CUPID'S ARROW CHAPTER 3
"Doctor eng nge achungah thleng? Lei lamah atlu tawp a, a harhchhuak leh tawh lo hrim hrim." Tiin Liam awm dán tlángpui chu ka hrilh zung zung a, chanchin ṭhalo tak ngaihthlák erawh ka thil duh loh záwng tak a ni.
"Clara ti raw, a ṭha leh vat mai ang, a thil in avángin hetiang hian a awm anih hi, engmah hlauhthâwnna tûr a awm lo." A nui pah sâng a, ka thla amuang nghâl sawng sawng mai.
"Tûnah hian kan test táwp berna kan ti mék a, chumi result chu kan hmuh veleh engkim kan hrechiang thei tawh ang, chu pawh atlúkna lamah eng emaw tihnat palh leh hliam dang anei em tih chauh hriat duhna a ni a, amah ah chuan hlauhthâwn awm thil erawh engmah a awmlo tih kha i lo, arawn harh hunah chuan damdawiin aṭang pawh hian achhuak veleh thei mai ang, i boyfriend ani hi lawm hlé tur ani ringawt, khatiang rîk rum thil a ambulance koh vat nacháng hria a he hmun i rawn thlen pui vat aváng hian lawmthu hrilh mawlh mawlh che a ba ngei ang le." A ti leh a.
"Oh, a ni hi ka boyfriend a ni hlei....."
A kalchhuak leh daih tawh, tháwk ka la halh a. Liam lam chu ka en chhuk a, ani chu tui taka khuma mu te pawh hi a ang.
"Liam zanin hian i chungah eng thil rápthlák nge rawn thleng ta hi..... khawngaihin heti ang chuan min ti hlauthâwng nawn leh tawh ngai suh ang che."
Tháwk ka la pah halh a, Liam lo harhchhuah nghâk chuan amutna khum room bula ṭhuthlèng lam chu ka pan a tah chuan ṭhut mut ve mai ka rilrûk ta a, hetiang chung chuan khawiah mah ka kalsan thei lo ang.
THE REAL CUPID....
Car chhûnga ka chuan leh hnu chuan ka chènna hmun lam chu ka pan a, inhnuai lam ka office awmna chu ka pan nghâl a, he ka office chhûngah hian kei leh ka workers bîk te tih chauhlo chu tumah an lût thei lo a, kei leh ka workers ten an hawng anih loh chuan mihring tumah aluh theih loh.
Ka lens vuah chu ka la thla a, ka mitmu dik tak chu a scan ta a, "eye scan complete, welcome back Cupid. " kawngka chu a inhawng a.
"Cupid ilo thleng tawh em ni?" Nui sáng hian ka workers zínga mi chuan a rawn ti a, hei erawh hmeichhe sam sen keimah ang mai a vun sen uk kharh nei hi a ni a, ani hi ka office chhûnga thawk tûr bìka ka ruat a ni.
"Kumin party hi eng nge a an i rin?" A rawn ti leh sárh sârh a, ka phûr ang zet chuan ani pawh a phúr ve , "I hmeichhe duh ang chi chu i zawng hmu thei ta em?"
"Ka hmu tawh e."
"Anih injection chu i ti tawh maw?"
"Well, darling kan la hrechhuak mai ang, he pa hi rawn harh chhuak ve phawt se la, hna i thawk ṭan tawh ang." Ka tih tâk hmuk avâng chuan engmah pawh sawi chhuak leh tawh lo in computer bulah chuan aṭhu thla nghâl a, "Le tikhân a footage chu live in i hmu thei thawh ang," a rawn hawi chho zeuh a.
"Kha nu office a footage ho kha han tilang teh le."
"Chuan a apartment a athu sawi zawng zawng engkim hriat theihna tûr khân lo tifel bawk rawh, engtiklai pawhin khawiah nge a awm tih ka hre duh reng bawk ang."
"Boss ka'n ti nghâl ang e."
"Tûnah chuan anuam ve tèp tawh e darling." Ka phûr tawh tak zet.
"Boss, ka ti fel ta e, mahse a office chhúng leh a apartment chhûng chu aruak vek."
"A nih hospital chhúng kha han tilang teh." Chu thil entûr chuan ka kûn hniam ve nghâl a.
"Boss hetah chuan camera hrim hrim temporary a block vek a nia lawm, mahse aroom bíkah erawh chuan kan dah theih ka ring."
"Ṭha lutuk, tumahin an thawm leh anṭawngvel kan ngaithla ani tih hi an hriat chhuah ka duh lo ang."
"Yes, boss." Chu room chu ka chhuahsan leh ta a.
NEW YORK HOSPITAL
CLARA.....
Liam khum bula ka lo ṭhut rauh rauh lai chuan doctor nu chu arawn lût leh a, "Damlo hi a kawchhúng lam pang check leh lawk ka duh a, min lo kian lawk dawn mi niang?"
"Oh, tehreng mai." Ka tho chhuak a, tukverh lam pang chu ka pan phei a, páwn lam thlìr chuan ka ding ta vang vang a, páwn lamah chuan ruah chu asur tlak tlak a, chu ruah sur chuan Liam nèn a kan intawn hmasak ber ni kha min hriat chhuah tir nawn leh a, kumkhat lai chu aral ve ta.
ONE YEAR AGO.....
Kha mi ni khan.....
Ka car khalh laiah chuan meikhu arawn chhuak a, theih ang táwk chuan kawng sir lamah ka cut kawi a, "A va han fuh lo ber kher tak hna a ka thlen thuai angai a, túnah lah hei a engine a chhe leh tawh ngei aniang, office thlen thuai tih ang reng chu khawi lamah hian ani ta ringawt."
Ka phun chhuak nang nang a, ka hun tawn nèn chuan ka awmdán chu a inhmeh lo bawk èm ani.
Thinrim zet hian work shop lam chu ka phone a, "Enteh, túnah tak hi chuan tow truck ka car hnúk tu tur ka mamawh a nia."
"Ok, miss mimute 20 chhûngin kan mi te kan rawn tir nghâl ang."
Ka nghák ta rauh rauh a, minute 20 chu khawi lam dar kar khat lai aliam tawh, ka phone leh ta a.
"Túnah tak hian highway ah tak ka táng der a nia."
"Min hrilh dán khân minute sawmhnih chhúngin mi i rawn tirh túr thu in sawi si a, tûnah lah dar kar khat lai a ral leh tawh."
"Miss ngaihtuah duh suh, i awmna location chu kan nei alawm, an rawn kal mai ang, kal kawngah te chhún chaw arawn ei hmasa pawh ani mah na , lo nghâk ngar ngar phawt mai teh!"
