SEDUCTIVE S II CHAPTER 2

SEDUCTIVE S II CHAPTER 2

Ka thil post khawi emaw bera fakna awmah khan hmet leh vekin second sawm vel tal kan nghak ve dawn nia, tunlai hmettu inchhe lutuk a, kei pawh min ti phur ṭhin lo. Type chakna pawh ka nei ṭhin lo. The contract kha naktuk zanah ka rawn dah zo dawn nia, vawiin ah current kan nei ve chiah a, thawnthu pahnih ka type a, pathum chu ka tlin lo ta deuh a ni e.

PARIS FRANCE....

ELEANOR....

Zing ka tho chu khawsik pawhin min kian san ve tawh a ni ngei ang, ka tho chhuak ka harh vak tawh mai, ka rin dan mai mai chuan ka damlohna ti dam tur khan hmangaihna tlem ka lo mamawh deuh pawh a ni maithei bawk.

"Elo, khatin hmeichhe mawl zet ang chuan khawsa vel lo mai teh!" Ti a mahni leh mahni inhrilh chung a phun chhuah sap pahin shower hmang turin bathroom lam ka pan ta nghal a.

Shower ka hmangzo a bedroomlama ka chhuah leh hnu chuan, Vawiin ni chhuak zet chu a mawi hle mai." Ti a sawi pahin  room chhung tukverh puan zar chu ka hawng nghal a, tukverh puan zar ka keu kau chiah nizung chuan room chu a rawn chhun pah raih bawk a, hmuh a nuam kher mai, zing ka thawh hnu chuan Wesley chu ka hmu tawh hauh lo, a room lamah ka la awm reng tih pawh ka hria, engtiklai in nge a thawh chhuah tih lah ka hre hek lo.

Tun ang hun zing dar riat angah hi chuan hmuh tur a awm tawh dawn lo tih chu thil choang sa a ni.

Nimin lama ti tur a min tih comapany chung chang a report pek tur ho kha kengin helai a ṭṭnga hla vak lo a company lam pan a insiam a ka chhuah ngei a ngai ang, tunah chuan ka dam ṭha leh tawh bawk.a, he hmuna kan awm chhung zawng a hna thawk miah lo a awm bik nih pawh ka duh dan a ni hek lo.

Towel a intuam chho ṭat ṭat chungin ka room lam chu ka pan chho ve ta a.

Ka thawmhnaw dahna chu ka hawng a, keimah ka harh van tawh em a vangin, ka thawmhnaw hak tur thlan lamah pawh ka duh tui phian, formal & basic dress a inthuam chu ka duh a, chu chuan min ti zahawm ang a, ka lang smart hle bawk ang. Shirt var a ban half leh leh skirt senduk chhing ṭha tak tight lampang ka thlang chhuak a, pheikhawk bun nuam.tak tur flat ka thlang chhuak bawk a, ka pawn fen rem tur takin nghawngawrh sen ka thlqng bawk a, ka sam chu mam taka khuihin ka hnung lamah ka ṭawn kawh ngauh bawk a.

Ka inthuam.danah chuan ka lung a awi viau, kal hun ni tawh in ka hre bawk, ka bag chu la in ka phone leh ka thil paeimawh engilo te chu bagah chuan ka thun sawk sawk a, ka room chu chhuahsan in inhnuai lam ka pan thla ta a, french ṭawng ka thiamloh a vangin online cab ka book a, a bulah chuan Wesley text message a hotel company hming a sawi Fichier chu ka hmuh a, buk nghut pahin chulam pan chuan min hruai ta nghal a, rei pawh kan tlan lem lo, car dinhnu chuan ka chhuak a, hotel lian zet mai kawtah hian ka lo ding reng tawh a.

Ka dinna kawt a building sang ṭha tak lo ding to lurh lam chu ka hawi chho vang vang a, chu hotel chu NewYork lam aimah khan a letin a pui zawk ni hian ka hre bawk, a sang ṭha hle bawk a, ka rin dan mai mai chuan chhawng sawmthum chuang zan chu a ni ngei ang, chulam pang chu ngaihven lo in a chjungah chuan ka lut ta zawk a, an chei dan pawh New York lam nen chuan a in ang lo hle a, NY lamah kha chuan oak thing an uar hle a, hetah erawh chuan glass leh steel an uar mah zawk, reception table pawh chu glass a ni in a ṭhutna chair pawh steel a ni a, a chhungah pawh chuan room hran hran a pin dan eng eng emaw chu glass vek a ni.

Chu building chhung a ground floor ka luh chuan ka dinglam oang kil khatah hian reception a awm a, chumi hmun lam chu panin ka office tur pawh a ni hian min hrilh theih ngei ka ring bawk, a chhan chu french ṭawng ka thiamloh a vangin mi pang ngai ti emaw ka be mai mai thei talt lo.

A bul ka va thlen chuan chu nu chuan nui hmel min lo hmuh sang nghal a, min biak hun pawh nghak khawmuang ta lo chuan, "Hi, Mr.Cooper secretary ka ni a, helai hmuna kal tur a hrilh hi ka ni a, chuvang chuan vawiin hian ka office a tan khawi room ber nge ka hman theih ang?"

"Oh, welcome, i awmna tur chu room 23 a ni ang a, chu chu 6th floor ah a awm ang, chu chu i tan a hauh lawk a ni e, chuan i duh a nih chuan khami floor ah tho khan massage room a awm bawk a, chuan a chhawng chungah chiah khan i awm hahdam duh a nih chuan private gym leh pool a awm bawk ang, chu chu he company in a a neih ngei ngei te an ni e."

Wow, a pui hle mai, ka lo ti rilru nghal pang a.

"Chung chu min hrilh a vang chuan ka lawm lutuk e, mahse hnathawk tura lokal ka ni a, chung erawh ka mamawh ka ring lo, ka room tura min lo hauh sak chiah ka duh ka ring."

A hmelah chuan mak a ti deuh viau ni hian ka hria, mahse engmah erawh a sawi chhuak ta lem lo a, "Ni nuam.tak i hmang dawn nia, Miss Cooper."

Min kohna a vang chuan ka phu deuh zawk, Miss Cooper a ni? He nu hian eng nge maw a hriat cgu le?

Oh, a dik tak.ang ka lo theinghilh hmin dera lawm maw le, elevator lam chu nuamlo ti zet hian ka pan ta a, button awm ah chuwn  6th floor ka hmet nghak bawk a, elevatora ka awm lai chuan.ka phone phaqrhin message lo thleng chu ka check ta nghal a, 7 missed call George hnen a ṭangin, eng thil tak chu a chungah thleng leh tawh ang maw?

"Nilo, chulam chu ka ngaihtuah rih tur a ni lo, tunah chuan ka hna thawh turah hian ka rilru zawng zawbg ka pe rih ang, chuan he hmun ka chhuahsan hunah ka la call back mai a ni zng chu."

Arthur hnen a ṭangin message pahnih leh Sam hnen a ṭangin message pakhat.

Arthur message ka en vel lai tak chuan 5th floor a thlen chuan elevator chu a ding a, tunge lo lut tih pawh ka ngaihven lo, a chhan chu ka message dawn en a ka buai lai tak a nih a vangin,

Arthur chuan ti hian a rawn sawi a.

# Good morning Eleanor, vawiin chu i dam ṭhat tawh ka beisei.

#Hmuh leh che hi ka chak khawp mai, i bulah khan hun nuam leh hlimawm tak ka hmang in ka inhria. *wink*

Arthur mizia lawmawm zet leh a hmel nelawm zet kha a message ka dawn nen chuan inhmeh hle a ka hriat a vang chuan a message ka chhiar laia a hmel awmdan tur vel ja suangtuah a vang chuan ka nui chhuak hak a.

"Wink maw? Eng nge wink awmzia chu ni a?"

Thawk a la ri hawk a, "Eleanor kha pa chungah khan eng thil nge i tih leh tak?"

Chu thu ka hnung a ṭanga rawn sawi tu aw chuan min ti phu nasa kher mai, ngawi rengin ka phone screen chu a lo bih ve reng tih ka chiang hle bawk, "WESLEY MIN TI PHU CHIANG LUTUK, HETAH I AWM VE TIH HI MIN HRILH VE TUR CHE A NIA."

"Engvangin nge Arthur message i chhiar a vanga i nuih kher chhan?"

"Ugh..... " ka hmui ka hup khum ringawt a.

A,mah chu melh chho ve in, "Nangpawh good morning le."

Ka thusawi ah chuan a lungawi hmelloh kher mai, ka chhanna a nghak reng a ni tih hriatnan a mithmul dum ṭha zet mai a sam rawng ang mai chu min tih nur khum nawng a, a mit mu grey chuan khap hauhlo hian min mlh chhuk reng bawk, chu chuan ka thin a ti sa nghal zawk, ka kur zung chal a kawh deuh sak oah chuan, "Arthur message ka chhiar a vanga ka nuih leh nuih loh chu, engvanga lo care viau zawk nge i nih a?"

"Ka hre bik lo." A khabe dawm run pahin a mita min enna chu a la sawn a, mahse khawdang chu hmu pawh in a hriat tak tak chuang loh.

"Ngaithla rawh...."

"Eng nge i duh a?"

"He hmun ka rawn thlen hma zawng kha che eng nge i ngaihtuah a, engrilru nge i put ni ang tih hi ka ngaihtuah char char a, mahse tunah chuan chu ka thil ngaihtuah buai em.em chu i ti tawp ta chiah e." Ka nui pah var var bawk a.

"Eng a?" Min rawn mrlh chhuk leh a, ka thusawi awmzia chu a hriatthiamloh hmel kher mai.

Ṭawng leh tum a ka an.ziau lai chuan a rawn ṭawng chhuak leh nghal a, "Ngawi lawk.teh, eng nge i sawi dawn tih hi ka hre chhuak leh si." 

A mengkual pah rulh bawk a.

Nuihza in sum.zet chung hian ka sawi tum chu ka sawi chhuak ta tho a. "A chhan chu maw i thik tih hi ka hre chhuak maw le."

"I saawi dawn tih hi ka hre sa rengah."

Ka nui chhuak.hak hak a, "Ni e, i thik chiang a lawm, Wesley Cooper hian thikna te a nei ve ta a nia le."

A phone chu zah zelah a khawih nge pawh ka hre lo, a phone a khawih leh mual mual tawh a, "Khawngaihin i ngawi chip cham.thei em?"

Melh pawh min rawn melh leh tawh lo hrim hrim, hei hian ka thinrimna a ti chhuak ziah ṭhin, "A teuhlo mai, i thik a ni ti a ka sawi i pawm hma loh chu ka ngawi hauh lo ang."

