IT'S JUST AN ILLUSION CHAPTER 36
Ka blog a thawnthu awm reng reng hi a link nen lo chuan khawiah mah suan rem.ka tilo, insuan duh rau rau chuan a link nen hian min tihsak hram hram dawn nia.
Fakna milem kha aw, min ngaih pawimawh sak hram hram dawn nia, in fel em.kha, tukin zing a ṭang khan current kan nrilo a, hei tunah pawh kan la neilo, vawiin lamah type nan ka phone battery ka hmang zo vek, ka phone switchoff hma in ka rawn dah thuai e.
Jonas ten Wisconsin an thlen a hotel te book fel a dinner leh lunch inpawlh an ei fel meuh chuan a tlai lam ruih tawh a, ni a tla dawn suar suarzui bawk, an pahnih chuan an room book chhungah ah chuan an ding ran a, Luca chu ṭawngchhuak hmasa zawkah ṭangin, "Dante leh Riccardo helai hmuna rawn thlawk thleng ve nghal tur hian hrilh ila ṭha in ka hria." A ti a.
"Nilo, Luc chutiang hun thleng thleng ka nghak hman lo." Jonas chuan lo ti in a inkuangkuah nghal a, Luca thusawi chu a pawm loh zia a ti lang bawk.
"A rei vak dawn hleinem naktukah an lo thleng ve mai dawn a lawm."
"Zanin hian en fel ka lo tum nghal der tawh a sin."
"Jo eng thil nge kan va hmachhawn dawn tih pawh kan hriat loh hi!" A khabe hmul ṭo siar siar tawh chu a tuai pah zauh zauh a.
Jonas chu a nui mai a, "Nilo ve, min hmu dawn reng reng hleinem, mi hmuh hauh lo a tiang enthlak te chu ka hnehsawh zia pawh i hriat kha, nge khatiang thil ka hnehsawh zia kha i theihnghilh ta zawk!"
"Ok, chutia i tih chuan a hmasa berah mut hmasak phawt kan mamawh ta ni ka hria.....chuan chumi hnu ah zan rei tawh hnu leh midang awm tawhloh hnuah che chhuakin kan va thlithlai a ni ang chu!" Luca pawh chuan a ti ve ta a.
"Hmmm, ruahmanna a va ang ve, khum ka chang dawn nia." A tih zawm leh nghal a.
"Engvanga room khum.pakhat chauh awmna book ngemaw i nih reng reng le?"
"Hei chiah hi a awm vangin maw le." Jonas chu mu turin a in tin tuah nghal der a.
"Well, a nih chuan khum awmchhun chu kan inṭawm a ngai dawn tihna a nih chu, a chhan chu chhuatah ka mut bik dawn hrep loh a vangin."
"Ahh ngauhtuah duh suh, tahi couch nuam zet a awm tel a nia." Jonas chu a nui chhuak pah hawk a.
Luca erawh a nui ve hauh lo, "A nih te chuan tah khan mula ti nia."
Jonas chu a chek deuh hluk a, mahse couch ah chuan a mu ta zawk a, Jonas chuan a mut dawn chuan a lukham bulah a phone a alarm set sa in a dah a, ti chuan tui zetin a muhil ta nghal a, darkar a ral a, a mimangah chuan Sierra chu duhawmlo zet hian a hmuh chhunzawm leh ta nghal a, chuvang chuan a alarm set rik hma hma in a harh nghal, a phone chu a ban vat a, zan lam dar kua chu a lo ri der tawh, mut lehna chi ni tawhin ahre lo bawk, a alarm dah chu a mah vekin a off leh a, a mumang chu a tak ang ni mai hian a hre bawk, thlanin a lo bual huh vek leh nghal a, Luca chu la kai tho mai lo in bathroom lamah shower hmang hmasa zet tur chuan a lut ta a.
