SEDUCTIVE

 
            SEDUCTIVE

         Sangtei Khawlhring

Ka story reng reng alink nen lo chuan khawiah mah post chhuah rem ka ti lo, alink nen erawh khawiah pawh insuan chhuak thei ang.


ELEANOR...


 HOTEL COOPER

" Eleanor phone kha khawih tawh loin i uniform inbel vat tawh rawh." Sofia aw fiah ṭha zet leh fiak ṭhakin arawn tih chuan ka phu zawk, ka phone ken lai pawh ka thlauh ṭhelh leh  nghâl.


A lam chu ka hawi phei a, a ti mai mai lo tih hi ahmèl thutak rân aṭang chuan ka hai hauh lo. Sofia hi he hotel ka thawh aṭanga ka kawp ber leh ka biak ber a ni a, ani hi ka chungah a awm a, kei ai pawhin he hmunah hian a senior tawh záwk bawk a ni; vunsen uk kharh mai keimah ang lo takin anei bìk a, asam pawh chu ka sam rawng anglo takin abuang uk kharh bawk; a mitmu thleng chuan rawng uk buang thak a ni a, a inhmeh phian, a sam erawh tawi takin a tan mαt thung!


Ka uniform shirt var leh pawnfen tight ve lampang sen chu ka inbel ve ta vat a.

Ka insiam zawh hnu chuan ka tih tur chu a sawi ta nghâl a,"Mi pawimawh tak tak an rawn kal a, wine man to chi an lam a, i high class waitress hna hi i chân duh lo ang ti raw?" A inkuangkuah hlân a.


"High class a?"

"Kei chu diamond anga inngai mihring zìnga lung satliah mai chauh ka ni in ka hria."

"Han nui phawt teh!" A mah zâwk chu anui chhuak sânga, "He hmun aṭanga paihchhuah i duh loh chuan inkiltawih viau lo mai rawh."



"Chutin mahni inkiltawihna ka neih pawh ka hre lo ve." Ka thle pah nghalh a.


Núr nâng hian min rawn melh a, arilru a sawhsawn dawn hauh lo tih ka hriat chuan phúrlo zetin worker dressing room chu ka chhuahsan ta a.

Hall ka chhuak chho a, wine, glass a thlit chhuahsa chu tray in ka chawi tel bawk a, chu hmuna hmeichhe nalh tak tak awm ho zawng zawng chu pasal ṭha tak an neih avαngin ka awt kher mai.

An hairstyle chang kang tak tak tùnlai ber ber a an tih te chu an kut tin lem vuah ang tluk zetin a to ka ring; an kal pah a lansan tum ni ang ziazαnga an pheikhawk heel sang tak tak bun te chu mak hi ka ti zâwk hial . Engtin nge saw tiang ang zet asâng bun chung sáwn an kal âwt áwt theih zâwk chu le? Anhawi her chαngkang tak tak te chu peal ṭhi tle nalh tak ang mai a ni.



Thiltih theihna, hmingṭhatna leh hausakna, he thil pathum te hi ka nunah a awm ve lo.


Chumi te ka thlìrna aṭang chuan ka mit ka la sawn a,.ka kalna túr tak lamah kal ka tum a ka inher chiah  mipakhat hi ka su ta pawp a, a suit hák man to hmèl zet, acheina chen a kut ngat a ṭhui chawp ah chuan ka wine chawilai chu ka tibaw palh ta chuai a.


  "God." Keimah zâwk chu ka âu chhuak ṭhat a.


"Ka tihpalh lutuk." Thupha ka châwi nghâl thuai a.


Chu pa chu ka bulah ding rûnin ahmélah chuan lungâwilohna nasa zet hi ka hmu a, ka kut a ka thil ken lai chu dah ṭha vatin, a kawr chung hâk chu ka kutin ka ben sak nak nak a, he thu hi dics kan play lai tâng ang mai hian ka sawi nawn leh a, "Sir ...pawi ka ...ti lutuk....pawi ka ti tak zet."

• Chu pa chuan ka bânrékah rawn hmerin chu hmun aṭang chuan min kái deuh dâwr dawr a, bang kil lamah chuan min nawr phei a, amitmu rawng grey colour thla ang mai a éng derual ṭhawih chuan min melh chhuk ta rún a.

