SEDUCTIVE SEASON II CHAPTER

SEDUCTIVE SEASON II CHAPTER 1

Ka lam a rawn pen hnai chungin ka biang sa zet leh sen tai hlar chu a rawn khawih leh kher a, chutah pawh chuan a mah a feelings special tak ka neih chu a harh ṭan leh mek tho, keimah a vang a hre awm ti tak a Wesley a awm hi ka duh hek lo, kei ngei pawhin hreawm ka tih ve ṭhin miau a vangin, "Eng thil nge i tih a? ka khua a sik tih te chu ka hre ve tho a lawm."

A kut lum tha takin ka hmai a rawn tawhna chu dah sawn sak tum a ka beih lai tak chuan a phun chhuak ta sup a, "I khawsik leh sik loh lam en tum ka ni lo, i biang khawih ka duh mai chauh a nia."

"I â ta chu a ni em lo maw?"

"Aw, ka α zo tawh, hmangaihna a vangin ka α zo tawh a...."

Ka nui chhuak hak a, chawp leh chilhin ka thinrim nghal bawk a.

A che thut a, ka nghawngah chuan a kut tha chak zet a dawmin a lamah chuan min pawt hnai a, kan hmui chu a in si chaih nghal bawk a, chutah zei tak mai hian min fawp ṭan ta a, eng vanga a mi fawhna chu lo rem ti mai nge ka nih tih leh engvanga phal sak mai nge ka nih pawh ka hrethiam bik  lo.

Min fawhna chu a thlah zauh a, thawk lâk hrawih pah chuan ,"Elo, i â leh lutuk tih hi i in hria em?" Ka chhan na pawh nghak chuang lo in min fawh chhunzawm leh ta nghal a,  uar tak a min fawh chhunzawm leh nghal a vang chuan thil dang reng ka ngaihtuah leh thei tawh lo, Wesley min fawhna a vang chuan ka dam duak a, a mah bak chu he khawvelah hian mamawh nei ta lo a inngaihna ka nei ta hial zawk a ni.

A mah nen a kan awm dan hi chu thil sawi lawk theih loh leh thleng thut ang chi, lucky spinner ang maiah ka ngai bawk; heti ang tak a ka boss laka relationship mak danglam tak mai ka han nei hi eng nge a chhan tih engtikah mah ka hrethiam ngai bawk hek lo ang .

Chuti chung chuan kan pahnih taksa erawh a inthlahlel dun em em a, maktak maiin kan taksa te chu a in hip tawn dun em em si a ni.

Mahse thil pakhat erawh chiang takin ka hria, kan pahnih hian kan inkawp theilo a ni tih hi, nakinah chuan kan pahnih hi hmangaihna lungchhiat thlak zetah a la tawp ngei dawn a ni tih pawh chiang takin ka hre kat bawk; chuti ang thil chu kei hian risk la in ka kal luih pui zel a ni tih lah ka hai hek lo.

"Eng vang in ....."

A taksa chuan min hnung chhawn daih a, a hmel put dan ka va hmu thei ta lo, "A chhan chu he i heh taste hi ka duh zawng tak a nih a vangin."

Khuh deuh kharh kharh chung chuan ka lu ka thin khum nak a, "Khatia min fawp tur kha i nilo a sin, nangpawhin ka natna hi i kai ve palh hlauh mai ang."

"Khatiang lampang kha ka ngaihven hrep lo ve, fawp thei che a ka awm hi....."

A rawn inher a, ka awmna lam chu  dinhnaih ṭha leh chungin, khum lama ka mutna ah chuan a rawn   mu thla ve nghal a, ka hmui a min rawn fawh leh zauh na chu nuam ti tak bawkin ka lo dawngsawng leh pek a, chu aia nasa zawk a dawnsawn theih chu ni phei se chuan ka ti zawk  ngei ang, a maherawh chu ka damlohna ang a a damlih ve erawh ka duhpui lo hul hual.

Ka kawngah chuan a kut a kuah bet in, a lamah chuan min pawt hnai salh a, kan taksa inhnaih tawn zia pawh chu hai rual a ni lo, kan inngheng dun lo chauh ti ila ka sawi suak vak awm lo e, duh ai in min rawn hnaih deuh mah mah ni chuan ka hria, "Tawp rawh."

"Ngati maw?"

"Khawngaihin min kalsan rih phawt mai rawh."

