IT'S JUST AN ILLUSION CHAPTER 8

IT'S JUST AN ILLUSION CHAPTER 8
SANGTEI KHAWLHRING

Naktuk erawh chawlh ka la leh lawk ang aw, ka la dam kawr deuh mah mah a, ka type hian ka luak a chhuak bur mai, tuk leh zanah erawh ka rawn dah leh ang aw, ka chhung ten la indim rih deuh hlek turin min ti a.



Jonas chuan harsa tizetin Sierra engmah hre tawhlo a muhil bawrh bawrh chu a nam sawn a, a na ti lutuk chu a rum chhuak nghal hawk, a nâk ruh chu a dap kual te te phawt a, vanneih thlak zetin a tliak lo hlauh e, "Hrep tak chuan." Tih nghut pahin Sierra chu a pawm kang lawp a, a room lamah a kal pui ta nghal a, hriat theih siloh hian a la rawn ṭawngvai zui, mahse eng nge a sawi chiah erawh a hre thei chuang lo.






A khum ah chuan a mut a, a kawr hak chuan a ti hreawm ang tih a hlauh a vangin, a hlih sak nghal, mahse a thil hmuh duh loh lutuk a hmuh a ngai ta si, Sierra chuan bra a lo ha hauh lo, a hnute lian lem lo tak leh mum nalh tak mai a hmur kawh vak lo senno chek chu a enlo theilo, rin ai takin hmeichhe taksa nei nalh lo a ni hauh lo tih pawh a hria, mahse chutiang thil chu a ngaih tuah tur a ni lo, a ni chuan Sierra te ang chi hi a hmeichhe kawp chi a ni lo a, Star te ang chi hi a kawp tur tak an ni zawk.





Thawk a la hawk a, a kawr hak lai a phelh sak zawh hnu chuan puana khuh ṭha in, a rooom chu a chhuahsan ta vat zawk a.





THE NEXT MORNING





Zing Sierra harh chuan a lu a dawm ngawih ngawih nghal a, " ka lu chu." Tih chhuah sap pahin peihlo zet chuan a tho chhuak a, kitchen lam a chhuah phei chuan Jonas coffee lo in mek chu a va hmu nghal a, "I hmel lan dan chu vuak hrep hnu te pawh i ang a lawm, i lu chu enge a an?" A lo ti a.





A zawhna pawh chhan en a en ta lo chuan, "Nizan khan eng thil nge thleng hrep?" A ti nghal hlar a.





"I hre tawh miah nange?" A coffee in lai tem leh zauh pah hian a ti ringawt a.





A mit ko a lo san khum âk.



"Kei chuan kha thil kha tawn nawn leh ka lo chak viau laiin."




"Eng nge i sawi awmzia?"


"Nizan khan min la duh khawp lo viau ni in ka lo hria a sin, ka tih awmzia chu min la duh belh viau ni in ka hria."




Sierra chu a phu deuh zawk." Nilo i daw chiang lutuk."






"I thusawi dan a ṭang chuan khum lamah  kei anga tluka zei i la tawnglo tihna, chu vangin nimaw nizan pawh khan chhumlo chatlo a kha thu kha sexy tawka ka beng bula min hrilh cham chi chhan." Jonas chuan asiai pah suk bawk a.






Sierra chu a sa kher mai, "Engah mah i ṭha lo a i tling tawk bawk hek lo, khatianga awm hmeichhia rem changa lo la tu mipa leh lek phei chu."






Jonas chu a nui chhuak hawk hawk, "Khatin min nuihzat reng reng suh."





"Relax Miss Cole, ka hmeichhe duh chi chu ka hrilh tawh che kha, i sawi anga mipa sex mamawh lutuk a vanga hmeichhia tu pawh mutpui thei mai chi ka ni hek lo, chu lo ah khatianga hmeichhe rui lutuk chatthla khan engmah an tih theih hi ring duh suh!"






"Nih leh engvanga saruak tho chhuak nge ka nih?"






"I sawi dan ah chuan saruak chiah lo deuh i tihna a ni ngei ang, ni e kha ai khan han saruak belh leh deuh hlek la tiraw Si?"






 "Ka lamp manto zet mai i tih keh hnu ah lek phei kha chuan..... chu tah ka nak ruh i la ti tliak lek lek zui bawk, chutah chhuatah i la chatthla zui leh nghal a, keimah ngeiin khumah ka muttir che i la ngai zui."





"Ka thiamloh a ni hauh lo, engvanga i
 kawr hak hnuaia bra ha lo nge i nih?"


