CUPID'S ARROW CHAPTER 1
Ka mutna khum bula alarm ri chu beng chheng kher mai, harh chiang mang lo leh men pawh meng mumal lo in mut lachhuak chung chuan ka vaithla ṭhuai a, a ri deuh chawrha a reh zui vang vang, a tlák nalamah chuan achhia ani mai thei, mumang ramah ka chèng leh dawn chiah ahnu deuh lawk chuan ka phone arawn ri leh ta a, oh hreptak chuan ka thawh ngei angai anih hi, ka meng chhuak a, "Hello."
"Cupid i tho tawh maw?"
"James tûn ang hunah te eng nge i duh, nizân ka client te avángin ka mengrei ka ti mawlh mawlh ani lâwm ni?" Lungawilo zet chuan ka ti hlak hlak a, "Pawi kati lutuk Cupid, mahse office ah ilo kal tawh ngei angai ang, tûnah hian i client te nén chuan kan awm mèk a, office kal ahun der tawh, an nghák ṭhup tawh che a nia." A aw ah chuan inthiamlohna nasa zet hi a lang a.
James hi ka office a staff pakhat te zínga ka rin ber leh ka inlengte lo be chhawnchhaih ṭhin tu ka assistant leh personal asst ani a, kan office chhûng hi lian lèm lo tak a ni a, mi company lian lawk bér bûr ang kha ani lo , mahse chu chuan ka eikhawp chu a hmu ve mai bawk a, nitin hian dawrtu hrang hrang kan nei ve nak nak tho, entir nan Valintine's Day dawn ah ngat phei chuan an pung leh zual ṭhin!
Ka peih lo khèr mai, ka hna hi tui viau mah ila thawh hma angai thei lutuk mai leh mut hun mumal tak neih theih lohna avâng erawh chuan ka thin arim ṭeuh ṭhin, Febuary thla ni tawh mahse ka awmna hmun Hudson Bay hi chu vawt ték táwk tak ala ni a, vùr tla atui ral ṭan a, ruah súrin a zawm leh bawk a, ka puansin lum nuam zet chu thehhlímin ka mutna khum dûp nuam tak aṭang chuan ka tho chhuak a, kawrlum pawh ha mah ila ka ke ina chhuat vawt thler mai a han deh chiah chuan ka khûr nghαl hlak hlak , mahse awm khawmuang thei ka ni tawh lo, he hna hi ka chawbel ber anih avângin kal vat erawh a ngai ngei ang.
Rang takin bathroom lam in tifai turin ka pan nghâl thuai a, ka peihlo tak zet, tuilum chu ka herh haw nghâl a,chét vat vat aṭûl, bathroom aṭang a ka chhuah leh hnu chuan ka thawmhnaw hâk tûr chu ka thlang chhuak leh zawk zawk a, bag akin ka car dahna inhnuai pan chuan stepah ka tlán thla ta hlawk hlawk a, coffee pawh inhman lo in, chawlh hunah breakfast ei rualin ka in mai a ni ang chu, minute sawmpanga hnu ah chuan kan office awmna chu ka thleng ve ta hrám a, aleh lamah chuan zíng kara inkhalh chhuah hi chu atih zia viau mai, traffic jam a tlèm deuh hlek.
CUPID'S ARROW...
Kan office hming hi Cupid's Arrow tih ani a, kei pawh Cupid ti a koh ka ni.
Office chhûng ka lût chu James chuan min rawn pan vat a, James hi vun hàng lam pang a ni a, a sângin a palian hlé bawk a, a hâng ve viau e tilo chuan a lei a sèp thiam a, ami biak te réng réng lungawi lo in a chhuah ngai lo. Ka bul arawn thlen chuan thíp zeta lo melh chung hian, "Khawiah nge an awm?" Ka ti chhuak nghál tawng a, mut kham loh avângin ka thin achhe hlè bawk, "Waiting roomah awmin an lo nghâk che."
James nèn chuan ka office lamah kan inzui lût nghál a, kan office mi réng rèng leh ka client te ho hian Cupid tiin min ko vek a, chu chu ka nihna ani. Ka bula mi rawn kal ṭhin ngaihzáwng leh nupui pasal zawng te chu ka lo rem sak ṭhin a, keimah aṭanga chhuak nupui pasal innei ta te pawh tam tak an awm tawh, ngaihzawng buaipui hmanlo buai tak tak leh mihausa tak tak te ngaihzawng neih lama hun neilo te pan chám chi ka ni a, kei chuan an harsatna ah te ka lo pui ṭhin a ni.
"I mask kha i vuah theihnghil ang e."
"Ka lawm e James, ka inpeih tawh a, rawn luh tir tawh mai rawh." mask chu ka vuah nghâl mawlh mawlh a, James chuan min hrilh lo phei se chuan ka theinghilh leh daih tawh ang, he hmunah hian tunge ka nih a eng ang hmèl nge ka put tih chu mipahnih chiahin an hria chu mi te chu James leh ka ṭhian ṭha tak Molly a ni.
Hetiang hna ka thawh ṭanna hi a rei tawh a, mi te tâna vanneihna thlensak tu nih hi nuam ka ti ṭhin, kum hnih hmalam khân Liam tih hming pu mipa sexy zet mai nén kan inkawp rèn ráwn a, ka mipa hmangaih dik tak pawh ani in ka hria, kum hnih chhûng vèl zén zâwn chu kan inkawp ve a, mahse intih thiamlohna ho tak neiin kan inṭhen leh ta a, chuta ṭang chuan tumah kawp ka nei leh ngai ta lo, achhan pawh Liam ang mipa thinlung hneh thei tak tu ka tawng tawh tlat lo. Ka hnathawh hi aharsa vè èm èm a, mipa leh hmeichhia inkawp rem túr leh an hmangaih záwng zawn sak a date neihtir ani ṭhin, tih fuh loh hi ka nei khát khawp mai, heti lamah hian expirience ka ngah tawh a, mahse ka tân ve erawh tumah mipa zawnhmuh ka nei leh tawh ngai lo.
Ka office kawng khár chu an rawn kik ta dat dat a, ka mask vuah chu a dik nge dik lo tih enfel leh te te in lút tûrin ka chháwn ve ta a, kawng khár rawn hawngtu mipa pakhat vun sen ukkharh mai nei leh mitmu páwl rám chuan min rawn pan chung hian hmèl hlím sárhin ka hma chair awmah chuan arawn ṭhu ta a, a ni hi ka lo buaipui fe tawh hnu anih avαngin kan inhre ṭha hle tawh a, ani hian ka hmèl a hmu tihna nilo in keimah záwkin ka hre ṭhang tawh ka tihna anih chu. ahmél ah pawh hlimna famkim achang ningeiin ka hre bawk, "Cupid engtin nge he thil hi i tello chuan ka tih ang tih pawh hi ka hre lo, i chungah hian láwmthu tamtak sawi ka ba nasa hlè in ka hria."
Chu chu ka client te ho ankawppui túr ka zawn sak aṭanga ka thu hriat ṭhin chu a ni.
"Khawngaihin kan inneihna ah ilo tel ve ngei ang tih hi min hrilh rawh."
"Ka fevorite client ni ropui zet hi ka miss ang a maw?"
"A teuhlo mai." Ka nuih var var a.
Hlim zet hian atho a, achhuak leh ta a, Ugh, perfect match diktak dang leh bawk maw, ka chau ngawih ngawih.
Ka bula intercom chu ka la kânga, "James midang i rawn luhtir leh thei tawh ang."
Hmeichhe pakhat sam buang uk kharh mai hi hlimloh hmèl zet chuan arawn pén lût a, ahming inziahna list chu ka envat a, Mary Monroe New York, age. 26 ka hria e.
"Mary zanin hi i tân zán hunṭha tak leh i tána vânneihna zân ani ngei ang tih hi ka chiang ani, ka guest list hi New York chhúnga mipa hottes single hlírin a khat a nia, chúng ho chu nangmah hmuh châkin an thi tép tawhin ka ring ani ." Ka ti zauh a.
"Engtin nge i tih theih dawn tih chu ka hre lo a, mahse Cupid ka bul hnâia i awm chuan nangma zárah ka hmangaih chu ka tawng ngei ang tih hi ka ring tlat a ni." A nui chhuak ta var var a.
Ṭawng tura ka ân ziauh lai tak chuan arawn chhunzawm leh a, "Leh lawk, zanin hian i awm ve ngei ang ti raw, a ni em?"
"Tehreng mai, ka awm chiang ang, eng nge túnah mamawh ila nei em?"
"Well, aw nei deuh reuh.....kha i mask vuah kha i phelh thei em? Hetiang tak a mi inkawp rem tir thei tu he khawpuia an lo awm hi ka lawm tak zet, chuan a hmèl hmuh chák hian ka thi thei mai dawn in ka hria." Dawhkân bawh chuan arawn kún hnai a, záwisap hian,"Tumah ka hrilh lo ang, ka tiam ache." A rawn ti deuh sá sá a.
