TSEPNAYA REAKTSIYA MAFIA ROMANCE SEASON 2 FINAL KING THEO 18+ CHAPTER 49
Ka ipte aṭang chuan bawm pawl tereuhte chu ka phawrh chhuak a, ka hawng nghal a, a hma lamah chuan keng pheiin , "Ka lo ngaihdan chuan he kan vacation hman tur hi kan pahnih atana honey moon ni thei se ka ti a." Ka aw te chu a khur ve hial hian ka hria.
Tanaeya pawh a phu chiang kher mai, ka kut a bawm te reuh te chhung a lunghlu zung bun light in achhun zawng a de sep sep chu a ngaihna hriat loh hmel zet hian a melh tlawk tlawk a.
"Tanaeya ka hmangaih che a, ka hmangaih reng fo ṭhin ang che, ka nupui duh tak kum khua a nithei turin min nei duh ang em?"
"I ti tak tak em ni Detroit?"
"Aw, ka hmangaih che a, chuan offial taka thil buatsaihna hun pawh niin ka hria."
"Yes, yes yes." Tanaeya mit meng chu a de sar sar a, chu tluka mawi leh nalh chu a awm thei tawh dawn chuang em ni?
A kut ṭang chu la in bawm a zungbun awm chu ka bun tir ta a.
"Chuan nih leh honeymoon chu le?" Ka siai khum deuh suk a.
"Tûnah honey moon chu ani thei rih lo ang, inneihna ropui tak neih ka duh phawt ."
"WHAT?" Ka kα deuh hau a, ka nui lai hmel chu a tawp hmak bawk.
"Detroit hmeichhia ka ni a, he nî lo thleng tur hi ka suangtuah nasa thei a sin." A ti ta heu mai, kei lahin zungbun ka bun tir tawh ber chuan inneihna neih kher lo a kalpui mawp mawp ka lo tum rilruk nâk alai chuan.
"Ok, anih leh heti ang inneihna hian hun engtia rei nge a duh ṭhin?" Ka ti chhuak ve ta hram a.
"Kum khat te chu a ngai ang chu!"
"Kum khat em em chu ka nghak tawp lo ang le, thla ruk chhung hun i nei, achhan chu kan naupang chhe tawh lem lo a, fa neih ve ka duh tawh." Ka ti deuh hmuk.
"Fa neih i duh a maw?"
"Yeah, i duh ve lo em ni?"
"Duh tehreng e, mahse ka lo la ngaihtuah phak loh vang zawk a nia."
"A nih chuan ngaihtuah tel tawh ang che, kan innei anih ngat chuan nau i pai har tawh lo tawp ang, condom hman reng pawh hi ka hne deuh tawh!" Ka nui leh pah suk a.
"Ok, anih leh thlaruk chu nirawh se."
ALEXANDRA....
Brandon chuan ka chaw ngainat tak leh ka ngaihsan em em Italian food ei theihna restaurant ah chuan min luh pui a, ka hlim kher mai, kan thil chah te chu tui ti takin kan ei a, restaurant a ṭanga kan chhuah leh hnu chuan chumi hmun a ṭanga hla lo te a beach awmah chuan min hruai leh a, chu hmun chu zan thla eng tak hnuaiah chuan a mawi kher mai, a hmun chu zan anih tawh avangin a reh raih mai a, "Zan in hian i nalh dang dai zia hi ka hrilh tawh che em?" Ka beng bul seta rawn tih sar sar pah hian a thaw lum ham ham bawk a, a lam chu hawi ve in, ka nui chhuak hak hak phawt a, "Vawi eng emaw zah chu min hrilh nawn tawh in ka hria."
A ni pawh anui chhuak ve hawk hawk tho mai, "Dinner avang khan ka lawm tak zet a nia, zan hun ṭha tak min hman pui in ka hria, ka hlim tak zet bawk." Mit meng de sar sar chung chuan ka bula ding mipa hαng lam pang vun sen uk deuh kharh mai chu ka melh chho ve a.
"Kei pawh ka nun a chaw ropuitak ka ei hmasak ber ṭum ala ni hial in ka ring."
"Ei tur reng reng mai kha atui em em vek maiin ka hria, i hriat kha ei leh in siam lamah hian ka tui thei tih pawh, nikhat chu khawvel a 5 star chef ṭha ber ka la ni ang maw le."
"Ka ringhlel lo ve."
Min rawn dinhnaihsauh a, "Zawhna pakhat ka zawt thei che ang em Alex?"
Lo bûk khum nghat nghat pah chuan, "Tehreng mai, i duh duh min zawt thei ang."
A sawi hreh ve hmel kher mai, a sam dum hlap mai chu a tuai chho deuh puat a, thαwk a la ve hawk bawk a, "Ka girlfriend nih i duh em?" A ti ta a.
"Ka duh zawng tak a ni ang chu!" No zet hian ka melh chho ve a.
"Tak tak em ni?" Light in a a arawn chhun a hmel chu a hlim zia pawh ka hmu thei reng.
"Kha thu kha min zawt turin hun rei tak chhung ka lo nghak tawh ṭhin a sin." Tiin ka chhang veleh sap a.
"A nih chuan ka lo vuaicha deuh hlek tiin ka sawi thei ang, pawi ka ti lutuk." Min siai khum leh sak a.
"Anih ka kiss dawn che a nia."
"I....i ti dawn maw?"
"Ka girlfriend hi ka fawh theihlohna chhan tur awm ka hre hran lo."
Mipa ka vawikhat fawhna tur anih zia pawh ka hai hauh lo, chuvang chuan ka zam tak zet, "He thil hi ka nghahna a rei lutuk tawh!" Tiin a rawn kûn hniam a ka hmui chu rawn tawk deuh da da in duh thawh zet hian min fawp ta vawng vawng a, ka rin ai daihin Brandon min fawhna chu dam ka ti phian mai.
OH MY GOD.... min fawhdan chu a damin anuam dang dai phian.
Rilru inpawh ru tawn tak chuan inlamah kan kir dun leh ta a, kan la naupan deuhhlek avangin zan rei tak chhung awm dun kan la ngam chiah bik lo, ka nu ina min hrilh ang ngeiin Cooper chu ka phone ta a, kan awmna hmun beach chu ka hrilh a, min rawn lam ta a, Cooper chu a hma ah amahin a ṭhu a, kei ni pahnih chu car seat hnunglamah kan ṭhu dûn rial a, kan kut chu kan in vawn tawn sak ran a, kan inmelh leh zeuh ṭhin a, kan hlim dun em em a ni.
Ka dam chhung zawngin Brandon tluk a mipa duh hi ka neih leh tawh pawh ka inring lo, kan pahnih hian tet te aṭanga inkawm chho kan ni a, Brandon hi kei aiin a u hret a, tâwk chiah ka ti, zan in aṭang chuan a girlfriend tiin min han ko ve tawh dawn chu a nia, ka hlim ngawih ngawih.
THEO....
In kan thlen hnu chuan Sofia chu inchhungah ka kai lut a, "Babe eng emaw ei phawt te i duh ang em?"
"Duh lem lo, ka chau deuh hlek a, mu mai i la ṭha in ka hria pawi i tih lem loh chuan." A hmel ah chuan a chau tih hi a hriat ngawih ngawih a, amitmeng paw deuh ram chu a meng dul raih bawk.
"Ok, kan room lamah lo han mu hah chawl rawh, kan in tur lei chung changah ka pa ka han be lawk ang a, kei pawh ka rawn kir leh vat ang rei ka rawn rial ka ring lo."
"Sofia dam taka ina ilo haw ka han hmu leh thei che hi ka lawm kher mai." Ka nu chuan kan bul rawn pan phei pah chuan a rawn ti nghal bawrh bawrh a.
"Callie ka lawm e, kei pawh dam taka ka rawn chhuak leh thei hi ka lawm takzet." Sofia chuan tih let ve pahin a nui deuh sak a.
"Dad hi inah a awm em?" Ka nu lam chu ka melh zauh a.
"A office lamah a awm ang, eng nge thil fello a awm em ni?"
"Awmlo e, eng kim a ṭha vek e, Sofia nen a kan indan tur chung changah hian biak ka duh mai chauh a nia, fa te kan nei tawh mai dawn si a, chumi hma chuan inthar luah ve ila kan ti a, chumi atan chuan pawisa cash in ka mamawh deuh a."
"A ṭha hle mai, mahse he inah pawh hian inpahnih in induh chen chen incheng thei reng tho a lawm."
"Thanks mom, mahse naute rawn pian hma hian keimahni in ngei neih ve hi kan lo ti tlu tawh a."
Ka nu chuan mi hriat thiam.
hmel tak hian a bu nghat nghat a, "Ok, Theo ka hrethiam lutuk, i pa chu han ti ti pui rawh, Sofia nang coffee i in duh ve ang em? Ka siam dawn sin."
"Ka lawm e Callie, tunah chuan ka chau deuh rih em a, mut mai ka lo tum a."
"Ok, dear han mu hahdam rawh, i ril aṭam tak leh Theo i rawn hrilh mai dawn nia." Ka nu chuan kitchen lam chu min pansan ta nghal a.
Sofia chu kan room thleng ka thlah a, chumi hnu chuan ka pa office lam chu ka pan leh ta a, kawng khar chu ka kik kauh kauh a, "Lo lut rawh!" ti a ka pa min chhânna ka hriat chuan ka lut ta nghal a, a ni chuan a phone chu a lo khawih mual mual a.
"Hey, Dad, minute reilo te hun i nei thei em?"
"Tehreng mai, eng nge ni ta?" Ka pa chuan a phone bihlai chu a ak ṭha nghal a.
"Inthar lei ka duh a, chumi atan chuan pawisa ka mamawh."
"Khatah chuan buaina a awm lo, khawiah nge in chu lei i tum deuh hrim hrim a?"
"NewYork ah hian kan awm ve tawh ang chu kan lo ti a."
"Tak tak maw?" Ka pa chu ka thu hrilh chuan a ṭhawn ve hmel kher mai, "Anih leh engtin nge college kha ni ta ang?"