He tiang lo hi kawngdang a awm thláwt lo tihna em ni?
Beidawng zet chuan tháwk ka la hak a, ka car chhùnglam chu ka pan leh ta a, tih túr a awm loh èm aváng chuan ka lo muthlu ani ngei ang, "Hello." Ti a ka car window rawn béng dat dat tháwm chuan min ti harh a, ka meng chhuak side window ka ti hniam chu thinrimna hlír hian min luahkhat a, ka car kawngkhár chu hawngin thinrim avânga mit meng linghlara en chhoh pah chuan ka chhuak a, "A táwp atáwp ah chuan i lo thleng ve ta alawm, darkar hnih chhúng ngawt ka nghâk tawh che tih hi i hria em? Chaw ei túr vángin maw i rawn muang chân vel a?" A engamah hma chuan ka tih khum hlaih hlaih bawk a.
"Wow, hmáikawr vuah chung leh nghálin maw?" Mi pawisak loh hmèl zet hian a mengkual rulh duh chauh a.
Oh, stupid mask, engvânga ka mask chu lo la lathla lo nge maw ka nih chu le?
"Hei chu hnathawhna ......"
He pa hian Cupid ka ni tih a hre miah lo anih dawn hi, "Cupid angin ka awm a, mi inkawp rem tírna lam business hna ka thawk." Ka ti ta a.
"Interesting, heti ang hmèl hi ka lo hre reng fo ang e." Mit meng desawr leh mi nuihzat hmèl zet chuan min en chhuk a.
"Mask pum puiin a akhuh vek, hmél lang thei lo." Tih asawi zawh chuan anui leh huk a.
"Alright cupid vawiin chuan i car chhia kan siam poh aniang chu, achhan chu ti turin min beisei tlat bawk si a." A nui leh suk a.
"Chumi rinchhan......i la single tihna aniang maw?"
"Oh, dawn lawm ni!"
"Anih chuan engthil nge ka tih theih tih hi kan en aniang chu!" Ka nui chhuak hak hak a.
A hmèl chu a zâm ve hmèl kher mai, amitmu pawl fìm fiah kâk mai chu a meng dul ve ruih a, thil dangah angai anih ngei ka ring nghâl a, "Ka hna lam chung châng ania ka sawi, chu chuan darkar hnih ngawt i rawn tlaina kha atheihnghilh tìr huah lo." Ka ti ta nghat a.
"Chu chu aṭhatna pawh a awm mial maithei a sin." Min nuih leh sak a, ahmèl chu a pa chiang a ni. Ruah arawn tla ta phuar phuar a.
"Eng nge i carah chuan buaina awm a?"
"A hma lam aṭang sawn meikhu a rawn chhuak a."
"Kan en chhin ang e."
"Engtia rei nge nghah ngai ang, ka client ten min lo nghâk reng tawh si a?" Hmanhmawh rilru tak chuan ka phone chu ka en leh zauh a.
Mottor hmalamah chuan kal pheiin ahawng nghâl a, ruah chu ala tlák deuh phuar aváng chuan ka car chhúngah chuan ka ṭhu lût nghâl a.
"Dar kar hnih ngawt an nghák tawh che a, anla awm ila ring a maw?"
"Ka hnèna booking tih hi thil harsa tak ani a, chu lovah anduh hun huna hmuh theih ka nih loh avángin min lo nghâk reng ang tih hi ka chiang a ni." Chapo zet chuan ka ti veleh nghat a.
A rawn ding chhuak a, ka car hma lam chu khár leh pahin, "I engine hi akâng anih hi, i office thleng chu keiman ka va thlah ang che a, chuan i hna lam pang chu min hrilh belh bawk la aṭhat ka ring." A ti ta a.
"Kha chu aṭha ngawt ang, ka lawm e." Phúr zet chuan ka ti ve a.
"Mmm Clara."
"Clara?"
"Clara!"
"Clara." Ka phuzawk, tunge min ko mawlh mawlh tu chu?
Ka suangtuahna ram aṭang chuan ka harh chhuak hlawl a, nge ka lo muhil tawh zâwk pawh ka hre hrang tawh lo.
Doctor nu pawh kha alo awm tawh miah lo, chutiang chuan engtia rei nge ka lo ṭhut tawh tih pawh ka hre thei lo, min ko tu pawh Liam ani chiang mai.
Liam mutna lam pang chu ka hawi phei vat a, dul zeta arawn mengchhuak chu ka va hmu ta a, rang zet hian amutna khum lam chu ka pan phei a, "Liam." Hlim zet hian ka ti ta hlap hlap a.
"I lo harh chhuak tawh maw, thank God, ka ngaihtuah hman lutuk che a." Ka thaw hhuai huai nghâl a.
"Khawiah nge ka awm, eng nge ka chungah thleng?". A mitmeng chu ala meng buai deuh ruih a, zawhna hlír bâk ka zu hmu lo.
"Eng thil mah i hrechhuak tawh lo maw?" Mak ti zet hian ka záwt ve sap a.
A ngaihna hriat lo hmèl zet chuan alo bunghut ringawt.
Ka thaw chhuak raih raih a, "Liam túnah hian hospital chhûngah i awm a, nizán khân min rawn call a, chuan ka rawn hruai lai che in i tlu ta thut a." Ka sawi záwng pawh chuan ka mittui atlingpam thei, amah chân ka hlauh luat avânga ka hlauhtháwnna nasa zet te kha....
Makti zet hian ani chu alo mengphár ve áwk a, "Khatin ingaih chu ti thalo duh tawh suh, i ṭha leh ṭep tawh a nia, i...."
"Liam i rui leh tawh, pawi ka ti lutuk." Ka ti leh sep sep a.
"Oh....mahse i lokal a lawm,Clara i lokal avângin ka lawm e, he thil i ti hi ka phu hauh lo a sin." A ngawi leh vung vung a.
"Eng maw i sawi a, engvânga chu thu chu sawi nge i nih Liam thu dik ani lo ti raw?"
"A dik alawm Clara, nizân kha ka hrilh hai lutuk a, kha tianga min rawn hmuh avâng khân pawi ka ti tak zet."
A phone ah message arawnthleng ani ngei ang, arawn ri tlang a.
"Ka phone anih chu min lo lâk chhuah sak thei lawk em?"
"Tehreng mai." A mutna khum bula a leather jacket aṭang chuan aphone chu arawn ri Chhuak a, a pocket chu ka zen sak rak rak a, a phone chu alo awm ngei a, phawrh chhuah sakin ka pè a, "Kha le."
