IT'S JUST AN ILLUSION CHAPTER 4

IT'S JUST AN ILLUSION CHAPTER 4

SANGTEI KHAWLHRING

Tunlai fakna milem hmeh min uar sak a vangin inchungah lawnthu ka sawi mawlh mawlh e, chuvangin zamin pawh hian rawn dah tumlo ka nia, mahse ka rawn dah leh phah ta a nih hi, min hmeh that sak hi chuan kei pawhin regular lo chu nuam ka ti lo, mahse naktuk erawh sunday a nih dawn a vangin ka rawn dah thei lo.ang aw, monday lamah kan inhmu leh vek dawn nia

Maddie nen thil tihdan tur an rel fel hnu ah chauh Sierra chu Black coporation lam pan chuan a kal ta a, building chhung a lut, tun ṭum chu biru chunga pan a ngai tawhlo ang chu ti rilru chung chuan a nui pah sak, Receptionist lo ṭhutna lam chu a pan leh a, "Khawngaihin min lo hrethiam lawk la, MrBlack hmu tura lokal ka nia."


Chu nu chuan a tarmit kar a ṭang chuan a rawn melh zauh chauh a, "Senior nge Junior?"


"Junior zawk a nih ka ring."


"30th floor ah."


"Kha chu ka hria a , mahse hrilh lawk te ngai i ti lovem ni?"


"MrBlack chuan a ma PA bik a nei a lawm, Miss 30th floor." Thildang a buaipui chhunzawm leh nghal.


A hawihawm loh thlak hle mai. Sierra chuan ati rilru rauh rauh, engvanga company lian hnathawk an nih mai a vanga induh viau ṭhin nge an nih pawh ahre lo.


Engmah sawi leh tawhlo in staff lift lam chu a pan a, 30th floor chu hmetin Jonas room lam chu a pan ta a, lift chu a chak ṭha kher mai, kar lovah a thleng nghal a, lift a ṭanga a chhuak chiah PA desk awmna a thleng phei Jonas PA nen chuan an inhmachhawn ta ran a, "Kan ring chhin, tun ṭum pawh i kalna tur i hai a nih leh hmel khawp mai."



"Nilo e, i boss Jonas hmu tura lo kal ka nia."


"MrBlack maw?"


"Aw, i tan chuan MrBlack a nia, ka tan chuan Jonas a ni thung! Hetah ka awm tawh thu hi min hrilhsak dawn em ni ang?"


"Ka mawhphurhna a ni dawnlo a nia Miss....."

"Cole." Sierra chuan a lo ti ve zauh.


"Ok, Miss Cole, CEO hi mi zahawm tak a ni a, nangin a ka hmu duh i tih mai a vangin i hmu tawp thei hleinem, chu loah helai hmunah hian thawmhnaw hak awm chi deuh te pawh kan nei ve a." A nui pah vawn bawk a.


"Eng thu maw i sawi a?"


"Oh, khawngaihin kal mai teh, nangmah paih chhuak tura security ka koh hma ngei hian."


"Nang hmeichhe pangai ve mai leh office chang kang taka PA nih mai a vanga lalber anga inngai hi eng a tan mah ka ti bik lo che, chuan ka incheina thawmhnaw lo sawisel tur hian tunge i nih lah ka hre peih bawk hek lo, Jonas chu rang rakin min va koh sak vat mai rawh."


"I ṭawngkam hman duh dan te chu a hniam hle mai."


"Kei zawk hian security kohna chhan tur ka nei mah zawkin ka hria, nang hian min tân....."


"SIERRA." Jonas aw rum zet leh vawt zet chuan a rawn ti ta hruih a.


"Mr.Black he nu hian nangmah hmuh theihna appointment a nei miah lo va." Ashley chuan a ti nghal vat, Sierra chuan a melh rum kher mai.


"Appointment neilo a nang hmuh tum chu thil harsa tak a nih thu ka lo hrilh meka." A tih zawm leh nghal a.


"Miss Sommer duh aiin i sawi uar deuh mah mah ni in ka hria, chuan tun hnuah ka nupui hual bulah hian i ṭawngkam hmandan fimkhur tawh la a ṭhat ka ring."


A phu deuh zawk, "I nupui hual maw?"


Jonas chuan engtin mah a chhang tawh lo in, "Sierra lokal rawh le." A ti daih thung!


"Chuan Miss Sommers nangpawh warning ka pek che kha zawm lo tum bawk ang che, tun hnuah keimah min rawn hmu tur an rawn kal a nih chuan min rawn hrilh hmasa phawt zel ṭhin tawh rawh."


