TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 20

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 20

THEO.....

"Nilo, nilo, nilullo, heti ang hi ka ngaithla duh lo." Alexandra chu atlânchhuak nghαl a.


"Heti ang chanchin lawmawm lo inhriat ahan ngai ta mai hi pawi katih pui lutuk che u." Doctor chu akal chhuak a.



"Alexi." Ka âu zui a, min chhang hauh lo, atlαnchhuahna lamah chuan ka úm zui ve ta nghâl a.



Room pawn ka va chhuak Detroit kawngka bula lo ding hnenah chuan,"Khawilamah nge Alexandra kha akal i lo hmu em?" Ka ti nghâl a.


"Boruak thiang dawng tura akal lawk dawn thu min hrilh."



Hunter dinna lam chu ka hawi phei a, "Hunter Alexandra chu nangin min va ngaihven sak ta che?" A bûk nghut hnu chuan ache chhuak ta nghal a.


"Dimitri call a eng thil nge thleng tih ka sawi fiah ngei angai ang, hetah an mamawh tih ka hrilh ngei pawh angai tel ang." Rilru hah zet hian tháwk ka la hruih a.




"Thil aṭha lo lamin akal tihna em ni?" Hmel hlimlo tak chungin Detroit chuan a rawn ti ve sup a.




"Doctor sawi dan chuan amah mangṭha tur ho chhûng leh khatte koh khawm hun anih tawh thu asawi alawm."



"Hei leh chen kan  thawh ho  tawh hnu a, tiang chanchin dengkhawng zet hriat ahan ngai ta mai hi chu tawrh thiam har ka ti khawp mai." A rawn ti ve sup a.




"Kei pawh ka nia sin." Ka hlimna zawng zawng te kha khawiah nge an awm zawh tawh pawh ka hre lo, thâwklehkhatah abo duak niberin ka hria.





"Anih Terence leh fangs chung châng chu engtin nge kan tih dawn tâk?"




"A hmasa in Sofia hian eng chung châng nge ahriat  tih ka hrechhuak hmasa phawt ang."



"Chu chu engtin nge i tih ang a?"



"Ama phone ngeiin apa Terence chu loud speaker ah ka biak tir anga, chuan nirei vaklo chhùng New York a rawn kal turin ka sawm ang maw le."




"I â ta chu ani ém lo ang chu maw, chutia i tih te chuan kan hria ani tih hi anhre mai ang a sin." Ka thusawi maktih hmèl zet chuan a ti leh a.




"Ngawi renga kan awm anih chuan ka pa kâp tu hi tunge anih chiah kan hre har khawp ang le." Ka tih khum nghut a, ka ngaihdan pawh anilo hle bawk.




"Heti hian rem ruat ta ang ila, ka pa kah anihna ah hian Terence puihna kan mamawh ani tih hriattir ta ila, engtin nge min chhân tehreng kan en ang chu."


"Eng thil nge i tih hi i hriat chian ngei ka beisei Theo."


"Oh, ka hre chiang khawp mai, khalamah chuan." Ka tih khum hmuk a, rum zet hian ka en bawk a.



"Inlamah ka haw dawn, ka pa hmu ve turin Clegg ka rawn kal tir ve dawn nia."

Detroit leh Cooper chu ka kalsana, ka car awmna lam chu thleng pheiin inlam panin ka inkhalh chhuak ta nghâl a, khua pawh atlailam tawh khawp mai, in ka thlen chuan athim chhulh chhulh tawh, inchhúng ka lut alo ruak huai a, inchung lamah ka chhoh chuan Clegg chu ka room bula ding hian ka va hmu a, va panhnaih nghâl pahin, "Hey, Clegg khawiah nge Talia leh Jake hi?"

• "Dinner eiturin an kal chhuak anih kha, an rawn kir leh har lo ang."

"A nih Sofia chu roomah ala awm reng em ni?"


"Aw, a rawn la kal chhuah âwm reng reng ka hre lo."


"Ok, hetah hian ka lo awm ve thung tawh ang e, hospital lamah pawh i kal ve thei tawh ang, Detroit kha bia la, hma kan lak zel dan tur te pawh alo hrilh hre dawn che nia."  Mi a bûk khum nghut hnu chuan inhnuailam chu apan thla ta a.


Kawngka chu ka nam hawng a, khum chunga Sofia lo ṭhu túm bâr lam chu ka pan phei ta a.


"Sofia kan in biak angai in ka hria."


Min rawn melh zauh a, min hnungchhawn nghâl hmak.


Ka rûm chhuak nghut a, ka dawhthei dawn em tih pawh ka hre lo."Ka thusawi chu i ngai thla em?"


"Oh, ka ngaithla e, aṭha em?" Min nuih khum sâng chung hian arawn inher nghat a, chutah rum zet hian min rawn en chho a, mitmeng ling hlar chung chuan, "Tenawmpa ka thusawi hi i ngaithla duh tawh pawhin ka lo ring hlei nem." Changfal hian ati nawn leh ngat bawk a.


Ka thinrim ém avâng chuan ka mengzĭm khum san a, engtin mah ka chhang lo. "Uhh, i rilru ka tihnat sak viau che elo?" Min nuihsawh zui a.


"Sofia min tilui hauh suh ang che." Ka aw chu achang ṭha khel khawl khawp mai, a záwi hlé bawk.



"Ngawi hmak rawh Theo, mi  biak duh i neih chuan, Talia hnènah kalla va be záwk mai rawh kei ni lo in."


 Ka kut chu ka lek chhuak zuau a, mahse ka dahthla leh riai riai a, "Sofia khatin hnehsawh zet chuan min ṭawngkhum hauh suh." Kati leh ta záwk a, ka kut ka thawh teuh zia pawh ka hre reng.


"Oh, engvângin nge ka tih loh ang a? Mi chhaw diktak i ni tih hi inhre ta che, chu chu i hria em?"


"Engvanga i sawi ang mipa chu ka nih ngawt ang a?"

"A chhan chu kan hrilh ang che, Bahamas a min hruaina chhan kha ka virginity min tih chhiatsak duh váng chauh hi ani ti raw, chuan chumi hnu ah hmeichhe bawlhlawh tak ang maiin min en zui leh a heihi thudik tak ni pawhin ka ngai bawk." A ti ta hmiah a.


Za lo zet hian ka ṭhen khum suk a, "I duh ve hle tho tih kha ka la hre reng asin, abîk takin i lemchanna thil tih vek ani tih hi ka hre bawk, lemchan nana i virginity i hloh phal hi chu i thilphal ka lo ti vau asin."



"Oh, hrep tak che chuan, sana hi her let leh thei ni ila chuan maw, ka ti duh ngei ang tih pawh ring ringawt mai rawh tenawm pa."


"Ngawi chìp cham rawh sweet heart, ka duh loh loh thil min sawi chhuahtir hi tum lo mai teh!"


"Oh, chutiang chuan maw i han ṭawngvel a? Tehchai che chuan, i pian tirh aṭangin i kap ami kha alian sa ve hrim hrim nge? Chuti ang anih vαng chu em ni Talia hnènah he hmuna awm ve tura i lo va sáwm leh chhan kha?"


Chu hmeichhe chimawm thiam zet maiin a min chhân dán avâng chuan ka thinrimna chu thunnun hrám hrâm ka tum thung, Theo ala hun rih lo túnah chuan tiin ka inhrilhru mawlh mawlh bawk a.


"Eng nge ni ta Theo? I thil tih dikloh atam lutuk tawh avâng hian a fawng lamah pawh i vuan reng thei tawh lo anih hmel khawp mai." Za lo tih hriat fahran hian anui ri ve hak a.


Ka la ngawi rún reng thung, amarawh chu ka enchhukna mitmu chu a vawt zo vek tih pawh keimah leh keimah ngei pawhin ka hre reng.


"Kan hrilh ang che, Bahamas a thilthleng ho engmah khân atihbuai loh che avângin ani em?"


"Tùnah chuan i sawi zo tawh em?" Ka ti ta nghut a.


"Hremhmun lamah thlâwk bo rawh Theo."

"Thla chu nei ila ka tihna arei tawh ang, ka han hrilh ve tawh ang che, ahmasa berah chuan Talia kha keimana ka sawm ani ahauh lo, Jake ruala rawn kal ve anih kha...."


"Oh, chu i tân chuan aremchαng viau anih chu maw le."


"Pahnihna ah chuan ka pa kha kah ani a, chuvâng chu anih ka ring, ka dawhtheihloh èm ém a, chu thil chuan ka rilru pawh aluah ém ém chhan."


"I pa an kâp a maw?" Sofia chu aṭhawn hmél kher mai, mahse ka âwih lo hul hual, achhan pawh ahre daih tawh anih ka ring tlat, khatia han awm leh vel te kha, alemchanna vekah ka ngai lo thei lo.


"Engtin, engtikah nge? Túnah hian aṭha em, Theo nang i ṭha maw?" A hmel put dan chu arawn inthlâk thleng nghâl a, mak tih avânga menbial kawl kawl pah chuan arawn ti leh ṭiak a.


Eng dang sawi ve ta lo chuan, ka melh chhuk rùn rùn a, "I pa bia la ka duh." Ka ti ta sup a.


"Ka pa maw, mahse eng vαngin nge?" Mak atih zual leh hmél sauh.


"Thil thlen dan hrilh ka duh, chuan nirei vaklo chhûng chu heta rawn châm ve turin ka duh bawk."

"Engvânga chu thil chu ti nge i nih?" Zâwi zet leh aw sìn rât chung hian ati chhuak sap a.


"Sweetheart i pa ani a lawm." A hreh hmel chu ka hmuh thiam lui loh sak ngat.


"Theo thil ṭha tak anih ka va ring lo ém." Hreawm tih hmèl zet hian min melh chho a.


"I ngaihdân lam ka pawisa hauh lo, ka zâwt bawk lo che, call ringawt rawh, tichuan loud speaker ah i phone kha dah theinghilh bawk suh ang che." Khawngaihna tlâkchham hmèl zet chuan ka ti ta a.


"Loud speakerah maw ni a?"


"Keimana ka sawi nawn leh kher hi aṭûl tihna ami?" Nin hmél zet hian thâwk ka la ri hawk a, "Phone chu ti thuai ringawt rawh, tichuan loud speakerah i phone kha dah ngei bawk ang che."


Thâwk ala halh halh tih a âwm che dat dat aṭang chuan ka hmuhhmaih hauh lo, Sofia ngei pawh hian eng emaw diklohna chu aneih ve ka ring nghet ta bur a ni.


A phone chu akut khûr deuh dar dar chuan arawn lachhuak a, apa number chu dial in loudspeaker ah chuan a inring veleh adah bawk a, a pa chu rei arial lo kher mai, Terence aw ngei mai chuan," hello?" arawn ti ta a.

"Dad keimah ka nia."


"Sofia buaina tam tak hmachhawn tur i nei ania, he country hi mi hrilhlo in i chhuahsan a, chu chu hre reng ang che." Terence aw záwi tak si khauh ṭha zet chuan ati hrawih.



"Dad, i....."

"Khatia tih kha ka lakah hian angam pawh i vahan ngam zâwk réng réng ve maw le, kha thil i tih kha min rawnlo a ti inih avângin ila inchhir khawp ang maw le."  Sofia ṭawngvena hun pawh pelo chuan arawn ti nghâl tûn tûn a.


"Dad, phone hi loud speakerah ka dah a, Theo pawh ka bulah a awm, a be duh che a." Ka dinna lam chu arawn melh ralha, hlauhthâwnna hlir hian ahmél chu akhata, hmuhnuam ka ti viau thung!


Sofia kut aṭang chuan phone chu ka lαk sak a, "Terence keimah ka nia."



"Oh, Theo son eng nge tihsak theih che ka neih?" Sofia abiak dân leh mi abiak dân ki chu adang leh daih tawh.


"Terence ka pa kah anih thu kha i lo hriat ve tawh ka lo ring tawp a sin."


"Eng a, I tak tak em ni? Ka lo la hre hauh hlei nem, hre tawh ni ila chuan ka rawn call daih tawh ang che u, tunge kâp tu tih te inhre tawh réng rèng em?"

Dawt asawi chiang tih pawh ka hai lo, mahse thluak leh thluakin kan inbei dawn a, chu chu kan chakna ve ve pawh ani rèng bawk.


"Engmah hriat kan la neilo, chuvânga inlo kal angai ti a rawn biak tum che ka nia, chuan he thilthleng chung chângah hian inpiihna ka mamawh bawk ang."


"Tehreng mai Theo, túnah te chuan chhûngkua alawm kan nih tawh." A aw dam thlup reng mai chuan ka thin ati rim chiang kher mai.


"In theih anga rangin nang leh Marlene kha rawn kal vat thei ula ka ti ngawt mai, ka pa hotelah penthouse ka lo book lâwk sak dawn che u nia."


"Ok, kan theih anga rangin rawn kal ngei kan tum dawn nia."

"Ka lawm e, hotel lamah he thil chingfel tur hian kan la inhmu leh dawn nia."


"Ok, anih mangṭha rih phawt le."

Phone chu cutin Sofia zâm hmél zeta lo la ding zum reng kuta hlan chháwng leh pah chuan, "Zanin dar sarih ah ka pa hotel Hugo ah kan inhmu dawn nia, Clegg an carin arawn lam ang che, dar sarih athleng hman ngei turin lo inpeih ngei tum ang che."



"Nilo, hotelah chuan ka kal dawn lo reng reng."


"Oh, yeah i kal ngei angai ang Sofia, i pa nena thil tihfel tur kan nei tih kha hria la, chuan thawmhnaw hâk dan kha rawn thiam bawk ang che."


Soafia hmél ngui zet chu haiderin ka hnungchhawn vuta ka chhuahsan ta nghâl a.


    THE FANGS....

"Jimbo Trey hi athih ka ring hauh lo mai." Terence chuan khabe dawm meuh a ngaihtuah rún rún pah hian ati a.

"Well, athi lo anih pawhin ala thi thuai ang tih hi ka chiang ani, khatiang ang zah silaimu pai chung chuan tumah an damchhuak thei hauh lo ang."


"I sawi dik i han beisei phawt mai teh ang." Athaw ve hawk a. "Mahse Jimbo heihi hria ang che, adam chhuak anih vaih chuan nanghi arawn tum chat dawn che ania."


"Ka ring hran lo, mahse lungngai lo phawt ila, a rawn damchhuah hi ka ring hauh lo." A nui pah suk a.


"Theo hi chu hman tlâk anih loh zia i hre duh em, hei tùnah ngei pawh ka puihna arawn ngen chu a nia." Terence chu anui chhuak ve huk a.


"A â hle mai maw, engtin nge hetiangin Bronze Dragons pawl chu akal pui theih ang le." Jimbo chuan amit ko asan pah úk a, Theo ansawilai chuan ahmélah athamloh zia pawh ahriat vek áwm e.

"An leader tur hian Theo hi atlâk thlâwt loh, chuvânga hetia lút hi ka ni reng a, Bronze Dragons ho hian leader thar an mamawh tawh bawk alawm maw le, adik em? Theo ngei pawh hi adam rei tawh bìk hauh lo ang, chumi hunah chuan Callie ngei pawh hi ka thuhnuaiah ka la kùn tir ang a, ka thu thu in ka la awmtir ngei ang, mahse chu chu Trey leh Theo Bailey hi lei chhŭngril feet ruk hnuaia an awm hunah ani ang chu." Terence chu za zet hian anui chhuak a.



"I sawi dik chiah mai boss, Callie ngei pawh hian a fapa leh a pasal an thih tawh ber chuan remchánna azawng ngei ang le, anih tùnah hian New York lamah chuan kal i tum tihna maw?"


