Cupid's Arrow Chapter 11

"Clara kan inbiak atúlin la hria."


"A nih leh kha nu thusawi kha adik tihna a ni maw?" Chiang ngam chiah lo deuh hlâuthâwng ru tak si hian ka zâwt ve sap a.


"Yes, eng kim kha ka sawifia...."

"Engtin nge ka lakah zép pawh i lo zép theih hrep zâwk chu le?" Thinrimna hlĭr hian ka khat zo vek, ka taksa chu thu hran ka heh thleng chuan thinrimna avαngin a khúr dar dar a.

"I thihna tùr thu i ruahman a chu thil chu min hrilh pawh i tum lo a maw, theih pawh i va thei zαwk ve a?" Ka thinrimna chu lungchhiatna hian arawn luah lân a, mahse ka ṭap túr a ni lo, ka heh chu ka pet fan fan a.

"Hei hi i thil duh ni in ka lo hria a sin, he keimah a awm ramsa hi ti tαwp túr khân...."


"Chu chu maw ni a." Ka aw chhuak chu aṭeng viau mai, mahse ka pawisa zo tawh lo, engvαnga chu thil chu ti nge anih ka hrethiam hauh lo.

"He thil i tihna emaw tihlihna pawh ni se ka hrethiam tawh lo."
Ka insúm thei ta lo a, ka ṭap chhuak ta hlap hlap a,  hmangaih ka neih apiang a lungngaihna leh buaina chuan ka chungah engvαnga thlazar nghαl zel ṭhin nge anih hi ka hrethiam lo tak.zet.


"Clara." A aw a inthiamlohna thúk tak nei chung chuan arawn ti leh sup a.

"Cupid, ka kal angai in ka hria."
A room lamah chuan mittui far zawih zawihin ka lèt leh a, ka thawmhnaw dang ho chu inbel lehin aroom chu ka chhuahsan a, aroom pâwnah chuan pâwnlama min hruai chhuak tu tur a ṭhuihruai te zîng ami pakhat alo tir remg tawh hi alo ni a, chu pa chuan pαwn thleng min va thlah a, ani erawh arawn inlan leh tawh lo.

CUPID...

Ka bulah chuan ka hna thawk zìnga ka rinber William chu arawn ding a, kan ngawi dún reng a, ka rilru natna chu mahni chauh a tawrh theih zia zâng ani lo, Clara kha ka mamawh a, vawikhat tal ka thusawi min ngaihthlαk sak leh turin ka duh! A tello chuan kei chu mithi mai ka ni tawh tih hi min hriat sak lul rawh se.

"He thil lothleng túr hi hrilh lâwk che ka tum a, ka hrilhtawh ang che khαn he nu pawh hian ngaihhlut sakna che anei lo ."


Alam chu rilru ngui zet hisn ka hawi phei a, "I ti dik maithei ...." chu bαk engmah ka sawi thei rih lo, rilru na zet chuan ka room lam chu ka pan leh ta a, ka beidawng kher mai, he nu vαng hian thih hial pawh thlang meuh khawpin kum khat chhúng te chauh pawh ni se hlim taka hun hman dun kha ka lo beisei a, mahse túnah chuan engmah lo mai an chang zo leh ta si, ka duh chuan min hmangaih turin ka ti thei teh meuh mai, mahse chu erawh mahni hmasial takin ka tilui thei lo, a manihna arilru dik tak a min hmangaihna kha a ni ka mamawh ber zâwk chu!


He khum ngeiah hian nichin lawk khân hmangaihna hlimawm leh hluber mai chu kan chén dún a, kan pahnih chuan kan inlungrual tak zet, kan lungawina kan inpe tawn ve ve a, Liam pék theihloh ngei kha, mahse chumi hnu lawk chuan kha ka thil tih ka hrilh loh mai avâng khαn rilru na takin ka siam leh si chu a nia, khati ang mai kha chuan thlahin ka kalsan thei lo ang, min mamawh a, chu min mamawh nasat ang tluk zet chuan kei pawh hian ka mamawh ve bawk.

Thâwk ka la hrawih a, zanin chuan ka tlaivar ngei angai dawn ta a nih hi! Clara néna kan awmdun theih dαn kawng ṭha tak ka ngaihtuah chhuah chu angai ngei ang, zanin a athil min zawh chhan kha khatiang anga nunhman kha azuam ve tak zet em tih hi ka hriat chu ngaiin ka hria, chutiang thil alo duh ve te anih chuan chatuanin kan pahnihin kan awm thei dawn si a.


