IT'S JUST AN ILLUSION CHAPTER 32

IT'S JUST AN ILLUSION CHAPTER 32

Ka lo let leh ta, min lo la hre em ang chu maw, tun a ṭang chuan kan dah chhun zawm leh beuh beuh thei tawh dawn a, a hma a chhiar ṭhin ho pawh khan chawlhsan mai lo a min lo chhiar sak leh ṭheuh turin ka rawn ngen che u a ni e, chuan fakna kan hmeh dan kha ka sawi fiah lawk duh a darkar 24 chhungin vawikhat min hmeh sakin second sawm chhung min nghah sak anga  chuan kan back leh zeuh ang , chu zawng te chu a ni e, chuan fakna hmeh lamah ṭhahnem min ngaih thar sak a vangin in chungah ka lawm em em bawk e, zanin a ṭang chuan kan hmet leh chur chur thei tawh aw.

MEANWHILE IN SICILY.....

Luca chuan Jonas a biak zawh hnu chuan a nupui chu hospital lamah ultrasound nei turin ahruai a, hospital an thleng an test tihna tur room an luh chuan nurse chuan a lo nghak reng tawh a, "Romanos vawiin lam te kan ṭha maw?" A nui pah var var a.

"Kan ṭha a e." Alex chuan alo ti a.

"In naute hmu tur chuan in inpeih tawh maw?"

"Inpeihlo ni ila helai hmun kan rawn thleng nang."

"A zam deuh vang mai maiah ngai rawh." Alex chuan ti a sawiin khum lam chu panin a mu nghal a.

 "Engmah zamna chhan tur a awm hleinem." Tih pahin nurse chuan Serra chu a en nghal ta mawlh mawlh a.

"A hmasa in naute lungphu a ṭha nge ṭha lo kan en phawt ang."

Alex dul chu a hlim nghal , "In naute lo piang tur hi mipa nge a nih hmeichhia tih in hre lawk duh em?"

"Si."

"No."

"I hriat duh ka rin vang a nia." Luca chuan a nupui chu chik zeta melh chung hian a ti a .

"Khatiang a kan tih te chuan a nuam dawn lo e, a hlimawm pawh ka ring chiah lo.

"Hmm, Em, kei chuan i duhthlanna kha engpawh ka pawm e."

"Engtik nge i neih hun tur?" Nurse chuan a ti leh a.

"17 june hi antia lawm."

"Uhh, chuti a nih chuan thlathum chauh a bak tawh a nih chu!"

"Nia."

Nurse chuan machine chu a on pah nghal mawlh mawlh a, "Engthil nge maw i tih le?"

"4D kha in book a nilo'm ni?"

"Kan ti ngei a lawm."

"Thil diklo a awm em ni nurse?" Alex chuan a lo ti ve vat a.

"Chutiang lam pawh ani lo." Monitor lama fiah deuh tak a rawn lang lam chu a thlir vang vanga .

"Enge a awmizia nihrep?"

"Luca." Alex chuan a lo ti vat a.

"4D image lang chiang thei tur hian hun reilo te min lo pe lawk ru aw."

Screen abih vang vang hnu chuan a rawn ṭawng chhuak ta a, "Ka hmuh dan chuan phir in nei dawn ni in a lang."

"Eng maw?" Alex chu a meng phawk nasa mai.

"Eng a?" Luca phei chu a phu nasa lutuk ringawt, fa pakhat chauh beisei laia pahnih nurse in a han ti chuan a ṭhawng kher mai.

"Naute pahnih hrisel tak tak te."

"Ngawi teh, naute pakhat chauh a lawm kan beisei pahnih nilo in." Luca chuan ati chhuak ta phawng a.

"Luca in bengdai rawh."

"In bengdaih maw, i pum chhungah naute pahnih a awm a, chuti chung chuan in bengdai turin min duh a?"

"Luca thâwk la rawh."

Luca pawh chuan Alex thusawi chu zawmin thawk a la ri kawk a.

"In chhungte ah phir piang an awm tawh tihna mi?" Nurse chuan a ti leh a, Alex chuan a lo chhang nghal, "Aw, Luca nau mipa leh hmeichhia te hi phir an nia."

