SEDUCTIVE S II CHAPTER 15

SEDUCTIVE S II CHAPTER 15

ELEANOR...

Sam te nen kan pathumin party nei tur chuan club awmna lamah Ryan carin kan inkhalh chhuak ta hlawm a, club chhung kan han lur boruak chu a dang nghal zak, keini pathum pawh music rem chuan ka su ve nghal.


Chutiang chuan rei tawk fang chu kan lam tawh ang, music ring bawk nen Ryan chu a rawn ṭawng deuh lung lung a, "Girls in tur eng emaw te in mamawh em?"


Ka dang a ro tawh lutuk, a sawi har zawk ngawt mai, "Cocktail ka duh ang." Ka lo ti nghal vat.


Sam erawh chuan tui a lo lam ve thung a.


"Ka hria e." Ryan chu intur awmna lam pan chuan a kal sawn ta nghal a, Sam nen chuan nuam kan ti fal hle hian ka hria, chauh leh mutthilh chhuah pawh kan nei lem lo.


Rei vaklo hnu ah chuan Ryan pawh kan intur keng chungin a rawn kir leh a, intur te in in kan chawl zawk a, kan chawlh chhung chuan ring tak taka ti ti nan kan hmang a, kan intur a kan dangro kan tih hnawn hnu chuan kan lam leh a, churiqng chuan darkar tam tak chhung chu Ryan leh Sam bulah chuan hun ka hmang a, kan zavai mai chuan kan hlim hlawm tlang hle.


"Pawn lama boruak thiang dawn lawk ka ngaiin ka hria, ka mamawh tlat." Sam chuan a rawn ti a, ka lo buk khum ve nghat.


"Tehreng mai, min mamawhna i nei a nih chuan min rawn call vat dawn nia." Ka tih ve hnu chuan mipui karah chuan a inzep phei ta nghal a.


Sam kal tak hnu chuan rei pawh kan lam leh lo ang, "Eleanor, thil hrilh lawk duh che ka nei." Ryan chuan ka bengbulah chuan a ti ve sup a, music chu ring hle lo phei se chuan a sawi ring hle ang.


"Sawi ta che Ryan."



"Inchung lamah kan kal lawk dawn em ni ang, helai hmun chu a bengchheng em mai, chulo ah helai hmun hi chu a tuh chi vakin ka ring lo, thil hrilh tur che a au vak vak ngaihthlak tir che lah ka duh hek lo."


"Ka hrethiam e." Ti a chhang ve in Ryan chu ka zui chhuak a, inchung lam chu kan pan chho dun ta a, a sawi ang ngei chuan inchung lamag chuan thawm a reh raih a, inchhung lam boruak ri luih luih thawm.te chu hla tak a mi ni ang mai hian a hriat tawh a ni.



Ryan chu ka melh chho a, a hmel chu a ngui ruih nimai hian ka hria, ka pi chung chang thil mi sawipui a duh leh em ni ang? A thusawi tur chu a huohueh hmel kher mai.


"Well, eng thil nge min hrilh i duh a?" Ka ti ta nge nge a.


Hreh hmel zet hian thawk a la ri hawk phawt a, "Kha mi ni, kqn pahnih a relationship kan chhut chah ni kha ."



"Ryan ngaihruah duh suh." Ka lo ti thuai a.



"Ka hria a sin,  mahse kha mi kum tluka ka rilru a buai leh ngaihtuahna nei tama ka awm pawh ka la hre ngai lo."


"Tun thleng hian kha thil khan ka ngaihruahna a la luah reng ṭhin a, ka hun tawn tawh zawng zawng zinga a harsat ṭum ber tun thleng hian a la ni zel ta chu a nih hi." Tih pahin a chal a dawm pah zauh a.



"Khatih hun lai khan kan pahnih a relationship neih kha lak thu tak vak ka duh lo ṭhin a, a chhan pawh ka duh loh vang che nilo in, hna pawh la nei uk lo a hmangaihna kawng lama tluk luh ka hlauh vang a ni."