"Kan pahnih in New York University lamah min transfer dawn lawm."
"Son kha chu a ṭha viau in ka hria, intan inṭha tak tur pawh ka hria a nia, in sak thar zawh hlim hlawl ani leh nghal a." Ka pa chuan ati veleh sup a.
"Mahse Sofia hian inlian lutuk ang chi kha aduh lo a ."
"Chuti ang in a lian hauh lo."
"Ok, a ṭhat chu, naktuka en theih turin i lo tifel dawn em ni?" Ka hâm deuh bui bui a.
"A nih leh East Caost lama i Condo kha engtia tih nge i tum?"
"Kha chu Jake hian college a zawh fela a kal chhuah hunah ka la hralh leh mai ang."
Ka pa chuan a cigar bawm gold aṭanga siam chu la chhuakin chuta ṭang chuan cigarette chu phawrhin a ṭan kai a, a pak khu chhuak talh talh a, "Ok, a nih leh in chu entheih tur a i tihfel hun ah min hriat tir leh mai dawn nia."
"Son ka lo ti ngei ang."
Ka pa chu ka chhuahsan leh a, kan room lamah chuan mu turin ka kal ve ta a.
Room chhung ka lut Sofia chu alo thaw sak sak tawh a, a mu tui tawh kher mai, tih harh hlau takin ka thawmhnaw chu ka hlip a, bathroom lamah lutin shower ka hmang phawt a, a bulah chuan ka inthawlh ve ta nghal a.
THE NEXT MORNING...
SOFIA...
Theo phone ri sek leh"A tu nge maw ni teh hrep chu le?" Ti a a phun chhuak nung nung thawmah chuan ka harh ve a, "Tu nge?" Ka ti ve sap.
"Ka hre bik lo, mahse tunhnu ah chuan kan mut hma in ka phone silent a dah turin min hrilh lawk tawh ṭhin ang che." A hâm bui bui a, a tho chhuak ta nghal a.
Phone chu a ban a, "Hello."
"Yeah, ok, eng hun ah nge?"
"Ok, thanks."
"Eng nge a?" Ka tho chhuak ve nghal a.
"Dad chuan in kha entheih in a be fel tawh anih chu!" Mut la chhuah hmel zet hian a la meng deuh lup a.
"Chu a va rang leh si ve." Ka aw rawl ka tih rin deuh hlek avang chuan Theo mut chhuak la meng lup lup chu a phu deuh zawk.
Ka lam a rawn pan phei a, "Eng tika en tur nge chu?" Inthiam lo tak hian ka ti chhuak leh sep, ka ti phu deuh zawk kha ka inthiamlo tak zet, ka tum reng vang pawh a ni bik lo.
"Chuti ang zawhna hun pawh a ni tawh lo, i thawmhnaw inbel la, tun aṭang reilo te hnu ah kan chhuak nghal dawn nia."
Thâwk ka la halh a, chik zet hian min en chhuk a, "Eng nge thil diklo a awm em ni?"
"Ka nuamsam meuh lo."
"Zinglam nawmsamlohna bawk em ni?"
Engtin mah ka chhang tawh lo, hrehawm ka ti kher mai, bathroom lamah ka tlân lût nghal rawk rawk.
Ka chhuah leh hnu chuan mi ngaihtuah zet hian min rawn pan nghal thuai a, "Kan en hun tur hi kan sawn hla leh mai dawn em ni ang?"
"Nilo, kha chu kan ti theilo ang, i pa thil tih fel hnu vek tawh ah leh nghal chuan." Thâwk ka la deuh hak a.
"Pawi a ti hauh lo ang." A dar a chhin pah deuh âwk a.
"Nilo, Theo kan sawnhla thei lo ang, nangmahin in chu va en mai rawh, kei chu ka lo chawl rih phawt mai ang e." Nuamlo ti ru zet chuan ka ti ta a.
"Mahse engtin nge i duh zawng anih leh nihloh pawh ka hriat theih ang a?" A kut chu a phar chhuak duai a .
"I duh zawng chu kei pawhin ka duh zawng ani ngei ang tih hi ka chiang a ni, East Coast lama i Condo pawh kha la ngaina tak zet, kal la nangmah nggeiin va en rawh, chawlh hahdam ka la ngai tak zet." Ka ti chuai raih a.
"I chiang chiah maw?" A chhing deuh sawk a.
Ka lu chu ka buk khum nghat nghat, "Aw, han inpeih la va kal vat rawh, tlai thei i ni lo."
"Ok, i tih chuan le."
A inher vut a, bathroom lam chu a pan ta nghal a.
Breakfast tlem a zawng ei ila, chu chuan ka luak chhuak bur reng mai te hi a ti zangkhai ngei ang ti a ngaihtuah chung chung chuan thawmhnaw ka inbel a, inhnuailam ah ka chhukthla ta a.
ALEXANDRA....
Brandon chuan zing ka thawh veleh min rawn be nghal var, ka girlfriend duhawm tak chu nizan lam te a mu tui em?"
"Tehreng mai, ka muttui phah lutuk." Ka nui chhuak ve hak hak .
"A ṭha a nih chu i mumangah min lo hmu maw?"
"Ka lo Hmuhhmaih daih che a, a lehpekah chuan hmuh che ka lo tum tawh dawn nia."
A chek deuh hluk a, "I mumanga min hmuh theih ngeina turin thil eng emaw tak ka tih angai ngei ang." Min rawn flirt pah zauh a.
Ka nui rah rah thung, "Taka tún kar friday hian movie kan en dun leh dawn mi niang?"
"A nuam viau ang." Ka phur kher mai.
"Ok, ka rawn sawm leh dawn che nia, nakinah kan inbe leh dawn nia, ka nu in breakfast ei turin min rawn ko tlat ka dah phawt mai ang."
"Bye, vawiin ni chu nuam takin hun hmang ang che aw."
"Ok, nang pawh le."
Ka phone chu khum lamah chuan ka thehthla deuh thak a, bathroom lamah ka luhsan ta a.
Hlim zet hian shower hman pahin ka zái pah rat rat a.
"Alexandra?"
Ka nu min kohna chu ka chhang nghal vat, "Minute reilo te lawk."
Ka chhuah leh hnuin ka nu chuan hmel hlim sang hian min lo en a, "I date chu eng nge a an?"
"Mom, a nuam tak zet chuan tun friday hian movie en puiah min sawm leh a sin."
"A ṭhat chu, shopping ti turin ka kal dawn a, i lo kal ve duh em?"
"Eng nge lei i tum?"
"Naute kawr maw le." Mom chu a nuih pah sang a, aphur hmel kher mai.
"Mom ala hma deuh mah mah lo maw?"
"Naute thawmhnaw leiah hian hma lutuk a awm thei tak tak mgai lo."
Ka menkual khum ralh a, a châk zawng tak ani ang chu, pi kha ani dawn tawh miau a.
"Chuan i lo kal dawn ta em?"
"Kal lo mai ang, vawiin chu netflix nen ka lo awm hahdam ang e."
"Ok, ka rawn haw hunah dinner tur kan siam dun dawn nia." Ka nu chu akal chhuak ta nghal a.
A kal chhuah hnu chuan ka laptop chu ka on sawk sawk a, film hmuhnawm tak tak chu ka en ta veng veng a.
TREY....
Ka office chhunga ka awm mai mai lai chuan kawngkhar an rawn kik karh karh a, "Lo lut rawh." Ngaihsak vak lem lo tak hian ka chhawn a.
Detroit chu hlim hmel pu zet hian a rawn lut ka phone chu ak in alam chu ka hawi phei mit min lo siai khum pah suk a, "Kan boss man chu vawiin te eng nge a an le?" A hlim zia chu thup tum pawh nise tunah ber kher hi chuan a thup theih pawh ka ring lo.
"Engvanga hmeichhe naupang ang maia i nuih ver ver reng mai le?"
"Chutia ka tih em em pawh ka hre hleinem, nupui ka nei dawn a."
"Nupui i nei dawn a maw?" Ka phu nasa kher mai.
A bu nghut nghut a, "Ka propose a, a pawm a lawm, chuan ka chawlh hahdamna leh ka ṭhian a ni bawk tawh ang chu!"
"I chunga athil thlentir dan hi chu a pa khawp mai tih hi chu ka hrilh duh che."
"Hun rei tak chhunga i rilru hneh thei tu awm chhun leh i mize thlák thei tu ka ti thei hial ang,
"Nia, ka sam te hi a tlâk kawlh hma a inneihna hi tih vat ka duh a."
"Chu chu Tannaeya chuan a duhlo i tihna em ni?"
"Nilo, chumi ni a mi tur atan chuan princess anga lan a duh vang zawk maw le." A kut ṭang pahnih chu min hmuh zauh zauh a.
Ka nui nasa mai a, "Engpawh ni se kan inneih ni a tan a date kan fix hi thla ruk chhungin ni se kan ti a." A ti leh sup a.
Ka buk khum nghut nghut a, "A ṭha a lawm."
"Chuan thil pakhat min tihsak thei ang em tih ka ngaihtuah bawk a, ka best man ah hian i ṭang thei ang em?"
"Tak zet?" Chuti ang a han ṭan leh vel chu kum upat lamah tawh leh nghal.
"Tunge midang ka han thlan chuan ang a?"
"Tun dinhmun angah hian maw,ok, ka ti ang e."
Ka siai khum ve suk a.
Theo chu a rawn lût ve chiah bawk a, "I in min zawn hmuh sak avang khan i inchhuang thei ta." A nui pah suk a.
"Kha in kha i lei fel ta tihna em ni?"
"Aw, lei fel tawh e."
"Detroit leh Tanaeya pawh an innei dawn anih chu!"
"Un ti tak tak ta em ni, eng tikah maw?" Theo hmel chu a phâwk ve hru a.
"October 26 hi kan ruat fel ta mai." Detroit chuan alo ti vat a.
"Sofia nau neih hun pawh october 29 a nia."
"Uhh, kan inneih ni ah chuan labour room ah ala lut mai dawn lo deuh a nih chu." A nui pah suk a.
