IT'S JUST AN ILLUSION CHAPTER

 IT'S JUST AN ILLUSION CHAPTER 3

SANGTEI KHAWLHRING

Fakna milem kha hmeh leh vek tum.hram hram ang aw, nizan kha inhmet ṭha lutuk a, inchungah ka lawm em em a nia, ka hmangaih hluah hluah che u😘😘😘

Engmah tihna chang pawh hre lo hian banga thlalak intar chu a melh tlawk tlawk a, Jonas PA lunch ei zo rawn kir leh pawh chu a ngaihven tawh lo.

"Tunge i nih a, engtin nge helai hmun thleng thei khawp khawpa i  luh theih zawk?" A PA pawh chu hmeichhe sambuang uk kharh a ni in a nalh hle a, chutiang hmun office changkangah Sierra te ang panngai tak a inchei lang simple zet chu zawh awm reng pawh a ni.

"Umm, sorry, ka kal diklo a nih hi!" Ti in hmanhmawh zet chuan a tlan chhuak ta daih a.

Jonas rawn chhuak chuan a PA chu a rawn bia a, "Ashly khawiah nge heta hmeichhe ding reng kha?" A ti nghal tawl.

"Umm, ni chin kha chuan hmeichhe sambuang kha hetah a awm ngei mai a, mahse a kal hman chiah."

"Hna ka ṭan hma in eng emaw rawn lak sak te i duh ang em?"

"A ngailo ve, vawiin chu i haw thei tawh ang."

"Ka lawm e Mr Black, naktuk lamah kan inhmu leh dawn nia." Haw turin a insiam ta nghal a.

Jonas chu a PA chhuah hnu chuan a phone a phawrh nghal a, "Elijah nimina hnathawk kan ban tak kha a hming leh a addres ka mamawh."

"Tun ṭum zet hi chu ka buai zo ta a nih ber hi!"

Sierra in an chenna a thlen leh hnu chuan Maddie bulah chuan thupha a chawi mawlh mawlh a, "Maddie pawi ka ti lutuk, khawngaihtakin min ngai dam rawh."

"Nilo, i diklohna a awmhlei nem, kha hna kha ka mamawh em a ni."

"Ka hria a lawm, naktuk hian hna dang zawngin kan chhuak dun dawn nia, kha Black company a hna aia ṭha kha kan hmu ngei ngei ang."

"I ti dik e, hna chu kan zawn ngei a ngai ang." Maddie hmel chu tlem hian a eng ve deuh a, hna an mamawh zia pawh Sierra hian a hre lo a ni bik lo, hei vanga Maddie hna chu nei let leh tura bei pawh a ni reng a.

"Kei pawhin chu chu kan tih tir dik tak ni in ka hria."

"A nih min han hrilh chiang deuh la, rngtin maw CEO office ah chian i va ân luh a?" A nui pah rah rah bawk a.

"Oh, min sawi nawn tir tawh teh suh, a photo banga an tar ka han hmu chiah kha rang lutukin ka rawn tlan chhuah san nghal." A ti ngui raih.

Maddie chu za lutuk hian a nui chiam a, "Chu chauh chu thil lungchhiatthlak tak pawh a la ni mai lo."

"A dang a la awm tihna maw?" A nuih nasat lutuk a vanga mittui tling pam chuan a ti a.

Sierra erawh a ngawi vang vang thung! "Oh, han sawi mai mai teh!"

Thawk lak hak pah hian, "Khami ni penthouse a ka lo mutthilh ni khan..." a chal a dawm pah raih a.

"Eng nge thleng sawi zel rawh?" Hriat zawm chak zet hian a lo ti leh hman hmawh.

"Saruakin ka hmu a lawm."

Maddie chu a phu zawk,"Kawngkhar kha rawn khar phawt teh!"

Sierra pawh chuan a sawi ang chuan a ti ve mai a, a bul a va thleng leh chu, "Chan chin kim chang tak ka hre duh." Phur zet hian a lo ti nghal tawng.

Zawi sap a a bengbula rawn phun deuh sar sar pah hian, "Eng tiang chiah a tam nge i hmuh sak, eng nge a an?"

"Ngaihtuahna a khawih danglam nghal zar nghalin ka hria."

