SEDUCTIVE S II CHPATER 17 & 18

SEDUCTIVE S II CHPATER 17 & 18

Fakna milem awm kha a thei chuan min han hmeh sak keh vek mai ula a va han pawi lo dawn em, in hmet ta rau rau a nih chuan second sawm lek nghakin han back leh zeuh bawk u la.

Midang ho chu ka melh kual pah hrek hrek a, Sam chu a meng hnual raih a, chutiang bawkin Melissa pawh, ṭhenkhat hmelah erawh Ryan ka fawp lai hmuh chak a vanga an hmela phurna rawn lang chhuak chu ka hmuhhmaih lo kher mai, chutiang bawkin Aida hmelah chuan thinrimna ka hmu a, a piah deuh hlek a Wesley ṭhu ve chuan Ryan chu a melh vawt kher mai, a hmel chu a rum ul leh nghal, Ryan hian eng thil nge a sawi chiah tih hi a hre lo takzet a nih hi!

Engtin nge ka tih tak ang?
Nilo, he kan games khelha dare pawh lo ni eng ang teh se, Ryan ka fawhna chhan tur awm reng reng ka hre lo.

"Kha chu dare a tan pawh a thil tih awmlo lutuk a nih kha."

"Engkim hi dare a tan a tih theih vek, tih awm leh awm loh a awm lo." A nui chhuak pah hawk a.

"Hetiang kan games khelh atthlak zet ai hi chuan Wesley nena kan relationship neih hi kei chuan ka ngai pawimawh zawk daih." Ka tih khum ve fan a.

"Ok, i tih tlat chuan le, nih leh truth ah kan thlak mai dawn em ni, ti tura ka tih che i tih duh loh miau chuan?" A mengkual pah rulh a.

Ka bu ve hmak, a pawi chai zawk nang.

"Okay, a nih leh .....truth zawk chu aw niang."

"Tunge nangmah hre chiang ber tu che a i ngaih le?"

Ka ngawi deuh vang vang a, chiang zeta Ryan mitah tak melh ran chung hian, "Sam emaw Wesley emaw an pahnih ah hian tu emaw zawk zawk an ni ang, tu te pawh hian keimah ah ngaihdan chi hran hran an neih ka ring."

Ka chhanna chuan a tih lunghnur hmel viau a, mahse thu dik a ni miau si a ni.

"Well, tikhan i zawhna chu ka chhang zo tawhin ka hria....."

Bottle chu an ti vir leh ṭan ta a.

Bottle vir a reh Lola chu a kawk ve ta va a.

Ka bul chiah a ṭhu chu Lola a nih a vang chuan ka inher a, a lam hawi chuan, "Lola, truth or dare?"

"Oh, truth le." A nui pah har har a.

"Mi tu emaw a ruka ngaih zawng i neih midang hnena sawi chhuahlo i nei em?"

"Aw nei e."

Uhh, tunge ni ang tih pawh ka hre nghal mai.

"Ka tuaivir ve hun."

Botte chu a tuai vir nghal a, Wrsley hma ah chiah chuan bottle vir chu atawp ve ta a.

"Wesley truth or dare?" Lola chuan a ti ve nghal a.

Ngaih pawimawh hmel loh zet hian, "Dare." Ti in a lo chhang ve a.

Lola chu a nui rah rah, "I shirt hak kha phelh rawh le."

"Tak zet?" Wesley chuan thawk a la pah hawk, ti lo tur a duhna a vangin ka lo ip deuh chawih.

Mahse Wesley chuan a shirt chu a phelh ve ta a, a kawr a han phelh chiah a taksa nalh zet chung lam chin zawng chu khuh tu awm lo gian a lang ta vek a, hmeichhe ho thaw ri hak chuan a zui nghal tih pawh ka hai lo chiang khawp mai, eng thil nge a hriat a, midang hmuh a a taksa chu a pholan? Nilo, ka thik vang mai mai ni lul teh se.

Mahse chung hmeichhe ho Wesley taksa nalh ti taka thlir tu te chu ka melh thip lo thei lo.

Wesley chuan bottle chu a spin veleh a, Aida hma ah chiah chuan a tawp a, Aida zawhna a zawh hma chuan a phone a rawn ri ta a, a phone a suit phelh tawh a mi chu la chhuain a melh zauh, "Hei chu ka pak ngei ngei a ngai, ka lo tel rih tawh lo mai ang e, bye." Ti in a thawmhnaw chu a la a, a,ding chhuak ta nghal a.

Wesley kalsawn hnu chuan a kalma lam chu kan thlir zui ṭhap hlawm a, chumi hnu ah kan thi tih lai bawk chu an chhunzawm leh ta a, kan thil khelh lai darkar chanve ngawt kan khelh leh hnu chuan Lola chuan ti ti pui lawk min duh thu ka beng bulah a sawi a nawn leh sap a, chuvang chuan kan thil khelh chu bansanin Lola nen chuan kan kal hrang leh ta a.

"Wesley nen a in inkawp chhun zawm leh ka han hmuh hian ka lawmpui lutuk che u." Ti in a ṭan phawt a.

Eng thu nge a sawi leh dawn ti a ngaihtuahin ka ngawi ran ran thung.

A mah bawk chu ṭawng chhuakah a ṭang leh a, "Wesley hi mi hipna ngah tak, pa bawk si leh mipa smart tak, hausa bawk si a ni a....."