"A landan chuan october thla chu kan buai thla a va nih hmel ve le? Tute pawh kan buai vek dawn tihna a nih chu!" Ka ti ve zauh a.
"Chu aia nasa chuan kan buai dawn maw le." Huphurh lawk ang zet hian Theo chu a thaw chhuak hawk a, a cigar ken lai chu a híp vang vang bawk a, Detroit erawh za zet hian a nui thung!
TSEPNAYA REAKTSIYA MAFIA ROMANCE SEASON 2 FINAL KING THEO 18+ CHAPTER 50
Theo chu a rawn lût ve chiah bawk a, "I in min zawn hmuh sak avang khan i inchhuang thei ta." A nui pah suk a.
"Kha in kha i lei fel ta tihna em ni?"
"Aw, lei fel tawh e."
"Detroit leh Tanaeya pawh an innei dawn anih chu!"
"Un ti tak tak ta em ni, eng tikah maw?" Theo hmel chu a phâwk ve hru a.
"October 26 hi kan ruat fel ta mai." Detroit chuan alo ti vat a.
"Sofia nau neih hun pawh october 29 a nia."
"Uhh, kan inneih ni ah chuan labour room ah ala lur mai dawn lo deuh a nih chu." A nui pah suk a.
"A landan chuan october thla chu kan buai thla a va nih hmel ve le? Tute pawh kan buai vek dawn tihna a nih chu!" Ka ti ve zauh a.
"Chu aia nasa chuan kan buai dawn maw le." Huphurh lawk ang zet hian Theo chu a thaw chhuak hawk a, a cigar ken lai chu a híp vang vang bawk a, Detroit erawh za zet hian a nui thung!
6 MONTH LATER....
THEO HOUSE....
SOFIA.....
He in kan luah na pawh hi thlaruk lai a lo ni veleh der tawh a, Theo nen chuan nau ka neih hma chhung chu class kan kal dun char char ṭhin a, kan ban veleh keiin inchhung sek rek eirawngbawl lam te khawihin Theo chu warehouse lamah a kal a, tlaiah dinner eiturin arawn haw veleh ṭhin, lunch erawh pawn lamah kan ei ber a, anih loh pawhin Theo nu leh pa inlamah kan ei ṭhin bawk, kan nupa chu kan inngeih ṭhin hle a, intih thiamloh chang te chu nei ve ṭhin mah ila, tu emaw zawk zawkin ngaihdam kan indil leh mai ṭhin, kan pahnih chuan kan hlim ka ti lo thei lo, nau pawh ka hring ve ṭép ta mai, keima tawkah chèt ati harsa ve hle tawh a, mahse ka pasal duh tak erawh kawng engkima ka thlawpna erawh atih ṭhuanawp phah chuang lo.
Theo chu warehouse aṭangin zan dar riatah arawn kir a, dinner kan ei zawh meuh chuan mut a hun der tawh, choka leh kan chaw eina vel ka tih fel hnu chuan kan room lamah ka phei ve ta chauh a, Theo chu tukverh zawnah kawr chunglam pawh ha lo hian phone alo khawih nuap nuap a, va panpheiin, Tu nge i text a?" Ka va ti sap a.
Mi a rawn en nghal a, "Jaden maw le."
"Eng nge ni ta?"
"Babe engmah ani lo, beer in ka tum em tih rawn hriat a tum mai mai chauh a lawm."
"Theo kal mai teh, ka lo tha em em ang tih hi ka chiang."
"Ka kalsan duh tawh hleinem che, kar thum hnu ah chuan nau i nei mai tawh dawn a, doctor sawi danin chumi hma pawh a nei an awm atih kha ngaihtuah ve ta che."
Thâwk ka la deuh hak a, "Kha tin lo mangan pui viau lo mai teh, he naute hi tunah mai hian a rawn piang dawn pawh ani hleinem."
"Ka kal chu ring duh chuang suh!" A ti deuh nghut, ka nuih aza let ling zawk, tunlai Theo hlimna ber chu naute rawn che en a ka dul bula rawn awm hnai a naute biak tih vel hi thildang zawng aia anuam tih ber ani ṭhin! Ka khap ve bawk ṭhin a chu a sim chuang der lo, zan lamah leh zing a thawh veleh hian chu thil chu a ti ziah a, kan fa lo piang tur pawh hi eng ang chiah in nge ala duat dawn tih pawh ka sawi thei lo.
Doctor hnen aṭangin kan naute piang tur chu hmeichhia ani tih kan chiang tawh a, Theo chuan khawvel a pa vannei ber anih zia ka bulah hian a sawi cham chi ṭhin! A pa Trey erawh thung chu a lawm vak chiah lo in ka hria, achhan pawh Theo chuan a fa piang hmasa ber ah hmeichhia aneih dawn vang pawh ani maithei, hmeichhia in Bronze Dragons a enkawl theih dawn loh vang pawh ani maithei, mahse a rawn pian chhuah hunah erawh kha chu ka hre lo le.
Callie leh Alex erawh chuan an lawm dun hle a, alo pian chhuah vat vat nghakhlel tu te zinga mi an ni.
"Naktuk hian park ah picnic turin kal ta ila eng nge i ngaihdan?" Theo chuan arawn ti leh sup a, ka ngaihtuahna aṭang chuan ka harhchhuak chiang lutuk, ka nui chhuak ve sak a.
" A tih chi viau ang chu!"
Kan pahnih chuan khum lam kan pan dun ta a.
TREY....
Ka phone rawn ri ral ral chu ka pick nghal vat a, "Yes, Detroit."
"Naktuk maw, i va ti hma deuh dawn ve?"
"Ok, ka lo awm ang."
"A va mak e, ka ti ang ka tih chu, ka tih loh em ni i rin a?"
Ka phone ka dah chiah Callie chuan ka lam a rawn pan a, "Eng nge ni a?"
"Naktuk hi suit fitting tih ni ati a nih chu! Damn he innneihna tur hian ka lu te hi ati na zo vek tawh." Ka ti deuh hmuk a.
Za zet hian a nui chhuak hak hak a, min rawn pan hnai leh a, ka malchungah chuan rawn ṭhu in, "Khatin i thin tichhe viau lo mai rawh, Detroit hi i ṭhianṭha tak ani tih hi hre ta che, a lakah hian hlim viau la a ni mai." A ti ve nghat a.
"Ka hlimpui lutuk a lawm, mahse chu chuan ka sumdawnna hi nghawng kher lo se la, tun atan chuan Theo hi naktuk aṭangin ware house lama min cover tur a thawk ngawrh leh zual turin ka biak phawt ngai ta in ka hria."
Ngawi reng in min en chho ngar a, "Tho chhuak vat mai teh, ka kal theih na turin, heti zat suit ka nei a, chu pawh ha thei dawn lo in Detroit suit thlan kher ha turin ṭullo zetah ka kal chhuah a ngai dawn a nia."
"Theo chuan a nupui heti ang hunah chuan a kalsan duh tawh dawn em ni? A nupui lahin a nau neih hun a hnaih tawh ropui mai leh nghal."
Chuti ang a Callie thu rawn sawi chhuah chuan ka thin ati sa leh zak tawh, rum zeta melh run chung hian, "Well, a kalsan ngei chu a ngai ang, Sofia chu a rai mai chauh a lawm, a thi dawn pawh ani hleinem." Ka tih khum ta hrawk a.
"Trey." Min melh thip ve kher mai.
"Callie heti ang ti tur hian hun ka neilo a nia, hna tam tak thawh tur ka nei, chuvang chuan nang pawh tho chhuak vat mai rawh, min tibuai."
A tho chhuak nghal hmak, khaw dang hawi san nghalin thawk ka la pah hawk a, ka thinrimna chu bengdaih hram hram ka tum.
"Ka mu tawh dawn a nia, mahse guest room lamah a ni thung ang."
Ka inher zui vat a, "Callie." Kawngka khar rikin a zui nghal bur, thawk ka la leh hawk a.
THE NEXT MORNING....
Zing ka thawh hnu chuan shower ka hmang hmasa phawt a, thawmhnaw pawh ha ta chuang lo chuan towel chu ka bih a, ka phone chu la in Theo chu ka phone ta nghal a, a pickup thei thlawt lo, thinrim sa tawh bawk nen, mahni in ka thinrim lutuk chu ka intauh ka intauh tawh mai a, vawi engzah chiah nge ka try tawh tih pawh ka hre hrep tawh lo e.
A tâwp atawp ah chuan a rawn pickup ve ta hram a, "Tukin zing tluanin vawi sawm chuang lai mai ka rawn try tawh che a, i phone ri hi i chhâng tawh ngai nange ?" ka ti chhuak ṭhawt .
"Sorry dad, silent a ka lo dah vang a nia, eng nge ni ta?" Phone ah chuan thawk ala ri hawk thawm chu ka hre reng.
"Vawiin hian warehouse a lo awm tur in ka mamawh che." Thu pehhel em em pawh awm hran lem lo chuan ka ti nghal tawl a .
"Ka theilo ang, vawiin hi chuan Sofia nen picnic kan lo tum a."
"Theo i duh emaw duhlo emaw vawiin ah chuan hna chu i thawk ngei ang le, i nu nilengin inah a awm dawn a, Sofia chu warehouse i kal rualin rawn thlah pah nghal mai rawh."
"For fuck sake Dad."
"Theo darkar reilo te chauh alawm ni dawn, pawm thiam ve mai rawh." Ka phone chu ka cut ta hmiah a.
Callie chu a rawn lut ve chiah bawk a, min la melh thip kher mai, "Callie ngaithla teh....."
"Ka be lo che."
"Pawi kati lutuk, min tibuai tu a tam em vang anih kha."
"Trey, tumahin an tibuai lo che, nangmah leh nangmah i inla buai mai mai a nih kha, heart attact i neih hma ngei hian inbengdaih dan i zir a ngai ngei ang, kum sawmhnih i ni tawh lo tih te hi inhre ve la."
"Ka upa tawh tiin i sawi tihna mi?" Ka nuih deuh suk.
