IT'S JUST AN ILLUSION CHAPTER 39

IT'S JUST AN ILLUSION CHAPTER 39

Fakna milem.kha a thei theiin hmeh leh vek tum ang aw, naktuk hian ka rawn dah thei dawn lo a, min lo hriat sak dawn nia, tuk leh ah ka rawn dah ang.

Sierra chu Jonas awmah chuan beiin a a maimitchhing vang vang a, a thawk lak zawnga a awm han che leh ṭhin leh a lungphu ri chu ngaithla in Jonas rim pa zet chu a hip lut pah vang vang bawk a, a kawr chung hak leather rim leh a rimtui inhnawih mint rim chu a inchawih kher mai, chu chuan thlamuanna pe tlat ni hian a hre bawk a, chutiang hahdamna him ta ngawih ngawiha inhriatna chu!  Hmun him taka  awm a tlamuang tlata inhriatna ang chi hi a ni, he pa hi a himna hmun chu a ni.

Hetia a awma a bei tawh ngat hi chuan thil engmah in tibuai tawhlo in engkim chu a ṭha keh vek dawn ni a hriatna a nei tel.bawk ṭhin! Mahse chutianga a awm chu a rei leh dawn lo tih pawh ahre reng, a chhan chu a kal san leh thuai dawn tlat a vangin, chumi hunah chuan mahni chauhin a awm leh dawn si a.

Mahse tun ṭum chu a in tih chak a ngai ang....a chhan chu tun ṭum chu naute a bulah a awm tel tawh dawn a vangin, rilru puitling tak a put pawh a ngai tawh ang, a chhan chu Jonas chuan a naute a rawn hruai kir sak leh dawn tih a chian em a vangin, chu thil chu a ti ngei ang tih pawh a chiang hle bawk.

THE NEXT MORNING.....

Sierra mu tui lai chu kawngkhar rawn inhawng rawk a vang chuan aharh nghal zawk a, "Jonas." Ti in a au chhuak nghal.

Doctor chu rawn lutin, "Dear keimah zawk ka nia, tukin lam te enge i an?"

Sierra chu a tho chhuak nghal thuai a, "Khawiah nge Jonas hi?"

"Ni chin deuh lawk khan a kal chhuak ta a nih kha, mahse a rawn kir leh thuai ang."

Sierra chu hlauhthawnna a vangin a thaw nghal hlap hlap a, "Nilo. Nilo, a rawn kir leh dawn tawh lo." A chi ai buai nghal vek.

"Inbengdai rawh, a rawn kir leh dawn a lawm."

"Nilo, tunah hmuh ka duh, ka mamawh."

"Sierra inbengdaih ingai ni in ka hria."

Sierra hmel chu a dang var nghal pap pap a.

"Sierra thawk han la teh!"

"Sierra engtin nge i awm?"

Sierra chu a dang var nghal vek a, lei lama nikhawhrelo a a tlu tur chu doctor chuan a lo dawm hman hlauh a.

********         *********        ********

Jonas chu a thangharh hlawl a, rem leh remlo in chu hmunah chuan a lo muhil tlang ve daih tih a hriat chuan aner deuh sawk, chu hmun a remlo taka mu pawh ni se, a muhil tui viau tih a hai lo, Sierra awmloh chhung zawng khan mutthilhnan intur a in hrep phawt a ngai  a, mahse nizan erawh kha chuan chutiang thil chu a mamawh lo khawp mai, a bulah chuan a awmah a lu nghatin Sierra chu a lo la thaw sak sak a, a hmel hmuh chu a hahdam.thlak kher mai, a thla a muang hliah hliah tih hi a hriat reng a, Jonas chuan rei tak chhung Sierra muhil lai chu thlirin a bulah awm tawh sela a thlamuanna chuan a ti dam chho ve mai ang tih chu a ngaihdan a ni.

A mah tih harh hlau zet hian a lu chu zawi te in a dah sawn sak a, a tho chhuak.ta nghal a, a thawmhnaw te va lak sak a vawiin lamah chuan a penthouse lama hruai haw chu a ril ruk.ta a, doctor bulah kalin a rawn kal leh vat tur thu leh inlama a haw tur thu chu a hrilh nghal a, ti chuan hospital chu a chhuahsan ta nghal a.

