TESPNAYA REAKSIYA LOST CHAPTER 15

TESPNAYA REAKSIYA LOST CHAPTER 15

THEO...

Ka nu boralna thu chuan min thawmg hle a, ka pa ngaihven tur lahin rilru mumal tak lah ka pu thei hek lo, ka nu ka ngai em em a, min hmangaih zia lah ka hai hek lo.

La te viau mah ila ka nu min enkawl dan zawng zawng te kha ka hmaih lo hrim hrim, engkim ka hre vek, ka pa in kei min pai a ni tih hre hauh lo in ka nu in a chhuahsan lai khan zawn pawh tum hran lo in a awm a, mahse khatih chhung lai zawng pawh khan ka nu chuan hmangaih takin kei min nei in min enkawl a, hreawm tun reng a tuar bawk a nih kha, khatih hun lai te pawh khan ka nu chuan hreawm a tuar nasa,em em a, mahse a vui eih ngai lo.

Nu tello a nun hman hreawm zia ka nu in min dam pui lai zawng kha chuan ka ngaihtuah pha ngailo a, tunah erawh chuan a hreawm zia hi ka tem ṭan dawn chauh ni in ka hria, oh Alexa khawiah tak chuan awm.ang che maw, nang chu awm ni la, tiang hun pawh hi kan tawk dawn kher lo maithei a sin, awm nila chu i unaunu Tori pawh tlemin a,tawrh dan a ziaawm deuh tur.

Ka bei dawng lutuk ka indawm.kun ngawih ngawih a, room pawn chhuah pawh ka phur lo, ka pa ka ngaihtuah a, ka khawngaih kher mai, ka nu a hmangaih zia lah kan hriat pui vek a, engtin nge ka nu tello in a hun a hman theih tak ang, a hringnun chu a tawp chiang hle ang le.

Chutih lai tak chuan kawngka rawn inhawnfin Sofia chu hmel ngui zet bawk hian a rawn lut a, engtin mah ka lo be lo, ka en zauh runfawt.

"Tori kha ka mut ṭhat tir leh a, tunah chuan a muhil keh tawh e, khawiah nge i pa hi?"

"Detroit bulah a awm.ang."

"Zan in hian Tori hi kan bulah kan riahpui mai dawn em ni ang, enge i ngaih dan?"

Thawk ka la ri hrawih phawt a, "Nilo e, saw roomah sawn kan dah ang, mahse eng nge a an tih erawh kan va ngaihven reng thung ang." Ti in ka lo chhang a.

"A chhan chu dad hian tunah chuan a mah tibuai a a ngaihtuahna kal thui lutuk tur tih chinngpen saktu a mamawh."

Babe chu ai chuan tunah hian mumang ṭha lo tak mangin kan harh chhuak chiah a ni ti in min han hrilh hram teh!" Ka ti chhuak hruih a.

"Pawi ka tuh pui lutuk che Theo." 

Sofia chuan min rawn kuah thlawp a, ka ṭah chhuak lutuk tawh chu ka ṭap khur ta ngawt ngawt a, ka nu neih chhun khawvela ka nu hmangaihberin min hun lo taka min kal san hi ka tuar thiam thei thlawt lo, a na lutuk tlat, hetiang thil hi ja tawrh tur a tan pawh ka duh lo.

BRANDON .....

Alex chan chin engmah hriat tur awm silo, chu chu thuhran ni se tunah a nu accident in a boral leh a, chumai pawh la nilo in ka pa in silai a kah hliam a tawk zui leh ta nghal a, heng zawng zawngah hian Trey pawh a harh chhuak vr tawhin ka ring, kei chuan ka ngaihtuah ber zawk chu Alexandra a ni.

Jaden nen Trey te in kawt a kan lo din mek lai chuan Cain a rawn kal a, "I pa chung chang thu kha an hrilh hre ve tawh che em?"

