TESPNAYA REAKSIYA LOST CHAPTER 18 & 19

TESPNAYA REAKSIYA LOST CHAPTER  18 & 19

Fakna milem awm kha hmeh leh vek  tum ang aw, chuan naktuk hi ka rawn dah hman dawn.lo a, christmas bazaar naktuk hian ka nei ve dawn a, kar thar lam monday zanah kan inhmu leh vek dawn nia.

DETROIT .....

"Hetah te eng nge i tih reng a?" Hunter min rawn biak na teh thut a vang chuan ka phut phah zawk.

"Trey office chhungah Dimitri a awm a, tunah hian Trey chu Callie chung chang a hrilh mekin ka hria." Ti in ka lo chhang a.

"Thawk a la ve huai a, "Chan chin ṭha lam a ni vak na nge?"

"Nilo."

POLICE DEPARTMENT CITY OF NEW YORK...

TREY...

Dimitri in Callie chung chang min hrilh hnu chuan thinrim engphiarin police department awmna lam pan chuan kan inkhalh chhuak nghal a, kan thlen veleh building chhungah chuan ka lut  a, Callie case buaipui tu pahnih kan chenna hmuna rawn kal te pawh kha ka va hmu a, an lam chu pan phei nghal in, "Inthusawi ka rin theihna turin inthu hriat ang ang te chu han sawi teh u le?".

"MrBailey khawngaihin ṭhu phawt la maw le." Officer pa zawk chuan a lo ti kher a, chu chuan ka thin a tirim leh pek tawh, an ni anga hnathawh tur neilo a awl taka ṭhu hman pawh ka ni hrep lo.

"Ṭhuthlengah ṭhu turin min ti em ni? Ka ṭhu duh hrep lo ve, he building ka thlawh darh vek hma hian ka thu hriat duh chu min hrilh vat mai rawh u." Ka tih khum khur khur a, ka thin a rim hle bawk, inlamah ka fanu enkawl a ngai a, chuta kara office dawr tur ang zia zanga min han treat mai le .

"Mr.Bailey hetianga inzahlo taka invauna hi kan la tawng ngai hauh lo a nia, kan headquarter ah ngat phei hi chuan a nilo leh zual."

Chu pa thusawi chuan min ti nui chhuak hawk a, a thu min sawi khum ah chuan ka hlauh a ring reng reng em ni le, a ṭhutna dawhkan chu ka va bawh a, chiang kelh kawlh taka melh chung hian, "Officer ngaithla chiang rawh, mi hi ka vau ngailo, thu ka tiam zawk ṭhin." Ka ti ta hrawih a.

"Ok, a tawk e." Dimitri chuan a lo ti ve ṭhawt, "Officer i thil hriat chu khawngaihin min han hrilh ve ta che." Aw dam thlup hian a rawn ti ta a.

Officer chuan thawk a la huai phawt a,  "Medical center pawn a mi CCTV kha kan en leh a, chuta kan thil hmuh chuan Mrs.Bailey chu motora sut luih a nih zia a ti chiang leh zual a ni, khatia Mrs Bailey car chhunga a lut chiah kha a piah deuh a motor lian awm chu tih nun ve chiah ni in Mrs.Bailey tlan chhuah hma chuan a rawn su ta ni in a lang, chuvang chian thil plan fel sa vek ni in kan hre bawk."

Officer nu zawk chu a rawn ṭawng ve a, "Kha motor Mrs.Bailey rawn su tu kha chu kan zawng hmu tawh a, mahse a lo kang chhe vek tawh."

"Nih leh chu motor chu tu hminga register nge ?"

Officer pa chuan Dimitri lam.chu hawi pah hian, "Motor kha accident thlen hma ni tawh a ṭanga a bo thu report a ni tawh a, chuvang chuan he thilah hi chuan motor nei tu diktak chu a inrawlh hauh lo ang tih chiang sa a ni."

"A nih driver kha le? Chiang takin kha CCTV ah khan a lang dawn ngei si a."

"A chiang loh ka hlau khawp mai, a chhan chu CCTV camera angle khan driver ṭhutna lam kha a va focus thei chiah lo a, chuvang chuan driver hmel pawh chiangin a hmuh theihloh a, tunge a nih tih hre tur tak ngial pawhin a lang thei lo."

Leh lam ka hawi nghut a, thawk ka la ri hrawih, "He thil ah hian Callie chuan engmah a hre lawk lo a nih ngei pawh a rinawm, a inringlo lai tak a rawn su hian plan fel tak neiin leh he hmunah hian a kal dawn tih pawh a hre lawksa vek a nih hmel."

"A chhan chu a car kha kawngpui a in trun luh tum ang zawngin a awm a, chu chuan he motor rawn tlan tur hi hre lawk miah lo a rawn ṭhawng thut tihna a ni mai, chutah a car petrol lik in he driver bawk hian a hmunah ngei a hal kang leh bawk ni awm tak a ni, Mrs.Bailey in medical center a chhuahsan lai bawr hi tlai lam dar ruk.a ni a, chutih lai hun chu chu lai bawra mipui tlem hun lai tak a ni bawk, a mah thah tum.vang renga engkim plan fel sa tih a chiang tawk hle a ni."

"Mr.Bailey tunah hian he thil chhui hna hi kan la kalpui reng a, inzawhna chhanna tur pawh kan neih thuai theih ka ring tlat."

Police department kan kal pawh chu awmzia awm hian ka hre lo, kan thil hriat duh tak pawh kan hre chhuak thei lo, rilru ngui zet chuan inlam kan pan leh ta a, mahse Callie that tu hi tunge a nih chiah erawh ka la hre chhuak tho tho ang, ka hriatchhuah hma chu ka chawl lo bawk ang.

SOFIA....

Theo pawh tlemin a ziaawm ve tawh deuh chuan ka hria, Callie boralna chu a tuar hle a, mahse tunah chuan ngai la awh chiah rih lo mahse a hma ngaihtuah kha chuan ziaawm tawh tak a ni.

Tunah chuan Zara pawh a awmpui ve leh thei tawh a, chu chuan a khawharna te pawh a chhawk ve deuh ngei ang, Zara chu chhun a ṭang tawh khan a pa bulah a la tap char char a, a pa nena dinner ei a hun tawh thu hrilh tumin kan room lam chu ka pan chho a, dimte a kawngkhar ka hawng an pafa lo ti ti malh malh chu va tibuai talo chuan an ti ti chu ka thlir ta remg zawk a.

