INTOXICATE S II CHAPTER 2

INTOXICATE S II CHAPTER 2

I chhuah hma in fakna milem awm kha min hmeh saka second sawm vel lek chhung min enkual sal ve hram hram turin ka ngen a che.

REX

Chu nu chuan min fawhna chu tâwpin, "Ka chénna hmun lam kan pan dawn em ni ang? He lai a ṭang hian a hla vak lo a nia." No zeta mi melh chhoh pah chuan a ti a.



Ka  in ngaihtuah harh nghal zawk , zu ka inhnem deuh tih pawh ka hria, kha thil kha engvanga ti nge ka nih hrep chu le, Lexi laka ka thinrim vang nge ni a, Belle ka hmuh loh a vanga ka rilru hah vang zawk? Oh hrep tak chuan, ka hma a ding hmeichhia chu ka nem per deuh lawp a, ka duh ai in ka nem na deuh mah mah! Thinrim zet  chuan min rawn melh let khâi khâi a chu engmah erawh ka hmel landan a vang chuan a sawi ngam lo thung!

 Ka thil tih a vang chuan ka inthiamlo leh hnuhnawh a, a lam chu ka va hnaih ṭha leh a, "A pawi ka ti takzet ka thei lo! Ka kal a ngai." tiin ka in her vut a, inlam panin ka car chuan ka inkhalh haw ta nal nal a.

Chu mi zân a ṭang chuan, barah pawh ka kal leh ta lo. Ka zurui in kha nu ka lo kiss ringawt kha chu, ka in ngaihdam theih pawh ka in ring lo hial, mahse a nih nih a ni zo tawh a, hun ka ko kir thei bawk hek lo, Lexi erawh la hrilh a ngaihdam ka dil erawh a la ngai ngei ang, mahse tunah chuan ni rih lo ve, tunah rih hi chuan a chungah ka thin a la rim tlat.



AFTER 2 DAYS LATER....

Phone a ri ral ral a.
Barrett chuan phone chu a pickup nghal vat a, kei pawh a bul ka thleng phei ve nghal vat bawk. " Mashall chhungkhaw chénna hmun a ni e, tûnah hian Barrett i be mek bawk." a ti nghal thuai a.

"Ok, line kha lo hold lawk ang che."  tiin ka lam chu a rawn hawi a,,"Rex kidnaper in a be duh che." Chu thil ka hria chu ka kut tum ka hum ruh nghal a, ka thinrimna chu a rawn chhuak chawpchilh bawk, ka ha ka ṭhial pah rawp rawp a, mahse thinrim hun erawh ni in ka hre rih lo, ṭha taka kidnaper chu ka biak hmasak phawt a ngai ang, chuti lo zawng ka fanu in a lo tuarvoalh haluh ang e, tunah hian a ni chu an kutah awm a ni si a.

"A hun tawh reng a ni!" Thinrim in sum taka thawk lak hrawih pah chuan ka ti ve nghut a.

"Tûnah Daly in khawi hmun a ṭangin nge an rawn call, tih hrethei turin, an location neih a tum mék." tih ve sup pah chuan a phone sound kal theilo tura a kuta a hup beh chu min hlan nghal a. Min mitmei pah zauh bawk a, eng nge tih tur tih chu ka hre chiang hle bawk, ka tih tur chu phone kha biak rei a ni.

Phone chu lâk pahin, ka bengbul ah ka chuan dah nghâl a.
*" Rex Marshall ka ni e." ka ti pah nghut bawk a.

Leh lam a ṭang chuan, mipa âw hian, "Mr Marshall tûnah hian thil pakhat i kalpui tlang zel tur ka neih ka ring." A aw chu a chang fal mai a, ka ngaihtuah fe pawhin ka aw hriat ngai mi pawh ni in ka hre lo.

"Sawi ta che, ka lo ngâithla e." Ka lo ti leh hmuk a.

Phone a mipa âw bawk chuan, *"Hmeichhe naupang duhawm zet a ni . "A ti leh khér a, ka thinrim chu ka insum thei bik tawh lo.


"Hre rawh, a samzâi pakhat té pawh i ti nâ a nih chuan, ka that khawp ang che!" Ka tih khum tuarh a.

*"Eng chiah nge i duh hrep, sawi ta che?"

*"A tam vak lo $ 100 million chauh maw le, Mr .Marshall !"

*" $ 100 million maw?"

Phone a Rawn nui huk huk a, " Chumi ah chuan buaina i nei em ni Mr . Marshall ?"


"Nei hauhlo mai, Eng tik ah nge tih leh khawi hmun ah nge ka rawn pek dawn che tih kha min hrilh la a ni mai."



 "Ngaithla rawh, cheque vel ka pawm hauh lo ang tih hria ang che. Pawisa fâi ngei a nih chauhin ka ngaihven ang ." A tih hnu chuan a thi nghal ta hmak a.


"Phone kha dah suh ! ka fanu lo kîr leh kha kei chuan ka duh ber!" ka  ti tuar a chu a tlâi ta hret.



"A dah tawh !" tih nghut pah chuan, Barrett chu phone ka pe let nghâl a.



"Ka han en nghâl a nge , in call na kha an lo trace hman em?" Officer Daly te lo awm na lam ah chuan, Barrett chuba kal sawn ta nghal a, chuti khawp a ka fanu min kidnap sak tu han induh vel chuan ka thin a ti rim sauh, chu chu thuhran ka fanu pawh ka be theilo a nia, oh, God sake.


Barrett in min kalsan hnu chuan, hmel ngûi zet hian Lexi chu ka bulah a rawn phei ve a. "Rex." a rawn ti pah sap a.



"Tûnah chuan ni rih lo ve Lexi !" Thawk ka la pah hawk a,  "Ka bank ka biak a ngai." Lexi hmela beidawnna rawn lang chu haider sakin ka kalsan zui nghâl a.


A ṭap leh a ni tih pawh ka hre reng tho, mahse tunah chuan a ni ṭap lo thlem tur leh a rilru hahna lo hnem turin hun ka nei rih tlat lo, ka fanu hi ka zawn hmuh hma chu ka chawl dawn hek lo.