"Engthil nge i tih tih hi i inhria em?"  A ṭawngkam chhuak chu avawt ruih a, nélawmna rⅇng a nei lo,  ka chan ber chu zân reh tak hnuaia sihal ú rawng rawng thâwm hi ka tehkhin ber, chu thil chu ka hlauh ṭhin ém avângin.


"Ngaihdam ka dil tawh kha."


"Awlsam zeta ka tihpalh tih kha maw.... he ka kawr chung man dollar 20,000 hi min pe kìr thei em ni?"


"20 thousand dollars maw?" Ka phu zawk, makti zet hian ka meng kawl kawl a, oh, chutiang ang pawisa pék tur chu nei ni ila he waitress hna hi ka thawh zawm tawh nguar ang.


"I â ta chu ani ém lo maw? Engvânga chutiang zât zât man lei nge maw i nih le?"

"Ka bank account a lian a pawh ani mai thei asin ." Chu pa chuan khaw dang a hawi sawn lo hrim hrim, thinrim avâng a, mitmeng vawt ruih chuan min melh chhuk rún a, awlsam taka min kalsawn tir pawh ka ring hauh lo.


Chutiang ém ⅇm a mipa nelawm lo leh thinrim hmél chu pu lo sela chuan mipa hmélṭha tak leh hmeichhia te híp thei tak tûr a niin ka hria, mahse túnah zet hi chuan hmeichhia te huat ber ani hial âwm e.


"He ka kawr i tih chhiat man hi min pe dawn lo anih chuan ahnu leh a awm ngei ang."


Chu mimawlpa chu a che chhuak thut a, ka inrin loh lai chuan adarah zo zet hian min pu lawp a, hall aṭang chuan min kal chhuah pui ta nawl nawl.a.


"Mimawlpa eng thil nge i tih hi i hria em?"


A hnunglam thingzai phék angmaia changah chuan ka tha neih tâwp tâwp chuan ka chúmin ka ham a, mahse ani ve thung chuan chu tia ka khawihna te chu engah mah min ngaihsak lovin a kal miah miah thung!



Elo, gym ah kalin training ilâk belh ngei angai ang.  Mahni chu ka inhrilhru mawlh mawlh a .


Room pakhat chu anam hawng rawp a, tah chuan min nghat ta chawrh a, ka pai deuh dat dat a, ka hnung lawk a sofa awmah chuan ka ṭhu thla hnak a, ka ding chhuak leh vat a, a mitmeng vawt ruih leh ahmél thinrimna hlìra khat chuan mi rawn enchhukin,"Mi ina min tih thinrim chuan eng thil nge an chungah thleng ṭhin tih hi i hria em?" A ti chhuak hrawih.


Ka hlâu hauh lo, min tihzám atum chiang, ahlawhtlinloh zia tur chu(h), hetiang a mipa ina an vau zâm mai mai theih ang chi hmeichhia ka ni hauh lo.
"Mi ina min tih thinrim chuan eng thil nge an chungah thleng ṭhin tih hi i hria em?" A ṭawng dân chu ka zir khum a, atih ang chiah chuan ka tih lét khum ve siah, ka mit chuan cho zet hian ka melh chho ve rân bawk.

Min menkual khum rulh a, "I naupang chhia lutuk." Ati leh hluk a.
Chu pa sam chu a kir lek lek a, a mehdân chu asam put dân ang ve túr réng niâwm tak chuan a inhmeh phian, asam dum hlap chuan ahmél put zia lumna réng réng neilo vawt zet chu ati langsαr zual sauh bawk!


 "I naupang chhia lutuk." Ka ti veleh ngat a, atihdαn ang tak chuan ka menkual khum veleh ralh a.


"Ka fâwp che anih chuan min fâwp lét ve ang em?"


"Ka fâwp che anih chuan min fâwp lét ve ang em?" Ka nuih khum vawr a.


Nuihmél apu ve hauh lo, "Aw tih kha ka thlang mai ang e."


Ka chhânlét hman hma chuan rang zet hian arawn che chhuak a, a hmúi chuan ka heh chu a nawr kâu a, banglamah chuan mi nawr bet pahin a kut chuan ka nghâwngah a chelh a, ataksa ruh ṭang mai nghéng tur chuan min siam zui nghâl a, chutia atih hnu chuan aduh ang tâwkin min fâwp ta mial mial a, mi atih dán ang ang chuan ka awm tawp, a ngaihna rèng ka hre lo, afawhna chu ka lo dawh ve tawp ringawt, amarawh chu athil rawn tih teh thut chuan min ṭhâwn èm avángin ka khawng awt, aduh thawh telh telh a, mifawh mai pawh duhtâwk talo chuan ka kâ chhûng thleng chuan alei sa ṭha zet chuan  zei tak hian a hâwl kual zui ta a.


