TESPNAYA REAKSIYA LOST CHAPTER 16 & 17

TESPNAYA REAKSIYA LOST CHAPTER 16 & 17

Fakna milem awm kha hmeh ṭheuh tum ang aw, khawi emaw zinga pakhat awmah khan kan hmeh chuan a tawk mai, tichuan second sawm vel nghak leh vang vang ila, kan chhuak leh mai dawn nia.

Minute nga shower hman nan ka hmang der, ka thawmhnaw hak tur pawh ka ngaihtuah mumal hman lo, Luca chuan min lo kal san hman ang tih hi ka hlau ngawih ngawih tawh, he pa hi duh ru viau mah ila a nu min treat dan tur vel a sawi chuan ka hlauhthawn phah ngawih ngawih, a ni berin chutianga a sawi ngat tawh chuan a chuan ati ngei ngei ang tih ka chiang tawk hle, a chhan pawh Luca hian fiamthu a thawh ngai tlat lo.


Thawmhnaw ka hmuh ang ang chu ka inthawlh nghal ta sawk sawk a, ka thawmhnaw ka ha zo darthlalanga ka in en lai tak chuan minute hnih chiah hun ka nei tawh tih pawh ka hria, he kan chhuah dun na tur hi date a ni thei mai ang em?




Geez, nilo, nilo, date a ni hauh lo mai. Thawk ka la pah halh a.




Mahse ka inthuam dan turah engmah sawi lawk a neih loh a vangin nalh thei ang bera lan a eng thil nge keimah ah hian hmuh hmaih a neih tih ka lan tir ngei ang,  ka jeans kekawrbul hak chu a chhing ṭha tei tawi viau a, chunglama ka top hak lah chu ka taksa a lang tam hle bawk.




Ka hma darthlalanga ka hmel lo lang chu ka mit ka siai khum zauh a, "Emma i lang hot lutuk."





Ka sam chu uluk tak hian ka vial kawi a, lipstick sen tak hlar mai ka in tah leh hnu chuan kal a lo hun ta der, hmanhmawh zet chuan ka room chu ka tlan chhuahsan ta a.





Pawn ka chhuak ka room kawngkhar ka khar chiah Luca leh Dante corridor a lo ding ka hmu chu ka phu deuh zawk, Luca chuan a dan pangai angin a cigar a lo zu leh mek tawh a, ka lam a rawn hawi chu ka zam leh zo vek tawh, a ni pawh chuan a mit a chhing deuh sawk a, thawk a la hawk bawk.




A hnu chuan min melh rum leh tawh kher mai, mit zim san a mi en chung chuan ka thawmhnaw chu a melh kual tih ka chiang hle bawk, mahse ka hlauh ang em em chuan engmah a sawi zui hauh lo; hun kan neilo takzet te pawh a ni tawh mah na .




Chutia kan inmelh tawn dun ran ran lai chuan, "Kal kan inpeih tawh em?" Dante chuan a rawn ti a.



Ka phu zawk, a ni hi a lokal tel ka ring miah lo, "I lo kal ve dawn a maw?" Mak ti zet hian Dante lam chu ka en pah bawk a.





 "Sweetheart ka duhthlanna a ni hauh lo a nia." Min melh rum ngei mai, a aw chhuak lah a chang ṭha hle bawk, Dante nen hi chuan kan inngeih ngailo ang.




"Vawiin tan chuan ṭan lo phawt teh u, i kal phawt mai ang u." Luca chuan chauh hmel zet hian a ti ruih.

Kan pahnih chuan kan ngawi zui ta nghal a.




Luca chuan hma hruaiin Dante nen chuan a hnungah kan zui a, Luca chuan inhnuai lam garage zau zet maiah hian min luh pui a, a chhung ka han hmuh chiah chu phurna hlir hian ka khat, hmun tin maiah chuan car nalh tak tak leh tun lai ber ber hi a lo inhung tlar ṭhut mai a, a pui kher mai, car zawrhna hmun te pawh a ang mah zawk, car show room ai pawhin a pui zawk mah ang, ka khaw hawina lam a piangah car nalh zet zet hmuh tur a awm tuar a, wow tih chauh lo chu sawi tur ka neih pawh ka ring lo.





Dante phone ni ngei tur chu a rawn ri ral ral a, a pickup nghal vat, "Hello."




"Heng zawng zawng hi i car vek tihna mi?" Ka mak tihna chu thup rual a ni lo.




Luca chuan ka lam rawn hawiin a min buk khum nghut ringawt, a cigar zuk lai chu paihin a pheikhawk bun tle ṭha zet chuan a nawr hlum nghal a.





"Ok, lo inbeng dai ve em em phawt teh!" Dante chuan a ti deuh hrawk.




Tu tak chu bia ang maw, Luca chuan Dante phone biak chu a ngaihven nghal a, "Aw le, Luca nen kan rawn kal dawn a, minute sawmpanga hnu ah kan rawn hmu dawn che nia."





Dante chuan phone a cut chu a thaw chhuak nghal huai a, a phone chu a ak ṭha leh ta a, "Eng chung chang nge ni leh ta?" Luca pawh chuan alo ti ve nghal.




"Silvano a nih kha, a sawi danin kan warehouse pakhat zawk police ho in an luh chhuah thut a ni awm e." A chal a dawm pah ruih bawk a.




Luca ve thung chuan engtin mah chhang ta lo chuan a men kual khum rulh ringawt, "Engkim an man fai vek ni awm tak a ni."




Luca chuan "Cazzo." A ti chhuak hrawih a, a mit chhing sawk chung hian thawk a la rihawk bawk.




"Silvano hnenah kan rawn hmuh vat tur thu ka hrilh a."





"Dante he thilah hian thuneihna chu ka la nei hrep a ni lo'm ni?" Luca chian tiin rum zet hian Dante chu a la melh pah run a.




Dante pawh chuan rilru hah hmel zet hian thawk a la ve huai mai, kei erawh a ngaihna hrelo zet hian ka din ngaiin ka ding zum zal thung!






Luca chu a che chhuak vut a, a car neih ho zinga lo hnai berah chuan a ṭhu lut ta nghal a,Dante pawhin a zui nghal vat, kei erawh ka che chhuak thei mai lo, Luca mitmeng vawt zet chuan min ti khawng lo chauh, "Ilo ṭhu lut ve dawn lo hrep tihna mi? Nang nghaktur che hian nileng hun ka nei hauh lo."





Anchhia a lawh pah sup a, ngawi rengin kei pawh car lamah chuan ka ṭhu lut ta nghal a.




Luca chuan club lamah min hruai ta a, Dantea'n chutah chuan an mi leh sa ten an lo nghah tur thu a sawi a ni.




