mitmeng erawh chu nélawmna réng a neilo, chu chu thuhran túnah ngat phei hi chuan min thah duhna rilru pawh aput ngéi ka ring, thlantui chuan min bual huh zâih tawh mai, chupa hmél chu a pâ in a sexy viau a, mahse hlauhawm rûkna tak a nei a, a zahawm ru viau bawk a thawmhnaw inthuamna denim jacket dum raih mai a hâk, mantam hmél zet a man pawhin ka thla nga eitur leh ka inluahman tenen zawng zawng a nuamsa taka ka awmna daih theih túr chu a inhmeh viau a, a hâk tûr niawm réng a siam nimai âwm hi ani réng ani, ahnuaiah chuan shirt dum hi a ha leh a, a hnuaiah chuan kekawr dum bawk a ha leh a, a sâng ṭha hlé bawk, a khabe chu a hriam lam lek lek hi ani a, ahnâr ngul invuah chu a fuh hlé bawk, chu hmuna awm kei chauh tih loh chu thawmhnaw dum vek an ha a, an hmeichhia te thleng chuan a dum vekin an inthuam a ni.


"Eng nge i hming?" A aw rawn chhuak réng réng chu a bung thei hlé a, a vawt ruih bawk a nélawmna pakhatmah anei loh avâng nge ni ka thlíng ka ruh chuktuah vél chu a khawih tel tlat zél; chu chuan ka tha a ti zawi zova, tlu túr ang mai hian ka awm tel ziah bawk, ka chaw kaw puar ei lohna rei tawh vângah te pawh ka puh thei mai a niang chu, mahse midang ang ani hauh thung si lo, a awka chhuak chuan keimah ah thuneihna riau hi anei a, chu thil chuan ka thin a tirim khér mai. Thinrim zet hian nang ve le?" Ka ti lét ta hlar a. A chhan pawh ahmeichhe biak dânah chuan hawihâwmna pakhatmah a lang lo chu ka haw takzet.

Mahse chutia vín zet a ka chhânna avâng chuan ahnunglam a ṭang chuan thâwm a rawn ri chhuak hak a, an phun mar mar bawk a, chu an phunthâwm ka lo hriat dân chuan tumah in chu an boss chu ka chhân ang a chhâng ngam an la hriat loh thu a ni.


A hnunglama hmeichhe ding chu thinrim zet hian a rawn âu chhuak a, "Kha nu kha that ringawt mai rawh!" Tiin.


Chutiang a chuhmunah chuan buaina awm nuaih nuaih in ri mur mur pawh ni se, chupa hmél chu a inthlâk danglam chuang lo réng rèng a hmél put dân chu angâi pât tho, a tu chu nge maw anih hrep chu le?


Eng emaw ngaihtuah niâwm tak hian a khabe chu a dawm rauh rauh phawt a, chutah a rawn ṭawngchhuak leh ta sup sup a," Ka that nghâl mai dáwn che nge ni a, nawmchén nân ka hmang hmasa phawt dâwn che tih hi ka la ngaihtuah, tah chuan thutlúkna ka la siam thei lo ." A rawn ti chhuak ta a.


Chu a thu rawn sawi chuan min ti thinrim leh zual, engthil nge ka tih ti pawh ka ngaihtuah fel hman hma chuan a hmâiah ka kutin ka béng ta ṭhuai a, chu veleh ka bula awm ho chu ka chungah an thinrim hlé tih pawh ka hai lo, an silai kawl chu an phawrh chhuak sap sap a, ka lam hawi chuan an rawn tin ta rân hlawm a, mahse chúng thil avâng mai mai chuan ka hlâu túr ani lo, ka thinrimna pawh chu ka inthunun pah bawk a, "In zavâi khân lo ngawi hmak rawh u." Ti a an boss in a rawn sawi tâkah chuan an silai te chu angâiah an dah ṭha leh ta hlawm a.


"I huaisen ve reuh hlé mai maw, a ni em?" Ka mitah tak chuan min melh chhuk siah a.


"Ka hlâu hauh lo che." Ka ti veleh hmarh hmarh a, ka khabe chu ti pauh lah in cho zet hian ka melh chho ve bawk a, a sângṭha tak zet, a koki pawh ka chen ṭâwk ṭawk tih chauh ani, chu pawh hmeichhe sângpâwl tak chu ka ni ve ania, chutia ka enna chu a tuartheilo viau nge ni, a rawn kûn hniama ahma âia hnâia mi rawn melh leh rún pah hian,"Sweetheart i hlauh chu angâi ngéi ang, i hlâu lutuk dáwn tlat!" a ti ta khur khur a.


Mahse chu pawh chuan hlauh ahnèkin ka thin ati rim zual sauh, rum zet hian ka melh lét khar a, a thusawi chu chhunzawm leh nghâlin, "Clegg henu hi ka tâ tûrin lo hruai lét ang che, nakin lamah a chungchâng thu chu ka la ngaihtuah dawn nia." Tiin ka hnunga ding sambuanga chu a bia a.


Clegg chuan mak ti zet a an boss chu en pahin, "I tân maw?" Tiin a zâwt lét hú a.


"Aw, ka tân, chumi ah chuan buaina a awm em ni." A ṭawngkam chu a rum kher mai, Clegg chu rum zet hian a melh khur bawk a.


"Αih, boss buaina engmah a awm lo." A ti nghâl sawk sawk a.


"Chuan a phone kha lâksak bawk ang che."


"Ka lo ti dawn nia."

Chu thil ka hre zet chu hlauhthâwnna hian ka khat nghâl a,"Nilo, khawngaihin, pawi ka ti lutuk."

An boss kutah chuan vawn a ka thiltih ah khân thupha châwi ka tum a, mahse a inher nghut a akalsawn nghαl ta daih a.

Clegg chuan aw vín zet bawk hian, "Kal ang." Mi rawn ti leh ta hrâwk a.


Clegg néna car bul kan thlen chuan ka kut chu hnungkhirhin a phuar mawlh mawlh a, chumi hnuah car seat hnunglamah chuan min nam lût ta a, ani chu driver seatah chuan ṭhulút ve in car chu a start ta nghâl a, "Khawngaihin min kal tir rawh, ka thil hmuh kha tuma hnénah ka sawichhuak lovang tih hi ka chiang ani." Tiin Clegg hnénah chuan ka ngén leh a.


"Honey i thusawi ho khân ka lû iti na dawn tlat niin ka hria." Ti chauh hian min chhâng a.


"Mahse hei hi in kidnap ani a sin."

"Oh, i duh leh chutiang pawh chuan ngáila ti nia." A nui huk huk a.


Oh my God, engtin chuan tlânchhuak thei ang i maw, tih ngaihtuahin ka memgkual pah ralh a.


Tlanchhuahna chu ka mamawh bawk si, mahse engtin?


"Min that dawn em ni?" Ka ti leh zauh a.


"Thupék ka hmuh chauh in."


"Eng nge i thusawi awmzia chu?"


"A awmzia chu i nungchang leh i nundân a zir te pawh ani ang chu, ṭha taka i awm anih chuan nithar dang te pawh ila hmu belh leh mial mahna."


"Hey, mahse engmah thil diklo ka ti hlei ném." Ka ti chhuak leh sap a.



"Uhh, sweetheart i hringnuna thil harsa tak i tawh ni hmasa ber pawh ani mai thei." A ti leh ringawt a, poem a sawi nimai te hian ka ngâi hial mai, poem ziak tu ni se a inhmeh ngawt zâwk ang, hetiang gang hna mai mai thawk lo hian.


TSEPNAYA REAKTSIYA   MAFIA ROMANCE CHAPTER 2

 NEW- YORK DOWNTOWN
THE BRONZE DRAGON WAREHOUSE... 10:30 pm

TREY.......

Kei hi Trey Bailey ka ni a, Bronze Dragon mafia gang a leader ber ka ni,  New york khawpui mafia zînga hlauhawm ber pâwl ka ni bawk.

Well, ni e, kha thil kha a thleng vawikhatna a ni teh meuh mai, kha uihurnu khân min béng ve khang lâng a maw, tunge ka nih tih hi a hrelo ani mai thei e, arin ang chu ka ni hauh lo ang, ka pâwl te ho mit hmuh ah min béng chu a nia, hrep tak chuan a, mahse ani erawh kha chu kan zíng ami nilo in, civil mi mai a ni bawk si..... ahmuh loh tûr ahmu tihna em ni ang? engvânga a awmna hmun lo turah leh a hun dikloah chuan lo awm nge anih? Nge kan mita kan hmuh theih loh tùr amah ah khân thil inphúm ru a awm zâwk ni ang? Chu thil chu hre chhuak turin nuam takin hun ka hmang leh ngéi dawn a nih hi, ka cigar chu ka híp vang vang a, a khu chu van lam hawi zâwng chuan ka pak bial laih laih a, ka rilru chu a hlim ru khér mai, achhan pawh heti ang han hriat chhuah dân vél hi ka thiam riau tlat.


Min béng a, chuan a kal bo leh mai ang maw? Baby chu chu a rinawm loh. Ka cigar chu ka hîp leh vang vang a.


Hunter chu ka bulah rawn kal hnâiin, "Boss kha nu kha engtin nge tih i tum?" A rawn ti a.

Ka cigar zûklai chu ashtray ah chuan nawr hlumin,"Ka la ngaihtuah fel chiah lo, mahse a nuam khawp ang tih erawh chu ka sawi ngam." Tiin ka chhâng a.


Elizabeth chuan nozet a mi rawn melh pah hian, "Trey zanin chu ka rawn zawm veleh che i duh ang em?" A rawn ti a.


Elizabeth hi hmeichhe samsen thar mai leh mitmu uk raih nei ani a, kan pâwl ami ani bawk, an vâi mai hian ka lakah an rinawm ém ém a, kan pαwl ami hmeichhia te hrim hrim hi mipa ho hian kan khawih túr ani lo tih dân kan siam a, mahse Elizabeth awmdân hian a zir loh ém avângin ka mutpui chauh mai ṭhin a ni, chuan ka lakah beisei aneihruk aṭang leh lek phei kha chuan a awm tawh tûr ani lo ka ti ta hial a, mipa kawplâi la neilo te phei chuan hmeichhe ngâi ngawr ngawr 'tap' reng hi ninawm ve deuh a nia, chutiangah chuan ka chunga thuneih atum ta tlat a, chu chu ka ngaithei dèr lo, Elizabeth hian a dinhmun hi a hre chiang tûr a ni. he dân kan siam chhan pakhat chu kan hmeichhia te ho hian keini mipa te lakah tlâktlum tumin an bei ang a, kan gang tân hian thil ṭhalo tak a irh chhuak ang tih hi kan hlauh ber ani bawk.


"Zan inah chuan nilo, ka buai." Tiin ka chhâng nghut a.


Thinrim zet chung hian, "Kha hmeichhe dukdak lo zet vâng kha ani ngéi ang ti raw?"


"Elizabeth ngâwi hmak rawh, tihtur ka ngah, chuan hei hi hria ang che, kha hmeichhia vâng kha nilo in, kei hi boss ka ni a nang hian min hnial tûr ani lo." Ka tih ták hrawih chinah chuan, "Boss ka tihpalh a thleng leh tawh ngâilo ang." Ti a min chhângin bar lam chu min pansan ta a.


Clegg te chuan ka penthouse chu an thlen ka rin tawh avâng chuan, ka text ta a.


Inthleng tawh em Clegg?

Yes boss, i inah kan lût chiah e.

Ok, anih chuan spare roomah khân lo dah la, kei pawh ka rawn haw ve vat ang.

Ok boss.

Chuan ka rawn thlen hma loh zawng chu room pâwnah khân lo véng tlat ang che.


