Cupid's Arrow Chapter 7

DARK ANGEL CLUB..

CLARA...

Cupid rawn kal phei chu mangang zet hian ka lo en chho nghâl raih a, mahse amit mengah ve thung chuan lainatna pakhat te mah nei lo hmél hi a pu thung!

Thâwk ka la hak a, ka huaisenna zawng zawng chu sâwmkhâwm lehin ka thil duh chu ka sawi chhuak leh ta sap sap a, "Liam hospital.aṭanga arawn harh chhuah a inkawp zawm leh aduh chhan kha nangmah vâng hi em ni?" Ka zawhna chhânna chu ngaihthlâk ka huphurh ang bawkin ka na tel ngei dawn tih pawh ka hre ru kar, ka rindán ang chiah in thil akal pawh ka ring!

"Well, yes. Amaherawh chu Liam pawh hian tlém azâwng chu a feel ve tho alawm, chuvâng chuan kei te chuan a feelings chu ka tih tam sak chauh a ni e."

"Khâng mithi tawh ho kha heti ang case vek hi....." ka kâ chu ka kutin ka hup cháih a rápthlâk ka ti kher mai, he thil hi Liam chanpual maw ni a? "Engtin nge Liam hi ka chhanchhuah theih ang?" Ka inti pachang theilo, ka ṭah aw ṭiau tawh a.

"Darling khatiang maia awlsam chu anilo alawm, mahse mahni inthiamloh nân chuan hmang lo teh ang."

Chu athu rawn sawi chhuah chu min hnemna ṭawngkam nge anih a, min sawi ṭhaihna tih pawh ka hrethiam lo.

"Liam chanpual chu la ngaihtuah ṭhat ala ngai ang, túnah mai chuan ala thi mai dáwn bìk hlei ném, ni e, ala thi mai hauh lo ang, engkim akal tluan chuan... chuti anih loh chuan alung puak kehin athi tho tho ang." A ti nawn leh sup a.

Túnah mai chuan â ni? Kei chuan he thil avânga anunna ina tawrh phah hi ka duh hauh lo, Liam hi tún dingmunah hian lo hmangaih lo ta thut ni ta ang ila rilru natna avângin lungpuakkeh in a thi dawn tihna anih chu ava han rápthlák èm, ka mittui chu dan rual loh hian a far ta zung zung a, keimah avânga midangin nunna an chân chu ka duh mawlh lo.

"Cupid hi miṭha tak niin ka lo ring ṭhin a, mahse ka lo ring dik lo a nih hi, hetiang hian engthil in nge awm tír ta che?" Lungchhe zet chuan ka inhnìt ta hlap hlap a

"He thil hi afair mawlh lo."

"Ni e, afair miah lo, a fair vuau chuan aboring dawn asin, Well, ka sawi belh tawh lo mai ang e, aṭhen chu ka thiltihtheihna ah dahṭhat angai."

"Liam chu i khumah tui takin ala múhil a, i kìr leh hun nghák in alo nghâk reng bawk che a nia, amaherawh chu Clara hei hi hre reng ang che, i chétdân engkim kan enthla reng ṭhin a nia."

"Hmangaihna ah hian kan theihtâwpa puih che hi kan duh a, i la hmuh thiam ngei kan beisei bawk." A inher vut a, min kalsan atum nghâl ta mai a .

"What? Hetiang thil zawng zawng min hrilh vek tawh hnuah khatin awlsam tak chuan min kalsan mai thei lo ang." Ka âu khum leh tuarh a.

Ani erawh arawn hawi lét tawh hauh lo, ka thusawi chu ahrelo awm hmiah hmiah, lungchhe zet chuan ka ṭap chhuak ta a.

Guard tih chauh lo chu ka bulah tumah an awm tawh lo, ka ṭap thâwm ri khâwk raih raih tih loh chu thâwm dang pawh hriat tûr a awm tawh lova, khâng thil Cupid ina min hrilh vek tawh hnu a hetiang a awlsam zet a mim han kalsan thei leh mai hi chu anunráwn thlâk ka ti lo thei lo, eng Cupid nge ni ta ka hriat ṭhindan ang Cupid kha ani hauh lo bawk, amahah ngilneihna pakhat mah hmuh túr ka hmu lo.

Guard chuan a aw rawn then khurh pah chuan, "I kal ahun tawhin ka hria." A rawn ti ve khauh a.

"Nilo, nilo." Ka la inhnít hlap hlap a.