A mumang a vang chuan a ngaih a ṭha thei hlawl lo, Sierra thlalak a hmuh a ṭang khan a mumamng ṭha lo tak man ṭhin chu a rapthlak leh zual a, Sierra chu thi hnuangin chhuatah a lo let a, ṭanpui tumin a lo au chiamchiam.in a lam pan tumin a lo bei ṭhin a, mahse a bul a ghleng thei ngai reng reng lo ṭhin a nih kha, chutiang a nih a vang chuan an kalna tur lam chu pan thuai thuai a ril ruk a, chuti lo zawng Sierra chu damin an nang hmanlo ang tih te pawh a hlau rum rum, shower vawt ṭha tak chuan a inphuh tir a, a chhuah leh hnu chuan Luca chu a kai tho ve ta a.
Luca pawh chuan bathroom lam a pan ve nghal vat, reilo te hnu ah an inpeih fel nghal vat bawk, Jonas chuan hma a hruai a, a hma a anlo book lawk tawh car rent an hawh chu hotel kawtah a lo ding sa reng tawh a, pawn an han chhuak chu ruah a sur zo chiah tih hriat zet hian khawlai pawh a hnawng churh a, mahse chu tak chu an ni pahnih tana chet lak ti awlsam zual tu tur a ni tih an hre dun chiang hle, achhan chu tianga ruah a sur a nih chuan khawlaiah mi hmuh tur an khat dawn tlat, chu chu an pahnih chet lak na a tana awlsam tak tur a ni bawk.
An hotel thlan pawh hi an kalna tur factory hlui a ṭanga hla lo te a ni nghe nghe a, chuvanga hre awm taka awm thlang pawh an ni reng, chu factory a hmun hma chuan tuipui a hnaih em em a, chuti a nih chuan tui fawn thawm nen chu lai hmun Sierra tan an thlang pawh chu an ti fuh hle, thawm a tam dawn tlat a vangin, he thil ti tu hi mi fing khek rek tak ni in Jonas chuan a hre lo thei lo.
A hma a ṭanga plan fel tak nei lawk tawh a ang a ti viau, an pahnih chuan car chhungah lutin, factory hmun hma vel chu en fel turin an inkhalh chhuak dun ta a.
A hmun an thlen chuan pawn lamah pawh chhuak mai lo in car chhungah chuan an ṭhu dun vang vang phawt a, an kalna hmun chu tumahin an tlawh pawh tawh awm awh hian a lang lo.
"Helai hmin chu thlaler ramro ang mai a ni a lawm le." Luca chuan a ti chhuak ta nge nge a.
"Enga ti maw?"
Jonas chuan Luca lam chu a hawi phei a.
"Tumah helai hmunah hian an kalin a luh chhuah pawh ka ring tawh lo, bro ka ngaihdan chuan hmun diklo ah te hian kan kal a ni mai lo maw?" Ti in a ngaihdan chu a sawi chhuak a.
"Ka chiang bik chiah lo." Jonas chu a mengnur deuh nawng a. "Mahse inchhhung lamah lutin kan va en chiang hrim hrim hrim dawn em niang?"
"Whoa bro, i â chu a ni em lo maw?" Jonas chu a melh deuh kawk a.
"Eng thil nge kan va tih chiah dawn tih pawh kan hriat loh hi, chutia risk lak huai viau pawh chu chi in ka hre lo, a chhan chu ambush pawh kan tawk thut mai thei."
"Ngaihtuah duh suh, silai mu danna vest kan inbel tho hi, naute ang maia rilru no in an awm ngai lo, i lu lamah an kah fuhloh na tur che in fimkhur la a ni mai."
"Ka lawm e f*cker."
Jonas chu a nui chhuak hawk a, an pahnih chuan an chhuak dun ta nghal a.
Inchhung an lut ṭan chu an ṭawng zawi dun tawh khawp mai, a chhan pawh hmun zau tak ruak vek tawh hi chu a khawk duh viau a, chumi ah chuan thawm pawh an dim dun a ngai hle tih pawh an hai lo.
"A chhungril lam luhna kawng ber kan zawn hmasak phawt a ngai ang." Ti in Jonas chuan a sawi a, Luca chu a lo bu ve nghut, an lut ril zel a, a hmin lah a zau ropui leh nghal Jonas chuan hma a hruai zel a, "He hmun hi a zau si a, kan zawn chhuah vek a ngai dawnbawk si." Jonas bawk chuan tilehin a thawk a la pah hawk.
