INTOXICATE CHAPTER SEVENTEEN

INTOXICATE CHAPTER SEVENTEEN

LEXI

"Lexi, Lexi, ka fanu harh teh?" Ka nu mângang awka chu ka hre thei, min rawn sâwi pah nawk nawk bawk a.

"Mom nilo ,Rex hi min kalsan turin ka duh lo.Lo kîr leh tûrin ka duh." ka insût hlap hlap a.

"Rex chu a harh tawh e."ka nu chuan a ti a.
Ka meng chhuak nghal kâwk,  thawh chhuah vat pahin, "Mahse Rex chu a thi tawh si a." ka ti niah niah a.

Ka nu chuan aw zâidam zet hian, "Rex a thi hleinem, ka rin dân chuan , mumang ṭhalo tak i neih ka ring réng a ni, i ṭapchhûak hial mai a."

"A thi lo tak tak maw?" Khâng thil zawng zawng te kha mangchhia rapthlâk tak vek maw lo ni a.

"Tehréng mai, tûn deuh mai khân a rawn harh chhuak ve chiah a, rei pawh a la ni chiah lo, a harh chhuak chiah i hming a lam hmasak ber a vângin, kâitho tur che in ka rawn kal a lâwm."

Ka theih anga rang chuan,  Rex room lam pan chuan ka kal ta dâwr dâwr a, ka mumâng hrep tak chu tiin ka ngaihtuah phei pah neuh neuh bawk a.

Rex room zâwn ka thlen chuan, kawngka chu zâwite hian ka nam hawng dék dék a,
Rex nu leh pa te chu an lo in biak mawlh mawlh avang chuan Rex chu gmuh nghâkhlel viau mah ila ka tawi khawmuang leh a.

Rex nu Marilyn chuan, a fapa bulah chuan, hé thu hi lo a sawi mék a, "Engtik ah nge nauté chungchâng hi min hrilh i tum réng réng ?"

Rex  âw zâwi sup leh chauh hmél zet mai chuan, "Lexi in lo hmu tawh a ni maw? "

Marilyn chuan a fapa chu a nuih rik khum hak a, "Aw kan hmu tawh a lawm, mahse ka lakah hian i zep rei mah mah ni in ka hria."

Chuti anga mi chhungkaw ti ti lo nghaithlâk reng pawh chu nithei hian ka hre ta lo a, ka âw chu ka thian ri ta kharh a.

Ka lam chu an rawn hawi hlawm a," Lexi i chungchâng thû kan lo sawi mék a." Marilyn mitmeng hlim sarh mai chuan, min melh a.

ṭidâk chung hian an bul chu zawimuangin ka pan phei ve nghal a, zak deuh tak chung hian ka  nui lui ve pah sak bawk a, Rex chu a ka dam chiah em tih chu ka la ringhlel tho tho, a chhan pawh ka mumang kha a tak a ang em bawk nen, ka thlengphei hnu chuan Rex chu zu melh chhukin 

"Rex," tiin ka ko pah sap a.

Ben chuan kan pahnih a min nuih tawn vur vur pah chuan, " Aw le, in pahnih hian hun fâl kan siamsak ang che u." A nupui chu a melh pah rulh a.

"Ok pâwnlamah kan lo awm ang mamawh te i neih chuan...." Ben chuan Marilyn chu kuah sawnin an pahnih chuan an kal chhûαk dûn ta a.

Rex chuan zak tak a ka ding zum zâl reng mai chu min rawn melh chho a, a âw sexy zet leh  danglamna reng la awmlo chuan, "I ṭha maw?"A rawn ti thâwp leh sut a.

Kei erawh mahni inthiamlo tak hian ka ding ngawi reng thung, ka kut chu zah zelah ka nuai pah nak nak a, "A pawi ka ti tak zet zet a ni Rex ," ka ti chhuak sap a, lungchhe zetin ka ṭap chhûak ta a, Rex chu a rawn harh chhuak ve chiah a ni a, a ngaihna a hre hauh lo ang le, mahse ka awmdan chu ka control thei lo.

Harsa ti deuh tak hian ṭhut chhuah a rawn tum a, ka che chhuak ve vat, Rex la indim viau rawh."

" Babe lo kal hnai teh!"  a kut chuan min lo ban nghal  a.