A rawn hawi chhuak a, elevator chuan 6th floor a thleng tih hriat zet hian a ri nghal tlang. "En teh, 6th floor pawh kan thleng der tawh a nia, vawiin kha hetah hna thawh ve i tum a ni lo'm ni kha?"

"Kan thusawi lai kha thil danga tihpen.tum mah suh." Ka men nur khum nang a, ka kut chu ka kuang kuah hlan bawk.a, cho zet hian ka melh chho ngei bawk.a.

A phone melh leh daihin, "Miss Garcia hna chu thawk phawt teh!"

A mah chu pan hnaiin a electric blue tie ah chuan vuanin a mah chu ka lamah ka pawt hnai sauh bawk a, chumi hnu chuan he thu hi chiang taka a hriat tur chuan ka hrilh ta a, "A ṭha a lawm, mahse he thil hi a la tawp hauh lo a nia."

Ka inher nghat a, elevator chu ka chhuahsan ta nghal a, elevator ka chhuahsan chiah a nui ri hawk ri ka hriat a vang chuan ka va in her a, a thawmhnaw inbel chuan a ti lang ṭha tak zet tih hi ka chiang hle bawk; shirt dum ban bul a inbel a, cotton jeans dum bawk a ha bawk a, chuti ang bawk chuan a sam chu a dum ṭha hle a, a kawi lek lek bawk a, a mitmeng ah chuan nuihzatna hi a pu lek lek a, a meng de sawr bawk a, a sam chu a chal lamah chuan a tla deuh chhap a, tlrmin a thur deuh chhap bawk a, a ṭhat dan em em chu nep phal chi rual a ni lo, a khabe hmul pawh chu nithum lai ziah fai tawh loh ang mai hian a ṭo deuh siar siar tawh a, mahse chu chuan a hmel chu a tilang pa leh zual sauh zawkin ka hre bawk, a taksa a shirt hak chhana lang deuh ri riai a ṭang chuan a thahrui a ngah zia a hriat hle bawk a, a hausakna chauh nilo a hmel put dan zawk tak hi tu hmeichhe tan pawh a han nep phal chi rual a ni lo tih hi a ti lang ching hle bawk a ni.

Yes, ka thik ngei a lawm, a chhan chu vawiin hian i lang sexy em em a, chu mai pawh nilo in, kha i taksa nalh tak mai kha eng dangmah ngaihtuah lo lek a hrawm nawk nawk ka chak, chuti ang ti chak tak a ka mit hi i siam a vang hian ka lawm e.

Chutah sexy zet hian mi en reng chung chuan a nui suk bawk a, elevator kawngkhar chu a inkhar zui ta a, elevator door a inkhar ka mit ka khap ve chauh, What the....  Wesley khan heti ang thu hi ka lakah a sawi pawh ka la hre ngailo a, chuvanga mak ti taka awm pawh ka ni reng a ni, kha thil kha in flirt na ah ka pawm thei ang em?

He pa hi chuan engtik lai mai pawh hian chiai taka min siam dan hi chu a hre chiang hle in ka hre bawk, thawk ka lak halh hnu chuan corridor zau puiah chuan ka kal ta hnak hnak a, vawiin ni a ka thawhna tur room kawngkhar bul ka thlen hnu chuan ka thaw huai a, ni rei tak chu a ni dawn chiang a lawm.....

Ni e, hna ka thawh hnu thleng chuan a hma a ka lo ngaihdan ang takin nirei tak a ni reng a ni.

French a ṭangin phone call sang chuang a rawn kal a, an ṭawng ka hriatthiam miau loh a vangin eng thu nge sawi an tum tih ka hriat a ngaih si a vang chuan phone chu keiman direct in ka be thei lo a, chu mi a tana ka neih sa office a kan translatetor chu ka hlan hmasak a ngai zel a, phone call lokal a tam.bawk nen, hmeichhe khawngaihthlak tak zawng a ni in ka hria, english a min translate sak hnu ah chauh kei in thil tih tur ka hre chaih bawk si a, chuti ang chi partner chu neilo phei ila zawng....

Ka chau kher mai, haw a hun dawn tawh a ka hriat hnu chuan haw tura insiamin ground floor lam chu elevator bawk chuan ka pan thla leh ta , inhnuai ka thlen a ka han hawi chhuah nak chuan ni pawh a lo tla lek lek tawh tih ka hre chhuak ve ta chauh a, vawiin ka thawk nasa lutuk kha kei ngei pawh ka chau hle , "Mahse ka hlim a ni, engmah hmaih nei hauhlo a vawiin ni ngei a engkim.ka tifel thei kha, ka vannei viau ni in ka hria." Ti a sawi pah chuan ka hαm deuh bai bai bawk a.

Chutia haw tum leh chu office kal chhuahsan tuma a ka intin tuah lai tak chuan ka hnunglam a ṭanga ka hminga min ko tu awmin ka hria a, ka hawi let leh chiah chu Stephen Cooper ka hma chhawn ta nghal a.

"Good evening Miss Garcia." A nui pah sawng a, Wesley nen hian a pa hi an in ang viau a, mahse an mizia erawh a in ang hauh lo thung, hetah te eng nge a rawn tih ve tih chu ka hre miah lo, mahse a lakah ṭhat chhuah hram hram chunga ṭha taka ka biak ve erawh a ngai ngei ang, chuti lo zawng Wesley thleng thlenga a mualphona tur a nih miau a vangin, midang lala ennawm chhuahtu nih chu ka duh dan a ni lo bawk.

Ka laka nui hmel a la pu sawng reng mai chu ka beng chawrh chak, lem a chang thiam hle ni in ka hre bawk, kan pqhnih chauh chuan awm ni ila zawng ka lakah ṭhat a chhuah hauh lo ang a,  ṭawngkam na leh dengkhawng zet zetin min ṭawngkhum leh zawk tawh ngei ang.

STEPHEN COOPER....

Wesley chuan Paris a a awm chhung zawng chu chawlh min pe a, kei pawhin ka hnial chuang lem lo, a chhan chu kei aia thil a tih theih zawk vang leh kan client te a biak theih zawk miau a vangin, mahse Eleanor laka a mit a del tlat erawh ka haw hle a, tunah hian thil pakhat chiah beisei ka nei.

 Eleanor hi heta a rawn hruai chhan chu a personal secretary angin a ni a, hna a thawh tir ve ngei bawk ang, chumi hun chu lo chan a Wesley thuruk hi Eleanor bulah sawi a ni tawh nge ni tawh lo tih ka hriat a ngai ngei ang, chu chiah chu ka tana beisei tur awmchhun a ni in Wesley hian Eleanor hi a hmangaih tak tak leh tak takloh ka hriat theihna awmchhun tur a ni bawk dawn a ni.

Chu thil tih tum chuan he officeah hian ka kal ve ziah ṭhin a, mahse Eleanor hmel reng ka hmu lo, ka beidawng ṭan deuh tawh a, heti ang chung chang thil hi Aida chuan a hriatpui em tih leh an inhualna hi a lem mai mai a ni em.tih hi zawh ka duh rum rum tawh, mahse Aida chuan a unaupa chung chang thu hi min hrilh duh hauh lo ang, an pahnih hian pa anga min enlohna a rei tawh em.a avangin, a unauoa lamah a ṭang tlat dawn tih ka hre reng, mahse vawiin chu ka tan vanneihna a rawn inher chhuak ni hian ka hria.

Inhnuai lam a ka chhuk chu Eleanor ngei mai chu ka hmu ta a, hetah a lo thawk reng ṭhin tihna maw ni a, a tha e, Wesley hian ka lakah thuruk eng ang pawhin tum mahsela a ti thei tak tak lo ang, kei hian chuti ang zawn chhuah mai mai te chu ka thiam zawng tak a ni tlat, Eleanor chu a kal chhuak ang tih hlau zet chungin ka au ta a, ka au ring bawk a, a rawn hawi ve nghal a, kei pawh a hawi rual deuh thaw in a bul ka thleng phei ve nghal.

"Good evening Miss Garcia." Ka nui pah sawng bawk, ka thil sawi tumah chuan ka rilru leh tih takzet a ka sawi ngei a ngai dawn tih lah ka hai hek lo.

"Eng nge i an?"

A laka nelawm thei ang bera lan chu ka duh dan a ni, chuti lo zawng engmah mon sawipui lo in a kal leh daih ang a, ka chance ṭha tak neih hi a bo zo leh vek mai ang tih ka hlauh a vangin, ngei hle mah ila, a laka zaidam tak ang a ka lan hi tha berin ka hria.

"Ka hna ka thawk zo ve chiah a, chuan haw mai ṭha in ka hre bawk a."

A ṭhat chu, oh, mahse thil pakhat....." ka khabe chu ka dawm deuh run a, sawi chhuah hreh hmel zetin ka awm bawk, chu chu ka tih ngei tur a ni, sawi chhuah chak hle mah i la.

"Eng nge sawi ta che?"

"Ka ngaihdan chuan heta i awm chhung hian Charlotte tih hming i hriat tawh ngei ka ring."

"Huh?" A bangbo hmel hle a, Charlotte tih hming pu hi a,lo la hre lo pawh a ni ngei ang.

"Charlotte maw le."

"Ka ngaidan chuan ka fapa hian a hrilh daih tawh che emaw ka tia, a dik em?"

"Aih, tu nge Charlotte hi ka hre hauh lo."

Oh, Wesley chuan ka thil tih tur kawngah min va han pui nasa tak em, tiang a jih chuan ka thil tih tur hi beih vak pawh ngailo in a awlsam dawn hle mai.

Tun thleng hian tunge Charlotte hi tih chu a la hre lo a nia le, hei vang hian he nu hi Wesley chuan a ring hauh lo a ni tih ka hre thei bawk, " I fiamthu a ni mial zawk lo maw? A chhan chu heti ang chung chang Wesley an a hsn hrilh miahlo mai che hi thil tih awm.pawh va ni suh!

"Ka lo ngaihdan chuan inpahnih a in relationship hi a takin a nghet viau a, midang pawhin a awlsam taka in ib kawp ngheh zia thu an sawi theih ang chi hi enaw a nih ka lo ti mai a sin." Chuti ang ka,sawi chhung chuan a hmel chu chik zet hian ka en ru reng bawk a, a hmel eng tak kha a dang telh telh tih lah ka hai hek lo.

Ka kut chu ka kekawr ipte a zen luh pah hian, "Tunah chuan chung in relationship neih te chu a tak tak a nilo tih ka hmu thiam.ta e." Ka ti leh kher a, a hmel chu tawrhna hlir hian a khat tawh ni berin ka hria, a rawn sen chhuak ṭawn ṭawn a, a dang var leh pap bawk a, chuti ang thil chu hmuh nuam ka ti hle, ka plan a thawk ṭha viau bawkah ka ngai.

