IT'S JUST AN ILLUSION CHAPTER 10

IT'S JUST AN ILLUSION CHAPTER 10
SANGTEI KHAWLHRING

• FAKNA MILEM AWM KHA HMEH LEH ṬHEUH TUM ANG AW. KA HMABGAUH EM EM VEK CHE U.

An dinner eikham room lama an inzui chhoh leh hnu chuan Jonas chuan kawngka chu kalh te te in Sierra chu a ankhum ta phiar phiar a, "I ngaihtuahna te kha i hloh zo ta hrep tihna mi?" A kut chu hum ruhin rum zet hian a melh chhuk run bawk a, Sierra chuan melh kal chungin a kut chu kuangkuah ve ran a, cho zetin a en chho in, "Nangman i ṭan hmasa a nih kha."



"Naupangchhia ang mai mai a awm hi ching viau suh, i thil tih a vang khan eng thil nge thleng thei tih hi i hria em?"


 "Inbengdai teh, fiamthu mai mai a nih kha."



"Fiamthu mai mai i tia lo? Kar ruk chhunga innei tur angin i sign a sin, Sierra ka thu sawi hi ngun takin ngithla rawh, ka nei dawn hauh lo che a nia, eng ang pawhin thla ruk emaw kar ruk emaw fix pawh ni rawh se, ka nei dawn chuang lo che."


"Oh kei pawh hian ka neih duh che i ring bik reng reng em ni? Fiamthu ka thawh ka tih hrep tawh kha."


"Kha i fiamthu thawhna kha a tlai tak tak hma hian siamṭha leh vat ang che, chuti anih loh chuan keimah ngeiin ka ti chhe vek ang che tih hi hre bawk rawh, kha kan deal kha i tichhia a nih vaih chuan keimah ngei hian ka that bawk ang che, chu chu ka tih hreh miah loh thil a nih chu!"

Chulam pang chu a lo ngaihtuah tel hauh lo, eng thil nge thleng thei tih lam zawng a ngaihtuahna ah a awm lo hrim hrim,a hmelah chuan inthlahrunna hi a lang chhuak nghal a, hnuailam a melh pah raih a, nuamlo a ti tak zet zet, Jonas chuan kal pel thuakin khum lam chu a pan nghal a, "Rawn mu ta che."



"Ṭhuthlengah hian ka riak mai ang."


"Sierra thawmhnaw ka hak hrep hi, rawn mu vat mai rawh."

*******            ********             ********


LATER THAT NIGHT....


Jonas chu a phone ri bengchheng zet chuan a Mu tui lai chu a ti harh a, darkar engzah chiah nge a mut tawh tih pawh a hre lo, a mutui viau ni in a in hria, eng emaw ti kawng zawng tak chuan Sierra bula mut chu nuam a ti phian, nge? hmeichhia a la riah pui ngailoh vang tih lam ngaih tuah pah chuan lungawi lo zet chung hian a phone chu a pickup a, hreptak chuan leh.


"Hello."

"Lo nghak lawk rawh." A phone chu hold ah dahin chulai hmun a ṭang chuan a kal sawn nghal a,balcony lam a thlen hnu chuan a unhold leh nghal a. "Sawi rawh le."



"I hna tur ka nei a nia ."


"Khawiah maw?"


"Khawpui pawn chhim thlanglamah, nakinah i phoneah khan address kim chang a rawn thleng ang."


"Tunah chuan ka ti thei rih lo ang, khatiang lam pang chung chang kha ka sawi thei bawk hek lo."


"Thil tih dan ṭha deuh ka hria a lawm, tuna i awmna pawh ka hre vek."


"Engtin nge kan tih anga ?"


"Tunah hian i kal ang a,keiman i kalna ho chu ka lo tifel vek ang, naktuk chawhnu lamah i awmna hmun kha i thleng leh hman ang ."


"Ok, chuti a nih dawn chuan ka kal ang e."


Jonas chuan phone a dah hnu chuan bathroom lam a pan a, thawm dim taka insiamin chu in chu a chhuahsan ta nghal a.

THE NEXT MORNING....