Ka fanu Belle ka hmangaih em em hi ka hmuh leh hmâ chu Lexi hi ka ngâidam ngâi lovang.
Barrett te bulah chuan ka va phei ve a, an lo buai nak nak khawp mai.


Barrett chuan, "An awmna chu in hre thei em?" tiin a lo zâwt mék a.



"Aih GPS block na hmun ah an awm a." Daly chuan inthiamlo hmel zet hian a lo ti sap a.

Barrett pawh chu a thinrim hle tih a hmelah chuan a hriat theih," Damn it." a ti ve ṭhawt,  a ni pawh hian Belle hi chu a baby bunny kha a ni a, a fanu ang tak takin a en ve bawk a, Barrett nen phei hi chuan Belle hi an inkawm ngeih viau bawk.



Ka thuhriat a vang chuan beidawng zet hian ka let phei leh a, tunah chuan tute mah chu han inhnem thei dinhmunah pawh kan ding lo ni huan ka hria, ka cell phone ka ah chu ka phawrh chuak a, ka bank chu ka phone ta nghâl a.



"Tûnah hian $100 million ka mamawh, sum fâi ngeiin ka duh bawk ang." Leh lam a ṭanga bank maneger aw ka hriat veleh chuan ka ti hrawih nghâl a.

"Sir ngati teh thut nge, vawiin nilo in naktuk lamah a tih theih mailo em ni? A chhan chu pawisa hi a tam tham bawk si a?"


"Nilo, naktûkah hrep chuan nilo e, vawiin ah ngei hian ka duh ang, tu nge i biak hi i hria ti raw Mr.Millers?"


"Aw, ka hria e, Mr.Marshall." i number hi ka saved a lawm."

"Chu vanga keima private number a rawn bia che hi ka ni e, vawiin nî ngei a ka hmu lo a nih chuan, naktûk ah he khawpui ah hian, bank in hawn leh tawh ngâiloh na turin eng thil nge ka tih theih inhre nghal ang."


"Mr.Maeshall chuti ang zawng chuan ni lul lo mai, pawisa hi a tam tham nen i tan ka ngaihruahpui vang zawk che a nia, chuti khawp a i mamawh a nih chian vawiin ngei hian kan lo tifel nghal dawn nia."

"Aw le a ṭha e. Ka unaupa Tim tûna ṭang a darkar reilo te chhûngin ka rawn tir ang."  phone chu ka cut leh ta a.



"Pawisa chu i ti thei em?" Ka hnunglam a ṭangin Lexi chuan a rawn ti leh sap a.
Engtin mah ka chhâng lo.




"Rex khawngaihin min chhâng teh ! " tiin a ṭah aw ṭiau a.


Ngâwi reng in ka kalsan leh ta daih a, Lexi chu ka hmangaih tawhloh vang nilo in kan fanu heti anga a awm na chhanah hian a mah hi ka mawhpuh lo theilo, a fimkhur tawklih vanga thil thlengah ka ruat sak tlat bawk.




TWO DAYS LATER

Zan lam ah chuan, Lexi nen, living room ah chuan, in be hauh lo in kan ṭhu dûn a.

Mrs . Lucy chu lo kalin , "Midang ho coffee ka siam sak dâwn a, induh ve dawn em?" a rawn ti a.


"Duhlo ang ka lâwm e, news entur kan lo châng mai a ni e."

"An sawi dânin Belle chu kidnap ngei a ni si a, chu vâng chuan, chanchin tharah te a lan tâk mialin tih thu ah, ka ṭhu chhuak ve mai mai a nih hi!" Lexi chuan ti a Mrs.Lucy chhan sap pah chuan nui lui tih hriat zet hian a nui chhuak sak a, a nui hmel chu a reh chawpchilh nghal bawk.

"A nih Mr,. Marshall tea emaw coffee emaw duh i nei em? " a rawn ti leh a.

"No thanks." ka lo ti ve nghut a.



News chu chhuakin, news reader chuan a rawn puang ṭan ta a, keini nupa chuan chanchinthar chu uluk zetin kan lo thlir dun ran bawk a.

News reader chuan, "Hollywood
Daily news ah, ka lo lâwm leh vek a che u."



"A hmasa berin, vawiin nî a kan rawn puan tur chanchin langsar zual te chu, naupang lainat âwm zet mai Belle Marshall kidnap chungchâng a ni."



"Kan thu lâkhawmtu  in a sawi dânin, he kidnaper hian, Belle Marshall tlachhuahna turin $100 million sum fâi a a phût thu a tar lang."



"Chuti zat a tam pawisa chu Rex Marshall hian a fanu a neih lét leh theihna a nih dawn phawt chuan, pék ngei pawh a tum ni in kan hre bawk."


"Chuan vawiin ah hian, chanchin hran daih mai pakhat, rawn tih tel tur kan nei a."



"He thil a vâng hian, Mr. Marshall nupui ni mek , Mrs . Marshall pawh thinlung kehchhe tak leh ngaih ṭha lo zet a, a lo awm loh hrâm ka beisei e."




"Vawiin ni a kan khual zahawm tak chu , Miss jill Wilson a ni."



"Miss .Wilson he tilam ah hian lo ṭhu la."

Chu nu hmel ka hmu chu, mak ka ti ngei mai, ka meng kawk kawk nghal bawk, chu nu chung chang chu ngaihven pawh ka lo ngaihven ngai tawh lo, mahse kha bara ka ruih deuh hlek a vanga ka hmeichhe fawh ve tawp kha a ni tih ka la hre chiqng hle, mahse engvanga news lam a kal nge maw a nih hrep chu le?


News reader chuan, "Miss jill Wilson kan lo lαwm a che." A nui oah sang a, Lexi lam chu ka mit sir zauh a, television kam chu a en ngun hle tih hi a hriat mai, an thusawi te chu pakhatmah hmaih neih a tum lo tih pawh a hmel landan a ṭang chuan a hriat theih vek hial.

"Kei pawhin hun ṭhatak min pék theih a vâng hian,' ka lâwm e." Chu nu chuan ṭhuthleng pakhat ruak a ṭhuthmun rem pah chuan a ti ve bawk a.




