INTOXICATE SEASON II CHAPTER ONE

INTOXICATE SEASON II CHAPTER ONE (Kum tlinglo i nih chuan chhiarlo ngam ang che.)

Fakna milem kha a awm leh tawh a, hmeh leh vek tum ila, kan hmeh dan a zirin thawhṭan lamah THE CONTRACT  bonus chapter kha dah zawm kan tum dawn nia.







THE NEXT MORNING.....




LEXI.....




Zingah chuan Belly nen breakfast kan ei dun a.


"Honey tunkar chawlh chu, i pi leh i pu bulah lo hmang la a pawilo ang ti raw?"
Bella lam chu coffee inkhalh pah chuan ka melh a, a thil ei lai chu ei mawlh mawlh pah chuan, "Yes mommy."




Kan bulah chuan Rex pawh insiam sa thlap a rawn ṭhut ve pahin, breakfast chu a ei ve nghâl mawlh mawlh a, a duh tawk a ei a niang a rawn dak chhuak a, a coffee no chu ban pahin,"Ka princess te chu eng nge a an ?"tihpah chuan, Belle chu a nuih deuh suk a, a mitmengah chuan a ngaihven hle tih hi a hriat bawk.

Belle pawh chuan a thil eilai hmuam talh talh pah chuan, "hi daddy." a lo ti ve a, a pa hi chu a ni pawh hian a ngai thei hle.


 "Morning princess."



Rex inthuam dan chu mak ti taka a en pah hian, "Vawiin zing te chu saturday a ni lo'm ni, tun ang zîng katah ah te khawiah nge kal i tum reng reng?"




"Nizan a i thu min hrilh chungchang ah khan Tim chu ka va thli thlai dawn emawni ka lo ti a." Plate a artui kan la awm a ei bang zawng chu a hmawm zo nghal a.


"Hetiang a Alma chung a a che duh hi ka that duh hial awm e." ka lo ti ve hlak a.



Rex chuan a coffee chu in leh pahin notlâng a ṭang chuan min rawn melh pah zauh a, a coffee a inzawh hnu a table a nghah leh pah chuan,"Babe ka lo tifel vek mai ang, chuan Belle i pi leh i pu te bulah chuan ṭha takin lo awm la sunday ah kan in hmu leh dawn nia, kal pahin keimahin ka va thlah dawn che nia."



Belle pawh chuan "Yes daddy."  A lo ti ve var a, a pa chu nuih ver ver bawk a.

"Vawiin ah granpa bulah carnival ah kal ang tiin ka sawi dawn."



"Bele mahse chocolate lam pang thil i eilo ang tih min tiam rawh ! i ha kha a chhe vek mai ang." Ka fanu chu ka en chik hle bawk.

"Mommy a fair lo lutuk, chocolate corn dogs ka ei duh a sin." a  ti deuh nang nang a.



"Belle min tiam rawh , candy bar pawh i eilo anga, caramel pawh i ei lo ang."


Belle chuan hmel ngui tak chung chuan," ka tiam e Mommy !" a ti ve ta sep a.


"Good girl." A lamah chuan thle pheiin, a biang ah ka fawh sak zauh a.




Belle hian ka vun rawng chhûn lo in a pa vun rawng ang sen uk deuh kharh chu a chhûn zawk a, mitmu rawnga a pa lo sawi tawh ang khan ka mitmu rawng pawl raih chu a chhûn leh a, a sam chu a nu leh pa ang in a dum ve hlap mai bawk a, naupang duhawm zet a ni.




Rex pawh chuan breakfast a ei zawh hnu chuan, kan nufa a min rawn fawh ve ve hnu chuan, "Babe na kinah ka rawn call dawn che nia,  lokal rawh leh Belle, i thawmhnaw chu nakin lamah uncle Pual ka rawn dah tir dawn nia." Belle chi a tho tharh a, ka bianga mi rawn fawh sak ve zauh pahin, "Bye, mommy." An pahnih chuan hman hmawh zetin car lam pan chuan an chhûak ta nghâl a.


REX .....


Lexi inlamah hnut chhuahin kal lam chuan Belle chu a pu te inlamah ka dah hmasa zet phawt a,  a la hma deuh hlek a vangin ka pa te inah chuan coffee ka inkhawmuang leh te te a, Paul ka phone nghal a, tun weekend chu Belle in a pu te inlamah a hman dawn a vangin, inlama Belle thawmhnaw vel lo va la turin leh ka pa te inlama dah tur chuan ka phone nghal a, kha chu Lexi in siampeih fel veka a lo dah tur thu ka hrilh hnu chuan ka car lam ka pan leh ta a, ka nu keh ka pa in Belle hmel an lo hmuh chuan thil dang engmah an ngaihtuah chang tawh lo, an tunu neih chhun leh an tu hmuh hmasak ber a nih avangin an duatin an ngai hle bawk.

Ka nu tak phei chuan an in lama ka kal khat pui ṭhin a vang chuan a lo vui lek lek tawh a, ka va luh pawh hian mi lo an khum hlak hlak nghal a ni.

Office lamah chuan ka in khalh phei leh ta a, Tim chu office lamah lo chuan a awm hi ka ring lo reng reng.




Kan office guard hnenah chuan, nimin lamah emaw tûkin zîngah emaw, Tim lokal leh kal loh chu ka zâwt a, ka rin ang ngeiin, nizân lamah Tim leh hmeichhe pakhat an lo luh thu leh an la rawn chhuah leh loh thu chu min hrilh ta a.





Chu thu ka hriat leh lek phei chuan, Tim chungah ka thin a rim hle, hetianga a awm hi ka nu leh pa te chuan hre ngat phei se chu an hrem duh hialin ka ring.
Thinrim zet chung a office chhûng ka lut chu, ni hian ka hre leh lo a, he company chhunga ceo ve meuh thinrim luat a vanga a unaupa bula han ân tâk phiar phiar mai chu, Tim lah a mah chauhin a awm dawn lo leh nghal, thawk ka la deuh hrawih a, inbengdaih tum zet chung hian a office room lam chu ka pan ta nghâl a.
Kawngka chu a lo inkalh a vang chuan, ka master card chu ka swipe a, Tim office room kawngkhar chu na zet hian, ka nam hawng ṭhuai bawk a.