Ka pan hnai ve pah hrat , "Hetiang thil hi i chungah thleng turin, ka duh lo a sin." A hmel erawh ka enṭha ngam miahlo hnuai lam melh chuan ka meng khup lap a.

Ka khabe ah a kuta rawn dawmin, ka mitah tak ah chiang zet hian min en ta a, " I thiamlohna pakhat mah a awm lo babe." A meng nur deuh nawng a.

A mah ngaihtuahna leh hlâuthâwn  hmél pu zet chung hian," I thih mai ka lo ring tawh a....."

"Mahse hei ka la dam a nih hi!" A then pah suk a.

"Ṭhurawh."  a kut chuan, a mutna khumah chuan min pawt ṭhu nghal a, a kuta min tawhna te chu a hma ang tho khan a la pangngai.

"Tihnat che ka duhlo a lawm, silai a kah i ni si a."

Ka heh chu ît hmel zetin a mitmu thim ruih chuan a rawn melh leh dauh dauh phawt a, "Babe ka ṭha a lawm."

Kei lah chu a ṭawngkam chhuak dam zet a vang chuan ka lung ati chhe leh ta, chhûak ém ém mai hian ka  ṭap leh hlap hlap tawh.

A kut lehlama a âwm a mi beitîr pahin," ka bulah hian rawn mû ve rawh!" a ti thâwp leh sat a.

A âwm a ka beina a ṭang chuan, thle sawn in, mak ti zet a melh pah hian ," I â ta em ni ?" Ka melh deuh kawk bawk a.

"Ka âtchilh tawh che a nih ber hi! " chiang zet hian ka mit takah chuan min rawn melh run a.

"I â tawh takzet a nih hi Rex, i bula ka rawn mut ve zawngin, damdawiin a hnathawk ho hian, pawnah min thehchhûak duh hial ang." ka tih khum ve a.

Min nuih suk phawt a, ka hmui chu a kut chuan a rawn tawk zauh bawk a, " Duat taka kuah che hi ka châk mai a nia."

"Rex Marshall ka ring chiah lo, i life ah hian, tumah duat taka i pawm.pawh ka la hre lo."

"Nangmah a engkim mai hi, ka vawikhat tawnna vek a ni tih i hria em?" tih pahin, ka heh ka tih kau deuh hau ah chuan a hmui chu a rawn sik tir a, uar leh duhthawh zet hian min fawp ta vawng vawng a.

A duhtâwk a min fawh hnu chuan, min thlah leh a, ka mit ah tak chuan min en leh a.

" Miss Logan ka hmangaih che, nang chân leh hi ka duh tawh lo."

Chuti ang ṭawngkam phei chu Rex ka ṭang lek phei chuan , dawn hi ka in ring ngailo hrim hrim a, mumang emaw ka tihial zawk.

Mahse a lo danglam ve ta te pawh a nithei, Rex hi ka hmangaih anih chuan vawikhat tal chu chance ka pe ve ngei tur a ni, mahse tihsual leh erawh ka glau tak  zet, ka zak deuh bawk si chu, ka  sen ap ap ngei ang le.

A kuta ka biang vel chul kual ruak pah chuan, "Tuna i hmel put dan kha ka duhzawng tak." A ti pah sup a.

..................................................................

AFTER ONE WEEK BACK IN L.A

Rex pawh kar khat zet mai hospital a a awm hnu chuan ning zetin a chhuahsan ve ta hram a, hospitala a awm chhung zawng chuan a bula awm ve turin min ti talt a, ka tlanchhiatsan hllau zet nimai awm in a lang bawk.

Tlema ahan ziaawm hnu deuh chuan a nu leh pa te pawhin Los Angeles lamah min kir san leh tawh a, Rex nu leh pa kal dawn a a nu thu min hrilh chu naute lo pian hma ngeia kan inneih ni hmuh a in rin thu a ni.