A la ve mai a, a mutna sîrah chuan en pawh en hleilo hian a dah leh tawp, "Nizân chung cháng kha sawi leh ta ila.....Eng vánga thleng nge tih hi min hrilh thei ang em?"
A reh leh vung vung tawh, "Liam."
A muhil leh der tawh, a phone chu ka lák sak a, AJ hnén aṭangin text alo dawng a, Liam ṭhianṭha ber chu AJ ani a, abulah hian engkim ahrilh vek ṭhin tih pawh ka hai hauh lo.
A phone ka tih én laia alock screen ah chuan kan pahnih a thlalâk alo la hmang reng a, mak ka ti kher mai, message chu ka chhiar a, #Hey man, Clara chu eng nge ni ta, thudik tak chu i hrilh ta em? I hria tiraw.....i thurûk kha ania ka tih?
Chu thil ka chhiar chuan min ti phu zawk, thurúk maw??? engthil chung cháng nge a sawi le, Liam chuan eng thil nge min hrilh túr aneih?
Liam hian kan chung cháng hi ahrilh kher ang em le? A lehlamah chuan a bestfriend ani ve bawk si a.
Liam secret chu eng nge tih ka hre chhuak chák ta ngawih ngawih a.
AJ nèna an inbiakna ka en chuan engthil nge Liam hian hrilh min tum tih ka hrechhuak thei ngei ang, a tir ka hre tawh bawk a, min hrilh leh kher ka nghahna chhan tûr ka hre ta lo, aphone chu ka en ta a, mahse password alo dah ve khang lâng, ok, Liam eng nge i password chu ni ta ang?
Ka ngaihtuah rauh rauh a, ahma a ahman kha ala hmang ang em le, ti chhin rèng rèng ang, mak tiin ka meng bial kawl kawl, Liam chuan apassword a ka birtday ni vel adah chu alo la thlαk miah lo ani tih chu ka hre chhuak a, he pa mizia hi ka hrethiam lo tak zet.
AJ nena an inbiakna vel chu ka scroll thla zaih zaih a, ka chhiar ṭan ta a.
AJ
#Hey, bud, zanin Valentine's Day plan puitham tak te i nei mial em?
LIAM
#Lol, i fiamthu chiang mai ti raw? Clara nen kan inṭhen hnu aṭangin V day tih ang reng vel hi chu ka tih ngai tawh loh zia pawh i hriat ve reng kha.
AJ
# chuan? Kha te chu kum khat liam daih tawh thil ani tih te hi hre ve la.
LIAM
#Dude, ka theilo, Valentine's day alo thlen hi chuan kan pahnih ni hmandân min hriat chhuah tir leh tu anih ṭhin avângin atello chuan amak lutuk pal ang, chuan nizân khân ka hmu a sin Clara chu.
AJ
Eng a??? No way, túnah engtin nge he thu hi ka ngaihthlâk leh theih zâwk chu le? Nangmah ang aheart broken deuhin ala awm ve rwng em?
LIAM
# Yeah, chutiang ang chuan ala awm ve remg, mahse amah ai chuan ka inthup thiam záwk, angaih dân chuan he thilah hian kan tâwp tawh a, châng dang kân ka inpeih reng ani tiin min ngai bawk.
AJ
# I ti takzet maw??? Kha tia tihder tuhder kha engvângin nge angaih? Thudik hrilh mai la aṭhat ka ring daih záwk. Engvânga i hmangaih reng ani tih hi zép tlat nge i nih pawh ka hrethiam hrep lo che,.
LIAM
# Kei aia mipa ṭha leh atâna ṭha famkim ahmuh theihna tûrin maw le. Ka la hmangaih reng ani tih ahriat chuan.... ka bulah arawn kal leh nghál ngei ang, Man chutiang thil chu ka ti thei lo, lo pawm leh in ka rilru diktak hi ka hrilh theilo a ni.
Chu message ka chhiarna chuan min ti bíng chûk chúk a, ka bul mai a ban chu ka dawm vat a, Liam hian min lo la hmangaih remg tihna maw ni a? Ka âwih theilo hial záwk.
Oh, túnah chuan ka hre ta e. Ka mit chu ka chhíng vang vang a, hlim na hlìrin ka khat.
An pahnih chatna chu ka chhiar chhuak duh law law ta a.
LIAM
# Hei hi engkim ṭhatna tûr ani, Clara hian amah ka beisei lutuk ti a ngaihdân aneih hi ka duh lo. Tichuan min theihngilh thei ang a, tikhαn alife chu akal zèl thei záwk ang.
AJ
# I luhlul hle mai maw, he i luhlulna hi i tαna ṭhatna tûr ala ni ngei ang, zanin hian call ngei la, i la ngaihven reng ani tih hi hriattir ngei ang che.
#Crap ka boss arawn kal tlat, nakinah kan inbe leh dawn nia.
LIAM
# Cool, eng nge ni ta tih hi ka rawn hrilh leh dawn che nia.
AJ
#Hey man, Calra chu eng nge ni ta, thudik tak chu i hrilh ta em? I hria tiraw.....i thurûk kha ania ka tih?
Hei chu ka chhiar tawh, tiin ka phun chhuak sap a. Hei hi an last text chu aniang a. Liam hian engvânga min hmangaihlo ang a lan tum tlat nge anih ang tih zawhna chu a awm ta a, chu thil chu amah chauhin min chhαng thei ang.
Engvánga kan pahnih a thinlung kehchhe zeta kan awm chu duh nge anih ang? Zawhna chhânsèn loh chu ka inzáwt mawlh mawlh a, chu ka thil ngaihtuahna lamah chuan ka lu leh ka thinlung chu an ngawt ngawt hian ka hria, ka mittui pawh arawn hnâi a, khami arawn kal zân pawh khân ka ṭawngkam kha ahrethiam lutuk, mahse alo haider lui mai mai ani tih chu ka hre chhuak ta a, engvâng in nge Liam he thil hi i tih chhan? Ka mittui chu a rawn tling deuh pam a, dan tumin ka khap sak sak a chu ka dang rei thei lo, ka biangah chuan záwi muang hian aluang thla ngiai ngiai a, tháwk ka la halh a, ka áwm chu eng emaw thil rit tal delh ang mai hian tháwk lâk ti harsa khawp chuan a pik bawk a, Liam hmèl chu ka en ngawt ngawt ringawt.
"Clara min lo hrethiam la, visiting hun atâwp tlat." Rawn ti tu awmna lam ka hawi chhuah hma chuan ka mittui chu ka hru hul.sawk sawk a.
A lam hawi chhuak chuan za lo zet hian ka nuih sak a, "Naktúkah i rawn kal leh dawn nia."