Min rawn melh nghek a, "Kha i six pack pawh khan family pack a ang ṭep tawh kha.".
"Ok, anih leh family pack i tih tawh chuan kan enchhin dawn em ni ang?"
A taksa chu ka pawt hnai a, a hmuiah chuan ka fawhsak ta a.
THEO HOUSE...
THEO....
Ka pa ina min biak zawh hnu chuan thinrim zet hian Sofia insiam zawh hun chu ka nghak rûn a, room kawngka chu rawn hawngin, "Ka inpeih ta e." A rawn ti sap a.
Engtin mah ka chhang lo, ka tûm hmuk a, ka mengrum hle bawk, "Diklo a awm em ni?"
Thawk ka la hawk a, "Sorry babe, ka kal leh theilo ang, hna ka thawh a ngai." Chu thil ka sawi zawng ringawt pawh chuan ka thin a rim ṭeuh mai a.
"A pawi hleinem, inah ka lo mu mai ang a." Dam diai hian a ti a.
"Labour room lam i hnaih tawh hnu ah leh lek phei hi chuan nangmah chauh a ina i awm hi ka duh pui hleinem che, ka nu bulah ka drop pah ang che, chuan eng emaw thleng thut pawh ni se, a zia awm phah ngei ang, anih loh pawhin ka nu nen lunch ei turin in chhuak dun thei bawk a."
A chal chu a dawm ngáih a, "Ok, anih chuan ka inthlâk leh angai tihna anih chu!"
"Eng nge a ngaihna kher? Kha i thawmhnaw hâk lai pawh kha aṭha tho a lawm."
"Theo, heti ang thawmhnaw ha chung hian i nu chu lunch ei pui turin ka chhuah pui hauh lo ang le." Room lam chu a pan leh ta nghal a.
Kan bed room a tan chuan inhnuai kan hmang rih a, nakinah Sofia chuan nau aneih hunah kan master bedroom lamah kan la shift ang chu, túnah chuan a tan inchunga chhuk leh chhoh reng mai chu a harsa in ka hria a, eng emaw accident thut te a awm palh ang tih ka hlauh pui bawk, he kan inluah ah hian bed room panga ngawt mai a awm a, kan lei tirh lai khan Sofia chuan zau ala ti viau a chu a kal veloh ah avangah ka puh hmiah, eng mah phei chu a sawisel chhunzawm ta lo a ni.
Sofia a rawn chhuah leh hnu chuan ka car ah ṭhu lutin ka nu te inlam pan chuan kan inkhalh chhuak ta nghal a, "I pa chu khawiah nge kal atum a, a va,pawimawh awm ve? Nang te hial hna thawk tura a rawn chah tαk mai che."
"Engmah a sawi lo a, kei pawhin ka zawt hek lo." Ka ti deuh hmuk a, ka hma lam pang hlir chu ka melh ngur a.
"Inneih ni a hâk tur khan thawmhnaw thar ka mamawh ngei ka ring." Tiin a phun chhuak leh sap a.
Ka ngawi reng a, a mah bawk chuan rawn chhunzawm lehin, "Eng mah tunah hi chuan inhmeh pawh ka neilo ang." Thawk ala leh halh a.
"Naktuk ah shopping kan ti dun dawn nia, i inhmeh tur ber leh i mit tlung ber ka lei sak ang che."
"Ngawi lawk teh, sawlai kawng bula bakery awmah sawn thil eichak deuh ka nei."
"Hmeichhe raipuar zet hi chu! Va kal poh ta che, ka lo nghak ang che, mahse fimkhur viau rawh, hmanhmawh lo ang che."
Sofia chu nuih rah rah pah chuan a chhuak ta nghal a.
Sofia kal chhuak ta chu ka enzui tho tho, ka hlauhthawn pui ngawih ngawih, kan fa rawn piang tur a hrin chhuah hma hian thilpawi tak a thleng ang tih hi ka hlauh pui tlat, dawr chhungah chuan a pil vang vang a, chumi hnu rei vak loah chuan thilfun lian leng lawng tak keng hian a rawn lut leh ta a, "I thil duh chu i va hmu maw?"
A nui pah sang a, a thilfun a ṭang chuan donut lian leng lawng tak hi a rawn phawrh chhuak a, pakhat chu a ei tiam tiam nghal a, ka hma ah chuan a rawn keng hnai a, ka lo keihsak ve zauh a, ka nu te in kan thleng hnu chuan Sofia chu a chhuk a, ka nu pawh a lo chhuak ve vat, "Theo i pa in Sofia i rawn dah dawn thu a sawi a."
"Nia, ka dah a ngai anih hi, amahin inlamah ka dah ngam rih tawh lo, engtiklai pawh a nau nei thei reng din hmunah a ding tawh si a." Thâwk ka la deuh hawk a, "Khawiah nge Dad hi a kal reng reng? A va pawimawh awm ve."
"Vawiin kha Detroit nen inneihna a an hak tur suit an enchhin ni tur kha a nia, a hrilh ve na che nge?"
"Ka zawt lem lo a, tlaiah Sofia chu ka rawn lam leh ang." Ka in khalh chhuak ta nghal a.
TREY....
Detroit nen chuan kan inzui chhuak a, dawr hmun hrang hrang kan kal pel tawh, a khawiah teh hrep chuan nge maw suit chu a han buaipui tir reng reng chu le? Hun neih tam loh teh reng nen chuan.
"Fucking shopping Detroit, he hmunah hian min that hi a ni ringawt." Ka ti chhuak hrawih a.
"Kan rei vak ka ring lo, Tanaeya in a thlangsa vek tawh a, hak chhin chauh kha kan tih tur chu a ni e." Nui vawr chung hian a ti ve sup a.
Chuti anga min chhan hnu thleng pawh chuan ka la lungawi thei chuang lo.
"Chung te chu warehouse ah midang lo kal tirin i tih tir thei mai lo em ni?"
"Chuti ang anih te chuan anawmna a bo vek mai dawn a sin."
"Idiot." Ka ti nghut.
A táwpah zawng an dawr tihna hmun chu kan thleng ve ta hram a, Detroit chuan nui vur vur chungin hma a hruai a, keiin a hnungah tum hmuk chungin ka zui lut bawk a, "Hello." Dawr lo nghak tu nu chu a ti pah zauh a .
Chu nu vun hang lam deuh eng lam pang nei sambuang tan tawi tak, inchei duh dah ve zet mai leh la naupan hmel zet chuan kan lam a rawn pan nghal thuai a, kan bul a rawn thlen hnu chuan, "Fitting ti turin kan rawn kal a." Detroit chuan hmel hlim sung hian alo ti leh sup a, Detroit hlim lutuk chu a nui vur vur reng mai ni hian ka hria, túnlai tak phei hi chu a kâ ah pawh zen sak ni ila min seh duh ka ring lo ti ang hial hi a ni.
"Mr.Brown leh Mr.Bailey em ni?"
"Aw, ni e." Detroit bawk chuan a ti leh vat a, kei erawh ka ngawi hmak.
"Mr.Bailey i suit hâk turin dressing room veilamah khan alo nghak che a, chuan Mr.Brown i suit hak tur dinglamah khan a awm ang."
"Mamawhna min neih chuan min rawn ko dawn nia." A mit a siai pah sak a.
A sawi ang chuan kan pan ta nghal a. Detroit chu a phur bawk a ni ang a che rang hle mai, keia phurlo zet a inthlâk ai mah chuan alo va chhuak hmasa zawk a, dawr nghak tu in a, "Mr.Brown i inhmeh tak zet, i hâk tur ni áwm tak a ni." A ti deuh lâng lang leh Detroit nui ri hawk chu ka hre thei a, ka suit chu ka ha ve ta a, ka sa kher mai, engvanga rawng senno tel kher nge maw anih hrep chu le?
"Detroit i chiang hrep maw?" Ka ti deuh tuar a, ka kal chhuak nghal a.
"Eng nge ni leh ta?"
"Fucking pink Detroit, he ti ang thuamhnaw hi ka inbel hrep ang a maw?" Detroit lam chu ka melh rum kher mai, suit a rawng senno tel ka vawikhat inbel na tur hrep leh nghal.
Detroit chu za zet hian a nui chhuak a, ka nuih a za ve hauh lo ka thinrim lutuk chu ka insehruh a, "Detroit Pathian hmingin kha i nui hmel kha tawp vat mai rawh, chuti lo chu i thluak bur kha ka káp darh vek duh ngei ang."
"Easy, heng suit ho te hi ka thlan ani reng reng lo." A ti nghal chul a.
"Mr.Bailey kha i suit hak kha bridesmaid dress nen a in match vang a nia." Dawr nghak tu chuan alo ti thuai a.
Ka ner sawk, chu bridesmaid chu thlan khalh ni ila chu he rawng senno hi ha lo in rawng dum vek inneihni ah a ha ngei ang le.
"Chuan kha rawng pink khan a ti lang hot hle che a nia." A han ti nawn leh kher phei chu ka thinrim lutuk ka puak keh dawn hiala hriatna ka nei.
ONE DAY LATER....
THEO....
Sofia nen chuan shopping turin kan chhuak ve ngei a, a kal muang kher mai, muang te te a ka kal pawhin ka nghah zel ala ngai, heti ang hi chuan chatuan pawhin kan shopping zo kher awm lo ve.
"Sofia lo hman hmawh ve deuh rawh, chawhnu lam ani der tawh, eng mah kan la lei mang si lo." A tur hian ka va tur a.
"Ok, ka tum a lawm."
Ka kal leh vung vung a, nghah bawk a la ngai leh, "I rawn hmanhmawh ve deuh thei em?" Ka ning ṭan ta kher mai.