Sierra chu a lo bui chhuak var var a, "Really Sierra?"


Jonas lam chu a hawi phei a, la nui deuh sang chung hian, "Eng nge?"



"Heti lamah Sierra."?


Jonas chu a room chhungah chuan a lut leh nghal ta daih a, Sierra chuan chu PA nu chu elhsen zet hian a mit a siai khum pah zeuh.


PA nu huat tawk a tling hle a, "Bitch" ti in a phun chhuak sap.



Sierra erawh engtin mah a ṭawng tawh lo in, Jonas luhna lam a office chhung lamah chuan a lut ve zui ta a.


Office chhung a Sierra lut chiah Jonas chuan a mah pawh en lem lo leh a file khawihlai khawih mawlh nawlh pah hian, "Kha i hmui dak thei zet kha engtin nge maw kan han tih dawn le Si....?" A lo ti nghal tawl.


Ka hming i lam dan kha a dik lo, SI ER RA i ti tawh dawn nia, chuan kha nu khan a ṭan hmasa a nih kha."


"I hming chu eng pawh lo ni teh se, naupang chhia pawh i nih hrep tawh loh kha, a ni em? Chu vang chuan nungchang mawilo zetin awm tawh suh!"



"Oh, khatin mi hrechiang tawk ang ziazang chuan ṭawng hauh suh!"



A rawn inher a, "Eng maw i sawi a?"


"Thil eng emaw sawi tur i nei deuh tihna mi."


"Miss Sonmer thusawi kha dikna lai chen a awm...... thawmhnaw thar i mamawh a nih kha."


"Hremhmun lamah kal rawh."


"Kha chu inremna ti in kan sawi thei ngei ang."


"I tenawm hle mai."



"Miss Cole thil hi i tih chhin hma hauhin ti tlang pawp ṭhin suh!"


"Engmah tih chhin ka duh lo."


"Ka ril a ṭam, lunch ei turin chhuak ila, ti chuan kan contract pawh kan tifel thei ang."


"Ka ril a ṭam ve hleinem." A lo ti leh nghat.


"Ok, a nih chuan tah hian lo awm la, darkarkhat chhungin ka lo kir leh hman ang."


Jonas chuan Sierra chu a rawn kalpel nghal, nghah pawh a tum hran lo.


"A ṭha e, nih leh min lo nghak ve la." Ti in Jonas chu a um zui veleh si a.


Jonas car park na hmun an thlen chuan Sierra chu a thing chawih, chutiang reng reng a car nalh leh manto ah chuan a cuan phak pawh a ring ngai lo, chu loah a chak viau dawn tih pawh a hailo kher mai, Jonas hian khalh chak viau ta ang se la, a hlau ang em?


"I rawn lut dawn nge dawn lo, nge chhun chaw a tan ka hmang dawn che?"

"Oh uhh, ka rawn lut ang e." A ti ve thei ta hram a.


Thawk la raih raih chungin a ṭhu lut ve nghal, an rim te chu a inthlau kher mai, a ni in perfume man tlawm chi rim na tak a hman laiin Jonas ve thung chuan perfume man to ber chi a hmang tih hriat zet hian a rimtui hle a, a rim a ṭang ringawt pawhin a man pawh a namai lo viau ang le.

Sierra a ṭhu lut chiah car chu a dawk chhuak nghal zawk, hlau lo hram turin a hma lam chu a kuta dawmin a hmer ngat ngat,  reilo te ah restaurant changkang ve tak mahse pangai tak si kawtah hian an ding ta hram a, car a ding chiah Sierra chu a chhuak nghal vat, a lu te chu a hai phah hial ni in a hria, Jonas ve thung erawh i ṭha maw ti a in zawh pawh awm leh tawh chuang lo hian restaurant chhung luh a rual nghal a, chuta ṭang ringawt pawh chuan Sierra chuan hmeichhe ngaihven chi tak ni in a hre lem lo.


Jonas hnungah chuan a zui lut ve hnak hnak a, waiter bul lam chu Jonas chuan panin VIP hmunah an thil te an ei tur thu a hrilh sup a, chu pa chuan ṭhen suk pah hian, "Sir heti lamah hian min rawn zui rawh u."


Sierra leh Jonas pawh chuan an zui ve nghal vat, an eitur chu Jonas chuan a order nghal a, an ei tur an chah lai chhung zawng chuan Jonas chuan phone a be thung, "Elijah eng nge ni ta?"