Ka phone chu ka ak ṭha ta a.

WEST SIDE FIFTH AVENUE
TREY PENTHOUSE

CALLIE.....

Inchhúng kan lût chu pui ka ti khér mai, chutiang inchhúng nuam leh ropuiah chuan ka luh pawh ka la hre ngâi lo rèng rèng, ka lo rindân chuan (cell) tânin an nei ang a tah chuan min khung dâwn maw ka lo ti hman a.


Clegg chuan rum zet a mi melh leh khur pahin, "Boss pawh alo kír ve ṭép tawh, kal rawh i room tûrah ka hruai ang che." A ti leh nghut a.


Ka phu zawk, "Ka room tûr maw?" Mak ti zet hian ka zâwt deuh hâ a.


"Kal ṭan vat mai rawh." A tih leh khur khur tâkah chuan ngawi rengin ka zui ve ta a.


Inchung lamah chuan min kal chhoh pui a, kan hma zâwna kawngkhâr pakhat chu hawngin min luh puia, "Hei hi tûnah chuan i room tûr ani ang."


Ka enkual dan dan a, chu room chhûng chu a pui khér mai, anchei dân chu a nalh ém ém bawk, mahse hmeichhe room ani ngâilo tih hriat zet hian hmeichhe rawng duh  zâwnga chei ani hauh lo thung! An han cheikual dân leh banga milem târ teleh a chhûnga bungrua awm hrim hrim chu apâ ém ém vek. Tu room nge ni ta ang? Tih zawhna chu ka inzâwt lo thei lo, mahse oh wow tih loh chu engdang mah ka ngaihtuah thei lo, chu room chhûnga bungraw awm engkim mai chu man to tak tak vek tûr hlîra chei hi ani thung, khum zâu ṭha tak mut châk awm hliah hliah te, chhuatphah dûp chi te leh light manto tak tak vek tûr te, a chhûnga furniture awm zawng zawng te nén chuan dollar tam man fe anih pawh ka ring.


Clegg chuan nélawm lo zeta mi rawn biak leh pah hian, "Eng nge i hming?" A ti leh ta a.

A lamah chuan inher ve nghatin, thîp zet a melh chhoh chung hian, "I hriatna chhan túr âwm réng ka hre lo." Luhlul hmél zet hian ka tih khum leh hmak a.


"Uhh, i luhlul reuh hlé mai maw?"

"F*ck you." Ka tih khum hmak a.


"Khatiang a nangma mimal chung châng engmah min hriattir rem itih loh te chuan engtin nge kan thawh ho theih ang ni, thil hi a awlsam lam pang hlîr hian thlîr dân te zir ve rawh, boss hian a duh anih chuan nang ang mai mai thah che hi a tîm hauh lo ang, chuvâng chuan boss hi nawrlui vak lo la, i tân pawn aṭhat ka ring." Rum zeta mi melh khur pah chuan min tih khum ta zék a.


Tháwk ka la halh a, ni e a sawi dik reng, diktak asawi chuan  anthuhnuaia kûn ka ni a lawm, tûnah rih hi chuan, an thu ka âwihloh a thil aharsa zâwng hlîra ka tih reng chuan thah te pawh min that duh hial ta ve ang chu, misual rual pâwlkhat pawisak neilo kha an ni miau a, "Ka hming chu Callie Faye a ni e." Ka ti ta sap a.


"Kha, tûnah chuan a harsat vak loh kha a ni em? I duh  chuan bathroom lamah hun te va hmang la, i duh leh ilo mu dawn nia, amaherawh chu tlânchhuah tum duh ting tang lovang che, pâwnah ka awm reng dawn, chuan he pent house ah hian keycard tello in khawiah mah i chhuak theilo tih kha hre bawk la." Tih leh hrawih pah chuan min chhuahsan ta daih a.


"Hmm, lo thei tehréng pawh ni ila, ka tlânchhuah chu ka ring lém lo, he room hi ka tân chuan hotel five star a riah ang tluk zet ani a sin, kha hmun park bench a zân khawvawt tak hnuaia mut hrep âi kha chuan ka thlang daih zâwk bawk." Ti a phunchhuah sep pahin ka nui zui sak a.


Mahse ka rilru ti nuamlo tu deuh mai pakhat a awm, chu thil chu, min thah loh hrâm ka beisei tih hi a ni.


Shower chu hmang ila ti chuan he room zâu ṭha zet leh mutna dûp nuam takah hian mut chawlh vang vang tluka duh leh thlâkhlelh ka nei tawh âwm lo ve, side table ah chuan tui hi alo inchhawp sa a, theitui leh whiskey pawh a awm bawk, tui chu ka inta khawlh khawlh a, ka pian ahnu lama ka tui intui ber ṭum a la nihial âwm e.

Bathroom chhûng ka lût chu ka thaw chhuak halh, chutiang réng rènga bathroom zâu ṭha leh nuam chu ka la hmu ngái lo, bath tab ah chuan tuilum chu ka herh haw a, ka inchiah ta vang vang a, ka duhtâwk fang ka inchiah hnu chuan ka chhuak a, bathrobe mipa tâ tih hriat ngawih ngawih chu ha chhuakin, towel chuan ka lû ka tuam bawk a, mahse thawmhnaw hâk tûr ka nei hauh lo, inluahtur zawng maia chhuak kha ka ni si a, kha ka inluah neitu te hnénah khân an khawngaihna dîlin nikhat tal ka bungrua chu min dahsak tûr khân ka ngén kha a nia, mahse hetiang a ka awm leh si chuan engtin nge ka thawmhnaw leh ka bungrua te kha ni ta ang? Tihngaihna pawh ka hre tawh lo.


Enga pawh chu nise, ka han inbual zet kha chu ka nuam huai huai in ka hria, ka taksa na ṭhém ṭhûm te chu a dam phah sawng sawng mai a, inthlâkna tûr erawh ah ka buai ta, ka thawmhnaw hâklâi chu hâk nawn leh ka hreh tak zet tawh, bathroom aṭang chuan chhuakin thawmhnaw dahna lam chu ka pan a, thawmhnaw bawm ka hawng chu ka rin ang ngèi ngéiin mipa thawmhnaw bâk hmuhtûr a awm lo, shirt var ṭha tak pakhat chu la chhuakin ka inbel ve ta hmiah a, ka under wear pângai chu ha lehin khum lamah chuan ka lâwn kâi a, ka lû in lukham a deh rual rual chuan engmah hre zui tawh lo leh tuizetin ka muhîl ta nghâl a.


TREY.....

Ka penthouse ka lût Clegg chu living roomah alo awm tawh a, min hmuh veleh chuan a ding chhuak ve nghâl a,"Chuan, a hming chu i hriat chhuahsak thei ta em?"


Da(yes)  a hming chu Callie Faye tiin min hrilh a ti a.


"Callie Faye maw ni a?"


"Da!"


"Anih, chu âia thûk záwk chuan a chanchin i hre thei ta em?"



"Yeah, kum 22 mi niin East lampang a trailer park ah khân a chéng mék niin ka hre bawk, chuan tumah he hmunah hian chhûng leh khat anei tawh lo a, anu leh pa in kum 17 anih lâi khân car accident ah an lo boral san tawh bawk ani."


"Anih leh tûnah khawiah nge a chén?"


"Trailer park ah chuan in luahman chawi chi aluah a, mahse an sawi dân chuan tûkin khân a inluah aṭangin hnawhchhuah ani an ti anih chu, achhan pawh ahna a chân avângin inluahman ape theilo ani âwm e." Clegg bawk chuan ati leh a.


"Anih chuan tûnah hian awmna in neilo ani tih na ani maw?"


"Ka chiang chiah bík lo, achhan chu min hrilh tu pa sawi dân chuan a exboyfriend Dillon James ti a koh ṭhin pawh a awm niin a sawi, chu khualbûk neitu in a sawi zél  dân chuan an pahnih inṭhenna chhan pawh thil ho té vâng mai mai a ni a, an in kawp leh vat arin thu a sawi bawk, a chhan pawh Dillon chuan ala duh viau niin a sawi bawk." A ti leh a.


"Anih leh Dillon James chung châng chu eng emaw hriat chhuah i nei em?" Ka ti chhuak leh hrawih a.


"Rei vaklo kha chu criminal lamah a lût ve zuai a, mahse tûnah chuan a bânsan tawh niâwm tak ani, chuan mi chapo tak leh mi vau hmang tak niin ka hre bawk, chu chu a chanchin ka hriat zawng chu ani e."


"Khorosho(ok) a chan chin leh a bialpa hlui chan chin chu in theih ang a tam hriat belh in tum dawn nia." Ka ti leh bauh a. "Tûnah khawiah nge a awm?" Ka tih zawm leh nghâl zat a.


"A mu tawh ang."


"Ok, i kal thei ang, naktûk lamah kan in hmu leh dawn nia." Ka tih hnu chuan Clegg chu a chhuak ta nghâl a.


Clegg kalchhuah tâk hnu chuan ka mini bar lam chu ka pan a, scotch tak ngel ngawl a in ka insiam a, ice cube ka telh a ka tlâk nghâl pawp, ka mamawh riau in ka hria, chumi hnu chuan Callie mutna room lam chu ka pan ta a.



"In nei lo maw anih a eh?" Ti a phunchhuah sup pahin room kawngkhár chu ka hawng a, damn, ka shirt ngainat zet mai chu amut pui leh ta nghâl, ka shirt chu atân chuan a lian deuh viau a akhûp thleng anih ka ring, mahse a delh tawm chhoh avângin a taksa chu a lang thui lam hrat chu a ni, a mal táwp thleng chuan a lang vek a, ka kawr a hâk hnuaiah chuan under wear chiah ala inbel zui hrep leh nghâl.


A taksa nalh tak mai lapua ang zet a nèm hmél tak chu ka enkual lo thei lo, damn a nalh mah mah tlat, a bawp seithlarh mai chu ka enchhuk dan dan a, a mal chu a múm nalh kher mai, a vun chu light dim tak avâng chuan alang paw pheu a, ataksa chung lampang chu ka enchho leh a, a thâwk zâwng chuan a âwm zâwn chu a che dat dat a, ahnute kawh ṭha tak chu amûm nalh khawp ang, mahse a lian ém ém lo thung, a hmûi chu a kâu deuh tiar a, a duhawm ngawih ngawih, Damn it.


"Trey boy, hetiang engmah hi a thleng túr ani lo, chuvâng chuan i ngaihtuahna aṭang khân paih chhuak vat mai rawh." Ti a phun chhuah sup pahin, chu hmun chu rang zetin ka chhuahsan ta a.


Alex hi a roomah a awm nge awm lo ka check leh phawt ang a, tichuan ka mu ve tawh ang, tiin thildang ka ngaihtuahna ah chuan luh tír ṭâlh ka tum lui a, Alex hi ka chhang chiah ani a, mahse kum lamah erawh kan inthlâu viau thung, kan unau hi mipa ve ve kan ni a, kum 18 ka nih laiin ka nu leh pa te hi gang pâwl dangin min thah sak tawh a, chuta ṭang chuan school lampang pawh ngaihven zui ta lo in, ka nau chu enkawl chhunzawmin, ka pa hniakhnung ka rawn zui chho ta a, ka nau Alex hi tumahin min tih nat sak ka phal lo. Ka pa kha Russian gang rorum tak hlauh nei ngâilo a ni a, ka nu erawh chu ngilnei zet leh nu pângngâi ve mai ani thung, ka pa kha khati ang a mafia lama a inhman ém ém lai pawh khân ka nu erawh chu inlamah kan mamawh tûrin a awm reng zél.