Jaden chuan alo chhang a, "A hma deuh khan ka phone a, vawiin ni ah a lo thlen dawn thu a rawn sawi a, chuan Detroit pawh Trey ngaihven  tur leh a ngaihtuahna tih thawl sak turin a kal chhuah kha, a mahin a rawn hruai haw tur thu a sawi."

Cain chu a bu ve nghauh nghauh a, "A nih leh Callie vuina hun hi engtikah nge kan hman ang le?"

"Kha chu Detroit ka aṭang bawk a kan hriat theih ka ring, Detroit bula Trey in a sawi chhuah hun hun a ni mai, a mah erawh chu kan hna tur a tan chuan kan mi keh sa te ho lo hrilh hriat hi kan tuh turah Detroit chuan a dah a, vawiin ka pa lo thleng lo buaipui nen, Airport lamah chuan Brand hian ka pa chu a lo va hmuak thei mai ang a, a ni lo'm ni?"

Ka unaupa chuan min rawn melh pah zauh a, "Aw a dik a lawm." Ni e, Alex chung chang ka hriat theihna hun a nih a vangin bawhpelh ka tum lo hle.

DETROIT....

Trey nen chuan chu hmunah chian kan ding tlaivar dun ṭhak a, khua a rawn en hnu ah chauh inlamah kan unkhalh haw ve ta a, in kan va thlen chuan kan mi leh sa ho re pawh an lo awm nual hlawm tawh a, tunah belo in Trey chuan inchhung lam.a pan nghal nal nal, ka ding khawmuang zawk a, Cooper nen chuan kan inzui lut nghal a.

"Tunge vuina hun hi hmang thei ang?"

"Chutiang tumah an la awm rih lo, Trey lah chu a la biak theih rih bawk si lo, mahse a room lamah ka han kal ang a, rawn sawi pui ka tum dawn nia." Thawk ka la pah hawk a.

"A nih leh keini lamah thil tih ngai a awm em?"

"Yeah, Dimitri kha lo call u la, helai thil thlen dan hi lo hrilh fiahin a rang thei ang bera Russia a ṭanga rawn thlawk rurin in lo hrilh dawn nia."  

Cooper chu a bu ve nghut a, phone hmang tur chuan a kal sawn ta nghal a, kei pawh hmel ngui zetin Trey room lam bawk chu ka pan chjo leh ta a, kawng ka ka nam hawng Trey ka va hmu zet rilru a na duh kher mai, a fanu sen te kar khat vel awrh Callie in a kalsan tak chu a awm nghengin a lo pawm hlu hlu a, a phun pah sup sup bawk a, naute chuan a pa chu a hre ve kher mai a ngawi ran a, a kut a hne pah dek dek mai bawk a, chutianga an pafa ka han hmu zet chu insum a har duh kher mai, Callie i fanu hi enkawl deuh hlek tur i ni a sin, en teh i pasal lainat awm zet leh i fanu la sen tak hi i tello chuan engtin nge an awm.ang? Duh aiin i kal hma mah mah.....

"Trey." Ti in ka phun chhuak sup a, ka lam pawh rawn hawi chuang lem lo hian, "Eng nge ni ta Detroit?" A rawn ti a, Trey aw chu a dam viau mai, mahse chu tak chu a ni ka ngaih ti ṭha lo zawk tu chu, min vin leh tuar tuar in ka lakah ṭawngkam na tak tak kha hmang zawk sela a pangngai zawk tur hi a nia.

"Vuina hun vel chung chang hi i tih ṭan a ngai tawhin ka hria."

"Nangman lo ti mai rawh."

"Hunter pawh i thupek nghakin a awm reng a nia."

"Lo haw turin ka hrilh tawh kha."

"Mamawh dang te i nei em?"

"Neilo."

Hreawm ti zetin room chu ka chhuahsan zui leh ta a.

Trey chu ka ngaihtuah viau a, mahse mahni a awm a inngaihtuahna hun neih tir ṭha berin ka hria, tikhan a fanu a bulah awm nen.a ziaawm.deuh ngei ang.

