SEDUCTIVE CHAPTER 16

   


      SEDUCTIVE CHAPTER 16

A SEI VAK THEI TALO A NI E, A LEH PEKAH CHUAN SEI DEUH KAN DAH LEH DAWN NIA, CHUAN FAKNA MILEM KHA HMEH THEUH TUM.ANG AW, KAN HMET TA LAW LAW A NIH CHUAN SECOND SAWM LEH NGHAK VE BAWK I LA AW.


ELEANOR..

Thil kan tih nek nek chhung chuan zan lam gala kan kal tur hun pawh a lo thleng leh der tawh a, kan insiam zawh hnuah Rosie awmtu tur pawh a lo thleng ve ta a, Aida in a carin kan kalna hmun tur lam chu kan pan dun ta a.




A hmun kan va thlen chuan mi pawh an lo ṭhahnem tawh khawp mai, Sam leh Tommy pawh ka hmu a, Ryan pawh hi a lo kal tel ve ang em? A ni pawh businessman ve tho a ni si a.... well, lo kal lo zawk se a ṭha zawk mah maithei a ni.





Achhan chu khatianga ka laka rilru a put tawh hnuah leh ka chhan dan a vang khan hreawm ka ti a, a hmel hmuh leh pawh ka huphurh phah zo vek tawh, chuan inṭhianṭhatna aia thuk neih pui leh pawh ka duh a ni hek lo.




Chuan rilru na tak leh hliam a awmtir lah ka duh bawk si lo.




"Phone hman lawk ka ngai." Ti lehin Aida chuan min la kal sawn san zui leh ta nghal. "I lo awm thei ang ti raw?" Min rawn melh nawn leh a.





"Ok, tehreng mai, kal rawh kal rawh." Ka ti nang a chu mahni chiah a awm chu nuam ka ti chiah lo.




Aida kal tak hnu chuan pawn lam ka thlir vang vang a, ka intur lak chu chhuanlamah ka lem leh khalh ṭhin bawk a, chutia pawnlam ka hawi leh lai tak chuan limousine dang a rawn thlen belh leh hlawm a, chuta ṭang chian bussiness man lian tham zet zet te leh an nupui te a ber in ti zet zet a rawn in penparh te nen an rawn chhuak bawk a, business lam pang party a nih a vangin sumdawng hausa ho pawh an nupui inchei nalh tak tak te nen an kim ṭha hawm hle.




"Good evening Elianor." Ti a min be tu ka bul lawka Lola min rawn biakna a vang chuan ka phu zawk nghe nghe a, ka intur inlai mek pawh ka hak ṭhelh.





"H..hetah te eng nge i rawn tih ve a?" Makti zet hian ka lo zawt let a.





"Oh, well, Melissa company neih pawh hi sumdawnna  ve tho a nia lawm."





A sawi dik khawp mai, Tommy leh Wesley kalna ah chuan Melisa pawh a tel ve zelang, chu chauh pawh nilo in, a unaunu kalma ah chuan Loa pawh a kal tel ve zel bawk ang.





"Hetah a awm tawh tihna em ni?"





A bu nghat nghat a, "Kan inbiaklohna pawh a rei ta hle mai."





"Ni e, chumi ah tinge kan inbiaklohna chhan pawh hi ka ngaihtuah tel bawk." Ka tih khum veleh nghat a.




Chutianga mitko san ak chung leh a mah huat hmel zeta ka sawi chhuah a vang chuan a meng hnuai raih a .





"Hey, Eleanor, duh tawk ve tawh em em la, chuan.. ka insawifiahna te pawh hi min ngaihthlak sak ve hram tawh rawh."






Engtinmah a chhang lo chuan ka la melh ling hlar tho a,a mah bawk chu ṭawngchhuak lehin, "A rei tawh viau a ni lo'm ni, chuan ka insawifiahna hi min ngaihthlak sak ve hram tawh rawh."





"Chutiang ti tura min beisei a nih chuan..... nih leh khami ni pawh khan engvanga i mipa duh ruk zet mai a ni tih min hrilh nghal mai lo a, ngawi renga min tih hmingchhiat i tum kher ni?"





"I thusawi dan chu a diklo hle mai."





"A chhan chu ka chunga i thiltih kha dik bik hek lo."





"He gala hi a zawh hunah ka insawifiahna turin reilo te awmkhawtlai lawk ta che, chuan engkim kha thil ka tih chhan kha ka hrilhfiah vek ang che, chu chauh chu ka ngen leh ang che, min tih sak hram rawh." Hreawm tih hmel zet hian a ti ta a .