"Alex!" room chu ka hawng a, ka ner sawk, khawiah chuan nge maw a awm hrep ang le? A room te neih nuaih chu engkim mai chu a awmna hmunah a awm lo kual kâwi vél vek, vawkpui búk chu nèp té a ni.


Thinrim zet hian ka phone chu la chhuakin, Alex number chu ka dial a, "Alex khawiah chuan nge i awm hrep?"


"Tûnah rawn haw nghâl vat rawh, he khawpui chhúngah hian nangmah chauh a chhuak tur ini lo tih pawh i hriat kha."


"A tûl hauh lo, nangmah rawn zawngkual tur che in min siam hauh lo ang che Alex." Phone chu ka cut ta hmak a.


He mipa naupang hian ka hriatrengna neih zawng zawng te hi a ti khawlo zo tak ngial dawn, ti rilru chungin ka thaw chhuak hawk a.


Ka room lamah mu tûr chuan ka kal ve ta a.


THE NEXT MORNING....

CALLIE....



Zíng ka han harh chu ka tho chhuak peihlo khér mai, achhan chu cinderella ah te ka in chan deuh roh leh nghâl a, heti ang khum dúp nuam zet ah hian ka la mu ngâi lo hrim hrim, amah erawh chu he hmunah hian chatuanin ka awm reng thei dawn silo.


Hreh zetin ka tho chhuak ve ta hrâm a, "Eng nge ka tih tâk ang?" Chu zawhna chu ka inzâwt hmasa ber.


Ka ril chu ṭam tak té in aṭam tawh a, ka ṭâmchhâwl hialin ka hre tawh, "Oh ka ril aṭâm tak zet zet, thil eng emaw eitúr a awm mial em, tiin inhnuai lamah chuan chhukthla in ka zu zâwt tawp mai dawn em ni ang? Mahse nimina ka hmuh mipa hlauhawm zet kha engtin nge ni ta ang?" Nimin lama ka thil tawn ho chu ka ngaihtuah chhuak leh a, ka khúr ru dar dar mai, vawiin hian min thah nge antum ang a, inhnuai lama an cell chhûngah hrehawm deuhin min dah dâwn zâwk?


Bathroom ah chuan ka lút zawk a, shower hman leh chu ka châk viau achu mahse ka díl phawt ṭûlin ka hre deuh a, ka hmâi chu phih thuak thuakin toothpaste chu ka kutah ka hmet chhuaka, ka kut chuan ka ha chu ka nâwt ta ringawt a.


Chu an room min pékah chuan an lokal hun lo nghah ka duh viau a chu, ka rilṭâm luattuk avâng chuan inhnuai lamah ka chhukthla lo thei ta lo. Ṭidai chung leh hláuthâwng zetin inhnuai lamah chuan ka chhukthla ta hnalh hnalh a, tháwm chu ka dím viau a chu dim ém ém pawh angaih hran ka ring lo, pheikhawk ka bun lo miau va.


A in tiin a sawi em aw ni zân khân?tih chu ka ngaihtuah thla melh melh a.

Eng pawh chu ni se, ka ril aṭâm tawh lutuk tak zet, thildang engmah ka ngaihtuah thei tawh lo.


Kitchen lam niâwm takah chuan ka lût phei a, hmmm, eng anga inropui pawh nise, kan châkna thil ah leh kan thil duh tak takah chuan hrilh chawp kan ngâi lo kher mai, ka nui chhuak sak a.


 Ka luhna hmun chu ka rin ang ngéiin kitchen a ni. Ngawi lawk teh, oh wow, tu nge che ta saw? Oh half naked leh nghâlin a taksa chu ka melhkual dan dan a, a chét zâwnga a tihrâwl han inphiar deuh ṭalh ṭalh mai te leh a taksa nalh zet mai atâwk chiah a sek phiar deuh ṭâng te chu a inhmeh ngawih ngawih, min hnungchhawn zâwng pawhin awm mahse hmalam pang chu eng ang chiahin nge analh anga a sexy ang tih chu ka ngaihtuah thiam vek tho, Callie khati ang thil kha i ngaihtuah tur ani lo, ani hi chu mi hlauhawm tak ani tih kha hre ta che, tiin infuihru mawlh mawlh mah ila mipa hot zet ani tih erawh mita hmutu chuan an hai hauh lo ang!


Chutia no zeta ka lo en ngawih ngawih lai chuan a rawn inher ta thut a, a mitmeng vawt zet chuan zím san a mi rawn melh rûn chung hian, "Diklo a awm em ni?" Tiin min zâwt ta nghut a.

"Sorry... ka ...ka ..." sawi tûr mai ka hre lo, ka hamhaih lutuk chu ka dang a âwk zo leh vek tawh, amitmu hring nghalh mai leh thimruih  chuan chiang zet hian ka taksa chu a melh kual a, anèlawm hlawl lo, mahse a sexy phian bawk si.


"Sawichhuak vat mai rawh, i thusawi ngaihthlâk na turin nileng hun ka nei lo." A ti leh nghut a, athinrim hmél kher mai.


"Pawi ka ti lutuk, ka suangtuahna khawvel ah ka lo chéng mai mai a nia," ka ti ta niah niah a, nuamlo ka ti tak zet zet.


"Ṭhu rawh, breakfast ka siam!"

Oh, heti lo deuh, ṭawngkam bung vut nilo tléma nelawm deuh hlek hian kan inbe ve thei reng asin, nge ṭawngkam nélawm leh dam ang hi a hmang ngai miah lo zâwk? "Ka....um ...Ka ril aṭâm lém lo." Ka daw chiang lutuk, athilsiam rim avâng chuan ka chilthli a far lo chauh a ni si a.

"I ril aṭam thu zawt nawn tûr che in min beisei miah suh, tûnah ṭhu vat mai rawh." A ti leh hrawk a, ka ṭhu rang ngéi mai.


Ka ṭhutna aṭang a thip zeta melh lét ve kha kha chung in, "Ka boss ang zet chuan awm vél lo mai teh!" Zawi deuh tak hian ka ti ve nghat a, he pa hi ṭha ti viau mah ila ani min thunun phâk hi ka nilo hrim hrim, ani tân engmah ka nih loh ang bawkin ka tân pawh mipa satliah ve mai chauh ani tur a ni, ka hlauh vak na bík tûr a awm lo.

A rawn hawi lét a, ka ṭhutna lam chu rawn panphei rúak pah hian, "Eng maw i sawi a?" Thinrim zet hian a ti ta khur khur a.


"Uhh, chill, ka sawi chu he shirt ka hâk hi tu tâ nge anih ka chiang chiah lo a, mahse nizân khân ka ha ve tawp a." Tiin ka chhâng nghâl thuai a, chu a thinrim hmél chu ka hlâu leh lawi si.


"A pawi lo, aṭha e, tûnah chuan ei tawh rawh."


"Ka lawm e!" Tiin ka chhαng ve sep a.
Oh ka mibiak pa hian hawihâwmna ṭawngkam hi apianpui ve miah lo a ni ngei ang.


A breakfast min rawn chhawp chu ka ei ta mawlh mawlh a, ani pawh chu ka hmazáwnah chuan rawn ṭhu ve in file eng emaw en mawlh mawlh pah hian a breakfast chu a ei ve a, ka awm ve ni pawhin a hriat leh hmél tawh loh, eng vâng a thu tak rûn reng mai nge a nih chu le?


Breakfast chu asiam tui tak zet zet, mahse atui zia thu erawh ka hrilh hauh lo ang, alak atang hian ka inti nélawm duh bîk lo, nélawmna pawh a hrethiam phâk chuang lo ang.


Shower ka hmang duh tak zet, mahse aphalna ka lâk hmasak erawh a ngaih ka ring, a chezia chu ka en rauh rauh a, ka tibuai lawk dawn emni ang, nge saw thil saw atih zawhah ka nghâk zâwk dawn? A hun lova ka tih buai chuan min vìn khum leh hrâwk pal ang tih ka hlâu deuh hlek.


Min melh leh ta khur a, "Eng nge ni leh ta?" A mitmeng chu a vawtruih reng mai, crystal te pawh min ti hre chhuak rum rum mai, mahni a lumna nei hauh lo thil hi.


"Eng a?" Ka ngaihtuahna chu a hre hial em ni záwk?


"I landânah khân thilsawi duh nei i ang ém a, anih chuan sawi la." He pa bulah hian awm tam lo ila aṭhat ka ring, chuan engtin nge ka chungah hian antih zél ang, min man chu ani si a.


"Um.... shower ka hmang thei ang em?" Ka ti chhuak ta hlawl a.


"Chûng te chu zawh kher ka ngâi em ni, i duh te chuan hmang mai la ti nia."


"Ka lawm e." Tiin ka dingchhuak ta vat a.


"Tanaeya in i thawmhnaw hâktur ṭhenkhat a rawn lák sak che kha, kha kha ha rih ang che."


"Ka inluahna ah ka thawmhnaw ho ka dah a, tlém tal ka la thei ang em?" Ka thawmhnaw ho kha ṭha ém èm lo mahse ......"


A nuichhuak ta hawk hawk a, a nuih lái zawng chuan a hmél chu mak tak maiin a dam ve thlup mai, anélawmlohna kha ka hmu tawh hauh lo, mahse a reilo kher mai," Ka'n hrilhfiah law law teh ang che, i thawmhnaw ho chu i mamawh lo ang, chuan i bungrua te pawh engtin nge a awm ang tih hi ka ngaihtuah hrep lo, he hmunah hian rawn insuan lût tura lokal i nilo a, thilpawi tak ilo hmuh avâng chauh a heta hruai che hi kan ni a, i chungthu tûr ka la ngaihtuah hman loh avânga hetia la awm mai mai hi i ni tih hi inhria ang che."


Kha te chu ka hre ve reng, ka dinmun hi a hahthlâk ka ti kher mai, mahse ka bungrua zawng zawng pawh ka ti lova, ka thawmhnaw tlémte chauh kha ka ti si a, oh engtin nge ni ang? Niminah khân ka thil engmah ka la ta silo a, ka inluah kha an tiruak tawh ngei ang a, ka bungrua te kha engtin tak thehthang ang maw, keilah chu heti hian ka awm daih leh nghâl, ka rilru chu a hah kher mai.


Chuan Tanayea chu a girlfriend ani ngei bawk ang a, dawhtheihloh hmél zeta mi rawn enrûn chung hian, "Thildang a la awm em?" A ti leh ta nghut a .


Ka phuzawk, "Ka.... âih awm lo." Ka ti ta vat a.


Ka room lam chu ka pansan ta thuai a.


TREY.....

Callie chuan shower ahmang dawn amaw? Chutiang thil te ka ngaihtuah tâk mai le, hethil hi ngaihtuah tur ka ni lo, he hmeichhia hi engvânga ngaihven tlat nge maw ka nih chu le, mutpui ila ti chuan héng ka ngaihtuahna aṭang hian ka dah bo leh thei mai ang.


Chuti lo chu nizân ang khân mut theihloh avânga inlet kual inlet kualin a chung châng thu ka ngaihtuah leh ngut ngut pal ang.
     

Nizâna a inthuam dân ang chiah chiah khân kitchen lamah a rawn la kal zui, a taksa kha ka iṭ hlé ani tih kha ahre chhuak ang tih ka hlauhna lutuk avângin amah pawh ka enṭha duh lova, ka thinrimna leh ka lungâwilohna neih ho zawng zawng chu sâwm khâwmin chu nu taksa ka va khawih mualpho mai lohna tur chuan ka bei ngar ngar anih kha, mahse arûk chuan ka mit sîr reng tho a, amah ngaihven lo anga lan kha a harsa ka ti tak zet.