Sorry Mary hei chu ka ti theilo ang, he thilah hian tunge ka nih tih hi mipahnih chiahin an hria a, chu chu ka kal tlangpui zél bawk ang.
"I hriat loh khân asexy daih záwk zanin atân he thu hi hre reng ang che." Ka nuih leh sak a.
Ka ding chhuak a, "Zanin party naah kan inhmu leh dawn nia, chuan ngaihzáwng nei túrin i inpeih tawh ngei pawh ka beisei."
Kan in chibai hnu chuan a chhuak leh ta a, ka ṭhutna ngaiah bawk chuan ṭhu thla leh hnawkin, ka lu te chu ana tluk tluk hian ka hria,
Chutianga mi hran hran ka biak hnu chuan ka zo ve ta hrâm a, phone a sana chu ka melh zeuh a, alo chawhnu leh dáwr tawh, James chu eitur min rawn lák sak tur chuan ka ti nghál a, nghah rei angai lo khèr mai, breakfast tuihmèl zet leh coffee no lian táwk tak hi tray ah chuan arawn cháwi lút a, ka ril aṭám tawh èm aváng chuan ka ei nghál bawrh bawrh, tlèmin tháwk ka la a, coffee chu ka lem leh khalh a, a zia awm deuh hnu chuan James lam chu ka hawi phei ta a, "Thilthar hre túrin i inpeih tawh maw?" A rawn ti ta sup a, chu thil min hrilh duh aváng chuan maw alo din reng?
"James ka chungah innghat tawp mai rawh." Coffee la bâng zawng chu ka inzo vek a, napkin chuan ka kut chu hrufâi in dustbin lamah chuan alût hláwm tawl, a paper rawn ken luh chu a chhiar ta a, "Appointment thar pathum i neih belh leh a, a thar zìnga pakhat chu zaninah ani nghâl ang."
Mengkual khum ralh in, thildang ka ngaivensan ta daih a, "Chuan zanin ah Mary chung châng ngaihven turin zân dar sarih ah car in arawn lam ang che."
"Chuan hei......"
A thusawi lai chu a táwp zui daih,ka ngaihven zui tawh loh avâng chuan achal chu a dawm deuh ngúih a.
"Hello Cupidddd." Ka phone chu speaker ah ka dah avâng chuan Molly ka ṭhianṭha tak ni bawk chu arawn áu deuh chúl a.
"Tu nge ni ta chèl chûl?"
"Ka lo hrilh theihnghilh daih che a, Molly nèn lunch ei túra chhuah dun kan lo tum a." Inthiamlo zet chuan ka ti ta sap a.
Nuih chhuah leh hak hak pah chuan, "Waiting roomah Molly chuan min lo nghák ang, i chhuah pahin min rawn koh luh sak mai dawn nia, chuan kan client thar ka hmuh hun túr chu i lo ti danglam dawn nia." Ka tizawm zat a.
"No problem." A kun deuh ngûih a, a kal chhuak tûr chu áu zui lehin, "Nang hi chu i ṭha ber." Ka ti zui a.
Molly chu arawn lút ta a, ka ṭhutna aṭang chuan tho chhuakin adinna lam chu ka pan phei a, "Molly ka hmangaih viau che a chu mahse nuam taka ka awm ve theihna tûr hi ngaihtuah lul teh!" Ka chal chu ka dawm khum deuh raih a.
Min rawn melh deuh vang vang a, "Hmm, aw le."
"Kha i mask kha i phelh thei tawh em? Keimah ka nih tawh hi!"
" A ṭha e." Mask chu ka phelh a, "le tikhân vawiin ni a thil pawimawh tak min hrilh túr i nei i tih hetilai hmun thleng thleng a i rawn kalna chhan hi i sawi thei tawh ang."
"Hello, naktûk hi engni nge anih tih hi i hre ve maw?"
"Oh, ka hre lutuk tlat, naktûk Valentine's Day ani tih hi, chuan ka bestfriend i nih ang ngei in naktûk lo thleng tûr hi ka huat zia pawh i hria ang chu!" Ka chal chu ka dawm khum leh zauh a.
"Come on Clara, kha pa nèn in inṭhenna kha thla khat mai chauh pawh ani tawh hlei ném."
"Molly ka hmangaih takzet a sin, alo kír leh ka duh zia thu pawh i hriat vek kha."
"Ka hria asin Clara, mahse ka ngaihtuah èm mai che, he dinhmun aṭang a i chhuah ngei pawh ka duhsak lutuk che, tûnhma i nundán ang khân nung leh rawh, hèng thil zawng zawng leh amah pawh hi theihnghilh ve tawh la ka duh pui ngawih ngawih che."
Ni e, a ti ngei ang, ka awmdân hi ami pângai loh thlâk ati ṭhin, ngaihzawng te nei lehin mipa dang te néna hlim taka awm leh túrin leh ahma a ka dinhmun pângngai kha nei lèt leh túrin ka ṭhiannu hian a bei reng ṭhin a ni. Mahse a sáwt ka ring lo.
"Khawngaihin Molly amood ah ka awm rih lo." Ka ti ta nge nge a.
"Dark angel ah VIP pass ka lαk sak thei ang che tih hi ka hrilh tawh che em kha?" A nui chhuak hak a.
"Dark angel Club te chu New York city chhunga kal chαkawm berna hmun ani tih hi i hria ang chu ti raw?" Aw ka thian deuh kharh a.
"Tún ṭum Valentine's Day lo thleng tùr atân hian thla hmasa lam daih tawh khαn an book khat vek tawh bawk ang, chulo ah ka client te hi keiin hlimna lo chénin wait list ah ka dah thei mai mai hlei ném." Ka ti leh nghat a.
"A deatails chu ka kutah dah hmak rawh, ti chuan i tih ve tûr zawng chu hot taka lan mai chauh a ni ang." A khabe chu min poh khum deuh lah a, hei hi Molly anih chhan chu ani, ani chuan thil hi ala thutak vak ngai lo.
Ka ngawi deuh vang vang a, ka ṭhiannu chhânna pék mai tûr pawh chu ka hre lo, ka kut phah thlan huh deuh hlap chu ka nuai deuh nawk nawk a.
"Oh, come on Clara, khawngaihin min kal pui dawn ani tih hi han sawi ve teh! Engvang chuan nge i hun ṭha i hlim ve na tûr chu i chân rík ngawt ang a?"
"A ṭha e, mak taka he pass i hmu thei anih chuan ka kal ve ang."
Hlim zet hian a khék deuh râih a, ahlim ang tih chu ka chiang a ni, hetiang hlimhlawpna ang chi hmuna kal arawt chhuah hrim hrim hi chu ka la hnar fithlâk sak ṭhak ṭhak ṭhin a vâng in.
Nuih chhuah ve hak hak pah hian, "Khatin hlim nghâl viau lo mai teh, he zân lo thleng tûrah hian kil khatah dingin zan khua a tûm dân ka lo plan mai thei a sin."
"Hey, khati ang chuan ti teh suh, i tûm dawn loh phawt chuan in kan thlen leh hunah chawhtawlh khat hnawk ice cream hlui che hi ka chák zâwng tak a nia aw."
"Ok, tûnah chuan chhuak tawh rawh, hna thawh túr amak amak atam ka nei a nia." Ka ti leh nghat a.
Molly chu achhuak ta nghâl vat a, phone a time chu ka en zauh a ka phu chiang ngei mai, "zanin a thilpui tak tihna tûr chu second hnih chiahin ka tlâi lo." Ka ti chhuak chûl a. Clara inbeng dai teh! Tihdân tûr kawng i dap angai ang, tháwk ka la zauh a, computer chu ṭhut chilh leh phawtin, oh James pawhin zanin atâna kan guest túr ho list pawh a rawn ti zo ve ta ṭáwk alawm, in enchhin ang hmiang; ka email a hming list min rawn thawn chu a in dawt dân chuan ka en thla dan dan a, a táwp bera hming ka hmuh chuan ka thin a ṭhâwng chiang khér mai, nilo, nilo a theih loh ring zet hian James hming chu hawrawppui ngatin ka lam chhuak a, "JAMES GORDON!"
Mask chu vuah leh sawk sawk in, James ṭhutna lam pan chuan office aṭang a tho chhuakin ka tlán phei ta hlawk hlawk a, thinrim zet hian abulah chuan ka va ding teu a, ka kut zungchal a kawh sawk sawk pah hian, "He thil hi i sawi fel chu angai ngéi ang, eng vânga ka ex-biyfriend hming hi i list a tel nge a nih tih hi? A ni hi he hmunah hian sáwm ani ve lo." Ka tih khum ta phiar phiar a.
"Pawi kati lutuk Cupid, aleh pekah chuan i bulah ka rawn kal phawt zél tawh ang." A hmèlah chuan hre awm atih zia pawh alang chhuak ve hial a.