Sierra mutui lai tak chu kawngkhar kik dawt dawt thawm chuan a ti harh a, la harh ṭha ṭhum mang lo hian, "Lo lut rawh." A ti thlangawt a, chuta rawn lut  chu Jonasa nu Jane a ni, a mutna a ṭang chuan a tho chhuak nghal zawk, "Jonas". a rawn ti a,a hmelah chuan a chi ai chhe hle tih hi a hriat a, "Jonas hi khawiah nge a awm?"


"Eng nge ni ta?" A va pan hnai a.


Jane chu lungchhe zet hian aṭap chhuak ta phut a, "Jane thil thleng a awm em ni?"


"Tukin mai khan dad heart attack a chhuak a."


"Nilo, a mah a ṭha maw?"



 Sierra chuan a va kuah nghal a," Jonas ka mamawh." A la inhnit hlap hlap a.


"A kal hla vaklo ang, khawiah emaw a kal lawk a niang."


"Call ka tum tawh a, a la thei bawk silo a, lo try ve la, a lak hunah chan chin hi hrilhin a pu boral thu lo hrilh ang che aw, a lo haw vat a ngai dawn ."


"Ok ka lo ti dawn nia."


Sierra chu a in ngaihtuah nasa mai a, a pu a boral tak si ah chuan a pawisa la in a kal mai thei tawh, hlim viau tur hi a nia, mahse mak tak maiin nuamlo tihna a nei tlat, chu pawh mi a bum a vangin, chutiang ngaihtuah hman pawh a ni rih lo, Jonas chu khawiah nge a kal a hriat hmasak phawt a ngai, Jonas number a dial chuan a ring kuit ṭak a, Elijah chu a be ta a, a ni hi office lamah kalin meeting neihlai te ni in a buai pawh a ni mai thei, Elijah chu a rawn kal nghal vat a, a nin tih tur ṭul ang ang a ti nghal zung zung bawk, ruang sawngbawl tu te leh vuina hun hman dan tur engkim a ti fel nghal zung zung a, a hman hnu chuan Sierra bulah a rawn kal ve a, "Naktuk a mi turin engkim peih fel vek a ni tawh e."


"Elijah, Jonas hi khawiah nge maw a awm hrep le?" A lo ti nghal hlar.


"Ka hre bik lo, Miss Cole."


"Hna thawkin a kal lo tih chu i chiang a maw? A car lah a awm bawk silo."



"Office lamah a awm lo ti in vawi sawm.chuang ka hrilh tawh che in ka hria."


"Well nih leh engvanga a phone chu chhang duh miahlo nge a nih le?"


"A phone a chhang ngailo ang, kha mi bul....."


"Star bula a awmlaiin maw?"


"Chutiang chuan ka sawi ngai hauh lo ang."


"Jane chu eng nge a an?" Thawk a la pah halh a.


"Mutthilhna damdawi ka pe a, a muhil rih a nih kha."


Kawngka pui lam chu rawnin hawngin Jonas a lo lut ve ta hram a, "Elijah hetah te eng nge i rawn tih?" A rawn ti lut nghal.


Sierra thinrim lutuk tawh chuan a dinhmun pawh hre chang tawhlo hian a lo vin nghal ṭhat. "Khawiah nge maw i awm char char le?"


"Eng vangin nge ka awmna hmun thleng thleng ka hrilh che a ngaih kher anga?"



Elijah chu a lo inrawlh nghal vat a, "Jonas i pu khan heart attack a nei a, a boral ta a nih kha bro."


"Khawiah nge ka nu hi?"


"A muhil rih tunah chuan."


Jonas chu engmah sawilo in a kal sawn nghal a, "Eng dik lohna nge maw a neih hrep chu le, a mah a in ngaihhlut tluk zetin midang ho hi a ngai pawimawh ve ang em?" Jonas awmdan ngei zet chung chuan Sierra chuan a ti chhuak nghal tan tan, a pu meuh a boral a mahse engtin mah a awm.der lo chu a haw tlat.


"Sierra thil p akhat ka hrilh ang che, he thilah hian lo in thiar fihlim ang che, chu chu i tan a ṭha ber ang."


"Oh a ni kha ka hlau hauh lo  ."