"Oh, right , ka lawm e, ka mangṭha na thu sawi ka lo tum mék a." Ka ti ve ta ngawt a.
"Liam naktúkah hna ka bân veleh ka lo kal leh ang."
"Hetiang angin valentine's Day arawn thleng ang tih hi ka lo ngaihtuah ngai lo a sin....mahse i bula hun ka hmang thei erawh hi chu nuam ka ti tak zet." Ti a ka phunchhuah sap sap hnu chuan ka inher a, chu damdawiin chu hreh ru tak chuan ka chhuahsan ta a.
"Doctor ka damlo enkawl lai mèk chung cháng hi ka sawi pui lawk thei che ang em?" Doc Emily chuan ahma akal Doc Leonard chu a âu lèt a, chu pa chu dingin Emily chu alo nghâk a.
A bul arawn thlen chuan nui sâng hian, "Tehreng mai, eng chung châng nge ni ta?" Aw zângkhai vah hian alo ti a.
"Well, nizαn tlai ve tawh takah khán damlo pakhat chu zu ain avânga achahthlâk avαngin hospitala rawn dah luh ani a."
"Ka hria e, chumiah chuan doctor eng nge diklohna a awm áwm rèng ka hre lo." Doc Leonard chuan ati liam puat a.
"Eng thil lenglo túr nge thleng tih pawh ka hrethiam chiah lo, ablood a alcohol awm kha. 0.05% chauh ani a, hetiangah tumah anchahthlâk ka hrer ngai lo, mahse ani erawh engmah hrelo in nikhawhelo in a awm hial bawk si a, amah ang a body nei chu khatiang lekah khán achahthlák theih dawn em ni? Khatianga chatthla tûr khawp chuan kha aia tam kha a in ngei angai ngei ang."
"I thusawi chu amak ngei mai a, kei ngei pawhin a ka vawikhat hriatna ve tho a ni, ama taksa test inneihna ah eng emaw thil result danglam hmuh chhuah te innei mi em?"
"Âih, amah chu aṭha vek, a mu nghek nghek a ani mai."
"Naktúk hian eng ang chiah a khatia awm nge anih tih chu kan hriat chhuah theih mai ka ring, naktûk chu nghâk phawt teh ang, anih loh pawhin dose hnuam ve tak te pawh alo nimai thei bawk a."
Doc Emily chu abúk nghat nghat hnu chuan ankalsawn dûn ta a.
THE REAL CUPID....
"Boss tûnah khán Clara chu a chhuak chiah, hei kei pawh kha pa room.a camera fir tûr khân ka lût nghâl dawn e."
"A tha lutuk, chanchin i rawn sawi zel dawn nia, chuan i thil tihna tûrah pawh tumahin an manchhuak túr che anilo tih kha hre reng bawk rawh."
"Ok, boss doctor dress in ka inthuam alawm, engmah ngaihṭhatlihna a awm lovang."
Ka phone chu ka cut ta a.
"Kan hmeichhia chu apartment lamah akír leh tawh anih chu! A bed room kha han tilang ta che."
"Aw le boss."
Screen ah chuan Clara bedroom chu arawn lang ta a, "A ṭha lutuk e, ani pawh arawn thleng ve tèp tawh ang." Kan lo nghák ta vang vang a.
"Saw le, kan hmeichhia chu arawn thleng ta alawm." Clara aroom a arawn pèn lût ka hmu chiah chu ka phun chhuak sup a .
A phone chu ahmang zui nghál a, "Hey Molly keimah, kha Dark Angel aṭanga ka kal chhuah hnu khân i hmui kha min biaknâna ain lock pawhin min rawn text ve lam ka lo beisei asin."
"He valentines day hian thil eng emaw tak arawn thlen tir dawn in ka....mahse heihi thil dik ani ang nge nilo ang tih erawh ka la thliar hrang thiam chuang lo."
"Liam kha hospitalah a awm a." A hmél chu angui deuh hlek a .
"Good news, thank God, aṭha leh dawn chu an tia lawm."
"Ka, uh, a phone ka ensak a, tah chuan thil pakhat ka hrechhuak a....
minlo la hmangaih reng alo nia, mahse chu chu ka lakah zèp atum tlat ani áwm e."
"Ka hre bík lo, angaihdán chuan chu chu kan pahnih atân aṭhat arin thu aṭhianpa bulah asawi alawm." Tháwk ala halh a.
"Molly ka hrethiam lo tak zet, engtin nge khawi aṭangin nge hetiang thil hi anih theih tih pawh ka hrethiam lo, ka biak che ngaiin ka hria, naktúk zíngah i hnan veleh min rawn call ang che."
Camera pakhat záwk arawn lang a,"Ka ti thei ta e, Boss min hmu thei em?"
"I thawk ṭha e, camera pawh adik e, túnah chuan kan HQ lamah i rawn kîr leh thei tawh ang."
"Tûnah chuan engkim ka hmu thei ta vek e." Za zet hian ka nui chhuak leh hawk hawk a, nuih hi nuam ka ti a, ka nuihna tùra fiamthu ṭha deuh deuh han thawh vél hi ka nuam tih ber pawh ani in, tún ṭum a ka thil tih ah leh lek phei hi chuan phûrna nasa tak ka nei bawk.
CLARA.....
Ka hnathawk ka bán fel hnu chuan ka chènna lam aparment chu ka pan leh a, nizân lamah mutmu ka hmuh ṭhat loh avángin engmah tileh tawh loa mut mai chu ṭha berin ka hre bawk, ka thawmhnaw chu ka phelh a, bathrobe a intuam chung chuan bathroom lam chu ka pan ta a, tuilum sa ver vawr taka han inphuh tir chu nuan hlé hian ka hria, ka mamawh tak pawh ani bawk, bathrobe chuan ka intuam leh a, bedroom lam chu ka pan phei leh ta a, ka thawmnaw dahna lam chu ka pan phei a, wool aṭanga a siam kawrlum nuam tak leh pijama lum lam chu ka la chhuak a, ka inbel zawh hnu chuan ka khum dúp nuam takah chuan ka inthawlh ta kák a .
Rei pawh ka meng lo, ka muhíl zui ta nghál a, zíngah chuan hma takah tho in shower ka hmang zung zung a, breakfast awlsam thei ang bera ka insiam leh zawk zawk hnu chuan office lam panin hna khawih tûr awm ang ang chu ka ti leh zung zung a, adang zawng chu James kutah dahin hospital lamah Liam hmu tûrin ka inkhalh chhuak leh ta a.
