THE CONTRACT CHAPTER NINE

THE CONTRACT CHAPTER NINE

RICHARD...

Ka thaw ta huai a, ka tana hlauhawm zualpui chuan min kiansan ta ni hian ka hria.

"Ka lo thlah ang che."

A lu a thing deuh nak a, a ngailo ang tih a sawina ah ka ngai, mahse a sawi chhuak lem lo. "Katharine ka nun khawlo te ka sim dawn tiin kan sawi dun tawh kha, ka va thlah ang che, naktuk hi ni huhphurh awm zet leh pawimawh tak tak leh nirei tak a ni dawn si a."

"Fine."

Ka jacket chu la in ka inbel nghal sawk sawk a, kawngkhar chu atân hawnsak pahin leh ka plan dan anglo taka ka life a inthlâk thleng dawn ani tih hre rán chung chuan.

Hei chauh hi ka beisei, heti anga ka tih chhan hi ka tân vek a ni tih hi!

CHAPTER NINE

RICHARD

Katharine ina a sawi dan ang chuan a inlam panin kan inkhalh chhuak ta a, kalkawng a kan tlán chhung zawng chuan a tu amah  chu inbe lem lo in kan ngawi dûn ngar a, a chenna a sawi hmun chu a hla hran lem lo, ka ṭhenawm deuh lawk ni hian ka hre mai, inram angmai hlui zet tawh bula ka car min tih din tir avâng chuan ka mood a tichhe zo nghal vek, Katharine lam chu ka hawi phei a, "Hei hi maw i chenna in chu?"

A lu a bu pah zeuh a, "Nilo, he mi inchhungah hian apartment angin ka luah hawh."

Chu hmunah chuan ka car chu park in, ka seat belt vuah chu ka phelh nghal a, "Min han entir ta che."

Kan kawng zawh lai lungrem rualrem lo zet an hman na ah chuan ka zui phei ve zel a, kawngkhar chu chahbi a vawihnih a herh kual hnu chuan a ri ta khap a, ka let leh lamah pawh ka car tire a chhun pawp loh hram ka beisei, a nihna takah chuan he hmunah pawh hian car chu a awm ve ngei turah ngai ang.

Ka ngaihdan chu zèp si se pawh ṭul ka ti hran lo, chu hmun chu apartment tur a sak pawh hi a ang lo a, eng emaw studio niâwm tak ni  a hriatna te ka nei bawk, ka ngaihtuah fe hnu pawhin apartment anih na âwm reng reng ka la hmu ta chuang lo, ka rindan berah chuan bawlhlawh leh thildang dahkhawmna hmun nimai in ka hria, inchhung kan luh hnu chuan chu hmunah chuan engthil mah mit han la tak tur hmuh ka neilo hrim hrim, room chhung a ka furniture hmuh awmchhun te chu khum roll theih chi roll a ṭhuthleng nipah bawk ang leh chair hlui zet tawh pakhat leh desk ang reng deuh office a kan hman ang deuh chi table ni nghal hlui zet tawh chauh hi chu room chhunga ka furniture hmuh chhun chu a ni.

Kitchen lam a ni ngei ang, fridge te a hmel en rîk ngawt pawh a ṭha tawh lo tih hriat zet awmna bulah thing phek dah chawp chungah chuan hot plate hi a awm a, kitchen niturah ka ruat tawp a hranpa in kitchen room a awm hran lo, kilkhatah chuan a suit rawn hák ṭhin ṭhing zet zet chu tam tawk hi hanger in a inkhai a, chu chu a wardrope a ni ngei bawk ang.

Room kawngkhar lo inkhar khap pakhat lam chu pan pheiin ka nem hawng deuh da da a, bathroom te lutuk tak mai leh chèp zet hi ka va hmu a, chuti ang bathroom ang chi chu ka hmang ngai lo ang tih ka chiang khawp mai, kawngkhar chu khar ṭha lehin Katharine lam hawi chuan ka inher ta a, ani chuan a mitmenga zámna a khat chung hian min lo thlir reng a.

Chuti ang mitmeng pawh chu pu mahse keimah ah danglamna chhe te mah a neih phah hauh lo .

A lam chu pan pheiin ka va hnaih a, a ni chu milim ang mai hian a che hauh lo thung, "Problem eng emaw ka hriat tur áwm ang chi te a awm em?"

"Ka hrethiam hauh lo."

"Drug problem emaw thildang addict ang chi te hi i nei chu a ni em lo maw? A taksa cher tak leh dawldang zet chu rinhlelhna akhat hian ka melh chhuk ngur a.

"Eng maw?" Harsa ti zeta rawn tih chhuah pah chuan a kutin a âwm chu a dawm a.

Ka kut chu vai zuai pah hian, "Engvanga heti ang hmun bawlhhlawh .....church sazu ang mai a rethei tak a cheng nge i nih chhan? Heti ang hmun nilo ah hian i hlawhin i chèng thei reng ani tih pawh ka hria, engah nge i pawisa te kha i hman ṭhin?"

Thinrim mit meng a mi rawn melh chhoh rám rám pah hian, "Drug problem ka nei lo, ka pawisa te chu thil pawimawh záwk ah ka hmang ṭhin, khawiah nge ka riah ṭhin tih hi ka ngai pawimawh ber lo."

Melh chhuk lét ve ngur pah hian, "Ka tan erawh a pawimawh thung, he hmunah hian i chèng leh ngai tawh lo ang, i bawlhlawh ho te kga pack vat vat rawh tûnah."

A kut chuan a mal chu a bèng thak a,

"Ka ti dawn lo."


Ka pan hnai leh a, alo tawlh hnung hrat thung, room chu a tĕ deuh lua chu a ni e, a hnunglam chu bang a ni der tawh, a kut pakhat zawk chu hmerin chung lama dah sak pah chuan injection na hnuhma a awm nge awmlo tih chu ka en sak a, a mit mengah chuan a thunrim hle tih chu a chiang reng.

"Richard hriau hnuhma i hmu lo ang." Vin zeta tiin a kut ka hmer lai chu a phih nghal sawk a, "Drugs ka ti ngailo a, ka zu ngai bawk hek lo, ka hìp ngailo bawk, heti ang thil hi ka taksa ah a la lût ngailo hrim hrim, i duh táwk em? Nge bur chhungah ka zung anga i entir duh?"

"No, tuna tân chuan i thusawi chu ka ring phawt mai ang e, a marawh chu dawt i sawi a ni tih ka hrechhuak anih vaih chuan hre rawh kan deal kha a tâwp nghal vek ang ."

"Dawt ka sawi lo."

Zawimuang chuan ka inher a, "Fine, tuna sawi hun a ni rih lo, nakinah kan la sawifel dawn nia....mahse zanin a ṭang hian he hmun hi i chhuahsan nghal tur a ni. Heti ang hmunah hian i cheng a ni tih hi Grahama'n a hriat chhuah  ka duh lo.
"I ngaih dan ang nilo in he hna hi lo hmuta lo ni ta ang la, nih leh engtin nge ka tih tâk ang? I bulah min chèntir duh reng dawn em ni?"




Ka nui chhuak hawk a, a sawi dik tlat mai, "Tuna i account a ka pawisa pèk che aṭang pawh khân, heti ang hmun nilo ah chuan i chèng thei ang chu!" Ka hawi kual leh thuak thuak a, heng furniture ho hi chu i rawn keng tel loh hram ka beisei."

"Ka tâ a ni hleinem."

"Thank God." Ka thaw nghal huai a.

"Min hmusit hle mai, i hria em? A hlui deuh tawh viau achu a fai vek tih kha hria ang che.".

Ka pawm ngei a ngai ang, chu room chu a zím viau achu a fâi hle thung a .....mahse ahma a ka ngaihdan erawh ka sawhsawn phah chuang lo.

"Heng box ho hi kan la tel ve nghal dawn em, i tana ṭangkai tur thil tah hian a tel em?"

"Yes." A ner pah sak a, "Box ho kha a tel ve ngei tur a ni.

"Fine, back seat lamah kan dah mai dawn nia, chuan i wardrope kha chu trunk ah a khung theih ang, thildang i la nei em?".

"Ka personal thil tlem azawng a ni tawh mai."

A bedroom anga a neih hmun lam chu panin laundry a tana hman plastic bawm chu ka chhir phei sak a,  "Tah hian i mamawh ho chu
dah mai rawh, chuan eitur i neih ang ho zawng zawng pawh kha paih nghal vek ang che."

A hmela maktih zetna a khat chung hian min enchho a, "Chuti ang ei tur paih tur chu ka nei lo, muffins tlem azawng tih loh chu!"

Ka thaw chhuak hrawih a, "Eitur lamah leh zel pawh problem i nei tihna maw ni a? Hei váng anih hi i chér chhiat hrep ni."

A thle pah zeuh a, "Hetia nelawmna reng neilo hian em ni ka bulah i awm reng ṭhin dawn, nge mipui hma ah chauh inngeih tak angin kan awm záwk dawn?"

Box pakhat chu chawi chhuah sak chung hian, "I la hre chhuak mai ang, tunah chuan i thil ho kha tifel thuai mai rawh, hetah hian i kir leh tawh dawn lo."

In kan thlen hnu chuan ka box lak ho chu guest room lam panin hawngin ka dah lut a, vawihnih enaw vawithum vel kan vei hnu chuan engkim chu ka dan lût thei Nghal vek bawk. Kan pahnih in kan kal chhuak dun a, chumi hnu ah, abungrua kan lâk fai sak vek chu a nia le.

"Katharine min ring rawh, hei hi i tan a ṭhatna ber tur a ni, tun aṭang chuan midangin in awm dun tawh em ti a anzawh che chuan aw tiin i chhang thei tawh ang."

"I remruatna hi a hlawhtlinglo anih chuan ka chhe vek ani mai.

"He hna hi hmu lo ta pawh ni ila, company ka chhuahsan dawn tho avângin i life chu a chhe sa dawn dawn tho a, David hian a company ka chhuahsan a vang hian a ring dawn tawh chuang lo che a, a ban che anih chuan engmah i nih phah chuang lo ang, mahse kei chuan i hna tur ka la buaipui sak zawk che a, ka sum pek che avâng khan harsa lo takin leh tuna i in  luah ang chi nilo kha i luah dawn tho a, eng pawh chu ni ta ang se, tuna i dinhmun ai chuan ala ṭha zawk tho tho ang."

"Buaina thlen hma chuan ka condo chhungah hian thuneihna i nei vek tho a, nangman nuam i tihdan ang takin i chei thei, ka hnathawhna room tih loah chuan, i duh duh danin i ti danglam thei ang, chu bâkah pool a awm a, chuan, spa area a awm bawk a, luxurious bathroom a awm a, nuam i tihdan ang thâlin i khawsa thei ang."

"Bathroom ah chuan bathub a awm em?" Inthlahrun hmel tak chuan min zâwt a.

Phûr zet leh nuam ti fe chung hian bathroom kawngkhar chu ka hawng nghal a, chu thil a hmuh veleh chuan, ahmel put dan chu  éng chhuak nghal in, a mitmeng pawh chu âwihawm loh khawpin blue colour ka hmuh tawh a zawnga mawi ber tur hian a de sar sar bawk a. "Katharine i tân vek a ni e, he hmun hi i duh dan ang angin i hmang thei ang."

"Ka lo tum dawn nia."

Kawngkhar lam chu ka pan phei a, "Katharine mahni in angtaka ngaiin hahdam takin mu ang che, naktuk hi tunkar chhung zawnga kan ni pawimawh leh ni rei ber nî tur a ni dawn si a."Hetiang chung chang thu hi sawi chhuah ka hreh viau a chu, ka tih ngei erawh a ngai in ka hria, "Good night Katharine ." Ti in ka phun khum sup a, mahse he ka thil tih hi chu ka kal tlang pui ngei angai ang.

"Good nihht Richard." Ti a min chhân let hnu chuan ka kalsan ta a. 

Zanin pawh ka rawn dah tam thei lo, ka u te in a kâng a, kan buai thei lutik a, mahse tlawmngai a min lo chhiarsak hram hram a vang erawh chuan in chungah lawmthu sawi senloh ka ba ni in ka hria, naktuk erawh kan buai deuh dawn a, ka rawn dah theih ka ring lo.Chuan fakna milem kha min hmeh sal a seconf sawm tal kan enkual ve hram.hram.dawn nia.

THE CONTRACT CHAPTER 8

THE CONTRACT
CHAPTER 8

RICHARD....

A tukzing office kan kal leh hnu pawh chuan engmah thlenglo ang maiin kan awm dún a, Miss Elliott chuan ka tan coffee leh bagel chu  fímkhur zet a rawn chawi lûtin, ka desk ah chuan a rawn húng a, chumi ni ka schedule neih te a enkual hnu ah office pawn lamah meeting pahnih ka neih thu min hrilh a .


"Vawiin chawhnu chu office lamah ka rawn kir leh tawh lo ang."


A note book a en laia ahmel chu hriatthiam a har kher mai, "I shedule ah chuan kha bak kha hna a awm tawh lo." Tih pah a awka chhuak chu a chiang vak lem lo.


"Keima hna chung chang ka insiam sak tawh, darhnih hian ka personal business lamah ka kal a ngai dawn a, chawhnu lamah chuan office ka rawn kal leh tawh lo ang, nang pawhin chawlh lo la ang che."

"Ka hrethiam hauh lo mai?"


Tháwk huai pah hian, "Miss Elliott English i hrethiam na nge? Chawhnu lam chu chawlh la rawh ka tia nia."


"Mahse......"


Makti taka min rawn melhna chu en lèt ve in, zawi sup hian, "Chawhnu lam chawlh chu lo la rawh, chuan ka chenna hmunah khan dar sarih ah aw?"


A Tháw chhuak deuh halh a, "Ok."


"Business thil ah tlai lam hna a rawn thleng anih chuan min rawn text mai dawn nia, a nih loh leh chung thil chuan a nghak thei tho a nia."

A bu leh nghat a, "Ka hrethiam e."