CLARA....

Pαwn lamah limo chuan min lo nghαk reng tawh a, ka appartment address ka hrilh chuan min tlαn chhuah pui ta nghαl a, ka mittui chu a súr zung zung a, kawngtluan chuan la inhru hul thei lo niber hian ka hria, car chuan ka apartment building kawt athlen chuan a ding a, ka chhuak ta nghâl a, hawi pawh hawi lét leh tawh lo in inchung lamah chuan ka chho a, tûnah rih chuan mut vang vang tluk a châk ka nei lo.


Ka hawi chhuak ka thil vahmuh chuan min ti phu chiang kher mai, ka kawngkhâr bulah chuan Liam alo awn reng mai, pâwn thim tak hnuai a car inhúng kha ka lo enchìk hran lo a, Liam car ngei a nih dawn hi.


Deja vu chung châng kan sawi leh ngei dawn e. A hmél thinrimna hlíra khat ka hmuh chuan ka ti rilru niap niap a .

"Hetah te eng nge i tih?" Ka ti ṭan chauh a, thinrim mitmeng senrúm a mi rawn melh khúi chung hian min rawn panphei a, "Dawt min hrilh!" A ti chhuak hrawih a.

Chu athusawi chuan min ṭhâwng zawk, "Eng chung châng nge maw i sawi le?" Makti zet hian ka ti a.


"Clara zanin khân mipa dang nén ka hmu che a sin." A ngawi leh daih a, Liam chuan zanin khân min lo hmu reng tihna maw ni a? "Liam pawi ka ti tak zet, sawi fiah thei ni ila chuan he thil hi nangmah vânga ti ka nih zia ka hrilhfiah vek tur che a nia, mahse ka thei silo." A chhan pawh Liam hi hmangaih tawh lo mah ila keimah avángin thi thei reng dinhmunah ala ding tih hi ka hriat reng atúl ang, Cupid ina kha alaka spell ahman kha asût leh hma loh zawng chu!


"Engmah sawifiah leh chuan túr a awm ka hre lo." A mitmeng chu anélawm loh kher mai, mi huatna leh ten ngawih ngawih na bâk chu mitmeng sen rúmah chuan hmuh ka nei lo.


"Ka lakah inbumna i hmanga...."


"Nilo, Liam ka .....ṭanpui ka tum mai chauh che a ni." Ka mittui chu aparawl leh kiang tawh a.

"He tianga ka awmna chhan hi nangmah vâng chauhin a ni, chuti nilo se chuan ka rilru diktak hi ilakah zèp neilo in ka hrilh daih tawh túr che a nia, mahse chu thil chu ka tithei silo."

"I sawi dik e, mahni rilru put hmang sawi chhuak thei lo minép tak chu ka ni ngei alawm, he thil athlen chhan pawh hi keimah vâng vek a ni." Ka heh chu ka pet fan fan a, ka mittui a dìr zung zung bawk.


"Pawi ka ti lutuk Liam, keimah vâng vek a nih hi, engkimah chuan min mawhpuh vek rawh, kei hi mawhphur vek tûr chu ka ni." Ka bag chu ka zen pah rak rak a, achhúnga ka handker chef chu la chhuak in, ka mittui chu ka hru hul a, he ka thil tawrh lai mékah hian pachan ka ngai a, tuarchhel tak nih pawh ka tum túr a ni.


"Chance dang kha lo pe tawh lo tùr che hi ka nia." A ti leh hruih a. "Heng thil zawng zawng hi thil tihsual palh lian tak a ni."


"Nilo, Liam, thil tihsual palh ani hauh lo, kei hian ka ti ṭha thei a sin min ring rawh." Beiseina mitmeng nén ka melh chho a .


"Ka hmangaih che tih i hriat kha, he thil hi atâwpna tûr kan hrechhuak thei ngei ang, mahse inngeih leh inhrethiam tawn taka kan awm erawh angai thung ang."


"Ka ti....."

"Min bum tih hi hria i em?" A thin arawn rim thar leh a.


