THE CONTRACT CHAPTER THIRTY TWO

THE CONTRACT CHAPTER THERTY TWO

RICHARD....

Condo chu a reh hian a reh vek tawh a, achhan chu Katharini'n khatiang zan a tawh hnu a tang kha chuan ngawi rengin khum lam a pan tawh thin a, dinner pawh a ei tlem em em tawh thin a,wine a in deuh a ni mai,a wine tem zeuh pah chuan ka zawhna min chhan nan a thaw deuh halh  emaw a lu a thing zeuh thin tih mau a ni.




In chung lamah a kal chho thawm ka hre zui a,drawer hawng ri leh khar ri ka hre leh a,room chhung a pen sêk ri ka hriat danah a mangang viau emaw a beidawng hle niin ka hre thin. Chung ka thil hriat te chuan ka nerve-ah hreawm tihna min thlen a!thil eng emaw tak experience ka la neih ngai loh thil leh mi tumah ka ngaihven thin loh na min hriat chhuah tir thin,a chhan chu hetiang hian tumah ka la ngaihven ngai loh vang leh ka care ngai loh a vangin.





Rilru nuam taka  a awm theih nan engtin nge ka tanpui theih ang,  chutiang lam chu ka sawi pui theihna turin engtin nge ka ti ti pui tâk ang?chutiang a tawng pui chu a mamawh si a, Penny thlahna hun kan hman chu a pui lem lo viau a,mahse a special thung! Laura leh Graham  chuan engkim an buaipui vek a,chuti ang a an thil tih chuan min thawng lem lo.





Laura chu Katharine bulah ṭhu in photos a lak pui a,he room chhung a Katharine thil duh ber chu lemziah zing a pangpar lem a ni a,chu pangpar chu midang tan eng ni lo mahse, keini pahnih tan chuan thil danglam bik a ni a, kan ngaihlu dun hle bawk,a chhan chu Penny pangpar ngainat ber, vase a in khawi lai lem a ni a,chu pangpar chu Daisies a ni bawk a.






   Penny vui ni chuan Gavin group a tang pawhin staff tam tak a mah zahna lan tir turin an rawn kal a,ka ding chhuak a,Ketherin chu ka kut a kuah betin ka awmah ka bei tir a,a taksa chuan ngawi rengin ka taksa chu a rawn ngheng ve mai bawk a,thil eng emaw sawi a aphun deuh sep a vangin ka kut chuan ka lo vai zeuh a, a nih pawh chuan ka kut vai chu hriat thiam hmel tak chuan a lu min búk khum ve zeuh a, Golden Oaks a hnathawk staff ṭhenkhat te pawhin Penny vuina hun chu an rawn hmanpui ve bawk a, rawn kuah pah a beng bula an rawn phun sap sapna chu Katharine pawhin a lu bûk nghat nghat pahin a lo chhâng let ve bawk a.





An biak zawh hnu chuan a tawlhhnung leh ṭhin a, ka thlazar hnuaia thlamuanna zawng niawn takin, Penny ṭhian te zinga damchhun ho chu an tlem tawh khawp mai a, mahse rawn kal ho hrim hrim chu Katharine chuan ngaihven takin a lo kawi khawm hlawm a.




Wheel chair a rawn kal ho thleng mai chuan hniam taka kun in chibai a lo búk bawk a, tiang hawl a rawn kal ho te pawh rang takin an ṭhutna tur alo kawh hmuh nghal zung zung bawk a, ceremony rei zet leh kim zeta kan hman leh vek hnu chuan Penny ṭhian te ho chu  kawm kual leh vekin a ti ti pui leh vek bawk a ni.





A mah chu ka enthla ru pah reng a, a chhan pawh ka ngaihtuah tlat pek a, a kut khur nasa lutuk leh a mittui tla tam tawh lutuk avang chuan a chauh leh phah zo ang tih ka hlauh pui a, vawi ni ang a lungngaihna leh manganna ka neih pawh hi ka hre ngai lo.





Ka nu leh pa boral ni te kha chuan hreawm tihna pawh ka nei lo; ka life a khati ang min tawrh tir dan ka ngaihtuah te kha chuan ka zang huai zawk in ka hria, mahse Nana in a min kal san ṭum kha chuan tlemin hreawm tihna ka nei ve a, kha pawh kha naupang te in kawm tur a mamawh vangah leh ṭhian a mamawhna ah ka pawm bawk a, mahse tun ṭuma Penny min kalsan dan erawh hi chu a dang ka ti tak zet, ka taksa zawng zawng hi a na veka hriatna ka nei a, ka awm zawn lai tak hi chhungril lamah a na ngawih ngawih a hriatna ka nei; chuti ang feeling chu ka nei a, ka mittui tla tur dan ka tumna lutuk a vang chuan ka mit a te chu a thîp ṭhum tawh mai leh nghal a, chu bakah Penny bungrua ho, a thil neih hrim hrim ka chenna a alo thlen hunah phei chuan ka storage room lanah ka tawm chawt hi ka ring, chuti ang khawhar rukna leh ngaihtuahna mak tak chuan min luah khat in ka hre bawk; tun a ka rilru a awm dan tak hi chu sawi fiah thiam har ka ti hle.






Penny nui hmel te, hlim a vanga a mitmeng de sar sar ṭhin teleh, Katharine hming lam a hriat veleh a hlim a vanga a hmel rawn eng sawt sawt nghal ṭhin te ,chung thil zawng zawng chuan ka ngaihtuahna an luah khat vek a, ka mitthla ah lah ka hmu uai uai mai nawk nen, a fiamthu thawh ṭhin nuihzatthlak tak tak teleh Katharine naupan lai chan chin a sawi zawng zawng engkim mai te kha ka rilru ah an rawn thar leh uar uar bawk a, ka ngai dawn hle hian ka hria, tun thleng hisn ka calendar ah pawh ka tuesday tlai zawng zawng chu Penny hmun nan ka hman ṭhin dawn avang a thâi bial sa in a la awm vek a ni. Tunah chuan ka calendar thai bial sa ti reh leh tur pawhin ka inzuam tawh ka ring lo; chuvang chuan tun thlengin tireh lo in ka la awm phah a, ka tih reh theih pawh hi ka inring lo. Chu bakah ka nupui ka ngaihtuahna hian ka rilru zawng zawng a luahkhat vek bawk a, hreawm ka ti ngawih ngawih.





Katharine zawk chuan engkim mai hi a tuarthiam emaw tih mai tur hian a awm zâwk niin ka hria, a chánna hi a hrethiam emaw tih turin a awm thiam mah zawk a, khawvela a hmangaih chu a chan  tawh tih hrethiamin leh a hmu tawh ngai dawn lo tih hi a pawm thiam hle bawk, Penny boral ni tih bak kha chu a ṭah chhuah pawh ka la hmu leh tawh lo, hmeichhe tuarchhel tak ni hian ka hria, a rûk tak chuan a ṭap ve bawk ang, mahse ka mit hmuha a ṭah pawh ka hre leh tawh lo, rilru puitling takin a awm ni in ka ngai.





Vawiin ni a Penny memorial kan neih hun chhung chu a in khung bo a, tlai fe hnu ah room a ṭanga rawn chhuak lehin a vak chhuak a, chumi ah pawh, "Ka rawn zui ve dawn che." Ti a ka sawi chuan a lu mi bûk khum nghatin ngawirengin a kal mai bawk a, kei pawhin ka kal chhuah pui ve a, in lama jan haw leh hnu pawhin engmah sawi lo leh ngawi rengin dinner ei tura ka sawm hma loh chu room lamah a inkhung leh daih a ni.





Katharine puihna turin knowlege ka neih tlem teh reng nen, Graham te lah phone in ka zawt thei mang bawk si lo, a chhan chu anni ngaihdanah chuan nupa inhmangaih tak kan nih a vangin, mani nupui te chu engtin nge kan tih anga, engti angin nge kan hnem ang? Tih leh mahni nupui te ngei rilru hreawmna chu pasal te chuan a tihkian sakna kan hre vekah an ruat ngei dawn si a, vawiin a vuina hun hmanna kan tih zawh hnu pawh khan, Jenna chuan mi rawn kuah pahin, ka bengbulah i nupui hi enkawl ṭha viau ang che tiin min hrilh a, mahse engtin nge ka nupui chu ka hnem ang a, engtin nge a rilru chu ka tih ven sak ang tih ah ka buai, mahni ngei pawh heti ang lamah hian ka buai a, ka rilru hreawmna te lah ka ti kiang thei der lo bawk nen, mahni pawh in hnem theilo tu chuan engtin nge midang chu ka hnem theih tehlul ang ni? Kitchen leh livingroom inkarah chuan ka tei ka tei mai a, ka rilru hah lutuk leh ka ngaihtuahna buai lutuk vang te pawh a niang e, tun ang dinhmun a exercise lo lak chuan ka tawrh pawh a tih zia awm deuh ka ring a, mahse ka peih ngang bawk si lo, Katharine awmna aṭang chuan gym room te chu hla ta ngawih ngawih a hriatna te ka nei a, a chhan pawh a mah thlahthlam ka duh loh vang a ni ber ang chu! Min lo mamawh palh hlauh tákin tih chu ka rilru ah a awm tlat.





Engmah tih tur hre lo chuan ka wine glass keng chungin ka vei kual tawn sek a, chumi hnu deuh chuan ka bula sofa awmah chuan hahdam deuh turin ka ṭhuthla deuh hnawk a, cushion dùp zet chuan min ti nui chhuak suk a, Katharine kut hnu min hriat chhuah tir leh a, a art work te, a painting tih zawng zawng te leh a thil tih hrang hrang ho a dah thar teleh engkim mai rawng inmil zet zet te nen, ka condo chhung hi in pangngai tak ang maiin tunah chuan min chhuah sak tawh a, chu thil chuan min tihlim hle bawk, ka wine glass a mi wine in ka tum leh lai tak chuan ka tâwp deuh thut a, thil eng emaw ka ngaihtuah ṭha leh a, heti ang thil ka tana a tih zawng zawng te hi, ka duhzawng tak a ni tih vawikhat tal a bulah ja hrilh tawh em? Tih chu ka ngaihtuah ṭha leh a, kei ngei pawh a hma ai kha chuan hma ka sawn ve tawh niin ka hria, mipa ṭha tak ka ni tawg chu ka in ti hauh lo, mahse a hma zawng ai kha chuan ka ziawm tawh zawka ka hriat vang a ni.






Katharine laka ṭawngkam nalhlo tak tak ka hman ṭhinna te kha kar kalta lwh tunkar chhung zawng hian ka bansan ve tawh a, keimah rau rau pawh ka insiam ṭha ve nasa tawh ni a hriatna ka nei a, mahse ka chunga rinna nghahna atan a tawk zo dawn em tih erawh ka hre lo. Nge ni, a ni pawhin ka chunga rinna nghat tur hian a inngaihtuah buai ve viau ang tih lah ka hre bawk hek lo. Mahse mak katih em em pakhat chu heti ang em em a ka laka rinna nghat tura Katharine hi ka han duh ta mai hi kei pawhin eng nge a chhan ka hre bìk chiah lo.





A tan lung anga sak leh rinawm nih ka duh, a chhan chu ka chunga a rinna zawng zawng a nghah theihna turin leh a himna ni thei turin, kei ngei pawh hian a lakah ka rinna tam tak ka nghat ve tawh bawkin ka hria, chuti ang bawk chuan a ni pawhin ka hnenah a rilru hahna te chu sawi chhuak ve ṭhin se tihna rilru ka nei bawk; chuti ang ngaihtuahna hrang hrang ka neih hnu ah leh ja peih loh táwp hnu ah chuan muturin ka room lam chu ka pan ve ta a .





Ka room ka thleng ka mut kawr te ka inbel fel hnu chuan khum lam chu ka pan phei a, mahse mut ka la peih loh avangin, ka bed room chu ka chhuahsan lehin Katharine room lam chu ka pan opei a, a room kawngkhar chu inhawng sa hian ka va hmu a, ka hnena a thusawi te chu ka ngaihtuah let leh a, a room kawngkhar hawng kau sa a a dah chuan zan kama ka thawm te chuan a mutthil theihnan a pui ṭhin tih thu te chu ka ngaihtuah leh a, chu thu a sawi hnu aṭang chuan kei pawhin zan lamah vawikhatmah ka room kawngkhar chu khar phuiin ka dah leh tawh ngai lo a, a nah vang liau liau in ka kawngkhar chu hawnsa in ka dah tawh ṭhin a ni.





Ka dinna hmun a vang chuan mak ka ti thar thut a, engvangin nge a room kawngkhar bulah hian ka din reng le? Tih chu ka ngaihtuah ṭha leh a, chutih lai tak chuan a ṭap thawm ka hria a, chu ṭap thawm chu Katharine lungchhe zeta inhnit ri a ni. A room ah chuan eng dang mah ngaihtuah lo in ka lut nghal a, a room a ka luh lai chuan a room tukverh inhawngsa a awm chu ka va hmu hmasa ber a, chuta ṭang chuan thla eng in a rawn kâp lut raih a, thla eng zung chuan khuma a ruang âm chu a chhun raih bawk a,  chu thla eng in a a chhun na lamah chuan khum a Katharine mu ṭap hlap hlap mai, a ṭahna avanga a taksa khur hlak hlak leh a tah nghawrna avanga khum thleng thleng chuan a che dat dat tih pawh ka zu hmu thei.





A puansin chu hlim sakin ngawi rengin ka kuai tho a, ka room lamah chuan ka kai phei ta a. Ka room kan thlen hnu chuan khum lamah dim te in ka mut tir a, puan sin tir lehin a bulah chuan ka muthla ve nghal a, a taksa chu a khawng zo vek a, ka ban chuan nghet zetin ka kuah saih sauh bawk a, "I duh tawkin ṭap chhuak rawh sweetheart, ti chuan i zia awm mai ang." Ka ti a.





Ka taksa leh a taksa chu insi reng a awm in ka darah a kut chu a rawn nghat ve a, a mittui lah chuan ka taksa chu a chiah huh hlap tawh tih ka hre thei, a mittui chu a far zung zung a, insumna pakhatmah neilo in a ṭap chhuak hlap hlap a, a mah leh a mah pawh a in Control thei tawh meuh lo.





Ka kut ṭang chu a sam karah rawlhluh sakin a sam nel thep mai leh nal siau mai chu ka zut sak pah delh delh a, zan lama ka muthilh laia ka thawm siam dan ang ṭhin khan a mah hnemnan tiin thawm siam tumin ka bei bawk a, hetia ka bula a awm hrim hrim hi nuam ka ti a, a thlamuan thlâk ka ti a, a bula awm hrim hrim hi nuam ka ti ru tlat tawh, a taksa nem tak nghen te chu nuam ka ti tawh a, ka addict zo tawh, ka takaa ruh leh khawng takah chuan a taksa nem tak leh nel thep mai chu a in rem thlap ni in ka hria, a a la inhnit hlap hlap a vang a a mittui luang ngiai ngiai reng chu tih tawp sak tumin a samah chuan ka chul sak pah reng a, a ṭap nasa lutuk pawh chu tlema rawn zia awm ve in, ka mutna bula tissue paper awm chu lαk sakin akutah chuan ka hlan a.




"A pawi.....k....ka ti tak...zet." lungchhe tak a inhnit avanga ṭawng ṭha thei manglo chung hian a rawn ti chhuak ṭawk ṭawk a.





"Ngaihdam dilna tur chhan engmah i nei hleinem sweetheart."




"Mahse ka tibuai che a lawm."



"Nilo, chuti ang chuan i ti hauhlo mai, puih che ka duh vang zawk a lawm, ka hrilh ṭhin tawh che kha.....mamawh i neih engkim hi min hrilh la, ka tih theih a piang chu tihsak vek che ka duh." Thâwk lαk hawk pah hian, "I pasal ka ni a, lo ṭanpui che hi ka hna a ni."

