IT'S JUST AN ILLUSION CHAPTER 2

 IT'S JUST AN ILLUSION CHAPTER 2

SANGTEI KHAWLHRING

Regular taka rawn dah ka tum ve a, sunday leh friday zan tih loh chu zan tin rawn dah ka tum dawn nia, hemi zawh hian SEDUCTIVE S II kan zawm leh nghal ang.

Sierra penthouse a ṭanga a chhuah hnu chuan lobby lam chu a pan a, mahse Maddie erawh a lo awm tawh lo a, eng tia rei nge penthouse ah khan a lo mutthilh ni ang? Engkim a pawi zo vek dawn tih a hria, kha penthouse a riak pa lah khan an hotu te a hrilh hre dawn chiang tih lah a hai der bawk si lo, a hna chu a chan dawn chiang ni hian a hre bawk.

Rilru hah zetin bus ah a chuang a, an chenna hmun lam chu a pan ta a, inchhung a lut Maddie erawh a lo la haw lo a, couch ṭha vak tawhlo ah chuan muzalin a rilru hah lutuk a vang chuan mutthilh nawn leh chu ngaihtuah chi pawh a ni tawh lo, chutianga inngaihtuah nasa zeta alo awm lai chuan Maddie pawh a rawn lut ve ta a, "Khawiah nge i awm daih a, ka zawngkual nasa lutuk che." A mah ngaihtuahna mitmeng nen hian a rawn ti lut chul a .

Khawngaihtakin fakna milem awm kha min lo hmeh saka second sawm chhung vel lek min lo enkual sak ve hram hram turin ka rawn sawm nawn leh che u, tichuan zantin rawn dah pawh a phur awm sawt ngei ang.

Sierra chu meng khup deuh lap chung hian a ṭhu chhuak a, "Oh Maddie thil thleng kha i awih lo zawk ngawt ang."

"Eng nge ni ta?" Thawk a la pah halh, a hmelah chuan a chau ngawih ngawih tih pawh a hriat hle.

"Min ban ngei ngei ang." Thawk a la ve halh a.

"Eng maw?" Maddie chuan mak ti zet hian Sierra chu a en a, a meng phawk hra bawk.

"Aw, min ban ka ring."

"Eng thil nge thleng min han hrilh teh?"

Hreawm ti zet hian a inngaihtuah a, thudik ka hrilh dawn nge dawn lo, dawt hrilh ni ila naktukah a hre leh tho awm si a, kan pahnih inṭhianṭhatna pawh a chhe nghal ang.

"Penthouse ah khan ka lo muhil palh a." A ti chhuak ta hlawl a.

"An man chhuak lo che tiin min han hrilh hram teh?"

"Min man chhuak."

"Tu chuan maw?"

"Kha penthouse a cheng khan?"

"Oh, kan pahnihin min ban ngei ngei ang." A hmelah chuan a beidawng nghal hle tih hi a hriat a.

"Nilo, min ban lovang, kha mipa ngeiawm zet khan a complain a nih tak leh kei man a mawh zawng zawng ka phur vek dawn nia."

Chutih lai tak chuan Maddie phone a rawn ri a, a mah zawk chu hlauhthawn sa nak a laiin a phu zawk, "Lily a nih hi!"

Hmel hlimlo zet hian phone chu a pickup a, "Hey Lilly engkim.a ṭha vek maw?"

"Eng nge a awmzia?"

"Ok, kan pahnihin kan rawn kal dawn nia."

Phone chu couch lamah chuan a thehthla thak a, zawi zet hian a ṭhuthla nghal bawk.

Eng thu nge an rawn sawi hriat chak zeta Sierra chuan lo melhin, "Well?"

"Naktuk zingah kan pahnih in office lamah min hmu duh a nih chu!"

Maddie thusawi dan a ṭang chuan Penthouse a cheng pa chuan a complain chiang tih hrilh chawp kher pawh ngailo in Sierra chuan a hre chiang hle.

"Maddie keiman a mawh chu ka phur vek ang, keima thiamloh hul hual a nia lawm."

"Vawikhat tal chu thil tih dik ve han tum teh!" A in her nghat a, a room lam a pan zui nghal.