"Engtin nge relationship thar alo ngaihtuah leh hman theih tih hi ka ring pha lo zâwk ani." Ka ti ve sap a, ka ex laka lung nih lohna ka neih chu James chungah hian tihlan khér ṭûl kati lo bawk.
"Nikhat chu kan pahnihin hlimtaka kan inkawp dun leh theih hi ka lo ring záwk asin ugh, ka ring theilo hial záwk mai,kumin chhúngah kan la inhmu leh miah lo, zanin ah kan han inhmu leh dawn chu a nia, chu pawh inhmuh dán dangin ala ni zui." Tháwk ka la pah halh a.
"Jeez Cupid chu pa chu i sawi dân hmangah chuan Pathian tluk thawtháng ani mai ka ti." Alo ti ve bauh a, James hriat tûra sawi chhuak pawh ka ni chiah lo, ka thil hriat chuan min shock èm vâng záwk a ni si a.
"Chutiang mi chu ani rèng a lawm."
"Alright, ka hrethiam e, mipa hmèlṭha tak anih ngei ka ring."
"Ni e, ahmél chu aṭha khawp mai, mahse min hmangaih ve lo, chu chu kan buaina anih ber ták chu." Ka ti ta raih a.
"Eng nge i mamawh tih hi hre thân in ka inhria, thil pakhat han ngaihtuah teh! Chu i ex chuan eng rawng nge aduh tih hi? I hnéna alo kîr leh ngei theihna tûrin eng emaw tak chu kan tih angai ang, nang aṭhen che hi pawi atih ram ram theihna tûr khawp a nalha ilan chu angai ngèi bawk ang.",a ti leh a, anui pah vur vur bawk a.
"James i ti dik e, mahse chutiang han tih pawh chu ka phûr vak lo, amah erawh chu hun hi engtin chiah nge akal tih erawh ka hmu chák khawp mai." Kati ve ta a.
"Mahse tûn dingmunah angah chuan ka tân silver dress ṭha tak zawn leh chu atlai lam hrat tawh bawk." Ka thaw leh hak a.
"Chumi avâng chuan alawm personal Asst tha tak i neih nachhán ." Anui ta hawk hawk a.
"Ruahsur chánga i hâk túrin i closetah surprise in alo nghâk reng che a nia, kal la va hachhin rawh."
Hman hmawh deuh in ka office lamah chuantlán lût in, kawr páng ngai zet mai silver rawng ka duhthusam tak chu alo inkhâi reng mai a, chu kawr chu ka ha chhin a ka ha táwk chiah zui, chu kawr ha chung chuan James lam chu ka pan phei leh a, "James he kawr hi ka duhthusam ang chiah chiah." Hlim zet chuan ka va ti a.
"I hák tûr áwm renga ṭhui ni mai in ka hria Cupid, khatianga Liamin ahan hmuh zet che chuan tunge akalsan tâk hi tiin a inchhír ve ram ram ang maw le." Min fak ve luam a.
Chu kawr chu hák ngei ka tum ta a, "I inpeih tawh chuan kan kal mai dawn mi niang, i client te ho pawh an kim vek tawh ang.
Kan pahnih chuan kan inzui chhuak ta a, car chuan kan kalna hmun túr hall min pan pui hnu chuan inhnunglam pang kawngka bulah min drop a, puanzar hnung lam pang back stage atâng chuan kan lút dún a, puanzar chu ka va keu dák dák a, James chu húi Zauhin, "Liam arawn kal tawh nge tawh lo min lo enpui teh!"
A rawn kal hnái ve a, puanzar ka keu hawn deuh kar aṭang chuan kan en dún a, Liam hmèl chu ka la theinghilh hauh lo mahse ka mu miah lo." Liam chu i hmu em?" James chu ka hrilhru sâ sâ a.
"Ka hmu chuan ka hria, sawtilai hmeichhe sam buang kawr dum ha makeup hmang nasa deuh piah chiah ah sáwn a ding, saw en rawh ban bul chiah ah a ding, saw."
Thinphu dep dep chung chuan James min kawhhmuhna lam chu ka va hawi phei ve a, ani ngei e, amitmu pâwl ruih mai chuan eng emaw nghah nei niâwm zet hian stage lam chu arawn melh leh zauh ṭhin a, puanzar chu kati phui ta vat a, tháwk ka la halh a. "Oh, engtin chuan ka tih dawn chu ni maw?"
"Cupid khatin down phah nân chuan hmang hauh suh, kal chhuak la, mi inrem tirtu ṭha tak i ni tih kha theihnghilh lovin i nihna diktak kha mipui hma ah sáwn va lan tir záwk rawh." Tiin min lo fuih a, James hi chu ka tána mi pawimawh tak ani ṭhin rèng ani.
"James ka lawm e."
Ka kalchhuak ta a, mipui hma ah chuan ka ding a, "zanin hian heti zah mipui hmangaihna zawng inlo kal kháwm avαng hian ka lawm èm èm a, zanin a hmeichhe hmèlṭha tak pakhat alo tel ve avâng pawh hian achungah abík takin lawmthu ka sawi e."
"Mary !" Mipui lam aṭang chuan kut beng a nasa hle mai a, Mary pawh chu a ṭhutna aṭang chuan tho in stage lam chu arawn pan chho ve a, ani chu mipui ho hmaah hmèlhriatna ka neihtir hnu chuan puan tur neuh neuh leh thu chah tlèm sawiin midang kutah chuan ka dah ta a.
James nèn chuan ding dûnin party chu ahlawhtlin ngei beisei chung chuan intur dawmin kan ti ti pah mawlh mawlh a. Chutih lai tak chuan ka aw hriat ṭhan tak mai chu ka hre leh ta, ngawi lawk, chu aw chu, "Min lo hrethiam lawk." James chu ka nuih sak a, ka mask vuah chu ka siamṭha zauh a, music Controll tu lam chu ka pan phei a, khatiang music lo deuh hlek slow dance a lâm theihna túr kan ti thei ang em?"
"Ok, Miss." Chu hmuna rawn kal ho chu slow dance chuan an lám ṭan ta a, hmuh annuam tak zet, ka kal sawn leh a, chu music ka tihna chhan ber pa chu ka mit chuan ka zawng kual ruai a, mahse ka hmu tawh hauh lo, oh engvânga care èm èm nge maw i nih a, Clara i ṭha ber ani tih hi ngaihtuah tawp rawh." Ka hriattham táwk vèl tûr chang chang hian ka phun chhuak sap a.
"Ka hria e, he mahni i inrintáwkna hi kum hial pawh liam tawh mahse ka la theinghilh hauh lo." Ka hnunglam aṭang chuan Liam aw ngei mai chuan ka beng bulah chuan arawn ti ta sup a.
Ka phu deuh zawk, Oh, Lalpa Liam ngei ani, engtin nge ka tih tâk ang? Clara khawiah nge i inrinngamna te kha an awm zawh tâk? Ka ti thei ngei túr ani ti rilru mawlh mawlh chung chuan alamah chuan ka inher a," Ṭha bera i inngaih loh chuan eng nge i tih chuan ang a, inrinngamna hi chu pianpuiin a aken tel ve rèng a nia." Ka ti ve ta a.
Za zet hian anui chhuak hawk hawk a, anui hmél chu amawiin a pá ngaiin alo la pá reng ani tih pawh chu ka hre thar leh a, amitmu páwl rám mai chu a de sawr sawr a, a sam dum hlap pawh chu ala ngai reng, anuih záwnga aha var rual ṭhah mai rawn lang chuan ahmèl chu achei sauh bawk, he mipa zet hi duhawmna ina athuam famkim tiin ka sawi lo thei lo, a aw te thleng thleng chuan mi ahíp ngawih ngawih vek, mahse tlèmin alo danglam ve deuh tawh a, tlĕmin amit khur chu a thúk deuh ruih tawh a, a biang pawh a tháwp ve deuh hlek bawk, mahse chu pawh chu ala inhmeh phah hlei hlei emaw tih mai tûr khawpin alang sexy zual phah daih záwk.
A nui zawh hnu chuan, ka mitah tak hian arawn enchhuk a, "A dik lutuk tlat." A ti ve ta khauh a.
"I langṭha tak zet hian ka hria." Ka ti sap a, ka zám hlè bawk, ka aw chu ka thian deuh kharh a.
Clara i client zìng ami ani tih hi theinghilh hauh suh! "Kha i suit hâk khân he room a hmeichhe awm ho zawng zawng hi abual á theih ngei ka ring."
"Nangmah tiamin maw?" Chìk zeta min enna chu ala bánsan hauh lo.
Chu chuan min ti zámchhe zo vek ang tih erawh ka hláu kher mai.
"Ni e, room chhûng hi single hlírin an khat i tih chuan nang hi ahuam tel ve tihna ani em?"
"Ka la single reng tho, mahse chu chuan ka thinlung na tawh hi a tidam thei leh ang em tih erawh ka hre lo." Ka tih khum ve ta hmak a.
