THE CONTRACT CHAPTER TWENTY FIVE

THE CONTRACT CHAPTER TWENTY FIVE

Hei pawh a sei vak thei leh lo ang aw, mahse kan theih dan ang angin advertise kha click leh kan tum vek dawn nia.

RICHARD


"Katharine duh tawk tawh rawh, engtin mah ka ti dawn lo che ka tih tawh kha." Tiin ka phun chhuak sup a.


"Chuti ang lampang pawh a ni lo."


"Chuti ang lampang anih loh chuan nih leh thlipui tleh vel hi em ni?"


"Thli zawk a ni; thli tleh ri hi ka hre duh lo." Chutia a sawi rual chuan ka kuah hnâi sauh a, ani lah a khur dar dar reng bawk a.


Thâwk a lâk zawng chuan a awm chu a che dat a, zawi tè a ṭawng chhuak in, "Ka nu leh pa thih ni khan heti ang tho hian thli a tleh nasa a, kan car chu thli chuan duh duh in arhmul ang mai hian a len kawi vel a, ka pa chuan car chu a controll thei lo chiah tih in kan car chu a let ta der a."


Chu thu a sawi chiah, ka lung phu a su dup dup nghal huan ka hria, "Khami zan khan nangpawh car chhungah i awm tel ve ti raw?"


"Aw, car seat hnunglamah kei chu ka ṭhu a, khatia car a let tawp avang khan car tukverh darthlalang zawng zawng chu a keh vek a, chumi hnu aṭang chuan thli tleh ri hi ka hlau tawh ngawih ngawih, engtiklai in nge ka thihdang tih pawh ka hre lo; mahse ka harh chhuah hnu thleng leh tun thleng hian kha thli tleh ri rápthlâk zet kha ka bengah hian a la châm reng ṭhin!"



A ṭawng chhuak ri chu a hma aiin a zawi leh zual a, "Ka harh chhuah hnu chuan ka nu leh ka pa chu an thi fel der tawh tih ka hria a, chu car chhungah chuan keimah chiah ka dam tawh tih pawh ka hria, mahse motor kha ka chhuahsan thei si lo, ka tâng tlat bawk si...."






Chu a thil sawi avang chuan ka hrawk chu hnawhtu awm ang mai hian a rawn ping chho mup mup ni ber hian ka hria a, a rilru natna leh a taksa natna ka ngaihtuah chuan ka thin a tanga ka hrawk thleng chuan a rawn phui chho mup mup niberin ka hria, heti ang thil hi a hma zawng khan chip chiar leh kim.takin min la hrilh lo reng reng, vawiin ni hian min hrilh ve chiah.




"A nih chu mi zan chuan nang i nâ em?" Ka kut chu a rawn la a, a mal chu a nighty hαk chhan ah chuan min khawih tir a, ka hriat dan chuan ser nung ningei tur kual deuh raih hi ka khawih fu a, khami zana a hliam tawrh a nih ngei pawh ka ring.




"Accident a nih zan khan ka lu chu na zetin ka tauh bur a, motor a han inlet thawk ah khan ka ke lah chu ka ṭhutna seat in phawk chuan a delh tliak bawk a, chhan chhuah ka nih hnu ah pawh vawihnih lai mai operation ka ni a, mahse ka dam chhuak ta anih hi!"




Aw then deuh kharh pah chuan, "Hei vang hian a chang chuan ka tlu hnawk emaw ka balance ka hlauh phah ṭhin! A chhan chu ka ruh hi a chângin a kalh deuh tlat ṭhin."




A kal dan thing tizet chung a hmusit zeta ka lo nuihzat ṭhinna te kha ka hre chhuak a, mahni inzahpuina leh inthlahrunna hlir hian ka khat a, ka lu kân in a lam a va hawi phei pah chuan,"Tihpalh lutuk aw sweet heart."




"Pawi ti duh suh, nangmah vang ani hlei nem."





"Nilo, heti ang thil i paltlang zo zai te ka ngaihtuah a, ka hriat loh vang a ni; ka ngaihdam dilna che chu thildang daih a nia."




A ni chuan ka ngaihdam dilchhan hrethiam zet chung hian."Aw le, i hriatloh vang a nia." A ti a.




"Engvanga tlu tawp thin nge i nih tih leh i balance hloh chung chang kei pawhin ka zawt ngai chuang hleinem che ti raw?"