Ka insúm hman hma chuan thinrim zet hian he thu hi ka sawi chhuak ve ta tuar a, "I nunna hi chhanhim ka tum mai chauh a ni, chuti nilo se zawng hmân hmânah ka rilru hi ka hrilh daih tawh ang che."


"Eng maw i sawi?"

"Ka tifiam mai mai anih kha, khatiang thu âwiawm loh zet te kha chu kei hian ka phuhchhuak ang tih hi ring hlek suh!" Ka ti nghαl sawk sawk a.

"Oh, takzet, kei pawh hian hetiang ang a min bum hi ka beisei ngai hauh lo, chu vânga he hmun a lo awm ngar ngar hi ka ni a sin." A kut ahúm ruh ṭawlh ṭawlh chu ka hmuhhmaih hauh lo.

"Good bye Clara." A inher vut a, hawi pawh rawn hawi lét leh tawh lo in, akalsawn ta nghâl a, lungchhe vânkai chuan ka kawngkhαr chu ka hawng rawk rawk a, ka ṭap chhuak ta hlawp hlawp a, kawngkhαr chu khαr lehin ka nghéng a, lei kamah chuan ṭhuthla riai riai chung hian chhuak ém ém in ka theih tαwp tal meuhin ka ṭap chhuak ta hawm.hawm.a, ka tawrh chu nâ ka ti lo thei lo, hetiang thil hi arawn thlen pawh ka ring ngai lo, ja duh váng ni.miah lo in Cupid chuan ahna athawh vat loh phei chuan túnah tak hi chuan Liam chu chân thei mai dinhmunah ka ding ta remg mai, ka thaw chu aipik mup mup a, eng tib nge ka awm pawh ka hre mumal lo, achâng leh ka ṭah nasat lutuk avαngin ka thudang a, acháng leh ka lo muhil a, chutiang ang vel chuan ka awm in ka inhria, tûnah chuan Liam chuan ka bula awm aduh tawh lo ngei ang a, chumi awmzia chu spell chu afail tihna ti chuan Liam chuan thihna ahma chhawn ngei bawk ang a, chuan Cupid pawh athi ve bawk dawn a, oh, avahan râpthlâk tak ém.

Tûnah chuan an pahnih hnih in ka chân dawn ta chu a nia, keima thiamloh vek a ni.

Engtik laiin nge ka lo mutthilh pawh ka hre lo, ka ṭhang harh chu nî alo chhuak ut tawh mai a, ka harh vânglo kher mai, ka thawmhnaw pawh thlâklam ngaihtuah loin inhnuai lamah ka chhuk a, office lam chu ka pan ta a.


JAMES.....

Office ka thlen chuan Clara pawh alo la thleng lo a, hei chu dán pâng ngaiah ka nei tawh, coffee ka in té té phawt a, ka hma a laptop lam chu ka buai pui ta nghâl a, Clara hi lawmthu ka la hrilh hauh lo, hmαn zâna ka ex - boyfriend kan biak khαn kan inngeih thar leh phah a, tùnah hian hlim takin kan inkawp leh tawh a ni.


A lo thlen huna a enkual duh tâkin tiin a client ho chu ka tihfel sak a, zanin ah mixer nei leh túr anih avângin chúng list te leh kan neihna hmun tur te tihfel vek angai bawk, mixer kan neihna chhan pakhat chu kan client te zĭng ami date tur a kan sih hmuh an date chhuah vek hnu pawh a tumah duh an neih loh chuan mixer hi kan siam sak ṭhin a ni.

Pawn lam aṭang chuan thâwm arawn awm a ka hawi chhuak vat Cupid ani tih ka hriat chuan, en pawh enchiang hlei lo hian, "Morning Cupid, I client hmasa berin alo ngh....." Ka laptop lam bih leh ka tum chiah ka phu zawk, ka enṭha leh ngat, Cupid chu amask vuah kar aṭang chuan men pawh ameng mang lo, chu chu thuhran, "I sweat pants nén elo ila awm a?"


"Yes." A la hâm vel.



Makti zet hian ka enchho hau ringawt.


"Aw James, ka sweat pants nen ka la awm, comfy deuh alang turin min duh em ni, a theih reng bìk loh." Bakhlar hian min tih khum a.


Kan Cupid hi achiang hauh lo mai. "Cupid tunge i nih, eng thil nge i tih ták hi le?" A office a alút túr chu ka âu zui a.