"Clara." Ahmèl chu azâm ve hmèl tak zet, mask ka lo vuah ka lawm zia mai chu!
"Cupid tiin min ko rawh." Ka ti vat a.
"A ṭha e, Cupid." A chal chu a dawm deuh ngúih a.
"He hmunah hian thil mak tak rawn thlen tu ka nih loh hrám ka beisei."
"Mahse amak thung si alawm."
"Min ṭhena chu pawh ka lakah i thutiam i neih duh loh avángin, mahse hei túnah hetah rawn kalin hmangaih i rawn zawng leh a, chu chu amak èm alawm."
"Pawi ka ti lutuk, mahse akum akum tèl lai a ral tawh kha." A lu thak loh hmĕl zet chu akutin a hiat zauh a.
"Túnah chuan kan pahnih hian thildang ngaihtuah tawh te hi eng nge i ngaih ve dán?"
Nilo, ilo kír leh hi ka duh mai chauh ani.
"Nilo e, Liam chutiang anih pawh ka lo ring hlei ném." Ka rilru put dán nilo záwk chu ka sawi chhuak a, "Mahse hun erawhin he hmangaihna hi a ti danglam thei tawh chuang lo ang." Kati ta a.
"Thei ve e, nang pawh hian hmangaihna lamah chuan midang i puih ang tho hian puihna i mamawh ve tho in ka hria."
Sawi túr ka hre hauh lo, "Ka lawm e." Ka ti ta ringawt a.
"Well, kal tawh mai ila aṭha ang, he hmunah hian ka tân hmangaihna chu a awm ve ka ring lo." A ti ta a.
"Nilo!" Ka aw rawl ka sán deuh ṭhatna chuan ati phu zawk.
"Ka tih awmzia chu.....ka....he hmun hi lαm lo chuan i chhuahsan hauh lo ang, lâm èm pawh kan lám dún hman em ni, ani em?" Ka nuih sáng a.
"Cupid hi alám ve ngailo ti chuan i pawm hauh lo ang chu ti raw? He Cupid mal tak hian lâmpui túr pawh anei ve loh hi!"
A nui chhuak leh hawk hawk a, mahse kal mai tûr chuan ka phal hauh lo.
"I ti ṭha e, he room chhûnga mipa ho hian Cupid duhawm zet leh tunge tih pawh hriat loh lâmpui châkin an thi thei hial ang chu!" Ati leh sup a.
Mahse nangmah ang hi tumah an awm silo alawm. Chu thu chu sawi chhuah ka chák tak zet. Tháwk ka la halh a, "Tak zet, anih chuan midang ka han záwt kual chhin ang e." Ka ti ta záwk a.
"Chumi ah chuan nia mawhphurna neih ka tum rèng ni Clara, chuvâng chuan alawm he i career hi kan pahnih relationship aia dahsang lo tura ka tih nachhan che pawh, mahse i ṭhiantha chu ka nireng ṭhin ang tih hi theinghilh lo ang che."
A thusawi táwp lam chuan min den dân adang zar mai.
A ngawi deuh vung vung a, "Mangṭha le." Tiin a kal ta daih a.
Ṭhian ati a maw? A tâwpah zawng thu ropui zet mai chu a sawi chhuak ta e, ani lawm ni? Ka ner deuh sak a.
Well, hreptak chuan ṭhian ka mamawh hauh lo, ka mamawh záwk chu a sawh khâwk a ni.
Hall lamah chuan ka kal phei leh a, midang ho lâm dual dual chu rilru hah zeta thlír chung hian tháwk ka la halh a, ka bulah chuan mipa khat sambuang thâng mai hi rawn ding ve in, "Zan hun nuamlo tak i hmang ani maw?" A rawn ti ve sup a, ka hawina lam pang chu a melh phei ve nghâl a.
"Kha chu a záwt tu azir te pawh ani ang chu." Ka tih khum hmak a.
"Hei chu achhinchhiah tlαk khawp mai, New York khaw chhúnga mi inkawp tirtu ropui ber chuan rilru natna a tuar thei lo tih hi!" A ti leh khauh a.
Chupa chu tu nge maw ni a ahan inhriat chai chu le? A hmαia ben ṭhuai mai chu ka chák tak zet.
"Chu rinna chu engin nge neih tir che, min lo enthla reng tihna ani maw?" Thunrim ru zet chung hian ka tih khum leh nghat a.
"Ngaihtuah duh suh, i thurúk chu ka lakah zèp tlat ani ang." Tiin min rawn hrilhru sá sá a.
"Tu in nge ka relationship chung cháng thurúk ani ti a hrilh rèng rĕng che a?" Bakhlar hian ka ti leh a.
"Chuvâng a mask kha hmang ṭhin i ni lawm ni, a dik em?"
He pa hi a hlauhawm ru viau in ka hria, ka chanchin a hrechiang thei hle si a, ka zám tak zet, engtin nge ka chung cháng thu hi ahriat èm èm záwk chu le?
"Keimah nèn nilo, midang nèn engvânga ṭawngkam thlum tak tak a inbe lo nge i nih?" Ka ti leh hlak a.
"A chhan chu nangmah nèna inbiak hi ka duh záwk avángin maw le."
Ka mengkual khum ralh a, "He hmuna ka lo kal chhan pakhat chu, ka boss hi nangmah ngaisang tu zínga pakhat i fans ruh tak a ni ve a, he mi chung chângah hian conpetition siam fel tûrin min duh a ." A ti leh sup a.
"Ngawi lawk teh! I boss i ti em ni?" Min ṭhawng kher mai.
"I hlawhtlinna hian a áihkaih tlat a, chuvâng chuan i chung cháng thurûk zawng zawng hriat vek a duh." A ṭawngkam hman dán te chuan mak min tih tirin hlâutháwn rúkna tak ka nei.
"Chu i boss ti a i sawi chuan ka thawh ang hi a thawk ve tihna mi?"
"Nilo, ani chu sumdawnna liantak neiin ahlawhtling hlè a, chuan aromantic viau bawk, mahse kei erawh chu romance chung châng hi ka hrethiam ve lo." A ti leh hlut a.
"Kei chu hmán hmânah hmangaihna lamah hi chuan ka beidawng tawh." A thusawi dân chuan amah hriat thiam lam âimah pawhin mak min tih zual tir sauh sauh, khawilam planet aṭanga rawn kal nge maw anih ang le?
"Ni e, ka dem hauh lo che, kei pawh mi chi hrang hrang vawi za tam hmangaihna lamah ka pui tawh a, mahse ka tân erawh pakhat te mah ka zawng ve theilo chu anih hi! " ka ti ve raih a. achhan chu kei ngei pawh hi chutiang mi ka nih ve mék aváng pawh ani mai thei. "Mahni a awm a hun hmang tur te pawh ka nia nge." Ka ti leh sap a.
"Aww, come on, naktúk hi valentines day ani tih hre ta che, i tân hian khuanu ruat hi eng nge anih tih pawh i hre kher lo ang." A ti ta duah a.
"Well, ka hmu che chu ka lawm e."
"Kei pawh ka hmu thei che leh afala inkawmna hun kan nei thei hi ka lawm tak zet, ka la hmu leh ṭhin dawn che nia." Tiin a kal sawn ta a, mahse ahlauhawm rûkna erawh ka la pawm tho tho.
UNKNOWN....
Ka phone chu a rawn ri a, Ka pick nghâl vat a," Boss kan rin dân ang aiin Cupid an tih nu hi ala famkim leh zual fe zâwk." Hlim zet hian arawn ti a.
"A ṭhat hlauh chu, mahse uluk takin enzui reng la, tichuan thil engkim kha naktúk zâna peihsa vek a a awm theihna túrin lo buaipui vek bawk ang che."
He nu hi thla khat lai chu kan lo enthla ru tawh a, hmáichhanah erawh ka la hmu chuang hauh lo, mahse ahna thawh dân hian ka mit ala tlat tih pawh ka hria, ahlawhtling èm èm a, tumah inmatch tir loh aneih pawh ka la hre mang lo, hetiang nèn a games khelh hi ka thil chák ber ani fo ṭhin bawk.
" Games chu ṭan tawh ang aw Cupid ." Ka nui chhuak hawk a, hlimawm dáwn riaua hriatna pawh ka nei, ka tân chuan valentines day apianga hlimna eng emaw tak han insiam sak ṭhin hi nuam ka ti a, Valentines day erawh ani khαt deuh mai pawh a, thlakhatah vawikhat tal ni zel thei se tih hi ka thil duh ber a ni.
"Uhh, games chu kan ṭan dún ta tak tak dawn e." Ka hlim lutuk tlat, za zet hian ka nui Chhuak leh ta hawk hawk a, kum dang zawng ái in a special bík dawn riau a hriatna chu ka neilo thei lo, tûna infiamna ka neihpui túr nu hi Cupid ti hial a invuah hmangaihna lama expirience nei ṭha zet kha a nia.