"Liam hi athi thei lo, he thil hi athleng thei lo." Ka thaw ipik zet chu tih kianna túr ka duh ngawih ngawih, he ka thurúk hi Liam ka hrilh theilo a, Molly leh James ngei pawh ka hrilh thei lo, lo thei ta tehréng pawh ni ila mi â min ti ang a, an tân chuan Cupid diktak hi chu fairy tale ang mai ani dawn tih pawh ka hre reng, James erawh chuan a âwih ve mai thei bawk.

"Thil thleng ho kha khatia i din rengna avâng khân engmah adang lam phah chuang lo ang."  A rawn ti leh nghut a.

Ka mittui luanna hnu vel chu ka hru hul a, intipachang túrin ka heh chu ka pet fan fan bawk a, "Ka hria alawm." Ti chauhin ka chhâng ve a.

Idea ṭhatak ka nei leh ta, he oa hnén aṭang hian ka thil hriat loh tam tak chu ka hriat theih leh ngei ka inring.

"Cupid kha i thil puanzâr avâng khân engvânga i chunga mangang viau nge anih? I hria alawm, engtin nge Liam hi ka chhanchhuah theih ang?"

"He hmun i chhuahsan tawh hi aṭul in ka hria." A aw rawn chhuak chu anèlawm loh kher mai .

"Khawngaih takin heti mai chuan ka thih tir thei lo, he thil hi adikloh zia pawh i hmuh thiam.ve ka ring." Ka mirtui bawk chu ka biangah aluang thla leh ngiai ngiai a.

"Engmah anih phah chuang lo ang, zawhna min zawh fo hi tâwp hmak rawh, mipahnih thah i duh loh chuan." A rawn kûn hniam deuh hlek a, "Tûnah chuan kal tawh rawh le, Cupid ka koh kír leh hma ngei hian."

Lungngai tak chungin guard in a kawngka min hawn sak hnu chuan pâwn biruak vawt tak dawng chungin ka car awmna lam chu ka pan leh ta hnak hnak a, zán arei tawh avángin motor tlán pawh akhát pharh tawh a, zâwimuangin ka car chu ka dáwk chhuah tir ta a, ka mittui avânga kal kawng ka hmuhfiah lo túr chu ka kut leh lam chuan ka tuai fâi leh zeuh zeuh ṭhin a, mipa neih lèt leh ka duh ngawih ngawih chu ka nei lét leh tawh a, mahse adân ava dang si ém, athih leh adam chu keimah ah i innghat miau mai si, engvânga ka chungah kher he thil hi rawn thleng ve nge anih? Vânneihna hi ka dawng ve theilo em ni? Ka na vawng vawng a, mahni chauh a ka awmlai ka si gle life kha ka ngai ta ngawih ngawih a, ka apartment pén luhna tûr kawng kâwi ka thlen chuan car chu ka her kual pawp a, chak zetin ka khalh lút ta a, ka apartment building kawt ka thlen chuan car chu park ṭha lehin ka chhuk nghâl a, ruah sur pawh abâng fel tawh a, khua erawh avawh belh chhah sauh thung! Cupid awmna hmunah khân darkar engzah chiah nge ka va thang tih rinngaihna pawh ka hre lo, ka chénna hmun lam pan chuan lift ah ka chho a, kawngka chu hawngin chhúnglamah ka kal fel a, bedroom lam ah chuan ka lût tlang ta nghâl a, khum lam chu ka melh hmasa ber a, Liam erawh harchhuak lovin tui tak hian alo la thaw sák sák a, mutchhuah lehna rèng ka nei tawh lo, ka vei tawn sek a, "Khawiah nge camera dang chu ala awm ang?"

Hmun dang dang chu ka zawmg kualin ka hái a, mahse Camera dang rèng ka hmu zo tawh lo, mahse min enthla reng ani tih erawh ka hre si, ka mittui chu ka dang thei leh tawh lo, chhuat vawt takah chuan beidawng zet hian ka ṭhusawp thla niai a, ka beidawng lutuk chu ka âu chhuak ṭhat a, "Clara!" Khum lama Liam muhil pawh chu ka lo hre chang tawh lo.

Ka mittui chu arúkin ka hruhul sawk sawk a, Liam lam chu ka pan phei ta a, "Clara eng nge thil diklo a awm em ni?" A rawn ṭhu chhuak nghâl a, he Liam mim ngaihvenna hi tihluihna ani si, ka tuar zo lo ang.

