IT'S JUST AN ILLUSION CHAPTER 37

IT'S JUST AN ILLUSION CHAPTER 37

A FEW DAYS LATER...




Jonas chuan Sierra chu damdawiin lam a pan pui nghal a, vanneih thlak zetin a awm lam nilo, a dar lamah silai mu chuan a fuh hlauh zawk a, Sierra pawh nithum lai nikhawhrelo a a awm hnu in a rawn harh chhuak veleh ta a, chu thu a hriat chuan Jonas pawh a thaw huai mai, Sierra rawn harh chhuah hma zawng kha chu aman a awmpui char char a, mutmu pawh a hmu lo hial ang tih theih a ni.







Luca chuan chhawk duh viau mahse a mah Jonas chuan a remti tlat lo a, Sierra harh hma zawng chu a mah ngeiin a awmpui ngat ngat a ni, tunah chuan Sierra pawh a harh ṭha veleh tawh a, Jonas chuan a private Jet in LA lam a pan pui ta a, LA lamah chuan damdawiin changkang berah dah lut lehin a hliam te chu enkawl chhunzawm a ni nghal a, tlem a azia awm hnu chuan Jonas chuan biak a tum a, mahse a mah Sierra ngei chuan Jonas chu a hmu duh ta tlat lo va, Jonas pawhin mak a ti kher mai, tih ngaihna tak a awm si lo, chutia rilru buai zeta hospital corridor a awm lai chuan a nu in a rawn phone a, "Son Sierra chu enge a an?"







"A ṭha e mom, silaimu khan a dar a fuh a, silaimu ber an lak chhuahsak tawh chuan a dam leh vat mai ang."






"A ngailo, helai rawn zinna a tan chuan a ṭul lo lutuk, tumah a hmu duh chuang lo."






"A chhan ka hre bik lo,a thil tawnin amah a la shock vang te pawh a ni maithei, nidangah chanchin hrilhin ka rawn be leh dawn che nia,  tunah chuan ka dah phawt a ṭul." Ti in a phone chu a hangup ta nghal a.








Luca pawh chuan a bul arawn thleng phei ve chiah,"Hey i la be thei chuang nange?" A rawn ti ve a.







"Mahse vawiin chuan biak ka tum, a ma doctor in a remti emaw tilo emaw ka ti lui tawh ang."






"He kidnap chung changah hian tu emaw an awm ila ring tihna mi?"





"Ka ring nilo in an awm ngei tih ka hria, kha lai factory a mipakhat mawl deuh thluak zozai kha a ni dawn lo hrim hrim tih ka chiang bawk ."






"Chuti a nih chuan Sierra chu i biak ngei a ngai dawn tihna a nih chu!"







"Luca min hmu duh tlat silo a, engtin nge ka tih hrep anga?" Insehruh zet chung chuan a chhang a.








"Kei chu ni ila, a duhthlanna ka siam sak hauh lo ang, han ngaihtuah ve teh bro, tlaruk chuang ngawt ruk bo a ni a nia, chumi ah engtin nge a duh thlanna chu i la ngaih pawimawh sak cheu a, a tan a la hlauhawm reng a ni tih te hi ngaihtuah ve ta che."







"Tunah ngei pawh hian a mah kidnap tu hian a la zawng reng anga ruk bo leh tumin hun rem chang pawh a la melh reng ang tih tu nge sawi thei?"








"Ok, nakinah a doctor  ka lo sawi pui leh dawn nia." Jonas chuan a ti ve sup a, Luca thusawi chu a ngaihtuah a, thil thleng thei leh thudik tak vek a sawi ni in a hre bawk.








"Ka kal a ngai, ka flight pawh a lo thleng ṭep tawh, chuan i theih anga rangin thil chu lo hriat tum la, information kan neih veleh ka rawn kir leh anga kan thawk dun leh dawn nia." Ti in Jonas darah chuan a ben sak thuk a.








"Ok,ka lawm e Luc, ka ti tak tak, engkim ah khan i chungah ka lawm lutuk a nia."