"Eng nge i thusawi awmzia chu?" A mit ko min san khumpah  ak a.

"Eng thil mah hi lo sawi chhuak tur ka nilo in ka hria.....a mah erawh chu tun thlenga i laka Wesley hian zep thei a ni hek lo, heti ang thil hriat ve na kawngah hian dikna i neih miau a vangin."

"Tu nge Chatlotte hi tih ka hre miah lo."

"A mah hi a nia, Wesley hmeichhe hmangaih ber leh a hmangaih reng fo tur chu, chu hmeichhia chu Charlotte a ni a, a hmun ruak chu nang hian engti kawng mahin i luahlan thei hek lo ang."

ELEANOR.....

Stephen Cooper thusawi a vang chuan Wesley chenna a pa nupui hualin a thusawi kha ka hriat chhuah zawk phah a.

ELEANOR FLASH BACK

Dear ngaithla rawh, Wesley hi sualna kawng lamah thlem.thluk i tum a ni maithei e, mahse hei erawh i hre dawn nia, i ti thei chuang lo ang, a chhan chu hmeichhe dang a hmangaih tawh miau a vangin, chu a thinlung ah chuan nang hian hmun i chamg tawh lo."

"Hmeichhe pakhat a lo hmangaih tawh a, chu hmun chu nang hian i luah leh thei tawh ngai lo ang."

"Chuvang chuan maw silly i dinhmun hi hria ang che."

Kha nu thusawi awmzia kha ka hrethiam ngai hauh lova, Wesley khan girlfriend a nei a nih te ka lo ring a, mahse chu mai a ni hauh lo, Wesley chuan.hmeichhe hmangaih zet mai a lo nei reng tihna a nih zawk chu, tunah chuan engkim ka hrethiam.ta vek mai, ka duh lih loh thil thlengin a ni ka hriat thiam.tak zawk chu, midangin hmangaihna avanga thinlungna an tih hi tunah chuan.ka hrethiam.ta viau mai, hei vang hi em ni mahmi inthah duhna thinlung hial te an lo neih tak chhan?

"He thil a ṭang hian ka fapa chu min lak bo sak theih in ringin i bei a tiraw? Mahse i ti dik hauh lo, i ti diklo lutuk zawk." Stephen chuan min la tih khum zek zawk a, mahse a ni ṭawngkam na tak min hman khum na aia na tawrh tur tunah ngei hi chuan ka nei, thildang engmah in natna min thlen thei tawh lo.

 Tuna ka natna ber chu hun kha leh chen chhunga Wesley an min hmangaih ve ni a ka lo rinna zawng zawng te kha engmah loah an chang zo tih ka hriatna a vang hian dam reng si in natna thuk tak tuarin ka nung dawn ta a nih hi, tunah chuan dam reng chung si in a ni telin ka thi tawh ang, chu thil ka ngaihtuahna chuan min ti na fe zawk, a chhan chu he ka thinlung hi Wesley ka pek pawh miau a vangin.

"I duh chuan i pasal hual pawh Charlotte chung chang chu i zawt thei ang."

A chhan chu i lakah puan chhuah a duh dawn si lo a, chuai chuan zep tlat a tum a ni lo'm ni?"

"Hei hi ka thang a nih loh pawhin thildang eng emaw tak chu a ni ngei ang." A kun deuh nguih a, a chal chu tuai zauh pah hian.

"Bussines man ka ni a, mahse ka fapa hmangaihna lama a relationship hi ka care i viau ringlo  em ni?"

Eng nge a chhan ka hre lo, mahse he pa hian thudik tak a sawi tlat a hriatna ka nei tlat pek a, engvang a Wesley chuan ka laka chu thil chu zep a min hrilh duh miahlo nge a nih reng ka hre lo.

Engvanga Wesley hnena zawt tur a min ti nge a nih chhan lah ka hre hek lo.

Eng vanga Stephen hian dawt min hrilh tur a beisei tlat nge ka nih lah ka hre hek lo.

Ka duh ber chu Pathian hming pawhin ka sawi ngam sak, chu hmeichhia Charlotte an tih chu Wesley hian hmangaihlo in kei hi min hmangaih zawk se ka tih vang chauh ni in ka hria.

Thudik tak ni a ka rin ber chu ka han hrilh ang che,kei hian Wesley i hriat hma daih khan ka hre tawh a, a pa ka nih a vangin ka hre chiang hle bawk, chu hmeichhia Chatlotte chu theihngilhna turin hmeichhe dang a hmang ṭhin a, a kawp hnem tawh viau bawk, chuti ang ho hmeichhia ang lek chu nang pawh hi i ni ve tih i lo hre dawn nia, Wesley an a Charlotte theihnghilh a tum.na lama a kawp ang chi mai mai hi, nakin lawkah nang pawh hi mi dang chunga a tih ṭhin dan angin a la thlauhthla veleh ngei ngei ang che, chuvang chuan khua a tlai hma hian in sa seng la, i tan.pawh a ṭha zawk ngei ang."

"Mipa ho tih ṭhin dan a ni tih te chu hre ve ta che....."

Ka bengah chuan khami ni pool a Wesley thusawi kha vawisang tam tak a ri nawn tlut tlut a, chu thil chu a mah in a chiang taka a sawi chhuah a ni bawk, "HMANGAIHNA HI KA RIN ZAWNG A NI VE LO." ti a a sawi kha.

Tun hun tleng hian ka lak a a thil tih chu kha a hun kal tawh a hmeichhia a hmangaih tak theih nfilhna tur khan maw lo ni a?

Dawt min hrilh a. Engvang in nge? 

Dawt min hrilh a vang chuan eng nge a tan hlawkna awm.

Zawi te te in kan hun hman dan zawng chu ka ngaihtuah kir leh a, engkim.mai chu a inhmu rem.ta thlap vek a, chu chian ka thisen kal lai zawng zawng te chu a ti zo bulh bulh ni hian ka hre bawk, tunah hian ka thinlung zawng zawng chu them te te a hleh ral rak ang mai ni hian ka hre tawh, Wesley chuan.kei anga hmeichhe mawl hmangaihna kawng a tem la nei ngailo hi chu a hmeichhe hmangaih tak theihnghilh nan chuan a lo bum thlu ṭhin tihna a nih tak ber chu!

"Well, hnathawh tur tam tak ka nei a, thildang hriat belh duh te i la nei a nih chuan ka card ka number awmna pawh i neih tawh kha."

Stephen thusawi pawh chu chiang takin ka hre zui tawh lo hrim hrim. Wesley nena kan hun hmandan tam tak bgaihtuah kir tur ka neih miau a vangin.

"Eleanor Garcia kan inhmuh leh vat dawn nia." Stephen chuan min kalsan ta a, kri erawh kan dinna hmun pawh sawn theilo in rilru na zet chuan ka dinna ngaiah ka la ding reng a, ka ṭah a chhuak lutuk a, mahse ka ṭah theih chiah erawh ka inring lo, he thu hi em ni Sam pawh khan ka laka a lo zep tlat kga ni ta ang?

Chung thil ka ngaihtuahna zawng zawng te chuan min ti chiai chhe zo vek tawh.

Tuna Stephen thusawi zawng zawmg te kha rinloh ka duh lutuk, mahse min hrilh vawihnihna a ni tlat, chu pawh kei nilo hmeichhe dang a hmangaih ti leh nghalin.

A chhan chu Wesley hi ka hre chiang lo hle a, a ma chung chang tam.tak thil hriatloh ka nei a ni.

A mah a ka hriat chhun zawng chu  mal ngawih ngawihna leh naupan hun laia lunngchhiat thlak zet a nei tih chauh hi a ni.

Chuan a ronantic life leh a hun kal tawh a a chhungkaw chung chang thil erawh 10% vel bak hriat ka nei lo.

Engvang a inbumna mai a ni ti a ring tlat nge maw ka nih le? Muang chang in ka inher a, a company a ṭang chuan mit tui tlingpam chungin ka chhuak ta hnak hnak a, pawn ka chhuah hnu chuan ka mittui a dir nghal zung zung a, ka ṭap tih pawh ka inhria, engvang a engah maha hmantlak loh leh bum.mai mai theih ni a inngai tlat nge ka nih chhan?

Nilo, chuti ang chu a ni theilo. Ṭap ri ngam chiah silo hian mahni leh mahni inkhawngaihna a vang chuuan hmun kil khata ding chungin zawi te te hian ka ṭap chhuak a, a ni theilo, a ..... engkim mai hi a fair mawlh lo.

He ka thil tawn hi a nunrawn thlak lutuk, engvanga ka hun tawn hrim hrim ah hian vanduai em em zel nge maw ka nih chu le, ka tan hian hlimna pakhatmah hi hmuh ve tur a awm lul lo em ni?

Chumi ni nileng mai chuan Wesley chu hmuhloh hram.hram ka tum a, khatiang thil ka tawn tawh hnu ah leh lek phei kha chuan engtin nge kei tehlul hian a hmel ka hmuh leh theih tawh ang ni? ka thei lul lo mai, a chhan chu a mah a hmangaihna ka neih zozai te kha a let leh theih tawh pawh ka ring lo, engkim.a mah ka lo hmangaih ve na zawng zawng te kha tawrhna ah a inthlak thleng vek tawh ni in ka hria.

He thil hi hmangaihna beidawn thlak an tih ang chi hi a ni thei mai ang em? Hei hi ka hre hma emaw ka hre tlai emaw pawh ni sela, a mah ka biak ngei chu a ngaih ka ring.

Chuti ang thil a thleng tawh hnu thleng pawh chuan ka hnathawhna a ka boss leh kan fa adopt na a naute pa a la ni reng dawn si a.

Ka rilru hah leh ipik lutuk tih tur hre lo chuan Arthur chu ka phone ta ringawt a, a ni hian a fiamthu thawh te hmang khan ka nun nguai lutuk tur min eng emaw kawng tal a reilo te chhung tal min chhawk zangkhai sak theih ka ring a ni.

French barah kan pahnih chuan lutin eng eng emaw sawiin kan ti ti dun malh malh a, intur pawh kan dawm dun zauh zauh oah bawk a, mahse ka rilru nat a vang mai a rui hnap a awm erawh ka tum hauhlo thung!

Wesley ngaihtuahloh tum tak chuan harsa takin ka bei hram hram a, mahse darkar a liam a, ka ngaihtuah chu a mah a ni keh tho zel.