"Ka lo ka........" ka hawi lét chiah Sofia ke rap tleu na zet a tlu thlawrh chu ka va hmu hman a, ka bíng nghal mup mup mai, ambulance ka ko vat a, chu lai hmun aṭanga hnai ber hospital lam chu kan pan pui nghal vat bawk, doctor te chuan a hmun kan thlen chuan labour room lamah an nawr lût nghal vat bawk, ka mang ang lutuk chuan mom leh dad biakna chang pawh ka hre lo a ni tih ka hre chhuak a, ka theih ang a rang chuan ka call leh hnu hnawh a, ka phone nghal ta vat a, chan chin ka hrilh sawk sawk bawk, "Theo kan rawn thleng ve vat ang, lo thlaphang vak duh suh, Sofia chuan eng em ati lo turah ngai ang." Ti a ka pa min rawn ṭawngthlamuanna avang chuan ka thawl phah hawk.
Doctor chu a rawn chhuak ta hram a, "Doctor Sofia chu eng nge a an?" Ka lo ti nghal vat.
"Hei hi a emergency thil em avangin cesarean section( emergency thil a naute zai chhuah chawp ang chi sawina Sangtei) kan tih mai a ngai ang."
Ka indawm kun nghal tlawk tlawk, heti ang thil thlen na chhan hi keimah vang vek a ni. Engvanga Sofia kha lo tur hrep nge maw ka nih le?
"Mr.Bailey, naute leh anu chu an ṭha e." A rawn ti thuai a, ka hmela hrehawmna chu a hmuthiam ani ngei ang.
"Mahse Sofia blood presure kha a sang viau mai a, he thil tih theihna chance hi kan la hmu mai rih lo." A ti leh sap a.
Tháwk ka la hawk a, "Doctor ka awm ve thei ang em?"
"Kha chu thil theih anih ka ring lo Mr.Bailey, mahse kan tih zawh veleh rawn kalin ka luh tir ngei dawn che nia."
Doctor chu a lût leh ta nghal a.
Ka nu te pawh hospital an rawn thleng ve nghal vat bawk, an thang rei lo kher mai, "Theo Sofia chu eng nge a an, eng thil nge thleng?" Ka nu chuan a rawn ti nghal sawk sawk a.
"A tawlh thlu na deuh hlek a, tunah hian emergency cesarean an ti mek."
"Theo engkim a ṭha leh vek mai ang, doctor te chuan an tih tur an hria a lawm." Ka nu chuan a ti a, mahse ka inthiamlohna chu a bo thei tak tak lo, keimah avanga thleng a ni tlat si a, Sofia chungah hian eng thil pawh thleng thei a ni a, chuti ang anih phei chuan ka damchhung zawng hian ka inngaidam leh thei tawh ngai lo ang.
"He ti ang thil hi Sofia nena,
kan plan dan kha ani ngailo a sin, nau a vei laiin keiin a kutah vawn sakin ka lo hnem ang tih hi kan sawi dun fo ṭhin a ni a, mahse túnah chuan ka luh pawh min phalsak ta si lo." Ka thaw deuh káwk a.
"Sofia leh naute an ṭhat kha kan duh ber a nilo'm ni, an ṭha tih thu i hria a, a lawmawm ber a lawm."
"Theo i pa thusawi chu a dikin ka hria, khatia naupianna chung changa inthil lo plan ho i tih puitlin theihloh mai avang khân lunghnur phah nan hmang duh suh!" Ka nu pawh chuan a ti ve a.
"Cornor ka biak a ngai ang, thil thlen dan hi ka han hrilh ve lawk ang e." Ka ti ngui ruih a, zawi muang chuan ka kalsawn zui ta nghal a.
"Trey, heti ang thil a thlen hi ka la ring thei lo, engvanga Theo hi vanduai viau nge maw a nih mai chu le, a fa tir berah leh nghal." Callie chuan a mittui chu a hru fap fap a.
"Baby an pahnih chuan an ṭha leh em em ang, khati ang thil phei kha chu ngaihtuah duh suh, khatia i lung ngai hmel phei kha chu Theo hian a hmu hauh tur a ni lo a nia." Trey chuan a ti leh sup sup a.
Callie chuan a mittui tla chu hruk hul sawk sawk pahin, "I tidik e." A ti thei ta a.
Ka phone hmang zo chu ka nu te lo dinna hmun lamah chuan ka phei leh ta a, "Vawiin ah flight thlawk tur a awm em tih arawn en ang a, a awm chuan vawiin la la in rawn kal a tum a nih chu!" Ka ti a.
"Eng vangin nge?" Dad chuan a khabe a dawm deuh vung vung a.
"Kar leh hian lokal atum hrim hrim a, naute pian lai hian Sofia chuan awm ve turin a duh thu a sawi a lawm."
"Thil thlen dan hi a buai chuar nuai niberin ka hria." Ka ti leh sup a.
Naute ṭap ka hriat chuan min ṭhawng hlawm kher mai, kei meuh pawh ka phu chiang lutuk.
"I fanu chu a piang chiah ani ngei ang." Ka pa chu a nui ta vur vur a.
"Congratulation son." Ka nu chuan min rawn kuah vat a.
Doctor pakhat hi a rawn chhuak ta a, "Mr.Bailey tunah chuan i rawn lût thei tawh e."
"Son, kal la i fanu chu va hmu rawh." Dad chuan hlim hmel pu zet hian a rawn ti a.
"Alexandra ka'n call ve nghal ang e." Ka nu chuan a ti a.
"Ka theih ang a rangin an phal veleh ka rawn call dawn che u nia." Ka tih hnu chuan hman hmawh zetin Sofia room lam chu ka pan zui ta nghal.a.
Room chhung ka va luh chuan ka zâm ve kher mai, khumah chuan Sofia chu engmah hre lo hian a lo mu a, a bul a chuan naute bawmah hian naute tereuh te mai hi puanna tuam fel αt chung hian alo mu bam mai bawk a, an pahnih hnih chuan an muhil dun a ni ngei ang.
Sofia mutna lam chu ka pan phei a, "Babe i ti ṭha takzet." Ti in ka phun chhuak sup a, naute mutna lam chu ka pan phei leh a, Wow, ka fanu ngei a ni tih hi ka la ring theilo hial zawk mai.
Naute duhawm zet a ni chiang a lawm, "Hello Zara." Chu hming chu Sofia nena inlungrual taka kan put tir a ni.
"Welcome to the world my little sweet princess." A hmui ah chuan ka zu fawh sak zauh a, hnute a rawn zawng nghal da da mai.
"Ka hmangaih lutuk che a nia ."
Zara Kadie Bailey
Date of birth Oct 9 tine 4: 45
Weight 2.778
18 inches
TWO WEEKS LATER....
SOFIA....
Zara inlama kan haw pui hnu chuan zan tin mai Theo nen chuan kan in men chhawk zak zak mai a, kan Zara tereuh chuan min ti buai kher mai, ka awi mu a khuma ka mut leh chiah Theo chu aroomah a rawn lut a, "Reilo te tal chu a muhil thei ve miah lo em ni?"
"Nilo, khawngaihin thαwm kha dim hle teh!"
"Naktuk hi inneihni a ni tawh a, kan thawmhnaw hák tur engmah pawh kan la ngaihtuah fel ve lo a."
"Ka hria e Theo, naktuk hian Cornor hma takah a rawn kal dawn a, Zara hi naute enkawl tu kan lak nen khan an lo awmpui ang a, kei ni pawh kan hmuh theih ang ang thawmhnaw in belin kan kal ve mawp mawp tawh mai a ni ang chu." Ka ti chhuak raih a.
A lo mengkual rulh. "Eng nge Theo?"
"Shopping ti turin hun ka neilo tih pawh i hriat reng kha, naute enkawl ngai nen ka buai ve èm hi!" Tháwk ka la pah hak a .
"Ok, calmdown, naktukah eng emaw kan hâk tur chu ngaihtuah dan a awm mai ang." A rawn ti ta chûl.a.
A ṭawng rin em avang chuan Zara chu a rawn ṭap chhuak leh ta a, "Enteh engthil nge i tih leh tawh hi?" Ka tum hmam mai.
"I tih ve ni tawh."
Theo chu naute mutna lamah chuan a kal phei ve mai a, "Hush....."
An tih tih in lo in ti ve tawh teh se, mut ka mamawh.
Kan room lamah ka phei san daih.
THE NEXT MORNING...
"THEO?"Ka mutna chu ka en a, alo ruak hiai mai, ka tho chhuak thuai a, "Zan khua in ka mu tlang tih hi ka la ring theilo hial zawk mai." Ti in ka phun chhuak sap a.
Mahse ka mamawh tawh tlat a ni, ka hâm bai bai a.
Zara room ka en hmasa ber a, ka hmu hauh lo, inhnuai lamah ka chhuk thla a, sofa lian ṭha zet a Theo lo muhil leh a kil lama Zara alo mutpui chu ka hmu ta a, ka nui sak, an pafa chu an muttui hmel kher mai, an cute dun tak zet, vawiin kha inneih nî a ni si a, ka kaihthawh hma in shower ka lo han hmang hmasa zet phawt teh ang.
Ti rilru in inchung lamah chuan ka chho ta a, ka inbual zo ṭep bathroom kawngka a rawn inhawng a, "Babe min kaihthawh a vangin ka lawm e." Theo aw ngei mai chuan mi ti el khum zet hian a rawn ti ve sup.
"Sorry, shower ka hmang hmasa zet phawt ang a, chumi hnu ah ka rawn kaitho ang che ka lo ti deuh a." Tui chu ka herh tawp nghal a.
"Khawiah nge Zara?"
"Cornor bulah a awm a, nau awmtu tur khan a intur a siam sak mek bawk."
"I hmanhmawh a ngai ang, kan kal vat a ngai a nia." A tih zawm leh nghal a.
"Ok." Towel chuan ka intuam nghal a.
Ka insiam zawh hnu chuan inhnuai lamah ka chhuk a, Theo sawi danin thawmhnaw pang ngai tak nen chhuak a, dawr pakhatah kan thawmhnaw hak duh thlan tur a awm thu a sawi tawh a, jamper leh kekawr tlawn satliah chiah in ka inthuam.