"I hlauh ngei erawh a ngai ang, eng ang rilru nge a put i hre silo, Jonas hi a ngawi chawi viau a nih chuan a mah ah thil ṭha lo tak a thleng tihna a ni e." Ti in a hrilhfiah a .


Sierra thung chuan ngai pawimawh lo zet hian a menkual khum ralh ringawt, inchung lamah chho in shower a han hmang a, thawmhnaw pangai tak inbelin a chhik thla zui leh nghal a, Jonas kalna lam chu a pan phei dawn nge dawn lo tih chu a ngaihruah a, a awmdan chuan a thin a la tirim reng, chutiang bawkin a chunga a thinrim na chu a dik ni in a hre bawk, a mah a vanga alo buai vak na chhan tur lah a awm hek lo.



Engtin emaw taka ṭawng khum tum ran chung chuan a pan phei ta nge nge a, "Jonas chu kitchen ah awmin tui a lo inmek a, "I nu i be ve tawh em?"


"Ka biak leh biak loh thu ah i lo buai ve na tur a awm lo."


"I pu a boral deuh chiah tih i hria ang chu!"


A rawn inher a, a hmel rum zeta en chung chuan, "Sierra nitin in mi te chu an thi ṭhin a lawm."


 "Thinlung pawh ilo neilo a nih hi!" Mak ti zeta melh chung chuan a ti a.


"A énglam zawngin thil ka thlir mai chauh a nia, chuan tun aṭang chuan second khat pawh kan tawrh dun a ngai tawh hek lo ang."


"Ka hre thiam hauh lo."


"I luhlul ve chiang a lawm ti raw? Kan Conctract kha a tawp tawh ka tihna a nih chu! Ka pu a boral tawh bawk a, rokhawm tu tur chu keimah bak ka ni hleinem."



"Kha kan inhualna lem kha chhunzawm a ngai tawh dawnlo tihna a nih chu."


"A ṭhat chu!" A lo ti ve hmak a .



"Ok, i bank account min pe la, he hmun i chhuahsan hma hian i pawisa hmuh tur chu ka lo transfer ang ."


"Ka kal nghal a ngai tlat, nakinah inlama ka thlen hnuah ka bank details chu ka la rawn hrilh mai dawn che nia."



"Ṭha lutuk, i bungrua leh i thil ho hrim hrim pawh kha ka rawn thawn mai ang che."


"Nilo e, i mi lei sak ho pakhat te mah kha ka duh lo."


"Hmm, a hma ang khan i la sualthiam reng, chu pawh a tawp thleng ṭhak turin, nangmah hruai kir tu tur in car kan ko lawk ang e."



"Khawngaih takin nangni tal chu lo inhnial rih lo hram teh u." Sierra hnunglam a ṭang chuan Jane aw chuan a rawn ti ta a.


A ṭap chhuak leh nghal, "Hetiang thil a thlen hi ka pa chuan a duh hauh lo ang."


A mittui chu a hru hul a, "mitthi vuina hun serh a zawh hma loh zawng hetah hian in pahnih in inawm ngei tur a ni."


"Jonas he thil hi i tan a harsat dawn zia chu ka hriatthiam pui lutuk che, mahse Sierra he hmun a ṭanga chhuah tir nan khawp khawp chuan hmang lo hram rawh, i nupuihual a nih angin, eng emaw kawng tal chuan zahna lantir tum ve rawh!" Jane chuan a ti a.


Sierra chu a rawnin rawlh ve nghal vat a, "Kan tih lungnihloh naah che khan pawi ka ti lutuk Jane, mahse he hmun ka chhuahsan hi a ṭhat zawk ka ring."


"Ka ngaithla dawn lo Sierra, kan chhungkaw zing ami i ni tawh a lawm, Jonas hrilh ve ta che." A fapa lam chu beisei nei zet chung hian a melh a.


"Mom, he hmun a ṭanga a kal duh a nih chuan kal tir mai rawh."



Jane chu a phu deuh zawk, "Jonas eng rilru nge maw i put tak thut mai le, he thil hi tunah chuan ka tuar thei rih lo ang."