Ka edit hman ta lo.🙁🙁

INTOXICATE CHAPTER 9

INTOXICATE CHAPTER 9

VICTORIA.....

Rex chu ka mutna khumah chuan ka lo beisei reng a, mahse rawn kal tih reng a nei thei lo.

Engtin nge maw a theih zawk hrep le? Tun ang hunah te zawng a chhuak leh tawh awm chai si lo a, naktuk lamah ka la zawt mai a ni ang chu, zanin chu beisei lo phawt mai ang, a mah erawh chu rem ka ruat fel a, tihdan tur ṭha tak ka ngaihtuah a ngai ngei ang, keimah chuan chu khum lian leh ropui zet mai king size ah chuan ka let ka let kual a, Rex phuar theihna dan tur leh tih dan ṭha tak fel fai tak ka ngaihtuah chhuah theih hma zawng chu, Rex hian a nu a dam ṭhat leh hnu ah min neih hlen a tum lo chiang tih hi chu a awmdan aṭangin ka hre ru ve reng tho a, mahse chuti ang a awm erawh ka tum bau lo thung a ni.

A táwp a tâwpah zawng tihdan tur ṭha tak ka hre chhuak ve ta e, Rex fa ka pai a nih chuan engkim a danglam ang, mahse engtin, nupa nun hman chu thuhran ni se, kan taksa inhnaih leh turin room khatah pawh kan riak dun tawh ngai lo a nia, he nu Lexi Logan lo lan aṭang hian thil engkim mai Rex nena kan inkar chu a zau telh telh tih pawh ka hre chiang hle a ni.

Zan tin deuh thaw a intura hrai ruih a inmutpui tir ka tum ta ran a, chutia ka tih chuan a fa ka pai sak ang a, kan boruak hip lai pawh a danglam phah ngei ang, a pa pawhin min duhlo viau pawh ni se a tu lo piang tur ka pai miau tawh a vangin a mo nu ah min pawm tawh ang a, Rex ngei pawhin inneih chu duhlo viau pawh ni se naute a vangin min neih a duh tawh ngei bawk ang.

Ka nui chhuak sak a, ka hlim hle bawk, ka remruatna chu ṭha ka ti ta viau a, rilru hlim zeta mit chhing riai riai in mumang ram lamah ka cheng zui ta nghal a.

Zing ka thawh pawh chuan ka bulah Rex chu a rawn mu miah lo tih ka hre thei a, eng ang pawhin hlautháwngin leh thlabar oawh nimahila ka bulah chuan a rawn riah kher ka ring ta lo a, mahse a râwp nan ti niawm fahean leh ka ngaihdan tih chianna atan ka rilru ngaihtuahna chu ka awih theihna turin khum aṭang chuan ka tho chhuak vat a, Rex hian ka tello in vawikhat mah breakfast a ei ngai lo a, min lo nghak fan fan zel ṭhin tih chu kahrechiang tlat tawh, chu chu rem chamgah ka hmang ngei tur a ni.

Barhroom lamah ka lut a, shower hmangin hmanhmawh zet chian ka inbual zawk zawk a, bathroom aṭanga ka chhuah leh hnu chuan thawmhnaw sexy zet mai nimin piah lawka ka silk kawr lei thar designer kawr ngei mai ka sam rawng ang mai a silver colour chu ka thlang chhuak a, he kawr ka ha chhin dawr nghaktunu fak ka hlawhna tak mai leh ka inhmeh pui em em bawk $30000 man zet mai chu ka ha chhuak a, Rex awmna tur lam ni ngei a ka rin kitchen chu ka pan chhuk ta a, ka rin ang ngeiin Rex chu a lo awm tawh ngei a.

A phone a lo khawih mual mual a, muang changa kalin ka hnaih phei ve hret hret a, ka thawm a hriat veleh min rawn melh zawk a, ka lak aṭang a mit la sawn theilo ang zet pawhin a awm hran lo.

A mit erawh a rawn zim deuh san tih ka hre reng, ka lo en chik em a vangin, a ep chiah ah chuan ka va ṭhu lui ngat a, dawhkan lianpui mai teak thing a ṭanga siam tliang hlurh chu kan pahnihin kan kil din ran a, chutih veleh Matia chuan kan break fast eitur chu rang takin a rawn chhawp char char a, ka ril chu ṭam viau mah se chu aia pawimawh tih tur ka nei rih tlat.

Rex chuan min lo bia a, ka muttui leh tui loh te nidanga a tihdan pangngai zet chuan min zawt leh a.

Ka mut ṭhat ka rin thu in ka chhang ve satliah tawp a, kan pahnih inkar inpawh thar leh dan tur ngawt kei chuan ka ngaihtuah thung! Maria ei tur rawn dah zo kam sita a ding tur chu kha zet hian ka va melh kawk a, a hrethiam kher mai, a ibsa seng nghal vat a, kit chen chu rangtakin a chhuahsan nghal bawk; chumi zawh a ka tih tur lah ka hai lo.

A ṭhutna chair vawn banah chuan ṭhu chho in a hmuiah ka fawh sak zauh a, ka mamawh min pe tur chuan ka ngen pah sap a, mahse ka rinloh zet chuan min nam sawn lawp, ka thun a rim kher mai, engkim mai chu a buai zia thu vekin min chhanginmin hnar fi thla fai vek bawk a, ka lung a awilo ngang mai, heti anga tlawm hian mipa lakah ka la awm ngai awm lo e, a la hre ve ngawt ang.

"Min lo kian san teh Victoria, a mood ah ka awm rih lo." Mi tih khum hrawk paha min nemsawn deuh lawp na chu ka la na ngang mai.

"A mood ah hian i awm ngailo hrim hrim Rex Marshall." ti a chhang let ve in," ti hian i nupui hual chu ka ni ve si a maw? I kut hmawr pawh a min khawih loh na hi a thla a thla a tling tawh hial ang." Tiim thinrim zet hian ka ân khum ve hlaih hlaih a.

Thinrim zet mi men rum khum ûl pahin leh a mitmeng thim ruih mai vawt tak hian min melh run bawk a, "Ka ngaihtuahna ah hian thil tam tak a awm a, he ka chungchâng thu a ṭang hian, lo in thiar fihlim ang che. " tih hrâwk pah chuan, a breakfast tur pawh eita loin a tho chhuak a, min kalsan ta daih a.

Mahni lo maha lungawi tawhloh nâk alaiin chuti anga min han tileh khang lang chu ka tuar thei bik tawh lo, ring zet a âu khum ve in,  "Oh i ngaihtuah na ah chuan eng nge awm hrep tih chu ka hre lutuk Rex Marshall." Ka ti ve vak a.

Chutia ka auh zuina chuan a ti ding chawt, mahse hnunglam pawh rawn hawi leh tawh chuang lo hian a kal sawn ta tho a, a ngawi reng mai leh nghal, keilah thinrim engphiar, rilru tâwt zet hian ka la inhrosa hlaih hlaih a.

Rex nang pawh lo ngai reng mah rawh, ka thangah hian ila âwk dawn chiang a lawm.
" I rilru a awm chu i hna nilo in tunge tih hi ka sawi thei hial awm e.
"Tunah chuan, nau min pai tir ngei chu a ngâi ang duh in duhlo mah la....."

Ka nui chhuak sak a.

ONE WEEK LATER

LEXI.....

Rex nen kan in hmuh lohna chin pawh karkhat a lo liam leh ta reng mai. Office ah hna thawk tur pawhin, a rawn kal ngai bawk hek lo.

Sadie sawi dan chuan a ṭha a ti mai ṭhin a, kei pawhin a ṭhat chu ka beisei ve phawt mai ang.

Lalpa ka lawm e, vawiin ni a ka hmel put dan ang zet phei hi chuan, hna pawh ka thawh theih a ka in ring lo reng a ni.

Vanneihthlâk zetin weekend a ni hlauh zawk a.

Tlai ka bân hnu chuan inlam ka pan tlang nghal a, tunlai tak phei hi chuan ka chau ngawih ngawih a, office lama hna ka thawh zawh hnu ngat phei chuan engmah ti peih tawhlo in, inlama mut ham ham.ka thlahlel ber ṭhin! Ka lakah Alma chu a ngaih aṭha tawh lo viau a, a chhan pawh ka pum ṭhatloh a vangin zing lamah hian ka luak ta ziah a, Alma phei chuan nau ka pai hial a ring a, kei lah chuan ka ring lo lutuk tlat, thil theihah ka ruat lo bawk, a hrethiamlo mai mai a ni.

Mahse kar tin in ka rihna a tlahniam tih ka pha lo, ka thil ei a tui ngailo a, thil rim ngei ka nei a, artui kan ngat phei chu ka ei tawh ngai lo.

In en tir ka tum ve ziah a, ka pam ṭul ziah bawk, heng thil a thlenna chhan chu Rex ka ngaih vangah ka puh lo thei lo.

Ka phone ah chuan text message a lo thleng a.

Enpah chuan khawngaih in Rex ni hram teh! ka ti rilru mawlh mawlh a, Rex chu ngaih tak te in ka ngai tawh.
Mahse ka beisei loh zâwk Rick a lo nisi.
Ka chhiar ta tho a.

#Hey, pretty lady zanin hian intur dawm pahin, kan inhmu thei ang em?

Rick

Rick message chauh maw? 

Ka lunghnur lutuk ringawt, engvanga Rex chu reh vung vung mai nge maw a nih le?

Mahse hei hi ka ngaih tuah ta a, Engvang tehchai chuan nge Rex  rawn call hun nghâk a nitin ka phone en a ka ṭhut bîk reng ang ni?

Min la hmu duh tak zet a nih chuan, min rawn call thei reng a lawm, chu pawh chu a ti duh hleinem, Rick chu ka reply ve ta nghal a.

#Hey, Rick intur inpui che chu ka duh e, khawiah nge ni ang, engtik hunah nge?

#Pheonix bar ah, zan dar 7:00 ah kan inhmu dawn nia.

#ok anih le.

Tun aṭang chuan ka hringnun hi thunun deuhhlek a ngai a ni.
Rex tello a awm theih dan ka zir chu a ngai ve ta tak zet e, a ni pawh ka tello a a awm theih ang bawk hian.
Alma chu ka text ve ta a, mahni chauh a kal ai chuan a lo kal ve duh ngei ka ring bawk, chu chu thuhran ni se Rick chu ka duh pui hle bawk.

Bualin ah chuan lutin shower hmang a, ka zawh hnu in ka thawmhnaw dah zinga pakhat stripe sweeter dress chu ka ha a, Alma a lo thleng tawh bawk nen kan pahnih chuan, Rick hmu turin, kan kal dun ta a.

A sawina bar awmna hmun kan va thlen chuan kan inzui lut a, Rick pawh kan hmu ve nghal chawpchilh,
"Hello girls." a lo ti sup a, a hmel chu nidang a ka hmuh ai khan a hlimlo takzet a hriatna hi ka nei a.

"Hey Rick heihi ka ṭhian ṭha tak Alma a nih hi!" inhmelhriatna chu ka nei nghal a.

"Kan in hmu chu ka lawm e Rick ." Alma chuan a lo ti ve a.
"Nangpawh Alma ." Ti ve in, _zanin chu a hlimlo tak zet tih ka hria.

DON RICK ....

Victoria chuan zanin hian Lexi chu dah bo turin min ti a, a hma a ka lo plan lawksa tawh a nih avangin leh Lexi chu hruai chhuah awlsam viau a rin a vang chuan ka hlim hle a, bar counter ah chuan ka no chu dahin intur ka lem deuh malh malh bawk a, mahse ka zu in hian ka thluak erawh khawihbuai pha lo se ka duh. Chuti ang chuan kati ngailo, intur nothumna ka lo dawm mek tih chuan Lexi chu ka hmu ta a, mahse tunge a rawn hruai saw? Ka hnual nghal rawih rawih.

Hrep tak chuan, zanin hian, he Lexi hi ka hruai bo ang ka ti a sin le, engvang chuan nge maw a ṭhiannu chu a rawn hruai kher kher ni.

Mahse a hmel hi a ṭha bawk a, inlam a ka nupui pawhin a lo hrethiam em ang chu, zanin chu fawh ka tum ngei tawh tur a ni.

Ka fawh hma chuan, he Don a charms hi a hmu thei hauh lo ang. Ka hmeichhe kawp der reng reng ho hi hmelchhe tak an awm ka hre ngai lo; mahse an mahni ah ka tlu ngai lova, ka nupui baka min hmangaihtu an awmlo tih ka hriat miau a vangin, tuna ka pawisa tam tham tak hmuh leh tur pawh hian ka nupui duhawm tak nen nuam kan chen leh ngei bawk ang, ka nupui pawhin ka hnathawh ṭhin chu a hrethiam a, a ni lo hmangaih dang ka neilo tih a hriat chian tawh em.a vangin, ka hnathawh danah pawh min ringhlel ngai hek lo.

Heti anga hmeichhia ka kidnap tawh hi chu hmuh chhuah an ni mai mai ngailo a, eng ang pawhin zawngin police ui fing hial pawh thawh rawh se an zawng hmu ngai lo. 

Boruak a dai deuh ta maw tih ah min kidnap tir tu ten rawn ngaihvenin kei pawhin an pawisa te lak sakin an kutah him takin ka hlan leh mai ṭhin a, chung pawisa tr nen chuan thla tam tak ka nupui nen chuan nuam kan chen ṭhin! Chu chu ka tihdan phung leh ka tana thil thar tak nilo chu a ni.

Victoria hi a hausa tih ka hria, pasal hausa tak a nei bawk a, a lakah ka phut sang ngawt ang, he hna thawk tur hian hla tak a ṭangin LosAngeles hi kan rawn pan dum vang vang a ni a, he hmuna cheng lah kan ni hek lo, zan in ber kher a ka tum a han tlawrh tur chu ka thinrim hle bawk.

Lexi chuan ladies room lam a kal dawn thu a sawi a, a ṭhiannu hmelṭha katih lem loh tak nen chuan kan awm dun ta ran a, hmeichhe vun hang lam hi ka nalh zawng a ni ngai lo a, sam silver rawng phei chu ka haw ngawih ngawih bawk.

Ka lam hawiin a intur manto zet chu a khiat khalh khalh a, he nu tan hi chuan ka coctail lam to tak te chu ka ui ngawih ngawih, Victoria bulah ka la bill let lwh mai a ni ang chu"Rick i chanchin te min lo hrilh ve la mawle ?" A lam pawh chu ka hawi ṭha peih lo, ka mitsir rulh ringawt a, a ni min endan erawh thung chu ka hailo kher mai.

"Engmah chutiang chanchin hrilh tur che ka neilo." Ka tih khum hmuk a, ti ti dun vak ka duh lo tih pawh kati lang chiang tawk viau.

"A nih leh Ricky min han lâmpui vel chu i duh mial lo maw?" A thil in a thawk viau tawh nge ni ang a, a zaktheilo ve hrim hrim ka ti rilru hial mai.

"Rick maw le , ka lawm e, ka lâm lo mai ange, ka mi nghah chu Lexi chauh a ni." Ka tihkhum leh deuh fawk a, ka hrilh choang fek fawk hle mai, mi â ni leng lo tan chuan ka thusawi dan kal hmang chu a man vat ka ring bawk.

"I duhthlan na a ni e,kei chu lâm turin ka kal dawn." tih deuh hmak pah chuan, Alma chu lâm na lamah  kalsawn ta nghal a.

"Nâ chu a ti ve khawp ang, ka  chhân danah khan." ṭhen pah ṭhu chung chuan ka phun chhuak sup a.

"Kei chu min rawn sawm tawh miah suh! Hna thawk lai ka nih hi!" A awmna lam pawh ngaihven peihlo in Lexi lokal hun leh ka charms a laka ka tihlan hun tur te leh ka thu a awih diam diam hnu a ka hruaibo hun tur te pawisa tam tham zet nena ka nupui nen a kan tawm bo hun tur vel ka ngaihtuah daih tawh.