Tim leh hmeichhe pakhat chu saruak deuh thaw hian an lo in fawp mék tih ka va hmu nghal bawk, an pahnih chuan ka kawngkhar hawng thawmah chuan an phu nasa dun hle mai a, ni zanlam pang ah eng thil nge thleng tih pawh ka ngaihtuah zawm duh hrep lo ve.



Rum zet a Tim chu melh khur pahin, "Eng thil nge i tih a Tim?" ka ti nghal khur khur a, ka va hnek nghal sawk lova, a vannei hle.



A hmel a mak tih na lo lang chu a thup hman lo a ni ber, "Eng ti tur in nge i lo kal a?' A sawi tur hre lo chuan a lo ti let ve khauh ringawt a.



"I thil tih tenâwm zet mai rawn man tur hian ka lo kal."



"Rex i lo inrawlh na tur a awm miah lo.Chuvâng chuan heta ṭang hian lo in thiar fihlim mai la a ṭha zawk ang, hetiang chungchâng ah hian engmah sawitheih i nei bawk hek lo."

A chhan chu Victoria chungah pawh i tih ve tho a vângin." a ti deuh leh hmak a.



A mi chhan dan a vang chuan ka zahawmna ka hloh teuh kher mai, mahse inthunun hram.erawh ka tum thung,  ka kut ka humruh phah hle a, ka men rum na lamah ka mit pawh a kham vek tawhin ka hria, thawk ka lak hrawih hnu chuan,
"Ni e, Victoria kha ka nei lo réng bawk a , chuan tuna i nupui Alma angin a râi ve bawk hek lo." thinrim zet a melh rûn chung chuan ka tih khum ve nghek a.





"Mahse tun mai khan i lo in rawlh ve a ngailo tiin ka hrilh zo chauh che a nilo'm ni?" A la rawn ti khui khui tho a, ka thin chuan a tuar lo tak ngial dawn hian ka hre ta a, mihran awmlai leh nghal.a, chutia unau inhnial chiam chiam leh kan private thil sawi chhuah vak vak chu ka duh zawng pawh a nilo hrim hrim bawk, thil eng emaw tak chu ka tih ngei a ngai ang.




"I sawi dik e Tim, ka lo inrawlh na tur pakhat mah chu a awmlo a lawm, mahse Alma inrawlhna tur chu a ni in ka hria, tunah hian i nupui Alma chuan i awmdan hi a hrechhuak tawh a, a chhuahsan bawk tawh che kha, chu chu i duh a tihna em ni?"





Tim chuan thinrim zet a min rawn melh khui khui pah chuan,
"Alma chuan a hrechhûak ngâilo ang, a ni chu ka hmangaih a, hei erawh chu hlimna tlémte chauh a lawm." a ti liam puat a.

"Chuti ang chua  engtin nge i ngaihtuah theih zâwk?
Saturday ah leh nghâl nangmah en thlithlâi tur a ka lo kal chhan hi,Alma chuan a hre chhûak daih tawh tih te hi ring ve ta che. "Ka tih khum leh hrâwk a.


"Eng maw?Alma chuan a hrechhûak tawh tak tak maw?" a phâwk hru mai a, a ringlo hle bawk ni in ka hria, Alma chu nupui ṭha tak pawh a ni bawk in ka ring, Lexi angin a sa hauh lo; Lexi chu ni se zawng hetiang hian hmeichhe bulah pawh tukin zing hian ka mu mai mai thei tawh tawp lo ang.



"I nupui duh tak leh i fa lo piang mai tur chu, i chân duhlo a nih chuan, i chinfel vat a tulin ka hria."



"Damn it !!" ngûi ruih a tichung chuan a thawmhnaw chu a inbel ta sawk sawk a, rang zet in, a hmeichhe hruai pawh chu a tlân chhuahsan ta nghâl a.



A hmeichhe rawn hruai luh chuan,  "Tim." tiin a  âu zui tuarh a,
Tim erawh chuan a benglhawn tawh lo hrim hrim, chu nu lam chu ka melh phei a, ten zet a enpah hisn, ka chek khum hluk bawk a," A rang vak lo ti raw? Ka hrilh ang che. Ka unaupa lak a ṭang hian lo inthiar fihlim tawh rawh!"



Min rawn melh lét âr chung chuan, "Nang hian ka lak a ṭang a kalsawn turin lo hrilh zâwk la a ṭha ang !" a lo ti ve nghat a.




"Uhh lungngâi suh ! Ka lo hrilh ngei ngei ang.Tunah chuan khâng i thawmhnaw te kha ha in, ka building a ṭang hian chhûak rang mai rawh ! "Ka tih khum nghut bawk a.

Chu nu pawh chu hmanhmawh zet a in ha in a chhuak ve ta nghâl a.


..................................................................


LEXI.....




Rex leh Belle kal chhuah hnu chuan Bele thawmhnaw inthlâk na tur chu ka pack sak thuai thuai a, a pu Ben driver chuan a rawn lam mai ka ring a, mahse chutiang chu rawn kal lo in Paul zawk a rawn lang a, inchhungah ka hruai lut a, kan ti ti dun hrep nghe nghe, Paul hi ka mipa ngainat tak a ni a, Rex leh Tim.anga mipa nelawmloh tak a ni ngai hek lo, a mah hi a ṭawngduh em.em a, kawm a nuam hle bawk, kan pahnih hian ṭhianṭha tak kan ni tawh reng a ni.


Rex chhungte zinga ka mi kawm tam ber pawh Paul hi a ni nghe nghe, thawkngpui te in a rei vaklo a ṭhut hnu chuan Belle thil chu la in kal mai tum.chuan a ding chhuak a, Paul hian coffee a inngailo hrim hrim.a, thingpui pangngai hi a duh zawk, Rex ve thung erawh chuan coffee a heh hle.

Paul kal leh hnu chuan kei pawh chuan tihtur vak ka neih loh a vângin, ka swimsuit ka inbel sawk sawk a, beach hi ka ngainat ṭhin ém a vângin, kal ka rilruk ta a.





