Tuesday, 9 July 2019

THE CONTRACT CHAPTER TWENTY THREE


THE CONTRACT CHAPTER TWENTY THREE



Edit loh dah mawl tawp mai, a tlai tawh si a, chhiar dan inlo thiam.mai dawn nia, advertise kha click hram hram leh ang aw a thei thei chuan.

RICHARD..

A kut hmawr chu fawhsak zauh pahin, "I ṭha maw?" Ka ti a.


A mitmeng dulraih tawh leh dava riai a hlimhmel tak leh meng desar sar chunga min rawn melh chho in a hmai vun chuar ve tak tawh kar aṭang a nui hmel pu a min rawn nuih var var pah chuan, "Richard Katharine hian a ngainat chhan em em che pawh mi tihdan riau i thiam vang hi a ni ngei ang." A la nuihsang danah chuan min haw lo viau tuh pawh ka hai lo, chu chu thuhran, min hriatlohna tih ang reng te kha hmuh tur a awm leh tawh hauh lo.

"Min hre leh tawh maw? Kei te chu thil tihdan hi ka zei ve hrim hrim a." Tiin lawm zet hian ka nuih khum suk a.

Richard i inzep mai mai a nih hi, thildang pawh i felna kawng chu ala tam ngawt ang."

A thusawi a min fakna awka chhuak te chu haider sakin ngai pawimawh lo awm ang zet chuan ka awm khum a, reilo te hnu ah chuan Penny pawh chu a muhil zui leh ta mai a, a muthilh chhung zawng chu a bulah chuan ngawirengin ka ṭhu ve char char a, min hre leh a ni tih ka hriat hnu kha chuan nuam ka ti in ka veng huai hian ka hre hial a, heti ang a Katharine pawh hriatloh chang a neih hian hreawm tiin a rilru pawh a hreawm ve ṭhin ngawt ang.


Kei ngei pawh hetia min hriatloh chang hian hreawm ka ti a nia, tun aṭang chuan keimah chauh a kal taqhlo in Penny ka tlawh dawn hi chuan Katharine pawh hruai ve zel tawh ila a ṭhat ka ring, a chhan chu min hmuhzin chuan min hre rei deuh mahna mahni chauh a kal pawh hi a fuh vak lo in ka hre bawk.


Office lama ka kir leh hnu chuan ka desk a file awm chu ka keu nghal a, Kenner footwear campaign kha a ni nghe nghe a,  chumi thil a ka idea ang ngei khan an ti ta a, chumi thil ah chuan a phûr awm in lawm pawh ka lawm kher mai.


Chumi thil ang chi ka ngaihtuah chhuah dang dang pawh ka buaipui nasa a, hnadang ho pawh tam tak ka buai pui bawk, ka client lah ka campaign idea pekah a lawm em em a, concept dang dang tihdan tur a tan ka chal dawm meuhin uluk zet hian ka ngaihtuah a, tukin zinga Graham nen inbiakna kan neih khan vawiin tlai chu haw hma ve turin min ti a, chuvang chuan ka desk a ka laptop chu ka khup a, a sawi dan angin vawiin lamah ka nupui chuan kan in chu engti angin nge a tih danglam.leh tak en chhin chiah i la.

Ka nupui.

Katharine.

Inneihna thutiam kan chham dun tawh hnu hian sawi chhuak kher lo mah ila inremlailawkna kan nei dun tawh niin ka hria, chu lo pawh thil tam tak nin chang ka neih ho pawh chuan min tibuai tawh ngai lo. A chhan chu engvang a chuti ang thil chu rawn thleng nge a nih leh engvang in nge a nih chhan tih ka hriat thiam tawh a vangin.


A hma ai kha chuan dawhtheihna te pawh ka nei zâwk tawh in ka hria, achhan pawh ka mizia min  hriatthiam pui vangin a ni ang.


Kan thil sawi ho ah chuan Penny chung chang te, dinner chung chang te, inchhung painting chung chang teleh games khelh ho zawng zawng kan sawi dun ṭhin chang chuan ṭhianṭha innel tak te pawh kan ni dun hial tawhin ka hria, kan thil tih kawng engkimah kan inthurual tawh ṭhin a, inhniala inphunkhum tawh ngailo in kan inṭanpui tawn tawh a, kan inhrethiam dum tawh ṭhin zawk a ni.