"Daddy khawiah nge nana hi?"

Theo mittui tla Zara hmuhlihlaia a kuta a hru zauh chu ka hmuh hmaih lo kher mai, "Nana chu a kalbo tawh." Ti ringawt hian a chhang a.

"Khawiah nge a kal a?"

"Vanramah a kal tawh."

"Engtikah nge a lo haw leh ang?"

"Baby, ka hre mai bik lo."

"Mahse ka painting hi ka hmuh duh a sin, a duh zawng tak unicorn ka ziak a, nana khan min zirtir ṭhin a, i thiam hunah ka ensak dawn che a ti a."

Theo chuan a rukin a mittui a hru zauh zauh reng a, a fanu chuan a vel ṭap hi a ni ringawt, kei ngei pawhin an pafa chu en har ka ti, kawngka bulah chuan mittui far zawih zawih chung hian ka lo thlir ve a, mahse rei pawh ka ding ngam ta lo, ka ṭap chhuak a nih vaih chuan Zara hrilh ka ti hai dawn lutuk." Thawm dim takin kawngka chu ka hawng leh a, dinner lam oawh ngaihtuah thei tawh lo in mittui far zawih zawih hian an pafa chu ka chhuahsan ta daih a.

MEANWHILE BACKIN SICILY....

LUCA....

Ka office kawngkhar chu an rawn kik kauh kauh a, hnunglam la chhawn reng chung hian, "Lo lut rawh." Ti in ka au a.

"Min zawng em ni?" Dante aw chuan ti in a kawngka khar ri thawm in a zui nghal a.

"Yeah, thil eng emaw min lo chhuichhuahsak la ka duh." Dante hmachhawn zawng chuan ka inher ve nghal a.

"Oh?"

"Bronze Dragons ho hi."

"Ka ti theilo ang Luca, a chhan chu Giovanni thu pek ka zawm.a ngai tlat."

A dinna lam chu pan pheiin, "Dante ka under boss i nih hi, ka pa nilo in."

"I pa hi boss ber a la ni tih hre ta che, nang nilo in, chuvang chuan a thupek te kan zawm.a ngai a lawm."

Thawk ka la pah hawk a, "Ngaithla teh Dante, hetah eng nge an rawn tih, tih hi ka hre duh mai chauh a nia."

"A pawimawh viau em ni?" Ngaihsam hmel zeta a ti chuan ka thin a ti rim leh nghal ṭun tawh.

"Aw pawimawh hrep e." Ka aw rawl chu a ring ṭha kher mai, a vin hle bawk, mahse Dante hi chu ka vin ṭhang ve hrim hrim ngaiah a nei mah tawh zawk ang.

"He sawn fa lulawk haw chung hian ka ṭhanglian chho tih hi hreringawt rawh Dante."

"Chuti ni si, nih leh engvangin nge i pa hian phuba a lak duh tlat loh chhan tih te hi i ngaihtuah ve tawh em?"

"Uncle Terence kha ka pa unaupa nilo in ka nu unaupa zawk a nih vangin."

"I nu pawhin phuba lak a duh bik chuang hleinem."

"Dante i ṭawngtam mah mah lo maw?" Ka meng zim pah sun a, ka nui hauh lo bawk.

"Ok, ok, ka lo ngaihven dawn nia, mahse thil atthlak zet i tih hma in, i nu erawh be hmasa phawt ang che."

Ka melh leh run run a, "Eng nge?"

"I signorina kha eng nge a an han ngaihven ve teh, Bella sawi danin, vawiin nilengin a room a la rawn chhuahsan miah li a ti a nia."

Ka rum chhuak nghut a, kei hian ka han ngaihven ang a maw a teuhlo mai.

"A ril te pawh a ṭam tawh thei a."

Thawk ka la hrawih a, "Ok, ok, ka han ngaihven dawn nia."

Dante min chhuahsan leh hnu chuan ka cigar chu phawrhinka ṭan nghal a, ka hip vang vang bawk, Emma bulah ka kal leh dawn a, hahdam.tak leh rilru fim taka ka kal a ngai ngei ang le, God nimin lqm vang khan a thin a rim leh tihna mi, nizan lamah lah a bulah ka riak leh ta nghal f*ck.

ALEXANDRA....

Ka taksa a nawm loh lutuk a vangin inhnuai lamah pawh thil eitur tak ngial pawhin ka chhukthla peih lo a, engmah ei chakna lah ka nei hek lo.

Zantir lam club a kan awmlai chiah kha,ka hre chhuak thei a, Luca in midang ho a rawn hnawhchhuah phiar lai kha, chumi hnu leh lam chu engmah hriat chhuah theih ka nei lo.

Engvanga Luca chu ka chungah thinrim ve ringawt nge a nih le?

Kei hi thinrim zawk awm tak ka nih laia a ni zawk thinrim a thinrim daih ni, ka lu lah a na luk mai leh nghal.

Ka room kawngkhar chu ka kalh loh a vangin a rawn inhawng a, Luca lo lut chu rum zet a lo melhin, "Eng nge i duh?" Ka tih khum hmak bawk a.

"Nilengin engmah i eilo tih ka lo hria a." Ka dinna hmun chu a rawn pan phei a, ka inher khum Hmak, ka hnungchhawn nghal a, thawk a la ri hawk, engah mah ngai du lo angin ka awmlui tlat, mahse a taksa ruak kang mai thahruih ngah zet leh a chet deuh zawng a han inphiar deuh ṭalh ṭalh kha chu khawihsak ka chak kher mai, a sam dum hlap thur deuh hlek te chu chul sak chakna riau ka nei a, a lang romantic ruih ni hian ka hria, chung ka ngaihruahna te ka puitlin tir lihna tur chuan ka insum pah ngar ngar bawk.

"Enteh Em, nimin a vang khan pawi ka ti lutuk ."

A lam chu ka hawi phei a, "Engvangin maw, Nizan lamah eng nge thleng?"

Mi pawh chhanglo hian a ngawi run a, ka melh let ve ngar, nizan a thil thleng chho chu ka ngaihtuah let leh a, ka hre leh ta, "Oh, yeah, kha kha maw."

"I rawn kal a, i lal zia rawn tilangin midang chungah i rawn inti thei a, i thil tih theihna chuan midang ho kha rawn controll i tuma a dik chiah ti raw?"

