IT'S JUST AN ILLUSION CHAPTER 9

IT'S JUST AN ILLUSION CHAPTER 9

ZANKHAT KARDANAH KA RAWN DAH A NGAI DAWN, LEMZIAK KA DAH TEL DUH SI A, CHUAN FAKNA MILEM HMANGAIH VEK CHE U


Sierra kal tak hnu chuan Jonas chuan he thilhi mumang mai mai ni thei se a tih phah hial, a chhan pawh chutia a han khawih hleka ben a hlawh nghal mai te chuan engtin nge a nupui hualah a chan theih tak tak ang tih chu a ngaihtuah lo thei lo, chumai pawh nilo in tumahin an awih thei ngai lo ang.


*****              *******             *******



Sierra kal chhuak chu a insawh nasa hle a, Jonas chungah chuan a lungnilo hle bawk, hepa hi midang ho hian eng tin nge an dawh theih zawk viau chu le, a ti ve hial, a chhan pawh a ni chuan a dawh thei tawhlo a chha a ni si a, ka kâ min hnawh sak te a tum khang pang, engtin nge a tih dawn ka hmu chak ngawt mai,  ti a ngaihtuah rauh rauh pah chuan inhnuailam a chhuk tur chiah room pakhat a ṭanga ṭawngthawm rawn chhuak chuan a beng  a verh nghal zak, tu te nge inbe ta ang?  thawm dim zet hian a pan hnai nghal a, kawngkhar a inkhar phui loh a vanga ṭawngthawm chu rawn chhuak tih a hre nghal bawk, Jonas pu leh a nu an inbia ni ngei tur a ni, chu lo chu midang han rin tur lah a hre hek lo.






"Jane ka hrilh tawh ang che khan Jonas hian eng emaw tak tih a tum hrim hrim tuh hi ka hria a lawm."






"Dad he weekend hi a zawh hma chu kan nghak rih tur ni in ka hria, chuti  chu thil kan tibuai zo vek ang tih pawh a hlauh awm."





"Eng thil mah nghah ka ngailo, ka hre glang sa vek, Jonas hian cleaner mai mai a nei ang a maw, teuhlo lutuk, engti ang taka mawlah nge maw min han dah hrep chu le!"






"Thudik min hrilh te pawh a nimaithei a sin, a chhan chu a rinloh deuh pawh a hmangaih thei bawk a, chutiang te chuan ngaihtuah ve la."






"I thusawi danah chuan nang leh Vito Romano ang deuh khan maw ni a?"





"Dad khatiang chuan a ni chu sawilo
hram rawh, Vito ka hmangaih zia thu pawh i hriat ve reng kha."





"Chuan kha Luca an tih nen khan eng emaw thil tih an nei ngei ang tih pawh ka ring chiang bal."





"Oh Jonas hi an chhungkaw zingami a ni miau si a lawm."


"Jane mafia an nih hi hre ta che, Jonas hi a pa ang mai mai a kum naupang te a a nunna a tawp ve hi i duh tihna mi?" Gregory aw chu a hriam ṭha hreih hrawih hle a,a aw a ṭang ringawt pawh chuan a thinrim hle ang tih a hriat theih bawk.






"Chu vang chuan kei pawhin Jonas infiamna hi ka neih pui ve dawn, he a games tho hmang hian thil ka ti ve ang, kei hian eng nge tih tur tih chu ka hria a lawm." A ti leh hmuk a.



Sierra chu a thu ngaihthlak a vang chuan a khur dar dar hial a, Jonas pu chuan a lo hre vek tihna em ni ang, nilo a ni thei lo, he thil hi Jonas a hrilh hriat ve vat a ngai ngei ang .







Thawm dim tak chuan a chesawn ta vat a, hman hmawh lutukin an room lam a pan chho leh nghal a, "Jonas harh vat teh."


Chhangtu reng a awm lo, "JONAS."






"Eng thil nge ni ta hrep Sierra?" Jonas chu thinrim a vang keh lawm lo tih hriat zet hian a rawn meng chhuak nghal a, Sierra thlaphang hmel a hmuh chuan a mengkual khum rulh.







"Kan thil tihlai a lem a ni tih hi i pu in a hre vek a nia."





A rawn ṭhu chhuak a, la ham deuh bui bui oah hian, "Tu in nge ti?"