"Maddie pawi ka ti lutuk." Ti a Sierra auh zuina pawh chu a hre lo awm hmiah hmiah.

Kha mi â khan min report ka ringlo a sin, keimah avanga Maddie in a hna a chan mai tur ber hi ka ngai ngam lo..... a tawpna a tan kha pa khan a rul let ve ngei tur a ni ang, chu chu ka theih bak bak a tih pawh ngai sela ka ti ngei tur a ni tiin Sierra chu a inseh ruh sauh sauh a.

****                   *****                *****

Jonas te pahnih in club an hawn tharna hmun an va thlen chuan an lar dun bawk a, khawi hmun a ṭangin nge tih pawh hriat loh hian leh kil tin a ṭang chuqn camera an hmet de zuai zuai a, Jonas ngat phei chu zawhna tam tak a hun pawh thlu lo a zawh a ni nghe nghe a, "Saw Jonas Black a lokal e."

"Mr.Black zanin chu hmeichhia i kuah tel na nge?" Tih ang reng chu an zawhna a ni hlawm, Jonas lah chuan eng atan mah ngailo zet hian, "Zan a la reiloh em hi!" A ti duh lek.

Camera mi ho an kal pel hnu chuan intur hi kil khatah dingin Elijah nen chuan an dawm dun a, chutah chuan Jonas chuan a penthouse a thil thleng chung chang chu a hrilh ve a .

"I khumah a lo awm a, chuan nang saruakin i awm bawk a maw?" Za fahran hian a nui chhuak hawk hawk bawk.

"Elijah ka penthouse a nih hrep saw?" Jonas erawh a nui ve hauhlo thung!

"Kha nu khan ka va pan mai a ring a ni ngei ang."

"Nileh i ti ta em?"

"A teuhlo mai, ka ti hauh lo ang."

"A nih chuan chu nu chu a hot vaklo tihna a ni ngei ang le."

"Hot nang le, ka duh zawng chi lah a ni hek lo."

"Chuti a nih chuan chu hmeichhe danglamna chu ka hmu thei in ka hria, a story tawpna pawh ka hmu thei nghal mai." Za zeta nui chung hian Elijah bawk chuan a ti leh a.

"Kei pawh in ka ring." Jonas chuan a lo ti ve bawk a.

An bulah chuan an mahni sawmna pe tu Eric a rawn kal tak a vangin an ti ti chu an tawp a, "Mr.Black i lokal a vangin ka lawm hle mai." Jonas chu a rawn chibai a.

"Eric keipawh helai hmuna kal tura min sawm a vang hian ka lawm e."

"Nih leh helai hmun hi eng nge i ngaih dan?"

"A ṭha e."

"Well, helai hmun zawng zawng hi han hmu la, a ṭha leh zual ngei ang, gentlemen min rawn zui rawh u, champagne vur a dah vawh ngei mai VIP erea lamah kan dawm ho dawn nia."

An parhum chuan VIP erea lamah chuan an inzui ta hlawm a, intur chu a tam ngang mai, mahse Jonas erawh mahni zawh loh loh thleng intur dawm tur khawp a mi â a ni hauh lo.

VIP erea a ṭang chuan Jonasa'n a zan hun a lo hman pui fo ṭhin model lar tak leh nalh zet mai, a piannalh tak ti lang chiang thei tur ang ber thawmhnaw inbel chu a rawn kal phei zan zan a, Jonas te lo awmna a thlen veleh Jonas koki ah chuan a uai nghal hnap a, "Jonas hetah i awm ka rin vang a nia, ka rawn kal chhan chu!"

Jonas chuan tlem a chu model chu nem sawn deuh chung hian, "Star, Paris lamah i awm ka lo ring a." A ti ve khauh.

"Vawiin khan ka lo thleng ve chiah, chuan han intih fresh nan ka vak chhuak nghal a nih hi!" A mit mu uk raih chuan Jonas chu rilṭam hmel zet hian a melh a, Jonas hian a hmeichhe kawp tawh hnu hi a kawp nawn leh tawh lo a, mahse Star ve thung erawh hi chu a mutpui nawn fo ṭhin, chanchinbu mi ho chuan an pahnih inhualna thu hi hriat vat an in beisei thu te chen in an chhuah lawk a, mahse Jonas erawh churiang a ni hauh lo, hmeichhia tumah relationship a neih pui ngailo mai pawh nilo in, a girlfriend ti a han sawi fak tur ang chi tumah an la hriat sak ngai hek lo.