Kan company ah hian kan email thleng thlengin an chhui ru vek ngei dawn tih hi thil chiang sa ah ka ngai, chumi tur chuan kei chuan keima cellphone ngei ka nei a, heti ang thil ah reng reng hian chhui chhuah theih theihna chamce ka pe duh lo, ka mimal phone number pawh hi mi tlemte in min hriat sak a, Miss Elliott erawh chuan ama mimal cellphone a nei ang em tih erawh ka chiang ngam lo, chuti ang thil chu aneih pawh ka ring lem lo bawk, thildang ka tih fel pahin he mi chung chang pawh hi ka tihfel a ngai ngei ang le.


"I kal thei ang." Tiin ka chawlh tir ta a.

A kal chhuah hma chuan a note pad chhah zet leh envelope chu desk ah chuan a rem ṭha mawlh mawlh a, engmah sawi leh tawh lo in a bag akin a kal chhuak ta nghal a, bagel chu plate achhawpna  aṭanga la in ka keih nghal a, coffee ka inchhunzawm nghal zat, bagel chu a dahna plate ngaiah chuan ka dah leh a, Miss Elliott in a akalsan tâk envelope chu banin ka hawng nghal a, achhunga lehkha inthlep chu pharhin ka en ta a, a ma chung chang thu a list a siam hi alo ni a, a rindanin ka hriat ngaiah a ruat pawh a ni ngei ang, in date tur te pawh kan ang ka ti lek lek, a tlangpui thu in a rawng duh zawng, a music ngainat zawng, a chaw duh zawng te leh a duhzawng leh duhloh zawng ani tlângpui hlawm a.


Idea ṭha tak chu a ni in ka hria, hei hian zanin a kan thusawi ninawm tak tur lakah min ven theih ngei ka beisei, kei pawhin a tân heti ang thil hi ka la ziah sak ve ngei chu a ngai ngei ang.


Chu a list rawn ziahna paper chu thlep ṭha leh in, ka suit hâk ipte ah chuan ka ak ṭha ta daih a, waiting roomah nilengin ka ṭhu char char a.... thil eng emaw tak min ti buai tu awm tlata hriatna ka nei bawk.


Miss Elliott pawh a hun rawn vawng dik chatin dar sarih ah chiah chiah a rawn thleng ve bawk a, lut tura ti in a luhna tur kawng ka kian nghal a, a jacket rawn hâk chu phelhsakin ka bân ṭhat sak nghal bawk a, chu tih lai chhung zawng chu a reh ṭha vung vung kher mai.


Kitchen lama counter awmna ah chuan hruai pheiin a kutah wine glass thlitsa chu ka hlân nghal a, "Chinese food ka lo order a."

"I tih kher a ngai lo a sin."

"Ei leh in siam tur chuan min ring duh lem suh." Ka chek pah hluk a, "Kitchen hi him damin a chhuak lo palh ang e."


"Eirawng bawl hi nuam ka ti ṭhin viau a sin." A nui tawi deuh tak a.


Chu chuan kan thil tih ṭan turah chuan hun ṭha tak a her chhuah pui ngei pawh ka ring.


Ṭhuthlengah chuan ṭhu thla ve nghalin, ka bul maia file awm chu ka pharh ve nghal a, "Vawiin khan kan pahnih atan a kan contract tur ka siam a,i chhiar ve ngei a ngai ang."


"Okay.!


"Chuan thil i rawn ziah ang khan keima chung chang pawh ka ziak ve bawk a, chu pawh chu i chhiarchhuah ve a ngai ang, chuan kan pahnih chung chang thil hi kan kan in hriat chian tawn sak viau pawh a ngai ang."


Búk leh nghat pahin ka envelope pèk chu alo ban a, envelope dang pakhat pèk leh pahin, "Hei hi i first payment a ni nghal ang."


Envolope chu la nghal ta mai lo chuan a thlìr deuh vang vang a.

"La rawh, engkim tih felfai sa vekin a awm."


Envelope chu ala la ta lo fo.


"Miss Elliott i lâk loh chuan thil kan ti ṭan thei nâng."

Lungawiloh hmel zet hian min melh pah râ a.


Envelope chu ka nawr hnâi pah sauh a, "Katharine hei hi i hna a tân a ni a, la ringawt mai rawh."


A tâwpah chuan ala ve ta hram a, mahse achhungah chuan eng thil nge awm tih pawh en tum hian a lang chuang lo.


"Naktuk aṭang hian i office hna hi bânsan tawh la ka duh.


"Ngati maw?" A hmel chu ka melh phei zauh a, chu zawhna min zawh lai chuan a ṭi deuh dai hian ka hre bawk.


"He thil hi kan ti dun dawn anih chuan, thil pawi a thlen tak tak hma a he office hi chhuahsan fel turin ka duh che."

A hmel landan chu a buai deuh nak a, a rilru a insual te pawh a ni maithei bawk, engmah sawi lo in a ngawi vang vang bawk a.


"Eng nge?" A chèt dán vel hi ka ning deuh ṭan tawh, achhan chu hlâutháwng rèng rèng a awm reng ṭhin hi .


"A nih leh lo hlawhtling lo ta ang ni se, ka tân ......hna dang ka hmuh leh na tur min buaipui sak thei ang em? Hna dang ka hmuh ngei ngei a ngai dawn si a."


"Kha chu chiang sa ah dah rawh, he kan thil tih tum hi kan puitlin thei talo anih chuan kei hi chuan Victoria ka chhuahsan a ngai tawh tihna ah ka ngai ang, mahse company pahnih ṭha tak tak hmelhriat ka nei a, chung te chuan an hnena thawk turin an rawn sawm ngei ang che tih hi ka hrechiang a ni. Chumi hmunah chuan i duh záwk záwk naah i thawh theihna turin keiman ka lo sawi fel sak vek bawk ang che, hemi lamah chuan ngaihtuah duh vak suh, hna dilna a interview pangngai anga an zawhna te i chháng buai duh lo a nih leh zel pawhin ka hnen aṭangin recomend na i nei ngei bawk ang."


"I ngaihdanah assistant tlawk tlaw zet angin min ngai tihna em ni?"


  "Chuti ang a assistant tlawk tlaw tak ang chuan ka ngai ngai hauh lo che, he i hna ah hian i thawk ṭha takzet tih pawh ka hriatpui che a sin."


"Mahse mi mawl tak angin min ngai ni in ka hria."


Kawngka rawn kik thawmah chuan ka chhân lehna tur chu a chhanhim hlauh, "Dinner pawh alo thleng tawh e, contract kha chhiar tawh rawh, a harsa hlawm lo, dinner eizawh hnu ah kan pahnih a kan sawifel dun phawt angai dawn a nia."


Min hnial tum taka a kâ a án deuh ziau lai chuan dawhkan chung chu ka beng deuh dawt a, "Min hnialbuai tum duh lo mai teh Katharine, hetah hian dinner hun kan nei ang a, nangpawhin i ei tel ve ngei bawk ang, chumi hnu ah kan inbe leh ang."



Ka inher a, kawngkhar lam chu ka pan phei ta a, ka va thleng phei hnu chuan kawngka chu hawngin ka eitur chah lo thleng chu a man ka pek fel hnu chuan kawng khar ṭha lehin dawhkan lam chu ka pan phei leh a, tah chuan kan eitur chu ka dah thla a, engvang a Katharine chuan eitur pangngai mai mai pawh pawm theilo nge a nih?"




Dinner kan ei dun chu a reh ṭha hle a, contract chu chhiarin a châng chânga,zawhna a neih chânga min zawt leh zeuh ṭhin tih lohah chuan kan in be lo hle a, chu documenta a sign dawn chuan a pen humna a kut chu a khur deuh dar dar bawk a, amah en ngur pah chung chuan a tih ang bawk chuan ka ti ve nghal a.


"Copy hnihin ka siam a, ka condo ah hian safe ah ka dahṭha ang a, a password erawh kan pahnih chiahin kan hre dûn ang."



"I lawyer i kawl tir ve dawn lo em ni?"


"No, hei hi kan pahnih inkar ami a ni a, mahse ka lawyer chuan mi a hriatpui erawh angai ang, copies kawl turah ve thung chuan kan pahnih Chiahin a ni thung ang, he thil hi a tâwp anih chuan kan pahnih in kan ti chhe leh mai ang, i tâna hlawkna tur anih záwk chu."


"All right."

Box pakhat hi a kutah chuan ka hlân leh a,"Hei hi i cellphone thar tur a ni a, hetah hian kan pahnih chung châng kan sawi dum thei tawh ang, ka personal number hetah hian ka save sa a, ti chuan i duh dan dan a hmangin he ta ṭang hi chuan  min be thei emaw min text thei tawh bawk ang."


A heh peh zeuh pah hian box chu chu a la a. " Ka lawm e."

"He hmunah hian nangma thil eng anga tam nge rawn lâk luh tur i neih?"

"A tam vak lem lo, box pahnih pathum vel a ni mai."


A nih leh i inluah man i pèk lawk te tihfel sak i ngai ang em?"

"Chuti ang chi in ka luah lo, thlatin a tharin ka pe mai ṭhin, tunthla ka pèk kha ka chán a ngai dawn tihna snih chu "

Ka kut chu ka lo vai khum zauh a, "Keiman ka lo cover mai dawn nia, chuan bungraw thiarna motor ang chi te hmansak i ngai dawn em?"


A lu chu min búk khum ve zauh a, a meng hnuai raih bawk a, "A ngaih ka ring lo, box tlem te chauh ani ang."


Ka meng zìm khum san a, "Furniture te engmah a awm lo maw?"


"Awm lo, lehkhabu ṭhenkhat leh ka personal thil tlem azawng leh ka thawmhnaw ho a ni deuh mai."



Ngaihtuah hmasa hauhlo hian he thil hi ka sawi chhuak a, "I thawmhnaw ho te kha chu i tiral vek thei ang, kati ang aṭanga i lei a ni âwm tho si a,  hetah chuan thawmhnaw thar chauh inbel turin ka duh dawn che a, chung thawmhnaw ho pawh ka leisak ang che ka tih láwk tawh kha."

A biang chu a sen ṭan ṭan a, a mitmeng pawh thinrimna avâng hian a de sar sar bawk, mahse engmah erawh a sawichhuak chuang lo.


"Kan cheng dun dawn tak tak anih chuan i box ho te pawh chu keiman ka rawn lamsak mai dawn che nia."


 Envelope pakhat chu a kutah ka hlân leh a, "Kha kha i bank account thar leh i debit card tur a ni a, kha thil khan i duh zawng leh i nuam tihna dan ang ang a i hman ka duh dawn a ni."


A kut khur deuh dar dar chuan ka envelope pek chu alo ban ve a.


"He hmunah hian i theih ang a ranga min rawn fin ve vat hi ka duh ang, kan pahnih a thil zir dun tur pawh atam tham dawn viau a, naktuk hian kan list siam ah khan zawhna hrang hrang inzawh dun tur leh kan pahnih chung chang inhriat chian dun tawnna hun kan nei dun dawn nia."



"Okay."


"Chuan saturday zingah hetah hian hma taka rawn thleng turin ka duh bawk che a, barbeque a kalna turah khan, i sam siam leh makeup ti tur in i tan appointment ka láksak sa tawh che, ka duh dan takah phei chuan friday zan aṭangin hetah riak tawh mai la ka duh a ni."


Min rawn en nghal a, "Riah maw ni a?" A phu deuh zawk bawk a, a aw ah chuan hlauhthawnna a tel ru bawka hriatna hi ka nei a.


Ka tho chhuak a, "Lo kal rawh, inchhung hi ka fankual pui ang che."


Ka kal kual pui chhung zawng chuan engmah a sawi lo, guest room ka entir a, ka private gym awmna hmun te kaehhmuhin thildang ka entir zawh hnu chuan chu condo chhung a inchunglam ka kalpui a master bedroom ka entir lai chuan a hmelah a nervous zia ka hmuhsak a .


"Hall leh lama guest room pakhat awm chu kawh hmuhin, sawlaia room pakhat sawi i hmang duhin ka ring, saw sawn private suit pindan  a nei a, i duhzawng anih ngei pawh ka beisei."


A dar chu kum deuh hlân chung hian, "Heti ang hi i tih kher ah......"


"Eng ka tih maw?"


"I room a ka mut ve kher i beisei lo tihna a ni maw?" Mi rinna tak nei chung hian a rawn ti ve a.


A hma min lo rinlohna aváng chuan ka nuih khum ve sawng a, "Miss Elliott hei chu busisness arrangement a ni a, hemi inchhung pawnlamah chuan mi inhmangaih ang tak inthlah theilo ang khawp a awmin kan inthlâkhlelh zia lan tir nan kan kut te pawh kan invawnsak dun cham chi ngei ang, amaherawh chu he inchhung ah ve thung hi chuan keiin ka privacy hun ka neih duh ang bawkin nang pawhin i nei thiang, kan thil tih duh kawng engkimah in hrethiam tawnin kan in zah tawn ngei turah pawh ka ngai, nangma private thil a tih buai che ka duh loh ang bawkin nang pawhin ka pravate thilah min tihbuai ka duh lo ang." Ka nuih a zat rúk em avâng chuan ka insum theilo a, nui chhuak suk chung hian, "Kan mu dun ang tiin i ngai hman em lo ang chu ti raw?"


Phudeuh zawk chung hian min rawn melh chho a, "Mr.VanRyan nangmah nena mut dun maw a teuh lo mai." A in her zawk a, inhnuai lam chhukthlákna step lam chu panin a chhukthla ta ngâuh a,  ngâuh a, hall chhung a a ke pen chu a ring lem lo kher mai.

Kei pawh chuan nui hmel la pu sawng reng chung chuan ka zui thla ve nghal a, living room kan thlen hnu chuan arawn inher a, mitmeng de sar sar chung hian, "Mr.VanRyan he thil hi titurin min ti a, chuti ang lo zawng kawngdang te a awm em?"

"Chu i remti ta tihna a ni em?"

A inkuangkuah deuh hlân a, thinrimna avángin a taksa chu a khur deuh dar dar hian ka hre bawk, "He thil tih ka remtihna chhan chu hei lo duhthlan tur dang ka neihloh vângin, nangmah avâng chauhin lak lawh takin ka awmphah vek bawk, lem chang thiam tak ka nilo a, dawt sawi thiam tak lah ka ni hek lo."