A kut tha chak tak leh a hmui nalh tak te, a sam dum hlap mai kawi lrk lek nal han te kha, a aw ka pa leh mihip thei tak mai a ka hming sexy zeta a lamna te chen chuan ka thlusk burah chuan an ri nawn awn awn reng mai chu a ni si a le, ka theihngilh thei tak tak pawh ka ring lo, keimah a hmangaihna awm chuan chi a tuh nghet tawh talt.

Ka hmel ngui zet chu mi tih hlim tum tak chungin Arthur chuan a hun tawn tawh a nuihzatthlak zet zet te chu a sawi reng a, nuih pawh ka ka nuih sak lo tih ka hriat chuan ka ngaihtuahna a Wesley chu theih tawpa bei a dahbo tum chungin Arthur fiamthu thawh na lam chu ngaihven ka tum.ta zawk a, "Ka restaurant chawlhna pakhat a waitress hnenah chuan in tur soft deuh tak min lak sak turin ka ti a, a ni chuan milk min rawn lak ta a."

"Oh, tak tak maw?"

"Eng pawh ni se, a soft ṭha in a tui tho." Kan nui dun ta a.

Chumi hnu chuan ka ham deuh bai bai a, ka hnarhawk hah bawk nen, ka taksa a la chak vak lo rm em a, inlama hawn a mut vang vang mai chu ka thil chak ber a ni tawh.

"Well...inlamah haw tawh mai ila ṭha in ka hria."

"A chhan chu Wesley sn min lo ngaihtuah dawn lutuk ringawt, khawiah nge ka awm a hre dawn der silo."

"Oh." A hmel chu ka melh chho zauh a, a ngui nghal ruih ni hian ka hre bawk a, mahse ka haider sak lui tlat tho.

"Eleanor."

"Arthur diklo a awm em ni?"

"Thil pakhat ka,zawt thei che ang em?"

A zam ve hle hia ka hria a, a thil sawi lai chuan a nghawng hnunglam a tuai ve nuah nuah mai.

"T...tehreng mai."

"Wesley hi i hmangaih tak zet ti raw, a dik em?"

"A pawimawh ber lo."

"A pawimawh lutuk a sin, a chhan chu maw he i feelings neihna ah hian a ni bak thil ti thei tu an awm miau loh a vangin."

"A laka ka feelings neih te chu a tawp tawh a,lawm."

"Eng nge i sawi awmzia chu?"

Ka nui chhuak hak a, "Theihnghilh rawh Arthur."

"Hlim taka awm.hi ka duh mai chauh a nia, chu zawng chu a ni e."

"Ngaihtuah duh suh, ka zawt nawn leh tawh ngailo ang che." A nui chhuak ve suk a.

Arthur chuan min rawn kuah a, keiin a biangag ka lo fawh sak zauh bawk a, hmel buai ru zet leh hlimloh hmel zet a min en na chu hai der sakin ka lu ka thing zauh a, ka theih ang tawk a nui lui in a tak ang tak tur chuan Arthur chu ka hmuh a, ka theih ang tawk a nuih luihna tak ang tak tur chu.

Kan pahmih a in mangṭha in bar chu kan chhuahsan dun ta a .

Muang changa kalin penthouse lam chu ka psn hnalh hnalh a,  awiawmloh khawp a tlai ah penthouse chu ka thleng ce ta hram a, ka phone ka phawrh a, a screen ka tih en nak chuan Wesley a ṭanga missed call parhum ngawt lo awm.chu ka hmu ve ra chauh a, "Ugh, eng ang chhuanlam nge maw ka sawi tak ang le?" Ti a phun chhuahsap pahin ka chal ka dawm pang ngaih bawk a.

"Ka thlen hun chuan a lo mutthilh tawh ngei beisei phawt teh ang."

"Chhuanlam.engmah ka ngaithla duh lo, thudik tak chauh ka duh." Ka hnunglam a ṭang chuan Wesley aw ngei mai chuan a rawn ti ta fawk a, a aw te chu a chang ṭha fal fal ngei mai, ka mutchhuak zaqng zawmg te oawh a hnawt ṭiau nghal vek bawk.

A thu rawn sawi dan teh thut a vang chuan min ti phu zawk a, ka hnunglam chu ka hawi let chiang khawp mai, chuta ka thil va hmuh chuan min ti ṭim ar ar thei bawk. Wesley mitmeng vawt zet leh hmel chang zet mai chu ka hmachhawn ta a, "Khawiah nge i awm em em a, zankhua in ka zawng ngat ngar che tih i hria em?"

"Ka ṭhian bulah maw le."

"Eng a?"

"I ṭhian i tih chu tunge a nih ka hre ve thei em?"

"Aih."

"Eleanor....." a meng kual pah rulh a.

Ka inher hmak, engmah sawi chhuah ka duh lo.

"Ka biak lai che hian min en ṭhin rawh." Thawk a la ri hawk a.

A lam hawi chu ka duh rih lo, ṭah chhuah hawm hawm ka chak, ti nge hetianga Wesley Cooper nen a kan life awlsam te a bo leh vek tur a ni tih hre reng chung si a, eng vanga suangtuahna hlimawm tak nei nge ka nih ?

"Elranor duh tawk tawh rawh."

"Engvangin nge i ṭap lai hmel ka hmuh tam ang zet a i nui hmel.pawh hi ka hmuh tam chhan?"

"Oh, shut up, Wesley."

"Hei hi .....Arthur vang a ni em lo ang chu ti raw?"

"Sawi ta che, a tih a nih vaih chuan ka sawisa nasa viau ang."

"Engtin nge ka tih dawn tih....."

"Arthur chu awmtir mai mai rawh."

"A bik takin min ti na tu chu a ni nilo in, nang hi i ni zawk a sin."

"Ke....."

"Keimah hi maw?"

Ka lei chu ka seh zauh a, khati ang chung chang kha a bulah hian sawi chhuah kher ka tum lo, ka sawi chhuak palh zawk, a hmelah chuan hreawm tihna ka hmu a, a tuar
hle bawk.

Ruah chu a tla cherh cherh a, kae lovah a rawn tla tam a, Wesley kawr hak te chu a nan huh zawr thuai a, a kawt hak chu a taksa ah a bet thlar a, a taksa thahrui ngah zet mai chu a lang chiang hle, min hnungchhawn zawng chuan a inher nghut a, a hnung lam pang zawng chuan a taksa chu ka thlir dauh dauh a, mipa thahrui nei tak leh pa zet a nih chu ka hai lo, a ni hian ka ngaihtuahna leh feelings ka lo neih ve ṭhin zawng zawng te pawh min neih sak vek a, min khawih a piangin keimah ah phirna a thlen a, khawvela ka mipa tawn tawh ah chuan a ni tluk hi ka la hre lo, mahse churi anga a laka feelings ka neih ṭhin chu tinah hian tih tawp a hun tawh tak zet, a ni hian min hmangaih tak tak lo a, hmeichhe dang a hmangaihna tih ziaawmna a tan chauh min hman a tum tih lah ka hre chiang viau bawk.

Ka hrawk chu hnawhtu awm ang mai hian a ping tlat a hriatna ka. neih a vangin, ka thusawi leh tur pawh ka sawi zawm thei lawk lo a, ka tan chuan ka bula ding mipa hi ka engkim ka pek tawh a vangin, ka ngaihtuahna a ṭanga dah bo tawp chu thil harsa tak a ni ngei dswn tih pawh ka hre bawk.

Mahse ka thil hriat erawh hi chu sawi chhuak turin chakna ka neih a ngai ang, a hre lo a nih chuan ka hrilh hriat ve ngei a ngai, chu thil chu ka tih ngei a ngai ang.

He ka boss nen a kan inhmangaihna kawngchhukchho hi ka suangtuahna mai mai a ni lo a,  kei hian ka ti tawp tawh tur a ni. Wesley Cooper nen a kan inhmangaihna hi ka lo ngaihtuah dan ṭhin anga hmangaihna duhawm zetah erawh a tawp dawn ta lo a nih hi, he ti ang hian a,awm ang a, rilru natakin ka awm dawn a ni tih pawh a hma khan ka hre lawk daih tawh, mahse kha hmangaihna hun reilo te hlimna kha a nilo'm ni um a rilru na takin ka awm dawn tih hre reng chung a risk ka lak tak kha, "Min hmangaih lo..... ka ṭap chhuak leh a, rilru na taka ṭah mai loh chu tih theih ka nei lo.

"Wesley min hmangaih lo.....ni e, hei hi a ṭha mai, mahse nang chu ka thihni thleng pawhin theihnghilh che ka tum tawh dawn nia."

WESLEY COOPER....

Dim zetin Elaenor dar ah chuan ka vawn sak a, a hmel ka hmuh theihna turin ka lam hawi chuan ka kuai her a, tei vak lo chhung chu engmah sawi lo in kan ding dun vang vang a, Eleanor mit chu a ṭah a vang chuan a sen ram mai a, a mit pawh mittui in a chiah huh par mai bawk a, chuti anga a awm chu hmuh hreawm kati kher mai, engvamga a ṭah lai a a nuilai hmel kha mitthla thei ngai miah lova a ṭah a pianga hreawm tihna a khat ṭhin nge maw ka nih le?

"Khawngaihin i chungah eng thil nge ka tih min hrilh thei em?"

"Heti ang ringawt chuan ka chungah i ti theilo ang....."

"Puih che hi ka duh a sin...."

"Nilo, Wesley, min puih i duh hauh lo, nang hian min tih chhiat vek i duh zawk." A mit a ṭang chuan mittui a far leh zung zung a, a mittui a bianga luang thla ngiai ngaiai chu ka kut a hruk hul sak a, ka awma kuah beh a engkim.a ṭha leh vek ang ti a ṭawng thlamuan chu ka duh, mahse ka ti thei si lo, tuna a mi huat ber keh a rilru hliamtu chu keimah tiin a sawi bawk si, chutiang a nih a vang chuan ka hnem duhna pawh ti lang chhuak ngamlo in ka awm phah a, chu thil chu tilo turin ka kut ka hum ruh ngawt ngawt bawk.

"Min kalsan rawh, mahni chauh a mi awmtir hi i thei lul lo em ni?" A ṭap leh ta hlawp hlawp a, Elranor i nat hisn e, kei pawh ka na tel ve ṭhin a sin, engvang a chu thil chu awih a pawm theilo nge i nih, ka hmangaih che a i natna tur hi ka duh ngailo ang, chu ai chuan i hlimna tur a nih phawt chuan midamg hnena hlan mai che pawh hi ka huam a, ka laka i hlim theilo a nih dawn phawt chuan, kei chu nang ka hmangaihna che he ka thinlung hi chu hreawm mahse pawi kati lo, i hlimna tur a nih dawn ohawt chuan, chu thil chu a ri a sawi chhuah ka chak kher mai, ka hrawk a hnawhtu lian tak awm.a vang leh ka awm tawt chho mup mup a vang chuan ka sawi chhuak thei si lo.