An chiâi deuh hlek te khân a ti duhawm zual sauh hian ka hria a, kuah thut a aheh fawh châkawm zeta fawh nawk nawk mai kha ka châk tak zet, mahse kha, ka insúm tlang thei hram e, hetiang ang hian hmeichhia hian ka rilru an luah ngâi em? Tih chu ka inzawhna ani hial, mahse hmeichhia ṭha tih zawng te leh duh zawng te chu mipa kan nih chuan kan nei ve túr alawm, chu chu mipa kan nih chhan ania, ka mutpui hnu ah chuan he tia ataksa ka thlâkhlelna zawng zawng te hi areh veleh mai ang .


  Ka phone chu arawn ri a, "Trey Bayley?"

"Aw, vawiin chu ware house ka rawn kal thei lo ang, midang ho kha lo hrilh la zanin hian ka penthouse ah party nei ila ka ti deuh a, i hriat kha, chuan Hunter leh Clegg kha lo hrilh la docs lamah khân vawiinah thil rawn thleng tur a awm a, a tam tham vak lo bawk a lo ngaihven tir ang che." Ka phone chu ka cut zui a.


Alex pawh chu ava tho har ve maw le, saw a rawn tho ve chhur chhur a lawm, zanlam panga chhuah lohna túrin eng emaw tal ka tih angâi ani, mipa naupang mai ala ni si a, ka theih ang tâwk a humhim hi ka duh a ni.


TSEPNAYA REAKTSIYA   MAFIA ROMANCE CHAPTER 3

CALLIE....

Ka room lamah chuan ka lût chho a, thawmhnaw dahna chu ka hawng a kawr hâk chawptur pathum lai mai hi alo awm ve a, bathroom lamah chuan ka lût ta nghâl a, mahse under wear ka la nei chuang hauh lo mai, angâi bawk chu ka hâk leh rih mai angâi ang, diktak chuan ka phûr vak tawh lo, chu ka panty chu nimin lama mi daih tawh kha ani si a, ka ner deuh sawk a, ka ha leh ta tho a.


Thawmhnaw pakhat chu ka thlang chhuak a, avâi mai chuan ka thawmhnaw inbel ṭhin ang ani hauh lo, Tanaeya chuan kawr chu min rawn ken ve ngei mai, tumge anih a engvαng a ka chunga hetiang thil hi ti duh nge a nih? Tih chu ka inzâwt hial.


Kawrfual chhíng ṭha tei tawi tak mai, eng dalraih mai, par chiaih chu ka thlang chhuak a, a nghawng chu a zâu mah mah a abahna pawh sîn ṭha tak ani. A dang pahnih phei chu ka inbel ngam lo maithei, aṭha hlawm mah mah a, mahse ka tân vethung erawh chuan chuti ang inbel chu aṭha teh chiam lém lo.


Hetiang ha chung hian Dillon chuan min han hmu vaih se chuan buaina nasa takah ka inhnûk lût ka ti thei hial ang, Dillon kha chuan ka inbel turin thawmhnaw taksa langtam thei tak kha inbel min âwihsak ngâilo kha ani a, ka ngaihtuah zâwng ringawt pawhin ka khûr ru dar dar thei.



Inhnuai lamah chuan ka chhukthla leh ta a, living room lam aṭang chuan mipa aw pahnih ring taka inhnial lûng lûng thâwm ka hria a, chu lam chu ka pan phei ve nghâl a, ka mipa hmuh pa an boss leh tlangvâl la tleirâwl zet mai amah ang tho a sambuang mahse tléma dal deuh mitmu hring ve tho an hmél chu a in ang kher mai pakhat chu a upa deuh a, a hnârngul asângṭha zâwk a tih mai chauh a ni an danglamna chu, chu nén chuan an lo inhnial dûn nasa mai a, anthinrim dûn hle tih pawh an awki an tihsân dânah chuan ka hre thei, engvâng a ring deuh deuh a inhnial nge an nih ang le?


An boss chuan, "Ka hrilh lâwk ang che Alex , hetianga i tih reng zawngin boarding school ah ka dah mai ang che." A ti khur khur a.


Pakhat zâwk pawh chu a zâm bîk hauh lo leh rumzeta melh lét ve chungin, "A teuhlo mai Trey , kum 18 ka ni ve tawh a, eng nge tih tur tih hi min hrilh ka ngâi tawh bîk lo." A ti ve khar khar bawk a.


"Oh, engah mah ka ngâi ther té lo ve, achhan chu khâng mi ho khân an sa chah hi an hmuh vaih chuan an that ngei dawn che tih hi ka hriat avângin."Trey ti a akoh chuan a ti veleh a.


"Anih te chuan an leader ber ka that i tih kha i that hrep lo tihna ani mai a lawm."


"Ka ti tia ka sawi tawh tih loh ka nei ngaih hrep lo ve, amah ani emaw midang tiam in." Trey chuan a ti leh khur khur a.


A naupang zâwk chuan ka lam a rawn hawi a, zâm zet leh hrehawm ti zet a ka lo ding zum reng min rawn hmuh chuan, Trey chu chhân zawm tawh lo in, "Tlawhtu kan nei ania." A ti ta a.


Trey chu min hnungchhawn záwnga adin avâng chuan rawn inher in thâwk ala hrawih a, min men kual khum rulh bawk a, a thinrimna chu thunun atum viau tih pawh a hriat mai, ka mitah tak arawn en avâng chuan nuamlo ti zet hian lei lsm chu ka melh chhuk zauh a, Trey chu inher lét leh nghâlin,"Alex rawn kîr leh nghâl hrep teh tûnah!" Tiin a âu chhuak tuarh a.


Ka hawichhuak ve vat a, chu tlangval tleirawl té chuan Trey in ka lam arawn hawi chu chhuanlamah hmangin alo tlánsawn daih hi alo ni a.


Trey chuan ka lam chu rawn hawi lehin, a mengkual pah rulh a, ahmélah chuan nuihmél vawikhatmah ka la hmu lo, "Thawmhnaw te chu i han hmu tih ka hre mai." A ti leh nghut a.


"Aw, ka lawm e."


A khabe chu dawm deuh rûn rûn in a ngawih vung vung hnuah chuan, "Callie kan inbiak a ṭulin ka hria."


Oh ka hming alamri ve, tih ngaihtuahna avâng chuan ka biang chu a sa deuh hat hat a, ka sen chhuah ṭâwn ṭâwn ka ring,"Eng chung chângah nge?" Ka ti ve sep a.


"I thil hmuh chung chângah khân maw le, chuan kha i thil hmuh leh hriatah khân engtia tih nge i tum deuh?"


"Mi an.....an that a." Ka tichhuak thei hrâm a, ka khúr ru der der a, kha mi te pahnih in a mipakhat an sawisak lâi leh ankahhlum lâi kha ka mitthla ah chuan chiang zet hian a rawn lang nawn leh awn awn a.

"Khatia thih kha aphû ve réng a ni."


Ka phuzawk a thusawi avâng chuan, "Tumah hian thih kan phû lo." Mak ti deuh chuan ka tilét thuai a.


"Eng chung châng nge i sawi tih i hrelo anih hi! Kha pa kha Green Skull a an leader Cartel anih kha."


"Nang pawh chutia tih te chuan inpâwla leader ve tho alawm i nih."


"A dik, mahse pawi sawi lo mî pâng ngâi kan that ve ngai tlat lo."


"Green Skull ho chuan pawi sawi lo an that ṭhin i tihna em ni?"


"Aw that ṭhin, an that fo mai, túnah ngei pawh hian Alex chu thah an tum remg a sin." A ti leh a.


"Tunge Alex chu?" Ka tileh zauh pek a .


"Nichin lawka ka bula lo awm kha Alex chu anih kha, ani kha ka unaupa a nia."


"Oh, khawiah nge in nu leh pa te an awm?" Tiin ka zâwt leh a.

"An thi tawh." A ti bung leh nghut a.


Hnuailam melh leh raih pah chuan, " Pawi ka tihpui tak zet che." Ka ti chhuak sap a.


"Eng vânga pawi ti ve ringawt nge i nih a? I that lo a ni lawm ni, a ni em?" A hmél chu a rum zual sauh hian ka hria.


Phût deuh zawk pah hian, "Aih that hauh lo mai," he pa hrep hian intawrh puina awmzia pawh a hrethiam hauh lo anih hi, ka ti rilru hial.


"Enteh Callie ka mite nunna hi risk ah ka dah thei lo a......"


"Anih min that dawn tih na maw?" Hlâuthawng zet hian ka lo ti thuai a, ka hmûi chu ka hup nghâl châih a.


"Chu erawh nangmah ah a in nghat ang chu."


A thusawi awmzia chu ka hrethiam hauh lo." Ka hrethiam hauh lo?" Ka ti chhuak leh sep a.


"In i nei lo a, chhûng lehkhat pawh i nei tawh lo tih hi ka hria a...."


"Chu chu engtin nge i hriat a?" Hriam hrâk hian ka ti chhuak hraih a.


"Chutiang thil hriat theihna 'sources' chu ka nei a lawm." A ti mai a.


A thusawi chu chhunzawm lehin, "I duh chuan tûnah hian police hrilh tûrin i kal thei, chu pawh chu i thlang thei ang, amah erawh chu hei erawh ka tiam a che, nungdamin police ho awnna chu i thleng hauh lo ang, chu chu ani emaw i duh chuan kan pâwl Bronze Gragons hi i rawn zawm ve thei ang, chuan kei hian engtik lâi pawhin kha i lu chungah khân ka vénghim reng che ang a, chuan chhûngkhat kan ni bawk ang."

"Bronze Gragons maw?" Beidawng zet hian ka ti chhuak sap a.


"A ni ang chu!"


"Chuan mi ka that ve ṭhin dawn tihna em ni?" Hlâuthâwng zet hian ka ti chhuak a, ka thin chu a phu nghâl dawt dawt a.


Lo menkual rulh pah hian, a chal chu a dawm ngûih a," Nilo, ni lul lo mai." A ti chhuak leh hrawih a.


"A ngaihna ka hrethiam lo tak zet." Ka ti leh hraih a.


"Zanin hian party nei ta ila eng nge i ngaih dân? Chuan kan members pawimawh zualpui ho te pawh i hmél hriat ve ang a, duhthlanna i siamfel hma in."


"Chu chuan min puih ngéi ka beisei." Ka ti ve ta a.


"Ok, anih i room lamah lo han châwl hahdam la, ka lo buaipui ang."


"Engvâng a inpâwl a ka rawn telve chu duh nge i nih?"


"A chhan chu ka thahna tûr aṭang che a min hum theih dawn a vângin."


Engtin mah chhâng ve ta lo chuan, ka mit chu ka chhíng sawk a, ka inher ta nghat a, kal sawn mai ka tum lai tak chuan, "Callie !" Tiin ka hming chu a lam ri leh sup a, a lam hawi zâwng chuan inher leh nghatin, "Yes?" Ka ti leh sep a ka bân chu ka tuai pah neuh neuh a.


"He hmunah hian tlânchhuahna kawng a awm lo tih kha i hria ang chu ti raw, a ni em? He building pum pui hi ka luah vek a, chuan nang chu chhâwng chung berah ka dah bawk che a."


"Oh tlânchhuah ka tum hauh lo ang, chutia ka hrilh che chu i duh ni in ka hria." Ka ti ve ta hmak a. Ka kalsan ta nghâl a.


TREY ....

Ni e chu thu chu i sawi ka ring réng ah, ti rilru in Callie kal liam tur chu ka thlîr zui a, a kal liam tâk hnu chuan phone ka hmang ta nghâl a.


"Elizabeth kei mah."

"Zanin ami tûrin hetah thawmhnaw min rawn lâk ang  che."


"Âih, ka tân ni hrep lo ve, i â em maw ni le!"

