IT'S JUST AN ILLUSION CHAPTER 38

 IT'S JUST AN ILLUSION CHAPTER 38

Fakna milem awm kha a thei theiin theih ang angin khawih leh vek tum ang aw.




Jonas kal tak hnu chuan doctor chu Sierra room lamah a lut nghal a, kawngka a hawng Sierra tukverh lam hawi a mittui hru malh malh a lo awm a hmuh chuan a pasal chu a thiamlo nghal ngawih ngawih, khatiang khawp a mipa nunrawng leh mahni nupui te lakah pawh khawngaihna lan tir theilo mipa kha a mi huat ber te zinga mi a ni hial in ring, "Enge i an?" A bul a va din ve pah chuan a ti a.






Mittui kar a ṭanga Sierra chuan lo melh zeuh in, engtin mah a chhang ta lo chuan a mittui chu a hru hul a, pawnlam a hawisan leh daih a.







"Ti ti dun a, sawi dun te i duh tawh em? A hma a i pasal bula i thil sawi khan a ngaihtuahna i tih buai sak deuh hlek a."






Sierra chu a la ngawi ran thung a, "I pasal sawi dan chuan nau i nei ni a i rin thu a sawi a, a ni reng em?"






A rawn hawi let a, "Naute ka nei niin ka ring a nilo a, ka nei ngei a ni tih hi ka hre chiang hle zawk a ni." A ti ta a.







"Ok, a nih chuan chumi chung chang chu sawi dun ang aw, nih leh naute chu tunah khawiah nge a awm?"







"An la bo." A hmel chu hmuh theih khawp hian a ngui nghal raih a.






"Tu in maw la bo a?"






"Ka hre bik lo."






"Nih leh Sierra tu in nge kidnap che tih hi i hre mial em?"








"A rei tawh lutuk a, kha mi ni kha ka hre chiang thei tawh lo, ka harh chhuah chuan tan in ang chi bar kalh hnanah ka lo awm reng tawh." Thawk a la halh a.








"Nih leh i pasal ten an rawn chhanchhuah ni che a nangmah kap tu pa khan inhnamhnawihna a nei ni in i hria em?"






"Aih, a mah nilo midang a awm, chu pa chuan engtik lai pawhin hmaikawr a invuah ṭhin a, mahse ka hriat mi ni tlat a hriatna erawh ka nei, a aw kha hre tawh ṭhin in ka hria, mahse khawi hmunah nge tih leh engtikah nge tih erawh ka hre chhuak zo tawh lo." Beidawng zet hian a ti leh sep sep a.



.

"Ok, a nih leh naute chu i nei chiang a ni tih engtin nge kan hriat theih ang, ka tih awmzia chu MrBlack hi a pa dik tak a ni maw?"








Sierra chu a ka deuh hau a, "In awih lo tihna mi, min kidnap tirh khan naute thlathum mi vel a nih ka ring ka lo pai reng tawh a, Jonas kha bumin ka rai theihloh thu ka hrilh a, mahse kei pawhin ka rai erawh ka ring bik chiah lo, mahse ka rai ta si a, chuan kha hmunah khan naute chu neiin min laksak zui ta nghal a." A ṭap chhuak zui leh ta nghal a.








"Ok, ok, vawiin a tan chuan duh tawk phawt ang, exam neih che ṭha in i hre ve reng reng em?"






"Aih, kha chu ka duh lo."







"I naute kha i hnena a rawn kir leh i duh a ni lo'm ni?"







"Duh e."







"Ok, chuti a nih chuan nau i neih chian zia kan prove ngei a ngai dawn lawm, ka exam lo che anih chuan tumahin nau i nei a ni tih hi an rin sak lo ang che, chu chu i laka ka tih theih awmchhun leh ka ṭanpui theihna ber tur che a ni tih hi hre ta che."






Sierra chuan hnuailam a melh raih a, "Aw le." A ti ta sep a.




*******       ******        *******







Jonas a office room chhunga a lut chu Bugsy leh Elijah a va hmu nghal a, "Well,  tunge heta rawn inlan ti thlu ta hi!" Bugsy chuan nui hmel hi a pu pah sawng bawk a.