A ṭap chu ka hnungchhawn a, hei hi maw? Hei hi maw ka chan tawk chu ni a?

Hei hi em ni hmangaihna chu?

Duat, pawi ka ti lutuk.

Hetiang a thinlung midang laka ka hawng a piang hian an ni chuan ka thinlung chu them nawi te te a nih thlengin mintih keh sawm sak dawn tih hi ka hriat lawk sa a ni reng a ni.

Eleanor Garcia thusawi ka ngaihthlak, "min tih chhiat vek i duh zawk.' tih thu a sawi kha dics kan play a replay ang mai hian ka thluak ah a ri nawn awn awn reng a, chuti anga rilru hreawm zeta kan awm chu khaw awmdan pawhin min tawrhpui ve ni awm zia zang chuan ruahmal a rawntla ta phiar phuar a, ni e, Eleanor nen hian kan inkawp rem thei tak tak ka ring lo, kan dinhmun a inthlau lutuk, a ni chu hmeichhe fel leh rilru ṭha tak a ni a, kei erawh playboy hmeichhe nikhua lo zet zet mutpui reng ṭhin chauh ka ni; ka nunah hian engmah chhuahtur a awm lo, chu mai pawh nilo in kan pahnih inkarah hian thil zep ruk a tam lutuk.

"Engvanga tih chhiat vek che ka duh tih rilru chu pu nge i nih chhan?" A lam hawi chuan zawi muangin ka inher leh a.

Rilru natna a vang a a ṭahna a mittui chu far thla in a biang no tak senno chekah chuan a luang thla ngiai ngiai reng a.

A mit leh a hmai a a makeup hman te chu a ṭahna a vang chuan a pherh chhe vek tawh bawk a, a mittui chu hruhulin "Oh, Wesley hrelo ang tak te chuan awm der vel lo mai rawh."

"Nilo, ka hrethiam hauh lo Elranor." Ka ti chhuak hrawih a, a rilru nat chhan chu eng vang nge tih ka hriat miau loh a vangin, ka kut pawh ka hum ruh hle bawk, ka bulah chuan hnek tur awm remchang phei se chu ka hnek duh hial awm e.

"Kei chuan hei hi ka ring zawk a sin, engkim hi a tawpah chuan kan nei tawh ang a, kan pahnih in life kan ṭan chho dun ang a, inngeih takin kan awm dun tawh ang ti in ka lo ngaihtuah zawk a." Ka thinrim em a vang chuan inseh ruh ṭeuh chungin chu thu chu ka sawi chhuak a, ka thinrim ka insum na lamah ka khaberuh thleng chuan a kham ut ut ni hian ka hria.

thawk ka la ri hrawih ohawt a, ka thusawi chu ka chunzawm leh ta a.

"Chuan hei hi ka ngaihtuah bawk, kan pahnih hian hun ṭha tak tawn tur kan la nei a, chu chu hlim takin kan hmang dun ang ti in.... mahse thawklehkhat ah nang hian engkim chu i ti chhe ta vek zawk ta a nih hi!"

Ngawi renga kal sawn mai tum chuan a inher a, na zet a a banteka ka lo vawn hman a vang chuan a ding leh dat a, ka lam hawi tur chuan ka kyai her lawp bawk a, a ni pawh chuan thonrim.a vangin a meng zim ve san mai, "Min hrilh rawh Eleanor."

"Min khawih suh!"

Thil pakhat tlem te ka duh mai chauh a ni .....a hmangaihna chu.

Second reilo te chhungin ka thinlung chu a kehdarh sawm chhe vek tawh, chu chu he ka bula hmeichhia chiah hian a remkhawm leh thei tih pawh ka hria, chu pawh a hmangaihna chauhin.

Eleanor kut ka hmerna chu ka thlah dul riai riai a, a ni chuan ka hmelah tak pawh en tawhlo in ka pheikhawk a en tlat, en pawh min en duh tawh lo.

Ruah chu a rawn tla tam ta a, ruah sur chuan kan lu leh kan taksa te chu kar loah a nan huh zo ta vek a,"Wesley min hmangaih lo...."

"Wesley min hmangaih lo.....ni e, hei hi a ṭha mai, mahse nang chu ka thihni thleng pawhin theihnghilh che ka tum tawh dawn nia."

Ka bul vel zawng zawng chu a vir muai muai vek hian ka hria a, ka khaw hmuh te chu a phe vek bawk, eng chiah maw Eleanor khan a,sawi a?"

Tun thla chhung zawng zawmg khan a mah ngaihtuahna in ka thluak hi a khat vek a ni lo vem ni? Mahse a ni chuan chuti chung pawh chian ka hmangaihlo angin a hre miau bawk si, "Engtin nge ka hmangaihlo che ni in i hriat theih zawk?"

"Tunah chuan ka thinlung chhungril ber pawh i hre thei ta tihna a ni maw?"

"Dawt min hrilh suh Wesley.... a hma pawhin ka na tawk viau a sin, tunah hi chuan i laka buma ka lo awmna te kha ka phuh chhuak ve mai chauh a ni e."

Ka tan pawh a mi ṭawngkhumna te kha a na tawk tawh a sin, ka tawrh theih bak a ni tawh, ka hmeichhe hmangaih berin ti hian min ṭawngkhum duh a nia, ka hmangaih lo ti in a sawi a, a nih eng nge hmangaihna chu, an tello a kan awm theihlohna leh an mahni kan veina te, an hlimna tur a nih dawn phawt chuan midang lakah pawh pek mai kan duhna mahni hmangaihna pawh kan sacrifice ngamna hi a ni lo'm ni hmangaihna chu, an nat kan hlauh ngawih ngawihna hi hmangaihna anih loh chuan eng chiah nge hmangaihna hi a nih ka la hre lo a ni maithei e, mahse kei chuan chutiang thil ka tawh zawng zawng te chu hmangaihna ah ka ngai.

"Eng chung chang nge i sawi tak Eleanor." Ka ti ngui ruih a.

"Nang hian hmeichhe dang i hmangngaih tih hi ka hrechhuak tawh a sin." Ring zet hian a ṭap chhuak ta a.

Chhungrilah chu thu a sawi chuan.min ṭhawng hle a, ka beisei loh thil lutuk a sawi chhuah a vang chuan min nghawng hle bawk, engtin nge Elranor chuan  hmeichhia ka hmangaih chu a hriat theih tih pawh ka hrethiam lo.

"Tu in nge ka hun kal tawh chung chang thu chu hrilh che?"

TO BE CONT.....

INTOXICATE S II CHAPTER 6

Naktuk zanah the contract ka rawn dah tawp ang.

INTOXICATE S II CHAPTER 6

BELLE....

Zing ka tho chu ka lu chu nat na men loh hian a na tluk tluk mai a.

"Oh ka lû "ka ti chhuak hial mai!
Ka nu te room ah chuan tlân lûtin luna dam dawi chu ka va ei nghal sawk sawk a.

Chu mi hnu chuan shower hmang turin bath roomah ka lut ta nghâl a.

Ka inbual zo room ka lût leh chu, thil ka hrechhuak ta zawk mai, nizân khan engthil nge thleng?

"Oh no flash back!" ka in ti mawlh mawlh a, nizan lam a thilthleng zawng zawng te chu hriat chhuah leh vek ka duh!

Chuan engtin nge ka khumah hian ka lo mut rikngawt!Enga tinge panty leh bra nen chauh a ka awm chhan?

Ka thilhriat chhuah pakhat chu, beach a Harley malchung a ka mû kha a ni.

"Harley." ti a phun chhuak sap in ka phuzawk nghe nghe.

Ka zak hle a, ka thi thei hial âwm e.
Harley chu ka hmuh ngei ngei a ngai, a hnena ngaihdam dil turin.

Vawiin a ngaihdam ka dil lo a nih chuan, naktûk hian a hmel pawh ka hmu ngam tawh lo hial ang.

Eng thil mah thleng lo turah ngai phawt ang. thâwk halh pah chuan, thuamhnaw chu ka inbel ta sawk sawk a.

Ka nu leh pa te lo haw hma ngei a ka haw leh hman a ngai bawk. ka hman hmawh khawp mai, nizan khan, Harley kha ka first ni tur a ka duh thu te kha ka hrilh a, ka zak lutuk tlat, chuan engtin nge chet a lak tak lah ka hre lo, mahse ka ring sual maithei, Harley chu khati ang hun rem changa la chi mipa ni duh hmel a pu lo tlat.

Nilo, chu mai pawh a la nilo cheu, min kiss tur te khan ka la ti lui zui LALPA leh eng ka ti zo ta nge?

Tunah hian tu emaw tal chuan min  that mai se ka ti kher mai! Harley hmel pawh chu ka hmu ngam tak tak ang em?

"Harley hi ka hmu a ngem le aw...a la hma hle si a." kawng a kal pah chuan ka phun pah sap sap a.

Ka lo inngaihtuah mûk deuh nge ni, mi pakhat hi ka su nawk mai a, kan en chian nâk chuan, Harley a lo ni reng mai!

"Harley !!"ka ti pah sap a.

"Ka rawn zawng che a."

A âw mawi leh pa zet pawh chuan min hîp tak zet a ni.

"Khawiah emaw kalin kan in be lawk thei ang em?"

Ka hlauh ang ngei ngei chuan, Lalpa ka thi hi a ni ringawt mahse chu thil chu ka tih ngei a ngai bawk si. ..ka  thaw halh a.

"Haw ka lo tum chiah a sin !" A mah zawng nimah ila, a mah hmuh duh lutuk anga lan chu ka thil duhloh ber pawl a ni.

"Minute sawm zawng bak ka mamawh lo ang ." A tih a vang chuan, 

"Ok." ka ti ta sap a.

Park pakhat kan bul lawk a awm ah chuan kan in zui lût a,  kan in hawi tawn ta ran bawk a.

Harley chu ṭawng chhuak hmasa zawkah chuan a ṭang a, " Nizan chungchang kha eng emaw tal hriat chhuah i nei em ?" A mit meng chuan chik zet hian min melh chhuk pah bawk a, ka taksa chhungril zawng zawng nenlam chu a mitmu buang uk kharh chuan a hmu tlang vek hian ka hre hial.

"Tlem té té chauh!" ka ti sap a.

"A nih McGuire chungchang kha?"

"Ka hrelo ka rui lutuk a." meng khup lap chung chuan ka ti leh a.

"Umh ka hriat chu, Briorenna i fawh kha a ni deuh mai." Chu thil chu zam tak chung hian ka,sawi chhuak a.