"Ok, khatia Sawikhum awm reng kha ka ni a lawm, mahse thil hlauhawm taka i inhnamhnawih tih i hre silo a, khata rawn tih mai loh kha chu kawng dang a awm silo." A chal a dawm pah ruih a.
M

"Ka lam a ni mai a, eng nge buaina ni vak a?" Ka la tih khum hlar tho.

"Nilo, Em, i lamna room khata awm ho zawng zawng kha gangstar an ni a sin, nanglah chu pole ah i la lam bawk nen."

A thusawi chuan min ti phu chiang lutuk, khang mipa ka lam en ho te kha gangstar vek maw an lo nih a?

"Thil danglam lian tham tak i tih zia chu i hrethiam maiin ka ring."

"Gangstar i ti em ni?" Ka aw chu a ri chhuak chang chang a sin rat bawk.

Ngawi reng hian kan in en dun rauh rauh a, "Luca chung gangstar zingami chu i ni tihna em ni?" Ka ti nawn leh sap.

"Ka sawi tawh ṭhin ang khan mipa ṭha tak chu ka nilo a lawm, sawi tawh lo teh ang."

"Mahse ka tan chuan i ṭha viau bawk si a?"

"Yeah, well, a chang hi chuan nang pawh hmeichhe fel tak chu i ni ve ṭhin chuan ka hria."

"Lawm viau tur ka ni in ka hria." Ka tih khum ve nghat.

Min menkual khum ve rulh a, "A nih leh thil hriat chhuah belh te i nei leh tawh em?"

"La nei leh lo."

"Hun te pe ve phawt la, nakinah chuan a vaiin i la hrechhuak vek nauang tuh hi ka ring tlat."

"I ti dik e, kei pawhin ka hriat chhuah vat vat na tura ka beih a ngai a lawm."

"A nih leh.....chumi ching chamgah chuan ngaihdam.ka ni tihna em ni?" Nui hmel hi a pu deuh a.

"Ka ring, mahse ka huatna che erawh a la reh chuang hauhlo a nia aw."

"Oh, honey keipaw'n ka haw ve tho che a lawm."

A thusawi a vang chuan ka nui chhuak hak hak a, ka inrinloh lai tak chuan Luca chu a che chhuak thut, a lamah min pawt hnai nghal a, ka biang tawn tawnah a luta khuapin min fawp ta a, a chet dan chuan min ṭhawn em.a vangin engtianga chet lo lak tur nge tih lah ka hre thiam lo.

Makti zetin a fawhna chu ka dawh ngawt ngawt a, ka namsawn dawn em tih lah ngaihdan ka nei thei hek lo, mahse thil pakhat chiang takin ka hria, a mi fawhna chuan ka rilru a chawknu nghal but but a, nuam ka ri hle bawk, a hmui lum thar tharin ka hmui a fawh tluka nuam tih tun dingmunah hian ka neih ka ring lo, chu mai pawh nilo in, a lei sa ham hamin ka ka chhung a hawl kual dan chuan ka taksa a ti za chuai chuai ve nimai hian ka hria.

Chutihlai tak chuan eng emaw ni ka hre chhuak leh zawk ta mai, mipa khat chuan min fawp tawh, ka chala mi rawn fawh zauh oah hian, "Ka hmangaih che." A lo ti a.

Kei ngei pawhin ka chhang let ve nghal, "Brandon kei pawhin ka hmangaih che."

Luca min fawhna lak a ta ka tal chhuak nghal a, "Brandon." Tih chu ka sawi chhuak nghal a.

Ngunthluk zet a mi rawn melh chhuk pah hian, "Huh?" A ti deuh ruih.

"Nilo, boyfriend ka nei." Ka ti chhuak hlawl.

"Ka ngaihdan ....chuan." ka ti ban chalh a.

"Pawi ka ti lutuk, kha chu a sensitive vaklo ti raw?"

"Thil ni tawh chu ni a ni mai." A ti deuh hluk, a hmelah chuan a lungawiloh hmel kher leh nghal.

"Eng thil nge i hriat chhuah leh tak ?" A ti bung leh nghut a.

"Ka hriat chhuah chu Brandon ti a koh mipa khat a ni a, kan inpawh dun viau bawkin ka hria, chuan ka rindanin innei mai tur a inhual lai mek kan nih ngei ka ring." Ka ti nawn leh sep a.

"Inhual a?"

Nuamlo ti zet hian ka buk khum nghat a.

"L...Luca pawi ka ti tak zet."

A hmel putdan chu a rum leh thut tawh, chutiang bawkin a meng vawt leh vek tawh bawk a, a aw rawn chhuak pawh a chang ṭha khel khawl kher mai, "Em ngaithla rawh, he kan infawhna hi eng emaw ah i ngai palh ang e, a ni hauh lo a nia." A ti chhuak hrawih.

Mahse tuna a thusawi leh minfawhlaia a awm dan kha chu a danglam hle tih kei chauh nilo a mah ngei pawh hian a hre chiang khawp mai.

"Thil ka ti diklo khawp mai, fawp lo tur che kha ka ni a sin, mahse thil i hriat chhuah belh leh a vangin ka lawmpui khawp mai che, thildang pawh la hriat chhuah belh zel turin ngaihven viau ang che."

A inher vut a, engmah sawi leh tawh lo in ka room chu a chhuahsan leh ta a, kawngka a khar zui bur chu ka hre zui a, min ti phu zawk, engvanga khatia lawmlo hmel kha pu a, thinrim viau nge a nih le, ka thil hriat chhuah ah khan min lawmpui awm zawk tak a ni si a, min lawmpui thu a sawi lai ngei ngei pawh khan min lawmpui hauh lo tih chiang takin ka hria.

Brandon tih mipa ka hriat chhuah kha ka hmangaih thu ka hrilh a, mahse ka hmangaih reng em?

Engmah lah chu ka hriat belh leh tawh bawk si lo, ka buai nuai a niber mai, engvanga chu pa nen chuan inhual tawh ang hial a hria nge ka nih, kan inhual tawh a nih chuan khawiah nge ka zungbun hi a awm ang, oh accident ka tawh nalamah te pawh a ni maithei.

LUCA .....

Emma room chu lunghnur zetin ka chhuahsan a, ka tum aia ringin kawngkhar lah ka la khar ri bur zui.

