THE CONTRACT BONUS CHAPTER 2

THE CONTRACT BONUS CHAPTER

RICHARD...

Billy nen kan inchibai hnu chuan ka kalsan a, Katy erawh tuifinriat kam lamah ṭhu in a kutah pencil hum leh strechtbook kengin chelo chang lo hian a awm a.


 Tuipui a ṭang a thli rawn thaw chuan a sam chu a len phe hlap hlap bawk a, thing a ribbon kan suih thli in a len phe hlap hlap hi ka tehkhin ber;


A bul ka pan hnai a, a hnung lam pang a ṭang hian ka va kuah a, a ni pawh chuan ka lam rawn hawi nghal chung hian, " Hi." Mi rawn ti in, "Billy nen chuan in va in be rei ve, eng chung chang nge in  sawi a?" Mi men nur khum deuh nang chung hian min zawt a.




"He lai hmun property lei chung chang vel te hi i sawipui a ni lo maw, ka duh miah lo a nia."





A hmel landan chuan ka nuih a ti za kher mai, a chhipah chuan ka fawhsak zauh a.


 "Nilo e, a ni chuan helai hmun lei duh tu a neih sa tawh thu min hrilh a, kei chuan ka sawi zawk tak chu, he hmun a hralh hma a i tan awm phalna a pek che a vang hian lawmthu ka hrilh a, chubakah he hmun a hralh tawh hnu hian eng lam nge buaipui a tum deuh tih chung chang te kan sawi dun ve bawk a, kan inkawm pah a nih ber chu, chuvang mai mai chu maw le."


Katy chuan a hmui chu chip deuh hmak a, a dar chhin zeuh pahin tuifinriat lam bawk chu a hawi leh ta a.




"Eng lampang nge i ziah a?"


"Engmah nilo e." Ti a sawi oahin lei a a lehkhabu dah chu a la nghal.a.


"Tuifinriat hi hmuhnawm ka ti a, a fawn dan vel te hian mit a la em a lawm."


A kawngah chuan ka kuah sak a, "Ni e, tuifinriat hi chu a nalh khawp mai." Ka ti Chhanteiak ve sup.a.




"He hmunah hian kei leh Penny chuan born fire kan siam a, chuan nitla tur thlir liam pahin hetah hian kan eitur siam te chu kan ei dun ṭhin."



"Kei ni pawhin chu thil chu kan ti ve thei reng a lawm."


"Nang hian hot dog meia hem chu i ei ang a maw?"




"Ei dawn e, mustard leh marshmallow a awm dawn phawt te chuan."




Mak ti zet chunga ka hau chung hian, "Ha." Ti in min en chho a.




A nghawng lamah chuan ka thle phei a, a bengbul setah chuan, "E nge, heti ang thil hi ti ngailoah min ngai a mi? Nizana mei chhemtu pawh keimah ka nih kha."




"Nia, kei pawhin ka ngaihtuah a, khawiah nge thuk mei chhem te hi i zir ang le?"




"Tiang te hi chu mipa tih tur hrim hrim a ni a, kan thisenah a awmsa a lawm, zir hranpa a ngai hlei nem."





Ka lam rawn hawi leh pah chuan, "Huh." Tiin a mengkal ralh a.




Ka nuih let ve suk a, chumi pah chuan a bianga a sam hnawk deuh naiai chu ka huikian sak bawk a, "School a camp kan neih te hian ka kal ve ṭhin a lawm, chutah chuan meichhem dan te, camp siam dan teleh camp a riah tih te hi kan ti ve ṭhin a lawm."




"Chung ho chu school ah maw i tih ṭhina?"




"Umm, spring break kan neih laiin schoolah ka awm hlen ṭhin a, chutah chuan activities hrang hrang kan nei ṭhin a, chutah chuan camp lampang hi nuam.ka ti thei hle ṭhin, hot dog ei te pawh hi nuam ka ti ṭhin hle a, i rin anga mipa boring tak ang chi ka ni ve lo."




Min fiam let veleh dawn emaw ka tih lai chuan a kut chuan ka biang tawn tawnah a rawn khuap a, a mitmenga mi lainatna a khat chung hian, "I nu leh pa bula awm aiin school a awm i thlang zawk ṭhin a maw?"