"Mahse ka tum angin ka awm thei ta lo a, New York a ka awm reng chuan hmangaihna lamah ka lut thuk tulh tulh nimai khan ka hre ta a, khatih hun laia ka hmangaih che a nih ngat chuan ka feature a chhe vek dawn tih ka hre chiang hle, chuvang chuan Los Angeles lam ka pan ta a, i tello a hun hman hre awm zia ka hre chhuak ta deuh deuh a, ka hna ah rilru pe theilo khawp khawpin ka awmphah a, mahse chu feelings ka neih chu har der tlat erawh ka tum nghet bur thung!"


"A ni tel tak meuh meuhin ka hmangaih tulh tulh che a, ka tuar hle bawk a, thil ni theilo a ka ngaih zawng zawng te chu a tak ram ngeiin ka tawng ṭan ta zel a, ka ngaihna lah che chu a zual tulh tulh mai keh ta nghal a, mahse hei .... tunah chuan kanawmna a in ang leh ta a...... chumai chauh pawh nilo in ka....."


"Ryan eng thil nge maw sawi i tum chiah le?" Ka lo tih khalh thuai a.


Thawk a la ri hawk, "Eleanor ka thusawi chhuah zawng zawng in a tum chu ka la hmangaih reng ṭhin che a ni tih lan tir hi a tum ber." A ti chhuak ta a.


Ka mit chu mak tihna a vangin a meng zau nghal kawk kawk a, tun maia a thusawi chuan mak min tih tir a, rin tur nge rin loh tur tih lah ka hre hek lo.


Thildang sawi tum a ka kâ ka ân ziau lai tak chuan ka ṭhiannu Sam au ri ka hre ta thut a, a ni chu inhnuai lamah a awm a ni ngei ang, a au ring kher mai, "Naute ka nei dawn khawngaihin min pui r'u."



"Nilo, Sam."

"Rang takin ambulance ko nghal vat rawh." Ryan hnenah chuan tiin Sam aw rawn chhuahna lam chu hmanhmawh zet hian ka pan thla nghal hlawk hlawk a.



Inhnuailam ka zu thlenthlak chuan Sam chu ka melhkual nghal ruai a, ka piah deuh hlek a Sam natuar lo kun ngawih ngawih mipa pakhat a bula lo ding tih ngaihna vak hre lo a lo hawi hai reng chu ka va hmu nghal a, ka pan phei nghal vat, ambulance pawh a rawn thleng har lo kher mai, Sam chu hospital lamah an phur ta nghal a.


Kei ni in ambulance hnungah Ryan carin kan zui nghal bawk a, Ryan ka bula a awm hlauh chu ka tan a vanneihthlak kher mai, a chhan pawh Los Angeles ah chuan hospital awmna ka la hre hauh si lo a .

Hospital kan va thlen hnu chuan Sam pawh labour room lamah an nawr lut chiah, waiting seat lam chu kan pan dun nghal a, " Tommy kan call nghal ang e, a hriat ve nghal a ngai dawn si a." Ka phone ka phawrh nghal a.


"A number min lo pe rawh, keiman ka lo call mai ang."



"Ka lawm e, Ryan." Tommy number chu ka pe ve mai a, a ni chuan a be ta zawk a, kei aiin hospital awmna hmun pawh a hrilh chiang thei zawk ngei ang.



Ryan in Tommy a biak lai chhung zawng chuan chiai na a vangin ka kut tin ka lo seh neuh neuh a, ka kut lah a khur dar dar bawk.


Oh God kal kawnga nau nei thei mai din hmunah khan a ding chu a ni sia le, khatiang khawp khan hmanhmawh lo in a au ri kha lo hre lo ni ta ila, eng thil nge thleng dawn tih pawh ka ngaihtuah thui ngam lo.


Thil pakhat ka ngaihtuah phei chuan ka inthiamlo ngawih ngawih, ka bulah a kal a, engvanga a kal chhuak dawn tih thu a sawi khan lo va zui a lo va kalpui lo nge ka nih? Ka bulah a kal a, chu mai pawh nilo in ka ṭhiannu a nih vang pawh a ngaihven reng tur ka ni a sin.


Naute chu a ṭhat beisei phawt ang.....



Darkar chamve a ral leh hnu chuan Tommy pawh hmanhmawh tih hriat zet hian hospital ah chuan a rawn lang ve ta hlawl a, "Room chhungah a awm.ang...."