Rex chu engtia rei nge a va thang ang? tih ngaih tuah neuh neuh pah chuan, ka awmna tur chu hrilh ve hrim hrim ṭha a ka hriat a vangin, ka text pah bawk a, keimah chuan beach lam panin ka inkhalh chhûak ta a.





"Oh vawiin ni chu a nuam tak zet." Ti a phun chhuah sap pahin, nilum nuam ṭha tak hnuaiah chuan ka puan phah tur ken chu ka phah sauh sauh a, chumi chungah chuan ṭhu in sun balm ka inchulh thuak.thuak a, ka sunglass chu vuah lehin nîsa ah chuan inhem turin ka mu ta ar ar a.




Darkar chanve pawh chutia nuam ti tak chuan ka la mu hman lo ang tih chuan, mihring ruangâm hlimthla hian min rawn din hliaha vâng chuan, ka sunglass chu la thla in ka meng chhuak nghâl bawk a.



Rex chu ka bulah half naked hian a lo ding ve reng tawh a, kekawr bul chiah a hak ve a vang chuan a taksa tihrâwl vel chu ka en pah dauh dauh a, khawdang reng ka hawisawn thei lo, a ni chu kei anglo takin nisa a inhem ve pawh ngailo chuan vun sen uk kharh a nei bik a, a sam a dum.hlap a, a darpharh a hlai ṭhahle bawk.a, a samg viau bawk, thahrui a ngah hle tih chu ka hre tawh a, mahse mita en tikngawt pawhin a ngah tih chu a hriat theih viau bawk, a sam chu thlithaw a vang chuan a thur deuh chhap bawk a, a mitmu dum fiah zet erawh ka taksa rawn melh chhuk nana a hman a vangin a de deuh sar sar bawk.



"Hey Babe !!' a rawn ti sup a
Ṭhut chhuah ve pah chuan, "Ka message kha i hmu em? " tih ve sap pahin,ka nuih chho var var a.




"Aw, hmu e, chuvang a hetah ka rawn kal."


"Belle chu a kal ta em ni?"

"Aw , a pu te pawh an lawn khawp mai, weekend nuam taka an hman tur thu an sawi kha."

 "A nih leh Tim chu i va hmu thei ta em?"



Ka puan phah chung a rawn ṭhut ve pah chuan, a malchungah min ṭhut tîr nghal a, "Aw hmu e,chuan Alma khan a sawi dik bawk!"

"Chuan, engtin zel?"




"Tim hnenah Alma in engkim.a hriatchhuah tawh thu ka hrilh a,, chuan an inkâr thu ti ṭha tur leh Alma ngaihdam dîl turin a hâw ta a nih kha."



"OH Rex ka lawm lutuk." tih pah chuan ka pasal chu ka kuah a. A ni pawh chuan ka hmui chu zawng hmu leh vatin ,duh thawh em em chuan kan in fawp dun leh ta a.
Kan in thlah leh meuh chuan, ka thaw leh hlap hlap tawh!



"I ti thei dawn tih hi, ka ring reng a ni." ka ti leh sap a.



"Chuan nang hi tui hleuh a ka tumpui tur che i nih hi !" tihpah chuan tuipui lam ah chuan ka tlân ta thut a.



Rex chuan ka hnunglam a ṭang a rawn tlân ve pah a, min rawn auh lûng lûng pah hian, "Hey, cheating i bei a nia aw!! "Ti in a rawn tlân ve nghâl a.



Ka tlan chak sauh, ka nui pah ar ar a, Rex chuan tui lam ka thlen hma hma chuan min rawn ûmpha thuai tho, vaukam tiau vut zingah chuan min bawh thlû a.



Nuih chhuah hawk hawk pah chuan, a aw sexy zet chuan ka bengbulah ti hisn a rawn sawi a," Mrs Marshall cheating i bei bawk a, engtin nge âw.. ka'n hrem ang che? "ka hmuiah bawk chuan zéi zet hian a fawp leh ta a.



He pa hrep hi chu engtikah mah ka ning in ka kham thei ngâilo ang.
A sawi ang deuhin , nitin mai hian ka tan pawh a thar sar reng mai a ni. Engtik ah mah kan in kham ngâi lo ang tiin ka ngaihtuah a.
..................................................................


VICTORIA ....



"Kum nga chu a lo ral ta reng mai maw?"

" Mahse i chung a phuba la tur hian, ka lo la in puahchah sauh sauh a ni tih hi i lo hre dawn nia Lexi Logan."
ti a phun sap sap pah chuan beach a hlim zet mai a an pahnih  inchhaih chu , thinrim zet hian ka  thlîr pah reng a, ka ha chang chu ka  ṭhial pah rap rap mai bawk a. Kei in khang kum nga chhung tehmeuh mai kha hreawm ti takin leh police laka bihruk nan hun ka hman laiin, anni ve chu heti lai hmunah hian hlim takin an lo la inchhaih nui thei a nia, anchungah engthil nge tih ka tum tih hi an la hre lo a ni ngei ang le. Lo ngai reng rawh se, kei Victoria hian eng thil chiah nge ka tih theuh tih chu kan la hre dawn chauh a lawm, khang kum nga te kha ka tan lothlawn mai maiin a ral hauh lo, ar talh dan chikhat chiah a awmlo ang bawkin sava thlawklai pawh hi a perhthla thei tu tu ta a ni chuang miah lo, a perthla tu khan a awmna a hriat siloh chuan a chhar tu ta ta a ni zawk ṭhin tih hi an la hre lo a nimaithei e, kei chuan chutiang tactic chu ka apply dawn a lawm.