Liam doctor room aṭanga rawn chhuak tûr nèn chuan kan intáwk a, "Doctor arawn tho harh tawh em?"
"Aw, aharh tawh e, túkin zîng chhûng zawng khán khawiah nge i awm tih zawhna hi ka dawng a." Awmze nei zet hian min nuih pah var var a .
A ti ngei ang le, achhan chu min la hmangaih miau alawm, "Ka hmuh ngei angai." Hlim zet a tiin Liam room lam chu ka pan ta thuai a.
Liam hmél hlim zet mai ka va hmu leh chu ka záng huai mai, "I lo harh chhuak tawh maw? Eng nge i an, i ṭha tawh em?" Ka ti nghál chúl a, chutia dam hmèl ver vawr a ka hmu leh thei chu lawmna hlir hian ka khat.
"I ril aṭam tawh em, eitur eng emaw ka lák sak....."
"Clara ka ṭha e, heta i awm tawh hnu ah leh lek phei chuan ka ṭha leh zual sawt." Mit meng de sawr sawr hian min en chho a.
Nuih ve hak hak pah chuan amutna bula ṭhutna awmah chuan ka ṭhu thla ve nghâl a, Liam chu rawn saisírin ka kut chu min rawn vawn sak a, ka mirah tak chîk zeta mi rawn melg siah pah hian, "Clara kalo ngai lutuk tawh che asin." A ti ta sup a.
"Keipawhin ka ngai tawh lutuk che alawm Liam, ka ngaihtuah hman zia che chu i hre lo anih kha."
"Clara ka ṭha lutuk tawh, tûnah tak phei hi chuan ṭha tak ka ni tawh, ka ṭha mah mah tawhin ka hria." Ka kut chu min la húm sak reng a, láksawn pawh ka tum buai duh bík lo.
Ka kut avawnna chu hmér vang vang pah hian min en leh vawng vawng a, ka kut chu thlahin a tho chhuak ta mai a, "Eng thil nge maw i tih le?" Rák chúl chung chuan ka ding chhuak ve vat a, Liam chu ka va panhnâi nghâl ruak a, "Mu leh nghâl rawh." Khum lamah chuan pawh ṭhut leh ka tum a, ka kut chu lo man in min pawt hnâi hrat a, chìk zet hian min melh chhúk ta rún a, "Nang mah leh nangmah kha i in tina palh hlauh ang e." Hlauhtháwn pui zet chung hian ka ti leh a.
"Ka ṭha tawh tiin ka hrilh tawh che kha, che sek lo mai teh Clara."
"Ka chau deuh hlek in ka hria, chu zawng chauh chu ani tawh, tûnah chuan i awm tawh bawk a, ka mit hi meng a dah ka tum bawk." A nui suk a.
He pa hian engvânga min flirt chu tum leh chawp cholh nge anih ang, text message a asawi dân kha chuan min hmangaih ani tih hi zèp tlat atum ani si a, mak ka ti tawlh tawlh.
"Nizán hmasa khán i lu kha i sawh na deuh a." Min kuahna aṭang chuan ka tál chhuak a, ani pawh chu mi dang tûrin alo ṭang tûng chuang lèm lo.
"Chuvâng chuan mut tam i mamawhin ka hria."
"Uhh, túna i rawn sawichhuah tâk azârah thil tih pakhat mak tak kha .....engtiang a siamṭhat tûr nge tih hi ka hria a nia."
"Eng chu maw?" Chu amitmu pawl fiah fîm kák chuan min rawn melh chhuk a, chutah akut pahnih a ka biang tawn tawnah chuan dawmin duhthawh zet hian min fáwp ta a, he thil hi ani lawm ni ka lo nghah hlelh èm èm ṭhin kha, Liam hmui lum ham ham in a ka hmúi chu arawn sík chuan phûrna hlír hian ka khat a, alei sa ham hamin a ka hmûi nawr kau a ka ka chhûng zei zetin a ahan hàwl kual pah nak nak mai chu awmngaihna réng min hriat tir lo.
Min thlah leh hnu chuan min nuih suk a, "Túnah phei chuan ka ṭha lutuk tawh ringawt." A ti ta a.
Mak tihna hmél mai lo chu ka hmélah alan chhuah pawh ka ring lo, he pa hi a â zo tawh ani ngei ngei ang.
Min la hmangaih reng a, mahse zèp aduh tih pawh ka hria, engvâng a hetia che thut nge anih erawh ka hre ngai dawn lo anih hmèl.
"Eng nge, ka fawp theilo che tihna mi?" La meng pháwk hra hmèl ahmuh chuan ati leh sup a.
"Eng vâng nge......uhm, ka sawi awmzia chu thei teh rèng mai." Ka ṭawngbah deuh nak nak a.
A ngawi deuh rûn a, "A danglam phah chuang em ni?" Ala ngawih reng aváng chuan tháwk ka la halh a, "I sawi dân khân inkawp tawh loh i duh i ti si a." Ngam leh ngam lo hian kati chhuak ta a.
"Ka......"
"Ka rawn tihbuai loh hrâm che u ka beisei, Clara afala biak lawk che ka duh a." Doctor nu ina a rawn tih ták aváng chuan Liam hmûi chu achíp leh hmak.
"Oh, tehrèng mai." Doctor chu ka zui ta a.
"Clara ngawi lawk teh!" Liam lam chu ka hawi leh a, "Ilo kír leh ang tiraw? Ilo kir leh hunah thil pakhat ilaka ka zèp hi hrilh tawh che ṭha in ka hria, chu ka thurûk chu nangmah a ka rilru put dán ani a, i hriat ngei angaiin ka hria, tûnah chuan chu thil chu hrilh hriat che ka duh tawh a, min la awmpui deuh rih túrin leh engvánga khatia awm nge ka nih tih hi hrilh che ka duh tawh ani." Ati kual kawi ta duah a, athusawi tum chu ka hriatthiam pui lutuk, chûng thil zawng zawng sawi chhuah chu atána a harsat tûr zia pawh ka hriatthiam pui bawk.
Tûnah chuan min la hmangaih reng ani tih chu alak aṭang ngeiin ka hre dawn ta in ka hria.
"Tehréng mai Liam, ka tiam ache ka rawn kîr leh ngei ang." Tiin kawngkhâr lam chu ka pansan ta a, doctor in minlo nghahna ka va thlen chuan, min lo nuih sáng a, "Good news, Liam pawh aṭha tawh e, vawiinah inlamah i hruai haw thei tawh ang."
"Oh, aṭha hlauh anih chu! Amah erawh chu khami zána atlûk chhan kha in hrechhuak thei tawh em?"
