IT'S JUST AN ILLUSION CHAPTER 33

IT'S JUST AN ILLUSION CHAPTER 33

Fakna milem kha a hmeh thar leh vek theih tawh e aw.

"Jonas in bengdai rawh." Tih thu Luca sawi chu a tlai ta hret.


Thawk a la hawk a, a mengkual rulh bawk.


An lam Jonas an a rawn hawi chuan engtin nge he pa hi a tih dawn chiah tih a ngaihtuah mek, "Engtin nge tiangah te chuan ka inbengdaih theih anga?"


"Ruang hi engtin nge kan tih fel dawn tih ngaihtuahna hun tal kan neih theih ka lo ring a, nge chu pawh chu aih ti a chhanna kan dawng dawn?" Luca chuan Jonas thil tih zawh chu melhin a meng nur khum nawng a.


Jonas chuan engmah a ngaihtuah zawm lo tih hi a hriat hliah hliah, Luca chuan thawk a la leh hawk a, "Come on girls ruang hi han seng hawi ta che u."


Rick leh Dante chuan rum tawk hian an lo melh dun a, mahse ruang buaipui tur chuan an che chhuak ta tho a.


Luca chuan Jonas chu va pan hnaiin, "Pakhat chu a tlu ta phawt a, engzah chiah nge an la tluk ngai dawn?"



"Tu nge hria?" Tihpah chuan a chal a lo dawm khum ringawt a.


"Luc tunah chuan tunge ka rin dawn tih pawh hi ka hrethiam tawh lo."



"Hei hi chhunglam hna a nih i ring tihna mi?"



"Ka ringhlello, min hrilh daih tawh tur i nia, ngatinge min hrilh vat loh?"


"Kar hmasa lama Douglas Weslake jail a ṭanga a chhuah thu kha maw?"



"Niang chu, a nun a chen leh thei der chu a nia."



"I ti dik khawp mai."


"A nih te chuan a mah ber chu kan tin zawn tur a ni a sin."


"Kan la hriat chian loh hi!"


"Luca i mit kha meng ve ta che maw le."




"Ok, Jo, a ni chu kan tum hmasak ber tur list kan dah ang, mahse engkim chiang tak a kan thlithlai hmasak phawt erawh a ngai thung ang, he thu hi dad nen kan sawi dun tawh a, a nin a lo chhui zui bawk dawn a nih chu! A landanah chuan kha hmun a ṭanga an chhuah veleh khan a awmna hmun ṭhin lam pang a pan ngei bawk ang."


"Chumi kan tih hma chuan Bugsy kan hmuh hmasak phawt a ṭul in ka hria."



"Khawiah nge a chen i hria em ni?"


"Tun hma a a awmna ṭhin cabin hlui tawh takah khan a la cheng reng tih ka pu in a sawi ka hre tawh a lawm, tah chuan a la cheng reng ang, chu lo kalna tur dang nei hek lo."


 .
"Ok, a nih chuan kan che chhuak nghal mai dawn emni?"


Jonas leh Luca chu mini bar lam an pan dun a, Dante leh Riccardo ruang seng hawi leh tih fel chhung lo nghah pah chuan intur an lo dawm a, an ni pawh an rei lo kher mai, Melody ruang chu an lo tih ṭhin dan ang tho in an buaipui nghal a, reilo te ah Jonas te chu fin velehin an pali chuan Jonas lo sawi tawh angin Bugsy chenna cabin lam pan chuan an inkhalh chhuak leh ta a.


Bugsy cabin chu Jonas awmna a ṭang chuan a hla lem lo kher mai, dar kar thum vel zen zawn chu an tlan maithei, chu pawh kawng laka breakfast eiin, an chawlhna restaurant a an thil siam chu Jonas chuan a ei tui phian a, Sierra a ngaihtuah na nasa tak a vangin thil a ei mumal hauh lo a, chuvang nge ni anga, an intur lem zauh vang zawk kha? Tih pawh a thliar hrang thiam hek lo, eng a pawh chu lo ni ta ang se la , kha,  a ei hnem ve viau a, chu chu a ṭha ber a ni mai a lawm.