"Bugsy i ke  chu enge a an tawh? Tuna tan chuan warning dang inpek leh na hun pawha nih rih loh hi!" Rum.zeta melh chung hian Jonas chuan a ti bung nghut.







Elijah lam chu a hawi phei a, "Elijah ka hriat tur thil a awm em ni?"






"Awm lo e, a ni hi heta a awmchhung ka lo en thlithlai mai a nia."






"Nge a ni hian a en thlithlai zawk che,nge ni a inpahnih hian in inveng tawn in in in enthlithlai dun kan ti zawk dawn?" Jonas chuan a lo tih zawm a.








"Khatin thil âtthlak lutuk te chu sawi chhuak lo mai teh! Sierra hian thil a tih chian hma chu engthil mah tih ka tum lo tih hi ka chiang viau a nia."









"Hmm, helai hmunah hian beisei ka ni lem lo tih chu ka hre chiang khawp mai." Bugsy chuan nui vur vur chung bawk hian a rawn ti leh a. "Chu lo ah, a nupui te reuh te mai hi thlaruk chuang zet a bo a, tu bulah tak hun hmangin a hringnun chu chen ang.... " Jonas thinrim hmel rapthlak zet a hmuh chuan a thusawi chu a tawp chiang kher mai.







"A chung chang thu khatianga vawikhat pawh i sawi leh a nih vaih chuan sangha ang maiin ka chan sawm chiang viau ang che." Jonas chuan ati ta khur khur a. "Ka sawi chu i hria maw?" A vin khum leh ṭhawt a.
.

.


"Ok ok, ka hria e." Bugsy chuan ati nghal vat. " Mahse heng paper ho hi sign phawt mai teh, chuan engkim hi ka ta vek a ni tawh ang."







"Bugsy he ka office chhung hi rangtakin chhuahsan hrep zawk rawh, chuti a nih loh chuan i tan a pawi palh hlauh ang e."





"TUNAH."


..


Bugsy chu rang lutuk a che chhuakin, engmah pawh sawi ngam leh tawh lo chuan a kal chhuak ta vat a.







"Jonas i inthunun deuh a ngai ni in ka hria." Elijah chuan Bugsy chhuah tak hnu chuan a ti a.






Jonas chu za lo zeta nuih chhuah hawk pah hian,
"Nang pawh ka hmel hmuh phaklo ah awm la a ṭha in ka hria."








Elijah chuan a melh deuh vung vung a, engmah pawh sawi leh tawhlo in a chhuahsan veleh ta a, Elijah chhuah hnu chuan thawk a la ri hawk a, a office tukverh chu va hawngin thawk a la deuh kawk kawk a, hmel ngui zet chuan a desk lam a pan phei a, rilru ipik zet chuan a chair ah chuan a thu thla.hnawk a, chutih lai tak chuan a phone a rawn ri a, pickup nghalin, "Hello, Jonas Black."







"Mr Black Doctor Anderson ka nia."





.
"Eng thil nge i duh hrep a?"







"Hospital i rawn kal hunah ka office ah rawn kalin min rawn hmu lawk thei ang em? thil tlem sawi tur a awm a."









Jonas chuan athinrim chu bengdaih tum zeta thawk lak hawk pah hian, "Thil diklo a awm em ni doctor?"



.


"Infomation then khat ka nei tawh a, chu chu hmai chhanah ngei sawi dunin ti ti na hun nei lawk i la ka ti deuh a."









"Ok, ka rawn kal nghal dawn nia." Jonas chuan phone chu dahin chair a a kawr chung dah chu a ha leh nghal a, a office room chu chhuahsan nghalin, a personal assistant hnenah chuan hnapawimawh a a chhuah tur thu leh thil urgen a awm a nih chuan Elijah  lo tih tir mai turin a chah a, inhnuai lama a car awmna chu a pan thla ta nghal a.



.



Jonas chuan a car awmna athleng a lut dawn chiah, a hnung lam a ṭanga a hminga rawn ko tu an awm a vang chuan a hawi let leh a, rei vaklo hnu chuan thaw deuh hlap hlap hian Star chuan a bul a rawn thleng phei ve nghal.a, "Jonas enge i an zel?"