Ka taksa pumpui mai ami fawhna avânga sa chhuak nghâl ta vek chu ka hai hauh lo, chu chuan fawh lét ve châkna min neih tìr a, keimah ah thil mak tak leh danglam tak a thleng ka ti lo thei lo; chu thil chu, chu pa ina min fawhna uar zeta lo chhânlⅇt ve duhna a ni, chu hìpna chu atak ém a, mahse hmangaihna erawh ani lo.


Phùrna sâng zet mai chuan ka taksa chu tui fáwn chhah takin a a chìm hlup hlup ang mai hian chawplehchilhin min tuam chhuak vek a, chu tia min fawh pah chuan zei tak leh hmanhmawhna nei hauh lo hian akut lum thar thar chuan ka waitress form hâk kawrkilh chu zâwimuang hian aphelh thla zél a, kan thaw achham dawn avâng chuan a kuta min dawmbehna chu thlahin thâwk kan la dùn a, ka chhíp aṭanga ka ke ler thleng mai chuan amitmeng hriatthiam har zet chuan ka taksa chu  melh thla dan dan a, Elo engthil nge thleng ta hi? Mahni chu ka inzâwt a.


Ka biang chu arawn sa hat hat a, ka sen pah ṭan ṭan tih pawh ka hai lo, chu thil chuan min tihrilhhai a, angaihna tak pawh ka hrethiam lo, ka kawrkilh inphelh tawh sa aṭanga ka taksa rawn lang ta hiau chu a nasa deuh mah mah, ka kawr chu ka pawt chíp deuh châih châih a, chu pa ka hmélhriat pawh nilo chuan ka taksa chu duh aia tam a hmu tawh, zâwi muang hian kut khûr deuh hlak hlak chungin ka kawrkilh inphelh tawh chu ka kilh ṭha pah malh malh a, Elo ahlauhawm lutuk, ahlauhawm tak zet, he hmun hi chhuahsan rang rawh.

Ka rilru chhùngril aṭang chuan chu thu chu zâwite a min hrilh tu a awm a, ka ngaithla bawk, rang zetin chu hmun chu ka tlân chhuahsan ta vat a.


WESLEY COOPER .....

Ka pa chuan kan company hrang hrang kan hotel neih hmun hrang hrang ami chu tlawhkual túrin min ti a, hei hi kum tin kum tir lama kan lo tih ṭhin dân ang a ni a, he thilah hian kan workers te leh kan mirawih hrim hrim te an lungawi em tih te leh kan customer ten enge buaina leh complain anneih tih kan zawng ṭhin, chutiang chuan kum tinin ka pa nén chuan atu emaw zâwk zâwkin kan ti ṭhin a, tûn ṭum hi ka pa tihni a ni a,  ka buai teh lul nèn ka pa chuan kha hmeichhia ka girlfriend rual lek ngaihzâwng aneih leh avángin, atih theih dawn loh thu leh chawlh hmang lawk túra kal atum thu min rawn hrilh a, ka pa chu ka ngei ru hle bawk; chu chu thuhran ka hnuaia thawk te zínga mi pakhat che fímkhur lo zet mai hmeichhe pakhat mâwl tak chuan ka kawr hâk manto zet chu min la tih chhiatsak vek zui bawk a, chu nu hrem tuma room lama ka pu phei chu aṭawngkam hman achaltlai reuh viau tih ka hrechhuak ta a, achhan pawh ka tihdân azir zèl mai chu ka ngaithei hauh lo, achimawm ru phian, he hmun neitu ka ni tih ahriatloh avángin mithar anih ngei ka ring.


Chu hmeichhe chaltlai tak leh kawlh hmél zet chu hrem a hmeichhia anih zia hriat nawntir tuma kiss mai chauh ka ni, amah erawh chu midang tumah a ka la tawn ngailoh phúrna mak zet mai chu he hmeichhia hian min pe thei tlat.