Club chhung kan lut pui ka ti kher mai, ka hawi kual ruai a, ka hawina tinah chuan.hmeichhia nalh tak taka inchei leh mipa chang kang zet zet an awm fur hlawm a, kan dinna piah deuh hleka hmeichhe pakhat kawr sen ha hmelṭha zetin Riccardo flirt hmel tawka a lo din chilhna lam chu Luca chuan hawi pheiin, "Aria he hmun a ṭang hian chhuak vat rawh." A va tih khum hrawk a.




Chu nu chuan kan lam rawn hawiin lawm loh hmel zeta ner sak pah hian, "Eng maw? Bella ka zawng mai chauh a lawm." A lo ti hlar a.




"Thawnthu i sawikual mai mai a nih kha." Luca chuan  ti leh hmukin, "He hmunah hian Bella a awm ngailo tih pawh i hre reng, chuvang chuan chhuahsan vat mai rawh."




Kan lam chu thinrim.a vanga mengzim sun chung hian a rawn hawi leh a, Dante lam chu rum zeta melh chung hian, "Dante i unaunu Aria saw he hmun a ṭang hian hruai chhuak zet phawt la, ti chuan ka office lamah min rawn hmu ang che."





Dante pawh Aria lam ena thinrim hmel zet chuan.a bu nghut a, Riccardo erawh a ngai te ang bawkin a nui chhuak nasa mai, Dante chuan a unaunu lam chu a pan phei ta nghal a.





"Emma nangin min rawn zui rawh."




A hnungah chuan ngawireng hian ka zui ve mai a, mipa pahnih lo dinna lam chu min pan phei pui a, "Eng thil nge thleng hrep hi Silvano?" Luca chuan chumi te pahnih lo ding dun chu a melhrum nghal hle a, Silvano a tih chu Dante rawn be tu kha a ni ngei ang, chumi te pahnih zinga Silvano a tih zawk chu ka rualpui vel tur hi a ni a, vun sen uk kharh neiin a sam chu a sen thar bawk a, Irish lam hmel te pawh a pu lek lek hian ka hria, a bula pakhat pa ding erawh a upat ve tawh hmel hle a, Luca ai mah pawhin a upa tawh maithei, kum sawm li ral chu a kai tawh ngei ang, chu pa sam erawh a buang eng thar a, a vun pawh a eng lam pang a ni a, sam buanga mit meng a buang thung laiin Silvano mit meng erawh Luca te ang maiin a dum kak thung!




"Oh boss an tip lak ṭhin hi an tawp tawh tur thu sawi turin thu pek min han chhuah tir teh!"





"Silvano ka intur min rawn lak sak la, ka office lamah rawn kal nghal ang che."





Silvano chu engmah sawi tawhlo in a che chhuak ve nghal a, sam eng pa chu bia in, "Lorenzo helamah lokal teh, thil sawi tur ka nei."





Sam buanga chuan kan lam.a rawn pan phei a, chu hmuna mipa kan hmuh ho reng reng thahrui neih loh hmel tak leh zawi hmel zet tumah hmuh ka nei lo.





Chupa in kan bul a lo thlen chuan Luca chuan tih tur a lo hrilh nghal a, "Lorenzo heihi Emma a ni a, VIP area ah lo awmpui la, a lak a ṭang hian i mit lo la sawn hlek lo ang che, lo veng ngun hle rawh."




A ni chu a bu nghut nghut a, Luca chu thip zet hian ka melh ram ram nghal, engvanga naute treat a mi treat nge a nih, puitling chu ka ni ve tawhin ka inhria, ka kum zat chu hre lem lo mah ila hmeichhe puitling ka ni chiang tawh tih erawh ka hai hauh lo, chutih a kara naute ang maia min han veng tir tur chu ka ngaihdan a ni bik lo.





"Naupang pawh ka ni tawh lo, chuvang chuan min awmtu hi ka mamawh hauhin ka ring lo." ka ti ve ta nghat a.






"Nangmahin ka mipa te hi i lo tawrh chhuah theih i ring a?"






"Ka hun ṭha neih chu ka bawhpelh hauh lo ang." Ka ti ve leh nghat.





Luca chu za zet hian.a nui chhuak ta hawk hawk a, kei erawh ka nuih a za ve hauh lo.





"Oh baby nangmah ang signorina dang hi an breakfast a tan an ei mai mai ṭhin a sin."


Lorenzo a tih pa pawh chu a lo nui ve vur vur a, "Aw le, tunah chuan hmeichhe nungchang ṭha takin awm lo tum la, Lorenzo hi buaina lo thlensak loh hram i tum dawn nia."




Ah buaina hi eng nge a nih ka entir chiang khawp ang tih ka rilru ah erawh a awm tlat tho.





"Buaina thlen lo turin khawiah mah lo kalsan lo ang che."





Ti a Lorenzo a chah leh hnu Luca chu a kalsawn ta nghal a .




"Pretty lady lokal rawh le." Luca kalsawn hnu chuan Lorenzo chuan a rawn ti ta sup a.


Chu pa pian chu a ṭha hle mai a, tha ah chuan ka hneh hauh lo ang, mahse a sa ṭhat ngaihtuahin a thluak erawh a thawl viauin ka hria.




"Hey khatin mi thamlo ang tak te chuan min be lo mai teh mawnga." Ka lo tih khum hlar nghal a, a hmel chu ka ngei hle bawk, a chhan chu Dante pawh sambuang bawk a ni a, engvanga sambuang chu haw nghal zel nge ka nih ka hre lo.





Ka chhan dan a vang chian a nui chiam a, "A nih leh boss koh dan ang che in Em.kan ti mai che a niang chu."




A inher vut a, eng dang sawi dun leh tawh lo chuan VIP area lam chu min pan pui ta nghal a, chu hmun phei chu hmun dang aimah hian a chang kang a, a hmun chu honeymoon suit te pawh a ang lek lek,  an light chhit te thleng mai chuan a eng no nghalh vek a, tleirawl mipa leh hmeichhe tana duh thusam hliah hliah ni hian ka hre bawk.




"Khawngaihin ṭhu ta che, ṭha taka awm kan tum.dun dawn nia tiraw?"


Thip zet a lo melh ram ram chung hian, "Intur te ka inphawt loh te chuan."




"Boss khan intur inphal i nih thu a sawi tel hauh lo mai."




Nilo, a teuhlo mai, club ah ka kal a, harhfim kur chuan ka awm.hauh lo ang, "I tan chuan i boss pawh a lo ni maithei e, mahse ka tan erawh a ni ve lo, chuan intur inphalhlo ka ni tih a sawi hauh lo bawk."





A ngawi run run a, "A dik a lawm, tah hian lo awm la, keiman intur chu ka va laksak ang che." A ti ta a, ka hlim ru kher mai, mahse ka hlim rukna  chu pa hriat tir erawh ka tum hauh lo.