"Thil duh i nei em ni?" A lo tih khum nghut.








"Enge i an, i dam ṭha em tih rawn hriat ka duh mai chauh a nia." No zet hian a melh pah ralh a.






Jonas chuan a lo menkual khum rulh thung, "Tak tak a na, ka ngai lutuk che Jonas."








"Khatiang chuan ti lo teh Star." A chal adawm khum ruih a.








"Nilo Jonas, kan pahnih khan hun nuam leh duhawm.tak kan neih ṭhin kha, khatiang thil kha thleng ngailo awm ang tak chuan kan awm thei lo ang."









"Star nupui ka nei tawh!"







"Nilo, Jonas kha te chu paper ah chauh a ni a lawm, chuan ka hre chiang bawk che a, kha nu ang chi hmeichhia kha i duh zawng a ni ngailo hrim hrim tih hi ka hre chiang hle bawk, heng thil te tham tak a vang hian min hnar lo hram rawh."








"Hawh dinner eitur in kal ang, chuan kan sawi dun dawn nia, a nih loh pawhin dinner chu skip ila, hotelah kan pahnihin sawidun ang." Asiai khum pah leh zeuh a .







"Star tunah huan hun ka neilo, meeting ka nei."








"Nih leh naktuk lam te?"









"Yeah, ok, ka rawn call ang che."









"Handsome ka lo ngai chang reng ang." A inher nghat a, akal zawng chuan a mawng bawr chu it awmthei tur ang ber chuan a ti sik sawi pah a.








Jonas pawh chu carah lut in hospital lam.pan chuan a inkhalh chhuak ve ta nghal a, a hmun a va thlen chuan Doctor Anderson office chu a pan ding nghal a, a ni chuan a lo nghak reng tawh tih hi a hriat mai a, Jonas a va luh chuan lo nuih sak pahin, "Mr Black i rawn kal nghal vat a vangin ka lawm e." Ti in thuhma a nei hmasa te te phawt a.







"Infomation ṭhen khat i nei tawh ti in i sawi em ni?"




"Aw, Sierra kha ka lo be nual tawh a."




"Chuan?"





"A sawidan hmanga a landanin midang inhnamhnawih an awm ve thu a sawi."






.
"Kha chu chiang sa a lawm,tunge a nih Sierra chuan a sawi em?"






"Aih sawi lo, a sawidan chuan chu pa chuan mask a vuah reng ṭhin ati."







"Chu pa chuan a lakah anihna a thup a nih ngei dawn chu, chumi awmzia chu Sierra hian a hria tihna a ni bawk ang a."








"Ka hre chiah bik lo, chuan a mah exam neih kha a min phalsak bawk a."








Jonas chuan Doctor thusawi reng reng a ngaithla tawh lo, Sierra hriat zawng anih si chuan Bugsy chu a nilo chiang tihna a ni a, a chhan chu a hmel a la hmuh miau loh a vangin, tu chu nge ni ta ang?









"MrBlack ka thusawi chu i ngaithla em?" Doctor chuan a rawn tih takah chuan a harh chhuak deuh zawk.






"Sorry engmaw i sawi?"







"Ka sawi chu, i nupui khan a mah exam neih rem a ti tawh tih thu ka sawi a nih chu!".




.

"Yeah, chuan?"







"Ka thil hmuh chhuah chu kar thum emaw kar hnih emaw liam ta vel khan Sierra chu postpartum a ni!"





.
"Eng post maw ni a?"







"MrBlack i nupui chuan nau a nei ngei e."







"Ni e, chu chu a sawi ngei tih ka chiang, ngaithla teh doctor kha thil kha a ngaihtuahna ah tuh sak hauh suh!"








"Well, MrBlack engtik lai khan nge doctor nihna degree i lo neih reng reng a? Oh a ni tak e, i nei hauh lo, mahse kei chuan ka nei thung!"








"Chuan hei hi ka hrilh duh bawk che, i nupui Sierra hian fa kar thum emaw kar hnih vel kal ta khan a nei tih hi hria la a ṭha ang."







"Chu thu chu mi awih tir i tum hrep amaw, a teuh lo mai doctor." Rum zet hian doctor chu amelh run a.