An pahnih hlim taka inchhaih lai chu an piah hla deuh fe an mahni hmu pha reng chung si ah chuan dingin thinrim hmaisen ṭeuh chung hian ka thlir pah reng a, Rex hi ka ta a nih ang bawkin ka laka a lo kir leh hun hi kei chuan ka lo nghak reng ang, chumi hunah chuan he Lexi hi hmuh leh a nitawh ngai hek lo ang, ka hmai phenna atana ka hman ka scraf ka lutuamna chu tuipui kam.a thli rawn thaw heuh heuh chuan a rawn beng che deuh hlap hlap a, an pahnih a min rawn hmuh hma ngei chuan ka insa seng leh ta vat a, Rex hmel hmuh ka chak em a vangin he hmun thleng thleng hianka tana a hlauhawmna pawh ngai pawimawh zo lo in ka rawn kal a, a hmel chu ka hmu ngei a, mahse khawvela ka hmeichhe huat ber mai nena hlim taka awm tur erawh chuan ka beisei ngailo asin, chuti khawpa hlima Rex chuka hmuh pawh ka hre ngai lo, chu chuan Lexi ka huatna a ti zual sauh a, chumai pawh nilo in Rex rilru chu tihkeh sawm.sak vek ka duh hial bawk, an pahnih hi rilru hah tak leh nasa tak a inhauhna an neih theihna tur keh an inṭhen theihna hial tur thil eng emaw tak ka ngaihruah chu a ngai ngei ang le, chumi tur chuan plan ṭha tak pawh ka neih a ṭul bawk.

..................................................................


1 MONTH LATER

LEXI....



"Belle lokal teh! Vawiin chu weekend a ni bawk a, park lamah picnic turin kal i duh em? " ka tih chuan, mitmeng hlim sar hian min en chho ha a.



"Yes mommy a fel ber." A kut a  béng pah dat dat a. Hetiang ang hian weekend lo thlrn.veleh kan chhungkua in park ah emaw beach ah emaw kan hruai deuh ziah ṭhin a, a pu te buka a hman lahin carnival lamah an lo hruai ziah bawk ṭhin a, Belle hi a fel ve na em.em.pakhat chu thil ei loh tur ka tih hi a eilui ngam ngai lo, a chang chuan Rex hian a pe lui leh ṭhin mai pawh a, ni e, naupang an ni a, nakin lama an tana ṭha tur thil.an la hriatloh a vangin, an tan a han khap sak bur pawh hi a dik berloh chang a awm tho, keimah ang tho in Velle hian beach lam hi nuam a ti thei hle thin a, ka naupan lai ang mai a sand a han infiam te hi a nuam tih zawng tak a ni. Kar hmasa lawk.pawh khan kan chhungin beach ah kan kal.a, sand castle siamin kan nioeng ṭhak, hlimlo reng kan awm lo. Tun ṭum.erawh Rex chuan weekenda hnathawh tur a neih avangin kan bulah a lo tel thei dawn lo a, chuvang chuan Belle pawh park lama hruai mai ka rilruk ta a ni.park pawh hi nuam a ti ve tho ṭhin a, midang dang te nena infiam a, hah taka a awm hnu a jan eitur pai te ri keh ṭeuh a inlama hawn leh mai hi a pa telloh chamga kan tih dan ṭhin a ni a, Belle hian a pa a ngaih ṭhin em a vangin heti ang hun reng rengah hisn a pa a awmloh chuan tlemin nuam a tilo ve deuh ṭhin, tunah pawh hisn a hre chhuak keh ṭep tawh ang .


Ka thil hrilh chu reilo té ah chuan hrechhuak lehin, a hmel chu nguai leh nghâl ta ngei a.
"Daddy a lo kal ve ang em? "

"Aih, daddy chu hnathawk in a chhûak a lawm." ka lo ti a.

"A pawi hle mai."tiin min chhâng leh khiah a, a ṭawngkam.hman te reng reng hi puitlin chang a nei zauh ṭhin a, naupang te e tilo in a lawmawm thei phian bawk.

He nâu té zet hi zawng!!
Rex ang chiah mizîa a nei ka ti rilru a.

"Han insiam la kal turin minute nga chiah hun kan nei tawh a nia."

"No, daddy hmuturin ka kal duh zâwk!" Tun ṭum chu a la tifan mai, mak min tih tir lek lek.



"Oh, Belle zanin ah i hmu leh mai dawn a lawm, a hnathawk rawn bân hunah chuan i hmu leh em em ang, chumi hna chu daddy hian a hnathawk lo tihbuai hi a duh vak ṭhinloh kha."  aw zâidam zet hian ka ti leh a.


"Chuan minute nga chhûnga i inpeih hman lo a nih chuan, khawiah mah kan kal lo ang." Min melh kal mai a, engmah erawh a sawi leh ta lem lo.


A roomah chuan luhpui in a thawmhnaw chu ka thlâksak ta nghâl a.

Kan picnic na hmanrua vel chu Mrs lucy chuan min lo siam sak ve mawlh mawlh bawk a, kan insiam zawh hnu chuan, kan awmna piah mai a park ah chuan picnic turin ,kan nufa chuan kan inzui chhuak ta a.

A hmunpawh chu kan va thleng nghal mai a, ka basket khai chu nghah pahin, ka hawikual deuh ruai a, vawiin chu kan haw hma a ngaih ka ring, ni a sa vak lem lo a, khua a duai riau bawk, chu chu thuhran nise, park ah chuan midang awm.pawh ka hmu lem lo tlat, a khawhar thlâk viau in ka ring, vawiin ni anga kan lo kal ta kha ka ti leh rum rum hial.



"En rawh a nawm loh hran vak loh hi, khawihmun ah nge kan picnic na hmanrua hi ka lo phawrh ang?" Belle chu ka melh pah ralh a.



"Tawlhpahritah ah sawn ka tawlh thei ang em? "A lo ti daih thung!



"Tehreng mai kal rawh! "Ka tih hnu chuan phûr zet a tlân chungin, a pan ve ta nghâl a.


A mah auh zui pah chuan, "Tlân suh i tlu palh mai ang." ka ti a.

"Ok mommy."  ti a rawn hawi lét zauhin, a kalmuang ve nghal mai bawk a, ka thusawi a ngaih pawimawh nghal a vang chuan ka nui sak a.



Keiin kan picnicna tur chu ka lo buaipui bawk a,puan te chu phah nghâlin, kan thil eitur ken vél te chu ka phawrh chhuak bawk a.