Ka nui chhuak lui hak a, "Engnah chutuang a awm lo, engkim aṭha vek e Liam, mu leh rawh, kei pawh ka muleh dawn."

Khumah chuan beidawng zet hian ka inthawlh ve ta a, Liam taksa lum nuam zet mai nghen pawh chu diklo a hriatna ka nei zo vek tawh.

Rilru hah zet chung chuan ka let ka let a, Liam kut lum thar tharin a min rawn kuah beh chat tâkah chuan che li in ka khawng awt a, Clara makti duh suh, Liam i neih lét leh theihna kawng awm chhun ani a, lawm záwk tûr i ni a sin. Ka intiru mawlh mawlh nâ achu, dik thei in ka hre mawlh lo.

Cupid khân hetiang hian aspell chu hmang lo ta ang se Liam hi alo kír leh duh kher ang em? Chutiang ngaihtuah kual vak vak chung chuan ka muhíl ve ta hrâm a, ka mit chu ka meng chhuak a, ka murna room pawh alo éng kulh tawh mai, ka mutna bula ka phone chu la in time chu ka en nghâl a, ka phu deuh zawk, ka murei ve hle mai, vawiin chu hna lama kal lohva Liam nén a awm dun mai mai chu ka thlang daih bawk.

"Liam." Zíng zìngah khawiah  chuan kal ang maw?

Ka tho chhuak a, bathroom lam chu panin ka intifai ta a, ka chuah leh hnu pawh chuan a thawm âwm rèng hriat ka la neilo. "LIAM?"

Liam chu bedroom kawngka bulah chuan arawn lamg ta hrám a,,"Enteh tunge atâwp atâwp a rawn harh ve ta hrâm hi!"  A nui pah sáng bawk a, zuai muang hian ka lam chu arawn pan phei a, kawr chunglam pang ahâk loh avángin ataksa nalh zet mai tihrâwl nei tak mipa pian diktak chu ka melh lo thei lo.

"Hna kal i tlai oalh ang e."

"Eng hna maw?" Ka hawi pháwk deuh hra a.

Min rawn panhnâia duhthawh zet hian min rawn fâwp leh phawt a, "Vawiin hian James chu phone in ka appoinments neih ho zawng zawng kha lo cancel mai túrin ka hrilh thei reng a sin." No zet hian ka melh chho a.

"Ani emaw hna thawk túra i kal lo anih chuan match maker tih tlák loh zet i ni thei bawk."

"Ka idea chu ṭha in ka la hre tho tho." Ka mengkual pah ralh a.

"Mahse i kawr tûr ka leisak che saw, engmah lovah chantir i tum deuh tihna ani maw chu?" A khabe chu atuai deuh rauh rauh a, ka meng phâwk nghâl hrá a, ka kâ pah hau bawk.

"Hmm, inzahpuina maw? Aṭha e." A nui chhuak hawk a.

"Ngawi lawk teh! Kawr thar chung châng i sawi em ni?"

"Sawi chiang e, kha han ha chhin teh!" Pakage pakhat side table a awm chu ava la a, ka kutah chuan arawn hlân a, phûr zet hian ka lo hawng nghâl rawk rawk a, kawr nalh zet ani tih chu ka hai hauh lo, eng chu nge a hriat tâk a, kawr thar min pék min pék tâk mai le? Valentine's Day khân kha kawrsen nalh tak kha min pe tawh bawk a, hei tûnah lah kar khat ém pawh ala liam hma hauhin kawr nalh tak min leisak leh zui bawk a.

"Chu thawmhnaw chu ka inbel vat a, darthlalang hma ah chuan ka va ding nghâl a, kawr hring nalh zet leh sexy ru zet mai hi a ni a, chu kawr rawng chuan ka mitmu dum lian kel kawl tak chu ati lamg chiang leh zual a, ka lamg sexy ve raih hian ka hria, "Oh, analh tak zet." Tiin ka phúl deuh hlut a.

"Cupid hâk túr awm tak anih kha." Darthlalang a ṭang chuan ka va melh a, ka nui oah rah rah bawk a.

Well, atlângpui thu in Cupid  chuan aha tlângpui.....

"Clara i va hlim loh hmél ve, ka kawr lei sak che chu i duh vak lo tihna em ni, i ha dawn nge halo in ka rilru i ti hnual záwk dawn?"