Ka melh ram ram phawt a, "Khawngaihtakin Eleanor....."





Khang hun leh chen kha ṭhianṭha tak angin kan lo awm dun tawh ṭhin a, mahse nikhat thil thuah mipakhat ka duh tak nena relationship kan neihna chu min thik a vangin kan inṭhianṭhatna thlenga nghawng tirin tihchhiatin a awm phah ta a ...





Mahse kan lo inpawh ṭhin em.a vang khan a inchhir tak tak em tih hriat nan pawh chance pek leh chu a ṭha in ka hre ve ta a, a chhan pawh ka lakah insawifiahna hun ka la pek ve miah loh a vangin.





"Ok, a nih i insawifiahnan minute nga chu ka pe thei ang che." Ka ti ve ta a.




"Kha ringawt pawh kha, ka tan chuan a tawk thawkhat viau." Hmel ngui zet pu chung chuan a kalsawn ve ta nghal a.




Sam leh Tommy ka bul rawn thleng chu ka lo lawm thiam viau a, "Sam naute Ethan chu nau awmtu la in an awm tir a vanga an pahniha rawn kal thei chauh an nih zia thu Sam chuan a sawi nghal mawlh mawlh a, Sam hetianga a han ti ti nghal bawrh bawrh tawh hi chuan rilru i pik ṭuna awm.pawh ni ila ka zia phah huai zel.





Sam te nupa in min kalsan leh hnu chuan ka hmalam chu ka melh phei a, chutah chuan Ryan leh hmeichhe pakhat hmelṭha zet ka lam pana rawn kal mek chu ka hmu ta a, ka bul an rawn thlen chuan, "Good evening Eleanor." Ryan chuan min be hmasa nghal a .





"Good evening Ryan." Nuamlo ti zet hian ka chhang let ve sap.





"Oh chuan hei hi ka ṭhian Emily a nih hi." Inhmelhriatna a nei nghal a.





"Kan in hmu chu ka lawm e." Chu nu lam hawia nui lui sang chung chuan ka ti a.





Mahse chu nu chu a awmdan a ṭang chuan a induh ve tawk tih a hriat mai, "Kei pawh Eleanor." Ti deuh hmak chungin Ryan chu a kai sawn nghal ta daih a, an pahnih inkarah chuan inṭhianna satliah mai lo deuh a awm.pawh a nimah na .






Melissa leh Lola ka biak dun leh zet hnu chuan intur lam dawm turin min kalsan leh ta a, keimah chiah ka ni leh tawh, intur tem hlak hlak pah a room chhung ka melkual lai chuan mitmu grey meng thim ruih leh ka taksa zawng zawng ti khawlo zo theitu ina ngun thluk mangkhenga ka che zia zawng zawng a lo en reng chu ka va hmu fuh ta a, chu thil ka hmu chiah ka taksa chu vawt in a ṭham nghal leh ar ar tawh.






Wesley Cooper, a ni chauh hian ka ban tha te ti zawiin ka kaiza tha te zawng zawng a ti zawi vek nghal zel.



A hma ni zawng zawng kha leh chen chhung kha inkhatah ka chen pui ta chu a ni si a le, in a rawn thlen hma in kei ka lo muhil tawh ṭhin a, zing ka thawh hma a tho lehin office a kal leh nghal a, inkhatah pawh cheng mah ila kan inhmu khât ṭhin hle, chutiang a nih a vang chuan Wesley chu nikhatah darkar thum darkar li vel bak mut a hmu ngailo tihna a nih chu.





Ka lam pan hian a rawn phei a. Ka bul a rawn thlenphei hnu chuan a mit meng vawt ruih leh a hmel thu tak run chuan min en chhuk a, kei erawh chuan ka lo nuih sang thung! "A tawp a tawpah zawng lal fapa chuan min rawn hnaih ve thei ta hram a lawm." Ka lo tih khum hlak a, ka chhaih fiam a nimah zawk awm e.





A ni pawh a nui chhuak nghal hawk hawk, "Well, min lo nghak reng tihna mi Mon amour?"