"I en loh hram ka beisei."





"Miss kha te chu thil harsa tak a nih ka ring."


"Mi hurherh tak zawng i lo nih hi."






"Chu chu em ni him taka in ka thlen avang che a i lawmthu sawi dan, ka hrethiam e, chutah pawh zan hreawm tak i hmang ang tih hlauin leh i luak nge luak lo tih thlengin ka rawn en reng ṭhin bawk che a, a leh pek a thleng leh a nih ngai chuan engtin mah tilo in ka en liam mai mai ṭhin tawh ang che." Jonas chuan a coffee no chu dawhkanah dahin Sierra chu a kal pel thuak a.






"Hey a leh pek chu a thleng leh tawh ngai lo ang." Sierra chuan a au zui a.





"Miss Cole, chu tiang chu ni thei hram se ka ti khawp mai, i mamawh tur ho i lo pack dawn nia, helai hmun chhuahsanin thingtlangah weekend hmang turin kan kal dawn, tun a ṭanga minute sawmpanga chhungin kan chhuak bawk ang."





"Thingtlang hmunah maw?"






"Miss Cole thil i hriat reng hi min zawt nawn kher zel suh, i hre reng tih pawh ka hria." Jonas chuan a room lam a pan san ta nghal a.






Sierra pawh chuan coffee insiamin a in sawk sawk a, rangtakin a room lam a pan  a, Jonas chuan engvanga hrilh lawk lo nge a nih reng reng, hre lawk nise zawng nizan khan intur khati khawp khan a intam hauh lo ang, a lu chu nat namen lo hian a na ni berin a hria a, a luak a la chhuak em em bawk a, a thawh tirh khan damdawi a ei ve takna a chu a lu na a dam phah pawhin a hre lo, bathroom lamah lutin a in bual zuai a,chumi hnu ah a thawmhnaw tlema zawng packin inhnuai lam a pan thla a, vawiin ni phei chu mut mai mai bak a chak a nei kher lovang.






A room a ṭanga a chhuah hnu chuan Jonas chuan a lo nghak reng tawh tih a hmu nghal pang, "I tlai."






"Oh hreptak che chuan minute tlem te chauhin a nih hi!"






"A nih chuan Miss Cole ka car awmna lam pan vat mai teh!"






"I carin maw kan kal leh dawn a?"





"Ni ang chu, chu bak eng dang nge i beisei chuan train in em ni?" A nui ve suk.







"Ugh, nilo, ok, i khalh chak a nih vaih chuan ka......"


"Eng maw?"


"Engmah."


"A nih chuan ṭhu lut vat rawh."





Sierra pawh chu ngui zet hian a ṭhu lut ve nghal a, Jonas pawh chuan a car chu a ti nung ve nghal.






"Eng diklohna nge i neih leh tak a?"









"Ka damlo ni in ka hria." Sierra chuan a ti chuai raih a.






"Khatiang zah zah intur kha i nilo reng a lawm."






"I lak a ṭang hian eng thurawn mah ka mamawh lo ve."







"Nia ti raw, mahse nizan erawh kha chuan ka buaipui i ngai miau a, chutah i sawi anga mipa hurherh tak ka ni nge nilo tih finfiah i tuma, chutiang erawh ka nih bik loh a vangin him pialin i awm thei a, tharum thawh kher lo pawha  harsat dawn loh tehlul nen."






"Ni e, ka ti mah mah deuh pawh a ni maithei e." Sierra chuan a ti ve sap, a chhan chu zan lamah khan engtin chiah  a awm a hre chhuak thei tlat lo.



"Maithei chauh maw?"







"Ok, ngaihhdam ka dil e, chuan khawngaihin sawi tawhlo thei em? Chuan engvanga thingtlang lama kala weekend hmang duh nge i nih chhan?"





"A chhan chu ka nu in a hmuhduh ve che a vangin  a niang chu." Kawngpeng lo awmah chuan a car chu a herh kawi nghal a.





Sierra chu a harh kawk nghal, "I nu a awm tel ve dawn a maw?" A mengphawk ngang mai. "Nilo, nilo, engtin nge ka tih ang, ka chiai nghal der, hetiang te chuan engtin nge ka tih theih ang, ṭha taka awm theihna tura lo inpuahchah ve deuh te a ngai a sin." Thlaphang zet hian  a ti nghal hlap hlap.





"Nizan khan hrilh hriat che ka tum a, mahse lo hrilh ta che pawh ni tehreng ila, i hrechhuak zo dawn tawhlo tihna a nih kha."