"Aw, tùnah chuan lo châwlla lo reh phawt rih ang che, ka rawn kìr leh hma chu engmah lo ti rih lo ang che."


"Aw le boss."


THEO....


In aṭanga ka chhuah hnu chuan ka pa awmna lam hospital chu ka pan leh zuai a, Detroit chuan chanchin hroat châk zet hian ka lam arawn pan phei nghâl tih pawh ka hmuh hmaih hauh lo, hmun fal lam chu kan pan dun a, "Well, engtin nge ni zel dawn?" Min en pah reng a. Ka pa theih loh chhúng chu ani hi ka pa chan chang ang pawhin kan sawi thei ang chu, ka pa min hmangaih ang zetin ani pawh hian kan ṭhatna tur aduh ngei ang tih pawh chiang sa a ni.


"Engkim chu ruahman dân ang chuan akal alawm, Terence pawh arawn kal nghâl dawn kha." Tiin Detroit chu ka chhâng a.


"A nih Sofia thung le?"


"Detroit ka hrethiam hauh lo mai, ka pa an kah thu ka hanhrilha ahriat pawh khân aṭhâwng viau mai a, engtin nge ka tih dawn pawh ka hrethiam lo, ahre lo tak tak anih te ka ring rum rum ta mai." Ka ti nguai ruih a.

Ka insehruh ṭha leh a, "Mahse actress ṭha tak pawh animaithei bawk, engmah amahah tharum thawhna kan la neilo hrim heim bawk nen."

"I chhungrila ngaihtuahna awm khân eng nge ahrilh che?" Chîk zet hian min rawn melh a.


Kan thusawi dân kalhmang thlâk chu sakin, "I âwih lo maithei, kan Terence ngeiawma chuan ka pa kah ani tih ka han hrilh chiah khân ala hriat miah loh thu in mim rawn chhâng a, he athil hriat hian ashock zia te arawn sawi bawk a, i âwih zâwng a ni em?"


"Chu záwnga mai mai chu leh, Detroit ngei pawhchu a insehruh kher mai, chuti ang tho chuan afanu ngei pawh hi a awm ka ring." A ti ta nghut a.

"Khawiah nge ka nu leh Alexi hi?" Ka ti ta zâwk a.


"I pa roomah an la awm ta remg anih kha, Clegga'n a awmpui ang."


"Dimitri chu i lo be ta em nih leh?


"Aw, athil hriat chuan aṭhâwng khawp mai, naktuk hian antheih anga rangin rawn kal an tum kha."

"Anih hetah Terence arawn kal anih chuan eng nge i ruahmanna ni ta?"

"Zanin dar sarih hian Sofia nen ka pa hotelah kan va hmu ang, kei mah ngei in ka va pan dawn tihna anih chu!" Ka thaw pah hawk a.

"Zanin hi container lo thlen zân ani a, unload turin min duh em?"

Aw, nang chu lo va kal hma la, Clegg hian Sofia chu ka pa hotel Hugo ah rawn thlah lawk sela, chumi hnu ah ware house ah rawn kal lehin kan hmeichhia te ho pui turin lo awm ve rawh se, chuan ka pa room kawngkhar hi Cooper leh Hunter hian engtiklai pawhin an véng tur ani ang."

"Nangmah a ikal chu ava ṭha awm lo ve, Sofia i hmuh hian i ném tlata hriatna ka lo nei ṭhin asin son, I pa pawh ni se he ngaihdan tho hi anei ngei bawk ang."

"Chuti anga ném lam pang záwng chuan ka awm duh hauh lo mai."


"He ka thlâi te châwm lian tur hian kan dinchhuah ngei erawh angai alawm, chuti anih loh chuan mi min thlir dânah ka ném lutuk angin anngai mai ang, chuti ang kan duh lo te anih chuan."

"Oh, hreptak chuan, chutin kan ném hauh lo ang, mahse plan fel tak neiin kan silai te hi kan hmang mai dawn chauh ani zâwk, thil pakhat ka han hrilhfiah ang che, Terence New York rawn kal tur hi nung damin a chhuahsan tawh hauh lo ang tih hi hria la ka duh."


SOFIA POV....

Theo an a Mr.Bailey chung châng asawi khαn min ṭhâwng lutuk tlat, mahse Mr.Bailey chu mi tuarchhel tak ani a, chutiang mai mai a ngaihtuah awm tak anih lo hrâm ka beisei, Theo chuan ka thiamlohah apuh tih pawh ka hai hauh lo, achhan chu ka pa hi Terence anih miau avângin, thudik tak pawh hrilh nimah ila Theo chuan ka lemchanna mai maiah min ngaihsak zel tho ang tih hi ka chiang a, oh mahse ka pa hi Mr.Bailey kâp tu nilo hrâm teh se, achhan chu Theo hian engtikah mah min ngaidam duh dawn si lo,heti anga ka pa ina min enkawl dan hi Theo chuan aring hauh lo ang, achhan pawh pa ten an fanu te hetiang hian an enkawl ngai tlat lo, Theo ana ka pa lam a ka ṭan loh zia hi engtin nge arin theih ang, engkim hrilh pawh ni ila ka lemchanna ah ruatin min awih sak dawn chuang lo, chuti ang bawk chuan apa ngei Mr.Bailey pawh ani tho, chuta ka chan chu ka pa min nghâisakna chauh a ni, he ka hmangaihna hi Theo chuan aring thei lo anih chuan ka pa leh achung châng thu ka sawi chu engtin nge an rin theih teh lul ang ni?

Nuamlo ti tak leh phúrlo ru zet chuan ka insiam ṭan ta a, bathroom lamah chuan ka lút a, ka inbual phawt a, chumi hnu ah thawmhnaw ka inbel sawk sawk a, Theo khân thawmhnaw inbel ah fimkhura thlangthiam turin min ti a, eng nge achhan ni ang tih pawh ka hrethiam chuang lo.


Nalh takin ka inchei ang tih lah engmah asawi bawk si lo, eng thawmhnaw chu nge ka hâk tâk ang tih ka ngaihtuah rauh rauh ringawt, chu athusawi avâng chuan ka buai rei map map kher mai, eng kawr ber nge ka hâk ang tih pawh chu ka hrethiam lo.


Va inchei nalhin nalh lo pawh ni ila, ka lakah engmah beisei leh rilru pèk áwnlam anei tak tak dawn chuang lo a, amit hmuh ah engpawh inbel ila atân chuan engtihna mah ani chuang lo.


"Kawrlum uk fual ka mal thleng vel tur chu ka inbel ta a, heihi ha ila zan khawvawt lakah pawh min vèng ang a, ka tan pawn aṭha hle bawk ang." Ti a phun chhuah sap pahin ka ha ta mawlh mawlh a, ka kawr rem tur tak chuan boot rawngsang ka chawnpuar chen dawn ka bun leh bawk a, ka sam chu fish braids in ka phiar mawlh mawlh bawk a, ka inpeih ta e.

Sana ka en chu ka phu zawk, "oh hun en hian ka tlai tak ngial dawn." Inhnuai lamah ka tlân thla hlawk hlawk a, pawn ka va chhuak chu Clegg hmel nelawm loh zet ka va hmachhawn zui leh ta nghâl, ka chebuai ani ber .


"Hun hian i tân awmzia nei deuh rawh se, nang angin kan hman reng lo." Alo ti hmuk leh nghαl, nuamlo ti zetin ka ṭhu lût a, kan tlân chhuak dun ta nghâl a.



THEO....

bar lamah chuan Sofia chu beer inpahin ka lo nghâk reng a, ka phone a time chu ka en pah zauh zauh bawk a, dar sarih chuan arawn thleng lo kher mai, chu hmeichhe ngeiawm tak chu khawiah chuan a awm hrep dawn chu ni maw?


Beer pawh nothum lai ka dawm tawh a, anuhrawn leh apa rawn thlen dawn lai te chuan lo awm ve áwm tak hi a nia.

Heti ang hunah chuan atân pawh thil han zawh vel chu thil ninnawm tak ani ngei ang le. Ka nui chhuak suk a, mahse ka ngaihtuah peih vak lo, hunin la hril záwk teh se.


Ka hma ah chuan Sofia ang maia hmeichhe sam dumhlap mai leh mitmu pawrâm mai Sofia ang taka vun sen uk kharh nei chu arawn kal phei a, jeans kekawr tight ṭha tak pawdal hi rawn in belin alai lang thei vek tur khawp a chhìng top dum ahnute kawhlah mai phuar ṭang ṭang chauh tur bahna pawh neilo a rawn ha a, achungah chuan leather jacket chhìng ang remg tak ahma pawh kilh pum chuang loh arawn ha bawk a, a lang sexy phian, chu nu pawh chu asâng ṭha hle a, "Hey nang hi, hetilai hmunah hian i kal fo ṭhin tihna em ni?" Min rawn flirt pah zauh a, chu nu chu ka hmuh pawh ka la hre lo.

"Ka landan aṭang hian ka kal fo ṭhin em ni i rin a?" Ka nuih khum ve suk a.

"Anih leh engvânga nang ang mipa hot zet mai te mahni a awm reng nge maw i nih chu le?" A sam kilh khawm chu a tuai pah zeuh a, hnunglamah chuan a hui kiang pah a.


Ka cigarette zùk lai chu hîp deuh vang vang pah hian ahmél duhawm ru tak chu ka va melh leh zauh a,"Mi nghahlai ka nei mai chauh ani e." Ka ti ta sup a.


"Girlfriend anih loh hrâm ka beisei." A mitmu pawrama mi en chhoh pah chuan , anui pah rah rah a.


"Girlfriend anih i beisei loh chuan Cassandra anupui huallai te hi han sawi ve chhin phawt la maw le." Sofia aw ngaihnobeilo zet chuan arawn ti ve ta hlar a.


"Oh sis i phâk chin bâka chet ila tum reng ṭhin tihna ani maw?" Sofia ina Cassandra ti a akoh nu chu chapo hmél.zet hian anui chhuak ta har har a.


"Uhh, half sister maw le Cassandra, nang pawh chu mi tupawh duh vel vek hi i la chìng reng tho tihna aniang a, entirnan ka tâ ngei ang chi te hi!"

"He pa hi i tân chauh a i dah reng theih loh hun ala awm ngei ang tih hi ka hmuthiam vek nghâl asin."


"Nang ang mihur nawhchizuar ang mai bul angah hian maw, chutiang mi chu i ni miau a." Sofia chuan atih khum leh kher a, chumi te pahnih inṭawngkhum dan vel chu hmuhnawm ka ti phian mai, hei hi em ni Sofia unaunu hrawn chu?

Ka edit hman ta thlâwt lo ani e.

SEDUCTIVE CHAPTER 4

Ka room chhúnga tampton box kenga ka luh leh chuan zah avâng a Eleanor hmâi lo sen ṭan ṭan chu ka  hmachhawn a, "Kha le i thil chu!" A kutah chuan ka hlán nghâl a.


"Hetianga manto i lei hi angai miah lo asin."


"Ka lei tawh a, chuvâng chuan nuam ti takin hmang mai rawh." Ka phone chu ka bihsan a, he nu hi ka theih ang tâwk a ahmel hi en tamloh ka duh, achhan chu a awmloh hunah ka mitthlaah a châm reng zela, chu chu ka duh tlat lo. vawiin a meeting tur ka neih chu ka peihlo kher mai, diktak chuan mut ka kham hauh lo.


"Wesley Cooper hmanhmawh takin hetah rawn kal vat teh!" Ti a min ko tu ka pa aw téng zet mai chu ka hre ta a, a aw aṭang chuan alawm vak lo tih pawh ka hai lo, ka pawisa lo bawk, Eleanor záwk chu aphu
zâwkah aṭang a.


Ugh, a sawi tur te lah ka hre tlang sa vek leh nghâl.

Ka room aṭang chuan chhuakin ka pa awmna ah chuan ka kal a, "Dad eng nge i duh?"

Ka pa chuan aphone chu phâwk zet hian alo melh tlawk tlawk a, ahmu ta ani ngei ang, "Engvangin nge chanchintharah nangmah hlìr i lan?"


"Damit." Rum zet hian ka lam chu arawn hawi phei a, ka mitko ka lo sân khum âwk duh lek chauh, chu chuan athin ati rim zual sauh emaw tih tur hian, "He kan sumdawnna hi tih chhiat chiah i duh ani ti raw?"

Ka pa hma ah chuan zâm map  lo hian ka ding rùn a, ngawi rengin rum zet hian ka pa chu ka en lèt ve a, athusawi te chu ring tak taka sawi nimah se, ka bengkhawn eih lo.

"Túnah sawi vat rawh." A aw chu avìn mah mah a ni.


"A hmasa berah chuan kha tamptons kha ka ta tur ani lo hrim hrim."


"Second, khati ang super marketah khatiang zah zah press mi an awm pawh ka ring lo bawk."  Ka pa chu mitmeng vawt zet hian ka melh lét ve a, amah zâwk chu azâm hmel mah zâwk, hetianga min zah tur hian ka siam reng, a awmdan chuan zir ni sela kei hian ka zah zâwk tur hi ania le mahse chutianga zah tur chuan a awm miau hek lo.


 "Khawi hmunah pawh an awm alawm." A ti chhuak ta ruih a.


"Túnah chuan chanchinbu mi mai pawh nitawh lo in tu pawhin kha i thlalâk hnaisailo zet kha an kawl tawh dawn a nih hi, girlfriend i nei ani lo maw emaw.... oh my God Wesley hei chu min hrilh miah suh nang hian....."



"I rilru ngaihtuahna kha vah kual tir chiam chiam lo la ani mai, he ka mimal nunah hian inrawlh ve lo tum duh suh." A sawithui hma chuan ka ti hmuk.


"Ka inrawlh tel ngei angai alawm, he company hi ka ta anih hi hre ta hrep che, hetiang dinhmun thleng chho tur hian hun rei tak ka lo bei tawh ṭhin a, nanglahin chu chu i hrethiam der mai silo."


"Oh, dad kei ngei pawhin ka bei nasa ṭhin ani tih kha theihnghilh mah ta che, i din chu ani nameuh mai, amah erawh he company lo len chhan chu keimah vâng chauh ani tih kha sawi tel ve zel ṭhin ang che."



"Eng emaw avângin top 5 ah kan company kha a awm phah tih te kha ngaihtuah ve la, ani em?" Nui hauh lo hian ka ti leh a, achhan chu za tak hian tuma hmaah ka nui zen zen ṭhin tlat lo, Eleanor hma ah chiah khân ka nui ve a ni deuh mai.


"Ka hria alawm, mahse i fĭmkhur erawh angai ang, achhan chu hmeichhe tam tak chhiarsenloh in he i pawisa leh hausakna chenralsak che tumin an zi nuai nuai ani tih erawh hre reng ṭhin ang che."


"Chutiang thanga âwk tur khawp chuan ka ât duh i ring ami a? Nang ang a hmeichhe ke hnuaia kùn nguih nguih chi ka ni ve hauh lo." Ka nui hul hak a.


"He thilah hian Katie hi sawi tel teivet lo mai rawh."

"Yes,.dad ka sawitel angai miau a, chùng i hmeichhe sawi ho zìngah chuan ani pawh atel ve miau alawm."


"Vawi tamtak ka hrilh lâwk tawh che, he hmeichhia hian i pawisa chauh tih lo chu nang ang pa upa leh tar tawh bawksi ah hian engmah duh a neilo ka ti ngun lutuk tawh, mahse i fapa thusawi ngei pawh chu i ngaithla duhlo a, chuvâng chuan ka chung changah hian inrawlh tum duh ting tang suh, min theihnghilh la, kei pawhin ka theihnghilh ve dawn che nia."

