IT'S JUST AN ILLUSION CHAPTER 12

IT'S JUST AN ILLUSION CHAPTER 12

SANGTEI KHAWLHRING

FAKNA MILEM AWM.KHA KAN THEIH ANG ANGIN HMET LEH VEK ANG AW, HMET THEILO TAN ERAWH A INTHLAHRUN AWM HAUH CHUANG LO A NIA, NAKTUK HI KA RAWN DAH HMAN LO MAITHEI AW, INSAK THAT NEN KAN BUAI VE LAI TAK A NI A.



"Hi girlfriend." Ti a ko tu lam Maddie in a hawi chu a phu nasa kher mai, Sierra chu kal tura a beisei loh lai tak a ni leh nghal nen, "Damn Sierra min ṭhawng nasa lutuk ringawt, eng ang hmel nge a hma khan i put tih ka theihnghilh phah hial mai, i dang tawh lutuk ringawt." A tih zawm nghal chul bawk a.





"Maddie kar reilo te chhung chauh a,lawm a la nih le." A meng nur deuh nang a.


"Nih leh engkim min han hrilh vek teh!"


"I pasalhual awmkhawlo zet chu eng nge a an?"


"I thil mi zawh chu tun ṭum a tan chuan pasalhual hlui a ni ngei ang, chu pawh keiman ka mamawh ang taka lantir i tuma , mahse nang zawk hian i lo mahmawh zawk daih a nih hi."







"I hria em, kan inneih ni thlen hma chu ka nghak ta a nih hi, ti a ka sawi i ring ngei ang, tiang pasalhual der mai mai te chu engtin nge ka tih vak chuang ang a? Ka tih tur ka zawh chuan a tawp vek tawh dawn a lawm, Maddie i ngaihdan  ang kha a ni lo, kha tiang ang chi  lah ka ni bawk hek lo."


"Oh inbengdai teh girl."


"Mahni indah sang zet leh chapo tak a ni a,a mah lo chu tumah ngai pawimawh hek lo....."


"Oh my God, i duh ṭan a nih tawh ngei chu!"


"Teuh lo mai, chutiang thu ka sawi i hre tawh hrim hrim a mi?" Sierra chu a ner deuh nak a. "Ka tuar thei tawh lo zawk." A ti nawn leh a.






"I duh tak zet tawh zawk a nih kha Sierra." Sierra chuan beidawng zet hian a chal a lo dawm khum a, eng ang pawhin sawi nise Maddie chuan a ngaihthlak sak pawh a ring lo, a ma ngaihdan a a kal tlang ngak tho a ring, a duh dan ang chuan lo ngai vel mai mai teh se a ti ve ta zawk a.






"Ok a nih, hei chu dah ṭha rih ta ang ila, mitthi vuina lam ve thung le eng nge a kal zel dan?"


"A hreawm khawp mai, Jane kha a khawngaihthlak awm tawp."


"Jane chu Jonas nu tihna mi?"


"Umm ni e, Jonas lah chuan a nu tawrhna chu a hriatthiamsak duh der lo leh nghal a, khami ni pum pui chuung khan a nelawmloh kuit ṭhak hi ani mai."



"Midang hnena a feelings ti lang chhuak thiamlo chi pawh a ni maithei a sin Sierra."



"Huhh, engkimah khan a ṭha lo kual vel vek ang chu, oh mahse ṭhatna pakhat chu a nei ve ni in ka hria." A tih zawm leh nghal a.


"Eng lamah nge ni a?"


"Oh theihnghilh daih rawh." Sierra chuan a ti leh rih a.



"Sierra Cole ka lakah hian engmah zep i nei tur a ni lo." A lo ti nghal hlar a.


"Ih ...min fawp a."


"Nilo, eng maw i sawi a?" Maddie chu a meng phawk nasa mai a.


"Infawh dan pangngai in em ni a fawh che?"



"Ummm....er... aw." A ti bah deuh nawk nawk.




"Min han hrilh vek law law teh, min tivir lak lawh tlat." Ti in a nui ta var var a.



"Maddie .... ka ....ummm...a mi fawhdan kha a nuam lutuk, tunhma in khatiang a fawh kha ka la dawng ngai lo ni ang maiin min fawp thei." A ti ta a.



"Nih leh engvanga hlimlo hmel pu si nge i nih chhan?"