A ṭah chhunzawm leh ta nghal a, Sierra chuan chutianga Jane ṭap ta chu hre awm a ti kher mai, Jonas pawh ngai chang tawh lo in Jane chu a pan phei nghal vat a, va kuah pah hian, "Ka awm ve em em ang, engkim.a ṭha leh vek dawn a lawm, kha thu ka sawi a vang khan pawi ka ti lutuk." Ti in a thiam ang tawk chuan a hnem ta a.


Jonas erawh chuan Sierra chu a melh rum ngang mai, "Hawh, i room lamah ka hruai ang che, mut hahdam i mamawh."


"He hmun hi i chhuahsan dawn lo ti raw?" Mittui kar a ṭang chuan a rawn dak chhuak a, "Tehreng mai, ka chhuahsan hauh lo ang."


Sierra chuan Jane chu a room lamah a hruai lut a, puan te a sin tir hnu chuan kalsan mai tumin a inher a, tikhan mutthilh leh tum rawh, i taksa a chau a, mut i mamawh a nia."


"Sierra, Jonas kha hrethiam.ang che, a hun tawng lai hi a khirh em a, chuvang mai mai a nih kha, he hmun chhuahsan tur hian a duh tak tak lo ang che, ka fapa mitah khan nang hi a hmeichhe ngaihven tak i ni tih ka hre reng a nia, i kalsan zawngin awmngaihna a hre lo mai ang."


Sierra chu a ding chawt a, lemchang a la ngai tih a hre chhuak leh hnu hnawh, "Tehreng mai, min hmangaih tih kei pawhin ka hria a lawm." A rilru ah erawh Jonas chuan ka chhuahsan vat vat baka nuamtih a nei kher lo ang a ti thung a.


Room pawn a chhuah leh hnu chuan sittingroom lam.a pan a, christmas tree chei nalh zet chu a thlir vang vang a, "Eng thil nge maw i tih hrep le Sierra?" Jonas aw hriam ṭha zet leh thinrim.a vanga sehchilh nawk nawk chuan a rawn ti a.


Sierra erawh chuan eng ah mah a ngaihloh a tum lui ve tlat, "He christmas tree hi ka thlir mai chauh a nia." A lampawh hawi lem chuang lo hian a ti thawp sat.


"Khatin thil hre ber awm ang zia zang te chuan awmlo mai teh!"


"Engvangin nge hetah hian i la awm reng na chhan?"


Sierra chuan Jonas chu a hmachhawn ve ta siah a, mahse a san ṭhat em.a vang chuan a chhoh en ha thung, Star te kha chu ni se zawng Jonas chu a chhoh en vak vak lo tur hi a nia.


"Hetiang thil thlen lai phei chuan i nu rilru tihnat sak tu nih kha ka duh lo mai chauh a ni e, a sawi danin i pu vui hun thleng awmturin min ti a, a duh dan ang ngei a awm.pawh ka tum, hetiang thil.a thlen chhan hi nizana i pu dinner kan eipui vang te kha a ni ang em?" A ban chu a tuai pah neuh neuh a. "Chuan naktuk rawn ni sela, i pu chu kan vui ang a, kei pawhin ka kal san vang vang tawh ang che."


"A nih dan chu a nih dan a ni mai a niang chu, tikhan mi thinlung i tih kehsak zo tawh tihna mi?"


Hmm, thil eng emaw tak zep ruk a nei chiang mai, tih chu Sierra ngaihdan a ni.


"Nizan khan khawiah nge i awm.a?"


"Kan innei ta nge ni a, nge thil eng emaw kan pahnih ah hian ka hriat ve loh thil a awm zawk?"


"Eng maw?"


"A chhan chu zawhna min zawt deuh reng a, chu pawh ka nupui ni tawh ang zia zangin."


"Mu tura khuma ka rawn kal lai khan khumah i muhil daih tawh si a, khatianga zan mutthilh tawh hnu a khum a ṭanga tho leh a kal chhuak chu eng ang mipa nge ni ang tih hi ka hre duh mai zawk a ni e."



"Mipa single chuan an mamawh phuhrukna te chu an zawng ngei ang chu!"