Inhnuailama ka chhuk leh hnu leh hnu chuan Ka nupui chu ka zu hmu a, a hnunglam.a ṭang chuan ka va kuah vang vang a, "Trey chu eng nge a an?" A lo ti ve sep a.

"A ṭha lem lo, Theo hi i lo hmu em?"

"Hmu lo, Sofia bulah a awmin ka hria, rei vaklo a tang tawh khan Zara hi ka awmpui tawh, tunah Noah nen an inkawm mek, Noah kha a pi leh pu bulah a awm duh tlat lo a, ka hruai tlang ta a, mahse a ṭha phian Zara nen an inkawm.thei a."

"Zara hi kan inlamah hruai mai ila a that ka ring, zan lamah pawh Noah bulah a awm.thei ang a, nuam a ti ohian maithei a sin, hetah a nu leh pa an buai rih si a." Ka lam a rawn hawi phei a, "Eng nge i ngaihdan?"

"Ruahmanna ṭha tak ni in ka hria, mahse Sofia erawh rawn hmaaa phawt la."

"Ni e, ka lo ti dawn nia, chuan Trey pawh kha lo zawt la, a duh chuan Tori pawh ka awmpui tel.thei ang tuh i lo hrilh tel.dawn nia, a man rem a tih dawn chuan aw."

"Kha chu a ṭul lo ang, Trey chuan Tori chu a hauh tlat rih, tuna bula dah a duh ka ring lo, chuan hetia a bula dah pawh hi thatna chin a awmin ka hria." Ka ti ve a.

"He naute nu a neilo hma lutuk tur leh nu tello a ahan seilian chho mai tur  hi chu a lainat awm ngawt mai."

"Ka hria a lawm."

Francesca leh Mata pawh kitchen lamah eisiamin an buai a, an eisiam lah kan zavai ta tur a ni leh nghal a, i theih chuan Noah leh Zara hi i lo awmpui ve lawk dawn mi, keiin an ni chu ka va pui ve lawk ang a?"

"Yeah, kal rawh ka lo ti ang."

Tanaeya chu ngawi rengin kitchen lam chu a pan ve ta a, naupang pahnih bul.ka va thlen chuan Zara chuan min lo enchho vat a, "Dee khawiah nge daddy?"

"Honey reilo te chawlh hahdam lawk a ngai a, a chawl lawk a nih kha."

Aw le, Dee." Min nuih var var a, ka fapa nen chuan an in kawm chhunzawm veleh ta mai a.

MEANWHILE BACK IN SICILY

THE NEXT DAY

LUCA....

Ka muhil ka ṭhang harh ka mutna chu ka hai lek lek, khawiah nge ka awm rik ngawt, ka bula pangti lum min lo ngheng reng tu tui taka thaw sak sak ri ka hriat phei chuan ka phu nasa leh zual.

Engvanga Emma chu ka bula mu ringawt nge a nih? Ka hre chhuak leh chiah shit, nizan lama a mutthilh hma awmpui tura min tih khan ka lo muhil tlang ve daih tih ka hre chhuak ta thut a, a ni lah chu a rawn inlet thak a, ka awm chungah a kut te chu a la rawn dah leh ta deuh deuh zui leh ta nghal.

A kut chu dim tak hian ka lak thlak sak a, eng thil nge maw ka tih hrep tak le? Hmeichhe bulah hian zan ka riak ngailo a sin, ka mamawh a nih pawhin an laka ka thil duh ka hmuh hnu in ka haw tir leh mai ṭhin a nih kha che cazzo (W T F) .

Rang takin ka tho chhuak nghal a, midangin min hmuh hma ngei a ka room lam thlen hman chu ka duh dan a ni; chuti lo zawng ka chungah rilru diklo zet zet an lo pu leh palh ang, kawngka ka khar leh chiah thawk ka la huai a.

"I ti lo ti in min han hrilh teh?"