"Hei hi ka hrilh ang che, he thil hi medical lam beh chhan a ni a,thu dik ngei pawh a ni bawk, i nupui chuan fa a nei ngei tih hi ka chiang hle bawk ."







Jonas chu a hma aiina mengrum zual sauh.






"He i thu hriat hian a shock viau ang che tih chu ka hriatthiam pui che a lawm MrBkack, mahse hun tlem in pe la, i pawmthiam ve zel mai ang."







"Fiamthu nuihzatthlak lo zet i thawh a ni zawk hrep lo maw doctor?" Tih pah chuan Jonas chu a ding chhuak a, Sierra room awmna lam a pan ta nghal a.






Kawngka a hawng chiah, "Chhuak rawh, heta awm ve tur hian ka duh lo che." A lo ti nghal hlar a.








Tun ṭum zet chu Jonas hmelah erawh kal a tum hmel loh kher mai, "Sierra inhnialna ti chhuak tu ni ziah lo teh."







"I chhan na ka duh!"






"Engkim zep awmlo in min hrilh vek rawh."







"Engmah hriat ka nei lo tih hi i hmu thiam ve lo emaw ni le? Chuan ka naute pawh khawiah nge a awm tih ka hriat loh hi, kei hetah him pial a awmin engmah ti thei dinhmunah ka dinglo leh ta nghal." Sierra pawh chuan ati bak ve hlar a.




"Naute chu a ṭha maw?"





"Enge i sawi awmzia?"





"A dam chiang maw?"





"Thlakimlo in a piang nge a hun dik takah a piang?"





"Ka fa a ni ngei em?"





Sierra chuan bangbo zet hian Jonas chu a melh a, a ni erawh a thinrim viau tih a hre chiang hle, "Eng maw?" A ti chhuak sep a.






"Well, i hrechiang duh a nih chuan kan sawi mai ang e, khalai thing hmunah khan Pete tih hming pu nen khan in cheng dun reng bawk a, chu pawh thlakhat chuang fe chu a ni ngei ang."








"Chutiaang chuan sawi pawh i va sawi ngam zawk ve, he naute hi i fanu ngei a ni a, kha hmuna Pete nen khan engtin mah kan awm ngailo, unau ang tlukin kan awm tih hi hre ri ngawt rawh, chuan Jonas thil pakhat nawhchizuar hmeichhia ka nilo a, i nupui ka nih hi."







Jonas chuan a kut chu a lek chhuak zuai a, Sierra erawh a lo tawlhhnung hrat thung, Jonas chu inngaihtuah chhuak lehin a kut chu humruh ṭeuh chungin a thlakthla leh a, "Sierra birth control i hmang ti in i sawi kha."






"Well, dawt ka sawi a nih kha."






"Dawt min hrilh a maw?" Jonas chuan a va hnaih nghal ruak a,a hmel chu a dur in a rapthlak kher mai .







"Jonas kei pawhin ka rai mai ka ring bik hlei nem, mahse kha thurochhiah ah erawh kha chuan puih che ka duh a...."







"I ṭanpuina ka duhhlei nem damnit, chuan Pathian in fanau rochun
 a pek hi nang hian infiamnan i lo hmang mai mai thei lo vang."







"Chuan fa neih ka duhlo tih pawh i hre chiang hle bawk."







"I thil tih zawng zawng hi thil theih pawh a ni hrep lo ve." Ti in avin khum leh tuarh a, a in her nghut a, chutih laitak chuan doctor a rawn lut ve nghal a, "Ti nge in au chiam chiam, enge a chhan?" A rawn ti lut a.





Jonas chuan rum zeta lo melh pah chuan, "I lo ngaihven na chhan tur a awm hrep lo." Ti a chhangin Jonas chu a kal chhuak ta nal nal a.







Sierra chu hreawm ti in a mittui a far nghal zung zung a, engtin nge a tih dawn tih pawh ahre tawh lo, a thuruk chu tikhan Jonas chu a hrilh hre ta a, mahse engvang a fa chu la duhlo cheu nge a nih chhan? Ni e, khalai hmunah kha chuan a ma fa ngei naute chu a hmuh ve hunah chuan a rilru pawh a dang mai ang ti khan a ngaihtuah a, mahse tunah lah an fanu chu khawiah nge a awm tih lah a hre tawh bawk si lo, Jonas lah kha zawn sak turin a ti ngam dawn der lo tiha hre chiang hle bawk si a, beidawngzet chuan a ṭap chhuak ta a.