"Enga, ngaihtuahna a khawih danglam thei maw? CEO a nih saw, ka rindan phei chuan kum sawmruk a ni tawh hial ang, tar lam i duh tihna mi Sierra?" A meng kawl kawl nghal.

"Oh Maddie."

"A hmelah chuan 20s pel tawh deuh mai thei, 30s ai chuan a la upa tawp lo ang."

"Tak tak maw?"

A khabe a dawm pah rauh rauh a.

"Nih leh eng ang hmel nge a put hrim hrim?"

"Umm, ka mipa duhzawng chi a nilo phawt." Sierra chuan a ti chhuak nghal tawl.

"Mahse a hmelṭha a nilo'm ni, mi hipna a ngah viau bawk ang ti raw?"

"Ka ring, midang ṭhenkhat chuan chutiang pawh chuan an ngai maithei."

"Uhh, ka thîk hle mai che."

"Min thik duh suh, a nelawmlo lutuk, chuan mahni chauh inngaihlu chi a ni bawk, a landan ngeiawm thiam tak.a vangin a biangah i ben sak duh hial ang, kei pawh a bula ka awmin chu chu tih ka chak ber a ni." A ti ta duah a.

"Hawh, online ah en ang, eng ang hmel nge a put chiah kei pawhin ka hmu ve duh, a hmel put dan hriat chak a vangin ka thi lo chauh tawh."

Khatiang khawpa a sawi chhiat tawh hnu pawha a ṭhiannu in a la hmu chak tlat chu Sierra chuan mak a ti mah zawk, Jonas Black in ti chuan a bual â nghal ringawt a nih a ring ber.

*******         *******        *********

Jonas pawh chuan Elijah a biak hnu chuan a zawhna chhanna nen a penthouse a sawifel pui tur a ko in office chu a chhuahsan zui ta nghal a, a chenna a thleng shower a hmang zui nghal a, a thawmhnaw a thlak fel, vodka leh lime tui pawlh thlia a lo ṭhut vang vang lai chuan Elijah pawh a lo thleng chawpchilh ve nghal.

"Kan sawi chiang ang a..... i pu bulah chuan cleanar kha i nupuihual ti in i hrilh tihna maw ni a....kha cleaner, nimin lawka i ban tak kha a la ni zui bawk a, a ni em? Kha cleaner a mah a hipna pawh awmlo anga i hmuh, nga tan maha i tih loh kha, chuan cleaner khan i ngaihdan ang bawk a a ngaih ve ngei che ka ring bawk, a dik em?"

"A dik a lawm, chutiang chu thil thlen dan a ni e." Jonas chuan a thil inlai chu a tlak nghal pawp a.

Elijah ve thung chu a phu deuh dawrh, "I ngaihtuahna te kha khawnge maw i hloh zo tak le?"

"Ka ngaihtuah fim thei hrep lo ka ti a ni lo'm ni?" Jonas chuan a ti ve hmuk a.

"Jonas i ṭha takzet maw?" Elijahin a mah ngaihtuah hmel zeta a tih chuan, "Ka ṭha chhunzawm turah ngai ang." A ti hmiah.

A aw a thian pah hruih a, "Cleaner hming i sawi Miss Cole chuan shares ṭhenkhat ka lei theih hma zawng chu ka nupui hual hmangaih tak lem a chang dawn tihna a nih chu!"

"He thilah hian shareholder tam tham zawk ka mamawh a, a chhan pawh ka pu hian hetiang thil a tihnawn leh tawh loh na turin."

"Tu in nge an shares chu hralh phal ang a? I hriat sa vek kha, shareholders ho chuan i pu lam.an ṭan vek tih pawh hrilh nawn i ngaih kher ka ring lo."

"Eng emaw tak chu  ka ngaihtuah a ngai ang."

"Chuan Miss Cole chu le, engtin nge chutiang thleng thleng lem chang tura i hmin theih anga?"

"I sawina hmuna a cheng a nih tak tak chuan a ti ngei ang....
Chuan pawisa tlem a zawng in a lawm tawk em em ang tih ka chiang."

"Pawisa pek i tum a?" A ti ngui ruih.

"Ka tih ngei tur pawh ni in ka hria."

"Nileh lo duhlo ta ang sela?"

"A nih chuan plan B ah ka kal mai a ngai ang."

"Eng ber maw?"

"Lo ngaihtuah duh vak suh, vanneihthlak takin plan B chu ka mamawh kher lovang."