Rex dam hnu chuan Barrett chuan a thlenna hotel lamah an mercedes car chuan min hruai a, zan hnih vel khawiah mah chhuak lo a Rex thlenna hotela kan awm leh hnu in ka nu leh ka pa te inlamah kan kir leh a, tah chuan Rex chuan ka nu leh pa te chu bia in LA lamah min hruai hawn leh tur thu a sawi ta a, ka nu te chuan rem an ti chiah lo a chu, kum tin christmas dawn a pianga rawn kal ziah a tiam thu leh a hna lam ngaihven a ngaih thu in ka nu leh pa te chu a hneh thei hram a, anni pawhin ui tak leh lung dam chiah lo chuan min thlah ve thei ta hram a, ka pa ina Rex bula a thusawi a vang chuan ngaihtuahna a ti thui duh khawp mai, ka nu leh pa chuan Rex private jet awmna thleng min rawn thlah a, chuta ka pa ina Rex bula a sawi chu, "Rex ka ring tawk che a, chuvanga ngaihngam taka ka fanu hi i bula thlah ka ni a, nakinah pawh hun lo kal leh zel turah inhlim dun remg lo maithei, chutah chuan mipa zawk i ni tih hre reng la, puitling tak a Lexi hi i dawh ka phut a ni. 

"Hmeichhia chu an rilru a no a, mipa rinhlelh tih leh tih tauh mai mai an vhing em em a, chutah tak chuan mipa te hi kan rilru a puitling tawk loh fo a vangin nupa ah eng emaw intih thiamlohna a chhuak fo ṭhin, hmeichhia a thinrim a nih pawhin thinrim ve duh lo la, an thunrim reng thei ngailo." a ti a ani.

Rex chuan ka pa chu kuah zauh pahin, "Ka lo vawng reng ṭhin dawn nia." A tih hnu chuan ka nu leh pa te nen kan inkuah ngawih ngawih a, la inthlahlel zet chungin kan inṭhen ta hlawm a.

TWO DAYS LATER...

Rex chuan, surprise tur che ka nei a tih a vângin, a car chuan min phur chhuak a, Los Angeles a kan kir leh hnu hian Rex chu nikhat reilo te a office a va tlawh a, a rawn gaw leh vat achu hna thawh tur a rawn hawn ṭeuh mai a, ka hrethiam em em a, hna a thawh theihnan hun thawl pek pawh ka tum hle. 

Mahse a mahin chuti ang chuan a ngai hauh lo, a hna te chu dah rih in kei hi min la thlang tlat rih, ka pum chhunga naute pawh a che nasa thei hle a, kan hlimpui dun ṭhinkhawp mai, Rex hian a rawn chet tawh hi chuan a be ve ziah a, kan pahniha kan hmangaih ṭhin zia a hrilh ziah bawk, chumai pawh nilo in rawn piang chhuak thuai thuai se a tih tawh thu a hrilh tel bawk ṭhin a, Rex chuan engpawh ti a a kal chhuah a piangin ka pum chuunga  naute hi a rawn haw hnu a abiak hmasak ber a ni ṭhin, hmeichhia a nih thu pawh ka hrilh hre tawh a, a hlim leh zual sauh bawk; kan pahnihin hospital a appointment kan neih a oiangin kan kal dun ṭhin a, nurse te thleng pawh a Rex anga naute pa chhuanawm hi an awm leh thei dawn em ni? An tih hial a ni ṭhin!

Ṭumkhat chu rialuah tawh chungin khawiah emaw hruaina tur che ka nei a ti a, a phur kher mai tih pawh a hmelah a lang vek bawk, englam pangtak ni ang maw tih ngaihtuahin ka zui ve mai bawk a, a car bul kan thlen chuan,"Rex khawiah nge min hruai i tum?" Tiin ka zawt a,

"I hre mai ang." tih bâk chhânna ka dawng lém lo.

Eng tak ni ang maw, ka ti rilru neuh neuh ringawt, LA lama kan awm tawh hnu hian ka chhuak vak vak kem lo a, Alma leh Tim pawh an inkawp nghet dun tawh viau a, an ni pawh ka tlawh ngai lo, ka rai len tawh em a vangin leh nei thei mai dinhmuna ka din tawh a vangin an mahni zawk an rawn kal mai ṭhin.
Chuti ang thil ngaihtuah a ka lo chhin deuh diar diar lai chuan,  "Mai mitchhîng rawh le." a ti ta phut mai a.

A thusawi teh thut chuan mak min tih tir viau achu a thûsawi erawh ka  hnial ta chuang lem lo, a sawi ang chuan ka mit chu ka chhîng ve mai bawk a.

A car khalhlai chu tidingin, ka ṭhutna lam car kawngkhâr chu a rawn hawng leh a min kâi chhûak nghal a.

Lei ka rah hnu pawh chuan, min kai pah zél a,
"Men rûk âwih loh." nuihzâ âw fe hian a ti leh kher a, ka nui chhuak ve hak.