"Uhh, ti chuan Star chu LA lamah i thlah leh ta tihna a nia, i châkna chu a nasa hle mai maw?"


"Tu in nge LA lamah ka thlah kir leh ti reng reng a? He khua ah pawh hian hotel lamah ka dah tawh pawh a ni maithei a sin, sex leh tap hi ka thupui ber a lawm ." Jonas chu a kiai pah suk a .


"I rapthlak hle mai." Tih pah chuan christmas tree lam chu a inher khum nghat a.


"Babe i thik deuh em.ni?"

"Yeah, i mumang lamah a ni ngei ang, a** hole."



"Kha chu nangmah i inhrilh a nih ngei ka ring."


"Mitthi vuina hi a tawp hma chu ka room i luah thei ang, kei chu guest room ah ka riak tawh ang e."


Engtin mah a chhang tawhlo chuan Sierra chuan a kal san ta hmak a, chu chu Jonas duhloh zawng tak a ni, a mah chu tlawmah an dah ni tlatin a hre ṭhin, tu te pawh mai hian a mah chu ngai pawimawh se a duh, Sierra chu umzui a ṭawng khum nghek a chak ril ru hle mai, chutih lai tak chuan kawngka rawn in hawngin chuta rawn lut a hmu chu a thinrim zual leh sauh, you have got to be f*cking kidding me.



Rawn lut hnungah chuan Bruce pawhin a rawn zui ve nghal bawk a, "Mr Black tlawhtu i nei e."


"Jonas darling chanchin ka hriat veleh ka theih anga rangin ka rawn kal nghal vat a ni e." Inthiamlo hmel fe hian Star chuan a ti nghal a .


"Bruce i kal thei ang."


A bu nghut a, Bruce chu a chhuak ta nghal a, Star chuan riah luh a rawn tum chiang tih hriat zet hian suitcase mawi zet leh te fel tak, man tam hmel zet hi a rawn hnuk lut bawk a, Jonas erawh chuan a melh rum ngang mai,"Eng thil ti turin nge hetah te i rawn kal hrep a Star?" A ti nghal chhur chhur a.


A rawn pan hnai leh deuh hlek a, "I pu boral chung chang kha ka lo hria a..... chuan ti hian ka ngaihtuah ta a, hnemtu tur i mamawh viau ka ring bawk a."



"Hetah Sierra a awm ve tih pawh i hre reng a lawm." Jonas thinrim lutuk ṭawng ring ngam chiah silo chuan a kut a hum ruh ngawt ngawt a.



"Ni e, mahse tunah chuan in inhualna lem kha a tawp tawh thung a lawm, a chhan chu i pu a thi tawh miau a."


"Ni e, mahse ka nu a awm tel ve bawk a lawm, chuan kan thil tih kha a lem a ni tih a hriat hi ka duh hleinem, ka pu vuina hun kan hman zawh hunah LA lamah kir lehin..... kan inhualna kha kan titawp ti a hrilh ka lo tum a sin."



"Jonas tu nge ni a?" Jane chu a room a ṭangin a rawn chhuak ve chiah bawk a, vanneihthlak zetin an thusawi erawh a rawn hre hman lo, Star hmel a hmu chu Jane chuan a ngaina lo nghal ringawt bawk, a hmeichhe duh chi lah a ni hek lo.


"Mom, hei hi ka ṭhian Star a nih hi!"



"Engvangin nge hetah a rawn kal chhan?"


"Mrs Black inlungngaihna te rawn tawrhpui tura lokal mai chauh ka ni e." Star chuan a lo ti vat a.



"Mom, vuina huna tel tura lokal a nih hi, guest room lam kha kawhhmuh mai ka lo tum rilru deuh a."


"Jonas a tlai tawh lutuk, engvanga hotel lamah te riak mai lo nge a nih chhan?"



"Ka thiamloh a ni e, hotel room chu book ka tum ngei a lawm, mahse a full vek tawh a."


"Mom, nikhat chauh a lawm.ni dawn."



"Ni e, nikhat lek chu a ṭha tawk viau mai." Jane chuan a tih khum ve nghat.



Jonas chuan Star lam chu hawi lehin, "Lokal rawh i room tur ka kawh hmuh ang che."



