THE CONTRACT BONUS CHAPTER....
Fakna kha ṭhahnem ngai takin min han hmeh sak ve hram hram u la aw, a hma khan hmeh tur a awm ta si lo a, fakna kha hmetin minute sawm tal kan nghak ve dawn nia.
RICHARD....
I taksa kuah chunga khuma ka mut ṭhin lai te kha ka ngai ṭhin a sin, i pangtilum nuan tak mai nghen leh te kha ka châk leh tawh tak zet."
"Chuti a nih chuan rawn riak ve la a ni mai a lawm."
"I tih chuan le." Tih pah chuan ka tawp thut a, hman a ṭang tawh ka thil zawh duh pakhat ka neih ka rilru a ka dah reng ṭhin chu ka zawt ta a. "Katy thil pakhat zawh duh che ka nei a?"
Ka khabe mi rawn tuai sak niap niap pah hian, "Khati anga min koh kha nuam ka ti."
"Kei pawhin heti anga koh che hi nuam ka ti ve tho a sin, hetianga ka ko thei che hi ka hlim bawk." Tih pahin a hnar chu ka va tuai sak pah zauh a.
A ni chuan thutak hmel zeta mi rawn en ran pah chuan, "Eng nge i zawhna kha sawi tawh rawh le?"
Ka ṭhutna chu siamrem deuh oahin ka ṭhu ṭha nghal a, "Kha mi zan, min kalsan hma zan a kan mutdun hmangaihna kan chen zan kha....."
"Kha zan kha khati ang khan maw i sawi dawn?"
Aw, ka sawi tlang tawm mai ang, kha zana hmangaihna kan chen dun khan condom ka hmang ta si lo a, i tan raina chance a awm thei ang em le?"
A ni chuan a lu mi lo thin khum nak a, "Âih, ka napan lai a ṭang tawhin period lanah hian buaina ka nei a, chuvang chuan indanna ang chi damdawi min chawh ta a, chu thil chu tun thleng hian ka la ei ṭhin, chulam chu ngaihtuah duh suh, ka rai lo ang."
Chuti anga a,sawi tak a vang chuan hahdam zet a thawk lak huai pah chuan ka mu zal ta a. A ni ve thung chu leh lam mi hawi san hmak chung chuan he thu hi a rawn sawi nawn leh kher a, "Richard ngaihtuah duh suh, ka rai hauh lo ang, fa i duhlih zia pawh ka hriatchian sak em che kha."
A awmdan chu ka hrethiam kher mai, a mah thlem titih deuh pah hian a lamah chuan ka tawlhhnai a, a mah chu ka lam rawn hawi tur a, ka kut akuai her chung in leh a khabe a dawm sak pahin he thu hi ka sawi ta a.
"Nilo e, hmana i thusawi kha i la hria em? A nu i hmangaih phawt chuan naute pawh i hmangaih chhawm ve mai ang i tih kha, kha thil kha i sawi dik hle ni in ka hria." Ti in ka chhang a.
"E, chuti fa neih chu iduh tawh deuh tihna em ni nih leh?"
Kan mut dunna sofa a ṭang chuan ka taksa siam rem pahin ngaihṭhalo zetin ka awm.a.
"Heti ang thil thleng zawng zawng hi ka tan chuan a la hlimchhawn vek a, tumah hi ka hmangaihtheih pawh ka inring ngailo a, chu thil chu ngaihtuah pawh ka ngaihtuah chhin nhai hek lo. Mahse hei, nang chu ka hmangaih ta phawt mai che a, i tello lahin ka awmthei ta lo der chu a ni mai a, ka rilru leh ngaihtuahnazawng zawng thlak danglam i ni a, thil dik leh ṭha a ka lo ngaih ve ṭhin zawng zawng te kha diklo a chan tir tu chu nang hi i ni a, chuvangin fa lampang chung chang pawh hian i ngaihdan a g kha a dik a niang tiin ka ngai ta mai."
"Heti ang ho chu nakin lamah kan la sawi leh dun dawn nia, sawina hun tur a la tam, chuloah helai hmuna awm tam deuhna tur hian ka dil belh ang ka lo ti rilru sa hrim hrim a, hetah hian inhrechiang tawn hrim hrim.bawk i la."
"A nih i railo a ni tih hi i chiang takzet maw?"
"Aw, chiang tehreng mai."
"Umm, a nih chuan hetiang lam.thu hi chu nidamga sawi a tan kan dah mai dawn nia."
"Aw le, kha chu kan hma lam hun tur kan sawi lawk hunah jan la tifel mai dawn nia." Ti a thlek deuh nghelh pahin chu thu chu a sawi chuuak ta a.