"A chhan chu ka duhloh a vangin, engvang ringawt in nge a vawikhat min fawh mai a vanga ka thawmhnaw te ka in phelh ruah tir ngawt ang a? A mah lah chu nun pum puia mileplerh ber mai an sawi ang hi a la ni zui leh ta nghal." A kut a kuang kuah pah hlan a.






Maddie erawh a lo nui nasa mai.


"Maddie a nuihzatthlak miah lo aw." Lawm lo hmel pu zet hian Sierra chuan a ti leh a.



"Jonas chu i duh lo a, mahse a taksa erawh i duh tihna a nih ber chu!"


"Girl chumi awm zia chu tisa chakna a ni e."







"Well, chu tisa chakna chu box chhungah kan khung lut leh thei tawh ang, kan inhmu nawn leh tawh dawn lo a ni tih ka hriat hian ka lawm hle bawk." Sierra chuan a ti ta hmiah a.



"A nih chuan hawh canteen lamah coffee inturin kal phawt teh ang."





Sierra leh Maddie chu canteen lamah an inzui chhuak ta nghal a, coffee leh a hmeh an lam nghal a, hlim taka ti ti chhunzawm zelin an ei dun mawlh mawlh a, Sierra awmloh chhung a lo khawhar zia thu leh a mah Sierra a ngaih ṭhin zia thu te chu Maddie pawh chuan a hrilh ve mawlh mawlh a, a hna lam chan chin te sawi kai zelin hun hlimawm zet an hmang dun a a ni.










Maddie chuan a phone a time chu a melh zeuh a, "Hnathawka ka kir leh a hun tawh, tunkar chu kan pahnih a thil eng emaw han tih dun tih ang reng te i duh ang em?" A ṭhutna a ṭanga dinchhuah pah chuan a ti a.





"Oh ka duh zawng tak a ni ang chu." Sierra chuan chhoh en chung hian Maddie chu a nuih pah sang a. "Chu loah kha pawisa $1000,00 kha a rawn kal mai dawn tawh leh nghal, chumi hunah chuan kan intur zawnga kan vah chhuah nghal a ngauh ka ring."



"Ka nghahhlelh zawng tak." A nui ve hak haka .



"Ok, kei pawhin Jonas a office a ṭnaga a rawn kir leh hma ngeiin ka thil ho ka lo lak chhuah a ngai dawn."





"Engtin nge luh i tum?"


"Chahbi ka la nei reng a lawm."


"I thawmhnaw leh  i thil ho te chu a pe fai vek tawh a ni lo'm ni? "






"Pe fai vek tawh e, mahse ka sawi zawk tak chu ka personal thil tak tak ho a nia ka tih, ka nu leh ka pa Luke thla lak eng kim ka kalsan tel vek si a." Sierra chuan a ti sap a.


"Anih leh kal ang, elvator thleng ka lo kalpui ang che."





Sierra pawh chu a ding chhuaka, an thil ei man te an pek fel hnu chuan penthouse panna elevator lam chu an pan dun leh ta a.





Elevator an then hnu chuan hna thawh zawh lama inhmu leh  tura in ti in an inṭhen ta rih a, Sierra in penhouse chhung a lut chu a zam deuh thut, thidang mai dawna ingriatna a neih phah hial a, engvanga chu hmun a a luh leh mai a vanga chutianga awm nge a nih tih erawh ahre chiah lo.


A thil ho chu lak vat vat a chu hmun a ṭanga rang taka chhuah leh vat chu a rilruk a, a ngaihdan pawh a ni chiah reng.


Jonas chu thinrim zet hian Lucas chu phone ah bia in, a chunga thil thleng zawng zawng chu a hrilh vek a, "Luca vawi engzah fakau nge min tih hnual tawh tih hi i hria em?"





"Ka hria a lawm, Gregory kha ka ngaina ngai hauh lo, a mizia kha a duh zawng a ni hek lo, a ni pawhin chutiang tho chuan min ngai ngei ang, mafia kan nih mai a vangin min haw em em ringawt a, mahse ngaithla rawh Jonas i pu a ni a, hetiang lutuk a khauh hian a kalsan tawp lo ang che, i putea rochan tur chuan kha company kha dah hlek suh, a ni chuan a chen ral nghal ang a, a tlukchhiat tir bawk ang."





"Chuvang chuan i chhuahsan dawn angin ngaihtuah pawh ngaihtuah suh, he thil a ṭanga chhuahna kawng hi chu a la kaw em em ang tih hi ka ring tlat bawk."