Ka bulah chuan Dante a rawn kal nghal a, min lo hmu kawr chu ni in, ka menkual khum rulh a, "Eng thil maw ka tilo ti a ka hrilh ang che?"

"Si, a rih zawng te tunah hi chuan kan chhui Chhaniang dawn a ni
lo'm ni ?"

Rum zeta Dante chu melh khur chung hian ka pan hnai ve nghal a, a khabe a akut dah chung hian a khawng deuh kkauh kauh a, "Zing taka signorina room a ṭanga i chhyak lai hmuh i ni a, chutah nizan lam a i thawmhnaw inbel ngai inbel chung leh nghalin." Mi nuih khum vawr pah hian a kut ṭang chu min tih thlek khum pah zauh a.

Kei erawh ka ngawi run thung! A duh chu sawi zo phawt teh se.

"I landan a ṭang chuan thawmhnaw ngai ngaithei deuh te pawh i ang tawh zawk a lawm maw le." A la nui ṭhen ṭhaw reng a.

Engmaha chhang ta lo chuan ka men kual khum leh rulh, a chal a dawm pah zauh a,"Khawngaihtakin i mutpui lo ti in min hrilh hram rawh." A ti chhuak ta ruih a.

"Tehreng mai, ka mutpui hauh lo mimawlpa."

" A nih chuan nih leh engin nge chi chu min rin tir ang le?" Ka thusawi ringlo zet chuan a ti nawn leh kher a.

Thawk ka la hrawih, "Chutiang engmah rin tir na tur che ka neilo, mahse hei erawh ka hrilh ang che, kan ti ti dun a, tichuan kan lo muhil dun ta daih a nih hmel, tikhan sherlock i case chu kan khar thei tawh."

"Ti ti dun a? Tumah i ti ti pui ngai pawh ka hre ngai si lo."

"Ngawi hmak rawh Dante, shower ka hmang dawn." Ka tih khum.ta hrawih a, ka dawhtheihna in a tlin leh tawh lo.

Ka kal san hnu chuan min rawn au zui a, "Tun a ṭanga darkar chanve hnuah Giovani in a office ah meeting a ko a nia."

Engtin mah ka chhang zui tawh lo, ngawi rengin ka room lam ka pan san hmak.

Ka room ka thlen hnu chuan shower ka hmang nghal a, engvanga Emma hian ka ngaihtuahna tibuai zui ta zel nge a nih tih chu ka ngaihtuah pah nauh nauh a, a chhan tak erawh ka hre chhuak thei chuang lo.

Tunge a nih chiah tih hi ka hriat chhuah vat a ngai ang, chumi hnuah ka rilru min hneh sak hma ngei hian ka thawn bo vang vang bawk ang tih chu ka rilruk a ni.

Bathroom a ṭang chuan ka chhuak a, kathawmhnaw dah tlar dulna hmun chu ka pan leh a, "Engvanga nizan khan a bula hun hman te kha rem ti nge maw ka nih reng reng le? Ka mawl tak zet zet." Ti in mahnu leh mahni chu ka inmawhpuh a.

"He meeting hi a zawh veleh Emma hmuh tamloh dan ngihtuah chungin ka kal chhuak nghal ang a, tichuan ka ngauhtuahna te pawh ka ti fim leh a niang chu!"

Ka phone ka khumbul side table a ka dah chu ka la nghal a, "Dante keimah, meeting zawh hian club leh casino hmuna kal ka ngaihtuah deuh a."

"Kha i hmeichhe lak a ṭanga i ngaihtuahna thlit fim nan em ni i tih?" A rawn nui zui hawk hawk a.

Ka nuih erawh a za lo kher mai, a chhan pawh a sawi dik fuk fuk rih em a.

"Dante ka dawhtheihna mi tlakchham tir i tum chiang, a ni em?" Ka vin khum hrawih.

"Dude, inbengdai teh, games han khelh zawk leh poker tih vel maw, a ṭha khawp ang chu." A ti ve ta a.