Chu athu sawi chuan min ti phu zawk a, ka thuruk hi ahria emaw ka ti hial mahse hriatna dán anei hauh lo, Cupid chuan ahriat ahlâu záwk èm èm dawn si a, engmah ngaihtuah buau duh tawh lo chuan phúr zetin, "Off course ka ha ang e, hetia thil min tihsak min tihsak hi ka duh lo mai chauh ani, hetianga i tih loh pawh hian ka hmangaihna che hi achuai phah chuan lovang." Ka ti ta a.

"Enteh i inhmeh dawn tih hi ka chiang a ni, chuvânga la chu ka nia, Clara i inhmeh tak zet."

"Liam ka lawm e." Ka kuah vang vang phawt a, hna lamah chuan ka kal san ta a.

CUPID'S ARROW....

Office ka va thlen chuan, "Moring Cupid." James chuan alo ti var a.

"Whoa, i kawr hâk kga i inhmeh lutuk ringawt." Ani hi chu hmeichhe inhmeh hre thei zet leh boyfriend nei pha chin kha ani tlat a.

"Ka lawm e, túkin zìnga Liam min surprise na anih hi!"

"Mipa hot tak chung cháng em ni i sawi.....nimina mipa pakhat chung châng kha hriat chhuah i nei ta em?" Zàwi deuh tak hian arawn ti sá sá a.

"James sawi tawh suh! Túnah pawh hian min enreng mai thei a ni."

"Uhh, min tihláu, alawm."

"Hlâu réng rawh, ka bedroomah camera alo dah a, tûkin khân ka carah pakhat ka hmu chhuak leh bawk."

Khawihmunah emaw afála kan inbiak angai, washroom lamah kal phawt ang." Ka inher a, washroom lam chu ka oan ta nghâl a, James pawh chuan ka hnungah min rawn zui ve vat bawk.

Washroom pakhatah chuan kan lût a, James hi engkim hrilh ta vek ila min rin ngei pawh ka ring.

Ka thil tawn leh hriat zawng zawng engkim chu James bulah chuan ka sawi chhuak ta vek a. "Chuan....."

"Eng thil maw atih a?" Makti zet hian ameng pàwng hlut a.

"James ka thusawi engkim kha thu diklo engmah a awm lo, Liam min ngaihvenna pawh hi atak tak ani lo....."

A kut chu ahúm ruh ve ngar a, "Clara thil eng emaw tak chu he pa lakah hian i tih theih ve ngei tûr chu a awm chiang ang maw le."

"Nilo, nilo, James engmah tih theih ka neilo, Liam nunna hi túnah hian line zíngah chuan a awm ve asin, ngaihtuah rawh túna ka hmachhawn pa hi, thi theilo leh magical power ngah tak athuhnuai a kun leh ṭhuihhruai ngah tak ni bawk ani tih hi i hria em?"

"A ni lakah chuan kei chu engmah ka nilo." Hlimlo zet chuan ka ti chhuak raih a .

James chu avei tawn sek ta mai a, floor tâwp ava thlenga arawn lèt leh ṭhin a, " James eng nge i tih?"

"Hetia ka tih hian ka ngaihruahna lamah min ṭanpui alawm." Ka ner khum deuh sak a.

"Hepa beih lét hi dikin i hre meuh......"

"Ka hre ta." A rawn ti chhuak chûl a.

"Cupid he thilah hian apart pawimawh ber chu i theihnghilh tlatin ka hria."

"Eng maw?"

"Nang pawh amah ang tho i ni alawm, inhnathawh hi a inang reng."

"Chu thil chu hmang ṭangkaiin ani hi i thuhnuaiah i dah thei ngei ang."

"James ka hrethiam hauh lo."

"Midang inngaihzáwn tir hi i,kalna lam anih angin i expert lutuk a, mi hmèl lamdan aṭangin anrilru put zia awlsam takin i hre nghál zung zung thei bawk a, tunge an duh chi ni anga tunge an hmangaih záwng chi ni thei ang tih thlengin...."

"James...." beidawng zet chuan ka chal chu ka dawm khum ngâih a.

"He pa hi túna agames khelh lai mèk ah hian i khûm ve thei reng a nia, i hriat ngai zawng chu Cupid tána hmeichhe ṭha tak nitûrin engang hmeichhia nge Cupid hisn aduh ang tih hriat chauh ani mai."

"Chuan namgmah duh ngei túr hian i siam thei nhei bawk ang tih hi ka choang a ni." Ati ta a.

"Chutiang anih hnu ah chuan i tán engpawh tih hi ahuam anga, Liam nunna ngei pawh azuahsak leh ngei ang che tih hi ka chiang a ni, i sawi dánah khán he spell tello chuan Liam hian aduh dawn lo che tih ka ring tlat bawk."