A hmûi no zet senhlar ah chuan amah hremnán fawh rík ngawt tum ka ni a, mahse ahmui ka fawh sak chiah chu tih danglamin ka awm nghâl a, he thil hi hmeichhe tam taka ka tawn ngailoh thil ani tlat, Wesley Cooper zan tin ahmeichhe kawp thlâk reng ṭhin ti a ansawi ka ni a, mahse hmangaihna leh girlfriend tih ang reng hi chu ka tan engtihna mah a ni ngai lo.  Wesley eng thil pawi tak nge rawn thleng ta hi?


ELEANOR...

Chu room aṭanga ka chhuak chu motor parkna lam pang ka pan vat a, ka car táwng ve tawh tak athar leina ka neih loh avânga ka la khalh kual ve châm chi ṭhin chhúngah chuan ṭhu lûtin inlam pan chuan chu hmun chu ka chhuah ta nghal a.


Achhan chu kha hmunah khân hna thawk turin zaninah chuan ka kîr thei tawh rih tlat lo.

"Ni e, kha tiang thil athlen tawh hnu ah ngat phei chuan ka kir thei tawh lo ang." Ka phun chhuak sap a.

Ka car khalh lai ngeiah pawh chuan rilru ka pe thei lo a, car wheel ka vawnna ka kut chen chuan akhùr hlawk hlawk, chutiang bawkin ka ke lam thleng chuan a khúr vek.....nilo nilo, ka ngaihtuahna mai mai nilul teh se.

"Oh, kha mipa mawl zet suit ha, ahming pawh ka hriatloh kha chhan awm lova engvânga fawp ringawt nge maw ka nih chu le?"


Tui luma inbual a chawlh hahdam vang vang ka ngai a ni, chu chu ka mamawh ber pawh a ni chiah réng.


ALEANOR HOUSE....

In ka thlen veleh ka room te reuhte lam pan chuan ka tlânchho nghâl a.


"Sweet home." Ka inthuamna ka hlìp sawk sawk a, towel nen chiah bualin lam chu ka pan ta a, tuilum chuan ka inbual sar sar a, ka lu erawh ka ti huh tel duh lo, hnathawk lai ka ni a, ka damloh palh hlauh chuan ka tân abuaithlâk zo vek ang.


Bathroom aṭanga chhuak lehin khum lam chu ka pan phei a, kawr pawh hata lem lo chuan towel chauh a intuamin ka awm ta vél mai mai a.  "Vawiin khán sawi pawh sawi lâwk lo in engvângin nge ka chhuah tawp tih chu naktùkah Sofia ka hrilh mai ang."


"Min thah duh hial ang, mahse min ngaidam duh ngei bawk ang."


Light ka off a, mutthilh ka tum ta a, mahse ka muhil thei mai lo. "Min ngaidam theilo bertu tur chu ka boss a ni. " Eng ang mizia nge a neih tuh kah ka hre lo mai pawh nilo in, ka la hmu lo hrim hrim.


Chumi  zán chuan ani ka khum chu mi pakhat tân a alian lutuk lam hrat a ka hriat tâk chu, a chângin a rawn vawt a, achângin alum viau bawk a, chuan thil pakhat tui taka min mut tir theilo tu pawh a awm.


THE NEXT MORING.....

GRANDMA....

Mut kham lo hle mah ila ka thawh ang hun ṭhinah ka thawh ngei ngei angai, ka pi chu ka hre chhuak zawk, nizán ka haw ka rilru chiâi lutuk avαngin ka pi room lamah ka kal ta miah lo tih ka hre chhuak a, towel chauhin ka inthuam tih pawh hre lo in ka pi room lam chu tlαn chungin ka pan thla a, aroom kawngkhαr chu ka hawng rawk a, "Granma i ṭha maw?"

Ka pi chu alo chauh hmél kher mai, a mutna khum chu kún chung hian alo dawm ngawih ngawih a, ka pan phei nghâl thuai a, a bân chu ka darah nghahsakin ka kaihkuah a, akhum lamah chuan ka mut fel tir leh a, khum lama amut fel hnu chuan thaw hlawp hlawpin arawn ṭawng chhuak a, "Ka kal nasa lutuk a chuvâng mai mai anih hi!" A rawn ti a.

"Hush, Granny ṭawng chhuak rih suh ka lo pui ang che, lo ṭang ve lo la, hahdam tak a awm kha lo tum tawp mai rawh."