"Thawmhnaw chu rawn keng ringawt rawh, party dress ani tûr a nia, chuan hmeichhia i ni a, hmeichhe mamawh ang ho kha chu rawn keng kim vek bawk ang che, in personal thil chen in, i hrethiam em? Chuan zanin dar 7 ah ka penthouse ah party na a awm ang, midang ho pawh kha i lo hrilh hre hlawm dawn nia, mi paeimawh chin chu in zavâi a awm turin ka duh ang che u, chhuanlamsiam engmah ka duh lo bawk."


Ka phone chu ka cut a, Alex room lam chu ka pan ta a.


Kawngka ka va hawng chu a phone hi alo khawih mawlh mawlh a.

"Alex!"

Inthiamloh hmél zeta ka lam chu rawn hawi pahin, " Enteh Trey pawi ka ti lutuk, zanlamah tlâi deuh deuh ah ka rawn haw tawh ngâi lovang." A ti ta a.


"Kha thil itih kha itân a ṭhalo réng ani, Alex, achhan chu ka ngaihvenna che tello chuan tawhsual ila tâwk mai ang." Ka ti ve sup a.


"Ka hria alawm, Trey ka tihpalh lutuk ."


"Ok, zanin dar 7 hetah party a awm ang, i lo awm ve dawn nia." Tiin ka inher a, aroom chu ka chhuahsan ta a.


CALLIE...


Ka rooma ka awm chu tih tur avâng kher mai, tukverh chu ka hawng a, ka dâk chhuak vèl ta mai mai a, Trey chuan lunch eitur a min rawn koh pah chuan ka thil tur parcel lian ve deuh tak hi a rawn châwi lût a, lo lák pahin lâwmthu ka hrilh sap a, inhnuai lamah breakfast eitur chuan kan chhukthla dûn leh ta a.


Trey chuan kan eitûr ho chu asiam vek zél a, ka lakah nélawmloh viau in tawhkhirh hlé ṭhin mahse a thilsiam chu a tui thei phian mai, ka duh âia tam ka eiziah bawk, tûnṭum chu Anau Alex pawhin lunch chu a rawn kîl ve a, a hma lawk darkar reilo te liamta khân anin hnial nasat teh réng nén, tûnah chuan an inngeih leh tawh khawp mai, an unau chu an in beleh tawh a ni ngéi ang.


Ka thil ei lâi chu Alex chuan mak ti zet leh chek tlak tlak chunga rawn en pah hian, "Thâu i hlâu lo em ni?" A ti ta khawl a.


Ka lo nuih sak a, "Thâuna hian keimah ah hmun achang velo a nih ka ring, thil ka ei thei viau a chu ka thau thei dér lo." Tiin ka nuih ve var var a.

Nuih chhuah ve sak pah hian, "I vânnei ngawt mai, ṭhenkhatin thâu hlauh luattuk avângin an eichák ngawih ngawih an ei thei lova."


A thochhuak a, "Trey mamawhna min nei anih chuan ka roomah ka awm ang." Tiin a kal ta nghâl a.


Ngawi rengin Trey nen chuan kan thil ei lâi chu kan ei dûn mawlh mawlh a, ka ei zawh hnu chuan ka roomah ka chhoh leh tûr thu chu ka hrilh a, a bu nghut ri ngawt, a phone chu a rawn ri a, a be nghâl mawlh mawlh a, a buai hmél tak zet, ngawi reng chuan ka room lamah ka chho a, ni e, ka puar tawh bawk a, zan lam party neih hma chu ka muhil vang vang thei tawh ang.


Khum dûp nuam zet ah chuan ka bawk thlawp a, Ka muhîl zui leh ta nghâl a, darkar eng zah chiah nge ka lo mutthilh leh pawh ka hre lo, ka harh chu khua alo tlâilam ruih tawh mai, banga sana inkhâi chu ka en a, dar 5:30 lai alo rider tawh, Trey ina parcel min rawn pék chhoh chu ka hawng chhin a ka lawm kher mai, under wear pathum lai a lo tel leh nghâl chutiang bawkin bra pawh kawr man tam hmél zet zet pathum leh pheikhawk a rem tûr bun thum, tlereuh chen in a awm, chûng thawmhnaw te chu khumah chuan ka dah chhuak a, ka thuamhnaw te chu phelhin bathroom lam chu ka pan ta a, under wear thar ka neih tawh avâng chuan ka thaw huai mai, angai ka hâkna arei tawh lutuk aváng chuan ka awm ati nuam thei thlâwt tawh lo.



Mahse towel kha ka ken luh theinghilh leh daih pek, saruak vekin shower ka hman zawh hnu chuan ka chhuak a, khuma towel ka dah chu la in thlamuang zet a zâi rát rát pah hian ka sam chu ka hru hula, kawngkhâr arawn inhawng thut a, "F*ck me!" Rawn ti sup tu chu! ka hawi phei zawk, Trey a lo lût nghâl a, min rawn hmu vek, ani chu sweater navy blue lam lek lek rawng thim raih mai hi alo inbel leh zaih tawh a, chumi âia rawng dal deuh gray colour lam lek lek kekawr a ha a, a kawrlum hnuaiah chuan Shirt bâwngék rawng lam pang rawng thim deuh hlek si, Fawn colour lam lek lek hi a ha bawk a, amah asángin a taksa pâ zet mai leh thahrui ngahhmèl zet nèn chuan a inhmeh pui tak zet, mahse chûng thil âi chuan kawngka pawh kik loa a rawn lan thut avâng chuan, "Trey mi hur herh pa, hehmun aṭang hian chhuak vat rawh!" ka ti chhuak ṭhat a, achhan pawh saruaka ka awmlai chu a rawn hmu vek.


"Pawi ka ti lutuk, saruak a kalkual vèl i tiṭhang ang tih rin ngaihna ka lo hre lo a ni." A ti ve sup a, a aw chu rinái takin a dam thlup, hmanhmawh zetin khuma under wear chu ka ha nghâl mawlh mawlh a, bra chu ka ha leh dawn a, Trey chu ala chhuak miah lo, ka kut chu a khûrh nasat èm avâng chuan akilhna chu ka ti fuh thei lawk lo leh nghâl a, puih i ngâi em?" Mit min rawn siai khum zauh a, nui hmèl hi apu deuh bawk a.


Ringzet hian, "Chhuak rawh!" ka tih khum leh tuarh a.


"Ok, ok, babe inbengdâi rawh!" A nuih chhuak ve hawk hawk mai, anui ri chu apâ kher mai, a sexy phian bawk, achhuak ve ta nghâl a.


"Mawnga leh!" Thinrim zet chuan ka la ti zui hrâm.


Kawr dumfual arh khûp chen vél tur puan pan lam pang hnunglam tléma fual deuh zâwk, ṭhui nalh zet mai, hnute hnuai chiah a ṭhui rék, bán bûl nghawng V tléma hnute lang thei deuh hlek hi ka thlang chhuak a, wow he kawr hi nalh ka tih zâwng tak, ka nui séih a, engkim mai hi aman a to vek ang ka ring, Trey hian héng ho hi ka tán ati tak tak ang em? Mak ka ti lo thei lo, Dillon chuan hetiang hian min hmu nâ se zawng, oh Callie chu thil hlîr chu ngaihtuah lo teh, Dillon bulah i awm leh tawh dawn hlei ném, i duh duh i ha thei ang chu, tumahin an sawisél tawh dawn lo che a, i kawr hák dân thleng thleng a ichunga thuneitu pawh an awm tawh hek lovang, ikawr hâk lepchiah tih avânga kut thlâk tu pawh an awm tawh lo ang, eng vánga Dillon kha lo hlâu viau nge maw ka nih chu le? A girlfriend ka nih lâi zawng pawh khân sex ka hmanpui loh mai avângin hmeichhe dang a kawp ṭhin tho si a.....


Ka sam chu sângtakah ka ṭawn kawh a ka kawr hâk rem tûr tak ṭhi chu ka awrh bawk a, pheikhawk dum ka kawr rawng ang chu bun lehin, inhnuai lamah chuan ka chhuk thla ve ta a.


Ka zu thlenthlâk chuan midang ho pawh an kim vek tawh hian ka hria, an lo awm hung tawh hlawm a, tute pawh mai chuan min enṭhup nimai a hriatna hi ka nei a, nuamlo ka tiru tak zet zet, ka melhkual dan dan a, Trey chu Hunter leh Alex te nén hian an lo ding khâwm a, kawngka bulah chuan ka ding zum ta reng a.



TREY.....


Hunter chuan,"Saw Callie alo kal!" atih chuan ka inher a, zám hmél zet a kawngka bula lo ding Callie chu ka va hmu ve nghâl a, Damn he hmeichhia hi chu a ítawm ve chiang ngawt mai, huai hmél zet leh kawlh hmél âr si hi achâng chuan a zahzum leh lawi hmél si a, amizia pawh hi ka hrethiam chiah lo.


Ka va pan hnâia abula va din ve pah chuan, "I ṭha maw?" Ka ti sup a.


Ka mitah tak pawh enṭha ngam chiah lo deuh a hnuailam melh deuh zauh zauh pah hian, "Aw!" Tiin min chhâng ve sep a.


" Ok, anih chuan ti vat vat ang aw." Ti a ṭanin ka aw rawl chu ka sân a, "In zavâi khan lo ngâithla rawh u le." Kan lam chu an rawn hawi phei ṭhap hlawm a.

"Hei hi Callie Faye ani a, ani hian Bronze Dragons chu rawn zawm ve a ril rúk a, chu vânga zamin a ko khâwm che u pawh hi ka ni a, chuan inhnén aṭangin thu hriat túr pawh anei ang, inhmelhriat tirna te pawh kan nei ang a." Tiin ka thusawi chu ka ṭan a.



"Chuan Callie hian engtiangin nge kan awm a, engang chiah in nge hná kan thawh ṭhin tih hi a hre duh bawk a, chúng athil hriat duh te chu nangni ho hian hrilh hria in kawng engkimah inpuih amamawh dawn a ni."

Callie lam chu hawi zauhin, "Callie an zavâi sawn introduce na tâwi té té ka neih sak ang che." Ka ti leh a.


"Kan hnaih ber a hmeichhe ding sam silver rawng nei saw Tanaeya a ni a."


"Hey gir,l he Dragons ah hian kan lo lawm a che," tiin Callie chu a rawn siai khum.zaeuh a, anuih sak bawk a.


"Tanayea hian Bronze dragons a rawn zawmna hi kum nga a tling tawh a, chuan ahna thawh ber chu kan sumdawmna a kan indawr tawnna lamah leh hnalam pang engkimah under cover hna athawk a ni."


"Under cover maw?" Angaihna hriat loh hmél zet hian min zâwt a.


"Aw, Kan sumdawnna lamah leh kan hna thawh réng rénga kan elpui te ho zíngah va telin an infomation neih ho te chu hria in min hrilh hre leh ṭhin a ni. Chuan kan shipments( lawnga thil thawnna) chung chângah kan elpui te ho pawh enthlaru in a tibuai a, nuamchèn záwngin a thlém péng bawk ṭhin."


"Nangpawh i rawn zawm ve anih chuan chutiang lam kawngah chuan ka thawh tir ve ang che."


"Eng maw i sawi a?" A hmèlah chuan maktihna hi alang a, a mengphâwk awn awn bawk a, ka en lo thei lo, hmuhnawm ka ti kher mai,"Oh no, chuti ang chuan tumah ka thlémthlu ve thei hauh lo ang, achhan chu dâwtsawi hi ka thiamloh zâwng tak a ni asin."

Oh Callie hei hi chu ka sawi chiang bal ngam mipa tupawh i thlém thlu thei tih hi ka hria a ni. Ka ti rilru a, mahse ka sawi chhuak chuang lo.