"Oh God, boruak thiang dawn ka ngai." Luca chuan a ti chhuak ruih a, midang thusawi tur pawh ngai chang ta chuang lo chuan a kal chhuak ta daih a.

Nurse chuan Luca kal chhuak ta ngaihtuah hmel zet chuan, " A  ngaih tuahawm loh ang maw?" A ti a .

Alex chu a nui chhuak sak, "Ngaihtuahawm lo ang, a ṭha veleh mai ang, in control a duh vang mai chauh a nih kha, hetiang thil in a han ṭhawng thut hian a awmthiam ṭhin lo a ." Ti in a lo chhang a.

Nurse pawh chuan a thusawi hriatthiam.hmel zeta nuih ve sak pah chuan, "Mipa ho hi chu." A ti ve hlak.

"Chuan sawi chhunzawm rawh le."

"Naute chu mipa nge a nih hmeichhia tih hriat chu in duh ta em?"

"Mmmmmm....."

Luca chu engdang ngaihtuah theilo leh rilru pangkhing zetin hospital room chu a chhuahsan a, pawn lamah chhuakin phir ti a ngaihtuahin a mit a chhing nghal sawk, nilo, hetin ka buai phili tur a ni hauh lo, hetia ka awm na chhan pawh naute pakhat ka beisei laia pahnih a nih tak thut vang chauh hi a ni. A ti rilru bawk a.

"Naute pahnih vawikhata enkawl seilen chu engtiang chiah a harsa nge a nih ang?" A phone chu a phawrh chhuak a,Jonas hnen a ṭangin voicemail dawng tih a hmuh chuan, a check ta nghal a.

"Luc cod...."

"Codice rosso."

"Ka sawi nawn leh ang, codice rosso."

"F*ck." Luca chu a thuhriat chuan a ṭhawng kher mai, he thu hi kum tamtak chhung Jonas hnen a ṭangin a hre tawh ngailo a, tunah engvanga hre ta thut nge a nih? Ngaihṭhatlohna hlirin a khat nghal bawk, Em a hmuh angai ang, hospital room lam chu hmanhmawh zetin a pan leh ta nghal a, Alex room a ṭanga rawn chhuak chiah nen chuan an in su ṭhelh leh nghal , Alex chuan a pasal hmel chiai nahlir akhat chu melh vang vangin , "I ṭha maw?" A lo ti a.

"Kan kal a ngai."

"Eng thil nge thleng leh ta?"

"Em eng thil nge thleng tih sawifiah turin tunah hi chuan hun pawh ka nei lo." Vin zet hian a ti chhuak nghal ṭhawt.

Alex chuan a hmui a lo hup chaih a,a pasal chu mak ti zet hian a melhchho kal a

Luca chuan inbengdaih tumzeta thawk lak hawk pah hian, "Em ka au khum vak che a vang khan ka tihpalh."

"Naute vang kha em ni?" Lawi deuh tak sin rat hian a lo ti a.

"Eng maw?" Luca rilru ah chuan naute lam a lang leh tawh lo hrim hrim.

"Kan naute te kha i duhlo em ni?"

Luca chuan a nupui chu duat zet a kuahin a awmah a bei tir a, "Nilo, nilo, honey, naute a vang kha chuan ka hlim lutuk ringawt, khatia ka buai chiam a vang erawh kha chuan pawi ka ti lutuk, ka â hle mai." Ti in thupha a chawi pah nghal a.

"Nih leh enge diklo awm a?"

"Tunah hian Jonas chuan buaina a tawk a, America lamah ka thlawh nghal vat a ngai ang ."

Alex pawh a phu ve zawk, "A mah a ṭha em? Eng buaina nge tawh leh tawh?" Ngaihtuah hmel zet hian a ti ve a.

"Em ka hre bik chiah lo." Luca chuan a sam chu a tuai chho pawk a.

"Luca ka van hrethiam lo?"

"Voicemail a lo hnut chhiah a."

"Engthu nge a rawn sawi?"