"Kha thil ber kha tûn thlenga hriat chhuah kan tum ber chu ala nireng ani, ka rin dánin Liam hi zu in chi niin ka hre lo, a dose ahniam viau niin ka hria, sawi tlang tawp mai ila, hetianga a awm túr hi ani lo, hetiang anih chuan chhiatna athlen tak tak hma in alcohol lam hi ti tawh lo sela aṭhat ka ring." A ti ta a.
"Eng maw, eng thil maw thleng thei a?"
"Chu chu kan en mèk e, mahse tûnah chuan engkim aṭha vek tawh a, amahah engmah sawi selna tûr a awmtawh loh avángin chhan awmlo a he hmuna hrèng reng thei hi kan ni lo, amuhil arawn harh veleh i ta vek ani tawh ang." Anui pah ar ar a.
"Eng thu pawh nise thu thlum ṭha tak hrilh túr che aneihna kha miss tir ka duh dawn hauh lo bawk a nia." Doctor nu lawmthu ka hrilh hnu chuan akalsawn ta a, tûnah chuan Liam pawh achhuak leh thei ta alawm, doctor ina aen laia lo va tih buai chu ka duh rih lo a, Molly chu ka be leh ta zàwk a, "Hey, Molly tûn deuh lawk mai khán Liam in min fáwp asin."
"Ugh, nizan hmasa lama atlû itih khân alu asawh na deuh ani ngei ang ."
"Thil eng emaw tih aduh vαngah te i ngai velo em ni? Nizán ah min lo la hmangaih reng ani tih ka hre chhuak ti pawhin ka hrilh tawh reng che kha."
"Ni réng e, chuan i hriat aduh lo tih pawh i hrechhuak tel ngei bawk ani lo'm ni? Chutah eng vânga kiss tawp che nge anih hi ka hrethiam hauh lo, Clara he thil hi thleng túra ilo duh ṭhin ani tih chu ka hai hauh lo, mahse alakah erawh i beiseina tih sán vak kha chu achi rih in ka ring lo."
I tlái hrat. Ka ti rilru a.
"Doctorin akal san hunah engvânga angaihdân thlák teh thut nge anih, tih chu ka lo la záwt ang e, nangpawh engvânga i rilru thlâk thut nge i nih? Kha clubah khân i mipa hriat ngailoh cute deuh bula hun hman kha nuam i ti viau emaw ka lo ti a sin, eng nge khapa chan chin kha nita zèl?"
"Eng ching châng nge maw i sawi le, atu hmèl hriatloh nge i sawi a?"
"Khatin hrelo der vel lo mai teh, kha pa bula second khat lek hmanloh pawh i hlauh ém kha maw!"
"Clara tu chung châng nge i sawi vak vak hi ka hre lo tak tak, mipa khat chu ka kiss ngei mai chu pawh chutiang ang ém ém a ka care ka hre lo."
"Ngawi lawk teh! Kha zân athil thleng kha engmah i hre tawh nange?"
"I sawi ang èm ém in acute vak lo pawh ani maithei." A nui ta hak hak a.
"A ni tak tak maw, ooh a ṭha anih chu, ngawi lawk teh, James in min rawn call tlat, Liam chu engtin nge nita tih chu ka rawn hrilh leh zel dawn che nia, ka dah phawt mai ang." Molly phone chu cutin James phone call chu ka pick ta a.
"James eng nge ni ta?"
"Cupid voice message pasarih ngawt ka hnut chhiah tawh che tih hi i hria em?"
"Oh, James pawi kati lutuk, Liam ngaihvenin hospitalah ka awm a."
"He pa hian a lo nghák reng mai che, i rawn kal hma loh chu he hmun hi chhuahsan atum lo, ngaithla teh Cupid tûnah i rawn kal ngei angai ang."
A sawi dân chuan i busuness lam chung chángah information anei ani áwm e, i rawn lang lo anih chuan atih chhiat vek túr thu pawh a sawi tel bawk." James ṭawngkamah chuan ahlautháwng hle ani tih hi ahriat a, tu chu nge ni hrep ang? Ngaihdán ka nei hauh lo.
"Ngaithla teh James chu pa chu engang mi nge ni réng rĕng a?"
"Midang anga i tih chhiat theih tûr ang mai mai hmél apu ve hauh lo."
"Min lo hre thiam teh! Eng ang chiah ami â nge maw anih a, ka office chhúngah lo kalin min rawn vau ve khangláng leh nghâl, kha hmun chhuahsan vat tûr khán hrilh ringawt rawh." Ka thinrim avângin ka aw te thleng chuan akhûr deuh dar dar a.
"Cupid thei ilang chuan ka ti ngei ang......."
"Phone kha min lo pe teh! Mipa aw rilruih mai leh vawt zetin a thupe aw zeta James a vin khum deuh hrâwk ri chu ka hria a, James chu a reh vang vang a, chutah chu mipa aw hriam zet mai leh thûm chhak chuan min rawn be ta zàwk a, "Cupid i asst thusawi kha i ngaihthlâk angai ngei ang, i tân a assistant ṭha tak leh fel tak nih atum mau chauh anih kha, achungah eng emaw athleng anih vaih chuan ka inzahpui ngawt ang."
Chu aw chu khawi hmunah emaw hretawh thâna inhriatna ka nei a, mahse ka hrechhuak thei mai tawh lo, chutiang thil ngaihtuah hman pawh ka ni tawh lo, chuai chuan James chungah thil eng emaw tak athleng thei ani tih chuan min ti hláutháwng lutuk tlat!
"A chungah khân eng thil mah tisuh ang che, i kut hmâwr pawh a khawih tih vel kha chu ngaihtuah hauh bawk suh." Ka tih khum ṭhat a, thinrim na aváng chuan ka aw te chu a khûr hlak hlak a, ka phone kenlohna lam pang záwk ka kut chu ka hûm ruh ve ngar bawk a.
"Tûnah tih chuan ka la ti lo ve, mahse tûn aṭanga mimute 20 chhûnga he hmuna i rawn kal loh anih erawh chuan James hian a man chu ahmu ngei ang."
Phone chu ain cut ta hmak a, ka hma ah te phone a cut ngam a maw, tunge maw ni a ahan inhriat rèng rèng chu le? Ka thinrim lutuk chu ka rûm chhuak nghat a.
Engtin nge ka tih ták ang, Liam lah chu ka lo awm reng ang tiin ka tiam tawh bawk si, ka rilru chu abuai kher mai.