A penthouse a thlen hnu chuan shower te hmangin a thawmhnaw chu a thlak a,  Sierra inthlakna tur thawmhnaw a lak lai tak chuan a phone a rawn ri a, pickup in, "Aw Luc."

"Aw, tunah deuh mai khan ka penthouse ah ka kir leh chiah, ka thawmhnaw te ka thlak a, chuan Sierra inthlakna tur kawr pawh ka ken sak nghal ang, Luc vawiin chu ka hruai haw ang ka ti deuh a, chuan naute zawn lamah pawh kan rilru kan seng thei deuh tawh bawk ang a."

Chutih lai tak chuan doorbell a rawn ri a, "Ok, Luc mi an rawn kal tlat, ka dah phawt ang e."

Phone chu cutin kawngka pui lam chu a pan nghal a, "Min rawn biak i duh tih chu ka hria a lawm, mahse tun ah tut tut a tih erawh ka lo ring chiah hleinem."  Tih pahin Gray luhnan kawng chu a hawng zau nghal a.

"Helai vel bawra ka kal lai tak hi a ni a,rawn kal nghal mai kha a awlsam deuh a." Inchhungah chuan a rawn pen lut ve nghal a.

"Hei paper ka rawn keng nghal a, hei hi nang leh Sierra sign a ngai ang, chuan he i penthouse luah lai thleng hian Bugsy ta a ni hlen tawh ang, engkim i pu hnen a ṭanga i neih ho hrim hrim kha chu Bugsy i hlan vek a ngai tawh dawn a." Tih pahin a paper rawn ken chu table ah chuan a pharh nghal a, "A hmasa berah chuan he penthouse hi chu engtik.lai pawhin ka ta a ni reng ṭhin ang, he hmun hi chu ka pu hnen a ṭang khan ka leina a rei tawh lutuk."

"A hmasa berah chuan he penthouse hi Black corporation property a ni tawh lo, chuan a pahnihna ah chuan kha paper kha i hal ral thei ang, a chhan chu a hma thurochiah siam ang khan kan kal a vangin."

"Eng maw?" Gray pawh chu a phu ve zawk nghe nghe a.

"Sierra a rai a maw?"

"Nau a nei fel tawh zawk maw le."

"Mahse medical test ah i fa a ni ngei em tih kan chian phawt a ngaih kha aw, chuan a DNA test kan lak a ngai bawk ang a, a chhan chu i fa a ni ngei em tih hi hriat chian a ngai ang."

"Gray thih i duh deuh tihna mi? Chu zawng chauh chu a ni e." Jonas chu a meng vawt ruih nghal a. "Kha i thluak burah khan ka silaimu hi thunluh i duh tihna mi?"

"Nilo nilo Jonas, a bo rei si a, naute hi i fa a ni ngei em tih kan chian a ngai a lawm."

"Ka fanu a ni tih ka hre chiang khawp mai." Jonas chu inbengdai hman lo in a vin chhuak ṭhawt a.

"Ok, inbengdai rawh."

"Paper thar rawn ngaihven la, tah chuan Sierra leh naute hming hian engkim ka dah vek a ni tih ka lo sign ang e."

"I â ta em ni Jonas?"

"Rawn ti ringawt mai rawh,kei chu Sicily lamah ka kir leh dawn, chuan helai America a ka thil neih ho zawng zawng hi chu Sierra leh naute hmingin ka dah vek ang."

Gray chuan thawk a la huai a, "Chuan divorce paper pawh rawn buaipui nghal bawk ang che."

"I nupui hi i ṭhen dawn a maw?"

"Mimawlpa ka thusawi ho zawng zawng kha sawi nawn zel kher a ngai em.ni?"

"Tunah chuan kal tawh rawh, paper thar nen kan in hmu leh chauh dawn nia."

"Jonas thurawn pakhat ka pek che a ngai...."

"Chhuak rawh."

Gray pawh chu a chhuak ta nghal vat a.