"Helai hmuna inlo hruai a vang hian ka lawm tak zet." Ti a sawi pahin room chhungah chuan a lut ve zui ta nghal a.



Tlema ka thaw a ven deuh tak hnu chuan, "Wesley message va thawn mai ila a ṭhat ka ring, a chhan chu ka haw tlai dawn ta si a, min lo la nghah reng rakin."



"A ṭha a lawm." Ryan pawh chuan a lo ti ve sup a.



#Night Wesley.
Sam khan nau a vei thut a, hospital lamah ka zui ta mai, min lo nghak duh suh ang che, engtikah nge a neih dawn ka hre silo a, lo muhil rawh, kisses .x

Ti chu ka thawn a.

"Ka zo ta e."

Ryan hmel chu a ngui ruih hian.ka hria, Wesley chung chang ka sawi hisn a ngui nghal ruih zel, a ni hi ka hmangaih lo va, Wesley hi ka mipa hmangaih tak a ni a, mahse Ryan rilru tih hnual sak tu nih lah ka duh hek lo.



Ryan chuan eng emaw thil ka sawi chhuah ngai changin a awm ni hian ka hria a, eng thil nge a duh chu ni ang?


Oh

Shit


Ka buai em a vang khan a thusawi pawh ka lo theinghilh daih tawh a lawm, min hmangaih thu sawiin ka chhanna a nghak tak e.



"Eleanor hetiang thil a thlen hma a ka thil sawi kha i chhanna ka la nghak reng a nia."


Thawk ka la hak a, "Ryan... ka..."


"Aw, ka hrethiam a lawm, tunah mai chuan chhanna pek a i tan a harsa rih ang tih pawh, chuan kha pa a hming Wesley Cooper nen kgan in inhmangaih ang tih chu ka hre lo, mahse hei erawh hre reng la ka duh, kan pahnih a hun kan hman dun leh kan hlim ṭhinna ang zawng zawng te kha hre vek la ka tih vang a nia."


"Kan inhmangaihloh a vanga kan relation kha ti tawp kan nilo a, kan inhlat tawh em vang a ti tawp kan ni zawk."




Well...kha chu a dik lutuk tlat....


"Eleanor tunah ngei pawh hian kan pahnih a inhmangaihna chu a la awm reng ni a hriatna ka nei a, kaihthawh a ngai mai mai zawk ni in ka hre bawk...."


Ryan chuan ka chalah min rawn fawh sak zauh a, ka mit ka chhing pah zauh bawk, a thusawi dan kal hmangah chuan ka ngaisang viau a, mahse Wesley hi ka hmangaih tak zawk chu a ni.


A ni nen a kan hun hman dan te kha ka theihnghilh zo vek tawh tih hrilh chu ka duh lem lo, chumi a vanga a rilru tihnatsak tu nih lah ka duh hek lo.


"Chair ah hian lo ṭhu hahchawl ang hmiang, zan lai a pel der tawh a nia."

A mah zawk chu a ṭhu thla hmasa a, "An chair lah hi a nuam vak lo leh nghal a, i harh huna taksa na ṭhem thum a thawh chhuah tir che ka duh hauh dawn lo, chuvang chuan ka taksa hi rawn ngheng la, i tan pawh a nuam zawk ngei ang." A ti leh a.


Ka ngawi deuh rauh rauh, "Lo kal rawh, ka taksa chu rawn ngheng mai rawh, ka seh dawn hleinem che." A nui chhuak hawk a.



Thawk lak halh pah hian, "Ok, kan ti mai a niang chu, chu pawh ka chauh vang chauh a ni ang." Ka ti ve ta nghat a.


Chutia a awm ngheng chunga ka ṭhu mu chu ka chauh deuh hlek.a vangin reilo te ah ka muhil ta thuai reng a.


WESLEY COOPER....


Eleanor message ka chhiar zo chiah ka awm mai mai thei bik lo, a mah ngaihtuahna hlirin ka khat nghal a, chutiang kara a mah ngaihtuah rebg chunga in a lo awm chu ka thei hauh lo ang le.