"Codice rosso, Jonas America a kir ṭum khan kum kua chauh a la ni a, tah chuan kan pahnih in code ang reng deuh kan insiam a, chu chu kan inmamawh viau a nih chauhin kan hmang tur a ni tih a ni, chu thil kan siam chu codice rosso hi a ni a, a awmzia chu SOS tihna ang hi a ni."

"Enge a awmzia?"

"Chumi awmzia chu code red tihna a ni a, buaina a tawk a, min mamawh viau tihna a nih chu."

Alex chuan a pasal chu nghet leh zual hian a lo kuah a, "He thu hi kum sawmhnih chuang ngawt Jonas chuan a sawi tawh lo."

"Chuti a nih chuan i kal ngeia ngai tihna a nih chu!" A lo ti ve sap a.

"Ka hria a lawm."

Hmanhmawh zet leh rilru buai deuh nuai in inlamah an in khalh hawng a, Alex chuan a pasal buaina chu a hrethiam kher mai, chuvang chuan naute lam pawh chu a sawi pui duh rih lo a, nakinah buaina a reh hunah a la sawipui a niang chu, tunah chuan a unaupa pianpui ang maia a enJonas chuan buaina a tawk a,chu chu a ngaihven rih a ngai tih pawh a hria, in an thlen hnu chuan a pasal hmuia fawh sak zauh chungin, a room lamah a awm tur thu leh tluang taka kal turin leh engkim ti fel thuai a Jonas buaina chu chingfel sak thuai tura chahin a room lamah a chhoh san ta nghal a, Luca pawh insiam mawlh mawlhin Dente leh Riccardo chu inpeih nghal turin leh tun mai tut tuta America lama an thlawh luh tur thu a hrilh nghal a, a jet pawh lo peih nghal turin a hrilh tel bawk a, an han inpeih fel.meuh chuan darkar khat chu a ral der, hmanhmawh zetin jet lam chu an pan nghal a, attlantic tuipui pawl dum kuk chunga an awm lai chuan Luca erawh rilru hah a vangain an chuanna jet chhungah chuan a vei tawn chhen thung!

A phone chu phawrhin a pa a be nghal a, "Dad tunah hian America lam kan pan mek a, ka bulah Dante leh Rick ka hruai tel bawk, nangin kha lama kha ilo enkawl a ngai ang, tunah hian Jonas chuan buaina liantham tak a tawk leh a,  a bik takin Em kha a nau neih a hnai tawhsi a, lo ngaihven ṭha ang che."

" dad buaina liantham tak a ni ngei ang tih ka hria, a chhan chu kan code hman ṭhin kha a rawn hmang tlat."

"I chiang chiah maw?"

"Ok, dad, ka lo ngaihven reng ang, chuan thuthar a awm veleh ka rawn hrilh vat dawn che nia."

"Enge a lo hrilh che a?"Dante chu a rawn kal hnai a.

"Kar hmasa khan Douglas Weslake chu jail a ṭangin a chhuak a nih chu."

"Chu chuan Sierra hi a pa tan a thawk tih a rin tir mai lo em ni? chumi a ni emaw tunge he thilah hian thawk tih hi kan hriat chhuah a ṭulin ka hria."

"Kei pawhin chu chu ngaihtuah a ngai ni in ka hria,mahse Jonas ka hrilh a nih chuan a chhanna tur pawh aih tih a ni, chuan he a thil tih ah hian a duh thlanna chu ka pawm sak bawk ."

"Chu loah Jonas sawi danin Sierra a bo ni khan a room chhungah thisen a hmu tel tlat."

"Nih leh eng thil nge kan ngaihven tak hi? Eng ang chiah a thil ṭha lo nge a nih tak ang?"

"Eng ang pawh a ṭha lo ni rawh se, Jonas hian a mah pui turin min rawn ti a, chu chu eng pawh ni se kan tih ngei a ngai ang, Pathian hmingin tu pawh lo inrawlh in lo in hnamhnawih rawh se, Jonas chuan a mal te te in a that duh vek dawn tih hi ka chiang."

"I sawi dan hmangah chuan he kan hmeichhe sawi hi Jonas chuan a hmangaih viau tihna a ni maw?" 

"A hmangaih ti chuan a sawi hauh lo a.....mahse ka ngaihdan chuan a nih erawh ka ring."