"Hey, ka mengru hauh lo a nia aw."

Thui vak lo chutia maimitchhîng chûng a min kaih leh hnu chuan," Tunah chuan, inher in, i meng thei tawh ang." a rawn ti ve ta a.

Men chhuah pahin, ka hnunglam ka han enchiah mai chu in nalh zet leh kawtzâwl zautak mai nei bulah hian, kan lo ding reng tawh a, a hmunhma vel chu ka melhkual dan dan a, innalh tak ni hian ka hre bawk, ka pian a hnu lamah chuti ang innalhah chuan ka chen pawh ka ring pha ngai lo, Rex chuan engvanga chu in chu min entur nge a nih ang ka ti nghal rum rum bawk.

A kâwng a min rawn kuah pah chuan, "Eng nge i ngaihdân ?"
Ka dul chu a rawn chûl pah hauh hauh bawk a.

Mak tizet a enhau pah chuan, "Heihi eng nge ni ngai?"

Mi hmachhawn zawng chuan a rawn ding a, " Kan in thar tur a nih hi!" A rawn kun hniam a, ka chalah min fâwp pah zauh  bawk a.

"I ti tak tak em ni?' Ti a meng tang deuh hra chung chian a ngaihna hre lo zet hian ka melh chho ve bawk a.

"Dawn lâwmni, kan nauté hi a lo pian hun a tân chénna tur în kan mamawh ve bawk ang chu."

"Mahse in te chu tamtak i nei si a?"

"Khâng ho kha chu chhûngkaw in tak tak a ni hleinem Lexi." A ngawi deuh vung vung a, enhtak sawi chhuak leh ang maw, ti a ka lo ngaihtuah mek lai chuan thâwk a la hmasa hawk phawt a, chumi hnu chuan a ṭawngchhuak leh ta a. "Ka... ngaihdan mai mai chuan... nang leh kei hi in suih zawm ve tawh mâi ila eng nge i ngaihdan?"  thutak hmel zet hian min zâwt bawk a, a thusawi chu a tan sawi chhuah a harsa hle ang tih pawh chiang takin ka hriat pui a ni. Rexa'n chutiang thu te a han sawi chhuak ta mai chu mak ka ti hle a, ka hlim hle bawk, hetiang thil hi a sawi chhuak ang tih rinngaihna pawh ka nei ngai lo; mahse ka bulah ngei a sawi chhuak ta chu a ni a, he thu a sawi chhuah hun hi a ni lawmni ka lo nghah char char ṭhin.kha? Mahse tunah lem a sawi chhuak a, ka ringhlel leh deuh bawk si.

"I thusawi awmzia chu, i nupui ni tura min sawmna ah kan pawm dawn tihna em ni? "Ka nui pah rah rah bawk a, a tan a chu thu sawichhuah a harsat dan tur zia pawh ka hriatthiampui kher mai.

"Chu ti ang lam zâwng ah pawh chuan kan ngâi thei bαwk ang chu !"

"Han sâwm dan vél che chu ka zei vak lo a ni tiraw(h)?" min dinhnaih pah sauh a,keilah chu chutia a rawn tih leh tâk a vâng chuan, a mah a min zél âtna chu a rawn hmang leh tih hre rân chungin , boruak kham lo zet ang mai hian, ka thawk ka lo hîp lût leh hraih nghâl a.

Zak tak chung a melh chhoh ralh pahin, "A chhe lo hran hauh lo a nia." ka nuih a za lem lo viau achu ka nui lui sak tho, ka nuih luih zia pawh a hrethiam vek ang.

Ka taksa chu a aia hnaih a dinchilh leh sauh pahin, ka chalah chuan a rawn fâwp leh zauh a.

Chutah ka hmui a rawn fawp leh zauhin, "Dâwt sawi thiam lo tak i ni, Miss Logan."

"Chuan i hmél ka hmuh hmasak ber ni khân ka tâ chauh ni turin, ka siam ang che, tih hi ka hria sin."

"Nikhat chauh pawh i tello a hun hman hi ka duh leh tawh lo. A chhan chu min hrem nasa takzet tawh si a, tichuan kan fanu ngéi pawh kan bulah chéngin , chhûngkaw hlimtak din ve tawh hi ka duh a ni."