Inhnuai ka thlen chuan Cornor Chuan Zara chu alo pawm a, "Sofia rawn ngaihtuah duh suh, a ṭha em em ang, kei ka awm tel dawn a lawm." A ti sup a, ka hmela Zara ka ngaihtuah zia chu a hmu thiam ani ngei ang, Cornor pawh a awm dawn tho a, engah nge ka ngaihtuah em em mai le?
Mahse alo ṭap vak vak leh ang a an ti tlei thiam silo ang a, tih ringawt chu ka ngaih tuah.
"Kalsan hi ka duh lo mai chauh a nia." Ka ti chhuak leh sep.
"Bye bye baby."
"Woman i lokal vat angai ang, anih loh chuan kan tlai dawn a nia."
"Ka lo kal." Ka tho chhuak ta vat a.
"Theo kalsan ka duh lo." A bul ka thlen chuan ka ti raih a.
"Sofia a ṭha em em ang, nikhat chauh alawm kan kalsan dawn, i hriat reng kha, chhun lamah chuan a mu ṭha duh viau a, zan lamah chiah anih kha aṭah ṭhin, chumi hunah chuan kan haw leh tawh dawn a lawm."
"Thawmhnaw zawrhna dawr ka phone a, inneihna a hâk tur suit leh kawr en tur an nei a, chumi enchhin tur chuan kan kal vat a ngai ang, kan kalna tur ami te thawmhnaw pawh hi an mahni tihsak vek chu a nia, chuan thawmhnaw in match kan duh tih pawh an hre bawk." A ti leh a.
"Kan inthuamna match chu i duh tihna maw?"
"Kha chu nangma duhthlanna ani e, i hlim anih chuan kei pawh ka hlim."
Kan inzui chhuak ta a.
Theo chuan dawr pakhat ah hian min luh pui a, "Hi, thawmhnaw ṭhen khat rawn enchhin tur te kha kan nia." Chu dawr nghak tu hmel la naupang tak mai leh harhvan hmel zet chuan mi rawn en in, "Oh, Baileys outfits matching ti tur te kha maw?" A nui pah sak a.
"In tan thawmhnaw ka lo thlan sak tawh che u kha, dressing room ah hak mai theih turin a awm tawh ang."
"Puih in ngaih chuan min rawn hriat tir leh dawn nia." dressing room lam chu a buk khum zauh a.
Kan pahnih chuan dressing room lam chu kan pan phei a, suit dum leh hring nghalh mai chu Theo chuan a rawn ha chhuak a, chuti ang bawkin kei pawhin silk kawr hring nalh zet mai fual hnalh a kawng a ribbon hlai ṭha tak rawng eng a invet chu ka ha chhuak bawk a, kan inhmeh dun hle hian ka hria, Theo chuan min rawn pan phei a, "Babe i inhmeh tak zet." Ka heh khur deuh dar dar ah chuan min rawn fawh sak zauh a.
"Nang pawh i inhmeh lutuk." Ka ti tham ve ṭiak.
"A nih chuan a man lo pe fel la Cornor ka han phone lawk ang e, kan Zara hi eng nge a an ka hre duh!" Ka kalsawn ta nghal a, Cornor chu ka call a, "Cornor Zara eng nge a an?"
"Rawn ngaihtuah duh suh Sofia, hnute tunah khan a hne zo chiah a amu chiah chiah mai."
"Ok, a sual palh ka hlau a, eng emaw chan chin a awm anih chuan min rawn hrilh dawn nia."
"Ok, ka rawn ti ngei ang, hlim takin hun hmang dun rawh u aw."
"Ok, ka lawm e, bye." Phone ka dah hnu chuan Theo nen kan inzui chhuak leh a, inneihna hmuntur hall chu kan pan leh ta a.
WEDDING VENEU
THEO....
Hall chhung Sofia nen kan lut
kan tlai teuh kher mai, Detroit leh Tanaeya te pawh an lo ding chhuak tawh a, Tanaeya chuan Francesca chu bridesmaid ah a hmang a, Detroit bulah chuan ka pa pawh a ding ve run tawh a.
Kan thleng ṭhutna lam pana kan ṭhu fel deuh âwrh ang tih ah chuan priest chuan inneihna hunserh chu a hmang chhunzawm ta nghal a.
PRIEST
"Unau duhtak te chu vawiin ni a he hmuna kan awm chhan hi, Dretroit Brown leh Tanaeya Smith te inneihna hriat pui tura rawn kal khawm kan ni a."
"I nupui chu i fawp thei tawh e."
Inneihna hun serh kan hman zawh hnu chuan a lawmna kan nei ve ta thung a, ka pa nen chuan dawhkan pakhat kil in ei tur tuihnai tak inchhawpin champagne nen kan ṭhu dun a, "Chuan...Detroit pawhin nupui a nei ta chu a nia." Ka pa melh zauh pahin ka nui chhuak suk a.
"Tanaeya khawngaihthlák." Ka pa chuan a ti ve sup.
"Saw lam saw va hawi ve teh, Francesca leh Cooper pawh dance floor lamah sawn an inhnaih dun khawp mai."
Ka pa chu a hawi phei ve nghal a, "Hemi zawh hian Bronze Dragons a ṭangin innei tur an awm leh hmel khawp mai." Tiin ka nui chhuak leh hawk a.
"Kha lam kha ka ngaihtuah peih hrep rih lo e, tùna ka thil hmuh zawk chu Brandon leh Alex saw sawti anga an inhnaih zual zel anih chuan ka va pawt ṭhen duh hial ta ve ang." A ti chhuak hrawih.
Ka pa chu ka menkual khum rulh a, a"An ni pahnih hi an indate khan an inkar a zawh dun daih tawh ka lo ring a sin." Ka pa chuan a ti leh hmuk.
Nuih ruh ruh pah hian, "Hemi zawh a inneihna tur chu Alex leh Brandon pawh saw ani maithei."
"Kha chu ka deadbody chungah chauh nirawh se." A ti hmuk, a mengrum hle bawk.
Ka nui nasa mai, a thaw ve hawk a, "A nih leh Bronze Dragons enkawl chung chang kha duh i thlang fel tawh em?" A rawn ti ta sup a.
"La thlang fel chiah lo."
"I tihfel thuai chu a ngai ang."
"Enkawl loh lo thlang ta ang ni ila eng tin nge ni ta ang nih leh?"
"Tunge hria." A ti deuh hmuk a.
Mo lawm kan zawh hnu chuan Sofia nen inlamah kan haw leh ta a, naute kan tih mut hnu chuan kan inkarah chuan ka mut a, a muṭha hle mai, awih vak pawh ngailo in a mu ve mai a, "Theo hetah chuan Zara hi i mut tir theilo ang."
"A ṭha a lawm ngaihtuah duh suh, ka en pah reng a lawm."
"Naktuk lam te eng nge plan i nei em?"
"Zing rawn ni se, warehouse lamah ka pa nen kan inbiak a ngai ang." Ka mutchhuak chu ka ham deuh bui bui a.
"Eng chung chângah nge?"
"Dragons pawl enkawl chung chang ani ang chu!"
"I thlang fel tawh em ni?"
"Yep."
"Theo engpawh thlang la nang thlawp tur che hian ka awm reng a nia."
"Thanks, babe, mu phawt teh ang."
THE NEXT MORNING....
Naute vangin thawh hriat a awl ṭhin khawp mai, dar kua pawh a tho ṭhin lo kha, zing dar ruk ah thawh zat zat zel tawh a ngai a, ka thawh hnu chuan mut kham lo zetin shower hmangin ka inbual harh a, chumi hnu chuan breakfast te eiin warehouse lam panin ka inkhalh chhuak leh ta nghal a.
Ka thlen hnu chuan ka pa office lam ka pan tlang nghal a, kawngka alo inkhar avang chuan ka kik deuh karh karh a, "Lo lut rawh!" ti a ka pa in min rawn chhanna chu mak ka ti hle, warehouse lamah a awm pawh ka la rin chiah loh vang pawh ani maithei, ka lut ta nghal a.
Ka inthuamna chu ka pa chuan a en vung vung a, "Kha kha ka thuamhnaw ani lo'm ni?" A ti ta khauh a.
"Hei hi ani lawm ni Don ho in an hák ṭhin?" In aṭanga ka chhuah hnu khan ka pa te inah ngawi reng in ka lut a, ka pa old closet awmna lam chu pan in suit dum ho adah hnup zinga pakhat chu ka inbel ta a, achhan chu ka rilru ka siam fel tawh avangin.
"Don maw eh." A nui chhuak ve suk a.
"Heti ang thil tlâk tlai lo tak ka ti dawn anih chuan title ka mamawh ngei ang." Ka ti leh nghut a.
"Don tiin i sawi ti raw kha, chu chu ni rawh se." Ka pa chu a nui chhuak ta hawk hawk a.
SEASON 2 THE END
TSEPNAYA REAKTSIYA SEASON 2 chu kan lo zo leh ta der mai a, SEASON 3 tlem ka rawn dah e, mahse hei hi ka kal zawm pui dawn nge dawn lo ka hre rih lo, kal zawm ngei chu ka châk viau a, thildang type tur ka ngah deuh em a, ka chhunzawm vat lo maithei bawk, ka rawn ti anih pawhin thla thar lamah anih dawrh ka ring..
TSEPNAYA REAKTSIYA LOST MAFIA ROMANCE SEASON 3
Chapter 1 thleng ka rawn dah e aw. A hnuaiah hian a chhiar zawm theih.
TSEPNAYA REAKTSIYA LOST MAFIA ROMANCE SEASON 3
CAPTER 1
NEW YORK....
ALEXANDRA
Kiara nen chuan coffee shop ah ṭhu in coffee kan indun a, "Kal chu i tum tho a maw?"
"Aw." Coffee chu ka tem pah hlak a.
"Anih leh Brandon hian engtin nge a sawi ve i rin?" Dawhkan a cupcake an rawn chhawp tel chu a ban pah nghal zat a.
"Ka... la hrilh... chiah lo a." Kati bah deuh nak.