"Hetia kan pahnih a kan kal dun zel hi a ṭhat ka ring, a chhan chu kan pahnih chuan engkimah kan jn cover hman zel ang a ." Luca chuan a ti ve bawk a.
"Jonas pawh chuan a thusawi pawmpui zet a buk khum pahin, "Ni e i ti dik ang." A ti ve bawk a.
Chutih lai tak chuan thawm an hre zui ta nghal a, inchhung chu a zau a a ruah em a vangin a khawk kual vel vek, khawi a ṭanga rawn chhuak nge tih chu chhui zawn a har duh viau, Luca chuan Jonas chu zai zir hian thawm neilo turin a hrilh a, inchhung reng reng a light inchhi chu a dim hlawm hle a, chutah tam a la inchhi lo bawk nen, a dim ruai vek mai leh nghal, an kalna kawng tut anhmu thei chang chang chauh tih ang vel chauh hi a ni mai a.
Jonas leh Luca chuan ṭan hmun an siam fel zui nghal vat, an pahnih a inhnungchhawnran chung chuan hma lam leh hnunglam anveng tawn dun a, "Khawi a ṭanag kha thawm kha rawn chhuak nge a nih?"
"Inhnuai lam hall a ṭangin ni in ka hria, helaiah hian awm chu an awm chiang a nih dawn hi."
"Nilo e, Luca light a inchhit danah te hian ngaihtuah ve ta che, an awmchiang tih te chu!"
"Ok, MrSherlock."
Inhnuai lam chu an pan thla dun a, an che reng reng chu an fimkhur dun hle bawk, chet byan buan na chi ni oawhin an hre lo, hetiang thil hi an lo tih ṭhan tawh em a vangin engtianga tih tur nge tih chu hrilh hriat chawp an ngai dun lo hle, thawm dimtaka kal chungin inhnuai lam chu anhnaih thla dun hret hret a, hmeichhe thawm ni awm tak chu an hre zui leh ta a, a thawm rawn chhuahna chu a hnaih tak deuh hlek a vangin an hre chiang thei tawh viau, "Hmeichhe au thawm a va ang ve."
"Bro a ang khawp ma ."
Thawm dim takin an hma lam chu zawi te in an pan phei dun zel a, room pakhat zawn an thlen chuan an ding dun chawih, chu hmun ngei a ṭang chuan thawm chu a rawn chhuak tih an hre ta bawk a, hmun dang ai mah chuan chu room chu a eng zawk bawk tih kawngkhar inkhar kar a ṭanga eng rawn chhuakah chuan a hriat bawk a, "Helai room ah ngei hian nih hi an awm, mi engzah chiah nge awm ka hriat a ngai ang." Ti in Jonas chuan Luca chu a hrilh ru a.
"Min lo cover ang che." A tih zawm leh nghal a.
Luca pawh che chhuak nghalin Jonas hnung lam chu a lo veng a, Jonas chuan kawngkhar awng a ṭng chuan a bih thla ta a, tumah an rawn kal an rin loh vang nge ni chulai hmunah chuan an fimkhur vak lem lo, kawngka pawh chu kalh lo a khar tawp hi a ni nghe nghe a, "Mi engzah nge awm i hmu thei em?" Zawi tak hian Luca chuan a rawn ti leh sup a.
"Pakhat chiah ka hmu."
"I hriat mi a ni em?
"Aih, ka hriat mi ni pawhin ka hre lo."
"Nih leh Sierra i hmu thei em?"
"Aih ."
Jonas chu a rawn inher a, "Ka lut dawn a nia." A ti ta mai a.
"Kan pahnih in kan lut ang." Luca chuan alo ti ve thung a.
"A ngai lo, tah hian min lo nghak turin kaduh che Luca."
"Nilo e Jonas, nangmah chauh chuan ka luh tir hauh lo ang che."