Luca eng thil diklo nge maw i tih ṭhin hi le? Ka thil tih takah khan ka inchhir ngawih ngawih, mahse kha a heh nel thep tase kha hria leh ka duh tlat, chuan a heh nelthep mai a mah ngeiin a min fawhna kha hriat leh ka duh a, keiman a ka duh dan ang taka fawh kha ka chak thut a ni ber mai, chu mi ah chuan atthlak zetin ka insum thei tali a nih kha, mahse chu thil ka tihlai mek chuan inchhirna lian tak nei turin Brandon tih hming mipa pakhat hriat chhuah tir tu lek ka ni ta zawk a nih kha, Hrep tak chuan Luca, hetiangin hmeichhe lakah feelings i neih ngai loh kha.

He nu lak aṭang a ka tih tur ṭha ber ni a lang chu a mah hlat thei ang ber tura awm chauh hi tih pawh ka hre bawk, f*ck engvanga a pasal hual hriat chhuah tir tu mai mai nge ka nih? Hmeichhe pakhat mai mai a vangin ka lunghnur a maw, a pasalhual chu ka thik tihna em ni? Nilo ka thik hauh lo, Luca hmwuchhe kawp tur te chu i ngah a ni lo'm ni, chu chu thuhran, ka kawp nih chakin ka hma ah an intlar terh tuarh a nih kha he hmeichhia aia nalh nalh hi an ni vek bawk, Mahse engvang nge he hmeichhia hian a hneh viau bawk si che?

Pawnlamah chhuah a boruak thiang dawn ngai ta berin ka hria, chutiang ka tih loh phei chuan he ka ngaihtuahna a vang hian ka kâ hlen mai dawnin ka hre tlat; pawnah chuan ka chhuak nghal ta daih a.

Kan swimingpool bulah chuan dingin ka cigar ka ṭan kai a, hip vang vang pah chuan hahdam thei angbera awm chu ka tum bawk a, "Luca Romano, mei zuk chung changah khan eng nge ka hrilh che kha?" Ka hnunglam a ṭang chuan ka nu aw tliang fim ral mai, fiah kek kawk tak chuan a rawn ti hmarh hmarh a.

A lam hawi a inher thuai chung hian ka cigar zuk lai pawh ka paih nghal hmak, "Ma khatiang thil a thlen hnuah phei kha chuan ka lo beisei vak tawh hleinem che." Ka ti ve sup.

"Kha chu a ni a lawm, nilo sela zawng ka lo thleng daih tawh zawk tur hi a nia, chuan engvanga chunglama engmah pawh inbel lo in leh mei zu bawk a pawnlama hmu che nge ka nih?"

Ka mengkual khum rulh a, ka nu hi hmeichhe invawng fel tak mai a ni a, ka pa leh kan unau pawh hi engtik lai pawh a suit inbel zuih tura min duh reng tu pawh a ni bawk, "Luca thu diktak sawi rawh."

"Ma, tui chen ka lo tum mek a, chuvangin lawm thawmhnaw pawh ka inbel tlem chhan."

,Mahse tui chu i cheng ta chuang lo a, a ni em Luca?" A mit meng fing zet chuan ka taksa chu a melhkual a.

"Ma, tui chennan a la hma deuh hlek tih pawn ka chhuah hian ka hre ve chauh a lawm maw le." Ka kut chuan ka chal ka dawm pah ruih bawk a.

"Kal la Riccardo bulah va phun veleh rawh, a ni pawh mei a zu ve tho tih pawh i hriat reng kha."

"I nau ngei pawh mei i lo zuk tur ve tawh tihna maw ni a?" Ka nu chuan rapthlak tih hmel fe hian min chhoh melh rawm rawm a.

"Che cazzo."

"Nihleh khawnge tunah Emma in tih chu a awm? A chung chang thu hi ka hre nasa tawh viau a nia."

"Enteh Ma, hetah hian thu ber anga rawn lan tum duh suh! A chhan chu Emma nen hian kan inkawpna pawh a la rei lo, ka hmeichhe duh tak a ni tih chu ka hria, mahse a ni pawhin kal vut vut chu a duh hauh lo ang, chuan hmeichhe dang ang a nihloh a vangin i tihluihna ang chi kha a mamawh bawk hek lo."

"Huh, teuhlo mai, i pa rawn sawi dan phei chuan tun hma in tiang ang remg renga hlima a hmuh che a la hriatloh thu a sawi a sin."

"Ka pa chuan eng nge a sawi pawh a hre lo a nih chu!" Ka ti chhuak ruih.

"Zanin hian i pa nen dinner kan ei dawn a, nang leh Emma pawh dar sarih ah lo inpeih ve bawk ang che u."

Kan piah a ka nau in a ṭanga  rawn kal chhuak ve chiah chu lawm zet hian ka lo au ding nghal a, "Uhh, Rick a hun takah i rawn thleng in ka hria, Ma hian biak duhna che a neih thu min lo hrilh mek a."

"Eng lam pang nge?" Ti in peihloh hmel zet chuan a rawn kal phei ve nghal a.

"Mei i zuk ve thu ka lo hria a, heihi i sawifiah ve ngei chu a ngai ang." Ma in a ti chiah Rick chuan min rawn melh rum ngang mai.

"Really Luca?" A ti deuh hrawih.

Keilah pek chuan ka mit ka lo siai khum.zauh a, engyhawl zetin inchhunglamah ka luh san dun ta daih a.

Ka room lam ka pan chho a, ka nu awm chhung chu ka zia ka thup leh a ngai dawn chu a ni si a le, couch ah ka mu thlawrh a, rei pawh ka awmhman hma chuan ka room kawngkhar a rawn inhawng leh a, Dante hmel ka hmu zui leh nghal bawk, thawk ka la hawk.

"I buai hmel hle mai."

"Ṭan leh lo teh Dante, Ma hetah a awm tawh leh nghal, ka lu hi a na lutuk sa tawh leh nghal, chhuat chamg taka ka lu chhut hrep ang cel ni hialin ka hria." Ka ti zawi ruih.

A ni chu a nui chhuak nasa mai a, ka mutna a ṭang chian ka ṭhu chhuak a, "Vawiinah Emma hi i hmu tawh reng reng em?"

"Nope, i phone ah chiah ka la hmu."

Ka ding chhuak a, Dante chu ka pan phei nghal a, "Eng nge i thusawi chu a awmzia?"