"Hmm, kha kha a lawm unaupa in a tih tur chu si? Nang pawh ni la ka tih ang tho kha i ti ve dawn lo'm ni?"








"Ka lung hi a phut chhung chuan maw le." Jonas chu a nui suk a.








Luca chuan a siai khum ve suk a, akal sawn ta nghal a.








Sierra room a ṭanga a doctor lo chhuak Jonas chuan a hmuh veleh a pan phei nghal a, "Vawiin lam te Sierra a ṭha maw?"








"Aw ṭha e, mahse engmah a la sawi duh chuang lo."









"Doctor a mah chu ka hmu duh ang."









"MrBlack pawi ka ti khawp mai, a mah hian a hmu duh tlat lo che."








"Eng pawh chu nirawh se, ka hmuhloh na chhan tur reng ka hre lo, ka nupui a ni a, a duh emaw duh lo emaw ka hmuh ngei angai ang, chumi ah chuan buaina i nei em doctor.... tunah hian sawi tlang nghal law law rawh, i remti lo a nih chuan hospital dangah ka sawn mai ang."








"A ṭha a lawm MrBlack, mahse i zawhna chhan tir turin la nawr lui lutuk lo ang che, a chhan chu a hliam te sawn dam lam an pan mek a ni a, nawr luih vak chi pawh a la ni lo ang....chuan thil pakhat, khatiang khawp a tawrhna nasa tak a vang khan ât hlen theihna pawh a nei sang hle tih i hre bawk dawn nia."









"A chhan chu i nupui hi ka chik ka chik a, thla ruk chuang ngawt hreawm takin an dah a, chuan rilru natna thuk tak eng emaw tak an tih sak ngei tih hi ka hre bawk a nia."








Jonas hmel chu a ngui nghal rawih rawih a, "An pawngsual .... tihna mi?"








"Nilo, kha chu ka ring chiah lo."







"An pawngsual lo chu a tia lawm...mahse exam tih erawh a duh miah lo thung!"








"I va hmu a nih pawhin a mah exam kan tih theihna turin i hmin ngei angai ang."








"Yeah ka lo tum dawn nia."








Jonas chu Sierra room ah chuan a pen lut ta a, thawm a hriat veleh Jonas lam chu rawn hawiin, a hmelah chuan thlaphanna nasa zet hi a hmuh theih nghal a, Jonas chuan pan phei lui zelin, "Babe ka ti na dawn hlei nem che." A ti pah sup a.








Sierra hmel erawh a danglam phah chuang lo, hlauhna a vangin a awm chu a in sep che dawr dawr a, "Biak che ka duh mai chauh a nia.' Jonas bawk chuan a ti leh a.









Mahse Sierra hmelah chuan hlauhna mai lo chu hmuh tur a awm lo, "Sierra thawk la rawh." A hnaih leh hret a, a dara dawm.sak chung hian "Babe keimah chiah ngaihtuah rawh." A ti a.









A nichuan a dara a dawmna chu a lo phih thlak sak ṭhuai a, "Min khawih hlek suh."








"Sorry Sierra." Jonas chuan a kut chu ngil zet hian a thlak thla a, "I chunga thil thleng zawng zawng a vang hian pawi ka ti lutuk."









"Kha thlaruk chuang zet kha nitin in ka zawng ṭhin che a sin, khawngaih takin ka puih che hi remti hram rawh."









"Nilo, min pui thei lo ang." Zawi te hian a ti chhuak sep a.










"Tumah in an theih ka ring lo." A tih zawm leh a.









"Keiman ka pui thei che a lawm Sierra,mahse babe eng thil nge thleng tih hi min hrilh hriat a ngai thung ang."









"Thil thleng ka hrilh che a nih chuan nang hian min ngaidam thei tawh ngai lo ang."







"An thil tih kha tilo turin ka bei ngei a sin, ni e ka bei nasa lutuk, ka bei chiang a lawm." A biangah mittui a far nghal zawih zawih a, chhuak zetin a ṭap ta a.









