IT'S JUST AN ILLUSION CHAPTER 7

IT'S JUST AN ILLUSION CHAPTER 7

SANGTEI KHAWLHRING

Fakna milem awm.kha khawngaiha min hmeh saka second sawm chhung lek min enkual sak ve hram.turin ka sawm mawlh mawlh a che u.

Sierra pawn chuuak chu a khur a khur nghal ringawt a, Jonas thusawi kha a hre chhuak rauh rauh, a rin ai daihin zing lam boruak a vawt hi a lo ni a, a jacket hak ringawt chu a tawk zawh loh zia a hre chhuak dawn chauh ni hian a hre bawk.

Khabe khawng hlak hlak chung a kal lum tum tak hian a ke pen chu a ti chak sauh a, chutih ah chuan Luca nupui hual chu mi eng ang nge a nih ang tih a ngaih tuah pah bawk a, a rindanin chutiang khawpa Luca Don leh nghal rilru han hneh thei tu chu hmeichhe nu tak leh rilru no zet leh hmelṭha tak a nih a ring thla ve tawp bawk.

Uhh, ta hi boutique dawr pawh ka thleng reng tawh a lawm tiin inchhungah chuan a lut nghal rawk rawk, a vawt ti lutuk chian coffee te pawh a mamawh ngawih ngawih nghal hian a hria, dawr chhung a lut chu pui a ti kher mai, a chuunga thawmhnaw reng reng chu an ti hlawm.vek dawn tih lah a hai lo, tunhma in chutiang dawr chang kang leh puiah chuan a luh pawh a la inhre lo.

Kil khata dawr nghak tu niawm tak hmeichhe pakhat lam chu panin, "Min lo hre thiam teh!" A va ti a, chu nu chuan a lam rawn hawiin,"Puihtheihna che ka nei em?" Ti ngha varin a rawn dak chhuak a.

"Ka hming chu Sierra Cole a nuh a, tah hian appointment ka neih thu hrilh ka ni a."

"Oh, nitak, Miss Cole maw, kan lo beisei reng tawh che sin." Ti a nui chhuak sang chu g hian, "Emgkim i lak maitheih turin ack fel sa thlap a ni tawh a, nang chuan lak chauh i hmabak tawh."

"Eng pack maw ni a?"

"I thawmhnaw tur mawle, MrBlack an thlan sak fel vek tawh che a lawm."

Ka thawmhnaw min sem zawh sak vek a, chumi hnuah ka hak tur thleng thlengin min la thlansak leh zel a maw, oh hrep tak chuan ti a ngaihtuah lai chuan dawrnghak tunu chuan, "Engkim a man pawh pek sa vek a ni tawh a, tah hian sign la, i la thei a ni mai." A ti leh a.

"A ma thawmhnaw min thlan sak nilo, keiman a ka duh zawng thlang ta i,ka pawi i ti ang em? Chutiang ti tur chuan hun ka ngah tawk tho a, chuan a mi thlan sak aia a lo to deuh a nih chuan, duh leh Mr.Black card a ṭangin i charge leh mai anga."

"Oh pawilo e, va en rawh, puih i ngai a nihchuan min rawn ko mai dawn nia." Ti in a lo chhang a.

Sierra pawh chu thawmhnaw thlangkual tur chuan a kal ta nghal a, a thawmhnaw duh zawng chumi zana a hak tur chu a hmu nghal vat,  chutiang bawkin Jonas thin a ti rim dawn tih a hre reng, chu chu a duh dan pawh a ni.

A duh zawng tak silk kawr sen no tight lam panga ṭhui leh a chunga hak tur jacket lum ṭha tak a thlang chhuak bawk a, Jonas lo than sak chu a enchhin tho a, thawmhnaw nalh tak leh zahawm tak a ni tho a chu mahse a luhlul na tihlan ve hrim.hrim a duh a vangin a ma thawmhnaw thlan zawk chu a la ta tho a.