Ka ṭawngkam chhuak reng reng hi a hriam em em lo a, a thlum viau  bawk hek lo, a hma a ka ṭawngkam chhuak a induhna leh tihelna te kha awm tawhlo in tunah hi chuan fiamthu duh takah ka chhuak ta niberin ka in hre ta bawk, a nui ri te hi ngaihthlâk nuam ka tih tawh ang bawkin a mahnena nitin a hun hman te hi ka phur ṭhin tawh hle tih ka pha lo, chuvang chuan a lungngaih chang leh a hlimloh chang te hian a mah tihhlimna tur hlir ja ngaihtuah tawh ṭhin a, tunah chuan dinner eidun pui tur pawhin pawn lamah ka hruai chhuak ve zeuh zeuh tawh a, incheina hun a neih theihna turin leh hun nuam tak a hman theihna turin khawi khawi emaw ah dinner ei turin ka chhuah pui ṭhin tawh a, mi a ngainat theih dan ber tura awm tum in ka bei tawh ṭhin!


Tunah chuan a kut vawn sak emaw han kuah thut emaw a heh nem zet a fawhsak tih te kha ngaiah ka nei zo tawh a, a taksa nem zet mai tawh sak hi ka thlahlel tawh ngawih ngawih niberin ka inhre tawh bawk, chuti ang thil ka tih loh chuan ka awmthiam tawh lo in ka inhre mah zawk, a ni pawhin mutura ka room lam ka pan chhoh dawn hian ka chalah te emaw ka biangah emaw goodnight kiss min pe ṭhin tawh a, kei ngei pawh hian chhan awm miah lo a a heh a fawhsak emaw, a bianga fawhsak a nihloh pawhin kuah vang vang ang chi leh ka kut a a heh nulsak zauh chang ka ngah mai, chuti ang a ka tih nachhan pawh chu kei ngei oawhin a chhan leh avang sawi tur ka hre bik lo, ka ti ve tawp tawh ṭhin a ni.


Vawiin ni phei chu ka surprise dawn emaw ni le ka ti hial a, Penny tlawh puiah ka sawm ang a, chumi hnu ah khawi hmun emaw ah hruai kual lehin dinner ka eichhuah pui emaw inlamah kan pahnih tan dinner order tur ang chi in ka ti dawn emaw ni le, anihloh pawhin inlamah dinner kan kil anih chuan a film enduh ka chhuahsak ang a, kei a bulah ka mu hahdam ang a, anih loh pawhin film enturin kan chhuak dun dawn emaw ni le? ka ti rilru rauh rauh a, nge ni chuti ang ja ngaihtuah ho zawng zawng chu ṭhulh leh in engmah tilo in inah hahdam deuhin leh ngawi rengin  kan awm mai mai zawk dawn, nge ni kan tih tur amah hi ka zawt zawk ang, eng tih nge nuam a tih ber ang le? Heti ang a tihbuai deuh nak hi nuam ka tiin amah duhthlantur ka siam sak changa a hmel buai deuh nak ṭhin hi hmuhnawm ka ti tlat zel.


Kawngka ka hawng chiah Katharine chu amah chauhin a awm leh tawh lo a ni tih leh ka aw hriat ṭhan tak mai a nih avang chuan Jenna arawn kal leh tawh ngei tih ka hre nghal mai a, nuih chhuah suk pahin lem chan a hun keh ta tih chu hrilh hranpa ka ngai hauh lo.

"Katharine sweetheart." Tiin ka au chhuak chu ka lam pana phur tawk a penthawm ka hre nghal chawpchilh a, Katharine chu arawn lang nghal chawpchilh a, mi rawn kuah pahin ka nghawngah chuan a kut suih chung hian dingdihlip deuh âk âk chung hian ka hmuia arawn fawhna chuan min ṭhawng kher mai, min kuah hnai nghal a.

I ṭha maw?" A beng bulah chuan ka phun chhuak sup a.

"Jenna hian...... khawpui ri leh ṭek tla a hlau thei ve lutuk a, tunlai ruah a sur zing bawk nen, Adrian a zinbo bawk si a, chuvang chuan khawpui ri vel nen a haw a ngam lo a, kan bula rawn riah mai a rem leh rwm loh min rawn zawt a."

A thusawi zawi tak mai karah chuan warning na a tel tih ka hre nghal thuai a.

A mi rawn tihdan chu ka hrethiam ve nghal vek bawk, "I room chu....? Ngaihtuah hmel zet chuan ka zawt a.

"Yes."

"I peihfel tawh i ti em ni...?"


"Yes, peihfel vek tawh a ni e."


"Okay."


"Ka ....ka tih ani miahlo a nia." Mi vengthawng deuh tak hian a ti a.


"Its, fine."

A mah la kuah pah chung chuan ka kal sawn pui a, "Hey, Jenna."


Khirh khan tak leh felfai fak a vak thak thak ṭhin kha sofa chungah chuan hlauh avang a hmel phelh nian leh meng phelh phang chung hian a lo ṭhu niai a, a hmel chu a dâng diau a, thi ṭep tawh hmel te pawh a pu hialin ka hria.