"Mahse ka .....beihna chu engmah a ni ta si lo." Ti a sawi chhunzawmin a inhnit leh hlap hlap a.








Jonas chuan a awmah lo kuah betin, "Its ok baby, engtin nge an tih chiah che min han hrilh teh." Aw ka zaidam zet hian a lo ti a.









Sierra chu hriat tham mang loh hian a phun chhuak sep a, "Babe i thusawi ka hre thei hauh lo."







"Min lak sak."






"Tu maw, eng maw an lak sak che a?"







Jonas kuahna a ṭanga tal pitin ṭap chhuak leh mai lo tura a heh a peh fan fan hnu chuan, "Ka naute min lak sak,Jonas kan fanu min lak sak a ni." A ti chhuak ta phawng a.








Jonas chu a nuih a za lo kher mai, doctor nu thusawi kha a dik ni in a hre bawk, Sierra thusawi chu awihna pakhat te mah a nei bawk hek lo, chu aia chuan a mah zawk chu angaihtuah a, a rilru ala kim chiah lo deuh ah a ngaihsak bawk, "Babe i ṭha maw?" A ti chhuak sup a.






"Min han en la kan fanu ka hmuh leh hma chu ka ṭhat i theih ring em ni?"






"Sierra fa kan nei reng reng lo."







"Jonas kan nei chiang a lawm, kan fa chu tunah hian min laksak a ni."








Jonas chuan thawk a la hawk a, Sierra chu a thil tawn nen a rilru a la buai ni ngeiah a ngai.







"Jonas min ring na nge?" Zam hmel zet hian Sierra chuan a ti chhuak leh sep a.








A chal dawm khum ruih pah hian, "Sierra i tawrh hi a nasa em a, chuvang mai mai a nih kha, tunah chuan i chiai rih ema enge sawi chhuah tur leh tur lo pawh i thliar hrang thiam chiah rih lo a nih ka ring."







"Khatin mi â ang mai chuan min chhuah tum hauh suh, ka â hauh lo tih hi ka chiang hle a nia."








Jonas chuan a thusawi chu a thil awihloh ber te zinga mi a la ni tho tho, "Doctor koh sak che i duh em?"









"Duhlo, doctor ka mamawh lo Jonas, ka fa ka kut ngei a neih let leh hi ka duh!" A thinrim lutuk chu a meng ling nghal hlar a.









"Ok, ok, inbengdai phawt teh."





Jonasan a thusawi awihloh hmel zeta a en a hmuh chuan a thinrim.zual sauh.
"Nangma thiamloh vek a ni tih hi i hria em? He hmun hi rang takin chhuahsan rawh."







"Chhuak rawh Jonas, ka thusawi awih duh lo tur chu hmuh pawh ka hmu nawn leh duh tawh lo che." Ti i a an khum hlaih hlaih a.







Jonas pawh chu engmah sawi leh tawh lo in a in her vut a, ngawi rengin Sierra chu a chhuahsan zui ta nghal a.








Jonas chhuak chu a hmel a ngui ruih, Sierra thusawi danah khan a thu tak viau tih pawh a hria, mahse a thusawi erawh thil awihawm zawk zawkni in ahre lul lo, a ngaihtuahna a ti buai ve zo vek, kawng chu kharin thawk a la hawk a, a hma a sex an hman dun khan a rai theihloh thu a sawi si a, indanna a hmang a ti a, a tuna an fanu ti a a sawi hi a fa a ni ang em? Nge kha hmuna a mipa chen pui fa kha ni ta ang, nge a rilru buai vangin fa a neiah a ngai zawk? Jonas pawh chuan thutlukna anei thei meuh lo.







Doctor chuan a rawn pan a, "I damlo va biak chu enge a an?" A rawn ti a.







"A ṭha vak.lo." ti chuahin a lo chhang.







"MrBlack hun a duh rih ang ka tih kha."