"Aw, an ni pawhin, midang bulah pawh chhuanlam sawi tur an nei bawk ang a, school lamah trip an nei a, a tuina lam tak a nih a vangin a kal a, kan bulah a awm duhlo tih ai chuan school trip ah a kal a tih kha an tan pawh a nuam zawk ngei ang, kum sawmpali ka ni tawh a, chumi chhung zawmg chu inah ka awm ngai reng reng hleinem, school.chawlh eng emaw hlekah chuan inlama haw lo in school trip ah ka kal.ziah a, inlama awm ai mahin nuam pawh ka ti zawk bawk."





"Pawi ka ti lutuk darling." Min rawn kuah a.




"A pawina reng reng a awm lo.ka tan pawi ti duh vak suh, hetiang chung chang hi kan sawi tawh kha."




"Nia, mahse i naupan lai chanchin ka ngaihtuah hian ka chanah ka dah a, ka khawngaih leh ṭhin che a lawm."




A kut chu dahthlak sakin ka ding chhuak nghak vut a, a ni pawh chu rawn ding chhuak ve nghalin, dingdihlip deuh ak ak chunga ka hmai a a kuta mi rawn tawk leh zauh chung hian, " I naupan lai hun kan sawi a piang hian sual duh lehna rilru hi i pu ṭhin ni in ka hria.
"



Lei lama lehkhabu chu a zu chhar a, a inher nghat a, a kal ta ngak ngak a, mahse a ni chu a kal chak tha thei hauh lo tih ka hria, rang takin ka che chhuak vat a, chak zet hian ka en chhuak ve nghal a.


 A bul chu ka thleng phei nghal thuai bawk a, a kawnga nghet zeta va kuah pah chuan ka lamah ka hnuk phei deuh lawp bawk a, "Katy ka tihpalh, ka awmdan kha a ngeiawm viau ti raw, mahse ka thiamlo a ni, ka tetlai hun chung chang thil mi in a min zawh hian hreawm kati ṭhin a, sawichhuah ringawt pawh hi ka duhloh ber thil a ni, awmdan tur pawh ka thiam ṭhin lo, ka tetlai hun a engtin nge ka awm tih leh tuna ka awmdan vel mi in an ngaihven hian chhandan tur pawh ka thiam ngai lo."



"Keiin ka ngaihven a, ka ngaihtuah bawk che a lawm." A meng de sar sar a, a mitmeng det dan leh fim ral danah chuan a mittui a tling tuh ka hre chiang hle bawk.




"Ka tihpalh." A biangah chuan ka fawh sak pah zauh a, a tukhumah chuan vuanin ka awmah ka bei tir nghal bawk a.


"Ṭha taka awm ka tum a lawm, mahse heti ang thu hi ka sawi chhuah vak ngailoh a vang hian ka tan chuan thil thar a ni rih a, min hrethiam rih dawn nia, mahse i lakah erawh ṭha tak a awm ka tum a nia, miṭha tak nih tum hi ka tan thil thar a ni a, a la hlimchhawn bawk nen, min dawh rih hram hram a la ngai ang." A mitmeng chu a pangngai leh ṭan ta a.




Ka kun hniam a, a heh sen no chek ah chuan ka fawhsak leh ta a.


A hmuia ka fawh sak hnu chuan ka inlahrang a, "Kan inhauh vawikhatna a ni em aw?"




"Ka hre lo, kan inhauh vawikhatna a tan nge vawihnihna ah kan pawm zawk ang ni, duhleh vawikhatna ah pawh chuan kan pawm thei mai ang chu." A nui pah sak bawk a.





"Chuti a nih chuan inremna a tan sex kan hman dun leh ngei a ngai ngei ang." Ka nui pah vawr a.





Thinrim hmel zet hian min melh chho ram ram a, mahse a hmui lamah ve thung chuan a nuih a za ru hle ni in ka hre thung.




Inneih hnu a nupui te an pawm ang hian ka pawm kang nghal lawp a, "Lokal rawh, Mrs.VanRyan kan pahnih a inremna chu siam dun phawt teh ang, chumi hnu ah town lamah pawh kal kan ngai, hotdog leh marshmallow pawh lei a ngai."




A ni pawh chuan mi nuih ve rah rah chung chuan, "Mustard pawh i lei theinghilh palh ang e." A ti ve bawk a.