"Nih leh Star ve thung hi le, engtin nge ni ve dawn? He mi chungchangah hian a lawm hauh lo ang."

"F*ck Star a nih chu, he thil hi a ma thiamloh vek a nih hi, tuna buaina ka tawh chhan pawh hi a mah vang vek."

A car chahbi dawhkana a dah chu a la lawk a, "I chhuah dawnah kawng kha khar ṭha leh ang che." A kal chhuak ta nghal a.

**********      *********    *********

Kawngkhar kik rik dawt dawt chuan Sierra chu a ti harh chiang hle a, Oh eng ni nge ni leh ta pek, mit nuai nak nak chung hian a ṭhu chhuak hlawl.

"Naktuk zingah hna dang zawng ngei a ngai dawn si a, mut ka hmuh tam a ngai a sin le." A ti chhuak nang nang.

"Chu zurui pa chuan a kawngkhar kik pawh chu zankhua zakin a tawp leh lo pek ang chu!" Ti a phun chhuah leh nang nang hnu chuan, a ṭhu chhuak a, kawngkhar kik ri pawh a ring zual sauh ni hian a hria.

Kawngkhar inhawng ri a hriat chuan a phu zawk, "Kawngkhar hawngin a rawn lut ta mai em ni?"

Nilo, a nitheilo, Maddie min chhuahsan tak hnu khan kawngkhar ka kalh leh theihngjilh tihna em ni? Sh*t, a hlauthawng lutuk chu a khur zui hial, a thawmhnaw inbel lam pawh ngaihtuah tawh lo in, rangtak chuan kawngkhar lam chu tlan chungin a pan phei a, top ban bul chhing tak leh panty nen chiah a awm tih pawh a inhre chang tawh lo. 

A hmanhmawh na lutuk ah kawngkhar bul a thleng ṭep, thil eng emaw pal hian a tlu ta thlawrh a, "Miss Cole ka ke bulah i kun nghal der tihna mi? Thil i hrethiam hma hle mai."

A tlukna na ti zet hian a tho chhuak a, rawn be tu pa hmel a en chhoh chuan a phu nghal zawk, "Nang!"

"Yes keimah." A mengkual khum pah rulh a.

Sierra chu chawp leh chilhin a thinrim nghal, "Ka in a ṭang hian chhuak nghal vat rawh!" A ti vin hlar a.

"Tun anga i boss biakna ṭawngkam a tan chuan a fuh vak lo."

"Ka boss i ni hauhlo, min ban tawh kha."

"Nang.....nang hi..."

"Eng nge?"

"Vawk i nih hi!"

"Miss Cole i puitling mah mah."

Chu pa in a chhan dan chuan Sierra thin a ti rim sauh thung!

"Vawk dik tak i ni."

"I awmdan ka en hian, kan thawhdun ṭha in ka hria."

"Uhh, i â hle te hi a ni ngei ang, chhuak rawh, chhuak rawh, chhuaknghal rawh!" A ke chu thinrim zet hian a per tarh tarh bawk a.

"Khatia i zuan chiam chiamna kha i sim hunah chauh dinhmunsangah i ding thei chauh ang."

"Vawka leh."

"Ka vawk nihna ah chiah dinhmun kan la siam rem ni in ka hria." Thawk a la pah hruih a.

"Kan thusawi  tur kan sawi ṭan tak tak hma hian va inthlak a thawmhnaw pangai i va inbel phawt  ṭul i ti ve lo maw?"

"Hei hi ka in a ni a, ka duh duh ha in ka awm thei."

"Kei pawhin pawi ka ti vak chuang hleinem, ka tan te chuan tiang khan hmuh i nuam zawk daih ang chu!"

"Ti hian ngawi rengin i taksa ka thlir thei bawk ang a, i haw lo turah ngai ang." Sierra chu a siai khum pah suk bawk a.

A hmelah chuan nuihzatna hlir bak hmuh tur a awm lo leh nghal.

Chu tak chuan Sierra thin a tirim leh ta sauh a, Jonas ve thung erawh Sierra thin ter tek chhuak ṭhin chuan a ti hlim viau thung! Chu vanga a laka chimawm chhuah lui zel pawh a ni reng a runluih zaqnga chet zel pawh nuam a tih tir .