Ka phone a ken lan chu va melhin, "Chuan ka phoneah khan eng nge i tih?"

"Tukin khan kitchenah i kalsan a lawm, i la tifuh lo em em zui leh nghal, i pa in a screen a ti enga a nui nghal vawr a sin."

"A eng thu hrep chu nge maw i sawi chiam chiam le?"

A ni chu ka phone en reng ching chian a la nui ta deuh deuh, ka hrethiam hauh lo.

"Khawimaw min lo pe teh!"

Ka phone chu a kut a ṭang chian ka chhuhsak nghal a, a screen kan en ve nak chuan anchhiah ka lawh nghal sup, "Hrep tak chuan he nu hi ka that dawn chiang a lawm, delete nghal hial teh mai mai chuan." Ka phone screen saver a tan a bianga ka fawhsak lai kha a lo hmang reng a lo ni a, chu thil ka hmu zet chu ka thaw nghal hrawih.

"Ka tum tawh reng a lawm, mahse password a dah tlat a ka ti thei bik lo."

Ka maimitchhing nghal sawk, ka thunrimna chu up beh hram hram.ka tum bawk, ka thinrim em a vang chuan ka ka aṭang chuan boruak lum hi ka thaw chhuak hum hum nimai hian ka hria, "Elena hi engvanga heta lokal ve ta thut nge maw a nih le?"

"Oh, i hre thiam mai lo em ni? Ka pa in hmeichhe duhawm zet ka kawl tih a hrilh veleh mi neih luih tir tumin a rawn kal a niang chu."

"Emma chu nih leh a hmu ve tawh reng em?"

"La hmu lo, zanin hian dinner neihna ah a hmu ang chu!"

"Uhh, a nawm viau dawn chu maw le."

"Yeah, a nawmdan tur pawh ka lu ah hian kua zau tak an siam ngei ka ring." Ka tih khum ve hmuk.

Dante nuih za lutuk chu a nui chhuak hawk hawk a, kei erawh ka nuih a za ve hauh lo, ka thusawi kha nuihzat tura siam lah ka ni hek lo.

Chutiang chuan ka room ah ka la awm ngat ngat, Luca hi fawp leh ta ila kha memory kha a lo kir leh ang em? Kha pa Brandon nen khan kan infawp a, mahse tun deuh lawk a Luca ka fawh ang zet kha chu a ni hauh lo tih ka hre thei, Luca min fawhna kha chuan keimah ah phurna mak danglam zet a thlen tlat ṭhin, min fawhna mai pawh nilo a huhang hrim.hrim hian ka ngaihtuahna a tibuai nghal vek zel.

BACKIN NEW YORK....

DETROIT....

Zing a nih hnu chuan kan inpeih vek hlawm tawh a, vawiin hi Callie  kan thlah hun tur a nih a vangin zanlamah pawh tumah muṭha kan awm ka ring lo.

Hunter leh Cooper pawh insiam.peihfel atin ka lam an rawn pan a, chu hmuna cheng ho tan chiun kan thawmhnaw dum in bel ang mai chuan kan lungngaih hmel vek bawk, naupang ho chen chuan tumah hmelhlim hmuh tur an awm lo.

"Ta ṭang hian biakin lam chu kan pan mai dawn tihna mi?" Cooper chuan ka lo dinna bul an rawn thlen.hnu chuana ti sup a.

"Biakin lamah kan kal dawn hleinem."

"Ngati nge?" Hunter chuan a lo ti ve hruih a.

"Trey chuan inlama ṭawngtaina hunserh hman a duh vang maw le, chumi hnuah mitthi vuina hunserh pawh hman chhunzawm leh nghal a ni bawk ang."

"Callie chu khawia phum nge a tih hrim hrim?"

"Alex bula phum a ti ve in ka hria, chuan chumi hnuah a mah hriatrengna turin inhnunglam huan lamah hian a mah vuina hun hranpa in kan hmang leh ang,chu chu Theo 

duh dan a ni ve thung a."

TREY.....

Callie min kalsan thu ka hriat hnu a ṭangin mut ṭhat pangai takin ka la mu lo hrim hrim a, zanlamah lah kan room kswngka rawn hawnga, "Ka rswn tlai deuh a ni e, dinner a tan eng nge ka siam.sak ang che? " ti a mi zawt pah a a thawmhnaw phelh mawlh mawlh chunga mi rawn pan hnaiin ka hmuiah minrawn fawh sak zauh tura riimna hi ka la nei tlat.

Hetianga ka awm.reng zawngun ka la kul cho zi tak ngial ang maw le, mahse Callie erawh ka theihnghilh thei tak tak lo ang, kan fa te tetlai ka ngaihtuah a, kan nupa chu kan inhmuthiamlo ngun ve lutuk, mahse kan hlimni erawh a tam.mah zawkin ka hria, naute ṭap ri chuan ka ngaihruahna chu a tibuai zo leh ta a.

Sofia in a hnute tur min chhawpsak sa chu ka pe a, ka lung a chhe lek lek, kan pahnih a Tori chu keimah chauhin a ka enkawl zui a ngai dawn ta mai hi ka hre thiam theilo, Cal kha khawvela ka hmeichhe hmangaih ber a ni a, ka tan chuan a ni theihnghilh zawng thil harsa tak zawng a ni ngei ang le.

Tori ka awih mut leh hnu chuan kei pawh khum lam ka pan leh ta a, ka taksa chu a chau ngawuh ngawih a, mahse hahdam tir turin ka pachang thei si lo.

Naktuk ka hmangaih kan thlahliam ni tur lo thleng tur te chu ka huphurh ngawih ngawih a, zan hi ral theilo in naktuk hi engtikah mah rawn her chhuak lo se tihna hlirin ka khat bawk.

Ka mit tui chu ka mit a ṭang chian a luangthla nguai nguai a, he ka mittui te hian ka nupui ngaih em em chu min koh haw sal thei sela ka ri kher mai, chutiang chu ni thei se zawng he inkhat lung pawh hian ka mittui chu ka sur tir mai tur hi a nia.

Chutianga koh haw theih nise ka theihna zawng zawng leh ka phak bakin ka ko tur, ka taksa chauh luat a vang chuan ka mit ka chhing ve riai riai a, fiahlo zeta ja khum bula Callie ngei ni a ka hriat ding chu ka hmu thei ta a, ka chauh tawh em.a vangin a tak nge mumang mai tih lah ka thliar hrang thiam tawh hek lo.