Inchhung kan luh hnu chuan khum lamah ka theh thla nghal a, ka kawr phelh nghal sawk pah chuan, "Nia, mustard chu a ṭul a lawm." A chungah chuan ka bawk zui ta nghal a.






*****        ******        ******




Kan bornfire halah chuan thing pakhat ka tuah belh leh a, Katy chu ka malchunga pawm chungin a bawp chu ka kutin ka chul sak a, "Tikhan a lum ṭha em?"




A lu mi buk khum nghat pahin a blanket sin chu a nghawng lamah a kut chuan a pawtchho a, "Khawthim hnu hian a vawt ve deuh hlek tawh ṭhin a."




"Khua a thim tawh a, zan pawh a nih tawh hi." Ti in ka chhang a.





"Ka hria a lawm."




"He hmunah hian ni engzah nge cham i la rilruk?"




Thawk a la pah halh a, a kuta blanket tlang khalh neuh neuh pah chuan, "Haw tawh ila a ṭhat ka ring." a ti a.





Helai hmuna ka rawn kal na pawh hi nithum lai a ni ve tawh a, nuam pawh ka ti hle, a chhan chu office kal pawh a ngailo a, ka ngaihtuahna sawr bing lah a ngai hek lo, office agenda a awm lo a, mi biak lah a ngai hek lo.


Ka ngaihtuah ber tur chu Katy hi a ni mai a, chulah ka thil chak ber a ni bawk si, ka puitlin tawh hnu a hun nuam tak ka hman ṭum a nih ngei ka ring.


Town lamah ka kal zauh zauh ṭhin a, chu pawh kan pahnih a ei tur leh mamawh lam turin chauhin, chu lo chu Katy bula awm leh camp neih a hun hlimawm tak hman a ni a, a changin beach ah kan kal dun bawk ṭhin a, games kan khel ṭhin bawk a, checker hi zirtir ka tum a mahse a theihloh hul hual.





Chu tih loh ah chuan chu resort hmun chu kan chhuahsan ngailo hrim hrim, kan hun neih chu kan pahnih a inhriat chian dun nan kan hmang a, inbiak tawn nan darkar tam tak hun kan hmang dun ṭhin bawk a, ni kan chu kan hmangliam.dun zung zung zel.





He resort a kan awm chhung zawng hian kan chanchin inhrilh tawnnan hun kan hmang ber a, ka life a ka chamchin hre hnem ber tu chu Katy hi a ni hial ang.





Zawhna mi zawh dan a thiam.hrim hrim a, thil eng emaw te te sawi chhuakin ka life lamah min kalpui leh ṭhin a, ka tumloh deuh deuhin ka chung chang lam ka hun kal tawh hnu thil chu ka hrilh leh vak mai ṭhin!

Chu vang chuan midang bulah pawh ka la sawilih ho thil chu a hre vek tawh a ni, a ni pawhin a chung chang thil a hun kal tawh Penny bula a awm lai chan chin te min hrilh ve bawk ṭhin.



Chubakah kalkawng vel a a mah chauh a a vahvaih lai hun te pawh min hrilh ve bawk ṭhin a, chutiang thil a sawi lai chuan a hmelah hreawm tihna a rawn lang chhuak ve ṭhin a, rilṭam taka a awm ṭhin dan leh ei tur khamkhawp pawh hmu ngailo a rilṭam pum ri rawk rawk chunga mutthilh a tum a a har ṭhin zia thu te, chutiang thu a sawi lai chuan ka kutin nghet takin ka lo kuah bawk.


Chung te a vang chuan eng Pathian bulah pawh ka rilru in lawmthu ka sawi phah hial ṭhin! A chhan chu khatih hun lai pawh a ril ṭam a vanga thi mai lo a ka Katy hi an lo ven ṭhin a vangin.



Sex hman dunnna hun pawh kan nei zing dun viau a, nikhatah vawihnih lai chu kan hmang dun ngei ngei ṭhin bawk, a hma a ka tana hmeichhe itawm lo tak leh kal pawh kal ṭha hleithei lo leh zeilo tak ṭhin kha tunah chuan a tello a awm theilo leh a mah mamawh ngawih ngawih turin ka awm ta si.