"Eng maw i sawi a?"


"He thil ti hlawhtling tur chuan polite taka i nundan zia i thlâk thar a, mi pangai tak a i awm dawn loh chuan heti ang kan thil tih hi a thawk thei tak tak chuang lo ang, kei chuan ka rilru ngaihdan rang tak tak in ka thlâk ve zung zung thei lo."


"A nih eng thil nge ti tura min duh ber Miss Elliott?"


"Kan pahnih hian inhnial reng lo in ṭawngkam pangngai taka inbiak remna hun te hi kan nei dun theilo em ni? Chuti ang chu kan tih dum theih chian kan tân a ṭha dawn in ka hria."


Ka ṭhen khum suk a, a hmelah chuan a huaisenna chu ka hmuhsak thei hialin ka hria.


Ka sam chu ka tuai khum zauh a, "Chumi ah chuan ngaihdam ka dil e, chumi nilo keimah ah siamṭhat ngai awm te ala awm em, thil ka la tih belh tur ang chi te?"


A shirt hák ṭhing zet chu a kuta zût mar te te in engtin mah a ṭawng chhuak leh tawh lo.

"Sawi chhuak tawp rawh." Dawhtheilo zet hian ka ti nawn leh a.


"He thil kan tih chhung zawng leh kan awmdun chhung zawng chuan um.... i lerh thei tawh lo ang."


"Ka lerh thei tawh lo ang maw?"

A hawikual deuh ruai a, mahse keimah chu mi en tel miah chuang lo hian, "Heti anga kan awm chhung zawng hian hmeichhe dang tumah i mutpui theilo ang, kei pawhin chuti ang tho chuan ka tih dawn a vâng in."


"Chuan tu hnenah mah sex ka hmang thei dawn tawhlo tihna maw ni a?"


A hmai chu a sen chhuak ṭan ṭan a, a biang chu a sen nasat em.avâng chuan a puak keh thei hialin ka ring, engpawh chu ni se, min rawn melh chho kal chung hian, "Yes."


"Ka tân chuan a nuam dawn nasa a nih chu!"

"Yes, hmeichhia chu ka mutpui thei khawp mai."

"No."

"No fucking." Ti a ṭawngkam vín ngam chuang silo hian ka sawi chhuak a.


"No."

"Mipa fel tak anga awm turin min duh tihna em ni chu?" Chu thu sawichhuah hreh zet chung chuan ka ti lét ve a.

"Kei pawh i awmdan ang chiah a ka awm ve dawn tho avângin."

Ka rûm chhuak pah nghut a, "I tan chuan thil thar pawh a ni náng."


A kut chu ning hmel zet hian a vai deuh lap a, "Chu zawng chu maw ni a, midang i mutpui duh i ti tiraw? Kal la he thil pawh hi angmahin tifel vek ang che VanRyan."


A kalsawn a, a coat leh a bag chu la in kawngkhar lam chu a pan phei nghal a, mi mawl ang zetin a vawihnihna atan kawngkhar a hawn hma ngei chuan ka che chhuak leh vat a, kawngka chu a hawn theihlohna turin ka va vuan leh ta a.


"Katharine." Kawngka chu a hawn theih loh turin ka nem nghet pah sauh bawk a, "Pawi ka ti lutuk, ka thusawi kha thil ṭul lo tawp a ni."


"A pawi kati lutuk." Ti a sawi nawn leh sup pahin, "I chungah hian engvânga heti ang thil hi tiziah nge maw ka nih le?"


"Kha khan engmah a siamṭha chuang in ka ring lo."


"Ka hria a lawm." Ka thinrimna chu ka controll nghal a, "Ka ti tawh lo ang."


"Eng maw i tih tawh loh anga?"


"Ti tura min tih ang khan midang ka mutpui tawh lo ang." Kawngka chu a aia nghet chuan ka vuan leh a, a chhuahpalh hlauh zawngin engkim ka chân dawn si a, "Mi pangngai taka awm ka tum tawh dawn nia, mi tlâktlai lo ang tak nilo in."


"I DNA chu i thlâk thei ang em tih chu ka chiang chiah lo, mahse tih chhin i tumna ah erawh vanneihna ka hlân ache." Tiin a phun chhuak ta sap a.

Ka tlai khawp mai, naktuk zan chu dah hun takah dah kan tum hram tawh dawn nia, ka lu na lutuk kha ka mit vang ani ngei ang, mut ka hmu ṭha lo bawk nen, vawiin chhun leh nizan kha ka mu char char a, ka luna pawh a ziaawm ta khawp mai. Advertise kha kan remchan dan anga clickin second sawm tal kan nghak ve dawn nia, chuan ka dah dawnlo ti a ka sawi anih loh chuan tlai deuh pawh ni se ka dah zel ṭhin ang.

THE CONTRACT CHAPTER 7

THE CONTRACT

CHAPTER 7

KATHARINE

Ka dinna hmun aṭang chuan Mr.VanRyan building kawng leh lama awm lo ding to lurh lam chu ka thlir phei vang vang a, a chenna hmun chu building ropui zet ani tih ka hmu thei, glass in ni mai hian ka hria, mahse chu inchhunga cheng mipa chu thinchhe zet leh dawhtheihna pakhatmah neilo, midang ngaihpawimawhna pawh neilo a ni si a.


He a awmna hmun hi Penny awmna aṭangin minute sawm chhung ke a kal ngai a ni a, a hun takah ka thleng bawk, vawiin Penny ka va tlawh chu a hlimlo in a nguai hmel hle a, ka thil kensak pawh ei pawh ei duhlo in biak pawh ka hlawh lo. Chuvâng chuan ka kalsan ta vat a, kei ngei pawhin nuam ka ti bìk vak lo, hrehawm tihna hlir hian ka khat, kar tluan in a ṭha si a, vawiin lamah pawh a ṭhat ringa va kan leh amah kawm hlim tur a va kal ka ni.

Mahse chuti ang chu a thleng ta si lo. Vawiin lamah chuan hlim taka inkawm dunin ka rilru hahna zawng zawng te chu tihdamin a awm ka beisei a, mahse chumi a hnekin ka rilru a ti hrehawm zual belh chhah sauh zawk, engvanga Mr.VanRyan hmu tura kal nge ka nih ka ti rilru ta hial a.

"Mr.VanRyan." tiin ka lam nawn sap.


Vawiin chawhnu lama a ina kal tura min ti kha min ti chiai tawh sa hrim hrim, meeting aneih zawh hnu a a office a rawn kir leh hnu khan coffee leh sandwich ka lak sak thei ang em tiin min zawt a.

"Min zâwt a maw?"


Ti turin thu min pe tawh lo, ṭawngkam vin min hman khum tawh lo a, kawngka pawh min khar khum bur tawh lo. Ka dawhkan bulah rawn kalin a lunch tur pawh polite takin min rawn záwt tawh, chuan ka lawm e tih thu ka hre leh bawk, office a ṭanga a haw hma chhung zawng chu a rawn kal chhuak tawh lo a, a rawn chhuah hnu chuan ka bulah a rawn ding a, a card min pek kha ka kawl ṭha nge kawl ṭha lo tih min zawt a, zawi zeta phun chhuah sap pah hian, "Yes." Tiin ka lo chhâng a, a bu deuh nghut a, min chhuahsan ta a, kawngka pawh min khar khum leh tawh lo.


Ka laka amize put danglam ta thut chuan min tibuai kher mai, heti ang hian a awm áwm reng reng ka la hre ngai si lo a, eng ti turin nge a chenna hmun lam hi ka pan tih pawh ka in hrethiam tawh bik lo.


Chhunglam aṭang chuan inbengdaihnan tháwk ka la vak a, ka inher a, kawng chu ka cross ta a.


Mr.VanRyan chuan kawngka chu min lo hawnsak a, en loh hram hram ka tum, mahse heti anga casual dress nen hian ka hmuh pawh ka la hre lo, a suit ṭhui nalh tak leh a shirt ngai nat tak a hnuaia a hαk ṭhin var ṭha tak chu hmuh tur awm tawh lo in, shirt bantlawn pangngai tak leh jeans inbel in ke lawngin a lo awm a, a inthuamna chuan ka nuih a ti za viau a chu ka insum hram hram a, lut tur a min sawm hnu chuan ka luhna tur kawng mi ken pahin a tawlh hnung a, ka coat hâk min phelhsak a, kan in melh tawn dun vang vang a, heti anga hrehawm ti hmel aput hi ka la hmuhsak ngai lo, a nghawng hnunglam chu a kuta tuai zauh pahin a aw athian pah khurh a.


"Dinner ka lo ei mek a, min rawn zawm ve ta che?"


"A ngai lo e." Dawt ka sawi chiang lutuk, ka ril a ṭâm tak zet.


A ṭhen deuh suk a, "I chiang chiah maw."

"Engtin maw?"


"I cher tawh mah mah, ei in lam i uar belh deuh angai ang. "


Engmah ka sawi leh hman hma chuan ka kiu ah a rawn dawm a, a living room ang maia zau ṭha tak kitchen awmna lamah chuan min hruai phei ta a, "Ṭhu rawh." Ti a thu min pe in ka ṭhutna tur chair chu a pawt chhuak nghal a.



A inchhung chu ka melhkual ruai a, a zâu ṭha in achhunga bungraw awm te reng reng chu a man ato hlawm viau ang tih pawh ka hria, chu inchhung chhuat chu thingphel chhuat vek a ni a, rawng thim lam pang a polish chhuah vek a ni bawk, leather sofa lian zet zet mai chocolate rawng pahnih hi a awm a, bang rawng hnawih chu a var a ni a, chu chuan ati pui khup hian ka hria, inchhung pawh akâp eng ṭha kher mai, mahse chung thil man tam hmel zet zet chu hmu mah ila a thil neihah a duhtui vak lem lo tih hi a lang chiang hle thung! Magazine cover ang maiin chuhmuna thil awm reng reng chu a changkang a,mahse chung thil chuan anei tupa mizia awm ang pakhat mahin a tilang lo, achhan chu a thil neih ah a duhtui loh avângin.

Hallway zau tak chu melh pahin inchung lama bedroom pan chhohna step chu ka hmu thei a, kitchen lam ka thlir let leh hnu pawh chuan, room dang te ang tho in a chang kang a, mahse chutah pawh chuan mahni duhthlanna alang chuang lo, chung thil ka hmuh avâng chuan ka en thui peih tawh lem lo.


Mr.VanRyan chuan ka hma ah chuan plate pahnih a rawn chhawp a, min kiai khum pah suk bawk a, a bula pizza box lian tawk tak awm a hawn rual rual chuan, ka chil a ti pút nghal zawih zawih.


"Hei hi maw dinner chu?"
A tan chuan dinner ho tak pawh ani ang, mahse keia tân ve thung erawh chuan dinner atâna pizza ka eilohna chin hi engtik aṭang tawhin nge a nih tih pawh ka hre tawh lo, pizza hmel ka hmuh chuan ka chithli a far lo chauh.



A dar chu min sân khum pah zauh a, "Nidangah chuan pawnah ka ei chhuak ṭhin a, mahse zanin chu inlamah eiin pizza hi dinner ah hmang mai ila ka ti deuh a." Pizza slice chu ka hma zawna plate awmah chuan rawn dahin, "Ei rawh." A ti ta sup a.


Ka ril aṭam tawh em aváng chuan ka hnial buai peih tawh lem lo, ngawirengin ka plate a pizza chu melh ngar pahin ka ei nghal mawlh mawlh a, mahse ka ril a ṭam lutuk ani tih a hriat loh na turin in controll zetin ka ei thung! A ei pah chuan slice pakhat chu zai thla lehin ka plate ah chuan a rawn dah belh leh a, lo hnial ai chuan ka ei leh mai bawk a, ka lamah red wine glass chu a rawn nawr phei leh a, hnial hran lem lo chuan ka lo in ve mai bawk a, chuti ang a red wine smooth leh man tam hmel zet mai chu ka pian ahnu lamah ka in pawh ka la hre ngai lo.


Kan dinner dangdai zet mai kan ei zawh hnu chuan a tho chhuak a, pizza box chu bawlhhlawh bawmah  paihin plate chu thleng silna hmunah a dah leh a, a wine glass nen chuan ka lam a rawn pan phei leh vat a, ka hma ah chuan arawn ding ta a. "Miss Elliott vawiin a ka thil hrilh che kha i hria ti raw, thil personal zet mai ka sawi pui dawn che."


Ka lu ka bûk khum nghat a, eng nge ka sawi ve ang tih pawh ka hre lo.


A thle deuh bák a, ka hmel chu chiang zet hian a rawn melh chhuk bawk a, chu a thil sawi tum lo ngaihthlâk sak tur chuan ka inring chiah lo tih ahre tho achu, a sawi chhuak ta tho a. "Anderson Inc hi ka chhuahsan dawn."


Ka kâ deuh hau a, ka kâ chu ka âng pam bawk, engvanga he company hi chhuahsan tum nge anih ang? A ni hi a ni lawm ni Davida golden boy chu, a thil tih kawng engkimah tihsual a nei ngailo ngei ang, David hian a chhuang em em bawk a ni lo vem ni? Mr.VanRyan hian talent a neih zia leh a mah avângin he company hian sum a lâk luh hnem zia pawh kan hriat pui vek bawk si.


"Eng vangin?" Ti in ka zawt ve sap.

"Partner ka nihna tur aiah khan midang a dah a vângin."


"A leh pekah chuan...." ka thusawi lai chu ka tâwp thut a, a tana a nat dan tur ka hriat chhuahsak leh tâk avângin, Davida'n Mr.VanRyan a tih dan chu kei pawh ni ila, ka lak nat viau ka ring, a ni hi he company aṭang hian a bang a nih chuan kei hi min hnawtchhuak lo pawh ni se, ka hlawh chu midang ho hlawh angin a pangngaiah a tla thla leh nghal dawn ani tih ka hriatna chuan ka hmel chu thisen nei ta lo ang mai hian ati dâng nghαl sáwp sáwp a.


"A lehpek a awm tawh lovang, achhan chu chance ṭha tak ka neih lai ngei hian chu ka chance chu bawhpelh ka tum lo ."