"A mahin, i nu nen an inbe lai ka hre fuh a, ka ngaithla ta nghal a, a sawi dan chuan he i games khelh angah chiah hian a ti let ve dawn che."






"Engmah hriat a neilo,a ngaihdan a sawi mai chauh a nih chu."






"Tlem tal chuan i thu tak  ve thei deuh lo em ni? Kan pahnih chung chang a ni si a."





Jonas chuan a kut chu kuangkuahin, "Well a hre chhuak a nih oawhin nangma thiamloh a ni ngei ang.""


Sierra chu a phu deuh zawk a, "Engtin nge ka thiamloh a nih ang a?"




"A nihna chhan tur maw, ice queen ang maiin awm ṭhin hrep hek che."






"Enga ti maw, mipa ka hmelhriat ngai paeh nilo in min khawih hi ka duh hleirnem." Cho zet hian a mit chuan a melh chho ve a.






"Nilo ve, engtiklai mai pawh hian ka kal pelh hlek che pawhin thidang mai tur khawpin i dâng nghal ṭhin a lawm, tunhma in mipa i kawp tawh ṭhin ang chu maw a ni em?"





"Lutuk tlat, kum 25 lai ka nih tawh hi, mipa chu ka kawp ve tawh chiang a lawm, chuan i information neih danah pawh i hria ang chu, mipa duh te nei ang chi leh hriatchiang hmasak phawt duh chi pawh ka lo ni maithei a sin."





Sierra chuan a thusawi chu a inchhir nghal der, Jonas mita rilṭamna lo lang chu a hai hauh lo, "Engvanga khatia min en nge i nih?"





Jonas chuan khawdang a hawisawn nghal zauh a, khum lamah chuan ṭhu thla lehin, "Hetah hian lo kal hnai teh!"





"Eh, errr, ngailo mai rawh se, heta awm hi ka thlang zawk."





"Sierra lokal ringawt mai rawh."





"Engvangin?"





"A chhan chu dinner kan neih hma hian inhriat chiana hun leh inpawh tawnna hun kan neih dun ṭha in ka hria."






Sierra chu a ṭi keh zual Jonas lam chu pan hnaih tum pawh hian a lang chuang lo, "Sierra min sawi tir tum miah suh!" A ti chhuak ta hrawih a, Sierra pawh a che chhuak rang kher mai,a chhan pawh a rawn oan hnai leh ang a, a mah chu dawm betin a fawp lui ang tih a hlau ber.





Jonas bul a thlen chuan," Ṭhu rawh." Ti in a malchung a lo kawh hmuh a.





A mal chunga ṭhut thlak ve mai pah hian, "He thil hian engtin a puih dawn ka hrethiam hauh lo." Ti in a phun nang nang bawk a.





"Nuamlo viau tihna i nei em?"


"I rinloh dan i sawi ang kha em ni?"




"I mit kha chhing rawh."






"Ngati maw?" Sierra chu a phu chiang kher mai, a khawng nghal zawt bawk.




"Ti mai teh."




"Eng pawh ka ti a nih pawhin i mit kha neng miah suh ang che, chuan che hlek  suh la, ṭawng bawk heklo ang che." Sierra maimit chhin hnu chuan a tih zawm nghal a, chu thil chuan eng emaw ti tak hian a awm tir a chu a thin erawh ati phu nghal dawt dawt, Jonas sawi anga awm erawh a tum ve tlat thung!






Jonas chuan a hnaih zual sauh a ni tih hriat zet hian a beng bul lamah Jonnas chu a thaw lum ham ham a, thawm dang reng hriat tur a awm lo bawk,a thawm hriat chhun erawh a lungphu ri a bengina a hriat chu a ni mai a, "I rim chu a tui kher mai." Jonas chuan a bengbulah ti in a phun pah sup bawk, Sierra erawh chuan a ti tak tak nge tak tak lo tih pawh a thliar hrang thiam lo.



A chhan chu hlauhna in a tuam tel tlat a, chu pawh a mipa hriat ngailoh leh nghalin hetianga a han ti ta mai hi milim ang maiin akhawng phah zawk ni in a hria.