"I lang ṭha kher mai."

Star chuan nuih seih pah hian a sam tih danglam thar chu a thing deuh nak a, Jonas chu a melh pah ralh bawk.

"Intur dang ka va inchawhpawlh leh lawk ang e, nakinah ka rawn zawm leh dawn che u nia." Ti a chhuanlam siamin Elijah chuan an pahnih chuan a kalsan zui ta nghal a.

Elijah kal tak hnu chuan tumah dang mitmei veng tawh lo a no zeta Jonas chu melhin, "Min lo ngai tawh em?" A ti deuh hnap a.

"Tehreng mai."

Jonas chu kun hniamin duh thawh zet hian Star heh sexy zet leh hnawihsen vam hamah chuan a bur nghal chat bawk, chu mai nilo in, a hnu te vel chu duhthawh zet hian a ṭham sak nghal bawrh bawrh bawk a, Jonas ngaih danah chuan hmeichhia hi chu a mamawh pe tu chiah ah a ngai bawk, chu chu hmeichhia a ṭanga a hmuh ṭhin a ni reng bawk.

"I chenna lamah min hruai haw dawn mi niang?"

"Nilo ve, ka chenna lamah chuan kan kal theilo ang, amaherawh chu hotel ah chuan kan kal thei ang."

"Jonas hotel ah i cheng em ni?" A lungawilo hmel chu a tilang nghal.

"Hre rawh, ka chenna chu penthouse a ni a, hmeichhia tumah ka hruai lut ngai hek lo, hmeichhia ka mutpui dawn a nih chuan hotel ah ni rawh se, chu chu a chiang tawk em?"

"Engvanga i penthouse a ka awm ve chu remti lo tlat nge maw i nih le?"

"Ka penthouse ah chuan eng mah tih a thiang lo, tuna kan thlen chin bak a ai sang thlenpui che lah ka tum hek lo, a chhan chu nangmah a ṭang hian engmah phut leh beisei ka neilo a, chutiang bawkin ka lakah hian phut let leh beisei neilo bawk la ka duh, chutiang a nih loh a, ka lak a ṭang a ka pek theih chin bak che aia duh belh i nei a nih chuan tunah hian kan tawp nghal mai a ngai ang."

"Engvanga inkawp thei mai lo nge kan nih chhan, khum lamah lah kan inlungrual dunin kan lungawi tawk ve ve bawk si a?"

"Star relationship hi ka duh ngailo tih hi hria ang che." Jonas chuan a ti ta khawl a. "Chuan i modeling hna avanga he country hi chhuahsan a hmun danga mipa dang i va kawp a nih pawhin min tibuai hek lo, kan pahnih a kan mut dun ṭhin a vang mai hian mipa dang i kawp theihloh phah lo a, tiang chiah chuan kei pawh ka ni bawk, chutia ka sawifiah chu i tan a tawk viauinka ring."

"Ni e, a tawk mah mah, a nih leh zanin chu nuam takin hun kan hmang leh phawt dawn em ni ang?"

An pahnih chuan an inzui chhuak a, Jonas chuan a ma hotel pawh nilo in hotel lar lo zet leh chanchinbu mi ho pawhin a an hriat theihlohna tur hotel pangngai tak chu a book leh ta a, chu hmunah chuan Star nen ramsa ang zeta kauhamin hun an hmang leh ṭan ta a, Star pawh hi sex hmang nasa ve tak tawh a ni a, mipa tih lawm dan zawng leh eng angin nge mipa in nuam an tih ang tih chu a hre tawh hle a, hei vanga Jonas pawhin a thlah mai theilo a ni nghe nghe, a thil tih kawng engkimah chuan a bu ang thlap vekin a che a, zah a vanga sen ṭan ṭan tih ang reng kha a nei ngai tawh hek lo, chu tak chu Jonas duh zawng tak a ni a, an mut dun a piangin style thar apply tur a hre ziah a, an pahnih hun han hmang dun tak tak chu ramsa te pawh an ang mah zawk, Jonas hi sex ah a sang hle a, chu chu Star hian hre kar in a duh khawp a pe hneh hle bawk, a changin a kut a hman sak a, a changin chung lamah ṭangin zei takin a mawngbawr nalh leh vawnglah chu a sep kual ta ṭhin a, chu mai pawh nilo in, eng kimah tih tight dan a thiam em em.a, Jonas te anga an thil neih vantlang chunglam tan phei chuan Star ina a han ti tight ngat phei chu tawrh zawh rual loh hi a ni ve reng reng.