"Kan thupuiah lut nghal mai ila, Miss. Wilson eng thil nge sawi i duh tih hi min hrilh thei ang em? He kan news chanel hi mi tam ver en a ni a, hetia live a kan han inkawm takah chuan eng cham chin thar nge mipui te hmaah hisn sawi tur i neih tih hi min han hrilh teh le."




"A hmasa berah chuan, hei hi ka sawi duh a, Mr Marshall hi tunge a nih tih hi ka lo la hre ngâi hauh lo a, a hmel pawh ka lo la hmu ngâi hek lo ." A ti te te phawt a, kei ngei pawhin chu nu chian eng thil nge sawi a tum tih chu Lexi ang bawkin ka hre châk ve a ni, a hming pawh chu ka hre lo hrim hrim tih ka hre chhuak a, tuna camera hma a ahan sawi tak a zarah chauh a hming pawh chu ka hre ve a ni.



"Mr.Marshall hian khatih lai a fanu an kidnap lai reng pawh a khati ang khan a awm duh mai ang tih kha...." a inhnit ta hlap hlap a.


Eng tak chu sawi ang maw? Ka kiss thu kha em ni sawi a tum, ka nuih a za ru hle bawk, khutia ṭap vel chiam chiam lo khian sawi thuai thuai se ka ti kher mai, a maeawh chu ka kâ a ṭanga hre hmasa lo a news lam a ṭang a Lexi in a han hre tur erawh hreawm.ka ti kher mai, a ngaihdan pawh a nilo khawp ang le, chuti lamah erawh chuan ka inthiam hauh lo, kei hisn a bula sawi hmasa tur ka ni si a .




"Chuan eng thil chiah nge a lo tih , tih chu min hrilh thei ang em Miss Wilson?" A ṭap a ziaawm hnu chuan news reader chuan hriat zawm chak zet hian a ti leh a.



"A fanu an kidnap nî zân hnu lawk kha ni ta in ka hria, barah kan in hmu dûn a. " A chhîng deuh vang vang phawt a.

 " Chuan?? he thu hriat chak hian mipui in an ring a fan mek ang. " News reader bawk chuan a lo ti leh khauh a.

Jill chuan a heh a peh deuh fan fan hnu chuan, a ṭawng chhuak leh a. "MR.Marshall nen chumi zan chuan hun kan hmang dûn ta a ni.' a ti chuuak ta phawng mai a.


"A in ṭan dân pawh zû kan in dûn a, chuan kan in kiss ta a...chuan mipa pa zet leh mi hîp thei zet a ni ,tih pawh hi ka pawm thlap bawk."


Hmeichhe hnaisai lo zet ka tawng ni hianka hria, chutiang tehhrep leh dawt muhlum hlak mai news a a han sawi thei chu hmeichhe rapthlαk tak zawng a ni ngei ang le, Lexi ka bula ṭhu chu ka melh zwuh a, a hmel chu a dang sual sauh hian ka hria, lapua ang mai hisn a dang nghal sawp sawp bawk.

"Ti chuan ka chénna hmun lam a kal chu a rawt ta a, kei pawh chuan, chutiang mipa pa zet leh hmelṭha zet mai chu, ka lo hnial phal ta bîk lo a ni."

"Mr.Marshall hian nupui nei tawh  tih hi i hre miah lo maw?"

Aw, hre miah lo, khami zan khan Mr.Marshall a ni tih pawh hi ka hre lo reng reng, ka tan chuan mipa fuhawm zet leh hmelṭha zet mai, ka mipa tawn vawikhat a min hip thei tu leh ka taksa ka hlan theih nghalna a ni satliah tawp."

"A nih chuan, Mr Marshall chu, chu mizan a ṭang chuan, biak pawh te i tum leh hrim hrim em?

"Umh a hnu leh thleng pawhin, min rawn biak pawh a tum leh char char a, mahse chanchinbu pakhat a ṭangin, Mr.Marshall a ni tuh ka hre chhuak ta a, nupui lwh fanu a nei a, tunah hian a fanu pawh an kidnap sak tih te kana ka hriat tak a vangin, hreawm ti hle chungin  a call leh text tih vel eng mah chu ka chhângin, ka be duh ta lo a ni."

Dawt muhlum diktak a sawi tih ka hrechhuak a, khami zan pawh khan tunge ka nih tih hi a lo hre ru kat emaw a hrelo tak tak a ni mauthei bawk, newspaper ah ka thlalak chuanna leh ka chan chin a hmuh veleh intihlar tumin chung thil chu a ti ta niber hian ka hria, a chhe lama lar pawh chu pawitih lam ai mahin nuam a ti hle zawk ni hian a hriat bawk. Ka thunrim.kher mai, chu nu hrep chu ka la zawng chhuak ang a, a la hre khawp.ang le.

Lexi chuan TV chu a va off ta hmak a.
Thinrim tak a meng ling hlar pah chuan, ka hma ah a rawn ding ta siah a.

Chiang kelkawl zeta min rawn en pah chuan,
"You B*st*rd !!"mi rawn tih khum nghek a, a rilruna beidawng lutuk chu a au ring hle bawk, a thinrim leh rilru hah vang chuan a heh te chu a khur dar dar hial a, a taksa cgen chuan a khur hlak hlak bawk.


"Lexi khâ chu thudik a ni hauh lo mai. Kha ti ang thil kha, a thleng hauh lo bawk. "Thâwk hawk pah chuan ka lo ti hul ve hak a.



"Mr Marshall , dâwt i sawi chiang lutuk, ngam pawh i la ngam.ka ti, hremhmun lamah kal nghal hial teh." A ti leh tuar a, Kan inneih hnu a ṭang hian vawikhat mah Lexi hian Mr.Marshall ti in min ko tawh ngai lo.

"Dâwt ka sawi hrep lo ve. Kha nu kha zân hun ka hmanpui bawk lo. Thinrim zetin ka lo ti ve let ve tuar a, kan nupa chuan inhauh kan ṭan nghal hi a ni ta mai a.