"Engvanga he thil hi min hrilh nge i nih?" A thu min hrilh chu hrethiam pha lo zet hian ka ti a.


"He ka chance neihna turah hian i puihna ka mamawh dawn avângin."


Ka chil chu ka lem pah khalh a, "Ka puihna maw?" A thilsawi chuan min ti buai nak, a chhan chu ama personal thilah hian ka puihna ala mamawh ngai tlat loh avângin.



Min rawn din hnaih pah sauh a, aw zâwi sup leh rilruih a rawn ṭawng chhuah leh pah chuan, "Miss Elliott ka hire duh che."


Ka ngaihtuahna chu a kalthui hman viau, achhan chu he ka hma a ding mipa hmelṭha zet leh pâ tak hian min duh ngailo tih ka chiang ang zetin a ni pawh a chiang hle, ka aw chu then hrâk pahin, "I thil thar tih tumah chuan i assistant angin min mamawh leh tihna em ni?"



"No." A ngawi leh hmuk a, chutah a rawn sawi chhunzawm leh nghal a, "Ka nupuihual ang záwkin."

Chelo châng lo hian makti zetin a hmel chu ka melh nasa mai.


RICHARD.....

Miss Elliott chu a khawng deuh awt niberin ka hria, a ṭhu ngil deuh zawt a, chelo chânglo hian min melhchho tlawk tlawk bawk, a ṭhutna aṭang chuan muangchang hian atho chhuak a, ka hmel en duh lo ang zet chuan khawdang hawisawnin chulai hmun vel chu a melhkual pah ralh a, "Hei hi fiamthu naah i ngai em ni?" Thinrim avanga aw khur dar dar chung hian a ti a. "Eng lampang zawngin nge min fiam i tum chu ka hre lo a, mahse he thilah hian ka lawmlo viau a ni tih erawh ka hrilh ang che."


Chhuah mai tum hian min kalpel tâu sawk a, sofa lam panin a coat leh bag chu a lak nghal pah hian a rawn hawi kir leh a, "He thil i tihna chhan hi nakina keimah mi nuihzat khum leh nana a ti i ni ti raw?" A mittui a bianga luangthla chu thinrim zet hian akutin a hru fai a. "Nilenga bawng anga min chhawr hi i duh tâwk viau lo em ni a? Zan lam thleng thlenga i nawnchenna tura min la beisei."


Kawngka lam chu a pan ta nghal a, heti ang hian a che dawn tih chu ka hria a, mahse hetiang em em a a thinrim erawh ka ring lo. Rang takin ka che chhuak vat a, a lamah chuan ka kal phei nghal vat a, kawngka chu ka khαr phui nghal a.


"MissElliott......Katharine.....khawngaihin, fiamthu a nilo tih hi ka hrilh duh che, ka thusawi hi ngaithla zo ve phawt la, kan indinhnaih em avâng chuan a thinrim avánga a taksa khur dar dar pawh chu ka feel thei."Khawngaihin." Ka ti nawn leh sup a, "Eng thu nge ka sawi tum tih hi min ngaithlâk sak hram rawh."


A dar chu a kum deuh hlân a, a lu chu a thing deuh nak bawk a, chu chuan ka thusawi tum chu ngaihthlâk inpeih zet a awmin a insangmar ru ṭeuh chu a thlahdul a, chu chu a remtihna angah ka ngaihsak, sofa lam chu ka pan pui leh a, ṭhut tirin kei pawh ahma zawnah chuan ka ṭhu thla ve nghal bawk a, ka thusawi tum hi thu pe aw takin ka sawi theilo ang, zaidam taka ka tih pah angaih ka ring, chuti lo chu rabbit ang maiin a ṭi zo tawh si a . Ka thil tih tum kha eng ang zawngin nge a ngaihtuah ni ta ang?


A thusawi chu ka bengah chuan arawn ri nawn leh a, "Nilenga bawng anga min chhawr hi i duh tâwk tawh viau lo em ni a? Zan lam thleng thlenga i nawnchenna tura min la beisei." Chu thil ka ngaihtuah chhuah a vâng chuan ka ṭhut hlat deuh ta sauh a, a thusawi chu ka hrethiam kher mai.


Ka aw chu thian leh khurh pahin, "Anderson Inc kal chhuahsan ka tum tih ka hrilh tawh che kha, chuan company pakhatah thawh ka tum bawk a, chu chu Gavin company a ni. Mahse chu ka thawh tumna hmunah chuan engkim a danglam a, David company ang ani ve lo, an ni chuan an dah pawimawh ber chu chhungkaw thil leh inpawh tawnna a ni."

A mit hmul a chuar deuh nâng chu a thlah dul a, pangngai tak hian mi rawn en in, engmah erawh a sawi chhuak lem lo.


"Chuvang chuan hetiang ringawt chuan ka thawk thei dawn lo a, an mi rin ang ka nilo tih hi ka hriat tir duh a ni."


"A eng ber ah chuan maw?"


"Mi chaldelh theih tak leh mahni hmasialna ah hian." Tháwk ka la pah hrawih a, "Hna lamah chuan ka duhkhirh viau a, mahse hnathawh zawh tawh hnu lamah erawh playboy ka ni leh thung ṭhin!"


A thle deuh bak a, aw záwi deih tak leh nghet charh chuan, "Ka ṭawngkam hman chaltlai tak avâng khan min hrethiam la..... mahse Mr.VanRyan i nihna chiah a ni."


Ka lu chu búk khum zauh pahin, "Ka hna ah chuan ka thawk ṭha hle ṭhin a, David leh a hna chung chang hi ka kham tawh tak zet." Ka ṭhutdan ngai a ṭhu ṭha lehin, "Graham khan min duhna rilru a put hnu ah campaign chung chang ka sawi hmuh laia mi a duhna leh min fakna ṭawngkam ka han dawng khan phurna min pe a, heti ang ṭawngkam hi ka dawn lohna chen pawh ka hre tawh lo."


Ka deuh ho chung hian min en a, Graham Gavin maw? Gavin group ah i thawk dawn a maw?"


"Yes."

"An ni hian mi an hire khât khawp a sin, mahse túnah hian ka lakah an inhawng em em a, chuvang chuan he ka chance neih hi ka hloh phal lo ."


"He thilah hian eng nge keiin tih theih ka neih tih hi ka la hrethiam chuang lo ."



"Graham Gavin hian tupawh ni se family aneilo anih chuan hire duhna rilru a pu hauh dawnlo tih hi thil chiang sa a ni a, a chhan chu family a dah pawimawh hmasak phawt ṭhin avángin." A lamah chuan ka va áwn phei deuh hlek a, "Ka playboy nihna a lo hriat ṭhin dan ang kha ka nihloh zia hriat tir hi ka duh a ni, Anderson Inc ka chhuahsan duh chhan chu ngaihzawng ka neih váng leh nun danglam neih ka duh tawh avangin ti in ka hrilh."


"Tu nen maw?"

Ka ṭhutna cushion chu nghen deuh ur ur pah hian, "Nangmah."


Ka thusawi awmzia a hriat meuh chuan a meng zau káwk kâwk a, a kâ chu a âng a, a chíp leh ṭhin bawk a, engmah thawm erawh a rawn chhuah lo, a tâwpah zawng he thu hi arawn sawi chhuak thei ta hrâm a, "Eng.....engvanga chutia ti nge i nih chhan?"


"A chhan chu Graham hian min ring turin nang chiahin i convince thei a ni tih a hma a min hrilhtu thusawi kha a dik a ni tih ka hriatchhuah a váng in ."

A lu chu a thing deuh nar nar a, "Engtik lai mahin min duh ngailoh kha." A chil a lem pah leh khalh a, "Kei pawhin ka ngaisang bik em em lo che."


A rilru tlang taka min hrilh avâng chuan ka nuih khum vawr a , "Kha chu nakinah kan ngaihtuah fel mai dawn nia."

"Eng ang rawtna nge i neih?"


"A harsa lem lo, eng ang kawng zawng pawhin Anderson Inc hi ka chhuahsan dawn a, nangpawhin i chhuahsan tel ve ngei a ngai ang."

A lu chu alo thing nghal vat a, "Mr VanRyan chu thil chu ka tih theih ka ring lo, ka inchawmzo lo ang, ka chhânna che chu âih tih hi nimai teh se."


Ka kut chu ka kuangkuah a, "Ngaithla zo phawt la maw le, he i hna i kalsanna ah hian pawisa keiman ka pe ang che, a maherawh chu i chenna in chhuahsan in ka apartment a i rawn chèn ve a ngai ang, chu thil i tih avâng chuan a hranpa in hlawh i nei ang a, i hlawh bâkah i mamawh senso zawng zawng ka tum sak ang che, he kan thil tih tum hi engtia rei pawh nidawn mahse."


"Engvangin nge ka rawn chén ve kher a ngaihna chhan?"

"Graham bulah kan cheng dun tawh ani ti in ka hrilh tawh pawh a ni maithei a."


 "Eng maw i hrilh tawh a?"

"Kha ka thil sawi kha hrilh tum pawh ka nih chiah lo, kan ti ti dunna ah arawn thleng ve tawp a ni mai, ka plan dan ang pawh a ni chiah bík chuang lo....ka offer ah che khân kir leh tawh ang."


"A nih leh eng ti turin nge min duh?"

"He inah hian cheng ve rawh, chuan, function ka neihna hmunah te mi kalpuiin ka nupui hual ang takin awm la, kei pawhin engtin nge nizel dawn tih chu ka hrethiam bîk lo, engpawh ni sela, inngaizawng kan nilo tih midang in an rinhlelhlohna turin, kan ti ang a, kan zir chhunzawm zel ang chu, nakinah dan mumal tak te pawh kan la siam turah ngai bawk i la."
Ka malah chuan ka kut zu nghatin a lamah chuan ka va âwn hnai a, "Tun weekend ah ngei pawh hian, function ah kan kal dun a ngai dawn nia."

"Tún weekend ah hian maw ni a." A rawn âu chhuak deuh ṭhat a.


"Yes, hetah hian min chenpui duhlo a nih pawhin, kan story erawh kan kaltlangpui nghal a ngaih ka ring, an bulah chauh tal chuan inkawp nghet tak tawh angin leh......inngeih tawn tak anga kan lan a ngai ngei ang."


"A nih chuan Miss Elliott ti a min koh loh dan i zir hmasak phawt a ngaih ngei ka ring."


Ka nui hul hawk a, "Nia, ka tan chuan a harsa ve deuh ngei ang le .....Katharine."


Engmah sawi leh tawh lo in hmuhnawm entur awm ang zet hian, a malchung chu a bih chhuk ngawt ngawt a, a shirt hâk lai tlang a aṭhuina khawlla hrui dawk chhuak chu a kutin avial pah neuh neuh bawk a.


"He kan arrangement hi i pawm anih chuan thawmhnaw thar lei nan ka pawisa i hman turin ka tihfel sak che ang a, i mamawh engkim tumsak che in pawisa mamawhna i nei tawh lo ang."


Luhlul hmel zet a a khabe mi rawn tih poh khum deuh âl chung chuan, "Khatia sawi kual duah lo khan ka hlawh tur chu sawi fel vat mai rawh!"

"Thlatin $10000 i hlawh atan ka pe che ang a , chuan kan thil tih hi thlaruk aia a rei dawn a nih chuan ka double sak leh ang che." Ka kiai khum pah suk a, "Inneih alo ngai ta anih pawhin bonus ka pe ang che, chuan kan inṭhen hnu ah pawh nangmah i inchawmna turin pawisa ka pe leh dawn che nia, chuti ang ho chu ziah fel sa vekin ka dah bawk ang."


Chuti ang thil zawng zawng a dawng dawn ani tih a hriat chuan mak atih zia leh a âwihloh zia a hmel a lang chung hian min rawn en a.


Aw zawi set sawt tak chuan ka ṭawng chhuak leh a, "He thil hi i ti duhlo anih pawhin kei chuan Anderson Inc hi ka chhuahsan dawn tawh hrim hrim a, ka chhuak anih pawhin David hian a bân ve tho tho ang che, achhan chu he thil hi i hre ru reng a, a hma aṭangin i hrilh duhlo angin a ngai tho tho ang, David rilru hi kei chuan ka hriat tlang sa vek a vâng in, i chungah chu thil pawh chu a ti duh ngei ngei bawk ang."

"Ngatinge midang i hman mai loh?"


"Heti ang ti tu tur awm ang ka hre mai lo a..... chu bakah ka hmeichhe hmelhriat ho hrim hrim hi keimah ang mize pu family ngaihsak lo vek an nih avángin."


"Chuan, kei chu chuti ang mizia i sawi ang chu ka pu lo tihna em ni?"


"Ka rilru diktak i hre duh anih chuan aw ni e, nang chu i fel a, i rilru a puitling a, kei chuan ka ngaisang vaklo che a chu ka ṭhian te erawh chuan an ngaisang viau che a, kei erawh chuan Anderson Inc a ka thawh avângin ka ngaizawng theilo che a nilo a, engtikahmah pawh ka duh theih che ka ringlo a ni zαwk, he thil kan tihna turah erawh chuan   ka assistant i nih avângin company ka chhuahsan na tura chhuahlam atân a fuh viau bawk, ka assistant i nih naah hian nang hi ka ngaizawng che ni a athan chuan David hian min bαn dawn hrim hrim sa a."


A hmelah chuan a rilru ka tihnatsak tih chu ka hre reng, ka dar chu sân khum zauh pahin, "Ka rilru putdan diktak ka hrilh che a nih chu!" Ka ti leh a.

A ngawi reng a, a ngawih chhung chuan hun a kal duak duak ni hian ka hria, a tαwpah chuan a rawn phun chhuak ve ta sap a, "Heti ang em em a i duh zawng ni si lo, he thil ti tura min duh leh bawk si hi ka hrethiam thei lo."