Ka pi nghenchhan tur chuan a lukham chu ka kam sân belh a, hahdam tak a athâwk theih dán tur ber chuan a ka ṭhut mut tir titih a.

"Tikhân azia deih em?" Nui hmél pului zet hian zalo tak chuan ka nuih sak a.

A lo bu ve nghat nghat, ka pi hriselna hi ka pe lét leh thei ang em.....ka peleh ngei ang, engmah hrehna tel hauhlo a hna ka thawh ngat chuan, ni e, engmah thawhhreh ka nei túr ani lo.

Tháwk ka la hak a, "Hna kal turin ka chhuak dawn nia, ka rawn tlai deuh anih pawhin ngaihtuah duh suh, i damdawi eitur nⅇn ka rawn kír leh ngei ang."


Granny chuan nélawm zet hian min nuih var var a, ka tétlaia ṭanga min enkawl seilian tu hi Granny a ni a, ka tân chuan ka nu leh pa diktak a ni.


"Ka hria alawm, ṭha takin chαwlh hahdam lo tum ang che."


Room chu ka chhuahsan leh a, kawngkhar ka khar fel chiah ka mi va tawh chu....Damnit, "Honey khawiah nge kal i tum?"


Towel nen chauh a inthuamin Granny room lam chu ka pana, he pa hi a awm ve tih hi ka lo theihnghilh leh ṭhin!


A ni hi George a ni a, ka patea a ni, he inah hian achéng ve a, ṭhian tumah anei lo a, anunah hmeichhia tumah an awm lo bawk a, Alcohol hi aṭhian neih chhun ani a, chumi mil chuan a khawsa bawk .


Ka patea nen kan inkarah thilthleng a awmtawh avângin kan pahnih hian inhuatna thûk tak kan nei a, chuvângin ka pi nilo midang ho chu theihnghilh hmak ka duh!


"Hnathawk turin ka kal dawn!" Ka tih khum hmak a.

"Chuti tut tut lo deuh chuan maw le." Min nuih vawr a, ahmél zu ina a eipuam ûl tawh leh zûr chhe hneh tawh taka nuihmél ngei awm zet arawn pu chuan ka luak ati chhuak ngawih ngawih, min la en chik em em leh nghal.


"Vawiin chu nidang zawng aiin i duhawm zual sauhin ka hria, kei tih chauh loh mipa dangin anfawh che ka remti lo ang, achhan chu ka thík dawn avângin."


Chu thu asawi chhúng zawng chuan rápthlâk tizet leh ten ngawih ngawih hian ka lo melh kawl kawl a, "Tenawm lutuk." Ka ti hlak a.


"Eng maw i sawi a?"


"Ka kal dawn."

Rang zetin ka room lam chu ka pansan dawr dawr, bathroom lam ka pan vata, ka chhuah leh hnu chuan ka thawmhnaw dahna chu ka hawng a, thawmhnaw ka nei teh ual lo, nimina ka hmuh hmeichhe dang ho ang khán thawmhnaw nalh tak tak háktur ka nei ve lo a, chúng leina túr chuan pawisa ka nei hek lo.


Kawrfual dum ṭhui pâng ngai tak ka thlang chhuak a, oh baby he kawr hian alang hot tir viau che a nia, darthlalang hma ah chuan ka innuih sak a, ka sam rawng buang thar ngil tle siau chu ka thlah tawp a, ka mitmu pawdal raih mai phi deuh chiai chu ka meng zαu deuh kâk a, duh aiin ka meng zîm mah mah meng lian ve kel kawl nih chu ka châk ṭhin.


"Ni e, ka hria alawm, lo meng zìm deuh hlek pawh nila, i hot tho tho." Ka nui chhuak hak a, pheikhawk kaih dum bawk ka bun leh a, khuma ka bag dah chu la in ka hna thawhna lam pan tûr chuan ka inkhalh chhuak ta a, tûna ka car khalh lai pawh hi Granny ta ani a, adamloh tâk avângin hna kal nân ka hman sak ta ṭhin a ni, a ṭâwng ve tawh viau achu athar lei chu sawi loh, ka hlawh hi mahni tâna hman theih pawh ka nei ngai lo, Granny damdawi lei nân kan hmang zo nghâl zel ṭhin!