A taksa leh ka taksa pum pui hi a inrem thlap a, a zeilihna leh a thiamlohna te pawh hi ka tan chuan thil phur awm tak vek a ni a, keimah a mi ti phur tu an ni zawk ṭhin! Sex kan hmanna kawnga ka laka a inzir chawp tih hriat taka a han che te huan keimah ah mi a ti thatho a, keimah ah phurna nasa tak min thlen tu a ni zawk bawk.





A mah erawh chu a hma a kan lo nundan ṭhen khat kan life ah khan kan kir leh erawh chu a ngai ngei ang, kan hmalamah hian engthil nge lo thleng dawn tih kan hre lawk si lo a, kan future ah hian eng nge rawn thleng dawn tih leh engti angin nge kwn nun kan hman ang tih kan hre dun si lo.





"Tun a ṭanga nihnih thum vel chu la cham.ila a ṭhat ka ring, a chhan chu radio ah khan nithum chhung chu khua a chhe zual dawn a, ruah a sur nasat tur thu an puang tlatin ka hria, chumi chhung chu he cattageah hian kan tang dawn hrim hrim a a ni lo'm ni? Kan pahnihin he cottage ah hian nihnih thum bawr vel chu kan tan dun chawrh chawrh rih a ngai dawn tihna anih chu!" Nui deuh ruh ruh chung hian ka ti a .




A mah chu kuai dak chunga a ira fawh sak leh zauh pahin, "He cottage ah hian kan tang a nih chuan tih tur vak a awm bawk silo nen, tih tur ber ni a lang chu i bula mut a ni mai dawn a, tiraw?" Ka fiam pah a.




A ni pawh chuan nui chunga mi rawn fiamlet pahin, "Ni e, a pawi hleinem, naute a hnai tihna a nimai a lawm ti raw?" A hmel chu a thutak thut a, "Heta kan awm chhung hian Penny thil pawh kha tuiah ka paihdarh ve ngei chu a ngai ang."




"Chu thil ti tur chuan i inpeih tak tak tawh maw sweetheart?"





Chu thil ka zawh a vang chuan ngaihtuahna ril zet mai a nei ni hian ka hria, chuloah boruak dai hi nuam a ti hrin hrim a, summer hun khawlum lai hi a nuam tih zawng a ni ngailo hrim hrim bawk a, he hmuna rawn kir leh hi chu a duh dawn a, nihnuh emaw nithum emaw lek lek he hmuna hun hman hi a la duh dawn tih pawh ka ring bawk, "I inpeih hun hunah a ni mai."




A ni pawh chuan, "Naktuk hian ka ti tawh ang." A ti ve bawk a.




Ka malchunga a tsksa chu ṭhut tirin, a chhipah chuan ka fawhsak leh zauh a, "Ok, naktuka ti thei a i in ring a nih chuan i ti dawn nia."




*****             ****                       *****




Zing ka harh chu makti zet hian ka tho chhuak nghal thuai a, achhan pawh ka awm a Katy lu kham ṭhin tu chu a awm lo a, a ruak hiai tawh a vanga ṭhangharh ka ni tih pawh ka in hria, ka blanket sinlai chu ka theh hlim nghal a.


Room chhung chu a lo ruak hiai a ni tih ka hre chhuak nghal thuai bawk a, hmanhmawh zet hian.ka che chhuak nghal a, ka rilru chu a buai ru hle bawk.



 Mahse pawn lama ka dak chhuak tuipui lam pang hawi a Katy ding ka hmuh hnu chuan ka ngaih a ṭha nghal huai a, a kut chuan bawm eng emaw ni hi a keng bawk ni in.ka va hmu a, Penny chu a thlah ta tak tak dawn tih chu hrilh ngailo in ka hre chiang nghal hle .




Ka nupui chuan Penny chu a mangṭha ve dawn ta tak tak e, room lamah chuan ka kir leh vat a, ka kekawr phelh sa a ka dah chu ka inthawlh nghal sawk sawk a, ka T-shirt chu ka inthawlh leh nghal thuai bawk a, hmanhmawh zetin Katy lo dinna lam chu ka pan phei ve ta nghal a .