Ka inher nghut a, engdang mah sawi leh tawh lo in ka room lam chu ka pansan leh ta daih a.


Ka room chhŭng ka lùh hma chuan pâng ngai taka awm tumin ka bei a, héng feelings ka neih ho hian min tih nat ṭhin avαngin hmânah khαn héng thil ang chi ngaih pawimawh loh dân hi ka lo zir daih tawh, hmangaihna chenin, hmangaihna hi eng nge a awmzia ka hre tak tak lova, pawisa hian engpawh alei theih tih hi ka ngaihdan leh thudiktak ka hmuh dan pawh a ni bawk.



ELEANOR....



Wesley leh apa inhau thâwm chu ka ngaithla reng a, an ṭawng hrechiang chiah theilo mah ila apa thin chu arim hle tih ka hre thei, Wesley aw chu ka hre ve hauh lo achu, apa erawh ring tak takin aṭawng thung, keimah vâng vek ani tih ka hre reng a, nuamlo ka ti kher mai, Wesley arawn lan veleh thupha lo chawi ngei chu ka tum ta a, ani pawh arawn thinrim viau anga thupha pawh ka chawi ngam dawn emaw ni le? Tih ka ngaihtuah, kawngkhar chu arawn inhawng Wesley hmel ka hmu chuan min ṭhawng kher mai, apa ina ahauhna kha engah mah angailo ani hrim hrim tih tur khawp hian angaihven loh hmél a, mahse ka sawi tum chu sawina hun remchâng ka hmu ta zawkin ka hre ta a ni.


"I pa i chungah athin arim viau tih ka lo hria a Mr.Cooper, khati ang kha athleng leh tawh ngai lo ang."


A rawn dâk chhuak chu ka chungah chuan athinrim zâwk emaw tih tur hial hian min rawn enchhuk ta rùn a, ka rindân pawh adik ngei ang, apa khân tamptons chung chαng asawi kha ka hria a, chuvâng chuan kha thil min leisak kha news ah alang ani ngei ang le.


"Min ngaidam rawh..... keimah avαngin buaina tawn loh tawp tur i tawng ta si a."


"Khami avâng khαn ka lungnih loh phah hauh lo, ka lungnihlohna zâwk tak chu ka bedsheet i tih bawlhlawh vâng zawk hi a ni." Ati ta daih a.


"Chumi vâng chauh zâwk chuan maw ni a?" Ka mengbial nghâl kawl kawl.


He pa han uikawm zia mai hi, adinhmunah chuan ding ni ila, heti khawpa pawisa ngah chuan mirethei ṭanpuina fund eng eng emaw ka pe lùk lúk tawh ang, mahse ani chu chutiang pawh nilo in akhuma bedsheet pakhat bawlhhlawh avâng maiin alung nilo chu ania leh.
"Khawiah nge bilionaire ropui zet mai pawisa hman ngaihna pawh hre lo kha a awm tαk? Tùnah chuan bedsheet atαn man to tak nilo, i lei ve ngei tawh ka beisei." Ka tihkhum ve sak a.

Za zet hian arawn nui chhuak ta hawk hawk a, holy shit, sawtia anuih saw chuan aduhawm in mipa ngainat awm tak leh ṭha tak ani asin, engvânga he tia amah in cover nαna nélawmlo leh vawt ém ém reng nge anih erawh ka hrethiam lo, he pa hrim hrim hi rilru vawt tak nelawmloh zet pawh ni mahse amah a ngainatawmna tlémte chu ka hmuhhmaih chuang lo.



"Ka pa hi atar tawh a, aphunchiar viau bawk a, athusawi ho hi ka ngaithla ngai lo." A rawn ti leh hmuk a.


A sam chu atuai chho zauh a, "Alehlamah chuan khatiang thinrimna ngah tak kha anih avαngin abulah ka seilian a, ngaiah ka nei tawh bawk." A ti nawn leh a.


A phone chu amelh leh zauh a,"Tùnah chuan min lo hrethiam la, hna thawk tura ka kal ahun tawh, hun nuam tak i hmang dawn nia Miss Garcia." A inher a akal chhuak ta daih a.


"He hmun aṭanga ka chhuah hi ahun ta in ka hria." Tiin ka phun sap a, ka insiam ve ta nghâl a.

ELEANOR HOUSE...

In ka thlen hnu chuan ka veng huai mai, choka lamah chuan granny ka hmu phut chu mak ka ti lo thei lo, "Elo nizanah khawiah nge i awm? Ka lo ngaihtuah hman lutuk tawh che asin."


"Granny i mutna lamah kîr leh rawh."

"Niminah khawiah nge i awm tih min hrilh hma loh chuan ka kal lovang." Ati ta tlat a.


"Oh, ka awmna ka hrilh hma loh che chu i kal dawn lo tihna maw ni a?"

"Chutiang chiah vel chu!" Min nuih var var a.


"Dik tak chuan ka boss inah ka riak a."


"A hming le?"


"Wesley Cooper a nia." Ka bân chu ka tuai pah neuh neuh a, ka bulah pawh awm lo mahse ahming ringawt pawh hian keimahah danglamna asiam thei tlat ṭhin, chu ka boss hming hnâisâi lo zet chu.

"Eng ang mi nge?" Ka pi chu duhaiin adìlchhùt deuh hret chuan ka hria.

"A ni chu mipa sângṭha zet mai feet ruk chuang zak tur ani a, a hmél landan chu ka mitthla ah arawn lang leh iarh iarh a, "A vun chu nisa em uk kharh ang hian asen uk kharh bawk a, sam dum hlap kâwi lek lek a nei a, amitmu rawng chu gray ani a, thír ang maiin atle bawk." Chu thil ka sawi paha amitmeng de sawr sawr mahse lumna nei hauh lo ang mai a mengvawt ruih si te kha ka hrechhuak thar leh a, " A hmûi aliah huh hlap ṭhin avângin atle deuh hlar ṭhin! Ahmui rawng chu senno nichiah silo mahse tisen nei tak leh hrisel tak ani thung!" Kha ahmui sexy zetina mi arawn fawh laia ka taksa zawng zawng mitkhap kara phúrna pethei tu ngei mai kha, ka insawi tui zela amahni a sawi ta malh malh te pawh ka ang zâwk mah tawh.
 "Khaberuh kual nalh tak leh invuah rem tak anei a, akhabe hmul chu nithum vel ziah loh ang mai hian aṭo siar siar bawk ṭhin! Ti chuan ahmél put dân âwm ang chu i hre thiam thei em?" Mit meng de sar chuan ka ti a.


"Oh, honey i hmangaih nghâl nitlat a hriatna ka nei." Ka pi hmél chu ka melh zeuh a, ka zak thar leh hlé bawk.


Ka harh chhuak thut, ka phu deuh zawk bawk,"Eng maw, nilo ve granny ka hmangaih miah lo."

"Kha i mitmeng khαn min bum thei lovang." Oh, chu ka mitmeng hrep chu.


"Nilo, min....uhm...min pui mai chauh a ni, chuan ka chungah aṭha èm ĕm bawka."



"Mahse Eleanor fìmkhur hle ang che, ka tunu duhawm zet hi mipa ina remchâng anhmanna mai mai avânga rilru na taka a awm hi ka duh dawn miah lo a nia."


"Chuti anga min ngaih chu ka ring lo, achhan chu anelawm ngailo a, avawt ém ém reng a, arilru ka hneh thei lo ang, lainatna chhete pawh anei lo...."


Chuti anga ka sawi ang mi chu nilo se chuan ka hna aṭang khαn min bân hauh lo bawk ang. Thâwk ka lâk halh hnu chuan ka pi chu pâng ngai takin ka melh leh a.

"Ka han inbual anga ka rawn chhuk leh hnu ah breakfast tui tak ka rawn siam che anga Lola inah ka kal dawn nia, vawiin hian naute addopt ka tumna hmunah khân min kalpui a intiam a, niminah khân vawiina rawn kal turin min rawn ti a."


"Kha thil kha ilo la buaipui reng ani maw?"

"Tehreng mai." Ka pi chu ka nuih sânga.


"Anih leh engtin nge hnathawk chunga naute chu i enkawl ang a?"


"Ka dream anih avângin tihdan a awm mai ang, tùna ka hna thawh hian ei leh in a daih a, amah awmtura nanny ka rawihna tur chu part time ka zawng leh mai ang, ka hna hi zanlam ani bawk a, chhún lamah hna pahnih pawh ka thawk kawp leh thei alawm, ngaihtuah duh suh nang i awm bawk a." Hlim zet hian ka ti a.


"Ok, i ti dawn nia, Eleanor Garcia, kei chuan engtik lai pawhin ka support reng ang che."


Ka pi chu kuah zauh pahin, "Granma ka hmangaih che."


"Kei pawhin ka hmangaih che alawm."


Ka room lama chhoh pah chuan granny chu aroom lamah ka kâi chho a, akhum lama ka muttir leh hnu chuan, ka room lamah shower hmang turin ka kalsan ta a, tuilum sa ver vawr taka ka inbual hnu chuan ka thawmhnaw dahna ka hawng a, ka thawmhnaw zìng ami top bαnbul sen tak hlar leh jeans tight pawdal chu ka inbel a, ka top chungah chuan sweater dum ka ha leh a,ka sam rawng buang tle siau ngil tak chu mam taka khuihin ka thlah hnalh bawk a, lipstick ka inhnawih leh hnu chuan inhnuai lama breakfast siam tur chuan ka chhuk thla leh ta a.


Ka pi eitur pancake ka siam zawh hnu chuan coffee sa ṭha ver vawr tak nen aroom lam chu ka pan chho a.


Amutna bul side table ah ka hùn sak hnu chuan ka chhuk leh a, ka thilsiam chu ka ei mawlh mawlh a, hmanhmawh zet tlαi hlau tak chuan in chu ka chhuahsan ta a, innghahna tur kan tihna hmun children's home kawt ka thlen chuan alo la awm hauh lo, "Ugh, hei chu thleng lo hrαm teh se, khawiah nge Lola chu ni ta ang?" Tiin ka phun chhuak sap a. Ka nghah deuh reng hnu pawh chuan ahmél rèng rèng ka la hmu lo mai, Ka phone chu phawrhin ka be nghâl a, "Lola khawiah chuan nge i la awm hrep." Ka aw ka chhuak chu avĭn mah mah.


"Darkar chanve lai chu ka nghâk tawh che." Ka ti leh hlar a.

"Pawi kati lutuk Elo, vawiin chu ka rawn kal theilo ang, model pakhat lar takin min rawn pan a, athla te lαksak a ka tih chhuah hma chuan sum tam tak ka inchhiar lⅇt min pék a intiam si a, he aphoto hi contest na a entir tur ati bawk nen min lo hrethiam mai dawn em ni ang? Mahse pawi kati lutuk ania aw, túnah ngei pawh hian inbiakna hun tak ngial pawh ka neilo, pawi kati takzet, khatah khân rawn kala puih i ngaihna ah chuan rawn puih che ka duh viau a, mahse vawiin nilengin hna ka nei ta si a."


"A pawi lo e Lola, alehpekah chuan min hriat tir leh anga, kan la kal dûn leh ngei ka beisei, kan inhmu leh vat dawn nia.." Hlimlo ru tak chung chuan ka ti ta a.


"Aw le, inlút chhin poh ang hmiang."

He hmunah hian Lola chuan min rawn kal pui ka lo ring a, ka hlimna hi mi rawn hmuhpui ve tura ka duh teh lul vei nèn.


Inchhúng ka va lút chu naute ṭap ri leh naupang infiam thâwm ri nak nak chuan min tihlim phian, he thil hi lo tih ka rilruk rauh rauh tawh ani a, túnah chuantih puitlin in a awm dawn ta ka hlim hle bawk.

Mipa ka duh hauh lo, hmeichhia ngat ka duh, mipa rilru chu in ang vekah ka ruat, ka pa, ka patea khawvelah hian mipa chu ang khat vekin ka en ṭhin a, hmangaih atan an tlak lohva ṭhian atân chiah an tlâk tih hi ka hrechiang tawh hle in ka hria.


Kawngkhar arawn inhawng veleh a, chu ta rawn lût pa chu mit khap lo lèk hian ka melh kawl kawl, heta arawn lang ve tehthut hian min ṭhawng mah mah, a nithei lo ka mitthla anih ka ring rum rum hial, amitmu gray colour chuan min rawn melh zauh a, "Oh, hello Miss Garcia." A phone lam bawk chu a melh leh tawh a.



"Wesley." Chu zawng chauh chu ka kâ aṭanga chhuak thei a ni. Heti ang hmunah hian arawn kal ve chu ka rin loh lutuk avânga mak ti viau pawh ka ni maithei bawk.


Min rawn melh leh zauh a, ka makti hmel chu mi nuihzat ru zet hian, "Huh?!" A ti ringawt.


"Mr.Cooper heta i rawn kal ve pawh ka lo ring hauh hlei nem!" Eng chu nge maw ka sawi chhuah leh tâk ni, ka hmùi chu ka pet zauh a, sawi sual inti zet chuan ka chal ka dawm zauh bawk.

Miss Garcia i heh i pet leh tawh!" Achal achuar pah zauh a.
Oh, he pa hrep hi chu! Ka meng tâl deuh tap.

"Hetah hian tihtur ka nei a, chuvânga rawn kal chauh chu ka nia, nangmah rawn ngaihvena rawn kal pawh ka ni lo." Mi pawh en hlei lo chuan ati leh sup a. Ka thusawi khân chuti ang angaihna rilru aput tir chiang mai, kha thil kha sawi chhuak tur pawh ka nilo asin, khawihmunah pawh akal athiang si a, mawl ka inti leh hnuhnawh kher mai.


Mi rawn melh chhuk rulh pah chuan,"Anih nang eng nge tih i tum a?"


"Uhh, ka mimal nun i bula lo sawi ve chiam chiam hi aṭhatna âwm réng ka hre lo, i tân chuan aboring lutuk." Ka tih khum ve hmiah.



A phone alo bih leh daih tawh, ka chhúngte ni se chuan aphone ken abih reng chu ka benthlαk sak tawh maithei...

Min rawn melh leh zauh a, "Min ring rawh, keimah ah engtihna mah i nilo, mahse he hmun boring lutuk hi ati ziaawm maithei asin, he hmuna i kal ve chhan min hrilh avâng pawh hian lawmthu ka hrilh maithei bawk che a." A rawn ti leh sup a. A mengkual pah rulh bawk a.


Engtin mah ka chhâng lo, kan taksa aingnaih azeng pawh ani si lo, anih chuan engvânga he pa ngei awm zet rawn lan tâk hnu a nuamlo ti ru ngawih ngawih a, ka chét te chu khawr ta riau va inhria nge ka nih keh tâk?

"Well,,min hrilh chu i tumlo ni in alang." Ka lam pawh rawn hawi leh tawh chuang lo hian a rawn ti a.

Ugh, he pa zet hi chu!


"Well.....naute adopt ka tum a."

"Oh, really? I mi chhânna chu ka beisei loh lam pang daih a ni." Mengzim sun pah hian min rawn en chhuk rauh rauh a.


"Eng vanga naute chu adopt duh nge i nih, achhan min hrilh thei em?"

"Achhan chu tûn hma a ka hun lo hman dân avâng te pawh ani mahna le, chuan nangang mipa sumdawng hausa leh lian tak hian ka chanchin lungchhiatthlâk tak i ngaihthlâk duh pawh ka lo ring hlei ném." Ka kut chu ka âwm zâwnah ka kuangkuah hlân a.


