Cupid's Arrow Chapter 4

CUPID'S ARROW BUILDING......

CLARA.....

Liam ka thlah fel hnu in kan office building lam pan chuan ka inkhalh lét leh a, office chhûng ka va luh chuan James chu alo buai leh malh malh tawh, heti ang chiah hian i mipa chu i hmukir ang. Tih ngaihtuahin ka nui chhuak sak a.

"James i ṭha maw?"

"Khatia anhnúk chhuak lai ka hmuh khân ka nuna thil tawn pawimawh ber zínga pathum ah ka ngai hial in ka hria." Hlâuthâwng zet hian alo ti hlawp hlawp a.

Za zet hian ka nui chhuak a,"I lo ṭha chu ka lawmpui a che, chuan kan client dang te atih hlauh loh hrám ka beisei."

"Oh, eng thil chuan nge i mood ti fuh ém ém mai chu le?" Chík zet hian min rawn thlék pah he haw a.

"Liama'n min la hmangaih reng vângin maw le." Phûr zet chuan ka ti sârh sárh a. "Hey, mahse engváng nge tih erawh chu min záwt rih hauh suh, eng thil nge lo thleng thut tihah hian rindán mai ka la nei huah lo a nia, ama'rawh chu thil ṭha lama ngaihtuahna sén hi ka thlang záwk tho tho."


"I rawn hruai kír leh ngei ang tih hi ka ring réng a, chu vawiin chu nitha zet zu ni a." Hlim zet hian ati ve hlut a.


A hmél chu tlémgin arawn ngui hmèl leh deuh rawih a, "Mahse aleh lamah ve thung erawh chuan, ka thi ṭèp chuan ka hria."


"James, lo lawm nân chuan ala hma deuh mah mah lo maw? Police ho chuan reilo te chhûng chu an chelh thei teh meuh mai, mahse arawn kîr leh ngei ang tih erawh ka chiang a ni"


Kawngkhâr rawn inhawng ri chu kan hre nghâl a, phâwk zet hian Janes nén chuan chulam chu kan hawi rual ṭhawt, "Cupid i sawi dik hle mai." Chu pa ngei chu arawn lût leh tih ka hre nghâl a, ahmél ka hmu chiah chu mak tihna avângin ka meng bial kawl kawl a, "Oh, come on!" James chuan lo tih ve pahin chu pa lam chu thîp zet hian amelh ve ráwm ráwm a.

Nilo, nilo, he pa hi, arawn pén lût a ka hma záwnah tak chuan arawn ding ta siah a, "Nang hi nizan hmasa a Dark Angel Cluba ka hmuh pa kha i ni chiang mai." Chu bák sawi tûr ka hre mai lo.


Ka harh chhuak zawk a, "Nang hi maw James nunna chung chânga vauna pé tu chu?" Ka kut lehlam pahnih chuan ka lu ka dawm a.


"Eng ang chiah a bawlhlawh nge ka chungah i rawn put luh tâk mai le?" Ka ti keh chûl a.
Mahse James min rawn hrilh dán khân he pa hi kan tihbuai theih chi ani lo a rawn ti bawk si, engtin nge ka tih tâk ang, a thinrimna záwnga ṭawng chu achi chiah loh mai thei.


"Enteh hei mi rawn zawn ang ngeiin heta hi ka awm tawh e, eng chung châng nge sawi i duh chu ni a?" Ka ti ta záwk a. Ka thinrimna chu ka beng dâi ṭáng ṭâng a.



"Cupid i ngaihtuah dán ang ai pawh khân kan inang záwk ang, chuváng chuan nang nén a afála inbiak hi ka duh!" A ti leh hmuk a, khami zána ahmèl nèlawm zet leh nuih hehna te kha ka hmu tawh lo hrim hrim.


"Khati ang thil i tih tawh hnuah leh lek phei kha chuan i thusawi chu ka pawm i ring chu ania maw?"


"Kha aia vauna nasa zâwk min sawi chhuahtir tum lo mai rawh!"


"Min ti ti pui ngei angai ang i duh emaw duh lo emaw, i duh ngei erawh angai ang." Min melh rum kher mai, ngam leh ngam lo hian chu pa mit meng ukkharh chu ka melh chho a, mak tak maiin amit meng uk kharh kârah chuan asen rûm hian ka han hmu nghe nghe, chu chuan hlauhna namen lo min neih tir a, ṭawngchhuah mai nacháng pawh ka hre lo.


"Thil chu a awlsam záwngin ti ila, tichuan tumah an na lo bawk ang."