Richard ka rawn tibuai che u hi pawi kati lutuk, ka nu leh pa te an awm bawk si lo a, Adrian a zin chhuak bawk nen, kan in lian lutuk saw a ruak huai in ka hre mai a, ka hlau tlat zel, thlipui leh ruah ka hlau bawk nen, Adrian tello phei chuan a ruak huai in ka hre ṭhin!"



A ṭhutna bula zu ṭhut thlak ve pah chuan ka kutin a mal chu ka bensak thup a, "Eng kim a ṭha vek e, i rawn kal a kan lawm mah zawk a sin." Tiin ka chháng a.


"Katharine ka rawn phone khan vawiin lamah engmah tihtur innei lo in ka hria a, ka rawn tihbuai loh hram che u ka beisei."


"Tibuai lo e, engmah a ni lo, vawiin phei chu ka lu a nat deuh avangin inlamah kan awm dun mai mai ang chu ka lo ti hrim hrim a." Ka rilru erawh sawi chhuah chi ah ka ngai tawh lo.


 A kut vawt deuh thlar chuan ka kut chu rawn hmer ve vang vang pahin, "Ka lawm lutuk e, Richard."


Ka ding chhuak a, "A pawi hleinem, kei pawh ka han inthlâk ang e, shower hman te pawh ka duh."


"Tylenol ka rawn lak sak dawn che em niang?" Katharine chuan ti ve in, "Richard i lang dáng tlat, i nuamsam vaklo niin ka hria, i ṭha tih hi i chiang chiah maw?"


"A ngailo ang, ka han mulum deuh ang a, ka ṭha leh mai ang."

"A nih chuan i sin turin puanlum ka rawn lâk sak ang che." Katharine bawk chuan a rawn ti leh a.


A chala fawhsak zauh chung chuan, "Ka lawm lutuk e."


Inchunglam a chhoh pah chuan Katharine room lam chu ka thlek pah zuai a, a room chu guest room ang maiin a lo fai diak a, a furniture chah te alo la thleng lo bawk a, engmah a bungrua pawh hmuh tur a awm lo, Jenna tan pawh a hrilhai thlâk viau ang em ka ti deuh a, mahse a ma thil arawn keng ve tho a vangin chung thil te nen chuan a awm theih tho ka ring, ka room ka han lut chiah mai chu hmun tin maiah chuan Katharine thil hlir hian a lo khat a, han hawi ila khawi laiah pawh mai chuan a thil chu a awm mai a, a nighty te thleng mai chuan ka khumah hmuh turin a awm bawk a, Penny lemziah te leh a thlalâk ṭhenkhat te thleng mai chuan roomah hmuhturin a awm a.


Ka table ruak hiau ṭhin te pawh chu Katharine lehkhabu leh thil eng eng emaw in a khat vek tawh a, ka dressing table thleng pawh chuan Katharine hman ṭhin a perfume rim light zet teleh a makeup hman ṭhin chuan a lo khat vek tawh bawk a, a lotion hman ṭhin lipstick tih angreng compack tih thleng mai chuan a awm del dul a, chung thil ho zawmg zawng chu tun hma zawng a a hman ngailoh thil a ni.


Ka dressing table hnuai drawers awm phei chu en pawh en duhlo in Katharine thawmhnaw vekin a khah tawh ka ring. Ka closet ka hawn chuan a hma ni a athawmhnaw rawn dah chu a ngai ang angin a awm a, bathroom ka luh chuan ka brush awmna bulah a brush pawh hmuh turin a awm tawh a, counter lamah pawh chuan a shampoo hman ṭhin shower gel, conditioner, cream te in a khat vek bawk, chuti ang em em a ahan che rang mai chu tornado(ṭhawngaleivir) ang maiin a che a niang, a room ve pakhat ni ve hrim ang mai hian ka hria.





Shower ka hmang zo ka chhuak chu Katharine chuan min lo nghâk tih ka va hmu a, kawng min lo kian nghal thuai bawk a, ka inthlâk fel hnu chuan, "Heti ang thil ti tur hian hun engti ang chiah nge i neih a?" Tiin zawi deuh tak hian ka zawt a.



"50 minutes vel a ni maithei, box ṭhen khat te kha hu pack felin ka la dah a, chung ho chu pack ṭhat leh ngailo in.ka chawi sawn zung zubg theih phah a, min rawn phone lai khan ṭap chungin a rawn ngen bawk nen, sawi tur pawh hre lo in a rawn kal chhungin ka theih anga rangin ka che ta zing zung a, phone a min rawn biak lai khan pawnah ka awm thu leh chhân ngaihna ka hriat loh thu in ka lo chhâng bawk a, aih ti lahin ka chhâng thei bawk lo nen."