Ka phone chu ka la nghâl vat a, "Hey, Molly , James ka nia, office lamah ilo kal vat angai ang."


"Cupid hian ahriatna zawmg zawng ahloh vek tawh ni in ka hre ber."



"Kha tiang anihna te chu kar hmasa aṭang khαn ani daih tawh alawm James, eng nge tûnah ni leh tawh a?"



"Hnathawhna ah sweatpants arawn ha chhuak maw le."


"Ka rawn thleng nghál ang."

Phone chu a cut zui ta nghál a.


CLARA...


Ka client hmachhawn tùr chuan ka ṭhu ve rân a, chu oa chu arawn lút ta a, "Cupid ka tâna hmeichhe min thlansak ho réng rèng kha ka bél chiang vek a, tumah ka rilru ha la pèng eih tu pawh ka tawng lo."


A thusawi pawh chu ka ngaithla nge ngaithla lo tih pawh ka hre néih nuai tawh lo ve, "Chu chu ka diklohna em ni?"


"Teuhlo mai, chu tiang zâwng chuan ka sawi hauh lo."


"Well, chutiang anih chuan midang ang lo tak he khawvel ami pawh nilo i kawp ve ngei angai dawn ta a nih chu, chuti anih loh pawhin nangmah in mal zetin i hringnun hmangin i la thi ve dawn a nih chu!"


"Hmangaihna hi a kawng abum bohin a harsa tak zet." Ka âu khum a.

Ka inhnìt ta hlap hlap a, chu ka client pa ngaihna hriat loh leh hriat lam pawh ka ngaihven tawh lo, a hrilh chu ahai ve khawp ang.


Molly chu arawn lút rawk rawk nghâl a, "Kei chuan ka lo ngaih dân chuan Cupid khân he thu hi asawina ni zâwk in ka hria, hmangaihna hi a ropui
A ahlu èm ém bawk tih asawi tumna a nih kha." A rawn ti lût nghâl bawrh bawrh a.


"Yay, adik ani lawm ni, hmangaihna zet hi chu!" A âu deuh chúl a, hmangaihna ahan fak zet chu ka pâi dâi thei lo, ka insûm hrám hrâm a ni e.


"Nilo, ka sawi tum dân záwk chu hmangaihna in a i thinlung kawng khâr arawn kik hawnsak hnu che chuan hmangaihna........."


"Ok, he hmuna ilo kal aváng hian kan lawm e, bye."

Ka client pa hrilh hai zeta kal chhuak ta chu ka ngaihven hranlo, chutiang bawkin vawiin ni a ka appointment neih zawng zawng chu ka dam sam loh chhuanlama cancel vek a ni bawk.



"Eng diklohna nge i neih hrep chu le?" Molly ina mi ngaihtuah zet chung a min zawh chúlna chu ṭap hlap hlap hian ka chhâng lét a, "Nizân khân hnáwl ka táwk, an pahnih hnih in" ka ṭah chhunzawm leh nghâl a.


"Oh, boy."


"Nizân a Cupid date a ka kal kha Liam in min lo hmu a, tichusn min ṭhen bawk, anunna chhanhim nâna Cupid chu kawp ka ni tih lah ka hrilhfiah thei bawk si lo." Chhuak zet hian ka ṭap leh ta a.


"Clara túna i awm dân kha i nihna ani miah lo a nia." A thaw chhuak halh a.


"Eng chung cháng nge maw i sawi le?"


Ka mittui chu ka hru hul mawlh mawlh a tisue paper ka heh kher mai, ka hmang mial mial a, Liam nunna chhanhim nán Cupid chu relationship i neih pui a, a ni em? Mahse chutiang chu ani tawh lo a, ani mai lo'm ni?"

"Túnah hian Cupid chu i duh ta zâwk a, achhan pawh amah chu i thlan tawh avângin, Liam tân nitawh lo in!"



Chutiang chuan mahni hmasial takin ka awm thei dawn em ni? Nilo ka thei lo, Liam nunna chhanhim hi ka bat a ni.