"Oh, a pa in a hmelṭha tih te chu ka hre ve bawk, i thusawi turah chuan lut zawk ka a dik ang." Ka ti ve hmak.

Min ring rawh khatiang a thawmhnaw inbel lo a i han hmuh ngat phei kha chuan i tuiral leh zual ngei ang. Ka rilru te te chuan ka ti bawk a .

"Well, ka thusawi tumah lut nghal mai ila, Wesley nena ka han hmu che u leh in pahnih in intawng tih thu ka han hriat chiah khan keimah ah thilna rilru ṭha lo zet a lo lut ta a, a chhan chu khatiang thil ṭha kha keima nuna thleng tura duh thu ka lo sam fo ṭhin leh ka dream ti puitling tu tur a nih a vang in, a chhan chu mipa ka hmangaih tak nitur a a duh chu Wesley ah hian a kim vek a vangin, mipa hmelṭha tqk leh pa bawksi, hausa vawk lar tak, chung zawng zawng chu ka mipa hmangaih a kim tura a ka lo duh ṭhin a ni." Inthlahrun hmel zet a hnuailam melh lap chung hian a ti a .

Kha ti taka Wesley nen a in in tawn dan chan chin ka bula zam na pakhat mah neilo a i sawi  khan..... kei chuan Wesley kha i hmangaih a ni tih ka hrethiam daih tawh, chuan....Wesley pawhin a duh ve tak zet che a ni tih a awm dan eh a mizia ah ka hmu leh ta zel a, khatiang a inpahnih in hmangaihna mak dang lam ka han hmu khan... keimah ah thikna mak tak a lo piang chhuak ta a.... chu pawh khatiang anga awlsam taka ka mipa duh chi tak awlsam zeta i han hmu theih bik mai vang te pawh a nih ka ring."

"Lola min thik tur i ni lo a sin, min lawmpui zawk tur i ni zawk, a chhan chu he tiang hmangaihna dawng tur hian ka nun a harsat zia leh ka retheih zia hre tu pawh nang hi i ni tih pawh kan hriat chian dun khawp kha."

"Chuan ka nuna thil ṭha rawn thleng ve awm chhun chu a mah chiah hi a la ni a, chu pawh naute adopt kan tum dun vang chauh tih pawh i hria ang."

"Elo ka hria a lawm, chuvanga tunah pawh hian kha ka thil lo tih a vanga inchhir oawh ka ni reng a sin, chuan thikna hian thil a ti chhe nasa thei hle tih pawh a hre chiang ber tu te zingah ka tell nfei bawk ka ring, pawi ka ti tak zet zet bawk."

"Tunah hian kha thil ka tih dikloh a vang khan ka inchhir em em a, tuna ka beisei chu nang nen hian nikhat chu a hma ang mai a ṭhian ṭha tak ni leh thei ia tih hi a ni, chutiang tur chuan leh thil engkim siamṭha leh thei tur chuan ka theihna zawng zawng nen ka bei ngei ngei ang, kha ka thil lo tih diklohna khan tun thleng hian keimah ah inthiamlohna min la neuh tir zela, hre awm ka ti lutuk."

"Ka tih awmzia chu kan pahnih a kan thawh dunna leh photograph model lama thawh dun leh a, kan ngaih dan ṭha tak tak thawh dun leh ang chi kha ka ngai ngawih ngawih, kha hna ka thawh tuina chhan pawh kha nangmah vang chauh tih ka hre chhuak a, tunah chuan i tel tawh si li a, engmah a nuam tak tak tawh lo."

"Ka thil lo tihsual tawh ah khan min ngaidam la, ka studio ah kan pahnihin hlim takin movies en dun in, popcorn ei dun leh thei ila ka ti ta zet zet."

"Ka thil tihsualah khan min ngaihdam theih i in ring em."

A hmela inthiamlohna a khat chunga chu thiang thu zawng zawng chu sawi pawh ni sela, ka ngaihdam.theih tak tak ka ring lo, mahse a thusawi te kha ringa ngaihdam theih erawh thil ṭha ber ni in ka hria.

"Lo ngaidam ringawt che pawh ni ila, ṭhianṭha tak a ha anga inpawh tak ang kha chu kan nih theih tak tak pawh ka ring tawh lo." Ka ti ve ta sep a, thawk lak deuh hak oah hian, "Mahse kan try leh chhin poh a niuang chu...."

Eng thil nge thlleng tih pawh ngaihdan ka neih hman hma hma chuan.min rawn kuah thut a, "Eleanor ka ngai lutuk tawh che."

Chutia Lola in min rawn kuah deuh thut chu mak ka ti kher mai, hnung lama tawlhsawn oah deuh chung hian ka namaawn deuh hlek bawk a, he duhthlanna ka siam hi a dik ang em tih chu ka hre lem lo, mahse mi tu te pawh hian second chance neih kan phu vek chuan ka hria .

Lola thusawi ka nfaihthlak sak zawh hnu chuan inlama haw tawh mai pawiti lo takin Wesley chu ka zawng ta a, huan lamah a awm leh ringin chulam pan chuan ka kal ta hnak hnak a, inchhung lamah chuan a awm tawh pawh ja ring lem lo, a chhan chu chutiang thil chu Wesley nuam tih zawng a nih miau loh a vangin.