Ka mutna khum bula alarm ri chu beng chheng kher mai, harh chiang mang lo leh men pawh meng mumal lo in mut lachhuak chung chuan ka vaithla ṭhuai a, a ri deuh chawrha a reh zui vang vang, a tlák nalamah chuan achhia ani mai thei, mumang ramah ka chèng leh dawn chiah ahnu deuh lawk chuan ka phone arawn ri leh ta a, oh hreptak chuan ka thawh ngei angai anih hi, ka meng chhuak a, "Hello."
"Cupid i tho tawh maw?"
"James tûn ang hunah te eng nge i duh, nizân ka client te avángin ka mengrei ka ti mawlh mawlh ani lâwm ni?" Lungawilo zet chuan ka ti hlak hlak a, "Pawi kati lutuk Cupid, mahse office ah ilo kal tawh ngei angai ang, tûnah hian i client te nén chuan kan awm mèk a, office kal ahun der tawh, an nghák ṭhup tawh che a nia." A aw ah chuan inthiamlohna nasa zet hi a lang a.
James hi ka office a staff pakhat te zínga ka rin ber leh ka inlengte lo be chhawnchhaih ṭhin tu ka assistant leh personal asst ani a, kan office chhûng hi lian lèm lo tak a ni a, mi company lian lawk bér bûr ang kha ani lo , mahse chu chuan ka eikhawp chu a hmu ve mai bawk a, nitin hian dawrtu hrang hrang kan nei ve nak nak tho, entir nan Valintine's Day dawn ah ngat phei chuan an pung leh zual ṭhin!
Ka peih lo khèr mai, ka hna hi tui viau mah ila thawh hma angai thei lutuk mai leh mut hun mumal tak neih theih lohna avâng erawh chuan ka thin arim ṭeuh ṭhin, Febuary thla ni tawh mahse ka awmna hmun Hudson Bay hi chu vawt ték táwk tak ala ni a, vùr tla atui ral ṭan a, ruah súrin a zawm leh bawk a, ka puansin lum nuam zet chu thehhlímin ka mutna khum dûp nuam tak aṭang chuan ka tho chhuak a, kawrlum pawh ha mah ila ka ke ina chhuat vawt thler mai a han deh chiah chuan ka khûr nghαl hlak hlak , mahse awm khawmuang thei ka ni tawh lo, he hna hi ka chawbel ber anih avângin kal vat erawh a ngai ngei ang.
Rang takin bathroom lam in tifai turin ka pan nghâl thuai a, ka peihlo tak zet, tuilum chu ka herh haw nghâl a,chét vat vat aṭûl, bathroom aṭang a ka chhuah leh hnu chuan ka thawmhnaw hâk tûr chu ka thlang chhuak leh zawk zawk a, bag akin ka car dahna inhnuai pan chuan stepah ka tlán thla ta hlawk hlawk a, coffee pawh inhman lo in, chawlh hunah breakfast ei rualin ka in mai a ni ang chu, minute sawmpanga hnu ah chuan kan office awmna chu ka thleng ve ta hrám a, aleh lamah chuan zíng kara inkhalh chhuah hi chu atih zia viau mai, traffic jam a tlèm deuh hlek.
CUPID'S ARROW...
Kan office hming hi Cupid's Arrow tih ani a, kei pawh Cupid ti a koh ka ni.
Office chhûng ka lût chu James chuan min rawn pan vat a, James hi vun hàng lam pang a ni a, a sângin a palian hlé bawk a, a hâng ve viau e tilo chuan a lei a sèp thiam a, ami biak te réng réng lungawi lo in a chhuah ngai lo. Ka bul arawn thlen chuan thíp zeta lo melh chung hian, "Khawiah nge an awm?" Ka ti chhuak nghál tawng a, mut kham loh avângin ka thin achhe hlè bawk, "Waiting roomah awmin an lo nghâk che."
James nèn chuan ka office lamah kan inzui lût nghál a, kan office mi réng rèng leh ka client te ho hian Cupid tiin min ko vek a, chu chu ka nihna ani. Ka bula mi rawn kal ṭhin ngaihzáwng leh nupui pasal zawng te chu ka lo rem sak ṭhin a, keimah aṭanga chhuak nupui pasal innei ta te pawh tam tak an awm tawh, ngaihzawng buaipui hmanlo buai tak tak leh mihausa tak tak te ngaihzawng neih lama hun neilo te pan chám chi ka ni a, kei chuan an harsatna ah te ka lo pui ṭhin a ni.
"I mask kha i vuah theihnghil ang e."
"Ka lawm e James, ka inpeih tawh a, rawn luh tir tawh mai rawh." mask chu ka vuah nghâl mawlh mawlh a, James chuan min hrilh lo phei se chuan ka theinghilh leh daih tawh ang, he hmunah hian tunge ka nih a eng ang hmèl nge ka put tih chu mipahnih chiahin an hria chu mi te chu James leh ka ṭhian ṭha tak Molly a ni.
Hetiang hna ka thawh ṭanna hi a rei tawh a, mi te tâna vanneihna thlensak tu nih hi nuam ka ti ṭhin, kum hnih hmalam khân Liam tih hming pu mipa sexy zet mai nén kan inkawp rèn ráwn a, ka mipa hmangaih dik tak pawh ani in ka hria, kum hnih chhûng vèl zén zâwn chu kan inkawp ve a, mahse intih thiamlohna ho tak neiin kan inṭhen leh ta a, chuta ṭang chuan tumah kawp ka nei leh ngai ta lo, achhan pawh Liam ang mipa thinlung hneh thei tak tu ka tawng tawh tlat lo. Ka hnathawh hi aharsa vè èm èm a, mipa leh hmeichhia inkawp rem túr leh an hmangaih záwng zawn sak a date neihtir ani ṭhin, tih fuh loh hi ka nei khát khawp mai, heti lamah hian expirience ka ngah tawh a, mahse ka tân ve erawh tumah mipa zawnhmuh ka nei leh tawh ngai lo.
Ka office kawng khár chu an rawn kik ta dat dat a, ka mask vuah chu a dik nge dik lo tih enfel leh te te in lút tûrin ka chháwn ve ta a, kawng khár rawn hawngtu mipa pakhat vun sen ukkharh mai nei leh mitmu páwl rám chuan min rawn pan chung hian hmèl hlím sárhin ka hma chair awmah chuan arawn ṭhu ta a, a ni hi ka lo buaipui fe tawh hnu anih avαngin kan inhre ṭha hle tawh a, ani hian ka hmèl a hmu tihna nilo in keimah záwkin ka hre ṭhang tawh ka tihna anih chu. ahmél ah pawh hlimna famkim achang ningeiin ka hre bawk, "Cupid engtin nge he thil hi i tello chuan ka tih ang tih pawh hi ka hre lo, i chungah hian láwmthu tamtak sawi ka ba nasa hlè in ka hria."
Chu chu ka client te ho ankawppui túr ka zawn sak aṭanga ka thu hriat ṭhin chu a ni.
"Khawngaihin kan inneihna ah ilo tel ve ngei ang tih hi min hrilh rawh."
"Ka fevorite client ni ropui zet hi ka miss ang a maw?"
"A teuhlo mai." Ka nuih var var a.
Hlim zet hian atho a, achhuak leh ta a, Ugh, perfect match diktak dang leh bawk maw, ka chau ngawih ngawih.
Ka bula intercom chu ka la kânga, "James midang i rawn luhtir leh thei tawh ang."
Hmeichhe pakhat sam buang uk kharh mai hi hlimloh hmèl zet chuan arawn pén lût a, ahming inziahna list chu ka envat a, Mary Monroe New York, age. 26 ka hria e.
"Mary zanin hi i tân zán hunṭha tak leh i tána vânneihna zân ani ngei ang tih hi ka chiang ani, ka guest list hi New York chhúnga mipa hottes single hlírin a khat a nia, chúng ho chu nangmah hmuh châkin an thi tép tawhin ka ring ani ." Ka ti zauh a.
"Engtin nge i tih theih dawn tih chu ka hre lo a, mahse Cupid ka bul hnâia i awm chuan nangma zárah ka hmangaih chu ka tawng ngei ang tih hi ka ring tlat a ni." A nui chhuak ta var var a.
Ṭawng tura ka ân ziauh lai tak chuan arawn chhunzawm leh a, "Leh lawk, zanin hian i awm ve ngei ang ti raw, a ni em?"
"Tehreng mai, ka awm chiang ang, eng nge túnah mamawh ila nei em?"
"Well, aw nei deuh reuh.....kha i mask vuah kha i phelh thei em? Hetiang tak a mi inkawp rem tir thei tu he khawpuia an lo awm hi ka lawm tak zet, chuan a hmèl hmuh chák hian ka thi thei mai dawn in ka hria." Dawhkân bawh chuan arawn kún hnai a, záwisap hian,"Tumah ka hrilh lo ang, ka tiam ache." A rawn ti deuh sá sá a.