"I ṭha em?" Doctor chuan a rawn ti a.





"Sierra ngaihtuah duh suh, a thu hriat khan a shock em a nih kha, rilru pangai zawk pu in a rawn la kal leh em em ang." A tih zawm leh nghal a.







"Mahse Jonas khan a ti dik a ni. A thusawi engkim.kha thudik vek a ni bawk, fa a neih duhloh zia thu hre reng chungin ka biak bum a." A inhnit nghal hlap hlap a.



******       ******          *****






Jonas chuan rilru buai nuai in a penthouse lam a pan a, a penthouse a thlen hnu chuan a thawmhnaw phelhin, shower hmang turin bathroom lam a pan nghal a, tui a inphuh tir pah chuan thil chi hrang hrang a ngaihtuah a, mumang rapthlak zet ansawi ang mai hi ni in a hre bawk,  fa chu a nei chiah em, fanu a nei chiah a maw? Tunah tak hi chuan a thi nge a dam tih lah a hre der mai si lo.








Thawk a la hawk a, tui chu kalsanin towel a ban nghal a, a room lamah lutin thawmhnaw dang a in bel a, balcony lam chu a pan phei ta a, he hmun hi a nilo'm ni Sierra sex a hman pui a tih tluk ni hmasa ber ṭum a an awmna kha, thil kal tawh hnu chu a chhui zui noh noh a, Sierra chuan a mah ah thil tam takah pawimawhna a nei ngei a lawm, mahse a rinloh leh a beiseiloh lutuk a a bum a vang hian a haw ngawih ngawih a, a hmel hmuh leh pawh a duh dawn em a hre lo, mahse chutih rualin a fanu erawh zawn chhuah ngei a tum nghet bur thung!







A phone ri a vang chuan a ngaihtuahna a ṭanga harh chhuakin a pickup a, "Hello?"







"Luca."






"Hey bro, enge i an ka rawn hre duh mai a nia, thuthar hriat te i nei tawh em?"









"Naute a?" Luca pawh chu a thu hriat chuan a ṭhawng kher mai.







"Jonas i fa maw?"






"Luca engtin nge ka tih dawn chiah tih pawh hi ka hre lo." Jonas chuan thawk a la pah hrawih a.







"Dex kha ka tir a, kha factory hlui kha lo va chhui chiang deuh turin kati ringawt a, Winsconsin ah khan kal lehin ka fanu chu ka va zawng leh dawn em ni te ka lo ti a, nge ni a Sierra bulah hian ka awm rih zawk dawn, enge tih tur tih pawh hi ka hre lo Luca, Sierra chungah hian ka thin a rim.hle. a ani mai, he a thil tihah hian ka ngaihdam theih tawh pawh ka inring lo."








"Jonas Sierra lakah khan eng ang rilru pawh pu mah la, tun dinhmunah erawh chuan engah mah dem lovang che, tunah khan hreawmna nasa tak leh rilru lam a harsatna nasa tak a tawk tih kha hria la, chuan Sierra khan nangmah chiah mamawh a nei rih a vangin, LA ah khan awmin i nupui chu lo ngaihven ang che, keiman Dex chu ka lo call ang a, engtia hma lak zel tur nge tih chu ka lo ngaihtuah fel ang e."







"Naute chu kha Winsconsin kha khan a mah chauhin rei a bo hauh lo ang tih ka chiang."








"Hetin engmah tilo in ka ṭhu mai mai thei bik hleinem Luc,ka fanu hi ka zawna ngai, a chungah thil engpawh thleng thei a ni a sin."









"Hmeichhia maw a nih a? Min lo ngaithla teh Jonas, i fanu chu kan zawng hmu em em ang tih hi ka chiang, keipawh flight rawn chhuak hmasa ber turah ka rawn kal nghal ang,mahse thil pakhat Sierra hnen a ṭang khan i theih ang ang engpawh hriat chhuah lo tum ang che."