"Eng nge i duh ang." A kut lian leh hrawl zet chu a phar chhuak duai a.






"Champagne in neih zinga manto ber kha min rawn lak rawh." Chapo hmel zet hian ka hawi sang pah larh bawk a .




Min menkual khum rulh a, a inher tur chiah chu be leh nghalin, "A glass in ka ti hauh a nia, a bottle ngeiin min rawn laksak ang che, chuti lo chu minute nga dan te te ah la turin ka tirh reng i duh te a nih loh chuan."





"Kal tawh rawh le, hetia thu ho te te sawi hian min ti boring vek zel, chu thil chu Luca awmloh chhungin inhnangfak nan ka lo hmang ang e."




Champange chu eng ang chiah nge a nih pawh ka la hre lo, tun hma in champange hi ka in ve tawh ṭhin ang em? Luca te inah kha chuan red wine chiah a awm.a, kha kha kan inmai ṭhin a ni si a.





Chu pa kal hnu chuan lawm.a vangin ka su pah at at a, vawiin tlai zet chu mahni chauh pawh nimah ila nuam.takin hun ka hmang dawn a nih hi ka ti rilru a, ka hlim hle bawk.




A chhan chu a pawl te ho chuan Luca  thu chu lo awih sela, kei erawh chuan ka awih kher a ngailo, ka boss a nih ve loh miau a vangin.





BACKIN NEW YORK...



DETROIT..



Inhnuai lama Zara leh Noah ka awmpui lai tak chuan door bell a rawn ri a, kawngka hawng tur chuan ka kal ta nghal a, kawngka ka hawng pawn lamah chuan  police officer pahnih hi an lo ding reng tawh a, "Officer lo lut rawh u."




"Tihsak theih che u ka nei em?" Ti a zawt leh nghalin inchhung an rawn luh hnu chuan kawngka chu ka khar zui a, "MrBailey be tura rawn kal kan nia."





"Tunah chuan Trey chu a biak theih rihlo ang, a bula sawi tur mi hlan chhawn duh te i nei em?"





"Sir kan thusawi tur hi a pawimawh lutuk a, amah Mr.Bailey kan biak ngei ngei a ngai."




"Tunah tak hi chuan Trey ai awh tu ka ni a, a bula thil sawi duh in nei a nih chuan keimah min hrilh thei ang."




Officer hmeichhia zawk chu a rawn ṭawng chhuak ta a, "Mrs.Bailey thihna ah khan thil fel hlel deuh awmin kan hria a, chu vang chuan a thihchhan kha kan zawng ta a..."




"Chuan?" Ka lo ti hman hmawh.





Mipa zawk chuan rawn chhunzawm velehin, Chuan.. Mrs.Bailey thihna kha tihpalh thil thu a thleng ni in kan ring ta lo a ni."





An thusawi chuan min ṭhawng leh zual, "Eng nge in thusawi awmzia chu, engtin nge tihpalh thil thu a thleng a nilo tih in rintheih dan?"





"Kan rindan leh kan hriatdan ah chuan Mrs.Bailey thihna hi remruat lawk sa diam ang kan ti khawp mai."




Officer te thu sawi chu ka ngaithla ngun kher mai, tunge chutiang ti duh tu hmelma kan la neih tih chu ka rilru chuan ka ngaihtuah a, ka ngaihtuahna kilkhawr ber thleng chuan a dap kual hial ang, Trey hian midang tunge hmelma a la neih? Midang ho a hmelma kan hriat te chu kan that fai vek tawh bawk si a, Italy lama Terence chhung te Mafia ve tho Romano chhungkaw ho kha an ni thei mai ang em? An ni hian Trey chunga phuba lak nan Callie leh a fanu Alex hi an that te a ni mai lo'ng maw tih chu rin awlsam tak a ni tlat, mahse hei erawh police ho chu ka hrilh hauh lovang le.





"MrBailey emaw Mrs.Bailey hian an chunga hetiang tih duh tur awm ang hmelma an mahni lo haw riau tu ang te an nei mial lo maw?" An ti leh a.




"Ka hre mai lo, hemi chung chang thu erawh hi chu Trey ka lo sawipui dawn nia, chutiang te a lo nei a nih chuan ka rawn biak tir ang che u."




"Aw le, Mr.Brown, mahse a ranglam a piang a ṭha a nia, keini pawhin hma kan lak vat theih phah ang a."





"Yeah, yeah, yeah, ka hria e, kawngka awmna lam chu in hriat tawh kha." Thinrim zet hian ka tih khum ta erh a.




Police te chhuah hnu chuan ka inngaihtuah buai nasa mai, kum sarih hnu ah zet tawh tiang thil hi a thleng ṭha leh chu a nia, eng thil nge maw ni hrep dawn le? Thawk ka la pah hawk a, Trey room lam chu ka pan chho ta nghal a.





Room chhung ka lut Trey hmel ka hmu ta hauh lo; Sofia zawk chuan Tori chu a lo pawm a, "Hey, Sofia, khawnge Trey hi?"




Ka lam a rawn hawi a, "Ka hre miah lo Detroit, Tori reilo te chhung ka lo en theih leh theihloh min zawt ringawt a, ka theih tur thu ka hrilh a, ngawi rengin a kalsan a nih kha, khawiah nge kal a tum a sawi miah lo."




"Tori chu eng nge a an?"




"Hnute ka pe zo chiah a, a nu kan hmuh zawhloh thu ka hrilh ve a, a hrethiam a nih ka ring, hei a hmel a hlimlo ve raih in ka hria."





Thawk ka la hawk a, room pawn lamah chuan ka chhuahsan leh ta a.




Ka phone phawrhin Trey number chu ka dial nghal a, mahse min chhang hauh lo, "Hey, Bro." Ka hnunglam a ṭangin Hunter chuan a rawn ti sup a.




Ka inher nghal zawk, "Hunter." Ka mengphawk kher mai, vawiin a hmuh hi ka inring hauh lo.




"F**** man, ka hmu che chu ka lawm kher mai." Ka tih zawm nghal a.




"Eng nge thil thlen dan teh nuai hi?"




Ka kut chuan ka hmai chu ka tuai deuh pawk a, "Trey lo biak pawh ka tum mek a, mahse hei a chin hriat lohin a bo leh daih pek tawh a nih hi!"


Helai hmun huam chhung hi chu a kalsan hauhin ka ring lo, a chhan chu ka rawn thlen khan chhunglam gate security kha ka zawt a, Trey chu a la rawn chhuah miahloh thu in min chhang tlatin ka hria."





"Ka ngaihdan chuan mahni chauh a awmna hun a mamawh a nih ka ring."



"Ni e, mahse kan mamawh dawn a sin le." Ka chal ka dawm leh zauh a.





"Ngati maw, eng nge thil thleng a awm em ni?"