Bugsy chenna hmun an vathlen chuan kawng chu a loinkhar khap a, chhung lamah an kalh ngei pawh anring, mahse an ni ho chuan chhunglama kawng kalh pawh nise la silai an neih chhung chuan tih chhiat har an ti lo kher mai, kawng kalhna chu Luca chuan kap chhia in inchhung an lut nghal thuai a, an thil va hmuh chuan a ṭhawng dun kher mai.



Bugsy kum sawmruk chuang tawh ngei tur chuan hmeichhe pakhat lo awmpuiin an lo in chu ekha dun mawlh mawlh mai a, chu thil chu Jonas ten zawng tak a ni bawk.


"Oh God, he tiang thil ṭhalo tak hi em ni i chhung te bula kan kala kan tawn tur chu?" Deusawh zet hian Luca chuan a tih khum a.



"Focus Luca." Jonas chuan a lo ti hmuk thung!



"Focus i ti em ni? Bro ka luak mai dawn in ka hria."


Jonas chuan engtin mah chhang ta lo chuan a menkual khum rulh, an silai chuan Bugsy chu an tin dun ran a, Bugsy te pahnih pawh an ti phu dun chiang kher mai, rang taka tho chhuakin chhuata tla a kekawr chu chhar a, a hanghal mawlh mawlh a, a hmeichhe lo awmpui chuan puan a chuh nghal vat bawk, a intuam nghal sawk sawk a, hlau zet hian chelo chang in Jonas telam chu a melh kal a, "Eng thil nge maw in duh hrep le?" Bugsy chuan a kekawr a hak zawh hnu chuan a rawn ti veta khur khur a.


"Boss eng thil nge thleng hi?" Hmeichhia chuan alo ti ve hlap hlap bawk a.



"Sweetheart kha i awmna hmunah khan engmah tih tum lo in lo awm rawh, i hmui kha i chip a nih phawt chuan nang chu kan ti na ve hauh lo ang che." Jonas chuan a ti leh a.



A silai tinna la sawn chuang hauh lo in, anhnung an thupek nghak a lo ding reng Dante leh Rick chu bia in, "Riccardo, Dante nangni in he in hi lo dap chhuak rawh u le."



An ni chu an che chhuak ta nghalvat a, "Eng thil ngemaw in zawn tak chiam chiam le?" Silai aan tin reng a vanga che sawnthei silo thinrim ṭun chung hian Bugsy bawk chuan a ti leh a.



"Bugsy ka thil rawn zawn chu i hriat ngei ka ring." Jonas chuan a lo tih khum duh lek a. "Oh chuan Melody khan a hmangaih zia thu rawn hrilh tur che in min ti tak a sin." Za hran lo zet hiana nui hul hak a.


"Melody tih hming pu reng reng ka hre lo mai."



"I lem chan kha duh tawk rawh Bugsy, i tana thawk a nih thu min hrilh vek tawh."



"Tunah khawiah nge a awm?"



"Hremhmunah mawle, kan zawhna ho i chhang ṭha duh dawn lo a nih chuan nang pawh hian a hnung chu i zui ve thuai ka ring.".



"I that a maw?" A thu hriat chuan Bugsy chu a ṭhawng kher mai,a mitmeng lian zet mai chu a meng zau leh zual a, a mitmu chu a rawn chhuak ta hial emaw tih theih tur khawp hian a meng lian leh nghal a.



"Tlang taka sawi chuan that chiang e, ti khan ka laka game khelh chu engti ang chiah a hlauhawm ngea nih i hre tawh ngei ang."


Bugsy chuan a kut a hum ruh nasa kher mai, ṭawng tuma a an leh lai tak chuan Dante leh Riccardo chuan an rawn fin veleh a, helai hmun chu a ruak vek." Dante zawk chuan a rawn ti a.



"Kha hmeichhia kha room hranah lo va hruai rawh u."