Chu ka thusawi chhuah chuan kei ngei pawh min ṭhawng kher mai, "Chumi avang chuan min ngai dam ang che."



"Ka ngaidam tawh che a lawm."




Ka khabe chu a dara a nghat lehin a mah chu ka melh chhuk a, room chhung chu a thim viau a, mahse tukverh lam aṭang a light in a rawn kah luh eng ri riai kar a ṭang chuan a dâng var pap a ni tih leh a mittui a luang a ni tih chu ka hmu a, hreawm ka ti kher mai, "I laka rilru diklo ka lo putna zawng zawngah leh i chunga ka tih dan ṭhin zawng zawng avang khan min ngaidam ang che aw."




"Ka ngaidam vek tawh che a lawm Richard."




"Heti ang khawp a, mi hriatthiamna leh ngaihdamna i nei thei hi mak ka ti zâwk, engtin nge kei hi i bula ka awm hian min tuar theih zawk le, i tan chuan heti ang khawp hian ngaihdam hi a awlsam em ni? I lakah tlem té in ka nundan thlαk ve in awm ṭhat ka tum ve lek a ni si a."



"Ti ang contract tihnan hian ka ngaihdam che a ngai a lawm, kei chuan Penny hi chân ka duh lo, ṭha taka a awmtheihna tur anih ohawt chuan eng pawh a tan tih ka huam a lawm."



Hreh deuh tak chung hian la biang chu min rawn chul sak a, "Chhan pakhat chu kha kha a ni a, chuan chhan dang pakhat a la awm."



"Chhan dang leh chu eng nge?"



"Chhan dang leh chu Graham nen in inhmuh tur chung chang i sawi lai khan, nangmah ah thil hmuh ka nei a...." a tawp deuh chaih a.




Eng thil nge sawi a tum tih hriat chαk tak chuan, "Eng nge chu chu?" Ka lo ti thuai a.




"Anderson Inc chhuahsan i duh thu i sawi a Gavins group zawm i tum tih thu i sawi khan, nangmah a awm Richard diktak kha i hmuhchhuak dawn tih ka hria a."



"Eng Richard dik tak maw?"




"Ka ngaihdan chuan nangmah a mize tam tak chhungril a inphum ru, midang laka i tihlan ngailoh leh nang pawhin a chuti ang mizia i nei a ni ti pawh i inhriatloh tam tak hmuhchhuah tur la awm chu zawi zawi in a rawn lang ṭan ni in ka hria a."



Ka kuta a sam khalh sak niap niap pahin, "Nileh keimah a Richard diktak awm chu eng nge i ngaihdan le?" Zawhna zawt chiah pawh nilo; a laka inphahhniam tak chungin leh khawngaihna dil ang mai hian ka ṭawng chhuak a, a chhan pawh eng ang chiahin nge min ngaih ve tih hi hriatchhuah ka duh a vangin.




"I chak a, mi care i thiam a, thil i tithei bawk a, thil thiam thei tak i ni...." a tawp deuh chaih a, "I zaidam bawk."




"A langa thil awmlo i hmu thei a nih chu!" Ti chungin a mah chu ka melh a. A mizia hi nunnem tih hian a hrilhfiah zo lo, hrilhfiah dan ṭha bera lang chu lei a angel kan hmuh theih ang mai a ni. Eng pawh chu ni se angel ang mai pawh ni se kei zawk hian ka phu hlawl lo, ka tluk bawk.hek lo; ka bula a awm ringawt pawh hi ka phu thlâwt lo.




Thli na deuh tak a rawn thaw a, tukverh glass chu a rawn beng ṭhawt mai bawk a, chu thil Katbarine hlâu lutuk chuan chu lam chu phâwk zet hian a melh nghal thuai a, ka kut leh lam chuan a biangah dim te hian a hmel chu ja lamah ka kuai her a, dim té in a heh no zetah chuan ka zu fawh sak a, hnem turin ṭawngkam zaidam tak kam hmang ang mai hian, a hma a ga tihluihna nena fawh ni tawh lo in, a mah rawn pah deuh ang leh zah takin ka fawp a, a  a lu chu ka âwm bei tir turin ka kuah hnâi leh sauh a, "Hlau duh suh, ka awm a lawm, i chungah engmah ka thlen tir tawh ngai lo ang, ka tiam a che."