"TREY."

"Callie." Ka nupui aw mawi zet mai ka han hre leh chu ka lawm kher mai, ka harh sawng sawng hian ka inhre hial, ka dam nghal sawt bawk.

Callie chuan hlim hmel pu zet hian min lo en reng a, tunah chuan a hmel pawh chiang takin ka hmu thei ta, ka pan.hnai ngal ruak a .

"Callie nangmah i ni tak zet em?"

"Keimah tak tak ka nih hi Trey." A nui pah sak bawk a, rilru hahna neive lo ang mai hmel hi a pu a, a hmel hmuh chu a hahdam thlak ngei mai, kei erawhin mittui parawl ṭeuhin ka en let a.

Thawk ka la hawk , "Trey thil i ti ṭha lo viau mai, a ni em?"

"I tello chuan engmah ka ti theilo Cal."

"Nilo Trey, i ti thei lutuk, i ti ngei bawk ang, mipa chak tak ka hriat leh ka la hmuh ngailoh Trey Bailey i ni tih kha inhre ta che."

"Chuan Alexandra chungah pawh hian beidawng mailo in, ka tan min zawnchhuahsak bawk la, chhungkaw hlim tak leh midangin a an awh theih turin awm leh rawh u."

"Baby chu i thil sawi chu keimah chauhin ka tih thei lo, i tello chuan engmah ka ti theilo tih hi hre rawh Cal, i awm tawhlo tih hi ka pawm theilo, ka la thlahlel ngawih ngawuh bawk che." 

Ka mittui chu dan rual lohin a far zung zung bawk a, Callie chuan min ralsan leh mai ang tih hlau zet chuan ka kuah bet ta tlat a, ka ṭap chhuak hial ta bawk a, ka nupui chu ka ngaih em a vangin lungchhe van kai tak meuh in ka ṭap chhuak ta a ni.

"Khawngaihin min kalsan.tawh lo hram rawh, ka tuar theilo ang, min kalsan leh a nih chuan ka â zo vek mai ang, ka hmangaih che."

"Trey kei pawhin kalsan che hi ka duh biklo, mahse kei chu minung ka ni tawh lo a, ka kal leh ngei a ngai a lawm, min kal tir tawh rawh, min thlah ve tawh rawh Trey, tiang chuan hreawm ka ti lutuk ang."

"Nilo, babe, baby ka thlah tei lo che, ka keh chhe leh vek a ni mai, khawngaihtakin min kalsantawh lo hram rawh."

"I tello in engtin nge nun hi ka hman chhoh hrep dawn pawh ka hre lo."

Trey ka taksa hi i bulah pawh awm tawhlo nimahse i thinlungah erawh ka awm reng dawn tih hi hre ta che, chu chu pawm tum zawk rawh, ti chuan.mahni inti hreawm renglo in i zan ohah huai zawk ang, taksa ka la neihlai kha chuan pumkhat kan ni theilo a, tunah chuan pumkhat diktak kan.ni tawh dawn tih hi ring zawk ta che." Callie chuan ka sam chu min chul sak pah heuh heuh a, thlem chitin in min thlem.pawh ni se Callie chu ka thlah phal tawh lo.

"Kan fate hian an mamawh che a, an tan i awm reng ṭhin ang tih min tiam rawh."

"Ka tiam a che."

"Chuan ka kalsan.hma che in hei hi hria la ka duh bawk, engtiklai pawhin ka hmangaih reng ṭhin che a ni tih hi!"

"Trey."

"Callie." Ti in min rawn au tu chu ka chhang let sup ka muhil chu ka harh nghal a, tun deuh lawk a Callie ka hmuh kha ka mumang maw ni hrep a, harh chhuak leh tawhlo tura mut chawrh chawrh ka chak tehreng nena a tu phiangsen chuan nge min rawn ko harh hrep ni.

"Trey?" A rawn ti nawn leh a, Polina maw ni hrep a, "Yeah?" Ti in ka chhang ve nghal.

Polina chu a rawn lut a, ""Son i ṭha maw? I room zawn ka thlen khan Callie hming lamin i ṭap ni in ka hria a, ka nhaihtha lo in ka rawn ko ta che a lawm maw le." Inthiamloh hmel zet hian a ti a.

Ham deuh bui bui pah hian, "Ka ṭha a lawm, dar engzah nge ri tawh?" Ka ti nghal a, ka mutna khum a ṭang chuan.ka tho chhuak nghal bawk a.

"Dar sawm a pel chiah, rawn.tho chhuak la, i inpeih pawh a hun in ka hria."

Room chu ka melh phei vat, "Khawnge Tori?" Ka ti chhuak nghal ṭhawt a, Tori hi ka neih chhun a ni tawh a, ka mithmuhphaklo a a awm hi ka phal ngailo hrim hrim, Callie laka min hnem tu ber a nih tawh a vangin.

"A ni chu a ṭha e, Theo an tukin zing khan a rawn pawm thla a nih kha, Sofia in hnute pek a hun ti in Theo a chah a.

Thawk ka la huai a, a bo emaw ti in ka hlauthawn.hman tehreng nen, "Han in siam peih la inhnuai lanah kan inhmu leh dawn nia, car ho pawh a lo thleng ṭep tawhin ka ring."

A tih hnu chuan min chhuahsan leh ta a, shower hman lam pawh ngaihsak talo chuan a tak emaw ka tih ka mumang chu ka ngaihtuah kir leh a, Callie ka ngaihna chu a ti zual sauh, ka mumang a nih oawh ka ring chiah lo, Callue kha a tak viau in ka hria, eng nge min chah kha, kan fate enkawl turin leh Alexandra zawnchhuahsak tirin a nih kha, chu thil chu ka ti gei ngei ang, chu chu Callie laka ka intiamna a ni tawh tlat.

THEO....

Ka nu ruang pawh hlawm theilo a min awm tir tu hi ka la chhui chhuak khawp ang, tunah chuan kan lusun na a la reh lo a, nungdamin a la leng mai mai rih pawh a ni maithei e, mahse a rei tawh hauh lo ang, khawven nu zawng zawng zinga nu zaidam.ber mai leh lainatna ngah ber ka nu te ang that duh tu chu tunge maw ni a a han inhriat khanglang chu le? A la chak lo hle ang, ka zawng hmu ang a, a ni pawh a ruang hlawmtur awmlo in a taksa ka hlep ral raih ngei ang.