"Eng maw? Kar leh lawk hi i kal tum hun ani tawh a, chuan ka la hrilh lo i ti a maw? Alexandra inpahnih hian chatuana inkawp tur chi in nih hi, i mipa fawh hmasak ber chu a ni hi a ni a, i first love ani bawk a, i engkim ni hmasa ber anih vek hi!" A ṭawng ring ṭha leng lawng hle mai, Brand ka la hrilh lo chu mak a tiin a ṭhawng tak zet ni in ka hria.
"Ka hria alawm Kiara."
Thawk halh pahin a chal chu a kut leh lam chuan a dawm zauh a, a heh apet pah zauh bawk, a hma a coffee awm chu a lem pawp bawk.
"Chuan ka hmangaih tak zet tih pawh hi ka hria a lawm, mahse he thil erawh katih ngei a ngai ang, ka lo suangtuah ṭhin ngar ngar kha anih avangin. " Ka tih zawm leh sep a.
Thawk ala leh halh a, "A nih i bula kal ve turin i sawm dawn em?"
"Sawm lo ang, he thil hi chu keimah a ka tih angaiin ka hria, chuan ka buai hle dawn a, ka hmuh hman vak vak pawh ka ring chiah lo."
"Chuan kum rei pawh ani tawh dawn lo a, chumi thleng chu Brandon hian min hmangaih ve tak tak anih chuan alo nghak ve mai tur a ni." Ka ti leh a.
"Alex risk i la nasa viau lo maw?"
"Ka hria alawm Kiara, mahse he thil hi tih ka châk em a ni." Ka chal chu ka dawm ve zeuh a, ka coffee chu ka tem pah hlak bawk a.
"A nih leh i pa hi engtin nge ni dawn?"
"A thinrim viau ang, mahse kum 22 a upa lai ka ni ve tawh a, a rem tih ve ngei a ngai ang." Ka ti ve hmak.
"Oh, chumi ah berkher chuan vanneihna ka hlan a che."
"Engpawh ni se, ka kal tawh phawt mai ang, zanin hian Brandon dinner eipui a sawm ka rilruk deuh a, chutah chuan ka hrilh ang ka ti bawk si a."
Ka ṭhutna aṭang chuan ka thochhuak nghal a.
"A nih leh i pa chu engtik ah nge i hrilh ve dawn?"
"Nakukah ka hrilh ang, achhan chu vawikhat thil thu a lu ti na tur a mipa pahnih ngawt mai han inhnial pui chu ka theih ka ring lo." Chuai raih hian ka ti leh a.
A ni chu a nui chhuak hak hak a, ka thawmhnaw hák chu zut mar thuak thuak pahin, "Ok, naktukah ka rawn call dawn che nia, chuan thil kal dan zel te pawh ka rawn hrilh ve ang che."
"Good luck girl."
"Chu thil chu ka mamawh tlat a hriatna ka nei." Ka nui chhuak hak a.
Kiara chu ka kalsan ta nghal a, ka ferrari car a ka ṭhut luh leh hma chuan ka phone chu phawrh chhuakin ka bih deuh ngar ngar a, ka rilru a buai kher mai, Brandon chu ka thu ang takin a awm chho zel a, Bronze Dragons mi leh sa ka kawp duh lo katih avangin ka pa te pawlah pawh lut lo in degree a lak hnu ah hna a zawng a, hna ṭha tak mai nupui te chawm zawhna tham a hmu tawh reng, a tan chuan nupui pawh nei tawh mahse a tan alungngaihthlâk tawh lo a, a hna ah hian a tui em a vangin a boss thleng thlenga duhsak a hlawh a, tunah hian ani chu kum 23 chiah chiah a ni tawh a, heti anga inkawp hian kum nga chhung chu kan lo kalpui dun tawh a, tu te pawh mai chuan kan inneih loh reng an ring tawh lo.
Mahse kei erawh chuan pasal ka neih hma ngei in ka dream tih puitlin dan chu ka ngaihtuah ngar ngar thung!
Brandon a ni emaw ka pa ani emaw ka tuina lamah chuan tumahin ka kawng an dal tur ani lo tih hi ka rilru a lian ber a ni a, silai kah hi ka tuipui em em bawk a, nitin deuh thaw silai kah zir turin ka kal ṭhin a, Theo ang chiah a silai kah thiam nih ve chu ka duh dan a ni, hmeichhe nu dim dem nih ka thiam lo a, ka tih tawh chu ka kaltlang pui ngak ṭhin!
Brandon chu ka call dawn nge dawn lo, nge ka text mai zawk dawn? Oh, mahse text rikngawt zawng atih chi lem loh viau ka ring ta a, Brandon number chu ka dial ta záwk a.
"Brand keimah ka nia."
"Hey, beautiful eng nge ni ta?" Brandon aw pa hrâk mai chuan a rawn ti thâwp sat a.
"Hei ka lo ngaihtuah deuh a, zanin hian dinner min eipui hman ang em, keima treat turin?"
"Eng thil nge tih i tum deuh a?" A nui chhuak hawk bawk a.
"Thil eng emaw hrilh tur che ka neih vang a nia." Ka huphurh ve deuh vang nge ni ka zám ve lek lek, Brandon nen hian inṭhianṭhatna atanga inkawp chho ta zel kan ni a, kan inhre chiang dún hle bawk, a ni hi mipa hlim thei tak a ni a, mahse rilru natna aneih chuan a pe na ve thei hle ṭhin!
"Oh, chu a rik dan aṭang chuan a va ṭhat hmel lem loh ve a?" Ka aw a zâmna tel tlat chu a man rang leh tawh kher mai, he pa lakah hi chuan ka inthup theih tak tak pawh ka ring lo.
"Brand a pawimawh tak zet."
"Ok, dar sarih ah ka rawn lam dawn che nia."
Ka thaw huai mai, ka ṭhianṭha ni bawk, ka mipa hmangaih ni bawk hian ka thil duh ka tih chu min rem tih sak ang em tih rík ngawt ka ngaih tuah.
"Thanks, babe, nakinah kan inhmu dawn nia."
Phone chu ka cut a, Ka car chu ti nungin inlam pan chuan ka inkhalh haw leh ta a .
THE BAILEY HOUSEHOLD
TREY....
Warehouse aṭanga inchhung ka lut chu Callie chuan eng nge ahriat pawh ka hre lo, a rai leh chung chang thu ah chuan min lo ánkhum hlaih hlaih reng mai a, ka thaw deuh kawk a, ka dawhtheihna in a tlin lai ngei hian ka bengdaih angaiin ka hria, "Callie i in tih hahdam angai in ka hria."
"Khatin hahdam tur te chuan min hrilh khanglang lo mai rawh, thil kal dan zawng zawng hi a diklo zo vek tawhin ka hria." Min tih khum hlar a.
"Baby, engmah diklo a awm ka hre lo."
"Engtin nge maw i hriat hrep ang le?"
"Hei vang hi alawm, naute dang ka duh tawhloh nachhan pakhat chu!" Ka ti ve hmuk.
"Eng vangin maw?" Min rawn pan phei a, min melh thip kher mai, a dul chu a puar âl tawh mai a, tuna kan naute tur kan pai leh mek hian thlariatna a hmang ve leh mek tawh a, nau kan nei leh ṭep tawh a ni.
"A chhan chu pragnancy hian kan zavai hian mi â a min chhuah vek ṭhin avangin." Ka ti leh sup.
A tum hmak nghal a, "Trey hei hi i diklohna vek anih hi hre rawh!" Ka nui chhuak ta hawk hawk a.
"Baby, a chang hi chuan fiamthu ve zauh ṭhin te hi a ngai a nia." Ka siai khum suk a.
"Oh, you're such and asshole."
Ka pan hnai a, "Khati ang nihna te kha chu min pelo mai teh!" A chalah chuan ka fawh sak zauh zauh a.
"Trey kum 46 ka ni tawh a, nau han hrin lehna atan chuan a risky viau tawhin ka hria." A ti leh sep a.
A hmui ah chuan ka fawh sak vang vang a, "Ngaihtuah duh suh baby engkim aṭha leh vek mai ang."
"Warehouse lamah kal leh lawk ka ngai a, dinner ei turin ka rawn haw leh dawn nia." Callie bianga duat zet a ka fawh sak leh zauh hnu chuan ka kalsan ta nghal a.
Callie chuan min rawn áu zui a, "Theo kha lo hrilh ang che, kar hmasa khan ka tunu Zara kha arawn hruai miah lo mai a, hmuh pawh ka hmuh theihloh phah, rawn hruai ngei ngei tawh turin lo hrilh ang che."
"Ok, baby ka lo ti ang." Chhuah pah chuan ka chhang a.
Warehouse lam ka va thlen hnu chuan Detroit leh Hunter hi an lo awm dun a, chu lam chu ka pan phei ve nghal a, "Vawiin chu Theo hi arawn lang miahlo tihna a ni maw?"
"Aw, a rawn kal thei dawn lo tih thu a rawn sawi tak asin, Zara kha a damlo a, inlamah a awmpui angaih thu ka bulah a rawn sawi alawm." Detroit chuan alo ti a.
"Nga tinge Zara chu?"
"Eng mah a sawi lo."
"Ok, nakinah ka va call ang a, ka la zâwt ang e."
Hunter lam chu ka hawi phei a, "A nih Hunter Brandon hi Bronze Dragons a lâk luh theihna dan kawng a kaw deuh tawh em?"
"Nope, túna a awmdan leh adinhmunah hian leh a hnathawhlaiah hian a lawm tawk khawp mai."
"Kawng lehlamah i fanu hian Dragons ho date aduh loh thu abulah a lo sawi khang lang bawk nen." Detroit chu alo nui nasa mai a.
"Chuti chuan Alexandra in a sawi a maw?"
Hunter chu a bu ve nghut nghut a, "He nu hi chuan min ti hrehawm ve ngawt mai, Detroit nang pawhin engkim i hriat ve vek kha." Ka ti sup a.
"Nope, kei chu ka fapa Noah ah hian ka lungawi tâwk, fanu reng reng ka duh lo." A ti nghal vat.
"Yeah, Noah ah chuan i lungawi tawk ngei ang, mahse hmeichhia a kawp hun alo thlen ve hunah chuan i la buai ve tho ang maw le." Ka nui chhuak ve suk a.