"Lexi Logan, kum khua a ka nupui hmangaih tak ni thei tur in ka duh che a, nang pawhin kumkhua a i pasal hmangaih tak ni ve turin min pawm thei em?" A ti leh sup sup a.

Hei hi a nilâwmni Rex laka ka lo beisei ṭhin kha, tih chu  ka ngaih tuah neuh neuh a.

Tûnah chuan, i duh ang tak chuan thil chu a thleng ta a, i mipa hmangaih zet mai pawh chuan a hmangaih thu a hrilh ta bawk che a, chubâk aliam a hlimna tur eng nge awm tawh chuang?

"Yes !!" Tiin ka chhâng ta sap a.

Chutia ka chhân zawh rual.rual chyan, a mit meng thimraih mai chu rawn de ve sawr sawrin, lungchîm zet leh duh thawh zetin leh dam tak si hian, a hmui a liah huh a vanga hnawng deuh chap chuan ka heh chu a tawhchilh nghal a , a hmuia ka heh chu nawr kauin uar zet hian min fawp.leh ṭan ṭan ta a.

Hetiang thil hi ka lo nghah ber ṭhin a nih a vang chuan, ka thinlung chu a lâwm a , a hlim ém ém bawk a, hei bâk bâk a hlimna leh lâwmna hi a awm leh chuang dâwn em ni? Tih chu ka in zâwt hial a ni.

Min han thlah meuh chuan, boruak kham lo in kan thaw dun pah hlawp hlawp a.

Kan thaw te a lo pângngai hnu chuan, Rex a mitah tak chuan han melh ve kal chungin, "Mahse, kan pahnih tana thil pakhat sawitur kan nei....

"Aw sawi ta che." Ka dara mi rawn dawm sak pah hian a ti a.

"Nang mah nen a a rûk a in neih mai hi ka duh, Vawiin ngei ah hiqn ni thei bawk sela!" ka lo ti khauh a.

"Chîk zet a min rawn en pah leh ka thusawi chu hriatsual hlau awm zet hiqn min en chhuk ve vung vung phawt a, kei erawh chuan engtin nge min chhan amg tih rinf chung chuan ka chik ka lo lem pah khalh thung! " Vawiinah hian maw ?"

"Aw, ni e."

"Mahse tumah kan ṭhiante leh kan chhûngte takngial pawh kan sâwm thei dawn lo tih te kha i hria ang ti raw?"

"Hre teh meuh mai, nang leh kei chiah a lâwm awm ila ka duh chu! Beach pakhat , khawi emaw hmun lum nuam tak ni thei bawk sela..."

A khabe chu dawmin a tuai pah mual mual bawk a, a duhzawng a ni ve lo a niang ka ti hman hial,  thil ngaihtuah ni âwm tak chuan, a kut zungṭang chuan a khabe a dawmna a khâwng deuh kauh kauh bawk a.

Chu mi hnu ah chuan ngaihtuah chhûak ta ni awm tak chuan, " I like your style." A ti chhuak ta sup a.

" Let's do it . Phur zeta ti lehin ka banah chuan min kai ta nghal a.

Kei chuan ka lo nuih seih bawk a, a car lam chu pan lehin, a chhûngah chuan kan lut nghal rawk rawk a, "I duhdan ang takin vawiin niah ngei hian kan innei nghal ang."  A phone chu phawrh chhuakin, kan hnaih tak beach pakhat ah chuan, hmun awl chawp leh chilh zet chuan a hauh ta nghâl a.

Chumi zawh ah Barrett a be keh a, preist pakhat chumi kan kalna hmun tur a lo tir tur chuan a hrilh nghâl bawk a.

Engkim a tih fel hnu chuan, kan pahnihin inneih kawr ve deuh reuh lei tur chuan mall ah kan kal dun leh  nghâl a.

Beach a innei tur kan nih a vâng chuan, kan thawmhmaw tur pawh kan thlang reilo dun khawp mai.

Kan thawmhnaw te ha a, kan in neihna hmun tur beach kan va thlen chuan, priest pawh a lo awm der tawh.

Tichuan preist hma ah in duh zet a in melh tawn ngawih ngawih chungin, kan in neih thutiam chu kan chham dun ta a, zungbun nalh zet mai kan lei chu kan in bun tawn tir bawk a, tunah chuan Rex Marshall hi ka fa paina pa ka hmangaih zet mai mai ni tawhlo in,  ka pasal diktak ka hmangaih em em a ni tawh zawk a ni.