A bul ka va thlen hma pawh chuan thli chu a thaw vuk vuk tawh a, ṭiauvut te pawh chu boruakah an lebg chum chum tawh bawk a, khaw awmdan zn puan chu a dik hle bawk hiqn ka hria, tun a ṭanga rei vaklo hnu ah chuan thli nasa taka tlehin ruahpui van awn a sur ngei dawn tih pawh hai rual a ni lo.




Thli thaw chuan ṭiauvut chu a la nasa hle a, ka biang vel te chu a rawn su deuh ṭhat ṭhat reng bawk a, khaw dur chuan ka nupui chu a ti zam chhe hle hian ka hre bawk, chutiang ni si eng vang a mi kaitho ve mai lo nge maw a nih chu le, hetiang hun hi a hlau ṭhin hle si a.




A bul chu ka thlengphei thei hram.a, a bula va dingin ka awmah chuan ka bei tir nghal bawk a, "Ka lo nghak reng tawh che a."



"Min kaihthawh ve mai tur a lawm."



"Hun fal reilo te hman lawk ka duh vang a nia, nang pawh ka kal a ṭangin i harh har chiang hauh lo, min rawn zui chawpchilh nghal hi."


"I ti tak zet maw?"



Nui hmel pu chung hian a rawn dâk chhuak a, a mitah chuan mittui a parawl ṭeuh tih ka hriat chuan thil awmdan chu ka hrethiam nghal vek." Aw." Ti hian min chhang ve sap bawk a.


 A tan Penny kum khua a tana han mangṭha chu thil harsa tak pawh a ni ngei ang le, thil tih theihloh tlukah ka ngaih pui a, a cham chu ka chanah ka dah a, ka tan tak pawh thil harsa tak tur ni in ka hria.




"Okay sweetheart. " A bawm ken chu ka laksak a, "He thil hi hawnsak tur che in min duh em?"



"Khawngaihin."



Chu Penny thil dahkhawmna bawm te ka kut a ka ken lai chu ka bih chhuk a, ka kut chuan a cheina pangpar chu chul pah hian, "Ka lawm e." Tih thu chu ka thinlung chhung ber a ṭanga sawi in ka phun chhuak pah sup a. "I mi riina ṭhin kha ka lo thlawnin ka thlen tir hauh lovang."





Bawm te chu fimkhur zet huan ka hawng ta a, a chhungah chuan Penny personal thil tak tak a ngaihhlut em em te thil te tham tak tak a lo awm hlawm a, Katy pawh chuan min rawn panhnai ve nghal bawk a, "Nangmah in va ti rawh, hetiang a i tih hi a lo beisei reng tawh mai thei a nia."





Katy pawh chuan ngawi rengin tuipui lam chu min pan san a, a hmui chu a phun sep sep hian ka hmu a, a sawi engmah chu ka hre thei chuang.lo a chu, a Penny thlahna hun hnuhnung a sawi tih chu a chiang hle.


 Tlema tui thuk lai deuh a thlen chuan tui fawn rawn kal veleh a bawmte ken a thil awm ho chu a lo bun ta a.



Chutianga a tih zawh hnu chuan a kut chu a awmah kawkalh a dahin a kun ngal a, a rawn dak chhuak a, van lam hawi chungin a hmui chu a chet tir dat dat a, a bula va kal chu ka duh lutuk mahse sawti ang a aawm lai saw ka tuar thei ang em, ka hnem thei dawn em? Nge ka kalsan zawk mai dawn nge ni a, ka va kuah zawk dawn? Tih ah chuan ka inngaihtuah buai kher mai.




Ka buaina leh hreawm katihna zawng zawng te a ṭṭngin a ni hian min hruai chhuak a, chuvang chuan kei pawhin hreawm atuh lai ber hun hian a bulah hnem turin ka awm ve ngei tur a ni tihna rilru puchung chuan a lo dinna hmun lam chu ka pan phei ve ta nghal a.






"I ṭha maw?" Tiin ka phun chhuak sup a.





Ṭah chhuah mai hlau tak chunga thawk lak rik hraih pah hian ka lam chu a rawn hawi a, " Ka ṭha veleh mai ang."




"Tih theih ka nei em?"



"I ti tawh a lawm Richard."





"Tih belh sak leh che hi ka la inpeih reng a nia."





"Richard ti hi chuan inlamah min hruai haw tawh rawh, ka inpeih tawh e."




"Aw le sweetheart."


TO BE CONT....