Dante te pahnih in chu nu an hruai hrana leh hnu chuan Bugsy bawk chu a rawn ṭawng chhuak leh a, "Chuan engthil nge in rawn tih chiah hi? Min that theilo tih chu i hriat chian hle kha Jonas."


"Tu in nge ti?"



 "Ka ât viau ring duh bîk suh, min thah i tum dawn tih ka chian em a vangin police hnenah ka hrilh hre dim diam tawh, chu vang chuan ka chungah engpawh lo thleng se i kawngkhar rawn kik tu tur chu tunge tih hrethiam mai rawh."



"Jonas a ti dik." Luca chuan a lo ti a.




"Khawiah nge Sierra i dah."


"Engtin nge maw ka hriat hrep ang le? I nupui i venhim zawhlohna ah min puh hauh suh ang che."



"Luca a hriat rengna i han kaihthawh sak dawn em ni?"



"Ka chak zawng tak a ni ang chu!"


Ti a lo chhan pah chuan Bugsy ke ding lam chu a kah thawi sak a, a ni chu a awp nghal rawk, na tuar hmel pu nghalin a ke a ṭanga thisen rawn chhuak nghal zar zar chu a dawm nghal chawt a, "Min kap a maw?"



"Warning kan pek na mai mai lek che a nih kha, khatin naupangchhia tak ang chuan awmlo teh Bugsy, tunah chuan khawiah nge ka nupui a awm tih chu min hrilhthei tawh ngei ang."



"Ka ....ka hre lo, Pathian hmingin ka hre lo tak zet zet, a chungah thil ti duh ni ila, engvangin nge i bulah Melody kha ka rawn tirh kher ang?"



"Dawt min hrilh tiraw Bugsy, ka that nghal thei reng che a nia."



"Dawt ka sawi lo, a chunga ka thil tih tum zawng chu a mah ruk bo lam nilo in, a laka ṭanga i hlat theihna tur chauh leh kha thurochhiah kha in pahnih ah a thlenlohnan chauh thil ka ti, ka â hleinem, hetiang thil ṭha leh hun ṭha ka chunga rawn thleng tur a awm lai hian engvangin nge ka lo bawhpelh rikngawt anga, ka thil tum chu a rai loh tir chauh kha a ni e." Harsa tizet hian a rawn ti a.



Jonas chuan Luca chu a melh zauh a, "Luca enge i ngaihdan?"



"Ka ngaihdan chuan athusawiho leha thil tih ho hi lawyer hnenah hrilh a ṭha in ka hria, chuan nangpawh Bugsy hre rawh, vawiin ni a thil thil thleng dan hi midang bulah tu hnenah pawh i sawi chhuak a nih vaih chuan nangmah that turin ka rawn kir leh ang, tah chuan Sicily Jonas nenna kan inkung kaihna ngheh zia pawh ka rawn hriattir nghal bawk ang che, chumi awmzia chu heta ṭang hian nung chungin Sicily ka hruai thleng che anga, chutah chuan ka kutah i awm tawh dawntihna a nih chui hrethiam em? Ka thusawi chu i hria maw?"



"Hmel ngui lup hian tuma hnenah ka  sawi lo ang." A tita thuai a .



Jonas te chuan Bugsy in chu an  chhuahsan ta nghal a, a penthouse lam an pan leh hnu chuan Jonas chu a  inngaihtuah nasa mai a, he thil hi Bugsy tih a nihloh chuan tu tih nge ni ta ang?






Douglas Weslake hi a ni thei mai ang em? Mahse tu in nge mahni fanu te kidnap duh ang ni? Jail chhung a thusawi te kha a hre chhuak thar leh a, nge ni an pafa hi an lo ṭang dun ru reng zawk?




Mahse chuti nise engvanga Sierra room ah khan thisen hmu nge a nih, chu chuan thil a ti buai zo vek, thisen bua khan tih luihna nen Sierra chu hruai  chhuah luih a ni tih a ti chiang viau bawk si, Weslake hian a ma fanu ngei pawh ni se a kidnap duh tho ang, achhan chu a unaupa ngei pawhin khatiang thil tenawm kha a farnu chungah a tiduh a nih chuan, a pa ngei pawh hi a ring bik tur a ni lo, tunah chuan Weslake hi khawiah nge a awm chiah a zawng chhuak tur a ni, chumi hunah  Sierra awmna pawh a hre ve nghal bawk ang, ti in a rilru a siamfel ta a.