Huqn lam ka kal ka thil va hmuh chyan min ṭhawng kher mai, "Ryan... thil diklo a awm em ni?" A bul chu a thleng phei nghal thuai a.

Ryan chuan a ka a ṭangin thisen hi a lo chhak chhuak pharh pharh a, a hmui hnuailam chu a thi zar zar mai bawk a, a suit hak var ṭha tak ban veilam pang tlangah chuan a hmui vel a hrukna niawm tak thisen hnu hma a kai nuan mai bawk a, "I boyfriend â zet....."

"Oh, God, kut a thak che tihna mi?" Ka hlauthawng kher mai.

"Thlak e maw le, engvanga kut mi thlak ringawt nge a nih ka hre lo, engmah pawh sawilo in min rawn pan a, ka hmui min rawn hnek kak sak ringawt." A thusawi zawng chuan a sehchilh he a, a thin pawh a rim viau ni in a hria .

"Hetiang mipa mawl leh tlak tlailo  kut thlak mai pawisa bawk silo  hi engvanga kawp duh em em nge i nih pawh ka hre hrelo ve." A ka chhunga thisen chu a chhak chhuak leh pharh a.

Ka bag ah a ṭang chuan henker chef phawrh chhuak nghalin a khabe leh a hmuia thisen chu ka hruk sak nghal a, hetiang thil hi Wesley tih a nih pawh ka ring thei lo, a chhan chu mi na zawng kut thlak mai a ching chi pawh a ni hek lo.

Chal tlai taka mi ṭawngkhum ching tak chu a ni tih ka hria, chu pawh a ngaihdan anglo taka mi an awm chauhin, mi vau te pawh a chingin a vin bawk ṭhin, chu pawh an chungah a thinrim vangin, mahse hetiang taka mi hnuaichhiah leh midamg kut thlak ang chi hi chu a tih vak awm pawh ka hre lo, kha zan ka atea a khawih chiah bak kha chu...

"Ka ṭha a lawm." A rawn ti sup a, mahse ka thil tih lai chu ka tawp phah chuang lo.

Ngaihven zet a en chung hian, "I ti tak zet maw?" Ka ti let ve sep.

"Ka ṭha zawm.mai ang, mahse hetiang ramsa ṭihbaiawm.tak i kalsan hunah erawh a nih ka ring." A ding ngil a, a kut chu a kuang uah hmak bawk a .

"Ryan...ṭan leh lo hram teh."

"Eleanor mahse thudik a ni miau si a lawm, hetiang mipa rapthlak zet buah hian engtin nge ngaihngam takin ka dah theih ang che."

"Na kinah pawh thinrim.chang a a nei ang, tunah chuan a nilo maithei, mahse in inneih hunah chuan a mizia tuna mi nilo hi a rawn lang tawh ang, chutih hunah chuan a hlauhawm dawn lutuk, him tur hian ka duh mai chauh che a ni e."

"A bulah hian a him em em.a sin Ryan."

"Chuan.ka mipa hmangaih ber pawh a ni hi a ni."

"Tunah phei chuan kan inhmagaihna hi hmangaihna pangngai mai mai a ni tawh lo, sawifiah theih phak baka hmangaihna a ni tawh zawk."

"A hma a kan pahnih lo inhangaihna kha hmangaihna pangngai mai mai a ni ti a min hrilh i tum.tihna mi chu?"

"Nilo, chutiang a sawi tum pawh ka ni chiah lo...."

"Mahse tuna i sawi tum dan kha chu a ni a lawm, okay Eleanor, chu chu ngaih pawimawh loh hram.ka lo tum.tawh ang, tuna ka duh ber zawk chu nangah close taka awm a, tun hma anga hlim taka awm dun leh theih kha ka duh ber." Nui hmel hi a pu deuh suk a.

"Ṭhian ang chuan engtiklai pawhin in close tawn takin kan awm dun thei reng ang." Ka nuih let ve var var a.

Thuk zawk a ka ngaihtuah chuan a rilru ka tihnat sak tih a hre chiang kher mai, a chhan pawh a ni aia Wesley ka thlan zawk a vangin, mahse tikhan ka rilru putdan diktak chu ka hrilh tlang viau in ka ring.

Thil pakhat chu Wesley Cooper hi ka dam chhung zawng leh ka thi ni thleng a ka mipa hmangaih tur chu a ni.

A chhan chu khang hun chhung zawng khan ka hmangaih a ni tih ka lo hre chhuak ngai lo a, ka mipa mamawh ber chu a mah hi a ni tih lah ka hre chhuak har em em bawk nen, tuna erawh ka mipa dik tak a ni tawh a, eng thil pawh lo thlengin engpawh tawk dawn ni mah ila ka mipa kum khua a ka hmangaih tur a ni fo tawh ang.

A mah erawh chu Ryan ve thung hi le? He ti em em a ahan inphah hnuai nghal vut thei erawh hi chuan mak min tih tir viau mai.

Midang ni sela leh midamgin hetiang ang thil hi tawng ve ta ang sela.....

Oh Elo engvanga thil hi a chhe lam zawng a ngaihtuah vak vak ṭhin nge maw i nih chu le? Ka heh hnuai chu ka seh pah zauh a.

Ryan lam hawi chho chung chuan ka nui chhuak var var a, "A nih leh ṭhian kan ni ta chu a nia, ṭhian chu an in ṭanpui tawn ṭhin a, nang min ṭanpui ve thei ang em?"