Hla vaklo a ṭanga Lexi rawn let leh ka hmuh chuan ka hlim kher mai, Victoria rawn sawi dan hmang a ṭang khan hmeichhe sihhnip zet a ni a ti bawk a, Alma awm tawhlo bawk nen ka vanneihna a kal tluang dawn chauh ah ka ngai ta hmiah a.

LEXI....

Ladies room ah ka kal lawk dawn a, nangni pahnih kha lo in hriat chian na hun a tan lo hmang ang che u."  Alma lam hawi chuan ka nui chhuak sak a, Alma in Rick a endan lah ka hai  lo.

Rick hi mipa chhe zawk zawk a nilo a, a hmel pawh a pangngai fu, mahse kei erawh chuan ṭhian ang bakin ka en theilo; ka lakah nelawm in fel hle mahse Rex baka ka thinlung luahkhat tu hi ka tawng leh pawh ka inring chuang lo a ni.

Ka kut te sil in barhroom chu ka chhuahsan leh ta a, bathroom ka khar fel chiah club thawm.ri beng chheng zet chuan min chiahpiah leh nghal der tawh a, a boruak hi ka hne hluah hluah, ka luak te an tichhuak thei hial mai.

Ka ṭhian te pahnih lam a ka va kir leh hnu chuan, Alma chu a lo awm tawh lova , Rick chu a mah chauh in a lo awm tawh.

Khawiah nge Alma?" ka va ti sap a.

"Lâm turin a kal ta a nih kha."

"Intur i duh ang em babe?"
Babe ti in maw min koh a? Rex min hriat chhuah tir zauh mai.

"Duhlo ka lawm e." Intur lam hi ka ti duh tawh lem lo.
Ka hmazawn taka rawn dinhnaih pah chuan, min fawh a tum a.
Thinrim zet chuan ka theihtâwp in ka lo namsawn a.

"Eng thil nge maw tih i tum hrep le? "  tih khum tuar pahin thip zetinka melh kal mai a.

"Babe he thil hi ! kan in hmuh leh veleh ka ti tawh ang tiin ka lo suangtuah ṭhin a ."tih leh pah chuan, min rawn hnaih leh sauh a.
Min fawh chu a rawn tum leh ta mai a.

"Min rawn hnaih hlek suh! "Ka tha tawp chhuahin ka kut chuan ka lo nam kiang leh dawrh a, ka thinrim lutuk chu ka taksa zawng zawng a khur dawt dawt thei.

"Ka tihpalh lutuk ka ngaihdan chuan, i duh ve tho ni in ka hria a, ka vawikhat hmuhna a ṭang che khân, ka hmangaih tawh che Lexi".

"A ngam pawh i va han ngam zâwk ve maw le." Tih ṭhat pahin, a hmaiah chuan ka bensak ṭhuai a.

"Vawikhat mah ka phalna la hmasa lova min tawh tum leh ngai tawh lovang che." Ka inher nghal a, Rick chu hnungchhawnin bar kawngkapui lam chu ka pansan ta daih a, ka thunrim lutuk, ka taksa te chu a lum.chhuak pup pup mai hian ka hria, eng ang ngaihdan nge maw a put hrep chu le, a ngam pawh a ngam zawk kher mai, khati anga ti tur khan mitmei pawh ka hmuh eih si lo. Ka thintimna thunun tum.zet chung hian pawn lamah ka chhuahsan ta daih a, Alma pawh ka rilru ah a lang tawhlo hrim hrim.

"A ṭha e, a thawk tlat lo, Victoria khân a mizia kha a rawn sawi diklo deuh hlek a ni e." Ti in ka phun chhuak sup a, chuti ang hmeichhia a ka lo ngai ka mark tih ṭhat sa zawng zawng vawikhat thil thu leka a han chhe ta vek chu Victiria hming chuan ânchhia ka lawh hial, engkim a bul aṭanga ṭan ṭhat leh a ngai tih ka hriat chuan ka phurlo zo vek bawk.

Engti ang chiahin nge Victoria chuan a mizia alo chhut sual theih reng reng chu ni! A awm.dan aṭang khan Rex chu a first love a nihloh pawhin a mipa kawp hmasak ber pawh a ni maithei a ni, hmeichhe sihhnip tak zawng a ni hauh lo mai.
Victoria chuan  hrelo hle a nih dawn hi.

Ka bianga min benna lah a thíp sa hut hut mai a, khati anga hmeichhe kut inthlâk ching lutuk kha chu ka ngaithei bau lo, eng ang pawh a hmwltha nimahse ka tuarthiam ve thei lo.

Mahse ka sa chán ber leh goal ka lihna tur chu a mah a ni miau bawk si, chu vanga engrin mah a tilo ka ni.
Lexi in hmangaih tir tur chuan, hun rei lutuk nghah a ngai dawn tlat mai!
A mah ngaihzawn ai chuan, Ṭhianṭha a tan siam ta zawk ila a ṭhat ka ring zawk mah tawh.

Thawh pawh a thawk ṭha zawk mai thei a ni.

Victoria vang vek in ngaihdam ka dil a ṭul phah ! 

Ka ner deuh sawk a, he hna hi khawih ka huourh rum rum mai, hmeuchhia min duhlo tu ka tawn vawikhatna leh hmeichhe rilru khauh zet mai ka vawikhat tawnna a ni tih pawh ka hre ram.ram bawk, ka biang chu ka dawm rûn rûn a, ka pawisa neih chhun chuan rum tak mgel ngawl tak chu lam lehin ka in leh khawlh a, zanin zet chu ka luck loh zanah ka puang hial ang. Heti ang hian ka la awm ngai lo a, tihfan lah ka hre ngai bawk hek lo.

Inlama haw vat vat chu ka châk tawh ber, ka nupui chu Lexi mizia hi hrilh ila thurawn ṭha tak tak ka hnathawh ti awlsam turin min hrilh leh ṭeuh mai ang, heti lam pang hi chu a thiam zawng tak a ni reng bawk a, mahse hmeichhe hma a inphahhniam a ngaihdam ka dil a ngai tur erawh ka huphurh ru hle, nakinah min benna man hi chu mi la rul let ve ngei bawk ang, ka ruk chhuah theih hunah chuan ka thuhnuaia a kun tawh miau dawn a vangin, a ngen in mila nge hial ang maw le, chumi hunah chuan a laka ka phuba lakna ani tih hre rengin ka la nuihsawh khum.ve a niang chu!

Intur a duh em ti a ka zawh khan a duhlh thu in min chhang a, intur lampang a tingailo em ni hial ni, chumi a vang chuan ka hnathawh a ti harsa zual sauh nge bawk ang.

LEXI.....

Thinrim ṭeuh chunga pawn ka va chhuah hnu chuan ka thinrim lutuk ka heh te chu a la khur dat dat hial a.
A va han ngam zâwk ve mawle.
Ka phalna pawh la hmasa lova khatia a rawn tih ngawt chhan kha....

Lexi tunge i bum lai mék hi?
Rick hi i buaina ber pawh a nilo.

I buaina zâwk tak chu, mipa pakhat chauhin i taksa te chu khawih se i tih vang zâwk a ni.

Nangmah enga tan mah a ngailo tu che chu!

Ka mittui tla tur chu dan ka tum nasat na lamah ka mit te chu a thîp zo vek tawh a, chuti chung pawh chuan rei ka dang thei lo, ka biangah a luang thla ta ngiai ngiai a, ka khaw hmuh te chu a phe nghal vek, ka ding dat a, ka thâwk ipik lutuk a vang chuan ka thaw deuh káwk a, ka kut chuan ka mittui luang chu ka hru hul a, tuna ka châk ber chu ka room lama ka khum a chhuak zet a ṭah zawih zawih ka châk ber.

Ka bul maia taxi rawn tlan chu ka lo phar ding a, ka kal na tur hmun hrilhin ka ṭhu lut nghal tawp a, chutia ka kalna tur ka hrilh tih bak chu in ka thlen hma loh zawng ka ṭhu ngawi tlawk tlawk a, ka ngaihtuahna chuan hmun tin hmun tang a dap kual a, engtin nge ka awm ang tih pawh hrethiamlo in ka ngaihtuahna te chu a buai nuai a, ka kut khur deuh dar dar chuan ka hmai ka hup tlawk tlawk a, tukverh inhawng lam aṭanga thli vawt tak min chhem tu awm erawh in min tih harh phah sawt thung!

Kan apartment ah ka va thlen chuan ka chuan man te pe felin ka chhuk a, inchhungah lutin ka room lam ka pan nghal a, ka thawmhnaw te thlâkin khum lamah chuan ka inthawlh ta nghal a, zanin a thil thleng zawng te hi naktuk zîng ah chuan, a dik vek mai ang. tih rilru pu in ka inhnem ngat ngat bawk.

VICTORIA....



Rex chuan min la awmpui deuh chawt a, khawiah mah kal chhuak lo leh a meeting neih zawng zawng te pawh ngaihtuah lo a min awmpuina chuan min ti lawm hle a, an company chung changah pawh zinchhuah emaw kal chhuah ngai ta ang se Tim a kal tir mai ṭhin, chu chuan nuam min tih tir a, mahse Lexi chunga ka thil tih tum erswh min ṭhulh tir phah chuang lo. Zanin ngei pawh hian ka rem lo ruat te chu tih puitlin a hun tawh tak zet tih ka hria a, Rex chu inlamah inkhung deuh châwt pawh ni sela, a office kamah hna a thawh loh leh inhnuai lamah intur dawmin a inkhung tlat ṭhin a, chu chuan ka ruahmanna te chu awlsam takin a kal tir theihloh phah a ni.

Engpawh ni sela, ka pan chilh rawih tawh ngei ang, ka mutkawr zinga  sexy ber chu ka thlang chhuak a, chu thawmhnaw a in duang chung chuan Rex awmna hmun lam ka pan ta a, ka áu pah bawk a.

"Rex khawiah nge maw i awm le?"
Zanin hi Rex laka a ka chét zân tur ka ruat leh hlawhchham tum miah lo a ka beihzan tur a ni tih ka hre reng bawk .

"Rex darling, khawnge i awm ?" Tiin ka au nawn leh ngat a.
Room tin mai chu ka kal kual a, a kal chhuak tur a ni hauhlo, tunlai chu nileng leh zankhua ṭhak ṭhak in Ka bulah a awm tawh e.

In hnuai lam ah ka zu chhuk chu,pool table bul ah hian a lo ding a, intur bottle chanve pool table ah chuan chhawpin a kut chuan intur no a lo dawm run bawk a.

"Oh, hetah a nimaw i lo awm daih a, darling?"

"Eng nge i lo tih a?"

"Hei i hmuh ang hian, pizza ka ei a, tichuan whisky ka in bawk, buaina i nei em ni? " A hmel ah chuan a hlimlo hle hian ka hria a, a chauh hmel ngawih ngawih bawk a, mahse khawl ang maiin a chawlh duh ka ring chuang lo, heti ang hian nirei vaklo han awm sela Lexi a ngaihna pawh a reh chhunzawm veleh mai ang, a rilru hahna te midang chunga thlen chi a ni ve tlat lo.

Hlim hmel pu zet a melh pah chuan ka nuih sang a,"Neilo lutuk ringawt, ka ngaihtuah a, champagne bottle rawn la ve in, ka rawn zâwm zawk dawn che em ni tih ka lo ngaihtuah a."

Rum zet a min rawn melhin, "I mi rawn zâwm ve hi ka mamawh lo. Mahni chauh a awm ka duh!"

"Rex nangmah ah hian eng nge awm tawh? I danglam tawh tak zet, ka lak a ṭang a i in la hrang em em tawh mai te hi, eng nge a chhan tih pawh ka hrethiam tawh lo."

"Hemi chungchâng hi chu, i nu ka la ti ti pui a ngaih ka ring, hetiang  indawr na hi ka tuar thei tawh bik lo." Ti let hlar chungin, ngawireng a kal tum tak ang chuan, ka han inher hmak bawk a. 

A laka beidawng tawh ang zetin leh a nu hnena thlen tum ang mai a ka awm na chuan hna a thawh ṭhat pawh ka ring, Rex hian a nu a ngaih pawimawh zia pawh kei tluka hriat chian sak tu an awm lo ang, chu mai pawh nilo in, a nu laka heti ang kan buaina thlen hi a duh hauh dawn lo a, a nu hriat chu a hlau ngawih ngawih zawk ngei ang, kei pawhin he thil hi ka sawi chhuak mai mai ngai lo va, eng emawti cháng chauhin ka sawi chhuak ṭhin!

"Champagne bottle chu  rawn la ta che." a ti chhuak ve ta hram a.
"Chuan heihi hre rawh,hetiang chungchâng thu ah hian, ka nu chu i sawipui a ngai hauhlo ang , chu aia thil ṭul tihtur tamtak ngaihtuah tur a ngah mai ."Thinrim zeta mi tih khum lehin a no ruak chu a thlit khah zawm leh zat a, ka lam pawh a rawn ngaihtuah chhunzawm leh tawh hmel loh.

Ka aw chu zaidam thei tur ang ber chuan ka'n ti ném a, "ka ti tawh lovang , ka tihpalh, ka lo kîr leh thuai ang." Rang takin ka che chhuak nghal a, inchung lamah ka kalsan in, champagne glass ka la sawk sawk a, ka room lamah kal leh vatin damdawi ruih nana a hman ṭhin chu ka la nghal bawk a, mini bar lam pan lehin champagne ka thli chhuak a, glass pakhat zawkah chuan ka damdawi kak chu ka telh ta nghal a.

  Inhnuai lamah chuan ka chhuk thla leh ta a, ka kuta champagne glass no hnih a lo hmuh chuan a mitko min lo san khum âwk duh chauh a, "Zanin chu kan pahnih inrem lehna atan a hman nan kan indun ang chu ka ti a." Ka nuih pah seih a.

"In rawh le , tih pah chuan, ka champagne glass damdawi ka pawlhna zâwk chu ka pe a.

"Nilo ve nangmah khân in zâwk rawh! Kei chuan ka lo duh tâwk tawh ! 

"A awihawm loh lutuk emai Rex , chu lovah i nupui hual nen a intur in in dun loh na rei tawh zia hi i hria em? "

A mitmeng chu a ti zìm san a, "Ka duh lo, kei chuan ka inhnem tawh, hei hi ka duh tâwk, tikhan ka bulah in ve mai rawh."

He pa zet hi chu a hahthlâk lam deuh chu a ni e, engtin nge he thil hi i inloh te chuan hmangaihna chu min chen pui theih teh lul ang Rex, ngaihtuah ve la, i in ngei ngei tur hi a ni ringawt, ka inluih tir ngei dawn che tih rilru pu mit meng hian ka melh a.

Ka hmel a lawm loh derna vel tih lan pah chuan, ngui hmel pu lui in, ka ner khum deuh sak a, hnuailam ka melh pah raih bawk.

Chu thil chu he pa fing zet mai hian a rawn hmuhhmaih hauh lo.

"A nih intur chu min lo pe ta hrep che." A rawn ti leh hmuk a, champagne glass damdawi ka pawlhna zawk ngei chu a kutah ka hlan vat.

"I lawm em?" Mila rawn tih khum zui, mahse ka lawm e, chu thil a in hunah chuan.engkim a inthlâk danglam tawh ngei awm si a.

A champagne inlai chu ka lo en reng a.

Darling in rawh in zo vek ang che , chu mi hnu ah chuan maw, duh in duhlo mahla min rai tir dawn khawp mai ti rilru pah reng chung chuan ka lo thlir reng a.

A in zawh hnu chuan, a rawn ti deuh chhalh ta mai. A thawk nghal der a nih hi, ti rilru rauh rauhin, thei leh theilo chuan room lamah ka kuah chho a.