"Nichin deuh lawk khan police an rawn kal a, an rindan chuan Callie thihna kha accident a nih an ring lo a nih chu!"




"Eng maw i sawi?" A darna lai chu theihnghilh a ni ngei ang, a kut a phar zawng chian a then deuh sawk a.




"Chutiang ti tu chu tunge maw ni a ahan inhriat hrep le?" A ha chang a ṭhial nghal rap rap a.



"Tunge a nih chiah tih pawh an la hre chhuak chuang lo."




"A nih Trey i hrilh ve tawh em?"




"La hrilh lo, hetiang thu hre tur hian tunah chuan a la chak rih lo tlat a hriatna ka nei." Thawk ka la leh hawk a.




"Nih leh vuina hun chu eng tikah nge kan neih ang?!




"A ni hnihna ah ni se kan ti a, chutia kan han tihna chhan pawh, A fanu leh a nupui chung changah hian a tuarna rih em a, engah mah Trey hi a rawn tlak rih silo a, Dimitri kan chah ta ringawt a, Dimitri leh a chhungte Russia a ṭanga an rawn thlen hun hun hi Callie kan vui ni tur chu a ni mai ang chu!"





"Aw le, Dimitri kan biak hma chu he thu hi kan hrilh dawn rihlo tihna maw ni a?"




Ka buk khum nghut a, " A ṭha e, hetia lo nghah rih te pawh hi a tan pawh a ṭhat phah maithei a sin, duh leh mithi vuina hun neih zawh lamah te pawh zawi muangin kan la hrilh leh zawk dawn nia."





Hunter ngaihdan pawh chu a ṭha viau mai, a thusawi pawmpui zet hian ka bu ve ta nghut a . " I thu sawi chu ka pawm e."





"A dik a lawm, Trey leh Theo an biak theihlio chhung chu nang hi boss ber leh thupui vai tur ber chu i ni mai a, chuan Alex chung changah pawh khan engtin nge kan tih zel dawn leh engtin nge kan hriat chhuah tbeih ang tih ah i kutah awm rih bawk mai sela."




BACKIN SICILY.....


LORENZO.....

Signorina intur champagne ka laksak hnu chuan barah Tyson nen kan inkawm a, Signorina lah chuan a bula ka awm a duh der mai bawk silo, pawilo boss bulah ka hrilh ṭha mai a niang chu, Tyson lah chian coctail min pe deuh reng mai leh nghal a, ka mut a ti chhuak zo vek tawh, "Hna dang thawh lawk tur ka nei a, ka kalsan rih phawt mai ang che, nakinah hna i thawh zawh hunah min rawn call dawn nia." Ti in min kalsan ta a, Tyson min kalsan hnu rei vaklo hnu ah chuan boss leh Silvano pawh an rawn inzui chhuak ve ta hram a.



"Lorenzo khawnge Emma?"




"Nichin lawk kha chuan hetah a awm.reng kha, restroom lamah te a kal zawk a nih ka ring, tlemin a kai deuh hlek a."




"Intur ilo pe a maw?" Min vin khum nghal hrawih a.





"Intur pekloh tur ti in i sawi silo a."




"I mawl hle mai Lorenzo." Ti a akut zungchala min kawh erh hnu chuan a kalsawn ta nghal a.




"Engvanga khatia rawn thinrim chiam nge maw a nih hrep le?" Lawmlo zet hian Silvano bulah chuan ka ti a.




"Tu nge hria?"


"Well, a nih chuan a hmalam hun tur chu a ma signorina vek vengin a la buai khawp ang maw le."




"Ngaihtuah tur apui a ngah em vang a nih kha, Giovani hetah a awm.bawk nen."




"A â hle a nih mai."


"Lorenzo i lei kha veng ṭha hle rawh, a chan chin chhe lama i sawi hi ka cousin a ni tih hria la, chuan i boss a ni bawk a, a chungah ṭha lam chauh ti tur i ni tih hi hre ringawt mai rawh."




Ka intur lo lem sek vangin ka chapo deuh hlek tih ka hria, ka inchhir nghal der, Luca hi a nelawm.vak lemlo a chu a rilru erawh a chhe ngai chuang lo. Thupha ka chawi ve ta sup a.


LUCA...

Pole awmna room lam ka kal thil va hmuh chuan min ṭhawng kher mai, kan Lorenzo chu a la chaklo ang chu aw, chu mai pawh nilo in he signorina ngei Pawh hi ka that duh hial awm e, a ni chu pole ah chuan a lo intheh phar nasa ngang mai, a en tu te lah mipa vek an lo au dur dur mai leh ta nghal, Cazzo, thawk ka la ri hrawih.








Ka that duh hial awm e, thinrim.zet chuan ka pan phei a, "Eng thil nge maw ti a i in hriat hrep le?"




"Ka lam, ti nge?"




"Music kha off rang rawh u." Ka vin chhuak hrawk a,a entu mipa lam chu ka melh leh a, "Nangni ho pawh ka kah thih phiar in duh loh chuan  rangtakin he hmun hi chhuahsan nghal bawk ru."






"Eng nge buaina a awm em ni?" Ka thusawi a vanga lawmloh hmel fahran hian mila rawn ti ta deuh deuh, ka kut ka thawh chak kher mai .






"I ti tak tak a em, nangmah kha i la ni tak zet maw em?" Ka hmai chu ka kutin ka tuai deuh pawk a.




"Ka lam mai chauh a lawm.!




"He hmunah hian thil hlauhawm zet nen i infiam tih pawh hi i hriat duh ka ring hran ta lo ve."


"Oh, kha te chu i lo ngaihtuah tur a awm hleinem, ka duh dan danin ka awm thei."





"Ok, i duh dan chuan awm ta hrep che, chutiang khawpa pole a hnathawh ilo chak a nih te chuan min dilla ka tih tir mai tur lah ni che a Amore, i duh a nih chuan tun kar a ṭang pawh hian i thawk nghal thei em em ang, ngaihtuah duh suh, hlawh pawh a sang viau ang, nang ang hmeichhe nalh tak te hi chu an hmu khat khawp ang."





"Well, chu chu i duh a ni lo'm ni?" Ka ti ta hmak a.





A hmela zam hmel pu zet chuan min melh chho a, "Ka ....um..."





"Oh, baby eng nge ni ta, sawi chhuak hreh reng reng suh, i duh chu sawi chhuak pawp mai rawh." Amah elhsen zet hian ka tih khum zui zel a.





"I new toy chuan buaina a thlen che elo?" Kan hnung lawk a ṭang chuan Roxy hian a rawn ti a.




A mah pawh en chuang lo hian, "Roxy tunah chuan nilo." Ka tih khum hmuk.