"Chu thil chu engvanga buaipui viau nge maw i nih le?"

"Ka hre bîk lo."

Rumzet a min melh chhukna a vang chuan ka khur ru dar dar, "Belle zuin turin leh kha tiang mipa mai mai fawp tur khan khati ang hmunah khan i kal thei tawh lo ang."

Rum zet a melh chhoh ran chung chuan, "Chuti ang a min ti tur chuan tu nge i nih?Ka pa pawh i hlei nem." "ka ti ve hmak a.

"A nih leh kum 18 i tlin hma hian, mipa nikhua lo zet lak a fa pâi chu i duh tihna em ni?"

"A teuhlo lutuk!" ka lo tih khum hlar a, mahse a thusawi chu diklo pakhatmah a awm reng ka hre lo; mahse chuti anga min ti tur chuan ka chhungte lah a ni hek lo, Harley hi eng ang mi chiah nge a nih?

"Pawi ka ti takzet, Harley !!"

"Ngaihdam min dil ka ngâi hauhlo a nia , i life a a nia, i duh dan danin i chen thei a lawm."

Zak tak chung chuan ka thil zawh hreh zet chu ka zawt ta nge nge a, "Engtin nge nizan khân khumah ka lo mut tawp theih?"

A cigar zûk lai chu a hîp deuh vang vang phawt a, chu mi hnu ah chuan, a mitmeng uk raih mai phe deuh chiai a min rawn melh chhuk leh pah chuan,"Keiman ka muttir che."
Ka phu deuh zawk, " Chuan ka thuamhnaw te kha nang hian min phelh sak tihna maw?"

"Tehreng mai, zinga i nu leh pa te rawn hawn hunah khati anga an rawn hmuh che kha ka duh lo a lawm , chuan i kalchhuak ti kha hre lo se ka duh bawk a." tih pah chuan, a cigar butts chu leiah chuan paihin, a pheikhawk chuan a nawr hlum nghal a.

"ka lawm e." Chu thil sawi chhuah rik ngawt pawh chu ka tan a harsa viau ni hian ka hria, ka ṭawng ban chalh bawk.

A mit chu min siai khum zauh a, " Lâwmtur zâwk chu kei hi ka nia sin !" A nui chhuak ta hawk hawk a.

A nui hmel lah chu a la ṭha phian zui!

"Lal hur herh pa."

A ni chu a nui leh hawk hawk a, ka ner khum sak bawk.

"Ka kal a hun tawh ka nu leh pa te an lo haw hman ang tih ka hlau, an rawn haw huna inlama lo awm ngei ka ngai."

"Ok Marshall kan inhmu leh dawn nia." A tih hnu chuan hmanhmawh zet kal chungin inlam chu ka pan leh ta a.

HARLEY POV......

He nu a ṭang a hla tak ah ka awm a ngai ang.

A tan chuan, pawnchhe hnangkhai ang tluk lek ka ni si a. Hmangaih hle mah ila, A mah hlat thei ang ber ah ka awm a ngai tih pawh ka hre chiang hle, Belle hian kan dinhmun inthlauh zia hi a hre lo a nih hi, engtin nge Melody zawk hi a mah hlat tur a ka awm theih ang, a ni in a theilo a nih si chuan?

Kan inbiak chhung ringawt pawh khan vawitam.a mit meng duhawm lutuk a tlu mai lo turin ka inhrilh ru hman hial a, a bula ka awm mai a vang a keimah a eng emaw tak awm.chu tih bo ka tum hle bawk.

Ka khawvel ah hian ka la lût ve thei lo.

Tih ngaih tuah chung chuan, nguizet in pan in lam chu ka pan ve leh ta a.

Ni e, ka tan chuan a ṭha mah mah, kei chu a tan ka bawlhhlawh a, thim zingah eng a awm.ve thei hek lo tih hre choang tu ber pawh keimah ka ni, a lak aṭanga hla takah awm turin theih tawp ka chhuah ang a, a hma ang khan biak pawh be tawh lo bawk i la a tan a him bawk ang, a khawvel a dang a, kei pawh ka khawvel a dang bawk, khawvel hran ve ve a awm.chu engtikah mah kan inkawp rem theih ka ring lo.

Thawk ka la hrawih a, tun aṭang chuan a mah hlat thei tur ang ber leh a ni chu hai der a ami biakna reng reng pawh chhanlet sakloh leh tu nge a nih tih pawh hre lo khawpa awm hial chu ka tum ta ani.

BELLE....

Harley chu text ka rilruk a, reilo te a hmrl hmu lo a awm pawh chu ka tan a harsa lam tawh chu a ni e, mahse a number nei in ka text in ka la be thei tho a, ka lawm viau bawk,  ka nu leh pa te pawh in lamah an awm ve leh tawh a, budiness trip pawh an nei khat ra viau, chhungkua kan hlim a, kei pawh an thu awih in ka chhuak khat ta viau a, an ni pawhin min duat hle a, an pahnih a hmangaihna chu ni telin ka dawng a, mahse an fanu hian mipa hmangaih a neih erawh an hriatpui hauh lo thung! Hrilh loh reng erawh nuam tihlihna in ka khat a, mahse ka hrilh a nih vaih erawh chuan min phalsak dawn lo tih ka hre chiang hle.

Ka room kawngkhâr an rawn kik dat dat a vang chuan, "lo lut rawh." tiin ka chhang zui nghal a.

Ka pa chu ka room ah a rawn lût a,

"Hey dad enge nita." ka lo ti sap a.

"Khuahkhirh na hnuai a ṭang khân, i zalén ta tih rawn hrilh che ka tum mai a nia."

"Tak tak maw?" tiin ka phuzawk hial a, mak.ka ti deuh hlek a, mahse ka awmdanin a zirah ka nfai, ka chhuah ruk ṭhin thu erawh ka hrilh ngam chiang der lo

"I nungchang leh i khawsa zia a ṭangin, a dik tawh ka ring. Chuan tlémin min ti hahdam deuh tawh bawk a." A nui pah suk a, ka khumah chuan rawn thu thla ve in duat zet hian ka samah chuan min chul sak bawk a.

"Thanks Dad!"

Chîk zet a min rawn enpah chuan, " i ṭha maw ?"a rawn ti leh khauh a.

"Aw ṭha e, Ka mut a chhuak mai chauh a ni e." ka hâm pah bâi bâi bawk a.

"Ok mu rawh le , ka hmangaih che." ka chalah a rawn fawp zauh a .

"Dad keipawhin ka hmangaih che." tiin a biangah chuan ka lo fâwp let ve bawk a.

"Ka princess hi mu tawh rawh se." ka pa chu a chhuak ve ta a.
Ka pa chhuah hnu chuan, ka phone chu en lehin, Harley message chu ka hmu nghal a.

Phûrzet chuan ka open a, mahse chu message chu ka rin loh lam tak a ni, ka meng kâwk kâwk nghal a.

# Belle pawi ka ti tak zet ani.
Mahse hei hi kan pahnih a tan a ṭha ber ni in ka hria, kan pahnih a inhlat thei ang ber a awm hi.

Tih chu ka chhiar chhuak a, ka chhiar sual anih ring zet chian ka chhiar nawn leh ngat, chuti ang chuanvawi tam.tak.ka chhiar chhuak a, hriatthiam.har ka ti hle bawk, ka hruat thiam theihloh a vang chuan ka reply ta nge nge a.

#Engvangin maw? Thil diklo a awm em ni?

Message chu Harley hnen a ṭang chuan a lo thleng leh nghal a.

#Engmah thil diklo a awm lo.
Ka number kha lo delete ang che.

Hrep tak chuan engvang chu  ni ang maw ka ti rilru neuh neuh a.

Ka ngaihtuahna te chu a ti buai nuai a, eng nge a chhan ni ang tih hlir ka ngaih tuah bawk, ka mut chhuahna zawng zawng a ṭangin min ti harh a, a message chu ka chhiar nawn tluk tluk a, a ngaihna rebg ka hre lo.

Min ngai zawng tur tak tak chuan min zahpuiah ka ngai ta ringawt a, rilru hreawm.lutuk a vangin zan rei tak thleng ka men.hnu ah ka muhil ve thei ta ṭawk a .

THE NEXT MORNING...

Zîng a lo ni a, a ngaite bawkin school ka kal a, Harley chu Jake nen an lo inbe mék a, ka hmuh veleh chuan ka va pan nghâl a.

"Tukin chu i lang ṭha takzet Belle." Jake chuan min lo nuih var var a.

"Ka lawm e Jake ." Harley lam chu ka melh rân a.

Harley chuan mood off hmel zet chuan, Carter hun reilo te min lo pe lawk dawn mi? Belle hi ka biak a ngai."

Jake pawh chu nuihsuk pahin a kalsawn ve nghal ta a.

Rumzet a min rawn melh pah chuan,

"Ka ngaihdan chuan, kan pahnih a  inhlat thei ang ber a awm ka rawtna kha i pawm ve mai ka lo ring a sin." A ti chhuak nghal.khawl a .

"Teuhlo mai, kei hian ka pawm ve thei lo, a reng reng thu ah nangma thlan a nih kha, kan pahhnih inhlat thei ang ber a awm kha,  chu loah eng nge a chhan tih pawh i sawi fiah bawk si lo a."

"Tu hnen ah mah ka chungchang thu insawi fiah ka ngai ngâi lo."

Min hnusit zia em em chu ka pâi dai thei hauh bik lo mai.

"Harley Dean tu nge maw ni a i inhriat chiah le? tunge i hma a ding i biak hi i hria em?" ka tih khum ve ta khar khar a.

"Belle Marshall tu nge i nih tih chu hre khawp mai che , Rex Marshall fanu neih chhun, hausa zet i ni tih pawh ka hria."

"Harley hei chauh hi min hrilh thei em? Eng thil diklo nge ka tih kan pahnih inkarah hian?"

"Engmah tih dikloh i neilo! Ti khan i hlim tawh em?

"Min rawn ngaihtuah tawh lo in, tikhân kal la i pa sum hman sén loh chu va chén nâng che."

"Ka bul hnaih ah hian vawikhat te mah pawh rawn inlan leh tawh bawk hek suh."

"Harley !!" ka mittui chu a far zawih zawih a, a thusawi zawng zawng chu na ka ti hle bawk, ka pa rosum hi inchhuannan ka hmang ngai lo a, a duh pawh ka duh bawk hek lo, tu nge i biak hi i hria em ti a ka sawi chhan pawh min thamlih em.vang chauh a sawi chhuak ka ni a, ka pa sum leh a neih thil chhuan vanga sawi chhuak ka ni bawk hek lo.

"Mahse kei chuan ka hmangaih che a lawm."