"Eleanor i chanchin tam tak hi hriatthiamloh ka nei in ka hria." Chu amitmeng thim raih chuan tawrh har zet tur hian min rawn melh chhuk a, ka hming alam dan. Pawh chu ka duh zâwng tak a ni, a aw thâm lam lek lek chhâng deuh hlek leh pa hrâk mai a ka hming ahan lam ban deuh chalh ṭhin chu sexy ka ti tak zet, chutianga ngai tu chu kei chauh ka ni hauh lo ang.


"Well...." ka aw ka thian pah hraih a, sawi zawm leh in, "Ka birthday ni tak a ni a.


ALEANOR FLASH BACK....


Khami ni kha ka la hre reng ṭhin, túnthlenga ka theihngilh theih loh ani bawk, khami ni fahrah diktak ka nih ni leh ka piancham ni tak kha.....


"Daddy?" Ka pa chu arawn kal ve mai a, a insiam peih at bawk, ka birthday ah khawiah emaw min hruai atum ani ngei ang tih ka ngaihtuah a, ka nu a awm tawh loh hnu hian ka pa nen chuan kum 5 chhúng ngawt kan chèng dún tawh a ni, ka pa chu ka neihchhun ani a, abula ka awm chuan him tâwk viau a inhriatna ka nei, ka thlâ amuang hliah hliah a, tudang ka ngai bík ngai lo, nu nei tawh lo pawh ninah ila pa tal ka la nei alawm ka ti ṭhin. Mahse chumi ni chuan ka rinloh leh beisei loh deuhin thil athleng dawn tih ka hre lâwk hauh lo.


"Mommy angin min kal bosan ve ta emaw ka ti hman asin." Ka pa chu ka kuah châih châih a, ka thlahlel ngawih ngawih bawk, he khawvelah hian ani bâk min hmangaihtu ka nei tawh si lo.


Ka pa chuan ka kuahna kut chu min phelh saka, min namsawn deuh hlek bawk a, "Elo, i nu chu athi tawh a, mahse akalsan duh ngai lo ang che, engtikah mah."


"Ka .....ka bula awm reng turin ka duh che daddy, mommy ang nilo in."


"Eleanor kum engzah nge i nih tawh?"


"Daddy i fiamthu ti raw?" Ka phu deuh zawk, ka pa chuan kum engzah nge ka nih tawh pawh ahre lo.


"Vawiin hi ka birthday ani a, kum sawm ka pumhlùm chiah." Tiin ka pa chu ka chhâng a.


"Pawi kati lutuk Eleanor, mahse heti ang renga ka nun hi hman chhunzawm ka duh tawh lo, chuan i nu engtikah mah a awm tawh dawn bawk lo nen."


"Eng thu nge sawi i tum dad?" Ka pa chu angaihna hre lo zet hian ka en chho hâ a, ka tân chuan hriatthiam aharsa réng a ni.

"Dad." Ka pa hmel ngui zet chu ka en a.



"Eleanor tûn aṭang chuan kan chéng dun thei tawh lo ang, nang hian ka nun min tih chhiat sak zo dawn, hetin i bulah ka awm reng thei tawh lo ang."


"Mahse ka pa i ni asin." Ka ṭap chhuak ta a.


"Keiin i pa nih ka duh tawh hlei ném, ka nun hi abul aṭanga ṭan ṭhat leh ka duh, chuti ang bawk chuan nang pawhin i tih angai ang."


"Daddy, mahse i fanu ka ni a, kum sawm chauh ka la nih hi." Lungchhiat lutuk avânga ṭawng pawh ṭhawng ṭha hlei thei lo leh inhnìt pah chung chuan kati leh hlap hlap a.


"Khawngaihin dad, chu ti ang chuan tilo hrâm rawh, min kalsan veleh chuan tumah ka nei tawh dawn lo, hnuchham inah pawh ka awm duh lo." Ka pa chu ka ṭah awh a.


"Chutiangah i awm lo ang, i pi bulah i chèng ve dawn alawm."

"Eleanor mangṭha le."


"Mangṭha maw? Nilo, daddy min kalsan suh, engtin nge i tello in ka awm ang a? Daddy min kalsan suh!" Ka pa inkhâi chhuak tur chu akekawr ah ka pawt bet a, ka pa chu ading chawt,"Keimah chauh chuan min hnutchhiah suh, he khawvelah hian nang chauh ka neih tawh che hi! Khawngaihtakin min hruai ve rawh, tùn aṭang chuan ka sual tawh miah lo ang, i thu thu in ka awm tawh ang a, i thu ka âwih tawh ngawt ang, mahse daddy min kalsan suh!" Tiin ka pa chu ka ngen mawlh mawlh a, "Ka nu ang khân min ti ve lul suh daddy?" Ka pa chu a ding reng a.


"Khαng ka hun lo hman tawh zawng zawng te kha katihsual lian tak ani tih ka hria e, i nu kha ka hmangaih lutuk, chhùngkaw hlim tak nih pawh ka duh, mahse heti anga nun erawh ka duh lo, achhan chu i hmel hian i nu achhùn èm ém a, ka mithmuh a i awm reng chuan i nu kha min hriatchhuah nawn tir fo ṭhin, he i mit meng ka en lek phei hi chuan i nu chiah chiah i ni. Hetiang nun harsa taka ka hman reng chuan ka thi thei mai ang, chuvâng chuan Eleanor ka hlimna hi min thlanpui ve zâwk rawh."

Ka pa chuan dawt asawi tih tún hnu hian ka hre ve chauh, ka nu kha chhunna ka nei tam lo khawp mai, ka mirmu rawngah bâk ka chhûnlo hrim hrim.

Ka pa pawh chu amittui asúr ve zung zung a, mahse ka hua, ka haw ngawih ngawih, tunge mahni fanu te duh lo tlat ṭhin ngai? "Eleanor ka hmangaih lutuk che, mahse heti anga nun erawh ka duh lo."


"Min kalsan chuan chhunglehkhat ka nei dawn tawh lo asin." Naupang mai ka la nih avângin ṭah mai loh chu tih theih ka nei lo, ka pa chuan ka vawnna chu min phihthlâk sak a, "Chuvangin alawm i pi bulah i awm dawn."


Ka pa chuan hreawm a ti ve tho tih amittui far ve zawih zawih dân aṭang chuan ka hria a, mahse engvânga kei hi min kalsan duh nge anih erawh engtikah mah ka hrethiam thei ngai lovang.


"A nih leh i bula ka awm theihloh na chhan ni ber ta chu min hmangaihloh avângin tiraw, a dik em?"

Min chhâng hauh lo, a inher a, min hnungchhawn tlat.


"Min chhâng thei lovang, achhan chu ka thusawi hi adik avângin, Dad...min hmangaihlo tih hi thudik a ni." Lungchhe zet chuan ka ṭap leh hliam hliam a .

A tâwpnan ti niawm fahran hian arawn leh hawi a,
"Mangṭha le Eleanor Garcia." Ka pa chu ain her lét leh a, hnunglam pawh rawn leh hawi tawhlo in a inkhai chuak ta a.


"Daddy kei chuan ka hmangaih reng ṭhin ang che." Ṭah aw ṭeuh chuan ka pa chu ka âu zui a, lungchhe zetin ka ṭap leh ta a,  ka nu tih tur pawh ka nei tawh lo a, tún aṭang chuan ka pa ti a koh tur pawh ka nei leh dawn ta lo.



"Khawngaih takin hetiang chuan ka chungah tilo hrâm rawh, nangmah chiah ka nei tawh che asin, tùnah lah nangmah pawh nei thei tawh lo turin min siam ta chu a nia, ka mal ngawih ngawih dawn ta a nih hi, ka duh réng vâng a ni lo, daddy nang hian ka duh lo chung fahrah ah min siam." Kha zân lungngaih thlâk zet leh ka ṭah nasat lutuk avαnga ka ṭah mut tawp kha ka la hre reng mai, ka dam chhùng zawngin ka theihnghilh tawh ngai lo ang.

Wesley chu mittui tlingpam chung hian ka melh chho a,
 "Ka naupan tet lai aṭang a he ngaih dan hi nei ka ni a, ka len hunah chuan naute fahrah nu leh pa neilo pakhat tal ka enkawl seilian ang a, amamawh zawng zawng anu leh apa hnén aṭanga a dawn theihloh hmangaihna kei hian ka pe ngei ang." Tiin Wesley chu ka hrilh a.

"He tiang home aṭang hian naute pakhat ka adopt ang a, kei hian ka neih tawk in leh ka hmangaihna chu ka pe ngei ang." Ka phun chhuak leh sep a.


 A aw rawn then deuh khurh pah hian, "I naupan laia i mamawh ang i hmuh theihloh pe tur chuan maw ni a?"

"Aw chuti ang chu!"


Ka mittui chu ka dang thei leh ta lo va, ka bianga chuan afar leh zawih zawih a, khatih laia ka nun harsat chhoh zia leh nat ṭhin zia kha, school  ka kal chhùng zawngin ka ṭhiante chuan parents day ah an nu leh pa te an rawn hruai a, kei erawh chuan ka pi chiah ka nei ṭhin, khâng hunlai te kha ka hre hhuak thar leh a, ṭap hlap hlap chung hian, "Engvanga he thil hi i bula sawichhuak nge ka nih? Mahni a vawng mai mai tur ka nih laiin?" Ṭah aw ṭiau hian ka ti a.



"Mahse engvânga ṭap kher nge i nih le?" A rawn ti sup.

Arghhh, ka chal
 ka dawmpah zauh .

WESLEY COOPER....


A ni pawh keimah ang chiah a hmangaihtu neilo ve bawk, keimah ang chiahin anu in athihsan tawh a, apa chuan engatân mah ati tawh lo bawk a, Eleanor Garcia engvαnga kan pahnih a hringnun hi inang ém ém nge anih? Kei chuan unau nu ka la nei tal a, ani chuan tumah anei ve lo, mahse kei pawh khatihlai kha chuan keimah chiah lo ni ila ka inti ṭhin, achhan chu ka unaunu avâng khân thil tam tak tih theihloh ka nei ṭhin si a


Well, aṭah ṭhan chu khatiang thil anunna athlen tawh vαng kha ani ngei ang, mahse ..... kei erawh ka ṭap ve ngai lo, chu ai chuan he thil hi ka chang chawi ta zâwk anih kha, hmamgaihna hian natna bân min thlen loh avângin hmangaihna hi engti ang nge tih pawh hriat loh law law thlang ta zâwk kha ka ni réng a.

"Hmeichhe ho hi chu hriatthiam inharsa viauin ka hria, nang ngat phei chu i ni leh zual." Ka ti sup a.


"A chhan chu ka chanchin lungchhiat thlâk zet i hriat tawh avângin." A insût deuh hraih a. "Tùnah chuan tumahin min hnangaih tawh lo tih i hre tawh a, ka pa min hring tu ngei ngei pawhin min hmangaih lo bawk a, túnah chuan ka pi chiah min hmangaihtu ka nei tawh, ani lah doctor sawi dânin a dinhmun aṭha lo chho telh telh ati bawk nen." a mittui rawn far leh nghαl zung zung chu a hru hul a.


"Ṭap tawh suh!" Aṭap hmel chu hmuh hreawm ka ti tlat,
Ka lo na ve ngawih ngawih zel.

A rawn dâk chhuak a, thíp zet hian min en chho a "Engvângin? Mittui te chu athlâwn alawm, ka ṭap anga ka duh phawt chuan ka ṭap zel ang." Thinrim tak hian arawn ti a.


"I ṭah khαn, i derthâwng zia min hriattir a lawm."

"Emaw hmangaihna hi ka care lutuk ani ti pawhin ti raw?" A rawn chhunzawm a.


"Eng tiang zαwnga hmangaihna nge i sawi?"

"Ka sawi zâwk tak chu chhùngkaw lama hmangaihna hi a nia." A hmélah chuan inthiamlohna hi ka hmu tel a.


"A nih te chuan adopt la, ti chuan mipa emaw hmeichhia emaw pawh ni se i hmangaihna chu lantir rawh."


A rawn nui chhuak leh ta var var a, "Aw le."


"Túnah chuan ka thil lo châk rùk ém ém chu tihpuitlin in a awm tawh ang a, naute duhawm tak chu he ka kut ngei hian ka pawm thei tawh bawk dawn a ka hlim lutuk Wesley." Hmél hlim zet hian min en chho a.

"Nichin deuh lawk khαn i ṭqp a, tùnah lah i hlim leh ém ém si a, tumah hian i mizia hi an hriathiam tak tak theih pawh ka ring lo ve mon amore."



"Mon amore tih chu eng nge a awm zia?"


" I ngaihtuahzui atâna ka duh loh thil ka sawina anih kha, hetiang a ka sawi tawh hnu ah pawh a awmzia mi ila zawh zel te chuan, sualna lamah ka thlém thlu sam lutuk palh ang che." Ka ti ta duah a.


"A ṭha e." A nui pah sâng a.


Anui hmél duhawm zet chu ka en ngawih ngawih lohna turin ka inthunun hrâm hrâm a khawdang ka hawisan daih.


Thildang kan sawi leh hman hma chuan hmeichhe pakhat vun hâng lam hian kan lam chu a rawn pan ta a," Mr.Wesley Cooper, Miss Eleanor Garcia, ka lo lawm a che u.

"Naute adopt turah khân thil tihsual palh pakhat a awm a,  hnathawk tu thar kan la a, chu chuan alo tisual palh hlauh mai a, pawi ka ti tak zet." Thupha arawn chawi nghâl sawk sawk a.


Hmeichhe pakhat vun hαng lam pang ani erawh chu ti lutuk ani lo thung, sam violet a dye vat hi arawn kal ve nghâl a, inthlahrun hmel zet hian, "Hello, chuan pawi ka ti tak zet." A rawn tihzawm nghâl zat a.

A hmasa a hmeichhia zâwk kha rawn ṭawng chhuak lehin,
"Ani hi paperwork lama thawk ani a, ani hian naute ngai ve ve kha in adopt turin alo ti palh a."

Ka hmui chu ka chîp hmak, chutianga hna uluk lo lutuk mi chu ka huat zâwng tak anni bawk, "Eng nge i thusawi awmzia chu?" Eleanor chuan alo ti a, kei erawh chuan athusawi tum ki chu ka man thiam nghâl vek.


"Wesley hian naute adopt atum ve hlei...."


"Miss Garcia ka thusawi awmzia chu nangni pahnih hian he naute hi in inṭâwm atân adopt ta mai ula, tichuan naute nu leh pa in ni bawk anga, eng nge inngaihdan?"

Ka duhdan anih ka ring lem lo, Eleanor chu ka en chhuk a, aphu nasa kher mai, thlarau hmu ang maiin ahmél pawh hmuhtheih khawp hian adâng nghâl sáwp sâwp bawk a, entin emaw chimawm zâwng taka chèt lâk keh zauh chu ka chák leh ta tlat pek.

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 19

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 19

SOFIA....

"Eng nge thil diklo awm?" Ka ti chhuak thei hrâm a.


"I hre miah lo maw?" Min vín khum leh hrâwk, amitmeng te chu ahlauhawm kher mai.


"Eng chung châng nge i sawi hi ka hrethiam hauh lo Theo?"


Min kal pél thuak a, ahmél chu ahlim tawh mawlh lo. "Theo?"


"I thawmhnaw ho kha pack ringawt rawh, he hmun hi kan chhuahsan dawn."

"Nangmah ah hian engthil diklo nge pawh ka hre hrep lo ve." Ti lehin ka ding ngal reng a, engtin maha min chhâng leh tawh lo chuan a phone chu aphawrh a, "Bert jet kha  thlâwk turin lo buatsaih ang che, tûn aṭang a rei lo te hnuah New York lam kan pan nghâl ang."
A phone chu a cut a.