"Nilo e, keiman ka lo kawhhmuh mai ang, nang chu lo han mu rawh, Sierra in a lo nghak reng tawh ang che." Jane in a tih chuan Star chu a thin a rim ru hle a, Jonas nu a nih vang chauhin a dawh hram hram bawk.



"Khawngaihin heti lamah." Zui lo theilo dinhmunah a siam a,  a nghak tlat bawk, Jonas chu a thin a rim ru ṭeuh, engmah sawi theih a nei si lo.


Tum bur chung chuan Sierra mutna room lam chu a pan chho veleh ta nge nge a.


Sierra khuma mu chuan thil chi hran hran a ngaihtuah a, mi pahnih a duh vang pawhni lo a buma an han awm chu a inthiam thei lo, engtin nge Jonas chu a awm theih zawk le, a nu leh a ma pu ngei an ni si a, Gregory khawngaihthlak, chutiang bawkin Jane pawh, misual tak an nilo dun ve ve zui leh nghal bawk si.


Room kawngkhar rawn inhawng thut a vang chuan a phu deuh dawrh a, a tho chhuak nghal bawk, Jonas hmel a hmu leh chu mak tihna a vangin a meng zau nghal kawk, "Hetah te eng nge rawn tih i tum?"

"Mut ka tum


"Guest room lamah i mut tawh tur thu i sawi kha."


"Guest room kha a ruak leh lo a."


"Nilo, hetah chuan i riak thei lo ang, under wear nen chauh ka mu." Hlauhthawnna nasa tak nen chuan a ti khur dar dar.



"Honey kha aia tam i taksa te chu ka hmu daih tawh a lawm."


"F*ck you."

"A ngailo ang ka lawm e."


"Min rawnkhawih hlek suh."


"Ngaihtuah duh suh, ka ti hauh lo ang."


"A** hole."

"Thanks babe." Ti in a kawr hak chu a phelh a, khumah chuan a lawn kai ve nghal a.


"Ugh."


Sierra chu mu ṭha theilo hian a che deuh sek a, a chhan pawh a bul maiah Jonas chu a mu leh ta chu a nia, eng vanga pajama tal lo inbel lo nge a nih tih te in a ngaihtuah ṭha leh hnu hnawh, an inkar chu an dah awl zau dun viau a, mahse chuti chung pawh chuan Sierra awm chu a la nuam thei tak tak chuang lo.

******               *****            ******


Midang an muhil reh vek tawh a a rin hnu chuan Star chu a tho chhuak ṭham ṭham a, Jonas sawi dan a ṭangin a bulah em chuan Sierra chu a mut a ring hauh lo, a chhan pawh midang hmuh a tan chauh an inhualna kha a ni si a, a rindan chuan Sierra chu room hranah a mut daih a ring, Jonas hi chu a mipa duh chi tak a ni a,a hausa a chu chauh pawh nilo in a mah a la hmelṭha tel zel zui, hmrichhe hipna a ngah hle a, chutianga a xuna uai zingah chyan Star ngei pawh hu a tel ve bwk, mahse Jonas erawh chuan tiang lam hi a duh zawng a nih loh thu Star bulah hian a sawi chhuak ṭhin tih pawh a hria, mahse a ni erawh a beidawng duh chuang lo, a mah chiah kawp turin a siam ang a, nakinah chuan pasal a tan a la nei thei mai ang, chu chu Star ngaihdan a ni.



Room lah chu a tam nasa mai a, light a dim vek tawh a vangin khawiah tak nge Jonas chu a mut ang a hre thei chiah lo,  a tawpah zawng a room chu a hmu ta hram a, room chhung a lut a thil hmuh chuan mak tih na a vangin a meng zau tir kawk kawk a, khuma Sierra leh Jonas inkuah dun rial leh inhnaih taka lo mu a hmuh chuan a thin a rim hle bawk, chutiang ang em em a an awm chu a ring pha ngai hek lo, thinrim ṭan chung leh thawmdim takin a room lam chu lungawi lo zetin a pan thla leh ta a, a duh dan taka thil tih erawh ṭha berin a hre lo, a duh dan tak chuan Sierra chu va keh thawh nawk nawk mai tak hi a nap hial.