"Tehreng mai, engtik lai pawhin ka pui thei reng ang che, chumi thilah chuan i duh leh min chik viau thei ang." A nui chhuak ve hawk a.

"I sumdawnna lamah hian ṭhianṭha tak ang chi company nei thawktu duh ang chi zawng mek ang te hi i hre mial lo maw?" Ka zah deuh hlek a vang chuan ka kut ka nuai pah nak a, Wesley company a a ma tih luh nih leh ka duh lo a nih chuan ka ti ngei turah ka ngai bawk, he pa mipuihna tello pawh hian hna ka hmuh ve theih ngei ka beisei takzet bawk.

A mitmenga mi nuuhzatna a khat chung hian min rawn melh chhuk a, ka sawi tum chu ka sawi chhuak.tlang ta nge nge a, ka kut phar chhuah diai pah hian, "Well, hna thawh tur ka zawng a."

"Chutiang hnathawktu tur zawng ṭhian ka nei hauh lo, mahse kan company ah erawh hnathawk tur mi kan ngaihven reng thung, naktukah hian rawn kal theila interview chu ka lo neih sak dawn che nia a ṭha ang em?"

"In company a maw? Kan awm hran hi a ṭha lo ang maw ka ti deuh.

"Ngaihtuah duh suh Eleanor, i ngaihtuahna ah ka awm tawh lo a, min hmangaih tawh lo tih lah ka hrethiam tawh a lawm, chuvang chuan kei pawhin ṭhian anga min pawmna hi ka thlak thleng tawh bik lo ang." Nui chung hian a ti ta a, ka thawk huai phah.

"Aw le, chutiang a nih chuan interview chu kan nei dawn nia." Ka ti ve ta a.

"Ok, kan company awmna address i phone ka rawn sent ang che, tah chuan i rawn kal dawn nia."

"Aw le, nak tukah chuan kan in hmu dawn nia, chuan i hmui hliam kha ice in dep ngei ngei rawh."

"Aw le, aw le, boss ka lo ti ngei ngei ang." A sen pah suk a.

Ryan chu kalsanin Wesley car orrange rawng awmna lam chu ka pan ta a, a car chang kang leh nalh tak tak mano zet zet sawmhnih a neih te zinga a lei thar a nih leh ngei ka ring bawk.

Car awmna ka thlen hnu chuan co-pilot seat lamah chuan ka ṭhu lut a, kan chenna hmun lam pan a kan tlan chhung zawng chuan kan ngawi dun ngar a, tumah mah kan in be lo.

In kan thlen hnu chuan Wesley chu shower hmang turin a kal nghal a, kei pawh Rosie room lamah kalin nauawm tu haw tur chu ka mangṭha ve bawk a, Rosie mangṭha turin a room lamah chuan.ka lut leh a, a chal a ka fawh sak zeuh hnuah ka room lam pan turin ka chhuahsan leh ta a, ka room lam pana corridor ka kal lai tak chuan towel nen chauh a inthuama Wesley lo ding ngawi reng leh a phone lo khawih mual mual chu ka tawk a, a hma zawna din ve pah chuan ka melh chho kal a, "Eng diklihna nge maw nei a i in hriat a, engvanga Ryan kha khawih nge i nih reng reng a?"

"Kan games khelh a Ryan in a mah fawp tura min tih vang kha em ni?"

"Fawh pawh ka fawh loh kha, dare kha truth ah ka thlak a, achhan pawh Ryan fawh ka duh loh vang a nih kha, engvanga kut la thlak nge i nih?"

"Ka tan chuan nang chauh hi i ni a, i ni zel bawk ang, i tan pawh hmeichhe  rinawm tak nih hi ka duh." 

Ka  mittui chu chawp leh chilh hian a tling nghal pam a.

Wesley chu rawn dak chhuakin a phone ken lai chu kan bul a side table awmah chuan a thehthla bawl a, chutah a kut chu ka luchungah lek kangin ka hnunglam bang chu a nem chhan a, ka kalna tur kawng chu a taksa lian zet chuan a dang nghal hmiah bawk.

Hma lamah ka kal theih lih a vang chuan ka hnungtawlh nghal hrat mah se ka hnunglam pawh chu bang hian a lo dang nghal, ka mittui tla mai tur khap pee sak sak pah chuan Wesley taksa nalh zet leh hmeichhe duhthusam tak chu melh kual sakin a mit lamah chuan ka mit chu ka len chho  a.

Kan mit leh mit a intawng chiah ka taksa chu electrict current man ang mai hian a ṭek nghal chhak, "Ka lawm e, beautiful." Ti hian a ohun chhuak sup a.

"Engvangin maw?" Zam ru tak hian ka mitmeng chu ka khup zal zal, Wesley mitmeng vawt ruihin a min han melh zet tawh hi chuan tih danglam in ka awm nghal vek zel.

Lei lam ka melh ngar lai pawh chuan Wesley chuan min la melh reng ni a hriatna hi ka nei a, a kuta ka khabe a min rawn dawm sak lai phei chuan ka lo maimitchhing tawp a, "Eleanor meng rawh, kha i mitmeng mawi zet kha ka hmu duh." Zawi sup bawk hian a ti leh a chu ka tan chuan a fiah ṭha kher mai.