"Ka tih awmzia chu ka lut hmasa dawn ka tia nia, chu lo ahka hmu chiang thei silo a, mipakhat chauh an loh nih loh takin."
"Ok, mahse fimkhur hle ang che."
Jonas chuan a buk khum zauh a, chumi hnu chuan kawngkhat chu ri lo thei yur ang ber leh zawi zet hian a hawng a, silai a ahma lam tin ran chung chuan a pen lut ṭan ta a, a thil va hmuh a vang chuan a phu deuh zawk, inphen tur leh ṭan hmun rem melh thuai in hun rem chang a chet la nghal thei tur chuan a inring nghal a, a hma lam chu a silai chuan a tin nghal bawk a.
Room chhungah chuan bar hi a lo awm reng a, tah chuan Sierra hmel dang tawh tak leh sawi sak ṭhin tih hriat zet hmel pu leh cher tawh tak chu a va hmu ta tlat mai a, chutianga Sierra hmel a hmu chu a thinrim kher mai, "Hei hi i thil ei tawpna ber tur a ni ang." Ti in kawngkhar pawn lama a mi hmuh pa chuan a lo vin khur khur a.
"Heihi eila, awn luh nawn leh ngai turin min siam suh ang che, chuan heihi hre bawk rawh, rilṭama thih te kha i tuma nih chuan a thawk dawn hauh lo, chutiang i ti a nih vaih chuan keiman ei tur ho hi ka pelui tho tho ang che, chuchu i hria maw?" Ti in a lo vin khur khur a.
Sierra hmel tak chu Jonas chuan a awmna a ṭang chuan a va hmu fiah thei vak loa, thleng keh ri a hre zawm nghal bawk, "i plate tih keh ṭhin hi bansan tawh rawh." Ti in a vin khum leh nghal tuar a.
Jonas thinrim lutuk chu a insum.hram hram, a chhan pawh a hun ah tak chet chhuah a duh tlat, b*stard thleng keh mai mai kha i ngaih pawimawh chu a nia leh, a lo ti rilru a, awmhmun ah a inpet ruh ṭeuh bawk.
"Vawithum ka chhiar anga chuta ila ei ṭan duh lo fo a nih chuan.... i inchhir ram ram na turin ka siam leh ngei ang che." A ti fiak leh ṭhawt a.
Sierra chuan engmah a sawi lo thung, chu pa chuan number chu a let zawngina. Chhiar ṭan ta a, "Three."
"Dawihzep pa min that nghal law law rawh." Sierra erawh chuan a lo ti sam et a, a ṭawngkam chhuak a ṭang chuan a beidawn zia pawh a hriat theih ngawih ngawih .
"Kha i hliam te pawh a dam ṭan tawh a, hliam dang siam sak leh tur che chuan min nawr lui duh suh." A ti leh hmuk a.
Jonas chu a lo inpet ruh nasa, hmeichhe kut thlak ching hi a haw ngawih ngawih, a ni chuan chhan awmlo in hmeichhia kut a thlak ngai hauh lo, mahse a pawi an sawi anih erawh chuan a that mai ṭhin, hmeichhe pangai ang chi phei chu a kut hmawr pawh an lakah a la hman khum ngai lo a, duh pawh a duh hek lo.
"Two." A tih leh takah chuan Jonas chuan a silai chu a hum nghet zual sauh, chu pa chuan silai a hum.ve reng a vangin leh Sierra lama a tin tlat a vang chuan a fimkhur hle erawh a ngai ang.
"F you." Ti in Sierra chu a phun leh sep a, chu pa huat zawng tak a tling a ni ngei a niang, a rum chhuak nghut a .
F*ck me, thla tam.tak chhung he hmunah hian khung beh in a awm.tawh a a lei chu a hriam.ngaiin a la hriam reng tho a nih hi tih chu Jonas chuan a ngaihtuah a.
"Warning ka pe lo che ti in sawi hauh suh." Tih leh chet lak hi chu pa chuan a tum nghal a. "One." Chu pa in a kut lek kan lai tak chuan Jonas chu a rawn che chhuak ta a, "Ka awmlai chuan ka thlen tir hauh lo ang le." Tih sawi pah chuan Jonas chu a bihruk an atang chuan a pen chhuak nghal a.