"Babe i ṭha maw?" Ka hnunglam.a tang chuan Sofia chuan a rawn.ti sep a.

"Zara ka nu vuina hun neihna tura kan hruai hi ruahmana ṭha tak a ni em tih ka lo ngaihtuah mai a nia."

"Ngaihtuah duh suh, a ṭha em em.ang tih ka hria a lawm, Khawnge Tori hi a awm?"

Ka nupui hmachhawn zawng chian ka inher a, thawk lak grawih pah hian, "Dana bukah a awm, a chhan chu ka pa in ka nu vuina hun hman laia inlama awmtir a duh lo a."

Sofia chu ngawirenga melh chhukin ka fawp ta chawt a, rei ngial ka fawh hnu leh zia awm.ta deuh a ka inhriat hnu chian ka thlah leh chauh a, chutia ka tih chuan zia deuh huaia inngaihna ka nei tlat bawk, a ni pawhin min hrethiam.hle hian ka hria, ka fawh chhung zawng khan min lo dan tum hmel oawh a pu lo a, chutiang tur chuan kut lah a thawh hek lo.

"Babe, tunah tak hi chian ka keh chhe zo vek niber a inhriatna ka nei." Ka mittui chu ka hru zauh a.

"Ka hrua a lawm Theo, eng ang chiahin nge i ngaih dawn leh i tawrh dawn tih hi ka hriatthiampui em em che a sin, heng i natna zawng zawng hi theih chu nise la i tawrh ai zawng zawng hi tawrhsak che ka inhuam, mahse ka tawrh sak thei bawk si lo che."

 A ṭap ta a, ka nupui chu ka kuah chawt a, kan pahnih chuan kan ṭap dun hi a ni ringawt, chutiang khawp chuan ka natna min chhawk duh chu ka ring bawk, min hmangaih em a, ka tan engmah ui a neilo mai pawh nilo in, ka tan eng pawh a huam ang tih ka hre bawk.

BACKIN SICILY....

ALEXANDRA....

Reivaklo hnu chuan kawngka an rawn kik leh dat dat a, "Lo lut rawh." Ti in ka lo chhawn a.

"Hey, you."

"Hey, whats up?"

"Luca in he kawr hi zanin a i hak a tan rawn pe  tur che in min ti a." Isabella chu plastic bag pakhat keng chung hian a rawn nui lut var var a.

"Eng nge zanin ah chuan awm dawn a?"

"Ka nu leh pa zanin hian Luca nen dinner in eipui dawn ni in ka hria."

"I nu a lo thleng tawh a maw?" Ka phu deuh zawk a.

"Khatin ngaihtuah hah viau ang chuan awm lo teh, Luca leh Rick ang a ni ve hauh lo a nia." A nui leh var var a.

"Luca chuan he a kawr hak tura a rawn pek che hi iha duh lo a nih chuan hak kher a ngailo a ti a, nangma ngaihdan dan a nih chu!"

"A chhan chu eng kawr nge i hak dawn a hre lo a, chuvanga thlansak ve mai mai che a nih thu a sawi bawk a, i duh lrh i ha anga, i duhloh pawn i ha lo thei tho bawk."

"Ok, ka lawm e." Ka nui let ve seih a.

"Luca min hrilh danin darsarih ah lo inpeih hman tur che in a ti a nih chu, hlim takin hun inva hmang dawn nia." A tih leh hnu chuan a kal chhuak leh ta a.

Engvanga Luca chuan a mahin a he thawmhnaw hi min rawn pe ve thei mailo nge a nih? Tih zawhna chu ka nei nghal.

Min pehhél a tum vang em ni ang? "Oh chulam pang ngaihtuah choam chiam lo in inpeih vat ila a ṭhat ber ka ring." 

Phurlo zet hian bathroom lam chu shower hmang turin ka pan ta a.

Bathroom chhung ka lut tui lum chu ka hreh haw nghal a, tun nirei vak lo chhung kha chu Luca hian min pumpelhna tur a zawng char char tih a awmdan a ṭang chuan ka hrethiam vek, eng nge a chhan ni ta ang? Nge Brandon emaw pawh hi a thik vang zawk? Chu pawh chu a ni maithei, a mah zawkin min fawp a, Brandon hming ka la lam chhuak zui a nia, kei ngei pawhin tiang hian awm ve ni se ka thik ve tho ang.

Ni lo, a duh zawng ka loh zia pawh ka bulah a sawi chian tawh em kha, chuti chung chian engvanga a chung chang thu la ngaihtuah choam vhiqm nge maw ka nih le, min fawhna te kha chu a thil tih a ka ngaihdam a vanga thleng ve chauh zawk a ni ti hian pawm tum rawh Emma, chu chu i tuna ṭha ber tur pawh a ni.

"Oh, engvanga ka bula a awmloh hleka ngai viau ṭhin nge maw ka nih mai chu le?" Ti a phun chhuah zauh chung hian shower chu ka off a.

He Luca leh a chung chamg thil hrim hrim hi ka theihnghilh theih leh ka tan a ṭha hma a ni mai. A ni chu ka tan ṭhian satluah mai a ni a, chubak thildang engmah a awm lo.

A kawr rawn thawn chu in enchhin teh ang hmiang ti rilru chung chuan ka room a chair awm chunga plastic bag ka dah chu ka la kang a, a chhung chu zen rak rakin kawr chu la phawrh chhuak a, chu kawr ka hmu zet chu ka mengphar nghal awn awn mai, thawmhnaw nalh tak leh changkang zet mai a ni tih ka hre chiang hle, a puan pawh a ṭha hle a, chutiang bawkin a ṭhuidan lah a nalh hle bawk, a man a to ngawt ang le.

Chu kawr chu chunglam pang rswng hran.ni in van dumpawl ang maiin a pawdal raih a, ka mitmu nena inchawih viau bawk, hnuailam pang chu rawng dum a ni a, a ouan a ṭha kher mai, ka ha chhin darthlalanga ka thla lo lang ka en chuan Luca chuan.thawhnaw lampangah mi inhmeh tur chi a hre hle hian ka hria.

Hetiang thawmhnaw nalh tak a rawn dah dan a ṭang hian hmun eng emaw takah chuan ka kal ngei ka ring, entir nan hotel chang kang tak ang chi ah hian.