"Uhh, i hmeichhe kawp chu i mipa te thlir a tan pole ah te i lam tir a maw? Wow, i mipa te tan chuan stripper ang mai lah ni dawn a." A nui zui hak hak a, ka nuih erawh a za ve hauh lo, ka thin a tirim zual sauh.






Rang zet hian a lam hawiin  ka inher zawk a, ka kut zung chala kawh sawk sawk pah chuan, "Roxy tunah khan eng nge ka sawi, tunah chuan ni rih love ti khan ka sawi hrep a ni lo vem ni?"




"Ok, inbengdai deuh teh Luca." A hmelah chuan hlauhna ka hmu nghal a.


"Roxy, he hmun hi chhuahsan phawt teh!" Ka sam chu ka tuai chho pawk a.


Thawk ka la ri hrawih bawk, ka thinrimna chu bengdaih hram hram ka tum bawk a, Aw lawi leh sin rat hian ,"Ka tihpalh lutuk." Emma chuan a rawn ti ta a, ka va inher a hmelah chuan.inthiamlohna hlir ka hmu nghal, ka nem nghal vek. Engvanga khatia lo ṭawng khum.vak nge ka nih? A rui tih ka hre reng bawk nen, ka inthiamlo kher mai.





"Em....car awmna lamah lo va kal phawt mai teh!"




MEANWHILE BAKCIN NEW YORK.


DETROIT....



Inhnuailama an eitur siam ka eizawh hnu oawh chuan Trey ka la hmu hauh lo, mahse inngaihtuahna hun thawl a mamawh a ka rin a vangin ka phone buai duh ting tang ta lo a, Tori vang tal pawhin thil atthlak a ti lo turah ngai phawt ang.




Thil ka ei zawh hnu chuan inchunglamah ka chho a, Callie thi tih a hriat tlai a ṭang khan engmah a la eilo a, a muhil bawk hek lo, chhin khat te pawh a la chhing lo hrim hrim, ka ngaihtuah takzet; hetiang khawp hian a tuarna leh dawn tih rin ngaihna ka nei tawh lo mai zawk a ni.




A room kawngka chu zawi te hian ka hawng a, ka lut ta a, Tori chu ka  pan hmasa phawt a, a ni chu a bawmah  a lo leng vat vat a, thawk ka la deuh hawk, khum lam ka melh phei leh a, tui zet hian Trey chu a lo mu bawrh bawrh mai a, ka thaw huai mai, thil ei tur pawh a tih buai loh rih law law chu ka ti tlu ta zawk a.




Tori chu ka zu bih hnai a, min lo nuih ver ver mai, mak ka ti reuh lutuk, naute duhawm.zet leh nuih heh tak a ni ngei dawn e, a pa pawh a ti hlim khawp ang, hetiang anih dawn chuan Trey hian Callie a ngaih lutuk pawh a ziaawm.phah ngei ka beisei.




Ka lak chak zet chuan a rawn rak chhuak ve nawk nawk a, a pa a ti harh ang tih hlau zet hian, "Shush."




"Tu emaw chuan an pawm duh viau che in ka hria." Ka kun hniam a, naute duhawm zet khuma mu chu ka la kang a, ka awmah bei tirin ka pawm.ta hle hle a.




Ka kutah dah thla lehin, ka melh chhuk a, "Hello cutie."




"I ril a ṭam em ni eh?" Keimah zawk chu ka nui chhuak hawk a.



THEO....




Ka nu thihna ka sun a tangin engtia rei nge ka intihfai tawhloh a, ka room a ka inkhung chiah tawh tih pawh ka hre tawh lo, engmah eichakna ka neilo a, Sofia chuan mi hrethiam viau mahse, ei leh in ka thlah a vang erawh chuan min ngaihtuah hle thung! Mahse ka chak miau silo a.





Tlai khawhnu ah chuan vah harh ve tumin huan lam chu ka pan a, ka nu pangpar chin a duat em em ṭhin te chuan an mahni enkawltu a awm tawhlo a ni tih hre miahlo in, an theih tawp tawpa par nalh ber ber leh rimtuina te chu an chuah si a, heng te hi tunah chuan tinge enkawl.ta ang? A enkawltu tur hnathawk kan ruai te a nih mai loh chuan, he hmunah hian ka nu kha Sofia ka hmangaih thu ka hrilh a, min lawmpui zia leh a hmel rawn engchhuak nghal, min lawmpui a vanga mittui tling pam chunga min melhna leh aw zaidam taka min lawmpuina ṭawngkam min hlan lai te kha ka hre chhuak thar leh a.




Khawvelah hian ka nu tluka hmeichhe ngilnei leh mahni pasal te dawh theia hrethiam thei tu, fate hmangaih em em tu ang hi ka hmu zo tawh kher lo ang, chutiang a nih rual rualin ka pa lakah kan thlavang a hauh chang hi chuan a huaisen hle a, a fa te hrim hrim hi a thlahthlam ngai lo.




Alex awmlo chu ka lawmpui zawk kher mai, a ni phei chuan a tuarthiam dawn lo ropui si a, ṭah chhuak zet chuan thawk ka la ri hawk a, ka mittui tlak nasat a vangin ka meng bui luk tawh bawk,  "Son i ṭha maw?"




Hunter pawh a lo thleng tawh a ni ngei ang, mom ka pa ṭhian te hi tunge lo chhawn ta ang? Kei chuan ka thiam ve lo.




Ka nawih vang vang hnu chuan, "Thil ka ngaihtuah mai mai." Ka ti ta a.




"Sawi dun te i duh em?"




"Ka ngaihtuah chu ka nu hian pangpar huan a ngaina si a, he hmunah ngei hian a mah chu ohum ila a ṭha ang em tih ka lo ngaihtuah deuh a ni e." Ka ti ve sup.a.




"A chhan chu he hmun hi ka nu chuan a ngainat zia lah kan hre vek si a."




"Ni e, a ngaina tih kei pawhin ka hria a lawm, ruahmanna ṭha tak pawh ni in ka hria, he hmuna vuina hun hmang tur hian Detroit ka lo hrilh hre ve dawn nia."




THE NEXT DAY....



DETROIT....




"Engtikah nge Dimitri chu a lo thlen dawn?" Hunter chuan a ti sup a.




"A lo thleng ṭep tawhin ka ring, an chuanna thlawhna pawh a ṭum.daih tawh a lawm."





"A nih leh police ho in i hnena an thusawi kha i hrilh ve ang em?"






"Hrilh ang, a chhan chu Trey hi hrilh chi a ni nge nilo tih a man a ngaihtuah fel ve ang chu!"




"Ni e, keipawhin chu chu ka ngaihdan a ni."