"Engapawh chu ni se, a dawt leh chiah ami saw ka nau Alex kha ani a, Alex hian kumin hian school lamah alast year anih avângin Dragons ah hian ala lût thûk ém ém lo a ni."


"Trey naktûk a tih zawh tawh tûr assay ka nei a." A bân chu a tuai ve nauh nauh a.


"Anih te chuan kalla ti ta che." Ka ti leh nghut a, a kalsawn ta nghâl a.


"A dawt leh ami saw Elizabeth ani a..."

Elizabeth chu a mengkual ralh a, anun hmél khér mai, chu chuan ka thin ati rim leh nghâl zawk a,"Rlizabeth buaina i nei em ni?"


"Neilo ve boss!" Zâm hmél zet chuan min chhâng a.


"A ṭha e, anih chuan sawi chhunzawm leh ang aw?"

"Aw le boss." A kut chu anuai deuh nawk nawk a, henu ah hian engthil chiah nge awm tih hi ka hriatchhuah ngáiin ka hria.


Callie chu melh leh zauhin, "Elizabeth hian kumhnih liamta khân min rawn zawm a, ani hi drugs lama kan sumdawnna lam a enkawl thung ani."


"Drugs lam te hleng thleng maw?" Mak ti zet hian ati leh a, ni e, atân chuan thilthar vek ani ngei ang le, amitmu pâwlrâm mai fîm ṭha zet chu a meng phâwk hra bawk a, a duhawm reuh phian.

"Aw ni e, silai leh silai mu neihna tûrin pawisa tam tak kan mamawh alawm, chuan tu pawh anin enkawl natûr leh inchhung an enkawl na turin pawisa,kan mamawh bawk a, a dik emaw diklo emaw drugs hian pawisa ala lût hnem ber a ni. Amah erawh chu tumah members tawrhna tûr erawh ka siamsak ngailo thung!" Ka ti leh a.


"I hmanga chuan i chhuak a, chutiang chu ani e."


"Ok, thildangah kan kal leh ang, atlâi ṭan tawh tileh in, apiah chiah ami te saw Hunter leh Clegg te an ni a, an ni pahnih saw chu hunṭhalo tak a i hmuh te kha an ni nghe nghe a."

"Anni pahnih phei saw chu he thil ṭantirh aṭang a min pui bâwm tu te an ni a." Clegg phei chuan nuihmél put sawng pah hian Callie chu a rawn siai khum zauh a.


"An pahnih sawn tih ber bík pawh neilo in engkimah an in rawlh ṭhin a, ka main hits ber te an ni."


"Engtiang zâwng a hits in nge? midang that tûr bîk ang chi kha i tihna a ni ang maw?"


"Callie kha thil chung châng kha chu kan sawi dûn tawh ani lawm ni?" Dawhtheilo zet hian ka ti chhuak hrawih a.


"Oh, aw sawi tawh e." Hnuailam bawk chu amelh leh a.

"Anih ahnu engvâng a sawi nawn leh tûr a tih nge ka nih? Mi pângngâi pawi sawi lo chu kan that ngái lo ka tih tawh kha, chuvâng chuan kga thil kha sawi nawn leh tûrin min siam tawh lovang che." Ka ti leh hrâwk a.


Kan ngawih deuh vang vang hnu chuan, rawn phunchhuak sapin, "Ka chau deuh riau in ka hria." Ati ta a.


"Ok, tikhân kan zo thawkhat ani mai e, héng ho lo pawh hi members pawimawh tak tak an la awm a, mahse zaninah hna an neihloh avângin an rawn kal ve lo va, nakinah ila hmu mai ang."


"Aw le."


"Kal la i duh chuan han mu tawh rawh, naktûkah i chhânna chu ka lo beisei ang." Ka ti leh a.

Callie chu a room lama kal tûr chuan a inher a chu lai room chu a chhuahsan ta a.
Kei pawh chu bar lamah kalin intûr chu ka in thlit a.


Tanaeya leh Clegg leh Elizabeth te chu kilkhatah hian intur no dawmin an ding khâwm a, chutih lâi chuan Elizabeth chu rawn ṭawng chhuakin, "Ṭhian te u, saw hmeichhia nén sâwn eng inremna nge kan neih tâk le?" A thil intur dawm tem hlak hlak pah chuan a ti a.


"Ka hre bík lo, mahse hetah a chéng ve chu a nia."Tanaeya chuan alo ti a.


Elizabeth chu a phuzawk a, a thil inlâi chu a phuh teuh khèr mai, khuh deuh khak khak pah hian, "He penthouse chhûngah hian a chéng ve a maw?" Mak atih zia pawh a hmélah chuan alang thei. Mahse Trey hian tumah a penthouse ah hian a awm tîr ngai si lo." Zawhna zawh hmél zet hian a dinpui te pahnih chu a en tawn a.


Clegg chuan nuih chhuah vawr pah hian, "A hmanpui duh a ni mai alawm, Trey hian hmeichhia tumah affair aneih pui duh hlei ném, nangmah ngei pawh tiam in."


"Clegg ngawi chîp cham mai rawh!" Tih hlar pahin Elizabeth chuan thîp zet hian a melh râm rám a.


"A hma zawng pawh khân nangpawh a mutpui ve fo ṭhin che ani lawm ni, mahse eng atân mah atih zawm chuan loh che hi, Trey hian a mutpui ṭhin ang che, mahse heihi hre rawh, chumi aváng chuan, anupui atân aduh che tihna ani kher lo ania." A ti leh a.


Nuih khum sâwng chung chuan hmeichhe pahnih te chu akalsan ta daih a.


Elizabeth chuan Tanaeya chu melh lehin, "He nu hi kan nuaibo vat aṭulin ka hria." Tiin a sâwm pah deuh ti tih a.


Tanaeya ve thung chuan, phût deuh zawk pah hian, "I â ta em ni? Trey lakah hian engmah thuhrûk leh zéprûk aneih theihloh tih hi ka hrechiang tâwk tawh a, chuvâng chuan keizawng hethilah hian ka tel ve thei lo." Tiin Elizabeth chu a kalsan ta daih a.


Elizabeth chu atûm hmak mai a, aṭhianṭha neih ve chhun berin a chutia a ruahman siamna a han hnâwl sak chu alawm vak lém lo. A ṭha e, keimah pawn ka ti mai ang, he uihurnu hian ka lak aṭangin ka mipa hi min lâk sak hauh lovang. Tih ngaihtuahin a rilru chu a siamfel ta a.



TSEPNAYA REAKTSIYA   MAFIA ROMANCE CHAPTER 4
MANHATTAN WEST SIDE FIFTH AVENUE
TREY PENTHOUSE


CALLIE.....


 Ka room lam ka pan hnu chuan ka inngaihtuah vang vang a, ka rilru chu a buai khér mai, engthil chu nge ka tih tâk hrep ang le? Tualthah, drugs, mafia, chu chu an nunzia ani si a le, tiang nun hi ka tân ani ve lo a sin, mahse thlantûr ka nei em? Kawngdang a awm lul lo, lo duhlo sateh pawh nita ang ila, he hmun aṭang hian nungdama min chhuah kha atum lo ropui mai bawk si, chutilo pawhin nungdam chuan min lo chhuah ta tehréng nita ang sela, khawiah chuan nge maw kalna tur ka neih chuang ang le? In tih tur ka nei tawh lo a, pawisa lah chu ka nei hauh bawk silo, chu chu thuhran he hmunah hian ṭhian pawh ka nei lo a, chhûngte tih tur pawh ka nei hek lo.


An pawl ka zawm ve anih ngat chuan heti hian min hrilh em kha, mahni chauhin ka awm tawh ngâi lovang ti khân? Tûnah chuan pawisa leh chénna in ka nei thung a lawm le.


Oh ka buai tak zet zet, ka ngaihtuahna hnawk nuaih mai chu tih fîm tum zet hian ka chal chu ka béng deuh thak a.


Ham deuh bâi bâi pah hian, ka mu phawt ang a, naktûk lamah thutlûkna chu ka siam mai ang, ka ti ve ta hrâm a.


Ka thawmhnaw te chu hlîpin khum dûp nuam zet maiah chuan tui deuhin ka muhil leh ta bawrh bawrh a.


THE NEXT MORNING 7:30 am, IN CALLIE'S BEDROOM...


Ka mengchhuak chu khua alo èng leh iarh tawh mai, Ugh zîng ani leh reng tawh mai ka ti, khuma mu chung chuan.ka hâm deuh bâi bái a, thutlûkna engmah lah chu ka la siam lo zui, khum aṭang chuan peihlo zet hian ka ṭhu chhuak a, shower ka hmang phawt ang a, tichuan ka kawr hák te hi thlâk felin Trey hmu turin ka kal ngéi angai ang.


Rang zetin ka tho chhuak a, achhan chu thutlûkna tak ka siam hma in zawhna tlém zawhtur ka nei leh tlat! Trey shirt chu ka la ha ta reng a, achhan pawh zân mutna a hâk chi kawr ka neih miau loh avângin, ka nui chhuak sak a, ani pawhin pawi a tih lèm loh kha maw.



Bathroomah chuan lûtin tuilum chuan ka inphuhtir samg sang a, ka chhuah leh hnu chuan Tanaeya in kawr arawn ken zînga mi chu ka thlang chhuak a, ka sam chu mâm zet a khuihin ka thlah siau bawk a, inhnuai lamah chuan ka chhukthla ve ta a.


Kitchen lam chu ka pan dimg nghâl a, Trey chu alo awm leh diam tawh, he pa hi ka thawhkhalh thei ngâilo réng rèng, eng ang pawhin mu tlâi mahse athawh hun chu angái pât reng tho nihian ka hre ber,  mut amamawh ve vak lo a ni ngei ngei ang, breakfast ei mawlh mawlh pahin file hi alo bih leh ngur tawh a, va biakbuai chu ka hreh tak zet, mahse ka inti huaisen lui a,  a bulah chuan va kal hnáiin, "Hun rei lo té i nei lawk thei em?" Ka tichhuak ta sap a.


"Lo ṭhu phawt teh! A tho chhuak a, breakfast tur chu min rawn lâk sak a, kei pawh chu ṭhuthla ve nghâlin, min rawn en deuh reng hnu chuan, "Tûn aṭanga hun reilo té hnuah hian meeting pawimawh tak mai a awm a, chuvâng chuan hun rei tak erawh ka nei lovang."


"Meeting maw?" Breakfast chu ka ei pah malh malh a, coffee chu ka dâwt deuh khalh a.


"Supply chung chângah!"


"Drugs maw?"


"Silai maw le Callie," nin hmél zet hian a thaw kawk a, akun deuh ngûih bawk a, "Tûnah eng nge i duh chu sawi tawh rawh!" A ti leh nghut a.


Ka rilru a Drugs ringawt mai ka lo ngaihtuah chu hreawm ka ti leh hnuhnawh khèr mai, mahse silai pawh chu a, ka nèl chuang hauh lo. "Thutlûkna ka siam hma in thil pakhat tlém zawh leh lawk che ka duh a."



"Well, i ti deuh thuai thei ang chu ti raw?"


"Ka zawh duh che chu, ka rawn zawm dáwn che u anih chuan khawiah nge ka chèn ang?"


"Tûnah chuan hetah ka bulah hian i chéng rih ang."


"Tûnah maw?"


"Aw, tûnah rih chuan ni e, chuan rintlâk ini tih nangman vawikhat i proved hunah tah chuan ka ring ngam ang che.   Chumi hnuah chuan midang te ka tih ṭhin dán ang bawkin i intûr ka lei sak ang che." A ti ta a.