Chu pa in Jonas a han hmu chu a phu deuh zawk a, "Tu nge maw i nih hrep le?" A ti nghal a.
"Jonas." Ti in makti zet hian Sierra chuan a lo ko ve sap bawk a.
Chu pa in Jonas hming a hre chiah a hmel put chu a danglam nghal vek, "Jonas Black maw?" Mak tih hmel zet hian a ti chhuak a, chu veleh a che chhuak thut, a silai a chuh nghal vatin, mitkhap kar lek chuan Sierra a hma zawna ding chu a kap nghal pawp, "Nilo." Jonas chu a au chhuak nghal a, Hnunglam a ṭangin Luca chu a rawn tlan lut a. chu pa chu a rawn kah sak a, chu pa lu chu a fuh chiang kher mai, mahse Sierra pawh lei lamah a tlu ve nghal , Jonas chuan a pan phei vat, thisen nen a lo inchiah piah niaih a, "Jonas, silai mu khan a fuh hman tihna mi?" Ti a Luca biakna pawh chu a hre chang tawh lo, chhuat lamah chuan a ṭhinṭhi thla rawp a, Sierra lu chu a tun kan sak a, "Babe min kalsan lo hram rawh." Ti in bei dawng aw zet hian a bia a.
"I ṭha leh vek mai ang."
Tunge hnem a ṭawngthlamuan a tum, a mah hi maw? Sierra dinhmun chu a hre lo tak zet zet si a, tunah hian a chan a nih vaih chuan a hringnun hi pangai takin a hmang leh tawh dawn lo tih pawh Jonas chuan a in hre chiang hle, a awmna a hriat hma a azawn lai chhung zawng pawh khan a mah ngaih a vangin a â lek lek tawh a, tunah Sierra hian a nunna a chan a nih vaih zawngin a â hlen dawn tih pawh a chiang hle.
"Come on Sierra....." A mittui chu tla in Sierra chhuat lama engmah hre lo biangah chuan a far thla kauh kauh a, "Babe hei leh chen hi i lo tuar tawh a, tun maiah chuan beidawng hauh suh aw." Sierra sam thur phang mai ah chuan a chul sak a.
"I kal hi ka phal lo."
Luca pawh chuan chutiang khawp a Jonasa'n a han tuar mai chu mak a ti hial zawk a, chu hmeichhia chu a hmangaih takzet tih pawh a hriat phah bawk, Em chungah chutiang chu thleng ve ta ang se Jonas awm dan ang bak sawn a awm a ring bik chuang lo.
Jonas chuan Sierra engmah hre lo leh thisen nen a in chiahpiah niaih chu a pawm kang a, biak mawlh mawlh pahin car lam chu an pan pui ta a, "Luca hospital hnai ber pan rawh, Sierra hi ka chan thei lo ang." Mittui a vanga meng phi ruai chung chuan a rawn dak chhuak zawk a, mahse rei a nilo, Sierra lam bawk chu a melh leh vat nghal a, "Babe nilo, nilo, kan tlai hman loh hram ka beisei, tuar fan fan rawh aw,hei, ka hmu tawh che a, ka thlah leh tawh ngailo ang che."
"Oh God, ṭanpui lul teh!" A ti chhuak hrawih a, thawk a la pah hrawih bawk.
Jonas mittui far hi Luca chuan a hmu lo ti ila a sual hauh lo ang, mahse tunah hi chuan a mittui a far ve tsk zet zet, a pa a boralṭumkhan naupang mai a la ni a, mahse a ṭap chhuak hauh lo, mittui nen a in pet ruh fan fan a nih kha, chu bak chu Jonas mittui far a hmu leh tawh ngai lo, a vawihnih na a tan tun ṭum hi a ni leh ta a, a nunna mi pawimawh tak pakhat a chan tawh a, tuna mi hi a pahnihna a nih zia a ti lang, hei chu chan tum tawh lo hle tih a tilang chiang hle bawk .
No comments:
Post a Comment