Trey office kawngkhar chu a rawn inhawng a, Dimitri hmel ngui ruih chu kan hmachhawn nghal a, ka aw thian deuh hruih in, "Dimitri." Ka lo ti a, ka thaw pah huai bawk, thil tam takah Trey pawh hian a hnen a ṭangin thurawn a la ber ṭhin a, a rem ruatna reng reng hi a fel thlup vek ṭhin, kan inhmuh loh karin a lo tar ve tawh hle a, mahse a taksa en chuan a la chak vak tha viau tih erawh a hriat hle thung!






"Detroit, Hunter, hwtiang hun nilo hun dangah te inhmu thei zawk ila ṭha zawk tur, mahse kan chung thuah hian thu kan neilo bawk em a ni tu rawh u." Kan lam chu hmel ngui zet hian a rawn pan phei a.







Ka lam chu a rawn melh a, "Phone a i rawn sawi danah khan thil eng emaw rel fel tur a awm.i ti a, ka rawn.thlen veleh Trey office ka rawn pannghal chung chung a ni e." A ti leh a.




"Ni e, nimin lawk khan police in min rawn tlawh leh a, Callie thihna hi accident vanga thlengah an rinloh thu min rawn hrilh a."





"Eng maw?" A ti chhuak ve ṭhawt, ka hriat tirha ka hmel put ang chiah a put ngei ka ring. A hmai zur ve tawh tak a ṭang lek phei chuan a thinrim.zia chu a tilang chiang hle a, a khaberuh tawp tawn tawn chu a pawng ṭawlh ṭawlh nghal.





"An rindan chuan Callie kha tu emaw in plan fel tak nei sa a su ah an ring a ni."




"For f*ck sake, chumi chung chang chu Trey hian a hre ve em?" A chal a dawm.pah ruih a.




"La hre rih lo, kan lo ngaihdan mai mai chuan vuina hun serh te han hmang zo ohawt ila tah chuan kan hrilh hre ve chauh ang te kan lo ti a."




"Kei chuan chitianga engmah hre lo a dah chu a chi dawn mi ka ti deuh, ruahmanna ṭha tak zawng a nih ka ring lo."





"Chuan.... nihleh Alexandra chung chamgah hian eng nfe hriat belh in neih leh tawh?"





"A car chung chang lo buaipui tu chhui turin Sicily lamah Russo kan dah rih a, helam.tlema a zia awm hunah leh chan chin eng emaq jan hriat hunah kan ngaihven zawm leh ang."




"Chumi in sawi pa leh Hunter kap tu hi thuhmun a ni em?"





Hunter chu a lo bu nghut nghut a, "A nih chuan a chung chamg vel.hriat ve vek ka duh ang, tih chhiat a awlsam.dawn riau a hriatna ka nei tlat pek, chutah chuan Alexandra chu kan chhui chhuah theih mai ka ring."





"A chhan chu thil tihsualna lama a inhnam hnawih dan hi a te tham em mai a, tual a that duh chiah lo bawk nen, eng tin emaw deuh a kan nawr lui a nih ngat chuan engkim.a sawi chhuah vek duh ka ring tlat." A ti ta a, a thusawi pawmpui zet chuan kan lo buk khum.nghauh.





"Russo khan a lo chhui zel a, chubak hma kan la  thei ta rih si lo, mitthi vui a zawh hun hian kan kir leh hlawmin ka ring." Ka lo ti ve a.




Thawk a la ve hawk, "A nih leh tunah hian Trey hi eng tin nge ni ang?"


SOFIA....

• Midang ho zawng ai chuan ka tuar thei viau in ka hria, ka chunga Callie ṭatna zawng zawng te a vang khan hetianga ka awm.a, a mah sun tu te tglamuan theia ka awm hi a chunga ka tih theih ve chuun hnu hnung tur ber tih pawh ka hre ran bawk, Trey ka pui a, Tori Calkue in a kalsan tak naute sen pawh ka theih ang anfun ka awmpui a, Trey hian ka kutah dah tawp pawh ni se lawm.takin ka pawm ngei ang, Callie baka nu ṭha leh nu ang tak taka ka en theih hi ka tawn.leh pawh ka in ring lo, ka tan nu ṭha tak leh fanu ang maia min en tu ka tawn hmasak ber a ni miau a.

Ka theih ang angin Theo pawh ka hnem ve a, mahse chuti chung pawh chuan Theo natna chu ka la chhawk lo hle hian ka hre ṭhin, Callie kha nu fwl tak leh ngainat awm.tak a ni a, a fa te tan phei chuan nu chhuanawm tak a ni.





Alex ka hre reng a, a nu vuina hun pawh nang lo va a khuangcher bo tawp mai chu hreawm ka ti hle, a lo haw hunah nu ti a koh tur a nei tawh dawn si lo, engtin nge a awm.tak ang, a chan chu ka chanah ka dah a, hmeichhe tan ngat phei chuan mahni nu te sun nat zia tawng tu ngei ka ni tawh a, Alex tawrh dan tur oawh ka hriat thiam.pui hle, Dimutri te chhungkua an rawn thleng a, Polina phei chuan a tuar leh zual, ṭap hawm hawm chungin inchhung a lo lut a, Callue awm lo chu kan za vai hian kan tuar vek. Chutiang khawp chuan a pasal fanau mai nilo a chhungte thlengin a hui khawm ṭha a ni.




Katya pawh kan chungah a ṭha tawh em ema, tunah pawh pasal ṭha tak neiin nau a pai ve mek a, a neih pawh a hun ve ṭep tawh bawk, "Ka ring thei hlawl lo." Katya chuan a ti chhuak sep a, kan parhum chuan kitchen a tavle lianpui chu kan kil hlawm a, kan ei tur chhawp te pawh tumahin ei zai kan rel thei lo.





"Tori lainat awmzia hi, ti hian nausen a nih lai a ṭang tawhin nu neilo in a han seilian chho dawn ta mai chu a nia le..... " sawi pawh zawi zawm thei tawh lo in a mittui chu a dir nghal zung zung a, kei ngei pawhin insum har ka ti leh nghal der tawh.




Tunah hian Callie thihna tuar tu chu Trey chauh a ni lo, Theo ngei pawh biak pawh biak hleihtheihlohin a la awm, ka lainat tak zet zet, Alex phei chuan engtin tak a nu thihna hi ngai ang maw?" Kan parhum.chuan tumah inhnem tur pawh awm leh tawh chuanglo in kan ṭap ta tliar tliar a.




Tlema kan zia awm deuh hnu chuan, "Naktuk hi vui na hun hman tur ni chu a nia." Ka ti leh sep a.




"He vuina hunah hian tute pawh tan tlemin an tawrhna te a zia awm phah ngei ka beisei." Polina pawh chian a ti a .




"Kei pawhin ka chutiang chu thleng se ka ti ngawt mai." Ka ti ve a.




MEANWHILE BACK IN SICILY....

DANTE ....