Sorry Mary hei chu ka ti theilo ang, he thilah hian tunge ka nih tih hi mipahnih chiahin an hria a, chu chu ka kal tlangpui zél bawk ang.
"I hriat loh khân asexy daih záwk zanin atân he thu hi hre reng ang che." Ka nuih leh sak a.
Ka ding chhuak a, "Zanin party naah kan inhmu leh dawn nia, chuan ngaihzáwng nei túrin i inpeih tawh ngei pawh ka beisei."
Kan in chibai hnu chuan a chhuak leh ta a, ka ṭhutna ngaiah bawk chuan ṭhu thla leh hnawkin, ka lu te chu ana tluk tluk hian ka hria,
Chutianga mi hran hran ka biak hnu chuan ka zo ve ta hrâm a, phone a sana chu ka melh zeuh a, alo chawhnu leh dáwr tawh, James chu eitur min rawn lák sak tur chuan ka ti nghál a, nghah rei angai lo khèr mai, breakfast tuihmèl zet leh coffee no lian táwk tak hi tray ah chuan arawn cháwi lút a, ka ril aṭám tawh èm aváng chuan ka ei nghál bawrh bawrh, tlèmin tháwk ka la a, coffee chu ka lem leh khalh a, a zia awm deuh hnu chuan James lam chu ka hawi phei ta a, "Thilthar hre túrin i inpeih tawh maw?" A rawn ti ta sup a, chu thil min hrilh duh aváng chuan maw alo din reng?
"James ka chungah innghat tawp mai rawh." Coffee la bâng zawng chu ka inzo vek a, napkin chuan ka kut chu hrufâi in dustbin lamah chuan alût hláwm tawl, a paper rawn ken luh chu a chhiar ta a, "Appointment thar pathum i neih belh leh a, a thar zìnga pakhat chu zaninah ani nghâl ang."
Mengkual khum ralh in, thildang ka ngaivensan ta daih a, "Chuan zanin ah Mary chung châng ngaihven turin zân dar sarih ah car in arawn lam ang che."
"Chuan hei......"
A thusawi lai chu a táwp zui daih,ka ngaihven zui tawh loh avâng chuan achal chu a dawm deuh ngúih a.
"Hello Cupidddd." Ka phone chu speaker ah ka dah avâng chuan Molly ka ṭhianṭha tak ni bawk chu arawn áu deuh chúl a.
"Tu nge ni ta chèl chûl?"
"Ka lo hrilh theihnghilh daih che a, Molly nèn lunch ei túra chhuah dun kan lo tum a." Inthiamlo zet chuan ka ti ta sap a.
Nuih chhuah leh hak hak pah chuan, "Waiting roomah Molly chuan min lo nghák ang, i chhuah pahin min rawn koh luh sak mai dawn nia, chuan kan client thar ka hmuh hun túr chu i lo ti danglam dawn nia." Ka tizawm zat a.
"No problem." A kun deuh ngûih a, a kal chhuak tûr chu áu zui lehin, "Nang hi chu i ṭha ber." Ka ti zui a.
Molly chu arawn lút ta a, ka ṭhutna aṭang chuan tho chhuakin adinna lam chu ka pan phei a, "Molly ka hmangaih viau che a chu mahse nuam taka ka awm ve theihna tûr hi ngaihtuah lul teh!" Ka chal chu ka dawm khum deuh raih a.
Min rawn melh deuh vang vang a, "Hmm, aw le."
"Kha i mask kha i phelh thei tawh em? Keimah ka nih tawh hi!"
" A ṭha e." Mask chu ka phelh a, "le tikhân vawiin ni a thil pawimawh tak min hrilh túr i nei i tih hetilai hmun thleng thleng a i rawn kalna chhan hi i sawi thei tawh ang."
"Hello, naktûk hi engni nge anih tih hi i hre ve maw?"
"Oh, ka hre lutuk tlat, naktûk Valentine's Day ani tih hi, chuan ka bestfriend i nih ang ngei in naktûk lo thleng tûr hi ka huat zia pawh i hria ang chu!" Ka chal chu ka dawm khum leh zauh a.
"Come on Clara, kha pa nèn in inṭhenna kha thla khat mai chauh pawh ani tawh hlei ném."
"Molly ka hmangaih takzet a sin, alo kír leh ka duh zia thu pawh i hriat vek kha."
"Ka hria asin Clara, mahse ka ngaihtuah èm mai che, he dinhmun aṭang a i chhuah ngei pawh ka duhsak lutuk che, tûnhma i nundán ang khân nung leh rawh, hèng thil zawng zawng leh amah pawh hi theihnghilh ve tawh la ka duh pui ngawih ngawih che."
Ni e, a ti ngei ang, ka awmdân hi ami pângai loh thlâk ati ṭhin, ngaihzawng te nei lehin mipa dang te néna hlim taka awm leh túrin leh ahma a ka dinhmun pângngai kha nei lèt leh túrin ka ṭhiannu hian a bei reng ṭhin a ni. Mahse a sáwt ka ring lo.
"Khawngaihin Molly amood ah ka awm rih lo." Ka ti ta nge nge a.
"Dark angel ah VIP pass ka lαk sak thei ang che tih hi ka hrilh tawh che em kha?" A nui chhuak hak a.
"Dark angel Club te chu New York city chhunga kal chαkawm berna hmun ani tih hi i hria ang chu ti raw?" Aw ka thian deuh kharh a.
"Tún ṭum Valentine's Day lo thleng tùr atân hian thla hmasa lam daih tawh khαn an book khat vek tawh bawk ang, chulo ah ka client te hi keiin hlimna lo chénin wait list ah ka dah thei mai mai hlei ném." Ka ti leh nghat a.
"A deatails chu ka kutah dah hmak rawh, ti chuan i tih ve tûr zawng chu hot taka lan mai chauh a ni ang." A khabe chu min poh khum deuh lah a, hei hi Molly anih chhan chu ani, ani chuan thil hi ala thutak vak ngai lo.
Ka ngawi deuh vang vang a, ka ṭhiannu chhânna pék mai tûr pawh chu ka hre lo, ka kut phah thlan huh deuh hlap chu ka nuai deuh nawk nawk a.
"Oh, come on Clara, khawngaihin min kal pui dawn ani tih hi han sawi ve teh! Engvang chuan nge i hun ṭha i hlim ve na tûr chu i chân rík ngawt ang a?"
"A ṭha e, mak taka he pass i hmu thei anih chuan ka kal ve ang."
Hlim zet hian a khék deuh râih a, ahlim ang tih chu ka chiang a ni, hetiang hlimhlawpna ang chi hmuna kal arawt chhuah hrim hrim hi chu ka la hnar fithlâk sak ṭhak ṭhak ṭhin a vâng in.
Nuih chhuah ve hak hak pah hian, "Khatin hlim nghâl viau lo mai teh, he zân lo thleng tûrah hian kil khatah dingin zan khua a tûm dân ka lo plan mai thei a sin."
"Hey, khati ang chuan ti teh suh, i tûm dawn loh phawt chuan in kan thlen leh hunah chawhtawlh khat hnawk ice cream hlui che hi ka chák zâwng tak a nia aw."
"Ok, tûnah chuan chhuak tawh rawh, hna thawh túr amak amak atam ka nei a nia." Ka ti leh nghat a.
Molly chu achhuak ta nghâl vat a, phone a time chu ka en zauh a ka phu chiang ngei mai, "zanin a thilpui tak tihna tûr chu second hnih chiahin ka tlâi lo." Ka ti chhuak chûl a. Clara inbeng dai teh! Tihdân tûr kawng i dap angai ang, tháwk ka la zauh a, computer chu ṭhut chilh leh phawtin, oh James pawhin zanin atâna kan guest túr ho list pawh a rawn ti zo ve ta ṭáwk alawm, in enchhin ang hmiang; ka email a hming list min rawn thawn chu a in dawt dân chuan ka en thla dan dan a, a táwp bera hming ka hmuh chuan ka thin a ṭhâwng chiang khér mai, nilo, nilo a theih loh ring zet hian James hming chu hawrawppui ngatin ka lam chhuak a, "JAMES GORDON!"
Mask chu vuah leh sawk sawk in, James ṭhutna lam pan chuan office aṭang a tho chhuakin ka tlán phei ta hlawk hlawk a, thinrim zet hian abulah chuan ka va ding teu a, ka kut zungchal a kawh sawk sawk pah hian, "He thil hi i sawi fel chu angai ngéi ang, eng vânga ka ex-biyfriend hming hi i list a tel nge a nih tih hi? A ni hi he hmunah hian sáwm ani ve lo." Ka tih khum ta phiar phiar a.
"Pawi kati lutuk Cupid, aleh pekah chuan i bulah ka rawn kal phawt zél tawh ang." A hmèlah chuan hre awm atih zia pawh alang chhuak ve hial a.