Harsa ti zet a room kan pan lai chuan ka thaw hlawp hlawp a, a mah a palian in a sang si a, a taksa lah a rit baek nen kan room chu ka thlenpui theilo ṭep a ni e. A rawn ṭawngvai nawk nawk a, "Lexi ka duh che....ka mamawh.... ngawih ngawih che tih hi min ...hriatpui velo em ni? .....ka ngai ...lutuk tawh che...."

Chu zawngsennu angah chuan min ngai em mawni le? A ruk tak chuan ka thin a rim viau, ka thil plan hi thawh tir duh dawn lo ni phei ila chuan ka beng ṭhuai duh hial ta ve ang.

Khum lamah chuan harsa ti zeta kuah pheiin, a kawr chung chu phelh sak in a hmuiah chuan ka va fawhsak nghal a.

"Come on darling, min hmanpui duh a ni tih hi ka hre reng a nia,  a kaplam chu ka zen thlâk sak a.

"I sawi dik chiah...Lexi, ka mamawhna che hi a nasa lutuk tawh."

Oh, hrep tak zet chuan, ka thil duh ka hmuhna tur anuh phawt chuan a pawi chai hleinem.

"Hei, i châk tawh takzet a nia aw, Comeon Rex." Zo leh zo lo a kuahin khum lamah chuan ka mut tir a, a ni lah a riat noh noh ringawt tawh a, a ṭawngvai a ni hial tawh maithei, chet ka lâk vat a ngai ang.

Khum lama ka kawih mut lai tak chuan ti hian a rawn ṭawng chhuak a,"Ka damlo dawn hnai tlat in ka hria." khumah chuan a tlu tawp a, a chatthla zui chu a ni nghal mai.
Hrep tak chuan a, a ṭha lutuk, tunah chuan a chatthla fel der tawh. Whisky chu engzah fa ko nge maw a lo in tehreng ni! A bialnu hûr tak Lexi theihnghilh ṭhak nan a niang a lo in.

Ruahmanna ṭha tak ka nei ta, ka râi  kher a ngai hlei nem, engmah a hrelo sa tawh hrim hrim bawk a,chu vang chuan hmangaihna kan chén dûn ngei a ni tih chauh hi rin tir a ngai ta.

"Victoria i fîng lutuk tlat!" ka phun chhuak sap a.

A thawmhnaw zawng zawng chu ka phelhruah sak ta vek a, ka inthuamna pawh chuti tho, chung thawmhnaw ho chu chhuat laiah chuan ka chap darh vak bawk a, a rui tawh lutuk in engmah a dawn tawhlo a ni tih lantir nan ngei chuan,a awm a bei chung leh nui var var chunginka maimitchhing ve ta nghal a, zing lamah chuan eng boruak nge lo thleng dawn tih nghakhlel takin ka muhil zui ve ta a.

REX....

Victoria chu a intur la tur chuan inchung lamah a kal chho a, ka melh zauh a, ka it tur ngei a a mawng kal ah a a theh sawi kual vwl te pawh ka hmu ru reng, mahse itna pakhatmah ka nei chuang lo.

Lexi a nilo tlat, Lexi ka kawp hnu hi chuan hmeichhe dang tui tang takin ka hmu thei tawh lo hrin hrim, kha hmeichhia eraqh kha chu a mi khawihna ringawt pawhin phurna min pe thei si a, a taksa kha ka mamawh a, keimah ah drug addict tawh ang maiin a taksa kha ka addict a, a dangdai bik tlat.

Heti em em a ka fimkhur hi a ngai dawn em ni ka ti tawh hial, Lexi hmel pawisawi lo zet hmuhhlan ka nghakhlel tawh tak zet, hei pawh ka fimkhur vang a ni. Ka buaina ah hian Lexi hi a kangkai a g tih ka hlau a, keiin a ka lo va ven reng a theih dawn loh ang bawkin a ni pawhin duh pawh a duh heklo ang, kei mi kawp hian e g ang harsatna nge a tawh dawn tihlah a hre der si lo, chuvanga a lak a ṭanga inlâk hran tum pawh ka ni  a, mahse kei hian ka thei rei dawn.em tih erawh ka hre lo.

Engpawh nise, hetiang a kan chung a thil tiru duh tu hi ka zawn chhuah vat chu a ngâi ang, Lexi bulah ka awm leh theih na turin,
Victoria ve khâ rawn lan sexy phét chu a rawn tum ve si a, kha a thawmhnaw tuitang lo zet mai rawn hâk vel ai kha chuan, Lexi in pajama kekawrtlâwn a rawn hâk hnuk pawhin hnuailam hi a ti tho thei fe zâwk .

Victoria pawh hi a hma kha chuan, ka lo mutpui ve zauh zauh tawh ṭhin a lawm, ka nupui hual a nih vang chauhin, a hmel pawh a chhelo hle a, hmeichhe hausa zet pawh a ni,.
Mahse Lexi ka tawn tawh aṭang chuan, ka hmu tuitang tawh lo zo vek a, Lexi chauh lo chuan ka taksa hi a ti phûr thei tak tak lo. A ni chauhin nawmna famkim min pe thei tih hi ,ka chiang tawh tak zet ni.

THE NEXT MORING...

Eng thil nge thleng ta, chu ti tak mai a zing kar kar a, Victoria aw ring zet mai ka han hriat tâk mai ni, churi anga Victoria aw chu ka hre tawh ngai meuh lo, engthil nge thleng ta mai, ka room ah a rawn lut tihna nge ni ang, a zaklo hle mai, mut ka la mamawh, ka room aṭang a ka  hnawhchhuah vat a ngai ngei ang, tun hnai te hian ka ngaihtuahna a Lexi in hmun a chang reng ṭhin chu tihreh nan whisky lam pang chatthla ṭhak khawpin ka in nasa em em a, heti anga ferlings a laka ka neih hi tumah hrilh ka tum.hek lo.

Ka mit chu harsa ti zetin ka meng chhuak a, khua a lo eng ut tawh leh nghal,  ka lu lah chu a na kher mai;  ka harh chhuak, thawh mai ka tum chu ,saruak vekin ka lo mu reng mai.

Ka awmna chu ka hai chiang kher mai, fiah leh zualin ka meng chhuak a, ka mit ka nuai noh noh a,Lexi Apartment ah em ni ka awm zâwk tâk mai!

Lexi bulah bâk hetiang hian ka tho chhuak ngai silo.

Mahse ka penthouse chhûng ngei mai chu a ni bawk si.

A ngaihna hrelo zet chung chuan, ka hawi hâi nasa mai a, rang fahranin bualin lamah chuan ka lût ve ta a.
Bualin a ṭang a ka chhuah leh hnu chuan, ka thawmhnaw chu ka inbel sawk sawk a.

Victoria bulah chuan ka va phei ve ta a.

Rumzet a ka melhna a vâng chuan, 

"Aw le dah phawt ang, nakin ah kan in be leh dawn nia tiin phone chu a cut nghal a, ka lam chu rawn hawi pah chuan min rawn nuih deuh var var a.

"Good morning tiger ! A rawn ti pah sap bawk a.

"Nizân khan engthil nge thleng hrep Victoria?" Thinrim zet a tiin ka ha chang ka ṭhial khum rap rap a.

"Egvang a saruak a awm nge ka nih min chhang rawh?chu chu i sawifiah phawt a ngai ang." Ka mitmeng vawt tak mai thintim avanga sehchilh deuh nawk nawkin ka ti nghal tawl a.

"Darling kha tiang khân hrelo ang zet te chuan, awm der vel duhlo mai teh!" Mi kal pelg mai hi a tum a, a banah chuan manin mi hmachhawn tur chuan ka pawt let bawk, a mitmeng chuan maktihna a khat hian min en chho hâ a, ka ti deuh mah mah, inbengdaihtumin ka thaq chhuak hrawih, "Ka tihpalh pawi ka ti tak zet."

A hma aia aw dam zawk chuan,
"He thil ah hian i thutak lo tak zet ti raw Victoria?hrep tak che chuan, ka chal a ṭanga tuai chho in ka tukhum thlengin ka kut chian.ka sam ka tuai chho puat a.

"Rex, ka thutak lutuk tlat! tun bâk a ka thutak zia hi i la hre lo maithei. A nihna takah chuan, vawithum zet a ni i tih ni! ka taksa hi i hne thei thlâwt lo a ni ber mai." A ṭhen lui ve sak a, a mi tielna tih pawh ka hai hauh lo.

"Ah, chuti em ni? Sawichhuah i duh rau rau bawk a, a vawithum na phei kha chu e, a rei khawp mai, keilah chu i lakah ka lo inhawng phian mai bawk nen."Victoria chuan ngei awm fe hian min ti lét khum ve salh a.

"Chu thil hrep tak chu!"
Ka taksa te chu ka ten leh hnu hnawh kher mai.

"Shower hmang turin ka kal dawn, "min rawn zâwm ve duh em? Ngei awm zet a min nuih sâng pah chuan a rawn ti a.

"Ka tilo mai ang." ten hmel zet a  melh pah chuan ka tih khum a.
Mi rawn nuih ar ar pah chung chuan, min kalsan ta hram a.

Eng thil hrep chu nge ka tih tâk hi?
Lexi bulah ka kal leh tawh a ngai a ni, a hmel ka hmuh tluk a awm lo.
Ti chuan ka rilru buai nuaih mai te hi a reh leh vekin ka ring, chuti anih loh zawngin ka â thei mai ang, tih rilrûk pah chuan, ka phone a Lexi number ah chuan  ka text ta nghâl a.

THE CONTRACT CHAPTER THIRTY ONE

THE CONTRACT CHAPTER THIRTY ONE

Zanin ah pahnih ka rawn dah a, hmet ve ve angai lo ang, The contract ah emaw Intoxicate ah emaw induh na zawk zawk ah a hmeh theih a nia aw. Fakna kha min hmeh saka second sawm tal min nghahsak ve hram hram turin ka ngen a che u.

A hmai zur ve tawh takah chuan nui hmel a pu a, "Richard i upa ve tulh tulh ang a, hringnun chu kan hun tawn dang anga zirin a danglam chho tulh tulh tih hi i hrethiam ve mai ang, kan beidawn hun leh kan ṭhatlai hun zawng bak hringnunah hman tur kan nei lo, chumi ah chuan kan ṭhatlai hun hmandan hi a pawimawh ber chu a ni a, chu chuan kan hun dang zawng kha hman dan min thiam tir ṭhin!"

A kut chu la hum sak vang vang pahin, "Eng pawh chu ni se, min la awmpui zel ang tiraw, Katharine hian i hnen aṭangin a hun ṭha zawng zawng a hmu kim vek a, chu chu kan la hmu kham lo, kan la duh belh."

A lu mi bûk khum nghat pahin, "Tunah chuan ka mu duh tawh e." A ti a.

"A nih Connie chu ka koh sak ang che aw?" A kutah chuan ka fawhsak pah zauh a.

Chutia a kut hmawra ka fawh lai chuan ka melh chho pah zauh bawk a, a ni pawhin mit meng fiah ṭha kel kawl zeta mi rawn melh chhuk ve pah hian, "Richard, Katy chu hmangaihna nen hlir enkawl in i hmangaihna in hual him ang che."

Ka lu ka búk khum nghut ringawt a, a thusawi chu chhân ngaihna tak pawh ka hre lo, ka chhang theilo tih pawh ka inhre chiang hle; ka hnarah chuan a kutin min piai sak pah zauh a, chuti ang chuan..... Katharine pawh a tih sak ṭhin a, ṭawngka a sawi chhuaklo in chet zia a "ka hmangaih che" a tihna a ni.

Ka hawi chhuak Connie kohsak tur chuan ka che chhuak ta nghal a.

*****              *****               *****

Ka hma lama desk awmna lam pang chu ka hawi phei pah zauh a,  dawhkan chu oak thing a ṭanga siam a nih a vangin, chu ta ka dah ka phone chu a vibrate avang chuan a nghawr dar dar a, nuihmel pu chung a nuih chhuah deuh suk pahin, hming in saved chu ka en nghal thuai a, Golden Oaks a ṭangin a lo ni a, Penny chuan Tami bulah eng thil nge a ngen leh ták ang le? A chhan chu hmanni deuh lawk kar hmasa lam kan inhmuh tâwp ni a ṭang khan, thil hi a ngen ve ziah tawh mai a, tunlai tak phei chu thil ngen hi a ching thar tlat, a thil ngen ang ang chu ka tih puitlin sak zel thin a, a hmu ziah bawk; a chhan chu tunlai tak hian taksa nawmlohna a zual deuh bawk nen, a thil duh te lah a ti khirh tulh tulh mai bawk si a, Tami chu a tibuai ve thin viau ang.

Penny nena kan inbiakna chung chang kha Katharine bulah ka hrilh ve duh lo va, a chhan pawh a rilru a hah tawh sa tih ka hre reng a, chu ti ang thil ka hrilh leh a nih lek phei chuan a rilru ka tih hah sak leh zual dawn tih pawh ka hre chiang hle .

Tunlai tak phei chu Penny hi a buaina a zing tulh tulh a, chu bakah a hma zawng aiin a thil theihnghil na lah a zual tulh tulh bawk a, nizan a room a ka thlah kha chuan a mu ve mai a, engmah buaina a nei bawk hek lo; chu chu thuhran ni se, thil kha a sawi unkhân em em a, engmah theihnghilh a neilo a, Katharine a ngaihtuah zia thlengin a sawi a nih kha, nizan berkher kha chu a mah rau rau ah pawh a pangngai hle in ka hria.

A mutthilh tawh hnu ah a mah enkawl tu te khuta dahin a bianga fawhsak zauh pah chuan thlamuang takin ka kalsan ta kha a ni a, phone chu ka cut a, achhan pawh meeting zawh hunah ka call back leh mai ang ka ngaihtuah, a chhan chu Graham in a client thar chung changa campaign tur thar vel a sawi mek lai a ni a, chumi chu ngaihven a ṭul rih zawkin ka hria, chutia ka ngaihtuah lai tak chuan ka phone chu a ring tawp a, a rawn nghawrh leh ta dar dar a, mak ka ti ta deuh hlek a, eng nge a awmzia ni ang tiin ka phone screen chu ka en leh zauh a, Golden Oaks a tang bawkin a lo ni leh pek a, mak ka ti in ka ngaihtuah ta kher mai, a chhan chu Tami hian a phone ka pickup loh a ka cut chuan ka call back leh ziah tih a hre chiang tawh hle a, a rawn call nawn tawh thin lo tih pawh kei ngei pawh hian ka hre chiang hle a ni. Chumi avang chuan eng thil nge thleng tihna rilru nen ka ngaihtuahna chu a buai ta kher mai.

Graham ina a thusawi a chawlh deuh lai tak chuan ka han melh zauh a, a ni lah chuan, "I phone call kha lâk a ṭul viau em ni?" Tiin min la zawt zui.

"Thil pawimawh tak a mih hmel khawp mai." Tiin a ka chhang ve nghal a, a ni pawh chuan a lu mi buk khum ve nghut pahin, "Kan zavaiin minute nga chhung lek meeting break nei lawk ang aw." A ti ta a.

Thâwk deuh huai pahin phone chu ka pickup ta vat a, "Tami eng nge ni ta?"

"Mr.VanRyan ka rawn tibuai char char che a, pawi ka ti lutuk." A thusawi ka hriat chuan min ṭhawng kher mai, ka ngaihtuahna a chawk buai nuai nghal a.

"I tan chanchin lawmawmlo zet rawn thlentu tur che nih hi hreawm ka ti khawp mai....Penny kha dar kar khat liam ta khan a boral a." A rawn ti ta mai a.