"A nih eng nge i tih tak chu?' Min en chhoh na a mitmeng chu a ling hlar mai a.

Ka ngawi reng a, engtin mah ka chhang lo,
"Min hrilh rawh!" a rawn ti leh hlar a, a taksa pum pui chu khûr deuh hlak hlak bawk.


Hmel ngui zet leh mahni in thiamloh na a khat a, Lexi chu melh chhuk ve in, "Ka fawp ringawt chauh ."

"Eng tin nge hetiang hian ka chungah i tih theih zâwk Rex?' ti in a mittui chu a far ta zung zung a.

A mittui far ta zung zung leh a buanga luang thla ngiai ngiai chu hrûk hul sak a lo kuah chu ka duh lutuk, mahse tunah chuan ka khawih hlek pawh a duh dawn lo tih ka hria.

Ka kut chu hûm ruh tlawk tlawk pahin, thawk ka la chhuak hrawih a,  tunah chuan Belle chauh pawh nilo nupa kehchhiatna kan ṭan ta der mai.
"Lexi a pawi ka ti tak zet a, Belle hian ka rilru a ti hah lutuk a, chu vang chuan ngaihtuah chiang lo in, ka lo kiss ve ta mai a ni." Ka ti ngui ruih a.

"Ka hûa che ! Ka haw tak zet che. Tun a ṭang chuan hnaih pawh min rawn hnaih tawh suh ang che, chu i hmeichhe fawh nu nwn chuan hremhmun kamah thlawkbo dun nghal rawh u ." Ṭap par chung chuan a rawn ti leh a.

Sawitur hre lo chuan a thusawi chu ka dawh tlawk tlawk ringawt, tunah tak hi chuan engmah thiamthu sawi tur ka neilo, pawi ka tih thu bak chu!


Lexi chu kan awmna room a ṭang chuan hmanhmawh zet a kalsawnin, kan nupa roomah chuan na zet hian kawngkhar a in khârkhum bur a, chhûnglam ah chuan a in kalh khum ta hmak a.


Ka harh chhuak zawk, a luhna lam chu ka pan phei ve vut a, kawngkhâr chu ka chum a,
"Lexi kawngkhar hi lo hawng la ka in sawifiahna hi min lo nghaihthlâk sak teh! " ka va ti a.


"Engmah i thusawi ka ngaithla peih lo."


Kawngkhâr chu thinrim zet a va chum leh dawt dawt pah chuan,
"Lexi kawngkhâr hi i rawn hawng hrep dawnlo a ni chuan, tlawh hawngin, ka rawn lút tho tho ang."

"Rex kal bo rawh , ka be duh tawh lo che ." ṭah aw tiau chuan a rawn ti leh a.


"A ṭha e. kei pawhin ka peih tawh bik lo! I duh dân ang tak chuan, ring tlat ang che ." tih khum hruih pahin, rilru hah leh ngui zetin ka kalsan ta a.

He Hollywood chhûng a mi ho hian, ka chung chang thu dawt a an tuh chhuah hi engtiang takin nge pawi an tih ang, ti rilru chung chuan, phone chu ka hmang ta a.

"Rex Marshall ka ni a, O sullivan ka be duh !' Ka tih chhuak tuarh a.

Lehlam a ṭang chuan, "O Sullivan ka ni e, Mr.Marshall min rawn biak nghal hi ka...."

"News kha i lo hmu ve em?." Ka  tih khum ngek a.

"Aw, hmu e, kha nu kha a khawngaihthlak awm reih em.a, chuan thudik tak a sawi bawk in ka hria a, khami zan khan midamg pawhin kha nu nen khan barah an hmu bawk che u a, i tun hma mizia kha a chhuak leh ta ah ka lo...."

"Ni hrep lo, thu dik a ni hauh lo.
"Kan in kiss tih chauh lo chu thildang thleng a awm lo. ti chuan keimah ngei in, bar pawh ka chhuahsan leh."

"In duh a nih chuan kha bar a CCTV ah pawh en khan en ang che u, heti ang thu le lo leh lutuk ti chuuak tut hi chuan ka lo ring ngailo che u a sin, thil in enfel vek hnu a thudiklo a ni tih inhriat chhuah hunah chuan, ka laka inthupha chawina ang chi ka lo beisei ang, chuti anga in ti lo a nih chuan, ka ukil inlo hmachhawn ngei a ngai ang.kha uipui hûr nu thusawi kha dâwt a ni tih in hre thei mai lo kha mak ka ti, thudik chu lo hre chiang vat ang che u."

"Chuan kha nu chung châng engkim kha rang takin ka hre duh ! " tih khum leh tuarh pahin phone chu ka cut ta hmak a.
....................................................................................


LEXI ....

Ka news en a vang chuan, ka rilru a na ngawih ngawih a, khati ang  ti duh tur khawp khân, Rex kha a awm ang tih rin ngaihna lah ka hre hek lo.

Rex hian ka hmangaih tluk zetin, min hmangaih ve ni in ka lo hre ṭhin a, mahse min lo hmangaih tak tak lo tihna em ni ni ta? a ṭha a lawm kei pawh hian ka ngaidam thei ngai lovang.



He ti khawp a rilru nâ a min siamtu hi, ka chung a thinrimna a neih mai a vang a, hmeichhe dang min lo kawpsan chu, ka pâi dai thei bîk hauh lo.


Belle hi hmu phawt ila, ka nu leh pa te bulah hruai daih a, Rex hi kal bosan vang vang mai ka duh, a hmangaihna hi a der dép lutuk tlat ka tuar thei tawh lo.

Ka fanu nen chauh pawh hian, kan hlim zâwk ka ring, ka fanu chu engtin nge a awm ang? Min ngaiin a ṭap reng ṭhin awm si a, Lalpa min ṭanpui lul teh!

Kan fanu kan hmuh leh theih ngei na turin,theih patâwp a pachan ka zir pawh  angai ang, Belle hi ka engkim leh ka rohlu ber a ni si a.


Ka mittui chu a far leh ta zawih zawih a, tunah chuan, Rex vang mai mai hian ka hringnun hi ka ti chhe dawn tawh lo.