"Engtin nge relationship thar alo ngaihtuah leh hman theih tih hi ka ring pha lo zâwk ani." Ka ti ve sap a, ka ex laka lung nih lohna ka neih chu James chungah hian tihlan khér ṭûl kati lo bawk.
"Nikhat chu kan pahnihin hlimtaka kan inkawp dun leh theih hi ka lo ring záwk asin ugh, ka ring theilo hial záwk mai,kumin chhúngah kan la inhmu leh miah lo, zanin ah kan han inhmu leh dawn chu a nia, chu pawh inhmuh dán dangin ala ni zui." Tháwk ka la pah halh a.
"Jeez Cupid chu pa chu i sawi dân hmangah chuan Pathian tluk thawtháng ani mai ka ti." Alo ti ve bauh a, James hriat tûra sawi chhuak pawh ka ni chiah lo, ka thil hriat chuan min shock èm vâng záwk a ni si a.
"Chutiang mi chu ani rèng a lawm."
"Alright, ka hrethiam e, mipa hmèlṭha tak anih ngei ka ring."
"Ni e, ahmél chu aṭha khawp mai, mahse min hmangaih ve lo, chu chu kan buaina anih ber ták chu." Ka ti ta raih a.
"Eng nge i mamawh tih hi hre thân in ka inhria, thil pakhat han ngaihtuah teh! Chu i ex chuan eng rawng nge aduh tih hi? I hnéna alo kîr leh ngei theihna tûrin eng emaw tak chu kan tih angai ang, nang aṭhen che hi pawi atih ram ram theihna tûr khawp a nalha ilan chu angai ngèi bawk ang.",a ti leh a, anui pah vur vur bawk a.
"James i ti dik e, mahse chutiang han tih pawh chu ka phûr vak lo, amah erawh chu hun hi engtin chiah nge akal tih erawh ka hmu chák khawp mai." Kati ve ta a.
"Mahse tûn dingmunah angah chuan ka tân silver dress ṭha tak zawn leh chu atlai lam hrat tawh bawk." Ka thaw leh hak a.
"Chumi avâng chuan alawm personal Asst tha tak i neih nachhán ." Anui ta hawk hawk a.
"Ruahsur chánga i hâk túrin i closetah surprise in alo nghâk reng che a nia, kal la va hachhin rawh."
Hman hmawh deuh in ka office lamah chuantlán lût in, kawr páng ngai zet mai silver rawng ka duhthusam tak chu alo inkhâi reng mai a, chu kawr chu ka ha chhin a ka ha táwk chiah zui, chu kawr ha chung chuan James lam chu ka pan phei leh a, "James he kawr hi ka duhthusam ang chiah chiah." Hlim zet chuan ka va ti a.
"I hák tûr áwm renga ṭhui ni mai in ka hria Cupid, khatianga Liamin ahan hmuh zet che chuan tunge akalsan tâk hi tiin a inchhír ve ram ram ang maw le." Min fak ve luam a.
Chu kawr chu hák ngei ka tum ta a, "I inpeih tawh chuan kan kal mai dawn mi niang, i client te ho pawh an kim vek tawh ang.
Kan pahnih chuan kan inzui chhuak ta a, car chuan kan kalna hmun túr hall min pan pui hnu chuan inhnunglam pang kawngka bulah min drop a, puanzar hnung lam pang back stage atâng chuan kan lút dún a, puanzar chu ka va keu dák dák a, James chu húi Zauhin, "Liam arawn kal tawh nge tawh lo min lo enpui teh!"
A rawn kal hnái ve a, puanzar ka keu hawn deuh kar aṭang chuan kan en dún a, Liam hmèl chu ka la theinghilh hauh lo mahse ka mu miah lo." Liam chu i hmu em?" James chu ka hrilhru sâ sâ a.
"Ka hmu chuan ka hria, sawtilai hmeichhe sam buang kawr dum ha makeup hmang nasa deuh piah chiah ah sáwn a ding, saw en rawh ban bul chiah ah a ding, saw."
Thinphu dep dep chung chuan James min kawhhmuhna lam chu ka va hawi phei ve a, ani ngei e, amitmu pâwl ruih mai chuan eng emaw nghah nei niâwm zet hian stage lam chu arawn melh leh zauh ṭhin a, puanzar chu kati phui ta vat a, tháwk ka la halh a. "Oh, engtin chuan ka tih dawn chu ni maw?"
"Cupid khatin down phah nân chuan hmang hauh suh, kal chhuak la, mi inrem tirtu ṭha tak i ni tih kha theihnghilh lovin i nihna diktak kha mipui hma ah sáwn va lan tir záwk rawh." Tiin min lo fuih a, James hi chu ka tána mi pawimawh tak ani ṭhin rèng ani.
"James ka lawm e."
Ka kalchhuak ta a, mipui hma ah chuan ka ding a, "zanin hian heti zah mipui hmangaihna zawng inlo kal kháwm avαng hian ka lawm èm èm a, zanin a hmeichhe hmèlṭha tak pakhat alo tel ve avâng pawh hian achungah abík takin lawmthu ka sawi e."
"Mary !" Mipui lam aṭang chuan kut beng a nasa hle mai a, Mary pawh chu a ṭhutna aṭang chuan tho in stage lam chu arawn pan chho ve a, ani chu mipui ho hmaah hmèlhriatna ka neihtir hnu chuan puan tur neuh neuh leh thu chah tlèm sawiin midang kutah chuan ka dah ta a.
James nèn chuan ding dûnin party chu ahlawhtlin ngei beisei chung chuan intur dawmin kan ti ti pah mawlh mawlh a. Chutih lai tak chuan ka aw hriat ṭhan tak mai chu ka hre leh ta, ngawi lawk, chu aw chu, "Min lo hrethiam lawk." James chu ka nuih sak a, ka mask vuah chu ka siamṭha zauh a, music Controll tu lam chu ka pan phei a, khatiang music lo deuh hlek slow dance a lâm theihna túr kan ti thei ang em?"
"Ok, Miss." Chu hmuna rawn kal ho chu slow dance chuan an lám ṭan ta a, hmuh annuam tak zet, ka kal sawn leh a, chu music ka tihna chhan ber pa chu ka mit chuan ka zawng kual ruai a, mahse ka hmu tawh hauh lo, oh engvânga care èm èm nge maw i nih a, Clara i ṭha ber ani tih hi ngaihtuah tawp rawh." Ka hriattham táwk vèl tûr chang chang hian ka phun chhuak sap a.
"Ka hria e, he mahni i inrintáwkna hi kum hial pawh liam tawh mahse ka la theinghilh hauh lo." Ka hnunglam aṭang chuan Liam aw ngei mai chuan ka beng bulah chuan arawn ti ta sup a.
Ka phu deuh zawk, Oh, Lalpa Liam ngei ani, engtin nge ka tih tâk ang? Clara khawiah nge i inrinngamna te kha an awm zawh tâk? Ka ti thei ngei túr ani ti rilru mawlh mawlh chung chuan alamah chuan ka inher a," Ṭha bera i inngaih loh chuan eng nge i tih chuan ang a, inrinngamna hi chu pianpuiin a aken tel ve rèng a nia." Ka ti ve ta a.
Za zet hian anui chhuak hawk hawk a, anui hmél chu amawiin a pá ngaiin alo la pá reng ani tih pawh chu ka hre thar leh a, amitmu páwl rám mai chu a de sawr sawr a, a sam dum hlap pawh chu ala ngai reng, anuih záwnga aha var rual ṭhah mai rawn lang chuan ahmèl chu achei sauh bawk, he mipa zet hi duhawmna ina athuam famkim tiin ka sawi lo thei lo, a aw te thleng thleng chuan mi ahíp ngawih ngawih vek, mahse tlèmin alo danglam ve deuh tawh a, tlĕmin amit khur chu a thúk deuh ruih tawh a, a biang pawh a tháwp ve deuh hlek bawk, mahse chu pawh chu ala inhmeh phah hlei hlei emaw tih mai tûr khawpin alang sexy zual phah daih záwk.
A nui zawh hnu chuan, ka mitah tak hian arawn enchhuk a, "A dik lutuk tlat." A ti ve ta khauh a.
"I langṭha tak zet hian ka hria." Ka ti sap a, ka zám hlè bawk, ka aw chu ka thian deuh kharh a.
Clara i client zìng ami ani tih hi theinghilh hauh suh! "Kha i suit hâk khân he room a hmeichhe awm ho zawng zawng hi abual á theih ngei ka ring."
"Nangmah tiamin maw?" Chìk zeta min enna chu ala bánsan hauh lo.
Chu chuan min ti zámchhe zo vek ang tih erawh ka hláu kher mai.
"Ni e, room chhûng hi single hlírin an khat i tih chuan nang hi ahuam tel ve tihna ani em?"
"Ka la single reng tho, mahse chu chuan ka thinlung na tawh hi a tidam thei leh ang em tih erawh ka hre lo." Ka tih khum ve ta hmak a.