"In min leisak dawn a maw?" Makti zet hian ka meng kal a, ka kâ hau bawk a.


"Thil engkim ka hrilh che hi sawinawn angâi zèl khér em ni?" Min melh rûn a.


"Anih leh i hna min pèk chu lo ti thei ta lo ni ila?"


"I hnathawhna hmasak berah chuan hna harsa ka pe hauh lo ang che, i thawh theih táwk vél tur awlsam tak a ni bawk ang."


"A nih leh um..... A nih leh chûng mipa ho chu an rilru kawihthlék sak tum a ka thlém vélna tûrah chuan ka mutpui khér aṭûl ang em?"



"Uhh, kha chu i duh leh duhloh athu a ni e." A nui chhuak hawk a. "Hmun hlauhawma i awm anih chuan silent alarm i nei anga, nangmah ṭanpui tûr che in i bul hnaihah mipa pakhat an awm reng bawk ang, chu chu Clegg a nih duh hmél." A nui khi leh suk a, tûkin chu a mood ve deuh ani mai thei anui ve suk suk mai.


"Hna lam pangah chuan thawh phûr vak lo mah la, i tân engtik lâi pawhin ka in hawng reng ania, a dik em, min siai khum zauh a, amit meng vawt ruih a min rawn melhna chu tisa châkna ani chiang lutuk, a thusawi kal hmang pawh chu ka hai hauh lo.


"Chuti ang chu ka duh hauh lo."

"Hmeichhe nungchang ṭhat chhuang tak chu i ni ve deuh in ka hria, a ni em?"


"I tenawm hlè mai." Ka tihkhum ta hlar a. Thîp zet hian ka melh bawk a.


 "Hey, sex chu sex ani mai a, hetah hi chuan tu pawhin kan game khelh dân hi a fair viau a sin." A la ti leh ta deuh deuh, ka ngei tak zet zet, " Kan fair zia chu maw, mipa leh hmeichhia pawh nise tu te pawh, nawmna kan insiam tawn sak ve ve a, infiamna fair takah ka ngâi." A nui chhuak ta hawk hawk a, a ṭawngkam rawn phuhchhuah chu chaltlâi hle li se chuan a nuihmél chu tuiralna tham a tlung tak zet zet.


"Well, kei chu ka nive hauh lo mai!" Ka nui ve duh hauh lo thung!


"Chu zawng chu em ni? Ka kal tawh dáwn nia."


"La nilo deuh, thil pakhat, mi ka ti ná ang em?"


"Dawt sawi ka tum lo, tute pawh mai nunna hi risk ah a awm vek tih hi hria la ka duh, mahse nangmah hum him tûr che hian engkim erawh ka ti thung ang."


"Mahse chance erawh a awm ṭhin ti raw?"


"Chance chu a awm teh meuh mai, i kal chhuak anih pawh in car i hmang ṭhin bawk ang, chuan eng nge i ngaihdân chu ni ta le?" Tiin min melh deuh ngur a.


Mahse duhthlanna chu ka la siam fumfe thei lo tlat, "Khawngaihin meeting i neih zawha i rawn kîr leh hunah ka hrilh thei che ang em?" Tîm deuh tak si hian ka ti leh sap a.


In sehruh zet chung hian a rawn ṭawng chhuak a,"Hmeichhia, ka ngaihtuahna ah tih luh i tum deuh tihna em ni? i tân a pawi viau ang."



A ding chhuak a, mahse min enna mit erawh ala sawn hauh lo, "Zanin ah ka rawn kîr leh dawn a, chuan dinner eitur in kan chhuak ang, dinner kan eizawh hunah i chhánna pawh dawn ka inbeisei tawh ngei bawk ang." A ti leh a.


"Aw le." Ka ti ve sep a.


"Dar 7 ah lo inpeih ang che." Tih leh nghut pahin kitchen
aṭang chuan a kal chhuak ta nghâl a.


Trey kalchhuah hnu chuan Alex chu aroomah a awm nge awm lo ti in a room kawngkhâr chu ka kik karh karh a, mahse tumah min chhángtu an awm lo, ka lèt leh a TV living room ami chu ka on a, ka en ta mai mai a, chhún alo noh chuan eitur ka insiam a, mahni in ka ei a, ka eizo ka thil eina te ka sengfel leh hnu chuan muang chângin bathtab chu hmangin ka inbual a, chumi hnu chuan khumah ka mu ta vang vang a, ka harh leh meuh chuan khua pawh a lo tlái lam tuih tawh mai, ka hâm deuh bâi bái a, inti fai tûrin bathroom lam chu ka pan a, ka chhuah leh hnu chuan sana banga mi chu ka en deuh vang vang a, dar 7 a ri tép tawh, lo insiam peih vat chu ṭha in ka hre ta a.


Thawmhnaw pathum hâk tûr ka thlang chhuak a, pakhat chu ka ha tawh phawt a, kawrlum lampang fual hring duk raih mai chu ka thlang chhuak a, mahse ka maltè thleng ṭawng ṭawng chauh anu mai, mahse khawvawt hnuaia hâk atán alum nuam reuh viau ang, chuan restaurant a hâk atân pawn azahpui awm loh bawk, chu kawr chu ka thlang chhuak ta a, a hnuaiah legings dum ka ha leh bawk a, boot nalh zet mai adum tho rawngsâng chu ka in thawlh leh bawk a, ka sam chu mám taka khuihin ka thlah zân bawk a, a táwp berah chuan lipstick ka inhnawih a, ka inpeih ve ta a, darthlalang puma lantheihna ah chuan ka ding vang vang a, ka inthuamna ah chuan ka lung a áwi táwk viau. Mahse Trey chu dinner ka eichhuah pui dawn chu ania, a thutak rûn leh amaw te kha ani ngéi bawk ang a, ka zám kher mai.


A mah erawh chu eng emaw tak amah ah chuan hlimawmna riau hi awm tel tlata hriatna chhûngril lamah ka nei tlat, achhan ni bera lang ta chu he pa hi a hot èm vángah ka puh lo thei lo, ni e, a hmél ṭha zet leh amize pá zet hian hmeichhe ho chu a hîp lo thei lo, chumi zîngah chuan kei ngéi pawh hi ka bàng bîk hauh lo .


Mahse engváng a thinrim hmèl hi pu rûn reng mai nge a nih ang? A thinrim hmél hi chu ka hre tawh viau, a hmél hi alang hriam sawt a, a khaberuh chu a lang kî leh zual ṭhin bawk a, amit ko chu a ti hniam ruih a, a thutak rûn bawk a, nelawm lo leh vawt ruih in min melh rûn bawk ang a, chutah a aw vawt ruih chuan, 'Callie ka thusawi chu i ngáithla em?' A ti leh deuh kher bawk ang a, 'Callie kha chu i hre tawh a ni lawm ni? Thil sawi nawn sawinawn tûr hian min siam suh!' A ti leh ngèi bawk ang a.


"Oh, i ṭawngkam hi chu a kha ve ṭhin takzet a lawm Trey mawngkaw lian pa."


"Callie rawn che vat vat mai teh, hrep tak chuan."ti a,ka room páwn atang a Trey in a rawn tih leh tuarh tâkah chuan, " Ka lo kal nghâl!" Ti a chhângin ka room atang chuan ka chhuak ta thuai a.


Inhnuai kan chhukthla dún pâwn kan chhuak chiah tih chuan, limousine car dumnalh tak tle zat mai hian min lo nghâk reng tawh a, Trey chuan akawngkhâr chu min hawn sak a, ka ṭhutluh hnu chuan a rawn ṭhulût veleh a, car chuan kan tawlh chhuak ta zâl zâl a.


Khawilo kal vél nân mai mai pawh lomousine a hman theih chuan eng ang chiah a pawisa ngah nge anih tih pawh ka chhût thiam lo, " Thutlûkna pawh i la siam lo ang ti raw, ani em?" Mi pawh en hleilo chuan a ti chhuak sup a.


"La siam miah lo."

"Callie dinner eichhúng zawng hun i la nei a lawm ti raw?" Min tih elkhum nge ni a, min hriatnawn tir leh tih pawh ka thliarhrang thiam lo.


A thusawi chu a chhunzawm leh supin, "Min nghahtir reng lo in i siam vat tûrah ka ngai hmiah! Achhan chu heti lam pang hi chu ka dawhtheihna lam ani hauhlo a nia." A ti ta a.


Kei ve thungin a ka lo ngaihtuah zâwk tak chu a landân a hmélput hmang leh arim zet chu a hot tak zet tih hi ka ngaihtuah mah mah záwk, chu arim tui zet mai leh pâ zet chuan ka ngaihtuahna zawng zawng a ti buainuaih hian ka hria.


Oh Callie i mal leh châwn vél a khúpin a rawn nâwk tel leh nghâl, engtin nge rilru fîm chu i phut theih teh lul ang le?


Ani ngei pawh hi hetia kan taksa han innâwk vel ah hian ka awm ang tho hian a awm ve ka ring, tih chu ka ngaihtuah pah neuh neuh a, chuti ang lam pang hlìr chu ka ngaihtuah lo thei lo tlat, chu ka thil ngaihtuah avâng chuan ka nui ri chhuak ta hak a.


"Eng nge thil nuihzatthlâk a awm em ni?"


Ka nui chu ka tâwp hmak, "Âih awmlo ve."


TREY POV....


Damn he nu zet hi chu ngaihtuahna tibuai tu a va han ni chiang tak, a taksa ka tawh vélna chu a haider nge amah ah keimah ang zet hian effect a nri ve lo zâwk, ka kut chuan chu a taksa nél thep mai lapua ang mai a ném zet tûr chu hrâwm sak bawrh bawrh ka châk tak zet zet, mahse anu chu hmeichhe awm ṭha duh lo duh hun hun a sex hmang ṭhîn ang chi hi a ni hauh si lo, chu chu kan inang lohna chu ani, mi relationship neihpui a ngaihzâwng nghet tak nei mi ani tih ka hriatna chuan keimahah tîmna min pe tel tlat, heti ang kawng lama ka chhaih fiam zauh châng hian a thutak thei ĕm mai, hetiang a ka chunga beiseina nei tûr ho hi chu ka kawp duh vak lo, Elizabeth pawh khân chuti ang chu a beisei avânga kawp duh talo kha ka nia, chulovah kan pâwlah arawn inpe tawh bawk nén, tûnah te pawh mitmei chu mila hmuh zauh zauh reng a, mahse ka ngaihven peih tawh lo ani. Chuti ang mipa relationship nei chi chu ka ni ve tlat lo, Callie hi a duhawm ém ém a, min híp lutuk bawk, mahse kan dân ahriat fumfe hunah chauh ka duh ang thâlin ka la 'Bang'  ve ang chu.

He pâwla Callie ka awmtîrna chhan ber pakhat chu nawm chenna atána ka duh vâng a ni pakhat bawk, vawihnih vawi thum ka hmanpui hnuah chuan he ka ngaihtuahna aṭang hian ka dahbo thei tawh mai ang tih chu ka ngaihdán a ni, mahse engvâng a humhim chu duhtlat nge ka nih erawh ka inhrethiam lo, ahmél hmulo hian darkar khat lek pawh ka awm thei lo hial mai, vawiin ni zet ang te kha God kum sáng sáwm zet niin ka hre hial mai.


RUSSIAN SAMOVAR RESTAURANT 8:00 pm

CALLIE....


Restaurant pui zet bulah chuan car chu a ding ta a, Trey chu chhuak hmasa in ka chhuahna tur chuan kawngkhâr chu min lo hawnsak a, resttaurant pui zet chhûngah chuan min luh pui ta a, waiter pakhat chuan min hmuh veleh kan lam panin arawn kal thuai a, "Boss kan inhmu chu ka lawm hle mai!" Tiin chibai mi bûk nân chuan a kûn deuh zauh a.