"Ok, meetingna hmunah kan inhmu dawn nia." Ka phone chu cutin a ngaiah chuan ka thehthla zui leh nghal a, ka thawmhnaw hak tura rilru pe tur chuan ka kal sawn ta nghal a.

Eng thawmhnaw nge ha ila cho ang tuh ka ngaihtuah nuap nuap, a chhan pawh meeting neih zawh veleh club lamah a nih loh pawhin casino lama ka kal tlang leh nghal dawn a vangin.

Eng emaw ka inthuam dan style chu thlak ka duh tawh tlat, chuvang a thawmhnaw pawh tam tak nei ka ni reng a.

Shirt light blue ka thlang chhuak a, suit nalh tak thui uluk zet ka suit zinga manto ber pawl dum lam pang chu ka thlang chhuak leh a, ka thawmhnaw inbel turah chuan ka lung a awi zan bawk. Engvang ka thawmhnaw hak dan style thlak ta thut nge ka nih erawh ka hre huang lo.

Ka inha zo chiah ka phone a rawn ri a, ka phone awmna ka thleng a lo eng va va a, a screen engah chuan ka pa a lo lang kalh, "Hello."

"Ka rawn kal a lawm le, shower te ka hman ve hrep phawt lohin." Ka cut nghal hmak, thunrim ru ṭun chung chuan ka room ka chhuahsan zui ta a.

Kan warehouse chhung ka lut ka pa office lam ka pan ding nghal a, a chhung ka lut an lo kim ṭhap hlawm tawh a, tianga midang nghah hian ka awm ngailo a sin maw le, Emma bula ka mut vang vek, Riccardo thlengin an lo awm sa hrep tawh a lawm maw le.

"Engvang a meeting ko ta thut nge i nih a?" Ka ti lut nghal a.

Ka pa ṭawng chhuah leh hma hma chuan, "Engvangin nge Bronze Dragons ho chu Sicily a rawn kal nge an nih tih te kha i hre chhuak tawh em?" Ka tih zawm.leh nghal a.

"Figlio in bengdai phawt teh!" Ka pa chuan a ti duh lek chauh, ka ngei ru kher mai, ka kutah chuan awm.nise la, ka hriatchhuahna a rei leh tawh ang maw le.

"A leh lamah chuan an rawn kal nawn leh tawh pawh ka ring lo." Ka pa vek chuan a ti nawn leh a.

"Ka hrilh tawh che kha, vacahion rawn hmanga rawn kal mai mai an ni ang tiin ka sawi sa tawh reng kha." Riccardo chuan a lo ti hmanhmawh a.

Thawk ka la ri hrawih, "Ngawi hmak mai teh, Rick mi â pa."

Ka thuhriat an puanzar duh loh hi a dik ngei anih chuan an rawn lang nawn tawh hauhin ka ring lo."

Ka pa lam chu ka melh leh a, "Eng thil nge i hriat a?"

"A lan dan chuan nimin lawk khan Bailey nupui chu thah a ni awm e."

"F*ck." Rick chuan a lo ti nghal.zauh a.

"Engtin?" Dante chuan a lo ti ve bawk a.

Ka pa lam chu kan hawi ṭhap nghal a, "Car accident a nih lih vek pawhin thildang eng emaw tak a ni ngei ang, chu chu kahriat dan a nia, a thih dan tak erawh ka hre chiang vak lo."

"A nupui chu kum engzah nge a nih tawh?"

"Ka hre bik tlat lo, a chhan chu Bailley hian a nupui fanau hrim hrim.te hi mipui hmuh tur vakin a pho chhuak tlat lo, chuvang chuan eng ang hmel nge a put tih pawh ka hre thei lo. 

Mahse ka hriat leh dan chuan tun hnai lawk khan a nupui chuan fa a hrin sak leh a ni awm e, fanu kar khat pawh la tling chiah lo a kalsan a nih chu." A ti leh a.

"Chu i thuhriat chu a lungchhiat thlak hle mai, mahse hetah eng nge a rawn tih chih tih erawh ka la hre duh reng a nia." Ka ti nawn leh kher a.