Ka meng chhuak leh chuan a mitmeng thuk ruih leh ril ruihin a khawdang hawi hleklo a min melh chhuk ngur chu ka hmu hmasa ber a, a hmui nalh zet mai a sexy tawk leka kareh zau nalh zet mai chu a kau deuh hlek bawk a, chu chuan min fawh tum ni awm tak hian awm in ka hre bawk a, "Kha tih laia i thusawi kha ka duh zawng tak a ni a sin."

Nuih chhuah hak pah hian ka kut chu a ngawngah ka suih a, "Nang pawhin ka tih dan ang khan i ti ve dawn emaw ka lo ti a."

"Mahse khatianga ti talo khan i shirt hak kha hmeichhe ho zingah khan i hlip ta si a...."

"Thikna hi chu i nei tam.ve reuh ngawt chuan ka hria." Nalh zet hian a nui chhuak hawk a.

"Uhh, ka thik reng reng lo, kei te chu i bulah ka awm thei reng a lawm."

"Chuan ka tâ i ni bawk a." Wesley chuan a heh chu peh ve zauh pah hian a mitmu gray rawng chuan tawrh har zet hian min la melh chhuk ta reng..... chu a mitmu chuan a ni chak lo ngawih ngawih a inhriatna min neih tir ṭͳin tu leh a lakah chuan engmah ni zo lo angah min inhriat tir ṭhin tu chu!

"A nih leh nang ve le, Ryan kha i thik tihna mi?"

"Heihi maw i duh chu lo ni a, kha games kha naupangchhia ang mai a inthikna ni turin." A nui chhuak ta hawk hawk a. "Mahse hei erawh ka sawi thei ang,  i duh chuan kha games kha a kal tluang vaklo ni in a lang.... kei ai chuan i khel tha vak lo ni in ka hria."

"Hmm, kan khel dun leh ngai tawh lo ang, oh chuan thil pakhat a la awm, khalai partyna hmuna ka hmuh mipa zei leh hmelṭha zet zet te nen khan tunah hian beach lamah kan kal dawn tak a sin."

Chu thu ka sawi Wesley hmel chu a dur nghal khuih, ka kawngah a kuta kuahin a taksa hnaih leh zual tur chuan min pawt hnai hrawk a, "I ti tak tak lo ang ti raw Eleanor?" A ti nghal hrawih bawk.

Ka nui chhuak ta a, ka lakah chuan a thikna a pek nat zia pawh ka hrethiam kher mai, a man pawm duhlo pawh ni se la, "I hmel kha hmu thei la ṭha tur." Ka nui chhuak ta hak hak a.

"Ni e, ka ti tak tak hleinem, ka ngaihdan hi ka nemnghet duh mai chauh a nia, i thik a ni tih hi pawm ve mai teh."

Wesley chu a nui chhuak ta a, a nuihna chu ka tan chuan a tawk lutuk, chu chuan ka nuihzat na chu min insum tir thei bik lo.

Ka biang chu a sa nghal hat hat a, Wesley hetianga midang laka a danglam leh zualna hi a lawm ka duh em em ṭhin chu, kan pahnih hian inkawp tak tur kan nih zia a ti lang chiang viau ṭhin.

Wesley chuan a lu chu thing deuh nawkin min kuah hnai leh nghal a, "Miss Garcia min zahthiam viau a ngai ang aw."

"Oh boss nang pawhin min zahthiam ve a thu a ni mai."

Chumi hnu chuan a kut dam thlup a ka biang tawn tawn a mi rawn khuap sak chungin min fawp ṭan ta a, kei pawh ka insum thei bik tawh lo, min fawhna chu lo chhang let ve nghal thuaiin, ka kut chuan a sam nem zet leh nung sarh mai nel thep chu chu ka hrawm tel sak bawk a.

Engtik lai mai pawha arim fresh zet mai mint rim nam ram ram ṭhin leh a perfume hman man to zet rim chuan businessman tikher kher tak leh hriatthiam har zet mai a nih zia a ti lang chiang hle bawk.

A hmai chu ka mit zawnah tak ka kawihkun sak a, chutah chuan a biang tisa chakna a vang a sen ṭal chu chiang leh zual hian ka hmu thei a, a khabe hmul ṭo ṭan ve siar siar tawh leh a hmui min fawhna a vanga la huh hlap pawh chu ka hmu chiang hle.

"Wesley ka hmangaih che." Tih chu timna eih pawh neilo in ka sawi chhuak a.

Mi nuih pah suk chung hian mi chhan let ve nan ka heh chu a hmuiin a rawn chhilh nawn leh nghal sak a.

Hetiang mipa makdang lam leh ṭihbaiawm Ryan hmuh dan ng mizia nei pawh ni se la, ka chân phal leh tawh ngai lo ang, a ni chu ka thinlung nei tu a nih miau a vangin, a chhan chu a mah a ni miau a, a mah Wesley Cooper ka mipa ngaihzawn em em leh ka hmangaih ber engtik lai pawh a min ti chhe thei reng tu ka taksa a thuneihna ka pek ngei leh kum khua a a tâ ni tura ka inpum pekna mipa ngei mai chu.

Ka taksa chu zo zet a pawm kang lawpin, a room lam chu min pan pui ta a, ka hnial hran lo, a chhan chu he pa hi ka engkim a nih a vangin.