Chumi zan pawh chuan an che nasa dun leh hle a, Jonas chuan a riltamna leh tui halna zawng zawng chu Star taksa nalh takah chuan hrik thlak vek duhna a vangin chet a la leh sauh sauh a, a changin a kut a hmanga a changin a thil a hmang thul a chet dan chu a bawraw thei viau a, a mah ngei pawhin a chet dan chu a sawifiah thiam ngai lo, mawng lama a tih luh sak pawhin Star lo tih fo ṭhin a nih a vangin nuam tiin a si hlarh hlarh thei zel a, chu tak chu Jonas an a duhna chu a ni.

A ka hmanga Jonas ***** a han sawngbawl sak tak tak ṭhin phei chu Jonas chuan a ka chhunga a tih tlak ṭum a tam a, mahse a ni erawh chuan tenna pakhat mah neilo in a lemfai vek zel, tunah ngei pawh hian nuam tih a vangin a si leh hlarh hlarh tawh a, a mal mum nalh zet chu ti kau in Jonas an a tih luh awlsam theih dan ber chuan a taksa chu a lo siam rem a, Jonas erawh chuan a pawm kang lawp a, Star chuan Jonas tih dan chu a hre thiam nghal, a nghawngah a lo kuah nghal vat a ngawngah chuan rem fahran hian a in uai tang a, a lut ṭha duh kher mai, Jonas ngei pawh nuam a tih luat a vangin a rum chhuak nghal hawk.

Rei pawh an tih hma chuan Star taksa chhungrilah chuan Jonas a ṭanga chhuak thil lum ṭha zet leh sa ṭha tak chu a chik lut ta ṭhawt ṭhawt nghal a, thlan tla hluamin khum lamah an in keuh thlu a, an chawl deuh vang vang phawt a, darkar chanve a liam ta maw tih ah Star bawk chuan Jonas***** zawi nguai tawh chu a kut leh a ka hmangin zei tak mai hian a sawng bawl keh ṭan ta a, a rawn ***** ṭan nghal leh ta mai , chu chu Star chuan a hre rang kher mai. Jonas chungah chuan a thu a, a bawp chu kar zau in a m@wn chu Jonas a mipatna khawng ṭan chuan zei zet hian a hrut tir a, a nawr pah euh euh bawk a, chutah zet zawng Jonas**** pawh a rawn tho ṭha leh tawh kher mai, tunah thung erawh chuan Star chu chunglam ah ṭangin a su auh auh a, chu mai pawh nilo in a mawng bawr a tai vel chu zei lutuk mai hian a shake kual pah bawk a, a ip tight thiam bawk nen, a chhungril sa ṭha zeta Jonas **** a han chep bet kual chu  tan tak pawh nuam tih piah lam a ni, thawm engmah dim ngai bawk silo nen an pahnih chuan thawm an chhuah dun nasa kher mai, chutiang a nasa taka an chet dun fe hnu chuan zinglam khawvar dawn hnaih lamah chauh mutmu an tuah ve ta chauh a.

THE NEXT MORNING....