THE NEXT DAY.....


Jonas chuan Gray chu a penthouse a rawn kal turin  a ko a, a ni pawh chuan rei a rawnrial lo kher mai, dar sawm pakhat a rik chuan Jonas penthouse chhungah a ṭhu der tawh .


Jonas leh Luca chu a mah hmachhawn in an ṭhu ve bawk a, Jonas chuan Sierra ruk bo a nih thu chu a hrilh ve ta chauh a, Gray chu a ngawih vung vung hnu chuan  a bawp khawkherhin leh a khup a a kut suih pah chuan a rawn ṭawng chhuak ta a, "A nih chuan Sierra hi khawiah nge a awm tih kan hre lo tihna a ni maw?"



"Tun mai khan ka sawi zo chiah a nilo em ni?"



"Police i be pawp tawh em?"



"Aih."



"Tiangah chuan be pawp ila a ṭha lo maw ka ti deuh? A chhan chu i nupui ngei kidnap na a ni bawk si a."



"Police hnenah chuan kan sawi a ṭul lo ang." Luca chuan a lo ti ve nghut a.



"Ni e, Luca khan a ti dik, hei chu keimah ni in kan buaipui thei em em ang."



"Hetiang thil a thlen chhan hi Sierra hi a rai a nimai lo maw?" Gray bawk chuan a ti chhuak leh khauh a.


Jonas chuan a lo chhang nghal thuai a, "Railo."



"I chiang chiah maw?"



"Tehreng mai, ka chiang lutuk tlat, kha mi ni a ṭang khan a bul hnaihah ka awm tawh lo hrim hrim....ka sawi awmzia chu kan in neih zawh hnu a ṭanga kar thum vel liam hnu tawh a ṭang khan."



"Hmmm thla li liam ta vel kha a nih ngei dawn chu!"



"Ka lawm e Doctor Luca." A melh pah kawk a.



"Tun a ṭang a thla hnih a ral leh a nih chuan thurochhiah kal lai hi tih tawp a ni dawn a."


"Thurochhiah kha chu ka ngai pawimawh tawh hrep lo ve, ka hriat duh zawng chu Sierra kidnap a nih takah chuan Bugsy hian ro kha a khawm thei tawh mai ang em?"


"Theilo ang, Sierra hmuh a nih hma chu thurochhiah hi kal chhunzawm pui theih a ni dawn lo."



"Chu, Bugsy pawhin engmah a chang thei bik dawn lo tihna maw?"



"Chang thei lo, chutiang bawkin nang pawhin."



"Nih leh engtin nge ni dawn?"


"Ka hre bik lo, chutiang bawkin thlaruk ral hnu a thurochhiah dang chhiar turin min lo hmuak leh tur hi kei ngei pawhin hreawm ka ti."



Jonas chuan thawk a la ve hawk a, "Ok, Sierra chan chin hriat chhuah eng emaw a awm a nih chuan min rawn hrilh ve dawn nia."


"Si." Ti a Jonas chuan a chhan leh hnu chuan Gray chu a inher a, penthouse chu a chhuahsan ta nghal a .



"Khatiang rules a nih chuan Bugsy chuan inhnamhnawihna a nei duh hauh lo ang tih ka chiang mai." Luca chuan a ti a.



Jonas chuan a chal dawm zauh pah hian, "A nih chuan Douglas a ni theih mai ka ring, chuvang chuan he pa hi kan theih anga ranga kan zawn hmuh vat a ṭul ta tihna a nih chu!"


"Ok, dad kan phone ve ange, khawiah nge a awm tih a lo hriat chhuah tawh mial takin."


"Intur ka mamawh." Tih hruih pah chuan. Jonas chu a kalsawn a, a mini bar lam chu a pan nghal a.