"Ok, ka lo ti dawn nia."








"Ka sawi kha hrereng ang che Jonas, i nupui kha a rilru hah thei zawng in engmah tawrh tir tawh suh,kha hmunah khan a tuartam.tawk tawh viau tih hria la, arilru tih hah belh zawngin chet la lo bawk ang che."









"Ok, ka lo tumdawn nia bro." Phone chu a cut ta a, Jonas chuan tui lo zet hian zanriah a kil a, vawiin chhun lama Sierra a ṭawngkhum dana ngaihtuah khan Luca thurawn rawn pek nen chuan in mil lo tak a ni ngei a lawm, ni e, Sierra chuan a tuar nasa lutuk ang, mahse engvangin nge a biak bum khang lan? Rokhawm chung chang vang hrep khan maw, Jonas chu a nui chhuak hawk a, mahse thil ni tawh sa chu engti kawng mahin a thlak danglam in hun kal tawh chu a siam tha leh thei tawh lo tih pawh a hria.








A dinner chu tui tilo zetin a hnawl rawk a, a rilru chuan an fa ringawt angaihtuah bawk, eng ang nge a niha, naute duhawm zet a ni ang em, a mah nge a chhun ang a a nu Sierra zawk? Jonas chuan a thil ngaihtuah lai chu a duh zawng ani hauh lo, chu ai chuan Luca sawi danin Sierra hnenah va kalin thupha a va chawi ngei angai ang,he nu hian a mah ah thil tih theihna riau a nei a, a haw rei leh thei dawn chuang lo tih pawh a hria, fa a nei ta rau rau bawk a, tunah chuan he a thil rochun tur hi an nufa hming a dahin a ni chuan a kalbo san mai a niang chu! Chu chu an pahniha himna tur ni in a ngai bawk.








A insiam sawk sawk a, hospital lam pan chuan a chuan a  chhuak ta nghal a, Sierra room chu a pan ding nghal a, a chhung a lut chu thawm a lo reh ṭhiap tawh, Sierra chu a khumah pawh mulo in ṭhutthlengah hian a lo ṭhu mu a, "Sierra?" Ti in a phun chhuak sup a.





A muhil tui viau pawh a niang, "Sierra?" A rawn che ṭiah ṭiah a, "mmmm."






Fiah zeta rawn meng chhuakin, "In zawng hmu tawh em ni?"







"La zawng hmu lo."






A in hnit nghal hlap hlap a, Jonas chuan a zu kuah nghal a, "Jonas pawi ka ti lutuk, birth control hmang anga i bula ka insawi a vang khan pawi ka ti tak zet."






"Kei pawhin pawi ka ti lutuk."





A mittui chu hru hulin, "Eng nge pawi i tih ve chhan?"







"A chhan chu keimah vangin nilo se heng thil chhe zet zet hi i tawng dawn silo a lawm."








"Jonas i diklohna pakhatmah a awm lo, a chhan chu kha inneihna kha aih ti in ka chhang thei reng a, mahse thu dik tak chu ka ti ta lo a ni, hei hi keima duh thlanna ngeia ti ka ni a, nangin engmah thiamlohna i nei lo, aih ti a ka chhan theihlohna chhan che pawh ka hmangaih tawh che vang in."






Jonas chu a ding chhuak a, "Sierra....."







A rawn ding chhuak ve nghal a, "Jonas min hmangaih ve lo tih chu ka hria a lawm, chuan min hmangaih let turin ka phut hek lo che, he thilah hian ka mawhpuh lo che tih hi hria la ka ti mai zawk chauh a ni." a ti leh a.








Jonas chuan Sierra chu va kuah lehin, "Baby pawi ka ti lutuk."








"A chhan chu tumah hi ka hmangaih theih ve pawh ka in ring lo, ka kuta ka khawih leh an mahni a ka intahluhna ho te hi ka ti chhe zel ṭhin a, chutiang a ka tih te zingah chuan ka tel thei ve lo che."








"A hma a i thusawi kha i ti dik chiah, ni e, i sawi ang khan ramsa mai ka nih hi babe."







"Black Jack ka ni a, hitman ka ni bawk."