Rang takin ka ṭhu chhuak nghal a, a ni pawh thinrim hmel zetin a tho chhuak ve nghal bawk a, "Eleanor nangmah ah hian eng thil nge thleng ṭhin hi?" A aw ah chuan a lungawilo hle bawk.

"Engmah a ni lo, ka damlo a, ka chau bawk si nen, chuvang chu a nih ka...."

"Nilo,  chu vang chu a ni hauh lo." Thawk a la pah hawk a, a mitah tak pawh ka en ngam chiah tawh lo.

"Engtiklai mai pawh hian, pen khat a ka hnaih deuh che a piangin, pensawm velin nang chuan min hlat ṭhin a, tinge hetiang hian ka chungah i tih ṭhin chhan?" A mit chu a chhing pah sawk bawk a, a hmelah chuan beidawnna hi ka hmu tel bawk.

Ka lam a rawn hawi leh a, a mi sawi dan lo ang tak a lo awm chu ka tum ran mahse ka theilo, ka lo awmhla leh hrat tho, mahni inveng thawng zet hian tinge ka awm reng mai nip keimah tak pawh chu ka inhaw tak zet, "Elo, nang hian zawi te te in min that......"

"Wesley ka....."

Ka thusawi tur pawh ngaithla zawm duhlo chuan, a sam chu a tuai chho deuh puat a, "A ṭha e, Eleanor, ka hrethiam daih tawh a lawm."

"I....hrethiam tawh a maw?"

"Yes, damn, a hma te khan sawi daih tawh tur che hi a nia."

A mit chu min menkual khum ve rulh nghe nghe a, chuti anga a sawi a vang chuan ka zam chhe leh der tawh, ka zak hle bawk, khami zan khan ka thianghlimna a mah ngei hi ka hlan a, a la duhkhawp lo cheu tihna em ni ang? Chu nhaihdan chu ka neilo thei lo tlat.

"Ka sawi tum.tak zawk chu, min hmangaihloh a vangin ka bul hnaiha awm.pawh i duh ta lo a, chu chu a ni lo em ni i sawi duh chu, eng pawh ni se, chawl hahdam rih phawt mai rawh."

Vawt ruih a mi rawn melh chhuk chungin a tho chhuak a, "Ka rawn tihbuai che a vangin pawi ka ti takzet a nia." Ti a a sawi leh hnu chuan a inher vut a, room kawngkhar chu a khar ri bur bawk a, a chhuak ta daih a, a ngaihna hre lo leh engtin nge ka tih tak.ang tihpawh hre lo chuan ka ṭhutna ngai a ṭhu reng chungin Wesley kal chhuak ta chu ka thlir a, tunah tak hi chuan khatiang chung chang hrethiam miah lo awmchhun chu keimah ngei hi ka ni ta bawkin ka hria.

Ugh, Eleanor, Ka chal ka dawm pah ngaih a, mahni chu ka inbe mawlh mawlh bawk a, eng thil nge i tih tiherawh chu ka hre chiah lo va, mahse en ta che thil engkim.i tih buai tak vek hi! Ka thinrimna chu ka chungah ka leih bua a, mahni leh mahni ka insawh bawk a.

Chutia darkar reilo te mahni chauh a ka awm leh hnu chuan ka pang chu a sa nasa zual leh ta sauh a, ka khawsik a chhuak leh ngei tih pawh ka hria, ka damlohna chuan min kian san a la tum miah lo a ni tih pawh ka hrechiang hle bawk; ka tui in a hal hle bawk a, khum a ṭang chuan peihlo taka tho chhuakin inhnuai lamah tui sik in tur chuan ka chhuk thla ta a, inhnuai lam pan chhuk tur a muang chang a corridor lam ka pan phei chhat chhat lai chuan Wesley room zawn  ka thleng phei a, a ni pawh a la mu bik lo a ni tih hriat zet hian a room kawngkhar chu a chan ve dawn hawngin a dah a, ka va dâk dâk dâk a, Wesley chu a khum nawmhmel zetah chuan pahama nen chauh a inthuamin leh kawr chunglam.pawh inbel lo hian a mu chu ka va hmu a.