Phone ah ka bia a ni tih pawh ka hriatloh phah hial; ka phone ken chu ka hum ngawt ngawt a, ka thin chu nasa zet hian a phu dawt dawt a, chuti ang chanchin lawmawmlo zet chu ka dawn pawh ka inring lo; Tamy thusawi chu ka hresual em ni ang, nge ka mumang zawk? Mumang chhe tak leh rápthlák zet mai mang ang chiah ka ni. Ka chhungril chu meisa tak a kan ang huam huam niberin ka hre bawk.

Ka buai vek, ka kut khur ve dur dur chung chuan ka beng zawna ka phone ken chu ka dawm nghet sauh sauh a,
"Eng tin maw?" Tiin ka áu chhuak thawt a, ka rilru chhungril chu a na nghal ngawih ngawih a, "Ka nupuiin a hre ve tawh em?"

"Tukin zing khan a rawn tlawh zuai a, hlim takin an inthlah a, a kal chhuah hnu deuh lawk a tang chuan Penny chu a awmdan diklo riau a ka hriat a vangin ka en chiang a, ka rin ang ngei ngei a thil a awm.avang chuan Katy chu a phone ta nghal a, a ni pawh arawn let leh nghal a, Yes, a ni chuan a hre tawh e."

"A nih khatah khan tunah a awm ve em?"

"Aw, awm e, thil vel buaipui a ngaih avangin a mah chu ka rawn a, mahse ka biak ṭawng zawhloh a vangin, ngangmah ka rawn tibuai ta tawp che a nih hi!" Tiin min chhang a.

"I ti dik e, i hrilh tur tak i hrilh a nih hi, khatah khan lo awmpui tlat ang che aw Tami, khawiah mah lo kal bosan lovang che, ka rawn kal ve nghal ang, keima'n engkim ka rawn buaipui vek dawn nia." Ka phone ka cut chiah ka kuta ka ken lai pawh chu ka zo ta lo hial mai, table chungah chuan ka thlauh thla bawl a, chu ka phone tla ri te chu ka bengah chuan thil ri ring zet mai, khawpui ri ang hial ni in ka hre hial; ka harhchhuak nghal, ka darah chuan kut pakhat hian a rawn dawm a, ka hawi chhuak chu Grahama hmel nelawm.zet leh mi hriatthiam hmel pu tak ka bula dinga min lo en reng tu chu ka hmu nghal a.

"Richard pawi ka tih pui khawp mai che." Aw dam thlup hian a lo ti a.

"Ka....ka .....ka..."  ka chhuah lawk a ngai tih thu pawh ka sawi zawm thei lo a, ka aw chu a láwi chhe vek..

"Ka motorin keima'n ka va hruai dawn che nia ."

Graham chu engtin mah ka chhang lo, ka rilru chu nat tak te in a na, min hringtunu ka nu dik tak ang maiin Penny kha ka en a ni tih ka hrechhuak chiah bawk; ka nu leh ka pa,min hring tu dik takin min a rual a min boralsan ni te khan, heti ang hian hreawm pawh ka ti lo a sin, khami ni kha chuan ka hlimin ka eng a thawl zawk a nih kha! Mahse tuna mi zet hi chu a dan a dang tlat; ka chhungrilah ka tuar a, ka rilru a na ngawih ngawih a; Penny ka chán a vang chuan khawvela ka thil neih hlu ber chan ta angah ka indah lo thei lo. A ni khan min hmangaih a, midang laka ka dawn ngailoh mi fakna ṭawngkam a lak aṭangin ka dawng a, khang min fakna thu te kha a lak aṭangin engtikah mah ka dawng leh ngai dawn tawhlo a ni ti a ka ngaihtuah phei chuan ka tâwt up up a, ka thin ka awm zawn chu a na hle hian ka hria, chu hmun te chu ipik ngawih ngawih a hriatna ka nei a, heti ang khawp hian a ni maw Penny hi ka lo ui a heti ang khawp hian a ni maw a mah hma ngaihtura min lo siam hman ka ti hial a ni.

Ka rilru ah chuan mi pakhat chiah a awm, mu leh mal neilo zet chung hian, "Katharine." Tiin ka phun chhuak sup a. Engtin nge tunah hian a ni chu a awm ang, hnemtu leh thlamuantu pawh neilo in rilru na zetin a awm ngawt ngawt tawh tihna a ningei ang a, "Katharine chuan a mamawh che, keiman a  bulah chuan ka va hruai dawn che nia." Graham chuan alo ti leh a.

Ka lu chu buk khum zauh pahin,

"Yes."

   ******     *******       ********

Home kam va thlen chuan inthlahrunloh hmel zetin hallway te chu ka kalpel nghal zung zung a, Penny room ka thleng pawn lamah chuan Tami hmel ka hmu va hmu a, a ni chu room pawnah chuan ngawi rengin alo ding ran a, room kawngka chu a inkhar bawk a; "A chhungah a awm em ni?"

"Yes." Tiin min chhang a .

"Mamawh i nei em.ni?"

"Ka hriat duh chu, mamawh te i nei em, tih leh engtia tih nge in duh ang? Ka tih awmzia chu, a ni hian a thih tawh hnu a tihdan duh bik ang te leh phum duhna deuh bik tih te, last wish ang chi te hi a nei ve em?"

"Penny khan thlan neih ve kha chu a duh tih ka hre ngei a, mahse khawiah nge phum a duh ang a, a mah vuina hun hman dan tur te engtia tih nge a duh ang tih erawh ka hre hauh lo; hei chu Katy tihdan ang ang a ni mai." Tih pah chuan ka nghawng hnunglam chu tuai zauh pahin Tami chu ka chhang a.

Ka hnunglam aṭangin Graham aw chuan, "Richard keiman ka lo pui zawk ang." A tih ri ka hria a, makti zetin ka hnunglam pang chu ka hawi let a, Graham ka hnunga ngawireng a lo ding ve reng chu ka hmu ve ta chauh a, a motor a min thlahin min hawsan daih tawh ka ring zawk a.

Rawn pen hnaiin, Tami lam a kut chu phar chhuah pahin a mah leh a mah chu nui hmel pu chungin inhmelhriatna a nei chawp a, chumi hnu chuan ka lam rawn hawi lehin, "Nang chu i nupui bulah lo va kal ka, kei in heti ang lam.buaipui ṭhin tu ṭhian ka nei a, chu chu ka lo be pawp ang e, Tami pawhin hei min pui pah bawk ang a."

Tami pawhin, "Pui dawn chiang e." Lo tih pah chuan ka kutah min vawn sak zauh a, "Tichuan in inpeih tawh hnu ah Joey la turin ka rawn kal ang, a ni chu lounge lamah kan bulah a awm thei ang."

"All right."

"Tichuan ka theih ang tâwk a ṭha in MrGavin hi ka lo pui bawk dawn nia."

"Katy pawh i chungah a lawm ngawt ang."

Graham chuan mi rawn nuih suk pahin, "Khati ang khan i ko khat khawp mai, kal rawh a mamawh che a nia." A lo ti ve bawk a.

Room chhunga ka luh hnu chuan zawité in kawngkhar chu ka khar leh nghal a, room chhung boruak awmdan chu a dik lo hul hualin ka hria, engkim mai chu a danglam vek tawh, music zawi te te in a ri tawh lo a, Penny a canvases bula ṭhu in ka hmu lo a, Penny hmm hmm ti a hmui phun lova a zai ri pawh ka hre tawh lo.

Vawiin zet chu Joey thleng thleng ngawi rengin a awm, a thla pahnih inkarah a lu chu tawm tirin a awm a, tukverh parda te pawh in hawng lo in a inkhar phui vek bawk a, room chhung hrim hrim chu lungngaihna hlirin a khat.

Katy chu khawng zet leh che hauh lo in, Penny mutna khum bulah chuan a ṭhu a, Penny kut chu a vawnsak tlat bawk a, Penny khum bul lamah chuan muang changin ka kal hnai ve a, ka nun zia min thlâk danglam sak tu chu chiang takin ka thlir ve ta a.

A hmel chu hmuh hreawm pawh a pu lo, hahdam taka muhil hmel hi a pu a, tikhan engtikah mah rilru buai tawkin a awm tawh ngai lovang a, rilru buai a vangin a thlaphâng ngai tawh hek lo ang; a thil theinghilh ṭhin avangin a phili buai tawh ngailo ang a, mi a hriat ṭhinloh a vanga rilru hreawm taka awm in a tho chhuak tawh ngai hek lo ang.

Engtikah mah ka bula ṭhu nu chan chin lungchhiat thlâk tak tak leh hlimawm tak tak te pawh min hrilh thei tawh ngai lo ang, Kathrine in a Penny kut nghet taka a vawnna kut chungah chuan ka kut chu va bawhthuah ve in, zawi te hian, "Katharine." Tiin ka phun chhuak sup a.

Chet pawh che eih lo in leh khawng zetin a awm ngai chuan a awm reng a, mi rawn chhan tumin a rawn hawi chhuak hek lo. Ngawi rengin a awm a, a hmelah lah engmah hmuh tur a awm hek lo, lehkhapuan phèk var ang mai a ni.

A dar khawng zet mai chu ka lamah ka pawt phei deuh hlek a, ka taksa a va ngheng hnai deuh pahin, "Pawi kati lutuk sweetheart, i hmangaih zia hi ka hria a lawm." Tiin ka hnem a.

"Ka kalsan tawp a...." zawi te hian a phun chhuak sep a, "Kawng chanve vel ka thleng tawh ang tihin min rawn phone a, ka let leh nghal a, kalsan lo in a bula awm tlat tur ka nia sin."

"Heti ang hi a thleng dawn tih i hre hleinem."

"A chauh deuh avangin awm hahdam a duh thu a sawi a, painting pawh a ti peihlo a, music te pawh min off tir a, khatiang ah khan thil diklo a awm ani tih hre tur ka nia sin, chuti ang pawh ngaihtuahlo in ka kalsan tawp a."

"Khatin i rilru tihreawm duh suh."

"Nilo, kalsanlo tur ka ni a lawm, a bulah chuan lo awm ni ila zawng heti ang......."

"A bulah i awm reng a lawm, engtik lai pawhin i awmpui chawt reng ṭhin kha, kha kha a ma duhdan tak pawh a ni a, kal a inpeih tawh hnu ah mi pawh hriat tir duhlo in, kan hriatloha mi kalsan kha a duh dan tak a ni, achhan pawh kan rilru hreawm taka kalsan a duhloh a vangin. Katharine a bulah i awm a ni tih hi hria la ka duh."

A sam chu chul sak heuh heuh pahin, "Katharine khawvela a hmangaih ber leh a ngaihtuah ber chu nangmah i ni a, a kal hma ngei a i hmel hmuh a duh a, a hmu ta reng bawk che a, tichuan a inpeih ta a ni tih hria in a kal ta mai a nih kha, a hma pawh khan kal tawh turin a inpeih reng tawh a, mahse baby i dinhmun a hriatchian phawt a duh avang khan, a la nghak rih mai mai zawk a nih kha, a chhan chu a hmangaih che a, ngaihtuah awm in i awm lo a ni tih a hriat veleh a man a hun a tih hun leh a inpeih hnu ah van kohna chu chhangin rilru nuam takin a kalsan ta che a nih kha."

"A mah thlahnan goodbye tih thu pawh ka hrilh hman lo a sin." Mittui parawl ṭeuh hian min rawn melh ve zauh a.

A lu chu ka dar a bei tirin, "I fawp tawh em?"

"Yes."

"A nih i hnar a tuai sak tawh che em?"

"Yes."

"A nih chuan a mah thlahnan goodbye tih i sawi tawh reng alawm, chu ti ang chuan a ni lawmni a hma pawhin insawi dan kha, chumi pahnih bâk i chungah tih a nei ngai em ni? A ṭawngka a asawi kher i mamawh lo, i hmangaih ti a i sawi hriat belh a mamawh hek lo a, a chhan chu i hmangaih ani tih hi a hriatsa avangin, sweetheart eng tiklai pawhin Penny hian i hmangaih zia hi a hre reng fo ṭhin ang."

A taksa pum mai chu a khûr ṭan a,
"Tunah tak hi chuan....eng nge ka tih ang a, engtin nge ka tih dawn tih pawh hi ka hre thiam lo." Tih chu sawiin a khúr ta hlawk hlawk a, ka kutin a darah chuan dawmsakin din chhuah tir zawk ka tum a, mahse a ṭhu thla leh hnawk a, a chhan pawh a kutin Penny kut kha nghet zetin a la vuan reng a, "Ngaihtuah duh suh, khang thil kha chu kan kutah dah vek rawh, Graham pawh a rawn kal a, kei pawh ka awm a, keinin tihtur ṭul ho zawngzawng chu kan lo tifel vek mai ang."

Ka awm lamah a rawn bei leh a, a mittui chu a far zung zung a, a ṭap nasa hle a, ka kawr hak lai awm te chu a huhtlang thânin ka hria, kun hniamin a chalah chuan ka zu fawh sak zauh a, nghet zeta ka kuahna chuan a ṭap khur ngawt ngawt pawh chu a ti zia awm ta deuh a, a taksa in ngai a awh leh thleng chu ka nghâk a, a hnu deuh hlekah chuan Penny kut a vawn sak reng pawh chu a rawn thlah ve ta a, Penny chu a mut ngaiin khumah chuan a mu reng a, a awmdan chuan lung erawh a ti awi mawlh lo, Katharine nen chuan a bulah ngawi rengin kan ṭhu dun tlawk tlawk a, mahni rilru ve ve kan kawm ni in ka hria.

Chutia rei tawk fang kan awm.chawrh chawrh hnu chuan kawngka an rawn kik thut a, "Lo lut rawh." Tiin ka lo chhang nghal a.

Kawngka chu rawn inhawngin, Graham a rawn pen lût a, a lu chu a kun deuh nguih a, kan lam rawn pan pheiin, kan bul a rawn thlen hnu chuan, "Katy pawi ka ti tak zet."

Katy chuan ṭawng pawh ṭawngri mang lo leh zawite hriat tham chamg chang chauh a phin chhuah sep pahin, "Ka lawm e." A ti ve sap.a.

"Clara pawh a rawn thleng ve tawh a, Richard leh nangmah hi kan theih ang angin kan ṭanpui dawn che u nia, inremtih zawng te anih chuan." Tiin a sawi a.

Katharine pawh chuan, "Yes." A lo ti leh sep a, a taksa chu a khur leh ta hlawk hlawk mai a, "A mah hi inlamah hruai mai ṭha in ka hria."

Graham pawh chu ding ngil nghalin, "Tehreng mai." A ti a.

Katharine lama kun hnaih pah chuan, "I inpeih tawh em sweetheart, nge i la awm rih duh?"

Heh khur dar dar chunga Graham lam hawi chhoh pah hian, "Eng thil nge thleng dawn?" A ti thám ṭiak a.

"Ka ṭhianpa Conrad alo kal ang a, a taksa hi a ni chuan hruaiin coffin ah a dah ang a,a thlan turah a phum fel bawk ang, chu chu ani lawnni Penny khan a duh? Chuti ang chuan Richarda'n min hrilh a."

"Aw ni e."

"Chutianga a tih bakah vuina hunserh te engtin nge hman in duh ang tih te kha sawi u la?"

"A life hi hlim tak leh pui taka lawmpui ka duh."

"Kan ti thei a lawm." Graham.chuan a lo ti a.

"A nih leh a engtin nge ni ang...." a chil chu lem deuh khalh pahin, " A thil ho te hi?"

"Ok, kha chu keiman ka lo ngaihven dawn nia sweetheart, engkim pack felin ka condo lamah kan dah vek dawn nia, a maherawh chu Joey kha chu hetah a awm dawn tiin Tami khan sawi a?"

"Ni e, helai hmun a mi ho hian Joey hi chu an ngaina a, an duat dawn tih pawh ka hria a lawm, chuloah a thil ṭhenkhat ho te hi chu ken tel kher a ngailo ang, Penny hi a nei e ka tihna nilo in, he hmunah hian a aia neilo zawk te an awm ve a, chung ho hnenah chuan a wheel chair tih ang reng ho hi chu sem darh ka duh ang." Katharine chuan a ti chhuak leh a.