"Nâ i ti a maw?" Ka phuzawk a.


"A ṭha e, minute nga hun ka pe ang che." Ka ti ve ta ṭáwk a.


Ka office lama lût túr chuan ka mitmei zauh a, ka chesawn ta nghál a, chu pa ina ka hnunga ngawi remga min rawn zui tih ka ngaihtuah záwng ri gawt pawh chuan ka khûr ru der der.

"Kei chu hetah ka lo awm mai ang, ngawi rengin inthusawi ho te kha ka lo support ang che u." James chuan a awmna aṭang chuan arawn ti láng lâng a. Engtin mah ka chhâng lét lo, chhânlèt beisei a rawn sawi pawh nilo in, chu pa chu aṭih ru ve tho tih pawh ka hai bîk lo.


Ka office chhûng kan luh chuan ṭhuthmun kan rem a, ka client te ho ṭhutna ṭhin ka hmazáwnah siah chuan ṭhutna arawn rem a, uluk zet hian min melh ta khur a, chutiang ang taka chianga min melh te chuan engtin nge ka ṭawng chhuah ve ngam ták ang? Clara huaiswn taka awm tum ringawt rawh tiin ka infuih ru mawlh mawlh a, tháwk ka la halh a, "Minute nga hun i neih kha, tûnah i ṭan nghâl thei ang, sawi ṭan rawh le, i hming aṭangin emni i sawi chhuah ṭan ang?"


"Ka hming ka hrilh che hi apawimawh ber ka ring lo." A rawn ti leh hmuk a .


"A dik em Clara?"

"Clara ti raw kha?" Ati nawn leh ngat a.


"Ka hming....."


Ka phu chiang kher mai, mask pawh ka invuah reng si a, engtin chuan nge maw ahriat theih hrep chu le? "Engtin nge ka hmung diktak i hriat záwk chu le? Ka real identity thleng thleng!"


Za zet hian anui chhuak hawk hawk a, anui ri chu nalh hlè mah se, tûn dinhmunah zet hi chuan ka ráp lek lek, "Chu aia tam chu ka hriat ka ring."


"A bík takin tûkin zínga i ex- boyfriend Liam nénna inhun hman dán te thleng thleng nèn maw le." A nui leh ta nghek nghek a.

Ka hmélah chuan mak tihna leh amah ráp na chu ainpawlh nawk ang chu, "min lo spy reng tihna em ni chu?" Ka nuih aza ve hauh lo.


"Ni chiah e, hmânlai angin competition line hi sizing ṭhat ka tum mai a nia, amaherawh chu kha aia tihdán ṭha kha i hre záwkin ka hria ."



Competition tih ṭhat atum tih ṭawngkam chu ka hriat hnu ang ka ti kher mai, khawiah nge chu ṭawngkam chu ka hriat tawh kha, ka ngaihtuah zung zung a, ka hre leh ta e, khami ni a mipa khat mak ka tih deuh pa bawk thusawi kha a ni chiang mai, "Ka boss hi nangmah ngaisáng tu te zînga pakhat a ni a, hemi chung chângah hian conpetition siamin chu thil tifel tûr chuan min duh a." Ti a asawi chu ka hre chhuak leh ta a.


"Kha pa kha khami zâna mixer ka siamah khân min rawn enzui tûrin i rawn thawn tihna ani maw? Nang hi Club owner mai chauh nilo in matchmaker i ni tel ve chiang mai." Ka ti chhuak ta raih a.


Oh, my gosh, "Eng thildang nge ila thuhrúk ?"


"Han in en teh---- mahni a thil hriat chhuah tum i ang khawp mai, hei vâng hian em ni Liam hi i tello a akhawsak theih loh chhan? Ngawi lawk...ni leh lo, hei hi chu keima tih ani keh tak." A mit min rawn siai khum suk a.


"Enga, eng maw tûnah khân i sawi a? Liam chungah hian eng thil nge i tih?"



"I hmu em, he i hna thawh normal tak a mi te inkawp rem tir ang chi hi ka hria a, âwihawm loh khawp a boring ala ni zui bawk nén, chuan hetiang thil hi chu aia nasa deuh hlek.a tih belh ka tum ta a, a phûr awm lutuk ti pawhin i sawi thei ang chu, Clara games khel hi nuam ka ti a, he round ah hi chuan nang leh Liam hi atuar tu in ni." A ti ta a.