Nau awmtu tur ka be nghal vat a, inlama Rosie lo awmpui tu tur chu ka mamawh hmasa phawt tih ka hria, nauawmtu pawh a rawn thleng har vak lem lo, chumi hnuah ka car nen Eleanor min rawn hrilhna hospital lam chu ka pan ta nghal a.


A tan a blanket sin tur pawh ka ken tel sak nghe nghe a, a chhan pawh a ṭhiannu chu eng chen nge a awmpui dawn ka hre silo, chumi chhung a vawt a tawrh chu ka hlau a ni.


Hospital pawh reilo te chhungin ka thleng vat a, ka sport car ka ken a vangin a chak ṭha hle a, ka thleng hma khawp mai, hospital chhungah chuan ka tlan lut vat a, Eleanor ka mitin ka zawmg nghal bawk a, reilo te hnuah ka hmu ve ta e, mahse ka mitina a thil va hmuh chuan min barakhaih kher mai, Ryan in ti Eleanor ṭhian chuan Eleanor a lo pawm lai ka han hmu zet chu ka thin a rim nghal ṭun a, rang takin ka pan phei nghal ruak bawk.


"Ka hmeichhia chu ngati nge, a chungah eng nge thleng?" Ka ti nghal hrawih, thikna hlir hian ka khat bawk, engrin nge an lp awm dun ang tih pawh ka ngaihtuah thui ngam lo.


"Engmah chutiang a awm lo, a muhil a nih hi!"



"Okay, ka car lamah ka lo va mut tir ang e, helai hmun a rem leh remlo a mut tir ai chuan a tan pawh a nuam daih zawk ngei ang."



"A awm ang hian awm tir rih mai mai teh, hetia mut hi a duh a lawm."


Chutiang ṭawngkam ka han hre leh lek phei chu ka thinrimna chu ka thup theilo ṭep a ni, chu pa hmel chu thip zet hian ka melh chhuk run a, min tih buai dan zawng a thiam dawn riau ni a hriatna ka nei bawk.


Engvang a hetianga Eleanor chu kuah ngam nge maw a nih  hrep chu le?


"Thlah mai mai teh!"


"Ti hian muttir mai mai rih rawh, a muttui em hi, i thilthu chhiat i pe na leh lutuk a nih kha." Ka thusawi chu a ka hnial fan tho mai, tiang anih dawn chuan ka thin in a tuar loh hun a thleng ngei ang le.


"Oh takzet maw? God engtiang chiah in nge i lo tih pawh ka hre lo, chumi ah chuan kei hian ka thik ang a maw?" Za lo zet hian ka nui chhuak hawk bawk a.



"I hria em tih chu ka hre chiah lem lo a, mahse a ni hi ka ex girlfriend a ni tih hi i ka hre lo a nih chuan lo hre ve mai mai la."



Ok.....dawt sawi miahlo chuan chu thil kher zawng ka rin loh lam tak a ni chiang a lawm, a thusawi dan kal hmangah phei chuan eng nge a sawi chhan tih lah ka hre chiang khawp mai.


Mahse a ex a ni tawh a, tuna a boyfriend ni tawh lo in, "Oh, ka lawmpui lutuk che."


"A vanduaithlak hle mai tiraw, a chhan chu tunah chuan ka ta a ni tawh miau a." Ka tih khum ve ta kher a.



"Tun ah......"

Chu thil a sawi zawh hma chuan ka che chhuak thut a, a kawt nghawngah chuan ka ṭham sak ta nghal a, Eleanor muhil lai pawh a rawn harh ve nghak bawk.


"Eng thil nge thleng?" Hlauh thawn hmel zet hian chu pa lak a ṭang chuan a inla hrang nghal a, chu chu ka thil duh ber pawh a ni reng lah bawk a.


"Engmah a nilo ve, i boyfriend in khatianga min rawn vau hma te kha chuan." A rawn ti leh kher a.



"W- Wesley a dik em?"


"Hetiang mipa naupang mai mai ka vau ngai tih i hmu tawh em ni?"



"Mipa naupang a, i ti chiang chiah maw...."
Ka sawi danah chuan a lungawiloh hmel kher mai.


"Guys, duhtawk rawh u." Eleanor chian a lo ti hlar a, mipa ṭawng tam.zet ni hian ka hria, a thusawi tur pawh chu sawi zawh tir law law a, hnep hrep chu ka duh dan a ni.