"Chhanna i hre duh a nih chuan ka tan intur bottle in ka hnen a rawn thlen ve ngei a ngai ang." Luca chuan a rawn ti zui a.



"F*ck off Luc."


ONE MONT LATER.....


Rin ai daihin Douglas chu hmuh chhuah a har mai a, a fingin relhruk na tur lah a hre hle mai a, Jonas leh Luca telam chuan zawng chiam in hna ah ber nei mah se a awm na tak an hre chhuak hlei thei lo. Sierra bo a ṭangin an zawn hun chhung pawh thla hnih lai aral leh tawh a, mahse tun thlengin Sierra chu khawiah nge a awm tih hriat chhuah a la nilo.



Jonas chu a rilru a vak thui kher mai, eng thil nge hriat kim loh a neih ti in nitin zantin deuh thaw Sierra room lamah chuan tâpin a thil hriat hmaih hriat tumin a a bei ṭhin a, mahse eng thil nge a tih dik loh a a tih hmaih tih a hre chhuak thei silo, Douglas zawn lah chu khuavang zawn tum ang vel ni mai hian a hre tawh leh nghal a, leh lamah Sierra chu a la dam ang nge a thi tawh tih lah engmah hriat a nei hek lo, a mah kidnap tu chuan a that tawh emaw a that tawh pawh a ni maithei, nilo, Sierra chu a thi theilo, engtin nge a ni hi a awm ve tak ang?




Riccardo chuan Jonas chu a awmpui chawt a, Luca erawh chuan Douglas zawn hna a la thawk ngar ngar thung, Riccardo pawh chuan Jonas mizia chu a hne tawh kher mai, a biak lahin a rul tawk chauh a chhan a hlawh a, Sicily lam a ngai rum rum tawh, tuk khat chu a u Luca phone call a dawng ta nawlh a,  "Luca khawiah nge i awm chen chen?"



"Ni tam tak a liam tawh hi hre ta che."



"Aih, tun thlengin Sierra room a la chhuahsan lo."



"I ti tak tak em ni, mahse i nei thei reng tawh chu a nilo'm ni?"



"Thank God, chutiang chan chin chu a lawm Jonas chuan hriat a mamawh."


"Ok, kan rawn kal thuai ang." A phone a dah hnu chuan hmanhmawh zetin Sierra room lam chu a pan a, kawngka a hawng Jonas chu muhilin a va hmu a, "Jonas tho teh."


"Jonas tho rawh."


"JONAS."



"What the hell. Rick?"
Jonas chu peihlo hmel zet hian a rawn meng chhuak a.



"Tho rawh i miduh Weslake kha Luca'n a kawl tawh."



"Eng maw?" Ti in a ṭhu chhuak nghal zawk.



"Hotel basement ah tunah hian a awmpui mek a nih chu, come on thawmhnaw te inbel la, kan chhuk thla nghal dawn nia."



Jonas chu hmanhmawh zeta che chhuakin a thawmhnaw a inbel nghal vat a, an pahnih chuan inhnuai lam chu an pan thla dun ta a, Luca chu hlim hmel zeta melh pah hian, "Bro i ti ṭha e." A ti sup a.



"Thil sawi a nei tawh em?"


"La nei lo, chutiang hun chu ka la pe lo hrim hrim.a."



"Ti turin i inpeih zawk em?"



"Kar ruk chhung meuh kha inpeih sa in ka awm reng tawh zawk maw le."


Luca chuan a lo siai khum suk a, kawngka chu hawngin an pathum chuan an in zui lut ta nghal a, Douglas chu chair ah ṭhu chunga phuar hlawm in a hmui chu a ṭawng chhuah loh na turin tape hlai ṭha zet hian an lo seal sak bawk a, Dante chu a bulah awmin a lo din chilh tlat a, "Le, kan ui chu a harh a hun ta e."


Douglas chu fiah vak lo hian a rawn meng chhuak a, "Douglas, Douglas, Douglas eng mah hi i ngai pawimawh duh lo a ni ti raw?" Jonas chuan a lo ti chhuak nghal tawl a.