"Tunah tak hi chuan he thil hi ka hmachhawn theih ka ring lo."







"Engtiklai pawhin i awmdan kha i inveng reng a nih chuan i ṭha em em ang tih ka chiang, harsatna vak tur a awmlo." weekend hi thil harsa tak nilo a hnathawh tur pakhat ve maiah ka ngaih theih ngei a ngai ang tih chu Jonas rilru a ni ve tho.







Engmah sawi zawma inbe tawh lem lo in Jonas chuan car chu a khalh ngawrh ngawrh a, Sierra chu tia a ngawi ta reng chu thaw a ti veng mah zawk ang, a chhan chu nizan lam a vanga a pen ṭawng thu ṭawngkam hriat vel ti ang  reng kha a hre pheih lo, chu ai chuan a pu hian eng thil chiah nge a plan tih hi a hriat ngei a ṭul.







Darkar tam fe an tlan leh hnu chuan Sierra chu a la ngawi ngar ngar tho a, an kalna hmun pawh an thleng a ni thaw thang tawh, Jonas chuan an kalna  hmun tur gate bul a thlen chuan a car chu tidingin Sierra lam a han hawi nak chuan tui zet hian a muhil hi alo ni a.








Hei vang a nih hi a lo ngawih char char chhan ti in tui taka Sierra muhil lai chu a thlir pah vung vung a, an inhmuh tirh a ṭanga Sierra hmel chiang taka a  vawikhat enna a ni hial awm e, chik zet hian a thlir kual a, a engkim mai hi ka duh zawng pakhat mah a awm lo, chhan  pawh hetiang hmeichhia nu tak ang chi leh pangai tak ho hi ka duh zawng an ni ngai lo ang, a mah erawh chu a huaisen in a dikna ah chuan hlauh a neilo in a ṭawng duh viau bawk a, tlawm zawk.a ṭan a duh ngai hek lo, diktak sawi chuan hmeichhe hmelṭha tak chu a ni ve chiang a lawm, mahse a sexy in a hot ve lo a, chutiang chu nuh chhin a tum ngai hek lo.







Thil pakhat, mipa lakah erawh a zei hlawl lo, chu mai pawh nilo in mipa tih lungawi dan pakhat te mah a hre hek lo, chu ai chuan inven a thlang zawk daih ang.





Ka hmeichhe duh dan ang letling hlawkin a awm a, kei chuan Star kha ka  duh, Star te ang kha ka hmeiche duh chi an ni, hetianga mipa laka inveng ran leh inlak hran tum reng ang chi nilo in, engmah lungkham leh kawp chhan neilo a awm a, duh hun hun a kawp a mutpui theih ang chi hi, ni e, Star te ang hi ka duh zawng an ni reng tur a ni, mipa ho duhthusam chu a ni ang te hi an ni si a, mahse nupui tur a tan leh an fa te nu tur a tan nilo, an taksa nawmna phuhruk sak tur chauhin, chutiang a tan chauh chuan.....





"Sierra tho rawh, kan thleng tawh." A ti ta a.


A rawn meng chhuak a, "Kan thleng tawh maw?"


"A lan dan chuan a nia lawm, Chhuak ang le."



An pahnih chuan inchhung lamah an inzui lut dun ta a, Sierra inchhung lut inchhung a han hmu chu a inthup hmanlo, "Oh my God he in chu ....."


"Thawk a ti tawp thei."

"A ropui ti a sawi tum ka nia."




Chhiahlawh in enkawl tu chu rawn kalin, Jonas hmel a hmuh chuan hlimhmel pu a rawn nui pah vur vur chung chuan, " Mr.Black kan han inhmuh leh chu ka lawm khawp mai." Ti in an bul a rawn pan a.





"Bruce ka pu leh ka nu an awm ve tawh em?"


"An la rawn thleng velo sir."


"Mahse i pu in min chah dan chuan zan dar sarih ah dinner ei a ni anga, tah chuan Miss Cole hmuh a in beisei tur thu a sawi."






"Ok, nih leh ka carah kan bag vel a awm a,ka room lamah min lo han dah chhoh  sak ta che."



"Aw le sir, ka lo ti nghal dawn nia."






Sierra ve thung erawh chuan chulai vel chu alo melh kual nasa mai a, chutiang in ropui lutuk mai thingtlang lama han awm na chhan tur awm ang reng reng a hrethiam lo, a hawina lam a piangah chuan thil pui tak tak leh hlu zet zet hi a hmu zel a, hmuhlohna ram pawh a neilo.





Engkim mai chu mit ti tlai thei thil vek ni hian a hre bawk.