"Aw le, engkim ka lo buaipui fel vek dawn nia, duh leh ka tih fel hnu ah nangmah ngeiin i en fel leh ang a, i duhdan ang ngeiin ka lo tifel vek dawn nia."

Ngawi renga Penny mu chu melh leh vang vangin, "Aw le." Tiin a bu ta nghat a.

Katharine la vuan reng chung chuan ka ding chhuak a, achhan chu a taksa khurh nasat zia leh a aw khurh nasat lutuk a vang chuan ka thlah thlam ngam lo, Penny hmel chu ka inher hma chuan ka melh leh a, Ka lawm e, tih leh Mangṭha. Ti a ka rilru a sawi pahin a hmel chu ka en tlawk tlawk a, ka mittui chu a hnâi ve tih ka hria, mahse dangkir nan ka mit chu ka khap zauh zauh a, ka tan tak pawh insum.a har lam hrat chu a ni e, mahse Katharine tan chuan pachang tak a ka awm ṭula ka hriat avangin ka mittui tla tur chu ka dang kir hram hram zawk a ni.

"Keiman car chu ka rawn la ang e." Ti a sawiin Graham chuan min chhuahsan nghal a.

Katharine lam chu ka hawi leh a, hreawm tuarna thuk tak a nei tih hriat zetin a hmelah chuan a lang chhuak hial tih ka hmuh chuan a hreawm tuarna zawng zawng te lâk bo sak a tih kian sak tur hian a tan eng pawh tih ka huam tiin ka intiam phah hial a ni.

A chala zu fawh sak zauh chung chuan, "Engkim a ṭha leh vek mai ang, heti ang hun harsa tak te hi kan pahnih a kan paltlang hi a ṭul.a ni." Tiin ka ṭawngthlamuan leh a.

Chutia ka ngaihtuahna ṭawngkam a hriat avang chuan ka awmah a lu chu rawn bei tirin, "aw." Tiin min chhang a, ka jacket hâk lai chu a kut chuan nghet zet hian a vuan rân bawk a, chuti anga beitir ran chung chuan chu room a ṭang chuan ka kuah chhuak ta a.


Katharine chu ka lainat rual rualin ka rilru erawh a buai nuai thung! Heti ang thil hi kan tawng ta chu a ni si a, kan nundan pawh a inthlâk thleng hlawk dawn tuh lah ka hai lo, Katharine chuan a ngaih pawimawh ber leh a hmangaih ber, a enkawl ngai ber mai chu a chαn ta si a, a vawikhatna atan chu thil ka ngaihtuahna a vang chuan ka ngaihtuahna zawng zawng te chu a pik phui nghâl lûk lûk ni hian ka hre ber, eng tin nge kan awm chhoh zel ang a, engtin nge hun kan hman chhoh dun tâk zel ang tih lah ka hre hek lo.

INTOXICATE CHAPTER 8

INTOXICATE CHAPTER 8

LEXI....

In ka thlen a ṭanga rei vaklo hnu ah chuan door bell a rawn ri tlang a, kawngka hawngturin ka room aṭang chuan ka chhuak ta nghal a, door knob ka vuan rân rân a, Alma chu ala ni hauh lo ang le; Rex ngei a nih ka ring bawk, kawngka ka hawng chiah, ka rin ang ngeiin Rex hmel pa zet leh ṭha zet chu kawngka bulah chuan a lo ding reng tawh tih ka hmu nghal a, a sang ṭha hle a, a mit hnuai chu a val ve deuh kulh a, chu chuan a rilru hah avangin mut a hmu tam lo tih a tilang chiang viau bawk, a biang chu tun hnai deuh mai a ṭang khan choang taka en chuan a lo thâwp ta deuh tih pawh ka hre thei a, a thil ei oawh a tui lem lo a ni mai thei e, kei lah chuan a cham chin leh a thil tawn pawh ngaihtuah lo in ka lo râlkhat huat ve viau ringawt a, ka inchhir ngawih ngawih, ka nuih lui sak a, a rawn luhna turin, kawng ka lo kian a.
Rex nen chuan ka room lamah in zui lût nghalin a lama inher chung a melh chhoh deuh hâ pah hian,"Min rawn text khan ka hlim lutuk a sin Rex! A hmel landan chang zet leh a ngui hmel chu tihreh sak ka duh, ka thaw deuh ham ham bawk a.

"Chétzia hian ring takin thu a sawi thei tih hi i hria em Lexi?" tih sup pahin, ka chal ah chuan duat zet hian alo fawp zauh zauh a.

Chumi hnu ah! ka hmuiah tak chuan bûr leh chatin, duhthawh zet leh chinlém awmlo lék hian min  fawp leh ta a, kan thawmhnaw inbel ṭhenkhat te chu ngai theilo ṭan lehin chhuat lamah a tla thla zui mawlh mawlh, he pa hian ka ngaih ang tluk zetin min ngaiin ka thlahlel ang tluk zet hian min lo thlahlel ve reng tihna em ni ang?

A ban tha chak zet a mi rawn kuah chung hian ka taksa chu lapua angmaia ngai niawm fahran hian ka khum lam chu min pan pui a, khum lamah chuan dim te a mi mut riai riai in ka lak aṭangin vawikhat te mah chu a mitmu thim ruih chu a hawi sawn eih lo hrim hrim.

Rex chuan min fawh paha a kut hrawl fe mai a ka hnute a ṭham tawn tawn lai chuan, a phone ah message a rawn thleng tih hriat zet mai a message tone ri chu ka hria a, "Rex i phone." ka ti chhuak sep a.

Ka taksa la fawh kual ruai pah chuan"Aw, ka la en dawn nia, Paul a nih ka ring." A rawn dak chhuak zawk a, ka taksa ah chuan bur leh nghalin a message lam chu a ûk sâk lo hrim hrim, a thil tihlai pawh chu a tâwp phah chuang lo.

"Tu nge Paul chu?" ka lo ti deuh hâ a.

"Mr Barrett kha maw le, vawiin ah pawh meeting naah i hmuh kha."tih leh sup pahin a thil tihlai bawk chu a chhunzawm leh mial mial tho a, lo biak buai chhen pawh a inthlahrun awm zawkin ka hria.

"Rex phone chu? "Ka ti leh zauh a.


A chek deuh hluk a, phûrlo zet a  dahchhuah pah chuan, "hmm ka en dawn a lawm." thawk a la ri hrawih a, a tho chhuak ve ta ṭuih ṭuih a.

He thil a vang hian ka dam loh phah dawn hial in ka hria.
Paris a ṭanga kan rawn haw hnu hian, vawikhat mah ka bulah ṭha tak hian a la awm leh lo hrim hrim. Chu chu thuhran ni se, inhmuhdunna hun pawh kan la nei leh lo.

REX ...



Ka phone chu ka en ta nghal a, message pakhat lo awm chu Paul nilo in Victoria min rawn text na a lo ni a.
Ka chhiar ta nghal a.
*Rex i lokal vat thei ang em? Ka hmuh ngei ngei che a ngai tunah!!

Ka reply ve nghal thuai a.
*Engvâng chuan maw Victoria, zan khua in meeting naah ka awm a ngai a sin.

*A pawimawh lutuk! Lo kal vat rawh! tunah Penthouse ah ka awm .
A rawn ti leh kher a.

Damn it ! Ti rilru sup chung chuan, Lexi lam chu ka va hawi phei a.

Chu hmeichhe hmelṭha zet mai, mahni hmelṭhatna pawh in hrelo leh nû hnâp mai! A taksa nalh zet mai leh hleitling em em bawk, ka tân a uihauh lo a min hlân ṭhin tu a ni,l. Ka en ngawih ngawih a, ka mit ka lasawn thei lawk lo. A ni lah chu zâm a vangin a biang a sen ṭan ṭan a, a thawmhnaw inbel dawrawm zet a lo inkhuhna ka phelhzawh sak ṭep tawh bra leh panty chiah inbel a ding zaih chu chilthli tla lo chauhin ka thlir lo thei lo, ka tan chuan a tha famkim bawk em a ni.   He nula han tluk tur awm reng reng hi ka hmu lo, Victoria tiamin.

A rilru pawh a taksa ang tluk zetin a thianghlim a, a thianghlimna min pék zan pawh khan, khawvel a ka huntawng ropui zet ah ka chhiar thei hial ang chu, a lakah ti langlo mah ila.

Ngaih ṭhatloh hmel zet a min lo en hâ mai te leh a kâ lo âng deuh phiau mai te chu, a va han sexy tak em, a mah ah hian zawi te te hian ka awm telh telh tawh in ka in hria, a mize mawi tak mai leh a hmel angel ang mai a thianghlim sar mai reng chuan, min bual â zo vek tawh a ni.

A bula ka awm loh deuh chuan, ka ngâi thei em em a, hei hi chu a mah ngei pawh ka hrilh hre tawh , mahse mak ti zet leh awihlo takin min en ṭhin! Eng nge a chhan? chu tiang thil pawh beisei ngam lo turin ka siam tlat a vangin.

Mahse mipa ka ni a, ka ngaih zia thu leh ka mamawh zia te, a tello a ka awm theih loh zia te chu, hmeichhe bula sawi ve hnûp hnûp turin poem writer leh songs writer pawh ka ni ve hek lo.
Busisness man lian tak Rex Marshall ka ni zâwk.

Lei lama kan thawmhnaw tla darh nuai chu ka chhar a, Victoria chu ânchhia ka lawh ru hial, ka thawmhnaw inbel mawlh mawlh lai chu a ngaihna hre lo zet hian a lo en ve reng bawk a, engmah a sawi chhuak chiah lo, mahse a hmel put dan erawh chuan zawhna tam tak min zawt ni in ka hria.

Ka thawmhnaw ka inbel zawh hnu chuan ka pan hnai a, a chalah ka fawh sak leh zauh a, chumi hnu ah ka hmui chuan a heh no tak sen siah mai chu ka nul sak leh thuak a.
"Pawi ka ti khawp mai Lexi, mahse ka kal a ngai tlat...."


"Eng maw?" Tih pahin a  mengphawk hra a.


Ka insum zolo chuan a hmui ah chuan ka va fawh sak nawn leh zuai a.
"Mah...se ..engvang in nge ?"a ti bah leh niai a.


"Sory babe ka kal a ngai tlat! Nakin ah ka la hrilhfiah dawn che nia." tih pahin ka thawmhnaw ho chu ka inbel kim em tih ka endik leh zung zung a, engkim a dik ni a ka hriat hnu chuan, ka inher nghut a, ka hmeichhe thlahlel em em mai hmel hrilhhai tak a ding chu enzui reng ngamlo in chu Apartment aṭang chuan chhuakin , ka penthouse lam pan chuan ka in khalhchhuak ta nghal a.




VICTORIA .....

Beth min rawn biakma chuan ka thin a ti so bawrh bawrh mai a, Rex a penthouse aṭanga chhuak tura a in sawi dan te kha chu meeting pawimawh zet mai a neih dawn thu sawiin a ni si a, heti anga min tihna hi a rei tawh ang em le? A hma te pawh khan a lo tih fo tawh te chu ka ring a, mahse nithei in ka ring bawk si lo; a nu a damlo tih ka hriat khan ka awmpui deuh chawt ṭhin a, a chhan pawh kan chhungkua leh an chhungkua hi imhmelhriat ṭha tak kan nih a vangin, chutia nasa,taka ka beihna rah chu ka lo beisei ruk ang ngei chuan ka hmu ta reng bawk a, chuti anga harsa tak a ka lo beihna chu heti anga awlsam taka inthlauh thlak tir hi ka tum lo hrim hrim, Rex hi ka ta tur a ni a, ka tana siam anih ang bawkin midang tan ka phal ngai lo ang, ka pe phal ngai bawk heklo ang, ka dam chhungin ka bulah a awm ang a, ka tá anih loh hun tur chu ka dead body chungah chiah a ni bawk ang.

Penthouse aṭang chuan ka car a hmanhmawh zeta inkhalh chhuakin Beth in Lexi appartment awmna address ka phone min rawn pek hnu chuan ka gps on in an awmna location chu ka hmu nghal bawk a, chulam chu hmqn hmawh zwtin ka pan ta a ni.

A hmun ka va thlen chuan an appartment kawt a Rex car tuh hriat zet mai, a car Bugatti la voiture noire silver colour chu appartment ka zawn bulah chuan a lo inhung rân a, chu car chu chulai hmun a inhung a tan pawh a mawilo a ni.


Chu sâwnchhe pa zet chu !! A car pawh he ta hi a awm ngei e.
Beth khân a sawi dik chiah a ni, henu hrep hi maw a lo mutpui ṭhin chu, kei mi mutpui duh silo in!
Tukverh zâwn ah chuan ka va bih dâk dâk a, Oh hreptak zet chuan, an lo in kiss maw? A ṭha tak zet e.
Chu uipui hûr zet chu leh!!
An ṭawng chu ka ngaithla ta a.

"Zanin hi i riak thei ang em Rex?"

"Zanin hian riak turin min duh tihna em ni Miss Logan?


"Ka duhloh i ring reng reng em ni Mr Marshall?"

"A ṭha e, i duh chuan ka riak ang."

"Khumah min muttir dawn lawm ni Mr Marshall!"


"Ka thupék che i awih a i pawm dawn phawt chuan le!!"

Khum ah chuan muttir réng ta che, nang sabengtung chhawih pa .
Kha hmeichhe hur herh tak leh ṭawp zet mai kha...

Tunah chuan, in hmu chiang tawh ang. Eng thil nge ka tih theih tih hi lo en ve tawh r'u, Miss Logan nang pawhin lo en ve ang che. i duh meuh emaw chu!! Ka phone chu phawrh chhuakin Rex chu ka text ta nghal a .

Mahse a phone chu a en duh hauh lo; va luhchilh tak hi ka náp a, ka insum lui hram hram chu a ni e, ka thil hmuhin a ka thin a tih rim em avang chuan ka pum khurh vek, a táwp a táwp ah chuan Rex chu a tho chhuak ve ta hram chuti a a han awm chu ka lawmah a lo tla a, Lexi ina tunge tih a en lo chu ka lawm kher mai, chuti nise zawng a thawhchhuah a phal hlek lovang, tun bak hi he hmunah hian Rex chu a kal tawh ngai lo ang tiin rilru ka siam nghet ta sauh sauh a.

Rex a rawn chhuah lai chuan hnim buk zingah ka pil zauh a, tinhlelhna rilru a neih loh miau a vangin a mah enthla duh an awm a ring lo a ni ang, rawn fimkhur lah a tum hek lo, ngaihngam zet hian a car chhungah chuan a ṭhu lut a, a inkhalh chhuak ta nghal a.

A kal ta maw tih veleh Lexi chu ka va bih leh a, a mittui chu a biangah a luang ngiai ngiai a ni tih ka hmuh chuan ka nui ru var var, hmuh a nuam kher mai, oh kha tia i hmel ngui tak kha a lawm ka hmuh châk chu. Tikhân lui luanglai ang maiin i mittui tam tak te kha han luan tir zung zung mai teh le, nang! mi inkar ti keh sawm tu leh ui târ hûr nu !! ka ti rilru a.
A rûk tak chuan hlimna hlir hian ka khat, midang hreawm.tilai hmel pu hian min ri hreawm thei ve lo.

Lexi chu muang chang hian a che chhuak a, thawmhnaw chu a inbel ve ṭan ta a, ka nui chhuak sak a, Lexi tun a ṭang chuan ka pasal hual hi i awmpui leh tawh ngai hauh lo vang.

Ka inngaihtuah harh ta thut a, chuti ang chuan ka awm.remg theilo ang, Lexi ṭap lai leh thinlung kehsawm lai hmel chu nuam ti takin ka thlir der der hman lo penthouse lamah Rex thlen hma ngei a ka thlen hman a ngai dawn.