A khum lamah chuan min mut thla riai riai a, a mitmeng phi chuai chuan khawdang a hawi sawn hauh lo, ka taksa chu it hmel zeta melh kualin a nui pah suk a, chutah a fawp lawr ṭan ta dan dan a, nuam ti in ka ngik deuh faih, a ni pawhin a aw then deuh hruih pahin uar zet hian ka hmuiah chuan min fawh sak leh a, ka lo chhang let ve thuai zawimuang hian ka thawmhnaw chu min phelh sak a, a ka chhung lum ham ham chuan ka hnute chu rawn fawpin a lei sa ṭha zet chuan a hawl pah nak nak a, ka taksa chu a za chhhuak leh nghal vek tawh ka hnute lam chu duh tawkin hnuailamah a fawp thla leh dan dan a, ka tuar thei tawh lo, a chhan pawh he pa ka mamawhna hi a nasa hle tawh si a, ka lu chu ka thle tawn sek tawh mai a, a ni pawh a duh tawk a ni ngei ang, rum chhuak deuh hrawih chungin a taksa chu a siam rem a, a ding chhuak nghal bawk a, a towel intuamna chhana rawn pawng chhuak deuh chu ka hmuh hmaih bik hauh lo, min rawn melh leh zauh a, ka lo ban nghal zat, ka rem ti ah ngaiin ka chunglamah a rawn bawk ṭan ta a, "God Elo i nalh mah mah." A rum chhuak nghut a.

Ka chungah rawn bawkin kan taksa chu kan inzawm tir ta a, ka nuam tuar ri chu hla tak a mi ni mai a hriatna hi ka nei a, Wesley hian phurna chi tinreng chu minpe a, ka tan a special a, ka tan engkim a nih ang bawkin a tan pawh engkim ka ni.

Ka kut pawh a awm mai mai thei tawh bik lo, ka theih ang tawk tawk a ka kuta lo ban let ve in a sam ka hrawm sak loh leh a hnungzang lamah chuan ka ham a, awmngaihna ka hre thllawt lo, a ni ngei pawh rum chhuah ve kawk pah hian a aia nasa in chet a la sauh sauh bawk a, kan taksa ah chuan kar awl hmuh tur awm lo in a in bawh thuah zaih a, pum khat dik tak ang maiin a inrem zaih bawk, thawm pakhat mah hriat tur a awm lo a, kan chet lak zawng a khum an ri deuh zauh ṭhin  leh Wesley thawk la ri leh phur a vanga ka lo ngik deuh hraih ṭhin chu thawm awm chhun a ni.

Wesley zo tur chet han la nasa chu a hriat hle a, kei pawhin ka theih ang ang a lo puiin ka awm mai mai thei bik lo, ka bawp chuan nghet zet hian a kawng zawnah chuan kherh ve chial chungin hnuailam pang a ṭang chuan chet ka lo la ve bawk a, chutih lai tak chuan Rosie ṭap ri kan hre ta a, Wesley chu a rum chhuak nghut a thil sa zet chu ka chhungril lamah chuan a lut nghal zaih zaih, awm pawh awm khawmuang ta lo chuan a tho chhuak nghal a, a thawmhnaw dahna lam chu pan nghalin chuta mi pajama chu a la a, "Tikhan lo mu rawh, keiman ka va ngaihven ang e, hnute a duh a nih ka ring, ka thawmhnaw eng emaw ber kha ha in lo mu mai ang che, zanin chuan i room lam pan duh suh." Ti a mi hrilhin a chhuak ta nghal a, Rosie lah chu a ṭap banglo in a ṭap uar saih sauh leh nghal, ka tho chhuak a, thawk ka la hak a ti tlei thei ang em aw tih ngauhtuah chunga ka beng ka chhit kar lai chuan Wesley pawhin Rosie room a thleng ta a ni ngei ang a ṭap thawm chu a reh ta hmak a, min hrilh ang ngeiin a thawmhnaw bawm lam panin ka kawr hak chu ka thlak a, Wesley khum king size bed ah chuan puan lum tak deh nuam tak leh bedsheet man to tak chungah chuan ka inthawlh ta kak a, eng tiklai in nge ka lo mutthilh pawh ka hre lo, Wesley chu a rawn kir leh em tih lah ka hre hek lo.

Zing lamah choah ka harh a, ka mutna khum chu a lo ruak huai tawh, nizan khan Wesley chu a rawn kir leh ang em tih ngaihtuah neuh neuh chungin ka tho chhuak nghal a, khum bula sana ka en chuan a lo tlai leh duai tawh mai, Wesley chu zing takah tho chhuakin hna lamah a kal nghal ṭhin tih pawh ka hria, hna lamah a kal hma theih zia pawh kka hriat pui vek tawh, ni e, tunlai tak phei chu a buai zual hle a, a thawhhma a ngai ṭhin he bawk, hmanhmawh takin ka tho chhuak a, Rosie room lamah kal nghalin a diaper ka thlak sak a, chumi hnuah hnute pe in nau awihna hla sa in ka awi mu leh te te a, a khum a ka mut leh hnu chuan vawiin lama interview ka neih na tur lamah ka rilru ka seng ve tan ta chauh a, ka room lam ka pan hnu chuan shower ka hmang nghal zung zung a, time ka en chuan dar riat a ri leh der tawh nauawmtu pawh a rawn thleng ve ṭep tawh ang, Ryan bula thawh chu ngaihdan ṭha tak a ni ang em tih mawlh mai chu ka ngaih tuah a, engmah ka hrethiam chiang lo, mahse ka theih tawka ṭha a thil tih erawh ka tum tur a ni.