"Kan dawhkán tûr kha min lo hauh sak ta em?" Trey chuan a ti nghâl a.


"Tehréng mai helamah hian." Tiin a kal ta nghâl a, keini pawh chuan ahnungah chuan kan zui a, min hruaina hmun chu hmundang âia to zet bîk tûr hi ani a, chûng dawhkân ho phei chu mihausa tak lo chuan an hauh pha hlek lo ang, hmun kil khâwr lam pang midang ho tâna hmuh awlsam theihlohna hmunah chuan kan ṭhu dûn a, waiter chuan," Sir eng nge ka rawn lâk ang che u?"


"Beef steak kha min rawn lâk dawn nia." Trey chuan ati a.


"Sir chuan intur lampang le?"


"Schotch on the rocks ka lo duh ang."


"Miss nang eng nge ka rawn lâk sak ang che?" Ka lam chu a rawn hawi a.


Menu chu ka enkual chiam chiam a, thlantûr réng réng ka hre lo, ka rilru chu abuai hle mai, engber nge ka thlan ang?


"Um....."

Umh.....ka thlan chu......"

"Eitur chu order hrep ta che." A ti chhuak leh ta hrâwk a, heti anga awm hi a duh hauh lo tih pawh ka hre tawh, mahse ka awm lo thei lo.


A lamah chuan va âwn pheiin zâwi te hian,"Engkim mai hi ato hlawm lutuk a, ka chah ngam lo alawm." Ka ti ta sâ sâ a.


A rûm chhuak hrawih a, "Chutiangah buai duh suh! Ka restaurant anih hi!"


"Oh," waiter lam chu chapo zet hian ka hawi phei a, "Chuti anih chuan lobster ka duh anga, chuan champagne manto ber chi glass kha ka lo duh bawk ang chu." Waiter chu a bu zauh a akal ta nghâl a, Trey lam chu hawiin ,"ka thil lam ho kha pawi i ti vak loh ka beuseu!" Ka mit chu ka siai khum deuh sak a.


Ani erawh chuan min melh rum ngang mai, kan eitûr te chu arawn thleng hi ani nghâl mai a, kan ei nghâl ta mawlh mawlh a, an thilsiam réng réng chu atui hnâiin ahmél ringawt pawh nilo in atui hlawm tak zet, chutiang zeta tui chu ka ei pawh ka la hre lo, ka hausak hunah chuan he hmun ngriah hian eitûrin ka kal ṭhin ngèi ngéi ang ka ti hial, mahse kan thil ei pawh kan zo dawn ta mai si a, cgampagne bottle khat chu ka in zo vek a, ka inruah tawhna chu ka kutin ka tuai pah neuh neuh bawk a, tûnah chuan ka thutlûkna pawh sawi chhuah ahun ta tak zet e.


Trey chuan mit meng zîm sen sawn taka mi rawn rûn melh pahin, "Chuan engtin nge ni dawn ta?" A rawn ti a, a hmél put hmang chuan min ti chiai leh nghâl der tawh, ka thusawi chu hriatkim loh hlâu tak te pawh a ang mah zâwk.


"Ka rawn zawm duh e." Tiin ka chhâng ve ta sap a.


Thâwk lâkhalh pah hian, ka thusawi chu chhunzawmin, "He thil hi thlang lo pawh ni ila ka thi dawn tho si a, chu vâng chuan duhthlantûr dang ka neilo." Ka ti leh khér a.


"Anih te chuan thutlûkna isiam chu adik tihna ani mai a lawm." Ka thusawi hnuhnûng zâwk chu a hre der nge angâi pawimawh lo ve hrim hrim? Mawngkaw liana mai mai chu(h)! Tunge naupang taka thih duh ang a.


"Phone call hman lawk ka duh a, ka reilo ang." tiin a ding chhuak nghâl a.


Pâwnah ka lo nghâk ang che, boruak thiang dawn lawk ka duh a." Ti a chhângin ka dingchhuak ve nghâl a, ka lú chu a hai deuh chiai chiai hian ka hria a, Trey chu ka va su ṭhelh mai leh nghâl a, min lo dawm vat a, "I ṭha maw?" A aw chu a rilruih a, a thâwp deuh sat hian ka hre nghe nghe, "Ka ṭha veleh mai ang, hei vâng hi ania, boruak thiang dawn ka duh chhan chu!" Tiin mengphí chiai chung hian ka melh chho ve a.


"Ui hian butter an eithei miah lo a sin, an luakchhuak leh zél ṭhin!" A rawn ti deuh khér a, min nuihsawh hmél hi a pu bawk a, ka haw kher mai a thu sawi dân chu, ni e, angaihdán chuan a ni maithei, mahse chuti ang mi chu ka ni hauh lo, ka champagne manto invâng pawh nilo in, intur lam pang hi ka tih ngái vakloh vâng záwk a ni si a.


Pâwnlama pen chhuah chhat chhat pah hian, "Kha ka thutlúkna siamah khân ka inchhir leh loh hrâm ka beisei, ka ti rilru pah neuh neuh a.


Páwn boruak vawt var mai chuan ka lu rit lûk leh hai deuh hlek pawh chu ati ziaawm viau mai, tûnah chuan rilru fîm pawh ka pu leh thei tawh a lawm, boruak vawt tak chu ka hîp lût raih raih a, ka din rei deuh hnu phei chuan vawt ka ti ṭan ta hial mai, a va rei ta èm ém ve maw le!


Kha ka Champagne chak zet inkhân tûnah chuan ka mut ati chhuak ṭan tlat, ka hám deuh bâi bâi a.


Well, well, well, well, hei tunge le, heta lo ding hi?" Chu aw ka hriat ṭhan tak mai, chang fal mai leh chhâng deuh hlek thâm lam pang ka hriat chuan rang zet hian ka inher vat a, Dillon chu ka hmachhawn ta siah a, Dillon hi sambuang ukkhak mai nei niin, amitmu hi a fîm ral a, grey mitmu rawng neiin a thinrim phei chuan vuram a luitui khal rawng ang mai hian a fîm ral thei ṭhin, tûnah ngéi pawh hian chuti ang rawng chuan ani min en leh tawh.


"Dillon?! Ka phuzawk a, chu hmunah chuan hmuh ka inring hauh lo, ka khûr zawih zawih a, engvânga la hláu reng nge maw ka nih pawh ka hre lo, kan inkawp lâia kut minthlâk ṭhin vâng te pawh kha ani mai thei ani.


"Nawhchizuar hmeichhia ang mai a, eng nge i ngaihtuah a, khatianga i han inthuam réng rèng chu le?"


Oh ka thawmhnaw inbel chu atân chuan ani khawp ang le, mahse tûnah chuan ka duh duh ka inbel ve thei tawh alawm, eng nge ka inbel ang a, eng nge ka inbel loh tur tih ah alo buaive na túr a awm tawh lo, mahse ka la hlâu tho mai, ka ngawi reng a ka chhâng hauh lo, ka khûr ru der der a, ka ká chu achih tlat.


 "Khawiah nge i chén hrep tawh a? Ka zawng nasa lutuk tawh che." A ti leh khur khur a, amitmeng chu athinrim ém avâng chuan a rawn páwng chhuak nihialin ka hria, min khawih leh duh mai thei ani, chumi tûr chuan ka lo invén lâwk pawh tûlin ka hria, inring reng a ka awm chu a ngâi ang.


A táwpa tâwpah chuan, "Dillon, kan inkar chu atâwp tawh kha." Ka ti chhak ve ta hrâm a, ka hmûi chu ka khut khûr dar dar chuan ka hup deuh châwih a.


"Khatiang khân min chhânglèt ngam a maw? A kut chu a hûm ruh nghâl a, ka kut chuan ka lo indang dai nghâl a, thunrim zet leh ha chang ṭhial rawp rawp pah hian, "Ka ben i duh leh deuh em ni?" A ti leh khur khur a.


"Thihna hmun túr i rawn zawng tih na em ni?"

Chu aw rilruih mai leh vawt ruih mai rawn chhuahna lam chu kan hawi phei dún vat a, Trey chu kan hnung deuh maiah hian a lo ding reng tawh a, amit chu a meng zîm sun a, a meng vawt ruih bawk a, a thusawi chu a tiduh ngéi ang tih amitmengah chuan a hriat theih. "Ka girlfriend ani a, arim ilo hnimna aṭang khân i hnârkha lasawn vat mai rawh nang sâwnchhe pa!" Dillon chuan zám map lo hian a ti lèt khur khur a.


Trey a awm tâk aváng chuan tlémin ka thlâ chu amuang ve ta sawt a, "Dillon i girlfriend ka ni tawh lo." Ka ti nguai raih a.

Trey chu rawn kalin Dillon nen kan inkârah chuan hlâu miahlo in a rawn ding a, a hnung chuan min phén pah bawk a, "Dillon maw eh? Ui ang mai a, hmeichhia khawih ṭhin kha maw i nih a?"A ti leh sup a.


Chûngthil te chu engtin nge maw a lo hriat leh hman tawh ni?


"Khatiang a hmeichhe der thâwng zâwk i sawisak lâi khân engtin nge i awm ṭhin ang le ?" Trey chuan ati leh nghut a.


Dillon chuan thinrim zet hian, "Hethilah hian ilo inrawlh ve na tûr a awm miah lo." A ti keh khur khur a.


"Ka hmeichhia ani a, ka kawp lâi ani bawk, chumi ah chuan la lo inrawlh lo ang maw?"


"I hmeichhe kawp lái â ni a?" Fillon hmélah chuan maktih na hi ka hmu a, chuti ang zet chuan kei pawh chuan mak ka ti ve tho .


"Chu chu ka sawi chu ani a lawm, anilawm ni?" Trey bawk chuan ati leh nghut a.


"Tu pawh nila ka hlâu hauh lo che."

"I hlauh chu angai ngéi ang, achhan chu phone call vawikhat ka hmang anih ngat chuan, kha i sakhmél chhe zawr zet kha hmuhleh ani ngâi tawh lo ang." Trey chuan thinrim zet hian ati ve ta khur khur a, Trey chu ka hrechiang a athusawi chu athleng tak tak ang tih pawh ka hria, amân aduh leh duhlohah a innghat ani chauh zâwk, Dillon pawh ka hre chiang hlè a, mahni áia chaklo te chunga inlák vung chîng tak ani a, a âia thiltithei zâwk te'n tlâwmtaka ansiam hian a ngaithei lova, chu chu midang atawrh tir leh ṭhin ani, chuan anunna atána hlauhawm thilah chuan ui angmai a dâwihzep leh mei khupin a kalsawn zûl zûl ṭhin bawk.


"Hei hi ala táwp hauh lo." Dillon chuan ti ve nghutin hreh tak leh engmah sawi keh ngam tawh lo chuan min kalsan dûn ta a.


Trey chuan ka lam chu rawn hawiin, "I ṭha maw?" Min rawn ti sup a.


"Ka hlâu tak zet!" Tiin Trey chu ka va kuah nghâl a, mahse Trey chuan min lo namsawn vata, "Whoa, whoa, kan kal vat angâi!" tiin min kal pèl a, car lo dinna lam chu min pansan ta daih a.

Ka hawihâi khér mai, thâwk ka la halh a, Car bul athlen chuan, "Hmanhmawh rawh a vawt ania." Tiin min râwn áu la zûi a, ka haw tak zet zet.


Thinrim zet chuan car awmna lampan chuan ka phei ve ta a, inlamah kan inkhalh haw leh a, inkan thlen thleng chuan kan in beleh tawh lo réng réng, ka room lamah chuan ngawi rengin ka luhsan a ka mu ta daih a.