"Sierra tualthat tu ka nih hi!"




"Mahse misual te chauh a lawm i thah ṭhin."





"Ni e, mahse chu chuan a thlak danglam phah chuang lo, tualthat tu ka ni tho tho."





"Jonas min hmangaihlo a ni tih hi ka lakah i sawifiah a ngai lo ang."








"Sierra thu dik ka hrilh ang che, hmangaihna hi enge anih ka hre lo, mahse hei erawh ka hre thung, min kal bosan lai khan ni tin leh second tin hian ka ngai ngawih ngawih ṭhin che, chu chu i sawi hmangaihna chu a ni em? Chuan i tan thih pawh ka in huam a, i tan midang thah pawh ka pawisa hek lo, ka hre lo, mahse ka thil lo tih tawh ṭhin a hmelma ka neih ho te hi nangin i lo tawrh hi ka duh lo."







"Jonas mi thalo tak chu i nilo a lawm." A lo ti veleh sep a.








"Nilo ve, baby, i ngaih ang ai daih in mitha lo zet ka ni zawk, chuan ka theih anga rangin kan naute chu ka zawng chhuak ang,chu chu ka ti ngei ang tih ka tiam ang che, chuan in pahnihin ka thlah zalen tawh ang che u."







"Mahse i thlah zalen nih ka duh hleinem, kan vaiin chhungkua nih a, inngeih tlanga taka awm ka duh zawk."








"Sierra chu chu eng tikah mah a thleng thei ngailo ang, i hmu thiam ve lo em ni? Ka bula in awm a nih vaih chuan nang leh kan naute in pahnih nunna a tan ahlauhawm tih hi hre ta che."







Sierra chuan Jonas kawr awmah chuan tham sakin a ṭap khur leh ngar ngar a, a chan chhiat zia a ngaihtuahin hre awm a ti kher mai, engvanga Jonas chuan hetiang hna i lo khawih kher kher nge a nih? Engvanga mipangai awm anga awmlo a, hitman hna chu lo thawk nge a nih chhan? Hmangaih a tawng ve a,mahse a mipa hmangaih nen chuan an awm dun thei ngai dawn lo a nih chu, a tan chuan rapthlak tih piah lam hi a ni ringawt.








Jonas chuan Sierra chu nghet leh zual a kuahin, "Thei ni ilang chuan ka bula awm tir che hi ka duh ber a ni a lawm, mahse thil theih a ni silo." Ti a phun leh sup pah hian Sierra a awm a bei chu nem sawn deuh hlekin a mittui tla chu a kut a hruk fai sakin a heh ah chuan duhthawh zet hian a fawh sak a.







A thlah leh thuai a, "Ka kal tawh ang e naktuk lamah ka rawn hmu leh ang che." Tiin Sierra chalah chuan fawh sak leh zauhin a inher nghal vut a.








Aw sin rat leh zawi takin a, "Khawngaih takin awm rih rawh." A rawn tih avang chuan thawk a la hawk a, a inher let leh nghal, "Babe ruahmanna ṭha tak a ni dawn em ni?"








"Ka tih awmzia chu reilo te chhung ka mutthilh hma min ṭhutpui rawh ka ti mai chuah ania, mahni chauh a awm hi ka duh lo, ka hlau."









Jonas chuan thawk a la hawk a,"Ok, ka awmpui dawn che nia."









Jonas chuan Sierra chu a malchungah pawmin a awmah chuan a bei tir a, tum pawh ni se khatianga ngenna kha a a hnial theilo a, khatiang chung khan kalsan thei bawk hek lo.

Ni e, hlau taka awm chung leh nghal chuan a thei lul lo.








Khum lamah chuan pawm pheiin a awm ngheng tur a kuahin blanket chuan a tuam nghal a, a taksa chu a khur dar dar tih pawh a hai lo, chutianga a awm a hriat chuan a mah ah hreawm tihna hlirin a khat bawk, Pathian khawngaih takin tunge hetianga ti tu hi pui hram ang che...... a chhan chu tunge an nih tih ka hriat hunah chuan an pian hma ngai ram ram khawpin ka siam dawn si a.... ti in angaih tuah a.