Sierra chu zing lamah thawh a hai chiang hle a, a chhan pawh rilru hah a vangin zan lamah mut mu pawh a tuah ṭha thei lo, chu mai pawh nilo in a ṭhenawmpa zurui chuan zan khua deuh thaw in kawng a rawn kik leh ta nghal, mahni lo mah a rilru hah nak a laiin a tih ngaihna hre lo chu a ṭap ta ringawt a nih kha, zing a tho chhuak darthlalanga a hmela en chuan a mit hnuailam a val kual raih nghe nghe a, hmel ngui zetin bathroom lam a pan chhar chhar a, zankhua a inngaihtuah hnu a a thu tlukna chu a ni chuan he hna hi lo chan ta pawh nisela, Maddie thiamlohna pakhatmah a awmloh a vangin Maddie tan erawh a ngen sak ang, a ni pawh hian hna chu a chan thei biklo na meuh mai, he hna a chan a nih ngat chuan a inluahman leh ei leh inna pakhat mah a nei dawn lo a, a tan chuan chaw nghei leh riahna tur hmun neihloh a ni nghal a,  mahse a mah a vang erawh a Maddie in a tawrh veleh zel chu a ngaingam lo thung, a ni chuan a thil tih sual man a tuar ang a, a ṭhiannu erawh chuan tih sual a neihloh a vangin a tan chuan a theih bak bakin a beih sak ngei tur a ni ang.

Bathroom a ṭanga a chhuah hnu chuan a uniform inbelin hotel lam chu a pan leh ta nghal a, bus a chuang a nih a vangin a la tlai zui, hre awm ti zet hian Lily office lam chu a pan a, a chhung a han lut, Maddie pawh a lo awm daih tawh; nidangah lem a rawn kaitho in inngeih takin a awmin breakfast an ei dun ṭhin a, tun ṭum hi chu boruak a dang ta raih, breakfast a ei hmanlo a, chu chauh pawh nilo in hnathawhna hmunah a la tlai zui leh ta nghal, "A tawpah zawng min rawn zawm ve thei hram a lawm, a lawm awm e Miss Cole." A aw nelawmlo leh vawt raih hian Lily chuan a lo ti nghal a.

Sierra hmanhmawh lutuk a vanga hah leh thaw chham lek lek chuan engmah sawi thei lawk lo in thawk a,la ham ham phawt a, a tawpah zawng ṭawngkam bah niai hian, "A ...pawi ka...ti tak zet...zet... ka chuanna bus a tlai a." A ti chhuak thei hram.

Engmah pawh sawi kikawi kual talo chuan a mitmu uk kharh leh thinrim a vanga sen lam lek lek a Maddie leh Sierra zam hmel taka ding zum zal chu melh kar pahin, "Nimin lamah tunge penthouse ti fai?" A ti ta a.

Sierra chuan a lo chhang nghal vat, "Keimah ka nia."

"Miss Jacobs nangmana lo tifai tur khan ka hrilh che a nilo'm ni?"

"Pawi ka ti lutuk Miss Woods." Maddie chu a kun nghal raih.

"Khang thil thleng te a vang khan inpahnih hian ban nghal in ni e."

"Nilo, khatiang chuan i ti theilo ang."

"Oh, Miss Cole order rawn chhuahna hi i hria em, head office a ṭangin a ni a sin."

"He mi ah hian Maddie thiamlohna pakhatmah a awm ve lo, keima thiamloh vek a ni e, chuvang chuan mawh phur tu tur chu keimah chiah hi ka ni, Maddie nilo in."

"Miss Cole eng vangin nge mak min tih tir loh viau le?"

"A nih te chuan Maddie hi a hna chu pe let leh la, keiman engkim mawhphurna chu ka la vek ang e."

"Ka sawi tawh ang khan he order hi boss hnen a ṭanga chhuak a ni tlat, chumi ah chuan buaina i nei a nih leh, a ni chu lo be mai la a ṭha in ka hria."

Beidawng hmel pu zet hian Maddie chu ngawirengin mittui tling pam chung hian a kal chhuak a, Sierra chuan hreawm.a ti kher mai, a mah a vanga a ṭhianṭha berin hreawm ti taka chu hmun a chhuahsan a vang chuan zah pawh dawn tawhlo in Maddie tan a ngen sak ṭalh chu a la tum fan, "Maddie engkim ka ti ṭha leh vek ang." Ti in a au zui a.

Mahse Maddie chuan hre awm pawhin a lang zui lo.

Lily lam chu hawi lehin, "Khawiah nge head ber leh boss ber chu ka hmuh theih ang? Tu nge a nih hrim hrim?"

"Mr.Black chu CEO nilai mek a ni a, Black Coporation ah i hmu thei ang, mahse nang ang mai mai hi hmuh an phal dawnlo hrim hrim che a, chu vang chuan i hun i paih thlawn mai mai zawk ang." Hmusit zet hian a ner sawih khum a.