A mah a vangin ka carier engkim chu a chhe zo tawh ! ti in ka in seh ruh ta sauh sauh a.


....................................................................................


THE NEXT DAY....


REX....


"Rex phone!!"
Barrett chuan a rawn ti leh a , kei pawh chuan phone awmna lam chu pan phei ve nghal vatin, ka beng zawnah phone chu ka dah nghal bawk a, Barrett leh police lam pawh che nghal vatin an hna an ṭan ve nghal bawk a, tun ṭum chu biak rei ve deuh pawh ka duh tawh hle, ka Belle awmna hi hriat vat tluka thil duh leh chak dang ka neih pawh ka hre lo.

*"Rex Marshall !"


 "Mr Marshall a chimawm zawngin i che tlat in ka hria." Aw thawp lam deuh chang tha fel fawl tak hian zawi sup hian a rawn ti leh ta a.



"A nih a hnu pawisa rawn dah na tur chu sawi vat mai rawh !" ka lo ti let hlur a.



"Ka hun ruat hran leh chungchâng chu kan la sawi dun dawn nia Mr Marshall."



"He thu hi ka rawn sawi duh a, i chungchâng thu i nupui in a hriat chhuah khân engtiang chiahin nge a nat le?"



"Ka nupui chungchâng chu sawi hrep lo mai teh, nang khawlai ui mai mai khân." ka tih khum tuarh a, ka thin a ti sa nghal zawk bawk.


Za hmel zet hian a nui hawk ri ngawt a.

"I remruat phiangsen a ni tiraw?"

Calm down, Mr.Marshall, tu te pawh hian i sum ngah zia leh i hmansen loh zia te chu an hai lo tih hi i theingjilh ta em ni? Khawlai ui min ti tiraw, zanlama khawlai a vak ṭhin zawhte chen in an hai nang."



" Chu chu thuhran ni teh se, ka rawn fiam.ve hlak che a nih kha, ka rawn hrilh duh tak zawk che chu news te pawh hi kan hmaih bik hauhlo a nia, chuan vawiin tlâi darthum ah ti ang aw, mahse police an in rawlh a nih vaih chuan hre rawh, i fanu nunna hian a tuar ang a, i fanu hmel hi i hmu leh ngai tawh lo ang, I hria tiraw Mr. Marshall?"

"Aw ka hria e ."

"Nakin ah pawisa i rawn dahna hmun tur chu ka rawn hrilh leh dawn che nia , dar thum ah chuan pawisa nen rawn chhuak tawp phawt mai rawh." phone chu a cut leh ta daih a.

Ka hnung sofa chungah chuan ṭhut thlak hnawk pahin, " Vawiin darthum ah police tello in kal turin min ti a nih chu!" ka ti sup a.


Police pa pakhat," Mahse Mr .Marshall nangmah chauh a i kal chuan a dik dawn em ni? Nangmah a i kal a nih pawhin, kan car in kan rawn zui che a nga, i tan a him chin tur zel awm ah kan tlan ang, nangmah a ṭanga hla tak ah kan awm bawk ang."


"Police tello in ka tih chuan a ni mai. " Ka lo tih khum leh hrûk a, rum zet hian police officer chu ka  melh khur bawk a.



"Barrett an min rawn zui anga, ti chuan, ka kut ah Belle a awm veleh, Barrett hian thil dang chu a ngaihtuah mai ang."



"Mahse risk chu i la thei lo ang, hetiang ringawt chuan, kidnaper hi eng ang mi nge a nih pawh kan hre silo...."


"Officer min puih duhna a vangin ka lawm.lutuk ! Mahse hei hi ka fanu ka hmuh na chance a ni a, ka fanu hi ka hloh leh duh tawh lo, chuan he mi chung chang hi chu keima duhthlanna ah a in nghat bawk !"


"A ṭha e, i tih ang chuan ni rawh se,' a ti ve ta a.

"Barrett nangin kan kalna hmun tur ah chuan engkim i keng dawn nia." Rem chu ka ruat fel.thuai thuai a, Barrett pawh chuan phone a hmang kual nghal.ta zung zung a, kidnaper pa khan police inrawlh tir lo turin min ti a, mahse ka lama ṭang remg ṭhin police te ai pawh a thiam chung chuang Barrett erawh tello turin a ti hauh lo tih ka hre ran bawk.


Kan room ah chuan lûtin Lexi chu ka zawng nghâl a.
Lexi chu room chhûngah chuan min hnungchhawn zawng hian, a lo ding ngar mai a.

"Lexi !'va tih pah chuan ka va pan hnai a.
"Vawiin ah chuan engkim a fel thei tawh ang." ka ti sup a.

"Thil nih dan chu ka hre ve vek a lawm, chûng a vang chuan, min biak kher a ngai lovang! " a lo ti chang fal a.


"He thil hi engtik thleng nge i la vawn reng dawn? " thinrim zet chuan ka tihkhum ve hrâwk a.

Thinrim hmel zet a ka lam rawn hawi ve pah chuan, min menrum khum al mai bawk a, a ṭap nasa hle a ni ngei ang, a meng sen ram a, a mitmeng pawh a bui lak bawk, Rex kan fanu hi a lo kir hun ah maw le, chu chu i hria maw?"

"Kan fanu a lo kîr veleh kan pahnihin kan chhuahsan dûn kum khua tawh ang che. Kei ni chuan he i mi bumna hi kan tuar peih tawh lo."

"Oh sweetheart i duhna hmun khawiah pawh i kal thei, Mahse Belle hi chu ka bulah a awm ang ,chu chu hria ang che."

"Uhh Rex kan la en ang chu !"

"Babe khatiang kha chuan min nawrlui hauh suh!' lo tih leh hrâwk pah chuan,ka melh rum ûl a.

"A nih chuan eng nge? " mi cho hmel zet hian min melh chho rân a, a thinrim a vang chuan a mitmu pawl ram chu a fim ral a, a neng vawt hle bawk. Engtin mah ka chhan tak loh a vang chuan ngawi rengin min kalsan leh ta hmak a.