"Oh shit, a rang thei ang berin, Penthouse ka thlen a ngai, Rex in min thlen khalh hma ngei in." ka car hun ṭhatna lam chu tlân hlirin ka pan phei a, ka ferari car chu ka hawng nghal rawp a, chahbi chu rawlh lut nghalin chak zet chuan ka inkhalh chhuak ta nghal a, engkimah short cut kawng ka thlang zel a, chu lam kawngah chuan Rex a kal dawn lo tih ka hria, kawngpui lam ka thlan chuan Rex pawh ka tâwk palh mai ang tih ka hlau a, Rex thlen khalh ka duh bawk nen chu vanga chulam kawng chu thlang ka ni.


Penthouse ka thleng a, tumah an men ka ring tawh lo, Kan ei tur min siam sak tu Maria pitari tih bak hna thawk dang chu inlamah an haw vek tawh ang a, naktuk zing dar sawm hma chu an rawn lang tawh lo ang, Maria lah tun ang hunah chuan a muhil daih tawh ngei bawk ang a, hetia ka hmanhmawh lutuk a vanga thlanfim in a min bual na zo zai te hi ka hlauh a vangah ka puh thei ngei ang, lemchanna ṭha tak ah ka ngai bawk.

Rex nen hian thlahkhat chhung ngawt kan riak dun tawh ngai lo a, mut pawh kan mudun ngai tawh hek lo, khami zan kha ka la thwinghilh thei lo, a rawn haw chu hlimna eng emaw tak nei hian ka hria a, a taksa ka va khawihsak chu a kut chuan min lo phih thlák sak ṭhuai mai a, innei kan la nih lih zia leh churi anga awm chu ṭha a tih loh thu in min chhâng nghal bawk, hna lamah a chau deuh a nih dawn hi ka ti rilru a, a chhan chu hetia nupa ang la nilo mah ila nupa nun erawh kan hmang nasa viau ṭhin, chuti ang pawh nimah ila ka ka duh khawp chuang lo, Aaron nen hian kan inkarah engmah awmlo mah sela sex lamah erawh kan lut thuk din viau, he thil erawh Rex hian a hre kum tluan lo ang. Chumi zan tuk a ṭang chuan Rex chu room hranah a inthiar chhuak ta nghal a, mak ti ru viau mah ila pawnlamah erawh nupuihual leh asal hual inhmangaih ang takin kan la awm dun a, hre awm ti viau ṭhin mahila Rex duh dan a ni miau bawk si, chuti anga ali awm ṭhin chhan te chu Lexi vang chiah a nih ka ring.

Tunqh chuan chu'ng thul chu a thleng tawh ngai lo ang, darthlalang hma ah chuan ka ding a, Rex hma a lem ka lo chan dan tur vel chu ka zir chhin bawk a, heti ang lam thil chu ka hnehsawh viau a, ka thiam zawng tak a ni bawk.


REX PENT HOUSE...

REX....

Penthouse chu hmanhmawh zetin ka lut nghal a,"Victoria." tiin a au nghal thuai a.

Anu chu a bed room a ṭang chuan, lungchhe zet a inhnît hlap hlap chung hisn a rawn chhuak a.
Ka nupui hual ṭap lai hmel chu lo kuah emaw leh lo hnem tih vel pawh tum hauh lo leh va ban mai tur pawhin, ka kut chu a chét chhuahtir hauh lo.

"Victoria eng thil nge thleng, engvang in nge i ṭah?" mak ti zet a lo en run run bak tih ka nei lem lo, a ni chu kuah turin ka che chhuak bawk lo a, ka kut chu ka sit tawn tawn a thlâk thla in ka phar chhuak eih lo.


La in hnît faih faih chung hian a kut chuan a mittui far chu a hru hul a.   
, "Mi tu emaw in min zuiru a ni." Thlabar aw zet hian a ti leh sep a.


Ka phu nasa kher mai!
"Tunge a nih i hrethei em? Ka ti  fiak deuh ṭhawt .

"Hre hauhlo, ka hlauh ém a vangin, hnunglam pawh hawi lét ngam lo in ka tlân ta daih a." a lo ti leh sep sep a.

"Tunah chuan i ṭha tawh ti raw?" Tih hruih pah chuan, "Va inbual la tichuan va mu hahdam rawh! Ka nupui hual bulah chuan ka ti leh a.
"Rex khawngaihin, zanin chu min kalsan tawh suh aw, ka bulah awm ve rawh, ka hlâu em mai. "

"Khawiah mah ka kalsan lo vang che, hetah ka awm reng dawn a lawm, tûnah chuan ka sawi ang chuan va ti tawh rawh! " tháwk ka la pah hawk a.


Victoria pawh chuan," Rex ka lawm e," tihpah chuan thuawih zet hian bualin lam chu a pan ve ta a, a thiltawn min hrilh dan chu a hmela thutak na ka hmuh vang chuan a thusawi pawh chu ka awihsak viau bawk.


Living room lam chu ka pansan a, tikhan inbual harh sela, tlemin a chiai zual pui pawh a reh deuh maithei, a lo chiai nasat lutuk vang nge a hmel put dan hmang te chu a diklo vek hian ka hria, ka mini bar lam chu ka pan a, scotch chu glass awmah chuan ka thli chhuak puat a, engzah chiah nge ka thlitchhuah tih pawh ngaihtuah lo in ice cube chu ka thlâk nghal rawk rawk a, ka lem nghal pawp; ka thil in chu a thlen chin pawh a hriat nghal ram ram khawp mai.

Ka phone phawrh chhuak nghalin, ka contacts list a mi, Paul Barrett a number chu ka dial ta nghal a.

A lo pickup veleh thinrim tak hian, "Paul ka penthouse ah rang takin, tunah!" ka tih khum tuarh a, phone chu ka cut nghal hmak bawk a.


Diktak chuan, vawiin ni a ka thil tawn zozâi te ngaihtuah hi chuan Lexi taksa nel thep mai leh cotton ang mai a nem thep mai, chul hauh hauh ka lo beisei a sin, chu chuan hahdamna min pe ṭhin tih pawh ka hre choang hle, chuti ang pawh ti hmanlo va he'ng thil teh hrep hi a lo thlen zûr zut mai chu le!
Ka kal chhuak tur engmah sawi ngam chiah mang silo a, zana a bula awm tur a min duhna mitmeng te mawlh mai kha, hnar chu a harsa a lawm,kha tiang a awm tur khân tunge siam ?Keimah hian, a chhan chu nupui hual keima duh thu pawh nilo in ka neih tlat si vang a ni.

Ka nu ina nupui hual ka nei tawh hnu ah, hmeichhe dang ka kawp leh tih news lama a lo hmuh palh hlauh chuan a tuar leh dawn em a vâng a fimkhur theih tâwp tak meuh meuh a, ka hmeichhe ngainat tak pawh kawp ka ni reng a.

He ka nu thil duh hi ka tihpuitlin sak lo a nih chuan rilru hah taka siamin a nunna hialin atawrh phah ang tih ka hlau a ni, mahse hei vak chu kal thui pui erawh ka tum lo.

Rex Marshall ka ni a, chhungkaw din thei lah ka ni hek lo; he company hi ka life a ni a a ni reng fo ṭhin ang, ka pa in he a company chhunga a ai min awh tir ni a ṭang khan ka theih tawpin he company ṭhan chhohna tur hian ka tha leh tui ka seng nasa a, chutia ka beihna azarah chuan company pawhin a hma aiin hma a sawn tih pawh hmuh theih kgawpin a lang a ni. Ka pa pawh ja chungah a lawm em em a, mahse kan chhungkua ah erawh chhiatna a thleng nasa kher mai, tu tih nge tih hriat chhuah theih siloh in vau na leh kha kan dawn tâk nawlh nawlh chang lah a tam, chuti ang bawkin ka nu lah in a thih phah ṭep a, a car chuanna chu tu tih nge hriat ni silo in tihpalh thil thu ah na taka motor liana sut sak a ni a, ka nu ngei pawh a lu lamah nataka hliam tuarin enkawl dam hram a ni a, chuvanga tun dinhmun hi thlengchhoh ngai a ni; kan hmelma te ho chu man chhuahna tak neilo nimah ila tu nge an nih tih ka hriat chhiah hunah erawh an chan tur chu a la rapthlâk ngawt ang le. Chu thil chu ka tana bel chhunga sa hminsa an nih hunah a la thleng ngei bawk ang.

Ka nu hi doctor khân thlathum dang maw , a dam chhuah leh na a tan khan nghâk rawh min tih kha, chumi hnu ah chuan, ka nun pangngâi takin ka hmang leh thei tawh ang, chumi chhûng zawng chuan, Victoria hi ka neih ngailo hrâm teh se.

Ka rindan in tûna thilthleng hian, ka Company chungchâng thil nen khân inzawm na a nei thei ang em?

Ka scotch intur chu ka insiam leh rawk rawk a, ka tlák zo leh vek nghak a, tunah chuan tlemin ka ziaawm deuh tawh e, mahse Lexi ka ngaihna erawh a zual sauh, tunah te hian va kal a engkim a dik leh vek mai ang ti a va hnema ka awma bei tir tluk a châk leh tih duh ka neilo hial ang.


Paul chu kawngka a ṭang chuan,inchhung ah a rawn pén lût khauh khauh a.

Rum zet a lo melh pahin,"Zanin hian eng thil teh hrep nge thleng Paul?" ka lo ti nghal hrâwk a.

"Rex han in bengdai phawt teh! Engmah thil thleng a awm ka hre lo."

"Eng nge i thusawi awmzia chu?" Ka melh rum kher mai.

"A chhan chu khawilai mai pawh kan check kual chhuak vek tawh a, engmah thil danglam eih pawh hmuhtur a awm.loh vang a ni."

"A nih Victoria khân ka hnung ah min zui a tih si?"

"Tumahin an zui hi ka ring hauhlo, ........"

"A nih Victoria chuan dâwt a sawi i ring tihna em ni?"

"Ka rindan chuan, Victoria hian, vawiin lam a vanga a thil ngaihtuah na te chuan a thluak chu an ti buai ang a, tunhnâi a thil thleng te nen, a mah ah chu ât na chi khat chu lo chhuak in miin an zui ta ah a ngai a nih ka ring!"

"A nih leh ka nu leh pa hian, an nunna a tanna derthâwng ang tur chi lehkha dawn leh an nei hrim hrim em? "Tiin ka zâwt leh khauh a.

"Hmân ni kar kalta kha chuan, chutiang lehkha pa khat chu an dawng a lawm, mahse lungngai duh suh! Khawi hmunah pawh kan mipa te chu an awm vek tawh a, i chhûng te hian, engmah
Vânduaina tih ang thil kha an tâwk leh tawh lo ang, kan milehsa te chuan thil che hlek pawh enfiah nghal zel turin, khawi hmunah pawh an in zarpharh reng tawh."

"I chiang chiah maw? Keipawh hi han enla, ka nu a vangin hetia ka awm a ngaihtâk hi!" Ka rúm chhuak nghut a.

"Chiang tehreng mai." ti a bûk nghut nghut pah chuan Paul chu a chhuak leh ta a.

Paul chhuah hnu chuan, ka rilru chu sawrbing in, thil thlendan chu ka ngaihtuah vung vung a.
Victoria ât thut na leh a thil ngaihtuah mûk lutuk vang te chu a lo ni thei mai ang em? A mah erawh chu heti ang thil thlen thlenna chhan erawh hi chu ka hriat cguah ngei a la ngai ngei ang .


VICTORIA....

Bathroom lam chu zawi muangin ka pan hna hna a, mahse ka hmel a hmu thei tawhlo tih hria in ka nui phei ru var var thung!

Tui lum nuam tak chu herh haw in bathtub ah ka inchiah a, ka taksa na ṭhem ṭhum.te pawh a dam huai mai, chuti anga rei tawk fang ka inchiah hnu leh ka tui inchiahna pawh a daih rak thleng chuan hreh zetin ka thawh chhuah san ve ta ṭawk a, mahse ka rilru chu a hlim a ni.

Tuia ka inchiah lai khan tihdan tur ka ngaihtuah kual nasa mai a, Lexi tawrh dan tur te chen chuan a taka thlengah ka han chan a, ka bengah te chuan a hreawm ti au ri te chu hre thei gialin ka in hria a ni.

Tun aṭang chuan pasal hual hi i bul hnaihah a awm leh tawh ngai lovang Miss f*cking Logan.
Engkim thil ṭha tak in ka plan vek tawh bawk.

Ka bul lawka towel awm chu la in ka intuam nghal a, bathroom kawngka chu ka kalh nghet sauh sauh a, ka phone ken luh chu ka hmang ta nghal a.

"Don keimah!"

"Ka thil rawn hrilh tawh chung chang che kha a ni e."


"Ti tâwp vek turin ka duh che a ni."

"Kha, Lexi Logan chungchâng kim changtakin leh a thlalâk pawh ka rawn thawn tawh che kha, in ngaihzâwn tir tum la, chumi hnuah chuan lo manin ka kutah i dah dawn nia ."

Min ti beidawng hauh lovang tih ka chiang, a nih loh chuan i nunna a tan nang pawh a pawi thûi viau ang,i hria maw?" ka vînkhum khar khar a.

"Pawi ila ti viau ang Miss Logan, hetia ka huangchhûng a i rawn lût hi chu, tunge ka nih chiah tih hi i ila hre lo a nimaithei, tunge ka nih chiah tih keh eng thil nge ka tih ṭhin tih hi i la hre dawn chauh, chumi chhung ti hian lo awm rawh." Ti a phunchhuak sapin, bathroom kalhna chu ka hawng a, Rex khan zanin khan a thil mamawh chu Lexi hnen aṭanga a hmuhloh a vangin kei hian ka pe ngei ang tih rilru pu rânin mutkawr sexy zet chu ka inbel a, Rex chu khawiah nge a awm tih en ve rebg rebg ja duh bawk nen ka room chu ka chhuahsan ṭham ṭham a, licing room lam ka pan chu Paul leh Rex lo inbe malh malh chu ka va hmu a, mahse he mi te pahnih hi chu an in be rei ngailo a ni tih ka hre vek tawh a, Rex ka room lama a rawn kal ring tak chuan khum lamah chuan nui ru var var chungin ka inthawlh ta vat a .


LEXI....

Zing a nih chuan nguizet in ka tho chhuak a.
Choka lam a ka va chhuah phei chuan, sitting room sofa a Alma lo mu reng chu ka hmuh thut a vang chuan ka phuzawk bawk.

Zan lam pang ka hun hman dan chu ka ngaihtuah chhuak a, Rex min chhuahsan hnu khan ka ṭap ngei mai a, khati teh tawp a min kalsan avang khan na kati a, Victoria in a rawn text a a kal nghal a, kei lahin engmah sawisel theih ka nei si lo, ka ngaih avangin Rex lah phallo tawp thei dinhmunah ka ding miah lo leh nghal ka chan chu a tlawm thlâk viau a mahse Rex tello a nunhman erawh ka zuam silo, zan rei tak chhung ka meng a, rilru nat avangin ka ṭap bawk a, mittui nen a inchiahpiah niai chungin ka muhil ve ta hrám a nih kha, thâwk lâk hak pah chuan ka tho chhuak a, bathroom lam chu intifai turin ka pan ta a.

Ka chhuah leh hnu chuan thawmhnaw pangngai tak inbel chung in sitting room lam ka pan phei a, ka thil va hmuh chuan min ṭhawng chiang lutuk,  Alma chuti anga awm chuan ka la hmu ngai hauh lo bawk.

Ring zet a au pah chuan, "Alma kha tah khân zankhua in i mû tihna a mi a tho vat rawh."

"Lexi khawngaihin i awkî kha ti hniam hram teh!" Zawi hmel fé hian a rawn ti nang nang a.