ELEANOR .....

Ka,mutthilh lai khan he mi te pahnih chungah hian eng thil.chiah nge lo thleng tawh tih ka hre lo a chu, thikna satliah mai mai a nih ka ring tho a, kei ngei oawh ka awmdan chuan a zir biklo tih ja hre ve tho, boyfriend nei reng chungin engvanga mipa dang malchunga muleh nge ka nih reng reng, tunah chuan naupangchhia pawh ka ni tawh lo a, pasal hual neilai ka ni tawh bawk nen, ka thil tih chu a mawilo hul hual tih ka hre nghal a, ka inthiam chiah bik lo.


Wesley leh Ryan chu an inmelh rum.dun ngang mai, keimah vangin engtikah mah an in kawm ngeih rhei ngailo ang tih pawh ka hre chiang hle bawk.


"Guys duh tawk teh u...." tih thu ka sawi lai tak chuan naute ṭap thawm kan hre ta nghal a, "Naute."
Sam chuan naute a nei tawh chiang mai, ka thusawi lai pawh ngaihven chhunzawm tawh lem lo chuan room chhung lama tlan luh ka rual a, chuta ka thil va hmuh chian Wesley te pahnih chu min theinghilh tir nghal vek, naute piang hlim puan nem taka tuam Tommya'n a kut a lo pawm chu ka pan phei nghal a. "Sam Tommy ka lawmpui lutuk che u." Chu thu chu ka thinlung takin ka sawi chhuak nghal a, ka lawmpui tak zet zet tih pawh ka hmelah thleng thleng a langchhuak ngei ang.


"Ka lawm e, Elo." Sam chuan chauh hmel zet hian a ti chhuak sap a, a mit a chhing zui nghal a.



"Chuan mipa nge hmeichhia?"


Tommy chuan, "mipa." A lo ti vat, a lawm hmel kher mai.

Ka psn hnai leh hrat a, Tonny kuta naute chu zu en sak chung hian, "Aw, naute cute zet a nih hi le."


Wesley rawn luh lai pawh ka hre lo, ka hnunglam a ṭang chuan "A pa a chhun fuh hle mai." A rawn.ti ve sup a.


"Dik chiah." Ka lo ti ve nghal.



"Congratulation Tommy."


"Thanks, Wes."


"Ka lo pawm ve chhin thei ang em?"


"Hey, lo inraqlh miah suh, hei chu ka ta bil liau liau a nih hi!"


Wesley nen chuan kan nuih a za dun kher mai, "Thu atthlak zet i sawi ah ka ngai." Wesley chuan a ti ve bawk a.


A FEWDAYS LATER....


Hun te a ral zel a, khami ni tih loh kha chu Ryan hmel ka hmu leh ta lo reng reng a, a mah erawh chu message erawh min rawn thawn deuh reng ṭhin a, lunch emaw dinner emaw ei puiah te min rawn sawm ṭhin a, mahse ka buai thu in ka lo chhang ṭhin, a chhan chu thu dik a ni miau a, tun kar phei chu hna zawn a vangin hmun hran hran ka kal kual a ngai a, ka buai hle reng a ni.


Hna pawh ka hmu ve nual a, mahse nileng ṭhak ṭhak a thawh ngai deuh zel an nu hlawm si a, kei chuan part time choah ka duh bawk si, a chgan pawh rei tak tak Rosie jal sana nauawm tu kuta dah reng zawng ka duh.loh zawng tak a ni.


He ka hna a vang a Wesley hna lam tih buai ka duh bawk silo nen, tun thleng hian hna pawh ka la hmuh theihloh phah a ni. Chu loah tunkar hi  Wesley hian eng nge a hriat ni,  a mizia a dang riau in ka hre leh nghal a, ka lak a ṭang hian a inla hrang riayin ka hre ṭhin, a ṭawngkam ah chuan a lan tir hauh lo a, mahse a ṭawng tlem hle thung!

Ka hna chung chamg ka hrilh chang chuan Wesley chuan a mana min biak sak mai pawi a tihloh thu min hrilh a, mahse ka hna turah hian inrawlh lo se ka duh zawk, a mah vanga hna min pe tur hi ka thil duhloh ber te zing ami a ni, chumai pawh nilo in, a hna lamah a buai riau a ka hriat a vangin keimah nfei in a hmuh chu ka duh dan a ni.