"Muthilh tum rawh sweetheart, hetah chuan i him e, thlamuang taka awm tum rawh, keima'n ka veng tlat dawn che a lawm, ka tiam che." Tiin ka phun zui leh sup a.



"Richard tun hma in heti ang hian tumah midang ka la mutpui ngai lo."




Ka kun hniam deuh a, a nghawng hnunglam panga fawh sak leh zuai pah chuan, "Katharine he ka khum ka private ah hian nang chauh tih loh chu hmeichhia tumah an la mu ngai bìk lo; nang hi ka mutpui hmaaak ber i ni e." Ka ti ve nghal a.



"Oh ah......" Zawi té hian a ti chhuak sep a.



A taksa chu va ngheng hnαih leh zual sauh pah chuan, ka nui chhuak suk a, "He hmun hi ka himna hmun a ni a, tunah chuan i tâ a ni ve tawh, chuvang chuan thlamuang takin mu ang che, ka veng tlat dawn che nia, ka awm a lawm." Ka kuahna chu ka tinghet zual sauh a.




Ka mit chu ka chhing ruai ruai a, kan taksa chu kan awm aṭanga kan mal thleng chu hmun awl awmlo in a insi dún châih a, chu chuan kan taksa inmamawh tawnna leh thlamuanna a hmu dun ve ve bawk.





****        *****           ******       ******




Phun sep sep thawm ka hre thei a, ka la harh chian loh avangin eng nge an sawi tih erawh ka hrechiang thei lo, ka lu lah a la rit bûr mai leh nghâl, khum lah chu duhthusam in a lum nuam a, thil eng emaw ni hian ka hnar a rawn ti zâ a, kei lah la harh peih lo zet chung chuan ka hmai chu lukham lamah ka la phûm sauh sauh a, ka lukham lama, ka hmai ka phum lai chuan nui nghawr deuh dar dar hian a zui a, phun sep sep thâwmin a zui leh nghal bawk a.


Thil rimtui zet mai rim chu a rawn nam lut chem chem bawk a, fiahlo zet hian ka meng chhuak a, room chhung chu a la thim deuh ruai a, ni rawn chhuak pawh chu a dul khee mai, khua a la dur reng a ni tih pawh a hriat a, room chhung chu nizung éng tak pawhin a la rawn chhun thei lo; chutia ka meng zauh lai chuan Jenna nui hmel ka hmu tel bawk a, khum rawn bawhchhan deuh hlek chung hian chhuatah chhuat ah a ṭhusawp niaih a, ka hnâr rawn ti zá tu chu a mah a ni chiang lutuk, a kuta coffee mug keng chung chuan, "Good morning." A ti a, anui pah rah rah bawk a.




"Khawpui ri leh thlipui chu a thawk nasa viau a ni maw, hetilai thleng thlenga i rawn ṭhut chhan?"



A nui chhuak hak hak a, "Katharine ko turin ka rawn kal a, mahse i lo kuah nghet viau mai bawk si a, chuvang chuan hetah hian coffee kan indun angaih phah ta a nih hi!" Tiin min chhâng a.




Ka en chiang a, Katharine chu ka lo kuahnghet viau tak tak tih ka hre chhuak a, ka ban leh lamin a sam lam ka delh sak a, ka ban leh lamin thîr ang mai a khauhin a âwm lamah ka kuah tel bawk a, ka bawp leh lamin ka khan tlat bawk a,  zun ka duh tawh avang a ka mipatna khawngluah tawh chuan a mawng lamah ka do rûn mai bawk a.




Ka mipatna khawng zet tawhin a a mawnglam ka do run na chuan mak dang dai takin vanram tla fual ang mai hian a mawng nem tak chu ka thlamuanpui ni hian ka hria, ka hmai chu Katharine lamah chuan ka va thukru ṭha leh a, ka bula a lo mu hi nuam ti tak chung chuan, "Kal chhuak mai teh Jenna." Tiin ka phun chhuak pah sup a.