"Katharine ka thawhpui ho te leh ka client ho te reng reng hi ka duh lutuk a an hmel hmuh ka châk ngawih ngawih i ring tihna mi? An kut te hi vawnsaka chibai te hi ka phur ngawih ngawih i ring tihna maw? Heihi sumdawnna a ni a, kan hmel eiloh zet zet pawh ni se hlim hmel pu sang chung leh an mahni hmel hmuh thlahlel ang taka kan awm a ngai záwk ṭhin a sin, tuna kan thil tih tum pawh hi chuti ang sumdawnna anga ka ngaih avângin ka tan tih a harsa vak lo turah pawh ka ngai, nang pawn chuti ang zawng chuan ngai ta mai la, i ti thei ang em?"


Engtin mah min chhang lo, ka thusawi chu ka chhunzawm leh a.

"I duh chuan heng ka thil ruahman dan zawng zawng hi naktukah David bulah kalin i sawichhuak vek thei, mahse i tih erawh ka ring lem lo, achhan chu ka hlawh pèk tur che hi ngaihtuah la, hlawh ṭha tak ni in ka hria, thlaruk lek chhungin $60000 zet i hmu dawn a ni tih hi hria la, chu chu kumkhat aia tam i thawh hlawh thlaruk chhung lekin i hmu dawn tih pawh ka chiang bawk, he thil tifel hma thei in thlathum lek pawh ngai dawn ta ang se, kumkhat chhunga i hlawh ai pawhin ala sang záwk tho tho."

"Chuan ka tih ve tur zawng chu....."


"Nang hian min hmangaih takzet a ni tih lantir chauh maw......"

Mi a rawn en pah rán a, chu a mi melhna chuan a thil sawi chianglo zet pawh chu a hmelah a tilang chiang thawkhat viauin ka hria, "Chuan heng thil zawng zawng te pawh hi contract a ziah fel vek a ni dawn em?"


"Aw, kan ziak fel vek ang, hemi chung chângah hian contract fel tak kan nei ang, chuan $20000 hnih chu ka pe lawk che ang a, adang zawng chu thlatâwpah i hmu leh zel bawk ang, i tan account ka hawn sak che anga, i thawmhnaw mamawh leh nangma mamawh ho leina turin pawisa ka dahsak bawk ang che, chu account ka hawnsak che chu hmang ṭangkaiin kan thil tih tur a ṭul tur ho lei nan i hman ngei ka beisei."


Min rawn melh deuh vang vang phawt a, "Ka lo ngaihtuah dawn nia." A ti ta nghat a.


"Ngaihtuahna hun i ngah vak lo a nia, saturday hma ngei hian i remtihna ka mamawh ang, achhan chu chumi hma ngei a i thawmhnaw hâk tur te lei fel angaih tawh dawn a vângin, chuan kan kalna hmun tura kan tih dan tur vel sawi dun a inhriatchian tawnna kan neih dun te pawh angai ang."


"Lo pawm ta lo ang ni ta i la?"

"Graham bulah i damloh avânga i rawn kal theihloh thu ka hrilh ang a,  chu ka thusawi chu a ring a company a thawk turin min pawm anih chuan a ṭha a ni mai a."


"Lo pawmlo ta ang sela?"


"Victoria hi ka chhuahsan tawh mai ang chu, mahse chhuahsan erawh ka duh lo, hetah hian ka cheng duh a, chumi tur atâna min pui turin ka ti reng bawk che."


A ding chhuak a, "Ka haw angai tawhin ka hria." Ati chhuak ta sap a.


Ding chhuak ve nghalin, hnuailam ka melh chhuk a  Katharine chuan ka dar chu a chen ṭawng ṭawng chauh a, "I chhánna ka mamawh rang a nia."


"Ka hria a lawm."

"Khawiah nge i car i park?"


A mit chu mi khap khum fak fak pah hian, "Mr.VanRyan car ka nei hleinem, helai hmun hi ke in ka rawn pan."


"Nangmah chauh a ke a kal tur chuan a tlai tawh deuh mah mahin ka hria, i tan taxi koh sak tur che in Henry ka han hrilh ang e."


"Taxi hmanna turin pawisa ka nei lo." A ti deuh hmak.


"Ka pe mai dawn lawm." Ka lo ti nghal vat a, "Ke a kal reng tur hian ka duh lo che, motor khalh i thiam em?"

"Khalh thiam e, motor ka lei theilo mai chauh a ni."


"He kan thil tih tur hi min tih pui dawn anih chuan ka leisak ang che, chu chu i tan i kawl thei ang, kha hna kha min tihpui a vângin ka lawmthu sawina angah ngai mai rawh."


A heh hnuai lam chu pet zauhin a lu a thung deuh nak bawk a, "Tunah tak hi chuan eng nge ngaihtuah a ngaihtuah loh tur tih hi ka hre thei mai rih lo."


"Chance itawm takah ngai tawp rawh." Ka siai khum deuh suk a, "Diabola nen deal i nei tur angah ngai tawp ang che."


A mitko chu min san khum ve âk pah hian, "Goodnight Mr.VanRyan."


"Richard."

"What?"

"Miss Elliott ti a ka koh theih tawhloh ang tluk bawk che in nang pawhin MrVanRyan tiin min ko thei bík tawh lo ang, ka hming chu Richard a ni e, heti anga min koh hi a ngai ve tawh ang."


"Ngawiteh Richard ti ang nilo in thildangin ka koh che a ngai zawk ang ka ring."


Engti ang chiahin nge min koh dawn tih rindan chu ka nei thiam sa vek, min kohna tur a ngah ngawt ta ve ang. "Well, naktukah kan in be leh dawn nia."


Mi a bûk khum nghat hnu chuan a kal sawn ta a, Henry chu kohsakin a tan taxi lak sak turin ka ti a, a chuan man pawh keiman ka pek sak nghal ang tih thu ka hrilh tel bawk a, inchhung ka luh leh hnu chuan scotch ka tana thli chhuak in sofa chungah chuan ṭhu thla lehin ka in a, ka châu vek ni mai hian ka hria, vawiin lama thil thlen dan zawng zawng chu ka ngaihtuah let neuh neuh a, girlfriend tur anga sawi ka tumna lamah nupuihual angin ka sawi ta daih a, mahse a pawi lo, Anderson Inc chhuahsan na tur chuan engkim chu a ṭha vel vek, chuan Miss Elliott ka girlfriend tur nilo a ka nupui hual tur anga ka sawipui nakhan Graham pawh ati lawm daih záwk ang, nupuihual ka nei anih phawt chuan ka chungah a rinna a nghat leh zual sauh zâwk ang a, ka tαn a ṭha hlei hlei bawk ang.


Ka thiltih dan vel chu thiam inti zet chung hian ka chalhmasam rawn tla chu ka hùi kiang pah thuak a, ka scotch chu ka tlâk nghal pawp bawk, khami hun la la khân chhânna ka dawn ka inring a mahse a hriatthiam awm tho mai, vawilehkhata khati ang thil han chhân pawp nghal pawh kha a tân a harsa duh ve reng ang, Miss Elliott kawng engkima ka duh ngailoh ani pawhin chuti ang tho chuan min ngai ve tho ang, mahse ka future a kutah a innghat tlat bawk si a, chu thil ngaihtuahna ka neih chuan feeling dangdai tak min neih tir.

Heti ang hi ka duhdan pawh a nilo.

Chuti ang thil ngaihtuah chung chuan ka hnunglam a sofa nghenchhan lamah chuan awn pheiin ka lu ka nghat a, phone ri chuan min ti harh thut a, ka lo chhing hman sek tih min hriat chhuah tir, phone chu la kângin a screen chu ka en nghal a, word pahnih chiah Katharine message min rawn thawn a ṭangin ka hmu a, I ACCEPT. Tih zawng hi.


 Kiai pah suk chung chuan ka phone chu dawhkan chungah chuan ka thehthla a, ka thil plan chu a kal tluang dawn e.

A hnuaia fakna milem awm hi in net a ṭhata inremchan dans zirin min lo click sak ve in second sawm tal min lo enkual sal ve dawn nia, ti chuan a back leh tawp theih ang.

THE CONTRACT CHAPTER 6

THE CONTRACT

CHAPTER 6

KATHARINE


"Ka hrethiam hauh lo."  Tiin phone ah chuan ka phun chhuak sap a, inbengdaih ka tum hle bawk. "Heti ang thil dang hi a thlen belh dawn tih pawh ka hre mang bawk si lo."


"Ka hria asin Miss Elliott, he thil rawn inṭan na hi nihnih hmalam kha ani a, a reh leh mai ang chu tih avángin ka rawn hrilh duh lawk lo che a, mahse a inthlâk ta silo a, chuvanga rawn call ta che pawh ka ni."

"Ka thusawi chu i hre thei em Miss Elliott?"


"A pawi ka ti lutuk.....khawngaihin i sawi nawn leh thei ang em?"


"Ka sawi chu i rawn kal leh hmasak berah fee thar i rawn ken ngei a ngai ang."

Calendar chu ka melh pah zauh a, karhnih chiah a liam chu a nia.


"Hei hi dan phal ala ni reng em?"

Phone a ka hmeichhe biak chuan ka thusawi tum chu hrethiam tak hian a chek ri hlak a, "Miss hei hi mimal thil tih a ni a, he city chhunga ṭha ber ber te zinga mi a ni bawk, mahse tunhma aṭangin rules hi lo siam sa a ni ve bawk a, i duh anih leh i aunt dahna turin hmun dang i hmu anih chuan i dah thei ang.....i beisei anga goverment in fee pek chung changa a hriat pui na hmun ang ah te chuan."


"No." Ti in ṭan ka khawh ve ngar a, "Chutia tih chu ka duh lo ve, kha hmun kha atan awmhmun khuar nan ka duh sak zawk."


"Staff te ṭhatna azarah i duh chuan private room tho ni si, kha hmun aia te deuh zawkah pawh khan kan sawn sak thei reng che a nia."

Ka lu chu ka thing deuh nak a, chuti ang hmun chu ka hre nameuh mai, chung a sawi ang ho room aṭang chuan huan mawi tak thlir tur a awm ve tlat lo, chuan Penny tan pawh atuina zawng tak lemziahna hmun pawh a awm tawh lo ang a, ahlim thei tawh lo ang, eng ang pawh ni dawn se a awmna hmun nilai private room saw ka chhuahsan tir tur a ni lo.


Mr.VanRyan chu office chungah a rawn pen lût a, engmah a sawi hma hauhin ka lo tìm leh der hman tawh, ka zawnah chuan a ding deuh zawk a, rei pawh awm lo in a office chhunglamah chuan a lût tlang leh ta nghal a, kawngka chu a khar zui bawk a, mi hriatthiamna chu a neihloh leh hmel tak zet tawh, chu thil chu a ti tawh ngai reng reng em ni, engvanga a laka phût ve ri ngawt nge maw ka nih le? Chung ai chuan a phun khumna leh anchhia a lawh khum ṭhin ka ni záwk si a, chu ti ang thil ngaih tuah lo in, hmelhruat loh a ṭanga ka call dawn mak tak chu ka ngaihtuah a ngai zâwk ang.


"Miss Elliott?"

"Pawi ka ti tak zet, ka boss a rawn lût a."

"Zawh belh tur dang te ila nei em?"

Âu khum chiam chung a he thu hi sawi ka chák zek zek, "Aw, $ 400 dang pek leh tur che chu khawi aṭangin nge lo kal leh se i tih reng reng a?" Mahse chu thil chu sawi chhuak pawh ni ila awmzia a awm dawn chuang lo tih ka hre reng, a chhan chu he nu ka biak lai hi chu accounting department lama thawk a ni a, a ni hi heti ang lam relfel tu ani lo tih pawh ka chiang hle bawk.


"Tunah chuan nei tawh rih lo ve."



"Kan number i neih tawh tho kha."



"Yes, thank you." Ka phone pawh chu ka hangup ve nghal a, loh theihlohna avángin ka number pawh an nei ve ta tho .


Ka dawhkan lam chu ka melh tlawk tlawk a, ka ngaihtuahna chu minute reilo te chhungin hla tak a fangkual bawk, he Anderson Inc ah hian hlawh min pe ṭha viau a......PA dang zawng zawng hlawh ngaihtuah chuan ka hlawh ṭha ber ang, a chhan chu Mr.VanRyan mi rápthlák ber mai mi eina chhete mah neilo bula hna ka thawh miau avângin, dawhtheihna ka zir tel hle a ngai bawk, eng pawh chu ni se, extra money ka neih phah a, he thil ka tih nachhan ber pawh Penny Jhonson enkawl angaih vang chauh a ni.


Ka kut ṭang chuan dawhkan chung chu ka chhui zai zai a, chutia ka tihna chuan ka mangan na zawng zawng te chu dawhkanah chuan hnut chhiah vek theih hi ka duh, inluahman tlawm ber chi ka hmuh theih chu ka luah a, ka sam pawh keimahin ka intan chawp mai ṭhin, ka thawmhnaw inbel tur ka leina hmun pawh second hand dawr a ni a, ei leh in lamah pawh ka theih ang táwkin ka insum viau, a man tlawm thei ang tur ber chi noodles leh peanut butter leh jam bread nena ei tur man tlawm ber chi ka ei nasa hle a, ṭul loah pawisa sen mai mai na ka nei ngai lo a, thil eng emaw ṭul thut a awm hlauh tákin tiin tlem azawng ka khawl ve zel bawk ṭhin!



Office lamah coffee a free in ka dawng thei a, chuan muffins leh cokies pawh a awm reng bawk, company chuan cell phone a free in min neih sak a, khawlum lai pawh ni se, ke in office lam chu ka pan ngar ngar ṭhin, chu chuan bus fare a save a, ka chenpui te nena cokies kan siam tlan te hian a chang chuan office lam a ka thawhpui te ka chunga ngilnei tak tak te ka sem ve a ngai ṭhin, chu chu an chunga ka ṭhatna ka lan tirna veah ka ngai, an lakah thildang tihsak ve theih ka neihloh avángin, a châng phei chuan chung muffins leh cookies chauh te chu chaw a ka rin cháng a tam hle bawk,  office aṭanga ka haw dawnin break room a freezer te pakhat awmah chuan ka ei tur neih ho chu ka dah ṭha ṭhin a, tlai ka haw dawnah ka la leh mai ṭhin.