Engtiklai mai pawh a Wesleya'n My love ti a french ṭawnga a aw thawp set sawt taka min koh ziah ṭhinna chuan ka khup te chu a ti zawi nghal vek zel hian min hriat tir a, a aw sexy zet chuan awmngaihna min hriat tir thin lo niber hian ka hria, thawk lak deuh hak pah hian ka zamna chu thup ka tum ve hram hram.thung! Engvanga a thumal tawi te pangai taka a sawi chuan mi ti zam nghal zel thei nge maw a nih chu le?





"Aw, tehreng mai, midang  zawng an kim vek tawh laiin nang ve chu i tlai bik ziah ṭhin a lawm."





Chutih lai tak chuan Aida pawhin kan bul a rawn thleng ve a, a unaupa kuah chaih pah hian, "frère(brother)."





A ti nghal hlut a, a unaupa a han hmu leh thei chu a lawm hmel kher mai.




"Hey ka hmel i hmu lawm tur i ni ringawt, he kan company sum zawng zawng hi mirethei te hnena ka pek vek i duh lo a nih chuan."





Wesley hmel chu a rum nghal kher mai, za zet hian ka lo nui chhuak ve a, Aida thusawi chu Wesley rem tihloh zawng tak a ni ngei ang.




"Chuan..... in pahnih inneih ni tur hi engtik nge ni ve?" A tih zawm leh nghal vat, ka nui lai chu ka tawp chiang hle.





Wesley erawh a nui chhuak hawk hawk a, "Eng chung chang nge maw i sawi leh tak chiam chiam sœur (sister)?"





"Oh, nangni pahnih hi inla inhual lo tak."





"Ni chiah lo ve Aida....."





Ka lo inrawlh ve vat a, Aida chuan ka lam a rawn hawi nghal a, "A nih leh eng nge kan la nghah cheu a?"






Wesley hmel chu ka en chho a, ka mangang ru kher mai, chhan dan tur ka ngaihtuah lai mek chuan Wesley ngei pawh chuan, "Dikchiah mai Eleanor, eng  chu nge kan la nghah reng a?" A unaunu support lutuk hian nuih za awka zetin a rawn ti ve leh kher bawk a.





"Oh, shutup." Ka kutin ka chal ka dawm pah zauh a.





"Aida he mi thilah hi chuan kan la inring dun chiah lo in ka hria." Ka ti ta ngawt a.






"Oh, Rosie in nei tawh a, in inpeih dun viau tawh a kei chuan ka lo ngai der tawh mai a sin, han ngaihtuah ve teh, hetia in inkawp tak tak tawhna hian thil pawh a tih awlsam phah sawt zui bawk nen." A ti ta duah a.





Aida chhan leh dan tur mai hre lo chuan ka hawi hai chiang hle, Wesley chu mitmeia rawn tum chuan ka dak chhuak a, a ni lah nuihza unsum hmel zet hian Aida hnungah chuan a lo ṭhensawng zui bawk nen, Pathian rem ruat nge pawh ka hre lo, Melissa a rawn lang ta hlauh a, "Hello Wesley." A nui pah sang bawk a.





Wesley chu Melissa en tur chuan a inher nghal vut, "Pawn lamah kan infiam hlawm a, i lokal ve dawn mi niang?"





WESLEY COOPER.....





AIda thu zawhin Eleanor a tih zam zia chu ka hrethiam vek, Aida zawhna chhan harsa ti zeta min rawn mitmei ṭhinnna chu ka haider sak hmiah bawk. A chhan pawh tia kan pahnih a kan awmdun tak na hi eng angin nge a ngaih ve hrim hrim.tih leh eng rilru nge ka lakah hian a put chiah tuh hriatka duh vanga haider lui sak ka ni a, kei chuan nupuia Eleanor neih hi ka iai hauh lo; a ni lo chu tiang khawpa hmeichhe hmangaih nei leh thei tawhlo turin ka in ngai tawh, chu chu thudik tak pawh ni in ka hre bawk.




Ka buka a lo awm ve hian nuam ka ti ngawihngawih zel a, min be miahlo in inhmu khat viau pawh nimah ila, ka bula a lo cheng a a hmel hmu thei a zing a thawh a pianga a room a amuhil lai hmel duh awm zet mai ka fanu nena ka hmu thei ringawt pawh hian min ti hlim ngawih ngawih ṭhin.





Aida in inei mai tura min tih zia leh midamg rindan pawh a nih vek tawh thu a han sawi chhuah leh ngat phei chuan a hmel chu mangangna in a khat eh zual a, ka nuih a ti za kher mai, ka insum theilo ṭep tawh a ni.