"Min thlah tawh teh!" Katharine chuan rawn tih ve pahin, ka kut chu a nghawk deuh salh a, a zimar pah bawk a, a taksa chu a khur deuh dar dar tih pawh ka hria, mahse nizan lama a taksa khûr ang erawh a ni tawh lo; tuna a taksa khur dan chu zimar ar ar a vanga khûr ni hian ka hria, chutia a zîk mae nalamah chuan ka mipatna khawng zet chu a mawngbawr chuan rawn hnaih leh deuh in, a mawng tam bawr inkar vel ah chiah chiah chuan a tla zep deuh leh nghâl a, ka aw then loh a vanga hnawk deuh tak chung chuan Jenna hnenah, "Minute nga hun min pe leh lawk rawh." Ka ti thαm ṭuak a. Minute hnih chauh ngai mahse Jenna bulah chuan minute nga angin ka sawi chhuak a.

Nuih chhuah hak hak pahin, "Mipa ho hi chu!" Ti a rûm chhuah hak pahin a kal sawn nghal a, kawngkhar a ṭang chuan, "Inhnuai lamah kan inhmu dawn nia." Ti lehin a kal chhuak ta nghal a.


Jenna a kal liam chiah kawngkhar a inkhar rual chuan Katharine chu zing ****fawk hurna nen, insum thei tawh lo in a heh no zet chu ka fawh sak bawrh bawrh a, ka lei chuan a ka chhung chu ka hâwl sak nawk nawk bawk a, ka thlah leh nghâl thuai a, thâwk chhuah deuh hawk pah chuan ka inlet sawn a, "Katharine min that dawn ni in ka hria."


A ni lah chuan chhuanlam siam tum zet chung hian, "Ka mu mai mai a lawm, engtin mah pawh ka ti hleinem che." A lo ti mai a.

"Nia, i mu mai mai a lawm." Ka thaw chhuak hrawih a.


"Mahse nawmna min pe nasa a thung si anih hi." Tih leh pah chuan a mal mum nalh zet chu ka dép sak pah deuh auh a."Jesus Katharine."


Katharine chuan phαwk zet leh meng zâu kâwk kâwk chung hian min rawn melh a, kei lah pek chuan zingkar a hurna ka neih insum har ti tak chuan ka melh thung a, chutia Katharine bula hur tak ang leh mipa insum theilo zet anga ka han awm ta mai chu ka inthiamlo leh hnuhnawh a, ka kut chuan ka hmai chu ka tuai deuh pâwk a, eng thil nge maw ka tih tâk hrep chu le? pangngai taka mut ṭhat leh pahin, "In hnuai lamah chuan kal tawh rawh, kei chuan shower vawt tawka rei tak chhung inbual ka mamawh ngei ang."


"Engtin maw?" Tiin min rawn zâwt deuh hα a.


"Engmah nilo ve, a ṭha vek e, mahse la kal rih teh suh..... Minute hnih vel lek chu la awm belh rih rawh." Tiin a kut chu ka vawn sak leh a ."Jenna hian mipa tla hma lutuk ang a min ngaih hi ka duh lo."

A kâ chu a áng deuh phiau a, mahse engmah erawh a sawi chhuak hran lem lo.


Kei chuan ka kut chu phar chhuakin, "Ka kut hi operation a ngaih tawh ka ring, a kham zo vek tawh." Ka ti a, ka thusawi dan kal hmang chu a hrethiam chiang lutuk. A mah ngei hian ka kut hmanga inhrawt ṭhin tur khan min tih tawh avang in.


A lo nui nasa mai a, a inlet leh a, lukham lamah chuan a hmai chu phûm ṭhat leh pahin a nui dir char char a, a nuih nghawr nasat lutuk avang chuan khum te chu a che dawt dawt thei.


Kiai khum ve suk pah chuan,"A nuihzatthlâkna pawh ka hre lo ve a." Ka ti a, mahse a ni erawh a nuih a za tulh tulh emaw tih mai tur hian a la nui khur char char a, a nuih zâ lutuk tlema a zia awm hnu deuh chuan a chungah ka bawk a, a mal leh mal inkara ka mipatna la zawi hauh lo leh khawng ṭha zet chu zep lut chungin, "Katharine kan contract neihna a kan inkar daidanna kan siam hi tlema tihzâu deuh hlek chu a ngaih ka ring, ka puah darh hma ngei hian ." Ka ti a.

Mahse a ni chu a lo nui mai a, âih tih erawh a sawi lang hauh lo.

Naktuk zan erawh ka rawn dah hman ka ring lo, kan dam chuan inrinni zan ah kan in hmu leh vek dawn nia.