Damn, Wesley taksa chung lam chin lang chu hmuhnawm.ti zet hian ka thlir ta reng a, a taksa chu a nalh chiang a lawm, a pajama chu a ha fual viau a, a hak dan a duh dah hle ni in ka hre bawk;  a tai lamah lek lek a ha leh nghal, a taksa chu a lang thui viau mai, zangthal zawnga a mut a vang chuan a taksa pawh ka hmu chiang thei viau,  a dul hnuai lamah chuan hmul hi a ṭo siar siar a, chuti ang bawk chuan a awm lamah pawh hmul tlem a ṭo bawk a, a dul zawn thla ah chuan a six pack a lang thla raih bawk a, a ban bul puam chu a inphiar deuh hlek bawk a, a kawng a fek thla rat a, a dar a pharh ṭha leh viau bawk a, a lan dan chu a sexy kher mai.

Khami ni a a ka hmuh ngailoh arsi thlawk rawn tla ta ang kha a ang lek lek hian ka hria, engthil nge a ngaihtuah ang tih ka hriat pui lo va, a chhan chu ngawi rengin leh chelo chang lova a mut a vangin, a sam dumhlap chuan a chal a hliah deuh a, mahse chu pawh chuan a tilang sexy zual sauh bawk, a hnarngul chu a sang veh vawh hle a, a kareh te pawh chu lem ziak thiam.takin a nalh tak leh a duhthusam ang tak a a ziah nimai hian ka hre bawk;  saw ngei sawn nichin lawk khan zei zetin min fawp zo chiah si a, chu thil ka ngaihtuah vang nge ka khawsik hreawm ti tak a ka awmna te chu an dam nghal sawng sawng hian ka hria, ka duh tawk a ka thlir hnu chuan ka aw then kharh pahin, "Ka lo lut thei ang em?"

Ka lam a rawn hawi chuan ka lo nuih pah sak a, a kuta lut tur a signal min rawn pek zauh hnu chuan ka pen lut ve ta a, a room chhung a ka pen luh hnu chuan a rawn tho chhuak ve nghal a, mak tih hmel zet hian min en chhuk bawk a, kei erawh shirt a hak loh a vang a a taksa ruak deuh kang chuan thil dang min ngaihtuah tir thei lo, mahse thawmhnaw ha turin ka ti thei bawk si lo, a chhan chu nuamlo a ti leh palh ang tih ka hlau zek zek tawh.

" Hetah te engvang a rawn kal nge i nih, ngati nge i rawn thawh chhuah chhan?" A sam chu a kutin a tuai chho pawk a, a thur belhchhah sauh bawk, a tilang sexy tulh tulh.

"Ka.... ka la nuamlo reng a......"

Thawk lak hawk pah hian, "Ka doctor koh sak tur che in min duh em?"

"A ngai lo...."

"A nih lo kal rawh."  Ka banrekah chuan min hmer sakin, a khum lamah chuan dim te hian min phei pui a, a room chhuat chu ke lawngin ka rap a chu carpet dup chi vek phah chhuah hi a ni a, a deh pawh a nuam hle mai, a to pawh a to ngawt ang. Fabrica carpet ngat a hmang ngei bawkin ka hria.

Khum lamah chuan min hruai phei a, a bulah chuan min mut tir ve nghal a, a chal chu ka chalah chuan a rawn sik tir a, "God, Eleanor i sa lutuk ringawt."

"Ka hre sa reng a lawm." Tiin ka lo chhang ve mai bawk a .

"Tah hian lo nghak lawk rawh."

A tho chhuak nghal a, a thawh veleh chuan ka ṭhu chhuak ve nghal bawk, a ni chuan kawngkhar lam panin a kal chhuak ta nghal a.

Minute rei vak lo chhung a lo kir leh nghak chung chuan a khum chungah ka lo ṭhu ran a, a rawn kir leh hnu chuan a kuta damdawi leh tui bottle keng chung hian a rawn lut leh a, a kutah chuan rose par bawr senlar nalh zet mai hi a rawn keng tel bawk a, "Kha le ei rawh le."

Ka kutah chuan damdawi chu a rawn dah a, tui chu a ban nghal bawk a, 

"Eng thil nge?"

"Tui maw le, tui hi eng nge a nih ti chuan min zawt hauh suh."

Za zet hian ka nui chhuak ta a, 

"Chutiang lam pawh a ni lo silly, ka tih zawk tak chu rose kha a nia."

Damdawi chu ka ka ah dahin tui chu ka in nghal bawk a, ka nuih a la zat em a vang chuan ka phuh thelh nghe nghe.