Chutia ka hun awl neih laia hna zawnga ka kal kual lai chuan ṭum khat chu ka hnunglama min au tu ka hriat a vangin ka hawi let nghal a, a aw a tang chuan ka hruat rawh hnu ni a hriatna ka nei tlat bawk.


"ELEANOR GARCIA." Ka hmingpum ngatin min rawn ko nawn leh a.


A hmel ka hmu thei ta, Aida a lo ni reng mai, ka bul a rawn thlen chuan.kan inkuah zauh a, "Hello, sister inlaw i lo dam.maw?"


"Sister inlaw a?" Ka nui chhuak hak hak.


Ka phu deuh zawk, "Engtin nge Wedley nen kan inkawp leh tawh tih i hriat thei zawk a." Mak tih a vanga mengphar awn awn chung hian ka ti a.


"Helai hmunah hian eng thil nge thleng tih min hriat sak tu tha tak ka nei a lawm." A nui pah var var a.



"Wesley lakah engkim a chung chang thu hrilh tur che in i tilui leh pek tawh chiang." Ka nui ve hak hak a.


"Engtin? Well tunah chuan kga min hre ve ta a lawm." A meng nur kual der a.


"Tun thlengin Rosie kha a takah ka la hmu lo a, mahse Wesley an a photo min rawn sent a, naute duhawm tak ni in ka hria."


"Chuan inpahnih a chungah hian ka hlim hle bawk."


Chu thu a sawi a vang chuan ka lai chhe leh der tawh, "Ngati nge i hlimloh hmel riau in ka hria, thil diklo a awm leh pek tawh em ni?"



"Uhm, engmah a nilo....."


"Well, tun kar chhung zawng khan Wesley chu ka lak a ṭangin a inla hrang deuh tlat a hriatna ka nei a, inlama rawn haw pawh a harsat tulh tulh tawh." Ti in ka mangan rulna chu a unaunu hnenah chuan ka hrilhta a.


"Oh tak tak maw?"


"Well, kha chu tunah chuan apawimawh ber lo, hna chu ka zawng mek zela."


"Chuan i hmu tawhtihna mi?"


"La hmu chiah lo, pali vel lai chu ka hmu tawh a, mahse chung ho chu nileng hna a ni a, chutiang thleng tleng Rosie kalsan chu ka duh bawk si lo."


"Ka hrethiam e."



"Chuan hetah eng nge i rawn tih ve a?"


"Oh, i hre na nge a?"



"Zanin hian kan company lawmna pualin gala an buatsaih a lawm, chuan keipawh hi Cooper's Company a ro khawmtu zinga pakhat ka ni ve a, chuvang chuan sawm tel ve ngei ka ngai a."


"Ka lo hre hauh hleinem."

"Wesley chuan tiang lam hi a hrilh hauhlo ang che tih ka hria a lawm, mahse ngaihtuah duh suh, vannrihthlak takin kei min nei thung a lawm." A nui pah rah rah a.


"Ka kal dawn em tih pawh hi ka hre lo, a chhan chu Wesley hian.min hrilh ve silo a, ka kal ve a ṭullo pawh a ni maithei."


"Ka sawi tawh ang khan tiang lam hi Wesley chuan a hrilh ngailo ang che, mahse a nupui hual i nih ang ngeia i kal ve chu a ngai ngei ang, chuti lo chu mi in an sawi duh lutuk palh ang che, i lan ve ngei pawh an phut ka ring tlat."



"Chuloah hna i zawng i ti a ni lo'm ni, a chhan chu he hmunah hian chutiang lama mi tam tak chu an rawn kal khawm dawn a, tu emaw tak nen chuan ka inbiak tir thei ngei ang che, kal la, ti chuan nangmah leh nangmah pawh i va inhmel hriat tir dawn nia, chuan hna chu i hmu nghal a ni mai." Awm ze neo zet hian min meng kal khum ralh a.


"Tak tak em ni, a thusawi ring ngam chiah lo deuh si hian ka zawt nawn leh ngat a.