"Ok, Luca, kan mipa te hi hun han pe ve phawt la maw le, chumi hunah chuan eng thil nge kan hriat duh hi kan la hre chhuak ngeiin ka ring."

"Khawiah nge kal i tum a?"
Ka pa chuan ka thawmhnaw inthuamna ka thlak danglam tih chu a hre hmasa ber a ni ngei ang.

"Pawnah."

"Kha te chu ka hre ve reng a lawm, khawi hmunah nge ka tia nia?"

"Casino emaw club a nih ka ring."

"Emma alo kal ve dawn em?"

"Dawn hrep lo."

"Hruai ve la a ṭha ang."

Ka pa chu a tho chhuak nghal a, "A teihlo mai, sawti ringawt pawh sawn ngaihtuahna a tih buai tawh nak a laiin, a ngaih ka ring hran lo ka lawm e." Ka tih khum.leh hmuk a.

"Aww, hei hi hmangaihna inṭan dan chu a va nih hmel ve." Riccardo chuan a lo tih zauh pek a, a lam chu hawiin ka melh rum nghal kher mai, hetianga Emma nen kan awm dun nachhan pawh a mah vang hrep a ni si a.

"Rick ngawi chip cham mai rawh, eng nge a rawn thlen chhan tih i hre duh te a nih hrep loh chuan." Ka ti nghal chhur chhur, chulam.pangah ber kher fiamthu thawh chu ka duh loh zawng tak a ni.

A ni erawh a nui nasa sa ah a ṭang zui leh ta nghal, "In za vai hian chawlh hahdam.hun te neo ve rawh u, engtiklai mai pawh a inring renga awm.te pawh hi a ṭhatloh chang te a awm.ve a nia." Ka pa chuan a rawn ti nem thluam a.

Ka pa thusawi chu ka ngaihdan erawh a ni hauh lo thung, "Ka sawi chu i hria maw Figlio."

"Ka'n hrilh pawp ang che, i nu pawh vawiin hian a rawn thleng dawn a, tun aṭanga darkar reilo te hnuah a rawn thleng tawh maiin ka ring, i nu.lah chuan nupui nei turin a duh tawh ropui si che a, Emma hi i bula i hruai ve a nih loh chuan i kal chhuak i rawn kir leh hma ngeiin i signorina hian inneih kawr ha chunga a lo nghah ngei che ka rin vang mai a nia, chu chu i nu hian a ti ngei ngei dawn tih lah ka chiang viau bawk."

"For f*ck sake." Rilru hah zet chuan ka chal.ka dawm khum hlawm a, thawk ka la rihrawih bawk, Rick ve thung chu a tan rilru hahna awm.ve hek lo, a nui ring ringah a lo ṭang leh ta nghal, oh hrep tak chuan.

"Emma a lokal ve dawn a nih chuan.kei chu ka lo kal tel ve lo mai ang." Dante huan a la rawn ti ta deuh deuh.

"Oh i lo kal ngei ang Dante, chu chu hre ringawt rawh."

"Figlio eng tin nge i tih dawn tak le?"

"Yeah, yeah, yeah, ka kalna ah chuan ka hruai ve dawn nia." Ka ti ve ta hram a.

ALEXANDRA....

Ka room kawngkhar chu dim lo bak sak hian an rawn kik ri dawt dawt a, harh loh rual chi a ni lo.

Tho phang zet hian ka mengchhuak nghal a, a tu nge maw ni vak vak le, tuk dangah tiang hi ka tawng ngai silo a, sana ka ne hmansa phawt zing dar sarih leh a chanve chiah a la ni leh ta nghal vak vak chuan.

"Lo lut rawh." Ka ti ram hmak.