"Oh, hei hi maw, i tâ tur maw le."

Chutia ka ta tur a tih a vang chuan ka nui lai chu a reh raih raih nghal a, no fahran hian Wesley chu ka melh bawk a, "Hna lam a a ka kal haw lam khan i ta tur liau liau a ka lei sak che a nih hi!"

"Pangpar zawrhna dawrah ka lut a, i duh ngei ringin ka lei ta a." Chu thu a sawi laia a mitmeng chu chik zet hian ka lo melh kar a, a thusawi ah chuan a thutak hle ni hian ka hre bawk.

"Oh, i love it...." ka ti chhuak hliai a.

Wesley rose ken lai chu lak pahin ka hnim.vang vang a, rose rim pangngai chu nam tho mahse, min leisak a nih vang nge ni a rimtui bik hliah hliah hian ka hria.

"He ta hi thu tlem te a awm tel bawk a, a ri in i chhiar chhuak dawn nia, mahse i chhiar hma in hei erawh ka hrilh hmasa duh che, poet thiam tak erawh ka ni lo a nia.

"Okay." Ka la nui hak hak tho a, Wesley chuan engpawh hi a tih chuan a hnehsawh vel vek tih chu ka hre sa a ni.

A kekawr ipte a ṭang chuan letter pakhat fel thak a inthlep hi a rawn.phawrh chhuak ta zal zal a, a hmelah chuan a huphurh ve hle ni hian ka lo hriat sak bawk a, eng tak chu ziak ang maw, chutiang taka mi pek a huphurhna chhan chu, chu letter chu chhiar vat mai ka chak zel zek tawh a, ka kut a rawn hlan veleh chuan ka pharh nghal sawk sawk a, ti hian ka chhiar ri ta a.

"Eleanor Garcia i buaina chhan hi keimah vang tih chu ka hre reng a, mahse kan pahnih a kan promise kha tih full fill a ngai bawk si, chu thil chu nang leh kei hian naute pakhat tana nu leh pa ṭha tak ni tur a kan intiamna kha a ni."

"Chuvang chuan a ni lawm ni kan pahnih hian engkimah pawh in support tawn tur kan nih chhan kha, a dik em?"

"Ka ngaihtuah ṭhin a, rose par zing a mi hi nimai a inhriat chang ka nei fo ṭhin a sin."

"A hling te hi kan pahnih in kara kan kawng daltu ang mai an ni a, mahse maw a tawp i thlen hunah erawh chuan he rose par nalh tak ang mai hian a tawpah chuan thil duhawm tak i hmu ang, kan hun tawn te chu khirh viau in paltlang harsa viau ṭhin ni mahse, a tawpah erawh rose par mawi tak i hmuh ang ngei hian thil duhawm takin a lo hmuak ngei ang che tih hi ka hre tlat a ni."

"Hei hi nang ka tawn na chhan tak che pawh ni ah kei chuan ka ngai hmiah bawk."

"Nang nen hian thil eng emaw tak hlimawm tak tawn tur ka nei ni a hriatna ka nei a, chu thil ti tur chuan tunah hian kan pahnih in ke kan pen dun mek bawk ni in ka hria."

"P/S He rose hi a man a tam hle a, to pawh a to viau bawk, i rin aiin a to viau ka ring, chu vang chuan paih duhna thinlung pu miah lo turinka duh che a ni ."

Chu thil ka chhiar zo hnu chuan a thil ziah chu ka bihnawn leh ṭhin a, Wesley hian hetiang hian min ngai tihna maw ni a, ka hnuk a ti ulh tlat, chu letter a handwriting nalh tak a inziak chu ringhlel zet hian ka en nawn leh a, Wesley kut ziak ngei a ni tih ka hai lo, mahse ti ang em em a ril hian leh ti ang em em a ngaihdan puitling a nei ang tih rinngaihna ka hre lo mai zawk a ni.

Chu chuan ka lung a ti chhia a, ka mittui a ti parawl ṭeuh bawk a, ka ṭah chhuak lutuk chuan ka heh ka pet fan fan bawk a, a thil ziah chuan min vel ṭap chiang hle bawk; a ni chu mittui tling ṭeuh chung hian ka melh chho a, a ngaihna hre lo zet hian zam hmel pu zetin ka bulah chuan a ding reng a, eng ang chiahin nge a thu ziah chu ka ngaih tih pawh hriat a chak ru hle tih ka hria, mahse ka ṭawng chhuak thei rih tlat si lo.