Chutia hreawm.ti zet leh chhanna tur dap kual a a inngaihtuah lai tak chuan ka hnunglam a ṭang hian Melissa chuan min rawn ko a, ka inher nghal vut, chutih laia Eleanor lawmna avanga ahmel engchhuak chu ka hmuhhmaih lo kher mai.






Pawnlamah infiamna kan nei a, i lo kal ve dawn mi?" A rawn ti a, ka ngawi run thung, chung infiamna tih angreng vel ai chuan tuna Elranor zam hmel te hian min ti hlim zawk daih tih chiang takin ka sawi thei ang.





Aida chuan a lo inrawlh vat a, "Infiam a?"





"Yeah, truth or dare kan khel a.'






"Uhh, ka nuam tih zawng tak." Phur tak hian a ti nghal thuai a.






Eleanor lam chu melhin, "Eleanor lokal rawh va khel ve ang."





A ni pawh chuan hnial hran lem lo hian Aida chu a zui chhuak ve ra nghal a.





"Nang i lo kal ve dawn em?"




Eleanor te kal chhuak ta chu ui zet a thlir zui reng pah chuan Melissa chu ka chhang a, "Elranor khelh ve dawn vang chauh in a ni ang." Ka ti ve ra nghut a.





Min men kual khum deuh ralh a, "He nu hi chu i hmangaih ve takzet in ka hria, chuvang chuan chhuah hauh suh, chutilo chu i keh chhe leh vek palh ang." Ti a sawiin a nui leh sak a, pawn lamah chuan kan inzui chhuak ve ta nghal a, mi an lo tam kher mai, chutiang thil naupan thlak lutuk khelh duh a vang a nula leh tlangval chuti zat mai an han awm khawm chu ka nuih te pawh a ti za hial, chuta ka mi va hmuh pakhat chuan chhungrila a mah avanga ka thinurna chu min kaihthawh sak leh ta a, Ryan hi engvang a Eleanor awmna khawi hmunah pawh awm tum ve zel nge a nih hrep chu le?




ELRANOR....




Pawn kan va chhuak midang dang pawh an lo awm ṭhap hlawm hi a lo ni a, kan chhuah a ṭanga reilo te ah Wesley leh Melissa pawh an rawn inzui chhuak ve bawk a, Wesley an chu tiang thil khelhve duhna rilru a nei ve chu mak min tih tir zawk hle.





Kan za vai chuan pawn phaitual hnim chungah  kan ṭhu kual vek a, board pakhat leh bottle pakhat chu a laiah dahin an tuai vir ṭan ta a, he kan thil khelh hian ka nuih a ti za viau mai, a chhan chu puitling kum 20 a tanga 25 vel bawr chuan kum.10 mi vel lek khelh ṭhin chu kan khel a nia, mahse hlimnan erawh kum bithliah tih chi a awm kher hleinem.





Bottle vir chai chai chu a tawpa, ka hma zawnah tak chuan a tawp va leh nghal, ka vanduai leh ta pek a ni maw, thawk ka la deuh  halh a, an zawhna zawh hun chu ka ngai chang ta a, "Ugh." Ka bula Ryan ṭhu chuan nuihzat hmel zeta mi rawn.melh pah hian, "Eleanor truth or dare ?" A ti ta a.





Thudik te chu ka sawi reng ṭhin a ni lo'mni, ti rilru chung chuan "Dare." Ka ti ve ta sep a.




A hmel ka lo en reng a vang chuan a hmela phurna rawn lang nghal pawh chu ka hailo kher mai, "A nih chuan min fawp turin ka challenge a che." A ti ta mai a.




Ryan hmel chu thinrim zet hian ka melh kal a, chutiang thu ka mipa awm lai ngei a a han sawi ngam chu mak ka ti lo thei lo.




Midang ho chu ka melh kual pah hrek hrek a, Sam chu a meng hnual raih a, chutiang bawkin Melissa pawh, ṭhenkhat hmelah erawh Ryan ka fawp lai hmuh chak a vanga an hmela phurna rawn lang chhuak chu ka hmuhhmaih lo kher mai, chutiang bawkin Aida hmelah chuan thinrimna ka hmu a, a piah deuh hlek a Wesley ṭhu ve chuan Ryan chu a melh vawt kher mai, a hmel chu a rum ul leh nghal, Ryan hian eng thil nge a sawi chiah tih hi a hre lo takzet a nih hi!