Chu athil sawi chu hlâu leh thlabâr zet hian ka ngaithla chawrh chawrh ringawt, sawi tûr pawh ka hre lo, ading chhuak a, "Amarawh chu engmah ka la puang zâr lo ang, ahun arawn thlen hunah chuan i hrethiam ve mai ang." A inher vut a, thil hriatchhuah thar nei ang mai hian arawn inher lét leh vut a, "Oh, chuan thil pakhat, Liam hmangaihna kha lo chén rih phawt mai rawh, kha lawmman i pék hun túr ni kha arawn thlen hma loh zawng chu!" Chimawm.zet hian min nuih vawr a, akal chhuak ta a, engmah ka ti thei lawk lo, chelo chânglo chuan ka kut chu ka âwmah ka dah a, ka thinphût avânga ka âwm  insép deuh dârh dârh chu ka dawm rân a, mahse chutia awm mai mai hman chu ka ni lo, ka che vat a, chu pa kal liam tûr chu ka âu zui a,"Lo la ngawi lawk teh! Eng nge i thusawi awmzia chu?"


Intercom chu ka la kâng vat a, James kha pa kha engti kawng mahin he hmun hi achhuahsan tur ani lo."


"Tehreng mai, Cupid he hmun bâk hi chhuahna túr a awm chuang hlei nèm, min rawn paltlang angai ngei ngei ang, pâwnlama achhuak dawn anih chuan."  Intercom chu ka dah nghâl rawp a, dinchhuahvat pah chuan, ka ûm zui ve ta nghâl a.


"Khatah khán ding rawh, lo la chhuak suh!" James auri chu ka hria a.

Thaw hlawp hlawp chung chuan James awmna bul chu ka va thleng phei a, "James."


"Khawiah nge,  eng thil nge thleng?" Janes chuan páwnlam chu thunrim zet hian athlîr zui a.


"A kal ta tho tho."


"A kal tawh i tia law? Kan zui angai asin." Ka ti deuh ṭhat a.


"Clara fighter ka ni hlei nèm, eng thil nge ti tûra min duh a, thi túra amah chu lo kuah bet tûrin maw? A teuh lo lutuk, ka hlauh mahnák alai a."

Ka thinrim lutuk chu ka âu deuh ṭhat a, "Cupid a kal tawh." Ati chuai rawih.


"Tunge ni a, eng thil nge i officeah khân thleng a?"


Ka thinrimna chu tidaih tum zet hian thâwk ka la halh a, "James tunge anih ka hre bìk hauh lo, mahse ka chung châng thu eng kim ahre vek niin ka hria." Ka ti ta a.

Thil hriat chhuah thar thut ka nei a, "James i laptop kha ti nung teh!" Makti zet hian min enchho zauh a, engmah sawi ta lo chuan laptop chu ati nung nghál a.


"He khawpui chhûnga keimah ang chi ho hi zir chian an ngai ta in ka hria." Ka ti leh a.

Darkar khat chauh pawh nilo kan thawh dun ngar ngar hnu pawh chuan hma kan la sáwn hauh lo, kan la ngai reng, "Heo zet chu thil theih pawh va ni suh!" A rawn ti chhuak ta hlur a.


"Eng nge ni a?" Ka hâm deuh bαi bâi a.


"He khawpui chhúnga matchmaker dang ho thlalâk chu a awm veka, amah chiah kha ahmuh ve theih loh."


"James, mahse kan hriat ngei angai alawm." Ka aw chhuak chu achuai raih tawh mai a, mahse ka beidawng dawn lo hrim hrim ti a kangaihtuahna chuan beiseina tlèm min la pe vé ṭâng ṭâng.

"He pa hian ka chung cháng thu engkim a hre vek....he thurûk hian he company hi ati tlu vek thei a, chuvâng chuan  tu chiah nge anih tih hi kan zawn chhuah ngei angai, chu lo chu kawng dang a awm lo." Ka ti leh raih a.


"A chung châng thu eng emaw tal hriat belh i nei mial em? He mi chung chânga hma han hruai tu tùr áwm ang chi ama chung châng information ang deuh te, chu ti lo chuan kan zawn chhuah theih pawh ka ring lo." Beidawng zet hian a ti veleh a.

"Chutiang engmah ka hre lo.....Oh my....ngawi lawk teh! Thil pakhat hriat chhuah ka nei leh ta, "Khami zân Dark Angel hmuna ka awm khán, Molly in athla min lák sak tûrin ati tak, chu thlalâk chu ka la nei in ka ring." Ka phone chu ka en nghâl.a.


"Heta hi, han en ve chhin teh!" Ka phone chu James kutah chuan ka hlân chháwng a.


"Uhh, Molly chu alang cute lutuk."