Ka ngawih tak reng a vang chuan a kuta a nghawng hnunglam tuai nauh nauh pah hian a ṭawngchhuak  a, a aw ah pawh chuan a zam rilru ve hle tih a hriat reng bawk, "Chuan eng nge i ngaihdan?"

"Ka hria a lawm, he letter hi a tenawm viau a, mahni hma a sial viau tih pawh, mahse ka sawi duh tak zawk chu kan pahnih hian frank takin kan ngaihdan te sawi dun a kan pahnih hisn engtin nge kan kal chhoh dun zel dawn tih sawi ka duhna a ni ber zawk."

"Chuan..."

A, ngawi deuh vung vung a, kei lah lungchhe zetin ka lo inhnit hlap hlap tawh bawk nen.

"Elo, engvangin nge i ṭah ?"

Mittui kar a ṭang chuan ka en chho a, a mit meng rum zet chu ka han hmu bawk a, insut mai pawh chu duh tawklo in ka ṭap chhuak ta hlawp hlawp a.

A rum chhuak nghut a, anchhia a phuh chhuak sup bawk a, "Dammit, Eleanor, ṭap lai ka hmuh duhloh ber te zinga mi i ni hi, chuvang chuan khawngaihtakin ṭap tawh suh."

"Kha ka thil ziah kha a a rapthlak tih pawh ka hre reng, mahse ṭap chunga kei hi thil engmah thiam neilo ang a min chhuah kher erawh ka ngai hran lo." A thinrim a vang chuan a thaw chhuak hrawih bawk a.

Kei lah pek chuan a ni chu chhang theilo in ka la ṭap uar sauh zawk a, insum ka tum viau a chu ka thei rih tlat lo, ka damlo bawk nen ṭah chu a nuam em a ni .

Rei vak lo chhung chu a ngawi ve vung vung a, chutah a chal mi dawm khum nguih pahin, "Kha letter kha i paih duh a nih pawhin leh....."

"Nilo, thu mawi tak i ziak a sin." Ka la insut faih faih tho a.

"Wes i chungah ka lawm tak zet."

A awmah chuan ka bei pah thlawp a, a tir lamah chuan mi pawh a rawn kuah let lo, mahse nghet taka ka kuah tak a vang chuan muang chang a rawn che chhuak ve in, a ban thahrui ngah zet chuan min rawn kuah let ve ta a, chu chuan ka taksa chu nawmna a pe a, ngaihngam takin a awmah ka bei theih phah a, mahni ina awm ang mai a inngaihna ang kha min neih tir a ni.

WESLEY COOPER...

Eleanor ka room a a rawn lut chu mak ti zet hian ka lo en hau mai a, a mah kalsan tur a min tih hnu ah leh lek phei kha chuan min hmuh duh rih tawh pawh ka beisei phak lo.

Mahse hei tunah chuan ka roomah dingin ka taksa chu a thlir kual leh mek tawh si a, a virginity ka laksak tak a vang khan min haw viau ni ah ka ngai a, kei ngei pawh ka inthiam thei bik lo, mahni in sitin ka awm a, mahse engvang a Eleanor hi hnar thei tlat lo a nitin mai a mamawh belh tulh tulh nge ka nih erawh ka inhrethiam hauh lo, ka tihbuai a vanga ngaihdam dilin ka room lam ka pan san a, ka room ka thlen hnu chuan shower hmanga inbual harhin pajama ka inthawlh tawp; rilru buai zetin ka khumah chuan ka mu ta reng a.

Ni zan mai a Eleanor thianghlimna ka tih chhiat sak a ṭang khan min hlat tawh riau a hriatna ka neih a vang chuan mahni inthiamlohna hlirin ka khat zo tawh a, kan taksa pumkhata kan siam.tawh vang nge mipa dang nen ka hmu thei tawh hek lo, ka ta, ka ta dik tak ni tura siam ka duh ngawih ngawih a, mahse a ni lah chuan a mah kalsan turin min ti leh ta si.