Coffee in hun tih chauh ngaihtuah chungin chu dawr a ṭang chuan a chhuqk ta nghal a, chumi dawr bul lawk a awm coffee dawrah chuan a plastic bag khai chung chuan a lut a, coffee sa ṭha ver vawr tak leh donut la in a inhnawh puar te te phawt a, chumi hnu ah hotel lam Maddie lo ṭhutna lam chu a pan leh ta a.

Sierra chu Maddie nen rei tawk famg an inkawm hnu leh lunch te an ei dun hnu tlai lamah chauh penthouse lam a pan leh a, an dinner a tan a insiamna hun tur ah a la hma deuh em a vang chuan a room lam panin a muhil leh te te a, a harh chhuah leh hnu chuan khua a lo thim der tawh tih a hre chhuak a, chu khum chu a dup nawm em.a vangin a,duh ai tam tam a mu ṭhin tih pawh a inhria, hmanhmawh zetin a tho chhuak a, bathroom lamah a lut nghal sawk sawk insiamna hun a tan minute sawm.chiah hun a nei tawh, tuilumin a inbual nghal sawk sawk a, a sam chu hmanhmawh zetin a chem ro tir leh zung zung a, a vial kawi leh zuai, chumi hnu ah a thawmhnaw hak tur a lak leh a rem tur tak pheikhawk senno chu a inbel leh sawk sawk a, chumi hnu chuan a hmaiah makeup tlem a zawng hnawih lehin a bag a la a, a room chu a chhuahsan ta nghal a, inhnuai a zu chhuk Jonas a lo dinh reng tawh a.

A mah chu rum zeta melh chung hian, "I tlai." A lo tih khum nghut.

"Jonas minute reilo te in lawm ka tllai a, inbengdai ve deuh teh!" Ti in a thaw chhuak halh.

Sierra inthuamna chu zawi muang hian a melh kual a, "Kha thawmhnaw ka thlan sak lai awm reng che ka hre lo." A ti ta hmuk a.

"Oh, i ti lo reng, keima tglan a nih hi, buaina a awm em ni?"

"Aih, a ṭha e."

Sierra chuan Jonas inthuamna chu a hre chhuak thut, makti zet hian a meng phar a, "Ngawi lawk, leather jacket i ha ve."

"Chuan?"

"He tianga i inthuam hi. Ka la hmu ngai miah lo a."

"Luca kal duhna hmun thlengin ka hrilh tawh che kha, hmun changkangah a kal dawn lo tih pawh oan sawi tawh ni in ka hria."

Uhh, thawmhnaw pangai tak a hak hi chuan tlemin mihring te pawh a ang ve deuh a lawm ribit mai nilo in ti a ngauhtuahin a Sierra chu a nui chhuak sak.

"Engvanga nui ringawt nge i nih?"

"Engmah a nilo."

"A nih chuan kal i la."

An pahnih chuan an inzui chhuak ta nghal a, mahse Jonas car manto hmel zet bul an thlen chuan Sierra chu a tawi leh ta hrat hrat a, "Lokal rawh a seh lo ang che."

"Khami ni ami ang kha chuan khalh chak tawh miah suh!"

"Huhh, ka car hian khalh muan a thiam ve lo, i him em em ang, lokal mai mai teh!" Car chhungah chuan a ṭhu lut nghal a, Sierra erawh hlau deuh ching chung chuan a ṭhu lut ve a, "Kan pahniha kan accident a mih vaih chian hre rawh, mawh i phir vek ang."

"Honey ngauhtuah duh suh, nang ai chuan damchhan tur ka la ngah fe zawkin ka hria."

Sierra chuan a melh rum.ngang mai, mahse Jonas erawh chuan hma lam enin Sierra awmdan chu a haider sak hmiah hmiah, kar loah Luca te nen a dinner eina hmun tur chu an thleng ta thuai a, tlai lam a nih tawh a vangin traffic pawh a jam lem lo.