Chuti ang thil ka ngaihtuah aváng chuan mahni inlainatna avánga ka mittui tling pam chu ka hru hul a, engtin nge $400 dang chu ka han hmuh belh leh theih leh tehlul ang ni, ka thawhna hmunah lah hian ka hlawh min sân sak turin ka ngen ngam der mai si lo, chu chu thuhran, ka hlawh làk leh tur chen in ka nghák hrám hrám ṭhin a ni zàwk si a, hna dang thawh tur ka ngaihtuah belh leh vat a ngai ang, chumi awmzia chu Penny bulah hun ka hman tlem deuh a ngai dawn tihna.

Kawngka chu pawnlam aṭang chuan arawn inhawng a, David a rawn lût a, a hmel put hmang chu khawdur ang mai hian a dur khuih bawk, "Richard hi tun thlengin a,office ah ala awm nange?"


"Awm e."

"Midang nen em ni an awm?"


"Nilo, sir." Phone chu ka la káng a, mahse Mr.VanRyan chuan ka phone chu a chháng hauh lo, chu chuan mak min tih tir.


"Tûkin khan khawiah nge a awm reng reng?" Tiin min zâwt nawn leh ngat a.


"Tukin a,ka chhan tawh ang bawk che khan a ma mimal hna ah a kal tur thu min hrilh a, chuti anga,min hrilh tawh hnuah khawiah nge a kal dawn tih thleng thleng a ka lo zawh nachhan tur awm ang reng a awm ka hre lo sir."

Hnai set sawt zetah hian min rawn en chhuk a, nung chunga min ei duh hial hmel hi a pu tel bawk, "Nula, he company hi ka ta a ni a, hetah hian ka business chu a awm a, eng pawh lo thleng se ka mawhphurna a ni, a leh pekah chuan i zawh tawh ngei a ngai ang i hria em?" A aw chu zâwi viau mah se hlauhawm lamah a kal tel tlat tih pawh ka hai lo .

Ka lei chu ka seh zauh a, chung thil chu i duh leh nang man ti la a ni mai alawm, tiin ka sawi thei bawk si lo, ngawi rengin ka bu ta nghat a, chutia ka bûk khum hnu chuan a inher a, Mr.VanRyan office lamah chuan min luh san ta a, kawngka pawh a khar zui nghal bawk.



Kawngka inkhar ta lam chu ka en zui vang vang a, heti anga kawngka khar khum hi tun thla chhung ngawt pawh hian vawi engzah nge ka tawn tawh.


Reilo te hnu ah chuan David chu a rawn chhuak leh nghal a, a hmelah chuan a thinrim hmel leh zual tih pawh ka hai lo, thâwk ala ri hrawih a, a thinrimna chu bengdaih a tum viau niin a lang, a kal chhuak lai chu ka thlîr liam a, chu chuan ka pum ruak zet chu a ti let but but ni berin ka hria, a mood a ṭha lo hle ah ka ngai, heti anih chuan Mr.VanRyan ngei pawh a mood a ṭha hran lem lo khawp ang le, chumi awmzia chu ka chungah phunna tur a zawng ang a, ka thil tih engkimah sawi selna zawngin a thinrimna chu ka chungah a tla leh vek dawn tihna a ni.


Thâwk lâk halh pah hian ka lu chu ka dawm pah zeuh a, ka life hi ka haw ngawih ngawih, PA hna hi ka haw hle bawk, a bík takin Mr.VanRyan lawm na chang pawh hre lo PA a ka ṭang hi ka haw hle bawk, heti ang mihring hi an awm ang tih pawh rinngaihna ka hre ngai lo. A chhan chu ka thil tih kawng engkimah chinlem a neih ngai tlat loh avângin, he hmunah hian kum khat dawn lai chu a PA ni turin ka thawk ve tawh a, chumi chhung zawng chuan min nuih na hmel hi ka hmuh awm pawh ka la hre lo, khami ni Davida'n a office a min koh luh ṭum kha ka hriat reng tawh ka ring.


"Katy ...... harsa tih hmel zet hian min melh a, "I hriat angin Lee Stevens chuan he hmun hi a chhuahsan dawn a, mahse midang PA nileh turin leh Mr.VanRyan hna thawh sak leh turin ka dah duh che a ni."


"Oh." Horor thawnthu ngaithla ta ang maiin Richard VanRyan hnuaiah ka thawk dawn tih thu chu ka ngai thla a, hlauhthawnna nasa tak ka nei bawk, a chhan chu PA a thlâk ngun dan em em ngaihtuah hian eng ang mizia nge a neih tih chu ka hrethiam ve a ni. PA mumal takin a neih ka hre ngai lo, a thlâk kual zûr zut reng mai a ni.
Eng pawh ni se hnathawh reng reng nuam leh hahdam.a awm ngailo tih rilru pu chungin ka thawh theih ngei ka in ring ve tawp.


A tâwpa tâwpah Penny nuam tihna hmun tak ka zawn hmuh sak a, tah chuan a hlim hle tih pawh ka hria,  chuta ṭanga han suan chhuah leh chu ka duh awkawng lo.


"Hlawh lah aṭha em em a, chu chu he hmuna i thawh nachhan pawh ani lo'm ni? PA dang te ai zawngin heta i thawh hian hlawh pawh i la hnem ang." Chu a thu sawi chuan min ti harh chhuak thut a, ka hlawh a tam ve tawh dawn anih chuan Penny tan a na mimal room ngei ka pe thei dawn tihna a ni chu!


Mr.VanRyan chu a ngilneihloh em em beisei lo phawt ang.


Chu ka thil lo ngaihtuah te chu a dikloh zia tunah hian ka hre chhuak rum rum ṭhin,tunah chuan ka life hi hremhmun te nau ah min siam sak hi a ni ringawt tawh, mahse ka thlang tawh miau bawk si.....a chhan chu thlantur dang ka nei tlat lo.

Tunah ngei pawh hian a la ni tho.


Ka desk a intercom awm chu arawn ri a, ka chiaina chu thup tum tak chung chuan "Mr.VanRyan?"


"Miss Elliott coffee ka mamawh ang."


"Sir thildang mamawh i nei em?"


"Hun i neih chuan reilo te ka mamawh bawk ang."

Ka mit chu ka chhing deuh sawk a, eng thil nge thleng ta tih hi ka ngaihtuah a. "Ka rawn ti nghal ang sir."


A coffee tur chu fimkhur zeta chawiin a office kawngkhar bulah chuan ka ding a, kawngka chu ka kik karh karh a, lut tura min tih hnu chuan kawngka chu ka nam hawng a, a lo ṭhutna lam dawhkan chu panin coffee chu ka chawi phei bawk a, hetia min kohna chhan hi thil tihsual palh ka nei a ni ngei ang, tun hnuah chuan ka tih leh tawh loh vang vang angai ngei ang le.


A coffee intur dawhkana ka hun sak lai chuan ka kut chu khúr lo turin ka thunun hram hram a, ka note book leh pen chu la chhuakin a thusawi chuah ziak tur chuan ka inring nghal vat bawk.


"Ṭhu rawh Miss Elliott."


Ka lung phu nasa lutuk chu tuboh a chhut ang dawp dawp ni hialin ka hria. David bulah khan min ban turin a ti a ni thei mai ang em? He thil hi tun kar tir lam aṭang khan a buaipui ṭan ni a ngaihna ka nei tlat, pangngai zeta awm tum takin thâwk ka la pah hak a, he hna hi chân thei ka ni lo, ka mamawh ngawih ngawih si a.


Ka aw then deuh kharh pah chuan ṭhu tura min tihna lamah chuan ka ṭhu thla hnak a, a chhan pawh ding reng turin ka kaiza tha chuan ka taksa chu a zo tawh tlat lo.


Kan inkar awllai dawhkan ah chuan a kut chu a rawn dah chhuak a, ka ṭhu ngil nghal awt, "Ka ring che a, he hmuna kan thusawi hi midang bulah a chhuak tawh lo ang ti raw?"


"Yes sir."

A bu ve nghut a, a kut chuan coffee mug chu rawn banin a hmui bul lamah chuan a chawi kang a, thawm a reh em avâng chuan a coffee in ri te chu ka hre thei hial mai, "Ka personal chung chang thil ah biak lawk che ka duh."


A thusawi chuan min ṭhawng kher  mai, angaihna min hriat tir lo bawk, heti ang chung changah hian min la biak ngailoh aváng in chu chu thu hran nise a thilduh a sawi pawhin a vin in min vin khum ṭhin kha a ni si a.


"All right ."

A hmel chu ka melh vang vang a, a thusawi turah chuan a zâm ve hle hian ka hria, chuti ang mizia chu a nei ngailo a sin, a hmelah chuan eng thil nge angaihtuah tih hriat tum tak chuan ka en vang vang reng a, a thusawi tur chu eng aṭangin nge a ṭan ang tih a ngaihtuah nasa ve hle pawh ani ngei ang, mipa hmel chhelo zet leh hmel sexy tak chu a ni tih tupawhin a hmel an hmuh chuan an hai miah lo ang, a taksa chu a invuah rem vel vek a, feet 6 a chuang ngei bawk ang, a sang viau a chu a taksa chuan a nalhloh pui chuang hauh lo.

A dar chu a pharh hlai hlap a, a kâwng erawh a fèk rât thung, poster a mipa model ho in suit an hâk inhmeh tak fak tu te pawh hi ka tehkhin hial, chuti ang tluk chuan a suit inbel chu a inhmeh a ni.

A tlangpui in a khabe hmul chu a shave ṭhin a ni ngei ang, a fai vang reng a, mahse tunah tak erawh a ṭo deuh siar siar thung, chu pawh chík zeta en tân lo chuan a hriat teh ual chuang lo, nihnih emaw nikhat emaw shave tawh loh a ang tlat, mahse chu chuan a hmel chu a ti pa leh zual sauh hian ka hria, a sam buang uk deuh kharh chu tunlai cut dan angin a bek sir tawn tawn chu tawi takin a in cut a, a chung lam erawh top cut angin a zuah deuh hlek bawk a, a chal hmasam lam a khuih pial deuh ṭhin chu a chal ah a rawn tla deuh chhap bawk, chu chu a tihdan a ningai lo achu amaherawh chu a lang ṭhat zual sauh phah bawk, tlema a helhhawlh deuh leh a zâm deuh chang hian a sam chu a tuai chho zauh ṭhin bawk, a kareh chu  zau lam pang a ni a, a ṭawng zawng a ha var rual ṭhah mai rawn lang tel nen chuan a inhmeh thei hle, a hmui chu sexy tawk chauhin a pawrh deuh hlek a, hmeichhe tam tak chuan a fawh nih chu an thlahlel khawp ang le. A mitmu buang thang chuan min rawn melh a, a dar chu dah ngilin hmel pangngai tak pu hian a awm leh ta a.

"Thil pakhat sawi dun pui tur che ka nei a, chu chu ṭha taka i tih pawh ka ring, chu thil chu tuma hnenah i sawi chhuak lovang tih hi ka ring a, ka rinna che chu min zah sak ngei pawh ka beisei."


Ka mit chu mak ti zet hian ka khap pah fak fak a, thil eng emaw min zâwt duh tihna maw ni a? Min bân dawnlo tihna em ni? Ka chhungrilah chuan thlamuana hian min luahkhat a, ka hahdam nghal sawng sawng bawk.


"Tehreng mai sir, ka tih theih zawng te anih phawt chuan."


A mitmeng chuan min rawn melh hmasa vang vang phawt a, tunah tak saw chuan a mitmu chu engrawng tak nge anih tih ka hrethiam lo, light ina a rawn chhun avâng chuan rawng chi hrang hrang hian a lang a, gray, green blue brown in a inpawlh chuai hian ka hria, chutia rei vaklo chhung min en deuh vung vung hnu chuan a bu ta nghut a.

A card pakhat chu la Chhuakin thil eng emaw ni hi a hnunglamah chuan a ziak mawlh mawlh a, a ziah zawh hnu chuan ka lamah rawn nawr pheiin, "Vawiin ah he address ah hian lo kal turin ka duh che a, zan darsarih ah i rawn thleng thei ang em?"


Card chu lo la in ka en pah zauh a, chu a address ziah chu ka kal tumna hmun, office ban hnu a Penny va hmuh ka tumna hmun nen a inhlat vak lo tih ka hria, mahse darsarih a thleng hman tur chuan Penny chu ka hmuh reiloh viau erawh angai ngei ang.


"Problem a awm em ni?" Ka ngawih deuh reng avâng chuan a rawn ti leh a, a aw chu ahma ang a min biakna awka vin zetah khan a kir leh tawhin ka hria.


A lam chu ka va melh ve zauh a, "Office ban hnu hian thil tih tur pakhat ka nei a, dar sarih ah chuan ka rawn thleng hman ang em tih ka hre lo."


Ka chungah a thin arim leh tawh viau tih ka hai lo kher mai, boruakah chuan a kut chu vai zauhin, aw ka vìn zet chunga mi hrawk khum leh khur khur pah hian, ti tura ka tih che chu i ti tur ani ringawt, hna dang i neih te chu cancel la, dar sarih ah chuan thleng tura ka tihna hmunah che rawn thleng ringawt mai rawh a tih ring zet hian ka melh ran a, mahse a thu rawn sawi chuan min ṭhawngin mak min tih tir kher mai, "Seven thirty ? Eight ? Tah chuan i ti thei ang em nih leh?


"Seven thirty ah chuan ka thei ang."


"Fine, seven thirty ah chuan ka lo beisei ang che." Ti in a ding chhuak nghal a, kan meeting mak danglam tak chu a tâwp ta tih ka hre mai. "Ka doorman hnenah i rawn thlen huna inchhunglama lo luh chhoh tir tur che in ka lo ti dawn nia."


Heng thu zawng zawng hi thâwk harsa ti takchung a ka tih theih te chu an ni, Doorman maw? A ina kal turin min sawm tihna maw ni a?


Hrilhhai zetin ka ṭhutna aṭang chuan ka ding chhuak a, "Mr.VanRyan engkim a ṭha maw?"