 Rilru hah a vang in thawk ka la hrawih a, heti ang em em a hmeichhia a vang a rilru hahna feelings ka nei ta mai hi keimah ngei pawh ka thin a rim phah, ka awm a ṭang chuan min hnawh chho up up a, chu chuan thawk a ti harsa hle bawk a. thil hnawk tak lak chhuah theih bawk silo chu ka pai ta ni ber hian ka hria, a bula ka awm a a takda ka hnaih a piangin a lakah insim theihna ka tla chham a, mipa sihnip zet leh in control theilo tak angin ka awm ziah bawk, mahse chutih rual chuan a tello a ka hlim.theihloh zia ka hre nawn ziah bawk.

 Nichin lawk pawh khan chuti ang chuan ka awm ngei a lawm, a mahah hian ka incontrol theih ve na zawng zawng te chu a chhe vek zel a, an sawi hmangaihna an tih chu chen dun pui chakna hlirin ka khat bawk a nih kha, mahse min hlau tlat tawh a ka hriatna chuan min ti lungnilo hle a, a taksa hi engtik lai pawhin ka mamawh a, ka thlahthlam phal leh tawh ngailo ang tih te hi a hre lo emaw ni, mahse a mah a inpeih hma chu tih luih a nawrluih erawh ka tum tawh lo thung!

Nizana kan pahnih taksa kan inzawm tir lai khan ka hlim a, nawmna chauh nilo thinlung taka lawmna in ka khat tih te hi min hriatpui lo tihna em ni? Nge min lo hmangaih ve miahlo zawk, kei erawh chu a amah hmangaihna a vangin ka á lek lek a ni si a, nge tuna ka dinhmun hi hmangaihna an sawi ṭhin ang chi chu a ni lo zawk? 

Engmah ka hrethiam lo, ti ang lam.hi chu ka hriat zawng a ni ve hauh lo.

A mah erawh chu thil pakhat, Eleanor hi eng tiklaipawh a ka bula awm reng turin ka duh.

"Hetah te eng nge i rawn tih a?" A rawn kal.a vanga makti tak leh lawmru tak si hian ka lo zawt a.

"Ka ...la nuamlo reng a." A ti bah niai a.

Oh, ni tak, a damlo tak e, engvang a lo han ngaihven leh lo nge maw ka nih hrep chu le, ka tho chhuak nghal a, a lam chu rang taka pan pheiin, "Ka doctor kohsak tur che in min duh em?" A mitmeng pawh a ling hlar mai, a khawsik a chhuak leh a ni chiang mai.

"A ngailo ang." A ti leh sep a.

A kutah vawn sakin ka kai phei a, ka khumah chuan ka kuai mu ta a, kei pawh a bulah chuan ka mu thla ve nghal bawk a,  ka tetlai a ka damloh lai khan ka nu bul chu nuam ka ti thei hle ṭhin a, ka nu pawhin ka damloh chhung zawng chu min riahpui ve ṭhin bawk; ka nu in a khawsik a en dan angin ka ti ve nghal a, ka chal chu a chalah ka ti si a, hetiang hian an pang a sat na sat leh sat loh a hriat ber a ni.

Eleanor pang chu a lo sa hle reng a, "Eleanor i pang chu a sa hle mai."

"Ka hre sa reng a lawm."

Ka tho chhuak vat a, "Tah khan lo nghak ang che." Hman hmawh zetin kitchen lam ka pan a, damdawi ka la a, tui bottle ka lak pah chuan vawiin tlai a ka rose par bawr lei leh ka thuziah ve chu hmuh hrim hrim.ka duh a vang chuan ka keng tel.ta nghal a, he thu hi chhiar tura ka duh nachhan ber pakhat pawh eng nge a ngaihdan tih hriat ka duh vang a ni.

Ka room.chhung ka luh leh hnu chuan ka damdawi ken chu ka pe a, 

"Eng thil nge?"

Tui ka pek tumlai tak a ni bawk si nen, tui chu min zawtah ka ngai bawk.a, makti zet a amah en chung chuan,"Tui maw le, tui hi eng nge a nih ti chuan min zawt hauh suh."
Ka ti pah nghut a, za zet hian a nui chhuak ta a, a nuilai hmel chu ka thlirbning thei ngai lo, za taka a nuih tawh hi chuan min ti hlim.veng veng mai ṭhin!

"Chutiang lam pawh a ni lo silly, ka tih zawk tak chu rose kha a nia." A la nui sang a.

"Oh, hei hi maw i tih, i ta tur a nih hi."

"Hei ta hi thu tlem te a awm tel bawk a, a ri in i chhiar chhuak dawn nia, mahse i chhiar hma in hei erawh ka hrilh hmasa duh che, poet thiam tak erawh ka ni lo a nia."