Eng thil nge angaihtuah ang , nge thil ṭha lo tak te hi a thleng ta záwk?

A thawmhnaw a pack mawlh mawlh aváng chuan phûr lo zet hian ka pack zui ve ta a.


Ka inpack zawh hnu a ading ngul reng leh mi abiak miah loh avânga hreawm ti zet chuan ka va pan phei a, ka kut chuan khawih mai hi ka tum a, ka la lèt leh vat, amah khawih tur pawhin min duh tawh loh kha....

"Thil awmzia min hrilh hma chu khawiah mah ka kal dawn lo. "

A rawn inher a, rum zet hian min rawn en chhuk a.


"Oh, engthil nge ka tih a?" Mangang ru tak hian ka enchho a, mi thah duh hialna te pawh anei ta nimai hian ka hria.


"He hmunah hian hnutchhiahin ka kalsan dawn che tih hi ring rèng réng suh." Hotel reception lam chu check out turin min pansan ta daih a.

Oh, hei chu a ṭha lo kher mai, eng thil nge arilru ah chuan awm ta thut tih pawh ka hrethiam lo.


A rawn luh leh hnu chuan mi pawh en lo in "Kan kal hman chuan kal tawh ang." A rawn ti leh hmuk a, eng thil nge thleng chiah tih pawh ka zâwt ngam tawh lo.

Hotel hnathawk chu arawn lút a kan bungrua chu inhnuai lamah min dah thlâk sak turin arawn la a, kan thil vel chu alâk hnu chuan a kalchhuak leh ta mai a, keini pawh chuan kan zui thla ve ta nghαl a.


Car a rei vaklo chhúng kan tlan hnu chuan airport kan thlenga, kan chuanna tur jet in min lo nghâk reng tawh tih ka va hmu, Theo nen chuan kan inbe hauh lo Pilot pawh chuan abe miah lo bawk.


Ngawirengin kan lût a, Theo  phei chu ka bulah aṭhu tawh lo hrim hrim, ka lak aṭang chuan inlahrang tak ani tawh ringawt.


Eng thil chiah nge thleng hi?
Theo chu ka záwt ngam chiah tawh silo.

New York kan thlen leh hnu chuan mak tak maiin Clegg leh Detroit chuan hmel ngui zet pu hian min lo nghâk reng tawh a, "Theo....."

"Tûnah chuan nilo ve Detroit, Clegg, Sofia hi inlamah lo va thlah rawh."

"Engvanga i bula awm ve theilo nge ka nih?" Ka ti nghat.

"Sofia carah khân lût mai teh!"  Theo chuan adawhtheihna ahloh ṭép ani tih ka hriat avâng chuan ngawih ka chuh a, car awmna lam chu ka pan san ta a.


THEO.....


"Sofia khân ahre miah na nge?" A kalsawn ták hnu chuan mak tih hmèl zet hian Clegg chuan arawn ti a.


"Ka hnén aṭang chuan ahre lo, mahse apa hnén aṭangin ahriat tawh tho ka ring, Fangs ho tih a ni lo'm ni?"


"A ni maithei." Detroit pawh chuan arawn ti ve a.


"Ok, Clegg, Nangin Sofia chu inlamah lo va hruai haw la, khawi hmunah nge a kal tih leh apa nen an inbia em tih hriat ngei lo tum ang che."

Clegg chuan mi búk khum nghut pah chuan a kalsawn ta a.

Car tlân thâwm kan hriat hnu chuan Detroit chu arawn thaw hawk a, va melh zauh pah chuan, "Detroit ka pa chu ka hmu duh!" Ka ti ta a.


Kan pahnih chuan carah ṭhu lûtin ka pa awmna hospital lam chu kan pan dûn ta a.


Kan va thlen chuan ka pa awmna room lam chu Detroit nen kan pan nghâl thuai a, kawngkhâr chu Cooper leh Hunter hian an lo véng a, anni pahnih hmél pawh chu hmuh theih khawpin a ngui.


Room chhûngah chuan zâwi muangin ka pén lût a, khuma ka pa engmah hre lo leh oxygen nena lo mu ka hmu zet chu ka insûm hman hauh lo, ka mittui chu a rawn far nghαl zung zung a, ka pa chutiang a ka han hmu thut chu ka ring theilo hial zâwk, kawngkhar lama thâwm ka hriat chuan ka mittui chu ka hru hul thuai a, pachang taka awm tur ka nih zia ka inhrilhnawn mawlh mawlh bawk.


Detroit chu ka bulah ngawi reng hian arawn ding ve a, ka va melh zauh a,ani pawh ka pa awmdân chuan alung ati awi bik hauh lo tih ahmèl put danah chuan hai rual a ni lo.


"Eng nge doctorin sawi anei tawh em?" Detroit lam pawh hawi leh tawh chuang lo in leh khuma ka pa mu en reng pah chuan ka ti sup a.


"Son, chan chin ṭha tak zawng a ni hauh lo."


"A nih leh khawiah nge ka nu leh Alexandra hi?"


"An rawn thleng ve ṭép tawh ang."


"Theo túnah tak hi chuan anni lakah i intihpachan hrâm hrâm angai ang."

"Oh, nilo e, túna ka mamawh ber i hre duh em? Ka han hrilh ang che, Terence thluak burah khαn he ka silai mu ngei hi ka verh luh hma chuan engtikah mah ka hlim leh tawh ngai lovanga, ka pa lakah pawh hian ka inthiam leh tawh ngai lovang." Ka ti chhuak ta hrawih a.


"Mahse Theo, Terence tih anih leh nih loh pawh kan la chiang hlei nⅇm."

"Tehreng mai, he thil hi Terence bâkin ati hauh lo ang tih ka hre chiang khawp mai, hreptak chuan." Ka rúm chhuak hrawih a, ka chhûngrila thinrimna awm ka lo upbeh reng tawh chu túnah hian apuak chhuak phawng phawng niberin ka hria, phuba lâk châkna hlirin ka khat a, Sofia lem chan thiamna ina ka mit atih del avâng chuan mahni leh mahni ka inhaw ngawih ngawih bawk.


"Theo inbengdai teh! Fangs ho chuan min rawn beih antum ni chuan kan hre ngei mai, amah erawh chu chumi hma chiah chuan hetiang thil hi athleng ta si a, he thil ti tu hi tunge ni chiah tih kan la hre  lo."

"Detroit i â rei hle mai maw?" Za lo zet hian ka nui chhuak hawk a, "Terence bumah inawm anih chu, engvαnga he thu hi mi rawn hrilh ve lo nge innih?"


"I pa khân boruak chhe zâwk athlen hlauin Sofia kha he thil kan tih laia awmlo turin aduh a, achhan chu Sofia hian kan information te pe ru ah angaih avângin nangmana ilo hruai bo kha ṭha ati tak zâwk thu a sawi chhuak a."


Ka rúm chhuak leh hrawih a, "Tichuan Terence hnén aṭangin information diklo chu innei ta a, chu thil chu Terence duh dân tak pawh ani rèng alawm." Ka thinrim lutuk chu ka nuih te pawh ati za hial zâwk.


Terence chuan atawrh ve ngei angai ang, a fanu Sofia ngei pawh hi apa lama aṭang anih ngat chuan dimdawina ka nei chuang hauh lovang.


"Anih leh engvαnga ka pa chu amah chauh a warehouse a awm nge anih sawi vat rawh! Angaihven tawh lo lutuk nge ni a, he pa lakah hian ka pa chu atlâwm tawh zâwk? Chuvânga ka pa hian silai kah tuar ani em, héng thil ho hian ka pa kah anih chhan rinngaihna min hriat tir hauh lo."  Rum zet hian Detroit chu ka melh pah khúi a.



"Warehouse ah kah ani hlei nem i pa chu!"


Ka phu zawk, "Eng a? Ka mengphâwk ngawtin ka ring, "Anih khawiah nge a awm a?"


"Inah achénna hmuna kah a ni."


"In anrawn attack i ti elo, i chiang takzet maw, Oh, hrep tak chuan?" Ka thil âwihloh ber te zîngami ani bawk, heti ang ém ém hian ani maw Fangs ho chu an rawn ngampat? Ka kut chu ka húm ruh kher mai, ka âwm chu apuakkeh dawn hialin ka hre tawh.


"Theo inbengdai rawh!"


"Chu thil chu khawi hmunah tak nge athlen sawi vat mai teh Detroit." Ka ha chang ka ṭhial pah rawp rawp a, ka ṭawngchhuah réng réng pawh chu thinrimna avângin ka sehchilh pah rap rap bawk a, tûnah tak hian ka bulah Sofia chu aqm ngat phei se chuan ka kâp zawt duh ang, ka bula a awmloh avâng chuan lawmthu awm rawh se.


"An bedroomah a mutthilh tawh hnu niin alang." Arawn ti leh sup a.

Ka inher vut a, ka veikual thuak thuak a, ka pa khuma engmah hrelo amu chu ka thlír chhuk leh zauh a, abulah ngei chuan thu tihian ka tiam ta a, "Ka thutâwp chu anzavaiin ka that fâi vek ang tih hi!" Ka ti chhuak ta a.


Rangtakin chu room chu ka chhuahsan ta daih a, Detroit min rawn auh zuina pawh chu ka pawisa tawh lo.


Detroit chuan min rawn zui ningei tur ani, ka bânah arawn man chawt a, "Theo i inbengdaih phawt hi angaiin ka hria."


"Ka pa sawtiang sawn anmahni avângin a awm tawh a, chutah kei hi inbengdai turin min la ti ta cheu amaw Detroit? Hnâilo mai, inbengdaihna hi tûn dinhmunah chuan ka mamawh hauh lo, anzavaiin antuar ngei tur a ni."



"Theo."

Ka hawi phei vat ka nu chu ka va hmu ta a, kan lampanin Alex nen anrawn kal dûn hlak hlak a, "Mom,." Tiin ka phun chhuak sup, ka nu chu ka lainat kher mai, apasal chu athi nge adam dawn tih pawh hriat lohin damdawiin khumah engmah pawh hrelo in amu chu ani si a, ka nu tâna anat dân tur zia ka ngaihtuah chuan ka thaw a ipik ngawih ngawih.


Kan bul anrawn thlen chuan,"I pa chu eng nge a an?" A ti hmasa ber a, Alex lah alo ṭap hlap hlap mai bawk a, engtin chiah nge ka nu chu ka chhân ang tih pawh ka hrethiam lo.


Ka ngawi reng a, ka nu mitah pawh chuan enngam lo in hnuailam ka melh ruih a, heti ang thu thlen tu nih hi ka duhloh zâwng tak ani bawk.


"Theo min han hrilh teh! I pa chu aṭha em?" Ka nu aw ah chuan athlaphâng hle tih ka hria, engmah tihtheih ka nei si lo.


"T ka pa chu aṭha maw?" Alex chuan ṭah aw ṭiau hian arawn ti ve a.

Ka rilru hah leh buai mup mup chu ka âu chhuah tuarh lohna turin ka inpet ruh ṭeuh a, tháwk lâk hrawih pah chuan, "A ṭha lo khawp mai." Ka ti ta a.


CALLIE POV....


Engdang mah ngaihtuah tawh lo in Trey room lamah chuan ka tlân lût a, Trey khum a engmah pawh hre lo alo mu reng ka va hmu zet chu mi den dân adang zar mai.


 A awmdan chuan ka lung ati âwi mawlh lo, ka biangah chuan thúk tak leh chhùngril aṭanga rawn chhuak natna avângin ka mittui chu arawn luang thla ngiai ngiai a, ka bulah chuan ka fa te pahnih chu an rawn ding ve bawk a, nu ber chu ka ni ngei e, ka fa te hnéma thlamuan tur pawh ka ni. Mahse ka thei lo, ka thei mawlh lo, Trey awmdan chuan ka lung ati awi tlat lo, "Trey khawngaihin rawn harhchhuak leh rawh." Zâwite hian ka ti chhuak sap a, ka kâ a ka sawi chhuah âimah pawhin ka thinlung chuan ka âu ring zâwk hial âwm e, nilo, nilo, Ka Trey hian heti ang hian ka hmél pawh hmulo in min kalsan thei lo ang, ahma a athi ti a athanlai pawh khân ka hmel ahmu miah lo a nih kha, mahse khatih hunlai kha chuan ataksa pawh ka hmu lo a adân adang, engvánga Russia ka kal apianga heti ang thil hi thleng nge anih ka hrethiam tawh lo.


 Mahse ....mahse túnah chuan ataksa ngei engmah ti theilo leh engmah hrelo in heta hi amu reng chu ani si a, ka tâwt mup mup a, he ka mittui tla hian ka lunngaihna te hi hnémin min chhαwk zângkhai thei se ka ti tak zet, mahse chutih ahnékin azual tulh tulh zâwk si, ṭah chhuah vak ka chák a, ka thei silo, nâ ka ti a thâwidamna ka hre bawk si lo.


Trey hi ka pasal duh tak ani a, ka la kham mawlh lo asin, "Trey ka hmél hmutur tal hian rawn harh chhuak leh rawh aw, ka chân theilo che.....ka thei lo..." ka na vawng vawng a, zah pawh dâwn zo tawh lo in, amutna khum bulah chuan ka ṭhing ṭhi hnawk a, thinlung na zet chung chuan ka kun ta reng a, ṭap chhuak thei ni ila ka zia deuh zâwk tur, chu chu ka ti thei lo, ka nat ém avángin chhúngrilah ka rúm záwk.


Ka fanu lungchhe zeta ṭap hlap hlap mai chu ka awt ngawih ngawih.



THEO...

Ka nu leh Alex awmdân chuan pachan tum hle mah ila ka thei rei dawn lo ani tih min hriat tira, ka nu ina ka pa ahmangaihna hi athûk èm èm a, chuti ang bawk chuan ka pa pawhin a ka nu ahmangaih zia hi ka hre vek, chutih kara ka nu hmuh tur ngei a ka pa hetianga ahan awn hi hrilhhai thlâk ka ti a, ka nu hrolhhai dân tur pawh ka hriatthiam pui, nâ ati ngawt ang tih ka chiang, he khawvel ah hian nupa inhmangaihtak leh inthlahlel ngawih ngawih hun lo taka inṭhenna bâka natna leh chhiatna râpthlâk hi a awm leh dawn chuang em ni?


Hetiang chuan ka awmthei hauh lo ang, ka mittui tla tur ka dan kírna avânga ka mitna kham ûrh chung chuan chu hmun boruak rit zet chu ka chhuahsan ta a.


Pâwn ka va chhuah chuan Jake leh Talia ka va hmu a, Talia chuan mi tawrhpui zet hian min lo kuah vata, chutianga min kuah tu zâwk chu Sofia nise tihna ka la nei tho mai, mahse ani erawh chuan thinlung takin ati ngai dawn lo, apa nena an plan chu hei athleng tawh ani lawm ni? Ka chhúngkua chu min tih keh sak tawh, tûnah chuan an pafa in an nui dun var var tawhin ka ring, mahse hei erawh ka tiam ang, an nui reilo khawp ang tih hi!


"Theo chan chin kan hriat veleh kan theih anga rangin kan rawn kal ta thuai anih hi!" Jake chuan mi tawrhpui zet hian arawn ti a.

"Babe i pa chung châng ka hriat hian apawi katih pui tak zet che." Talia chuan mittui tling pam hian ati ve bawk a.


"Guys, inchungah ka lawm e."

"Bro eng nge tihtheih te kan nei em?" Jake hi chu ka ṭhianṭha mai pawh nilo ka unaupa angtluk a ka en kha ani a, min tawrhpui tak tak tih pawh ka chiang ém ém a ni.