Nimin zet kha chu Trey thinrim ka hmachhawn duh loh a vang khan ka taksa nawmloh chhuanlam siamin inah ka haw daih a, mahse kha signorina nen khan engtin nge an awm zel tih hriat chak vang erawh chuan zing hma takah tho in ka ngaihven leh viau lawi si.




Mahse a la tho lo a ni ngei ang, kitchenah chuan chef bak hmuh ka nei lo.




Ka thawh a ṭanga rei vaklo hnuah Giocani a rawn lang ve nghal a, a ni chu ka lo zawt nghal vat, "Tukin zingah Luca hi ila hmu biklo tihna mi?"




Min siai khum zauh a, mi nuih vur vur pah chuan, "La hmu bik chiah lo, a signorina vangin a la buai deuh te pawh a niang chu!" A mood a ṭhat hmel ngawih ngawih engvang nge tih erawh ka hre chuang lo.




"Ka lo suangtuah dan ang takin tu hmel ka hmu vat tawh ngei ang." A ti ta a.





A hlim chhan pawh ka hrethiam ta kher mai,mahse ngaihtuah tur zawk tak chu Luca hian fa neih lam a buaipui ve ang em, chu chu a rilru a ni ve chiah em? Tih zawk hi a ni, he h.eichhia nen hian kan in ngeih vaklo a chu, Luca awmdanah erawh a duh hmel viau in ka hria a, churia tih chuan Luca nen pawh hian kan inngeih vak ṭhin lo a, mahse a hnuah chuan kan kawm ngeih ta hle a nih kha.





Giovani chu ka nen kual khum rulh a, a lo suang tuah hma mah mah deuhin ka hre bawk, mahse Luca te lemchan danah hi chuan a suangtuahna chu awm ka tih pui viau.




Mahse phur lutuk a vang chuan thawlo a awm tum hauh suh! Ka ti rilru rauh rauh.



LUCA....


Ka mut hmunah chuan nimin lam ka ngaihtuah chhuak a, Emma rui zet men pawh meng ṭha hleithei tawhlo chu inchhungah ka pawm lut a nih kha, khatianga hmeichhia ka ngaiihven a ka ina kapawm luh pawh ka la hre ngai lo, dad in min lo la hmu zui, a room ka kal pui lai chu nui vur vur chun hian min rawn en let a, oh God, ngaihtuahna diklo zet ka chungah a put loh hram beisei ang.




Room chhung kan lut Emma chuan ka chhuah leh a phal ta tlat lo mai a, ka hmuh lai ngei chuan a thawmhnaw a phelh ta mai a, cazzo ka hnung chhawn nghal a,  a taksa chu hmulo pawh ka ni tawh lo, mahse engvanga ka taksa hi danglam ziah ṭhin nge a nih ka hrethiam thei tlat lo.




A ni lah chuan mi elhsen hmel zet te chuan mi la rawn ṭawngkhum zui leh ta nghal.




Big boy Luca chu hmeichhe taksa hmuh hlau tawkin min hnungchhawn hmak mai." A nui chhuak hak hak bawk, a taksa kahmuh hlauh lam nilo in, a taksa ka hmuh a canga insum theilo ṭhin zawk ka ni tih a hrethiamlo chu ka lawm kher mai.




He nu hlat thei ang bera awm hika duh a, mahse ka thei silo,emgtikah emaw chuan a hma ah hian ka la tlu thuai ang tuh hi ka hlau hlel lo ve, chumi hun chu thleng lo hram rawh se.




A mah mutpui tura min sawm leh chuan hnial ka duh tak zet, zingah inchhir lehna ka nei ziah, a hmasa pawh khan,mahse ka kâ a ka sawi chhuah chu aw le tih a ni keh tho, he nu hian eng emaw dawi a thiam a ni ngei ngei ang, Dante thusawi kha a dik viau in ka hria, mahse tunah chuan ka lut thuk tlat, thileng emaw a duhlih zawng ti ta ila, mahni inthiamlihna hlurin ka khat nghal ṭhin!





Zing ka harh a room ah ka mu tlang leh tih ka hre chhuak chiah, engvang hrepa a bula ka mut a pianga zanlama harh chhuak lo a tui deuh a muhil ziah nge maw ka nih le? Thawh te lah chu ka la hai ve ziah leh nghal.





Ka mutna a ṭang chuan ka tho chhuak vat a, rang takin ka room lam ka pan phei a, ka thawmhnaw te thlakin truck kekawr ka inthawlh thuai a, tun ṭum chu Dante min hmu turin a awm lo hlauh e.





Kitchen lam ka zu chhuk chuan ka pa leh Dante an lo awm reng tawh, an pahnih min lo melh dan chu ka duhzawng a ni hauh lo.



Mahse engmah an sawi loh a vang chuan black coffee ka inthlit nghal a, ka tem nghal hluk bawk.





An dinna lam ka pan phei a, "Morning." Ti in ka phun chhuak sup.





"Good morning Figlio, nizan Emma nen chuan hun in hmang ṭha maw?"





"Aw, ṭha a ni mai e." Ka tih chyan ka pa chu a nui vur vur mai, eng thil tak ngaihtuah ang maw, "Khawnge Ma hi?"




"Thil tih tur eng emaw a neih leh thut a vangin, a rawn thleng tlai hret ang, naktuk chuan hetah a awm ve thei tawhin ka ring."





Ka men kual khum rulh a, coffee chi ka tem leh hluk a, "A nih leh Bronze Dragons ho chuan hetah eng nge an rawn tih chiah tih kha i hre chhuak thei ta em?"




"La hre lem lo, kha chu ngai pawi.awh vak duh rih suh Figlio, keiman hun ka tih hunah chuan kala hre chhuak mai ang."





"Ngatinge Emma hi inhnuai lamah breakfast ei tura a rawn chhuk ve loh a?"






"A la mu maw le, a thawh hun a la ni hleinem." Ka dar ka san khum zauh a.




Ka pa chu buk nghut pah hian kitchen chu a chhuahsan ta a.




Dante erawh a laduh tawk loh hmel kher mai, ka menkual khum rulh, "A la mu i ti em ni?"




"Engtin nge maw ka hriat hrep bik ang le?" Ka melh rum leh nghal tawh kher mai, ka pa a awm tawhllo a, ka lemchan tawp tawh miau hek.




"Ok, inbengdai vela maw le." A phu deuh zawk.




"Nizan kha eng nge i awmzia, mipa ho sawi danin VIP area kha i khar tawp a, a chhunga awm ho i hnawt chhuak vek an ti a."





"Well, mipa ho ṭhenkhat khan nun dan dik an zir hlak a ngai ngei ang."




"Chu Emma kha pole a lam vang khan maw?"




"Ka hrilh ang che, stripper ho angin a lawm le a chet tllat le." Ka thinrim thar leh ka puak keh lo chauh.




"Chu chuan a tibuai viau che mi?"




A dar a san ve uk a.