Priest in a tunah chuan nupui leh pasal in nih thu ka puang e tih pah a,Rex bulah i nupui i fawp thei tawh ang, a tih chuan, a sawi zawh rual rualin, min rawn panphei pah rûak nghâl a, a che nghal ta vat bawk a, duh thawh fahran a min fawhna  chu a tâwp dawn tawh lo emaw tiin Priest pawh a kal sawn ta daih a, ka nuih a za hle.

A tâwp a tâwp ah chuan min fawhna chu a thlah ve ta chauha, kan thaw dûn hlawp hlawp. Kan in nuih tawn dun sak a, tun a kan hlimna hi chu pawisa tam tham taka lei pawh ka phal lo hial ang, kan pahnih a feelings chu kan inhriat tawn sak a, tholdang engmahin min tihbuai leh theih pawh ka ring tawh lo, chu mai pawh nilo in kan pahnih inkarah eng buaina mah a chhuahleh hi ka phal tawh bawk hek lo.

Kan pahnih a beach nalh tak a nitla tur éngmawi zet mai chu thlir dûnin, kan ding dun vang vang a, nitla tur chuan tuipui chu a chhun tle sut mai keh nghal a, a nalh dan a dang dai tak zet, chuti ang tak chuan Rex nen a kan inhmamgaihna pawh hi a par vul mek ni in ka hria, tunah chuan hmeichhe hlim ber te zinga mi ka ni in ka in hre hial bawk, kei anga hlim chu an awm bik leh tawh dawn chuang em ni? Rex chu a rawn kûn hniam a, ka beng bul sét ah chuan a thaw lum ham ham mai bawk a, ja beng kawm vel a hmui lum thar thar a a rawn nawk na vel a vang nge a mah mamawhna a vangin ka mur ar ar bawk a, chu thil chu a feel ve ngei a niang, a nui zui hawk a.

"Chuan Mrs Marshall vawiin i nî special tak mai chu, i hlimpui bawk em?" a phun pah sar sar bawk a.

Hlim zet hian a lam chu mitmeng de sar sar a melh chhoh ve pahin, a darah va bei hnâp bawk a, "Oh Mr Marshall a ropui ka ti tak zet."

"Ka hnunglam a rawn din pah chuan a kut pahhnih chuan min rawn kuah a, ka dul chu a rawn chûl pah hauh hauh bawk a," I duh awm takzet."

A mah hmachhawn zâwng a va inher ve pah chuan, "Ih ...Chuan ka diamond necklace pawh hi a nalh ka ti takzet a nia."

"Ka nupui tân chauh kha kha a ṭha a ni ."

"Mr. Marshall ka hmangaih che."

"Kei pawhin ka hmangaih che. 'Mrs.Marshall !" rawn ti veleh sup in chintâwk reng neilo in kan in fâwp dûn leh ta vawng vawng a.

.................................................................

ONE MONTH LATER..

Rex chu dawhkan bul chairah chuan, ṭhu in hna a thawk pah mawlh mawlh a, kei chuan a hnathawk hmel chu ṭha ti zet hian , ka en pah ve ngawih ngawih bawk a, chitia ka en ngawih ngawih lai chuan he thil hi ka ngaihtuahna ah a lo lut a, inthara kan insawn luh hnu atang hian hna a thawk ngawrh leh zual ni in ka hria, zan lamah lah rei tak tak hnathawkin a meng a, chhunah lah a ma office lamah a inkhung chawt a, breakfast eilai tlengin tiang hian a che bawk a, a hna thawhnan hun a pe hnem deuh mah mah ni hian ka hria, mahse awm ka tihpui tho a, achhan pawh chawlh a la hnem.tawh si a, mahse thil phakhat, a company a ni a, getiang zawng zawng thawk tur chuan hnathawk angah si a, engvanga amah vekin a tih tum nge a nih tih erawh ka hrethiam tlat lo.