Ka dressing room lam ka pan chu he thil hi ka ngaihtuah a, kha lai hmmuna ka bed room tiah lawih dressing room ka nei a, he thil hi tak tak a ni thei ang em?

Chung thil chu ngaihtuah hman ka nih tawh loh zia hre chhuak thar lehin ka thawmhnaw hak turah chuan rilru ka pe ta zawk a, suit hring duk dal lam ka la chhuak a, darthlalang hma a in en in ka in nuih sak a, ka sam chu pang ngai taka thlah zanin ka hmuiah chuan hnawihsen ka tat zauh chutih lai tak chuan nauawmtu pawh a rawn.thleng tawh a ni tih hriat zet hian thawm.dang ka hre nghal a, ka bag ah tur la in inhnuai lam ka pan thla ta nghal a.

Nau awmtu hnena ka rawn kir leh hma loh zawng Rosie chu ṭha taka lo enkawl tura ka chah hnu chuan in chu ka chhuahsan ve ta chauh a, ka phone a Ryan in ka interview na hmun tur address min thawn na lam chu ka pan ta a.

A hmun ka thleng Ryan Coldwell company chhung ka luh chuan Wesley branch ang em em chuan a pui lo tih pawh ka hmu thei nghal a,  mahse ka tan he hna a pawimawh zia hre reng chung chuan ka tum ka ti ruh sauh thung!

Secretary lo ṭhutna lam chu pan pheiin khawiah nge interview na ka neih dawn tih ka zawt a, chu nu chuan kan piah a corridor awmna lam chu mi kawh hmuhin corridor tawp lama kawngkhar lo awm hmasa berah a nih thu min hrilh a.

Min kawhhmuhna lam pan chuan ka pen chhuak ve ta nghal a, secretary room min kawh hmuhna chuung ka lut Ryan phone call a mi lo be mek chu ka va hmu a, "A ṭha e, zanin ah ka rawn be leh dawn che nia."

"Lokal rawh Eleanor." Ryan chuan nui hmel pu sang hian min lo chhawn a.

A lam pan hnaih ve nghal pah chuan, "Good moring Ryan eng nge i an tawh?"

"Ka hmui chung chang kha min zawt a nih chuan ka ṭha tawh e, nizan lamah zan khua in vur chuan.ka lo dep a nia." A nui pah hawk hawk a.

Mahse tunrhlenga ka la ngaihtuah zui chu nizan khan Ryan leh Wes inkarah eng thil nge thleng ang tih hi a ni. A chhan chu Wes hi hetiang mipa a nih ngai loh a vang hian a mah ti buai viau tu eng emaw tak a tawng ni ngei a rinna ka nei tlat bawk.

"Alright, i document theh luh tur i rawn keng tel em?"

"Aw keng tel e, hei." Ti in ka bag ah a ṭang chuan ka document paper chu phawrh chhuakin Ryan kutah chuan ka hlan a.

A phone ken lai chu a desk a dahin ka resume chu a chhiar ṭan ta nghal a, a chhiar zawh hnu chuan rawn hawi chhuak lehin, "Hmm, i resume chu a,pangngai e, chuan english bak ṭawngdang i hria tih hi ka lo hre hauh lo a."

"Oh yeah, mi tam zawk chuan an hre lo." Ka nuih let ve sak a.

"Chutih lai tak chuan hmeichhe pakhat hi kawngka ah chuan rawn lutin, "Mr Coldwell, Core's Enterprise a an CEO nangmah hmu turin a rawn kal a, tunah hian waiting room 3 ah a awm reng tawh." A rawn.ti lut a.

"Vawiin ah a rawn kal dawn tih pawh ka lo hre hlei nem, ka lam chu a rawn hawi a, "Eleanor hun reilo te min lo pe dawn mi? Eng thil nge a duh ka va hriat zet phawt a ngai ang, a chhan chu ka client pawimawh tak te zing a mi a ni si a."

"Min ngaihtuah duh vak suh, ka lo nghak dawn che nia."

"Amelia a ni hi coffee lo va siam.sak ang che." Ti in a secretary chu a hrilh a.

"A ngai miah lo." Amelia a tih lam chu ka hawi nghal a.

"Min lo nghak tu tur i ni a, coffee no khat lo dawn chu i phu viau a lawn le." Nui chung bawk.hian.Ryan chuan a ti leh a.

"Ka lawm e."

Ryan chu a kal chhuak ta nghal a, a secretary oawh chuan a zui chhuak nghal ve bawk a, a rawn lut leh nghal vat bawk, ka coffee tur min rawn chawi luh sak a, a hmeh a rawn chawi.luh pawh a tuihnai khawp mai, min nuih sak.hnu chuan a kal sawn veleh ta mai a.

Chutia Ryan secretary coffee rawn chawi luh ka in zawh a ṭang a minute sawm.vel zet Ryan ka nghah leh hnu chuan a cell phone dawhkan chunga ahnut chhiah chu a rawn ri ta ral ral a, a phone chu ka in a hming insaved dan chu Calvin tih chauh hi a ni a. 