"Tu in maw lo ti chhuak ru a, khawi a ṭangin nge a leakout hrim hrim?"



"Well a nih chuan tunge ti tu tih hi zawng chhuak vat rawh, ti chuan a hna a ṭangin ban nghal bawk ang che."


"Aw, office lamah pawh ka lo kir leh thuai ang, thil ei turin tunah chuan ka chhuak lawk."


Sierra chuan a thil eilai chu chawlin Jonas lam chu a hawi chhuak a, "Engkim a ṭha zel maw?"



"Press ho in i hming an nei tawh a nih chu!"


A phu deuh zawk, "Eng maw?"



"He kan contract hi kan sign dun vat a, kan buaipui chuunzawm vat ngai ang."


"Ngawi lawk teh Mr, he contract kan tih hma hian thil dil duh che ka nei."


"Tun ang dinhmun harsa zeta i din laiin ka lakah demans i la nei cheu a nia le." Sierra chu a melh rum kher mai, mahse Sierra pawh chuan a hlau duh bik lo, a thil duh chu contract an siam hma ngei a tihfel.a duh ve tlat bawk.


"Well, Mr.Black ka hmuh ve dan chuan, tunah tak hi chuan ka mamawh aia nasa che in min mamawh zawk ni a rinna ka nei tlat pek."


Thawk a la hawk a, "Ka ngaithla e." A ti ve ta sup a.



"A hmasa berah chuan Maddie kha a hna i pe let leh tur a ni."



"Maddie maw?"



"Miss Jacobs kha, khami ni ka tihsual palh a vanga i ban tel ve tak kha."



"Ka ti dawn nia."


"Chu chauh a nilo, hlawh i tih pun sak anga, chuan a hna pawh a hma ang mai nilo, kha aia dinhmun sangah khan i dah ngei tur a ni."



"Honey i ti mah mah lo maw?"



"Uhh, tun ṭum chu ka trems a ni ve tawh tlat, i duh chuan ka offer kha i la emaw i kal thei ang."


"A ṭha e, ka ti ang e."


"A ṭhat chu, nih leh he kan pahnih contract sign tur hian eng tik thleng nge a huam dawn?"


"Tla ruk chhung chuan kan ti zo thei mai ang."


"Thei mai ang a?"


"A rang thei ang bera tih ka lo tum dawn nia, ka kutah share ṭhen khat a awm belh veleh majority share holder ah ka inhlang chho thei ang a..... chutih hunah chuan kan contract hi tawpin i pawisa pawh i la nghal dawn nia."



"Chu chu engvanga ti nge i nih tih hi ka hre thei ang em?"


"Ka tih nachhan maw, ka pu in nupui nei turin leh ka awmdan hi thlak turin min ti a, chutia ka tih loh chuan company ka chhuahsan tur thu min hrilh...."


"A ti tak tak dawn em ni?"



"Tunah hian majority share holders nei tu chu a mah hi a ni a, a duh a piang a ti thei."



"Nih leh Star kha nupui dinhmuna ding chi a nilo tihna mi?"


"Miss Cole research hna i lo thawk tih ka hre thei mai, min ti lawm hle bawk." A meng zim khum san bawk.


"Nilo, Star kha chu tiangah hian a inhmeh ve lo, ka pu chuan hmeichhe pangai lar nilo ang chi hi a duh."


"Keimah ang chi hi i tihna mi?"



"Ni chiah e Sierra, kha i hmui dak thei zet tello khan.... leh khatiang thawmhnaw leplerh ang chi inbel lo khan."



"Min lo hrethiam teh!"



"Duhlo tawk ang chuan awm vel lo mai teh!"


"Zawhna dang te a la awm em?"


"Nih leh he thilah hian min lo hre chhuak ta ang se la?".



"Chuti a nih chuan ka lak a ṭangin engmah hmuh i neilo ang."



"Ka mutpui dawn miah lo che a nia." A inkuangkuah nghal hlan a.


"A hmasa berah chuan min mutpui turin ka sawm ngai hauh lo ang che."


"A dawtleh ah ka duh zawng chi i ni hek lo, MissCole chu lamah chuan hahdam takin i awm thei ang, a chhan chu hetianglamah hi chuan Star hian ka mamawh a phuhruk khawp mai."



"Nupui ang nilo chi hian a ni lo'm ni?"


"Aw ni e."


"Chuti chu hetiang hian khawvel hriatah mi â deuh angin ka awm duh teih lo mai."