Thinrim zet chung chuan, min zâwt ve khang lâng a maw? Ka ti rilru nauh nauh a. Lexi awm dan tehhrep chuan ka thin a ti rim tawh.


Kawngka chu an rawn kik karh karh a, thinrim zet hian ka rum chhuak nghut, " Lo lût rawh." ka ti vîn ṭhawt bawk a.


Barrett a lo ni a, a awka vin zet a vang chuan a hmelah a inthiamlo hmel hle bawk, "Inpeih tawh rawh !pawisa dahna hmun tur pawh an rawn sawi tawh." a rawn ti a.

Hmanhmawh zetin, Batrett nen chuan kan in zui chhuak dûn ta a, a ni chu car dang ah chuangin, kei chu pawisa nen ka carah chuan ka chuang a.


Reitak ka inkhalh hnu chuan, he ti lai vel bawr hi an rawn sawi na hmun chu a nia, ti rilru pah chung chuan, ka car chu tiding in, pawisa nen chuan ka chhuak ta a.


Ka car ka tih din veleh Barrett chu phone nghal bawk a , "Barrett kan kal na hmun hi a dik tih i chiang chiah maw?" A reh vung vung a vang chuan kawng diklo ah kan tlan ang tih ka hlauhthawng ngawih ngawih.


Aw, ka chiang a lawm, a aw pawh ka record thlap a lawm, a rawn hmanhmawh lo a ni maithei, khalai tak kha a lawm, i awmna a ṭangin ka awm hla lo a nia, eng emaw thawm danglam tak motor ri te i hria a nih chuan ka number hi rawn dial nghal vat ang che."


"Aw le, tikhan lo awm reng ang che thu ka pek hma che chu i awmna kha lo sawn hauh suh, aw i rawn inlan ve chu a choloh ang, a chhan chu ka fanu hi hmuh thuai ka duh, ka fanu ka hmuh chuan a duh leh pawusa hi chu la se pawi pawh ka ti lo." ka phone chu ka cut ta nghâl a.
Ka ding vang vang a ka hawikual leh ṭhin bawk a, mahse tumah reng ka hmu lo. chu lai hmun chu a reh ngawih ngawih mai.

Chutia minute sawm ka din leh hnu chuan, Barrett chu ka phone leh ta a.

"Barrett tumah an awmlo mai pawh nilo in an rawn kal lo hrim hrim, minute sawm dang ka nghâk leh a nga, chutah pawh an rawn la kal lo a nih chuan,heti lai hmun hi ka kalsan maiang."

"Hepa hrep  hian infiamna a khél a nih hi!" Lungawilo zet chuan ka ti chhuak hrawih a.


"He tilai ah pawh hian engmah a awm tak tak lovang." ti a phun chhuak leh supin phone ka dah hnu chuan haw mai chu ka tum ta a.

Chutih lai tak chuan, ka hnunglam a ṭang chuan, silai han in kau rirap mai leh in load rirap chu ka hre nghal a,ka tukhum zâwntak ah chuan, silai kaw hmawr hian a rawn tin nghal bawk a, chu silai kawhmawr vawt thlar mai a min tinna chuan ka tukhum zawn chu a ti hik mam mam hian ka hria.


"Che hlek suh !! Mipa hian a rawn ti a, phone a ka biak pa ngei kha ni in ka hre bawk.
Aw rum zet mai hian ,"I rawn in her a nih vaih a ka hmel i rawn hmu a nih chuan, i fanu ka that nghâl ang." a ti leh khur khur a.


"Pawisa chu ka rawn keng a, indawr na chu ti vat mai ang.Tumah an nat a ṭul lo." ka ti ve nghut a.


"Pawisa chu ka lák veleh i fanu chu i hmu mai ang . " silai chuan min la tin reng tho mai.


Aw vîn zet a  ṭawng chhuah leh pahin, "Tunah bag kha leiah nghat  la tichuan, i hmalam pangah kal phei rawh . Thil dik lo i tih vaih chuan i fanu hi i hmu ngaîlo ang."

"Tunah i hmalam ah khân kal la, ti chuan i kut kha chunglam ah phar nghal rawh!" A ti leh a.

A thusawi ang a tih pah chuan,
"Pawisa i nei tawh a, ka fanu chu min pe ve nghâl rawh!" ka tih khum ve khur khur bawk a.


Ka hawi lét chu tumah an lo awm tawh lo. A tlân chhe lai chu ka hmu hman hrâm.


Thinrim zet chuan Barrett chu ka phone ta nghâl a.


*"Barrett thing hmun lamah a tlânchhia pawisa keng chungin, mahse tûnah ka kutah Belle a awm hauhlo a nia."


"Engmaw i sawi a, Belle a bulah a awm lo hrim hrim maw?" ka ti tuarh a.


"He pa hian Belle awmna hmunah chuan min hruai ka ring!"



"Pawisa bag ah khân thil pakhat ka phone nena thlunzawm chi ka dah tel a, ka hlauh hauh lovang Rex, nang chuan tuh tur i nei tawh lo, tikhan inah haw la, chanchin ka hrilh theih veleh ka rawn hrilh nghâl dawn che nia."



"Aw le, chhuah miah lovang che, hei bâk hi Belle hmuh kehnan chance kan neilo mai thei a nia." phone chu cutin inlam ah chuan ka in khalh hâw ta a.


...................................................................................


LEXI.....

Rex car dingthawm ka hriat veleh phûr zet leh Belle hmuh inring zet chung chuan ka tlânchhûak nghal a.


Rex chu a mah chauhin motor a ṭang chuan hmél ngui zet mai hian a rawn chhuak a, ka hamhaih chiang hle mai, kei chuan ka fanu hlim.tak a nui ver ver hmel.ka hmuh tawh ka in ring a .


Rex eng nge thil awmzia? Belle chu i rawn hruai em?" hlâuthawng zetin Belle a rawn tel ve loh a vang chuan ka zawt nghal sawk sawk bawk a.


Rex chuan hmel ngui lup chung hian, "Pawisa la in a kal tawh! " a lo ti nghut a.


"Eng maw? "Chuan khawiah nge Bele chu a awm Rex?" A kawr hak awmah chuan ka hrawm a, ka mittui chu a parawl nghal ṭeuh bawk.