"Naute neiah a in ngai a lawm maw le,chuan amah kidnap tu chuan a naute laksak angin a in sawi bawk a." Thawk a la pah hawk a.








Doctornu pawh chu a meng phawk nasa mai, "Engmaw a sawi a?"





"Tak tak a ni theilo ang, an kidnap lai khan a rai reng reng hlei nem."








"Chu chu engtin nge i chian viau theih a?"







"Ka rindanin a rai anih hrep chuan ka hre ngei turah ka ngai hmiah." Thinrim.tak hian a ti chhuak a.








"Ok, MrBlack inbeng dai rawh, keiman chu lam chu lo sawipui leh ka lo tum dawn nia."







"Ni e doctor i tih ngei a ngai ang, midang biak tur a mamawh viau bawkin ka hria, a awmdan hrim hrim kha a pangai hauh lo."









"Ka hria a lawm, mahse ka sawi tawh ang khan a thil lo tawrh tawhna a vang khan hun pek deuh rih chu a ngai tho in ka hria."








"Chutiang nghak turin hun ka nei lo, thil chu a hlim chhawn ngeia tih hi a awlsam, tunge amah kidnap naah hian inhnamhnawih tih leh an hnu a reh hma tak tak hian chhui zawm a ngai." Jonas bawk chuan ati leh hmuk a.








"MrBlack chutiang ti tur chuan police an awm a lawm, an kutah dah la an nin engkim an ti fel vek mai ang chu, nang erawh chuan i nupui chiah hi ngaihven ta ang la?"









"Doctor khatah kha chuan i lo inrawlhna tur awmin ka hre lo, i hna chu damlo enkawl a ni a, i hna thawk la kei pawhin ka hna ka thawk ang e, chu chu a nilo'm ni i hlawh hmuhna chu? Tunah hian ka office lamah ka kal dawn a, mahse chanchin thar hre turin ka rawn kir leh thuai ang." A in her vut a , a kal chhuak ta nghal a.








Jonas chu thinrim zetin a office lam pan chuan a inkhalh chhuak ta nghal a, a phone a rawn rik a vang chuan a pickup nghal a, "Gray."








"Nilo, Gray vawiin ni ah chuan ni hrep lo."








"Sierra a dam fel hunah leh paper sign tura a chak that leh hunah keiman ka rawn call mai ang che."










"Eng thil nge Bugsy in a duh tih ah ka buai lo." A thinrim lutuk chu a au hi a ni deuh ber tawh a, "Aw , Aw, aw, a duh zawng zawng chu a nei vek thei ang tih lo hrilh rawh, chu a thil neih turah chuan ni reilo te chhung a lo nghah a vangin a thih phah hauh lo ang."








"Mahse min nawrlui a nih erawh chuan keimah ngei hian chet ka la duh mai ang."








"Gray tunah chuan ka buai min rawn call tawh rih suh, nakinah Sierra a inpeih hunah ka rawn call ang che."Ti in phone chu a cut ta nghal a.









Jonasa'n a office room a thlen chuan a assistant chu alo ding chhuak vat a, "Good afternoon sir, i uncle in i office ah a nghak reng tawh che." A lo ti nghal var a.







"Tu maw?"







"Sir, Bugsy ti in a sawi."







"Ka uncle a ni hrep lo ve."ti in Ashley chu a vin khum tuar a.









"Sorry MrBlack, MrHunt nen an lo nghak che."







"Elijah chuan enge a tih ve a?"







"Ka hre bik lo sir."




"Coffee i duh ang em?"







"Yeah." Tih hmuk pahin a office lamah chuan a lut ta nghal a.




A tam theilo tih ka hria, tunlai chu kan khaw currnet line an pawt ṭhin a, current kan nei mumal lo thei lutuk a, type na hun ka nei lo em a ni, sunday ka chawl ang a, kha chu ka chawlh ṭhin kha, chuan monday lamah tam tham deuh hlek dah kan tum dawn nia, fakna milem kha aw, a thei theiin kan hmet leh vek dawn nia.