Jonas pawh chuan a thil tih tum chu a hreh ve tho, a fanu a zawn chhuah hunah chuan a nupui leh a fanu bula hlim taka hun hman ve chu a thlahlel ngawih ngawih, mahse a thil lo tih ṭhin a vangin chu chu a thei lo tih lah a hre chiang hle bawk, "Ka tih ngei angai ang." Tiin a phun chhuak sup a.

A chhan chu hei hi an nufa a an himna tur kawng awmchhun a nih dawn miau a vangin, chu thil chu a tih ngei angai ang.

Hmanhmawh zetin Sierra thawmhnaw inthlakna tur chu a la a, a car lam chu a pan ta nghal a, Sierra room a thlen phei chuan, a doctor chu a va hmu a, a hmel a lo chiai nasa mai, "Khawnge Sierra?"

"Mr Black rawn biak pawh che ka tum a."

"Ka phone ka theihnghilh a."

"Sierra chuan Shower a hmang mek tihna mi? Hei inlama a thawmhnaw a inbual zawh a ahak turin ka rawn ken sak a."

"MrBlack i tan chanchin ṭha lo tak a ni ang tih ka hlau khawp mai."

"Engtiang zawnga chanchin ṭha lo maw ni a?" Jonas pawh chu a thu hriat chuan a ṭhawng kher mai.

Doctor nu chuan thawk a la pah halh a, "I kal a ṭanga dar kar reilo te hnu khan a rawn harh a, "I kal tawh thu leh i rawn kir leh thuai tur thu ka hrilh chuan mangang hmel pu in a rawn kir tawhlo ang ti in a sawi a, a thawk a rawn sak a ni ngei ang, thawk la tur chuan ka hrilh a, a thidang zui nghal ta mai a."

"Chu thil chu engti kawng zawng mahin a thleng thei lo." Jonas chuan a kut chu a hum ruh ṭeuh a, Sierra inthlakna tur a khungna bag chu a hmer ngawt ngawt bawk a, nizan te kha chuan a dik vek a, ni e, tukin zingah ngei pawh khan engkim a la ṭha vek hrep a sin.

"Tukin ka kalsan lai pawh khan a la ṭha em em a, reilo te ka awmloh chhung lawk a engtia hetiang thil hi thleng nge a nih!" Jonas chu a thinrim em a vangin a biang ruh kual chu a ṭawng zawng chuan a pawng ṭawlh ṭawlh a.

Doctor chuan hnuailam melh raih pah hian, "Tun maiah chuan engmah chhanna ka nei rih lo MrBlack."

"Hmeichhia kum sawmhnih panga mi engtin nge chhan awmlo a nikhawhrelo a tluk tawp theih?"

"Chu tak chu a lawm hriat chhuah kan tum mek chu!"

"Tunah hian Sierra chu surgery neih mek a ni a, nakin deuhah a result chu kan hrilh thuai theih che ka beisei, chuan surgery a ṭanga a rawn chhuah fel veleh ka rawn hrilh vat dawn che nia."

Doctorin a kal san hnu chuan chau zet hian khum bula ṭhuthleng awmah chuan a ṭhu thla hnawk a, tukin zing te kha chuan a hlimin Sierra a hruai haw theih tawh dawn a vang khan a zang ve hawk tawh a sin, mahse hospital a va thleng a, eng chan chin ṭhalo in nge lo hmuak leh ta hi? Jonas chuan thawk a la hrawih a, chhunglam a ṭang chuan rawn hnawh up up tu awma a hriat a vang chuan tukverh lamah dakin thawk a la ri hawk a.

Room chhung chu a kalsan ang ngai ngai a la awmin, zan lama Sierra blanket a sin tir pawh chu khumah a ngai ngai hian a la awm a, va pan pheiin chu blanket chu a va khawih ringawt a, enge a tih anga, engtin nge a awm dawn tih tunah hi chuan a hre lo tak zet zet, Sierra tello a awm theilo si chuan engvangin nge kalsan a tum? Mahse a nunna chhanhim a duh a nih chuan chu thil chu a tih ngei a ngai ang.