"Vawiin chu hnawchhuah ka tawh loh hrám ka beisei." Ka phunchhuak sap a, diktak chuan nimina ka awmdân avâng khân min hnawt chhuakin he ka hna neihchhun hi ka chan ang tih mawlh chu ka hlâu a, ka car hlui zet chu parkin hna thawk ho inthlαkna hmun lam chu ka pan veleh a, Sofia pawh alo awm leh diam tawh. "Eleanor chu a tlâi ....leh pek ta a ni maw."

A chal chu a bèng pah deuh dat a.

"Eleanor rang takin lokal vat teh!"



"Sofia tikhân âu vak vak ṭhin lo teh khawngaihin, zîng kar chauh ala ni hi !" A bul ka thlen phei  hnu chuan ka ti ve raih a.


"Engvángin nge nimin khân i hnathawhna hmun aṭanga i tlánchhuah chhan?" Min zawh ngei kha chu rin sa a ni.



"Thil tih tur pawimawh tak ....ka nei a." Ka aw chhuak chu abah deuh nak .



A phu zawk a, "I pi a ṭha maw?"


"Yes, amah a ni lo." Ka chal ka dawm zauh a.


"Ka buaina chu midang vâng a nia."

Mipakhat sexy zet leh hot tak vânga buaina, chu thil sawichhuah chu ka châk kher mai, Elo khalam chu ngaihtuah tawh suh!


"Boss in a hmu duh che."


Crap Nuamlo ka ti ngei mai.


"A main office 25th floor ah a awm ang."  Mi ngaihtuah hmél zet hian ati chhuak sap a.


"Oh, no....." ka hmúi ka hup cháih a, sawitur ka nei hauh lo.

"Mood ṭha tak alo neih theihna turin ṭawngṭai ringawt mai rawh, midang sawi ka hriat dânin asual teh mai a nia."


"Ugh, ka mitthla thei hial mai." Mang ang zet hian ka ti hlut a.


Thaw ipik ru tak chuan Sofia chu kal sanin lift lam chu ka pan a, lift chu ka duh aiin a kal chak mah mah, ka duh anga thâwkna hun pawh ka nei hman lo tak ngial dawn, tháwk ka la mawlh mawlh a, ka boruak híp te chu an tlém ta viau emaw ni, ka âwmah chuan min rawn hnawh chho mup mup a, lung rit tâwk tak hian ka âwmah chuan delh bet ta tlat ang se chutiang ang vél chu a ni e, thâwk harsa ka ti tak zet, kan boss hi ka la hmu ve hauh lo a, Sofia sawi dân khân asual hmèl bawk nèn ka hlâu nghâl ri ngawt, ani chuan he hna hi engvânga thawk nge ka nih tih pawh ngaihtuah lo in min bân pawi ati der bawk dawn si lo. Chutia lift chang kâng zeta ka chuan chhúng zawng chuan ka kut leh ka ke zawng zawng chu khúr lo lai rèng réng hi a awm lo, ka boss office aṭanga bânna néna chhuah chu ka thil duhloh ber te zíng ami a ni bawk, ka taksa pumpui khúr nasa lutuk chu thunun hrâm hrαm ka tum a, ka chuanna lift ina floor tin mai akal pél lai chuan company lian tak leh chang kâng zet ani tih min hriatnawn tir mai mai lek tu bâk hmuhtur ka nei lo .

He hmunah hian waitress anga thawh chu hna hnuaihnung ber te zìng ami ani a, mahse ka tân ve thung erawh chuan Granny nén a kan nun khawchhuah theihna ani tlat si, ka tán chuan tè lua a awm tlat lo.


Floor 25th na ka thleng ani tih hriat zet chuan lift chu ari tlang a, huphurh ru tak chung chuan ka chhuak ta a, ka hma a room kawngkhαr lian ṭha tak mai hnûm tle hlurh chu thinphu dup dup chung leh tháw dep dep in ka pan phei a,  ka kut la khúr deuh dar dar chuan kawng khαr chu ka nam hawng dák dák a, huphurh zetin ka lût ta zân zân a.


Kawngka ka hawng ka lût chiah, mipa sáng ṭha tak mai fit ruk chuang ngei túr samdum hlap mai chu keimah min hnungchhawn zâwng chuan alo ding a, chu pa landán chuan nimin lama mipa min kiss tu kha min hriatchhuah tir thut.


Min hnungchhawn zâwng chuan phone alo be mawlh mawlh a, aphone biak dân a awka chhuak chu a khûr deuh lek leka hriatna ka nei, kawngka ka hawn lai leh ahnungah ka ding reng tawh tih chu a hre lo bawk.