Inchhung an va lut Luca te bula an ṭhut hnu chuan inhmelhriatna te an nei zui a, Sierra chuan Luca nupui hual chu hmeichhe nelawm zet ni hian a hria a, a rindan anglo takin a ṭawng duhin ti ti vawrh a thiam hle bawk.

A ruk tak chuan a ngaisang rilru hle a, an pahnih chuan inhmeh dun ngawih ngawih hian a hre bawk, mahse hmangaihna kawng chhuk chho takah hian hetia an pahnih a innnei tur hian eng ang kawng bum boh nge an lo zawh dun tawh tih erawh a hriat pui lem lo.

A ni erawh pawisa pawh neihloh a vangin leh a nun khawvhhuah theihna a tan mi nupui hual mai mai a tan lem a chang si a.

Hlim hmel pu taka nuih sang pah hian "Alexandra kan han inhmu thei chu ka lawm khawp mai." A ti a, chu thu pawh chu Jonas chuan a sawi ri hauh lo, a ma chhung te zawk an ni keh nghal a, ṭawngkam tha eng emaw tal a sawi ve alo rin tehlul nen, mahse a sawi chhuak hauh lo.

"Sierra kei pawh kan hmu che u hi kan lawm tak zet zet, mahae khawngaihin Alex ti in min ko dawn nia." Ti in a nui ve sang a.

"Chuan hei hi emni kan michhuan vawr Jonas a hmel hmuh hawt hma a a chung chang thu tam tak ka lo hriat tawh kha?" Ti in Jonas lam chu a hawi a.

Jonas erawh a ngawi ngul reng a, an thil ei lai chiah a ngaihtuah nimai awm hian a lang bawk, "I ṭawng tam vaklo a ni maw?" Alex bawk chuan a ti nawn leh a.

Jonas chuan a thil eilai chu tawpin, a fork ken lai chu a dah thla a, chumi hnu ah Alex lam chu hawiin, "Hei ka lo ngaihtuah a, engtin chiah nge Luca lakah hian i inham tan dawn ?" A ti ve sup a.

"Jonas." Sierra chuan a ti deuh ṭhat.
Khatin a bulah hian nelawm lohna lan tir nghal ringawt suh!"

"Sierra nuamlo lo ti duh lem suh, Luca ka nei dawn tho hi, chuvang chuan a ni nelawmlohna mai mai te hi chu ka tuat thei lutik." A nui chhuak hak hak a.

"Amore khami chungchangah kha chuan min sawi lut ve hauh suh!" Luca pawh chuan a lo ti ve sup a.

"Mahse Jonas zawhna kha ka chhan a ngai si a lawm..... mi thlem thiam tak a nih theih ngei pawh ka ring." A nui chhuak leh hak a. "A leh lamah chuan nang ngei pawhin chuti ang mi ka sawi ang chi chu pasalah i nei ve tho dawn a." Sierra lam hawi chuan a mit a siai ah zaih bawk a.

"Chuan Jonas ka lo hriat danin Luca'n nupui anei dawn tih i hriat tirh khan a shock viau che ni in ka hre bawk a, nang tluk a ṭhawng an awm kher ka ring lo a dik em?"

"Amore sawi nawn kher angai lo."

"Kei pawhin eng nge ka sWi theih chuan, rin har ka ti ve tho, a chhan chu ..... eng pawh nise, dinner kan ei zo tawh bawk a, club lamah party kan chuunzawm nghal dawn em niang?" Sierra chuan a ti zauh a.

Jonas chuan a lo hre thei khawp mai, Sierra lam chu hawiin, "No." A ti nghal hmuk.

"Engvangin maw?"

"Ka sawi a nih hrep vangin.'

"Uhh, eng nge tih a tih loh tur tih hi min hrilh thei hauh lo."

"Kei pawh club lama kal chu ka duh ve e." Alex pawh chuan alo ti ce thuai a.

"Club ah chuan kan kal hauh lo ang." Lucas chuan a nupuihual chu a lo hnial nghal a.

"Eng vang ngawt in maw?"