"A rawn hruai telve lo." a lo ti leh sup a.
Ka lungngaihna te chu thinrimna ah an chang zo leh ta, thinrim  mitmeng alh hlar a melh khar chungin, "Belle rawn hawn lo in  pawisa chu a kutah i pe a maw?"


"Pawisa kha ka ngaihven hrep love Lexi ." Thinrim mit meng rum zet hian min melh a.




"Rex i chhaw takzet ." Ka ti tuarh a.


"Babe thinrim na tur hlîr hi i lo zawng nghal ṭhin ti raw?" A mitmeng chu meialh ang mai hi a ni a, a hlauhawm rual rualin hlau tur erawh ka mih loh zia ka inhrilh ru mawlh mawlh, a kawr awm ka kuta ka ṭhamna chu na zet hian min phih thlâk sak a, inchhung lamah chuan min luhsan ta daih a.

"Rex kan la sawi zo lo, khatin min kal kian san ngawt theilo ang." Ka aw chu a vin in a ring ṭha hle bawk, a hnungah chuan ka zui ve nghal hlak hlak a.


 A rawn hawi let a, a thinrim em a vang chuan a khaberuh kual lai pawh chu a pawng ṭawlh ṭawlh hian ka hria, ka kal lai pawh ka tawp phah chawt.
"Babe tunah chuan ni rih lo ve." A aw chhuak te chu a vawt hle bawk.


Officer Daly chuan, "inbengdai vek teh u, kha ti ringawt chuan, engmah in chochhuah chuanglo ang." a lo ti a.


"Barrett khân pawisa kengtu kha tunah hian a chhui mek a, Belle chu rawn hruai thei turah ngai ang. " hmel ngui zet chuan inchhûng lamah a lût ta daih a.


Keini pawh chuan zui lût ve in, Daly chuan ka lam a rawn hawi a, "Hei zet chu ngaihthlâk a nuam deuh e."


Rex chuan a phone chu loud speaker a dahin, Barrett chu a phone a.

"Barrett eng nge chanchin ni zel?"
Keni chuan Barrett rawn chhânna tur chu thinphu dep dep in kan lo châng hlawm a.


Reivak lo hnu ah chuan, "Tunah chuan ka la chhuizel a, kha pa kha motel ah a thleng a, keipawh zanin chu a riahna ah hian ka riah ve mai a ngai ang."



"Aw le chhuah miah lo la, chanchin min rawn hrilh ve zel dawn nia ." Ti a a chhan leh hnu chuan Rex chuan phone chu a cut leh ta a.



THE NEXT MOTING



A tûk zingah chuan, Rex chu kan roomah chuan a lo lût a,
Rum zet hian ka lo melh kal nghal a.
"Babe he thil hi engtia rei nge i pâi dawn?' a rawn ti sup a.

Engmah sawi lo in ka lo hnungchhawn leh hmak a.
"Ka bia che a ni lawm ni Lexi ?"


Zawimuang hian a lam hawi a va inher in, kut kuangkuah hlan chung chuan ka melh chho kal a.
"Aw, min bia a lawm, mahse kei chuan ka be ve hleinem che."



"Lexi it's  just a f*cking kiss....vawi engzah fako nge chu thu pawh chu ka sawi dawn?"


"A ṭha e Rex! Kei pawh barah chuan va kal ve in, mipakhat ka va kiss ve anga, ti chuan in kiss chauh a nih kha ka ti ve ang aw? Chuan a chenna inah ka zui haw ve bawk a nga, ti chuan kan in tluk tlang a ni mai lo'm ni?" Ka nuih khum sawng bawk a.

"Honey ka ngaihtuahna hi a buaisa tih pawh i hai hauh lo ang. Chumi ah nang hian min ti lui zel mai lehnghâl a, hetiang chuan, ka ngaihtuahna zawng zawng te pawh hi ka hloh zo dawn in ka hria."



A kut a ka taksa chu pawhhnaih deuh sawk pahin, "He kan buaina hi dah ṭha in, Belle zawn na chungchâng ah hian, kan thawk dun thei lawm ni?" A ti ta sup a.



"Kha hmeichhe nu hrep khân thil a rawn tibuai zo in a rawn ti khawlo zo vek a kan pahnih inkarah hém a rawn thlâk tih pawh ka hria, héng a vang hian, ka nihna zawng zawng pawh hi ka hloh hial tawh." rilru nat hmel zet chuan a ti leh hrawih a.



Rum zet a melh let khar chungin, " ka ngaihven hrep tawh lo Rex."


"Babe nang hi chakna thahrui min pe tu chu i ni a sin chu tiang bawkin nang hi ka chaklohna i ni bawk,chu vang chuan, he kan inbeih na hi dahṭha in Belle chu zawng turin, kan thawk dun zâwk dawn lawm ni a ṭha em?"

 Ka ngaihtuah neuh neuh a, Rex thusawi chu dik hle hian ka hria, kan fanu a bo rih a, keini nupa lah chu intihthiamlohna nei in kan in hau reng mai bawk a, kan awm dan hi dik.ka ti bik lo, tunah rih chuan kan pahniha thinrimna te chu dahṭha rihin, inngeih taka awmin kan fanu hi kan zawng hmu vat thei zawk ang tih ka ngaihtuah ta a,  "Aw le." ka ti ve ta sep a.

Kan fanu rûkbo chungchâng ah hian keipawh ka châu takzet tawh a ni.
Rex chuan a sawi dik, kan fanu bo chhûng chu in ngeih hrâm hrâm kan tum bawk ang, chu chu Belle tan.ka ti thei ngei tur a ni.

Ka hmuiah chuan duhthawh tak leh min mamawh zet hian a rawn fawp ta a.


Officer Daly chuan kan hnunglam a ṭang chuan, "Hospital a ṭangin phone a lo kal a,mi kah an awm a ni awm e." Kan pahnih infawhlai a rawn tihbuai a vang chuan a hmel chu a sen ve ṭan ṭan a, mahse kan tihna chuan a zir bik chuang tlat lo.