"Nei rih lo, kei pawh inlamah ka haw anga, Shower te hmangin ka va inthlâk ve lawk.ang e." Ka ti leh sup a.

"Kan rawn kal ve ang e." Talia chuan arawn ti ve sep a.


Hunter leh Cooper dinna lam chu ka pan phei leh phawt a, "Hunter inthlâk turin ka haw lawk dawn a, chanchin danglam a awm anih cguan min rawn hrilh vat dawn nia." Ka ti a.


Anni chu anlo bu ve nghut nghut a, ka ṭhiante lamah chuan phei lehin kan pathum chuan hospital chu kan chhuahsan ta a.


In kan va thlen chuan Clegg chuan min rawn pan vat, "Hey, son chan chin danglam a awm tawh em?" Kan bulah chuan arawn ding ve nghâl a.


"La awm rih lo, ka thawmhnaw thlâk lawk turin ka rawn kir a, chuan Clegg afalin inbe lawk ang. "


Kitchen lam chu abûk khum nghut a, chu lamah chuan akal ta a, Jake leh Talia chu enin "Tah hian lo ṭhu hahchawl ang che u, Clegg ka han be lawk ang e." Ka tih hnu chuan kitchen lam ka pansan ta a.


"Eng nge ni ta son?"


"Khawiah nge Sofia?"


"I room lamah a awm."

"Engmah sawi anei lo em ni?"


"Eng thil nge thleng awm tih min zawta ani mai, chubak engmah sawi anei lo."

Ka thin arim leh thut tawh, "Hetiang thil thleng hi ahre miah lo a maw?" Ka ti deuh hrawih a..

Talia arawn kal ve takah chuan kan thusawi chu kan tâwp nghâl a, "Babe tui in tur ka rawn zawng a."


Fridge aṭang chuan tui bottle chu ala chhuak a, Jake pawh arawn lang ve bawk a, "Clegg, heihi Talia leh Jake te an nih hi, East Cost lama ka ṭhianṭha tak pahnih te an nia."


A bu nghut a, an lam hawi chuan anui chhuak vur vur a, "Guys in in ang takin en ang che u, ka rawn rei lo ang."


Ka room lamah chuan ka chhohsan ta a, kawngka ka va hawng Sofia khuma alo ṭhu ngawi reng chu ka va hmu a, arawn tho chhuak a,"Theo." Tiin mi rawn koh pah chuan min rawn pan nghâl a, ka thinrimna chu thunun hrám hrâm ka lo tum thung!


"Engkim aṭha maw?" Zawite hian ati leh sap a.


"Khawngaihin eng thil nge thleng tih hi min hrilh ve rawh?" A mitmu lian kel kawl pawram chuan min rawn melh chho kal a.

Kei erawh chuan ka lo melh rum kher mai, he nu hian ati tak tak em? "Eng buaina nge tih chu i hre chiang khawp mai." Ka vînkhum tuar a.

"Khatianga innocent lutuk ang maia lemchan kha chu duhtawk tawh rawh, tunge i nih chiah tih hi ka hrechiang khawp mai che Sofia."


"Kha i pa engmah tih theih neilo nen khân tunge innih chiah tih hi ka hre chiang tawh lutuk tlat."


"Ka ....ka hrethiam miah lo."


"Oh, actress ṭha tak nihna ka hlân ache, achhan chu kei ngei pawh hun reilo te chhúng i lakah min tlúk luh tir thei hman a nia." Za lo zet hian ka nui chhuak hawk a.


A beng a hup a, "A táwk, a tâwk lutuk tawh." A ti ta hlar a, a inhnít nghâl hlap hlap bawk a.

Ngai pawimawh lo zet hian bathroom lam ka pansan shower ka hmang zuai a, ka chhuah leh hnu pawh chuan ka kalsan ang ngai ngai khαn alo la awm, ka thawmhnaw dahna chu ka pan a, ka inthlαk a, "Eng thil chiah nge thleng hi?" Inhnìt hlap hlap chunga arawn sawi chhuah chu ka hre lo der hmiah, ka hriat tura sawi anih pawh ka ring hran chuang lo, ka in thlâk fel hnu chuan ngawirengin inhnuai lamah ka chhuk thlâk san leh ta daih a.


Kitchen lamah chuan ka phei a, Jake leh Tania chuan thil anlo ei mék a, ei châk vena rèng ka nei lo.


"Hey, guys hospital lamah ka kir leh tawh dawn nia."


"Ka lo kalpui ve dawn che em niang?" Talia chuan rawn kal ve beisei zet chuan min rawn melh chho a.



"A ngailo ang, a ṭha leh vek mai ang, nakinah ka rawn hmu leh dawn che u nia." Ka ti chhuak sup a, amah erawh chu kei ngei pawhin thil aṭhat leh theih chu ka ring lo.


"Mamawh i neih chuan min rawn call ve vat dawn nia, kei ni pawh zanin chu hotel lamah kan lo va innghat phawt ang."


Jake chu makti zet hian ka en a, "Chutiang angai réng rèng lo, hotela in awm pawh angailo ang, hetah hian inawm ve ngei tur ani, room ruak atam alawm."


"I ti tak tak maw, rilru hahna dang thlen tir leh tu che nih hi kan duhlo a nia."


"Chutiang ang chuan ka ngai hauh lo che u, hetah hian inawm ve ngei tur a ni Jake chu chu hre ringawt rawh." Ka ti ta a.

Ka inher a, Clegg dinna lam chu ka pan phei leh a, "Clegg hospital lamah ka kal leh dawn a Sofia kha lo en thlithlai reng turin ka duh che a nia, eng thil nge atih a, khawi hmunah nhe akal engkim ka hre duh ang. "

"Ok, son ka lo ti ang." Abu nghut a, ka kalsan leh ta a.


Inchung kal chhohna zâwk ka thlen chuan Talia chuan min rawn ûm phâk a, "Theo." Thâwk ka la hawk a, Talia hmachhawn zâwng chuan ka inher a, "Eng nge ni ta Talia?"


Henu hi ka duh vak pawh ka hre tawh lo, East Cost thlen hnua inṭhenna thu sawi tum kha ka ni hrim hrim rawh a, mahse túnah erawh ka mamawh leh tlat tawh, achhan chu Sofia hi atello a ka awm theih zia hriat tir ka duh avângin.

Talia chuan min rawn panhnâi sauh a, "Mamawhna min nei anih chuqn hetah ka awm reng ani tih i hriat kha, ka kawr hâk ngháwng kau laiah chuan akut chu rawn dahin a khâl pah neuh neuh a, athusawi dân kalhmang chu ka hrechiang kher mai.


"Uhm, ka hria alawm." Room pan chhohna step chu ka melh chho zauh a, Sofia pawh arawn chhuk thla mèk tih ka han hmu a, "Kan pahnih hian kan inkawp khât tawh viau achu ka la hmangaih reng che a nia." Talia bawk chuan ati leh a.

Sofia chuan kan pahnih chuan min rawn hmu ta a, kan piah lam feet thum vel dawnah chuan a ding deuh chaih a, kan mit leh mit chu a intawng sak, he nu hi huat pawh tum viau mah ila ka laka thiltihtheihna aneih chu ala ngai reng.


Thâwk lák hawk pah chuan ka mit ka chhíng sawk a.


"Theo buaina a awm em ni?" Talia nen chuan kan in hnaihchilh set sawt hle a.




"Nilo e babe, nanghi buaina chu i ni hauh lo." Rum zet hian ka ti hrawih a, Sofia lam chu ka mitmeng thíp zet chuan ka melh phei thing a, Sofia hian ka hint pék kha ahrethiamlo ani ngei ang, chuti anih chuan chétzia ngeiin ka tihlan angai ang. Sofia hmuhlai ngei chuan Talia ka fawh chák váng ém èm pawh nilo in Talia chu ka kuah hnai thut a, a hmuiah chuan ka fawh sak ta a, Talia mak ti lutuk hmél chu ka hmu zauh, Sofia chu ka mitsir reng bawk, amittui chu a rawn far zawih zawih nghâl tih pawh ka hmu reng, chu hmunah chuan rei pawh awm talo in inchung lamah atlán chho ta daih a, chu veleh Talia pawh ka thlah nghâl bawk, ka thiltih chu ka inthiam chiah lo, mahse ka tih erawh ngaia hriatna ka nei tlat thung!


"Ka kal angai nakinah kan inhmu leh dawn nia." Talya lo meng phi leh chiai tawh chu pawisa lo zet hian ka kalsan ta daih a.


TALIA POV....

Theo hi ka lak aṭangin ahla tawh viau tih ka hria mahse chuti maia inthlauhthlâk tir chu ka tum hauh lo, apa hetiang dinhmuna ading hi ka lawm mah zâwk áwm e, achhan chu inneihna kha ankal zawm theilo bawk anga, he Sofia lak aṭanga hla takah hian Theo chu ka lâksawn angaiin ka hria, achhan pawh chuti mai mai a ka mipa duh tak chán chu ka tum bík hauh lo, Theo hi ka milpui ani a, amah ah hian ka duhthusam hlimna famkim leh nawmna chitin reng chu ka hmu tlat a ni. A hmél apa ém ém a, ala hausa ém ém bawk nen, ka thlahthlam hauh lovang.


Amah erawh chu Sofia atawn aṭang hian Theo chu ka lak aṭangin ahla telh telh tih ka hre reng, an inhualna vâng pawh nilo in Sofia hian ahneh ru tlat, he thil hi ka thlen tir reng bìk lo ang, ka hnunglama tháwm awm chu Sofia anih ngei pawh ka ring, he inah hian ani leh kei tih loh chu hmeichhia kan awm ka ring lo, Theo khân min rawn fáwp deuh thut a, mahse afawhna kha alem lutuk, Sofia rilru tihnat atum vâng chauh tih pawh ka hai lo, mahse ka enjoy tlat bawk si, chu pa taksa thahrui ngah tak leh sexy zet chu ka feel lo thei lo.


He Sofia in a ka lak aṭanga Theo awlsam taka min lâk sak theih lohna tur hian theihtâwp ka chhuah bawk ang.

SOFIA....

Inhnuai lamah chhukthlâk a eitur tlèm a zu inthunpuar tum ka ni a, mahse step tâwp ka thlen chuan ka phu zawk, Theo chuan Talia arawn hruai tih pawh engmah min hrilh lo, ka hmuhlai tak chuan Talia chu duhthâwh zetin afâwp zui leh ta nghâl, eng infiamna nge ka chungah Theo hian hman atum tih pawh ka hrethiam lo, oh ka rilru tihnat atum chiang tih chu alang tlangsa vek, Bahamas ah khân mi duh ang tâwkin alanga, chu pawh ka virgin na mi tihchhiatsak aduh vsdng chauh ala ni zui, ka lo va â rei ém, kei chuan ka thinlung tih tak zetin ka lo hlân hman a, ani erawh chuan hmanrua mai mai atân leh anawmchen nân chauh maw min lo tih a.


Mittui tla zawih zawihin inchung lamah chuan ka chho leh a, room lamah bawk chuan ka lút a, ka pa thiamloh ka chantir a, chutih rual rualin Theo pawh ka thiamlo bawk, kei anga hmeichhe mawl mang tak anawmchennan a min han hmang ta mai hi! Talia aduh zâwk zia pawh ati lang chiang viau a, khatia min lo tihkual velna kha tak takah ngaiin ka lo ring chu a nia le, âtna chikhat chu ka vei deuhin ka hria, chu pawh Theo hipna chak tak maiin a min bual ât vâng chauhin, Theo a lemchanna ka lo rin avâng khân mawl ka inti leh zual a mahni ngei pawh ka inhaw ngawih ngawih, oh, engtin nge katih tâk ang? Mipa zawng zawmg hi ka pa ang rilru pu vek anni tihna em ni ang?


Theo, ka laka ser nung min siam sak hi engtikah mah ka theihnghilh leh ngai tawh lo ang, ka la dam ve ṭèk ṭèk chhúng chuan i laka phuba ka lâk theih ngei na turin ka damchhúng hun te chu ka hmang tawh ṭhin ang.

Eng ang pawhin he ka taksa hian hreawm tuar mahse ka tân chuan anna zo tak tak tawh lo, chu ai mah chuan chhúngril lama ka thinlung natna zâwk chu ka tihdam theihloh hliam pui ani ta zâwk si a, Theo chunga phuba lâk ngei pawh ka tum bawk, eng ang hmeichhia nge ka nih tih hi ala hre lo ani ngei ang, hmeichhe tuarchhel tak leh tum ruh tak ka nihna hi ka hriattir ngei bawk tur a ni.


THEO....

In a ṭanga ka inkhalh chhuah hnu chuan hospital lam ka pan a, ahmun ka va thlen chuan ka pa room lam chu ka pan ding leh a, "Detroit chan chin dang a awm tawh em?"


"La awm rih lo, mahse doctor arawn kal ve ṭèp tawh a, i nu arawn bia ang tih chu ka hria."


"Anih ka nu leh Alex chu eng nge an an?"

"He thil thleng hi an pawm thuam hlauh a, an ṭha tawh viau in ka hria, mahse anlainat awm tak zet." Hmel ngui ruai chung hian ati a.


"Theo kan inbiak angaiin ka hria." A rawn tihzawm leh nghâl a.

"Eng chung chângah maw?"


"Rawn beitu chung châng kha ania, mahse inbengdai phawt teh, chuti lo zawng âtthlâk takin i che mai ang tih hi ka hlau a nia!"


"Min hrilh vat mai rawh." Ka ti chhuak hrâwk a, Detroit chu rum zet hian ka melh rûn bawk a.


"Theo thil chu i ngaihtuah chian hmasak fe phawt angaih ka ring, achhan chu i silai zawng zawng te nén va kal ringawt pawh ni ta la, nangmah leh nangmah i va inthat ani ringawt, plan ṭha tak siama i beih ngei hi ka duh pui che a ni."


"Ok, Detroit tunge ka pa hetianga siam tu chu min han hrilh tawh hrep ta che." Ka vìn deuh tuarha, midang chu an rawn hawi deuh ṭhap hlawm a, ka khuh deuh khurh, hmun fal tuma awmlohna lam kan pan dún nghal.


"Sawi tawh rawh, hrep tak chuan."


"Midang ti ti ah chuan he thil thlen tir tu hi Fangs an ni a, mahse silai kâp chhuak tu ber erawh Terence a ni lo an ti, ati tu tak zâwk chu a right hand zâwk anih thu an sawi."


"A hming?"


"Jimbo."

"Ka that khawp ang." Ka pa room lam chu ka pan phei nghâl a, ka va lút ka nu leh Alexandra chu angai ang khân anlo la awm reng, an ṭap erawh an lo bâng tawh thung a, ngawirenga ka va luh chuan Alex chuan min lo hmu a, aṭap chhuak leh ta phawng a, ka va pan hnâi a ka farnu chu kuahin "Alexi ka pa hi heti mai mai chuan a tlâwm hauh lo ang, fighter anih ang ngeiin arawn harh chhuak leh ang tih hi ka ring tlat." Tiin ka farnu chu ka hném a.


Ka pa lam chu ngui nghial chunga kan thlìr ṭhap lai chuan kawngka arawn inhawng a, "Hello doctor Wilson ka nia." Rawn ti tu doctor hmeichhe pakhat hαng lam pang hmel fel fek fawk tak chuan kan lam a rawn thlengphei ve nghαl a.


"Eng nge ka pasal chu a an?" Ka nu chuan alo ti nghâl vat a, ka pa dinhmun hi kan la hre lo hrim hrim a, kan tân chuan hriat a huphurh awm viau nângin hriat achαk awm tho bawk, engmah hre lo a hetia awm reng zawng kan tân pawh angaihṭhatloh thlâk mah mah, thil chu anih ang tak hriat mai aṭha ber zâwk ang.