"Nilo, Âih ka tih tawh kha, Ugh."



"Thil ṭûllo tak sawi nân hun ka nei lo."


"A ngailo ka tih tawh chu maw le, ka chhânna chu engtik lai pawhin âih tih ani remg tho ang, damnit."


A ṭawngkam hman dân bung vut mai leh thupe aw zet te vín tak si leh vawt ruih mai chuan ka thlíng a khawih a, Soafia sawi ang ngei mize nei kha anih ka ring nget tlat bawk, a hnunglama ka dib tlat avângin a hmél erawh ka hmu thei lo.


"Boss, minlo hrethiam lawk...min be duh em ni?" Chutia an inbiakna lo ngaihthlâk reng pawh chu nuam ka tih loh avângin ka ti chhuak ta a.


"Phone ah mi ka be mék tih hi i hmu theilo hrem emaw ni?" A aw hriam zet ina rawn tih pah chuan a rawn inher a, a mit meng fím zet leh thinrimna avâng a de rul chuan min rawn en a.


A hmél ka hmu zet chu ka phu chiang kher mai, "Nangmah leh bawk maw?" Ka hlauhthâwnna zawng zawng te chu thinrimna hian arawn luahlân nghâl a, nimin lamah he pa vâng hian ani lawmni he hmun ka tlânchhuahsan na chhan kha?


"Kei pawhin i sawi ang chu ka sawi ve nghâl e mimawl...."

Ka dah phawt mai ang, ka bul ahi hmeichhe pakhat mawl zet mai min zarbuai turin a awm." Phone chu acut nghal a.


"Ngawi hmak rawh asshole, he ka thil neih ang αia i taksa péng pakhat kha alen bíkna tur pawh ka hre lo ve."



"Chu min challenge deuh tihna mi? Achhan chu kha i thilsawi ngei khan surprise ka pe thei ngei ang che tih hi ka chiang viau a nia." Mi nuihsawh hmél zet hian arawn ti a.


"Tenawm lutuk." Ka ti hlak.

"Kha thil kha nangma rawn sawi ṭan ani lawm ni, tinge túnah tenawm i tih leh tαk?" A aw chu avín leh tawh kher mai.

"A enga pawh chu ni teh se." Chu pa chu ka hláu hauh lo.


"Hetah te eng nge i rawn tih?" Min enrun pah chuan ati leh hmuk a.


"Boss in min hmu duh a, nang, hetah eng nge i rawn tih?" A phone alo khawih leh mual mual tawh, athusawi chu ngaihven turin min duh a, ka thusawi ve erawh ngatan mah angailo niber in ka hria.


"Nang le? Hetah eng nge i tih ve mimawl?" Ring zet hian ka tihkhum leh tuar a.


"Hawihâwmlo taka inbiak kha i tâwp thei tawh em?"


"Zawhna ka zâwt che alawm, min chhâng vat mai rawh."

Za zet hian anui chhuak ta hawk hawk a, chu chu anuih ve ka hmuh vawikhatna, mahse atilang ṭha phian, "Tûn thlengin ila hre chuang na nge?"

"Eng maw ka hriat ang a."

A la nui hawk hawk, ka bangbo hmél a hmuh chuan a za tulh tulh emaw tih túr hi ani a, mahse ka nuih a za ve hauh lo, ka zâidamna chuan atlin ta bík lo a, "I nui kha tâwp la sawi vat mai rawh túnah!"


"He company hi ka ta ani a, nang hi ka hna thawk tute zínga pakhat i ni-- chuan nang pawh hi ka tâ ang tluk i nih tâk chu!" Túm hmuk chung hian arawn ti ta a.


Ka phu nasa dâwrh dâwrh lutuk, ani theilo, ka boss maw a nih a? Chu achhapah alakah ṭawngkam mawilo zet zet ka la hmang bawrh bawrh zui leh ta nghâl.


Ka hmél chu thlarau hmu ta hial ang mai hian a dâng var vekin ka ring, chutianga ka hmél ahmuh avâng nge ni, min menkual khum rulh a.

Induh zawng anih ngei ka beisei, current kam neihna ala reilo ém a, pic pawh ka dah thei rih lo, pic nalh tâwk tak nén kan inhmu leh vek dawn nia.p