Rang lutukin Sierra chu thawmhnaw dang inbel tur chuan a kal ta nghal a, chutia a kal chhung chuan Jonas chuan chu inchhung chu a lo melh kual a, ṭawp a ti in chhia a ti kher mai, "Hetiang ṭawp lutukah hian engtin nge maw mi hi an chen theih zawk ṭhin le? A ti rilru hial.

Reilo te hnu ah Sierra pawh a rawn chhuak veleh ta a, a hma aia thawmhnaw pangai zawk kawr ban bul leh kekawr bul hi a rawn ha tawh a, Jonas hma ah tak chuan ding ṭaihin, a kut a kuangkuah hlan a, zam map lo a Jonas chu en chho in, "Eng thil nge i duh hrep a?" A ti ta a.

"Ti kha chuan a awlsam deuh tawh a lawn."

"Nangmah hi ka duh che."

"Engmaw?" A rin loh thil lutuk Jonas chuan a sawi chhuah a vang chuan a phu dawrh nghe nghe a, a meng zau nghal kawk kawk bawk.

"Relax, i ngaihdan ang erawh a nilo." A ti leh hmuk.

"Hun diklo leh hmun diklo  i rawn nang fuh vang chauh a ni e." Tiin a thusawi chu a tlip leh nghal a.

"Eng nge maw a awmzia chiah ni hrep le?"

"A nuihzatthlak mai thei, mahse ka nupuihual a ṭang turin ka duh che."

"I nupuihual a tan maw?" A hma zawng aiin a meng len belhchhah sauh.

"I â tak tak chu a ni em lo maw?"

"Pawisa ka pe dawn che nia."

"Hey, i pawisa ka mamawh hauh lo."

"One million dollar ($ 1,000,000)ni ta se la?"

"Ka duh lo tiin ka sawi tawh a ni....
" One million ($1000000) maw, eng tunah maw?"

"I hre reng a lawm kha."

"$ One million maw, eng fiamthu nge ni ngai?"

"Fiamthu a ni lo."

"Mahse engvang in? Tinge kei kher min tih chhan? I duh duh hmeichhia i nei thei reng si a, chu chuan engmah min hriat thiam tir thei lo."

A kut chu a kuangkuah hlun a, "
Hmun diklo leh hun diklo i rawn nang fu tiin ka sawi tawh kha Miss Cole, chuan vawiin a ka office chhunga i rawn ân luh khan ..... ka pu bulah ka nupuihual i nih thu ka hrilh a."

"Well, ka nih loh thu i hrilh leh thei reng ang chu!"

"One million dollar, ($1000000 )chu i duhlo tihna maw?"

Chutiang zah pawisa tam one million lai chuan a life a thlak danglam thei dawn zia pawh hre chiang tu ber a ni ngei ang.

"A lan danah hi chuan pawisa i mamawh viau tih lah a chiang reng mai si, chuan i huaisenna leh kha i lei hriam tak a vang khan i part chan tur hi i hnehsawh phahin i awlsam phah viau bawk dawn tih lah ka chiang hle bawk ." A ti zui leh kher a.

Rum zet hian Jonas chu a melh chho a, "Mihnehsawh dan leh chaldelh dan chu i thiam hle mai maw, chuan i ngei awm u chuak hle bawk."

"Kha i ṭawng chaltlai thei deuh kha engtin emaw chuan kan tih a la ngaih ngei ka ring, leh i awmdan pawh hi, mahse mahni inringtawk mi tak ka nih a vangin, kan kalpui thei mai ang." A mit meng pawltak zet chu thinrimna a vangin a lang fim rul a, a meng vawt hle bawk.

"Engzah a tam pawisa ten million dollar. ($1000,0000) hial pawh ni rawh se, i nupuihual ang chuan ka chang hauh lo ang, tunah chuan police ka koh hma ngei hian ka in hi chhuahsan tawh rawh."

"Yeah, police chu ko ila, he thil ka tih tumna lakah hian min chhan a ni mai lawm.

"Eng chung chang nge maw i sawi hrep le." A ti bak leh hlar a.

"Plan B chung chang maw le, Miss Cole."

"Eng plan B ?"

"Plan B maw, thla rei vak lo chhung i tan theihna tur."

"Eng maw?"

"Ka penthouse i rawn luh khan, a chhunga mi thil i ru chhuak ti in ka sawi mai a ngai dawn a nih hi!"