Hospital building páwnah chuan ka chhuak a, cafe lam chu ka pan ta a, ka rilru buainuaih chu coffee a tih ven ohawt a, ruahmanna fel tak siam chu ka duh a ni, rilru hah zeta coffee ka inlai chuan police pahnih hi ka hmu ta hlauh a, anbul ah chuan ka phei vata , ka office chhunga thil thleng ching châng chu ka hrilh ta vek a.
"Chu pa chu tunge anih i hria em?"
"Hre hauh lo, ka asst in min rawn bia a, ka office chhùngah lútin min rawn vau a, ka asst chu kut thlâk atum thu a sawi bawk."
"Ok, miss, i report chu kan la anga, thil túl ang ang tiin, kan lo bawh zui nghâl dawn nia."
JAMES.....
Vawi tam tak Cupid chu message ka hnut chhiah tawh a, min rawn la call back lo hrim hrim, chu pa mize mak dang dâi tak lah chuan anghâk reng mai bawk si, "Cupid keimah leh bawk, hetah mipa pakhat nangmah hmuh duh tu che a awm a nia, chhuak tura ka tih pawhin aduh miah lo, a sawi dân chuan thil pakhat hmanhmawh thlák deuh mai hrilh che aduh ani áwm e, i theih anga rangin min rawn call back hrâm dawn nia."
"Chuan FYI,(For your information) ka hlâu tak zet."
Ka hma a mipa min lo melh rún tu lam chu ka hawi chho a, "Sir message dang ka hnutchhiah leh achu, engtikah nge alo thlen ang tih erawh ka hre lo." Ka ti sup a.
"Kha chu aṭha e, ka hmanhmawh hlei nèm, diktaka sawi chuan ka duh leh duhloh athu in nileng pawhin ka nghâk thei." Ala ti ta deuh deuh a, hlauhtháwnna hlìrin ka khat zo tawh, chuti ang mi mak danglam tak chu he hmuna ka thawh aṭang hian ka tawn pawh ka la hre ngai lo, chu pa chu kalsawn in aṭhutna ngai chu apan leh ta a.
Darkar chanve ngawt aral leh ang tih chuan ka thutna aṭang chuan ka va melh zauh a, alo la ṭhu rún ani tih chu ka va hmu a, Cupid chuan ka call chu la thei ni se chuan tihdan tûr arawn hre ngei âwm si a, ka call leh ta a, tún ṭum zet chu arawn chhâng ta hrâm e, ka lawm zia chu ka thaw huai mai.
"James eng nge ni ta?" Ka rilru anuam sawng sawng hian ka hria.
"Cupid voice message pasarih ngawt ka hnut chhiah tawh che tih hi i hria em?" Ka ti nghαl mawlh mawlh a.
"Oh, James pawi kati lutuk, Liam ngaihvenin hospitalah ka awm a."
"He pa hian a lo nghák reng mai che, i rawn kal hma loh chu he hmun hi chhuahsan atum lo, ngaithla teh Cupid tûnah i rawn kal ngei angai ang."
A sawi dân chuan i business lam chung chángah information anei ani áwm e, i rawn lang lo anih chuan atih chhiat vek túr thu che pawh a sawi tel bawk."
Clara chuan thâwk ala ri halh a, arilru abuai ve ngei ang tih pawh ka hai lo.
"Ngaithla teh James chu pa chu engang mi nge ni réng rĕng a?"
"Midang anga i tih chhiat theih tûr ang mai mai hmél apu ve hauh lo." Ka ti leh a, chupa lam chu ka va melh leh zawk a, aṭhutna aṭang chuan arawn tho chhuak mèk tih hi ka va hmu a.
"Min lo hre thiam teh! Eng ang chiah ami â nge maw anih a, ka office chhúngah lo kalin min rawn vau ve khangláng leh nghâl, kha hmun chhuahsan vat tûr khán hrilh ringawt rawh."
"Cupid thei ilang chuan ka ti ngei ang......."
"Phone kha min lo pe teh! Chu pa in ka bul arawn thleng a awka chhuak thupe aw zet mai ka hriat chuan phone chu ka hlαn chhâwng nghâl sawk sawk, he hmun ahnathawk hi ninah ila chutiang anga mipa rum lutuk chu ka ti thei ṭhak lo ka ṭih ru tlat bawk. "Cupid i asst thusawi kha i ngaihthlâk angai ngei ang, i tân a assistant ṭha tak leh fel tak nih atum mau chauh anih kha, achungah eng emaw athleng anih vaih chuan ka inzahpui ngawt ang."
Chu pa nén chuan Cupid chu an inbia a, phone chu amah chuan acut hmak bawk, ka khúr ru ve zawih zawih, darkar chan ve vel kan nghâk leh a, chu pa hmèl pawh chu ka enṭha ngam tawh lo, police anrawn lût ta a, ka thaw huai mai, chu pa chu anrawn hruai chhuak ta a, ka lam rawn hawi chung chuan, rumzet hian min rawn melh a, "Ka lo kír leh ngei ngei ang." Min ti phu zawk, hlauh sa mahnâk alai a.
"Aw le, aw le, kal phawt teh ang." Police officer chuan ahruai chhuak ta a.
Cupid number chu ka dial nghâl vat a, chanchin chu ka hrilh nghâl a, "A ṭhat chu James, kei pawh ka next client túrin ka rawn kír vat dawn nia."
CLARA....
Ka office lam thil ka tihfel hnu chuan Liam room lam chu ka pan leh ta a, Liam chu chhuak tùrin alo insiam mawlh mawlh ani tih ka va hmu a, ahnungah chuan ngawi reng hian ka dimg a, Liam i thil zép chu min la hmangaih reng ani tih hi ani phawt a, mahse engvαnga ilak aṭanga ka inlâk hran hi duh nge i nih?
I muhil.char char a, i rawn ṭhangharh a, min kiss leh a, engtin nge ka tih dawn a, engtiangin nge ka awm ang tih pawh hi ka hrethiam ta hauh lo mai.
"Kha chhuak turin i va inpeih tawh áwm ve?" Ka lam arawn hawi phei chuan kalo nuih var var a.
"Lutuk tlat." Mim nuih ve suk a.
"Lokal phawt ta che."
"Khawiah maw?"
"Huan lamah."
Ngawi rengin min rawn zui ve mai bawk a. Kan pahnih chuan hospital hung chhung huan a ṭhutna pakhat awlah chuan kan ṭhu dùn a.
"Hetiang khawp a boruak thiang hlim híp nawm zia hi ka lo theinghilh daih tawh alawm." Anui chhuak hawk hawk a.
"Hospitalah khαn dar kar 48 chhùng zet i awmtawh tih hi i inhria em oh God."