"I ti theilo ngei ang le." Hriatthiam hmel tak chung chuan ka ti ve a.


"Ka thil lo tihdanah hian pawi i ti em?"


"Hmm." Ti a thâwk deuh huai pahin, "Pawi lo e, a ṭha a lawm."


"Thank God." A thaw chhuak ve halh a, "I khum chu king size a ni bawk a, alian ṭha khawp mai, nang a sir lamah i mu ang a, kei pawh a kil lamah ka mu ang a, kan inkar pawh kan dah awl zau thei khawp ang, tihbuai loh hram che ka tum dawn nia." Damdawi dahna lam pan in ka damdawi ei tur chu min lal sak nghal a.

"A ṭha a lawm, zan in chu ka thaw ri pawh i hre hnai thei tawh ang chu." Nuih chhuah hawk hawk pah chuan ka ti ve a.

Mit meng bial kawl kawl khawpin min en chho a, kei lah chu ka nuih a za lutuk ringawt.


Heti ang room buaipui felna lamah chuan a rilru a pe zawk a ni ngei ang a, ka bulah mut a ngai dawn tih lam pawh a ngaihtuah lo in ka ring, ka damdawi ei tur min rawn pek chu tui nen ka lo ei a, "Zanin i thil rawn dah luh hnawk nei nuai zingah pawh hian khum ah chuan lung chim takin kan mu dun thei ang chu maw."


"Khum lama mut dun hlir ngaihtuah suh!" Ti a mi chhângin min melh hrâk nghal a.


 "Thlakhat chhung ngawt i in controll luih ve tawh tho kha aw." Ka ṭhen khum pah ṭhaw a.


Min melhrum nghal ngang mai, min melhrum avang chuan kei lah chuan ka kut ṭangin a heh chu ka va nul sak zauh a, "Han ngaihtuah chiang ve chhin teh, i inchhir bìk hauh lo ang." Tiin ka phun khum.pah sup a.


Ka mut chhuak tawh lutuk chu ka zi ṭalh ṭah a, a ni erawh a thin ala rim kher mai, a mal ben thak pah hian, "I lu na leh lem chan thiamloh lutuk khuh che tumin keiin ka bei a, nanglah chu heti ang mai mai mutdin chung changah i buai ve em em a, a hma i mize pangngaiah khan i kir lwh tawh niin ka hria." Tum deuh bar chung hian a ti ve hmak a.


Ka mut chhuak lutuk tawh chu ka ding ṭa thei tawh lo; khum lamah chuan ka muthla ta nghal a, puan lum chuan min rawn khuh nghal a.


"Ka theihtawp chu chhuah ka tum ve a lawm." Ti a ka chhâng zo chiah ka hmui a min rawn fawh zauhna chuan min ṭhawng kher mai.


La kun reng chung chuan a min fawhna a heh chu a la sawn a, ka beng bul lamah chuan thle pheiin, "Go f*ck your self VanRyan." Tiin a phun zui sep a.


A thusawi mi ngei avanga sawi a ni lo a, awmzia a awm lo tih kan hriat dun chuan kan innuih tawn ta ringawt a, kan nui ri chu a eing vak lemlo a chu room chhung erawh a luahkhat hneh tho ang.


"Han mu hahdam deuh phawt la, nakinah zanriah kil turin ka rawn ko dawn che nia."


A inher tur tak chu a kutah lo man sakin ka fawh sak ve zuai a.


A rawn inher let leh a, ka chhipsama rawn chul zauh pahin, "I sawi dan ang i va nih loh hmel ve a, i zawi nghal der in ka hria." A nui pah rah rah a.

Ka mit chu khap khum zauh pahin, "Nangma diklohna vek a nih hi!" Ka ohun chhuak ve sup a.


"Ka hria a lawm." Kawngka lam pan pah chuan min chhâng let a, kawngka chu a khar phui ta nghal a.

2 comments:

  1. Seductive kha ka chhiar duha adang hi engtin nge ka endon

    ReplyDelete
  2. 28 thleng chiah ka la dah a, a dang chu ka thawnthu kal lai zawh ah hian ka zawm leh ang, i chhiar duh chuan a chunga serch awmah hian i thawnthu duh hming kha type la, a rawn lang vek mai ang.

    ReplyDelete

IT'S JUST AN ILLUSION CHAPTER 46

IT'S JUST AN ILLUSION CHAPTER 46 Jonas chu inhnuai lamah a silai hum ran chung chuan fimkhur zetin a chhuk thla a, H...