THE NEXT MORNING....


Sierra harh chu a phu chiang kher mai, taksa lum ham hamin a lo ngheng chial a, chu mai pawh nilo in, Jonas ban gha chak hmel zet chuan a dul lamah a lo kuah tlat bawk, chutianga an mu chu kawng eng emaw ti zawng tak chuan nuam tihna hian a khat a, mahse ni thei in a hre lo, a mutthilh lai chauh in maw a huat loh anga, he pa hian a haw viau a ni si a.



Chu thil a ngaihtuah chhuak chu a khawng nghal zawt, "Jonas, i mutna lamah tawlh phei rawh."



"Sierra ngawi chip cham mai teh, keima khum ngei a nih hi!"

"Well, a nih a hnu in let rawh, ka tho chhuak dawn."



"I ti tak tak hauh lo ang ti raw?"



"Ka ti tak tak a lawm."



"Saruak pawhin i awmloh kha Sierra." Jonas ṭawngkam a ṭang chuan a mut a la chhuah hmel kher mai, Sierra erawh chuan a haider hmak thung!


"Inlet phawt mai teh!"


A rawn thu chhuak ve nghal a, a rawn hnaih a,  a sam rim rawn hnim sak vang vang pah hian, "Min hlau em ni Sierra?" Ti in a phun chhuak pah sup a, Sierra erawh a zam chhe leh nghal der tawh, a ti rilah a khur nghal dar dar bawk.



"Aih...." a ti chhuak thei hram.



"Nihleh engvangin nge i khurh si a Babe?"


A sam chu hnim leh vang vangin, a thaw chhuak hawk, "I rim chu strawberries ang mai a nia lawm le."



"Ti suh." Tih ve zauh pahin a chil a lem pah khalh a.

"Relax ice queen, ka duh zawng chi i nilo." Ti in a beng bulah chuan a phun khum sar sar a.


A awm hlat san nghal a ni ngei ang, a che thawm a hre nghal, "Strawberies kan duh thut chu le." A ti sup a, "Coffee in ka ngai." Ti in a tho chhuak ta nghal a, Sierra lam a rawn hawi lehin, "Oh chuan Star pawh a awm tel ve tawh a nia."



"Star hetah a awm ve maw?" Sierra chu a ti phu chiang lutuk, "Yeah tho chhuak la thawmhnaw te rawn inbel ang che."



"Oh eng thil nge tih a tihloh tur tih hi min hrilh hauh suh! Tun darkar ah hian vuina hun hman tur tih pawh ni lo, breakfast te ka ei phawt a ngai ang, ka ril a ṭam."


"Chu chu i tan a ṭhat ka ring."


A kal chhuak ta nghal a, Sierra chu Jonas chuah hnu ah chauh a puan chu a theh hlim ngam chauh a, Star hetah a awm ve hi a ring ngailo a sin, mahse a awm miau si, a ni chu kipa ho duh rawn leh an atchilh rawn a ni a, a ni Sierra ve thung hi le, engmah, hmeichhe kumsawmhnih keh panga zet ni tawh a  mipa kawp mumal pawh la neilo a vurgin ngat kha a la nia, a la virgin thu hi a ṭhianṭha tak Maddie bakin a hriat pui lo.



Jonas inhnuailam zu chhuk thla chu kitchen lam a pan phei nghal a, Star a lo awm vang tawh, a hmelah chuan a lungawilo hle ni hian a hriat a, Jonas ngaihdan chuan nizan lama a nu in a tih danah khan a lawm lo ni in a ngai, "Nizan lam te eng nge i tho chhuah lam te a an?"


"Engmah, chutiangin ka tho chhuak lo nizan chu, tui zetin ka mu a a ni mai."


"Nangmah enturin in ka rawn kal a lawm."


"Yeah?"


"Kha nu nenkhan khumah in lo mu dun a."


"Eng dang nge ti tura min duh chuan a.... chhuata mu turin maw?"



"I va kuah tih i in hria em, i hnaih hle bawk."


"Ka mutthilh laiin eng thil nge ka tih tihah ka inthunun thei hleinem."