Daly thusawi chuan min ṭhawng dun.hle a, ngaihṭhatlihna lian zet ka nei bawk, Rex nen chuan kan phu dûn zawk a, "tu nge an kah i hre thei em?"
Rex chuan phâwk hru hian officer Daly chu a hmel a beisei nei zetin a melh run bawk a.


"Engmah chanchin ka hrechiang bîklo, mahse hospital lamah chuan kan kal vat a ngai ang." a  ti leh sawk sawk a.

Rex nen chuan rang lutukin kan tlân chhuak a carah chuan ṭhu in hospital lam chu kan pan dûn ta nghâl a.


Hospital kan thlen veleh a chhungah kan lut nghal thuai a, doctor lo kal remchâng hnenlam chu pan phei thuaiin,
"Min lo hrethiam lawk ,min pui lawk thei ang em? Ka ti nghâl thuai a, ka hah lutuk chu ka thaw hlap hlap bawk a.


"Tehreng mai eng nge inbuaina chu?" Doctor chuan a ti dam thlup a.

"He hospital a mi an kah chungchâng ah khân, phone kan dawng a, thil hrechiang turin kan lo kal a." ka ti leh sep a.

"In hming le?"

Rex chuan," Marshall !!' a lo ti ve sup a.

"Uhh yes, min rawn zui rawh u."  min rawn melh zauh pahin, doctor chu a chechhuak ta nghal a,  keini nupa pawh chuan kan zui ve nghâl a.

Doctor chuan room pakhat ah min hruai lût a.Rex nen kan han lût chiah chu Barrett hi khumah chuan lo mu in a bulah chuan Belle chu a lo awm ve reng mai a.

Belle hmél ka han hmuthut mai chu ka mittui a tling  nghâl pam a.

" Belle, ka princess." Rex pawh a insum.hman bik lo, a fanu lam chu pan phei nghal ruakin, nghet zet hian Belle chu a kuah a, a mit tui a far ve zung zung a, Rex hian a fanu hi a hmangaih hle tih ka hria, mahse a mit tui ti tla khawp khawp tur erawh chuan a lo ngai hman ang tih rin ngaihna ka hre lo zawk a ni, an pafa inkuah chu ka thlir reng thei lo.

"Mommy Daddy !' rawn tih pah chuan, ka lam a rawn hawi a, a kut tereuh te chu a pa kuahna a ṭang chuan a rawn phar chhuak ve bawk a, kei pawh chuan mittui tla xung zung chungin ka pan phei ve nghal thuaia, kan fanu chu kan hmu leh ta e, tunah chuan ka mittui te hi lungngaihna a vang ni tawhlo in lawmna vang zawkin a luang ta a ni.

Kan pathum chuan mittui far zawih zawihin kan in kuah khâwm a, chutia kan inkuah vawng vawng hnu chuan kan inthlah a, Belle chu ka mal chungah ka pawm nghal thuai a, ka mittui chu ka la dang kir thei tak tak lo, tan inah a mah chauh te in an dah ang a, a nih lih pawhin room chhungah an kalh khum ngei bawk ang a, hlau leh thlabarin kha tih hun chhung zawng kha a hun a hmang ve ngei bawk ang, tih te ka ngaihtuah a, ka fanu chu ka lainat ngawih ngawih.

Rex chu Barrett bulah chuan a va ṭhu a, keiin Belle chu ka kuah bet tlat bawk a.

Tûnah eng nge i an tawh Barrett?" Rex chuan a va ti sup a.


A lo nuihsâng a, " Ka ṭha e. Silai mu khan min thâwi mai chauh a lawm , chuan little lady hi a him bawk a." a khi ve suk a.

"Engtin chiah nge ka rulh lét dawn che pawh ka hrelo ve ."Rex chuan a  nuih lét ve suk a.

"Barrett i chungah hian lawmthusawi kan ba nasa hle a ni." ka lo ti ve bawk a.

"Ka boss tân ka hna ka thawk mai a ni e."Barrett chuan ti in.min chhang a.


"Holiday hmang turin, ka la tir chhuak ngei ngei ang che."

Paul chu a nui suk a, "Tehreng mai, ka la kal khawp ang." A nui chhuak hawk a, a awmdan chu a siam rem nghâl a, a la ṭhen ve sawk sawk, silaimu chuan a thawi hlek lo deuh tih hi a hriat reng bawk.


Rex chuan Barrett chu chawl hahdam tura a tih hnu chuan kan chhuahsan ta a.




Pâwn kan va chhuahhnu chuan, Rex chuan police pahnih min lo nghâk reng tu te chu a bia a.

"He thil hi tu tih nge in hre chhuak thei ang em?"

" Aw, Mr. Marshall kan man fel tawh e." An lo ti a.

"Tû tih nge lo ni reng reng?"


" Mr Barrett Silai a kâp tu kha Victoria Roberts rawih mipa khat Derek Weisley a lo ni a, ti chuan an pahnihin kan man a, jail ah kan khung tawh e. "



Rex chuan thirim zeta ânchhia  lawh khum nghut pahin, " Kha nu kha, kan zawn na a rei lutuk tawh, jail a ṭanga a chhûak a nih vaih chuan, ka that duhhial mai ang." A ti hrawih a.


"Kan tântir em em ang .chuan i duhdan ang ngeiin a chhûak hauhlo bawk ang."

Victoria an man tawh tih ka han hria chu ka thaw huai mai, tunah chuan ngaihngam.takin ka awm.ve thei tawh ang chu.

"Okay, a chuak hauh tur a ni loavang, kan chhungkua, kei ka nupui leh ka fa tibuai tur hian jail a chhuahsan tur a ni lo."

"Kha chu kan kut ah dah rawh, engkim kan lo ti fel vek dawn nia. "police pakhat chuan a lo ti ve a.


"In thil lo tih tawh zawng zawng ah hian, lâwmthu sawi ka ba nasa hle a ni." tiin an pahnih chuan chibai a bûk a.

Chumi hnu ah Rex chuan, keini chu min rawn fin veleh in, in lamah Rex car chuan kan inkhalh haw ve ta a.
..................................................................... ........... ..