"Yeah, tehreng mai."


"A,leh lamah chuan ka kal ve ngei a ngai si a, mahni chauh a kal ka duh bawk silo a." Ti in min sawm.chhan chu a sawi chhuak ta a.



Ka ngawi deuh rauh rauh a, "I pasal nen khan inkal dawn nange? A hming kha Paul ni ta in ka hria."



"Ka pasal chu ni chiah lem lo e, ka boyfriend a nih kha, mahse inkhatah kan cheng dun a, nuoa ang chiah chuan kan khawsa thung, a ni nen chuan kan inṭhen tawh a lawm." Hnuailam melh pah raih chung hian min chhang a.



"Russian hmeichhe hmelṭha zet lakah min rinawmloh sana, ka ....tih awmzia chu....an lo mu dun lai ka phawk a ni zawk mah...."


Oh, a rapthlak kher mai.


Paris dinner neihna a ka hmuh dun kha chuan nupa ang mai leh mi inkawp tur tak inkawp angin ka hmu si a, chutiang chuan an awm.pawh ka ringpha lo a sin le.



"Aida pawi ka tih pui lutuk che, a ni nilo mipa dang ṭha tak, nangmah hmangaihtu dik tak i la tawng leh nfei ang tih ka ring tlat bawk."


"Uh, min ringrawh, tunah tak hi chuan.hmangaihna tih ang remg hi chu ka rin leh theih tawh rih pawh ka rung lo ve, mahse naihtuah duh suh, ka ṭha ve leh chhawm mai ang." A ti takna a chu a hmela tawrhna awm.erawh a thup thei tak tak chuangin ka hre lo.



"Eng nge i sawi kha, gala ah chuan ilo kal ve dawn ta em?" Thil dangah kan thusawi chu a pakai san ta daih a, sawi thui vak a duh ruhlo a ni ngei ang, chu chuan a tuar ve hle tih min hriat tir bawk.



"Well.."

Ka ngawi deuh ran ran a, "Okay, rawn ksl ve chu ka tum.dawn nia." Ka ti ta a, ka kal chak vang pawh nilo in, a rilru tihhnual sak ka duh loh vang zawk a ni.



"Tha lutuk, a nih chuan hawh, thaqmhnaw lei turun kal nghal mai ila." A hmel chu a nung nghal sar a.


"Tunah maw?" Ka phu deuh zawk.


"Tehreng mai, tunah anih loh ten engtikah nge kan lei tawh ang, gala kha zanin a ni tawh mai tih te hi hre ve la." A mitko min san khum zeuh a.


Peihlo zet leh sawi chhuak ngam chiah silo chuan chuan Aida hnung chu ka zui ve ta hnak hnak a.


Mall kan vah thlen hnu leh a chhung kan luh hnu chuan thawmhnaw to ber ber zawrhna brand hlir an zawrhna hmun dawr chhungah chuan min luh pui leh ta zel a, chutiang dawr chu kei chuan ka ngaina ngailo hrim hrim, an hming vangin thawmhnaw inang puan in ang reng leh ṭhui dan in ang chiah te pawh hi a to ohah viau zel a, chung hak ai chuan tlema man tlawm deuh zawk nalh tho si hi ka melh kual zawk ṭhin! Chu chu Sam nena kan tihdan ṭhin pawh a ni a, mahse hemi te unau be thung hi chuan brand deuh zel an en si a le, ka tan tih ngaihna tak pawh a awm lo.


Ka rin ang ngeiin chu dawr chhunga thawmhnaw awm reng reng chu a to em em vek mai a, thawmhnaw ho lam zet mai man ka en chuan $2000a ṭangin a inṭan nghal der mai, chu thil ka hmuh leh lek phei chuan.ka thawk a ti tawp nghak chawih thei.


Aida chuan a thawmhnaw duh zawng chu a thlang fel thuai a, kei erawh chuan an kawtman chhiar a vang chuan thlan tur reng reng ja hre lo. Mahse a thawmhnaw thlan a han hak chhin chuan a inhmeh zia thu in ka fak ta tho a, a inhmeh tak reng bawk a, ka hak tur a tan erawh ka it lem lo khawp mai, "Taksa mawi tak leh pian nalh tak i neih a vangin eng pawh ha la i mawipui zel ang." Ka ti deuh kher bawk.