"Kan en dawn nia."

"Kal vat mai teh, security ka koh hma ngei hian."

"I thil tih ah hian i la inchhir ngawt ang." A tih khum hnu chuan Sierra chuan a chuahsan ve ta nghal a.

LATER THAT DAY..

BLACK COPORATION..

Jonas chuan a desk a file ho a en fel mawlh mawlh a, nimin lama hnathawk kha hmeichhe pahnih te kha ban an ni a, midang an hmuh leh vat tur thu hrilh hriat a ni bawk a, midang zawn hmuh lam chu secretary hna a ni thung!

A hna thawk te ah khatianga mahni hna pawh ngai pawimawh lo a lo chetla dah mai mai kha a vawikhat hriatna a nih a vangin leh khatia a penthouse a lo mu ngam khawp a hmeichhe kawlhrawng kha a vawikhat hriatna a nih a vangin a hnathawk te pawh a mah ngeiin a a check zauh zauh an ngai tawh ang a ti rilru bawk a, mahse chutiang zawng zawng ti tur chuan a man hun a neilo, Elijah bawk chu chutiang dinhmuna ding tur chuan a dah leh ta zawk a, nizan khan a mu ṭha lo viau a, zing takah office a thlen a ngaih leh a vangin a thin pawh a chhe hle bawk.

A personal phone a rawn rik tak a vang chuan a file keu lai chu dahin a pickup nghal a, "Luca eng thil nge tihsak theih che ka neih ?"

"Hey, bro, kar leh hian America ka rawn kal ang, chuan rawn hmuh che ka tum bawk dawn nia."

"Nang hi eng thilin nge America te rawn hruai tlen tum leh ta che a?"

"Ka nupui hualin chhungte ho hrim hrim hmelhriat a duh a ni awm e, chutiang chu ka bula a sawi dan a nia."

"Sorry, nupuihual chung chang i sawi em....?" A harh chhuak zawk, a phu deuh zawk bawk, Luca chuan nupui hual a lo nei reng tawh tihna maw ni a? "I â ta chu a ni em lo maw, engthil nge maw i ngaihtuah reng reng le?"

A office kawngkhar dimlo bak sak a rawn inhawng leh chuta a pu hmel rum zet mai thinrim hmel dur khuih a hmuh chuan, "Luca ka dah phawt ang e, kar tawp lamah rawn biak leh che ka tum dawn nia." Phone chu a cut ta nghal a.

A pu chuan hnai set sawt takah hian Luca chu a melh chho a, a pu ai mah a a san zawk a vangin a pu chu tawi chhia ti a sawi tur a ni hauh lo, mahse Luca zawk chu feet ruk leh 6 inch lai a nih a vang zawk chuan a pu chu a chhuk melh a.

"Tuna i lo biak kha Luca a ni tiraw, vawi engzah fakau nge be tawh lo tur a ka hrilh tawh che, mafia nen hian in lo in zawm leh reng tawh te hi a nilo maw Jonas?"

"Ka unaupa a ni a, ka be thiang,  buaina eng nge awm vak a?"

"Buaina maw, ka han hrilh ang che, vawi tam tak warning ka pe tawh che a, pek nawn reng i ngai hi a ni, nanglah chuan i ngaithla duh der mai bawk silo."

"Eng chung chang nge sawi i tum tih hi ka hre ve thei ang em?"

"Kha hmeichhe nikhua lo lutuk  hooker Star kha i kawp reng a, nizana Club a in pahnih awmdan kha tukin chanchinbu phek hmasa berah a chuan leh kau tawh hi!"

"Hooker nilo in model a nih kha."

"Mahse chan chin ṭha lam nei hek lo."

"Kan inkawp hleinem."

A pu chuan thawk lak hawk pahin a chal a dawm a.

"Jonas he thil hi tih ka duh lo viau a, mahse nang hian duh thlang thei dinhmunah min din tir thei ta lo a nih hi!"

"Eng chung changah maw duh i thlan theih lova?"

"He i  dinhmun a ṭang hian maw le, ban i ni e."

"He Black interprise CEO hi i ni rei tawh dawn lo."

"Khatin i ti thei hauh lo, hrep tak che chuan."