"Eng maw? Eng thil mah ka ru ngai  lo, i mawl a, i â viau bawk ni in ka hria." A ti nghal tan tan.

"Kha, i kâ a ṭang khan eng thil nge i rawn sawi chhuah leh tak, i sawi chhuah hma in i thlifim ve thei hlawl lo em ni?"

"Ngaihtuah duh suh, minute reilo te chhungin kei hian ka thlifim zawk ang che, nang hi thlit fim i ngai daih zawk, kei nilo in, chuan eng thil mah ka ru ngailo tih hi hre bawk ang che."

"I prove thei emni Miss Cole? A chhan chu kei chuan prove na tur ka nei a sin, ka penthouse a ṭang a thil i ruk a vangin i hna aṭangin ka ban che ka ti thei."

"You b*stard."

"Miss Cole zahpah lo taka min biak a vangin vawiin hian hnawh chhuah i ni ta bawk a, chutiang ang chuan police ko in ka sawi thei ngei ang."

A chil a lem khalh a, "Police chu ko ta che, a chhan chu engmah ka ruk loh a vangin."

"Ok, lo en rawh." A phone a phawrh chhuak nghal a, number pakhat dial in, "Hei hi hre reng ang che, nang chauh hi thil ruk chung changa tuar tu tur i nilo a nia, nang leh Miss Jacobs pawh a ni ang, inpahnih in jail chhung cell in in share ngei a ngaih pawh a ngai ang!"

Sierra chu a phu nghal zawk, "Nilo, kha chu i ti theilo ang."

"Oh mahse ka tih ngei a ngai si a lawm Miss Cole."

"Dah rawh, i duh ang chuan ka ti dawn nia." A ṭhiannu vang chauh chuan Sierra chuan a ti ta a, a chhan pawh a mah a vangin a ṭhiannu chuan a tuat nasa lutuk tawhin a hria, chutih kara thil dang buaina a tawrh tir leh chu a thei tawh lo ang.

"I thusawi hi ka ring dawn nge dawn lo tih pawh ka hre tawh lo."

"Ka tiam a che, khawngaihin phone kha hang up hram rawh." Mang ang zet hian a ti leh thuai a.

"Ok, chance dang ka pe ṭha leh ang che."

A phone a ak ṭha leh chu a lo thaw huai a.

"Mahse hei hi i last chance a ni tawh thung ang."

"Naktukah ka office ah rawn in report la, ti chuan engkim kim chang taka hrilh che in kan duang fel dawn nia."

"Nih leh i nupuihual ka nih chhung chu ka lakah tlem talin i nelawm ve thei deuh ang em?" Rum zeta melh chho ve in a mit meng vawt ruih reng mai chu a ner khum sak a.

"Keimah chauh ka..... ngawi lawk teh, eng tin nge min koh tak kha?"

"Oh yeah, kha thil te kha maw le.....Mi hnehsawh thei zet leh chaldelh ching tak, ngeiawm uchuak tak bawk a ni lo'm ni kha? Chuvang chuan sweetheart i bulah hian nelawm vak ka tum lo."

A inher vut a, kawngka pui lam chu a pan ta nghal a, Sierra ve thung chu a dinna hmunah a la ding ngar, a thil tawn te kha rapthlak a ti a, heng buaina a tawh zo zai a ṭang hian engtin nge a tal chhuah dawn lah a hre tawh hek lo.

Mahni in khawngaihna a vangin a mittui a far ta hial a.

THE NEXT MORNING....

Sierra chuan nimin lama MrBlack ngei rawn kala a rawn tih dan engkim mai chu a ṭhiannu Maddie hnenah chuan a sawi vek a, rilru hah a vangin a hmel pawh hmuh theih khawp hian a ngui hial a, "Ka sawi chu, a bum che tiin sawi mai la."

"Nilo Maddie a risky lutuk, khatin ka ti theilo ang, kan dinhmun inthlauh zia te hi hre ve ta che."

"Police a koh ka ring miah lo."

"Koh a tum a lawm Maddie, ngaihtuah rawh police ho chuan kan thusawi aiin a ni thusawi chu an ring zawk ngei dawn a, kan pahnih tawpna chu jail a ni mai."

A ding chhuak a, "Ok a nih chuan plan ṭha tak neih kan ngai a nih chu!"