Tumah an awmlo a reh raih mai a, kawng lehlam.takah chuan a nuam dawn khawp e, a chhan chu thawm ri va awm chel chulah chuan lehkhabu ka chhiar thei ṭhin tlat lo.ti rilru chung chuan ka nui pah sak a, ka lehkha bu ken chu phawrhin, ka chhiar ta nghâl a.



Rei vaklo hnu ni maiin ka hria, eng chen chiah nge ka lehkhabu ken chu ka lo chhiar tawh tih lah ka hre hek lo. Hmeichhe police officer hi rawn kalin, ka bulah chuan a rawn ding ve a.



"Picnic nan chuan ni nuam zet a ni tiraw ?"a rawn ti sap a, mak.kati letling zawk, ni a sat loh a vang leh ruah sur mai tura ka ngaih sur ta silo leh khua a thuang leh kuk hnuhnawh vang te pawh a ni mahna le.



Ka lehkhabu chhiarlai chu khupin, ka melh chho ve nghal a.

"Ni e ninuam tak a ni in ka hria." Ti a chhan ve pah chuan,mitmeng hlim sarh hian ka melh ve a.

Chu police officer nu bawk chuan ka eitur dah vel chu melhkual dan dan pah hian, "Eitur ho te chu nangmah chiahin emni i eidawn? ti ila, naupang thil eiduh zâwng deuh vek i keng bawksi." a rawn ti leh ta khauh a.




"Nia, he hmunah hian ka fanu nen a lawm kan rawn kal." Ka nuih pah sang bawk a.


"Khawiah nge i fanu chu a awm a?"

"A ni chu tawlhna lam ah khân a awm ang , tahchuan a infiam." ka lo ti leh a.



"Khalam a ṭang khân lawm ka rawn kal a, mahse i fanu emaw tumah reng awm ve an awm lo, he hmunah hi chuan nangmah chiah ka rawn hmu che."


"Nilo tawlh....."

Mângang zetin khawiah nge a kal tâk ang? Ti a ngaihtuahin, hmanhmawh zet chuan tawlhna lamah chuan ka tlânphei ta hlawk hlawk a, police officer nu oawh chuan ka hnungah min rawn zui ve nghal bawk a, tawlhna lam ka va thlen chuan Belle hmel reng reng hmuh tur a lo awm.tawh lo, ka thun a phu nghal dawt dawt a, ka lungphu inthum rawn te chu a ring nghal hle hisn ka hria, ka hlauhthawnna lutuk a vang chuan ka khur nghal hlawk hlawk bawk a.

"Nilo, Nilo, khawiah nge ka fanu chu a awm tâk? hetiang hian Belle in a kalna tur sawi lo in min la kalsan ngâilo hrim hrim !" park hung chuung hmun tin mai chu hman hmawh zet a ka tlân kualin ka fang nghal zung zung a, mahse khawiah mah ka fanu hmel hmuhtur a awm lo.



Police nu Daly pawh chuan min rawn zui ve zel a,
Ka aw neih theih tâwp tâwp chuan," Belle." tiin ka au tuarh tuarh a.
Ka mangan na pawh a namailo hle.


"Khawiah nge a kal tak ang? "Ka ti khûr dar dar bawk a.
Park chhûng zawng zawng kan en hnuah pawh chuan, ka Belle chu hmuhtur reng reng a awm tawh lo, ka beidawng lutuk chu ka ding ta tawp a, mittui a far nghak zung zung bawk a, ka fanu chu tu emaq in min rukbo sal chiang mai, heti ang thil hi a reh tawh emaw ka ti a, tunah ngei mai ka fanu chungah a thleng leh ta chu a nia le, engtin nge ka tawrh zawh teh lul ang ni.



"A bo tawh mi tu in emaw an la a ni."ka mangang lutuk chu ka ṭap chhuak ta phawng a.



'"Kha ti ang khan ngaihdan an siam nghâl ringawt ngâilo . He tilai a ṭang hian in awmna a hnâi ang ti raw?"

"Aw hnai e." ka lo ti sep a.



"Chuan a hâwsan che a ni mai lo maw? A chhan chu naupang ho tih ve dân reng a nia ."



"Ka hrethiam hauh lo mai."

"Lokal rawh in awmna chu i va en hmasa phawt teh ang."
 kan pahnihin, kan inlam pan chuan kan inzui phei dun ta a.

Inchhûngah chuan ka lût tlang nghâl a, room hran hran ah chuan lûtin ka au pah zel bawk a, Lucy chu a rawn kal a, "Belle te chu park ah i hruai a ni lo',m ni?" Bang bo hmel zet hian a rawn ti a.

Ka hmelah manganna a hmu a ni ang chu thil awmdan a hrethiam nghal vekin ka hria. A mah zawk chuan min hnem nghal mawlh mawlh, mahse ka fanu ka hmuh leh hma zawng chu an mi hnemna ṭawngkam te chuan engmah keimah ah a thawk thei tak tak chiang lo ang.

Inchhûng lam ka fang chhuak vek, khawiah mah hmuh tur a awm lo.
Officer Daly bulah chuan mangang zet hian ka tlan chhuak leh a. "Inchhûng ah pawh a awm lo, inah a hâw lo hrim hrim."



"Anih chuan naupang bo anga kan ziah luh mai a ngai dawn a nih chu , chu chu a ṭha ber ang.a pawi khawp mai." tih pahin, "Naupang hming?" A ti ta a.
Chuti ang naupangbo anga an han thantir tur ringawt te chu rapthlak hi ka ti a, ka chan a tan ka duh lo bawk, a hma darkar reilo té te kha chuan ka fanu kha ka bulah a awm a sin le, engvang a kha park a lo hruai nge maw ka nih reng reng le, chung thil ka ngaihtuah phei chuan ka bing deuh mup mup ni hian ka hria.


Hlâuthâwng zet police officer chu melh pahin, "Belle Marshall." ka ti ta sap a.



"Marshall tih chu, Marshall Enterprise Company neitu hi em ni? "


Beidawng zet a inhnit deuh faih faih pah hian, "Aw, Rex... Rex Marshall hi ka pasal a nia, chuan Belle pa a ...a ni bawk." Ka mittui  luang thla ngiai ngiai chu ka  hruhul pah a.