"Eng nge a awm zia?"



"A awmzia chu ngaihtuah ve la, tun minute reilo te chhungin ka chan chin press ho hma ah phawrh chhuahin a awm nghal a...... tunah phei chuan mihausa tak nupui hual ka ni dawn a."


"Chuan?"


"Chuan a tak tak a la nilo zui , a chhan chu girlfriend i nei tlat a, tianga hmingchhiatna nen chuan ka kalsawn duh teuhlo mai, entirnan nawhchizuar pawisa duh tak ang chi lek phei chuan, chu chu nakin lama min chhuah zui dan tur a nih chu!"


"Star hi ka girlfriend a ni lo, Star nen eng emaw a thleng a ni emaw, midang nen thil a thleng a nih pawhin kan fimkhur thiam viau a ngai ang."



"I sawi chuan le."



"Ka ti ngei ang, chu vanga contract pawh siam ka ni reng a lawm, tunah erawh hei i hmuh angin ka la peihfel chiah lo a, mahse naktukah ka bula i rawn insuan luh hunah erawh chuan engkim peih fel a ni tawh ang."



"Rawn insuan luh maw, ka rawn insuanlut dawn tihna mi?"



"Aw, kan pahnih a a tak kan an theih nan kan chen dun a ngai a lawm."


"I penhouse ah khan tihna mi?"


"Well, a niang chu, kha kha ka chenna a ni miau a lawm Sierra."


"Mahse tunhma in mipa tumah ka la chen pui ngai silo a, engtin nge ni ang?" Hreh zet hian a ti chhuak leh a.


Jonas chuan thawk lak deuh huai pah hian, "I unaupa angin min ngai mai dawn nia."


"Unaupa ka nei hleinem." A tunhma hun a vang chuan a hmel a ngui raih nghal a.


"Khatin thil over deuhin ngaihtuah duh suh!"


"Ka kir leh a hun tawh, thlah haw i ngai ang em?"


"Ngailo rawh se, keimahin haw ka duh, boruak thiang dawn te ka mamawh bawk a." Ti in a chhang nghal thuai a, eng emaw a vangin a chamchin zawh chhuah a ni anga, a unaupa chung chang thu zawh chhuah a ni ang tih a hlau ber.



Jonas chu a ding chhuak nghal a, "Naktukah chuan ka driver in a rawn lam ang che, chu mi huna lo inpeihfel turin lo inring ang che, chuan tun weekend hian ka pu te nen dinner kan nei bawk dawn a nia, chuan hei hi hre tel bawk la, ka pu bulah chuan ka nu pawh a tel ve ngei dawn a ni tih hi!"


"I nu maw?" Sierra hmel chu zamna nasa zet hian a khat zual sauh.



"Thawmhnaw thar pawh i mamawh belh ngei ang, nak tuk lamah kan sawi zawm leh dawn nia."



Engmah sawi leh tawhlo in a inher vut a, a kal chhuak ta nghal a, Jonas kal tak hnu thleng chuan Sierra chu zam a vangin a ṭhutna ngai a la luah ta reng a, he thil hi a ni teh lul hian a ti ve thei tak tak dawn em ni, engtin nge ni ta ang? Thil pawi thui tak thleng dawn ni ang mai a ngaihna nei tlat in a inhre bawk.



A ṭhutna hmun a ṭang chuan a tho chhuak ta hram a, a rilru chu a hah kher mai, he thil hi a ti duhlo ti in Jonas bulah chuan sawi na se zawng Maddie nen jail bang thlaruk chhung teh meih an zut dun dawn tih a hre chiang hle a, duhthlan tur a neihloh zia lah a hai hauh lo, a tan chuan vanneihna te hi a awm ve ta lo emaw ni chu aw tuh theih rum rum tur hi ni in a hre hial.


Bus stop a thlen chuan a ding ran a, a haw na lamkawnga bus kal tur chu a lo nghak a, bus pawh nghah rei a ngailo kher mai, a rawn thlemg thuai a, Sierra chu a lawn nfhal vat, bus a chuan chhung zawng pawh chuan a la inngaihruah zel, Maddie hi tello ni se zawng he hna hi a ti hauh lo ang, chu ai chuan jail tan mai pawh a thlan zawk a rinawm, mahse engkimah Madiie a twl ve zel mai chuan mahni a duhthlang thei dingmunah a dinglo tih a inhre chiang hle bawk.