"Maddie nizan zankhua khan ka ngaihtuah tawh mahse engmah ka ngaihtuah chhuak chuang lo, chhuahna kawngdang a awm lo." Bei dawng zeta thawk la halh chung hian a ti a, MrBlack thangah chuan a tang chiang hle ni hian a hre bawk

"A nih leh kan thil dawn tur tal kha kan ngaihtuah a niang chu!"

"Tehreng mai, kha pawh ka ngaihtuah tawh tho."

"Ka sawi zawk tak chu million dollar kha a nia, pawisa tam tham zet chu a ni chiang a lawm."

"Maddie hooker ka ni hleinem."

"Ka hria a lawm Sierra, mahse a nupuihual tak ni turin a duh che tih erawh a sawi ngai hauh lo ang."

"Nimin a i kal chhuah tak hnu khan online lamah a chanchin ka en a, a lan danin kan MrCeo hian girlfriend a nei ni in ka hria."

"Girlfriend maw?" Sierra chu a phu deuh zawk. "A nih te chuan engvanga kei min mamawh tlat nge a nih chhan?"

"Ka hre chiah lo, mahse a girlfriend chu super model Star hi an ti bawk."

"Oh, super model Star nen maw an in kawp a?" Sierra chuan a pum chu a ti nghal nghulh hian a hre bawk.

"Ngaihtuah chiang rawh Sierra, engmah ngaihhuat tur a awm lo."

"Pawmloh theih chu ni se ka la duh tho mai."

"Ngaihtuah chiang ve teh, remchangah engtiang chiahin nge kan lak theih dawn tih te hi! Nangin pawisa tam tawk $1000000 i lak dawn laiin keiin ka hna ka hmu let leh thei bawk dawn a nia, a ṭha viau lo em ni? Chuan hlawh lah an pe ṭha em em leh nghal."

"Thu dik a nih dawn chuan ngaihthlak a nuam e." A ti ve ta nge nge a, chu pawh a ma pawisa lam nilo in Maddie hna hmuhlet leh theihna a nih dawn phawt chuan engpawh tih a inhuam thu a hriat chhuah leh vang chauh a ni.

"Aw le, kala a mah chu i va hmuh ngei a ngaih ka ring, chuan eng thil ngaihtuah a ti nge a nih tih hi kim chang takin rawn hriat chhuah tum bawk ang che, chuan contract pawh rawn siam pui nghal ngei ngei bawk la."

Sierra mengkual ralh chu ngaihtheihloh hmel zet hian, "Hawh le, i pasal hual hmu tur chuan inpeih vat tum zawk teh!"

"Maddie a tan ka inchei dawn a hauh lo, ka lan dan hian min pawm duhlo a nih chuan min pawm ma lek suh se."

Mipa kuta candy awm ho ka hnawl ṭhin zia pawh i hriat ve reng kha, eng tianga tam pawisa million dollar pawh hmu dawn ni ila, adanglam phah chuang lo ang."

"Ok, ok inbengdai rawh, eng thawmhnaw nge inbel i tum.hrim hrim?"

"Ka thawmhnaw hâk ang ṭhin Ka ha mai ang chu, a duh lo a nih leh hremhmun lamah a kal thei ang, ka thawmhnaw hakah a ni lo buaina tur lah a ni hek lo."

Maddie chu a nui nasa mai a, "Ok, girl va inthlak phawt rawh."

Sierra pawh chu engmah sawi leh tawh lo in a room lam a pan hnu chuan thawmhnaw dangin a inthlak ta nghal a, a insiam zo a va chhuak leh chu Maddie zawk chu a lo meng phar nasa mai.

"Damn girl."

"Ka thawmhnaw duh zawng tak." A nui chhuak var var.

Maddie chuan Sierra rawn hak chhuah a thawmhnaw inbel chu a melhkual dan dan a, pawnfen dum chhing ṭha tak leh kawr sen tak hlar mai a hnute phir lang thei khawp a nghawng zau a chunga velvet jaket dum a hak leh a han hmu zet chu mak a ti kher mai.

"Sierra hetiang thawmhnaw hi tun hma in i la inbel ngailo hrim hrim tih ka chiang, kan Mr Ceo chu a thin tihrim i tum deuh tihna mi?"

"Maithei."