"Tu nge ka duh a ka duh loh tih sawi thei tûr hian ka buai nuai rih a nih hi, túnah hi chuan anpahnih a relationship ka neih chu ka ka tichhe vek tawh." Ka ti chuai raih a, ka tho chhuak a washroom lam chu pan pheiin ka hmâi ka phih a, ka chhuah leh hnu chuan ka harh deuh hawk hian ka hria, "Clara, Liam leh Cupid hi i nei ve ve thei lo ang, chuvâng chuan duh i thlan fel angaih ka ring !" A lo ti leh a .


"Ni e, min la duh te pawh han beisei phawt ila."

Molly in min chhuahsan leh hnu chuan hna nei ta lo chu inlamah haw mai ka rilrúk ta zâwk a, mu leh ila ka dik phah deuh mai thei.


Ka chénna hmun lam pan chuan ka inkhalh chhuak ta a.


Mut hmunah pawh chuan ka inngaihtuah na sa mai, he thil hi a âtthlâk kher mai, engtin chuan nge maw ka han thlan dawn tâk ni maw?

Chtiang ka ngaihtuah buaina chi hrang hrang te chu dah ṭha a mutthilh phawt chu ka tum ta zâwk a.


Ka phone ri chuan min ti harh a, ka en chu James alo ni a, peihlo zet hian ka pick ta hrâm a, "Hello."


"Cupid , keimah."


"Aw, ka hria che."


Zanin mixer kha theihnghilh lo ang che, Mr. Suh kha aw."


Oh, zanin hi mixer alo ni leh tawh tak, ka tho chhuak nghαl vat a. "Aw, ka thleihnghilh hlei nèm." Ka ti ve ta tho a.


"Tunah ka insiam mék ahmunah inhmuh kan tum dawn nia." Phone chu ka cut ta nghâl a.


Eng thawmhnaw nalh vak mah pawh inbel duh lo in, sweater leh jean kekawr ka ha tawp a, boot dum bun lehin ka sam chu hnunglamah ka ṭawn kawh tawp a, mixer neihna tur hmun lam pan chuan ka inkhalh chhuak ve ta a, ahnung lam aṭang a lútin James min lo nghahna lam chu ka pan phei a, ka hmèl hil bal mai leh makeup hnu hma pakhatmah hmuh tûr awm lo, ka inthuamna la ṭhing ru tak bawk James in ahmu zet makti lutuk chu alo meng pâwng hlut a, "Eng ti...." sawi pawh a sawi zawm thei lo.


"James ka buai èm a ni, ka phúr thlâwt lo, mipa pahnih te min hmangaihna chu kei hian ka tihchhiat sak vek ta chu a nia."


"Nilo, i tihchhiatsak nilo in, thil i ti buaithlâk leh zual nimai in ka hria, chu ti ni se zawng zanin hian anrawn lang dún hauh lo ang."


"Ngawi teh eng maw i sawi a?"

"En ta che." Puanzar chu akeu pah dâk dâk a, ka mi hmuh duh tak pahnih te chu ka va hmu ta a, mak tih avângin ka chesawn thei lawk lo, eng vánga rawn kal nge an nih?



"Engtin nge he hmunah hian kan ti dawn tih pawh anhriat theih zâwk chu le?" Hmm Molly ani ngei ang le. Ani hian duh mirhlan tir tâlh atum tih pawh ka hria.


"Come on, Clara min rawn zui lawk rawh."


"Eng vangin maw James?" Makti zet hian ka melh chho a .


"Min rawn zui ringawt mai rawh." A thu chu âwihin ka zui ve ta hnâ hnâ a, room pakhat ah hian min luh pui a, phone call ahmang nghâl a, "Hello, ṭhiannu James ka nia, yellow dress kha kan mamawh ang."


Phone adah aṭanga mimute nga ral hnu chuan kawngka anrawn kik a, "Chu chu ani tawh ngei ang." James chu atho chhuak a, kawngka chu ava hawng a, package pakhat hi arawn keng lût a, hei hi ha ang che, pawnah ka lo ding ang, i zawh hunah i rawn chhuak dawn nia."


James chu achhuak ta nghâl a, chu package ka hawng chu ka phu zawk kawr engdal ṭhui nalh zet hi alo awm a,  arem túr tak phei khawk dum alo tel bawk a, James hi chuan min ngaihtuah ka ti lo thei lo, achungah pawh ka lawm thei hle, ka in siam zawh hnu chuan ka pen chhuak ta a, chu kawr chu ka duhai chuan achhîng lam hret mahse zanin chauh hâk tur ani tho a tiin ka inhnèm a, kawngkhar ka hawng ka va inlan chu James chuan phùr zet hian," I inhmeh ka ring réng a ni." Min nuih vur vur a.