Cupid hi min ngaizâwng thei tûr chuan kei hian ka tithei tak tak dawn em maw ni le? Mahse plan fel tak neisa a tih ka tum tlat chuan ka ti thei mai thei ani. "James a thawh ngei ka ring e." Ka ti ve ta hrám a.

"Plan ṭha tak ani reng ani, mipa kum za chuang mahni chauha hun lo hmang tawh ṭhin chuan hmeichhe ngaihzáwng neih chu chák tak te in achák ang a, athi thei hial tawh mai thei a ni." A nui chhuak hawk a.

"Mihring nun tibuaiin annunna chu regular takin alo hmansak tawh pawh ani maithei e, amah erawh chu thil pakhat té tham taka lang pawimawh ru viau bawk si chu ama match tak hi ahan hmu ve ang a, engtin choah nge a awm ve ták ang? Tih kan lo en ve tawh ang chu!" A sawi lai reng pawh chuan aphúr ru hlé ani tih hi a hriat a.

"Anih chuan Janes vawiin a apointment ka neih ho zawng zawng cancel vek tûrin ka duh che." Ka ti ta nghat a.

"Ok, Cupid ka lo ti ang, he i thil tihna túrah hian i lamah ka tang tlat ang, ngawi lawk teh! Eng maw i sawi a?" Ka chhuahsan nghâl daih.

Molly chu ka phone chuan ka bia a, Hot Cafe hmuna inhmu tûr chuan ka ti nghâl a, arawn thleng har dawn loh thu asawi hnu chuan kei pawh chu hmun pan chuan ka inkhalh chhuak ve ta nghâl a.

Dawkan pakhat midang ṭhut vaklohna hmun chu kîlin coffee no dawm chung hian Molly nén chuan kan ṭhu dún rán a, kan thil tuahman ka hrilh hnu aṭang phei chuan Molly chuan ka lak aṭangin amit ala lasawn leh tawh lo réng réng a, a coffee inlai ngei pawh chuan min melh reng, chutiang thil áwihawm lih tak leh hlauhawm tak ahan hria chu acoffee no adawmna kut te chu akhûr ve dar dar hian ka va hmu a, "Ka han ngaihtuah fel lawk ang e, Mipa thi theilo, magic thiam, tualthah hrât ni bawk chuan i nun tih buai atum a , chuan chumi hrilh fiahna chu nang hian sualna lamah chuan thlémthlu in chiah zawp i tum ve thung ang a maw?"

A thaw hlawp hlawp a, "Chhûnlai tak pawh nimahse soft drink lam ái chuan intûr tak ngel ngawl lem pawp ania ka duh ni, he idea hi engvsfnga nei nge i nih Clara ahlauhawm lutuk."

"Diktak chuan hei chu James idea záwk a nia." Ka ti ve hlak a.

"A ropui nasa, kei pawhin zawhna pakhat ka nei ve. I ngaihtuahna te kha abuai zo tawh ani mai lo maw?"

"Kha i lem channa over zet kha táwp teh! He bâk duhthlanna dang ka nei hlei ném, he thil chauh hian Liam chu achhan thei ang, anih lih chuan Liam nunna hi ka chán mai ang tih ka hlâu a ni." Ka ti ta hmarh hmarh a.

"Mipa pakhat i rilru tina tu vângin i nunna chu risk takah i dah ang a maw? A theihloh Clara ani lah chuan ahmangaih tak tak che pawh nilo."

"Mahse keimah avánga a unna achân vaih chuan ka damchhúng zawngin ka inthiam leh thei tawh dawn hlei nèm." Tháwk ka la halh a.

"A nih leh eng nge i plan lian tham zet chu ni a,Clara? A hmasa berah chuan Dating evil God for Dummies tih lehkhabu kan lei hmasak phawt erawh angai ang, chuti lo chuan amah hmachhawn túrin leh melhno ringawt túr phei chuan a inchhúngah i luh theih pawh ka ring lo, ani Pathian ani a, nang lah mihring ve mai i ni leh nghál."  beidawn hmèl zet chuan ati chhuak ta sap sap a.

"Nilo ve Molly, chutin ka â bík hauh lo, tu nge atána hmeichhe ṭha famkim hi tih kan zawng chhuak hmasa phawt dawn alawm.... chu thil kan hriat hnu ah chauh chuan a inchhúngah ka pèn lût chauh ang." Ka ti ve a.