Chutah thil pakhat a hre ta a, Jonas kut chuan a nghawng chu dim te a chul kual chho in a pan chho a, min reh hlum a tum ta em ni tih chu Sierra ngaihdan a lut hmanhmawh pakhat a ni.

Chutianga a tih arin a vang chuan a kut chu thawh a phihthlak sak ṭhuai a tum lai tak chuan Jonas hmui lum thar thar in a heh a rawn tawk ta chu a hre nghal, chutihlai tak a a mah namsasn tumna rilru a neih zawng zawng te chu vawm bo ang hmiah a ni bawk, chuti khawp adam leh fawh zei in a han fawh takah chuan Sierra chu a danglam nghal vek, a rindan ber chuan khuar khurum mawng neilo a tla ta vang vangah hian a inchan ber.

Jonas hmui in a fawhna chu a lum nuamin a dam hle a, chuti ang reng renga tisa thil a ti phur thei nghal chuan an fawh pawh a la hre ngai hek lo.






Sierra heh chu a hmui chuan a nawr kau a, a ka chhungah chuan zei zet hian a lei sa ṭha zet chuan a hawlkual a, chumi pah chuan a nghawnga a kuahna kut chu a ti nghet sauh a, Sierra taksa chu a pawt hnai zual sauh bawk, chutah an pahnih taksa inhnaih thei tur ang ber chuan siamin Sierra taksa chu a hnaih nghal sauh a, an taksa inkarah chuan fanghmir pawhin thawk a la theilo hial ang tih theih tur khawpin an inh auh dun a, chutih pah chuan a fawhna chu uar sauhin, a mah ti phur thei tur ang ber chuan a fawp zui leh nghal a.


A landanah chuan Jonas chu mahni thil hre tak ni hian Sierra chuan a hre ber, a chhan chu a ma taksa ah ngei pawh chhinchhiahna siam dan a thiam tlat.



Sierra chuan a nghawnga kuah a duh thawh zet leh uar taka lo chhanlet ve chu a châk viau a,mahse chutiang ti tur chuan hrilh a nih lih a vangin a ti ngam chiah lo .


Chuti khawp a infawh zei chuan Sierra taksa pum pui chu a ti zauthau hneh hle a, heti anga afawp reng a nih dawn chuan tuna ṭang reilo te ah he pa laka a insum theihna zawng zawng te chu a hloh dawn chiang tih lah a hai hek lo, a chhan pawh a taksa pumpuiah chuan a mahmawh tirna hna athawk hneh tawh viau tih pawh a hre chiang hle.



Thil eng emaw a mah a thawk ohurna maktak mai chu eng nge a nih chiah tih erawh a hre lo.




A tihdan ṭhin pangai ang tak chuan Sierra chu a namsawn a, a thlah nghal bawk, "Kha a harsat miah loh kha." A tih zawm nghal a.






"Shower hmangturin kal nghal rawh." A tih zawm leh nghal a, Sierra erawh ala pangai chiah lo, "Ok." Tih sap pahin a tho chhuak nghal a, eng thil chiah nge thleng ti in a ngaihtuah zui lo thei lo, kha thil thleng kha eng pawh ni sela, Jonas kha chu a effect ve hauh lo tih a hre chiang hle, a ni in engmah sawi tur a hriat loh laiin leh a chiai viau laiin a ni ve thung erawh a awmdan leh a ṭawng kam thlengin danglamna pakhatmah a hmu ve tlat lo.






Bathroom chhunga a luh hnu chuan tuilum aherh haw nghal a, chu chuan a taksa chu a tihzia awm ngei a beisei, Jonas khan engvanga shower hmang tura ti nghal nge a nih, a awmdan kha a hriat thiam sak a ni ngei ang, chutiang thu a ngauhtuah phei chuan a sen nghal ṭan ṭan, a inbual zawh hnu chuan velvet kawr ban tlawn purple chu a oa chhuak a, a a rem tur tak pheikhawk ke artui sang bun lehin a sam chu a vial kawi bawk a, Jonas pawh a inpeih tawh ngei a ring bawk a, 'i tlai' ti a alo sawi khum leh ngei a ring bawk,  bedroom lam a pan leh Jonas chu a lo awm tawh hauh lo.