"James ahnung lam kha ania enrawh ka tih záwk chu!" Ka zu káwk a, "khu ahnung ami khu kan miduh pa tak chu anih khu!"


"Kan hmu ta," photo chu ka zu zoom sak a.


"Oh,my God, Cupid he athlalâk hi dah lûtin tunge anih leh ama mimal chung cháng tûnah chuan kan zawng thei tawh ngei ang."


"I fing hle mai, James, han ti chhin choah ila." Phûr zet hian ka ti ve ta a.


"Aw le, searching image .....uhh, thil eng emaw chu arawn lang ngei e."


"Ngawi lawk teh.....engmah a result min view tir duh lo, a sawi dân chuan private party anih avángin min blocked tlat."

"Private party â, kha pa kha engtiang chiah a thil tithei nge maw anih chu le?"

"James eng emaw enkual a kan hriat ngei angai ang, hei chauh hi kan beiseina neih chhun anih hi!"


"A nihloh vèk pawhin ka ex-boyfriend hi internet security a thawk a ni a, chu chuan thil eng emaw tak chu min tih sak theih ngei ka ring." ati ta a.


"Uhh, tunge thil ṭha tak rawn thawh chhuak tu hi, ti ta vat che, eng nge kan la nghah cheu a?"


"He inkarna hi kan mamawh viauin ka hria Cupid!" Kan han nui leh rih a, kan thil tih lai ah ngawt chuan ka rilru ka pè a, nuam pawh ka ti phian.



"He thil hi kan tih tawh chuan a chung châng thu engkim leh a history zawng zawng pawh kan hrechhuak vek thei tawh ang a, chuan mipahnih in games an khel thei ani tih hi kan lantir ve bawk ang!"



"James i tidik e, he achung châng thu kan hriat chian vek hnu ah hi chuan, hetiang a mi akar na hi kan tih tâwp sak thei tawh anga, ka identity pawh kan chhanhim thei ngei tawh ang."

"Well, eng nge kan la nghah cheu, call vat rawh."



James chuan a ex- boyfriend number chu a dial ta a." Ka lawm lutuk, he thil hian i rin phâk bâkin min ṭanpui ang."


"A ti dawn ta em?" James ina phone acut chiah tih chuan ka lo ti nghâl vat a.


"Kan ti thei ta." A hlim ve kher mai, lehlamah chuan atân tak pawh alawmawm duh khawp ang, abík takin ka tan alawm awm leh zual.


"In enchhin teh ang, he link hian khawiah nge min hruai thlen." A laptop chu a khawih zaih zaih a, "Uhh, news paper hlui lamah maw?" A ka deuh hau a, mahse heta hi ahmèl ang chiah chiah a awm."

News paper a inziak chu achhiar ta a.
"NewYork city a matchmaker thiam tak leh chal lang zet mai chu ahna thawh dânah mihring laka nunrawng taka achét avángin bán a ni."


"Court thuchhuah chuan amah thiamloh thu chantira court a arawn inlan hun date aset a, mahse hemi ni hian cupid ti a invuah chu inlan talo in a bo pil ta hmak a, a rawn inlan leh ta ngai rèng rèng lo ani."


"Police officer te chuan he thil hi ngaihtuah zuiin an miman túr pa hi case rit tak awrhtira tân inah khung turin an zawng ta a, mahse he pa ang hmél pû hi hmuh zawh ani ta lo ani."


"Oh, muly God." James chuan hlauhtháwn hmél zet hian min rawn melh deuh káwk a.


Kei ngei pawh chu athu chhiar chuan min ṭhâwng tak zet, "Mihring lakah nunrawng takin ache a maw, chuan cupid a ni ve bawk a?" Ka ti chhuak chûl a, ka thlanfím chu abawl nghâl ṭak ṭak mai.


"Eng thil nge atih tâk le, Liam chungah hian eng thil nge atih tâk ang?" Ka khûr nghâl zawih zawih a.


"Cupid adang pawh ala awm."

"He article an tihchhuah na hi amak lutuk, febuary......"


"Eng nge sawi vat mai teh!" Ka ti chûl a, tháwk ala hawk a, "Febuary 1925 kum daih ani tawh."

"Eng maw?" Ka phu nawn awn awn mai.

"Eng thil áwihawm loh lutuk nge maw ni le?" A nî chu adik lo ani ngei ang le!


"Hei chu kum 92 liam ta daih tawh ami kha ani asin.....mahse ahmèl landân lah chu ala páng ngai reng bawk si." Ka kutin ka hmûi chu ka hup zauh a.