A hmela maktihna a khat leh mi ngaihven hmel zet hian, "Miss Elliott thawh ho na a ni ang." A kuta a sana bun lai chu a thlék pah zauh bawk a, "Min lo hrethiam la, darkhatah hian meeting naah tel ka ngai tlat mai."


A coofee mug chu la kangin, "Coffee leh i hun min pek a vang khan ka lawm e."

Min kalsan hnu chuan ka awmna hmun chu ka melh kual a, khawvel dangah ka cheng ni a hriatna ka nei.


A hnenah hian a kum akum tel ka thawk tawh a, chumi chhung zawng chuan a lakah ka lawm e tih a sawi hi ka la hre ngai lo hrim hrim.

Eng thil nge maw thleng ta hrep hi le?

Kan chhiar zawhah kan rem chan dan angin a hnuaia fakna awm kha hmetin second sawm vel tal kan enkual ve ṭhin dawn nia, net chaklo tan erawh tih kher a ngai lo ang.
Saturday dah ai ka rawn dah nghal e,
Sunday kha chu chawlh hrim hrim aw, naktuk hi ka hman dawn lo a.

THE CONTRACT CHAPTER 5

THE CONTRACT

CHAPTER 5

DAVID

Gavin group leh Anderson Inc building chu in anglo tak ani, chhim tawp leh hmar tawp ang velin a dang, chu building chu nitina ka thawhna ṭhin steel leh glass ang nilo in, chu building chu brick a sak a ni a, a bul velah chuan thingkung tawi te te buk leih ho hian a hual chhuak vek bawk a, ka car ka park hnu ah guard awm chuan min check hmasa phawt a, chutah mi nuih vur vur chung hian, building luhtheihna pass chu min pe ta a, inchhung ka luh veleh chuan guard dang bawk lo kal lehin chu chuan Graham Gavin office awmna inchunglamah chuan min hruai chho a, hun ṭha tak nei tura duhsakna min hlan zauh hnu ah a kal sawn leh ta nghal a.

Minute reilo te hnu ah secretary in boardroom lam min hruaia, fresh tea intur mi rawn chhawp sak nghalin, reilo te lo nghak turin leh Graham chu alo kal vat tur thu leh nuam ka tih dan ang bera lo awm tura mi hrilhin, min kalsan leh ta nghal a; chu hmun enkual nan chuan hun ka lo hmang ve thung, company pahnih te chu ankalphung pawh a in anglo dun  hle hian ka hria.


Anderson Inc chuan thil changkang tunlai thil an duh a, office chhung leh boardroom hmun tinah chuan state hmuntin aṭanga lemziak a dum leh avar hmuh theihin a awm a, lemziak tu palete hmuntinah hmuh theihin a awm, chung lem ziah te chu rawng chikhat chauh a ziah a tam em em bawk, thir aṭanga siam hmuh tur a tam hle a, modern chairs leh table chunga phah thick glass, chhuatah thing rawng buang ang mai hman a ni a, room tinah room tihvawhna remote a awm vek a, chu chuan Cansas ah ka awm tawh loh zia min hriat nawn tir . Hetah chuan bang te pawh chu Oak thing aṭanga siam pindan an ni hlawm a, board room a table awm chu artui pian hmang ang mai a sawl a siam thing aṭanga siam tho hi a ni a, a bulah chuan leather chair dup tak tak in ahual vel a, chhuat ah chuan carpet dup chi phah chhuahvek ani in, chu room aṭanga kal pawh theih hian kitchen a awm tel bawk, in pianhmang ang taka sak a ni. Gavin group building cheina chuan hmanlai thil angaihsan zia atilang chiang hle a, Anderson group erawh chuan tunlai ber ber thil a uar thung!



Chu room buatsaih tur chuan idea ṭha tak hman angai ngei ang tih pawh ka hria, chu room banga intar thlalak ho chu tunlai anbuaipui mek an thil campaign a ni a, pheikhawk lampang niin ka hria, mahse an campaign dan chu adiklo deuhin ka hria, chu thil enchiang tur chuan meng nur deuh nâwng chungin ka va pan hnai a, chutih lai tak chuan ka hnunglam aṭang hian aw ril thuk ruih hian, "I hmel landan aṭang chuan kan campaign dan hi i duh vak lo in ka hria."


Ka hawi chhuak a, Graham Gavin ang zet mai makti hmel chu ka hmachhawn a, achhan chu Graham nen hian kan la inhre chiang em em lo a, hmun eng emaw ah kan inchibai tih mai loh chu chiang taka inbiakna pawh kan la nei lo.


A palian viau a, mahni a in rintawk  hmel hle bawk, a sam chu a ṭuak var vek tawh avângin light hnuaiah chuan silver rawng angin a lang a, ka bula a rawn din ve hnu chuan,a hmel chu ka enchiang a, a mitmu hring duk ruih leh a aw thum ṭha zet ngaihtuah chuan banga an campaign tar chu an tilui ve reng emaw tih awl tak tur a ni.


Ka dar chhin khum pah âwk chung hian, "In compaign na hi chu idea ṭha tak ani a, mahse a thar lem lo, heti ang hi chu ka hriat hnu a ni tawh."


Dawhkan ngheng chunga dingin a inkuangkuah hlûn a, "An ti tawh ngei alawm, mahse a hlawhtling hle bawk, a client hming pawh Kenet shoes a ni, campaign pakhatah chauh alungawi lo."


Ka bu ve nghut a, "Mi pakhatah chauh ti ta ang la?"


"Sawi zel teh."


Thlalak intar chhungkaw thlalak zinga mi naupangte chu ka kut zungchal chuan ka kawk a, "Heta ṭang hian ṭan rawh, a tetlai aṭangin he pheikhawk hi achhungten an leisak a, tichuan school arawn kal a, a ṭhian ten an hria a, football apetna ah an hre leh bawk a, tichuan a life ah chu pheikhawk hlir chu a lei ṭan ta a, anupui neihni thlengin chu pheikhawk an siam chhuah ang chi chu a bun ta zel a........" ti a ka sawi par par lai chu ka tawp thut a.


Graham chu, chû thil ka sawi chhung zawng chuan ngawirengin ka thusawi chu alo ngaithla vung vung a, ka tihtawp tak avang chuan a bû deuh nghut nghut a.

Ka thusawi chu ka chhunzawm leh nghal a.
"He product hi i hringnun a inthlâk hma chhung zawng chu i tán a ni."


"I mizia a inthlâk thut emaw i hringnun a inthlâk te anih ngawt loh chuan, he product hi i tan a awm reng ang."


"Ṭha lutuk." Ka thusawi ngun zeta ngaihthlák pah hian a ti a.


A thusawi chuan min tilawm kher mai, ka lawm avang chuan ka lu ka kun deuh hlek a, ani chuan hnunglama a dawhkan dawmna kut chu rawn phar chhuakin, "Graham Gavin." A rawn ti a.


Ka kut chu phar chhuak ve in, a kut chu ka vawn sak ve nghal a,"Richard VanRyan."

"Ka rilru i la reng sa tawh alawm."


Ka chhânlet dawnlai tak chuan ka phone chu a hun takah a rawn vibrate nghawr ta dar dar a, "Pawi ka ti lutuk." Ti in ka phone screen èng chu ka en pah nghal a, chuti ang hun pawimawh lai taka phone ka lâk angai chu mawl ka inti hle bawk, "Min lo hrethiamla hei chu ka lâk lawk a ngai."

"Noproblem Richard." A nui a, "Cofee ka mamawh." Ati nghal a.

Ka inher sawn a, phone chu ka chhâng ta a. "Katharine." Zawi tak hian phun chhuak sup a.


Reivaklo chhung chu areh deuh vang vang a, chutah a rawn ṭawng chhuak veleh a, "Mr.VanRyan."



"Yes." Ia nui chhuak pah hawk a, chuti ang hming chuan vawikhatmah ka la koh ngailoh avângin ka ṭhawng viau ang tih pawh ka hria, Miss Elliott ti bâkin ka la ko ngai der silo, chu chuan ka nuih ati za viau bawk.


"Umh, i darli hun kha darthumah a insawn tih hrilh tur che in min tih kha."

"Tunah darthum ah maw ni a?" Tiin ka sawinawn ve ngat.


"Yes?"


"Okay, ka lo tifel dawn nia,khalamah khan engkim a ṭha vek maw?"


Mi arawn chhán letna aw ah chuan ka thil va sawi danah khan a shock viau tih a hriat theih. "Mr.VanRyan i ṭha maw?"


"Of course, i am."  Khati anga va chhaihfiam vel kha ka dawhtheihna in a tlin tawh lo. "Tinge?"


"I thil rawn sawi dan kha .....ah a dangdai em a."


"Lo ngaihven vak duh suh!" Graham chuan kan thusawi chu angaithla ve reng ani tih pawh ka hria, "Engkim a ṭha vek a nia."


"David khan a rawn zawng che a."

"Eng thil nge i lo hrilh?"


"Sawi tura min hrilh ang chiah khan ka sawi, a mah chuan....."


"Eng maw, eng thil nge thleng?"


"Tukin chu lungnihlohna eng emaw tak anei ni in ka hria."


"David te chu engtiklai pawha lungnihlohna nei reng ṭhin mi ani alawm, lunch hma takin lo ei la, office kawngkhar kha lo kalh ang che, ka rawn kir leh veleh keiman ka rawn hmachhawn ang." Amah ngaihtuah hmel zet anga lang si in leh thil tihdan tur hrilh nisi in chu thu chu ka sawi a.

Ka tih chiai na chuan huaisenna a pe a niang chu, "Office lock la, chuan lunch lo ei hma ang che i ti em ni, i rui chu a ni em lo maw?"


Chu athil sawi chuan min ti nui chhuak hawk a, "Katharine ka sawi ang chuan lo ti mai teh! Him takin lo awmla ka duh." La nui reng chung chuan phone chu ka hangup nghal daih a, Graham lamah chuan ka inher leh ta a, "Ka assistant a nia." Tiin ka hrilhfiah a.


Ka thilsawi chu hrethiam tak hmel pu in min melh a, "Anderson Inc hi engvanga kal chhuahsan duh nge i nih tih hi hrethiamin ka in hria."

Mi a rawn en lai chuan ka dar ka lo san khum ve zauh a, ka hlawhtling ta e.


"I chung châng thu min han hrilh teh?"

A zawhna avâng chuan ka ṭhen khum sawk a, "Graham ka chung châng thu chu i hrechiang viau tawh ni in ka hria, a bìk takin kei chu min hria."


Lo búk nghut nghut pahin a coffee chu la kângin a sip pah zauh a,


Ṭhahnemngaihna nen ka kun a, "Mizia hi a thlâk theih."

"I inthlâk tawh tihna maw?"


"Eng nge ka life a ka duh leh engti ang thil nge ka mamawh tih hian ka nunzia chu a thlâk danglam."

"Hmangaihna a awm tawh hnu hian heti ang thil hi mihringah a thleng ṭhin tih ka hre chhuak."


"Chuan Anderson Inc ah chuan heti ang thil hi a strict viau tih pawh ka hria a, midang nena relationship lo neih chu thil theihloh bur a ni."


Ka thaw chhuak hrawih a, "David hian heti ang thil a a staff ho in office chhung leh pawna relationship lo neih chu a duh ngai lo, achhan chu heti ang relationship hian hna lamah buaina athlen ṭhin niah a ngaih tlat avângin."

"Chuan chu chu i pawmlo tihna maw?"

"Ka ngaihdan chuan a pahnih hnihin a tih theih ni in ka hria, office hna leh hmangaihna hi kan tih kawp theih ka ring tlat."

"Chuti ang mi chu i hmu ta tihna em ni?"


"Yes."

"Chu chu i assistant a ni bawk a."


Bùk khum zauh pah chuan harsa ti zet hian ka chil ka lem khawlh a.


"Chu nu chung châng chu min han hrilh teh?"


Shit, business chung châng chu min zawt nise zawng, chhumlo chatlo in sawi par par tur ka hre ngei ang, strategies, angles, concepts, leh dream lampang te chenin, chuti ang thil chu ni se, darkar rei tak chhung pawh ka sawi thei ngei ang, ka chungchâng thu pawh min zawt ni se ka hrilh par par thei bawk ang, mahse hmeichhe chung châng thu hmeichhia ah pawh ka ngaihven loh lutuk leh eng atan maha ka ngaih loh chung chang chu sawi turin min ti si a, ka chil ka lem leh khawlh a, ka kut chuan dawhkan chung chu ka chul pah zauh bawk a, ka hmel put dan hmuhnawm lutuk tur chu ka inhaw ngawih ngawih.


"Hmeichhia ah pawh a mawl ber pawl ani awm e, chuti ang hmeichhia chu ka hmuh pawh ka la hre ngai lo." Tih thu chu ka sawi chhuak ta phawng a, thudik tak leh Miss Elliott ka ngaihdan diktak chu ka sawi chhuak a.



Ka thusawi dan chu rinhlelh hmel zet hian mitmeng zimsan chungin min rawn melh a, ka thusawi chhuah diklo chu ka siamṭha leh nghal vat, "Mahni leh mahni a natna a inthlen ṭhin hi hmuh hrehawm ka ti ṭhin!" Ti in ka thusawi diklo chu muang ban charh hian ka khuhmawi leh nghal vat.

"Of course." Tiin alo bu ve nghut a.


"A ni chu .....uh, ani chu a ṭhafamkim em em a.


A nui chhuak hawk a, "Uhh, kan hmeichhe hmangaih tak te chu chuti ang chuan kan hmu vek ṭhin alawm."


Ka thluak chuan chu nu chung châng ka hriat ang chhun chhun sawi leh tur chu adap kual ruai a, "A hming chu Katharine a ni a, midang chuan Katy tiin an ko ṭhin a, mahse kei erawh chuan ahmingpuma koh hi nuam ka ti."

Chu chu dawt pawh ani lo, engtiklai pawhin Miss.Elliott ti a ka koh ṭhin avângin.


A lo bu leh nghut nghut a, "Hming nalh tak anih chu, chuti anga i koh chu a duh ngei pawh ka ring."