Thil eng emaw ka ngaihtuah chhûak ta thut mai,  a pa ka la hrilh hre ve hquh lo a ni tih ka hre chhuak a, "Oh Lalpa ka pasal call ngei a ngai ang." ka ti chhûak hluai a.


"A hriat hunah zet chuan ka chungah a va thinrim.dawn tak em." Chuti ang thu hrilh tu nih pawh chu ka hreh ngawih ngawih.


"Ok inchhûngah lo va lût in i pasal chu lo va call la, kei pawhin, police station lam ka lo be ve anga , ka biak zawh ah ka rawn lut ve dawn nia." Police nu Dalt in a tih chuan,
Ngâwirengin ka lût ve ta mai a, ka bangbo deuh hu a, awmdan chiah pawh ka thiam lo, ka rilru hah lutuk a vang chuan ka chawmawlh zo vek nihian ka inhre ber.



Eng nge ka tih ang a, engtin nge ka awm ang tih pawh ka hrelo, Rex ka hrilh chuan a thin a vahan rim dawn tehreng em , enga tinge Bele chu lehkhabu ka lo chhîar san daih reng reng? Ka thiamloh vek a ni tiin ka ngaihtuah a, ka ngaihtuah na te chu a buai nuai nuai mai.

Khawiah tak awm ang maw?
Rex chu phone phawt ila a ṭha ang  Rex number chu ka dial ta nghâl a.


..................................................................


REX ...

Kei, ka pa, Ben leh Tim te nen chuan meeting kan nei mek a.



"Aw le Tim, tûn kar tâwpah chuan, meeting ilo ko dawn nia." Tim chu ka va melh pah zauh a.



"Nang leh Tim hi zin dunin, zankhua hun inhman a ngai dawn nia, a chhan chu sumdawnna lamah thil pawimawh zet sawitur a awm a vângin leh thil tih fel tur tam tak a awm dawn si a." Ka pa pawh chuan a lo ti ve bawk a.





"Kei chu ka theih ka ring lo. Chuti anga zankhua awm tur ang chuan, Alma hi kalsan chi a ni tawh lo, nâu nei mai thei dinhmun ah a ding tawh." Tim chuan a ti leh nghal a.




"Keimah pawhin meeting chu ka lo ti thei mai ang, Tim chu ni e, hriatthiam a ngai ang, eng nge kan ngaihdan? Kan zinna hmun turah chuan Tim lo tel ve khér a ngaih chu ka ring lo."



"I chiang chiah maw?" Ka pa chuan a ti leh a.

"Chiang tehreng mai........."
Ka phone chu a rawn ri a , tu number nge tih en pawh enhlei lo chuan, pickup in," Rex Marshall." ka lo ti liam pûat a.



"Eng maw? Aw le ka rawn haw nghâl ang." thinrim zet chuan phone chu ka cut sawk a.



"Belle a bo a nih chu!" ka ti chhûak thei hrâm a.



Ka pa leh Tim pawh chu a ṭhawng dun hle mai, ka thusawi avang chuan an phu ve zawk thei hial a.



Eng dang mah ka ngaihtuah thei tawh lo. Hmanhmawh zetin inlamah chuan, ka in khalh haw ta nghâl a.
In ka thleng inchhung ka lût chu ka thinrim ngei mai.


Lexi chu a lo ṭap hlap hlap mai a.
Thlém tum te chu khawilam ah a ni ringawt ka thin a rim ṭun zawk .


"Engthil nge thleng hrep hi ?"va tih luh tuarh pah chuan, Lexi leh police nu chu rum tak mai hian ka melh kul mai bawk a.



Lexi chuan ka lam rawn hawiin, inthiamlo hmel zet chung leh ka mit takah pawh en ngam lo a hnuailam melh tlat chung hian, " Rex a pawi ka ti tak zet ." A lo ti sap a.

" Eng nge pawi i tih chhan chu Lexi?" Thinrim zet a vin leh tuar pah chuan ka ti chhuak hrawih a, ka kut ka hûm ruh ṭeuh bawk a.


Ka vîn nasa deuh nge ni, Lexi chu a  ṭap chhûak leh ta hlap hlap a.

Police nu chu a rawn kal hnai a, "Mr Marshall, engkim a awmna lai hmun tur âwm ang zawng zawng chu Mrs.Marshall nen hian kan lo en vek tawh."


"Officer ka nupui hi a fâlin ka be duh."

"Tehreng mai." in thiamloh hmel zet chuan a kal sawn ta nghâl a.


"Eng thil nge thleng Lexi?"


"Rex ka... hre lo tak ...zet ! Kan piah park ah sawn ..ka hruai a...
Chuan..ka infiam tir a, keiin...lehkha...bu ka chhiar pah bawk a...."  ṭap pâr chung chuan vhumbung fe hian a sawi chhuak a, thil thlen dan chu ka riruat thiam nghal vek, a nu nen park ah an kal ang a, Lexi chuan ngaihsak em em lo in lehkhabu a chhiar san daih ang a, chumi chhung chuan ka fanu Belle chu an ru bo ta ngei a ni ang, hrep tak chuan.



"Kum nga lek chauh a la ni tih hi i hre lo em ni? Engtik lai pawhin a chungah i mit i lén reng tur a sin Lexi. i thil tih pawi zia hi hre ta che."
Ka kut chu ka hum ruh zual.sauh, thinrim a vangin ka ṭawngchhuah pawh chu ka sehchilh hle bawk.


"I sawi dân hmangah chuan, a mah ngaihsak lo zet ang chuan min chhuah khanglang suh! Ka awm na a ṭang khân a awm na kha a hla bîk hauh lo. Engvanga a thawm.pawh hremiah lo nge ka nih erawh ka hre bik lo a nih hi!"

"Oh, i fanu aia i lehkhabu chhiar mood a i chen vang hrep maw le."

"Ka fanu ve tho a ni a, ka ngaihsak loh hi chu ring bik chai suh !" Mi lo tih khum ve tuarh a.



Barrett chuba rawn kal hnai ve a, engtiklai in nge a rawn thlen tih pawh ka hre lo. " well Rex !"a rawn ti sup a. A hmélah chuan thilsawi duh a nei tih ka hria, mahse tunah rih chuan ni lo ve.