Ka pasal ni ta ka hmangaih ém ém Rex Marshall chu engtik lai mah hian chu a hmélṭha zet mai chu ka en ning thei lo. A paper en lai vel a a han meng nur deuh nang ṭhin leh mit ko san âwk paha a paper enlai a thliar fel leh zung zung te, a kut tha chak tak leh hrawl tak mai ina paper vel a han thliar zung zung te leh a thil tihlai a che zia hrim hrim mai chu a zei thlurh vek a, mahse hna a thawkrim deuh mah mah ni hian ka hria, a taksa in a tuar ang tih pawh a hlauhawm, in lamah hna chu thawk nimahse kan inhmu khat em em a, zan lamah lah engtik hunah nge a rawn mut a, engtikah nge. A thawh leh ṭhin tih pawh ka hre ngai lo, breakfast chu min kilpui ziaha, mahse kan inbe khat ṭhin hle. A hnathawk lai hmel chu ka en reng a, a thawh tur awm ve reng a ruat ni hian ka hre nghe nghe, chuti ang taka mahni hnathawh tlin chu ka la hre hauh lo.

Ahan ngaihtuah mûk deuh châng a a mit a mengnûr nâng ṭhin mai te leh, a dâr an sân deuh úk te thleng chuan, a chétzia chu ka lo thlir pah dauh dauh a, a châng leh thawk a la deuh hawk a, maimutchhing pah duar duar chungin a chair nghenchhan chu a nfheng leh ar ar bawk ṭhin a.

Chûng te thleng chuan, ka  hmuhhmaih hauh lo. A mah chu ka pasal a ni reng ang a, a ni kumkhua bawk ṭhin ang.

Ka duhtâwk a ka thlir deuh deuh hnu chuan, "Hnâ thawhtur i ngah hlé mai maw? " ka ti ta sap a.

"Hmm ..Yes !"

Hmel ngui tak leh chauh hmél zet hian, "Victoria leh Aaron khân ka Company an lo ti chingpen hneh hman ém a lawm." Chuthu a sawi lai chuan mi pawh hmuh hmel chuang lem lo hian a rawn dak chhuak ve zauh a.

Chutah a paper bihlai bawk chu a bih leh ta a.

"A nih Barrett hnen a ṭangin thil hriat i nei tawh em?" a biang chu ka kut hmawr chuan ka tawk pah sak zauh a.

"Rick emaw Don emaw a eng a pawh chu lo ni se, leh a nupui chu, police ten zâwng hmu in, jail ah tualthah tum thubuai ah leh mi kidnap chung chângah an man tawh !" a lo ti leh nghut a.

Ka chal chu, ka kut a dawm zauh pahin, "Lalpa ka lâwm e. " Ka lo ti ve sap a.

"A nih Victoria hi eng nge a chanchin ni ve?"

"A ni chu kan la hmu rih lo. Mahse chatuan in erawh a bîru reng thei chuang bik lo ang, rawn lan leh hun a la nei ngei ngei tho ang."

Chutia a sawi zawh hnu chuan, "He hna hi tih zawh ka ngai ." A tih chhunzawm leh nghal a, a paper lam bawk chu a bih leh ta a."Chu lo ah kan nauté rawn pian hma in hna tamtak chinfel tur ka nei."

"Mahse vawiin te chu, christmas eve a ni si a, ni reilo té chhûng chu i off ve thei mai lo emni?"

Mi pawh rawn en lém lo chuan, " Ka thei lo Honey."

"Rex darling ka tui bâwm a keh in ka hria." mangang zet chuan, ka ti chhuak sap a, ka awmdan chu a dik tawh hauh lo, nizan a ṭang tawhin tukin zing ka tho chhuak kha ka taksa chu a na reng mai a, mahse Rex chu ṭllo zeta tihbuai ka duhloh a vang chuan ka tuar fan fan chauh a ni. Chuloah ka nau neih hun tur a an sawi kha vawiin hi a ni hrim hrim a, nimin lama doctor appiontment ka neih pawh khan, eng tik lai pawh a nau nei thei reng dinhmuna ka din tawh thu min lo hrilh a nih kha.

Mitko min rawn sân khum ûk duh chauh a, ka thusawi pawh chu a ngaihven hauh lo, a hnathawh lai chiah a ngaihven tih hi a hriat bawk.

Rex ka tui bawm keh." A hma aia ring zawk chuan ka ti leh a.

"Babe a thar ka leisak leh mai dawn che nia." A dar min chhinkhum âwk pah chuan a ti leh a.

"Reeex!"

"Eng nge Lexi, hna ka thawk dawn ka ti a ni lâwmni, hrep tak chuan." tiin rum zet hian min rawn melh rûn a.