"Eng thil danglam mah a awm lo ti a hrilh che u atùl ta mai hi pawi ka ti tak zet."

"Mahse aṭha leh dawn ti raw ka pa chu , a ni em?" Alex chuan ati nghâl thuai a.


"Miss pawi kati khawp mai, Mr.Bailey hi a ṭha vaklo tlat ani, zép lohah chuan tùnah hian chhùng leh khat te inko khawm tawh mai ula, Mr.Bailey hi mangṭha sawi mai ahun tawhin ka hria."


"Eng maw i sawi a?" Alex chu a αu chhuak tuar a, ka nu ahma zawnga insúm ngar pawh arawn ṭap chhuak ta phawng a, "Pawi kati lutuk, engmah tih theih kan nei tawh lo ang tih hi ka hlau ngawt mai." Doctor nu bawk chuan ti leh ta a.


"Nilo, nilo, nilo, heti ang hi ka ngaithla duh lo." Alexandra chu atlânchhuak nghαl a.

"Heti ang chanchin lawmawm lo inhriat ahan ngai ta mai hi pawi katih pui lutuk che u." Doctor chu akal chhuak a.

"Alexi." Ka αu zui a, min chhαng hauh lo, atlαnchhuahna lamah chuan ka úm zui ve ta nghâl a.

SEDUCTIVE CHAPTER 3

     SEDUCTIVE CHAPTER 3

"Le fluer maw le." Ka hnung chiah ah chuan mipa aw ka hai hauhlo tur leh amah ngei tih ka hriat ém èm, aṭawngka chhuak thâwp set sawt tak chhâng deuh hlek leh thâm lam pang thùm chhak chuan a rawn ti a, ka chhungril a fan leh raih tawh.

Alam chu ka hawi a, Min ti hlau alawm." Ka vìn khum ṭhat.

Engvâng a restaurant hming chu ahma khân min hrilh nawn mai lo nge a nih chu le? "Ugh, grrrrrr."

"Khatia ui ang maia i beleuh chiam chiam na kha ti tâwp vat rawh, midangin anrawn hmuh tam che i duh loh chuan."

Chu pa ngei awm zet chu ben ṭhuai mai ka châk tak zet, mahse chan chhe zαwkah ka ṭan avαng chauhin ani ka ngawih hrαm hrαm thin zawk chu.

Ka kawr hâk chu siam that mawlh mawlh pahin ka bul vela mi min lo nuihzat tute ho chu ka mit sir zeuh a, azahthlαk ngei mai....

"Lo kal rawh inchhùngah lût ang, table hauh lαwk kan nei a nia."

Ka kutah chuan rawn vuanin min kâi sawn ta a, chutia  ka kut a arawn vuan chiah ka taksa pum chu ahik deuh chiai a, ka múr ar ar bawk.

A kut chu avawt thlur a, ka kut erawh mei kán ang maiin asa vur thung! Mahse chutia kan kut leh kut ahan insîk chiah erawh chuan anuam hlé si, mipahnih inkawp tak tak te pawh kan ang zαwk mah.

Keiin dinner dress ka hâk laiin ani erawhin truck suit mai mai pαngngai tak a ha thung!

Restaurant chhûngah chuan min hruai lût a, kan ṭhutna hmun tur lam chu min pan phei pui hnu ah chiah ka kut avawnna chu a thlah.

Ṭhutna awmah chuan ka ṭhu thla vata, ani pawh chu mi nuihzat hmél zeta mi rawn en reng pah hian a ṭhu thla ve a, a phone lam chu a bih leh daih tawh. Kan piah lawka waitress pahnih ding dùn chu an phun sep sep a, anphunri pawh ka hre thei reng, pakhat zâwk chuan, "Enteh saw mi te pahnih saw."

A ṭhiannu zαwk chuan, "Oh, God, hmeichhia saw aduhawm reuh lutuk.

"mahse aboyfriend saw ala îtawm zâwk fe alawm, han enchiang mah teh, ataksa te zaw thahrui aneih hmél lutuk, apa viau ang, sawtiang thawmhnaw pângngai nen mai mai pawh sawti khawpa aṭhat theih chuan, thawmhnaw chang kαng tak in belin hmu phei ila ka thidang thei hial ang maw le."

"Hmm, sawtia truck suit ahâk sawn kei chu sexy ka ti daih zαwk."

"Ngawi lawk teh, saw pa saw Wesley Cooper anih saw!" Pakhat zαwk chuan sawi rin hlαu tak chuan ati leh hlut a.

"I chiang chiah maw, a ni chiang em?"

"Ahma a ka lo hriat loh chhan chu hmeichhia nena ankal dún ka la hmuh ngai loh vâng chauh zαwk a nia."

"A mak ngei mai, nih leh saw saw a girlfriend ani thei ang em?"

"Sâwng hmeichhe pahnih te sawn i chung chαng thu an sawi a nia." Ring vak lo hian ka ti sap a, ani erawh chuan aphone ala bih ngur thung!

A rawn dαk chhuak a, "Ka ngaihtuah lo, nang hi ka be duh zαwk che."

A thusawia min ngaihvenna arawn tihlan mai avαng chuan ka thinphu te chu atαwp chawih hian ka hriat phah hial, ka hriatrengna te chu achawk buai nghαl nuai niber in  ka hria.

Oh, hepa ina min ngaihven chhan te chu alaka interview ka neih dawn vαng chauh alawm, lawmna vak tur a awm lo, ka ti leh ta zαwk a.

"Ka hria e." Ka melh pah kal a.

"Engvαnga rawn inchei nalh viau nge i nih?" Ka kawr hαk vel rawn melh kual zuaih pah chuan a ti leh kher a.

"Restaurant nalh leh chang kang takah kan kal a, chuvang te pawh chu ani mahna!"

Thαwk lâk hawk pah hian, "Pheikhawk heel sang tak nangmah tihreawm tùr rawn bun turin ka ti hlei ném che."

"Comfortable taka i rawn lan ka lo ring zαwk asin."

Aww. Chu pa hmél chu ngaisâng zet hian ka lo melh ngar ngar a, "I pheikhawk kha phelh rawh."

Oww. Ka phu chiang kher mai, ka harh chhuak zawk, "Eng maw?" Makti zet hian ka en hau a.

"A pahnih hnih khαn phelh rawh."

Rum zeta melh pah hian, "I vawikhat sawina kha ka hria e, chuan hei hi hre rawh, ka phelh hauh lo ang."

"Ti mai teh Eleanor, nge kei man ka rawn phelhsak zâwk dawn che?"

"Ok, ok, a âthlαk hle mai."

Ka che ta vat a, ka pheikhawk chu ka phelh a, asawi ang ngei chuan ka nuam huai mai, hetiang pheikhawk heel sαng lutuk hi ka la bun ngai lo a, a neih pawh ka nei lo bawk, mahse chutih rual rual chuan angaihna erawh ka hrethiam hauh lo thung! Achhan chu engvαnga he mipa ngeiawm zet hian engkim min hrilh nge anih tih hi?!

A aw arawn thian khurh a, ka mitah tak chuan mi rawn en pheiin, "He hna neih lét leh nan hian eng nge tih i huam ber min han hrilh tawh teh le?"

"Eng pawh, túna ka hrilh ang che kha a ni e, a....achhan chu pawisa ka mamawh tak zet zet."

"Thil eng emaw ka lo ngaihtuah fel tawh asin, i hria ti raw?" Nuihmél hi arawn pu deuh hlek a.

Chu anui hmél ringawt pawh chuan ka taksa pum puiah danglamna eng emaw tak hi zu han thlen zél thei a.

A lu chu athing deuh nawk a, asam chu tlém achalah chuan arawn thla deuh chhap a, tlémin alâi ve deuh hlek hian ka hre bawk a, dear Lord.... chu pa taksa chung chαng leh ahmél put dân ka ngaihtuah avαng mai a engati nge ka taksa ah danglamna eng emaw ni a awm ziah ṭhin mai le?

"Eng nge chu chu?" Hriat hlαu deuh tak chuan ka ti sep a.

Wesley chuan hriatthiam har zet hian min rawn nuih zui a, chutah tak chuan ani buaina keimah ah min thlen leh dawn tih ka hriatthiam tâk chauh chu, Buaina lian tham zet chu!

"Eng emawni tenawm lampang ani tih ka...."

Ka thusawilai chu arawn pawt chat nghâl a, "I vαnduai hlé mai, nang hian mi hìpna chhe te pawh i nei lo."

"Chutiang inhîpna lam pang sawi ka tum miah lo mimawl pa."

"A nih engthil nge i ngaihtuah chu?" Ka tihzawm leh nghâl a, he pa hian athusawi tur chu aphone ah hian atype lαwk sa diam te hi ani thei mai ang em? Aphone a en duh viau si a.

"Túnah tak hian eng thil nge ka ngaihtuah tih hi i hre duh tak zet maw?" Mi nuihzat hmél zet chuan arawn ti leh a.

Ka lo melh kar thung! "He i ngaihtuahna tereuh te innocent zet leh i life zawng zawng hi ka tih khawloh sak vek thei che a ni tih hi!" A ti ta a.

"Ka hna neih lét leh hi ka duh ber." Ka ti ve nghat .

"A nih chuan naktúkah ka bulah i rawn kal ve angai ang."
Min en leh tawh lo hrim hrim, aphone ringawt chu abuai pui leh tawh.

"Khawiah?"

A rawn dâk chhuak zawk a, mit meng zìm san a mi rawn en pah chuan, "Car race ah." A ti ta a.

"Eng â?" Ka thu hriat chu ka αwih theilo zâwk hial mai, he pa hian meng len dân min zirtir hi ani ringawt.

"A ṭhâwng reng mai che a nih hi."

"Ka hria....mahse eng nge i thusawi awmzia chu?" Ka ti chhuak raih a.

"Naktûk ka rawn lam hunah che i hre mai ang."

"A ṭha e, anih interview chu kan zo tawh em?"

"Zo lo, thildang zawh duh che ka la nei." A mitmeng chu a rum sauh a.

"A pawimawh viau em ni?" Ka ti chuai raih.

"Túnah pawh hian i boss ka la ni reng tih kha theihnghilh suh!"

Ka heh hnuai lam chu ka pet leh zauh a.

"Eleanor i heh i pet leh tawh!"

Ka menkual khum ralh a, ka ngaih pawimawh sak duhlo lui ve ngat.

"Unaupa i nei em?"

"Neilo." Tiin ka chhâng veleh mai a.

"Kum engzah nge i nih tawh?"

"Kum 22 , nang Mr.Cooper?"

"Kum 25, mahse tùnah chuan i chung châng thu kan sawi." A ṭawng dân hmek hmuk chu, ka haw kher mai.

"I nu leh pa te bulah i chéng em?"

"Âih, ka pi nen chauh leh midang nén."

A ngawi deuh rùn rún hnu chuan,

"Khawiah nge i nu leh pa te ?" A rawn ti leh khauh a.

"Ka nu chuan min boralsan tawh a, ka pa erawh chuan min duh loh avângin min chhuahsan tawh bawk." Angawi leh vung vung a.

A ding chhuak vut a, "Ka kal tawh ang e."

A kal chhuak ta daih a, thìp zet hian chu pa kalna lam chu ka thlír zui a, "Oh, hetiang hian min kalsan ringawt a maw?" Ka thinrim kher mai.

He pah ah hian eng thil diklo tak chu awm hrep ang maw?

Eitur chu ka tân chauh arawn thleng a, hmm, ho lutuk, dinner free, ka eita ṭeuh a, mahse mahni chuah a dinner han kíl mai chu anuamlo ve duh ang reng hlè mai, mahse tunge care chuang?

WESLEY COOPER POV...

Saw a hmui hnuailam apeh deuh zauh ṭhin saw a ti tαwp lo anih chuan ka in thunnun thei lo mai ang tih pawh ka hre reng, chu ahmúi duhawm zet leh fawhnuam tak chu anawmna ka tem tawh tlat.

"Unaupa i nei em?" Ka ti leh sup a.

"Nei lo."

"Kum engzah nge i nih tawh?"

"Kum 22 , nang Mr.Cooper?" A ti lét ve zauh a.

"Kum 25, mahse tùnah chuan i chung châng thu kan sawi." Kati leh nghut a.

"I nu leh pa te bulah i chéng em?"

"Âih, ka pi nen chauh leh midang nén.'"

Midang ti a asawi chu aboyfriend ani ngei ang tih ka chiang, chuvânga midang ti chauha sawi pawh ani ngei ang.

"Khawiah nge i nu leh pa te ?"

"Ka nu hian min boralsan tawh a, ka pa erawh chuan min duh loh avângin min chhuahsan tawh bawk."

Ka ding chhuak a, "Ka kal tawh ang e."

Ka kalsan ta daih a. A eitur chu dah sak turin ka ti ta tho a, kei erawh ka car chhúngah ka ṭhu lût nghâl a, Damn.

Ka lungphu chu asu dup dup nimai hian ka hria, heti ang hi athleng thei lo ang, he nu hi ani thei lo.

Fuck, A mah ani thei lo.

Wesley duhtawk rawh.

Ka chénna hmun lam pan chuan ka inkhalh chhuak ta nghâl a, mahse thil pakhat ka ngaihtuahna chuan min ti harh zawk....

Khatiang khân zânah leh nghâl ka kalsan ta mai a, achungah thil eng emaw lo thleng ta ang se.....

Crap! Ka mengkual rulh a.

Mahse khawiah nge achén ka hre miah lo, zawh pawh ka lo zâwt lo ani tih ka hrechhuak hnu hnawh leh a, ka phone ka workers te confidential documents chu ka hawng a, Eleanor address chu ka hmu ta vat a, GPS chu hmangin ka car chu ka ti nung leh a, ka chénna hmun aṭanga darkar hnih ngawt mai ka inkhalh leh hnu chuan Eleanor chénna niâwm tak chu ka thleng ta a,  chu in ka hmuh chuan mak tihna hlírin ka khat, "Eleanor chénna ṭhin chu!" Ka phun chhuak sup a.

Cara ka jacket dah chu la in ka ha mawlh mawlh a, ka car aṭang chuan ka chhuak ta a,kawngkhαr bulah chuan va ding in kawngkhâr chu ka kik kauh kauh a.

Mahse amak kher mai, tumah kawngka min rawn hawn tur pawhin an rawn chhuak lo.

"Hna thawk hetiang ti tu tumah pawh an awm na nge?"

"Ngawilawk teh Wes."

Ka naupan lai kha ka hre reng mai, chu chuan ahrilh fiah thei ber ang, tumah an ina chhiahhlawh nei lo kha... chuan mi pawh lo kal mahse an mahni ngeiin kawngka an hawn angaih tak kha.

Ugh, hetiang khawvelah hian alawm ka chèn duh loh ni.

Chutih lai tak chuan mipa khat sambuang ukkharh mai hi kawngka ah chuan rúi zet hian arawn lang ta a."Good night Mr." Ka lo ti a.

Chu pa chuan aruih lutuk a vâng a din bûk lup lup pah hian, ka lam chu arawn hawi a, "Good night?" Zawhna zawh hmèl zet hian chu amitmeng fiah lo zet leh zu ain hnem avânga meng phi chuai chung chuan min rawn en ve a.

"Min ngaidam rawh, ka chiang chiah lo achu he ka in rawn zawn hi ka hre sual pawh ani maithei." Ka ti leh a.

"No problem." Kawngka chu akhαr zui leh hmiah.

Damnit, eng vâng a he nu hian achénna hmun dik lo te ziak nge anih hrep chu le?