"Well, nang pawh chutiang chu i nu ve tho a lawm." A tih chian awihloh a vangun ka ner deuh sak.


Ka hmel lan dan a hmuh chuan thawk a la hak a, "Nangmah leh nangmah chumi thilah chuan i in rinngam a ngai thung ang."


Hnial thui vak ka duh loh a vangin, "I tih tlat chuan le." Ka ti ve mai bawk a.


Thawmhnaw tam zet mai hi ka kutah chuan a rawn dah a, ka hmel pawh a hliah zo vek, "Kha hei hi va ha chhin hlawm teh le."


Chutiang em em thawmhnaw ka hak chhin pawh ka la hre lo, hun ka paih viau ang le.


Thawmhnaw sawmhnih chuang zet mai ka hak zawh hnu meuh chuan ka ril a ṭam nghal raih raih, a ni lah pek chuan ka thawmhnaw hak chhin ho chu a lo en dik zel leh nghal kei ve thung chuan a man hlir en chungin ka ha chhin a, chu dawra an thawmhnaw zawrh ho chu lei chakna thinlung pawh ka nei chhin lo hrim hrim.


"Eleanor kha chu i inhmeh tak zet." Linen puan eng dal raih mai khup chung chen vel ka hak chhuah chuan a lo ti a.


"I ring chiah maw?" Ka nui pah sak, a man ka en chuan ka nuih a za thlawt lo.

"Tehreng mai, i hak tur niawm.taka ṭhui ni in ka hria." A la ti ta deuh deuh leh nghal, a to lutuk, hetiang $5000 man thawmhnaw kan hak.te chuan kan mawngah ek a chhuak.dawn em ni? Ti a au chhuah vak mai tak.hi ka nap a.


"I hnunglama darthlalangah khan han in en la.'


Ka inhmeh ve viau chuan.ka hria, mahse a man erawh ka duh dan a ni hauh lo, "Hello baby i phone number ka nei thei ang em?" Lawm hmel zet hian ka nui lui sak a.


"Kha i hmu em, i inhmeh pui tak zet la tih reng kha."


"Nangmah leh nangmah pawh in flirt i tum mai nghal a nia." A nui chhuak pah hak hak a.

"Tah hian min lo nghak rawh, a man ka va pe fel lawk anga, chuan i chenna lamah ka thlah haw nghak dawn che nia." A ti zawm leh nghal a.

"Nilo, a ngailo ang, keimana pawisa khawl sa ka nei ve reng a lawm." Ka hmel landan kha a hmu thoam em ni ang ka ti nghal rum rum, nuamlo ka ti hle bawk.


"Ngaihtuah duh suh Eleanor, he kawr ka lei mai a vang hian ka tan a pawi vak lo tih te chu i hriat ve reng kha." Tih pah chuan a kalsawn.ta nghal a.


Ka chal ka dawm pah dat, oh a ṭha e, tunah chuan Wesley hnen a ṭangin $50000 bat ka nei a, chuan a unaunu Aida hnen a tangin $5000 ka ba leh ta bawk a, hna thawh tur chu ka hmuh var a ngai ngei ang.

Aida nghah oah chuan ka phone chu ka lo khawih mai mai a, Wesley chu ba zawh ve hrim.hrim ka tum ta a, sms chu ka type nghal zat zat.

#Hey, Wesley zanin gala kha kal i tum.ve em?"


1 new message from Wesley<3


#Engtin nge chu thil chu a awm dawn tuh i hriat a?


#I unaunu in min hrilh a, chuan kal ve ka tum deuh a.


#I kal duh pawh ka lo ring hleinem.


#Well, yes ka kal duh a lawm.


2 new message from Wesley<3

# A ṭhat chu, a hmunah nih leh unhmuh kan tum dawn nia.


#Rosie pawh amah awmtu tur thar bulah kan dah mai dawn nia.


# A mah awmtu thar i ti em ni?


1 new message from Wesley<3.


#Aw, a hma a lokal thin kha a damlo a, chuvang chuan midangin a hmun awl chu an rawn luah rih mai dawn a nih hmel.


#Ok. X