"Kha kawr nén khân mipa pahnih te rilru chu i lâk pénsak nghâl ang tih hi ka ribg tlat!" Kal chhuak tawh rawh le, keiin light ka lo ti dim ang."

"Chumi aṭang chuan kan pahnihin luhna pui tak kan nei dawn nia."  Lights controll tu chu a be ta nghâl a, light arawn dìm a, James chu akal chhuak a, "In zavaiin chibai vek u le."


"Zanin hian tute chungah nge inthinlung chu a awm ang tih leh khawiah tak che amatch sak dawn che u tih hi inhre châk tawh mai thei, chu thil ti tur chuan Cupid ilo sawm ang."

James thusawi zawh chuan mipui chuan kut anbéng dur dur a, ka kalchhuah ahun ta e, Clara mahni inring tâwk tak khân awm ringawt mai rawh ti a infuih ru zauh chung chuan ka pén chhuak ve ta a.


"Cupid kan lo lawm a che."

James chuan adinna hmun chu min lo kian a, "Chibai vek ule, zanin hian heti zah inlo kal avâng hian lawmthu ka sawi duh a, a bík talin Mr.Suh lo kal chhuak se la, ani hi zanin a mixer neitu ber túr a ni e." Kut bengin ilo lawm ang." Mipui lam atang chuan kut béng ari hluah hluah a, puan tur hrang hrang ka puan leh hnu chuan mipui lam chu ka fin ve ta a.


Ka bulah chuan Liam leh Cupid anrawn lang rual nghαl ṭhawih a, "Oh hey boy." Hmu lo ang tak chuan ka ti a.


"In pahnih a he hmuna ka hmu ve che u hi min ṭhawng kher mai."


"Cupid i lang ...."



"Duhawm!" Liam chuan Cupid thusawi chu alo chhunzawm sak a.


"Tak zet?" Ka nui zui hak a.


"Ka thawmhnaw dah na bawm a ka chharchhuah anih hi!" Ngaih pawimawh lo hmél fahran chuan ka ti ve mai a.


"Chuan he hmunah hian engin nge rawn kal tir teh thut che u?"


"Molly khαn min rawn call a, he ta awm tur uh... umh hian min rawn sâwm a. " Liam chuan ati bah nawk nawk a.


"Ka assistant khân min mamawh ani tiin min hrilh a, achhan chu he thil titur chuan assistant ka nei reng tih pawh i hria alawm." Cupid chuan  mit min siai khum zauh a, Liam erawh chuan athusawi dân chu alo ngaitheih loh hmél kher mai.

"Well, inpahnih achungah ka lawm lutuk e, he hmunah kalin inrawn ngai pawimawh hi, kan inbiak angai hle in ka hria."



"Ṭha lutuk, darling min rawn zui rawh le." Cupid chuan arawn ti ta a, Liam chuan amelh rum kher mai, ani erawh chuan ahaider sak hmiah thung!


"Ka lo kir leh vat ang." Ti a ka nuihsak hnu chuan Liam chu kalsanin Cupid chu ka zui ta a.


Balcony lamah chuan kan in zui chhuak a, "Cupid....." thâwk ka la pah halh a.

Min rawn dinhnaih a, ahmúi lum thar thar chuan min rawn fâwp nghâl vawng vawng a, "Hei hi i sawi tum chu a ni em?" Min thlah hnu chuan nui suk chung hian a ti a.


Cupid ka lakah thurúk puitham zet i zép avâng khân ka lawm lo khawp mai." Ka ti nang nang a.


"Ka hria alawm Clara, lo hrilh túr che ka nih zia chu, inchhirna hlirin túnah hian ka khat tawh, mahse he ka thiltih hian atih hlim che ka rin vâng a nia, nang tihnat che hi ka duh lo a, i hlimna tùr chauh ka ngaihtuah tawh tih pawh ka hrilh tawh che kha, keimah a ramsa awm hi titâwp tur chuan ka thih ngaita berin ka hria a, mahse.....ka lo ring dik lo deuh a ni." A ti ta a.