"Oh, ka thei a, ka ti ngei bawk ang."

"He company a 30% hi ka chan a nih hi!"

"Kei 45% ka chan a ni ve thung a, he thil hi nangma rawn chawk luh a ni tih hre bawk rawh Jonas."

"Kan duh ber chu kan chhungkaw mi leh sa hian Black Enterprise hi chhawm nung zelin dinhmun sang zawk a din kan duh a, mahse nang hian chung chu i zantin fawr kual vel a vang hian i rawn ti chhe zo ta vek a nih hi, he i hooker kawp lai mek hian i hma lam hun zawng zawng te chu a ti chhe vek tawh Jonas." A pu chuan thinrim engphiarin a tih khum tun tun a.

"Khatin Star chung chang sawi hlek suh, hooker a ni bawk hek lo, lo ni ta tehreng pawh ni se, a mah chu ka engmah a ni lo."

"A ni ka tih chuan a ni a ni mai, nangmah leh nangmah i in pui te a nih ngawt loh chuan, kei chuan ka pui thei tawh hauh lo ang che."

Chutihlai tak chuan Jonas office room kawngkhar chu a rawnin hawng ri dawp, tah chuan Sierra a rawn lang ve nghal a, Jonas hmel a hmu chu a meng phawk nasa mai, ah a mah a ni reng mai, saruaka a bula ding pa ngei kha a ni tih a hre chiang hle bawk, kha saruakpa tlaktlai lo zet kha.

Kha cleaner hrep kha maw ni leh ta a, ka ban tawh khan ka hre si a, engtin nge ka office chhungah te a rawn la luh ngam teh fo chu le? Jonas chuan a ti rilru ve mek bawk.

"Dear puih theihna che ka nei em?" Dam thlup hian Gregory chuan a lo ti a.

Sierra chuan Jonas a melhna lak a ta hawi sawnin chu putar nelawm zet lam chu a melh a, "Sir ka rawn tihbuai che u a vangin pawi ka ti lutuk, mahse he pa ruh hi a nung chunga ka lak chhuah sak a ngai si a nih hi!" A ti a.

Jonas chuan chu nu chu a ngei ru kher mai,mahse idea a nei ta thut a, pangai zeta a hmelhriat ang maia biak pah hian, "Kha chu nakinah kan ti thei mailo em ni?" A tih zawm ve nghal vat.

"Hei i hmuh angin thil sawi lai mek kan nei si a."

"Aw, kei pawh ka thil hrilh tur che hi apawimawh ve tho." Sierra chuan a ti ve nghal hlar a. "Chuan ka zawhna chhan tur tam tak i nei bawk tih hria ang che." A kut zungchal chuan a kawk a.

Gregory chu a lo nui nasa mai, Jonas chuan a pu chu ngei hmel zet hian a melh a, "Dear he pa hian lungawilohna a thlen che em ni?"

"Sir pawi ka ti lutuk, hei chu mimal thil a nia, khatia rawn au lut chiam chiam tur kha ka ni hek lo." Tiin Sierra chuan Gregory zawhna chu chhangin, thupha a chawi zui nghal mawlh mawlh a.

"Chutiang chuan i ngai a maw?"

"Ngang kha lo ngawi hmak rawh, ti chung pawh khan buaina i nei tawh sa a nia."

He uicho nu thusawi hi a ti tak tak a maw? Ti in Jonas chuan a ngaihtuah, a pu chu awmlo nise chuan a chak lo ngawt ang.

"In sawi zawh hun pawnah ka lo nghak ang." Ti in Sierra chu a chhuak leh ta nghal a.

"Hmeichhe ṭha tak ni in ka hria, eng chung changah maw a rilru i lo tih hnual sak a?" Nui vur vur chung hian Jonas chu a zawt a.

"Nangmah ka tih hnual ang bawk che khan maw le."

"Ka hrethiam hauh lo Jonas?"

"A thinrim a nih kha, chu pawh nizana ka kal chhuahsan a vangin."

"Engvangin nge chutiangah te a thinrim ngawt anga?"

"A chhan chu ka nupuihual a nih a vangin maw le."

"Jonas eng thil nge i khelh hi?" Gregory hmel chu a rum nghal ul a.