"Clara." Ahmèl chu azâm ve hmèl tak zet, mask ka lo vuah ka lawm zia mai chu!
"Cupid tiin min ko rawh." Ka ti vat a.
"A ṭha e, Cupid." A chal chu a dawm deuh ngúih a.
"He hmunah hian thil mak tak rawn thlen tu ka nih loh hrám ka beisei."
"Mahse amak thung si alawm."
"Min ṭhena chu pawh ka lakah i thutiam i neih duh loh avángin, mahse hei túnah hetah rawn kalin hmangaih i rawn zawng leh a, chu chu amak èm alawm."
"Pawi ka ti lutuk, mahse akum akum tèl lai a ral tawh kha." A lu thak loh hmĕl zet chu akutin a hiat zauh a.
"Túnah chuan kan pahnih hian thildang ngaihtuah tawh te hi eng nge i ngaih ve dán?"
Nilo, ilo kír leh hi ka duh mai chauh ani.
"Nilo e, Liam chutiang anih pawh ka lo ring hlei ném." Ka rilru put dán nilo záwk chu ka sawi chhuak a, "Mahse hun erawhin he hmangaihna hi a ti danglam thei tawh chuang lo ang." Kati ta a.
"Thei ve e, nang pawh hian hmangaihna lamah chuan midang i puih ang tho hian puihna i mamawh ve tho in ka hria."
Sawi túr ka hre hauh lo, "Ka lawm e." Ka ti ta ringawt a.
"Well, kal tawh mai ila aṭha ang, he hmunah hian ka tân hmangaihna chu a awm ve ka ring lo." A ti ta a.
"Nilo!" Ka aw rawl ka sán deuh ṭhatna chuan ati phu zawk.
"Ka tih awmzia chu.....ka....he hmun hi lαm lo chuan i chhuahsan hauh lo ang, lâm èm pawh kan lám dún hman em ni, ani em?" Ka nuih sáng a.
"Cupid hi alám ve ngailo ti chuan i pawm hauh lo ang chu ti raw? He Cupid mal tak hian lâmpui túr pawh anei ve loh hi!"
A nui chhuak leh hawk hawk a, mahse kal mai tûr chuan ka phal hauh lo.
"I ti ṭha e, he room chhûnga mipa ho hian Cupid duhawm zet leh tunge tih pawh hriat loh lâmpui châkin an thi thei hial ang chu!" Ati leh sup a.
Mahse nangmah ang hi tumah an awm silo alawm. Chu thu chu sawi chhuah ka chák tak zet. Tháwk ka la halh a, "Tak zet, anih chuan midang ka han záwt kual chhin ang e." Ka ti ta záwk a.
"Chumi ah chuan nia mawhphurna neih ka tum rèng ni Clara, chuvâng chuan alawm he i career hi kan pahnih relationship aia dahsang lo tura ka tih nachhan che pawh, mahse i ṭhiantha chu ka nireng ṭhin ang tih hi theinghilh lo ang che."
A thusawi táwp lam chuan min den dân adang zar mai.
A ngawi deuh vung vung a, "Mangṭha le." Tiin a kal ta daih a.
Ṭhian ati a maw? A tâwpah zawng thu ropui zet mai chu a sawi chhuak ta e, ani lawm ni? Ka ner deuh sak a.
Well, hreptak chuan ṭhian ka mamawh hauh lo, ka mamawh záwk chu a sawh khâwk a ni.
Hall lamah chuan ka kal phei leh a, midang ho lâm dual dual chu rilru hah zeta thlír chung hian tháwk ka la halh a, ka bulah chuan mipa khat sambuang thâng mai hi rawn ding ve in, "Zan hun nuamlo tak i hmang ani maw?" A rawn ti ve sup a, ka hawina lam pang chu a melh phei ve nghâl a.
"Kha chu a záwt tu azir te pawh ani ang chu." Ka tih khum hmak a.
"Hei chu achhinchhiah tlαk khawp mai, New York khaw chhúnga mi inkawp tirtu ropui ber chuan rilru natna a tuar thei lo tih hi!" A ti leh khauh a.
Chupa chu tu nge maw ni a ahan inhriat chai chu le? A hmαia ben ṭhuai mai chu ka chák tak zet.
"Chu rinna chu engin nge neih tir che, min lo enthla reng tihna ani maw?" Thunrim ru zet chung hian ka tih khum leh nghat a.
"Ngaihtuah duh suh, i thurúk chu ka lakah zèp tlat ani ang." Tiin min rawn hrilhru sá sá a.
"Tu in nge ka relationship chung cháng thurúk ani ti a hrilh rèng rĕng che a?" Bakhlar hian ka ti leh a.
"Chuvâng a mask kha hmang ṭhin i ni lawm ni, a dik em?"
He pa hi a hlauhawm ru viau in ka hria, ka chanchin a hrechiang thei hle si a, ka zám tak zet, engtin nge ka chung cháng thu hi ahriat èm èm záwk chu le?
"Keimah nèn nilo, midang nèn engvânga ṭawngkam thlum tak tak a inbe lo nge i nih?" Ka ti leh hlak a.
"A chhan chu nangmah nèna inbiak hi ka duh záwk avángin maw le."
Ka mengkual khum ralh a, "He hmuna ka lo kal chhan pakhat chu, ka boss hi nangmah ngaisang tu zínga pakhat i fans ruh tak a ni ve a, he mi chung chângah hian conpetition siam fel tûrin min duh a ." A ti leh sup a.
"Ngawi lawk teh! I boss i ti em ni?" Min ṭhawng kher mai.
"I hlawhtlinna hian a áihkaih tlat a, chuvâng chuan i chung cháng thurûk zawng zawng hriat vek a duh." A ṭawngkam hman dán te chuan mak min tih tirin hlâutháwn rúkna tak ka nei.
"Chu i boss ti a i sawi chuan ka thawh ang hi a thawk ve tihna mi?"
"Nilo, ani chu sumdawnna liantak neiin ahlawhtling hlè a, chuan aromantic viau bawk, mahse kei erawh chu romance chung châng hi ka hrethiam ve lo." A ti leh hlut a.
"Kei chu hmán hmânah hmangaihna lamah hi chuan ka beidawng tawh." A thusawi dân chuan amah hriat thiam lam âimah pawhin mak min tih zual tir sauh sauh, khawilam planet aṭanga rawn kal nge maw anih ang le?
"Ni e, ka dem hauh lo che, kei pawh mi chi hrang hrang vawi za tam hmangaihna lamah ka pui tawh a, mahse ka tân erawh pakhat te mah ka zawng ve theilo chu anih hi! " ka ti ve raih a. achhan chu kei ngei pawh hi chutiang mi ka nih ve mék aváng pawh ani mai thei. "Mahni a awm a hun hmang tur te pawh ka nia nge." Ka ti leh sap a.
"Aww, come on, naktúk hi valentines day ani tih hre ta che, i tân hian khuanu ruat hi eng nge anih tih pawh i hre kher lo ang." A ti ta duah a.
"Well, ka hmu che chu ka lawm e."
"Kei pawh ka hmu thei che leh afala inkawmna hun kan nei thei hi ka lawm tak zet, ka la hmu leh ṭhin dawn che nia." Tiin a kal sawn ta a, mahse ahlauhawm rûkna erawh ka la pawm tho tho.
UNKNOWN....
Ka phone chu a rawn ri a, Ka pick nghâl vat a," Boss kan rin dân ang aiin Cupid an tih nu hi ala famkim leh zual fe zâwk." Hlim zet hian arawn ti a.
"A ṭhat hlauh chu, mahse uluk takin enzui reng la, tichuan thil engkim kha naktúk zâna peihsa vek a a awm theihna túrin lo buaipui vek bawk ang che."
He nu hi thla khat lai chu kan lo enthla ru tawh a, hmáichhanah erawh ka la hmu chuang hauh lo, mahse ahna thawh dân hian ka mit ala tlat tih pawh ka hria, ahlawhtling èm èm a, tumah inmatch tir loh aneih pawh ka la hre mang lo, hetiang nèn a games khelh hi ka thil chák ber ani fo ṭhin bawk.
" Games chu ṭan tawh ang aw Cupid ." Ka nui chhuak hawk a, hlimawm dáwn riaua hriatna pawh ka nei, ka tân chuan valentines day apianga hlimna eng emaw tak han insiam sak ṭhin hi nuam ka ti a, Valentines day erawh ani khαt deuh mai pawh a, thlakhatah vawikhat tal ni zel thei se tih hi ka thil duh ber a ni.
"Uhh, games chu kan ṭan dún ta tak tak dawn e." Ka hlim lutuk tlat, za zet hian ka nui Chhuak leh ta hawk hawk a, kum dang zawng ái in a special bík dawn riau a hriatna chu ka neilo thei lo, tûna infiamna ka neihpui túr nu hi Cupid ti hial a invuah hmangaihna lama expirience nei ṭha zet kha a nia.
No comments:
Post a Comment