"Zan khua in min mutpui ngai hauh lo." A meng hnaui nghal raih a, a rawn dak chhuak leh a, "Keini pahnih phei chu hun rei tawh tak a ṭang khan kan in date tawh leh nghal." A meng nur deuh nang a.


A thusawi dan chuan Jonas thin a ti rim thut, a insum hman lo, a kut a hum ruh a, vin zet hian, "Star kan indate ngai hrep lo ve." A ti vin tuarh.


Thawk a la hawk a, "Chuan hei hi hre rawh, midang ka mutpui emaw mut puilo emaw i lo buaina tur a awm lo."

"Chu a ni chu i lo mutpui ṭhin reng tihna maw?" A phu deuh zawk a, a hmelah chuan maktihna hmuh tura awm bawk.


"Yeah mutpui e, chu chu khum lama thleng ṭhin chu a nia lawm."


Sierra choka lam lut chuan Jonas leh Star a va hmanchhawn nghal a, a mah vangin inhnialana an lo nei a ni ngei ang le, ṭha lutuk, chu tak chu a lawm tunah hian a mamawh chu ti rilru chungin a pan hnai nghal a, duh lo viau dawn pawh ni se chu thil chu a thleng tho tho dawn, chu ai chuan a tawn tur a nih rau rau chuan huaisen taka hmachawn a thlang ta zawk a ni.


"Good morning." A va ti sap a.


Star chuan Sierra inchei dan chu nuihzat hmel zeta melh chung hian, "Hetiang mi hi ka thik ang tih ka pawh ka ringloh zawng tak." Sierra zak lutuk chu a sen nghal ṭan ṭan an ni model nalh takin chutianga a ni hmeichhe pangai ve mai incheina pawh ngaihven em em lo leh lan mawi reng tum.pawh nilo a han ṭawngkhum dan chuan a ti chiai hle bawk .




"Min lo hrethiam teh!" A ti chhuak ve sep a.


 "Star a tawk." Jonas chuan a lo ti ve nghut.


"Nilo e, nilo e,  eng thu nge sawi a duh chu, sawi chhuah tir rawh." Sierra chuan dam dap hian a lo ti a, thil chu tih fel law law a duh bawk.




Star chu a nui sak, "He thil hi sawi ka lo rilruk a, a bul ṭan na a tan darthlalang i neilo a ni ngei ang maw? Tlema inchei mawi dan leh thawmhnaw inhmeh tura inchei dan te zir ve deuh la, tichuan i zahawm deuh tur hi a nia."



"Zahawm i ti a maw, kha i hausakna kha khawi a ṭangin nge a rawn kal bik le, pron star nihna a ṭangin a nih ngei ka ring." Sierra chuan a siai khum ve zauha l a.



"Model ka ni a lawm."


"Nia, model nalh tak zawng i ni a lawm, chuvanga magazine lamah te pawh mipa phelh ruak tu tur che an kat sup sup chhan."




"Darling min thik duh suh, hetiang em em a mipa in an duh veloh chhan che hi ka thiamloh a ni hleinem." A mitko a san khum ar bawk a.


Sierra chu a zam chhe hle a chu mahse chutiang chuan a lang duh hauh bik lo, chu Star chu a hlauh tur leh a zah tur ni in a hre bawk hek lo, "Mipa in min duh lo i tia, mahse tun thleng hian i mipa nen khum khatah kan mu dun chu a ni si a le." Ti a chhan ve zauh pahin a coffee tur a in thlit a, a kal sawn san dun ta daih a, Star chu Sierra thusawi a vang chuan engmah sawi tur a hre lo chiang hle.


Thinrim zeta Jonas chu melhin, "Khatiang thu kha a sawi i remtih pui tihna maw?" Dem awka zet hian a ti a.


Jonas ve thung erawh a nui mai a, engahmah ngaihloh hmel zet hian, "I ṭan hmasa a nih kha, a hnu leh i tuar thei dawn lo a nih chuan khatiang khan ti tawh suh."


Jonas chuan a coffee no ruak chu dah thla in Star chu a kalsan zui ve ta nghal a, Star erawh a thinrim.kher mai.