"Kei chuan kum 48 chhúng zet nimaia hriatna ka lo nei tawh zâwk asin." Za zet hian kan nui dún a.
"Ka rawn harh chhuah a he hmuna ilo la awm reng mai khân mak min tih tir lo thei lo." A tihzawm leh sup a.
"I ti a maw? I thusawi kha ka theihnghilh hauh hlei ném, kam chhuah hma in i thurúk zep tlat min hrilh dawn ti a i sawi kha." Chhuahchhâl deuh titih hian ka tinawn leh a.
"Kan sawi ṭan tawh dawn em niang....eng lai takah nge i awm kha aw....." ngaihtuah múk hmèl zet chuan chunglam chu ka melh ralh a, ka ngawi deuh vang vang bawk a, "Clara min ti zâm chhe zo vek khatia i awm khân." A thaw pa hawk a.
"Kati zâm che a maw, he ka hmangaih tawh lohna che hian em ni lo ti zâm hman che a." Ka fiam pah hlak a.
"Chumi chung châng tak chu ania sawi dun pui che ka duh chu." A aw athian pah khurh a.
Ka bengbul sètah chuan rawn thle pheiin, "Kei pawhin ka la hmangaih remg che ania." A rawn ti ta a.
"Clara khâng kum liam ta zawng zawmg te kha i tello chuan aharsa asin." A hmél chu beidawnna hlír hian arawn luahkhat a.
"Engtin nge kha tiang chen chen kha mahni a hreawm tuar chunga ka lo hmanliam theih tih pawh kha ka hrethiam phαk lo."
"Mahse túnah chuan i tello a mahni a hun hman leh hi ka zuam tawh lo Clara."
"Liam he thu i sawi hun nghâk hian eng tia rei nge ka lo awm tawh tih pawh hi i hrethiam phâk lo mai thei."
"Kei pawhin ka hmangaih che a sin Liam." A nui zui suk a, ahmúi lum ham ham chuan ka heh arawn tawh tír leh tâk avâng chuan engdang mah ka ngaihtuah leh thei tawh lo.
Thaw hlawp hlawp chungin kan inthlah thei táwk a, "Nizan hmasa a i tlúkna khαn héng thil hi a thlentir si a, eng tiang chiah in nge ka lawm tih pawh i hre thiam phâk lo mai thei." Ka nuih pah seih a.
"Eng mah i sawi ve dawn na nge?" Mak ti zet hian ka melh chho a.
"He hmun hi kan chhuahsan hmasa phawt thei em? Hospital hmun ka duhloh ṭhin zia pawh i hriat eeng kha." Ka nui hak hak a.
"Anih chuan lo kal rawh, ka hruaichuak che anga, i in ngeiah ka va thlah ang che."
Liam nén chuan ka car chhúngah kan ṭhu dún rân a, ka car chu tinungin kan tlân chhuak ta nghâl a, "Hey, Clara nizan hmasa chuan engthil chiah maw thleng a?"
"Ka hriatna te chu zâwi záwiin arawn kír leh tawh a, mahse nizαn hmasa athil thlendân erawh ablank vek mai."
A lam chu ka va melh zauh a, barah i awm thu min rawn call khân min rawn hrilh a.....chuan nangmah lam turin ka rawn kal ta a, i rawn sawi dânah khân ka rawn kal loh chuan thil eng emaw ṭha lo tak tih duh hmèl i pu a ka hriat tlat avαngin ka theih anga rangin i awmna chu ka rawn pan ta a....." thâwk ka la pah halh a.
Kal kawng lam bawk chu ka melh leh a.
"Pawi kati lutuk, i zαn hun hman ka rawn tih khawloh sak vek che avαngin, kha tia ka awm chhan kha ka ruih lutuk vâng pawh ani mai thei." A rawn ti ve ta sup a, a aw ah ngei pawh a inthiamloh zia alang hialin ka hria.
"Kha i thusawi tak kha alawm mak ta ber chu, doctor ina min hrilh dân chuan alcohol i inhnem lo ati a, khatia in chahtglαk nachhan ber ni a asawi pawh i dose ahniam viau anih aring bawk."
"A nihloh pawhin Valentine's Day ka ngei avângin cocktail ka in a chuváng pawh chu ani maithei bawk."
"Anih leh engtik aṭang khαn nge Valentine's Day chu ilo huat ve ém ém a, kan pahnih a kan inkawp lai te kha chuan alo thlen hun túr kha i nghαkhlel thei hlé ani lawm ni?" Ka ti ve khauh a.
Kha mini kan inṭhen tαk ni aṭangkhαn nita berin ka hria, ka hriat dân chuan, ni e, kan pahnih khαn khami ni kha hlim takin kan hmang dún ṭhin ngei alawm, chu vαng tak chuan he ni alo thlen apiang hian thil engkim min hriatchhuah tir tu arawn ti lo thei ta lo a, chuvânga haw ém ém ka ni ta rèng a ni."
"Clara i hria ang chu, hetiang thil hi túnhma zawngin la la tawng ngai hauh lo tih pawh, kei chuan hna hnuai hnung zet thawkin tow truck mai mai a ka nun ka hman laiin nang erawh chuan hna sang tak dollar million chuang hâiluh theihna hmunah hna i thawk a." Tháwk ala hawk ri chu ka hre thei!
"Liam i hna thawh kha ka ngaihvenna chhan che ani hauh lo, chuan kha tow truck kha lo kalh lo ang ta la, khami ni a ruahsur tam fe karah khán tunge min rawn chhan chhuak ta ang a?"
"Khami ni zet kha chu khawvela a ni romantic lo ber te zîngah kan chhiar tel ve theih ngei ka ring."
"Liam ka tân chuan aṭha táwk tho tho."
"Clara vawiin a ka bula hun i hmang hi ka tân chuan inchhuanna tham atling hial záwk a sin." Chutiang ang tluk chuan Liam chu ka lakah alo inphah hniam mai chu ania le.
"Ka harh chiah a i hmél ka han hmu thut kha chu tui pui thûk tak hmuna anchor ang nihial hian ka hre hial bawk asin!" Eng thu chu nge asawi tâk chiam chiam ka hre thiam ta hauh lo, Liam hi ala dik chiah lo deuh pawh ani mai thei.
"Vawiin hian i hna i kal loh ka ring ve ngawt a?" Alam chu ka hawi leh zauh a, "Kei pawhin chutia rin chu ka châk ngawt mai, mahse office lamah hna pawi mawh tak mai tihfel tûr ka nei a, chu vâng chuan ka kal ngei erawh angai ang, mahse min rawn call kha theih nghilh miah suh ang che." Ka ti lèt a.
No comments:
Post a Comment