"A chhan chu Jonas bulah hian press mi ho an pun hneh theih em a vangin, chuan America ah ka awm a ni tih hi midang hriat tam.vak ka duh lo bawk."

"Chutiang chu a ngai reng reng lo, helai restaurant piah lawkah hian Club lian vak lo leh lun lo tak a awm a lawm, tah chuan kalin tuma hriat vaklohin intur kan dawm.tlang thei em em ang." Sierra chuan a tih zawm veleh nghal zat a.

"Ngaihtuah duh suh Sierra, an lo kal duhlo a nih pawhin,kan pahnihin kan kal dun mai dawn nia, engmah ngaihtuah hah tur a awm lo."

"Em i thusawi tur i sawi hma hian ngaihtuah lawk phawt thin rawh."

"Jo eng nge nang i ngaihdan?" Jonas lam chu Luca chuan a melh pah zauh a.

"A nih te chuan ti vat ang, tichuan ka haw thei thuai bawk anga." A ti ve ta ruih a, Sierra chuan Jonas chu a siai khum.ve zauh, an pali chian club lama kal tur chuan an in zui chhuak ta hlawm a.

Club chhung an luh hnu chuan Alex leh Sierra chuan bar lam an pan nghal a, Luca leh Jonas erawh an mamhni hmu pha si hian intur dawm chungin an piah lamah chuan an ti ti thung a.

"I pu chung chang chu eng maw ni a, eng maw thleng?"

"Kha f*cker khan min paihthlak a tum a lawm maw le."

Luca chu a phu deuh zawk, "I ti tak tak el ni?"

Jonas chu a ding chhuak ve nghal a, "Ni e, chitiang vel chu a ni in oa hria."

"A nih Sierra hi nei luih tir che a tum tihna maw?"

"Nilo, nupui nei a ka awmdan ṭhin kha mi sim tir a tum zawk, Sierra erawh hi chu ka mawl luat a vanga tihpalh thil thu a ka tawn mai mai a nih hi!"

"Mahse hmeichhe ṭha tak chu a ni in ka hria Bro."

Za lo zet hian Jonas chu a ṭhen suk a, "Chu tak chu a lawm ka buaina, hmeichhe fel leh ṭha tak ang ho hi ka duhzawng an ni ngai lo."

Sierra te pahnih lam melh leh rulh pah hian, kanmit mei deuh reng a ngai ang, champagne bottle hnihna an lam leh mek a nia."

Luca chuan Jonas melhna lam chu a hawi phei ve mghal a, "Alex pawh kan thlenna hotel lama hruai a hun tawh ni in ka hria, a chhan chu alcohol hi a tan a ṭha vak lo."A ti ve sup nghal.

"Engti lam kawng zawnga ṭhatloh in maw?"

"A in nasat lutuk hi chuan tun a ṭanga reilo te ah strip ho ang maiin a lam leh mai ang."

"Striper ho lam dan in a?"

"Long story bro."

"Nileh Sierra hi inneih ni ah i rawn hruai ve dawn em?"

"Engtik nge inneihni a tan in ruat a?"

"Karthum a la awm."

"A landan a ṭang chuan ka rawn hruai ve mgei a ngai dawn tihna a nih chu! Kar thum hnu ah i ti a ni lo'm ni?"

"Yeah, New year eve tak hi a nia, ka ngaih dan mai maiah phei chuan winter wonderland theme te hial ka rilru ah a lang ni in ka hria."  A mengkual pah rulh a.

"Engtik a ṭang khan nge i ngaihtuahna te hi alo hmeichhiat tak em em le?" Nui chhuah hawk.hawk ah hian Jonas chuan a lo ti a.

"I sawi ang mi chu ka ni hauh lo, inneihna a an plan ho zawng zawng hnar fithla tu ka la ni zel zawk." A meng rum nghal ul a.

"Tunah chuan an inhnem dun tawh khawp ni in a lang."

Luca va hawi phei chuan Alex leh Sierra lo lam ṭan chu a va hmu ve nghal a, thawk a la ri hawk nghal.