Ka sam chu engtin vak mah a tu dang lam lo in mam tak hian.ka khuih a, ka kawr hak rem tur tak chuan lipstick sen no dal raih ka in tat zauh bawk a, powder tlem.ka in chilh thuak thuak a, ka inpeih chu a ni mai e, pheikhawk dahna lam ka pan leh a, duh aia Luca chu kei aia a lang san deuh viau ṭhin avangin tlema pheikhawk sang ve deuh tak bun ka rilruk bawk a, chu pheikhawk sang tha ve tak ka bun a vang chuan ka ke a nat hmanloh hram beisei ang.

Banga sana ka en chuan dar sarih a lo ri ṭep tawhtih ka hre nghal a, inhnuailamah chuan ka chhuk ve ta a, sitting room lamah chuan tunah ka zu hmu lo, kitchen lam ka pan phei leh a, tah chian Luca leh a nu niawm tak insiamfel sa ap a lo inbe mawlh mawlh chu ka va hmu ta a.

Ka awm ve a ni tih hriatnan, "Hey." Ka ti zauh bawk a.

"Heihi em ni Emma chu?" Chu nu   la valai tak leh Luca te nu ni a tinawmlo khawp a la thalai, inchei nalh zet mai sam dum hlap tan tawi mat mai chuan a lo ti nghal a, chu nu chu Luca te nu tih hriat zet hian a nuluanin a sang ṭha hle a, a hmel chu a ngainat awmnghal em em bawk.

Zam zeta ka ding tlawn reng chu Luca chian min rawn pan phei a, duhthawh zet hian ka hmuiah min rawn fawhsak ta a, lo dan chu ka tum hran pa lo, mahse mi a fawhna chu a tak thei em a, lo chhan let ve mai chakna min neih tir ziah bawk, mahse a ni erawh chuan lemchan naah a puh leh dawn bawk si, engvanga infawhna a thleng tawh dawn lo tih leh a mah ah engmah effect a neilo ti a min hrilh tawh hnu a min la fawp zel ṭhin nge a nih ang?

A,tawp a tawp ah leh ja kaiza tha chen a a tuh zawu vek hnuah chuah Luca chuan min fawhna chu a thlah ve ta ṭawk a. "I thawmhnaw rawnin bel chu i inhmeh hle mai, a tilang ṭha viau bawk che." A ti ve sup a, chu thu keh a mi fakna awja hrim hrim hi a lak a ṭangin ka ka dawng ngailo a, mak min tih tir a, ka chi ai chhiat phah viau bawk.

Thawk halh pah hian, "Ka lawm e." Ka ti ve sap a.

"Inpahnih hian in inhmeh dun viau bawkin ka hria, i pa khan a sawi dik viau ni in ka hria." Luca nu ngei chuan a rawn ti ve a.

Luca chuan min hnungchhawn in a nu lam chu a hawi a, "Ma hei hi Emma chu a nih hi!" A tihlai chuan vawt tihna hian min ṭham deuh ar ar hian ka hria.

"Mrs.Romano kan.inhmu chu ka lawm e." Ka aw khur deuh dar dar chu ka haw tak zet, ebgvanga zam.chhe ta viau nge maw ka nih ke?

"Dear nangpawh le, chuan khawngaihin Elena ti un min ko tawh dawn nia."

"Luca hmeichhe duhawm.tak a nih hi!" A nui chhuak hak hak a, nufel tak leh ngainat awm tak ni turah ka ngai hmiah.

"Engvangin nge a ni hi i thlan chhan tih ka hre thiam mai."

"Ma uite note a niloh hi!" Luca chuan a ti leh nghut a.

"Ka hria a lawm Luca." A la nui chhuak.hak hak reng a.

"Ok, in inpeih tawh maw?" Tlema thutak deuh zawk hian a rawn ti leh a .

"Ma, keima car ka keng ang, a chhan chu dinner kan ei zawh hnu hian khawi emaw hmunah kal na tur kan nei a."

"Ok, a nih leh a hmunah inhmuh kan tum dawn nia, rawn tlai lo ang che u, ka til a ṭam tawh teh,mai a nia." Ti a a sawi hnu chuan min chhuahsan ta a.

A nu a kal ta tih hnuah leh kan ṭawng a hre phak tawh lo a ka rin hnu vel chuan Luca chu melh chho chungin, "Dinner neih zawh hnuah chuan khawiah nge ksn kal dawn?" Ka ti khauh a.

"Khawiah pawh a niang chu, ka car ken ka duh nachhan tak zawk chu hetiang thil vel a ṭang a ka nu ṭawng tam lutuk tur laka ta kan awmbo phah thei ang a, chu chu ka ngaihtuah vang zawk a ni, a ni ang kumah chuan zawhna a nei tu ru dawn si a, nang lahin chhan harsa i ti thei viau bawk nen."

Ka nui chhuak ta a, "Ka fawh leh che a vang khan thupha ka chawi e, a hmuh lai a ka fawp lo che a nih vaih chuan a ngaihdan a ni leh dawn si lo a." A ban phar chhuah deuh duai pah hin a ti a.

"Its ok." Ka nuilai chu ka tawp phah chaih a, ka zam leh nghal em em ringawt, he pa bulah hian awm nuamlo leh khawr ṭetin ka awm.a, ka bula a awm loh lahin ruak ta huai a inngaihna leh a mah ngaih ngawih ngawih na in ka khat leh ṭhin thung si.

"Car ka lo va la chhuak ang e, pawn lamah min rawn hmu dawn nia." Ti in kal chhuah chu a rual ta nghal a.

Oh damn hei chu a tha lo leh hle dawn a nih hi, engvang chuan nge a thatlohna tur erawh ka hre ra chuang lo, Luc duh dan anga kan pahnih chiah a kal pawh chu a ṭha maithei, a chhan chu a nu kha a ât loh hmel.tlat, chuloah tiang lamah hi chuan mipa ai nahin hmeichhia hi bum.an har bik.

Mahse a zawhna hrang hrang chhan theihloh neia kan lemchan hi hriat chhuah a nih ai chuan Luca bula zam tak leh nuamlo tiru taka ṭhut chu a la ziaawm zawk ang.

Engvanga Luca chung chang hi ngaihven chat char nge maw ka nih le, thawk ka la leh halh a, Luca hi ka hmangaih tak zet ni a in ka hre ta a.