Rei tak chhung room chhungah chuan a awm a, a ngaihtuahna seng nasa bawk nen a hriat loh hlanin a lo chhing sek a, kawngkhar hawng thawm rawn rik rak takah chuan a tho chhuak vat a, doctor hmel a hmuh chuan, "Sierra chu enge a an?" Ti in a lo zawt nghal vat a.

"Tunah chuan surgery a ṭanga lak chhuah a ni tawh e, mahse....MrBlack chanchin ṭha lo tak a nih ka hlau ngawt mai."

"E...enge i thusawi awmzia chu?"

"Sierra khati anga a awmchhan kha Subdural Haematoma a ni tih kan hre chhuak tawh a."

"Chu chu enge a awmzia ni hrep?"

"A awmzia chu a brian ah thinsen khar a awm  a, he thil hi brain lama awm chi bik a ni."

"Brain a thisen khar awm maw?"

"Aw, surgery kan tih lai khan thisen khar awm chu tlem kan la chhuak hman a, mahse a mah Sierra taksa khan a tuar ṭan ta si a."

"Engtin nge chu chu a thlen theih?"

"Chronic Subdural Haematoma natna hi chu lu lama hliam neih enkawl lawk loh a vangin a awm duh chawk."

"Mahse kan va hmuh khan a lu ah hliam pakhat mah a awm silo."

"MrBlack Sierra in helai hmun a rawn thlen tirh pawh khan a taksa ah hliam tam tak hmuh tur a awm a sin."

"Mahse a tha chhuak leh ang ti raw?"

"Tunah mai chuan ka sawi thei chiah lo a, chutiang thil sawi tur chuan ni rei lo te nghah rih deuh a ngai ang."

"A nih chuan a mah ka hmu duh!"

Doctor chu a bu nghat a, min rawn zui rawh, "Sierra chu ICU room lamah suan a lo ni tawh a, oxygen mai nilo a taksa ah chuan khawl hrang hrang an lo vuah rup tawh a, chutianga va hmuh thut chu Jonas chuan a inring lo hrim hrim, thawk a la hawk a,engtin nge a tih anga, eng angin nge hma a lak leh dawn tih pawh a hrethiam tawh lo.

"Mamawh i nei a nih chuan khalai a bell kha i rawn hmet mai dawn nia." Ti in doctor chuan a chhuahsan ta nghal a.

Jonas chuan Sierra chu pan pheiin emgmah hrelo a khuma mu a hmuh chu a insum zo ta lo a, a mit a ṭangin mittui a far thla a, "Sierra pawi ka ti lutuk."

"Ka chhuahsan che avang khan pawi ka ti tak zet."

"Mahse ka kalsan hleinem che."

"Engthawl zetin inlamah i thawmhnaw fai ka va la lawk a lawm, chuan hei i tan ka rawn kir leh a sin."

"In lama hruai haw tur che in."

Mahse ka kal chhung khan hetiang dinhmunah hian i lo awm leh ta si, i ṭhat chhuah leh thuai a ngai ang, a chhan chu kan fanu ka hmuh chhuah hun a tan...... ka zawng hmu ngei dawn ti in ka tiam tawh che kha...." a mittui chu a hru a, "Kan fanu ka hmuh hunah chuan a nu a la mamawh dawn chauh si a."

A zu kun hniam a.

"Sierra ka......"

"Ka....."

"Ka...." a sawi zawm thei tlat lo.

Doctor chu a rawn lut tih pawh a hre lo, "A hming chu Jasmine a ni e." A rawn ti a.

Phawk zet hian Jonas chu a hawi chhuak a, "Eng maw?"

"Sierra khan a fanu hming chu Jasmine ti a a sak thu min hrilh a,asaawi danin a pian hnu hian an laksak hma in reilo te chhung chu a kutah ngei a pawm a, chutah chuan chu hming chu a sa ta a, Jasmine Black ti in a sa a ni awm e."

Doctor chu a kal chhuak leh ta nghal a, Jonas chuan Sierra lam chu hawi lehin, "Jasmine Black ." Ti in a phun chhuak sup a.