"Kan zan hun a tawp ti a kan sawi tawh mai a ngaih ka ring." Nuih chhuah suk pah hian Jonas bawk chuan a ti leh a.

A ngaihdan ṭawm pui zet chung hian, "Si." Luca chuan a ti ve ta nghut a.

"Naktuk zing hian helai country chhungah tho si kal chhuah lawk ka ngai dawn a, mahse Sierra hangover nen a car a chuan dun chu tun a ṭang hian ka lu a ti na zo vek nghalin ka hria." Jonas chuan a ti chhuak ruih a.

Luca erawh a lo nui mai thung a, "Hei han ngaihtuah ve zawk teh, naktuk zing hi jan haw hun ani ve tho dawn a, darkar kua lai mai Alex bulah hun ka hmang dawn a, chutah flight chhung a la ni leh nghal dawn bawk nen, eng chu nge hahthlak zawk dawn?"

An pahnih chuan an hmeichhe hruai haw tur te lam chu hu ohurh zetin an lam pan chuan an che chhuak dun ta a.

Sierra chu Jonas carah chuan a lut duh lo tlat a, Alex lah chu luak deuh rengin Luca chu fawh phet a tum.bawk nen, a tawpah zawng an car ah chuan an chuan tir fel thei ra ṭawk a, mitmeng rum ul a inmelh tawn dunin an in mangṭha dun thei hram.

Jonas an car a tih din hnu chuan Sierra chu kuah chhuah hi a tum rawk a, a ni erawh a ṭang leh ta tlat a, a mah a akal tir a nih vaih chuan kha tiang khawp a kal pawh kal ngil theilo khan a tlu na ang tih a hlau bawk si, Jonsa dawhtheihna chuan a tlin lo ṭep chu a ni e.

"Hey, khatin min dawm reng lo teh!"

"Ka dawm loh che chuan i tlu mai dawn sin mawli."

"Mawnga i mi puihna tello pawhin mahni a kal ngil thei khawp turin ka inveng ve thei tho."

"Khatiang khawpa tam champagne intawh hnu ah kha chuan ka ring chiah lem lo."

"Oh, min thlah hrep teh!"

"Ok, i tih tlat te chuan." Jonas chuan a thlah chiah a tlu nghal rawk rawk, a keh ri chuai, "Lamp i tih keh nghal hrep kha i hria em."

"Well, khatianga kal theuh theuh tura min ngaih te chuan engtin nge i ke ah ka inham tan reng theih anga?"

"Ṭawng lo khan ngawi hmak la a ni mai."

Jonas chu penthouse ah chuan lut hmasa in a thaw huai a, "Sierra i rawn lut dawn hrep lo em ni?"

"Mr.Black mipa nelawm lo tak leh zahngaihna tlachham.zet i ni tih hi hre ringaet mai rawh."

"Yeah, min la khing zel leh nghal a."

"I hma zawna step kha en r...."

A thusawi lai pawh a sawi zo hman lo, a pheikhawk bun sang bawk nen, a rawn pen thla pawp, Jonas chuan dawm hman tunin a che chhuak vat,mahse a mah zawk chu a rawn bawh thlu a, an pahnih chuan chhuatah an thal dun nghal der a, "Ughhhh."

"Ka nakruh ka ti tliak ni in ka hria." Jonas chuan ti in a na tuar chu a rum chhuak hawk a.

"Sierra tho chhuak rawh."

"SIERRA?"

A ni erawh a chatthla zui a ni ngei ang, tui zeta mu tih hriat tak hian Jonas awm ah chuan beiin a thawk nghal sak sak a.

Ṭha lutuk, a ṭha hrep lutuk, ti a ngaihtuahin a nak na lutuk chu a awm ngaiin a tuar tlawk tlawk a, Sierra a chunga mu tlat chu a ngaihtuah thei rih lo, a na tawrh chu a dam phawt hunah a thluak a ngaihtuahna fim pawh a hmang leh thei chauh ang.