"Okay." Ka kut chu ka pocket chhungah zen lutin kan inneih zung bun chu ka phawrh chhuak a, "Chumi chuung erawh he thil hi bun lwh turin ka duh che. Nang chuan awmze neilo ah leh lemchanna vang mai mai a ka bun tirah che i ngai pawh a ni mai thei, mahse, ka tan chuan he thil hi ka engkim a ni a sin, hei hian kei hi i life ah eng nge ka nih tih leh ka pawimawh ve na te a lantir, he thil hi i kut zung ṭanga ka buntir che hian, ka tâ i nih zia a lantir bawk." A kut chu la kangin a hma a alo bun tawhna ṭhin a kut zung ṭangah chuan ka tin zawn a, a mah chu melh lehin, "Chuan ka bun tir leh ang che aw?" Ka ti a .
A ni pawh chuan ka bun tir rem tak tur a a kut ṭang chu lo chet ve in, "Aw le." A ti ve a.
Kan inhualna zungbun a lo bun sa chu phawi sakin a kut dinglam zung ṭangah chuan ka bun tir a, chu mi hnu ah kan inneih zungbun chu a kut ṭang velamah chuan ka bun tir leh ta a. "Tunah chuan he zingbun hi a awmna hmun tur diktakah a awm leh ta e." Ti a phun chhuah ve sup pahin, chu diamond zungbun chu ka fawhsak zauh bawk a.
A ni pawh chuan, "Ni e, a awmna tur hmun dik takah a awm leh ta." Ti in min chhâng let ve a.
Chumi hnu chuan ka ṭhu chhuak a, ka jacket hak pocket a ṭang chuan lehkha inthlep te chu ka ohawrh chhuak a.
"Kha kha eng nge ni a?"
"Kan pahnih inkara kan contract siam ho kha a ni a, mahse tunah chuan engmah an ni tawh lo."
"Kei pawhin kha thil kha eng tihna mah a ni tawhlo a ni ti a rilru ka putna chu a rei tawh mai, mahse i bulah erawh ka sawi chhuak ngai chuang lo a, kan tan chuan hman a ṭang tawh khan eng tihna mah a ni tawh lo." Chu thil a sawi zawh rual deuh thaw chuan ka kut lehlam lek chhuak ve in, kan pahnih a contract zawng zawng chu ka pawtthler ta vek a, thuk a meichhem alh hlap hlap lamah chuan ka lehkha pawhthler chu ka vawm lut ta vek a, chung lehkha alh kai a ṭanga a kan zawh thleng chu ka thlir reng a, Katy pawh rawn ding chhuak ve in ka bul a din ve pah chian lehkha alh ral lai chu ngawi reng hian a thlir ve bawk a.
Katy kawngah chuan ka kutin ka kuah sak a, kan pahnih inkar a contract pakhat la awmchhun chu kan inneihna certificate chauh a ni tawh. He thil hian vawiin ni aṭangin kan pahnih inkar a zawm nghet in a suihpum tawh ang a, chu chu kum tluan a kan pahnih contract a ni tawh bawk ang."
Katy chuan no zet leh mitmeng de sar sar a mi rawn melh pah chuan,"I like that." Ti in min chhang ve zauh a.
"Engkim a kal tluang tawh bawk a. Kei ni pahnih pawh hi innei ṭha leh i la a ṭha ang."
"Tak tak maw?" Ti a min zawh pahin, mitmeng bial zet hian min melh kawk kawk a, mak a tih hmel kher mai, mahse a mitmeng chu chawp leh hlilhin hlimna in a rawn thlαk thleng nghal a.
"A hma a kan inneihna hmun city hall angah mai mai kha chuan kan ti tawh lo ang, tunah chuan i duh dan ang ngei leh i duhthusam ang ngei a inneihna pawh buatsaih ka duh."
"Kei chuan kan ineih dan leh a hmun te kha ṭha ka lo ti viau a sin, kan pahnih a kan lam dun lai te pawh khan ka hlim ru viau bawk."
"Ka lam thiamloh em kha."
"I liam thiam a lawm."
"Tak tak maw?"
Min bu khum nghat a.
"Tun a ṭang chuan a hma ang ni tawh lo, kha aia ṭha nih kha ka tum tawh ang, engkimah thu hre tu nih ka tum tawh ṭhin ang, i tana pasal ṭha tak nih ka tum tawh ang."
Richard i insawi dan ang chu i ni sa tawh reng a lawm, inthlâk danglam i ngai tawh hlei nem."
"Katy min dawhtheih hle a ngai ang, kei hi chu thil hi kati buai leh mai ṭhin a, chuvang chuan zaidamna nen a min dawh zel ka ngai ang."
"Ngaihtuah duh suh, mipa tupawh an ni vek ṭhin a lawm, tumah fel famkim kan awm hlei nem, mahse chuti ang chung pawh a harsatna a lo thlen hunah pawh nang hi chu ka bulah awm reng tawh turin ka duh che. Ka bulah hian i awm reng tawh ang a, ka lakah hian gum angin i bet tlat tawh ang."
"Chuti a nih chuan kan ṭha ah ngai ang." Ti a ka sawi zawh hnu chuan a khabe ah ka dawm hnaih sak a, duhthawh zet hian a heh nel thep leh nem takah chuan duhthawh zet hian ka fawh sak ta a.
No comments:
Post a Comment