A nui chhuak hawk a, mi ner khum nawng pahin,
"Belle kei chuan ka hmangaih ve lo a che."

Lungngaihna chu thinrim na hian a  thlak thleng a, hetiang ang em em a tlâwm hian tuma bulah ka la awm ngai hauh lo.

Ka hmangaih thu ka hrilh a, chu pawh a lo hnâwl a, oh engthil nge ka tih zawh tak hi?

"Harley Dean ka haw tak zet che. Engtik ah mah hian i bul hnaih ah ka awm leh tawh ngâi lo ang tih hre rawh, nang ang mipa tenawm lutuk hi ka haw ngawih ngawih." Ka mittui chu a far zaih zaih a, engmah tih theih ka neihloh zia min hriat chhuah tir tu chauh erawh a ni thung!

Ṭah aw tiau chung chuan he thu hi ka sawi chhyak leh a, "He i hming hnaisai lo zet ka hriat leh i hmel ka hmuh phâk loh na turah, tuna ṭang chuan ka awm zel tawh ṭhin ang."

"Chuan hei hi lo hria ang che.I lakah hian phuba ka la la ang." Ti chungin ṭap zawih zawih chung chuan kan school a ṭangin ka tlân chhuak ta a, chumi chu Harley Dean ka hmuh hnu hnu ber ni leh ka biak hnu hnun ber nî a lo ni ta a a ni a, kan school pawh ka hmuh hnuhnun ber ṭum.a ni ta a ni.
..................................................................

FINALLY!! FIVE YEARS LATER.....

Ka pa duhang ngei chuan, Marshall Enterprise ah chuan ka thawk a, ka ṭhutna chair chu ka ti her kual pah miai miai a.

Ka ngaihtuahna ah ka nunhlui chu a rawn kîr leh ṭhin, a chhan chu tunthleng hian kha pa kha ka la haw thei tak tak tlat lo.

Kha mi nî a ṭang khân ṭap zawih zawihin in ka pan a , ka pa chuan a theihna hmangin, hmundang ah school chu min luh zawmtir a , a hma a ka lo luhna nen chuan dang tak a ni.

Chu tah ve thung chuan, tu te pawh chuan min tlawn emaw tih tur khawp chuan, min lo be ṭha leh lawi si.

Chu ka school luhna a ṭang chuan chapo te ka zirthar ta a, chu chu tuna ka sumdâwn na nen hian a inhmeh lutuk tlat !chapo na leh mahni in duh larh na chu!

Keimah a Belle zaidam tak ṭhin kha hmuh tur a awm tawh ngailo a, tunah chuan, mite hmusit chîng zet mai leh mi chaldelh nuam ti zet mai, mahni in duh lah mai nula hausa bawksi ah ka lo chhuak ta a ni.

Ka hnuai a thawk te reng reng in a an sawi hat hat khawp leh an rel nuaih nuaih chu ka rawn hlawh chho ta a.

Mahse ka thinlung chhûngah hian enge in up bet tih hi tumah rengin min hriatsak lo.

Ka ngilneih loh na chiah chu an thil sawi duh chu a ni.

Mahse Marshall Enterprise tan hian ka theihna zawng zawng ka hmang a. A hma aia lét fe in a lo lârin a lo len phah ta zawk fe a, ka pa pawh chuan, min chhuang thei hle ṭhin.

Ngaihzawng reng reng ka ngaihven tawh ngailo a, pasal neih hun hmeichhe puitling kum 23 mi chu ka ni ve tawh tak meuh mai, mahse tûn hun thleng hian, nula thianghlim chu ka la ni fan tho.

Duh ni ila ka hma ah hian, a za tel zet  mipa an rawn intlar heng huang ang chu! Mahse ngaihzâwng lampang chu ka buaipui tawh ngâi hauh lo thung!!

Ka tan hian in comment hlu tak te kha, thawnthu ngaihnawm tak a tling ve a nia, a boring lo ṭhina, phûrna min pe ṭhin tih min lo hriat sak dawn nia ...ka hmangaih over bon khu tuar tuar vek che u a nia, ka readers hlu tak tak ho te u !!!!

Ni e kum nga chu a liam tawh takzet e.

Mahse chu kum nga chuan, ka thinlung a thil pakhat awm chu engtik lai mahin a liampui ve thei ngai lo ang.

Ally hnen a ṭang chuan Harley chanchin ka la hre ve zauh zauh a, chu zawng chu bak engmah hriat chhunzawm ka nei tawh ngai lo. Ni e, a duh ang takin ka awm.a, a ni pawh eng ang chiahin nge a awm.tih ka ngaihven tur a ni tawh lo tih chu ka rilru a ka vei tur tih ka hria, mahse ka thei lo, chu chu thuhran a awmna a sawn tawh nge a awmna ngaiah a la awm tih thlenga ngaihven tu ka ni tih hi hrechhuak na se chuan oh, ka tho thei hial ang.

A hmuhphâkah awm tawh lo mah ila ka thinlung ah hian a thi tak tak thei ang em tih ka hre lo.

Vawiin chu weekend a ni a, ka thil lo tih tawh ngai miah loh ka nuam tih em em ṭhin chu tih leh ka châk ta tlat a. 

Ka pa company ka enkawl sak hnu a ṭang hian mahni nuam tih zawng pakhat mah ka ti leh tawh ngai lo a, Harley min hriat chhuah tir theitu awm hrim hrim chu ka hnawl vek bawk, chuti chung chuan ka thinlung chhungril berah hian theihnghilh theihtawh loh tur hmangaihna chi chu min tuh nghet sak tlat tawh a ni, ka thinlung a nei a, keiin a ruak chu ka kawl ve mai chauh a, nung reng si mahse thinlung neo lo in ka hun ka hmang.

Ally chu ka phone a, beach a kal pui tur chuan ka sawm a, a lo rem châng hlauh mai a.

Ka thil tih tawh ngailoh a nih a vang chuan, ka zâm ru lutuk, Mahse eng vangin nge Harley vang ringawt chuan ka thil tih duh te chu ka bansan rîk ngawt ang ni. Ka awm dan chu ka hne ve tawh takzet.

Intihhlimna lamah ka kal ngai hauh lo a, ka nulât pui te ang lo takin, office ah ka inkhunga, tlâiah ka haw a, inah movie ka en loh leh laptop ah hna ka buaipui a, boyfriend te nen a dinner ei ai chuan ka sumdawn pui te ho nen a meeting pah a dinner ei chu ka hna a ni ta zâwk bawk a, ka sumdawnna lamah te pawh tlangval hausa tak tak leh ṭha tak tak mihausa fa tih hriat ngawoh ngawih te pawhin date a kal chhuah pui ah min sawm cham chi, mahse ka hnar fithla ṭhak ṭhak hlawm a, ka lalah an beidawng tlangpui, tunah chuan chung ho te nen chuan ṭhian kan ni tawh a, tunah reng affair ka neihpui ngai lo .

Chutiang chu ka hun hmandan chu a ni. Ka hne ve ta deuh hlek e.

Beach a leng tur chuan ka insiam ta mawlh mawlh a, tûn a han châk thar leh thut tâk mai chu tiin keimah leh keimah pawh ka in nuihzat hial.

Ka room a ṭang a ka chhuak chu, ka nu leh ka pa ka va hmu a.

"Engthil nge thleng ta?" ka va ti hau a.

Ka nu chuan hlim zet mai hian,
"I pa in kar leh hian kan aniversary hmang turin Italy ah min hruai dawn a, ka hlim takzet a ni." a lo ti sarh sarh a.

"I sawi awmzia chu, inah keimah in free tâwkin ka lo awm dawn tihna a ni maw?" An pahnih chuan ka  fiam ve hlak a.

Ka pa chuan rum zet a min lo melh pah hian,"Beisei duh lo mai rawh! Barrett a lo kal leh ang a nih loh pawhin a fapa Jonathan a lo kal ang ."a lo ti nghut a.

"Oh ka pa kum 23 lai chu ka nih ve tawh dawn hi, mahni a in enkawl thei dinhmunah ka ding ve tawh a lawm."  ka tih khum chûl a.

Ka nu pawh chuan, "Rex Belle thusawi kha a dik takzet."a lo ti ve sap bawk a.

,"Eng ang pawhin a kum chu upa rawh se, ka princess Belle a nih na kha a la bo chuang hauh lo !" Ka pa chuqn tih leh nghut pahin, min melh pah rûn a.

Ka nu chuan min rawn en leh pahin,"Belle engvangin nge i lo kal ve mai loh ang?"

"Ugh, ka lawm e. "Tûnṭum chu ni lo ve ka ti deuh chûl a.

"Ka nghâkhlel tawh tak zet," ka nu chuan ka pa chu no zet a melhin, "thil hmuhtur tamtak ka nei si a ,"a ti pah sep a.

Ka nu hian pasal lam.pang emaw boyfriend ang tal pawh ngaihven ve deuh turin min ti ṭhin, mahse ka pa erawh chuan a la tawng ve mai ang a tih a vang leh ka duh dan min ṭawmpui ti pa ka neih miau a vangin, chhungte lakah chuan ṭha takin ka awm theuh phah a ni, ka nu pawhin ka pa thu chu a hnial lem lo a, a chhan chu ka pa hi ka pi damlohlaia nupui hual neo tura tihluih a ni tawh a, heti ang lamah hi chuan ka hmangaih tak ka neih hi min phal sak a, mahse khatih laia Harley chung chang ka hrilh ngam loh chhan pawh eng ang mi tak nge a nih ka chiang tlat lo, tunah lah Harley nen chuan kan in be tawh ngai hek lo.

Ka nu hma a ka pa chu va din hnaih suah pah chuan," chutah chuan ka plan pawh kan tel ve thei ang, kan hun tam zâwk chu nangmah nen chauh hotel room ah kan hmang dûn bawk ang a." A nui pah suk a.

Ka nu chu upa ve tawh hle mahse, ka pa lakah chuan a la sen ve ṭan ṭan tho mai. An pahnih ang tak a, hmangaih te nen a awmdun ve hi ka châk ru tak zet zet.

"In information a tam mah mah!" ka lo ti ve hlak a.

Chutah ka nu te chu inhmangaih leh induh zet chuan an in fawp dun ta a.

"Hey hello in fanu ka awm ve reng hi! Zaklo dun leh lutuk mai." Ka tih khum dun hlak a, an pawisa lo dûn khawp mai.

An pahnih hi chuan an hlim dun a ni.an in thlahlel takzet bawk.

"In pahnih khan in zaklo dûn lutuk, room.pan rawh u." ti a auh chûl pah chung chuan, Ally nen kan kalna tur hmun beach lam chu ka pan san ta a.