"Tûnah kum li chauh ala ni a, chuti ang lamah chuan ngaihtuahna ka sen hah vak angaih pawh ka la ring lem lo."
"In naute chu mipa nge anih hmeichhia Callie chuan a hre chhuak tawh em?" Hunter bawk chuan arawn ti veleh a.
"Âih, Callie hian tun ṭum chu hriatchhuah a duh rih lo a, a rawn pian hunah kan hre mai dawn alawm, a ti deuh tlat mai, mahse hmeichhia anih tawhloh hramna turin ka ṭawngṭai nasat hi ring mai rawh u."
An nui nasa dun kher mai, ka nuih erawh aza ve hauh lo, Alexandra sen lai kha ka hre ran reng a, tun thleng hian rilru hahna min la thlen a, mahni thu a duh nen kan inmil vak lo tlat, achhan chu ka mizia arawn chhun em avangin.
"Mipa tan fanu pakhat hi a tâwk vek." Ka tih khum leh nghut.
"Ka pawm pui khawp mai che." Hunter pawh chuan a ti ve a.
ALEXANDRA...
Inlam pana ka inkhalh haw pah chuan ka inngaihtuah nasa mai a, zanin a ka thu sawi tur hi Brandon chuan mi hriatttiam sakin ṭha taka a kal theih hram ka beisei, "He mi chung changah hian ka pa hnen aṭangin a thinrimna chitin reng mai ka ngaithla leh dawn chu a nia." Ka chal dawm pah zauh a, mipa pahnih te hnena ka thusawi tur avang chuan ka nguai raih raih.
Sicily a ka kal hunah chuan Zara ka ngaih ber ka ring, Zara hi Theo fanu kha ani a, tunah hian kum nga atling ve tawh a, a nui duhin hmeichhe naupang hlim thei tak a ni a, atet lai aṭang tawh a ka awm thin anih avangin kan inngai ṭhin hle a ni.
Chuan ka nu in fa aneih ni pawhin ka awmdawn lo tihna ani bawk a, mahse ka tih ngei erawh a ngai ang, tunhma aṭanga ka dream anih miau a vangin.
Chuan kum khat chauh ani dawn tho a, chumi hnu ah chuan New York ah ka rawn kir leh ang a, Italian restaurant pui zet mai ka hawng ang a, Italian food siam hi ka tuina ber anih vangin, chumi hnu ah chuan pasal ṭha tak neiin chhungkua ka din ve thei tawh ang, chutih hunah chuan kum 26 vel ka ni tawh ang a, a tawk vel khawp ang chu!
Inlam ka inkhalh thlen hnu chuan ka Ferrari car rawng senno ka ngainat em em mai, ka pa in ka kum sawmgnih tlin lawm nan a min pek chu ka hung ṭha a, inchhungah lûtin choka lamah ka phei nghal a, ka rin ang ngeiin ka nu chu eirawng bawlin alo buai hmel kher mai, "Hey mum." Ka va ti sep a.
"Hey, sweety, dinner i ei duh tawh em?" Ka nu chuan min rawn hma chhawn nghal a.
"No, thanks, Brandon nen dinner ei dun turin kan kal chhuak dawn a."
"A ṭhat chu, khawiah nge kal intum deuh?" A thil tih lai chu a khawih zawm leh malh malh a, ka nu chuan chicken potato casserole a siam tih ka hre mai, a rimtui kher mai.
"Ka la hre chiang bik chuang lo." Zikhlum zai sin cream nen a a chawhpawlh kual salad atana asiam chu ka tem sak zauh a.
"I spoon hman hnu kha tah khan dah nghal rawh, thawmhnaw tihtlak tak a i inthuam ngei a ngai dawn a nih chu!"
Ka spoon hman chu sil turah ka va dah nghal a, min nuih sak, ka nu tihlawm dan hi chu ka thiam tlat, eirawngbawl lama puih ah te, mahse ka pa tihlawm hi har ka ti tak zet zet.
"Chutiang a ngai dawn em ni?"
"Brandon hian restaurant pang ngai mai maiah a hruai hauh lo ang che tih hi ka hre ru tlat, chu chu ka ring bawk, chuvang chuan thawmhnaw ṭha lo inbel chu a sual lem lo khawp ang."
"Ok, ka ti dawn nia, ka han insiam ṭan tawh mai ang e, anipawhin dar sarih ah ka rawn lam ang che min ti si a."
Ka nu biangah chuan ka fawh sak zauh a, inchung lam ka room ah chuan ka chhohsan ta a.
Bathroom ah lutin ka chhuah leh hnu chuan ka ngaihtuahna ngai bawk kha arawn lût leh a, Brandon chuan ka thu hrilh tur hi min hriatthiam sak hram ka beisei, ani lo in tunge min hriatthiam sak ang a? Heti anga five star chef nih hi ka thil tum leh tuina ber tih pawh min hriat sak vek tho a, a hriatthiam hram beisei phawt ang, achhan chu heti ang thil avanga amah chân hi ka duh lo.
Thawmhnaw dahna bawm chu ka hawng a, eng kawr nge ka hâk ang tihah chuan ka buai rilru kher mai, ka nu kha a dik, Brandon chuan khawi hmun emaw restaurant changkang zetah min hruai leh ngei ngei dawn a, chuti ang hmun a hâk tlâk tur deuh chu ka ngaihtuah angai ang.
Brandona'n ka birthday a min leisak silk kawr fual dumpawl manto hmel zet chu ka khai chhuak a, hei ngei hi ha ila aṭha ang, "He kawr ka hâk ṭum khan ka lak aṭangin amit pawh alasawn hlei theilo a nih kha." Ka nui chhuak sak a.
A rem tur tak pheikhawk ke artui sang zet mai kar hmasa lawk a Sofia nen a shopping kan tih dun ṭum a min lei sak $2000 man zet mai blue colour tho, de sep sep chu ka bun leh a, ka sam chu herh kawi deuh ngialin ka thlah hnap a, lipstick pawh ka hmang tak hret, Brandon chuan min rawn call ta a.
"Hey, beautiful in kawtah ka ding reng tawh a nia."
"Ok, brand ka lo chhuak nghal."
Hmanhmawh zetin inhnuailamah chuan ka chhukthla a, ka nu biangah chuan fawhsak zauhin, ka kal tur thu ka hrilh a, ka chhuak ta nghal a.
Ka rin ang ngei chuan ka inthuamna avang chuan Brandon chu a hlim ani tih ka hre mai, mi alo enna mit meng chu a de sawr sawr mai a, gentleman zetin a car kawngkhar chu min hawn sak a, ka ṭhut luh hnu chuan a khar leh a, pilot seat lam chu a hawng leh a, a rawn ṭhut luh veleh hnu chuan a car chu a tinung ta nghal a, a perfume inkah rim chu ka hriat ṭhan tak nimahse rimtui tiin engtik lai pawhin ka hnim peih reng zel, ka tan chuan a thar ang anih miau ṭhin avangin.
Ka ngawi chawi a ti deuh nge ni, "I ṭha maw?" A rawn ti ta sup a.
"Ka ṭha a lawm tinge?"
"Tûnkar chu ka lak aṭang hian i inlahrang deuh riau in ka hria a." Hma lam pang ngawt chu a en a, a mitmu dum fiah kak mai thimruih chuan ka lam a rawn melh lo hrim hrim.
"Dinner kan ei zawh hian thil pakhat sawifel pui tur che ka nei." Ka ti daih pek a.
"Ok, kei pawhin thil eng emaw sawipui tur che ka nei a lawm."
Kan chuanna car chu a ding dat a, ka hawichhuak chu ka nu lo rinlawk sa ang ngeiin restaurant changkang zet kawtah hian kan lo ding dun reng tawh, he hmunah hian thil eia ka chawlh ngai pawh ka la hre lo, achhung kan lut chu a pui tak zet, Brandon chuan dawhkan alo hauh sa vek mai leh nghal a, kan table book na hmun kan thlen hnu chuan ṭhuthmun rem pahin, "He hmun chu a pui kher mai." Ka ti chhuak ta sap a.
"An hawnna pawh ala rei hleinem, he hmuna reservation tih pawh hi thil harsa tak ani asin, mahse ka boss hian thil ati thei a, ka tan a ṭha bawk nen, anin engkim min tih sak a, ka hmu thei chauh anih hi!" Anui pah suk a.
"Mi ṭha tak ani in ka hria, i chungah pawh a lantir ngun malh malh tawh hle ani." Ka lo ti ve zauh a.
Kan eitur chah te chu a rawn thleng a, kan chhungkaw lam leh Brandon chhungkaw lam chan chin te kan sawi dun a, chu loah thil hrang hrang vawiin a office lama a hnathawh ho te chu kan sawi dun luam a, chu restaurant a an thilsiam te chu atui hnaiin ka ei tui kher mai, desert kan ei zawh hnu chuan ka thil sawi tur chu sawi a hun ta hle hian ka hre ta a, ka aw then kharh pah hian, "Brand thil pakhat hrilh che ka duh a."
"Khawngaihin min sawi tir hmasa thei em?" A mitmu dum ṭha zet leh thimruih chuan min rawn melh a.
Ka kut chu ka kuang kuah hlân a, "Ok, sawi ta che."
Thawk ala zet phawt a, eng tak sawi ang maw tih chu ka lo ngaihtuah neuh neuh a.
A kekawr ipte chu a zen rak rak a, bawm tereuh te mai velvet senduk a tuam hi rawn phawrh chhuakin a hawng a, "Min nei duh ang em?" A ti chhuak ta hlawl mai a, achhunga thil awm light in a arawn chhun thil de sep sep chu eng thil nge anih tih chu ka hai lo kher mai, chu thil chuan min ṭhawng lutuk, he thil hi ka pawm thei dawn em ni? Ka pawm chuan ka dream te kha eng mah ka ti thei tawh lo ang, ka rilru chu ahah kher mai, thâwk ka la halh a.
No comments:
Post a Comment