"I nunna chân tur hian ka duh che i ring a maw, teuhlo lutuk, Liam hi ka hmangaih tawh lo a, ṭhian ang erawh chuan ka en ang, mahse chumi avâng chuan athih ka duh tihna ani kher lo, nang hi ka hmangaih...."


Ka thusawi lai chu ka sawi hnem lam deuh hrat a ni e.

"Eng maw i sawi a, sawi tlang law law rawh." Min kiai khum suk a.


"Eng mah, ka ..."


"Sawi rawh Clara."

"Eng chu maw?" Min rawn dinchilh hnâi sauh a, ka lo mùr leh ar ar tawh.


"Clara ka nun theihna turin kawng pakhat a awm in ka hria." A hmel chu ka enchho rân a, a thutak sawt bawk.

"Eng ber ....?


"He thihtheihlohna dân hi nangpawhin i thlang ve a nih chauhin, Clara hmangaihna lama midang ṭanpui in kan pahnih in chatuan in kan chèng dûn thei tawh dawn a ni."


"Chuan nikhat chu Cupid thar arawn piang ngei ang a, chumi hunah chuan kan pahnih hian zálen ve tawhin i thil duh apiang ka tih pui thei tawh bawk che ang a, khawvel hi kan fang chhuak thei tawh ang....kan pahnih in chatuanin kan inkawp dùn reng tawh ang."



"Wow, mipakhat nén a chatuana hun hmang tur chuan arei dawn hle mai maw!" Ka nuih sak a.



"Darling túnah tur tut i chhânna hi min hrilh turin ka ti lo che, mahse lo ngaihtuah la, nang nèn a chatuan a hun hman hi ka duh a ni."  Ka hmui chu arawn zawng hmu leh nghαl a, duhthawh zeta min fawh leh hnu chuan akal sawn ta a.

Chutiang a Cupid sawmna ka dawng thut chuan min ṭhawng deuh viau achu ka hlum tak zet, ka va kír leh hnu pawh chuan Liam chuan chík zeta mi lo enpah hian, "I hlim riau in ka hria." Alo ti ngei réng a.


"Nia tlemin ka zia awm." Ti chauhin ka chhαng a.


"Ka chungah ila lungni lo reng tihna em ni Liam?"


"Clara min bum a lawm."


"Liam thil tam tak i hriat loh hi a awm a, hrilhfiah che ka duh viau a mahse ka thei silo, chu thil chi mi sawi luih tir lo ang che, ka hrilh theih zawng che chu pawi ka ti lutuk tih zawng chauh hi a ni e." Ka ti ta sap a.



"Ṭanpui che ka duh ve bawk ani tih pawh hi min hriatsak ve hrâm dawn nia, thil rawn thlen dân hi amak ṭan riai mai."

"A pawilo Clara, ka ngaidam che alawm."


"Min ngaidam a maw?" Ka phu deuh zawk.


A nui sak a, "Kei pawhin ahma khân thil tih áwm ang loh lutuk naah ka ṭhen che a, mim ngaidam a, kei pawh hian tùn ṭumah hian ka ngaidam ve ta che a ni."


"A mahrawh chu eng nge i duh tih erawh hi chu min hrilh angai ang, min hmangaih tak tak lo anih chuan kei pawhin a zui remg che hi ka duh lo a ni."


"Liam min ring rawh ka hmangaih tak zet che."  Dawt leh bawk maw, Cupid ina he thil atih hma hi chu hetia ka la tih hi angai in ka hria.


"Túnah hi chuan chutiang lam chu ngaihtuah buai vak pawh ka duh rih lo."

Min rawn panhnai a, "Clara, Cupid ka tihna i hlim hi ka duh mai chauh a ni." Tih pah chuan dam zet hian min rawn fáwp ta a.


Mi thlah leh thuaiin, "Kei ka ni emaw midang an ni emaw...."

Min fawh chhunzawm leh a.


AFTER ANHOUR...


In ka thlen hnu chuan ka inngaihtuah nasa mai a, an pahnih hian rei tak chhúng ka chelh reng theilo ang, tu emaw záwk záwk hian buaina anthlen leh mau ang tih chu ka hlau, Cupid abula hun hman chu ka duh daih tawh zâwk mahse chumi hma chuan Liam nunna hi a zuah ngei tih erawh ka chian angai thing ang.