A dawt ka sawi leh hun a lo nghâk vung vung a, "A ni chu hmeichhe té lam pang a ni a, mahni inkiltawih tak leh inngaitlawm thei tak a ni bawk, a mitmeng chu...... tuifinriat dumpawl ang mai in a pawl raih a, leiláwt ang mai a mi hîpna nei a ni."

"Office staff ho chuan an ngaisang hle a,  midang tan cokies te a siam sak ṭhin a......an ngaina hlawm tak zet." Chu chauh lo deuh a chung châng sawi tur chu ka la ngaihtuah belh, ka tana a hmeichhe naran ve mai chu fakna tur ka zawng ngar ngar a, ka tana mi special tak a lantir theihdan kawng leh ka bula ṭhu pa hian ka thusawi a âwih theihna ngei tur chu ka zawng ngar ngar, heti lam kawngah hi chuan ka hlawhchhamna zawng tak pawh ni in ka hria. "Zing hma taka kaihthawh hi a haw em em ṭhin a, a aw ri ringawt pawh hian min nuih tir thei in hahdamna min siamsak ṭhin!"

Phûr hmel zet hian a lo nui sung a. Ni e, kei pawh ka nuih a za lam hret tawh, ka hmeichhe ngainatloh ber mai mizia a fakna tur ka zawng ta chiam chiam mai chu hahthlák ka ti ve lutuk.


 " A ni chuan nun dan kawng diktak chu min kawhhmuh a, ka tan assistant ropui tak a ni bawk a, a tello chuan ka hna pawh hi ka chân thei ngei ang, diktaka sawi chuan ka tán hian a ṭha mah mah a ni." Chu chu ngun taka ka ngaihtuah chuan thudik tak pawh a ni, ka tân chuan a ṭha famkim leh mah mah tlat, kei chu hemi chung chang thilah pawh hian mi fello zet mai ka ni a, a bîk takin he thil ka tih na chhan pawh hi eng thil duh a ti nge ka nih tih pawh ka chiang hle bawk.


"Board ah hian rawn hruai tel ve i duh tihna em ni?"


"No." Chu hun chu Miss Elliott ka sawi fihlimna hun tak tur ni pawhin ka hria.


"Ka hre thiam hauh lo mai."


"A ni....ah chhungkaw din dun kan duh ve deuh tawh a, inlamah hun lo hmang tawh se ka ti a, kei chuan hna lamah chuan midang ka hmang tawh mai ang, inlamah awmin lo hahdam tawh sela, hna tello in a nuam tih dan danin hun hmantir ka duh tawh, chuan a nun te pawh chen ve sela ka tia."


"Tunah a nun chu a chèn lo em ni?"

"A tan chuan hetia inlama awm deuh thut chu a harsa viau ang tih chu ka hriatthiam pui alawm." Ka thil sawi chu a dik ngei ka beisei, "Hna a thawk rim ṭhin lutuk hi ka duh pui tawh lo a, a duh leh nakin lamah te chuan ala thawk veleh mahna, mahse tún dinhmunah hi chuan inlamah hun hmangin a duh dan ang ang a awmin mu mai mai se ka duh a ni."


"Enkawl i duh deuh tihna em ni?"


Kan thusawi ah chuan kan kal thui tawh mah mah ni hian ka hria, kan tan tak pawh hlauhawm lamah a kal tawh, engtin nge ka tih tâwp ang tih pawh ka hre tawh mai lo, ka chung chang thil nilo midang chung chang hi ka ngaihtuah buai peih ngai lo, tel pawh ka tel duh ngai lo, mahni bak ngaihtuah ka nei ngailo miau a.

"Ka rindanin in cheng dun tawh a ni em? Ka lo ngaihdan chuan inpahnih hian hahdam taka awmin nupa anga awm hun ani tawh in ka hria."


Shit, chu lam pang chu ka lo la ngaihtuah chhin ngailo hrim hrim, "Ah, kan, yeah.... kan mimal nun hi kan la inhlut sak deuh hlek vang a nia."

"I personal life hi sawi dun i duhlo tihna a ni em?"


Ka thusawi avanga inchhir zet chung hian ka nui chhuak a, "Nilo e, chulam nilo in, zép ka tum vâng mai zâwk a nia."

Chu pawh chu dawt a ni chuang lo.


"Harsatna tam tak karah thil ṭul tak ti turin Gavin Group ah hian kan awm khawm a."


"Kei pawhin chu chu ka ngaihdan chiah a ni."

Board chung chang a ṭawngkama tihlan tel tum tak chung chuan, "Thawh ho na hi kan ngai pawimawh hle a, he hmunah hian kan personal nun dan te inhrilh hre tawn in group ang a kan thawhna ah pawh kan harsatna kawngah kan inpui tawn bawk a, chuti ang bawkin kan hlimna ah kan in lawmpui tawn bawk ṭhin!" A mit a mi siai khum deuh suk pah chuan a ti a, a thusawi chu chhunzawm leh nghalin, "Ka neih vang em em pawh nilo in, ka company a thawk ho reng reng hi ka ngai pawimawh vek."


"I tih dan hi a ṭha viau in ka hria."

"Heti anga kan tih hian company tan pawh kan thawh ṭhat phah a lawm."


"Hei vang hian a lawm i hming pawh hi a zahawm na chhan chu!" Kan mit leh mit chu intawngin kan in melh dun ngar a, mahni inhawng tak hian ka awm bawk a, ka tan thil ṭha tak a thlen ngei pawh ka beisei.



A chair ṭhutlai nghenchhan chu hahdam hmel zet hian a ngheng pah ur ur a, "I udea ṭhenkhat te chu min han hrilh belh leh ta che."


Kei pawh chu ka hahdam huai tawh mai, ka hnunglam a chair nghenchhan chu muang changa ngheng ve pahin ka melh phei ve zauh a, heti ang thil hi Katharine chung chang sawi ai chuan ka tan a awlsam fe zâwk.


Darkar khat aral leh hnu chuan Graham chu a ṭhutna aṭang chuan a ding chhuak a, "Friday anih hma hi chuan ka hman thei kher lovang, mahse saturday erawh hi chuan inlamah ka nupui nen hun kan hmandun ṭhin avangin ka,hman ang, chumi hunah chuan ka nupui min hmuhsak ve turin leh midang thenkhat te pawh min hmuh sak ve turin ka duh ang che."


A thusawi awmzia chu ka hrethiam kher mai, "Sir a nuam ngawt ang chu ka lawm e."

"Katharine pawh i rawn hruai telve ngei ka duh ang."


A kut rawn phar chhuah chu ka lo vawnsak ve vat a, hmer sak vang vang pah hian, "A duh zawng tak a ni ang chu!"



Office lama ka kir leh hnu chuan Miss Elliott chu a desk bulah ṭhu hian ka hmu a, phone ah hian mi alo be mawlh mawlh a, a awmna ka kalpelh lai tak chuan a mitin min enzui ani tih pawh ka hai lo, a chhan chu vawiin lama ka awmdan dang zet avang khan mak ati viau tih pawh ka hria. Ka bûk khum nghut a, ka office chhung kawngkhar chu hawngin ka luhsan a, ka dawhkan lam ka pan phei nghal a, ka ṭhutna seat chair a ṭhut thlák pah hian ka cellphone chu phawrhin message ka dawn ho chu a indawt danin ka en thla mawlh mawlh a, documents file tlem azawng chu ka sign ngai in a awm, chung thil te chu hrehawm ti ru tak chung chuan ka ṭhutna hmun aṭanga tho chhuakin ka room bang glass chhan aṭang chuan hnuai lam motor kawnga buaina awm nuai nuai chu ka thlir chhuk pah vung vung a, ka awmna building hi a sang ṭha hle a, mahse ka room bang glass chu sound prove nilo sela chuan thawm bengchheng zet zet chu ka hre ngei ang.


He hmun leh  Gavin company chu a danglam viau ang, ka rilru chu a helhhawlh niberin ka hria, engkim chu a danglam vek ngei ang le.


David nen kan inhmu zo hi chu rilru enghelh nei runin kan awm zel a, a chhan chu a company a hnathawk te reng reng hi a tur nasat ṭhin em aváng in, engti ang chiahin nge a hnuaia hnathawk te hi a nawr luih theih ang tih hi a hre hle bawk, chu chu a duh dan leh a nun dan leh atihdan ve pangngai a ni. Chu chu David mizia a ka zirchhuah ták chu ni in ka hria, pawisa avângin thil tih tur thiang leh thianglo, mawilo lam pawh a ngaihtuah ṭhin lo.


Graham nen kan inhmuh zawh hnu ah erawh kha chuan a dan a dang daih, ani kha chuan sumdawnna kawng rau rau ah chuan mi tihluihna ahmang ve hauh lo a, a company chung chang thu kan sawi zawh hnu phei kha chuan ka veng huai zâwkin ka in hria, David dinhmun leh nihna chu Graham lakah chuan a hniam viau nia ngaihna min neih tir a, hei vang hian anih hi Gavin group ah hian post a ruah theih ngailo va tlákchhiat lam aia hmalam an pana an dinchan sauh sauh nachhan ka ti lo thei lo.


Kan hna thawh dan pawh a in anglo viau ang tih pawh chu thil chiang sa a ni, Anderson Inc ah hi chuan nihna duh reng rengin tu te pawh mai chu kan in er ṭham hlawm a, kaisan duh avángin hna min thawhrim tir a, chuti ang inerna chu David hian min neihtir a, a hnuaia thawk tu te mai pawh chu kan in er ru ṭham vek. Gavin group ah erawh chuan nihna leh kaisanna hi a pawimawh berlo a ni tih an inzirtir ṭha hle hian ka hre bawk, chu chuan ka nun kawng pawh ṭha lamah min hruai thlen theih ngei beiseina ka nei.


Tuna ka hriat zawng chu Graham nen meeting kan neih zawh hnu ah khan, a hnena thawh ka duh ta viau tih hi a ni. Chu chu David laka phuba ka lâkna pawh ani nghal bawk ang a, a tello pawhin ka nung thei a ni tih hi tunah chuan a hriatve a hun tawh tak zetin ka hre bawk.


Ka office kawngkhar chu a rawn inkhar a, chulam pang chu ka hawi chhuak ve vat bawk, ka ngaihtuahna aṭang chuan ka harh chiang hle hian ka hria, "David." Beiseilo zeta melh pah chuan ka ti chhuak sup a.

"Client ka neih loh lai tak a ni hi a lawm awm e." Ka ti nawn leh sup.


"Katy in i buailo ti in min hrilh a,  rawn biak che atum a i chháng thei bawk si lo a."

Ka ngaihtuahna ka hman nasat lutuk avang chuan intercom ri pawh ka lo hre lo a nih chu, hei hi ka nuna ka tawn vawikhatna ani ngei ang le.


"Eng nge tihsak theih che ka neih le?"


Kan thusawi laia inpek hmel zet hian a dar chu hnunglamah a sawi che deuh lûk a, "Tukin zing lam khan khawiah nge i awm? I phone call i chhâng thei bawk silo a, ka message lah i rawn reply bawk lo nen."

"Mimal hna tih lawk tur ka nei a."


"I assistant sawi danin doctor hnenah appointment i nei a ti a."


Dawt a sawi chiang bal tih ka hre chiang kher mai, thil pakhat, Miss Elliott hian ka thuruk hi a zèp hneh hle a, chuti ang chuan a sawi pawh ka ring lo bawk, "Engvanga chuti anga sawi nge anih ka hre hauh lo mai, khawiah nge ka kal dawn tih hi Miss Elliott bulah ka hrilh hauh lo, ka sawi dan chuan mimal chung chang thilah ka kal angai tih zawng ka sawi."


Chal chuar nung chung hian min en vung vung a, mahse a awndan pangngai chuan a awm leh vat, a vei kual deuh thuak thuak a, a sam chu a tuai chho deuh puat bawk a, chhungril lamah a na ru hle tih ka hre chiang khawp mai, ka lam hawi chuan a rawn inher leh a, "Engvangin nge khami ni khan Brian Maxwell kha hetah a rawn kal chhan?"

Ka dar ka san khum pah zauh a, ka dawhkan lam chu pan pheiin ka ṭhu nghal a, ka nui pah suk bawk, mahse ka nui ani tih erawh a hmu lo thung! Tunah chuan a rawn inlan chhan chu ka hrethiam vek tawh. "Brain nen hian ṭhian kan ni a lawm, a rawn kal chhan chu golf engtik nge kan khelh dawn tih kan sawi dun a nih kha."


"Phone ah chung te chu arawn  sawi mai theilo em ni?"


"Kan awmna bul lawkah a awm a, Miss Elliott hi a flirt bawk ṭhin nen, chuvang chuan amah ngei a rawn kal ta a nih kha, chumi ah chuan buaina a awm em ni?"



"Eng thil nge tih i tum hi?"

Ka kut chu ka vai zauh a, "Engmah tih ka tum lo David, office kal loh laia golf khelh ka tum tih mai loh chu, i duh chuan min enthla thei ang." File intiang urh zinga pakhat chu ka la thla a, "Vacation hun hmanloh ka ngah a, i dyh chuan chumi aṭang chuan cut mai ang che ."


"Ka enthla reng che a nia." A inher a, a ke chu a per pah nghut bawk a, ka office room kawngkhar lam chu pan pheiin a chhuah pah chuan na zet hian a khar zui bur bawk.


Ṭhen khum sawng chung hian ka áu zui a, "David en ang che, ka kal dan engkim pawh i en thei ang." Ka desk a intercom button chu ka hmet nghal zauh a, Miss Elliott aw muang fan raih ka vinkhum hlauh avanga inralring ran reng ṭhin chuan min lo chhang a, "Mr.VanRyan?"


"Miss Elliott coffee ka mamawh."


"Sir thildang a ngai em?"


"I hun rei vak lo nen."


Thawk ala deuh raih raih ri chu ka hre reng, "Ka rawn kal nghal ang e sir."

Ka ṭhutna chair aṭang chuan ka tho chhuak leh a, tukverh zawnah chuan va dingin ka dak chhuak a, tháwk ka la ri hawk, he ti ang thil hi ka ti thei dawn chiah em tih hi ka la ring zo chuang lo a ni.

Ka thil tih tumah hian ka fail loh ngei ka beisei God min pui hram teh!

         TO BE CONT