Lexi lakah chuan ka thin a la rim rih tlat !!


"Barrett mimal thil kan sawi rih." ka lo tih khum nghut a.


"Umh,.... ok, living room ah ka lo nghâk ang che u. " inthiamlo zet chuan, a kalsawn veleh ta a.

Thinrim taka Lexi melh leh pah chuan, "kan la chhûnzawm leh ang Lexi." tih hrâwk pah chuan, Barrett awmna lam chu ka pan san ve ta a.

..................................................................


LEXI....


Police nu Daly chuan i ṭha em?"a rawn ti sap a.



"Khawngaihin ka pasal kha i hrethiam dawn nia, heng thiltheng hian a ṭhawng teh thut em a, a ngaihtuahna a phawklék ve a nih kha." ka lo ti sap a.



"He tiang hunah chuan, mi hi han in ṭawng el khum na chi pawh a ni dawn em ni?" A tu a ve ve pawhin, hrehawm in ti dûn hle awm si a." A lo ti ve sap a.

Rex chuti anga a han awm thut chu kei ngei pawhin mak katih rual rualin ka hrethiam hle a, Belle a hmangaih zia pawh hrechiang tu ber ka ni, mahse engvanga keimah min puh vek mai nge a nih erawh ka hrethiam lo, ka rilru a na viau a, mahse ka sawichhuak ngam ngang lo.


Ka pa thusawi kha ka hre chhuak thar leh a, Rex hisn hetih hun lai tak hian ka pa thusawi te chu a zawm thei ang em ka hre lo tak zet, ka mittui pawh ka ṭahna a vang chuqn a la hul hman lo, a ngai te bawkin a rawn far leh ta fap fap mai a, Belle a bo a vanga Rex min ṭawngkhumna na tak tak te chu ka tuar dai thei lutuk, mahse Belle hmulo nikhat te awm erawh ka zuam lo.


Heti ang chhungrila natna hi nu fa nei tawh te chauhin min hriatthiampui ka ring, mahni rila rah te ngei khawiah nge a awm pawh hre lo in leh a thi nge a dam tih pawh hrelo in ka han awm a nia, chu chu thuhran nise, Rex lah chuan ka chungah a thintimna a hrithla a, min hmu duhlo mai oawh nilo in biak pawh min be duh lo a, min biak ve chhun lahin ka lakah ṭawngkam vin zet a hmang bawk, Rex nu leh pa te pawhin an hre tawh a, mi hnem tura rawn kal an duh viau a chu Rex chuan min hrem a duh nge pawh ka hre lo, kan chhungkaw ina rawn kal chu a rem ti rih tlat lo a ni.


Chuti ang chuan mal takin leh mahni chauhin hun ka hmang a, Alma chu mi rawn hnem tura lokal a duh viau a, mahse Bella bo lai vel bawr kha a nau neih hun a lo ni veleh bawk si a, nau lah harsa zetin a hring a, chuti chung chuan phone ah erawh mi rawn hnem a ṭhulh ngai map lo thung, ka ṭhiannu chu ka ngai viau a, mahse an inlama lo va kal a, an buai tawh sa nak a laia kein lova tihbuai belhchhah leh chu inthlahrun awm.ka ti, Rex chuan Belle a zawng chhung company chu Tim kutah a dah tawp a, an mahni pui bawm tu ber Paul lah chu Rex chuan chhun leh zan zawmin a awmpui bawk si a, ka tan chuan ka ṭhiannu lo va tih buai leh chhawn chu thil tih chi ah ka ruat lo a ni.

................................................................



REX.....


"Rex kidnap a ni tih hi i chiang chiah naw? He lai hmunah hian kidnap chungchâng chu kan zawng dawn tihna a nih chuan...a nih loh pawhin, a nu hian a ring mai mai te a nilo maw? A ngaihna min hriattir lo ta hle mai." Paul chuan ka lam rawn hawi pah a, a hmazawna tui glaas a inchhawp chu a in pah khawlh a, glass chu table ah chuan a dah kir leh in a bawp chu a khawkherh a, ngaihtuah hmuk hmel zeta a mitko ti chuar nung chung hian a ngawi pah vung vung bawk a, Paul hian thil engkimah a theih tawp min chhuahsak ṭhin in idea ṭha tak tak te pawh ka tan min thawh sak ṭhin a, tun ṭum pawh hian chu aia nasa chuan a beih leh ka ring, a chhan chu a rawn kal chang a piang a, hlim taka lo lawm ṭhin tu Belle kha a awm tawh lo tih a han hriat hian hre awm a ti lutuk tih pawh ka hre ve reng a ni, kei tak pawhin ka fanu tello a hun hman chu ka zuam bik chuang lo.


" Engkim mai hi ka hrethiam tawh hrep le ve." ka lo ti chuai rûih a.



"A chhan ber chu Lexi khân Belle chungah a mit kha lo lén chu ni se chuan , hetiang hi a thleng hrep lo tur."


"Aw le, Rex he mi chung thu ah hian, ka mipa te ho zawng zawng chu lo ngaihven turin thu ka lo pe ve ang e. " ti ve leh in, " Belle chu kan rawn hruaikîr leh ngei ngei bawk ang."


"Chu mi thû ah berkher chuan min ring ang dawn nia . " Barrett chuan min chhuahsan ta a.

Lexi chu ka be peih hauh lo. Ka hél hi a ni deuh ber mai, chu mi tlâilam pawh chuan, dinner pawh ka eilo a, Lexi nen kan room ah pawh zanlam ah pawh kan riak dun lo.



Zan khua deuh thaw in zû ka in a, ka office room sofa ah chuan zanlam ah pawh chuan ka riak a ni.



Zîngah Lexi chuan min rawn kai harh a, ka harh veleh, Lexi bulah chuan , "Belle chu an hmu tawh a mi?"  Ka ti nghâl phawng a.

"La hmu lo." tiin hmel ngui raih hian min lo chhâng sap a.