"Tu emaw chu a hungover tihna a ni maw? Ti el khumin ka nuih var var a.

A mutna a ṭang a rawn thawh chhuah ṭaih ṭaih pah chuan,
"Lalpa leh engvangin nge kha ti khawp.khân ka in nasat le?" A chal chu a dawm nang nang a, a lu a na hle ah ka ngai.

"I vannei hle mai vawiin ni hi saturday a ni hlauh a , niléng in i mubo thei tihna a nih chu!" A bulah chuan ka va ṭhu ve a.

"Thil ṭha zet i sawi ni in ka hria." Min nuih let ve sak a, a ṭawngkam chhuak a zawi viau.
"Nizan lama i hun hman dan eng nge a an? "a tih zawm leh nghal zat a.


"A ṭha vak lemlo , Rex chu a rawn kal hnu reilo te ah a chhuak leh nghal daih a lawm, kan ṭan chauh a, message pawimawh tak a dawn a vangin a chhuak leh ta daih a," ka ti ve nang nang a.

"Oh a nih tak chu, ka ngaihdan chuan, , nizan a abul rawn ṭan chu, zanin ah a rawn ti zo tawh ngei ang le."
A ding chhuak a, fridge a mi tui bottle va la in tui hak hmel zet chuan a inkhalh khalh a, a chanve dawn a in hnu chuan bottle chu dah thla lehin, "God tui a va hal duh ve."

"A rawn kal khât ṭhin tawh zia pawh i hriat reng kha." ka ti ngui raih a.

"Lexi a pawi hle mai."

"Ok, muturin ka kal tawh dawn, tihpah chuan, muang châng chuan a room lam chu a pan ta hnak hnak a.

Alma sawidan angin zan in hian Rex chu ka hmu thei ang em? Tih chu ka zawhna a ni hial mai.


Breakfast tur ka insiam a, mahni in ka ei mial mial a, breakfast a tan a ka omlete kan chu ka eituilo tak zet, Alma ei tur chuan ka dah deuh vek, coffee erawh ka in ṭeuh thung! Ka breakfast eina plate leh no vel ka silfel leh hnu chuan vak chhuak turin ka room lamah ka phei leh ta a, Alma nena kan chenna hmun hi chhawngkhat chauh niin inmal din a ni leh nghal a, kan pahnih a duh dan tak a ni bawk, midang ṭhenawm mihran hran chenna ang chi inchawhpawlh nuai na ang hi kan ngaina dun vak lem lo a ni.


Ka thil mamawh ho chu lei turin, ka chhuakvâk ve ta a.
Ka mamawh te ka lei kim nge kim lo ti a ka en fel lai tak chuan, ka phone chu a rawn ri ral ral a, tunge ni ta ang? Tiin ka en nghal a, Rex a ni tih ka hriat chuan ka hlim ngei mai.

Lâknghal vat pahiin," hello." ka ti var a, ka aw ah chuan ka phûr zia thu thup tum mah ila ka theih chiah erawh ka ring lo.


Rex aw thawpsut mai sexy zet  chuan, "Lex keimah ka nia." a rawn ti leh sup tawh! Lairil a va han fan thei tak.

"Rex min rawn bia a ka lâwm takzet, eng tikah nge kan inhmuh theuh ang ?"


Zâwitak si fiah zet hian, "Ka hmu thei rih lovang che babe."

"Ka rawn call nachhan che pawh, ni reilo te chhûng chu ka rawn hmuhtheih rih dawn loh vang che a ni." A thusawi chuan min deng deuh dawt dawt ni mai hian ka hria, hei leh chen ka lakah a inla hrang tawh a, chumi hnu ah pawh heti ang thil hi a la sawi leh zel chu a nia le, ka tuar theih lul tawh lo ang, ka mittui a tling nghal pam a, Rex chuan eng buaina nge a neih hriat ka châk a, ka zawt chák ngawih ngawih bawk, mahse ka ngam dwr si lo, ami chhanna tur ka hriat láwk vang nge tih erawh ka hre lo.


"Rex engtia rei nge nghah ngai ang ? Tiin ṭap mai lo tur chuan ka heh ka pet fan fan a.

"Ka hre hauhlo mai, office pawh ka rawn kal thei rih lo ang a, ka hna ho te pawh ka secretary Sadie khân office a ṭangin min rawn hawnsak ang a, keiin inlam a ṭangin ka lo khawih rih mai dawn tihna a nih chu."

"Enga ti?" Engvang chuan maw Rex?" ka ṭah aw tiau tawh mai a, ka insum zo tawh thláwt lo, heti em em em a ka mamawhna te hi hria ni se zawng eng atan mah a min ngailo tu Rex chuan min va han hmusit dawn em.



"Lexi tunah thu tamtak sawi turin hun ka neilo.Nakinah ka la hrilh vek dawn che nia, tuna tan rih chuan i hriatloh hi a la ṭha ber, a nih phawt ka dah a ngai ...."


"Khawngaih in heti ang chuan ti lo hram rawh Rex ka ngâi che....." zah pawh ka dawn zo tawh lo, ka thusswi chu ka kâ a tangin a ri chhuak chiah tih ka ngaihtuah let leh hnu hnawh a, mahse a ri chhuak chiang a ni; Rex hi ka ngai a ka thlahlel ngawih ngawih a, kha thu kha ka chhungril ber a ṭanga chhuak niin rilru leh tih tak zeta ka sawi pawh a ni.



"Lexi kei pawhin ka ngâi lutuk che ." Thâwk a ri hawk ri chu thun phu dat dat chungin ka ngaithla kar a, chil ka lem oah khalh bawk a, "Mahse kan pahnih a tan pawh hian a ṭha rih a ni, ka dah phawt a nge."   phone chu a thi ta hmiah a.

"Rex.....

A dah daih mai, engthil zet tak vang chu ni ang maw? Ka hrethiam phâk ve der mai bawk silo. Kan pahnih a tan a ṭha tih thu a sawi em ni kha? Ni e, a mah ah hian.ka lut thuk tawh lutuk tawh tih hi hria in ka ât chilh tawh ah a ngai ang a, chuvang chu a ni ngei ngei ang.

Ka mittui rawn far kauh kauh chu, ka kut chuan ka hru hul pah mawlh mawlh a, ka vanduai zia ka nfaihtuah chuan mahni inkhawngaihna hlirin ka khat bawk, ka hrawk a ro hle a, ka awm chhung chu ná ka ti hle bawk, heti ang hi ka la tawng ngai lo, ka hringnunah ti ang thil hi ka vawikhat tawnna a ni a, chuan rilru na leh hliamin ka awm leh ta nghal khawvel hi chu a fair mawlh lo. ka hnunglam a ṭang hian mi pakhat aw tham deuh châl mai hian"I ṭha em?" a rawn ti khauh a.

Chuti anga min be tu an awm ang tih chu ka rin loh em avang chuan ka phu deuh zawk a, ka va hawi phei ve nghal a, mipa pakhat la naupan hmel zet mai, ka kum rualpui vel tur a nih ngei ka ring, sam buangthang mai style zet a, meh hian minlo en reng a.
Chu pa mitmu chu a pawl raih mai bawk a, mipa zaidam tak angin ka hmu tel bawk, a hmelah chuan pawisawi hmel pawh hi a pulo hial ang tih theih tur khawp a ni.

"Min lo hrethiam teh?" A ngaihna hriat loh hmel zet chuan ka ti deuh hâ a, chutia ka hmel hriat ngai pawh nilo in a min han be ve tawp mai chu a ngaihna pawh ka hre lo.


"I lungngaih hmel riau a, i ṭha maw?" A mitmeng chu a de sawr sawr hian ka hria.

"I in rawlhlohna turah i inrawlh te hi a ni hial lo maw?" Rex laka ka thinrim na a vang chuan ka tih khum.khar khar a.

"Whoah, ka lo zawh che a vang khan, ka tihpalh dér a ni ..."
Ka in ngaihtuah harh leh zawk a, "Nilo e, ni hrehawm zet mai ka hman vang zawk a nia." ka lo ti sep a.

"Kan piah lawk ah sawn ,coffee shop a awm reng a nia,
Ka leisak che i duh chuan lo kal rawh ! Coffee sa ṭha ver vawr tak tuizet mai i in chuan, i harh sawt a nga , chuan kha i hmel mawi takah khan, nui hmel pawh i pu leh thei mai ang." a ti pah luam a.

"Coffee chu a ṭha tak viau ang, ka lawm e." ka nuih let ve sak bawk a.

Coffee shop ah chuan lûtin, ṭhutna lo ruak awmahchuan, kan ṭhu dun a, Chu pa chuan coffee chu rawn la in a hmeh atan donut lian ṭha zet hi a rawn keng tel bawk a, ka hma zawnah chuan coffee no pakhat chu a rawn hunga ka lo ban nghal vat a, no chu chawi kangin coffee sa ṭha zet chu ka tem pah hlak a.

Aw then khurh pahin, "A nih pretty Lady eng thil ingge ti lungngâi viau che a?

"Lexi tiin min ko ṭhin!"

"Kei pawh Don Rick ka ni a, mahse Don tih hi chu ka nick name a nia."  a ha var rual ṭhah lang chuan a  nui zui ṭha a.

"Rick ti chuan ka ko zâwk ang che." Ka nuih lét ve var var a.

"Kan in hmu hi, ka lawm khawp mai Rick."

"Lawm tur zâwk chu kei hi ka nia lawm." A coffee chu in ve pah chuan a mitin min rawn siai khum zauh a.


Kan pahnih chuan eng eng  emawni thu ho té té sawi dun chuan, dar kar fe chu kanlo hmang tawh reng mai, kawm pawh a nuam phian mai, a ṭawng duh viau a, fiamthu thawh pawh a thiam hle bawk, min ti nui thei reng mai a ni.
Rei fe kan inkawm hnu chuan, ka phone chu ka bih zauh a.

"Ka haw a hun tawh in ka hria Rick, kawm i nuam hle bawk, kan la inhmuh leh ngei ka beisei." Tih chhuah ta sap pahin, ka ṭhutna a ṭang chuan ka ding chhuak nghal a, ka bula ka thil lei bag awm ho chu ka la nghal bawk a.

A ni pawh arawn ding chhuak ve nghal a, kan in chen ṭep a sang vak lem lo, 6 fit chu a tling chiah lo deuh ang.

"Na kinah intur te min la dawmpui ve duh dawn a nih chuan, i number nangmah rawn biak theina tur che min hnutchhiah la." Hmel hlim sang chuan a ti leh a.
"In tur maw?" lo tih deuh hâ pah chuan, mak ti zet hian ka melh a.


"Ka ti lui hauhlo che, i duh tâkin ka ti mai chauh a nia." A mitmeng pawisawilo zet chuan min mwlh leh a.

"Aw le ṭhian ang in kan la inkawm leh dawn nia." tih sap pah chuan ka number chu ka pe ta nghal a.
A ni pawh chuan a number chu min pe ve in ka phone ah chuan, ka save ve nghal bawk a, kal tura ka inher hma chuan, "Rick chawhnu hun nuamzet mai min hmanpui a vangin ka lawm e."

"Keipawh ka lawm lutuk, kan inhmuh leh vat ka beisei." A tih hnu chuan kan inṭhen ta rih a.



REX MARSHALL PENTHOUSE.....

REX...

Tukin zinga Lexi ka biakna khan ka rilru a ti hreawm kher mai, rilru bangbo zetin ka siam a, inhmuh rihloh a ṭhat thu ka hrilh tel bawk a, a chhan lah ka hrilh thei rih si lo, kei tak pawh hi Lexi hmu lo hian engtia rei nge ka awm theih ang tih erawh ka hre bik hauh lo.

Kan inbiak dan tawngkam atang kha chuan a rilru ka ti na tih pawh ka hre reng, khati ang ṭawngkam a rawn hman phei kha chuan a bula va tlan a kuah vawng vawng chunga a mittui tla te chu hruk hul sak pahin engkim a tha leh vek dawn a lawm, chutih thleng chu min lo nghak rawh vatih mai tak hi ka nâp a, mahse ka inngaihtuah fim leh vat a, chutia ka tih duh hma mgei chuan phone chu ka cut ta var zawk a nih kha, ka lam pan zawnga pen thawm dim tak ka hriat avang chuan ka hawi chhuak vat a, Victoria thawmhnaw sexy zet mai inbel a rawn kal phei ka ṭhutna ep chiah a rawn ṭhu chu ka hmu nghal a, a thawmhnaw inbel chu sexy viau mah se min hip mawlh lo, Lexy sweet pants nen a a inbel pawh a sexy zawk mah ang, chu nu chuan ka luak a ti chhuak hluah hluah, engvang a Lexi ka kawp tâk a ṭanga hmeichhe dang hi hmu tui tang thei tawh tlat lo nge ka nih ka hrethiam hauh lo.

Hei hi hmangaihna a ni thei ang em? Ka nu ka ngaih ang tluk zet leh ka thlahlel ang tlukin Lexi hi ka ngai a, a taksa ka thlahlel bawk a ni a, mahse hmangaih nei thei dinhmunah ka ding lo, Rex Marshall hian hmangaihna a hriat loh ang bawkin hmangaihna a tawng thei heklo ang tih hi ka thupui ber tur a ni.

"Victoria eng nge i an, nizan lam te i mu ṭha em?" Ka nupui hual rawn kal phei zan zan mai ka ep chiah a rawn ṭhu ta chu ka lo zawt a.

"Ka ring, mahse enga tinge nizan khân khumah i rawn kal loh?"

"Hna ka thawk a lawm Victoria."

"Ka lo nghâk reng che a sin Rex ,tih pah chuan, no thei ang ber hian min  melh leh ta nghal a, ka ten ngawih ngawih.

"Tunah chuan ka buai rih tih pawh i hriat reng kha Victoria." Thâwk ka la ri hawk a, "He thil ru tu hi ka zawng mék a ni tih pawh i hre ve a lawm, chuti ang bawk chuan a ti tu hi ka hmu chhuak ngei bawk ang." Ka tih khum hmuk a.


Ka chair vawnchhan ah rawn ṭhu in mi rawn fawh zauh pah chuan, ka taksa chu a rawn zût kual a.

"Rex i nupui hual ka ni a, tunah hian ka mamawh chu ka neih a ngai tak zet zet in ka hria." chuti anga min rawn tih velna avang chuan ka khawng nghal zawt, ka thin a ti rim letling zawk.


"Min lo kian san teh Victoria, a mood ah ka awm rih lo." tih khum hrawk pah chuan, ka nemsawn deuh lawp a.

"A mood ah hian i awm ngailo hrim hrim, "Rex Marshall ti chung hian, i nupui hual chu ka ni ve si a maw?
I kut hmawr pawh a min khawih loh na hi a thla a thla a tling tawh hial ang." thinrim zet chung chuan a ti lét ve hraih a, a mitmu uk kharh mai chu a mengling nghal hlar a.

Thinrim zet a men rum khum ûl pah chuan, "Ka ngaihtuahna ah hian thil tam tak a awm a, he ka chungchâng thu a ṭang hian, lo in thiar fihlim ang che. " tih hrâwk pah chuan, ka breakfast tur pawh eita lo chuan ka thawh chhuah san a, chuhmun kal chhuahsan tum chuan room kawngka lam chu ka pan ta nghal a, a chhan pawh ka dawhtheina in a tlin loh ka hlauh vang a ni.


Victoria chuan kitchen kawngka bul ka thlen lai mi rawn âu zuiin,  "Oh i ngaihtuah na ah chuan eng nge awm hrep tih chu ka hre lutuk Rex Marshall."

A thu rawn sawi avang chuan ding deuh chawt a, mahse ka chhuahsan zui ta nghal a, ka chhan ve chuan kan inchhang eng emaw kha a ni ang a, buaina bâk a chhuak dawn lo tih pawh ka hre chiang viau.