"Thil eng emaw min hrilh duh te i nei em? Dante a ka in seal sakna tape kha phelh sak la han ṭawng chhuah tir ta che."


Dante an a hmui an seal na a phelh chiah, "I â ta em ni?" A rawn ti chhuak nghal ṭhawt a.

He hmun an rawn thlen hma in Luca te chuan an khawih deuh hlek tih hriat zet hian a hmai te chu a duk cher chur mai a, a mit ko leh lam chu a kak a vangin  a vung deuh hlek a, chu chuan a mit dinglam chu a meng zim tir deuh bawk a, "Chutiang pawh chu a nimaithei  bawk."  Jonas chuan a ti duh lek.



"Weslake vawiin chu infiamna hun ka nei hauh lo a nia, tunahhian khawiah nge Sierra hi a awm tih min hrilhna tur in chance pakhat chiah i nei bawk." A tih zawm nghal a.


"Hremhmunah kal rawh." Ti a sawi pah chuan Jonas lamah chuan a chil a chhak khum a.



"I tih chuan le, Dante that mai rawh."


"Jonas min that a nih chuan Sierra awmna chu ihre chhuak thei ngailo ,  ang."


"Enge a awmzia?"




"A awmzia chu ka sawi ang kha a ni mai."


Chutih lai chuan Luca phone chu a rawn ri a, "Hello?"



"I ti tak tak em ni?"


"Ok, ka rawn kal nghal ang." A phone chu a dah a.


"Enge diklo a awm em ni?" Jonas chuan a lo ti nghal a.



"Em labour room ah a lut a nih tawh chu!" Thawk a la pah hawk a.



"Nau neih hun tur an sawi kha kar ruk hnu a ni lo'm ni?" Riccardo pawh chuan makti zet hian a lo ti ve a.



"Nih chu ni e, mahse phir hi chu an nei hma chawk fo ti in an sawi bawk."



"Phir maw?" Jonas mak ti hmel zet chu Luca chuan melhin, "Yeah, sorry, heng thil thleng vel a vang hian ka lo hrilh theihnghilh daih che a lawm." Inthiamlo hmel zet hian a ti a.



"Bro kal rawh, helai thil engkim chu ka lo ti fel vek ang, chuan Dante leh Riccardo pawh hi hruai tel ve nghal rawh."



"Nilo e bro, he thil hi nangmah maia ti tur chuan ka kalsan hauh lo ang."



"Nilo, kar tam tak chhung incham tawh tih tehi hre ve ta che, kei chuan he kan ui kawl hi kan thil duh a sawi chhuah hma zawng chu he hmun ah hian ka tan tir dawn a lawm."



"Ni rei vaklo chhung tui leh chaw tel lo a a khawsak chuan a ṭawng chhuak ngei ngei ang tih hi ka chiang ."



"Bro i chiang chiah maw?"



"Teh reng mai." Tih pah chuan a ṭhen khum sawk a. "Kha lama thil kal thlen zel dan kha min rawn hrilh hre ve ṭhin dawn nia, a ṭha em?"



"Si, Dante a nih leh kal ang u le."



Hmanhmawh zet in an pathum chuan Jonas chu an kalsanta nghal a, Luca te kal liam tak hnu chuan Jonas chu Douglas lam hawi chuan a in her leh a, "Sawi i inpeih tawh em?" A ti bung nghal nghut.



"Hremhmun lamah kal rawh ka tih che kha." A lo la ti vin tuk a.



"Ok, i tih dan dan le, ni rei vaklo hnu ah kan i hmu leh dawn nia."



"Chutin he hmunah hian min kalsan ngawt theilo ang  hre rawh."



"Ti ta che, ka thei nge theilo kan la hria a ang chu!" Jonas chuan a hnungchhawn ta nghal a.



"Romano he hmun ka chhuah hunah chuan mithi sa i ni tih kha in hre reng ang che." Thinrim zet chuan a rawn la au zui a.



Jonas erawh chuan engtinmah a chhang tawhlo in, kawng chu a khar khum ta nghal a.