"Sierra." Ti a Jonas an ring deuh taka a rawn kohna a vang chuan a harh chhuak zawk.






Jonas kalna lam chu a zui ve nghal ta vat a.






Jonas chuan room pakhat hi a hawng a, Sierra pawh a lut ve nghal, room chhung chu a hma alo hmuh hlawm ang tho a pui kha  a ni a, khum a awm a vang chuan bedroom tih a hrethiam bawk, "Hei tu room nge?"






Jonas chuan a jacket hak chu phelhin khumah chuan a thehthla a, a mah chu khumah chuan muthla ve nghalin,
"Ka room a nih hi."







"Nih leh khawiah nge kei hi ka mut ve dawn?"





A mitmu pawl ruih chuan rawn melhin, thatchhiat hmel zet hian, "Tah hian a niang chu!"







"Mahse engtin, khum pakhat chauh a awm sia."






"Kan pahnih hian khum pakhat chauh hi a lawm kan mamawh."






"Nilo, ka mutpui hauh lo ang che. mengphawk nasa hle bawk.






"Sierra tun a tan chuan kan tih loh a ṭha zawk ang." Jonas chu a rawn ṭhu chhuak leh a.







"Kan contract ah khan khum inṭawm tih thu pakhatmah a lang lo."







Jonas hmel chu a rum kher mai, a rawn tho chhuak a, rum zeta Sierra chu melh chhuk run chung hian, "Sierra Ka châu viau a nia, dinner ei hma chu mut hahdam ka duh."






"A nih te chuan mu la, keiin i pu bulah ka room tur min pe turin ka lo dil ve thung ang."     
,



Ti ta che, ti ta che kan pahnih deal kha  a tawp nghal bawk ang, chuan ka penthouse a ṭanga thil ru ti in jail i luh a ngai bawk ang a, a chhan chu kan pahnih a contract kha ti tawp tu i nih dawn a vangin."





"Hey kan contract ti tawp tu ka ni lo  aw."   




"Ka hrilh ang che, ka pu hnena i room tur i dil a nih phawt chuan ka nupui hual i ni tak tak lo tih a hre chhuak nghal dawn sin, hetisng thil rin hi a harsat zo tawh a, a chhan pawh nang ang chi hmeichhia hi nupui a ka neih ngai dawn loh a vangin, chutah nang lah i awm tum danah hian ka âtchilh lutuk che ni anga lan tir i tum zui, khatianga awlsam zeta a rin chu ring duh suh Sierra, ngaihtuah chiang ve rawh."





Jonas chu kun hniam thutin, Sierra intinloh lai tak chuan a fawp ta thut a, a thil tih a vang chuan Sierra chu a ṭhawng kher mai, a nem sawn nghal a, Jonas biang chu a ri nghal ṭhuai bawk, "Eng thil nge maw ti a i han inhriat reng reng le, i â ta chu a ni em lo maw?" Thinrim a vanga hmai sen ṭan chung chuan a ti khur dar dar a.



"I ngaihtuah nasa deuh mah mah a nih kha."





"Eng nge i thusawi awmzia?"





"Sierra ka nupui hual i nih chuan kha kha kan tih a ngai dawn ngei ngei tuh kha hria la, vawikhat i inrinloh laiin ka rn chhin a, ben ka hlaeh a, ka en chhinna ah che chuan i fail nghal der bawk, ka pu te hmuh laia ka fawh che in khatiang chhanletna ka dawng a nih ngat chuan hre rawh, kan tumah kan thleng sang hauh lo ang."






"Mi.....n hrilh lawk ve tur che a nia." Inthiamlo zet hian a ti let sap a.







Jonas chu za lo zet hian a nui chhuak hawk a, "Chu ka fawh dawn a piang che in ka hrilh lawk che emaw signal ka pe chawp zel dawn che tihna maw, chuan chutia ka tih loh chuan midang hma ah min beng ziah dawntuhna mi? Chuti a nih chuan ka propose na che kha eng angin nge an ngaih tak ang?"






"Tun kar chhung hi hun ka pe ang che chumi chhung chuan lo tifel la, engkim ah lo in ready ngei ngei tawh ang che."


Fakna milem awm kha nmeh ṭheuh tum ang aw, ka rawn dah loh vang vang chhan chu ka damloh vang a ni e.




Jonas chuan khum lam bawk chu a pan leh ta a, a maimit chhing nghal, Sierra chuan ngei zet a melh ram ram chung hian, " Asshole." Ti a phun chhuak sapin Joonas chu a chhuahsan ta nghal a.