Ka chal khawm khum ruihin, "Dante ngaihtuah tawh lo teh ang."


"Luca ka thusawi hi i awih lo maithei, mahse ka sawi dik maithei bawk, khatianga i awm na chhan ni a lang chu i thik vang a ni thei mai lo maw?"




"The f*ck Dante?" Ka melh rum kher mai.





"Ka hmuh dan ka sawi mai a nia." A kut chu a phar chhuak zauh a.




Ka kuta ka khabe ka dawm khum pah run pah hian, "Ka thik anga i ngai chu i mawl hle mai." Ka tih khum ta erh a.




"Hei hi lemchan vek a ni tih hi theinghilh hauh suh."




"Ka ngaihdan mai mai chuan nang hian i theinghilh deuh tawh zawkin ka hria."


"F*ck Dante."




"Han ngaihven la ṭha in ka hria, a pen ṭawng ngei dawn si a." A ti leh chuar chaur a.




"A ṭha, kha te chu intur a inhma khan a ngaihtuah ve tur a lawm." Ka rum pah nghut, a mah ngaihven tur chuan ka kal hmel khawp mai.




BACKIN NEW YORK...

DETROIT....



In hnuaia break fast ka ei zo naupang ho ka ngaihven lai chuan Dimitri ka hmu leh a, pan phei pah hian, "Trey nen in in be tawh em?"





"La in be lo, mahse thil.kal zel dan erawh hrilh hriat ve hi ṭha ka la ti tho mai, nang eng nge i ngaihdan?"





"Kan hun kal tawh ka ngaihtuah letin, hetia engmah hrelo a dah chu ṭha lo ka ti ve tho mai, mahse chutiang hrilhna hun ṭha chu engtin nge kan neih theih ang?" Ti in ka zawt let ve a.






"Police chung chang thu ah meeting neih a ngai kan ti mai ang a, tah chuan kan hrilh hre mai dawn nia, a mah erawh chu police ho hian eng thil nge an hriat chiah tih erawh kei ni pawhin zawn chhuah ve kan ngai ngei ang."




"Chu chuan thil tisual tu kan zawn chhuahna lamah hun a save viau bawk ang." A thusawi ṭawmpui zet hian ka ti ve a.



Dimitri pawh a bu ve nghut a, "Dik chiah, vawiin ngeia Trey kan hrilh theihna turin Police ho chung changa meeting koh tur chu i kutah kan dah dawn em ni ang?"






Ka buk khum ve zauh a, "Kha chu ka lo ti dawn nia, meeting pawh ko vat ila , a ṭha ang."





"Chuan hetah hian detective pakhat thiam zet mai New York a cheng rawih tur ka hria a, chu pawh chu a ruka chhui tura kan rawih ve a ngai dawn a, mahse kha chu ka kutah in dah mai dawn nia, keiman ka lo be fel vek ang."





"Chumi i tih hma chuan nangmah ngeiin a fala Trey chu i biak hmasak phawt a ṭulin ka hria." Ka lo ti ve zauh a.





Min rawn melh deuh kau a, "Kei hian maw hrilh ang a, Trey hi a thunrim tawh phei chuan tumah a hlau hleinem."





"A mah thawng thut ang a a ngaihloh kan duh chuan i hrilh hmasak ngei a ngai a lawm." Ka ti ve tlat a.




"Kha chu a dik a lawm, ka lo ti ang e." Hreh zet chuan a ti ve ta a.





TREY....


Zing a ni a, inhnuailama chhuk thlak chakna pawh ka la nei lo, Sofia chuan Tori hnute a rawn pe a, breakfast ka ei duh leh duhlih min zawt pah bawk a, engmah ka ei chak loh thu in ka lo chhang tbung a, chumi tih loh chu tumah ka be leh tawh lo.




Tori ka awih mut leh hnu chuan a khumah ka mut leh a, dim te a kawngka rawn inhawng ri ka hriat chuan ka hawi chhuak vat bawk, engtik emaw takah chuan Callie chu he kan nupa room ah ngei hian rawn kir leh tura ngaihna ka la bei tlat, tho tur a tan.ka la dah phal tlat lo.




Mahse room chhunga lo lut chu Callie nilo in Dimitri a lo ni zawk a, ngaipawimawh lo zet hian Tori lam chu ka ngaihven san leh daih, "Trey?"




Ka ngawi reng a, chhan pawh ka tum buai peih vel lo; Callie nilo midang zawng chu ka be peih hlawl lo.




"Trey biak lawk duhna che ka nei a, a pawimawh viau leh nghal."






La hnungchhawn reng chung chuan ka chhang a, "Dimitri i lo kal a vangin ka lawm e, mahse tunah tak hi chuan tumah biak chakna ka nei rih lo."






"Callie chung chang a nia." A tih veleh ka inher rang ngei mai.


Thawk lak hawk pah hian, "Eng chung changah nge?" Ka ti chhuak hrawih, ka mit ka chhing pah sawk bawk.



"Police ho kha hetah an rawn kal leh a, tah chuan chanchin thar dang an rawn nei leh niawm tak a ni, an sawi dan chuan Callie thih dan kha an chhui ṭha leh a."


"Chuan eng chung chang nge an rawn sawi leh hrep a?" Ka ti chhuak tuar a.




"Son, ka ngaihdan chu hemi chung chang hi chu i office lamah sawi fel ila ṭha in ka hria, hetah chuan naute a muhil leh nghal a, kan tih harh te pawh a hlauhawm a lawm."


"Kan inbiak chhunga naute lo ngaihven turin Polina ka rawn tir chho ang e, chuan han in ha la, tun a ṭanga minute nga hnuah i office lamah kan in hmu daan nia." Ti in min chhuahsan leh ta a, Dimitri kal chhuah leh hnu chuan phur lo zeta che chhuakin bathroom lam ka pan a, ka chhuah leh hnu chuan ka suit chuan ka inthuam leh a, Callie chuan min lo melh renga hriatna ka neih a vang chuan khum lam chu ka hawi phei zawk a, mahse tumah hmuh tur an awm lo, ka mittui ko chhuak tumai an chang zo.




He thilah hian ka pachan hle a ngai ang ti rilru in thawk ka la hawk a, ka suit chu ka inbel ta mawlh mawlh a, ka zawh hnu chuan Tori mutna lamah pheiin a chalah ka fawh sak zauh a, "Baby, granny Russia a ṭangin a lo kal a, a nin ka awm loh chhungin a lo awmpui lawk ang che, daddy hi thil pawimawh a tih a ngai dawn a, fel deuhin i lo awm dawn nia." Ka mittui rawn far chu ka hru zauh a, Polina pawh a rawn lit ve chiah, min rawn kuah a, "Son, pawi ka ti tak zet."



Engtinmah a chhang lo in ka chhuahsan ta a.