Ka hawi kual a, Ally chu a la awm hauh lo, ka hawi kuql.choam.a, mi an tam lo kher mai. Mahse ka hawi kual na lamah chuan ka thil hmuh duh loh lutuk ka hmu leh ta a.

Saw lai a mi saw ka mi hmuh tawh hnu a ni chiang khawp mai.

Engvângin nge vawiin ka kal ni berkher a a lo awm ve kher chu le?

Nge a kal ziah ṭhin zawk? Kum nga zet chhûng kha ka hmu tawh lo a, tunah chuan a hmel pawh a lo pa leh zual tawh in a nih tur ang tak a  ni tawh tih pawh ka hria, mi hîpna ngahzet a chu...

Kum nga chhûng teh meuh mai kha ka hmu tawh lo a, ka pângai tawh viauin ka lo in hria a sin, mahse enga tinge tûnah a hmel ka hmuh leh mai a vâng a ka lungphu te chu a ran leh sauh tâk mai, Belle tûnah chuan nula puitling leh fing tak i ni tawh a ni lawm ni!

Enga tinge hepa vanga hetia i awm ziah ṭhin? A ni chuan nupui pawh a nei tawh hial mai thei .....ni e, nupui pawh chu a lo nei tawh hial maithei a ni.ka thin chu a rim sauh!

Nilo, nilo kha leh chen kha he thil hi ka lo ngaihtuah ngâi hauh lo.

Nupui chu a nei theilo hul hual !chu thil chu ka hrechiang tur a ni.
Puitling ka ni ve tawh a lawm ti chung chuan, ka pan phei ta a.

Min lo hmu chu mak a tih ve hmel ngei mai, a mengphâwk ve hru mai a, mahse a in thunun leh vat tih pawh ka hria.

Khawi ah nge ka in controll ve na zawng zawng leh ka lo induh ve na zawng zawng te kha an awm zawh tâk? Ni e, ka hmangaihna kha a muhil a, kaihharh a ngai mai chauh a ni.

A hmel ka hmu chiah chu ka lo ngâi ṭhin hle a ni tih ka hrechhuak leh ta chauh.

A lo dinna lam chu ka huaisenna zawng zawng sawmkhawm chung chuan ka va pan ta a.

A bul ka va thlen chuan han sawi mai tur ka hre ta hauh lo.

"Hey !!ka va ti sap a.

A ni chuan chîkzet mai hian min lo melh thung a.

Sawitur dang chu ka ngaihtuah leh nghâl char char a..

Ka ngaihtuahna te pawh a hma ang tho khan chawmawlh leh vek tawh!

Thil nisa chu kan sawi chhuak leh phawng a.sawitur ka van hle bawk.

"Kan in hmuhloh na pawh a rei ta hle mai ti raw?"

A cigar chu a hîp pah vang vang a,chumi pah chuan, a mitmeng nalh zet leh thim raih mai uk kharh chuan min melh pah vung vung bawk a.

A mitmeng thimraih chu thinrimna ah rawn inthlâk in, rumzet a min rawn melh pah chuan, "A chhan i hria em? ka hmuh duh tawh loh che a vangin!" a lo ti ta nghut a.

"Eng a? I zak chai nange? Keiman ka hmuh duh loh vang zâwk che a thilthleng a ni tih hi i hria em?" ka  ti lét ve hlar a.

Min nuihsuk duh chauh, mahse ka tan chuan a nuihmel ṭha zet chu tawrh a har leh hle,  "Babe kei pawhin ka hmuh duh tawh loh che a vang a thilthleng a ni ve bawk,  Chuti nilo se zawng duh chu ni ila, ka hmu ngun khawp ang che." ngeiawm zet hian min nuih khum sawng a.

"A nih eng vangin nge min hmuh duh tawh loh chhan kha, i sawi thei tawh em? Tunah chuan puitling ve ve kan ni tawh bawk a....."

"Belle he lai hmun a ṭang hian kalsawn mai teh! Tihnat che hi ka duh ngailo."

Khawiah nge ka intih paukhauh na ve te kha a awm zawh tak? Khawiah nge ka chapo ve na te kha? ka biang ah chuan kum li chhung teh meuh tla tawh ngai lo mittui chu a rawn luang thla ngiai ngiai a.

A chek hluk a, ka mittui chu a kut a min rawn hrûk hul sak pahin, "Belle i tan hian ka ṭhalo, tih nat che hi ka duh ngai lo ." a lo ti leh sup a.

"A nih chuan ti lo la!"

"A pawi ka ti takzet ." Ti a a sawi hnu chuan a in her nghut a, min kalsan leh ta daih a.

"Harley." ti a koh lét leh pahin, a lamah ka tlân phei a, "He ti ang  thu i sawina chhan hi nupui i neih tawh vang ti raw, a ni em?"

Min lo nuih suk a, "i ring em?"

"Ngaihdan ka nei lo."

"I duh dân dân in ngai mai rawh!"

"Nilo, Harley puitling ka ni ve tawh! hmeichhe naupang â zet kha ka ni tawh bik lo tih hi hria la ka duh."

Ka thil tih châk tak chuan min nawrthlu ta nge nge a, a dar ruak kang ah chuan ka va bei a, "Mawh Harley min hrilh rawh nupui i nei tawh em? I neo tawh a nih chuan ka lo in sa seng mai ang, nimahse i tello chuan.ka awm.thei tawh lo, kum.hri leh chen hi theihnghilh che tunin ka bei a, ka hlawhchham tawh ka chau zo tawh." A awm zawnah chuan ka phun pah sep sep a.

Makti zet a min rawn en chhuk ngur pahin, "Engthil chu nge i tih tak Belle?" Min nem sawn nghal bawk a, mahse ka luhlulna ka chhuah ve ngat.

"Harley huat che ka tum a, kum tamtak ka bei, ka haw thei lo che. Hmangaih loh che ka tum a chu pawh kum tamtak ka bei tawh, mahse ka hmangaih tho che........"

"Belle, lo ngâithla teh! Min hmangaih hauh lo. Kha ngaihtuahna ât thlâk zet kha i thluak a ṭang khan dah sawn rang rawh!" zawi te chuan min nam kiang a, min kalsan leh ta daih a.

Harley kal kian hnu chuan, nupui chu a nei tawh tak zet em ni ang?

A lakah chuan ka nihna diktak chu a lang leh ta, enga tinge khatia ka awm leh mai theih zâwk chu le.

Keimah chuan ka suangtuahna chu ka kâwm malh malh a, dik a ka ngaih tâk ber chu Harley hi ka hmangaih tak zet ani tih hi!

,Kum tamtak pawh lo kal san tawh mah ila, a mah ka hmuh khân engvangin nge engkim chu a hma ang tak khân a rawn thar thawh leh vek tâk mai.

Jake chu ka hmu leh nawlh mai.
"Hey , Belle kha i ni tiraw?" tih pah chuan min rawn nuih vur vur a, a kut chu min rawn pe in kan inchibai hial.

"Khawiah nge i awm bo tak daih a? "

"Ka awmna ngai ah tho tûnah chuan ka pa Company kha enkawl ve dan ka zir mek." Ka nuih let ve sang a.

"Harley hi i rawn ngaihven ta miah lo a, Belle..... uhh a mahhi i lo hmu mial em?"

"Aw ni chin deuh lawk khan kan in bia a , a kal sawn leh ta a nih kha,  tih sap pah chuan, "Harley chu engti kawng zâwng a ngaihven loh in maw?" Tih chu ka zawh chhunzawm.nghal zauh.

"Kan school i chhuahsan a ṭang khân a danglam vek tawh a, a hna pawh a ngaihven ṭha tawh lo reng reng, a thawk ve beuh beuh tih lek a ni tawh ! a thawk ṭha lo tial tial bawk a, mi kam khat na pawh a tâwk fo ta mai."

"Heti ang reng a a awm chuan an that duh hial mai ang."

"Eng thu chu nge i sawi tak?" Ka khur nghal der der a.

"Oh engmah ka sawi lo, ka thil sawi kha eng mah a nilo." a ti leh thuai thuai a.

"Karleh ah hian party ka nei dawn a sin i hman chuan lokal ve ang che." tih hnu chuan min kalsan ta a.

Ally chu a rawn thleng ve ta ṭâwk a.

"Hey a pawi ka ti tak zet, ka chhûng te nen ka pasal neih tur chungchang kan sawi khawm a lawm maw le." inthiamlo hmel zet hian a rawn ti chuai raih a.

Thîpzet a lo melh chungchuan, "inhualna in nei tawh ngawt ngawt em ni?" Ka lo ti lét hlar a.

"Ahh Belle Harley i hmu tih hi zép lo mai teh! "

"A dik chiah ka hmu reng a lawm."

"Nangni pahnih hi engvang chuan nge in in kawp rem mai loh ang? In pahnih hian in in hmangaih hle si a."

"Nilo Ally min hmangaih ve lo a ni chuan."

"Belle a hmangaih ve reng che tih hi ka hria a ni, tun thleng pawhin nupui a la nei hauh hlei nem!"

"Chu chu enga tinge a hma khan min lo hrilh loh Ally." ka vin khum ṭhat a.

"Uhh, in bengdai teh! Min zâwt ngai heklo che."

Karleh hian, Jake chuan party a nei leh dawn a tahchuan min sawm ve a sin, mahse office lamah hian ka buai ang em aw?" Ka sam.chu ka chul.mam pah mawlh mawlh a.

"Chutah chuan kan kal ngei tur a ni, Chuan he i chance ṭha tak neih hi bawh pelh hauh lo in, Harley chu a rilru hriat tum ngei bawk la, eng nge i hlat a awm a duh na chhan te pawh hi hriat vek tum ang che."

"Nilo, chu thil chu ka ti theilo ang, office lama ka buai zia thu pawh i hriat ṭhin reng kha."

"Party naah chuan kan kal dun ngei tur a ni." a  ti ta hmiah a.

Rei tâwk fang beach a kan awm hnu chuan, inlam ah kan haw ve ta a.
In ka thlen hnu chuan ka inbual fai a, vawiin lam a ka thil tawn ho chu ka ngaihtuah pah neuh neuh a,.

Harley hian engthil tak nge a zép niang, chuan Jake thusawi awmzia te kha eng nge ni ta.

Ka la chhuichhuak ngei ang.

Harley hi ka duh takzet a nih chuan, engkim.a chung chang thu hi ka hre chhuak ngei ngei tur a ni
tiin thutlûk na chu ka siam ve ta a.

To be cont, zan in ka post eng emaw zawk zawk ah khan fakna kan hmet ve vek dawn nia, chuan second sawm lek kan nghak bawk dawn nia.