"Chutiang a awm lo, i sawi anga chhuahna kawng kua pakhat te mah a awm lo."


"Pakhat tal pawh a awm theilo tihna maw Jonas."


"Tun ṭum chu a awm thei hrep lo ka tih chu!"



"A va mak awm ve maw le Jonas."



"Chhuah chu a hnailo khawp mai." A ti ngui leh ruih a.


"A nihloh pawhin a awlsam zawngin i han ngaihtuah chhin teh ang, a ni chu nei ta ang la, i duh hun hunah i ṭhen leh mai anga, a pawi vak dawn emaw ni le."


"Luc kha nu kha rekhlum lo a him pial a chhuah tur chuan room khatah minute nga chhung lek pawh ka awmpui theih ka in ring lo." Jonas chuan thawk a la pah hrawih a.



"Engvangin nge inneih zawh hnuah Sicily i rawn kal mai loh ang? I ngaihtuahna te kha i thlifim.pah bawk ang a, i ziaawm phah mai thei bawk a sin."












"Yeah, chu chu a ṭhat ka ring viau mai, a nih leh kar leh lamah ka rawn be leh dawn che nia." A office kawngkhar kik ri a hriat chuan a ti ta a.






Phone a cut hnu chuan a nu kawngkhar hawnga rawn lut mek chu rum zet hian a lo melh run a.



"I la inbeng dai thei meuh na nge?" A nu chuan a hmel put hmang chu a rawn hai lo kher mai.


"Mom tunah rih chuan khatiang lam kha chu sawi rih lo teh ang." Jonas chuan a ti nghal nghut a.



"Ngaithla teh Jonas, eng buaina nge awm tih hi ka hrethiam lo tak zet zet kei chuan, nang leh Sierra in innei dawn a ni mai a."






"Mom, tuna ka hun tawn hi a harsa lutuk rih, ka inrin tawkna te kha ka hloh zawh hma ngei hian chung thil chu sawi rih lo phawt ang, nakin lamah kan la sawi zui zawk dawn nia."






"A ṭha e Jonas, i unaunu leh Harry hruai turin Airport lamah kal ka lo tum a."






"Kha uipa kha ka lak a ṭanga hla takah i dah ngei ka beisei e."







"Khatin sawi suh Jonas, i pahrawn a nih hi! Tlem tal chuan a mah i zahna hi chu lantir ve rawh."







"A teuhlo mai, ka tan engmah a ni hrep lo ve, ka pa chu a thi tawh." Thinrim.zet chuan ati chhuak tuarh a.






Hane ngei pawh a thin a rim ve ṭan tawh tih a hmai sen tan ṭan a ṭang chuan a hriat theih nghal, "Jonas puitlin tum ve tawh teh! Nih leh i unaunu chu i bulah nangmah hmu rurin ka rawn heyai ve dawn nge ni a, a ni pawh ensan a ni ve ta zawk?"







"Devon chu ka tan engtiklai pawhin unaunu a ni reng ṭhin ang, a pa nikhualoh a vanga thleng chu a thiamloh a ni hleinem."







A nu chu ngawi rengin a kal chhuak leh ta , chutiang hrep a ni hman ral chu Jonas chuan peih pawh a peih lo, chu ai chuan haw hma mai a, mahni chauh a hun fal hman in tih harh a duh ber, tunah tak chuan Sierra chungah a thinrim.hle a, kha a fiamthu thawh a vamg hrep a thil engkim hi thlengah a puh zo vek bawk, chu vanga a chunga thinrim viau pawh a ni ni in a in hre bawk, kha kar ruk thu kha a pu hriatah sawi chhuak hrep lo sepa zawng tun dinhmunah hian an thlen pawh a ringlo mai pawh nilo in, a pu chuan he idea hi a nei hauh dawn lo tih na a ni si a,chuvamg chuan Sierea chu tun dinhmunah hi chuan a haw ngawih ngawih a, a mithmuh a a rawn inlan lo pawh hi a tan tak pawh vannmeihna a ni ngei ang, chuti nilo se zawng a rekhlum duh hial ngei dawn si a.