He inah hi chuan mipa upa tawh tak alcohol khawih nasa tak chauh achéng a ni si a.

"Ṭha takin in athleng em tih hriat ka duh mai chauh a ni... mahse khawiah nge a in ni a, khawiah nge achén tih pawh ka hre si lo." Khua lah chu avawt èm èm leh nghâl, hrep tak chuan.

Mahse chutih lai tak chuan ka piah lam ramhnuai lama thla èngin a achhun chinah chuan sambuang ni ang mai a éng tle sét mai chu ka va hmu ta phut a.

Chu lam pan chuan ka tlân phei vat a, ka zawn nu a nih ngei pawh ka ring. "Eleanor ." Tiin ka αu a.

Eng thil nge atih tih hre turin muang châng hian ka va hnaih a, Eng vâng hrep a leia muhil nge anih tâk?

A vawh tehréng nen....

Ka hrethiam hauh lo, in anei ang em, nge alo nei lo záwk?

Ka jacket hâk chu ka phelh sawk sawk a, leia mu reng Eleanor dar vawt thler khuh nán chuan ka hmanga, tichuan abul lawkah ka muthla ve nghâl a.

Ka taksa lumin anghen avâng chuan rawn tawlh pheiin min rawn nghéng pah châih châih a, "Hmm." Tiin a rûm ṭiah ṭiah bawk a.

A harh ngei a ka hriat avâng leh hetiang khawvawt hnuaiah chuan amut ngheh tak tak theih ka rin loh avângin, "Engvâng a he hmun a mu nge maw i nih hrep chu le?" Ka ti ta a.

A mitmu paw raih mai leh de chiai mai chu arawn meng chhuak a, min hmu chu makti zeta rawn menchhuah pah hian,


"Wesley hetah te eng nge i rawn tih a?" A rawn ti ve a.

Ka lo rûm khum nghut thung, "I jacket hi ha leh rawh, vawt i ti nghâl vek mai tur a sin."

"Min ring rawh he ka thinlung bâk a vawt hi a awm leh tawh lo ang." Ka ti hmuk a.

"Oh, ava sad ve."

"Life hi a sad réng a lawm."

"Eleanor engvâng a he laia mu nge i nih réng réng? In i neilo anih chuan ka inah ilo kal thei reng ....."

"In chu ka nei a lawm." Thâwk ala halh a.

"Anih engvânga achhûnga mu lo nge i nih?"

"Hmm."
A muhil leh tawh ani ngei ang.

"Kha i thâwm siam mak dang dαi zet kha ka duh zâwng tak a ni achu mhmmm kha chu ti tawh suh, chuan ka zawhna che kha min chhâng rawh."

A rawn meng chhuak leh a, "Inchhùnga ka mu anih chuan ka patea'n min pâwngsual tumin min bei leh mai ang." A ti ta a.

Hmangaihna, rilru natna lam pang feelings hi ka nei ngai lo, chuti ang neih chu ka duh bawk hek lo, mahse he nu hi ka ngaihvenin ahreawmna ah chuan ka na ve viau bawk si, natna satliah mai ani lo, chhungril thlarau lama natna ani zâwk, eng vângin nge he nu chung chângah hian ka nat ém ém chhan ni ta ang?

Ka chhúngrilah chuan ka na ngawih ngawih a, he nu bula ka awm chhùng chu hetiang thil ṭhalo leh natna hi ka thlen tir thei tawh lo ang tiin ka intiam ta hial a, he nu hreawmna ah hian ka na tel tlat.

ELEANOR....

Wesley awm khauh ṭha tak  ka nghen lai chuan raldo ho ina an hman ṭhin ang phaw chhah ṭha tak hian min hual vel ni a inhriatna ka nei a, chu chuan avawikhatna atân him ta ngawih ngawih leh engkim aṭha vek dawn ani tih rinna min neih tir hialin ka hria.

Van sang taka aṭanga snowflakes kan taksa arawn  tla pawh chu kan taksa lumna chuan alo ti tui ral zâwk a ni.

Wesly taksa lumna chuan zâwi zâwi in min ur a, ahma anga vawt tih lutuk avânga muhil theilo ang kha ka ni tawh lo, a pangti lum chu va nghéng hnâi leh zualin he hmun aṭanga min kal san leh hlâu zet chuan ka kuah hnâi sauh sauh a, mumang ram lamah chuan ka chéng leh ta a.

Ka châu lutuk tawh chuan engmah min hriat tir tawh lo, Wesley ana min pawm thawh a acar chhûnga min muttir chu ka hre vuai vuai chauh.

Car khawl tinung thâwm han rûm deuh ham ham chu ka hre leh a, mahse ka muhil zawm leh nghâl ta mai a, ka hriat leh chu Wesley an a car khalh ti tâwp a ka mutna lam car kawngkhar rawn hawnga zo zeta min rawn pawm chhuak chu a ni leh a, chiang tak erawh chuan ka hre lo, ka mut chhuahna chuan eng thil mah min hriat chian tir thei lo.

Wesley awmah chuan ka hmâi phûm chialin mumang ram lamah ka kîr leh ta mai a, ka dinner ei laia ka wine inhnem deuh váng pawh ani mai thei, chutianga ka awm chhan pawh.

WESLEY.....

Kan chènna in ka thlen hnu chuan Eleanor chu ka pawm chhuak a hmeichhia tumah hi ka inah ka la hruai lût ngai lo, kei ngei pawh mak ka inti hial záwk, mahse kha hmuna Eleanor riah tir leh tur kha chuan ka phal hauh lo.

Ka room lamah chuan ka pawm lût a, a kawr hnawm chu phelh sakin ka thawmhnaw chu ka hák tir a, atán lian deuh viau mahse alum phah záwk ngei ang, a kawr ka phelh sak laia a taksa nalh zet mai leh mám tak chuan ngaihtuahna dik lo lamah min hriuai péng a, insum har ka ti kher mai, Wesley a hun lo tiin mahni leh mahni chu inthunun fe ka tum a, ka hlawhchham ṭhelh.

"Mhhmmm".

"I ngawih hmak loh chuan i ka hnawhna turin sponge ka hmang tawh ngei ngei ang."

"Eng nge tih i tum?"

"Khatin leiah chuan ka muttir hauh lo ang che."

"A ngai hran hlei ném, ka ti ṭhang tawh a, ngahmah ka ngai tawh hlei nèm Wes...."

Ka ding chhuak a, "Ka tih nawn tir phal leh tawh lo ang che."

"Mu tawh rawh."

"Hèng pijama hi min pék kher angai hlei nem." Mut chhuak aw zet chuan arawn ti leh sep a.

"Well i ngaihdân zawh che kha ngai ka ti kher lo."

"Mahse..."

"Eleanor mu tawh rawh."

Kawngka chu ka khâr a, kei chu room dangah ka mu mai ang, ka room aṭang a ka chhuak chiah Katie chu corridoor ah alo ding reng a,"Damnit .....Wesley."

Namnûl tum zet a menkual khum rulh pah hian thâwk ka la hawk.



"Ka hriat loha he hmuna hmeichhe hruailut a i rawn mutpui tih te hi min hrilh miah lo." He nu hi ka haw tak zet, ani hi ka pa nupui hual ani a, ka hmeichhe kawp hlui a ni bawk, kan inkawp reng laia ka pa lama pakai ta kha ani a, ka pa hmuh lohlai erawh chuan min la flirt fo bawk.

"Ka ti hauh lo Katie." Rum zet hian ka melh chhuk a.

"A nih leh engvângin nge hmeichhe sam buang i room lama i pawm chho lai ka hmuh si?"

"Ka workers te zínga pakhat a nih kha."

"Oh, eng ang boss nge ? Kha i hnathawk te kha chu i hnawt chhuak daih tawh alawm." A mitmeng ver vek leh chimawm zeta mi melh chhoh pah chuan min nuih khum sáwng a.

"Katie achungah engmah tih ka nei lo tih hi ka hrilh ang che."

"Oh, son ka laka i zép kher hi angai hlei ném."

"Chutiang a engmah zép ka nei lo, chuan heihi hre bawk ang che Katie, son tiin vawikhat mah min ko tawh lo ang che."
"Eng tikah mah."


Na khel khawl taka ka tih khum hnu chuan thinrim zet in ka mutna tur room ka pan san ta a.

Khumah chuan ka mu vang vang a, ka mit ka chhìng a, zanin ka mumang chu zan dang anglo takin a danglam a, khâng mangchhia ka lo man ṭhin ang kha a ni tawh lo.

Tùn ṭum chu van dumpawl ang mai a mitmu pawl nei chuan mi lo en in khawngaih min lo dil a, chutih pah chuan ahmúi pawrh târh mai leh sensiah chu sexy zet hian apet pah zauh bawk a, a aw zâwi sap leh dam dap chuan ka hming chu alam chhuak sap a, mahse ahmûi chu fâwhsak turin ka thleng thei hauh tlat lo!  Tumah ka hmangaih ngailo ang, engtiangin nge midang hmangaih lét dan tur tih pawh ka hre lo, hetiang tih theihna hi ka nei lo va.....ka ngaihven zawng ani bawk hek lo.

Mahse Eleanor Garcia .....
Ka tαn malsawmna leh tlâkchhiatna i rawn ni dawn ta hrep a nih hi!

THE NEXT MORING.....

WESLEY MANSION....

ELEANOR ....

Ka hmαi chu tukverha nizung rawn inkâp lût chuan arawn chhun tâk avang chuan hreawm tiin ka meng chhuak a, ka hawi â lek lek, he khumah hian eng nge ka tih hrep le?

Ka hrechhuak leh thuai a, ka mutna aṭang chuan ka tho chhuak a, "uh, túnah chuan ka hrechhuak leh ta e." Ka nui chhuak sak a.

"Wesley chuan he hmunah hian min hruai lút a....."

Ka harh chiang leh sauh. Ka ding chhuak zawk, Wesley Cooper khân he thil hi a ti a maw?

Oh, engtin nge normal zeta ka awm theih zâwk chu le?

"Ka boss khawngaihna neilo zet chuan a in nuam zetah min hruai lût a, akhum min kian bawk a, chu chu a normal chiah em?"

Ka hnunglam aṭang chuan, "Ka khumah chuan i mutui maw?" Wesley chuan a aw thâwp set sawt taka rawn tih pah chuan tho chhuak ve chiah ang mai hian a hâm pah bâi bâi a, room a arawn luhlai pawh ka hre lo.

Dear Lord he pa ka bulhnaia a awm apiang hian ka taksa pum pui chu meikan ang mai hian asa hat hat zel chu a ni si a le.

A taksa chu ka enlo thei lo, mahse rei erawh ka en ngam lo thung, sweat short hi arawn ha a, chunglamah erawh engmah a inbel lo thung! A ban bul inphiar ṭalh mai leh thahrui ngah hmél zet te a darpharh hlâi hlap leh a kâwng lam fék rat mai te a dul thuar lai a six pack fiah vak lo a rawn lang raih mai te chu ka hmu kim hman vek thung!

Elo inthusawiah khân i rilru pe zâwk teh, he i boss Wesley Cooper i hriatna zawng  zawng thar thawh vek thei tu a taksa pa zet leh sexy tak hi theihnghilh tum hrâm rawh.

"Ka mu ṭha lutuk." Ka ti chhuak ve thei ta hrám a, ka chil chu ka lem pah  khalh a.

Khum lam chu a zu melh zauh a,

"Hei hi eng thil nge?"

"Hmm....thisen...."

Oh, ka mu tlang maw?

Ka lam chu arawn hawi leh a, amitmengah chuan mi ngaihtuahna hlír ka hmu ka zak ngawih ngawih bawk.


"I ṭha maw Eleanor?"

Chhân ngaihna réng réng ka hre lo, ka kâ chu ka chih tlat bawk, ka thawh chhuah hnu a khum lam ka lo en hmasa lo kha mawl ka inti ngawih ngawih.

Wesley chuan min rawn pan hnaia, "Min lo entir teh, i hliam lai chu, ka lo tihdam sak ang che."

Ka hrilhhai lutuk leh ka tih ngaihna hre lo zak lutuk chu ka biang te chu a sa hat hat mai a, a kâng ta hiala hriatna ka nei .

Ka...ka period a maw, zankhat lek ka boss khumah ka riak a, chu mi zán berkher chuan ka period zui chu a nia le.

"Eleanor i hliam lai chu ka lo en ang e, nileng hun ka neilo a nia." A rawn ti chhuak hrawih, ka harh ve zawk.


"No.....alandân kha... ani miah lo a nia." Ka ti bah nak nak a.

A kut chuan a nghâwng hnunglam chu atuai deuh zauh a, mitmeng buai tak hian min melh chhuk bawk a, chumi hun reilo te chhung min rawn melhna ringawtah pawh ka sen nghâl ṭawn ṭawn thei.

"Ka period hun a rawn thleng ...."

A thaw chhuak hawk a, a meng nûr nâng bawk, "I....i mamawh lei tur chuan ka va kal ang e."

"A ngailo ang." A kal chhuak hman daih tawh.

Oh, God eng vâng nge?

Eng ati nge hetiang thil chhe tak tak leh luck lohna zet zet hi keimah ah hian athlen fo ṭhin mai le?

WESLEY COOPER....

Ka spare room nizan lama ka riahna lamah chuan ka phei leh a, thawmhnaw ka inbel ta mawlh mawlh a, Damnit, hmeichhe thi neih hun te ka hre ta chu a nia, thâwk ka la leh hawk a, mahse....Uhg, a ni tak zet em?

"Heti ang thil an tawh hian hmeichhia hian engtin nge an tih ṭhin ni ang?"

"Hetih hunlai hian hmeichhe ho chu hmeichhe thil zawrhna dawrah an kal ṭhin ngei ang le, tichuan an mamawh chu an zawngchhuak ta ṭhin pawh ani mah na, mahse Wesley hmeichhia i ni ve lo tlat Damn!" Ka hreh ru kher mai, mahse khati ang chuan Eleanor kha dawrah ka tir liam thei lo ang.

"Well, ka kal ngei chu a ngai dawn anih hi!" Ti a phun chhuah leh sup pah chuan ka car chahbi chu húm chhuak nghalin room chu ka chhuahsan ta a, kan chènna bul deuh lawk a shopping mall bulah chuan ka car chu ka ti ding a, ka chhuak ta nghâl a, ka vâk kual chiam a, atâwp atáwpah chuan chuti ang dawr chu ka zawng hmu ta e, dawr chhungah chuan ka lût a, tampton bawm pakhat manto ber chu ka kutin ka húm a pawisa pe a dawr aṭanga chhuah ka tum lai tak chuan jornalist reporter rual chu ka hmaah an lo ding khawm ṭhup tawh tih ka va hmu ta a, an camera chu ka lam hawi zawng chuan a de chuai chuai a, "Lo kal vek rawh u, heta hi Mr.Cooper chu a awm e."

"Wesley Cooper chuan a kutah tampton box a keng a nia."

"Mr.Cooper mi tawn i nei tihna em ni?"

"Girlfriend i nei tihna a ni em? Kha tempton box kha tu ta tur nge?"


Zawhna chi hran hran zawh ka ni a, hreptak hlawm chuan, ka haw hlawm lutuk, mahse túnah chuan engmah sawifiahna tur ka neilo tlat!

Cashier chu pawisa ka pe a, inlamah ka inkhalh haw leh ta a, kha ka photo tamton box ka keng lai kha second reilo te chhûngin press mi ho zawng zawngin an nei darh leh vek dawn tih pawh ka hre reng, mahse ka ngaihven lo.

Amah erawh chu ka pa hmachhawn tura ka inbuatsaih ngei erawh angai thung ang.