A thusawi a vang chuan ka thin a rim.kher mai, ka hmui ka hup pah chaih a, mahse ka pum na a vang chuan ka insum thei tawh lo.  "Rex Marshall mimawlpa ka tui bawm a keh tawh tih awmzia chu, nauté a lo chhûak tawh dawn, ka tihna a nih chu." ka tih khum ta tuarh a.

"Eng maw? tih hû pah hian, a tho chhuak rang kher mai, hmanhmawh zetin a Car chahbi chu sehkawh in , a bân tha chak zet mai chuan, min rawn pawm kâng nawlh a, hmanhmawh zetin a car awmna lam chu min pan pui ta nawl nawl a.
.

.............................................................

Hospital pawh kan thleng hma khawp mai, Rex chuan rang takin min pawm lût a, a buai chhe lutuk chu ka nuih te pawh a ti zâ hial a zawk. Nau ka vei lai a alo ṭṭℑ55ve lutuk leh min lo be sek erawh ka ning viau.

Naute chu ṭha takin ka nei fel ta a, ka chau kher mai, ka muhil nghal bawrh bawrh a, ka harh leh pawhin Rex chu a ṭhutna ngaiah a lo la ṭhu ta reng tih ka hmu a, Nurse in kan bula kan fanu a rawn dah hnu chuan, zeilo zet mai hian Rex chuan alo pawm a, "Naute hmélṭha zet a ni." tih pah hian a mitmeng hlimzet mai de sawr sawr chuan min rawn melh a.

"Naute duhawm zet a ni." ka lo ti ve bawk a.

Ka nupui hian ka pian a hnu lam ah, thil hlimâwm ber mai min tih sak a nih hi." ti a sawiin naute khawr zeta pawm.chung chuan a rawn kun hniam a, ka hmuiah chuan min fawh sak zauh bawk a.

Naute chu en leh vang vangin, "I mitmeng ang chiah leh i hmui ang chiah a nei a nih hi!" a ti leh sup a.

Mitmeng de sar sar a en ve pah chuan," chu chu i rin dan a ni a?"

"Lexi ka ring mai nilo in, ka hre zâwk."

"Kan khawvel ah hian kan lo lawm a che baby Belle, chuan Merry christmas." a rawn ti chhûak sup a, chu a kohna hming chu kan naute chuan,hmingah a pu hlen ta a ni.Belle Marshall tih chu.

..................................................................

TWO WEEKS LATER....

Rex chuan kan fanu chu a lawm em em mai a, a nu te pawhin naute thar an rawn en pawhin, an pawm chang mang lo, a kutah a dah deuh chawt ṭhin a, Belle lah naute fel zet mai hi a ni a, a nu leh pa te min tibuai ngai vak lo, zan mut duhloh pawh a nei ngai mang lo ti ila ka sawi sual.vaklo.ang, naute fel tak mai ni in ka hria.

Mahse thil.pakhat erawh suana deuh a nei ve thung a, ṭah vak vak hi a ching tlat, mahse zan lam.a ni ngai lo thung!

Rex te unau ah hian unaunu an lo neilo bawk nen, a duat leh zual phah  sauh a, kei ngei pawh hian, lâk chhawk harsa ka ti fo.

Rex chuan ka bulah kan naute Belle chu khâwr zet hian a awi darh darh a, Bele chu a ṭe deuh ṭhat ṭhat reng a, 

"Rex chuan ngawi ve mai mai teh Belle, i nu hi zânah mut a kham lo thei teh mai ania, mut tir ve rawh ! " tih sup pah chuan naute chu a awi pah reng bawk a, ni e, Rex tan chuan mut khamlo chu ka ni ve tho ang, Belle in hnute a mamawh chang leh a zun changin thlâk a ngai a, a ek vel pawh then a ngai ṭhin a, mahse hei erawh hi chu tihdan pangngai ve reng a ni.

Naute tam.tak angin zan lama ṭah vak vak a nei ngai lo; chuti ang a nih a vang chuan Belle hi chhun lamah leh zan lamah ka chang deuh rawt ṭhin a, Rex hi a hna lam a buai phah lohna turin Belle hi a awmloh chuan ka bulah ka dah mai ṭhin.,

An pafa in awm chu, lo en reng pah chuan, ka lo nuih pah sak a. A thusawi chu Belle pawh chuan hria ni awm zetin a thawm chu a reh ve hmiah mai.

Rex leh Lexi te hi an hlim reng ang em? a teuh lo mai. Lo en ang che.

................................................................