****           ******           *****

Jonas chu a penthouse chhungah,  chuan rilru hah zeta inngaihtuah chungin a vei tawn chhen a, zan lamah lah mut a hmu ṭha hek lo, ngaihtuahna fim hmang turin mut chu a mamawh , mahse a thei ngang lo, Sierra bo a ṭangin darkar 24 chu a ral ta a, eng thil nge maw ka hriat hmaih chiah le? Jonas ngaihtuah rawh, ngaihtuah chiang rawh, he penthouse ah hian hmeichhe pahnih i chen pui a, pakhat a bo a, pakhat erawh a la awm thung a, "Morning, breakfast i duh ang em?" Melody in a rawn tih takah chuan a inher a, chu zawng chauh chu em ni?

"Nang hi i ni chiang lutuk." A ti chhuak ta ṭhawt a.

"Eng maw?" Melody chuan maktih hmel zet hian a lo melh a. 

"Hetah i awm ve a, ka password hre tu i ni bawk a." Jonas mitmeng chu a rapthlak kher mai.

"Nilo, ka nilo tih chiang takin ka sawi ngam."

"Dawt i sawi chiang lutuk, kha i hmel ah pawh a hriat theih vek a lawm." Jonas aw chu a zawi ṭha hle a chu, a ṭawngkam vin ai mah in tuna a ṭawng"  chhuah dan chu a rapawm hle tawh zawk.

"Kha thil ah kha chuan ka ni hauh lo."

"Nih leh eng chung changah nge?"

"Sierra kha ka puihna dil in a rawn kal a." A zam em a vang chuan a aw chu a  khur dar dar hial a, a chhan pawh Jonas chuan a that hreh dawn hauh lo tih lah hre chiang hle si a .

"Mahse ka pui ta chuang lo."

"Eng chung changah maw?" Jonas  zawk chuan a va hnaihchilh nghal a.

"He hmun a ṭanga chhuak thei tur hian ka puihna a rawn ngen a."

Chutih lai chuan Luca, Riccardo leh  Dante pawhin Jonas penthouse chu an rawn thleng ve chiah, Jonas leh Melody lo in melh tawn ran an hmuh chuan, "Jonas eng thil nge thleng?" Luca chuan a rawn ti lut nghal a.

"Luc minute reilo te min han pe lawk teh." Ti in tihbuai a duhloh zia a ṭawngkamah chuan a tilang nghal a.

Melody lam bawk chu en lehin, "Engvangin nge i puihna chu a ngen anga?" A aw chu a rum leh nghal der tawh.

"A chhan chu a hmangaih che a vangin leh i hlimna a duh a vangin."

"Chu chuan a hrilh fiah hrep lo, min hmangaih a nih chuan min chhuahsan a duh hauh lo ang."

"Mi....min hmangaih thu ka hrilh a..."

Jonas chu a meng rum kher mai, chu baka men rum leh dan a awm chuang awm lo ve tihtheih tur hi ani a, rang lutukin a silai chu a phawi chhuak a, Melody chu tin pahin,"Thildang zep ruk i la nei."

"Okay, Bugsy tan ka thawk." A ti chhuak ta nge nge a.

"Eng maw?" Jonas pawh chu a thu hriat chuan a ṭhawng ve kher mai, kha leh chen kha Melody hi a lo kawp tawh a, a 

 penthouse ah meuh a hruai lut bawk a, Bugsy tana thawk a ni ang tih rin ngaihna reng a lo hre ngailo hrim.hrim.

"Ka thawhna chhan tak pawh Sierra lak a ṭanga la hrang tur che chauhin.....chutiang a nih chuan i lakah Sierra chuan nau a pai theilo ang a."

"Bugsy maw?" 

"Jonas bro." Luca chuan inbengdai turin a lo khap a.

"Melody i ti sual chiang hle mai." Silai chu a ri chhuak hauh lo, mahse a mu erawh pahnih lai kah chhuah a ni thung, chu chuan Melody thin zawn leh a chal dar a verh chiang kher mai, engmah pawh sawi hmanlo in Melody chu lei lamah a tlu sawp ta nghal a.