A ṭhutna chair nghenchhan a a kawr chung hak a dah chu la sawk sawkin a penthouse lam pan chuan a inkhalh chhuak ta daih a, hetiang mood off lutuk leh thinrim ṭeuh chung chuan eng hna mah a thawk thei chuang lovang, a penthouse pawh a thleng rang kher mai, kawngka a hawng tur chu a lo inkalh hauh lo,  zing lama a chhuak tur khan a kalh tih a hre chiang hle bawk si a, tu nge lo lut ta ang, a silai a pai reng ṭhin leh a kalna a pianga a ken tel ṭhin chu a briefcase a ṭang chuan thawm dim tak hian a phawrh chhuak a, fimkhur tak leh thawmdim zetin  inchhung lamah chuan a lut ṭan ta a, a beng a pawh a chhi ngun kher mai, Sierra room ṭhin lamah khan thawm.awm than in a hria a, a pan phei zel a, chu ta hlimthla lo lang chu a va hmu ta ngei a, rang lutukin a che chhuak a, a silai chu load nghalin, "Chesawn hauh suh!" Tih chhuah ṭhawt pah chuan a silai chuan a va tawhchilh nghal a.






A rawn hawi chhuak a rawn inher, Sierra a lo ni reng tih a hmu nghal, "Sierra." A ti chhuak nghal sup, a thineimna chuan a rawn luahkhat leh nghal a,"Nagmah leh nangmah inthah tir i tum tihna mi?" A ti chhuak nghal ṭhawt a.


"Kha silai nen khan eng thil nge maw tih i tum hrep chu le?"






"Eng nge hetah te i rawn tih hrep zawk a?"






"Ka thil ho rawn laka chuan i in chahbi rawn pek let che ka tum a."






Sierea la hlau thawng lutuk chuan thawk a la nghal mawlh mawlh, tlem a tlemah a kap lo chauh a ni si a, eng thil nge maw thleng ta hrep chu le? Tih chu a ngaihtuahna a lut lian ber a ni.






Jonas chuan a hnungchhawn nghal vut a, "Eng diklohna nge maw i neih leh tak pek le Jonas?" A ti chhuak thei hram, silai a a tin a vang akhan a lungnilo hle bawk.



"Sierra kal chhuak vat ringawt mai teh."





"Engvanga nelawmloh reng mai nge maw i nih chu le?"






"Kal chhuak ringawt rawh, mahni inhum na hun i neih lai hian." Ti a sawi in Jonas chu a rawn inher leh a, a mit meng erawh a dang lam zo vek tawh tih chu Sierra chuan a hailo hle mai, a meng vawt leh ruih tawh tih pawh a chiang hle bawk.






"Chhuak vat mai rawh i theih lai ngei hian." A vin khum ta tuar a.





"Hei ka ngaihtuah a, nanghi ka that che a nih chuan kha thurochhiah kha engah mah ka chantir lo thei ang em?"





"Eng maw?" Sierera chu a thu hriat chuan a ti phu deuh zawk a, a mengphawk hle bawk.





"Nang hi i kal tawh a nih chuan ka hri gnun hman pawh tlemin a ziaawm deuh tawh mah na." A ti leh nghut a, a mitmeng pawh a vawt zual leh sauh bawk, pawisak pakhat mah neilo hmel hi a pu tawh bawk a.






Mahse Sierea chuan a tihnat a ringlo ve tlat, nimin lamah thurochhiah an chhiar ngei ang a, chu chu a hriat ve ngai ni.in a hre bawk, Jonas tih khum dan a ṭa ga hian a telve tihna a ni thei mai ang em? Chu chu a hre chak hle a, a thil hriat duh a heiat ham chu kalsawn a lum lo lui ve tlat, chumi chhung chu luhlul a chuah luih ngei ngai ang.




"Min ti hlau eih lo." A ti ve nghat a.







Jonas chuan a silai a dah tawh hnu chu rang zeta phawi chhuak lehin a load leh nghal a,chu chuan Sierea chu tin chungin, "Nih leh hei hian a ti hlau che em babe?"





He nu hi ka thah ngei a ṭul, tichuan heng buaina zawng zawng te hi chawp leh chilhin a reh hmak nghal bawk ang, Jonas i silai hi kap chhuak rawh, ti in a infuih ru mawlh mawlh bawk a.





Sierra hmel chu a dang var vek nghal a, a hlau a ni tih chuJonas a hre chiang hle, Sierra thahna hun ṭha tak ni in a hre bawk, Jonas i silaimu kha kap chhuak la, buaina engkim a fel duak ang, a ruang te mai mai zawng dah ṭhat a awlsam dawn lutuk, ti chuan engkim a felfai vek tawh ang.