Lungngâi tak chunga kun nguih pah hian ka chal ka dawm a, "Ka Belle té chu zankhua in a kalbo a nia." ka ti hruih a, Ka ngaihtuah hle bawk, nizan ka mut thilh hma zawng chu ka rilru luah tu a ni a, zing ka harh veleh chuti tho chu a ni.



Lexi chu men hnuai raih pah chuan, "Rex ka mamawh che." a ti sap a.


"Belle kha ka fanu ve tho a ni a, a nu ka nih ve ang bawk hian ka ngaihtuah em em a ni." Tiin chhûak em em hian a ṭap chhuak ta phawng a.



Ka inngaihtuah buai nasa mai.Lexi chu ka mawh puh rual rual in hrehawm a ti takzet tih chu ka hriat thiampui lutuk!



Ka hnem ang nge ngawi rengin ka kalsan dawn tih ah chuan, ka rilru chu a insual buai ve lutuk.

A tâwp a tâwp ah chuan, ka va kuah ta nge nge a, a hmuiah chuan duh thawh zetin ka fawh sak a, a ni pawh chuan min mamawh lâi tak a nih a vangin, min lo chhânglet ṭha kher mai.

Mahse kan fanu chuan ka rilru leh ngaihtuah na a luah tlat rih.

Lexi chu nem kiangin, " Lexi, tunah chuan ka ti thei rih lo." Tih sup pahin, ka hnung chhawn nghut a.



Rilru nat hmel zet mai hian, "Rex khawngaih in hnunglam chu min chhawn tawh lo hram rawh! "tiin a  in hnît leh faih faih a.



Chu pawh chu haiderin , "A pawi ka ti takzet Lexi ." Ka inher nghut a, ka office kawngka chu ka khâr khum leh ta daih a, tunah rih chuan, Lexi hi ka la ngaidam.thei rih lo kan fanu bo na ah hian ka mawhpuh rih tlat.



Ka ngaihtuah ber chu , lo en deuh chu ni se , ka Belle hi a bo hauh lo ang, tihna rilru ka pu tlat a ni.
A inchhir ṭap ri chu ka tan ngaihthlâk a hrehawm takzet.


A hmel ka hmuh a piang chuan a ṭap reng mai bawk nen, in chhûng a awm pawh chu  hrehawm tak a ni ta, engtin emaw tal chuan rilru tihthawlna ka ngaihtuah a ngai nfei ang, chuti lo zawng ka á mai dawn.



Tlâilam ah chuan, shower chu hmangin ka insiam mawlh mawlh a, bar a kal tur chuan ka inkhalh chhuak ta a.



Barah chuan lût nghâlin, Barrett chu ka phone a, "Barrett kei mah!
Tûnah barah ka awm a, min mamawhna i nei a nih chuan, ka office room ah kan in hmu thei reng a nia."


"Chuan Lexi in ka awmna a zawh che chuan, khawiah nge ka awm tih i hriat loh thu in i chhâng dawn nia." ngui zet a ka tih hnu chuan phone chu cut in, bartender hnenah chuan, "A sen chi a vurtlang pawlh ka lo duh ang." ka ti pah sup a.





Chutia hlim lo zet leh rilru hah taka  intur ka lo in mial mial lai chuan, ka bulah hian, hmeichhe nalh ve tâwk tak sam buang thâng mai, a beng hnuai chen vel a tan tawi tak mai leh nisa do ṭhang tih hriat zet mai a vun sen uk kharh mitmu pawl ram mai hi a rawn kal phei zan zan a, no zeta ka taksa melh kual ralh pah hian ka bul a rawn thleng phei totih nghal a.

A pian lah chu a nalh phian mai, ka zû lo in deuh tawh vang nge mawni, chu nu chuan ka mit a la phian.




Aw tham chhâng deuh lek lek hian ,," Hey , sexy a rawn ti thâm chal a.



"Nang pawh !" ka lo ti ve sup.




"Intur i leisak dawn em niang?" tih thu sawi pah chuan, no zet hian min melh pah sang a.



"Tehreng mai! Eng nge i in ṭhin?"



"Khawngaihin a fim chi  ka lo duh ang chu." (He ka thawnthu post na ah hian dan thar siam a ni tawh a, ruihtheithil lam pang leh ṭawngkamchhia lam kaihnawih thil hrim hrim dah a rem tawhloh a vangin zu hming pawh ka dah ngam tawh lo a ni e. SANGTEI KHAWLHRING) ti no leh hnâp a.



Bartendar hnenah chuan, " He Lady tan hian, a fim chi rawn lak sak ta che."



A intur an rawn chhawp chu lo tem hlak pahin, " Chuan he hmunah hian i lo kal fo ṭhin em ni? "A rawn ti leh sap a.



Engtin mah chhâng lo chuan, ka intur chu in in, ka zual zuklai chu ka hîp pah vang vang a, ka pak khu chhuak talh talh bawk a.



"I ṭawng tam vak lo a ni maw, a ni em? " tiin sexy zet mai hian a rawn meng si sap a.




"Ṭawng tam tak zawng chu ka nilo a lawm ,"ka lo ti ve nghut a.



"Ka mipa duh chi tak! " tih leh sep pahin, min rawn din hnaih nghal sauh a.



"Eng emaw hlimna tlém han tem ve zauh te i duh lo maw?"  a rawn ding hnâi leh sauh a.
Engtin mah ka chhâng lo thung!




Ka beng bul a thu rawn sawi tur chuan, a rawn dingdi hlîp pah âk âk a, "Ka chén na lamah kan kal dâwn mi niang?"



"Ngaihtuah teh, ka bula hun hman hi i inchhir hauhlo ang."



"Mipa khum lama tih lungawi dan chu ka hre teh mai a nia." ka beng bulah chuan a rawn ti sar sar a.
Engmah a chhâng chuang lo chuan, ka thaw pah kawk ringawt a.



Ka thilin strong deuh hlek bawk nen, ka lo in hnem phian bawk si chuan, ka thluak chu a luh tlat tawh.
Chu nu chu rawn ding dihlîp leh âk âk in, ka hmuiah chuan a rawn fawp ta a.


Keipawh chuan ka lo chhânglét ve bawrh bawrh nghál a.

...............................................................


To be cont...