"Okay." A nui chhuak hak a, ka zam.ve tak zet, Jesus he hmeichhe hma ah hian ka va han zam ngun tawh ve le.

Ka thil ziah chu a ri in a chhiar ṭan ta a, a hmel.chu ka lo en ve reng bawk a, eng angin nge a ngaih ka hre thei hauh lo, a duh nge duhlo tih lah a hmelah chuan a tilang bawk hek lo.

"Ka hria a lawm, he letter hi a tenawm viau a, mahni hma a sial viau tih pawh, mahse ka sawi duh tak zawk chu kan pahnih hian frank takin kan ngaihdan te sawi dun a kan pahnih hisn engtin nge kan kal chhoh dun zel dawn tih sawi ka duhna a ni ber zawk."

Hreh zet hian ka sawi chhuak.a, engtinmah min.la chhang chuang lo, ka melh chhuk a, a kun tlat bawk si.

"Chuan..."

Chumi hnu chuan a ṭap chhuak ta mai a, ka thu ziah vangah ka puh a ka thinrim.hle bawk, engvang a kan boruak ṭha lai ti chhe tu a ṭang ziah nge maw ka nih teh hrep ṭhin chu le, thil hi engvanga a hun leh a hmun pawh hre lo nge ka nih, anchhia ka inlawh nasa kher mai, hreawm.ti zetin ka rum chhuak nghut a.

"Dammit, Eleanor, ṭap lai ka hmuh duhloh ber te zinga mi i ni hi, chuvang chuan khawngaihtakin ṭap tawh suh." Ka thin zawn a ṭang chuan min.hnawh leh up up tawh. He nu hi ka chaklohna leh ka hreawmna a ni a, ka chakna leh nuam taka ka awm theihna a ni bawk tih ka chiang hle .

"Kha ka thil ziah kha a a rapthlak tih pawh ka hre reng, mahse ṭap chunga kei hi thil engmah thiam neilo ang a min chhuah kher erawh ka ngai hran lo."

Harsa ti zet a thawk lal rik hrawih pah chuan ka ti leh a, kha ka letter a vang khan Elo hi ṭap turin ka duh lo, ti ṭap tur a ziak lah ka ni hek lo, hetia rilru hreawm tak a siam ai chuan a hlimna a nih dawn phawt chuan.ka sum neih zawng zawng a hlimna tur leisak hi ka thlang zawk.a sin, ka thil ziah thiamloh lutuk a vang khan hlim taka min nuih pui ka beisei lai a ka ti ṭap zawk hlauh hi chu thil fuh ber a ni lo tlat.

"Kha letter kha i paih duh a nih pawhin leh....."  hreawm ti tak a ka tih lai chuan ṭah aw ṭiau chunga a ṭawng chhuah tak a vang chuan ka thusawi lai pawh ka tawp chiang hle .

"Nilo, thu mawi tak i ziak a sin." A la insut faih faih tho a, mak.ka ti zawk, ka thuziah mawi tih a vangin a ṭap tihna maw.

Ka awmah chuan a rawn.bei thlawp a, "Wes ka lawm lutuk."  lawmthu min han hrilh leh lek phei chu ka hamhaih zo vek, a kut chuan nghet zetin min kuah bawk a, a thinlung takin lawmthu a sawi ni a hriatna ka nei leh ta vat a, ka kut chuan zawimuang hian ka kuah let ve a, a hmai chu ka awmah a phum kak bawk a, a nuam veng veng, tunah chuan ka chungah a thinrim leh ta lo ve. Nuam ka ti ngawih ngawih, heti ang hian zan khua thak a duat taka kuah beh theih ni se ka ti hle .

Hei vang tak hian a lawm, hun te hi tawp se ti a ka duh nachhan chu, hei vang tak hian a lawm hringnun pawh tawp theilo  khawp a chatuan thleng a awm se ka tihna chhan chu, chu pawh engmah ngaihtuah lek lo a buaina pakhat mah hmachhawn lo chungin leh natna tel miahlo in, a mah hi ka damdawi a ni a, ka hahdamna a ni a, a ni hi ka chakna a ni bawk.