"Hetah hian ding nghet turin min duh a ni lo'm ni, chu chu ka ti mai chauh a ni e, a mah ka tawnna pawh hi a la rei lutuk lo, thlakhat vel awrh bak a la ni lo."

"Kha mi ni kan ti ti dunna khan he dinhmuna ding lo thei lo ah hian min siam in, min nawr lui bawk nen."

"Chu vang chuan i nupui hual ni turin i propose ta a maw?"

"Ni e, chuan a lo pawm bawk, chuti a nih takah chuan min paih chhuah i tumna chu i plan lawk loh pawh nise tih i tum tho tihna a ni em?"

"Paih chhuah che hi ka duh dan a ni miah lo Jonas, mahse nang hian duh thlangthei dinhmunah min din tir lo zawk a ni."

"Well, tunah chuan i tih a ngai tawh lo ve."

"Nihleh nizan chung chang chu le? Star bulah i awm ngei a, chu pawh photo ah ngei ka hmuh a vangin."

"Kha hmunah khan a rawn kal ve dawn tih reng ka hre lo, i duh leh Elijah pawh i zawt dawn nia, a chhan chu kan pahnih a kan kal dun a vangin."

"Nih leh i nupui hual chung chang chu min han hrilh ve ta che?"

"Kha chu nakinah kan ti thei mai ang em? I hmuh ang khan thil tam takah insawi fel ka ngaih hmel si a."

"Jonas he i thil tih thutah hian rinlohna leh rinhlelhna che tam tak ka nei a nia, amaherawh chu a ni kha ka la hmu ve duh ngei bawk ang, tun kar chhung ngei hian ni bawk se la."

"Tehreng mai."

Ti a a chhan hnu chuan a pu chuan a chhuahsan ta a.

********      *********      ********

Sierra room pawna ding chu a thinrim kher mai, kha putar fel zet kha awmlo phei se chuan kha pa kha eng tin nge a tih dawn pawh a hre lo, kha a sakhmel ṭha takah khan a kuttin thla a lang tawh ngeiin a ring a,  he hmun a luh dawn khan a bei nasa em em a, kut ruak a kir leh a tum lo chiang hle.

Tumahin head office lamah an luh tir dawn lo tih pawh a hria, chuvangin receptionis bulah khan head office chu eng floor nge tih a zawt a, ngawi rengin a kal ta kha a ni a, a thleng chho a, PA lo awm chu inhmuh tir lo in a biru ran ran phawt a, chhun thil ei hunlai a nih a vangin PA chu a kal chhuak ta vat reng a, chu chu Sierra chuan rem changah a hmang zui ta a ni.

Office chhunga putar nelawm zet kha Mr.Black a nih ngei a ring bawk a, tuna a mipa hmuh ngei awm zet khan Maddie hna a pe let duh lo a nih chuan engkim putar pa bulah khan hrilh a, Maddie chu a hna pangngai ah thun tir leh ngei a tum bawk.

Mahse a hmasa berah chuan kha mimawl zet kha he hmunah hian a lo thawk reng a nih chuan  Well, a ṭha e, Maddie hna a pek let leh theih ngei na turin ka bei ngei ang, chuta a ti duhlo a nih vaih chuan a ma dawhkan ah ngei khan a phuar hlawm ang, chu chu a ti ngei ang.

Banga thlalak intar a han hmu thut phut deuh zawk pah hian, "Oh my God." A ti chhuak chul a.

A mipa hmuh ngei em em mai banga a thlalak lo intar a hmu chu a meng lian kawl kawl kher mai, chu pa hmel rum leh mit meng vawt zet chu a hai ngai hauh lo ang, a hnuaiah ngei mai chuan Jonas Black CEO a lo la in ti kulh zui bawk.

"Uhh, CEO a ni a maw, hrep tak chuan."

"CEO office ah khan ka va au lut chiam chiam tihna mi ni ta?"

"Chu chauh pawh nilo in, ka la vau zui leh ta nghal a." A taksa chu lum nghal pup pup hian a hria a, a lu a hai nghal chiai chiai ni hian a hre bawk, a hmai pawh a sen chhuak nghal vek.

CEO saruaka a awm ka hmu tihna maw, oh nilo nilo, engkim a kal diklo zo vek leh vek tawh.