Side table a lehkha inthlep chh a hmu nghal a, khawiah nge maw a lo kal hman le? Ti a ngaihtuah chung chuan eng thil nge ti in lehkha inthlep chu a la kang a, Jonas kut ziak mawi zet chuan dinning room ah min rawn hmu dawn nia, tih zawng hi a lo inziak a, lehkha chu a hlawm nawk a, hnawm bawmah a vawm lut nghal, "Engtun nge maw tiang inropuiah te mahnia finning room ka zawn hmuh theih teh lul ang ni?" A ti chhuak hial Jonas chet dan chuan a thin a ti rim viau bawk.a






Jonas inhnuai lama chhuk chuan a nua  leh a pu chu a zu fin ve nghal a, "Mom i ṭha maw?"





"Son ka ṭha e, khawiah nge Sierra chu!"



"A rawn chhuk thla ve ṭep tawh ang."


"Luca Romano chuan eng thil chiah maw a lo duh a?" A pu chuan a ti ve nghal a.



"Nupui neih a tum a ni awm e."


"Luca chuan nupui neih a tum maw?" A nu chu a meng phawk nasa mai.


"A bestman a ṭang turin min rawn sawm a." Jonas chuan ngahmah ngaihloh hmel zet hian a ti liam puat.


A nu erawh chuan a lo ngai thu tak nasa mai, "Darling thil lawmawm tak a nih chu!" A ti chhuak chul a .


Hmel ngui zet hian, "I pa chuan a chhuang ngawt ang che."


A pu ve thung chuan ngaitheilo zet hian,  "A ti leh ta." A lo ti hluk thung!



Sierra pawh a rawn lang ve ta a, "Ka rawn tlai a vangin pawi ka ti takzet." Inthiamlo hmel zet hian a rawn ti lut nghal a.


Jonas chuan a mitko a lo san khum awk ringawt, "Dining room awmna ka zawng hmu zo lawk lo a." A ti leh sap .



"Dear i in ang chiahah ngai rawh." Gregory chuan nuih vur vur pah hian a lo ti nghal vat.

Jonas chuan Sierra dinna lam chu pan pheiin, a kutah a vawn sak nghal a, "Sierra ka pu kha i la hria em?"



"La hria e, MrBlack kan inhmu leh thei chu ka lawm e." A tih zawm nghal sap a.


"Khawngaihin Gregory ti in min ko dawn nia, chhungkhat vek kan ni tawh dawn a lawm."



"Chuan hei hi ka nu Jane a ni e." Jonas chuan a ti leh a.


"Kan inhmu thei chu ka lawm khawp mai MrsBkack......Miss Black ummm...sorry."


"Dear Jane tiin min ko tawp rawh." Anui pah sang a, Jonas a nelawm loh tehreng nen a nu ve thung erawh nu nelawm leh fel tak ni hian Sierra chuan a hre thung a, Jonas anglo takin a nu chu a sam a buang thang a, Jonas chuan mitmu ah bak a chhun lo, nu hmelṭha zet ni in a hre bawk.


"Helai hmuna ka awmna chhan pawh Sierra hriat chian a kawm a ti ti pui ka duh vang chauh a nia." Jane chuan a ti leh a .


"Kei pawhin." Ti in Sierra chu a bu pah nghat.


"Ok, ti ti lam kha chu duh tawk rih ila, zanriah ei phawt ang u, ka ril a ṭam tah teh mai a nia, duh leh ei pahin kan la sawi chhunzawm a niang chu!" Gregory chuan a tih tak a vang chuan a Jane leh a pu chuan table awmna lam room chu an pan phei nghal a.


Jonas kal tumlai tak chu Sierra chuan a hrilh ru a, "Room lama kan kir leh hunah chuan i châklo ngawt ang."


Jonas chuan a rawn din hnaih a, "Eng chung chsngah maw?"nuih suk pah suk a.


"Mahi a dining room in zawng chawp tura minlo kalsan a vangin." Ṭawngring ngam chiah silo hian a tih khum hlar a.


"Oh babe, khang te chu nangmah pawh a i chinfel ve theih mai ka rin vang a lawm."


"Khatin babe ti te chuan min ko khanglang lo mai rawh *sshole."



"Nih leh i thinrimna te kha ka fawh a thawidam sak i duh em?"


"Jonas min rawn hnaih vaih teh, ka ti nat loh che a takah." Jonas chu a nui chhuak nasa mai, "I lei hi chu a hriam ṭha ve chiang a lawm."