Tunge ni ta ang le, a phone a mi chu lo chhan sak mai ka tum ta a, a chhan pawh receptionis hna ka thawh laia ka tih ṭhin dan anga chhan chu ka tum deuh a, ka chhan dan tur chu ka ngaihtuah fel sa vek bawk, Hello tunah hian boss chu a hman rih lo a, nakinah i rawn.ti ṭha leh mai dawn nia ti in.

Mahse call pick na green lam a ka touch chiah mipa aw hriam zet hi phone ka pick rual rual chuan a rawn ṭawng nghal a, "Ryan Coldwell Wesley Cooper chung chang a order i pek payment hnuhnung ber a la rawn thleng lo a nia."

Wesley Cooper chung chang a sawi em ni?

Eng order chung chang tak sawi ni ang maw?

Okay Elo relax, business chung chang an khawih dun ve ve a, chumi te pawh chu a ni maithei.

Ryan aw hi zir a harsa vak lem lo a, vanneih thlak zetin chutiang aw chu ka ti thei tih pawh ka hria, "Order a?" Ryan aw ang thei ber chuan ka ti a.

"Aw, silai a kap tura min tih kha."

Khami zan Wesley silai a an kah zan kha min hriat chhuah nawn tur leh a, khami zan khan a ni lawm ni Wesley khan a chaklohna chu kei hi ka ni ti a min hrilh kha.

"Ngawi reng a i awm a nih chuan i chunga ka lawm zia thu hi ka la hrilh mawlh ang che."

"Engvangin maw lawmthu ka hnenah i sawi ngawt ang a?"

"Engkimah." A ti leh nghut

"Khatin sawi suh, eng thilah mah ka laka lawmthu sawina tur i neilo Wesley."

He pa hi chuan danglamna filawr lak engkimah anei bîk hian ka hria, chu chuan engkim hi a ṭha vek angah min ngaihtir thei, chutih lai tak chuan kan pahnih inkara phurna awm rawn ti tâwp tum an awm tih rinna réng ka nei lo.

BANG, BANG.

Wesley taksa chu a nghawr deuh dawt, eng thil nge thleng tih ka hriat hman hma chuan lei lamah a tlu nghαl thlawrh.

"WESLEY...."

Ka phone ka phawrh chhuak thuai a, "Ambulance kan mamawh khawngaihin."

"Ka....ka pasal hual silai in an kap."

Ka ṭhuhniam ve nghâl thuai a, Wesley lu chu ka mal chungah nghatin thla phâng zet hian, "Ambulance pawh a lo thleng thuai ang, lo nghâk hrâm hrâm rih rawh aw." Ka ṭap chhuak phawng a.

A rawn meng chhuak a, "ka darah chauh alawm min kah fuh a Elo, kha tin rilru hreawm nan hmang duh suh!" Wesley thisen chhuak chuan ka kawr chu ti huh tlangin ka taksa chhan aṭang chuan a thisen chhuak la lum pap pap reng chu ka hre thei a, ka ngaihtuahna ah chuan thisen tih hlir a awm, Wesley chu a damchhuak leh lo ang tih mawlh ka ngaihtuah a, chutihlai karah engtin nge hahdam takin ka lo awm theih teh lul ang ni?

"Khatin mihuaisen ber ang te chuan awm khanglang teh suh, thisen a chhuah nasat èm hi!" Heti ang hi ka la tawh ngailoh avángin engtin nge thisen chhuak chu ka tih táwp sak ang tih pawh ka hre thiam lo, ṭah leh mai loh chu tih theih ka nei tlat lo.

Wesley chuan harsa tih hmel zet hian min rawn melh chho a, a kiai pah suk bawk, chu chuan a mah dinhmun derthawnga a awm lai pawhin ka thlaphan a hlau hle a ni tih min hriat tir a, min ngaihtuah zia ka hriat chuan ka lung a chhe zual sauh; harsa ti tak bawk hian a man a dar aṭanga thisen chhuak chu ti tâwp turin a kutin a dawm a, "Wesley engvángin nge i nuih theih zâwk a, silaia kah fuh i ni a, chutah i la nui thei zâwk a nia, i mawl zia mai hi i in hria em?" Ṭap pah hlap hlap chung chuan la ti leh a, ka tan chuan ṭah mailoh chu tih theih nei in ka inhre tlat lo.

"Mi ka hman ṭangkai tawh ang khan an ni pawhin min hmang ve tawh anih hi, mahse nang chuan tûn thlengin heti ang hi ila ti ve lo a."

"Kha tin ṭawng vak vak suh, kha tia i ṭawng vak vak chuan i cháu telh telh mai ang."

Ka phone chu ka phawrh leh a, "Hello, kan awmna gps hi rawn chhui in intheih anga rangin rawn kal vat rawh u, silai kah tuar hi a châu tulh tulh tawh a nia."

"Eleanor..."

"Eleanor ka hrilh ṭhin tawh ang che khan, nang hi hmeichhe derthawng leh chaklo i ni reng reng lo, nang nilo in keimah záwk hi ka ni."

"Ha ha, anuihzatthlâk lutuk, mipa thil tithei tak i ni a, nang hian chaklohna i nei hauh lo ang."

"Ka thil hriat chhuah chu......nang hi ka ...chak lohna i ni Eleanor."

Chu thil ka ngaihtuah chhuak zet chu ka lungphu a inthum rawn nghal tluk tluk in ka hria, kha zana Wesley silaia kap tura lo ti tu kha Ryan hi maw lo ni a?