A,chenna hmun bul a thleng bus a ṭanga a chhuk chiah a phu nasa lutuk, a chenna hmun bulah chuan press ho an lo pung khawm vak hi a lo ni a, an nin an rawn hmu chiah a lam hawi zawng chuan camera a de nghal sup sup, chu mai pawhni lo in, live in an la ti zui bawk, Sierra chu a mangang kher mai.



"Saw le, a lo thleng e." A lamah chuan an rawn thleh phei dul dul a, "Miss Cole, MrBlack nena inhualna in nei tih hi thudik a ni em?"



"I rai tihna mi Miss Cole?"


"Eng maw?"



"MrBlack purpose theihna tur che in a fa i paia chuvang chuan MrBlack chuan nupuiah a neih phah dawn che ti a an sawi hi thu dik a ni em?"



"Ni.lo, ka.... ka..."


Sierra hmelah chuan ṭanpui tu a mamawh zia a lang nghal.


"MrBlack hotel cleaner i ni tih kha kan hria a nia.... chutah chuan em ni tiang lamah hian Mr.Black chu i thlem.thluk theihna chhan hi?"



"Nilo, nilo, chutiang chu a ni hauh lo mai." A hmui a hup a, a hreawm.ti lutuk chuan Jonas nen an lemchan dan tur kha sawi chhuah tawp mai te a duh phah rum rum.



"Nih leh engtiang zawngin nge ni a, han sawi teh?"

******             *******         ********


Jonas chu restaurant a ṭanga a chhuah leh hnu chuan an office building lam a pan leh a, a ma office lam a pan hma chuan Elijah room a pan phawt, mahse a secretary chiah a lo awm a, "Mr Hunt hi khawiah nge?".



"Mr Black." A ding chhuak nghal thuai a.


"Elijah.....sorry sir, Mr Hunt chu coffee in turin a kal a nih kha."



"Khawiah?"


"Sir staff room 25 floor lamah."


"For f*ck sake." Tih hluk pahin Elijah awmna a secretary in a sawi na lam chu a pan ta nghal a.


A thlen hnu room chhung a luh chuan a mah hnung chhawn zawng hian Elijah chu a lo ding a, "Kha tiang coffee mai mai te chu i secretary i lak tir thei hrep lo em ni?"


A rawn inher a, "Rawn call che ka lo tum mek a."


"Enrawh khi thil khi kan hmuh dun a ngaiin ka hria." Tv screen lam chu a kawhhmuh ve a.


Jonas chuan TV screen a han en ve nak chuan, Sierra leh news reporter ho chu a hmu ta a.


"Miss Cole, MrBlack nena inhualna in nei tih hi thudik a ni em?"



"I rai tihna mi Miss Cole?"


"Eng maw?"




"MrBlack purpose theihna tur che in a fa i paia chuvang chuan MrBlack chuan nupuiah a neih ohah dawn che ti a an sawi hi thu dik a ni em?"

A thil thlir lai chu ngawi rengin a en reng a, eng nge a hmelah chuan lang pawh a hriat theih chiah lo, mahse a mit meng rum zetah erawh chuan a thinrim hle tih hi a hriat thung a.

"Ni.lo, ka.... ka..."


"Off rawh ka duh tawk ka hmu tawhin ka hria." Jonas bawk chuan a ti chhuak hrawih, Elijah pawh chuan a off ve ta nghal a.


"Heng thil hi tunge lo ti leakout hrep tu tih kha i hrechhuak ta em?"


"Ka la hre mai lo, mahse i pu a nih ka ring deuh, a ni bak a nih ka ring lo."


"Sierra chu a buai viau ang le, a buai chhe dawn tih pawh ka hre chiang viau mai." Jonas chu rilru hah zetin thawk a la pah hawk a, hetiang thil a tawn leh lek phei chuan engtin nge a awm tak ang? A ngaihven ngei a ngai ngei ang.


Engvanga ngaihtuah ta viau nge a nih Jonas chuan a inhrethiam.chiah lo, mahse a nupui hual lema a ṭan na aṭanga ban a duh mai ang tih leh he thil a vang hian a hnar phah ang tih a hlauh vang pawh a ni maithei bawk, Elijah lam chu hawiin, "Sierra chenna hmunah kal la, vawiin a ṭanga ka penthouse lamah a rawn chen veleh dawn zawk thu hrilhin lo va hruai ang che, tianga chanchinbu mi ho in an tibuai a nih chuan kan thuruk te kha a sawichhuak palh mai ang."


"Vawiin tlaiah em ni ka lo va hruai a ng."


"Tunah."

"Aw le, kal nghal."