"Jonas leh Sierra kha, dinner kan ei ṭan a nia." Ti a Jane a rawn au takah chuan, la nui sawng chung hian Jonas chuan, "After you honey." A tih khum leh salh a,




"Oh, kha i biang dinglama bensak che kha nuam ka ti viau a nia."


"Oh ti ngei ang che." Engdangmah sawi leh tawh lo in an inzui phei dun ta a.


Dinner ei turin an ṭhu thla ve nghal a, an ei ṭan chiah Jane chuan ti ti a vasfh nghal, "Nangni pahnih hi engtin nge in han intawn dun reng reng?"


"Thudik tak i hre duh em?" Sierra chuan a ti nghal vat .


"Dear thudik te chu engtiklai paahin kan hre duh reng a lawm." Gregory chuan a ti nghal vat bawk.


"Well a nih chuan kan sawi ang e, Black hotel pakhatah housekeeping in ka thawk ve ṭhin a, ṭum khat chu a a penthouse hi ka tifai a,chuan ka mut chhuak lutuk chu a khumah ka lo muhil palh a, min man chhuak leh ta nghal a."



"Engtin nge a tih?" Jane chuan a lo ti hmanhmawh.


Sierra chu a nui chhuak sak a, "Ka hna a ṭangin min ban maw le."



"A hma a ṭangin i charms lantir i tum a niang chu!"




"Zawi zawi in ka rilru a hneh ve ta a ni mai." Jonas chu a siai khum pah zauh bawk a.


Oh he nu hian infiamna han khelh hlak duh deuh tihna a ni maw? Ti in Jonas chuan a lo ngaihtuah ve bawk a.


"Mahse chumi kar a ṭang chuan ka kalna a piangah min zui ru reng tawh ṭhin a, engtin nge aih ti in a min sawmna hi ka chhan theih tawh ang ni ." Sierra chu a nui pah hak hak a.



"Sierra ka mitah hian bawlhlawh a lutin ka hria, min ensak lawk dawn em ni ang?"


Sierra chu Jonas lam a hawi nghal a, a mit chu ensak nghalin, "Jonas a dik vekin ka hria, engmah hmuh ka neilo."



"Babe han enchiang deuh teh!"


Sierra chuan Jonas chu hnaih pheiin a n hma aia chiang deuh zawk chuan a han en leh a, Jonas engmah ka hmu lo." Jonas chuan a hmuiah chuan a lo fawh sak thut a .



"Tunah chuan engtiang chiah a nasa in nge min ben i chak ang aw?" Ti a zawi taka a bengbula phun sup pah hian, a nuih pah suk a.



"Come on Jonas Black, game a in ṭan chiah!"


"Sierra Jonas tan hian i ṭha tawk em em tih hi ka hria, vanneihna ka hlan a che." Gregory chuan a ti ve ta sup a.


Sierra erawh a sen chhuak ṭan ṭan thung!



"Kei pawhin dad thusawi kha ka pawm pui e." Jane pawh chuan a ti ve nghal vat a. "Chuan in pahnih innrihni tur pawh hi ruat fel thuai ula ṭha in ka hria."


"Kei chuan a hma thei ang ber ni se ṭha ka ti." Jonas ngei tur zet chuan SierraEngva chu a ṭawng chhuak a.


Jonas lam hawiin, "Honey nang eng nge i ngaih ve dan le?"


"Babe kei chu ka ngaihdan chuan kan rem tih dunna ang khan kan inneih ni chu thlaruk hnu ni se ṭha in ka hria."


"Engvangin nge thlaruk chu kan nghah a ṭul kher na chhan? Kar ruk hnuah chuan inneihna chu ti fel mai ila, i nupui nitur.  hian thlaruk chhung em em chu ka nghak thlen zawh ka ring lo."



Gregory hmelah chuan hlim hmel hi a hmuh theih nghal a, "Kar ruk hnu ah chuan a ṭha khawp ang."


"Thu lawm awm tak a nih chu, zanin chu ka hlim tak zet zet, ka fapa nupui neih ni tur te ka hria a." Jane chuan a ti ve hlut bawk a.


Jonas hmel erawh hmuh theih khawp hian a rum thung!