Luca hmel rum zet mai lumna remg neilo chu a rawn lang nghal, a suit hak a inhmeh tehreng nen a mit meng erawh a vawt ṭha kher mai, a sam dum hlap chu uluk taka khuih a ni a, chutuang bawkin a coat suit hak pawh, a pheikhawk bun pawh chu a tle tha hle a, a pian nalh zet mai ti lang ching tu vek an ni, a dar pharh chu a hlai ṭha hlep hlawp hle a , chutiang bawkin a pumrua chu a lianin thahrui a ngah zia pawh a lang chiangin a sang ṭha hle bawk, a mitmu dum fiah ṭha zet chuan khuma ka la ṭhu chu a rawn melh run a, keilah ka la tho phang viau leh nghal, "Kan kal chhuak dawn." A ti ta hmuk a, pangngai taka zan lam ka mu ṭha em tih te inzawh ve a awm lo .

Mahse chuti chuang pawh chuan a thawmhnaw inthuamna nalh zet mai chuan a lang sexy tir tal zet a vang chuan a taksa lam hlir melh lo tur chuan ka incontrol viau bawk.

"Minute sawm chhungin inpeih tum hman ang che." A ti leh nghut a, a dar mi san khum zauh pah hian a inher vut a, chhuh leh mai hi a tum nghal a.

A thusawi chuan min ti phu deuh zawk, "Eng maw?"

A rawn inher let leh a, "Minute sawm chhunga inpeih hman tum rawh ka ti a nia." Dawh theihloh hmel zet hian thawk a la pah hawk tih chu ka hre chiang kher mai.

"Khawiah nge kan chhuah dawn tih hi ka zawt thei ang che em?"

A mit meng zim sun chung hian min rawn pan hnai a, min melh run run bawk, "Eng nge ni leh ta, buaina i nei leh pek tawh em ni?" ka dar ka chhin khum ve zauh a.

"Khawi hmunah nge kan kal dawn tih ka hre ve thei em tih ka zawt mai chauh che a lawm." Ka tum khum ve bar a.

"God damnit, khawiah nge kan kal dawn tih chu a pawimawh ber lo, lo inpeih vat la a ni mai."

"Khatiang ṭawngkam min hman khum hnuah tawh kha chuan ngaihtuah lo mai rawh, nah, ka kal duh lo mai ang e, hetah hian lo awm ila a ṭha zawk ang." Rumzet hian ka melh let ve a.

A sam chu tuai thur zauh pah hian thawk a la ve hawk, "Em khawngaihin vawiin chu buaina ti chhuak lo hram rawh."

"Oh, tunah chuan khawngaihin tih tawngkam hmanna te i hre ve ta maw, mahse tunah chuan a tlai hret a ni e, ka lo kal phah ka ring chuang lo."

"Ok, club ah hruai che ka tum mai a nia, mahse hetah i awm thei tho, chu chu a ni lo'm ni i duh?"

Oh, club a kal chu ka chak zawng tak a ni a lawm, mahse duh viau ang erawhin ka awm.hauh lo ang, he pa hi hrem ve deuh hlek ka duh.

"Club hi ka ngainat loh zawng tak a ni tih hi i hria em?"

"Ok, i tih tlat chuan le, ka nu vawiin hian a rawn thleng dawn a, a rawn thleng ṭep tawh ang..... chuan a bazar pui che ang a, inneih kawr a lei pui ngei bawk che ang a, ka lo haw hun inneihkawr ha chungin a lo nghah tir ngei bawk ang che." A ti ta duah a.

"Eng â?" Ka mak ti lutuk chu ka mengphar chiang lutuk.

"Ka hrilhlawk lo che ti in i sawi thei hauh lo ang Amore."

A inher vut a, a kal chhuak ta nghal a, chutiang vel tih chu ka duh zawng a ni hauh lo, ka inngaihtuah harh thut a, "Ok, ka rawn kal ang, minute sawm chhung hun min pe rawh." Ka ti ve ta zawk a, Lalpa ka auh letna kha a hriat phak ngei beisei ang.

Ka che ta vat vat a, ka mutna khum chu thlahlel thei dinhmunah pawh ka ding tawh lo.