Heti anga zan tin mai ka bula mu tur hian ka duh a, ka thlah leh phal tawh ngai lo bawk ang, zankhua ṭhak a min kalsan leh tawhloh naturin ka kuah bet a, hetia ka bula a han mu ve mai pawh hi ka hlim ngawih ngawih a, nuam ta ti veng veng bawk; hetia ka bula a mu ve a ni tih ka hriatna ringawt pawh hian min tih lawm em em chhan hi ka hre bik lo, a chang a ka ngaihtuah ṭhin pawh, Pathian in a ka kawppui diktak ni tur a ka tan a hmeichhia min pek chu Eleanor ngei hi a ni in ka hre bawk a, chuti ang ngaihtuahna ka neih a piang chuan ka thawveng hle ṭhin bawk a ni.

He tiang ngaihtuahna hi hmangaihna emaw eng ang pawhin lo sawi ta ni se la, tunah tak hi chuan Wesley Cooper hian Eleanor Garcia hi nasa takin a a hmangaihin a âtchilh a ni tih hi!

Tichuan a hmangaihna hi ka mamawh a, ka mamawh belh sauh sauh bawk a, a ni oawhin min hmangaih let ve hi ka mamawh bawk a, chuti ang hmangaihna diktak chu in pe tawn a kan hmangaihna chu chinlem.awm lo a inṭawm dun a awm hi ka duh ber chu a ni; chutih hunah chuan kei hi khawvela hlim ber a an sawi ka ni  tawh ngei ang.

"Elranor ka hmangaih takzet tawh che." A bengbul setah chuan ka hrilh pah sup a, mahse a muhil ti harh tu nih erawh ka duh lo thung, a mah erawh ka thusawi chu a hria ang em tih ka hre bik lo, mahse a mah a feelings ka neih ṭhin tih tawp tuma ka bei ngar ngar na erawh hi chu ka bansan ve tawh thung ang.

Midang laka feelings ka neih hi ka tana a ṭhat zawkna lai te pawh a awm maithei tihna rilru ka neih tawh zawk a ṭul a ni maithei.

STEPHEN COOPER....

Restaurant a Wesley min tih dan a vang khan ka lungawilo viau a, nakina a nu la ni leh mai tur pawh midang lakah a timualpho hle tih ka hre bawk; kei thleng thlengin min zahlohna a lantir tih ka hrechiang hle a, eng vanga a nu leh keimah ina son ti a kan koh mai a vang a thinrim viau nge maw a nih hrep le, inlama kan haw hnu a a nu rilru nataka a ṭah chhan chu Wesley vang a ni.

Heti anga mi a zahloh tak em em nachhan pakhat ni a ka hriat chu kha a nupui hual vang chauh khq a ni tih ka hrechiang hle bawk, eng ang fapa nge ka neih tak mai le? Ka phone chu ka phawrh a thinrim ṭun chung chuan ka assistant  ka be nghal a, "Aleanor Garcia  khan eng hna nge a thawh ve chiah tih kha i hrechhuak ta em?"

"Hrep tak che chuan, engvang in nge kan company officeah a thawk ve a ni tih te chu a hma zawng a hriattir ka nih ve loh chhan hi?"

"Sir, i fapa personal thil a ni a, a nahin a a lak a ni si a, a hrilh turah che kan ngai a lawm."

"Chu chiah chu ti raw? Nang tu nge i nih, nin hrilh ve la chu heti ang teh nuai hi a ni hauh lo ang."

"Aw le, a ṭha e, ka lawm e." Phone chu thinsa zet chungin ka cut a.

Thawk ka la nghal huai bawk, Eleanor Garcia Wesley hi i ṭhatna chuan a bum thlu a nimaithei e.

Mahse lo ngai reng rawh, ka thurawn engmah i pawm duh lo a, pawisa pawh pek che ka tum.a, i duh heklo a, a aia pawisa tam i lo phut vang lek leh Wesley hi pasal a i neih phawt chuan ka pawisa pek tum ang lek che kha chu i nei dawn ah i ngai ti raw? A teuh lo mai, tunah chuan lo inring ve tawh ang che.

Kei Stephen Cooper hian eng thil nge ka tih theih tih chu kan en ve tawh dawn nia, chumi a tan chuan lo inpuahchah sa bawk ang che.

Inchhung lamah chuan ka lut zui leh ta nghal a.

Fakna milem awm chi hmeh ṭheuh tum vek ang aw, hmetin second sawm chhung kan nghak ve dawn nia.


TO BE CONT....